16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Літоўскія СМІ Delfi і TV3 паведамілі са спасылкай на свае крыніцы, што зьніклыя на палігоне ў Літве амэрыканскіяя вайскоўцы загінулі. Афіцыйных пацьверджаньняў гэтаму пакуль няма. https://smarturl.click/mpx4o
Читать полностью…
Зьявілася новая інфармацыя пра зьнікненьне вайскоўцаў каля беларускай мяжы
https://smarturl.click/mpx4o
Чацьвера амэрыканскіх вайскоўцаў і аўтамабіль зьніклі ў аўторак пасьля вучэньняў на палігоне Падбродзьдзе (Pabradė) ў Літве, паведамляе LRT са спасылкай на прэсавую службу літоўскай арміі.
У заяве гаворыцца, што пра зьнікненьне стала вядома каля 16.45 паводле мясцовага часу 25 сакавіка.
«Лукашэнка незаменны для расейскай вайны», — аўтар кнігі пра Расею як імпэрыю, ірляндзкі прафэсар О Бяхань
https://www.youtube.com/watch?v=z-qW4KgHWJE
Наколькі важная Беларусь для імпэрскіх плянаў Расеі? Якімі могуць быць наступныя расейскія крокі датычна Беларусі? Пра гэта ды іншае ў «Размове са Свабодай» расказвае Донаха О Бяхань, прафэсар Гарадзкога ўнівэрсытэту Дубліну, Ірляндыя.
У красавіку ў яго мае выйсьці кніга «Незавершаная імпэрыя: расейскі імпэрыялізм ва Ўкраіне і блізкім замежжы» (Columbia University Press). Там ёсьць разьдзел і пра Беларусь.
Пяць рэгіёнаў, дзе Турэччына адыгрывае ключавую ролю. Як на гэта могуць паўплываць масавыя пратэсты ў краіне
https://smarturl.click/672m5
#rfe_rl
У Турэччыне пасьля арышту Стамбулу Экрэма Імамоглу адбываюцца найбуйнейшыя за дзесяцігодзьдзе пратэсты, і зьяўляюцца здагадкі, ці гэтыя падзеі прывядуць да сур’ёзнага выкліку прэзыдэнту Рэджэпу Таіпу Эрдагану або да далейшага спаўзаньня ў бок аўтарытарызму, і як яны адаб'юцца на інтарэсах краіны ў розных рэгіёнах сьвету. Аналіз Свабоды.
Украінскі ўласьнік беларускага судна «Надежда» больш за год ня можа яго зарэгістраваць. Што вядома
https://smarturl.click/8EG0V
Карабель пабудавалі ў 2002 годзе ў Гомлі.
Нацбанк Украіны спыніў разьлік афіцыйнага курсу грыўні да беларускага рубля
https://smarturl.click/opAOn
Афіцыйна паведамлялася, што Ўкраіна спыніла гандаль зь Беларусьсю ў сярэдзіне 2022 году.
Беларускую мову дадалі ў папулярны генэратар субтытраў
https://smarturl.click/1dDbw
Мабільная праграма Сaptions дазваляе аўтаматычна дадаваць субтытры на створанае відэа з дапамогай штучнага інтэлекту. Беларускія карыстальнікі дадатку заўважылі, што беларуская зьявілася ў сьпісе моваў, на якіх можна ствараць подпісы.
Суд загадаў USAGM спыніць спробы закрыць Радыё Свабодная Эўропа/Радыё Свабода
Суд ЗША задаволіў просьбу Radio Free Europe/Radio Liberty аб часовай забароне ў яе судовым пазову супраць Агенцтва глябальных медыя ЗША (USAGM) у сувязі з прыпыненьнем фінансаваньня, выдзеленага Кангрэсам.
Акруговы суд ЗША ў Вашынгтоне ў сваім рашэньні ад 25 сакавіка заявіў, што агенцтва, верагодна, дзейнічала «самавольна і неабгрунтавана» пры спыненьні гранта RFE/RL і што гэта магло б нанесьці «непапраўную шкоду» вяшчальніку, калі б рашэньне было рэалізавана.
Фэдэральны судзьдзя ЗША Ройс Ламбэрт у 10-старонкавым рашэньні адзначыў, што часовая забарона неабходная, каб спыніць закрыцьцё, паколькі RFE/RL прадэманстравала высокую верагоднасьць перамогі ў судзе.
Наступным этапам будзе рашэньне аб выдачы папярэдняй забароны, якая абавязвае USAGM выдзеліць каля 77 мільёнаў даляраў, што Кангрэс прызначыў для дзейнасьці RFE/RL на астатнюю частку фінансавага 2025 году, які заканчваецца 30 верасьня. https://smarturl.click/vwZ0R
У Вільні прайшла акцыя, прымеркаваная да Дня Волі. У ёй прыняла ўдзел і лідарка дэмакратычных сіл Беларусі Сьвятлана Ціханоўская. Беларусы сабраліся на Лукіскай плошчы і рушылі маршам да беларускай амбасады.
Цалкам галерэю глядзіце пад спасылкай - https://smarturl.click/e5pvX
Асноўныя падзеі і найважнейшыя публікацыі Свабоды 25 сакавіка
«ПіК Свабоды». Чаму Лукашэнка прымазваецца да Дня Волі
Рада БНР на ўгодкі абвяшчэньня незалежнасьці: «Нагадвайце, што ў цэнтры Эўропы два народы цярпяць ад Маскоўскага імпэрыялізму»
У Вільні на Дзень Волі ўзьнялі бел-чырвона-белы сьцяг, Ціханоўская выступіла ў Сейме Літвы. ФОТА
«Пачатак сучаснай дзяржаўнасьці беларусаў як эўрапейскай нацыі». Як у сьвеце павіншавалі беларусаў з Днём Волі
Прэзыдэнт і прэм’ер Літвы павіншавалі беларусаў з Днём Волі: «Літоўцы ведаюць цану свабодзе і дэмакратыі»
Лукашэнка заявіў пасьля сваёй сёмай інаўгурацыі: «Паўсьвету марыць пра нашую „дыктатуру“»
Інаўгурацыя як дэманстрацыя няўпэўненасьці — аналіз Валера Карбалевіча
Ціханоўская заявіла аб пераносе пашпартнага праекту ў краіны, дзе не вырашаная праблема з дакумэнтамі для беларусаў
Стала вядома, хто стаў апостальскім нунцыем у Беларусі
Апостальскім нунцыем у Беларусі стаў 49-гадовы Ігнацыё Чафалія. Адпаведны дакумэнт падпісаў 25 сакавіка Папа Рымскі Францішак, адначасова прысвоіўшы дыплямату сан арцыбіскупа.
Новы прадстаўнік Папы Рымскага ў Беларусі нарадзіўся ў Палерма (Італія) 28 красавіка 1975 года. Прэсьвітэрскае пасьвячэньне атрымаў 6 жніўня 2003 года. Быў накіраваны ў дыяцэзію П’яна-дэльі-Альбанезі. Вывучаў кананічнае права. Дыпляматычную службу пачаў у 2006 годзе.
Ён працаваў у апостальскіх нунцыятурах у Эквадоры, Тайляндзе, сталай місіі пры Радзе Эўропы ў Страсбургу, сэкцыі па адносінах з дзяржавамі і міжнароднымі арганізацыямі Дзяржаўнага сакратарыяту Ватыкану і да апошняга часу — у Вэнэсуэле. https://smarturl.click/Q19BY
ЖЫВАЯ ТРАНСЬЛЯЦЫЯ https://youtube.com/live/vR25NsW3ZCE
Чаму Лукашэнка прымазваецца да Дня Волі
25 сакавіка 1918 году Рада Беларускай Народнай Рэспублікі прыняла Трэцюю Ўстаўную грамату, у якой абвясьціла незалежнасьць БНР і аддзяленьне Беларусі ад Расеі. Пра гэтую гістарычную дату і стан беларускай незалежнасьці Дзьмітры Гурневіч размаўляе са сваімі госьцьмі.
Госьці эфіру: Павал Латушка, Юры Дракахруст, Валер Карбалевіч, Сяргей Шупа.
У Менску і вобласьці павысілі плату за праезд у грамадзкім транспарце
У Беларусі пачалі падвышаць цану праезду ў грамадзкім транспарце. Першым гэта зрабіў Менскі аблвыканкам. Цана праезду павялічаная на 10 капеек. У звычайных гарадзкіх аўтобусах зараз трэба будзе аддаць 90 капеек, а на экспрэсных маршрутах — 1 рубель за паездку.
Адпаведна падаражэлі і праязныя білеты. Цяпер яны будуць каштаваць: у гарадах з насельніцтвам да 50 тыс. чалавек — 34,42 рубля за месячны праязны і 12,06 за дэкадны,
у гарадах з насельніцтвам 50–250 тыс. чалавек — 39,43 рубля за месячны праязны і 13,86 рубля за дэкадны.
Пра іншыя гарады такой інфармацыі пакуль няма. https://smarturl.click/O059e
Інаўгурацыя як дэманстрацыя няўпэўненасьці — аналіз Валера Карбалевіча
У інаўгурацыйнай прамове Лукашэнкі дамінавала агрэсіўная, канфрантацыйная рыторыка, палеміка з унутранымі і вонкавымі апанентамі, з дапамогай якой ён спрабаваў завуаляваць сваю няўпэўненасьць. Ён нібы апраўдваўся, з усіх сілаў даказваў сваё права быць прэзыдэнтам, разумеючы, што ў гэтым ёсьць сумневы і ў краіне, і па-за ёю. Піша Валер Карбалевіч. https://smarturl.click/opAbj
Вільня, Літва: Беларусы запалілі зьнічкі і ўсклалі кветкі на могілках Росы да помнікаў братам Луцкевічам і ў капліцы Кастуся Каліноўскага. Фотарэпартаж цалкам глядзіце пад спасылкай.
Читать полностью…
Ці сапраўды прычына няўдач Беларусі — у яе назьве?
Ці сапраўды прычынай няўдач нацыянальнага руху беларусаў зьяўляецца няправільная назва народу і краіны? Што дапамагло балтыйскім народам стварыць свае нацыянальныя дзяржавы і чым іх шлях адрозьніваецца ад беларускага? Пра гэта і пра іншае мы гаворым з этнолягам, дактарантам Карлавага ўнівэрсытэту ў Празе Вадзімам Сідаравым.
https://youtu.be/FQBPK-zHlbA
Лукашэнка ў футарале. Як улады прасоўваюць прапагандысцкую кнігу і колькі яна каштуе дзяржаве
https://smarturl.click/Adva3
У Беларусі ў пачатку 2025 году, акурат перад выбарамі прэзыдэнта, выдалі прэзэнтацыйную кнігу пра Аляксандра Лукашэнку пад назвай «Наш Президент», аўтарамі якой выступілі чыноўнікі і набліжаныя да ўлады дзеячы Аляксандар Радзькоў, Натальля Эйсмант, Уладзімер Пярцоў і Аляксандар Карлюкевіч.
Выданьне суправаджала шумная інфармацыйная кампанія, кнігу актыўна набываюць дзяржаўныя структуры за бюджэтныя сродкі, пра што ў дэталях можна даведацца з тэндэраў. Свабода вывучыла, як бюджэтныя арганізацыі выдаткоўваюць сродкі на куплю кнігі пра Аляксандра Лукашэнку, якая выйшла да выбараў 26 студзеня.
Трое вайскоўцаў зьніклі ў Літве пасьля вучэньняў каля мяжы зь Беларусьсю
https://smarturl.click/mpx4o
Трое замежных вайскоўцаў і аўтамабіль зьніклі ўвечары ў аўторак пасьля вучэньняў на палігоне Пабрадзе ў Швянчоніскім (Сьвянцянскім) раёне на ўсходзе Літвы, паведамляе LRT.
Паліцыя высьвятляе абставіны здарэньня. Старшыня парлямэнцкага камітэту па нацыянальнай бясьпецы і абароне Гедрымас Еглінскас заявіў LRT RADIO, што ведае пра зьнікненьне, але ня даў дадатковай інфармацыі.
Былыя беларускія палітвязьні расказалі, як ім у зьняволеньні дапамагала Радыё Свабода
https://smarturl.click/5Okao
Леанід Судаленка пасьля СІЗА на этапе ў калёнію атрымаў раздрукоўкі публікацыяў на сайце Радыё Свабода пра ягоны перасьлед, а Паліна Шарэнда-Панасюк падчас ператрусу перад самым арыштам пасьпела паведаміць дэталі журналісту Свабоды. Журналістцы «Народнай волі» Вользе Класкоўскай сваякі на спатканьнях пераказвалі навіны са Свабоды.
Прадукцыю «Беларуськалію» перайменавалі і прадаюць Эўразьвязу ў абход санкцыяў — расьсьледаваньне БРЦ
https://smarturl.click/672D5
Беларускі расьсьледніцкі цэнтар выпусьціў матэрыял пад назвай «Соль у мяшку», у якім расказвае, як адно з галоўных прадпрыемстваў Беларусі абыходзіць санкцыі.
Частковае перамір'е, татальная вайна: Суровая рэальнасьць ва Ўкраіне і Расеі на фоне мірных перамоваў
https://smarturl.click/G63vw
Здымкі з усёй Украіны і Расеі паказваюць, што адны з самых разбуральных удараў бесьпілётнікаў за апошнія тыдні былі нанесеныя пасьля таго, як бакі канфлікту публічна пагадзіліся спыніць атакі на энэргетычную інфраструктуру.
#rfe_rl
85 гадоў з дня нараджэньня гісторыка Міхаіла Касьцюка
Міхаіл Касьцюк нарадзіўся 26 сакавіка 1940 году ў вёсцы Масьцішча на Наваградчыне. Беларускі гісторык, акадэмік НАН Беларусі, аўтар больш як 250 навуковых прац, 10 манаграфій. Дасьледаваў гісторыю беларускага сялянства, у прыватнасьці ў савецкі пэрыяд.
Больш падзей 26 сакавіка ў гісторыі чытайце ў матэрыяле «Ўжо сёньня»: https://smarturl.click/mpxQo
Відэарэпартаж Свабоды зь Дня Волі
https://www.youtube.com/watch?v=lgQVvNruWAY
25 сакавіка 1918 году была абвешчаная незалежнасьць Беларускай Народнай Рэспублікі. Сёлета 107-я гадавіна. Мы падрыхтавалі відэа пра тое, як адзначылі беларусы гэтае сьвята і што яно значыць для іх.
Белы дом заявіў, што ЗША дамовіліся з Украінай і Расеяй аб бясьпечным суднаходзтве ў Чорным моры
Белы дом апублікаваў заявы па выніках перамоваў з расейскай і ўкраінскай дэлегацыямі 23-25 сакавіка ў Эр-Рыядзе.
У іх гаворыцца, што ЗША дамовіліся з Украінай і Расеяй забясьпечыць бясьпечнае суднаходзтва, выключыць прымяненьне сілы і не дапускаць выкарыстаньня камэрцыйных судоў у ваенных мэтах у Чорным моры.
Злучаныя Штаты, як паведамляецца, дапамогуць аднавіць доступ Расеі да сусьветнага рынку для экспарту сельгаспрадукцыі і ўгнаеньняў, зьнізіць кошт страхаваньня марскіх перавозак, а таксама пашырыць доступ да партоў і плацёжных сыстэм для такіх апэрацый.
Перамірʼе на Чорным моры пачнецца толькі пасьля зьняцьця санкцый з «Россельхозбанка» і расейскіх вытворцаў харчаваньня і ўгнаеньняў. Пра гэта гаворыцца ў заяве Крамля па выніках перамоваў дэлегацый ЗША і Расеі. https://smarturl.click/B6x8j https://smarturl.click/9zgAj
Беларусы сьвяткуюць Дзень Волі ў розных краінах.
Фота чытачоў з францускіх Альпаў, Сэулу і Кішынёву.
У Вільні праходзіць акцыя, прымеркаваная да Дня Волі.
Беларусы сабраліся на Лукіскай плошчы і рушылі маршам да беларускай амбасады.
Міністар абароны ЗША адмаўляе, што паплечнікі Трампа абмяркоўвалі ўдары па хусітах у сакрэтным чаце, пра які распавёў галоўрэд The Atlantic
Галоўрэд амэрыканскага часопісу The Atlantic Джэфры Голдбэрг расказаў, што каманда прэзыдэнта Трампа ў справе нацбясьпекі ўключыла яго ў сакрэтны чат, дзе абмяркоўваліся вайсковыя ўдары па еменскіх хусітах.
Паводле журналіста, у чаце ўдзельнічалі дарадца Трампа ў справе нацбясьпекі Уолтц, віцэ-прэзыдэнт Вэнс, дзяржсакратар Рубіё, міністар абароны Гэгсэт і дырэктарка Нацвыведкі Габард.
Міністар абароны заявіў, што ніхто з адміністрацыі прэзыдэнта ЗША «не адпраўляў тэкставыя паведамленьні аб вайсковых плянах» у Signal. Міністар назваў Голдберга «ілжывым і вельмі дыскрэдытаваным так званым журналістам».
Дзве крыніцы CNN паведамілі, што Трамп раней быў праінфармаваны пра публікацыю The Atlantic. Падчас брыфінгу прэзыдэнт сказаў: «Я не вялікі прыхільнік The Atlantic. Для мяне гэта часопіс, які вось-вось зачыніцца».https://smarturl.click/z25qw
Ва Ўкраіне павіншавалі беларусаў з Днём Волі і заклікалі ўзмацніць санкцыі супраць Лукашэнкі
Дэпутацкая група «За дэмакратычную Беларусь», якая дзейнічае ў складзе Вярхоўнай Рады Ўкраіны, павіншавала беларусаў з Днём Волі і заклікала міжнародную супольнасьць да ўзмацненьня санкцыяў супраць рэжыму Лукашэнкі.
Дэпутаты заклікалі ўладу Ўкраіны «разарваць дыпляматычныя дачыненьні з рэжымам Лукашэнкі, прызнаць Беларусь акупаванай тэрыторыяй, а памяшканьне беларускай амбасады ў Кіеве перадаць дэмакратычным сілам Беларусі».
У Львове каля абласной рады з нагоды Дня волі побач з украінскім сьцягам сёньня паднялі бел-чырвона-белы сьцяг. https://smarturl.click/RAb2J
Бел-чырвона-белы сьцяг каля Львоўскай абласной рады, 25 сакавіка 2025
Ці добра вы ведаеце падзеі і абставіны, зьвязаныя з абвяшчэньнем незалежнасьці БНР 25 сакавіка 1918 году? ТЭСТ
25 сакавіка 2024 году спаўняцца 106 гадоў з дня абвяшчэньня Радай БНР незалежнасьці Беларускай Народнай Рэспублікі. Гэтай падзеі папярэднічалі і яе суправаджалі многія іншыя пэрыпэтыі гісторыі. Праверце сябе, ці добра вы ведаеце тыя падзеі, адкажыце на пытаньні тэсту. https://smarturl.click/4k7qg
Рада БНР да Дня Волі сярод іншых пасьмяротна ўзнагародзіла ордэнам Марыю Зайцаву
https://smarturl.click/ppQ12
За асабісты гераізм, выяўлены ў змаганьні з расейскімі агрэсарамі за волю народаў Украіны і Беларусі, Ордэнам Жалезнага рыцара ўзнагароджаная беларуская добраахвотніца Марыя Зайцава (пасьмяротна). Ёсьць і іншыя ўзнагароджаныя.