17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Рэспубліканцы зьбіраюцца вярнуць кантроль над Сэнатам ЗША
Рэспубліканцы забралі два важныя месцы ў Агаё і Заходняй Вірджыніі, у той час як большасьць у іншай палаце Кангрэсу, Палаце прадстаўнікоў, яшчэ ня вызначылася.
https://smarturl.click/9z42z
Рэспубліканцы блізкія да кантролю над Сэнатам
Пра гэта сьведчаць апошнія лічбы на выбарах у Сэнат. Што тычыцца прэзыдэнцкай гонкі, там лік стаў 230:210 на карысьць Дональда Трампа.
The New York Times цяпер дае толькі 10% шанцаў на перамогу Камалы Гарыс. Застаецца падлічыць галасы ў дзевяці штатах: Нэвадзе, Арызоне, Мінэсоце, Вісконсіне, Мічыгане, Пэнсыльваніі, Нью-Гэмпшыры, Джорджыі і Алясцы.
Мапа прэзыдэнцкіх выбараў у ЗША: https://smarturl.click/W3pWk
На фота назіраньне за падлікам галасоў ва ўнівэрсытэце Говарда ў Вашынгтоне
Гарыс перамагла ў Каліфорніі і штаце Вашынгтон, Трамп у Айдага
Дзякуючы перавазе ў двух штатах Камале Гарыс удалося скараціць адставаньне ад Дональда Трампа. Аднак рэспубліканец усё адно паперадзе 214 на 179.
Падлік галасоў у «хісткіх» штатах працягваецца.
Мапа прэзыдэнцкіх выбараў у ЗША: https://smarturl.click/W3pWk
Гарыс перамагае ў Калярада і акрузе Калюмбія, Трамп у Агаё
Не зьмяняюцца прыхільнасьці канкрэтнай партыі і ў яшчэ трох суб’ектах ЗША. Штат Калярада і акруга Калюмбія ўсе апошнія выбары традыцыйна аддавалі голас дэмакратам. Так і на гэты раз. Тут перамагае Камала Гарыс. А ў штаце Агаё лідэрства ў Трампа.
Лік у гонцы па галасах электараў 198 на 112 на карысьць Трампа. Пры гэтым яшчэ ідзе падлік галасоў у сямі «хісткіх» штатах, якія моцна паўплываюць на вынік выбараў.
МАПА: https://smarturl.click/W3pWk
Першыя вынікі выбараў у ЗША. Жывая трансьляцыя «Голасу Амэрыкі»
Карэспандэнты і экспэрты «Голасу Амэрыкі» абмяркоўваюць прэзыдэнцкую гонку, яе вынікі і наступствы для ўнутранай палітыкі ў Амэрыцы і адносін ЗША з краінамі Эўропы, Блізкага Усходу, Усходняй Эўропы.
https://smarturl.click/RAMnx
Гарыс ці Трамп? Мапа галасаваньня абнаўляецца
У Злучаных Штатах а 3:00 па менскім часе (гэта 19:00 на ўсходнім ўзьбярэжжы ЗША) завяршылася галасаваньне ў штатах Індыяна, Кэнтакі, Вэрмонт, Вірджынія, Паўднёвая Караліна і Джорджыя.
Для перамогі неабходныя 270 галасоў выбарнікаў. Вынікі дадаюцца ў інтэрактыўную мапу на сайце Свабоды.
https://smarturl.click/W3pWk
Як амэрыканцы выбіраюць прэзыдэнта. Тузін сьвежых фотаздымкаў
Выбарнікі па ўсёй краіне сёньня галасуюць за прэзыдэнта Злучаных Штатаў. Жорсткая барацьба адбываецца паміж Дональдам Трампам і Камалай Гарыс.
https://smarturl.click/JDL4q
Некалькі выбарчых участкаў у ЗША атрымалі пагрозы аб выбуху. ФБР кажа пра расейскі сьлед
ФБР заявіла, што выбарчыя ўчасткі ў некалькіх штатах ЗША сталі аб’ектам пагрозаў аб выбухах, многія зь якіх, выглядае, зыходзяць з расейскіх дамэнаў электроннай пошты. Прынамсі два выбарчыя ўчасткі ў Джорджыі эвакуавалі з прычыны пагрозаў выбухаў. Іх адкрылі прыкладна праз 30 хвілінаў, цяпер улады дамагаюцца судовай пастановы аб падаўжэньні часу галасаваньня, каб кампэнсаваць страчаны падчас эвакуацыі час:
https://smarturl.click/1d1E6
Вандалы пакінулі ксэнафобскія надпісы на беларускай «Карчме 1863» у Вільні
Беларускую «Карчму 1863» у Вільні атакавалі вандалы, заўважыў адзін зь мінакоў і апублікаваў фота ў сацсетках. На фота відаць, што на дзьвярах установы чырвонай фарбай намаляваны ксэнафобскі надпіс: «Lietuva lietuviams» («Літва літоўцам»).
У апошнія месяцы акты вандалізму ў Вільні ўчынілі супраць Беларускага дому ў Вільні, Цэнтру беларускай культуры, крамы сувэніраў «Кропка», якую трымае былы палітвязень зь Беларусі, капліцы беларускай праваслаўнай парафіі Канстантынопальскага патрыярхату, каля прыватнага цэнтру ўцекачоў зь Беларусі «Дапамога».
Фота: facebook.com/barashko
Падрабязьней: https://smarturl.click/3kZzV
Галоўнае за 5 лістапада
👫 Былая прэс-сакратарка МУС, прадзяржаўны камуніст і Канапацкая. Каму, апроч Лукашэнкі, дазволілі зьбіраць подпісы для ўдзелу ў выбарах
👮🏻♂️ Былыя палітвязьні, актывісты, сваякі ўцекачоў. Да каго прыходзяць з арыштамі сілавікі перад выбарамі
🇺🇸 У ЗША асноўны дзень галасаваньня на выбарах прэзыдэнта. 80 млн выбарнікаў прагаласавалі датэрмінова
🎥 «ПіК Свабоды». Супраць усіх ці байкот? Спрэчка Брухана і Вусава пра «бязвыбары» ў Беларусі
🗣 Пяцёра плюс Канапацкая. Ці здольныя ўлады на тонкую перадвыбарчую гульню, разважае аналітык
✍🏻 Лукашэнка правёў нараду на тэму выбарчай кампаніі. Пра што яна сьведчыць, тлумачыць Юры Дракахруст
👨🏻⚖️ У Менску вынесьлі першы вырак за «адмаўленьне генацыду беларускага народу»
🇺🇦 Беларуска з Чарнігава пасьля сьмерці мужа трапіла ва ўкраінскі лягер для мігрантаў
❌ Улады ліквідуюць Беларускую асацыяцыю садзейнічаньня ААН, якая працавала 35 гадоў
Супраць усіх ці байкот? Спрэчка пра «бязвыбары»
Ці ёсьць прынцыповая розьніца — галасаваць супраць усіх ці цалкам байкатаваць абвешчаную ўладамі прэзыдэнцкую кампанію? Ці можа выбар тактыкі на нешта паўплываць у сытуацыі, калі ўжо 30 гадоў выбары ў Беларусі не былі сумленнымі, празрыстымі і свабоднымі і калі амаль з кожнай выбарчай кампаніяй міжнародныя арганізацыі адзначалі пагаршэньне іх умоваў?
Пра гэта ў праграме «ПіК Свабоды» спрачаюцца намесьнік прадстаўніка Аб’яднанага пераходнага кабінэту ў пытаньнях транзыту ўлады Арцём Брухан і прадстаўнік руху «Вольная Беларусь» Павал Вусаў:
ВІДЭА цалкам: https://youtu.be/gwLO1S8btzA
Пяцёра плюс Канапацкая. Ці здольныя ўлады на тонкую перадвыбарчую гульню
«У Беларусі гэта сёмыя прэзыдэнцкія выбары. Але ніколі раней не было зарэгістравана так мала ініцыятыўных груп — усяго сем. Усім зразумела, што прозьвішчы тых прэтэндэнтаў, ініцыятыўныя групы якіх зарэгістраваныя, былі ўзгодненыя на самым палітычным версе. (...)
Калі глядзець аб’ектыўна, то наўрад ці хто з прэтэндэнтаў (акрамя Лукашэнкі) рэальна зможа сабраць патрэбную колькасьць подпісаў», — піша аналітык Валер Карбалевіч:
https://smarturl.click/w9Eom
Былыя палітвязьні, актывісты, сваякі ўцекачоў. Да каго прыходзяць з арыштамі сілавікі перад выбарамі
«Гэтыя масавыя аблавы сьведчаць пра тое, што нічым, акрамя рэпрэсій, Лукашэнка ня можа ўтрымаць сваю ўладу. Гэтыя падзеі шмат хто прагназаваў — што рэпрэсіі напярэдадні так званых выбараў будуць узмацняцца. Да іх застаецца каля трох месяцаў, вось і пачалася „спэцапэрацыя“ пад кодавай назвай „выбары-дурыбары“». Праваабаронца — пра масавыя арышты па ўсёй Беларусі.
https://smarturl.click/2qklR
Беларуска з Чарнігава пасьля сьмерці мужа трапіла ва ўкраінскі лягер для мігрантаў
Як стала вядома Свабодзе, беларуска прыехала ў Чарнігаў у 2021 годзе да мужа-ўкраінца і на гэтай падставе кожны год атрымлівала дазвол на часовае пражываньне ва Ўкраіне. У Чарнігаве яна жыла разам з мужам і сьвекрывёй.
https://smarturl.click/9z45D
Ва Ўкраіне за падрыхтоўку ўдару па вайсковым аэрадроме асудзілі грамадзянку, завэрбаваную расейцамі ў Беларусі
У выніку расейскага абстрэлу вайсковага аэрадрому ў Івана-Франкоўску ў 2022 годзе загарэўся склад з палівам, загінуў адзін чалавек, атрымалі раненьні тры вайскоўцы і дзьве цывільныя супрацоўніцы аэрадрому.
https://smarturl.click/RAM4b
Гарыс адклала зварот да прыхільнікаў
Камала Гарыс ня будзе зьвяртацца да сваіх прыхільнікаў у дзень выбараў, яна зробіць гэта на наступны дзень. Пра гэта заявіў выбарчы штаб кандыдаткі ў прэзыдэнты ЗША ад Дэмакратычнай партыі.
Пакуль у галасах электараў Гарыс саступае Дональду Трампу 210 на 230.
Мурал у падтрымку Камалы Гарыс у Філядэльфіі, штат Пэнсыльванія
Трамп перамагае ў Паўночнай Караліне
Сталі вядомыя вынікі падліку галасоў у першым зь сямі «хісткіх» штатаў. Дональд Трамп сьвяткуе перамогу ў Паўночнай Караліне, паводле інфармацыі AP. Іншыя СМІ таксама паведамілі пра перамогу рэспубліканца ў штаце.
Варта заўважыць, што ў гэтым штаце рэспубліканцы перамаглі і ў 2020-м, аднак сёлета Паўночная Караліна расцэньвалася як месца, у якім могуць перамагчы дэмакраты.
Пры гэтым Гарыс перамагла ў штаце Орэган. Яна саступае Трампу ў агульным падліку 187:230.
На здымку плякат у падтрымку Трампа ў горадзе Франклін, Паўночная Караліна
Мапа прэзыдэнцкіх выбараў у ЗША: https://smarturl.click/W3pWk
Абаронцы права на аборты саступілі ў Флёрыдзе, але перамаглі ў трох іншых штатах
Гэта першая перамога прыхільнікаў права на аборты ў цэлым па краіне пасьля таго, як у 2022 годзе Вярхоўны суд прыняў рашэньне, якое спыніла агульнае права на аборты.
https://smarturl.click/XyYk6
Трамп перамагае ў Мантане і Юце
Па галасах Дональд Трамп апярэджвае Камалу Гарыс 188 на 99. Дагэтуль няма ніводнага штату, дзе ў параўнаньні зь мінулымі выбарамі зьмянілася б партыя, за якую прагаласавалі.
Для перамогі неабходныя 270 галасоў электараў. За вынікамі можна сачыць на інтэрактыўнай мапе на сайце Свабоды.
https://smarturl.click/W3pWk
Выбары ў 🇺🇸: Сытуацыя ў хісткіх штатах
Падзел галасоў паміж Трампам і Гарыс, які вядомы на дадзены момант, прадказваўся раней. Самае важнае - што адбываецца ў сямі штатах, якія вагаюцца. У Джорджыі, Паўночнай Караліне, а зараз Пэнсыльваніі і Мічыгане ўжо скончылася галасаваньне і ідзе падлік галасоў. Ён ідзе нераўнамерна, дзесьці больш падлічаныя акругі, дзе мацнейшыя прыхільнікі рэспубліканцаў, дзесьці - дэмакратаў, і гэты балянс можа моцна мяняцца. Але цяпер:
👉 Джорджыя пасьля падліку 46 працэнтаў бюлетэняў - Трамп на 11 працэнтаў наперадзе,
👉 Паўночная Караліна пасьля падліку 10 працэнтаў бюлетэняў - Гарыс на 6 працэнтаў наперадзе,
👉 Пэнсыльванія пасьля падліку 7 працэнтаў бюлетэняў - Гарыс на 45 працэнтаў наперадзе,
👉 Мічыган пасьля падліку 4 працэнтаў бюлетэняў - Гарыс на 23 працэнты наперадзе.
На тэрыторыі Капітолія затрымалі мужчыну з паходняй
У паведамленьні паліцыі гаворыцца, што пры сабе ў мужчыны была зварачная паходня і сыгнальны пісталет і што ад яго «пахла палівам».
https://smarturl.click/gpYyy
У Нямеччыне затрымалі падазраваных у падрыхтоўцы захопу часткі Саксоніі
Яны плянавалі «заснаваць там дзяржаўнае кіраваньне, падобнае на нацыянал-сацыялістычную Нямеччыну». Сярод узятых пад варту ёсьць палітык з правапапулісцкай «Альтэрнатыва для Нямеччыны».
https://smarturl.click/ZyYxv
Зь ліпеня па верасень у Беларусі завялі сама меней 142 крымінальныя справы за «экстрэмізм», — Human Constanta
Агулам за тры месяцы праваабаронцы Human Constanta зафіксавалі каля 800 выпадкаў парушэньняў правоў чалавека ў сувязі з ужываньнем «антыэкстрэмісцкага» заканадаўства, у тым ліку сама меней 310 прысудаў па адпаведных крымінальных справах і прынамсі 135 затрыманьняў паводле адміністрацыйных абвінавачаньняў:
https://smarturl.click/XyYv6
Выбары прэзыдэнта ЗША: Гарыс ці Трамп? Мапа галасаваньня
5 лістапада — асноўны дзень галасаваньня на прэзыдэнцкіх выбарах у ЗША. Два кандыдаты, якія прэтэндуюць на перамогу, — Дональд Трамп ад Рэспубліканскай партыі і Камала Гарыс ад Дэмакратычнай.
Расказваем падрабязна, як і калі праходзіць галасаваньне, якія штаты ключавыя для прэзыдэнцкай гонкі, хто мае большыя шанцы на перамогу і калі будуць вядомыя вынікі, а таксама публікуем онлайн-мапу галасаваньня (абнаўляецца):
https://smarturl.click/W3pWk
Перадвыбарчыя трывогі Лукашэнкі: ці ўсё пад кантролем?
5 лістапада Аляксандар Лукашэнка правёў нараду на тэму выбарчай кампаніі. У ёй удзельнічалі кіраўнікі шэрагу ведамстваў, у тым ліку і сілавых. З заяваў, якія прагучалі на нарадзе, стала зразумела, што сумневу ў зыходзе выбараў Лукашэнка ня мае, аднак прадбачыць наперадзе неназваныя пагрозы і небясьпекі, падсумоўвае аналітык Юры Дракахруст:
https://smarturl.click/4k2xd
За кратамі ў Беларусі пяць сьвятароў, яшчэ 11 сёлета судзілі ў адміністрацыйных справах
Агульная лічба фактаў рэпрэсій супраць сьвятароў зь верасьня 2020 году дасягнула 74 выпадкаў: рэпрэсіі зьведалі 19 праваслаўных, 25 рымска-каталіцкіх, 5 грэка-каталіцкіх і 25 пратэстанцкіх сьвятароў, падлічылі праваабаронцы:
https://smarturl.click/O0Yp3
Вынесьлі першы вырак за «адмаўленьне генацыду беларускага народу»
55-гадовага тынкара зь Менскага раёну Андрэя Савіцкага асудзілі на 3 гады калёніі агульнага рэжыму, абвінаваціўшы яго ў «адмаўленьні генацыду беларускага народу» (ч. 1 арт. 130-2 КК), а таксама ў «абразе» Лукашэнкі (ч. 1 арт. 368 КК). Падставай для перасьледу сталі допісы ў «Аднаклясьніках» пра Хатынь і Лукашэнку.
Працэс над Андрэем Савіцкім паводле артыкулу аб генацыдзе — першы з часу прыняцьця ў студзені 2022 году закону «Аб генацыдзе беларускага народу»:
https://smarturl.click/Dapx0
У ЗША асноўны дзень галасаваньня на выбарах прэзыдэнта. 80 мільёнаў выбарнікаў прагаласавалі датэрмінова
Як чакаецца, вынік прэзыдэнцкіх выбараў у сямі «хісткіх штатах» вызначаць зыход змаганьня паміж былым прэзыдэнтам Дональдам Трампам, кандыдатам ад Рэспубліканскай партыі, і віцэ-прэзыдэнткай Камалай Гарыс, кандыдаткай ад Дэмакратычнай партыі.
https://smarturl.click/W3p2D
Паводка ў Валенсіі. Відэа
Праз наступствы залеваў загінулі ўжо больш за 200 чалавек. Каралеўскую сям'ю закідалі брудам у час візыту ў пацярпелы рэгіён.
Менчуку прысудзілі прымусовае псыхіятрычнае лячэньне за «падрыхтоўку да ўдзелу ў ваенных дзеяньнях»
У Менскім гарадзкім судзе 8 кастрычніка асудзілі 25-гадовага Аскера Алахвердзіева. Падрабязнасьці справы невядомыя, але вядомы прысуд — прымусовае лячэньне.
https://smarturl.click/YzYLa