16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Беларусі правядуць амністыю да 9 траўня
Парлямэнт Беларусі разгледзіць законапраект аб амністыі да 80-годзьдзя з дня заканчэньня вайны, чакаецца, што пад амністыю трапяць каля 8 тысяч зьняволеных.
Паводле БелТА, у законапраекце «захаваныя падыходы, якія пасьпяхова апрабаваныя падчас амністый мінулых гадоў» (у папярэднія гады амністыя не распаўсюджвалася на тых, каго сілавікі ўнесьлі ў сьпіс датычных да «экстрэмісцкай» ці «тэрарыстычнай дзейнасьці»). Пад амністыю могуць трапіць вязьні з пэўнымі захворваньнямі, а таксама людзі старэйшыя за 70 гадоў, асуджаныя на тэрмін да 6 гадоў пазбаўленьня волі.
Урад Беларусі вызначыў цану паляваньня на чырванакніжных мядзьведзя і рысь, ахоўны статус якіх панізілі
https://smarturl.click/0BeDg
Згодна з пастановай, мінімальная цана дазволу на здабычу мядзьведзя: 500 рублёў — для грамадзян Беларусі або іншых краін ЭАЭС, 1000 рублёў — для грамадзян іншых краін. За дазвол паляваць на рысь давядзецца заплаціць 200 рублёў грамадзянам Беларусі і краін ЭАЭС, 500 рублёў — усім астатнім.
Рысь і мядзьведзь уключаныя ў Чырвоную кнігу Беларусі. Але Міністэрства прыродных рэсурсаў і аховы навакольля Беларусі ў сакавіку панізіла іх ахоўны статус да найменш ахоўванай чацьвёртай ступені.
«Будзе сьмярдзець!». Побач з Жодзінам будуюць адстойнік для фэкаліяў менчукоў, мясцовыя спрабуюць пратэставаць
https://smarturl.click/aRJ8D
З словаў эколягаў, такое будаўніцтва мусілі вынесьці на грамадзкае абмеркаваньне, што прадугледжана адразу некалькімі заканадаўчымі актамі.
У Беларусі на парад прыехала расейская тэхніка з чорнымі нумарамі
Што гэта за тэхніка, чаму служыць? Пра гэта відэа Свабоды
Галоўнае за 23 красавіка
📌«Мая бабуля скаціну лепшай карміла». Як выглядае бульба, якую зараз прадаюць у беларускіх крамах. Фота
📌Пасьля адмовы Рубіё ад удзелу ў лёнданскай сустрэчы наконт спыненьня вайны ва Ўкраіне яе адклалі
📌У Днепрапятроўскай вобласьці расейскі бесьпілётнік ударыў у аўтобус, сем жанчын і двое мужчын загінулі
📌У Беларусь завезьлі машыны расейскага «ядзернага» ведамства. Яны прымуць удзел у парадзе. ФОТА
📌Беларускія і расейскія спэцслужбы арганізуюць напады на беларусаў у Літве, — Дэпартамэнт дзяржаўнай бясьпекі краіны
📌Камітэт дзяржаўнага кантролю завёў 44 крымінальныя справы за ахвяраваньні
📌Падсанкцыйную беларускую драўніну кантрабандай увозяць у Вялікую Брытанію, — The Guardian
📌Каля Хойнікаў арыштавалі эвангельскага пастара, а ў Менску каталіцкага сьвятара
📌«Рэанімаваць, адрадзіць, прывесьці ў парадак». Як Лукашэнка 30 год разьвівае рэгіёны
📌У Беларусі спрасьцілі парадак набыцьця дронаў, але толькі для сілавікоў
У Беларусі прызналі «экстрэмісцкай» кнігу эканамістаў Заікі і Раманчука
https://smarturl.click/DYaj0
Кніга «Беларусь на разломе», напісаная эканамістамі Леанідам Заікам і Яраславам Раманчуком (на фота) у 2008 годзе, трапіла ў абноўлены МУС Беларусі сьпіс «экстрэмісцкай» літаратуры. У кнізе ацэньваліся тэндэнцыі тагачаснай дзяржаўнай эканомікі і прапаноўваліся шляхі разьвіцьця Беларусі, з рыначнай эканомікай, эўрапейскай арыентацыяй і дэмакратычнымі прынцыпамі.
Акрамя таго, улады згадалі імя памерлага год таму добраахвотніка-каліноўца ў сувязі з іншай арганізацыяй, што трапіла ў «экстрэмісцкі» сьпіс.
«Рэанімаваць, адрадзіць, прывесьці ў парадак». Як Лукашэнка 30 год разьвівае рэгіёны
https://smarturl.click/0Be0m
Ідэя штучнага стварэньня на базе прадпрыемстваў ці рэгіёнаў нейкіх «маякоў», якія б бралі за ўзор іншыя суб’екты гаспадараньня ці тэрытарыяльныя адзінкі, выцякае з савецкага досьведу. Лукашэнку цяжка даецца спроба выйсьці за межы ўласнага жыцьцёвага вопыту, таму ён цягам усяго кіраваньня краінай спрабуе рэалізаваць такія праекты.
МВФ палепшыў прагноз росту валавога прадукту Беларусі ў 2025 годзе
https://smarturl.click/L3YnO
Міжнародны валютны фонд прагназуе, што валавы ўнутраны прадукт (ВУП) Беларусі ў 2025 годзе вырасьце на 2,8%. Якімі былі іншыя прагнозы?
Латвія абавяжа беларусаў і расейцаў апавяшчаць пра ўезд з краінаў Шэнгену
https://smarturl.click/3QkG7
Уяжджаючы праз Шэнгенскую зону, грамадзяне Расеі і Беларусі будуць абавязаныя запоўніць заяву аб сваім знаходжаньні ў Латвіі. Гэта прадугледжана правілам, якое распрацоўвае Міністэрства ўнутраных спраў Латвіі.
У Рыме разьвітваюцца з папам Францішкам
📸 ФОТАГАЛЕРЭЯ: https://smarturl.click/lA54Y
23 красавіка труну папы Рымскага Францішка выставілі для разьвітаньня ў базыліцы Сьвятога Пятра ў Ватыкане. Яго пахаваюць у рымскай базыліцы Санта-Марыя-Маджорэ 26 красавіка. Паглядзелі, як праходзіць разьвітаньне з пантыфікам.
❗️У Беларусь завезьлі машыны расейскага «ядзернага» ведамства. Яны прымуць удзел у парадзе. ФОТА
https://smarturl.click/ggpOo
У Беларусь прывезьлі браняваныя машыны, якія належаць так званаму «ядзернаму» ўпраўленьню Міністэрства абароны Расеі. Пра гэта сьведчыць лічбавы код, што заўважыла Свабода на рэгістрацыйных нумарах гэтай тэхнікі з кадраў, зробленых 3 красавіка 2025 году падчас рэпэтыцыі параду да 9 траўня на аэрадроме Ліпкі пад Менскам. Расказваем падрабязна, што нам удалося даведацца.
У Днепрапятроўскай вобласьці расейскі дрон трапіў у аўтобус з рабочымі, шмат ахвяраў і параненых
https://smarturl.click/j7kJ8
У Марганцы ад расейскага ўдару з дрона-камікадзэ, паводле папярэдніх зьвестак, 9 чалавек загінулі і 30 атрымалі раненьні.
Агулам расейскія вайскоўцы ў ноч на 23 красавіка атакавалі бесьпілётнікамі розныя гарады Ўкраіны. Адэсе і Палтаве ёсьць пацярпелыя, у Харкаве і Кіеве ўзьніклі пажары.
«Мая бабуля скаціну лепшай карміла». Як выглядае бульба, якую зараз прадаюць у беларускіх крамах: фота
https://smarturl.click/mBpXm
У Беларусі ўжо больш за 30 гадоў дзяржаваю кіруе былы дырэктар саўгасу, аднак гэта не гарантуе браку праблемаў з бульбай, морквай і капустай. Паказваем, як выглядае гародніна, якую зараз прадаюць у крамах.
Колькі будзе каштаваць першы беларускі электракар? Відэа Свабоды
Читать полностью…
Галоўнае за 22 красавіка
📌Прысяданьні ў гонар танка і штурм Райхстагу ў Горадні. Што ўлады Беларусі сёлета прыдумалі да 9 траўня
📌«Сытуацыя складаная». На поўдні Беларусі і ў Менскім раёне лясныя пажары
📌Беларуская чыгунка прапанавала Літве, Латвіі і Польшчы аднавіць пасажырскія зносіны, спыненыя 5 год таму
📌Расейскія вайскоўцы ўдарылі дронамі па Адэсе, адзін зь іх трапіў у жылы дом. Ёсьць пацярпелыя
📌Папу Рымскага Францішка пахаваюць у базыліцы Санта-Марыя-Маджорэ 26 красавіка
📌Беларускія ІТ-кампаніі ў Літве працягваюць скарачаць каманды, Wargaming — у топе па адтоку
📌Зьявілася інфармацыя пра зьнікненьне адміністратараў «Беларускай Вікіпедыі» — праваабаронцы
📌Што азначае для Беларусі імкненьне Расеі далучыць расейскамоўныя рэгіёны Ўкраіны — аналіз Валера Карбалевіча
На Магілёўшчыне могуць разьмясьціць пункт захаваньня радыяактыўных адкідаў — Дзяржатамнагляд назваў тры магчымыя пляцоўкі для будаўніцтва
https://smarturl.click/y6qA3
Адзін з варыянтаў разьмяшчэньня пляцоўкі для будаўніцтва пункту захаваньня радыяактыўных адкідаў, не агучаны раней, — Магілёўская вобласьць, дзе таксама прапануюць пабудаваць новую АЭС. Таксама ў якасьці варыянтаў разглядаюць будаўніцтва пляцоўкі паблізу Беларускай АЭС або на тэрыторыі Палескага дзяржаўнага радыяцыйна-экалягічнага запаведніку.
Расея атакавала 9 рэгіёнаў Украіны, найбольш пацярпеў Кіеў, тут загінулі 9 чалавек
https://smarturl.click/0BeDm
У Кіеве вядома ўжо пра 9 загінулых у выніку маштабнай расейскай атакі, яшчэ больш за 70 атрымалі розныя траўмы, паводле апошніх зьвестак МУС. У Сьвятошынскім раёне Кіева двух дзяцей дагэтуль ня могуць знайсьці.
Пад масіраваным камбінаваным ударам Расеі таксама былі Кіеўская, Жытомірская, Днепрапятроўская, Харкаўская, Палтаўская, Хмяльніцкая, Сумская і Запароская вобласьці.
Ужо сёньня: палітзьняволенай Марыі Калесьнікавай — 43 гады
24 красавіка 1982 году ў Менску нарадзілася беларуская палітычная і грамадзкая актывістка, а таксама прафэсійная музыкантка (флейтыстка), палітзьняволеная Марыя Калесьнікава.
У час выбарчай кампаніі 2020 году ў Беларусі Калесьнікава была адной з кіраўнікоў штабу Віктара Бабарыкі. У верасьні 2020-га сілавікі спрабавалі выдварыць яе з краіны, але на мяжы яна парвала свой пашпарт. У выніку Марыю абвінавацілі ў «змове з мэтай захопу ўлады» і асудзілі на 11 гадоў калёніі. Таксама яна знаходзіцца ў сьпісе асобаў, якія, на думку ўладаў, «датычныя да тэрарыстычнай дзейнасьці».
Іншыя падзі дня ў гісторыі — пад спасылкай: https://smarturl.click/w49Qm
Эстонія пабудуе новую вайсковую базу ў Нарве каля расейскай мяжы
https://smarturl.click/13dQY
🇪🇪 Прычынай стварэньня базы паслужыла ня толькі блізкасьць Нарвы да расейскай мяжы, але й тое, што Нарва адзіны буйны эстонскі горад, дзе дасюль прысутнасьць вайскоўцаў была нізкай.
Каля Хойнікаў арыштавалі эвангельскага пастара, а ў Менску каталіцкага сьвятара
https://smarturl.click/E1e41
Супраць эвангельскага пастара Алега Лойкі (на фота) завялі крымінальную справу. Пазьней стала вядома пра арышт у Менску каталіцкага ксяндза Сяргея Трысьценя.
Міністар замежных спраў Польшчы: «Мы рэалістычна ацэньваем праўленьне Лукашэнкі, які паставіў сваю краіну ў залежнасьць ад Крамля»
https://smarturl.click/mBpQ0
Радаслаў Сікорскі адзначыў, што ў МЗС жывуць надзеяй на тое, што становішча палепшыцца. Але наіўных супрацоўнікаў пры гэтым няма, усе ведаюць, што такое рэжым Лукашэнкі, які ўтрымлівае за кратамі тысячы палітычных вязьняў, у тым ліку этнічнага паляка журналіста Анджэя Пачобута. Таксама польскі міністар паведаміў, што завяршаецца будаўніцтва новай польскай амбасады ў Менску.
Падсанкцыйную беларускую драўніну кантрабандай увозяць у Вялікую Брытанію, — The Guardian
https://smarturl.click/b5ayM
Пасьля ўварваньня Расеі ва Ўкраіну стала незаконным імпартаваць расейскую і беларускую фанэру і драўняныя вырабы зь Беларусі і Расеі ў Вялікую Брытанію і іншыя эўрапейскія краіны з прычыны санкцыяў. Аднак Масква і Менск пастаянна знаходзяць спосабы абысьці абмежаваньні.
Літоўскі сэрвіс Paysera патлумачыў, чаму заблякаваў рахункі некаторых беларусаў
https://smarturl.click/JnDgO
19 красавіка літоўская фінансавая кампанія Paysera паведаміла кліентам з грамадзянствам Беларусі і Расеі, якія маюць шэнгенскую візу катэгорыі D, што замарозіць іх рахункі, калі яны цягам 14 дзён не прадэманструюць дазвол на жыхарства ў краінах ЭЗ. Цяпер на запыт «Новой газеты Европа» кампанія патлумачыла прычыны такога кроку.
Камітэт дзяржкантролю Беларусі завёў 44 крымінальныя справы за ахвяраваньні
https://smarturl.click/0BeGm
У КДК сьцьвярджаюць, што летась выявілі 1445 беларусаў, якія з дапамогай аплатнага сэрвісу ў Фэйсбуку пералічвалі грошы «экстрэмісцкім фармаваньням», заявіў Герасімаў, а таксама 2,7 тысячы пераводаў у крыптавалюце, «зьвязаных з фінансаваньнем экстрэмісцкай і тэрарыстычнай дзейнасьці».
Беларускія сілавікі часта выкарыстоўваюць абвінавачаньні ў «экстрэмізьме» і «тэрарызьме» для перасьледу апанэнтаў улады.
Беларускія і расейскія спэцслужбы арганізуюць напады на беларусаў у Літве, — Дэпартамэнт дзяржаўнай бясьпекі краіны
https://smarturl.click/dwpl0
Паводле літоўскага ведамства, ужо зафіксавалі спробы ўчыненьня актаў гвалту ў дачыненьні да прадстаўнікоў беларускай грамады, якія пражываюць у Літве.
Чарга легкавікоў на беларуска-польскай мяжы перавысіла 1,3 тысячы
Колькасьць легкавых аўтамабіляў на выезд у Польшчу ў пункце пропуску «Берасьце» на 10-ю раніцы сёньня вырасла да 1317, паводле зьвестак Памежнага камітэту. Толькі за апошнія 2 гадзіны яна вырасла на 57 аўто — на 8-ю раніцы ў чарзе стаялі 1260 легкавікоў. Дзень таму ў гэты ж час у чарзе было 900 аўтамабіляў.
Марка Рубіё адмовіўся ад удзелу ў лёнданскай сустрэчы па спыненьні вайны ва Ўкраіне
https://smarturl.click/y6qRk
Дзяржсакратар ЗША прыняў гэтае рашэньне пасьля таго, як прэзыдэнт Украіны Ўладзімір Зяленскі публічна адпрэчыў адну з ключавых умоваў мірнага ўрэгуляваньня, прапанаванага адміністрацыяй Трампа, — прызнаньне Ўкраінай расейскай юрысдыкцыі над Крымам.
Рашэньне Рубіё ня ўдзельнічаць у сустрэчы справакавала сумневы з нагоды посьпеху перамоўнага працэсу.
Ужо сёньня: дзень народзінаў Уладзімера Конана і Віктара Казько
23 красавіка 1934 нарадзіўся Ўладзімер Конан (на здымку), беларускі філёзаф, гісторык, літаратурны крытык. У 1940 годзе ў гэты дзень зьвявіўся на сьвет Віктар Казько, беларускі пісьменьнік, ляўрэат прэміі Гедройця.
Больш падзей гэтага дня ў адмысловай падборцы: https://smarturl.click/VRDb4
Беларускага коміка Славу Камісаранку пазбавілі расейскага грамадзянства
З ініцыятывай пазбавіць яго пашпарту выступіла ФСБ. Таксама расейскага грамадзянства пазбавілі ўкраінскага коміка Дзьмітрыя Раманава. Пра гэта пішуць адразу некалькі крыніц. Камісаранка даўно жыве ў Заходняй Эўропе, на радзіме і ў Расеі яго абвясьцілі ў вышук.
У Асіповічах загінула немаўля, у яго сьмерці вінавацяць бацькоў
https://smarturl.click/nVyLV
Увечары 20 красавіка брыгада хуткай дапамогі канстатавала сьмерць дзяўчынкі. Ёй было толькі паўтара месяца. На бацькоў завялі крымінальную справу.