16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Вільні разьвітваюцца з амэрыканскімі вайскоўцамі, якія загінулі на палігоне ў Падбродзьдзі
https://smarturl.click/Xyz9z
3 красавіка на Катэдральнай плошчы Вільні праходзіць цырымонія разьвітаньня з загінулымі на палігоне ў Падбродзьдзі амэрыканскімі вайскоўцамі. Картэж спыніўся на Катэдральнай плошчы, дзе яго сустрэлі літоўскі арцыбіскуп Гінтарас Грушас, прэзыдэнт Літвы Гітанас Наўседа, камандарм Раймундас Вайкшнарас, міністар абароны Давіле Шакалене, іншыя высокапастаўленыя чыноўнікі і амбасадары.
Нягледзячы на ордэр Міжнароднага крымінальнага суду, прэм’ер Ізраіля Нэтаньягу прыбыў зь візытам у Вугоршчыну
https://smarturl.click/EeQnV
Гэта яго першая паездка ў Эўропу пасьля таго, як Міжнародны крымінальны суд выдаў на ордэр на яго арышт за меркаваныя ваенныя злачынствы ў сэктары Газа.
Як краіна, якая падпісала дамову аб Гааскім судзе, Вугоршчына абавязаная арыштаваць Нэтаньягу, але прававая сытуацыя ў краіне складаная і дае ўраду дастаткова магчымасьцяў для ваганьняў, каб прыняць яго зь візытам. Дыпляматычныя крыніцы ў Вугоршчыне паведамілі Радыё Свабода, што краіна вырашыла выйсьці з МКС, хоць гэта нельга адразу пацьвердзіць афіцыйна.
Спэцпрадстаўнік Пуціна наведаў ЗША ўпершыню з пачатку поўнамаштабнай вайны Расеі ва Ўкраіне
https://smarturl.click/LYBZM
Кіраўнік Расейскага фонду прамых інвэстыцый Кірыл Дзьмітрыеў сустрэўся ў Вашынгтоне са спэцпасланьнікам Трампа па Блізкім Усходзе Стывам Уіткафам. Гэта першы візыт высокапастаўленага прадстаўніка Расеі ў ЗША пасьля пачатку поўнамаштабнага расейскага ўварваньня ва Ўкраіну. У Вашынгтоне Дзьмітрыеў плянуе абмеркаваць умацаваньне адносінаў паміж Белым домам і Крамлём і магчымасьць спыненьня вайны ва Ўкраіне, паведамляў CNN.
Візыт адбыўся празь некалькі дзён пасьля таго, як Трамп у інтэрвію NBC выказаў меркаваньне, што можа ўвесьці дадатковыя санкцыі супраць Расеі, і заявіў, што ён «раззлаваўся на прэзыдэнта Расеі» за ягоную крытыку прэзыдэнта Ўкраіны.
Трамп падпісаў указ аб увядзеньні 10% базавых узаемных мытаў на імпарт у ЗША, 20% — на імпарт з Эўразьвязу
https://smarturl.click/kj7y2
Трамп заявіў, што ўводзіць 10%-е базавае мыта на ўвесь імпарт у Злучаныя Штаты і больш высокія мыты на імпарт зь дзясяткаў краін па ўсім сьвеце. Так, узаемныя мыты ўключаюць 20% на тавары з Эўразьвязу, 34% на тавары з Кітаю, 46% на японскія тавары, 32% на тайваньскі імпарт і 25% на тавары з Паўднёвай Карэі і шэраг мытаў на тавары з больш як дзясятка іншых краін.
Навукоўцы расказалі аб колькасьці мядзьведзяў у Беларусі і назвалі прычыны росту папуляцыі
https://smarturl.click/M1J6a
У Беларусі колькасьць бурага мядзьведзя, ахоўны статус якога сёлета панізілі, складае ад 500 да 900 асобін.
Навукоўцы Аляксандар Рак і Васіль Грычык мяркуюць, што асноўнымі магчымымі прычынамі росту папуляцыі бурага мядзьведзя ў запаведніку і ў цэлым на паўночным усходзе Беларусі сталі эфэктыўная ахова паляўнічых угодзьдзяў ад браканьерства і забарона паляваньня на дзіка. Навукоўцы назвалі таксама іншыя прычыны.
Галоўнае за 2 красавіка
📌Чэхія ўнесла ў санкцыйны сьпіс былую беларускую журналістку Натальлю Судлянкову. Яе абвінавачваюць у супрацы з расейскім ГРУ
📌Плюнуў на навуку, але пасьля вярнуўся. Гісторыя посьпеху беларускага біёляга Максіма Домніча
📌АПК: больш за тысячу беларусаў далучыліся да абароны Ўкраіны з 2014 году, многія ваююць і цяпер
📌«Абое рабое». Што гарадзенцы думаюць аб прызначэньні Караева на пасаду кіраўніка вобласьці
📌Кая Калас: «Няма станоўчых сыгналаў ад Расеі». Перамовы аб спыненьні агню зацягваюцца
📌Урад Беларусі зноў скарэктаваў сыстэму рэгуляваньня цэнаў
📌Навошта Лукашэнку яшчэ адна АЭС? Аналіз Валера Карбалевіча
📌36 праваабарончых арганізацый зьвярнуліся да Кангрэсу ЗША з просьбай абараніць журналістаў
📌Расейскія войскі нанесьлі ракетны ўдар па Крывым Рогу. Чатыры чалавекі загінулі, ёсьць параненыя
У Генпракуратуры Беларусі расказалі, колькі адказных асобаў летась пакаралі за карупцыю
https://smarturl.click/Zy0Dq
У Генэральнай пракуратуры Беларусі паведамілі, што летась карупцыйныя злачынствы ў структуры агульнай злачыннасьці не перавышае 2 %.
Расейскія войскі нанесьлі ракетны ўдар па Крывым Рогу. Чатыры чалавекі загінулі, ёсьць параненыя
https://smarturl.click/4kw0w
Кіраўнік вайсковай адміністрацыі Крывога Рогу (Днепрапятроўская вобласьць) Аляксандар Вілкул паведаміў аб пацэльваньні расейскай ракеты ў аб’ект цывільнай інфраструктуры.
Польшча пачала адмаўляць у прытулку на мяжы зь Беларусьсю
https://smarturl.click/e5pBX
Пастанова ўраду Польшчы прадугледжвае, што права падаваць хадайніцтва аб наданьні міжнароднай абароны абмяжоўваецца тэрмінам на 60 дзён на мяжы зь Беларусьсю .
Санкцыі не ўзмацнілі. Беларускіх прадуктаў на паліцах стала меней. Відэа Свабоды
Як высьветлілі аналітыкі, на беларускіх паліцах большае танных, няякасных расейскіх і кітайскіх прадуктаў.
Ва Ўкраіне прадалі яшчэ 50 вагонаў сканфіскаванага беларускага калію, выручка пойдзе на падтрыманьне арміі
https://smarturl.click/opA9j
Сёньня стала вядома, што з аўкцыёну прадалі чарговую партыю канфіскаванага беларускага калію на суму амаль 962 тысячы даляраў ЗША. 28 сакавіка прадалі яшчэ 50 вагонаў беларускага калію за 887 тысяч даляраў, а 3 сакавіка — 61 вагон за амаль 1,1 млн даляраў. Атрыманыя грошы накіруюць у тым ліку на набыцьцё ваенных аблігацыяў для падтрыманьня Ўзброеных сіл Украіны.
«Абое рабое». Што гарадзенцы думаюць аб прызначэньні Караева на пасаду кіраўніка вобласьці
https://smarturl.click/mpxkz
Да прызначэньня на новую пасаду Караеў быў асабістым памочнікам Лукашэнкі на Горадзеншчыне. У жніўні 2020 году ён узначальваў МУС. Свабода спытала жыхароў Горадзенскай вобласьці, што яны думаюць аб прызначэньні новага кіраўніка.
«І што зьменіцца? Якую выразную палітыку ён можа праводзіць? Ніякую. Так што гэта шараговая навіна. Ёсьць і ёсьць. Што мяне трыгерыць, гэта тое, што іх называюць губэрнатарамі. Зь якіх гэта часоў мы сталі губэрнямі?»Читать полностью…
У Бэрліне адрэагавалі на візыт у Менск дэпутата ад «Альтэрнатывы для Нямеччыны»
https://smarturl.click/RAbGW
На 3 красавіка ў Палаце прадстаўнікоў анансавалі сустрэчу з дэпутатам Ульрыхам Зінгерам, чальцом правай папулісцкай партыі «Альтэрнатыва для Нямеччыны». Вядома, што ён раней бываў зь візытам у Расеі, добра ведае расейскую мову, праходзіў практыку ў Маскве і нават мае дачу ў Падмаскоўі.
З камэнтаром пра заплянаваныя сустрэчы ў Палаце прадстаўнікоў дэпутата баварскага Ляндтага выступіла МЗС Нямеччыны.
Сэнатар-дэмакрат Букер раскрытыкаваў прэзыдэнта Трампа ў рэкордна доўгай прамове
https://smarturl.click/ba8WV
У панядзелак 31 сакавіка ўвечары Коры Букер пачаў выступ у Сэнаце, заявіўшы, што застанецца на трыбуне, пакуль будзе на гэта «здольны фізычна». Толькі праз 25 гадзін і 5 хвілін 55-гадовы сэнатар, былы футбольны абаронца, скончыў гаварыць і сышоў, крыху кульгаючы. Ён паставіў рэкорд самай працяглай бесьперапыннай прамовы ў гісторыі Сэнату ЗША. Расказваем, пра што ён казаў.
З сайту МУС зьнікла магчымасьць праверыць наяўнасьць абмежаваньня на выезд зь Беларусі
https://smarturl.click/kj7QX
На сайце МУС Беларусі больш недаступная функцыя праверкі онлайн наяўнасьці абмежаваньня на выезд з краіны, заўважылі СМІ. Цяпер беларусам для гэтага давядзецца асабіста зьвяртацца ў аддзел па грамадзянстве і міграцыі РУУС па месцы рэгістрацыі ці фактычнага пражываньня.
З пачатку сакавіка на інтэрнэт-партале Вярхоўнага суда Беларусі перасталі публікаваць расклад паседжаньняў судоў. На думку праваабаронцаў, так улады спрабуюць прыхаваць рэпрэсіі.
Урад Беларусі скараціў амаль на траціну пералік тавараў, цэны на якія рэгулюе дзяржава
https://smarturl.click/Q19Gq
Пералік зьменшылі з 331 да 211. Паводле прэс-службы ўраду, зь яго выключылі «тавары непаўсядзённага попыту альбо прэміюм-клясы». Для вытворцаў тавараў паўсядзённага попыту ўстанавілі «гранічную норму рэнтабэльнасьці».
Прадстаўнікі АПК заклікалі ўлады Ўкраіны дапамагчы ў вызваленьні беларускіх палітвязьняў
https://smarturl.click/vwZ4v
Адпаведныя лісты накіравалі прэзыдэнту Ўкраіны Ўладзіміру Зяленскаму, у МЗС Украіны і да Ўпаўнаважанага Вярхоўнай Рады Ўкраіны па правах чалавека. Прадстаўнікі АПК прапанавалі Ўкраіне ініцыяваць кансультацыі зь міжнароднымі партнэрамі адносна ўключэньня беларускіх палітвязьняў у абменныя сьпісы; публічна выказаць падтрымку палітвязьням, прыцягнуць міжнародныя арганізацыі да перамоўнага працэсу і інш.
У Славеніі беларусам пачалі выдаваць часовыя дазволы на жыхарства безь неабходнасьці падаваць даведку аб несудзімасьці
https://smarturl.click/gpLDA
Таксама, паводле прадстаўніцы Народнай амбасады Беларусі ў Славеніі Аляксандры Мамаевай, ёсьць і шэраг іншых добрых навінаў. Прадстаўнікам Народнай амбасады стала вядома пра:
➖першы выпадак, калі дзяржорганы Славеніі не патрабавалі ад беларусаў апастылі празь немагчымасьць іх атрымаць;
➖ пра выдачу трэцяга пашпарта замежніка беларусу ў Славеніі; ➖ пра тое, што сваякам беларускіх актывістаў у Славеніі выдаюць доўгатэрміновыя шэнгенскія візы.
Ужо сёньня: 107 гадоў таму ўрад БНР абвясьціў беларускую мову дзяржаўнай
https://smarturl.click/M1J9a
3 красавіка 1918 году Народны Сакратарыят Беларускай Народнай Рэспублікі абвясьціў беларускую мову дзяржаўнай і абавязковай мовай краіны.
Усе акты, дакумэнты і ліставаньне ўрадавых установаў БНР павінны былі пісацца на дзяржаўнай беларускай мове. Нацыянальным мяншыням Беларусі дазвалялася карыстацца сваёю моваю ў афіцыйных дачыненьнях зь дзяржаўнымі ўстановамі.
На фота: урад БНР
«Бабуля спрабавала злавіць вольнае слова скрозь трэскат прымача». Эўрадэпутаты падзяліліся гісторыямі пра Радыё Свабода
https://smarturl.click/2qnml
У Эўрапарлямэнце прайшлі слуханьні аб сытуацыі вакол прыпыненьня фінансаваньня мэдыякарпарацыі Радыё Свабодная Эўропа/Радыё Свабода.
У час дэбатаў парлямэнтары расказвалі асабістыя гісторыі пра тое, ці варта Эўразьвязу падтрымаць журналістаў.
Як Вугоршчына можа ня выканаць ордэр МКС на арышт Нэтаньягу падчас яго візыту
https://smarturl.click/718RX
#rfe_rl
Калі прэм’ер-міністар Ізраіля Біньямін Нэтаньягу наведае Вугоршчыну, ён ня будзе арыштаваны, нягледзячы на ордэр на арышт ад Міжнароднага крымінальнага суду за меркаваныя ваенныя злачынствы ў Газе.
Чэхія ўнесла ў санкцыйны сьпіс былую беларускую журналістку Натальлю Судлянкову. Яе абвінавачваюць у супрацы з расейскім ГРУ
https://smarturl.click/ppQM2
Былая беларуская журналістка Натальля Судлянкова і супрацоўнік расейскай спэцслужбы ГРУ Аляксей Шаўроў дададзеныя ў чэскі нацыянальны санкцыйны сьпіс. Пра гэта ў сераду, 2 красавіка, паведаміла Служба інфармацыйнай бясьпекі Чэхіі (BIS). Раней Судлянкова атрымала ў Чэхіі прытулак, але зараз яна павінна пакінуць Чэскую Рэспубліку на працягу 30 дзён.
Кая Калас: «Няма станоўчых сыгналаў ад Расеі». Перамовы аб спыненьні агню зацягваюцца
https://smarturl.click/yq4QB
Вярхоўная прадстаўніца ЭЗ у замежных справах і палітыцы бясьпекі Кая Калас заявіла, што ў бягучых перамовах аб спыненьні агню ва Ўкраіне «няма станоўчых сыгналаў ад Расеі» і што Масква «проста гуляе ў гульні».
#rfe_rl
Рост ставак па крэдытах і камісіі за пераводы ў валюце. Якія зьмены ўвялі беларускія банкі для кліентаў
https://smarturl.click/dpg2l
Беларускія банкі ў красавіку ўводзяць зьмены для сваіх кліентаў. Якія навацыі?
Навошта Лукашэнку яшчэ адна АЭС? Аналіз Валера Карбалевіча
https://smarturl.click/O05ve
Як відаць, Аляксандар Лукашэнка прыняў палітычнае рашэньне будаваць у Беларусі другую АЭС. Аднак адказу на пытаньне, навошта яна патрэбная Беларусі, ніхто не дае і нават не зьбіраецца даваць. Яно не абмяркоўвалася ня толькі сярод адмыслоўцаў, але нават ва ўрадзе. Піша Валер Карбалевіч.
❗️UPD. МУС вярнула функцыю праверкі абмежаваньняў на выезд зь Беларусі онлайн
Пасьля розгаласу ў СМІ 2 красавіка Міністэрства ўнутраных спраў вярнула на сайт магчымасьць праверыць онлайн абмежаваньне на выезд зь Беларусі праз асабісты кабінэт. Чаму гэтая функцыя зьнікала, у ведамстве не патлумачылі.
https://smarturl.click/kj7QX
Палата прадстаўнікоў ухваліла зьмены ў законе аб унёсках у Фонд сацыяльнай абароны для ІП і самазанятых
https://smarturl.click/aJ20b
2 красавіка Палата прадстаўнікоў у першым чытаньні прыняла законапраект аб унёсках у Фонд сацыяльнай абароны насельніцтва. Акрамя гэтага, адразу ў двух чытаньнях дэпутаты ўхвалілі законапраект, які вызначае тэрмін забароны працаваць ІП тым, хто падчас працы перавысіў гранічны памер выручкі. Расказваем пра новаўвядзеньні.
У Менску затрымалі брата беларускага добраахвотніка Дзяніса Ўрбановіча
https://smarturl.click/aJ20X
Паводле зьвестак @belsat, супрацоўнікі КДБ уварваліся ў кватэру, дзе жыў Максім Урбановіч (на фота), малодшы брат Дзяніса Ўрбановіча, які ад самага пачатку поўнамаштабнага ўварваньня расейскіх войскаў ва Ўкраіну ваюе ў складзе УСУ з пазыўным Ваўкалак.
Вядома, што пасьля ператрусу Максіма затрымалі. Паводле папярэдніх зьвестак, кватэру, дзе ён пражываў са сваёй дзяўчынай, апячаталі. Што стала прычынай ператрусу і затрыманьня і дзе цяпер Максім Урбановіч, невядома.
Пасьля ўчорашняга перапынку Расея атакавала Ўкраіну 74 дронамі, у Харкаве — дзевяць пацярпелых
https://smarturl.click/5Ok1p
Украінскія вайскоўцы зьбілі 41 ударны дрон, якім Расея ўначы атакавала Ўкраіну, яшчэ 20 расейскіх дронаў-імітатараў былі лякацыйна страчаны (без нэгатыўных наступстваў). У выніку расейскай атакі пацярпелі Харкаўская, Данецкая і Адэская вобласьці. У Харкаве, паводле апошніх зьвестак, пацярпелі дзевяць чалавек, сярод іх дзеці: 9-месячнае немаўля, 7-гадовы хлопчык і 16-гадовая дзяўчына.
У Менску падтапіла праспэкт Незалежнасьці ў раёне Нацыянальнай бібліятэкі, прычына — пашкоджаньне водаправоду
Прычынай стала пашкоджаньне будаўнічай арганізацыяй водаправоднай сеткі Д 1000 мм у 08:29 раніцы, паведамляе БелТА. Падтопленая праезная частка праспэкту Незалежнасьці пры руху ў бок МКАД, абцяжараны рух па праспэкце з боку вуліцы Макаёнка ў напрамку вуліцы Жасьмінавай. Брыгады «Менскводаканалу» цяпер лякалізуюць пашкоджаньне.
Відэа @belta_telegramm