16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Маладзейшыя пакаленьні менш рызыкуюць захварэць на дэмэнцыю, сьведчыць дасьледаваньне
https://smarturl.click/QbdXY
Дасьледчыкі сьцьвярджаюць, што людзі, народжаныя адносна нядаўна, асабліва жанчыны, маюць меншую рызыку захварэць на дэмэнцыю ў тым жа веку, што і іхныя дзядулі й бабулі, і гэты трэнд больш выяўляецца ў жанчынаў.
Матольку налічылі віны на 118 гадоў, але далі толькі 20. Ён расказаў, колькі за што
https://smarturl.click/XDL2l
Засуджаны да 20 гадоў калёніі блогер Антон Матолька апублікаваў у Фэйсбуку дэталі прысуду, які завочна вынес яму Горадзенскі абласны суд.
Што варта ведаць пра падзеі ў Беларусі 4 чэрвеня
▪️У Беларусь прыехаў патрыярх Кірыл. Што вядома пра яго, ягоныя багацьці і падатковы псэўданім
▪️У баях на Данеччыне ва ўкраінскі палон трапіў яшчэ адзін беларус. Цяпер абмену чакаюць 8 грамадзян Беларусі
▪️КДБ правёў ператрусы ў дамах удзельнікаў сацыялягічных апытаньняў Беларускай аналітычнай майстэрні, ёсьць затрыманыя
▪️Стала вядома пра затрыманьне былой журналісткі Ціны Палынскай і яе дачкі
▪️Зьезд Эўрапейскай фэдэрацыі журналістаў у тэрміновай заяве запатрабаваў вызваленьня журналістаў з турмаў Беларусі
▪️Эстонія выйшла з пагадненьня пра двайное падаткаабкладаньне зь Беларусьсю
▪️Лукашэнка вярнуўся з Пэкіну. Што ён адтуль прывёз? Тлумачэньне кітаіста Чыгадаева
▪️Экскаватарам па карчме. Як у Заслаўі рыхтуюцца да абласных Дажынак
▪️Люстрацыя для Качанавай, сілавіка ці дробнага чыноўніка? Выслухалі аргумэнты стваральнікаў канцэпцыі люстрацыі і яе крытыкаў
Як выглядаюць расейcкія авіябазы «Аленья» і «Белая» пасьля атакі ўкраінскіх бесьпілётнікаў. Спадарожнікавыя здымкі
https://smarturl.click/0BjnL
Сьвежыя спадарожнікавыя здымкі кампаніі Maxar паказваюць наступствы ўкраінскай атакі бесьпілётнікаў на вайсковыя аэрадромы «Аленья» у Мурманскай і «Белая» у Іркуцкай вобласьцях Расеі 1 чэрвеня.
Ціханоўская прапанавала Літве прыняць сумесную дэклярацыю пра гістарычную спадчыну
https://smarturl.click/zdl8Z
Дэклярацыю аб гістарычнай спадчыне, якую маглі б падпісаць прадстаўнікі літоўскіх і беларускіх палітычных партый і грамадзкіх арганізацый прапанавала беларуская дэмакратычная лідэрка Сьвятлана Ціханоўская, выступаючы 4 чэрвеня на паседжаньні дэпутацкай групы «За дэмакратычную Беларусь» Сейма Літвы.
Пракамэнтаваць магчымы зьмест мэмарандуму Свабода папрасіла дарадцу Ціханоўскай у канстытуцыйнай рэформе Анатоля Лябедзьку.
У Беларусь прыехаў патрыярх Кірыл. Што вядома пра яго, ягоныя багацьці і падатковы псэўданім
https://smarturl.click/5ZMyp
У аэрапорце Менску яго сустрэлі мітрапаліт Веньямін, духавенства, пасол Расеі Барыс Грызлоў, віцэ-прэм'ерка Натальля Пяткевіч і ўпаўнаважаны ў справах рэлігій і нацыянальнасьцяў Аляксандр Румак, паведамляе прэс-служба патрыярха Маскоўскага і ўсяе Русі.
Стала вядома пра затрыманьне былой журналісткі Ціны Палынскай і яе 22-гадовай дачкі Маргарыты
https://smarturl.click/3QMnp
Яны ў віцебскім СІЗА.
Падрабязнасьці абвінавачаньня не раскрываюцца.
Праваабаронцы мяркуюць, што справа можа быць зьвязаная з рашэньнем КДБ прызнаць Беларускую аналітычную майстэрню прафэсара Андрэя Вардамацкага «экстрэмісцкім фармаваньнем».
Тым часам журналіста зь Берасьця будуць судзіць за супрацоўніцтва з БАЖ. Справа ўжо ў судзе.
У баях на Данеччыне ва ўкраінскі палон трапіў яшчэ адзін беларус. Цяпер абмену чакаюць 8 грамадзян Беларусі
https://smarturl.click/e0Ll9
У часе найбольшага за апошні час абмену Ўкраіна перадала Расеі трох палонных беларусаў. Цяпер яшчэ 8 застаюцца ва ўкраінскім палоне.
У траўні каля паселішча Пятроўка Данецкай вобласьці на пакроўскім кірунку ва ўкраінскі палон трапіў грамадзянін Беларусі Сяргей Кузьменка, які ваяваў на баку Расеі. З улікам яго ва ўкраінскім палоне цяпер 8 беларусаў, якія ваявалі за Расею. Прыводзім поўны сьпіс.
Трамп павысіў мыта на імпарт сталі і алюмінію ў два разы — з 25 да 50%
https://smarturl.click/ZXL9O
На думку прэзыдэнта ЗША, падвышэньне тарыфаў «забясьпечыць вялікую падтрымку гэтым галінам і зьнізіць або ліквідуе пагрозу нацыянальнай бясьпецы, якая зыходзіць ад імпарту вырабаў са сталі і алюмінію, а таксама іх вытворных».
У Заслаўі ўлады рыхтуюцца да абласных Дажынак — у запаведнай зоне масава зносяць будынкі, якія раней былі ў сьпісе гісторыка-культурных каштоўнасьцяў.
https://smarturl.click/Qbd2w
Пагаварылі з экспэртам у ахове спадчыны пра тое, якія законы парушаныя і навошта гэта робіцца.
«Унікальныя драўляныя дамы, старая карчма і аптэка былі неабходныя, каб захаваць аблічча Заслаўя. Іх незаконна пазбавілі ахоўнага статусу. Разьвязалі рукі мясцовым уладам, і пачалося зьнішчэньне гісторыка-культурных каштоўнасьцяў ня толькі ў Заслаўі, а паўсюль»Читать полностью…
Ужо сёньня: дзень памяці Язэпа Варонкі і Юрася Бушлякова
4 чэрвеня 1952 году ў Чыкага памёр Язэп Варонка, першы прэмʼер і міністар замежных спраў ураду БНР.
У гэты ж дзень у 2013 годзе пайшоў з жыцьця Юрась Бушлякоў (на здымку), беларускі мовазнаўца, супрацоўнік беларускай рэдакцыі Радыё Свабода. Адзін з суаўтараў кнігі «Беларускі клясычны правапіс».
Больш падзей гэтага дня ў гісторыі чытайце ў матэрыяле «Ўжо сёньня»: https://smarturl.click/L3apA
Каманда офісу Ціханоўскай згуляе ў футбол з дэпутатамі літоўскага Сейма ў падтрымку беларускіх палітвязьняў
https://smarturl.click/qBjY9
«Галоўная мэта — выказаць падтрымку людзям у Беларусі, якія апынуліся за кратамі, бо казалі праўду», — напісаў у сваім тэлеграм-канале Франак Вячорка.
Асноўнае за 3 чэрвеня: што варта ведаць, пра што пачытаць
▪️Блогера Матольку завочна пакаралі 20 гадамі пазбаўленьня волі
▪️МЗС Беларусі заявіў, што Менск адкрыты да дыялёгу з адміністрацыяй Трампа на ўсіх кірунках. Што стаіць за гэтай заявай? Тлумачаць Мажэйка і Кавалеўскі
▪️«Вясна»: у траўні выйшаў на волю як найменш 51 палітвязень, 42 зь іх — па памілаваньні
▪️У Маскве прызналі «экстрэмісцкай» кампанію-пераемніцу Wargaming у Беларусі і Расеі
▪️Шатляндзкі рок-гурт, у якім грае беларус, прасьпяваў, натхніўшыся вершам Купалы
▪️Камандуючым сіламі NATO ў Эўропе можа стаць нашчадак беларускіх імігрантаў у ЗША
▪️Два тунэлі, пераезд Купалаўскага ў офіс ГУБАЗіКу, пешаходны мост у Траецкае. Што зьбіраюцца рабіць з старым Менскам
▪️Наўроцкі падаваўся беларускай прапагандай як выратавальнік Польшчы, — мэдыяэкспэрт Быкоўскі
«Вясна»: у траўні выйшаў на волю як найменш 51 палітвязень, 42 зь іх — па памілаваньні
https://smarturl.click/4Om2Y
На сёньня ў Беларусі, паводле праваабаронцаў, 1183 палітвязьні , іх колькасьць павялічваецца амаль штотыднёва. Пры гэтым кожны месяц некалькі дзясяткаў палітвязьняў выходзяць зь месцаў зьняволеньня або па заканчэньні тэрміну, або пасьля суду да пачатку адбыцьця пакараньня.
Зь Беларусі спрабавалі нелегальна ўвезьці ў Латвію драўніны амаль на мільён эўра
https://smarturl.click/y65zR
Матэрыялы пра нелегальны ўвоз накіравалі ў пракуратуру Латвіі. Зьвесткі і доказы ў справе сабраў Дэпартамэнт падатковай і мытнай паліцыі Службы дзяржаўных даходаў.
Што Лукашэнка прывёз з Пэкіну? Тлумачэньне кітаіста Чыгадаева
https://smarturl.click/w4wZA
2 чэрвеня Аляксандар Лукашэнка паляцеў у Кітай, 4 чэрвеня вярнуўся ў Менск. Паведамлялася пра ягоную сустрэчу зь «дзелавымі коламі» і са старшынём КНР Сі Цзіньпінем. Якія вынікі візыту Лукашэнкі? Як яго прымалі ў Пэкіне? Ці раўнуе Пуцін Лукашэнку да Сі?
На гэтыя пытаньні Юрыя Дракахруста адказвае кітаіст, магістрант кірунку «Кітайскія дасьледаваньні» Ляйпцыгскага ўнівэрсытэту Аляксей Чыгадаеў.
Бацька непаўналетняй школьніцы, якая памерла ў Ельску, падаў заяву ў міліцыю
https://smarturl.click/kZgQy
Дзяўчынка памерла ў ельскай лякарні 17 траўня, што выклікала вялікі розгалас у сацыяльных сетках. Сьледчы камітэт нават пагражаў людзям адказнасьцю за камэнтары. А цяпер ейны бацька напісаў заяву ў міліцыю, патрабуючы разабрацца ў абставінах сьмерці дачкі.
Лукашэнка запрашае ў Беларусь папу з Ватыкану, але прыяжджае патрыярх з Масквы
У Менск прыляцеў патрыярх Расейскай праваслаўнай царквы Кірыл (Гундзяеў). Хто азначае гэты візыт? Разьбіраем у відэа.
Эстонія выйшла з пагадненьня пра двайное падаткаабкладаньне зь Беларусьсю
https://smarturl.click/aRzob
Урад Эстоніі дэнансаваў пагадненьне зь Беларусьсю аб прадухіленьні двайнога падаткаабкладаньня і папярэджаньні ўхіленьня ад падаткаў.
Зяленскі: расейскі мэмарандум Украіна не ўспрымае сур’ёзна
Ён падкрэсьліў, што патрабаваньні Расеі зьяўляюцца ўльтыматыўнымі і ня могуць быць задаволеныя.
Зяленскі зноў прапанаваў спыніць агонь без папярэдніх умоваў. Ён дадаў, што гэтаму магла б наступнічаць сустрэча лідэраў дзьвюх краін, магчыма пры пасярэдніцтве ЗША.
Улады Украіны доўгі час пазьбягалі размоваў аб магчымасьці перамоваў з Пуціным, а Зяленскі нават падпісаў указ аб забароне такіх перамоваў. Пазыцыя была скарэктаваная, верагодна, пад уплывам ЗША, якія настойваюць на наўпроставых перамовах Украіны і Расеі.
https://smarturl.click/aRzoX
🇰🇬 У Кіргізстане завочна асудзілі яшчэ аднаго былога прэзыдэнта — за карупцыю і арганізацыю беспарадкаў
https://smarturl.click/8pd1b
Алмазьбека Атамбаева абвінавацілі ў забойстве, арганізацыі беспарадкаў, пагрозах прадстаўнікам улады, незаконным абарачэньні зброі, перашкодзе сьледзтву, захопе закладнікаў, замаху на забойства, а таксама ў карупцыі.
Люстрацыя для Качанавай, сілавіка ці дробнага чыноўніка? Выслухалі аргумэнты стваральнікаў канцэпцыі люстрацыі і яе крытыкаў
https://smarturl.click/qBj9d
3 чэрвеня ў Офісе дэмакратычных сілаў у Таліне прэзэнтавалі распрацаваную Офісам Сьвятланы Ціханоўскай канцэпцыю «Люстрацыя для Беларусі». Паводле дакумэнту, у беларускай дзяржаве ў будучыні прапануецца правесьці люстрацыю праз самадэкляраваньне.
Пагутарылі з адным з распрацоўнікаў канцэпцыі «Люстрацыя для Беларусі» Анатолем Лябедзькам, а таксама выслухалі крытычную думку прадстаўніка ByPOL Аляксандра Азарава пра гэты дакумэнт. Трошкі іншым падыходам падзяліўся сьпікер Каардынацыйнай рады Арцём Брухан.
Усе трое суразмоўцаў Свабоды ў розныя часы пайшлі ў апазыцыю з розных пасадаў ва ўладзе.
КДБ правёў ператрусы ў дамах удзельнікаў сацыялягічных апытаньняў Беларускай аналітычнай майстэрні, ёсьць затрыманыя
https://smarturl.click/OLGk8
Беларуская аналітычная майстэрня — незалежная сацыялягічная і аналітычная ініцыятыва, заснаваная ў 2012 годзе ў Варшаве Андрэем Вардамацкім (на фота).
Падчас ператрусаў канфіскоўвалі тэхніку: кампутары, ноўтбукі, тэлефоны.
16 траўня КДБ прызнаў «Майстэрню» «экстрэмісцкім фармаваньнем».
На прапанову Лукашэнкі прадстаўнікі канфэсій выбралі духоўныя цэнтры па-за Менскам
«Хай у Менску вашыя прадстаўніцтвы будуць, якія сёньня ёсьць. У каго іх няма — можа быць, нам трэба падумаць і дапамагчы іх пабудаваць. А вось цэнтры, куды могуць прыехаць свабодна людзі, не штурхаючыся адно з адным, павінны быць», — сказаў Лукашэнка ў лютым.
Лукашэнка ў Пэкіне сустрэўся зь Сі Цьзіньпінам
https://smarturl.click/WRyg6
Аляксандар Лукашэнка 15-ы раз наведвае Кітай за апошнія 30 гадоў.
Сустрэча адбылася ў доме кітайскага кіраўніка, і Лукашэнка падзякаваў Сі Цьзіньпіну «за дружалюбнасьць», перадае дзяржаўнае беларускае агенцтва БелТА:
«Яно падкрэсьлена тым, што вы запрасілі мяне ў свой дом... Вы вельмі правільна адзначылі асноўную асаблівасьць цяперашняга часу — беспрэцэдэнтны ціск з боку Захаду на нас, перш за ўсё на Кітай. І сёньня погляды многіх дзяржаў, як і Беларусі, зьвернуты да вас, у Пэкін».
Лукашэнка заявіў, што «Кітай вытрымаў і не дазволіць зламаць сусьветны парадак».
Як жывуць горад Гарадня і вёска Ягаднае, што перажылі расейскую акупацыю ў 2022?
Гэтыя населеныя пункты ўбачылі дэманстрацыю сілы расейскага войска. Праўда, ужо неўзабаве калёну тэхнікі, якая праехала тут, моцна разьбілі ўкраінскія абаронцы. Але бяды і шкоды мясцоваму насельніцтву расейцы нарабілі ўдосталь. 400 чалавек месяц вымушана жылі ў падвале школы, а дарогі па сёньня замінаваныя. Падрабязнасьці ў відэа.
🇬🇪 Грузія абяцае выдаваць спрошчаны ВНЖ замежным айцішнікам
https://smarturl.click/JndLv
Ён будзе выдавацца працоўным мігрантам, якія працуюць у сфэры інфармацыйных тэхналёгій, як па найму ў міжнародных кампаніях, так і тых, хто маюць статус «малога бізнэсу» ў Грузіі, а таксама членам іх сем'яў.
У Беларусі за год выдалі рэкордна нізкую колькасьць патэнтаў на вынаходніцтвы
https://smarturl.click/5ZMB0
У 2024 годзе ў Нацыянальны цэнтар інтэлектуальнай уласнасьці (НЦІУ) паступілі 303 заяўкі на выдачу патэнтаў на вынаходніцтвы. Гэта мінімальная колькасьць за ўвесь даступны пэрыяд вядзеньня статыстыкі, піша @belrynok
Што стаіць за заявай МЗС пра гатоўнасьць да дыялёгу з ЗША? Тлумачаць Мажэйка і Кавалеўскі
https://smarturl.click/kZglR
Заява афіцыйнага Менску пра дыялёг з ЗША — насуперак Маскве ці на яе загад? Чаму «вялікая зьдзелка» Трампа з Лукашэнкам не рэалізавалася? Абмен скасаваньня санкцыяў на вызваленьне палітвязьняў — гэта было б на карысьць ці на шкоду Беларусі?
На гэтыя пытаньні адказваюць палітычны аналітык Вадзім Мажэйка і былы дыплямат, кіраўнік Агенцтва Эўраатлянтычнага супрацоўніцтва Валер Кавалеўскі.
Шатляндзкі рок-гурт, у якім грае беларус, прасьпяваў па-ангельску песьню на верш Янкі Купалы
https://smarturl.click/DYXpe
Беларус Віталь С., які жыве ў Шатляндыі — бубнач панк-гурту The Red Lite District. Ён перапрацаваў па-ангельску верш Янкі Купалы «Ня быць скотам», на які музыкі з Глазга запісалі кліп.
The Red Lite District — панк-гурт з Глазга, які складаецца з чатырох чалавек. За апошнія пяць гадоў гурт запісаў восем альбомаў. Бубначом у ім грае малады беларус родам з Горадні.
На выяве кадр з кліпу гурта