17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Офіс Ціханоўскай: спадзяёмся дамагчыся зьмены парадку ўезду беларускіх аўтамабіляў у Літву
Офіс дэмакратычнай лідэркі Сьвятланы Ціханоўскай працягвае перамовы зь літоўскім бокам аб спрашчэньні ўезду ў краіну аўтамабіляў зь беларускімі нумарамі, паведаміў галоўны дарадца Ціханоўскай Франак Вячорка.
Паводле палітыка, Офіс спадзяецца на кампраміс у гэтым пытаньні: «Хутчэй за ўсё, гэта будзе нешта сярэдняе паміж польскім варыянтам, калі пускаюць усіх беларускіх грамадзян з шэнгенскімі візамі, [неабходнымі] дакумэнтамі, і латвійскім, калі пускаюць паводле папярэдняй заяўкі».
https://smarturl.click/ppg52
Сырскі заявіў, што УСУ кантралююць у Курскай вобласьці 82 паселішчы, там стварылі ўкраінскую камэндатуру
Галоўнакамандуючы УСУ Аляксандар Сырскі заявіў, што ўкраінскія вайскоўцы кантралююць у Курскай вобласьці 82 населеныя пункты на плошчы 1150 квадратных кілямэтраў. Пра гэта ён сказаў на пасяджэньні стаўкі вярхоўнага галоўнакамандуючага. Расея пакуль не камэнтавала гэтую інфармацыю.
Сырскі сьцьвярджае, што ўкраінскае войска прасунулася ўглыб рэгіёна на 35 кілямэтраў. На кантраляванай украінскімі вайскоўцамі тэрыторыі створаная ўкраінская камэндатура, якой будзе кіраваць генэрал-маёр Эдуард Маскалёў, сказаў Сырскі. Паводле яго, рашэньне прынялі «для захаваньня правапарадку і забесьпячэньня першачарговых патрэбаў насельніцтва».
https://smarturl.click/mpgBz
У Катары пачынаюць новыя перамовы наконт спыненьня агню ў сэктары Газа
У перамовах, якія пройдуць у Досе, прадстаўнікі чатырох краін — Ізраілю, Катару, ЗША і Эгіпту.
Асноўнай мэтай перамоваў называюць спыненьне агню ў сэктары Газа і паслабленьне рэгіянальнай напружанасьці.
Чаго хочуць ХАМАС і Ізраіль?
https://smarturl.click/AdkdM
Прэзыдэнцкія выбары ў лютым 2025-га? Чаму такое магчыма
У Беларусі загаварылі пра магчымасьць датэрміновых прэзыдэнцкіх выбараў. Наколькі рэальныя такія пляны і што такі сцэнар можа даць Лукашэнку? Ацаніў Валер Карбалевіч.
https://smarturl.click/Ee7e5
«Я, першакурсьнік, мог прыйсьці да прарэктара і запатрабаваць зьнізіць кошты за інтэрнат», — Алесь Міхалевіч ў праекце «Сьведкі Лукашэнкі»
У праекце «Сьведкі Лукашэнкі» адвакат, палітык, былы кандыдат у прэзыдэнты Алесь Міхалевіч распавядае пра дзейнасьць студэнцкіх незалежных арганізацыяў у пачатку 1990-х.
https://smarturl.click/B6JzQ
Расея занепакоеная захаваньнем лягістыкі праз наступ Украіны ў Курскай вобласьці
У Інстытуце вывучэньня вайны прыйшлі да высновы, што ўкраінская апэрацыя ў Курскай вобласьці ўжо паўплывала на матэрыяльна-тэхнічнае забесьпячэньне.
У якасьці аргумэнту экспэрты спаслаліся на паведамленьне «Супольнасьці чыгуначнікаў Беларусі» пра тое, што Расейская чыгунка накіравала тэлеграму Беларускай чыгунцы аб неабходнасьці спыненьня з 12 жніўня грузавых цягнікоў з усіх беларускіх станцый у кірунку станцый Арлоўска-Курскага аддзяленьня Маскоўскай чыгункі.
https://smarturl.click/O0X58
За паўгода — 1,7 мільярда рублёў крэдытаў на жыльлё. Чаму рынак нерухомасьці ўсё расьце і колькі гэта будзе цягнуцца
27% беларусаў хацелі б інвэставаць у нерухомасьць, а на рынку жыльля па-ранейшаму бум. Чым гэта выклікана і што будзе далей. Расказваем.
https://smarturl.click/qlQd9
Хакеры арганізавалі фішынгавую атаку на актывістаў і журналістаў, у тым ліку беларускіх. Да яе можа быць датычная ФСБ, — расьсьледаваньне
Пад атаку трапілі актывісты, супрацоўнікі незалежных СМІ, некамэрцыйных арганізацыяў і дабрачынных фондаў, у тым ліку расейскіх і беларускіх.
Хакеры стваралі падробленыя электронныя адрасы ProtonMail, зь якіх ахвярам атакі адпраўлялі лісты ад імя знаёмых людзей ці арганізацыяў з просьбай прагледзець дакумэнт, які мае дачыненьне да працы. Каб адкрыць яго, карыстальніку трэба было зайсьці ў свой акаўнт на Proton Drive ці Google Drive. Калі ён пераходзіў па спасылцы і ўводзіў свой пароль і код двухфактарнай аўтэнтыфікацыі, зламысьнікі атрымлівалі доступ да зьвестак. Падрабязьней:
https://smarturl.click/l5zM1
Галоўнае за 14 жніўня
💰 Экспарт беларускага ПВТ скараціўся амаль на мільярд даляраў
🗣 На «Гродна Азоце» расказалі, як зьмяніліся пастаўкі пасьля ўвядзеньня санкцыяў
🇷🇺 Масква не зьвярталася па дапамогу да АДКБ у сувязі з падзеямі ў Курскай вобласьці
🚗 У Латвіі назвалі ўмовы, пры якіх могуць прапусьціць аўтамабілі зь беларускімі нумарамі ў краіну
«Нам здавалася: сілавікі і чыноўнікі пяройдуць на бок народу», — кіраўнік NEXTA Сьцяпан Пуціла
🎥 «ПіК Свабоды». За і супраць новых выбараў дэмакратычнага лідэра — спрэчка Лябедзькі і Ягорава
👫 «Рэабілітуем культуру і ствараем новую». Арт-рэзыдэнцыя беларусаў у Варшаве просіць дапамогі
🏃 «Гэта ўпершыню ў гісторыі». Як беларускі электрык прабег алімпійскі маратон у Парыжы
🙍🏻♂️ Алесь Міхалевіч у праекце «Сьведкі Лукашэнкі»: «Для Пуціна зрынаньне Лукашэнкі — гэта начны кашмар»
«Не загуляцца ў дэмакратыю падчас вайны». За і супраць выбараў дэмлідэра
Ці мае сэнс у цяперашніх умовах праводзіць выбары лідэра дэмакратычных сілаў? Ці мінаюць ужо паўнамоцтвы Сьвятланы Ціханоўскай? — Пра гэта ў праграме «ПіК Свабоды» спрачаюцца Андрэй Ягораў, прадстаўнік фракцыі «Беларусы» ў Каардынацыйнай радзе, і Анатоль Лябедзька, дарадца Ціханоўскай:
🎥 ВІДЭА цалкам: https://youtu.be/TjaomJUdubg
Былы «кашалёк Лукашэнкі» Юры Чыж, які трапіў у няласку і быў асуджаны, вярнуў кантроль над адной з асноўных сваіх кампаній
29 ліпеня ў Эканамічным судзе Менску адбылося чарговае паседжаньне ў справе аб банкруцтве кампаніі «Трайпл». На ім антыкрызіснага кіраўніка вызвалілі ад абавязкаў, вынікае з рашэньня суду, апублікаванага ў Адзіным дзяржрэестры зьвестак аб банкруцтве, заўважыла @zerkalo_io.
Незадоўга да гэтага, 1 ліпеня, уладальнік кампаніі Юры Чыж заступіў на пасаду гендырэктара. Пасьля гэтага антыкрызісны кіраўнік перадаў яму ўсю дакумэнтацыю і пячаткі. Цяпер доля ў 66,5% гэтай кампаніі належыць Юрыю Чыжу:
https://smarturl.click/mpa2O
Кіраўнік NEXTA Сьцяпан Пуціла: «Нам здавалася: сілавікі і чыноўнікі пяройдуць на бок народу»
Хто і як у рэальнасьці кіраваў грамадзкімі пратэстамі 2020 году? Які быў плян штабу? Ці існуюць межы палітычнага лідэрства? Ці можа NEXTA паўтарыць досьвед 2020 году? — На гэтыя і іншыя пытаньні Юрыя Дракахруста адказвае кіраўнік ТГ-каналу NEXTA — самага папулярнага беларускага мэдыя часоў пратэстаў 2020 году — Сьцяпан Пуціла.
«Дакладнага пляну дзеяньняў у нас не было і не магло быць. Хоць улады і казалі, што рэвалюцыю нібыта рыхтавалі ЗША і калектыўны Захад. Зразумела, што гэта было ня так», — кажа Сьцяпан Пуціла.
Маці былой палітзьняволенай блогеркі Вольгі Такарчук прысудзілі 3 гады калёніі
Ірыну Такарчук затрымалі 23 студзеня, падчас «аблавы» сілавікоў па блізкіх асуджаных.
https://smarturl.click/3kqEB
Прызначана дата разгляду апэляцыі Андрэя Гнёта на рашэньне сэрбскага суду
Апэляцыйны суд Сэрбіі разгледзіць скаргу беларускага рэжысэра Андрэя Гнёта на рашэньне аб экстрадыцыі 27 жніўня. Скарга на рашэньне Найвышэйшага суду ў Бялградзе была пададзена 18 чэрвеня.
Што перад судом кажа сам Гнёт?
https://smarturl.click/G6A2Q
На «Гродна Азоце» расказалі, як зьмяніліся пастаўкі пасьля ўвядзеньня санкцыяў
Намесьнік генэральнага дырэктара адзначыў, што сельскагаспадарчыя прадпрыемствы Беларусі выбіраюць квоты на пастаўку мінэральных угнаеньняў з прадпрыемстваў канцэрну «Белнафтахім» і ААТ «Беларуськалій» толькі на 70%.
https://smarturl.click/mpam9
«Як у 2022-м, ёсьць небясьпека ўцягваньня Беларусі ў канфлікт», — прадстаўнік АПК Кабанчук
Чаму хада і вынікі ўкраінскага наступу ў Курскай вобласьці Расеі важныя для беларусаў? Чаго найбольш асьцерагаецца Лукашэнка? Што вядома пра ўдзел у гэтым наступе беларускіх добраахвотнікаў, якія ваююць у складзе розных падразьдзяленьняў Узброеных сілаў Украіны? Адказвае прадстаўнік па абароне і нацыянальнай бясьпецы Аб’яднанага пераходнага кабінэту, экс-намесьнік камандзіра палку Каліноўскага Вадзім Кабанчук.
https://www.youtube.com/watch?v=0BgXH-1xLIg
Філёлягу з Масквы далі 3 гады за камэнтары ў тэлеграм-канале Nexta
Суд у Маскве асудзіў 28-гадовага філёляга Алега Селіверава да трох гадоў калёніі па справе аб распальваньні нянавісьці да ўлады за камэнтары ў тэлеграм-канале Nexta. Пра гэта паведамляе SOTAvision.
Селіверава прызналі вінаватым у распальваньні нянавісьці з пагрозай прымяненьня гвалту. Пракурор патрабаваў яму чатыры гады калёніі.
Селівераў прызнаў віну. Як піша SOTAvision, перад прысудам ён папрасіў прабачэньня за напісаныя ў 2022 годзе тры камэнтары. Паводле яго слоў, ён ня памятае, як пакідаў іх, а таксама назваў публікацыі «безадказнымі, дурнымі і жорсткімі». Паводле зьвестак выданьня, у камэнтарах згадвалася «неабходнасьць пераварочваць паліцэйскія аўтамабілі» і «ісьці на Крэмль».
https://smarturl.click/opgVj
У Менску памёр пасол Сырыі
Пасол Сырыі Мухамад аль-Умрані памёр у Менску. Пры гэта сырыйская амбасада паведаміла агенцтву ТАСС. Прычынай сьмерці дыплямата, якога Башар Асад накіраваў у Менск, назвалі востры сардэчны прыступ.
Здымак экрану зь відэа тэлеканалу СТВ
Міністэрства фінансаў Літвы прапанавала ўраду разарваць дамову зь Беларусьсю аб супрацы ў мытнай справе
Літва падпісала дамову зь Беларусьсю аб супрацы ў барацьбе з парушэньнямі мытнага заканадаўства ў ліпені 1996 году ў Вільні.
https://smarturl.click/71V1v
Урад Беларусі звольніў яшчэ аднаго кіраўніка Беларускай чыгункі за карупцыю
Яшчэ ў канцы ліпеня затрымалі Сяргея Сізіна, які ў Беларускай чыгунцы адказваў за дзейнасьць гаспадаркі шляхоў, сыгналізацыі і сувязі, электрыфікацыі і электразабесьпячэньня.
https://smarturl.click/Q16Mw
Памёр палітык Сяргей Калякін
Партыя «Справядлівы сьвет», якую Калякін доўга ўзначальваў, была зьліквідаваная Вярхоўным судом 29 верасьня 2023 году. У сьнежні таго ж году Калякін увайшоў у арганізацыйны камітэт па стварэньні марксісцкай партыі.
https://smarturl.click/Ad6vM
Дзень памяці Лявона Баразны
15 жніўня 1972 году ў цэнтры Менску пры нявысьветленых абставінах ударам нажа быў забіты Лявон Баразна, беларускі мастак дэкаратыўна-прыкладнога мастацтва і дасьледчык культуры, удзельнік нацыянальна-культурніцкага руху 1960–70-х гадоў.
Ён стварыў шэраг альбомаў, прысьвечаных народнаму адзеньню і беларускім арнамэнтам, і, па сутнасьці, заснаваў школу нацыянальнага сцэнічнага касьцюму і «апрануў» дзясяткі фальклёрных ансамбляў. Ягоная кніга «Гравюры Францыска Скарыны» стала надзвычай важкім унёскам у «скарыніяну». Баразна не дачакаўся выхаду кнігі ўсяго некалькі дзён, нясшытыя аркушы манаграфіі паклалі яму ў труну.
Менавіта Лявон Баразна разам зь Зянонам Пазьняком распачаў змаганьне з заплянаваным уладамі зьнішчэньнем старажытнай менскай вуліцы Нямігі. Артыкул у яе абарону сябрам удалося надрукаваць у галоўнай савецкай газэце «Правда».
Больш падзей гэтага дня ў гісторыі чытайце ў матэрыяле «Ўжо сёньня»: https://smarturl.click/l5zo1
Пытаньне поўнага закрыцьця мяжы залежыць ад жаданьня Беларусі супрацоўнічаць, — кіраўнік МУС Польшчы
Міністар унутраных спраў і адміністрацыі Польшчы Томаш Семаняк у этэры «Radio ZET» заявіў, што пытаньне поўнага закрыцьця мяжы зь Беларусьсю «тычыцца двухбаковых адносінаў паміж краінамі», польскі бок чакае ад Менску супрацоўніцтва па раней агучаных патрабаваньнях: спыненьне міграцыйнага крызісу на мяжы, вызваленьне журналіста Анджэя Пачобута і выдача Беларусьсю забойцы польскага вайскоўца на мяжы:
https://smarturl.click/JDVmv
У Латвіі назвалі ўмовы, пры якіх могуць прапусьціць аўтамабілі зь беларускімі нумарамі ў краіну (але неабавязкова)
Кампэтэнтныя органы могуць дазволіць уезд у ЭЗ аўтамабіля зь беларускімі нумарамі, калі ён не прызначаны для продажу, а толькі для асабістага карыстаньня, і належыць:
➖ грамадзяніну дзяржавы-чальца ЭЗ або чальцу ягонай сям'і, які зьяўляецца рэзыдэнтам Рэспублікі Беларусь і ўяжджае ў Эўразьвяз на гэтым аўтамабілі;
➖ грамадзяніну Беларусі, які мае дзейную візу або дазвол на жыхарства, які дазваляе ўезд у Эўразьвяз.
Пры гэтым аўтамабіль павінен увозіць непасрэдна ягоны ўладальнік. Падрабязьней:
https://smarturl.click/gp4b4
Мінінфарм заявіў, што за 2023 год абмежаваў доступ да 3388 «дэструктыўных» рэсурсаў і іх «люстэркаў»
Акрамя рэсурсаў па продажы наркотыкаў і распаўсюдзе парнаграфіі, летась заблякавалі і шмат «экстрэмісцкіх рэсурсаў», заявіў намесьнік кіраўніка адміністрацыі Лукашэнкі Ўладзімер Пярцоў:
https://smarturl.click/yqjDR
Загінуў яшчэ адзін баец палка Каліноўскага
Падчас выкананьня баявых задач загінуў баец палка імя Кастуся Каліноўскага, грамадзянін Польшчы Пшэмыслаў «Кордзіян» Расевіч, паведаміў тэлеграм-канал палка. У паведамленьні адзначаецца, што Пшэмыслаў меў беларускія карані, «таму невыпадкова абраў на пачатку сваёй службы ва Ўкраіне полк Каліноўскага» і што ён «усяляк намагаўся дапамагаць беларускім добраахвотнікам ва Ўкраіне».
«Ён валодаў беларускай мовай і цікавіўся беларускай гісторыяй і культурай, лічыў Беларусь сваёй другой бацькаўшчынай», — адзначылі ў палку:
https://smarturl.click/mpa29
У Дзьвіне заўважылі мэдуз. Навукоўцы расказалі, калі яны зьявіліся ў Беларусі
Навукоўцы ўпершыню зафіксавалі рачных мэдуз у Беларусі вясной 2018 году.
https://smarturl.click/kjxk6
«Гэта ўпершыню ў гісторыі». Як беларускі электрык прабег алімпійскі маратон у Парыжы
«Калі лірычны настрой і вы бяжыце па палях Тасканы, чаму б не ўключыць Андрэа Бачэльлі?» Беларус Вадзім Славіч дзесяць гадоў таму важыў 115 кіляграмаў. Сёлета ён прабег гістарычны аматарскі маратон падчас Алімпіяды ў Парыжы. Хто натхніў яго худзець, як трэнавацца пад опэру ў выкананьні Бачэльлі і чаму беларусы мала бегаюць — у гутарцы са Свабодай.
https://smarturl.click/aJ4QY
Ва Ўкраіне заклікалі сваіх грамадзян не наведваць Беларусь і пералічылі ўсе рызыкі
Выведнікі папярэдзілі ўкраінцаў, што іхныя правы ў Беларусі могуць парушыць у кожны момант.
https://smarturl.click/Xy4BW
Беларускія кампаніі праз Эўропу пастаўлялі расейскія аўтазапчасткі ва Ўкраіну
Раней ва Ўкраіне фіксавалі факты пастаўкі беларускіх угнаеньняў і нафтапрадуктаў праз эўрапейскія краіны.
https://smarturl.click/qlQVO