16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Беларусь — найбольш небясьпечная для журналістаў краіна Эўропы
Канстытуцыя Рэспублікі Беларусі гарантуе «свабоду слова», але пра тое, як выконваецца гэты пункт Асноўнага закону, можна меркаваць зь месца, што займае дзяржава ў міжнародным сьпісе свабоды прэсы. Пра гэта — відэа Свабоды.
Трох мужчынаў асудзілі да 25 гадоў калёніі за спробу падрыву чыгуначнага саставу на Талачыншчыне
https://smarturl.click/E1enZ
У «справе аб спробе падрыву чыгуначнага саставу ў Талачынскім раёне» судзілі трох чалавек. Беларусаў Івана Бародзіча і Барыса Пухальскага і ўкраінца Івана Ліхалата. Прысуд выносіла судзьдзя Анжэла Касьцюкевіч, даўно вядомая актыўным удзелам у палітычна матываваных судах.
Былая журналістка Натальля Судлянкова, якую ў Чэхіі абвінавацілі ў супрацы з ГРУ, выехала ў Расею.
Судлянкова зрабіла гэта ў чацьвер, 1 траўня, — у апошні магчымы дзень, які яна атрымала ў рамках распараджэньня аб дэпартацыі.
https://smarturl.click/ReA4v
Раней у інтэрвію чэскаму выданьню Seznam Zprávy яна казала, што разглядае тры варыянты, куды пераехаць з Чэхіі, — у Беларусь (найменш верагодна), а таксама — у Расею ці Ўзбэкістан.
Амэрыканскі рок-гурт R.E.M. выпусьціў рэмікс свайго хіта ў падтрымку Радыё Свабода/ Радыё Свабодная Эўропа.
«Гэта невялікі ўнёсак, які мы маглі б зрабіць у падтрымку свабоды слова і асабліва якаснай журналістыкі», — распавёў лідэр гурта Майкл Стайп у інтэрвію CBS Mornings.
У Грузіі зьмяншаецца колькасьць беларускіх мігрантаў
https://smarturl.click/Gg61E
За 2023-24 гады колькасьць беларускіх грамадзянаў у Грузіі зьменшылася больш чым на тысячу. Што яшчэ гавораць лічбы?
Ад заўтра ў Беларусі 8-ы раз вырастуць цэны на аўтамабільнае паліва
Цэны зноў павялічацца на 2 капейкі. З 15 сакавіка яны агулам вырасьлі на 16 капеек — гэта будзе апошняе падаражэньне з раней анансаваных «Белнафтахімам».
Судзьдзя не адказаў Бяспалаву, але зь ім зьвязваўся невядомы
Сяргей Бяспалаў, камэнтуючы Свабодзе прысуд, сказаў, што вырак для яго чаканы і ён нават больш мяккі, чым магло б быць:
«Яны зьменшылі штраф зь 10 мільёнаў даляраў да 13 тысяч і далі толькі 18 гадоў зьняволеньня, хоць маглі пакараць тэрмінам да 20 гадоў. Я ня меў з судом, сьледчымі ці адвакатамі ніякіх зносінаў. Хоць я рэальна хацеў пагутарыць з судзьдзём, знайшоў яго кантакты, званіў і пісаў яму ў тэлеграм. Але ён не адказаў», — кажа блогер.
Блогера Сяргея Бяспалава завочна асудзілі на 18 гадоў зьняволеньня
https://smarturl.click/B4629
Судзьдзя Аляксандар Рыбакоў, вядомы прысудамі шэрагу палітвязьняў, завочна беларускаму блогеру, стваральніку тэлеграм-каналу «Мая краіна Беларусь» Сяргею Бяспалаву 18 гадоў пазбаўленьня волі і штраф у 42 тысячы рублёў. Яму інкрымінавалі 10 артыкулаў Крымінальнага кодэксу.
Савет рэспублікі прыняў законапраект аб амністыі. Карупцыянэрам палёгка будзе, палітвязьням — не
https://smarturl.click/DYa80
Сталі вядомыя новыя дэталі праекта закона аб амністыі да 80 годзьдзя перамогі ў вайне.
Прапанавана скараціць тэрмін пакараньня на адзін год асобам, якія зьдзейсьнілі карупцыйныя злачынствы, асобам, якія ўчынілі злачынствы, зьвязаныя з незаконным абаротам наркатычных сродкаў, а таксама што амністыя закране і катэгорыю асоб, якія асуджаныя за алімэнты.
Але амністыя не прымяняецца да асобаў, якія маюць дачыненьне да так званай экстрэмісцкай і тэрарыстычнай дзейнасьці.
Апошні пункт, відавочна, разьлічаны на палітычных вязьняў, якіх несправядліва ўносяць у такія сьпісы.
На фота будынак Савету Рэспублікі.
Беларусь займае 166-е месца са 180 у сусьветным рэйтынгу свабоды прэсы за 2025 год ад «Рэпартэраў бязь межаў»
https://smarturl.click/aRJ0q
У параўнаньні з 2024 годам Беларусь паднялася ў рэйтынгу на адну пазыцыю, абагнаўшы Расею. У папярэднія гады Беларусь была вышэй у рэйтынгу.
На старонцы, прысьвечанай Беларусі, гаворыцца, што ў гэтай «самай небясьпечнай краіне Эўропы для журналістаў да ўварваньня Расеі ва Ўкраіну» працягваюцца масавыя рэпрэсіі супраць незалежных СМІ і што Беларусь — адзін зь лідэраў па колькасьці зьняволеных журналістаў у сьвеце і адметная тым, што за кратамі там — вялікая колькасьць жанчын-журналістаў.
Паміж талерантнасьцю і ксэнафобіяй
https://smarturl.click/L3YkX
Беларусаў абурыла навіна пра магчымы прыезд 150 тысяч пакістанцаў у Беларусь. Гісторык і псыхоляг патлумачылі, чаму такая рэакцыя і ці можна лічыць беларусаў талерантнай нацыяй.
На фота 2021 году Лукашэнка выступае перад мігрантамі падчас наведваньня транспартна-лягістычнага цэнтру «Брузгі» на беларуска-польскай мяжы
У Нарвэгіі да Дня свабоды прэсы выдалі газэту з артыкулам беларускага журналіста Дзяніса Івашына
https://smarturl.click/ReAyb
Нарвэская гандлёвая сетка Narvesen прымеркавала да Ўсясьветнага дня свабоды прэсы выпуск газэты, якая цалкам складаецца з артыкулаў, забароненых да публікацыі ў краінах іх паходжаньня. Выпуск падрыхтаваны ў супрацы з Нобэлеўскім цэнтрам міру.
Ва Ўкраіне стралялі ў грамадзкага дзеяча і валянтэра Сяргея Сьцярненку
https://smarturl.click/Y3zBa
Валянтэр не ўдакладніў, дзе менавіта адбыўся напад. У выніку ён атрымаў траўмы і ўжо перанёс апэрацыю. Гэта ўжо ня першы замах на жыцьцё адэсіта.
Здымак СБУ
У Магілёве хочуць пабудаваць новую царкву РПЦ. Дзеля яе зьбіраюцца зьнішчыць ладную частку Пячорскага парку
https://smarturl.click/L3YVX
Тэрыторыя знаходзіцца пад аховай, але нормы для пабудовы новай царквы могуць зьмяніць.
У Віцебску зноў гарэў гандлёвы цэнтар
Падрабязнасьці: https://smarturl.click/20qyW
Гэта ўжо другі пажар у гандлёвым цэнтры ў Віцебску за апошнія месяцы. Папярэдні быў 13 сьнежня 2024 году ў ГЦ «Беларусь». Тады было шмат пацярпелых.
Галоўнае за 2 траўня
📌Трох мужчынаў асудзілі да 25 гадоў калёніі за спробу падрыву чыгуначнага саставу на Талачыншчыне
📌Сьледам за бульбай у Беларусі дэфіцытнай стала цыбуля
📌Былая журналістка Натальля Судлянкова, якую ў Чэхіі абвінавацілі ў супрацы з ГРУ, выехала ў Расею
📌Беларусь па-ранейшаму ў канцы сусьветнага рэйтынгу свабоды прэсы
📌Расея зноў ударыла па Ўкраіне дронамі, у Запарожжы атакавалі лякаматыварамонтны завод, дзясяткі параненых
📌У Латвіі прапанавалі забараніць паездкі ў Беларусь дэпутатам і супрацоўнікам парлямэнту
📌Паміж талерантнасьцю і ксэнафобіяй. Гісторык і псыхоляг тлумачаць, чаму беларусаў абурыла навіна пра 150 тысяч пакістанцаў
📌Гурт R.E.M. выпусьціў рэмікс свайго хіта ў падтрымку Радыё Свабода/ Радыё Свабодная Эўропа
📌Што абмяркоўвалі Лукашэнка і Пуцін у Валгаградзе. Вынікі тыдня ад Карбалевіча
Што абмяркоўвалі Лукашэнка і Пуцін у Валгаградзе. Вынікі тыдня ад Карбалевіча
У Беларусі абвясьцілі амністыю, але не для ўсіх. Вызваленьне грамадзяніна Беларусі і ЗША Юрася Зянковіча стала беспрэцэдэнтнай падзеяй. На Радаўніцу Лукашэнка зьлётаў да Пуціна.
Галоўныя падзеі тыдня ў аглядзе палітычнага аглядальніка Свабоды Валера Карбалевіча.
ВІДЭА: https://youtu.be/9jgiJZB1EwA
Беларусь апярэдзіла Расею па пастаўках гарэлкі ў Кітай
https://smarturl.click/0Be5m
За першыя тры месяцы 2025 году беларускія вытворцы адправілі ў Кітай 386 тонаў гарэлкі. А хто яшчэ ў лідэрах?
Блогера Лапшына затрымлівалі ў аэрапорце Ерэвану на запыт уладаў Беларусі. Падобныя затрыманьні могуць чакаць і беларусаў
https://smarturl.click/Y3zMv
🇦🇲 У Генэральнай пракуратуры Армэніі блогеру Аляксандру Лапшыну патлумачылі, што ў Менску прымяняюць тактыку «юрыдычнага тэрарызму». Гэта можа чакаць і грамадзянаў Беларусі, пагатоў падобныя выпадкі ўжо здараліся.
Беларусь па-ранейшаму ў канцы сусьветнага рэйтынгу свабоды прэсы
https://smarturl.click/aRJ0q
Беларусь займае 166-е месца са 180 у сусьветным рэйтынгу свабоды прэсы за 2025 год. Але пры гэтым у суседняй Расеі становішча яшчэ горш.
У ФРГ прызналі праваэкстрэмісцкай партыю «Альтэрнатыва для Нямеччыны». Яе дэпутаты маюць сувязі зь Беларусьсю
https://smarturl.click/vdwMw
Рашэньне прызнаць партыю «Альтэрнатыва для Нямеччыны» (AfD) праваэкстрэмісцкай арганізацыяй на фэдэральным узроўні тлумачыцца экстрэмісцкім характарам партыі, якая «грэбуе чалавечай годнасьцю».
У пачатку красавіка ў Беларусь прыяжджаў сябра партыі Ульрых Зінгер, а дэпутат AfD ад фэдэральнай зямлі Саксонія Ёрг Дорнаў мае бізнэс у Беларусі — на ягонай плянтацыі цыбулі пад Лідай працавалі палітвязьні.
Сьледам за бульбай у Беларусі дэфіцытнай стала цыбуля
https://smarturl.click/5ZOQB
На брак у крамах таннай беларускай цыбулі пачалі скардзіцца ў сацыяльных сетках пакупнікі.
Як вынікае з інфармацыі на сайце дастаўкі найбуйнейшай у Беларусі сеткі раздробнага гандлю «Эўраопт» Edostavka.by, у продажы на паліцах няма ня толькі беларускай бульбы, але і цыбулі.
«Эўраопт» прапануе мытую ізраільскую бульбу па 10,49 рубля за кіляграм і чырвоную расейскую цыбулю па 4,21 рубля.
Апошнім часам з крамаў Беларусі зьнікла бульба й іншая гародніна мясцовай вытворчасьці, а калі ёсьць, то дробная і невысокай якасьці.
На фота скрын з сайту сеткі раздробнага гандлю «Эўраопт» Edostavka.by
У Беларусі — масавыя затрыманьні за ўдзел у пратэстах і па «справе Гаюна», — праваабаронцы
👉🏻 Хроніка перасьледу (абнаўляецца): https://smarturl.click/ZXyDd
Пра затрыманьні праваабаронцам распавялі тыя, хто выйшаў зь менскага ізалятару на Акрэсьціна. Паводле іх, шмат затрыманых за «садзейнічаньне экстрэмісцкай дзейнасьці» ў «справе Гаюна» (пасьля таго, як сілавікі атрымалі доступ да базы кантактаў маніторынгавага праекту «Беларускі гаюн»), фігурантаў адпраўляюць у СІЗА.
Таксама паведамляюць, што шмат затрыманьняў паводле «пратэставага» артыкулу 342 КК (актыўны ўдзел у дзеяньнях, што груба парушаюць грамадзкі парадак).
Беларускіх школьнікаў будуць вучыць кіраваць дронамі
https://smarturl.click/E1eJ1
Новы факультатыў «Асновы кіраваньня квадракоптарам» зьявіцца ў школах Беларусі з новага навучальнага году.
Паводле Мінадукацыі, збольшага заняткі будуць прысьвечаныя «працы на віртуальным сымулятары і практыкаваньнях па кіраваньні квадракоптарамі».
Праграма заняткаў разьлічаная на вучняў 8-х і 9-х клясаў.
Кіраваць амбасадай ЗША ў Кіеве будзе дыпляматка, якую раней прызначалі ў Беларусь, але ўлады не далі візы
https://smarturl.click/lA51Y
Прэзыдэнт ЗША Дональд Трамп прызначыў дыпляматку Джулію Дэйвіс Фішэр часовым павераным у справах ЗША ва Ўкраіне.
У сьнежні 2020 году Джулію Дэйвіс Фішэр прызначылі першай амбасадаркай ЗША ў Беларусі за больш чым 10 гадоў, але яна так і не прыехала ў Беларусь, улады якой не далі ёй візы і адклікалі сваю папярэднюю згоду з прычыны пазыцыі ЗША, якія жорстка ацэнілі прэзыдэнцкія выбары-2020 і масавыя рэпрэсіі. У выніку дыпляматка стала спэцыяльным пасланьнікам і працавала ў Вільні. У чэрвені 2022 года яна пакінула пасаду.
Ужо сёньня: гадавіна найбуйнейшай чыгуначнай катастрофы ў гісторыі Беларусі
2 траўня 1977 году на чыгуначнай станцыі Крыжоўка пад Менскам адбылося сутыкненьне пасажырскага цягніка з электрычкай. Паводле афіцыйных дадзеных загінулі 22 чалавекі, паводле неафіцыйных — да 200 чалавек. Гэта была самая буйная чыгуначная катастрофа ў гісторыі Беларусі.
Больш падзей гэтага дня ў гісторыі чытайце ў матэрыяле «Ўжо сёньня»: https://smarturl.click/XDyOL
Майка Ўолца звольнілі з пасады дарадцы Трампа ў нацыянальнай бясьпецы
https://smarturl.click/13dGe
Апошнім часам з чыноўнікам быў зьвязаны скандал з выцекам сакрэтных зьвестак.
Чаму амністыя не распаўсюджваецца на палітвязьняў — аналіз Валера Карбалевіча
https://smarturl.click/zd28o
Палітычнае жыцьцё Беларусі круціцца вакол тэмы палітвязьняў. Гэтая праблема так ці інакш зьяўляецца галоўным пытаньнем беларускай палітыкі. Добрай навіной стала інфармацыя пра вызваленьне Юрася Зянковіча.
Расея — Беларусь — Армэнія — Грузія — Харватыя. Як расеец-дэзэртыр спрабуе легалізавацца ў Эўропе
https://smarturl.click/ggpao
У верасьні 2022 году 22-гадовы вэб-дызайнэр з Масквы Яўген трапіў пад мабілізацыйную аблаву ў мэтро. Амаль праз год ён дэзэртаваў і зьехаў у Францыю з надзеяй атрымаць палітычны прытулак.
«Гэта ўсяго толькі цень радасьці». Размова з рэжысэрам, які зьняў фільм пра жыцьцё палітвязьня пасьля вызваленьня
https://smarturl.click/E1elJ
Праваабарончы цэнтар «Вясна» прэзэнтаваў дакумэнтальны фільм «Цень радасьці» — пра рэсацыялізацыю былога беларускага палітвязьня Артура Жвірыдоўскага ў эміграцыі. Пагаварылі з рэжысэрам стужкі Зьмітром Брэсцкім.