16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Ватыкан на пахаваньне Папы Рымскага паляціць па прадстаўніку ад Лукашэнкі і Ціханоўскай
https://smarturl.click/nVyqA
На хаўтуры Папы Рымскага Францішка 26 красавіка прыбудуць прадстаўнікі дзейнай улады і апазыцыі Беларусі. Прычым прадстаўнік Лукашэнкі прыляціць у Рым, нягледзячы на знаходжаньне ў санкцыйных сьпісах Эўразьвязу.
Палітзьняволенай Калесьнікавай споўнілася 43 гады. Яна за кратамі і бяз сувязі з роднымі
Свабода паразмаўляла зь сястрой Марыі Калесьнікавай Тацянай Хоміч, якая паведаміла, што пасьля сустрэчы з бацькам Марыя зноў у рэжыме «інкамунікада». Да той сустрэчы яна была бяз сувязі з роднымі 21 месяц, і ніхто ня ведае, ці надоўга зацягнецца чарговы пэрыяд бязь вестак.
Журналісты-расьсьледнікі раскрылі імёны звыш 1500 наймітаў, якія ваююць за Расею супраць Украіны. Сярод іх 71 беларус.
https://smarturl.click/zd2On
Праект «Важные истории» высьветліў іхныя імёны з дапамогай выцеку зьвестак з маскоўскай мэдычнай базы (ЕМІАС), якая ахоплівае пэрыяд крыху больш за год — з моманту адкрыцьця вэрбавальнага цэнтру ў красавіку 2023-га да канца траўня 2024 году.
Гэтыя людзі ажно з 48 краінаў сьвету, ад Азіі да Амэрыкі. Сярод іх звыш сямі дзясяткаў беларусаў.
Цела ўкраінскай журналісткі Вікторыі Рошчынай, якая памерла ў расейскім палоне, вярнулі ва Ўкраіну
https://smarturl.click/Gg6Rm
10 кастрычніка 2024 году прадстаўнік Каардынацыйнага штабу ў пытаньнях абыходжаньня з ваеннапалоннымі ва Ўкраіне Пятро Яцэнка паведаміў, што ўкраінская журналістка Вікторыя Рошчына, якая зьнікла бязь вестак падчас паездкі на акупаваныя тэрыторыі і была зьняволеная на тэрыторыі Расеі, памерла ў расейскім палоне.
Асіповічы — ядзерная сталіца Беларусі? Што нам удалося даведацца
🎥 ВІДЭА: https://youtu.be/1Itfa-6ngLU?si=ArgAflxKnKFpz8oB
У Беларусь завезьлі машыны расейскага «ядзернага» ведамства, яны прымуць удзел у парадзе. Ці застануцца ўсе гэтыя машыны або частка зь іх у Беларусі пасьля правядзеньня параду 9 траўня, невядома.
Тым часам беларускія ўлады імкліва ўлады разбудоўваюць вайсковую інфраструктуру пад Асіповічамі, дзе, імаверна, можа рыхтавацца сховішча для расейскіх ядзерных боепрыпасаў. У самых Асіповічах пабудавалі новыя ангары для тэхнікі, склады, жытло для вайскоўцаў, тут жа знаходзяцца перададзеныя Расеяй апэратыўна-тактычныя ракетныя комплексы «Іскандэр», якія гэтую ядзерную зброю могуць ужываць. Расказваем у відэа.
Палітзьняволеная Марыя Калесьнікава сустракае дзень народзінаў у рэжыме інкамунікада
https://smarturl.click/DYa0o
24 красавіка споўнілася 43 гады Марыі Калесьнікавай. Гэты дзень народзінаў палітзьняволеная сустрэла ў калёніі ў Гомлі. Сястра Марыі Тацяна Хоміч расказала Свабодзе апошнія навіны ад яе.
У Слуцку работнікі крамы «Суседзі» зладзілі страйк супраць нізкіх заробкаў
https://smarturl.click/L3Yz3
Сёньня раніцай крама «Суседзі», разьмешчаная на вуліцы Барысаўца ў Слуцку, адкрылася на гадзіну пазьней. Як піша выданьне SlutskGorod, так работнікі крамы выказалі нязгоду зь нізкімі заробкамі: каля дзясятка чалавек, якія мелі выйсьці на працоўную зьмену, узгоднена не адчынілі дзьверы крамы.
У Беларусі правядуць амністыю да 9 траўня
Парлямэнт Беларусі разгледзіць законапраект аб амністыі да 80-годзьдзя з дня заканчэньня вайны, чакаецца, што пад амністыю трапяць каля 8 тысяч зьняволеных.
Паводле БелТА, у законапраекце «захаваныя падыходы, якія пасьпяхова апрабаваныя падчас амністый мінулых гадоў» (у папярэднія гады амністыя не распаўсюджвалася на тых, каго сілавікі ўнесьлі ў сьпіс датычных да «экстрэмісцкай» ці «тэрарыстычнай дзейнасьці»). Пад амністыю могуць трапіць вязьні з пэўнымі захворваньнямі, а таксама людзі старэйшыя за 70 гадоў, асуджаныя на тэрмін да 6 гадоў пазбаўленьня волі.
Урад Беларусі вызначыў цану паляваньня на чырванакніжных мядзьведзя і рысь, ахоўны статус якіх панізілі
https://smarturl.click/0BeDg
Згодна з пастановай, мінімальная цана дазволу на здабычу мядзьведзя: 500 рублёў — для грамадзян Беларусі або іншых краін ЭАЭС, 1000 рублёў — для грамадзян іншых краін. За дазвол паляваць на рысь давядзецца заплаціць 200 рублёў грамадзянам Беларусі і краін ЭАЭС, 500 рублёў — усім астатнім.
Рысь і мядзьведзь уключаныя ў Чырвоную кнігу Беларусі. Але Міністэрства прыродных рэсурсаў і аховы навакольля Беларусі ў сакавіку панізіла іх ахоўны статус да найменш ахоўванай чацьвёртай ступені.
«Будзе сьмярдзець!». Побач з Жодзінам будуюць адстойнік для фэкаліяў менчукоў, мясцовыя спрабуюць пратэставаць
https://smarturl.click/aRJ8D
З словаў эколягаў, такое будаўніцтва мусілі вынесьці на грамадзкае абмеркаваньне, што прадугледжана адразу некалькімі заканадаўчымі актамі.
У Беларусі на парад прыехала расейская тэхніка з чорнымі нумарамі
Што гэта за тэхніка, чаму служыць? Пра гэта відэа Свабоды
Галоўнае за 23 красавіка
📌«Мая бабуля скаціну лепшай карміла». Як выглядае бульба, якую зараз прадаюць у беларускіх крамах. Фота
📌Пасьля адмовы Рубіё ад удзелу ў лёнданскай сустрэчы наконт спыненьня вайны ва Ўкраіне яе адклалі
📌У Днепрапятроўскай вобласьці расейскі бесьпілётнік ударыў у аўтобус, сем жанчын і двое мужчын загінулі
📌У Беларусь завезьлі машыны расейскага «ядзернага» ведамства. Яны прымуць удзел у парадзе. ФОТА
📌Беларускія і расейскія спэцслужбы арганізуюць напады на беларусаў у Літве, — Дэпартамэнт дзяржаўнай бясьпекі краіны
📌Камітэт дзяржаўнага кантролю завёў 44 крымінальныя справы за ахвяраваньні
📌Падсанкцыйную беларускую драўніну кантрабандай увозяць у Вялікую Брытанію, — The Guardian
📌Каля Хойнікаў арыштавалі эвангельскага пастара, а ў Менску каталіцкага сьвятара
📌«Рэанімаваць, адрадзіць, прывесьці ў парадак». Як Лукашэнка 30 год разьвівае рэгіёны
📌У Беларусі спрасьцілі парадак набыцьця дронаў, але толькі для сілавікоў
У Беларусі прызналі «экстрэмісцкай» кнігу эканамістаў Заікі і Раманчука
https://smarturl.click/DYaj0
Кніга «Беларусь на разломе», напісаная эканамістамі Леанідам Заікам і Яраславам Раманчуком (на фота) у 2008 годзе, трапіла ў абноўлены МУС Беларусі сьпіс «экстрэмісцкай» літаратуры. У кнізе ацэньваліся тэндэнцыі тагачаснай дзяржаўнай эканомікі і прапаноўваліся шляхі разьвіцьця Беларусі, з рыначнай эканомікай, эўрапейскай арыентацыяй і дэмакратычнымі прынцыпамі.
Акрамя таго, улады згадалі імя памерлага год таму добраахвотніка-каліноўца ў сувязі з іншай арганізацыяй, што трапіла ў «экстрэмісцкі» сьпіс.
«Рэанімаваць, адрадзіць, прывесьці ў парадак». Як Лукашэнка 30 год разьвівае рэгіёны
https://smarturl.click/0Be0m
Ідэя штучнага стварэньня на базе прадпрыемстваў ці рэгіёнаў нейкіх «маякоў», якія б бралі за ўзор іншыя суб’екты гаспадараньня ці тэрытарыяльныя адзінкі, выцякае з савецкага досьведу. Лукашэнку цяжка даецца спроба выйсьці за межы ўласнага жыцьцёвага вопыту, таму ён цягам усяго кіраваньня краінай спрабуе рэалізаваць такія праекты.
МВФ палепшыў прагноз росту валавога прадукту Беларусі ў 2025 годзе
https://smarturl.click/L3YnO
Міжнародны валютны фонд прагназуе, што валавы ўнутраны прадукт (ВУП) Беларусі ў 2025 годзе вырасьце на 2,8%. Якімі былі іншыя прагнозы?
Галоўнае за 24 красавіка
📌«Будзе сьмярдзець!». Побач з Жодзінам будуюць адстойнік для фэкаліяў менчукоў, мясцовыя спрабуюць пратэставаць
📌Расея атакавала 9 рэгіёнаў Украіны, найбольш пацярпеў Кіеў, тут загінулі 10 чалавек
📌Дыктатура супраць лясоў. Як палітыка ўладаў Беларусі шкодзіць прыродзе
📌Улады рыхтуюць амністыю для амаль 8 тысяч зьняволеных. Скароцяць тэрміны частцы вязьняў з «наркатычнымі» артыкуламі
📌У Слуцку работнікі крамы «Суседзі» зладзілі страйк супраць нізкіх заробкаў
📌«Атрымліваем абрыўкі інфармацыі пра яе». Сястра Марыі Калеснікавай расказала Свабодзе апошнія навіны ад яе
📌Генпракуратура Беларусі паведаміла пра завочныя прысуды кіраўнікам падразьдзелаў і байцам палку Каліноўскага
📌Журналісты-расьсьледнікі раскрылі імёны звыш 1500 наймітаў, якія ваююць за Расею супраць Украіны. Сярод іх 71 беларус
Варшаўская паліцыя паведаміла, што Анжаліка Мельнікава разглядаецца ў якасьці пацярпелай у справе аб зьнікненьні
https://smarturl.click/VRD10
Гэта вынікае з адказаў, якія атрымаў кіраўнік Народнага антыкрызіснага ўпраўленьня Павал Латушка.
Крывавая атака расейцаў на Кіеў
У ноч на 24 красавіка расейскія войскі зноў атакавалі Ўкраіну ракетамі. У Кіеве шмат загінулых і параненых. Наступствы атакі — у відэа Свабоды.
Генпракуратура Беларусі вынесла завочныя прысуды кіраўнікам падразьдзелаў і байцам палку Каліноўскага. Ад 12 да 20 гадоў турмы
https://smarturl.click/xVB8L
Супольна пяцёра беларускіх жаўнераў палку Каліноўскага асуджаныя на 90 гадоў пазбаўленьня волі. Прысуд вынесьлі Ігнату Кірэеву, Яну Мельнікаву, Анастасіі Махамет, Арцёму Бігелю і Вячаславу Граноўскаму.
Экспэртам ААН вядома пра 33 выпадкі прымусовага псыхіятрычнага лячэньня беларускіх палітвязьняў
https://smarturl.click/3QkxV
Паводле іх зьвестак, з пачатку палітычнага крызісу вакол прэзыдэнцкіх выбараў 2020 году сама меней 33 чалавек (зь іх 5 жанчын) накіравалі на прымусовае псыхіятрычнае лячэньне праз тое, што яны выказалі нязгоду з уладамі. «Самаму пажылому чалавеку, якога перавялі на такое лячэньне, 77 гадоў», — паведамляюць экспэрты.
У Літве раскрылі схему паставак тавараў у Беларусь і Расею ў абыход санкцыяў Эўразьвязу
https://smarturl.click/xVBWL
У Мытнай крымінальнай службе Літвы раскрылі схему, што дазволіла віленскай кампаніі абыходзіць санкцыі, якія забараняюць экспарт падсанкцыйных тавараў у Расею і Беларусь. Тавары спачатку вывозілі ў краіны Цэнтральнай Азіі (у асноўным у Кіргізстан), а потым адтуль — у Расею. Кампанія ня толькі сама карысталася такой схемай абыходу санкцыяў, але і дапамагла зрабіць гэта іншым кампаніям.
Дыктатура супраць лясоў. Як палітыка ўладаў Беларусі шкодзіць прыродзе
https://smarturl.click/Qb1W6
Чаму натуральных лясоў у Беларусі становіцца меней, пры тым што агульная плошча лясных масіваў расьце. Чаму ўлады шкодзяць лесу, калі саджаюць сосны, і пры чым тут бураломы. Што зьмянілася для беларускіх лясоў пасьля 2020 году і як ліквідацыя «Аховы птушак Бацькаўшчыны» замінае Беларусі прадаваць драўніну на Захад.
Свабода ў цыклі «Сьляды» расказвае, як беларуская дзяржава шкодзіць лясам.
На Магілёўшчыне могуць разьмясьціць пункт захаваньня радыяактыўных адкідаў — Дзяржатамнагляд назваў тры магчымыя пляцоўкі для будаўніцтва
https://smarturl.click/y6qA3
Адзін з варыянтаў разьмяшчэньня пляцоўкі для будаўніцтва пункту захаваньня радыяактыўных адкідаў, не агучаны раней, — Магілёўская вобласьць, дзе таксама прапануюць пабудаваць новую АЭС. Таксама ў якасьці варыянтаў разглядаюць будаўніцтва пляцоўкі паблізу Беларускай АЭС або на тэрыторыі Палескага дзяржаўнага радыяцыйна-экалягічнага запаведніку.
Расея атакавала 9 рэгіёнаў Украіны, найбольш пацярпеў Кіеў, тут загінулі 9 чалавек
https://smarturl.click/0BeDm
У Кіеве вядома ўжо пра 9 загінулых у выніку маштабнай расейскай атакі, яшчэ больш за 70 атрымалі розныя траўмы, паводле апошніх зьвестак МУС. У Сьвятошынскім раёне Кіева двух дзяцей дагэтуль ня могуць знайсьці.
Пад масіраваным камбінаваным ударам Расеі таксама былі Кіеўская, Жытомірская, Днепрапятроўская, Харкаўская, Палтаўская, Хмяльніцкая, Сумская і Запароская вобласьці.
Ужо сёньня: палітзьняволенай Марыі Калесьнікавай — 43 гады
24 красавіка 1982 году ў Менску нарадзілася беларуская палітычная і грамадзкая актывістка, а таксама прафэсійная музыкантка (флейтыстка), палітзьняволеная Марыя Калесьнікава.
У час выбарчай кампаніі 2020 году ў Беларусі Калесьнікава была адной з кіраўнікоў штабу Віктара Бабарыкі. У верасьні 2020-га сілавікі спрабавалі выдварыць яе з краіны, але на мяжы яна парвала свой пашпарт. У выніку Марыю абвінавацілі ў «змове з мэтай захопу ўлады» і асудзілі на 11 гадоў калёніі. Таксама яна знаходзіцца ў сьпісе асобаў, якія, на думку ўладаў, «датычныя да тэрарыстычнай дзейнасьці».
Іншыя падзі дня ў гісторыі — пад спасылкай: https://smarturl.click/w49Qm
Эстонія пабудуе новую вайсковую базу ў Нарве каля расейскай мяжы
https://smarturl.click/13dQY
🇪🇪 Прычынай стварэньня базы паслужыла ня толькі блізкасьць Нарвы да расейскай мяжы, але й тое, што Нарва адзіны буйны эстонскі горад, дзе дасюль прысутнасьць вайскоўцаў была нізкай.
Каля Хойнікаў арыштавалі эвангельскага пастара, а ў Менску каталіцкага сьвятара
https://smarturl.click/E1e41
Супраць эвангельскага пастара Алега Лойкі (на фота) завялі крымінальную справу. Пазьней стала вядома пра арышт у Менску каталіцкага ксяндза Сяргея Трысьценя.
Міністар замежных спраў Польшчы: «Мы рэалістычна ацэньваем праўленьне Лукашэнкі, які паставіў сваю краіну ў залежнасьць ад Крамля»
https://smarturl.click/mBpQ0
Радаслаў Сікорскі адзначыў, што ў МЗС жывуць надзеяй на тое, што становішча палепшыцца. Але наіўных супрацоўнікаў пры гэтым няма, усе ведаюць, што такое рэжым Лукашэнкі, які ўтрымлівае за кратамі тысячы палітычных вязьняў, у тым ліку этнічнага паляка журналіста Анджэя Пачобута. Таксама польскі міністар паведаміў, што завяршаецца будаўніцтва новай польскай амбасады ў Менску.
Падсанкцыйную беларускую драўніну кантрабандай увозяць у Вялікую Брытанію, — The Guardian
https://smarturl.click/b5ayM
Пасьля ўварваньня Расеі ва Ўкраіну стала незаконным імпартаваць расейскую і беларускую фанэру і драўняныя вырабы зь Беларусі і Расеі ў Вялікую Брытанію і іншыя эўрапейскія краіны з прычыны санкцыяў. Аднак Масква і Менск пастаянна знаходзяць спосабы абысьці абмежаваньні.
Літоўскі сэрвіс Paysera патлумачыў, чаму заблякаваў рахункі некаторых беларусаў
https://smarturl.click/JnDgO
19 красавіка літоўская фінансавая кампанія Paysera паведаміла кліентам з грамадзянствам Беларусі і Расеі, якія маюць шэнгенскую візу катэгорыі D, што замарозіць іх рахункі, калі яны цягам 14 дзён не прадэманструюць дазвол на жыхарства ў краінах ЭЗ. Цяпер на запыт «Новой газеты Европа» кампанія патлумачыла прычыны такога кроку.