16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Беларускі мэталюргічны завод зьнізіў аб’ёмы вытворчасьці праз наступствы санкцыяў і «цэны на сусьветным рынку»
https://smarturl.click/WR3a9
Жодзінскі БМЗ зьменшыў аб’ёмы вытворчасьці: прадпрыемства працуе на ўзроўні 90% да мінулага году. На заводзе тлумачаць гэта тым, што санкцыі, вайна Расеі супраць Украіны і забарона праезду да Балтыйскага мора павялічваюць выдаткі на транспартаваньне мэталалому, які БМЗ закупляе ў Расеі.
У траўні 2022 году «Беларускі мэталюргічны завод» трапіў пад санкцыі Ўкраіны, у жніўні — ЭЗ і ЗША. Журналісты высьветлілі, што БМЗ працягвае гандляваць з Эўропай, абыходзячы санкцыі ЭЗ, празь літоўскія кампаніі.
26 красавіка беларусы ў сьвеце праводзяць Чарнобыльскі шлях. Дзе будуць акцыі
https://smarturl.click/3Qk3B
Да 39-й гадавіны аварыі на Чарнобыльскай атамнай станцыі беларускія апазыцыйныя партыі, актывісты незалежных грамадзкіх арганізацый, прадстаўнікі дыяспар традыцыйна ладзяць акцыі Чарнобыльскі шлях. Беларусы Польшчы, Літвы і ЗША ўжо анансавалі акцыі ў розных гарадах. Публікуем расклад.
У Беларусі ўлады абвясьцілі 26 красавіка працоўным днём у сувязі зь пераносам выходнага дня на 28 чысло перад Радуніцай.
У Менску 2 і 6 траўня абмяжуюць рух транспарту для правядзеньня рэпэтыцый параду
https://smarturl.click/j7kDq
2 і 6 траўня ў сталіцы будуць праводзіць генэральныя рэпэтыцыі вайсковага параду, прысьвечанага 80-й гадавіне перамогі ў Другой сусьветнай вайне. У сувязі з гэтым на шэрагу вуліц і праспэктаў Менску цалкам абмяжуюць рух усіх відаў транспарту.
Для ўдзелу ў парадзе ў Менску ўжо прыляцелі кітайскія вайскоўцы. Вядома, што Аляксандар Лукашэнка 9 траўня будзе прысутнічаць на вайсковым парадзе ў Маскве.
Альбанія прыпыніла «бязьвіз» для беларусаў
https://smarturl.click/6W79Z
Савет міністраў Альбаніі 24 красавіка ўхваліў прыпыненьне дзеяньня пагадненьня з урадам Беларусі аб узаемнай адмене візавых патрабаваньняў. Рашэньне набывае сілу неадкладна.
Беларусь і Альбанія падпісалі пагадненьне аб узаемным скасаваньні візавых патрабаваньняў 27 сьнежня 2019 году. З таго часу грамадзяне Беларусі маглі бязь візаў прыяжджаць, знаходзіцца і праяжджаць транзытам праз Альбанію на тэрмін да 30 дзён.
Беларусы сабралі амаль 2 мільёны даляраў на лекі для хлопчыка з сындромам СМА з Баранавічаў
https://smarturl.click/8pE0v
Беларусы сабралі 1,8 мільёна даляраў на самыя дарагія лекі ў сьвеце Zolgensma для яшчэ аднаго хлопчыка са сьпінальнай мускульнай атрафіяй (СМА) — 9-месячнага Сашы Астрога з Баранавічаў.
У Ватыкан на пахаваньне Папы Рымскага паляціць па прадстаўніку ад Лукашэнкі і Ціханоўскай
https://smarturl.click/nVyqA
На хаўтуры Папы Рымскага Францішка 26 красавіка прыбудуць прадстаўнікі дзейнай улады і апазыцыі Беларусі. Прычым прадстаўнік Лукашэнкі прыляціць у Рым, нягледзячы на знаходжаньне ў санкцыйных сьпісах Эўразьвязу.
Палітзьняволенай Калесьнікавай споўнілася 43 гады. Яна за кратамі і бяз сувязі з роднымі
Свабода паразмаўляла зь сястрой Марыі Калесьнікавай Тацянай Хоміч, якая паведаміла, што пасьля сустрэчы з бацькам Марыя зноў у рэжыме «інкамунікада». Да той сустрэчы яна была бяз сувязі з роднымі 21 месяц, і ніхто ня ведае, ці надоўга зацягнецца чарговы пэрыяд бязь вестак.
Журналісты-расьсьледнікі раскрылі імёны звыш 1500 наймітаў, якія ваююць за Расею супраць Украіны. Сярод іх 71 беларус.
https://smarturl.click/zd2On
Праект «Важные истории» высьветліў іхныя імёны з дапамогай выцеку зьвестак з маскоўскай мэдычнай базы (ЕМІАС), якая ахоплівае пэрыяд крыху больш за год — з моманту адкрыцьця вэрбавальнага цэнтру ў красавіку 2023-га да канца траўня 2024 году.
Гэтыя людзі ажно з 48 краінаў сьвету, ад Азіі да Амэрыкі. Сярод іх звыш сямі дзясяткаў беларусаў.
Цела ўкраінскай журналісткі Вікторыі Рошчынай, якая памерла ў расейскім палоне, вярнулі ва Ўкраіну
https://smarturl.click/Gg6Rm
10 кастрычніка 2024 году прадстаўнік Каардынацыйнага штабу ў пытаньнях абыходжаньня з ваеннапалоннымі ва Ўкраіне Пятро Яцэнка паведаміў, што ўкраінская журналістка Вікторыя Рошчына, якая зьнікла бязь вестак падчас паездкі на акупаваныя тэрыторыі і была зьняволеная на тэрыторыі Расеі, памерла ў расейскім палоне.
Асіповічы — ядзерная сталіца Беларусі? Што нам удалося даведацца
🎥 ВІДЭА: https://youtu.be/1Itfa-6ngLU?si=ArgAflxKnKFpz8oB
У Беларусь завезьлі машыны расейскага «ядзернага» ведамства, яны прымуць удзел у парадзе. Ці застануцца ўсе гэтыя машыны або частка зь іх у Беларусі пасьля правядзеньня параду 9 траўня, невядома.
Тым часам беларускія ўлады імкліва ўлады разбудоўваюць вайсковую інфраструктуру пад Асіповічамі, дзе, імаверна, можа рыхтавацца сховішча для расейскіх ядзерных боепрыпасаў. У самых Асіповічах пабудавалі новыя ангары для тэхнікі, склады, жытло для вайскоўцаў, тут жа знаходзяцца перададзеныя Расеяй апэратыўна-тактычныя ракетныя комплексы «Іскандэр», якія гэтую ядзерную зброю могуць ужываць. Расказваем у відэа.
Палітзьняволеная Марыя Калесьнікава сустракае дзень народзінаў у рэжыме інкамунікада
https://smarturl.click/DYa0o
24 красавіка споўнілася 43 гады Марыі Калесьнікавай. Гэты дзень народзінаў палітзьняволеная сустрэла ў калёніі ў Гомлі. Сястра Марыі Тацяна Хоміч расказала Свабодзе апошнія навіны ад яе.
У Слуцку работнікі крамы «Суседзі» зладзілі страйк супраць нізкіх заробкаў
https://smarturl.click/L3Yz3
Сёньня раніцай крама «Суседзі», разьмешчаная на вуліцы Барысаўца ў Слуцку, адкрылася на гадзіну пазьней. Як піша выданьне SlutskGorod, так работнікі крамы выказалі нязгоду зь нізкімі заробкамі: каля дзясятка чалавек, якія мелі выйсьці на працоўную зьмену, узгоднена не адчынілі дзьверы крамы.
У Беларусі правядуць амністыю да 9 траўня
Парлямэнт Беларусі разгледзіць законапраект аб амністыі да 80-годзьдзя з дня заканчэньня вайны, чакаецца, што пад амністыю трапяць каля 8 тысяч зьняволеных.
Паводле БелТА, у законапраекце «захаваныя падыходы, якія пасьпяхова апрабаваныя падчас амністый мінулых гадоў» (у папярэднія гады амністыя не распаўсюджвалася на тых, каго сілавікі ўнесьлі ў сьпіс датычных да «экстрэмісцкай» ці «тэрарыстычнай дзейнасьці»). Пад амністыю могуць трапіць вязьні з пэўнымі захворваньнямі, а таксама людзі старэйшыя за 70 гадоў, асуджаныя на тэрмін да 6 гадоў пазбаўленьня волі.
Урад Беларусі вызначыў цану паляваньня на чырванакніжных мядзьведзя і рысь, ахоўны статус якіх панізілі
https://smarturl.click/0BeDg
Згодна з пастановай, мінімальная цана дазволу на здабычу мядзьведзя: 500 рублёў — для грамадзян Беларусі або іншых краін ЭАЭС, 1000 рублёў — для грамадзян іншых краін. За дазвол паляваць на рысь давядзецца заплаціць 200 рублёў грамадзянам Беларусі і краін ЭАЭС, 500 рублёў — усім астатнім.
Рысь і мядзьведзь уключаныя ў Чырвоную кнігу Беларусі. Але Міністэрства прыродных рэсурсаў і аховы навакольля Беларусі ў сакавіку панізіла іх ахоўны статус да найменш ахоўванай чацьвёртай ступені.
«Будзе сьмярдзець!». Побач з Жодзінам будуюць адстойнік для фэкаліяў менчукоў, мясцовыя спрабуюць пратэставаць
https://smarturl.click/aRJ8D
З словаў эколягаў, такое будаўніцтва мусілі вынесьці на грамадзкае абмеркаваньне, што прадугледжана адразу некалькімі заканадаўчымі актамі.
У чарзе на выезду зь Беларусі ў Польшчу ўжо 1575 легкавых аўтамабіляў і 30 аўтобусаў
https://smarturl.click/MG1d3
Невялікая чарга сабралася і на выезд зь Беларусі ў Літву: у пункце пропуску Каменны Лог на 12-ю раніцы там стаялі 70 легкавікоў, у Беняконях — 30. На выезд у Латвію чэргаў не было.
У памежных чатах пішуць, што ў пункце пропуску «Брэст» за апошнія содні прапусьцілі 436 легкавікоў, якія зарэгістраваліся ў электроннай чарзе. Паводле прыблізных падлікаў, пры рэгістрацыі ў чарзе цяпер давядзецца чакаць больш за 3 дні.
«Атрымлівала пагрозы блізкім і родным». Што вядома пра зьнікненьне Мельнікавай празь месяц пошукаў
https://smarturl.click/w49bW
Сьпікерку Каардынацыйнай рады Анжаліку Мельнікаву паплечнікі, журналісты і польскія спэцслужбы шукаюць ужо месяц. У размове з Свабодай Павал Латушка і Аляксей Лявончык расказалі, што ўдалося даведацца і якія вэрсіі самыя яны разглядаюць.
У Кіеве абвясьцілі жалобу па ахвярах маштабнай расейскай атакі 24 красавіка
https://smarturl.click/mBp59
У выніку расейскага ўдару ў Кіеве загінулі 12 чалавек, яшчэ 87 пацярпелі, паведамілі раніцай 25 красавіка ратавальнікі пасьля завяршэньня пошукава-выратавальных работ на месцы расейскай атакі па жылым доме. МЗС Украіны і дыпляматычныя місіі краіны за мяжой далучацца да Кіева ў жалобе па ахвярах атак.
Ужо сёньня: дзень народзінаў Зінаіды Бандарэнкі
25 красавіка 1939 году нарадзілася Зінаіда Бандарэнка, народная артыстка Беларусі, самы пазнавальны твар Беларускай тэлевізіі, дзе яна працавала амаль 40 гадоў. Вядоўца знакавых праграмаў «Песьню бярыце з сабой», «Калыханка», «Запрашаем на вячоркі», «Чырвоныя гвазьдзікі», «Блакітны агеньчык», «Яшчэ ня вечар» і г. д. Яе заўсёднае вітаньне «Гаворыць і паказвае Мінск!» засталося сымбалем цэлай эпохі.
Пра іншыя памятныя даты 25 красавіка ў гісторыі чытайце ў матэрыяле «Ужо сёньня»: https://smarturl.click/MG1B3
Латвія выйшла з канвэнцыі аб забароне супрацьпяхотных мінаў
https://smarturl.click/ggpAy
У Рызе гэта тлумачаць расейскай пагрозай. Пра выхад з Атаўскай канвэнцыі афіцыйна паведаміў прэзыдэнт Латвіі Эдгарс Рынкевічс.
Галоўнае за 24 красавіка
📌«Будзе сьмярдзець!». Побач з Жодзінам будуюць адстойнік для фэкаліяў менчукоў, мясцовыя спрабуюць пратэставаць
📌Расея атакавала 9 рэгіёнаў Украіны, найбольш пацярпеў Кіеў, тут загінулі 10 чалавек
📌Дыктатура супраць лясоў. Як палітыка ўладаў Беларусі шкодзіць прыродзе
📌Улады рыхтуюць амністыю для амаль 8 тысяч зьняволеных. Скароцяць тэрміны частцы вязьняў з «наркатычнымі» артыкуламі
📌У Слуцку работнікі крамы «Суседзі» зладзілі страйк супраць нізкіх заробкаў
📌«Атрымліваем абрыўкі інфармацыі пра яе». Сястра Марыі Калеснікавай расказала Свабодзе апошнія навіны ад яе
📌Генпракуратура Беларусі паведаміла пра завочныя прысуды кіраўнікам падразьдзелаў і байцам палку Каліноўскага
📌Журналісты-расьсьледнікі раскрылі імёны звыш 1500 наймітаў, якія ваююць за Расею супраць Украіны. Сярод іх 71 беларус
Варшаўская паліцыя паведаміла, што Анжаліка Мельнікава разглядаецца ў якасьці пацярпелай у справе аб зьнікненьні
https://smarturl.click/VRD10
Гэта вынікае з адказаў, якія атрымаў кіраўнік Народнага антыкрызіснага ўпраўленьня Павал Латушка.
Крывавая атака расейцаў на Кіеў
У ноч на 24 красавіка расейскія войскі зноў атакавалі Ўкраіну ракетамі. У Кіеве шмат загінулых і параненых. Наступствы атакі — у відэа Свабоды.
Генпракуратура Беларусі вынесла завочныя прысуды кіраўнікам падразьдзелаў і байцам палку Каліноўскага. Ад 12 да 20 гадоў турмы
https://smarturl.click/xVB8L
Супольна пяцёра беларускіх жаўнераў палку Каліноўскага асуджаныя на 90 гадоў пазбаўленьня волі. Прысуд вынесьлі Ігнату Кірэеву, Яну Мельнікаву, Анастасіі Махамет, Арцёму Бігелю і Вячаславу Граноўскаму.
Экспэртам ААН вядома пра 33 выпадкі прымусовага псыхіятрычнага лячэньня беларускіх палітвязьняў
https://smarturl.click/3QkxV
Паводле іх зьвестак, з пачатку палітычнага крызісу вакол прэзыдэнцкіх выбараў 2020 году сама меней 33 чалавек (зь іх 5 жанчын) накіравалі на прымусовае псыхіятрычнае лячэньне праз тое, што яны выказалі нязгоду з уладамі. «Самаму пажылому чалавеку, якога перавялі на такое лячэньне, 77 гадоў», — паведамляюць экспэрты.
У Літве раскрылі схему паставак тавараў у Беларусь і Расею ў абыход санкцыяў Эўразьвязу
https://smarturl.click/xVBWL
У Мытнай крымінальнай службе Літвы раскрылі схему, што дазволіла віленскай кампаніі абыходзіць санкцыі, якія забараняюць экспарт падсанкцыйных тавараў у Расею і Беларусь. Тавары спачатку вывозілі ў краіны Цэнтральнай Азіі (у асноўным у Кіргізстан), а потым адтуль — у Расею. Кампанія ня толькі сама карысталася такой схемай абыходу санкцыяў, але і дапамагла зрабіць гэта іншым кампаніям.
Дыктатура супраць лясоў. Як палітыка ўладаў Беларусі шкодзіць прыродзе
https://smarturl.click/Qb1W6
Чаму натуральных лясоў у Беларусі становіцца меней, пры тым што агульная плошча лясных масіваў расьце. Чаму ўлады шкодзяць лесу, калі саджаюць сосны, і пры чым тут бураломы. Што зьмянілася для беларускіх лясоў пасьля 2020 году і як ліквідацыя «Аховы птушак Бацькаўшчыны» замінае Беларусі прадаваць драўніну на Захад.
Свабода ў цыклі «Сьляды» расказвае, як беларуская дзяржава шкодзіць лясам.
На Магілёўшчыне могуць разьмясьціць пункт захаваньня радыяактыўных адкідаў — Дзяржатамнагляд назваў тры магчымыя пляцоўкі для будаўніцтва
https://smarturl.click/y6qA3
Адзін з варыянтаў разьмяшчэньня пляцоўкі для будаўніцтва пункту захаваньня радыяактыўных адкідаў, не агучаны раней, — Магілёўская вобласьць, дзе таксама прапануюць пабудаваць новую АЭС. Таксама ў якасьці варыянтаў разглядаюць будаўніцтва пляцоўкі паблізу Беларускай АЭС або на тэрыторыі Палескага дзяржаўнага радыяцыйна-экалягічнага запаведніку.
Расея атакавала 9 рэгіёнаў Украіны, найбольш пацярпеў Кіеў, тут загінулі 9 чалавек
https://smarturl.click/0BeDm
У Кіеве вядома ўжо пра 9 загінулых у выніку маштабнай расейскай атакі, яшчэ больш за 70 атрымалі розныя траўмы, паводле апошніх зьвестак МУС. У Сьвятошынскім раёне Кіева двух дзяцей дагэтуль ня могуць знайсьці.
Пад масіраваным камбінаваным ударам Расеі таксама былі Кіеўская, Жытомірская, Днепрапятроўская, Харкаўская, Палтаўская, Хмяльніцкая, Сумская і Запароская вобласьці.
Ужо сёньня: палітзьняволенай Марыі Калесьнікавай — 43 гады
24 красавіка 1982 году ў Менску нарадзілася беларуская палітычная і грамадзкая актывістка, а таксама прафэсійная музыкантка (флейтыстка), палітзьняволеная Марыя Калесьнікава.
У час выбарчай кампаніі 2020 году ў Беларусі Калесьнікава была адной з кіраўнікоў штабу Віктара Бабарыкі. У верасьні 2020-га сілавікі спрабавалі выдварыць яе з краіны, але на мяжы яна парвала свой пашпарт. У выніку Марыю абвінавацілі ў «змове з мэтай захопу ўлады» і асудзілі на 11 гадоў калёніі. Таксама яна знаходзіцца ў сьпісе асобаў, якія, на думку ўладаў, «датычныя да тэрарыстычнай дзейнасьці».
Іншыя падзі дня ў гісторыі — пад спасылкай: https://smarturl.click/w49Qm