11919
#ليس_لدينا_اي_حساب_اوقناة_ثانية_على_التليگرام . . @raadghurikhi
(مات الورد)
يـسلـمان مات الورد --- يـسلـمـان ألــمـن أرد
يسلمان هـسـه العلي --- يـسـلـمـان إقره الـحمـد
*----------------------*-----------------*
غـابـت أحـلامي ورحـل حـادي الأمـاني
مـيـت بـهـيـئـت عــدل گــدامــك أنـي
ودّعـت زهـرت حيـاتـي وعـمـري فـاني
الحيدر اقـره الفـاتحه گـلي اشـتـتـاني
بالـتـراب ضاع العـمـر --- بـالـتراب خـد الطهر
بالـتراب كلشي أندفن --- بـالـتراب حافـر لحـد
*----------------------*-----------------*
الـيـحـفـر الـروحـه گـبـر بـين الـمـگـابر
ينـعـه عمـره ايـگـوم وي نـاعي المنـابر
الــدافـن احـلامـه بـعـد الــمـن يـكــابر
يصـبـر اشلون بجروحه ويـبقـه صابـر
اليعيش عـمـره بدمـع -- اليعيش كسـر الضلع
اليعـيش نـار الالـم --- اليعيش صعبـه أعتـقـد
*--------------------*-----------------*
عـمـي سـلـمـان انـكسـر للزهـره ظهري
چـانـت اتـسـليـني هـيـه وانـتـه تـدري
أدفــنـت وي الــزچـيــه أللـيـلـه عـمـري
خلصت اسنيني احسهه وخلص صبري
أداويه بيش الـگلـب -- اداويه كلش صعب
اداويه بـس ابـدمـع -- اداويه وأيـام أعــد
*---------------------*------------------*
أفـگـدت كلـشي ابفـگـد أغـلـه الحبـايب
بلحظه حسيت الگـلب وبـراسي شـايب
والله دنيـه وشـاهدت بيـهـه الـعـجـايب
أثمنطعش عـام الـورد لـلـحـفـره جـايب
تـمـنيت آنـه انـدفـن -- تـمـنيت انهي الحزن
تـمـنيت جوه الترب -- تـمـنيت مـن نبـتـعـد
*---------------------*----------------*
مـثـلـي يـاهـو بـالـتـرب وسّـد خـليلـه
وگـبـل راسـه بـدنـيـتـه شـيـب دلـيلـه
حـگـه اليعيش بـجـرح ينـطـر رحيلـه
آنـه لو بـيـدي الاجــل مـا تـانـي ليـلـه
أحـاچيك بس الجسـد -- احـاچيك اشضل بعد
احـاچيك جـاوب ألـي -- احـاچيك يـابو المجد
*-----------------------*------------------*
مـرت أيـام الــدفـن ســيــد الـبـريــه
بعـده جفني مـعـاشر الدمعه الجريـه
فـجـئـه دولاب الـوكـت وفـتـر عليـه
خـيـّب اضنوني واخـذ مني الـزچيـه
يروحون ليش بـعجـل -- يروحون أغله الاهل
يروحون وآنـه أنـتـظر -- يروحون كون أستعد
*---------------------*------------------*
✍خـادم الزهراء (ع)
الشاعر رعد الجريخي
نعي بحق الوالده
الـطـيـب لـبَـنـهـه راحـت تــره الـطـيـب لبَنهه
يـكـتـل حـزنـهـه مـا يـنـحـمـل يـكـتـل حزنهه
ضل خالي منهه البيت بعجل ضل خالي منهه
خيمه اعله ابنهه ثاري الوالده خيمه اعله بنهه
*---------------------*-----------------*
( أ ) يالحنينه فـگـدچ كـلـف ( أ ) يالحنينه
الـلـه يـعـيـنــه الأمـه مـشـت الـلـه يـعـيـنــه
يـكـثر ونـيـنـه حـگـه الـولـد يـكـثـر ونـيـنـه
مـن يعمي عينه هـم ينعذر مـن يعمي عينه
*---------------------*------------------*
مـامـنـهــه ردّه الــغــرّبـت مـا مـنـهــه ردّه
مــاي وتـبـدّه ذاك الــعــمــر مــاي وتـبـدّه
يـاهـو الننشده عـن المشت يـاهـو الننشده
مـَر وتــعــده ويـاهـه الـوگـت مَـر وتــعــده
*--------------------------*--------------------*
✍الشاعر
رعد الجريخي
نعي
حوار بين الأمام علي ع وفضه بعد تغسيل الزهراء ع
حـيـدر غـسـلاهـه ابـلـيـل
وشاف الضـلـع والـكـسـره
نـاشـد فـضــه بــدمـوعــه
وبــنــص الـگـلـب حـسـره
يـفـضـه احـچيلي گالـلـهه
أشتـخفي فـاطمة الـزهـره
يـداحــي الـبـاب گـالـتـلــه
وتـشــاهــد نــفــذ صـبــره
تـصـبّـر گــامـت بــحــيـدر
وأتـعـظـم عــلــيــه أجـــره
وتـكـلـه فــاطـمـة مــاتــت
وبـخـدهـه أثــــر ســطــره
يفـضـه شـلـون حـمـلـتـهـه
هــايــه الـفـاجـعـة الــمــره
هَضمة مـحـسـن وخـدهــه
مـاكـشـفـت إلــي الــزهــره
الـكـاسـر اظــهــور الـگــوم
هــالـيـوم انـكـسـر ظــهــره
تـعـلـمـنــه الـصـبـر گــالــت
وانـتـه الـيـجــزع اتـصـبـره
أشـــوفـك حـدّبـت ظـهـرك
واشــوفـن بـالـگـلـب عـَبـره
شـلـون ايـخـلـص ويــنـهـار
وادري بــصـبـرك اشــكـبـره
*---------------*---------------*
✍ خادم الزهراء ع
الشاعر رعد الجريخي
#وا_أُمّاه
. وا أُمّــاه وا أُمّــاه وا أُمّــاه وا أُمّــاه
*---------------*---------------*
بيت ابدونـچ اشيسوه
ابلا گعـداتـچ الـحـلـوه
يتمني الـدهـر عـگـبـچ
يزهره اوسوّه مـاسـوه
*---------------*---------------*
ياخـيـمـه وذره اعلـيـه
يرحـمـه وكلهه حـنـيّـه
اشوفن طولچ اگـبـالـي
هـاي امنيـتـي يـومـيـه
*---------------*---------------*
اشمن ثـوبـچ وعـطـره
واصيحن يمه يـازهـره
عفتيني بوسط حزنـي
ويخنگني المسه بعبره
*---------------*---------------*
چانت شـوفـتـچ جـنـه
وطولچ مـا نـمـل مـنـه
رحتي وظلت الذكرات
حزنهه وهمهه كاتـلـنـه
*---------------*---------------*
ظلت بـالـنـظـر صـوره
ييمه لـ وجـهـچ ونـوره
اغسلهه المسه ابمدمـع
تجري اعيوني معذوره
*---------------*---------------*
ما انسه الجره وشفتـه
خلانـي الـفـرح عـفـتـه
اعيش ابنـاري والمنظر
وگلبي الحسره خانگته
*---------------*---------------*
✍️خادم الحسين ع
الشاعر رعد الچريخي
((موشح))
الـنـوح كـلـه الفاطمـه والـعـينهـه
انعـزي زينب والحسن وحسينهـه
*---------------------*-------------------*
دايـم ايـضـل الـعـزاء الـفاطـمـه
والمجالس هـاي تـبقـى قـائـمـه
والصدور اعله الزچيه مـوسّـمـه
ديـن هـذا ومانـوفّي الـديـنـهـه
*------------------------*------------------*
مانعـوف الـنـوح عالصـار وجـره
اضلوع عدنـه للوديعـه امكسـره
نكشـف افعال العصابـه الـغـادره
احـنـه للزهـره وعد منـطـينـهـه
*----------------------*-----------------*
عـهـد هـذا وبـالدمـوع انـجـدده
للعصرهه الـباب بچفـوف الـعـده
تـلـهـب الـنيران بـيـنـه امـوقـده
وهل جريمه العظمه ماناسينهـه
*-------------------------*--------------------*
بـالـمـأتــم هـاي نـشـرح لـلـمـلـه
والهدف ظلمِ الـزچـيـه انـوصـله
تـعـرف الناس السبب والـمسألـه
ليش عصرتهه العده امعتمينهـه
*------------------------*------------------*
بابهه اچفـوف الأثـيمـه دفـعـتـه
وغطت افعال الزنيـم وسطـرتـه
أذّو الـهـادي ابـغـيابـه ابـضـعـتـه
بـاگـوا احـلام الـعـمـر وسنيـنهـه
*-----------------------*--------------------*
نـنـتـظـر مـوعـود يـظـهــر بـاللـوّه
للجروح ايـصيـر بـجفـوفـه الدوه
يـصلـب الجبتين يـا عـالـم سـوه
وطلعته اهـل الـوفـه امتـانينهـه
*-----------------------*--------------------*
✍خادم الزهراء ع
الشاعر رعد الجريخي
تجليبه
((ما چنه علي))
ياسـلـمـان نـاده ولازم الـظـهـره
ماچنه علي مـن غـسّـل الـزهـره
*----------------------*-----------------*
ماچنـه الصميده الـقالـع الأبـواب
ياسـلـمـان گله والـدمـع سـچـاب
جرحتني بحزنهه لوعت الاحباب
للهادي انوحن والـجـرح ماطـاب
ونعادت يـگـلـه الحسره والـعَبـره
*-----------------------*------------------*
غسّـل فاطمه وبالسطره مايدري
ويگول الـزچـيـه كسرت الظهري
نـيـران الـحـزن للمرتضـى تسري
ضل ابذكرياته ومدمعـه اليجري
وماشايف ضلعهه وحِمـرة السطره
*------------------------*-------------------*
يالزهره يصـيـح اتـوجـرت نـارچ
وشلون بـعـلـي من يرجع الدارچ
حاچيني يگلهه شحچي لزغـارچ
لوسئلوا عـلـيـچ ورادوا اخـبـارچ
شيصبـره يفاطم گلبي يشيصبـره
*----------------------*-------------------*
عفيني ابجروحه وحسرته اينادي
ماشوفچ بـعـد يـابـضـعـة الـهـادي
ماادري اشـيصبـر روحـي وولادي
تفرح بالدمـع يالبضـعـه حـسّـادي
يحچي المرتضى ونيرانه متوجـره
*-------------------------*--------------------*
وَدع لـلـزچـيـه ونـغـزه ابـشـيـبـه
مكسور الـظهـر ومـدنّـگ الهـيـبـه
شتخلي بعَلـي لوطالـت الـغَـيـبـه
راحـت ام ابـوه وراحـت الطـيبـه
فـارگـهـه الامـيـر وضلـت الـذكـره
*----------------------*------------------*
مايگـدر عگبهـه يحبس الـدمـعـه
بعيونه الظلام وذبلـت الـشـمـعـه
يافاطم يصيح ومـحـد ايسـمـعـه
وحزان الصميده ابروحه مجتمعه
محتار بدفنهـه وشـاهـد الـكـسـره
*--------------------------*------------------*
✍خادم الزهراء ع
الشاعر رعد الجريخي
#الله_يعظم_أجرك
. الله يـعـظـم اجــــرك راحت شريكة عمـرك
ياعلي يابـو الـحـسـن
ياعلي يابـو الـحـسـن
*---------------*---------------*
يـا عـلـي حـقـك اذا تـبـقـى ابـنـيـاح
راحـت الـزهره الزچيه وكلـشـي راح
دنـيـا مـا بـيـهـه بـعـد غـيـر الـجـراح
الميّت ابعينه الضـوه ينسه الصـبـاح
ادري الـيــوَدّع غـالـي
ايـعـاشـر دمـع بالتالي
*---------------*---------------*
ادري الـيعيش بـجـرح مـاظـن يـنـام
اقــره ياحيدر على الـراحـه الـســلام
مـابـقـى غـيـر السهـر خـصـم الكـلام
تـلـهـب وتـچـوي الـگـلـب نــار الهيام
إلمن تـبـث اشـجـانـك
ايصير الحزن عنوانك
*---------------*---------------*
دايم ايظل الـدمـع بالـخـد هَـطـول
الـودع الـغـالـي چـذب حزنه يـزول
عظم الله اجرك يـحـيـدر بالـبـتـول
باچـر ايبيّن عـلـى اعـيـونـك ذبـول
اعلـه الحـزن تـتـعـود
متعوفه ثـوب الاسود
*---------------*---------------*
يبـدي ليل الفـاگـد ويـبـدي الحـنـيـن
خلصت العشره وگضت ذيـج السنين
عـافـتـك ام الحـسـن وحـدك حـزيـن
اتحـزم احزام الحـزن والله الـمُـعـيـن
اليدفن عزيزت روحه
تسعـر تظل اجـروحـه
*---------------*---------------*
فـاطـمـه الـچـانـت ضـوه عنـك بعيد
تـذكـر الـعـشـره ويـرد جـرحك جديد
يـاعـلـي حـتـى الصـبـر ماظن يـفـيـد
الـفارگ الـغـالـي ويظل بـأسـمـه يعيد
حـقـك تـظـل اتـكـابـر
ماكو لـ كسرتك جـابـر
*---------------*---------------*
جـرحـك الـيـدّي بعد صـعـبـه يطيب
تدخل البيت واتحس چـنـك غـريـب
اتشيّب وتحني الظهر گبل المـشـيـب
مـحـد ايـلـومـك لأن فــاگـد حـبـيـب
يـجـرح ألــم ذكـراتـك
وتبقى تجر حـسـراتك
*---------------*---------------*
✍️خادم فاطمة ع
الشاعر رعد الچريخي
نعي مفجع
((حگ العقيلة))
حـگـهـه الـعـقـيـلـة اتنوح لمهه
شافت نـارهـه وشافت ظلمهه
ويـلـي عـلـى الـمـحـد رحمهـه
واجـاسـر بـحـقـده خـصـمـهـه
ورّم عـيـنـهـه وچَـفّـه لـطمهـه
عـن الوصي السطـره تـظمهـه
هـاي اللذي يـصعـب كـظمهـه
مـرّه الــرزيــه ويـا عِـظـمـهــه
*------------------------*------------------*
✍خادم الزهراء ع
الشاعر رعد الجريخي
#إثمنطعش_خلصن
. اثمنطعش خلصن عذاب اسنينهه
ماتت الـزهـره ودمعهه ابـعـيـنـهـه
*---------------*---------------*
عـيـن حـمـره والـضـلـوع امكسره
فـاطـمـه الـزهـراء يـا سـيـدِ الـوره
إسـأل البضعه وتـخـبـرك بـالـجـره
الگالوا اصحـاب الـذي امـأذيـنـهـه
*---------------*---------------*
اوجوه چـانـت بالاحقاد امـلـثّـمـه
زمـرة ارهـاب وعـصـابـه مجـرمـه
اتـحـمـلـت لـوعـات منهم فاطـمـه
تبچي ليل انـهارهـه امـخـلـيـنـهـه
*---------------*---------------*
اعليهم اضلوع الــزچـيـه شـاهـده
وحرگت الدار الـمـصـيـبـه الخالده
عـرفـوا اچفـوف الصميده امگيده
بالوصيه وهـالـعـده امـبـيـتـيـنـهـه
*---------------*---------------*
اتـعـيـش ويــانـه تظل الـفـاجـعـه
والجـفـن للموت يـنـزف مـدمـعـه
ايـهـيّـج الاحـزان لـو نـاعـي نـعـه
وعَـصـرت الـبـضـعـه ولا ناسينهه
*---------------*---------------*
يـا إمـــام العــصــر ثــارك عَـجِـلـه
جــــرّد الـبـتـار وانـهـي الـمـسـألـه
نـنـتـظـر يـوم الـقـضـيـه الـعـادلـه
وتكشف الخـانـت نـبـيـهـه ودينهه
*---------------*---------------*
إصـلـب الجـبـتـيـن يبنِ المرتضى
الخلوا اضلوع الـزچيه امرضرضه
إگطع إلسان الـيـحـبـهـم والــرضه
اعله الجـريمـه الدومهه امعتمينهه
*---------------*---------------*
✍️خادم فاطمة ع
الشاعر رعد الچريخي
((ابوذيه))
ساعد الله قلبك مولاي يا علي
رجـع وابـنـار گـلـبـه شاب .. ابونه
ويـوم الـودع اُمـنـه شاب .. ابونه
اليسـأل عـن ابـونـه شاب .. ابونه
كـبـر ونـحـنـه ابتغسيل الـزچـيـه
*--------------------*-------------------*
✍خادم الزهراء ع
الشاعر رعد الجريخي
#رزق_من_الله_رزق
. رزق مــــــــن الـلــه رزق اليـخـدم الـزهرة ابصدق
مولاتي مولاتي يافاطمه
*---------------*---------------*
رزق مــن الـلــه وهــديـــه لـلـخــدم
هـذا صـوتــه وذاك يـخـدم بـالـقـلـم
والـيـدگ صـدره عـلـى الـزهـره بألـم
كلـهـه مـجـتـمـعـه وتظل هـاي الهمم
تعب مـنـحـس ابـتـعـب انـشـوّف الـدنيه العَجَب
*---------------*---------------*
سَجل اسمك بـالـعـزه وعـوف البشر
فـاطـمـي صـيـر بدمـع كحلِ الـنـظـر
إلعن الجاب الـحـطـب والـخـد سطر
خـلـي كلمن جـامـل ايـمـوت ابـقـهـر
ضـلـع لـلـــزهــره ضـلـع يـستـحـق سـيـل الدمـع
*---------------*---------------*
سـاعـه مايـبـرد أبـد گـلـب الـمـحـب
ايسيل دمعه لـ فاطمه ابنوح ونحب
ايـفـوز كلمن اسـمـه خادم يـنـكـتـب
جنه يـلـگـه اهـنـاك والـكـوثـر عـذب
ظـمـه ميشـوف الـظـمـه يــرتــوي بحب فـاطـمـه
*---------------*---------------*
گـلـهـه يـالـزهـره إلـچ فـدوه الـعـمـر
لـذّة الـخـدمـه تـــــره ابـدگ الـصـدر
إشـكـر الله ايـديـمـهـه وزيد الـشـكـر
يالتواسي ام الـحـسـن حق تـفـتـخـر
فـخـر هالخـدمـه فـخـر بـيـهـه يـتـعَـلّـه الــبـشـر
*---------------*---------------*
بـالـك اتـعـوف الـمـجـالـس لـو تـمـل
ربــــح دنـيـه واخــره الـدمـعـه يـهـل
بـاچـر ابـحـبـهـه تره ايـخـف الحـمـل
تحت خيمـة فـاطـمـه ايظل الـشـمـل
أبــــــد لا تــبــرد أبــــــد إخــــــدم بـهـالـمـعـتـقـد
*---------------*---------------*
✍️خادم فاطمة ع
الشاعر رعد الچريخي
#اللهم_أدعوك_وفقني
. الـلـهـمَ ادعـــوك وفـقـنـي اخـــدم فــاطــمـه
الـلـهـمَ ادعـــوك وفـقـنـي اخـــدم فــاطــمـه
*---------------*---------------*
امـنـيـتـي يـارب الـعـرش هــايـه
عمري اخـلـصـه ابـنـوح وقـرايـه
دمـعـاتـي تجري لــ فاطمه الغايه
أسّـرنـي حُـبـهـه ورافــع الـرايــه
هـذا اعـتـقـادي وللموت بالأول وبـالـخـاتـمـه
*---------------*---------------*
ارزقني اصـيـرن بالعَـزه شـمـعـه
الحـد المـنـيـه وتـهـمـل الـدمـعـه
ودوم لـ ضلعهه روحــي منفجعه
الكل المجـالـس اعشگ الـفـزعـه
ادري الزجيه الزهراء تشفعلي من الحـاطـمـه
*---------------*---------------*
نــاذر حــيــاتــي بـالـلـطـم إلـهـه
وفقني ربي وخدمـتـي اقـبـلـهـه
كون الـدمـوع الـلـيـلـه اوشـلـهـه
ولجل الـزچـيـه الـونـه مـامـلـهـه
مـاهمّن لـ هـذا وذاك بـالـمـنـهـج الـمـتـعـلّـمّـه
*---------------*---------------*
هنياله الـيـخـلـصـه باللطم عمره
ويذكر مصـيـبـة فـاطـمـه الزهره
الماينسه ضلع الـطـاهـره وكسره
مـتـعـوفه هي وقـطـعـاً اتحضره
صگ الشـفـاعـه مـضـمـون بس بإديه اتسلمّه
*---------------*---------------*
الماعنده خدمه كلشي مـا عـنـده
بـس الامــيــر الـدمـعـتـه بـخـده
اينوح لــ مـصـاب التشبه الـورده
الذبحوا حـلـمـهـه الماكمل بـعـده
ماانسه يـوم الـبـسـمـار الـبـچّـه املاك السمه
*---------------*---------------*
ياهـو الـيـلـومـه العايش ابنوحه
الواسه الـزچيه بحزنه وجروحه
شـمـعـه يـصـيـر وتحترگ روحه
هـاي الخدامـه الـبـيـهـه الملوحه
خليني اعيشن بالنوح لـ كسر الوديعه العالِمه
*---------------*---------------*
✍️خادم فاطمة ع
الشاعر رعد الچريخي
ابوذيه
صـريـح اواضـح بـأمــري وصادق
وغـيـر الخَـدم مـا احـبـن وصادق
الرسول الله الفرح يحلى وصادق
حـفـيـده ويـوم مـيـلاده سـويــه
*--------------------*--------------------*
✍خادم الامام الصادق ع
الشاعر رعد الجريخي 💐
ابوذيه
. دلـيـلـي افــراح هـالـلـيـلـة.. عَداله
اجـانـه وجـــايـب ابـچـفـه.. عَداله
اليعادي ابيـوم اهل بـيـتـه.. عداله
وخصيمه ايصير حـيدر والـزچـيـه
*---------------*---------------*
✍خادم رسول لله ص
الشاعر رعد الجريخي 💐
ابوذيه
. يـشــذره وصـاغ ربـك.. خاتم ألهه
وصـرت كـل الفضائـل.. خاتم ألهه
الرسالة الجيت بـيـهـه.. خاتم ألهه
الـبـاري ونـصـبـك سـيـدِ الـبــريـه
*---------------*---------------*
✍خادم رسول لله ص
الشاعر رعد الجريخي💐
لسان حال امير المؤمين ع
#التركت_بروحي_حزن
. الـتـركـت بـروحي حـزن بـعـيـونــي لازم تـنـدفـن
عـگـبـهـه أطـبــهــه
والحجره احسنهه سجن
*---------------*---------------*
بعيوني لازم تندفن شـنـهـي الـتـراب
فـاطـمـه لـ نـار الـحـزن فتحتلي باب
صـارت الدنـيـا احس مـثـل الـسـراب
ابـتـدت رحلت عـذابـي وكلشي غاب
الـچـانـت بـقـربـي امس غابت مثل ضي الشمس
يجرحني ياليلي اليـجـن
*---------------*---------------*
احمل اشلون الـبُـعـد واحـمـل جروح
الـچـانـت لـ روحي دوه خلتني انـوح
وتركت ادموع الـجـفـن بالخد سفوح
صوره مـرسـومـه بجرح ماظن تروح
لـ وحـدي والـعَـبـره جمر لــو طـالـت اسنين العمر
تلچمني ذكـراتـي واحـن
*---------------*---------------*
بسمة اسنيني خذتهه وعـمـري ضـاع
استعجل الموت وخـذاهـه ابـلا وداع
شمعة اعيـونـي الضواهه ابيتي شاع
بين انـوحـن واصطبر عـايـش صراع
إمـحَـدِب لـــ بـيـتـي ارد الـفـاگـدهـه تشبـه للـورد
لـ دمـوعي امسح بالردن
*---------------*---------------*
فجأه وبـروحي انگطع حبلِ الوصال
احـلـم اتـمـرنـي وَتجي لو بس خيال
تـنـظـر اشگد بـجـفـاهـه دمعي سـال
شيّبت راسـي ودلـيـلـي وحالي حال
خلتني ماشـيل الـظـهـر فـرگـاهـه تـارسـنـي قهر
لــ ونّــتــي زيـنـب تــون
*---------------*---------------*
راحت البـضـعـه الـمـثـل نسمة هواي
خاطري وگـلـبـي انكسر وٱنهد قـواي
ظلمه حـسـيـت الفضا وذابـل ضـواي
مـيـّت بـهـيـئـة عـدل بـالـفـرگـه هـاي
اتـفـارگـنـه ماظن ننجمع بـجـفـونـي اثـــار الـدمـع
طـعـنـتـني هالفرگه طعن
*---------------*---------------*
✍️خادم فاطمة ع
الشاعر رعد الچريخي
نعي
السيده فاطمه ع تحضر مجلس الحسين
ابروحها... لسان حال
. كـلـمـن عـلــى الـمـذبــوح يـنـعـه
ابروحي اعتني المجلس واسمعه
واحـسـب دمعـكـم دمـعـه دمـعـه
وچـفـي ودعـائـي لـ ربـي ارفَـعـه
ديــــــن وعَـلَـــي لازم ارجــعــــه
وصـك الـشفـاعـه اهنـاك اوقـعـه
واجر المجـالـس عـيـب اضـيـعـه
شـمـل الـخَـدم لو طـش اجـمـعـه
هـيـچ الـخدمنـه ابـخـيـر وضـعـه
افـضـل عـمـل بـاچــــر يـنـفــعــه
الـجـاي الـعـزاء حـسـيـن يـسـعـه
صـك الخـدامـه ايـصـيـر شـمـعـه
ويـفـخــر غـــــداً لـمـن يـطـلـعــه
مـحـد عـلـى الـمــعــبــر يـمـنـعـه
حـبـل الـــوصـل بـالـك تـگـطـعـه
تـخـسـر مــقـــام واعـلـى رفِـعــه
*---------------*---------------*
✍️خادم الحسين ع
الشاعر رعد الچريخي
.
((ام المحنه))
أم الـعـطـف وأم الـمــحــنــه بفرگـتـهـه ظـل دايـم حـزنـه
راحـت امـنـه الـغـالـيـه
راحـت امـنـه الـغـالـيـه
*---------------*---------------*
راحـت الـچـانـت گـبـل رحـمـه وأمـــان
مـاتـت ومــات الضـوه ومـات الـحـنـان
مظلـمـه الـدنـيـه عـگـبـهـه بـكـل زمــان
شمعة الـبـيـت الـوجـهـه يـضـوي چــان
مات الضوه وأحلى ابتسامه ومــن الـزغـر گـالـوا يـتـامـه
*---------------*---------------*
خلت ادموع الـجـفـن تـجـري بـحـنـيـن
أمنه وتلـمـنـه اعـلـه طـيـبـه امـعـوديـن
استبق شيب الـحـزن شـيـب الـسـنـيـن
الـتـروح أمــه بـحـيـاتـه ايـظـل حـزيـن
اصعب جرح فگد الحـبـيـبـه جـرح أليتم يـعـجـز طبـيـبـه
*---------------*---------------*
جنه چانـت والـگـلـب دافـي وعـطـوف
تشبه الشمس الضحى وحلهه الكسوف
يـاجـرحـهـه الــمــا إلــه واحــد يــروف
نـنـتـظـر جـيّــه بـحـلـم وإلـهـه نـشـوف
بلكي بحلـم نـأمـل تـجـيـنـه ونصد على اعـيـون الحنينه
*---------------*---------------*
اشـتـاگـت الـعـيـن ونـظـر أمـنــه تـريـد
راحــت ونــدري الـســفـر كـلـش بـعـيـد
دمعه دمـعـه الليل يـخـلـص وشـيـفـيـد
يــرجــع ويــرجـع بـچـيـنـه مـن جـديـد
يبقى الدمع ساچب علـيـهـه صارت حـلـم بـوسـة اديـهـه
*---------------*---------------*
استعجل الـمـوت الـخـذاهـه بـهـالـوداع
وغيّب لـ وجـه الـزچـيـه الـدومـه شــاع
صـــارت الــدنـيـه سـفـيـنـه ابـلا شـراع
ضعنه بسنين المنـاحـه وكـلـشـي ضــاع
الفاگد صعب تلـتـم جـراحـه اشيملك بعد غيـر الـمـنـاحـه
*---------------*---------------*
فــرحــه مـاكـو لـلـفــرح يـقـره الـسـلام
الفـاكـد ابـلـوعـه يـظـل خـصـم الـكـلام
ذكـريـاتــه اتـصـيـر تـجـرح چـن سـهـام
يـخـلـص الـلـيـل بــســهــر وي الـظــلام
عنه مـشـت امـنـه وبـعـيـده هــــذا الـعـمـر إلـمـن نـريـده
*---------------*---------------*
✍️خادم الحسين ع
الشاعر رعد الچريخي
ويـلاه عــلــى الــزهــراء ويـلاه
*--------------------*--------------------*
رفـسـهـه ألآلـه امـروه رفـسـهـه
وتـجـر الطاهـره گـوه نـفـسـهـه
وي شهگاتهه الـموتـه تـحسـهـه
ويلي اشلـون يجاسر رجسـهـه
الأم حسين مأتـمـنـه نـصـبنـاه
*---------------------*---------------------*
انضـل للموت مانـنسـه هـظمهـه
الـيـوم الـديـن ملعـون الظلمهـه
الـجـاب النـار لـلـبـاب وضرمهـه
زيّـد نـوحـهـه وبـالـخـد لطِمهـه
عدنـه احساب هالملعون ويـاه
*---------------------*--------------------*
يبقى الـنـوح والـمأتـم نـقـيـمـه
ومـن افـلان ماننسـه الجـريـمـه
فاطـم تنعصر وسـفـه وهظيمـه
اجـوهـه الگـوم ماگالوا يـتيـمـه
سـيـد الكـون ماخلوهـه تـنـعـاه
*----------------------*-------------------*
رزيـــه ولـلأبــد اعـظــم رزيــــه
حرگوا باهـه البضـعـه الـزچـيـه
ريـت اتـشـوف يـاسـيـد الـبريـه
الصحبه شلون جازوهه الوصيه
يـدفـع بـابـهـه الـظـالــم تـعـنـاه
*---------------------*-------------------*
دمـع الـعـيـن مايـنشـف نـريـده
وهذا الـنـوح لـلـزهـره عـقـيـده
ام حسين مظـلومـه وشـهـيـده
انواسي اليوم مولانا الصميـده
فـگـدهـه بالدمع والنـوح خلاه
*----------------------*------------------*
✍خادم الزهراء ع
الشاعر رعد الجريخي
.
((دمعة حيدر))
. الرايد يعرف شنهو الصار يسـأل عـن حـال الـكـرار
يلگه اجواب ابدمعة حـيـدر
يحچي الحاله وضلع الكوثر
*---------------*---------------*
يـهـل تـسـأل اشجره وشحل على الـزهـره
علي الهـيـبـه انغزه ابـشـيـبـه بقصص مره
ألك تـكـشـف جــرح يــنــزف بقى بـعـمـره
صعب وضعه فــگــد شـمـعـه انكسر ظهره
صــابـــر لـٰكـن كـلـه اجـروح
حـصّـت حيدر بـس الـنــوح
شـاب ابسرعـه اوضعه اتغيّر
*---------------*---------------*
بـقـى بـ ونــه اخــــذ مـنــه الزمن شـمـعـه
أنهدم حـيـلـه بسـهـر لـيـلـه اختلف وضعه
اشبعد عـنـده علي الوحـده يـهـل دمــعـــه
الـفـگـد خِـلـه الــعـمـر كـلــه يـظـل يـنـعــه
ألمن عينه اوشـوفـه ايـديـر
يذكر خِلـه وحـيـره ايـخـيـر
من اوصافي المـنـظـر اكـبـر
*---------------*---------------*
على الـزهـره الـحـمـد يـقـره ويجي يمـهه
بدمع جـفـنـه يـبـث حــزنــه اشكبر همهـه
جـرح نـوحـه لـچـم روحـــه وألـم عـمـهـه
دفـن بـسـمـه ودفـن نـسـمـه النبي شمـهـه
جرح الوالـي اشلون ايطيب
زهرة روحه وعـنـه اتـغـيـب
مـا يگـدر يـصـبـر مـا يـگـدر
*---------------*---------------*
انكسر گلـبـه وايحس غربـه وسـط بـيـتـه
اشبعد يلگـه الهوه ايحـرگـه الطيب رِيـتـه
خِـلــت داره الحمه لـ جــاره وعِله ابصيته
ولـو سـاعــه المضه اوداعـه يـــــرد رَيـتـه
يجري المدمع بس شـيـفـيـد
ودّع زهـــره وظـل اوحــيــد
ظل بحزنه وجـفـنـه اتـفـجـر
*---------------*---------------*
الـدمـع سـالـه وصعب حالـه بقـى لـوحـده
ابـو الـحـمـلـه ثـگـل حِـمـلـه وعـبــر حــده
الحـيـا كـلـهـه عـلـي مـلـهــه دفـــــن ورده
اشبعد يـسـوه الگبـل سـلـوه سكـن لـحـده
ايصيـر الليل وحـزنـه ايـزود
بلكي ابطيف الـزهـره اتـعـود
الذكره اتلچمه اشـمـا تـتـكـرر
*---------------*---------------*
نسه الفـرحـه وكـبـر جـرحـه فــلا يـشـفـه
على احـبـابـه ودفـــع بــابــه انكسر وسفه
چذب يـنـسـر الـقـلـع خـيـبـر واجه ابچفـه
يدنـيـه انـتـي الفـحـل خنتي صدگ صلفه
حيدر هيچي ايظل مـعـذور
دافـــــن ورده أبـيـن اگـبـور
راحت منـه الـچـانـت تـزهـر
*---------------*---------------*
✍️خادم الزهراء ع
الشاعر رعد الچريخي
نعي
بحق السيده معصومة
ويـنـه الگطـع ذيـچ الـبـوادي
ويـم الـرضـا مـسـرع يـنـادي
معصومة اجت وتريد حادي
اتريـد اللذي ايجَـردِ الهـنـادي
ويـنـه اللذي هـاليـوم يـنـغـر
الطوس ايتعنّه بگلب محتـر
اخـتـك يـگـلـه گطعت الـبَـر
وبيهه الوگت بالنـوگ يفـتـر
ويـنـه العلى مشهد طريـجـه
ايخلي الدمـع عالخد رفيجـه
شـوگ الرضا لـخـتـه يهيجـه
الصاير يگلبهـه چـن حريجـه
*----------------------*-------------------*
خادم السيده معصومة ع
ا✍لشاعر رعد الجريخي
ابوذيات
بـحـطـب وابنـار هالـظـالـم بلاهه
اهروش الـگـلب فـگـدِ امـي بلاهه
اشـوف البـيـت ضـل خـالي بلاهه
وبَعـد مدري الزمان اشظـام ألـيـه
*-----------------------*-----------------*
لـذات الــنـبــي راعـوا لاذت اُمنه
عصابه وموش صحبه لاذت اُمنه
ابـهـجـوم الــدار گــوه لاذت اُمنه
وره الباب وكسر ضلـع الـزچـيـه
*----------------------*-------------------*
الـزمـن مايـرحـم الـمـكـسـور يودار
واعـذرنـه الـدمــع كـل يـوم يودار
مـا ادري ابـسـجـن ضـلـيـت يودار
مضلمه ابكـل وكـت عـگـب الزچيه
*------------------------*-------------------*
أديــرن ردت عــمـــري مادرلهه
الزچيه اشلون دمـعـي مادرلهه
اعله ابونه الألم تخفي مادرلهه
الضلع مكسور والسطره خفيه
*---------------------*------------------*
✍خادم الزهراء ع
الشاعر رعد الجريخي
ساعد الله قلبك يا علي
دمـعـي ايـسـيـل لـلـزهـره .. علاني
وجـرح بسمارهه الـشفتـه .. علاني
اليصـدلي گـام مـايـعـرف .. علي اني
غـزانـي الـشـيـب بوداع الـزچـيـه
*-----------------------*--------------------*
✍خادم الزهراء ع
الشاعر رعد الجريخي
#عهد_عهد_يافاطمة
. عـهـد عـهـد يـا فــاطـمـه
عـهـد عـهـد يـا فــاطـمـه
*---------------*---------------*
عهد يـالـزهـره إلچ مـنـطـيـنـه
كـسـر ضـلـعـچ والله ماناسينه
الـيـجـامـل هاذ خـلـه ابـديـنـه
بـاچـر انجيبه ابأمـر مـهـديـنـه
يجي يجي ايسل صارمه
*---------------*---------------*
كـلـمـه للمـوت ونظل نحچيهه
ابكل صـراحـه مـا نجامل بيهه
الـمـجـالـس هــاي مـن نحييهه
انعادي كلمن فاطـمـه ايعاديهه
قـسـم قـسـم لـلـخـاتـمـه
*---------------*---------------*
نظل كل عـام اليـجـي وفّـايـه
وعد هـذا والـوعـود احـچـايـه
خـدمتچ هـيّه الوسيله وغـايـه
و بـيـد خـدامـچ تــرف الـرايـه
تِرف تِرف بأرض وسـمـه
*---------------*---------------*
ثـار يالبـضـعـه يـعيـش ويانـه
مانـعـوفـه اولا نـعـوف احزانه
جـــرح لـلـمـوت بـألـم خـلانـه
ايـريد ننسه الأمـنـه الـعـادانـه
وحق وحق حامي الحمه
*---------------*---------------*
نطلب بـكـسـر الضـلـع وابثاره
ابـد مـا ننسه الـتـعـنـه ابـنـاره
الخله بنت المصطفى محتاره
والـدمـوع ابـلا ذنب تـتـجـاره
جـرح جـرح يـنـزف دمـه
*---------------*---------------*
يـبـقـى كـلـه الـنـوح للمظلومه
ماتت بـحـسـرة حـزن مهمومه
ويلي والسطره بقت مرسـومه
الـتـهـل ادمـوعـه ياهـو ايلومه
ضـلـع ضـلـع مـتـهـشّـمّـه
*---------------*---------------*
✍️خادم فاطمة ع
الشاعر رعد الچريخي
(يازهراء)
. . يــمــــه مـاتـت احـــلام الــعـمـر
يــمــــه وآنـــه بالـبـيت انـتـظــر
يــمــــه بـغيبـتـچ اصـعب كـســر
شـفـتـه بـحـيـاتـي شـفـتـه بـحـيـاتـي
*---------------*---------------*
چـنـتي رحـمـه چـنـتـي نـعـمـه وأحـلـه سـلـوى
وحـشــه لـيلـي وخاوي حـيلـي ردي فــــــــدوه
الحجره ظلـمـه الـدنـيـه ظلـمـه اشبيهه يـسـوه
آنــــــه زيــنــب گـلـبــي شـيّـب يـــمـــه تـــووه
وحـدي ودمعت عيونــي تصـب
وحـدي آنــــه مـكـسـورت گـلـب
وحـدي يـمـه ومـصـابـچ صـعـب
*---------------*---------------*
أغـفـه واگـعــد عــنــچ أنــشــد يـــمــه يـــمـــه
گـمـت أحــسّـن مــن أفـــــــزّن كـلشـي ظـلـمـه
اشكـد مصايب عـمـري ذايـــب هـايــه هـظـمـه
الـدنـيـه ضــده الـيـبقـه وحـده مــــن يـرحـمـه
بــيّــــه حسره ودمـوعـي تـكـت
بــيّــــه تـلـهـب الـنـار وحـــــرت
بــيّــــه تــــارك اجــروح الـوكـت
*---------------*---------------*
صـرتـي ذكـرى وگـلبـي جـمره صـعـبـه يـطفه
دمعـي يـجـري وهــذا كـسـري شـلـون اوصفه
الشيلـه اشـمهه وابـچي يمـهـه وعـيـنـي تغفـه
خــيّــم الــهــم ربــــي يــعـلـم وارجو عـطـفـه
صـعـبه يـاخـذچ مـنـي الاجــــل
صـعـبه بـروحـي مـذبوح الامــل
صـعبـه الما اضـن صـار وحـصـل
*---------------*---------------*
راح اضــــــلـن وحـدي احـنـن واجـري عـبـره
بـسـمـچ اهـتف گـلـبـي يـنـزف بـيش اصـبـره
أبـعـيـده عـنـچ حـلمـي اشـمچ والله كــســـره
أبـــــلا نـهـايــه الـغـيـبـه هـايه وادري مــــــره
كـلـهــه صــــارت اسنيني شـمـع
كــلـهـه اهـدومي نگـعهه الـدمـع
كـلــهـه عــرفـــت بـهـذا الـوضـع
*---------------*---------------*
التـمشـي عـنـه الچـنـهـه جـنـة يحچـي دمـعـه
بـگـلـبـة حـرگة ايـتـانـي ملگـه ومـن يـسـمـعـه
حــلـمـه يـذبـل حـيـلـة يـنحـل هـــــذا وضـعـه
صعـبـه فـگـدچ حـگـي بــعـدچ ابــقـــه انــعــه
ويـنــچ يــمـــه رديـلــي بـحـلــم
ويــنـچ بـحالـتـي عـنـدچ عــلــم
ويـنــچ بـغـيـبـتـچ كـسـر ولـچـم
*---------------*---------------*
والـلـه فـجـعـه مـاكـــو رجـعـة بــهـالــــرزيــــة
عـنـي رحــتـي وبـس دمـعـتي بـكـل مـسـيـــة
بـغـربـة اشـعـر الـطولـچ انـطـر بـلـكـي جـيـــة
هيچـي هجرچ هيچـي كـسـرچ ســـــــوه بـيـه
يـمـتــه يـنـتـهـي هـــــذا الـحـزن
يـمــتـه اتـمـنـه ويــــــاچ انـدفـن
يــمـتـه بـمـوتـچ الـعـالــم سـجـن
*---------------*---------------*
✍خـادم الـزهـراء ع
الشاعر رعد الچريخي
.
. كلشي ظـلـمـه بـعـيـنـي صـار
كـافـي مَـل گـلـبـي انــتـظــار
يازهرت اسنيني حاچيني حاچيني
*---------------*---------------*
راســي شَيّب گـلـبـي يلـهـب مــن غـيـابـچ
صعبه اشوفه وصعبه اعوفه والـلـه بـابــچ
حـزنــي زايـد وآنــــه رايــــد بـس جـوابـچ
بعيني دمـعـه وعـمـري شمعه بنص عذابـچ
كلمه وحده الروحي اريد
حـتـى لــو عـنّــي بـعـيـد
بُـعـدج يـأذّيــنــي حاچيني حاچيني
*---------------*---------------*
مــري بـيـّـه بـكـل مـسـيــه نــظــره رايــد
عمري يذبل حيلي يـنـحـل حـزنــي زايــد
مـن اكـلـمـچ ومـا اسمـعـچ مــو عـــوايــد
شــده شــده لـيـلـي يـبـده اشگد شـدايـد
لـٰكـن اصـعـب شده هـاي
ويــن اشـوفـج يـا هـواي
يالرسمچ بـعـيـنـي حاچيني حاچيني
*---------------*---------------*
ابـلا نـهـايــه الـغَيـبـه هـايـه لـحـد منيتي
اشگد اعانـي مــن زمــانـــي ومــا أجيتي
دمعي اهملـه صـعـبـه اطبلـه وظلمه بيتي
انـتـي نـــوره بـعينـي صوره وبـي بقيتـي
هـسـه بـاقـي ابـلايـه نـــور
حجره حجره الوحدي ادور
احَچي وأسمعيني حاچيني حاچيني
*---------------*---------------*
جرحي أروفن وين اشـوفـن نظره وحده
صـوتـچ اسمع وصبري اجمع بـيـچ اشـده
هـــذا حــالــي بكـل خـيـالـي بـاقـي بعده
مـــره ذِكـــره ومـره حـسـره بـيـهـه أبّـده
هـذا حـالـي بـهــالــجــروح
چـنـتِ احـســچ بـيّــه روح
بحسراتـي تدريني حاچيني حاچيني
*---------------*---------------*
روحي چنتي بــس رحلتي كـلـشـي ظلمه
آنـــه حـيــدر جرحچ اكـبـر اشلون اكظمه
المـن احـچي الفگدچ ابچي هظمـه هظمه
طـولـي مايـل دمعي سايـل ويــن اظـمــه
غـربــه أحـس بـكـل زمـان
مني رحـتـي ودهـري خان
هالكـلـمه تحييني حاچيني حاچيني
*---------------*---------------*
✍خادم الزهراء (ع)
الشاعر رعد الجريخي
((مقطوعة للأمام الصادق ع))
يازمـن بسـك حـزن مـره اجـبـر بخاطري
خليني اعيش الفرح وينشف دمع ناظري
الكون كـلـه ابتهج وصـار الحفل شاعري
والگمر حاچه الشمس كلهه أله اتحضري
اقترب وجـه الفجر لمـن يجـي اتستـري
وآنـه اغيب بعَجل يـانـور اجـه اتصوري
الليله اجـمـل فـرح هـذا الـفـرح جعفري
*-------------------------*--------------------*
✍خادم الامام الصادق ع
الشاعر رعد الجريخي 💐
((فرحت محب))
ماريـده طاري الحزن بأسمه بـعـد شـلـي
الليلـه بـس الـفـرح لـطٰـه النـبي امـخَلـي
حاچاني احس الگلب وكلمة عِشگ گَلي
عـوف الـدمـع للأبـد بـالـك بـعــد يـهـلـي
الـبهجـه خلها تـعِـم وگـل لـلـحـزن وَلّـي
ورفـع صلاتك بالعَلن وعلـه النبي صلـي
*--------------------------*-----------------------*
✍خادم رسول الله ص
الشاعر رعد الجريخي 💐
ابوذيه
. انه اشـمـا ابدع بوصفك.. مـصـلـه
يـمـن بيت الله صـارالك.. مُـصـلـٰه
خسر كلمن على اسـمـك.. مٰـصـلـه
وحروف اسمك تشـع فوگ الثريـه
*---------------*---------------*
✍خادم رسول لله ص
الشاعر رعد الجريخي💐
#أعظم_فخر
. اعـظـم فـخـر بـيـن الــبـشـر
خــادم صـرت واسـمـي كـبـر
ابـكـل عـــزاء الـزهـراء الـدوّر عَـلـي يـلـگـانـي
*---------------*---------------*
خادم واسولف وافتخر بالخدمه
نعمه چـبـيـره ياخلگ هـالـنـعـمـه
اليخدمهه فاطم ماتعوف لـ إسمه
اليخدم صـدگ بسـر الـعـشـگ
ايـحـس بـألـم وصـدره يـدگ
هـــذا جـــــواب الـخـدام والـحـالـه انـقـل آنـي
*---------------*---------------*
ثابـت أظل وهـالـدرب مـاعـوفـه
وتبقى الدموع لـ فاطمه مذروفه
هـاي الـعـقـيـده وغايتي معروفه
هــــذا الامـــر بـيــه افـتـخـر
طـول الـزمـن طـــول الـعـمـر
بالخدمه اعيش وبالنوح وللبضعه دوم احزاني
*---------------*---------------*
مشكوره يا ام الحـسـن مشكوره
جيت لـ خدمتچ بالدمع وحروره
وفقيني اعيشن بالعزه ودستوره
عندي الـمُـهـم يــمــچ اســـم
يــــم الـخـلـگ خـلـي انـعـدم
ثـابـت أظلن لـلـمـوت مـاعـنـدي مـنـهـج ثانـي
*---------------*---------------*
كلمن يعيش ابلوعتـه وجـروحـه
دوم المناحه لـ فـاطمه مسموحه
والخادم ايـقـدم حـيـاتـه وروحه
ابمدمع يصب يمشي الـدرب
درب العـشـگ كـلـش صـعـب
احـچـيـهـه شـكـرا لـلـه ابـهـذا الـدرب خـلانـي
*---------------*---------------*
بسجل الزچيه الينكتب هنـيـالـه
الـزلـمـه البيّن بـالـعـزه وافـعـالـه
بالخدمه يختم دنيتـه واعـمـالـه
الـبـاقـي أبــد بـهـالـمـعـتـقـد
لـ أم الحـسـن صــان الـعـهـد
يحيي الشعائر ويصيح حب فاطمه ابوجداني
*---------------*---------------*
✍️خادم فاطمة ع
الشاعر رعد الچريخي