16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Сярод беларускіх палітвязьняў — 36 замежнікаў, —праваабаронцы
Гэта грамадзяне Ўкраіны, Японіі, Польшчы, Швэцыі, ЗША, Расейскай Фэдэрацыі, Латвіі, Літвы, Армэніі, Казахстану і Ўзбэкістану. Мяркуючы па прозьвішчах і біяграфіі, нямала палітвязьняў-замежнікаў паходзяць зь Беларусі і маюць тут сваякоў. «Вясна» расказвае гісторыі некаторых зь іх:
https://smarturl.click/XyB8M
Моладзевую зборную Расеі ў футболе не дапусьцілі да кваліфікацыі Эўра, гэта азначае і пропуск Алімпіяды
Моладзевую футбольную зборную Расеі не дапусьцілі да ўдзелу ў адборавым турніры да чэмпіянату Эўропы 2027 году, які пройдзе ў Сэрбіі і Альбаніі. Праз гэта расейцы ня будуць удзельнічаць у футбольным турніры Алімпіяды-2028 у Лос-Анджэлесе, паколькі яго ўдзельнікі з эўрапейскага кантынэнту якраз павінны вызначыцца па выніках моладзевага Эўра-2027.
А што з моладзевай зборнай Беларусі?
https://smarturl.click/M1Da4
Польскія мэдыі засумняваліся ў нападзе ў Варшаве на Яна Маліцкага, які стварыў Праграму Каліноўскага
Польская паліцыя працягвае праверку заявы прафэсара Яна Маліцкага аб нападзе на яго ў сьнежні 2024 году. Высноваў няма больш за месяц.
https://smarturl.click/ny1JA
На вайне ва Ўкраіне загінуў беларускі добраахвотнік Аляксандар Новік
Паведамленьне пра гібель беларуса распаўсюдзілі ўкраінскія СМІ.
https://smarturl.click/l5awB
Хацеў хайпу, а атрымалася прапаганда нацызму. Пагутарылі зь беларусам, які намаляваў Маска ў цэнтры Варшавы
«Я даведаўся, што Ілан Маск хоча купіць апартамэнты ў самым дарагім доме Варшавы. Мне заўсёды Маск здаваўся забаўна эпатажнай фігурай. А тут яшчэ на інаўгурацыі Трампа ён выцягнуў правую руку і зрабіў дзіўны жэст. Шчыра кажучы, я хацеў хайпануць на гэтым і набраць падпісчыкаў».
Кітайскі стартап DeepSeek запусьціў бясплатнага памочніка штучнага інтэлекту і выклікаў масавы распродаж акцый на рынку
На мінулым тыдні кітайскі стартап DeepSeek запусьціў бясплатнага памочніка штучнага інтэлекту, які, паводле кітайцаў, выкарыстоўвае менш дадзеных за малую частку цаны на існыя паслугі. Да панядзелка памочнік абагнаў амэрыканскага канкурэнта ChatGPT у загрузках з Apple (AAPL.O).
https://smarturl.click/aJO7J
Завушніцы з «Ў», хэйт і песьня пра вёску. Гутарка з падляскай сьпявачкай Niczos пра «Эўравізію»
«Мы зрабілі песьню, і ўсё. Але гэта зараджае ў людзях нешта большае, чым проста файная песьня. Цяпер мы адчуваем, што робім гісторыю Падляшша».
У амэрыканкі, якую вызвалілі ў Беларусі, было беларускае грамадзянства. Хто яна?
Свабода змагла ідэнтыфікаваць вызваленую амэрыканскую і, як выявілася, беларускую грамадзянку Анастасію Нюфэр і даведалася падрабязнасьці пра яе.
https://smarturl.click/dpblE
Хто гуляў у выбары разам з Лукашэнкам. Відэапраект Віталя Цыганкова
Прэзыдэнцкія выбары 2025 году ў Беларусі не былі ані свабоднымі, ані справядлівымі. Журналіст Віталь Цыганкоў успамінае гісторыю і ўсе акалічнасьці прэзыдэнцкай кампаніі, якая ня мела ніякай інтрыгі і нічога не вырашала:
https://www.youtube.com/watch?v=COan61QQdFw
Мілінкевіч пра сёмы тэрмін Лукашэнкі і будучыню Беларусі. Задавайце пытаньні
У 20.30 паводле менскага часу на ютуб-канале Свабода Premium пачнецца жывая трансьляцыя з удзелам Аляксандра Мілінкевіча, экс-кандыдата ў прэзыдэнты Беларусі, дарадцы Ціханоўскай. Сярод тэмаў размовы:
— Якіх зьменаў можна чакаць у Беларусі ў наступныя 5 гадоў?
— Пра што Захаду варта весьці перамовы з рэжымам Лукашэнкі?
— Як можна супрацьстаяць расейскай анэксіі Беларусі?
🎥 Далучайцеся да стрыму, задавайце пытаньні, дзяліцеся меркаваньнямі: https://youtube.com/live/_Kk0wsT_Kx4
СК Беларусі заявіў пра ідэнтыфікацыю 365 удзельнікаў акцый за мяжой і прыгразіў крымінальнымі справамі
Ведамства сьцьвярджае, што «ідэнтыфікавала 365 удзельнікаў акцый за мяжой». Усіх іх зьбіраюцца прыцягнуць да крымінальнай адказнасьці, у тым ліку ў парадку спэцвядзеньня (гаворка пра завочныя суды). «Правяраецца наяўнасьць у іх маёмасьці і нерухомасьці на тэрыторыі Беларусі, у тым ліку зарэгістраванай на іншых асобаў», — гаворыцца ў паведамленьні.
Сярод іх нібыта ідэнтыфікавалі 11 удзельнікаў акцый ва Ўроцлаве, 203 — у Варшаве, 18 у Беластоку, 29 у Вільні, 39 у Нью-Ёрку, 11 у Празе і інш.
У Польшчы выйшла кніга пра «страчаны шанец эўрапейскага выбару Беларусі»
У Варшаве прайшла прэзэнтацыя кнігі дыплямата Марціна Вайцяхоўскага «Эўрапейскі выбар Беларусі — страчаны шанец?». Яе аўтар чатыры гады кіраваў амбасадай Польшчы ў Менску — у той час, калі адносіны дзьвюх краін дайшлі да найгоршага ўзроўню. Пабылі на прэзэнтацыі і расказваем:
https://smarturl.click/mpmXo
☢️ Першы энэргаблёк БелАЭС уключылі ў сетку пасьля 55 дзён прастою
Ён знаходзіўся на рамонце з 3 сьнежня 2024 году. Цяпер працуюць абодва энэргаблёкі БелАЭС.
Другі энэргаблёк таксама адключылі ў сьнежні з прычыны «спрацоўваньня датчыка». Мінэнэрга паведаміла пра гэта 19 сьнежня, але крыніцы «Люстэрка» казалі, што энэргаблёк аварыйна адключылі значна раней — у ноч на 4 сьнежня. Ён зноў запрацаваў 24 студзеня:
https://smarturl.click/M1Djo
Мэдсястра ў раённай лякарні, двое дзяцей. Што вядома пра жанчыну з Лоева, якая прагаласавала на двух участках
«На здымках мэдсястра нашай раённай лякарні. Яна двойчы трапіла на фота раённай газэты, на двух участках для галасаваньня. Мясцовыя людзі прачыталі гэта ў „экстрэмісцкіх“ каналах і проста пасьмяяліся». Хто ж тая жанчына, што «засьвяцілася» на ўчастках у Лоеве?
https://smarturl.click/EezgV
Памутнелае люстэрка. Ліст да менскага сябра пра сорам
Чым жывуць, пра што думаюць, чым пераймаюцца і на што спадзяюцца беларусы ў вымушанай эміграцыі. Пра гэта ў новым лісьце да свайго менскага сябра піша Сяргей Дубавец.
https://smarturl.click/qlV4x
Установы ФСБ будуць рыхтаваць супрацоўнікаў для памежнай службы Беларусі
На партале pravo.by апублікавалі тэкст пратаколу, які прадугледжвае парадак прыёму беларускіх памежнікаў для навучаньня ва ўстановах ФСБ Расеі.
ФСБ Расеі зьяўляецца асноўнай пераемніцай КДБ СССР. Цяпер гэта орган выканаўчай улады, які ажыцьцяўляе дзяржаўнае кіраваньне ў галіне бясьпекі дзяржавы, барацьбы з тэрарызмам, абароны і аховы дзяржаўнай мяжы, аховы ўнутраных марскіх водаў, а таксама каардынуе контрвыведную дзейнасьць:
https://smarturl.click/z21EJ
Прэм’ер-міністар Сэрбіі і мэр гораду Нові-Сад падалі ў адстаўку
🇷🇸 У Сэрбіі ўжо больш за месяц працягваюцца пратэсты супраць прэзыдэнта краіны Аляксандра Вучыча. Напярэдадні невядомыя людзі ўчынілі напад на студэнтаў каля сядзібы ягонай Сэрбскай прагрэсіўнай партыі. Ёсьць траўмаваныя. А тым часам у Бялград на трактарах прыехалі фэрмэры і заблякавалі ключавую дарогу.
Пратэсты пачаліся пасьля трагедыі ў горадзе Нові-Сад на поўначы краіны (аўтаномны край Вайводзіна), калі ў выніку падзеньня навесу на чыгуначным вакзале загінулі 15 чалавек. Пратэстоўцы вінавацяць улады на чале з прарасейскім прэзыдэнтам ва ўтойваньні часткі тэхнічнай дакумэнтацыі на аб’ект і падазраюць улады ў хабарніцтве, якое, на іх думку, прывяло да трагедыі.
Падрабязнасьці пратэстаў і здымкі з вуліцаў: https://smarturl.click/pp6y6
Што Саакашвілі казаў Лукашэнку, каб вызвалілі палітвязьняў. Тлумачыць Мілінкевіч
Пра свой досьвед удзелу ў вызваленьні палітвязьняў у праграме «ПіК Свабоды» расказаў Аляксандар Мілінкевіч, экс-кандыдат у прэзыдэнты Беларусі, дарадца Сьвятланы Ціханоўскай.
...пасьля 2014 году ён зноў вызваліў усіх палітвязьняў, у тым ліку тых, каго пасадзіў пасьля выбараў 2010 году. Зноў жа, ён пачаў іх вызваляць ад страху, каб паказаць Эўропе, што зь ім можна размаўляць.
І цяпер ён спрабуе… Але так слаба, бо яму перашкаджаюць траўмы, якія ён атрымаў у 2020 годзе. Я думаю, што яму проста маральных сіл не хапае, каб вызваліць усіх. Страх падаўляе гэтае жаданьне.
Стала вядома, як менскі «Інтэграл» абыходзіць санкцыі, каб вырабляць мікрасхемы для расейскіх ракет
Беларускае прадпрыемства «Інтэграл» у сакавіку 2022 году – чэрвені 2024-га паставіла ў Расею звыш 6 мільёнаў мікрасхем на суму больш як 130 мільёнаў эўра, якія расейскія прадпрыемствы выкарыстоўваюць для вытворчасьці ракет Р-37, Х-59М2А, С-300, Х-101 і «Іскандэр» — імі расейскія войскі абстрэльваюць мірныя гарады Ўкраіны.
https://smarturl.click/w9yQ8
«Гамафобія ў законе». Як жывуць за кратамі вязьні зь «нізкім сацыяльным статусам» і колькі сярод іх палітвязьняў
Жыцьцё вязьняў «зь нізкім сацыяльным статусам» застаецца адной з найбольш закрытых тэмаў у беларускім грамадзтве. Наданьне «нізкага статусу» — гэта ня толькі даўняя турэмная субкультура, але спосаб, якім адміністрацыі пэнітэнцыярных установаў маніпулююць вязьнямі і палітвязьнямі.
https://smarturl.click/M1DX2
Улады Ізраіля: жывыя толькі 25 закладнікаў з 33, якіх абяцаў вызваліць ХАМАС
Згодна зь перададзеным ХАМАС сьпісам, у наступныя тыдні жывымі вернуцца толькі 25 ізраільскіх закладнікаў. Пра гэта заявіў Давід Мэнсэр, прадстаўнік ізраільскага ўраду. Целы васьмі загінулых ХАМАС перадасьць іхным родным. Улады Ізраіля ўжо праінфармавалі аб гэтым сем’і ахвяр.
https://smarturl.click/9zlG4
85 гадоў з дня нараджэньня Леаніда Дайнекі
28 студзеня 1940 году нарадзіўся Леанід Дайнека, вядомы як адзін з найлепшых беларускіх гістарычных пісьменьнікаў. Ён аўтар раманаў «Меч князя Вячкі» пра барацьбу Полацка зь немцамі ў Ніжнім Падзьвіньні, «Сьлед ваўкалака» пра полацкага князя Ўсяслава Брачыславіча, «Жалезныя жалуды» пра раньні этап станаўленьня Вялікага Княства Літоўскага, «Назаві сына Канстанцінам» пра гістарычныя падзеі XV–XVI стагодзьдзяў у Рыме, ВКЛ і Канстанцінопалі.
У часы незалежнасьці Беларусі разам з сынамі Сяргеем, Зьмітром і Сьцяпанам Леанід Дайнека займаўся прадпрымальніцкай дзейнасьцю, заснаваў фірмы «Пасад» і «БелПі». Сямейная кампанія вырабляла гатункі настояў «Крамбамбуля». Памёр 21 жніўня 2019 году.
Больш падзей гэтага дня ў матэрыяле «Ўжо сёньня»: https://smarturl.click/jkxZl
ЭЗ, Аўстралія, Вялікая Брытанія, Канада і Новая Зэляндыя ў супольнай заяве асудзілі «фальшывыя» выбары ў Беларусі
«Ніякія выбары ня могуць лічыцца свабоднымі, справядлівымі або адпаведнымі міжнародным стандартам, калі яны праводзяцца ў атмасфэры працяглых рэпрэсіяў, якія характарызуюцца ўціскам грамадзянскай супольнасьці, адвольнымі затрыманьнямі і абмежаваньнямі сапраўднага палітычнага ўдзелу у іх», — гаворыцца ў супольнай заяве:
https://smarturl.click/op05W
Галоўнае за 27 студзеня
🗣 ЦВК агучыла папярэднія вынікі выбараў у Беларусі. МЗС краін Эўразьвязу заявілі аб непрызнаньні вынікаў выбараў
🙍🏻♂️ Агучаныя ЦВК лічбы маюць псыхалягічнае значэньне для самога Лукашэнкі, — палітоляг Рудкоўскі
🎥 Дзень (ня)выбараў. Відэакамэнтар Віталя Цыганкова
🇬🇧 Вялікая Брытанія і 🇨🇦 Канада ўвялі новыя санкцыі адносна Беларусі
🙍🏻♀️ Мэдсястра ў раённай лякарні, двое дзяцей. Што вядома пра жанчыну з Лоева, якая прагаласавала на двух участках
🇺🇦 Ва Ўкраіне адрэагавалі на заяву Лукашэнкі пра беларускіх міратворцаў
📚 У Польшчы выйшла кніга пра страчаны шанец эўрапейскага выбару Беларусі. ФОТА
✍🏻Памутнелае люстэрка. Ліст да менскага сябра пра сорам
Вялікая Брытанія ўвяла санкцыі супраць трох абаронных прадпрыемстваў Беларусі, старшыні ЦВК і яшчэ 6 чалавек
Пад санкцыі трапілі старшыня ЦВК Беларусі Ігар Карпенка,
начальнік ГУБАЗіК Андрэй Ананенка і ягоны намесьнік
Міхаіл Бедункевіч, а таксама начальнікі папраўчай калёніі № 11 г. Ваўкавыска Віктар Дуброўка, турмы № 1 у Горадні Павал Казакоў і СІЗА № 1 Менску Андрэй Цэдрык.
Таксама пад санкцыямі апынуліся завод «Легмаш» (Ворша),
канструктарскае бюро «Бесьпілётныя верталёты» і ААТ «АЛЕЎКУРП»:
https://smarturl.click/1dlAo
Канада ўвяла новыя санкцыі супраць Беларусі
27 студзеня кіраўніца МЗС Канады Мэлані Жалі паведаміла пра ўвядзеньне санкцыяў супраць 10 асобаў і 12 арганізацый Беларусі у адказ на фальсыфікацыю прэзыдэнцкіх выбараў і пастаянныя парушэньні правоў чалавека ў Беларусі.
«Сёньня мы дасылаем Аляксандру Лукашэнку выразны сыгнал: Канада ня будзе маўчаць, пакуль яго рэжым працягвае таптаць правы і свабоды грамадзян Беларусі і падтрымліваць поўнамаштабнае ўварваньне Расеі ва Украіну», — гаворыцца ў заяве:
https://smarturl.click/3kleG
Узламалі сайт аб’яднаньня былых беларускіх сілавікоў BelPol, спрабавалі ўзламаць сайт Motolko. help
У BelPol пацьвердзілі тэлеканалу Белсату, што сайт аб’яднаньня быў узламаны, але заявілі, што «праз тое, што сайт навіновы, ніякай крытычнай інфармацыі, акрамя той, што была апублікаваная, на ім не было».
Таксама пра спробу ўзлому 27 студзеня з дапамогай DDOS-атакі паведаміў сайт Motolko.help:
https://smarturl.click/W328W
Памерла Тацяна Навасельская. Яна дасьледавала савецкія рэпрэсіі і даглядала Вайсковыя могілкі ў Менску
Тацяна Навасельская была ўнучкай беларускага паэта Сяргея Знаёмага, якога ў 1930-я гады напаткаў тыповы лёс беларускага інтэлігента тых гадоў — рэпрэсіі. Яго арыштавалі, і ён загінуў у ГУЛАГу.
https://smarturl.click/JDQMg
Агучаныя ЦВК лічбы маюць псыхалягічнае значэньне для самога Лукашэнкі, — палітоляг Рудкоўскі
Палітоляг Пётра Рудкоўскі аналізуе вынікі прэзыдэнцкай кампаніі і заяўляе, што тэма транзыту ўлады ў Беларусі застаецца актуальнай.
https://smarturl.click/LYRWM
Улады Швэцыі затрымалі судна ў сувязі з пашкоджаньнем кабэлю на Балтыцы, падазраюць дывэрсію
Паўночнаатлянтычны альянс узмацніў сваю прысутнасьць у Балтыйскім моры на просьбу Фінляндыі і Эстоніі на тле пашкоджаньняў падводных кабэляў, якія адбыліся апошнім часам.
У Латвійскім дзяржаўным цэнтры радыё- і тэлевяшчаньня (LVRTC) паведамілі аб пашкоджаньні яшчэ аднаго камунікацыйнага кабэля, якія забясьпечваў сувязь па маршруце Вэнтсьпілс (Латвія) — Готлянд (Швэцыя).
https://smarturl.click/5Ol3O