487
شاعر قصائد حسينيه منبريه .... ادعمنا فقط في الاشتراك للتواصل @Mert3338
( ثكيل ... كتبت القصيده على لحن القصيده التراثيه .. رحنه بضعينه )
ضايع كبرها ... ... تدري بخبرها
جم نفس شح بريتك ... ... وتبني كبرها امنيتك
يامنتظرها ... ... تدري بخبرها
____
تشيد هل الكبر اعلى جيتك مرهون
من تثئر لفاطم يسرها المكنون
ويلمهدي كون الكلب يحجيلك كون
امك وره الباب العده الكل يدرون
الظالم دفعها ... ... وهشّم ضلعها
بعيونها الدمعه تروج ... ... بين الالم لاجت لوج
وجف من سطرها ... ... تدري بخبرها
__
اجتمعو عليها اجموعهم وتتألف
من الكسرها والذي طك بجف
وجه الورد بسياطهم ضل ينزف
وكل هذا ويردون ونتها تخف
عاشت ضليمه ... ... هايه اليتيمه
حتى لدمعها مخلين ... ... تبجي بوكت مو وكتين
ويالم كسرها ... ... تدري بخبرها
__
شضام الدهر لامك ياغايبها شضام
وين الصحابه اليدعون الاسلام
كوم الخلافه اطلعو اول ضلام
مرتاحت الزهره بفعلهم ومتنام
مهضومه راحت ... ... ولا مستراحت
ومن الكسر نسمع صوت ... ... ام الحسن ليش تموت
بزهرة عمرها ... ... تدري بخبرها
___
البضعه النقيه ل طه عاشت بضعه
من الايام واذبلت جن شمعه
وهو شيعيش الكسروله ضلعه
وصت بعلها الكبر كون تضيعه
فعل السقيفه ... ... وشور الخليفه
وشوط البجي والحسره ... ... كصّر عمرها الزهره
ابذمة العصرها ... ... تدري خبرها
___
ضلت بحسرتها الصعب تشكيها
وي روحها هل المحنه ماتحجيها
ضمت دمعها عن نظر حاميها
وآه الضلع جانت تردد بيها
ابرمشة جفنها ... ... دم نزف منها
وسطرة الخد تخفيها ... ... خافن علي يصد ليها
باقي اثرها ... ... تدري بخبرها
•°°°°•
الخادم - عباس محمد الحميداوي
شهادة الزهراء عليها السلام
[ثكيل ... بين الزهراء وأمير المؤمنين علي حين وداع الزهراء ١٤٤٤ ]
فاطمه توصّي على فراش الموت
ياعلي ابليل انت شيل التابوت
يل منهدم كل حيلك ... ... اكعد اريد احجيلك
ياعلي ... ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي موت وحياة الدنيه هاي امقسمه
والموت موعد لانسبقه ولا احنه الي نقدمه
ونزل هلمره أعلى دارك يريد ياخذ فاطمه
وياعلي عندي وصايا الكلب حيل اتألمه
ابحالي تدري والجره اعليه وصار
مابيه اعيشن بعد فعل البسمار
وعن الكسر شرويلك ... ... اكعد اريد احجيلك
ياعلي ... ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي الله يصبرك ابحين لحظات الغسل
ياعلي المنظر عظيم ومنه رايح تنذهل
وابزاويه من الدار حيدر لمن تنظر تتعزل
يطول نوحك من تناظر بعيني شمسوي النذل
لازم يفيّض صبرك هواي هواي
لمن تغسّلني ياحيدر بل الماي
جمرة حزن اتخليلك ... اكعد اريد احجيلك
ياعلي ... ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي كلمن ظلمني وحّرف انواع الحديث
والكال ماكو نبي مات وبعده يتورث وريث
الكسر ضلعي خليفه عدهم ودينه حنيث
مااريده بساعة اتشيل النعش هذا الخبيث
من نار ربنا منهو الهم منقذ
ذيج العصابه الجان منهم قنفذ
واصبر ياحامي ادخيلك ... اكعد اريد احجيلك
ياعلي ... ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي ضكت الهضيمه بحين موت الوالده
شفت موقف البيه روحك ابلا شعور امعوده
ابغلفه وتنادي يايمه وابكبر هيه امدده
علي ذوله ايتامي يمك وسرمد احزانج بده
موعد رحيلي اقترب ويمكن حان
واتعهد كبري واقره يمي القرأن
استمع خل ترتيلك ... اكعد اريد احجيلك
ياعلي ... ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وعمت عيني على زينب من زغرها مدوهنه
شوفها باري دمعها المالها ساعة هنه
الدهر بيت المصايب على اسم زينب بنه
تنسبي وتموت أهلها هاي كلها امدونه
وياعلي زينب تفز وكت الليل
ولصب دمعها رايده منك حيل
واسيها من تشكيلك ... اكعد اريد احجيلك
ياعلي ... ياعلي
الخادم: عباس محمد الحميداوي
لشهادة الزهراء عليها السلام
[لشهادة الزهراء عليها السلام ١٤٤٦ ]
يافاطمه وصارت صدك ... شاء القدر ان نفترك
ويبقى سؤالي سؤالي سؤالي
تعود الليالي الليالي الليالي ؟
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ماخفت يوم بدنيتي بس جنت خايف افكد
بيا وكت ياأم الحسن وحدي بدارج اكعد
امضيع بشر جو الترب وطبع المضيع ينشد
ولو شايفه زينب امس تشتم مجانج وترد
وتكلي امي راحت ... كتلها بويه ارتاحت
وشنهو البكالي البكالي البكالي
تعود الليالي الليالي الليالي ؟
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وماينوصف حالي ابد ولاحال ايتامج هاي
هاي اول مره احس امدوهن يزهره بلا راي
وغسلتج بدمعي لأن ادري الكسر ياذيه ماي
ذبحتني السطره البيها اثر بجتني يازهره هواي
ساكت وتحجي دمعتي ... ابداري صارت غربتي
ومو زين حالي حالي حالي
تعود الليالي الليالي الليالي ؟
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انصاب ضلعج وانه كلبي بغيبتج هم انصاب
ويوميه بعيوني من افز يافاطمه دمة الباب
عاتبت جفي شلون هال اعليج يازهره اتراب
ماتحلى يم زينب بعد دنيه الخذت مني احباب
راحت بسمة الدار ... وكابل عيني بسمار
ضل بيتي خالي خالي خالي
تعود الليالي الليالي الليالي ؟
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وماجانت ابالي ابد ابيوم اطلع ابتابوتج
ولمثل عمرج يم حسن ماحاسب انه لموتج
كلساع اشم عطرج لجن مشتاك اسمع صوتج
وحسين ينشدني شكثر عنج شكله امروتج ؟
يكلي معقوله الحنينه ... راحت يبويه وماتجينه
ودمعه يلالي يلالي يلالي
تعود الليالي الليالي الليالي ؟
الشاعر الحسيني: عباس محمد الحميداوي
١٤٤٦.٢٠٢٤ شهادة الزهراء عليها السلام الروايه الأولى
[ثكيل ... عن لسان الامام الحسن بعد فقد الزهراء عليهما السلام ]
مادريتي حالي ... ابوحشة الليالي
بيتنه من دون وجهج صبح ضلمه
مايعيش اهواي يمه الماتت امه
__
يمه مو بيت التغيب انواره واليخمد ضواه
ماتضل بيه نسمه للشم التضل بس بيه آه
والفرح يمه يزهره الموت من ولدج خذاه
والميت تعرفه عزيز انجان اكو صيحه وراه
وصحت يمه ارجعي ... بخدي شوفي دمعي
والكلب جلمة يتامى اشكد تحطمه
مايعيش اهواي يمه الماتت امه
__
يمه صعبه أعلى المعّود روحه تتلكينه دوم
من يجي ويلكاج ماكو يبقى بمجانج يحوم
يمه والفركه طويله لاهي ساعه ولاهي يوم
اعيونه رايح تبجي اكثر من ماي البل غيوم
ايهّود اكليبه اشلون ... وانتي طولج مدفون
هظمه افراكج ثكيله اشلون هظمه
مايعيش اهواي يمه الماتت امه
__
يمه ياجلمة اليمه لكل شخص سلوة دليل
واليفارك امه اشوف الموت في حقه قليل
الليل اذا مابيه صوتج حقه لو سموه ليل
انتي عافيتي وضحكتي ليش نيتج بلرحيل
يمه ومايألمك ... بس جنازة امك
وابنص حياتي روحتج ثلمتها ثلمه
مايعيش اهواي يمه الماتت امه
___
يمه ياطاريج طاري ولا ينمل بل الذكر
يمه كليلي اعلى حالج خاف ياذيج الكسر
ردت ادفنج ابوسط عيني ومااخليج بكبر
مارحم حالي الموت ومارحم حالي الهجر
البكى عندي شيله ... الشمها تاخذ حيله
والشاف ذكرى لو صور ايزود همه
مايعيش اهواي يمه الماتت امه
_____
يمه تنشغ كل مسية اغروب روحي وتختنك
يمه واتعنه لمجانج وبيه اون واشبع شبك
المامحسبلها بحياتي هيج فجأء ونفترك
وبيدي اشيعج واكبال عيني الكبر بابه ينغلك
وبعد ماكو نظره ... وماتت امنه الزهره
وهاي شيصبرني بيها وشلون جلمه
مايعيش اهواي يمه الماتت امه
الخادم: عباس محمد الحميداوي
شهادة الزهراء عليها السلام
١
( ١٤٤٥ قصيده ترتيل السمه )
صار ترتيل السمه ... فاطمه يافاطمه
العرش بالدم انصبغ ... بحين صب ضلعج دمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فاطمه ياسر الاهي النور من عنده انبثق
اعداج رادو دنيه ضلمه النور عيّشهم قلق
لاشبيهه الج فاطم ومثلج الله ماخلق
انتي ياسورة براءَ وكوثر وصاد وعلق
بيتج اصل المعرفه ... انتي روح العاطفه
الله خله بيج سر ... ماكو واحد فاهمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
متنج ايسونه ازرك وطافيه يازهرة عين
اضلوع متهشمه وطاح بعتبة الباب الجنين
اشلون رفسه رفس بابج واعصرج هذا اللعين
زحف يازهرة طلعتي خلف امير المؤمنين
واشلون حالة حيدره ...انهشم ضلعج من دره
راد كبلج فاطمه ... هامته المتهشمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ستة أشهر واكف المختار يستأذن دخول
وانتي ناشديته هاي الدار الك وانه البتول
كالج من الله هذ الأمر مو انه الاكول
ورغم كل هذا السقيفه لبابج ايديهم تطول
ابيا ديانه وياشرع ... ... اعليج بابج يندفع
بت نبي وكسرو الج... ... اضلوع واعليج انغمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
المثل بيتج هذا كون الكوم يتخدو مقام
مستقر جان لنبينا وجان منزل جم أمام
التمو وجمعو حطبهم ابابج اولاد الحرام
شكثر جان الثاني حاقد جاي ناوي الانتقام
ايحشم ابكومه ابعجل ... ... والباب بالنار اشتعل
دره اموصى المرتضى ... ... وسل سيوف الضالمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من مصيبة حرك دارج اتنصب الحاكم يزيد
الخّلو المرتضى وحده حسين هم خّلوه وحيد
الضرب متنج ضرب زينب فرق ماكو ولانريد
الشاد حيدر خله للسجاد طوك من الحديد
العرق دساس العرق ... ... ماكو يافاطم فرق
الذابح حسينج ومحسن ... ... من العصابه الهاجمه
الشاعر عباس محمد الحميداوي
١٤٤٥.٢٠٢٣ شهادة الزهراء عليها السلام
(#١٤٤٦ لشهادة الامام الحسن العسكري عليه السلام)
غابت شمس عن أرض سامره
والمهدي ضلت ناره مستعره
صوت النياح تسمعه بيها ... ايد الظلم سمت وليها
ومارحمت بعترة نبيها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يوم ثامن من ربيع الحزن يوم النايبه
شمس ذاك اليوم مدري يامصيبه جايبه
صفت روح العسكري بسم الاعادي ذايبه
أصبحت سامره حزينه وبالدمع متلاهبه
حزنانه ضلت دوم حزنانه
وفوك المتون انشال جثمانه
وللمنتظر كل تعازيها ... ايد الظلم سمت وليها
ومارحمت بعترة نبيها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم سامره أعلى صوت الناعي فزت ناسها
وطلعت ناس ابدمعها وناس تلطم راسها
ومو ركن منها التهدم بل تهدم ساسها
اليوم مجروحه الضماير وخنكه كل أنفاسها
وناعي المصيبه بالخبر ناده
كومو لنعش الحسن ياساده
الساده الهظم زايد عليها ... ايد الظلم سمت وليها
ومارحمت بعترة نبيها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
دار الامامه موحشه صارت وتسمع ونها
جنها خيام ابكربله من الزلم فرغت جنها
اخلاف ابو المهدي مظلمه بس الحزن يسكنها
ويلاه امس جانت شمس تشعشع بنوره منها
ومأجور يابو الغيبه مأجور
هاي المصيبه اتذوب الصدور
ابعينك المايسكت بجيها ... ايد الظلم سمت وليها
ومارحمت بعترة نبيها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبن الحسن يالمنتظر ياامنية كل مشتاك
يالغايب ندري تره يجوي الكلب كل افراك
يتسابك لجفنك دمع ولكلبك الضيم اسباك
انباك من روحك فرح ومن عينك النوم انباك
ثار الحسن انت الذي تجيبه
ومولاي عجّل طالت الغيبه
والشيعه تتنطر تجيها ... ايد الظلم سمت وليها
ومارحمت بعترة نبيها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ماتنسه ادري كربله ولا باب فاطم والنار
وللثار ياابن الحسن عجّل يمهدي للثار
عندك ضعن رد منسبي للسوط بمتونه اثار
عندك ذبيح بكربله اضلوعه صارت طشار
عندك رضيع من الدمه اترّوه
واجفوف عمك راعي الخّوه
اظهر اعداك وامحّي اساميها ... ايد الظلم سمت وليها
ومارحمت بعترة نبيها
الشاعر الحسيني: عباس محمد الحميداوي
(١٤٤٦.٢٠٢٤ ربيع الأول شهادة الامام الحسن العسكري عليه السلام)
(نزله لشهادة الامام الحسن العسكري )
ياجراحُ القلبِ هيجيِ واُسجري ... في مثل هذا اليومُ مات العسكري
واماماه ... ... واماماه
__
نجل الهادي وابو المهدي رحيله يصادف
ابمثل هذا اليوم ودع بزمان السالف
ومن هذاك اليوم لهسه اعلى حزني واكف
بذني يتردد رحيله بكلبي يهتف هاتف
حاشا ان يبقى حزني مضمري ... في مثل هذا اليومُ مات العسكري
واماماه ... ... واماماه
__
عسكرت بيه البواجي عسكر بكلبي الحزن
للذي بسر من رأى كضى وبلغربه اندفن
غصن من شجرة محمد اليوم ذابل هلغصن
عظّم الله لنا الاجر بفقدك يل الحسن
ومع عيني يادموعي ساهري ... في مثل هذا اليومُ مات العسكري
واماماه ... ... واماماه
____
ضجت الدنيه بأسرها والدمع بلمحجر يموج
وعلى مصابه لوجت المجروح الشيعه تلوج
اليوم روح العسكري قد حان الها العروج
وجنازته اتشعيت فوك الروس فوج بأثر فوج
مابقى تحت السنابك معتري ... في مثل هذا اليومُ مات العسكري
واماماه ... ... واماماه
___
طلعت اتشيع وليها من منازلها الجموع
وصلو اعلى جنازته ابذاكه التدين والخشوع
ابليلة الوحشه الشيعه شعلو لروحه الشموع
ونصبو اعليه المأتم واذرفو اقدس دموع
ضل جسمهُ محتشم وموقري ... في مثل هذا اليومُ مات العسكري
واماماه ... ... واماماه
__
الجره وياك يبن الهادي كله اعلى السنن
من مراسيم الجنازه لحد مراسيم الدفن
لجن جدك البقى عاري نال جم سيف وطعن
خذو اعياله سبايه وجسمه ضل المرتهن
انت ماقطعو منك الخنصري ... في مثل هذا اليومُ مات العسكري
واماماه ... ... واماماه
الخادم : عباس محمد الحميداوي
ربيع الاول
شهادة الامام الحسن العسكري عليه السلام
( ثكيل لشهاده الامام الحسن العكسري ع)
غربتك غربه ... ... وفركتك صعبه
الحسن مسموم مثل ذاكه الحسن
المهدي من شاف الابو عيونه جرن
غربتك غربه ... ... غربتك غربه
____
ابو المهدي يلوج ويلي من اثر ذاكه الحقد
السم مرد دلاله ابن الهادي ياناسه مرد
يابو صالح ايتيم تصبح ولليتم يله استعد
العسكري كرب رحيله وهاي ساعات الشدد
تعيش من دونه ... ... وماتشوفنه
الموت اجاه وذيج ايامه كظن
المهدي من شاف الابو عيونه جرن
غربتك غربه ... ... غربتك غربه
__
من يروح الوالد من البيت وتطفى شمعته
والله فيه اله تبين شلون جانت فيته
ابو المهدي والد النه شحاله اهله وشيعته
لو رحل ابن الاطايب وتفرح الي عادته
تفرح النواصب ... ... الحسن نوره غايب
شلون لو عيون ابو المهدي غمضن
المهدي من شاف الابو عيونه جرن
غربتك غربه ... ... غربتك غربه
____
وغمضت عيناه وسامره بلحزن امتلت
ويلي اعلى العكسري الاصوات اعتلت
انوار ابو المهدي ياويلي على الشيعه طفت
خمد نور العسكري ويتيم يامهدي صرت
الدمع وياك ... ... وعشره ماينساك
الدمع راح يذّبل اطراف الجفن
المهدي من شاف الابو عيونه جرن
غربتك غربه ... ... غربتك غربه
____
المهدي صلى اعلى الجنازه وشالها بمتونه
والشيعه بمصاب الي بيه كامو يعزونه
حكه ابو صالح على العسكري تمعه عيونه
وبجنب هادي العتره راحو يدفنونه
المهدي يحفر لحده ... ... وبترب وسد خده
شحاله كلب المهدي ابحين الدفن
المهدي من شاف الابو عيونه جرن
غربتك غربه ... ... غربتك غربه
_
من كظى العكسري ماعطشان ونحز نحره
ولا جروحه الف واكثر ولا سيوف توذره
بس الحسين بمماته خيل تسحك صدره
الله يعينج يازينب وحيدر علي والزهره
والعده هجمت ... ... والخيم شبت
وكل خواته ويه الغرب تدري مشن
المهدي من شاف الابو عيونه جرن
غربتك غربه ... ... غربتك غربه
الخادم : عباس محمد الحميداوي
(قصيدة ثكيل لشهادة الرسول الاعظم )
معالم موت مرسومه بجبينك
انه الزهراء شويه افتحلي عينك
اشوفن حالتك حاله ... والموت استعجل اشماله
انه الزهراء شويه افتحلي عينك
___
اريدن تفتح عيونك وأريد اشكي بقايه الهم
اخافن لو رحت بويه ابابي جم رجس يلتم
اخافن لاضلع باجر ولامحسن اضن يسلم
الغدر يلبس ملبس الدين وبلخيوريه يتكلم
يصيح فلان وأن الزهره موجوده
نوايه الكوم باجر تتضح سوده
وتضل عيوني هماله ...والموت استعجل اشماله
انه الزهراء شويه افتحلي عينك
__
على هونك ياطه اوين تريد الهجره هلمره
ويبويه الموت حاجاني يكلي رايح للكبره
اذا غمض جفن عينك غمضت بسمة الزهره
اذا غابت شمس ضيك ابابي تحصل العصره
وهذني ضلوع فدوه من يروحن
وأبيت احزان اضل اعليك انوحن
يصبح جسمي كخياله ... والموت استعجل اشماله
انه الزهراء شويه افتحلي عينك
____
ليغادر نفس روحك الكون وتصبح الخنكه
الحسن وحسين يردونك بيك البسمه متعلكه
يكوكب رحمه من الله يعوف الدنيه من حكه
ويل تستأذن ابابي باجر بابي محتركه
باجر النوح يزعج هل الصحابه
الهضم والاآه منهم اي ييابه
وجنيني الثاني جتاله ... والموت استعجل اشماله
انه الزهراء شويه افتحلي عينك
__
يبويه لو طلع نعشك الاول اتبين افعاله
يدورن ابعلي اموصى والثاني يطكني اكباله
الرسول أودع الدنيه الأمور ابكيفه تصفاله
يمهم ينسلب حقنه ومنهم تنظلم آله
رسول الله نسو جنهم حديثه
زمّر تكذيب نوايهم خبيثه
ابقصد تتناسى اقواله ... والموت استعجل اشماله
انه الزهراء شويه افتحلي عينك
__
كتلي اول واحد انتي يلتحق بيه وسريع
راح يامبعوث رحمه يضيع كبري بل البقيع
اشكي همي وثكل حزني لباب جبارً سميع
اخذو حقي فلاناً وفلاناً وجرى بيَ الفضيع
اليصير وياي كله يمّهد لباجر
وهل البسمار سيف يصير بلعاشر
والدهر هل حانت اجاله... والموت استعجل اشماله
انه الزهراء شويه افتحلي عينك
الخادم: عباس محمد الحميداوي
صفر الخير
(نزله لمصاب النبي الاكرم ص)
الفاتحه مسويها حيدر ... والحسن بكهوته يخدر
وفاطمة تون وي زينب ... و المعزب ابو الاكبر
لفكد النبي ... لفكد النبي
_____
اليوم محزونه الاراضي وتنعى ويه سكانها
راحل المختار منها والحزن بس عنوانها
اليفجع ذكر محمد ويبجي حتى اذانها
اشهد مات محمد والنبوه انهدم من اركانها
ويلي وايلاه الاصوات ... حيف طه كظى ومات
افضل الاحياء اهو جان ... وهسه افضل كل الاموات
لفكد النبي ... لفكد النبي
___
صعبه فكد النبي لحيدر والله صعبه ومعضله
ابن عمه ومثل ابوه ومن راح كلي منهو اله
خبر موتك يكول حيدر بالارض حل زلزله
جعفر مشتاق لمجئيك والحمزه نادى ياهله
علي من دونك بوحده ... بروحتك طايح بشده
عينه ماسكتت لحظات ... كوم كف دمع البخده
لفكد النبي ... لفكد النبي
_____
ويلي كوم وشوف شبلك ونته تفطر الصخر
عمره اقل من عشره لاجن بروحتك هو كبر
يفور ويه فورت ادلاله وروحه دلاات وجمر
اوهنه كل قوى فقدك مصيبتك تحني الظهر
الحسن يبجي بحنينه ... يكول جاميته تجينه
هو نار اشتعل كلبه ... وعلي ون وياه لونينه
لفكد النبي ... لفكد النبي
_____
فاطمه تنادي يبويه بدونك عشت بغرب
جنت تترس وجهي بسمه لداراي حين التطب
هسه من اذكر ايامك ابلا أذن عيني تصب
المحرم انسه حزنك وابجي لك صارت يجب
انه يتيمه والد وأم ... الحزن يظهر شما ضم
يكضي بلحسرات وكتي .. والدمع مو ماي بل دم
لفكد النبي ... لفكد النبي
_____
زينب تنعى اعلى جدها والنعي فن الها
خلها تتعلم نواعي حتى تنعى لكل اهلها
باجر تفكد ابوها وكل اخو وحتى الكفلها
الدنيه شلها اعلى فاطم كلي يابويه شلها
ثار تطلب كلي منين ... محاربتني صاير اسنين
بحلم شفت اولادي بسم ... ماتو ومذبوح الحسين
لفكد النبي ... لفكد النبي
__
ويلي الحسين بعبرته يختنك ويرجع يكول
شفت ابوي انكسر ظهره من غاب الرسول
شحال زينب وعلي شحاله وشحال البتول
شال ابو ابراهيم منه والحيل صابه النحول
خاتم كل الرسل ... لرحمه الله انتقل
فرحت اولاد السقيفه ... وعلي كل حيله نحل
لفكد النبي ... لفكد النبي
الخادم : عباس محمد الحميداوي
.صفر الخير
القصيده مهديه الى روح خادم الحسين سيد جاسم الطوريجاوي رحمة على روحه الطاهره
اذا تحب ترفع قصائدك على استوري الفيس والانستا توصل ويانة خاص
@ahmed_alziwar0
واتساب
07732320742
(اهوازي لشهادة الامام الرضا ١٧ صفر ..١٤٤٦)
جنازة ثامن العتره ... غريبه بطوس خلوها
وتنهاب الجنازه انجان ... اهلها الي يشليوها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الرضا مولانا هذا اليوم ... ياويلي كضى نحبه
الهواشم مااجو حضروه ... واعليه دايره الغربه
مثل جده وابوه السم ... مرد جبده وشلع كلبه
ولثامن عترة المختار ... دم مدمعنه انصبه
ابن موسى ابن جعفر هاذ ... وتالي هيج يتجازه
ودكلي شحالها اخته ؟ ... بخوها من يعزوها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يهل بيت الرساله شصار ... ذبح لو سم منايكم
الدهر شيريد من عدكم ... شجاه وجنه عاداكم
وأويلي أعلى الرضا ويلاه .. وخبر عن حاله ماجاكم؟
الليله راح ابو محمد ... الغريب الضال يتناكم
عمايمكم اعليه خطيح ... الجواد اتيتم ابهل اليوم
والكم ثار عده اعداه ... وندري مانسيتوها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الغريب ابن الغريب الجان ... طف النايبه املّوعه
جفن عين الرضا مقروح ... بكثر ماصبت الدمعه
الا من ناصر من حسين ... ابكل أيامه يسمعه
يسمع صوت خبل وناس .. على الخيمات متجمعه
الطف يوميه بيه ينصاب ... وابشراب الماي مايهنه
الرضا الضامن يويلي اعليه .. شلون وعمته يسبوها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مصارع كربله ابعينه ... وبروحه ينقره المقتل
يغمض عينه جن يشوف .. زينب واكفه أعلى التل
يشوف ازلام جابت سوط ... وبدت بخيامهم تشعل
ينظر جم طفل محتار ... اوين يروح مايندل
مو بس سم اخذ روحه ... الرضا كربله امتعبته
للذالك جان يبجي هواي ... على الطف من يذكروها
الشاعر الحسيني؛ عباس محمد الحميداوي
١٤٤٦.٢٠٢٤ صفر الخير
(قصيده رجوع السبايا )
من رحلة سبي جينه ... يخويه واشرح البينه
اجتيك ياابو اسكينه ... واسولفلك عذابي
____
شسولفلك بعد يحسين وشنهو الي اشرحنه
سمعت الشمر صاح بصوت رايح ليه اذبحنه
بعد شيفيد حجيي وياك وصوتك انكطع ونه
اجيلك لو اطفي النار ... الم نسوان لولا ازغار
مثل حيرتي منهو احتار ... ومن جيتك خابت الضنه
_
لون انويت اجيلك غاد تراني متيهه ادروبي
اذا جيت انه لصوبك النار الساعه اجت صوبي
يمن مسلوب ثوبك عود اخبرك احترك من ثوبي
من اطفي الخيم تسلعني ... من اصيح الكوم تسمعني
اجيت وخدري رجعني ... ويجرحك ادري معتوبي
___
بعد راح الصبر يحسين والخيم ياخويه هم راحت
والنسوان ابين انذال وسفه اعثرت وهل طاحت
لمن رحتو انته والعباس علينه اصواتهم صاحت
ابحبل السبي شدوهن ... وبسوك الكوفه وكفوهن
تره يحسين اذوهن ... وحرمكم ونت وناحت
__
ابهل الشكوه يبعد اهلي مو قصدي ازيّد اجروح
ولاقصدي اكلك ليش نسوانك تون وتنوح
يخويه ذني الصعبات وهذني التالفات الروح
يخويه نطب مجالس وين ... وعلينه الكوم مجتمعين
وراسك بلطشت يحسين ... وانه الهم مني يفوح
__
البكلبي حجيته وياك دتحجي الضامه ابكلبك
ولو لاتحجي لايحسين السهم بلبت تره امصوبك
خويه اتوقعت كلشي بس تموت منهو المحسبك
وكل ضني ترد وياي ... ويضل شامخ ضعن ولياي
وسف يحرم عليك الماي ... وسف حافر فرس امكلبك
°•••••••°
الخادم : عباس محمد الحميداوي
محرم الحرام
جينه ننشد كربله أعلى الجايها
ولليزور احسين انطت مايها ؟
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عزبّت كربله لكل زاير نعم
ومن راس البيشه للحضره الخدم
ليش من شاطيها ابو اليمه انحرم
يبكى عطشان؟ الحسين اشرايها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جينه ننشد كربله ابكل اللغات
ابكل سنه انعاتبها ولحد الممات
ليش ابو فاضل ولاضاك الفرات
وطاحت الرايه وغاب افيايها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جينه ننشد كربله زينب لفت
عدها آثار ابمتنها ماختفت
من هذيج العايله يابت صفت
راده لكبر الولي ابحدايها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جينه ننشد كربله امضيعه العرف
هاي مو زينب اجت جن تختلف
وصدك وسط الشام ملتم السلف
وبذن زينب يرن لساه نايها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جينه ننشد كربله زينب تكول
حسين نايم لو متعبته الخيول
مادره بأخته تره صعدت تلول
واعلى النهر ذب يمنته حمّايها
# الشاعر عباس محمد الحميداوي
١٤٤٥.٢٠٢٣ صفر الخير
(نزله الى المشايه )
من صميم الكلب هاك احجايه
التعب راحه من تجي المشايه
____
اعلى الخريطه ينرسم خط زاهر
لمن يصيح المعزب ياهلا بزاير
ومن ضميري جلمه تطلع باجر
تنادي تعب الخدمه راحه صاير
كون يرضى حسين هاي الغايه
التعب راحه من تجي المشايه
_____
ابحاله من الدهشه كل مستعمره
والقلم يطلب مدد من المحبره
حتى يكتب هل عباره ابمفخره
الخدمه فخر الدنيه ويه الاخره
وحتى لو ذله الخدم شرايه
التعب راحه من تجي المشايه
____
الذله ويه احسين هايه ابمعتقد
ملك هو وانه اله صاير عبد
عبده بس يوكفلي ابكل الشدد
حسين ماينسه ولايضيعله احد
ابظهر كل خادم صبح تجايه
التعب راحه من تجي المشايه
___
اجدام زوار ابو اليمه لو مشن
نشمر الالقاب وهم ننسه المهن
أهجر البيت وأجي لأفضل وطن
وأجي برتبة خادم وي أم الحسن
التاعب اعلى الخدمه فاز اهوايه
التعب راحه من تجي المشايه
__
وهل الخدم تحذير معلن كتبته
الى زوار ابو اليمه الكصدته
الزاير الما رضى نكون بخدمته
اعليه نزعل وتبقى ذمه بركبته
خلني اخدمه بعيني هايه وهايه
التعب راحه من تجي المشايه
__
قيمة خدمة الزاير الخدم يعرفوها
كالو الخادم ذليل ورفعه لا شافوها
الغبره حرز تصير لو زوار يدوسوها
فلذالك حتى رجلين اليجي غسلوها
من اخو زينب خذنه هل التربايه
التعب راحه من تجي المشايه
__
الكاع تحزن لو دوي اليمشي انكطع
وسيل الزوار المشت كله رجع
اتحده خادم لو كضت ماهو دمع
لو شاف جادر موكبه انلم وانجمع
اولايه تبجي والتسكت اولايه
التعب راحه من تجي المشايه
•°°°°°°°•
الخادم : عباس محمد الحميداوي
محرم الحرام يوم 28
(لسان حال أمير المؤمنين وهو يدفن الزهراء عليها السلام )
تنشدني روحي بالخبر وجبت الدرب احجيلها
الشايله همومك علي أعلى امتونك انت تشيلها
مذهوله روحي وتسئل ... ... معقوله فاطم ترحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بين اصدك خبر موتج بين اصدك حيل عندي
حاير ابوحشتي دونج وابفرحتي الدنيه تبدي
هسه لو افترض عفتج ابهذا كبرج وارد وحدي
شرد اجاوب عين زينب شرد اجاوب عين ولدي
يافاطمه اليمج علي فتحي اعيونج لجله
الموت أسهل عد علي ومصيبتج مو سهله
تفتحيلي عين اتأمل ... معقوله فاطم ترحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاهيه ويعني انسه الهلا لداري من اردن
يل اخذتي حيلي اسمعي يم وجه وارسوم ذبلن
كلت عينوني اعلى نعشج امتوني يافاطمه هدلن
اتخيلي شكد صعب موتج علي عيونه اعليج هلن
صعبه الرجل يافاطمه تفضح أحزانه الدمعه
من حكي انوحج فاطمه يلجنه شمعه وشمعه
والشمع ابدمعه يذبل ... معقوله فاطم ترحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياضوه ومشكاة نورج ابدونها اتعثر مشيتي
الاسود ايلوك أعلى روحي الابيض يلوك لحيتي
دار حزنج يبت طه من ادفنج ايصير بيتي
الدمعه والا آه وحسرتي يزيدن لو مااجيتي
جا حيدر اشيحمل كلب وكلكم امودعينه
أعلى افراك طه وبضعته حيدر الله يعينه
ياعمر بس لا تطول ... معقوله فاطم ترحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رايحه ياعطر شيلة امج وانفاس عودج
والله ودي كلبي يوكف واترك الدنيه اعلمودج
الفرحه والراحه يفاطم غايبات ابلا وجودج
اجفوف انجاس الخليقه وسفه اطشر ورودج
صبت على حيدر محن يافاطمه عظيمه
عايش ابو كلمة وأن وتموتين شكد هضيمه
الموت اضن مايندل ... معقوله فاطم ترحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياكعبة حزن روحي الجنت اكعد اشكي يمها
من بعد أنفاس ريتج الروح مصيوبه بسهمها
محد بكثرج يزهره فهم روحي شنهو همها
همي جان أدوم فرحة روحج وتنسه آلمها
يافاطمه وشاء القدر ادفن فرحتي ابيدي
رجعيلي رجعيلي بعد هذا صبح ترديدي
ويانعمه ماتتحصل ... معقوله فاطم ترحل
الخادم: عباس محمد الحميداوي
شهادة الزهراء عليها السلام
[ميمر لشهادة الزهراء ١٤٤٥]
دمعة محب ...المن تصب؟ ... واخذ الجواب من الكلب
هاي الدموع أعلى امصاب ... ام الحسين الزهره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امصاب الزجيه كلف صايب جبدي
حاير انه اختم بيش لو بيش ابدي
وابهاي الليالي الله يعين المهدي
ايمامك يون ... من الو (أن) ... بذنه لحد هسه ترن
سطرة جفنها وكل سوط ...طكاها بعد العصره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ادافع وياهم مره واصرخ ليش
يابن قحافه جامع اعليه الجيش
فاطمه انه الماتريدوها اتعيش
ابحقد وغضب ... جامع حطب ... هجمو علي اشهد يرب
المحسن نذبحه تكولون ... وامه ضلعها نكسره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بسمار باب الدار طب حد ريتي
الهوه اشتمه براحه هاي امنيتي
وتنشدني زينب خوما اتجويتي
وانه الجمر ... لاح الكسر ... انهض وعالكاع انهطر
الدم ترس حوش الدار ... والعين صارت حمره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لهاي المصايب دمعة الشيعه تكت
وكلمن يلومك عاللطم كله اسكت
هم تجي مثل الزهره يالايم بت ؟
الضرك شنو؟؟ ... وانت منو؟؟ ... ماخذك بالدين الغلو
ماعاجبك شيعي تصير؟ ... ومنك علي يتبره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كل سنه هاي البدعه منكم تنثار
تكولون اصل مايوجد لكل الصار
ابهذا الكلام الله يعين الكرار
تتشكك فئه ... وانت النأى ... ابرايه وكلامك منشئه
كل فكر ضد خط الدين ... افلان وفلان امصدره
الشاعر؛ عباس محمد الحميداوي
٢.٢٣.١٤٤٥.٢٠٢٣ شهادة الزهراء عليها السلام
ثكيل ... لسان حال ابناء الزهراء بعد رجوعهم من دفن امهم الزهراء )
تونه رجعنه من الدفن ... ومانرجع اتمنينه
يايمه غطاج الترب ... واحنه الدمع غاطينه
____
دفناج واجينه وثكلت الخطوه
وصلنه البيت شفنه البيت مايسوه
وابونه ذاك ابو الحيل اليهد اجبال
ييمه من الدفن جبناه مشي كوه
يعثر ونكومه ... ونعثر ويكومنه ... الميته امه ... ماجنها الميته امنه
ولمن رجعنه يم حسن ... ويامن اتلاكينه
لاكتنه زينب نايحه ... واحنه الدمع غاطينه
____
اليدفنله عزيز يموت يهوى وياه
وينصاب بجرح صعبه يلكه ادواه
للذالك كلنه يمه تمنينه الموت
نصبح يمه بيمن بلحزن بل آه
نشتم هدومج ... ونغفه بشمة عطرج ... من دون الموته ... ضايع ومخفي كبرج
محسبين كلشي يم حسن ... وموتج فلا محسبينه
حجم الحزن ماله وصف ... واحنه الدمع غاطينه
_
وحشه البيت واحنه نصلي الوحشه
والينظر وضعنه ينكطع هرشه
ييمه بليله وحده شاب شعر الشاب
علي مشيب الراس وحاجبه ورمشه
نسئل ونجاوب ... ونتسأل هم مره ... معقوله الزهره .. تعوف اولاد الزهره
بجفوفنه هلنه الترب ... ومحد مصدك عينه
يل غاليه افراكج صعب .. واحنه الدمع غاطينه
_
حسينه بطعم الماعنده أم تحوطه
تضل فرحة حياته بيها مربوطه
المخليته جانت وسط شوف العين
ابنص ذيج الترايب وسف محطوطه
مانلكه ابمثلج ... ولارايح نلكه ... صعبه اعلى ايتامج .. يايمه هل الفركه
عدنه وي بابج جم عتب ... وهل الخشب شيحاجينه
التمينه امس بنص حجرتج ... واحنه الدمع غاطينه
_
كلفه يعيش وحده الروحه متعلمه
لو طر الصبح يتصابح ويه امه
ابونه حيله سبحه وطشت بهلكاع
واحنه ماي طاح وشنهو اليلمه
يانسمة ريه ... مخنوكه ومتعذبه ... العايش من دونج ... حكه ويوكف كلبه
ويامن انلاكي الحزن ... يل رحتي من ايدينه
ودعنه طولج وانتهت ... واحنه الدمع غاطينه
٠٠٠٠٠٠٠٠٠
الخادم ؛ عباس محمد الحميداوي
شهادة الزهراء عليها السلام
(لشهادة الزهراء .. عن لسان الامام الحسين واخته زينب ١٤٤٥)
هاي جيتي ... امن المكابر مو نهر
دافن امي ... وجايج محني الظهر
يمي اكعدي يمي ... بيج ريحت امي
هاي جيتي... من المكابر مو نهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خويه زينب واكفه اهناه ... المن اشمنتظره
اكبال عينج كلنه جينه ... بدون امنه الزهره
لون ادري الباب يكتل ... جا ملاكي العصره
ماتت امنه بكسر واحد ... واحنه عشنه بكسره
خويه زينب ... الفركه تحني الواحد
شفتي ابونه ... اعليه مبين فاكد
عطر فركه اشتمي ... بيج ريحت امي
هاي جيتي ... من المكابر مو نهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احاه لون ناظره لحيدر ... ابحين هال التربه
شفته مخنوك بعبرته ... وراد يوكف كلبه
دار وجهه النه ويكلنه ... الدنيه صارت غربه
امدوهن وماخوذ حيله ... ناسي داره ودربه
يعاتب الباب ... يكله بسمارك صلف
وبعد ابوها ... ناحله وبيها اتعرف
اعتابه زود همي ... بيج ريحت امي
هاي جيتي ... من المكابر مو نهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شكد حنينه امنه يزينب ... وتارسه المنزل حنان
وين ماالتفت ذكرى ضاله ... الها ابكل مجان
من جنت اكعد كترها ... جنت احس بيها الأمان
هسه خدها أعلى الترابه ... شفتي غدرات الزمان
امس يمنه ... وزينه كالت حالي
هسه راحت ... وبيتنه ضل خالي
راحت ابخد مدمي ... بيج ريحت امي
هاي جيتي ... من المكابر مو نهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هلا يمه تكلي جانت ... ويرد هيج لساني
انجان انتي بخير يمه ... ابخير باقي اني
والله مشتاك لحجيها ... واشلون تتلكاني
بعد صارت بالمكابر ... اشكثر جان تعاني
بسمار خويه ... ابنص صدرها جاسها
صعبه جانت ... عدها حتى انفاسها
النزف ريته دمي ... بيج ريحت امي
هاي جيتي ... من المكابر مو نهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يالحنينه ويبت امي ... خلي اسولفلج تعاي
الطف بعيد اعلينه زينب ... وانحنى بسرعه كفاي
اشراح بيه يصير لمن ... اترك الكافل وراي
الله يساعدنه يخويه ... يابعد هايه اوي هاي
افراك امنه ... جرح ميفيده الدوه
هيه راحت ... وفلان يشتم الهوه
ايتيم صاير اسمي ... بيج ريحت امي
هاي جيتي ... من المكابر مو نهر
الشاعر؛ عباس محمد الحميداوي
٢.٢٣.١٤٤٥ شهادة الزهراء الروايه الثانيه
(قصيده لشهادة التابعي الجليل سعيد ابن جبير ...اراشيف ١٤٤٣)
جان القرأن عايش بحساسك .. وقد شاء الله هم يقطع راسك
رتل نحرك ايات المجيد ... شابهت حسين بموتك ياسعيد
ياسعيد ... ياسعيد
_________
جانت حجتك رزنه للذالك كطعو الاوداج
جلمتك جن سفينة حق طرت باطل الامواج
واضح انت ياعنوان وكل ترويج مايحتاج
وين انت عله صرحك وين امكابر الحجاج
ياصاحب دعوه يشهدولك مجابه .. قبرك روضه وخصمك خرابه
بهجه وجهك قد قالت شهيد ... شابهت حسين بموتك ياسعيد
ياسعيد ... ياسعيد
_________
بوصف موتك ويه حسين تتشابهه بجم موقف
وحيد من انذبحت انته بس الفرق مو بلطف
مو عطشان اضن ذبحوك ولاعندك جرح ينزف
ابابك صطف اليشيع والحوافر بجثته تصطف
واهات جروح متعاني جنت ... وبحرمة جسمك وبأهلك انصنت
وخصمك حجاج وخصمه يزيد ... شابهت حسين بموتك ياسعيد
ياسعيد ... ياسعيد
__________
التابع اعليك يكولون وخل نفهم شنو التابع
يعني لحب آل البيت تابع وجفك يبايع
يعني بكلبك الاول علي وبتاريخهم رابع
روحك ماتعز عل الدين ودمك ينفدي قانع
حار الحجاج والعالم يحير ... بشخصك مولاي ياأبن جبير
عد ربك ترزق ياقطيع الوريد ... شابهت حسين بموتك ياسعيد
ياسعيد ... ياسعيد
__________
ابسلام ادخلها يازاير ابأمان انكتبت ابابك
وجن مثل اربعين حسين هم متعنيه احبابك
تستاهل بعد واكثر الااف التحيي امصابك
بابك يشفي المعلول وتقضي الحاجه اعتابك
الابيض كلبه والصادق نيته ... المثلك حك تجي الناس لحضرته
الزاير يمك يطلب شما يريد ... شابهت حسين بموتك ياسعيد
ياسعيد ... ياسعيد
_________
خالد يبقى بتاريخ اسمك وبل الكلب خالد
ثورتك من نبع مظلوم نفس المنبع الواحد
شاب اعلى الظلم صوتك صدح ياأيها العابد
هنيأ سيدي للروحك هنيأ للكلبك الصامد
ماتمحيك اقلام المغرض ابد ... يافارس مهرة الرفعه لكد
للظالم رافض تصبح من العبيد .. شابهت حسين بموتك ياسعيد
ياسعيد ... ياسعيد
••••••••
الخادم : عباس محمد الحميداوي
1443.2021 يوم 24 ربيع الاول
شهادة التابعي الجليل سعيد ابن جبير رضوان الله عليه
(قصيده للشهاده الامام الحسن العسكري عن لسان حال فاطمه الزهراء عليها السلام ١٤٤٥)
من الحسن الى الحسن ... هم قتلته أمة فتن
اليوم يازهراء
مصابُ سامراءِ
هم قتلته أمة فتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يافاطمه عندج حسن مسموم بس من جعده
واليوم ابو المهدي الحسن نيران تسري بجبده
ويكولون فرحه لفاطمه وكلش قريبه المده
وانه اكلهم يافرح ايمر بلي فاكد ولده
للعسكري عدج جرح ... حاشا يمر بيج الفرح
مشغولةٍ بعزاءِ
مصابُ سامراءِ
هم قتلته أمة فتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جثمان امامي العكسري محتاج واحد ينعاه
ويصيّح انه الوالده ويلاه يبني ويلاه
عاش بغرب مات ابغرب من اهله محد وياه
بس ابنه ابو صالح بعد غاب ولهسه نتناه
ادري اي واصلته ... ملايه ابفاتحته
ابياتكِ في الرثاءِ
مصابُ سامراءِ
هم قتلته أمة فتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ثامن ربيع الفاجعه مولاتي حيل اذانه
ومشايه هم سوينه اله وموكبنه فك بيبانه
اويانه يابت النبي ندريج اي ويانه
وننطيج من عدنه عهد نحيي جرح مولانه
وماتنترك يزيارته ... كل سنه احنه بخدمته
بالحزنِ والبكاءِ
مصابُ سامراءِ
هم قتلته أمة فتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يافاطمه عندج علم جثمانه من اتشيّع
وشفتي يزهره شيعته ابابه غدت تتجمع
كلبج اسمعنه يون وآخ من الحسين اسمع
تمنيتي هم نعشه طلع مو كلبه ردتي يطلع
كلهم يهون البيهم ... حسين الذي امبجيهم
آهً لكربلاءِ
مصابُ سامراءِ
هم قتلته أمة فتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مولاتي كل يوم الدهر اوليد ماخذ منج
من المحسن لحد الحسن مولاتي انتي بحزنج
عندج ولد غايب بعد دمعه دمه المهدي ابنج
كل يوم ابو صالح يون لو سمع فاطم ونج
نوحي على اولادج يأام ... يحجيها وشابع هظم
للثائرِ صارَ فدائي
مصابُ سامراءِ
هم قتلته أمة فتن
الشاعر ؛ عباس محمد الحميداوي
١٤٤٥.٢٠٢٣ ربيع الأول
( قصيده ملمع لشهادة الامام الحسن العسكري )
لاسمعنه ياريت بفاجعة هل الخبر
امودع الدنيه راح والد المنتظر
واماماه ... واماماه
__
والله هذا الخبر حيل أذى المشاعر
خبر موت العكسري ادمى المحاجر
على الكون الحزن صار شلون داير
جنه يوم الذاع بشر أخبار عاشر
وحيل أبكى العيون ثامن هل الشهر
امودع الدنيه راح والد المنتظر
واماماه ... واماماه
__
عاش بينَ ضلمِ قومٌ ورزايه
جدهُ طه نعم هم عن درايه
لقبَ بالعكسري حسبَ الروايه
لان حولَ الدارِ عسكر لا حمايه
ذابَ قلبي لهُ غابَ نور النظر
امودع الدنيه راح والد المنتظر
واماماه ... واماماه
____
فرضو أعلى العكسري هاي العصابه
يبقى بسر من رائ تحت الرقابه
لحين دسو اله سم ذبّل شبابه
عيّشوه الألم حد لحظة غيابه
عذّبو مهجته بسم دليله انفطر
امودع الدنيه راح والد المنتظر
واماماه ... واماماه
___
أخبرت نرجسُ ان الموتَ قادم
وعلى رأس الامام اجتمع هاشم
لحضات واذا قد جاء خادم
قال ان المولى يطلب القائم
اقبلو نحوهُ بينَ جمعِ البشر
امودع الدنيه راح والد المنتظر
واماماه ... واماماه
__
كعد عنده المهدي يستمع لكلامه
والعسكري كله انتَ خاتم للأمامه
وطيحت العكسري ماعدت سلامه
مات ولبست حزن طيبه وتهامه
ولادمع لالطم ايّرجع امر القدر
امودع الدنيه راح والد المنتظر
واماماه ... واماماه
__
حملَ الجسمُ الكريمُ وسط نعشاً
وجرى الدفنُ بغيرِ عجباً ودهشاً
ليس كلمذبوحُ مات ويلي عطشاً
والخيول فرشت الجسمُ فرشاً
وبعد ذبحِ الغريب زينبٌ تنئسر
امودع الدنيه راح والد المنتظر
واماماه ... واماماه
الخادم : عباس محمد الحميداوي
ربيع الأول
( ثكيل لمصاب النبي الاكرم ص)
أفأن مات اوقتل ... انه سيد الرسل
اله كل هاي الملائك نايحه .. وفاطمه اعليه بدت تقره الفاتحه
انه سيد الرسل
____
بحجر الوصي ويعالج بحسرات موت محتم
ومن هل المرض يافاطمه ماجنه منه يسلم
بس هاي الليله يشع دارج وباجر يضلم
ماضن بعد يمرج فرح ولايرى لثغرج مبسم
دق باب فاطمه القابض ... وازداد ضرب ذالك النابض
ويه ابوها الروح تمنت رايحه .. وفاطمه اعليه بدت تقره الفاتحه
انه سيد الرسل
__
فاطمه من ثغر ابوها سمعت اصعب تمتمه
كلها افتحي الباب ملك الموت اجاني فاطمه
هاي فكت الباب باجر ضلع منج تهشمه
ومو بس الضلع يكسر المحسن يغركه الدمه
هاجت الاحزان لما يأتيها ... حست الضلع بدا يؤذيها
ونزل بركان الدموع السايحه .. وفاطمه اعليه بدت تقره الفاتحه
انه سيد الرسل
__
بدت تنشغ شلون نشغه تكطع انياط الكلب
اموادع بت وابوها موقف اصعب من الصعب
ويه كل دمعه الزجيه بروحها كامت تصب
هو سلوتها ونظرها وبيت احزانها انصب
ناحت اليوم سكان السمه ... عظم الله لك الاجر فاطمه
صعبه يافاطم وعظيمه الفادحه ... وفاطمه اعليه بدت تقره الفاتحه
انه سيد الرسل
_
ذابت امال الي جانت تحسب الها الطهر
وشبت بنار المفارك والنفس يهيج الجمر
هو بس غمض عيونه حست بذاكه الكسر
كسرت الفاكد ابيه بطاري الابو حين اليمر
فاطمه ذاقت طعم اليتم ... الاب غاب قبله ألام
جلمه ايتميه اعليها جارحه ... وفاطمه اعليه بدت تقره الفاتحه
انه سيد الرسل
____
هو المفارك يفرغ حسرته بصبت دمع
من البجي منعوها عمدا ورجعو وكسرو ضلع
بيت بيه نعش الرساله بابه شب وناره تشع
هاي من غاب الهادي الحطب يم فاطم جمع
حين وراى حيدراً الخاتم ... بعض اصحاب الخديعه هاجم
دار حيدر وفاطمه بدم سابحه ... وفاطمه اعليه بدت تقره الفاتحه
انه سيد الرسل
الخادم : عباس محمد الحميداوي
(ثكيل لشهادة النبي الاعظم )
ياملك الموت المّوكل لقبضتي ... شّدد عليه وخفف عن امتي
الخاتم ردد بثغره ... عينك لشيعة الزهره
ياملك الموت ... ياملك الموت
____
اصعب موقف وساعه من للموت تتقدم
لمَن كوه تجر انفاس لمّن كوه تتكلم
ومن موقف رسول الله شنهو راح نستلهم
باخر شهكه من ريته باخر جرح يتالم
نستلهم حجم رحمة كيانه ... يهم بشيعته باخر اوانه
بلرحمه انتخم عمره ... عينك لشيعة الزهره
ياملك الموت ... ياملك الموت
___
محمد يوصي عزارئيل رفقاً كاله وغمض
وخيّم حزنه فوك الكون ولاياشيعته ينفض
مات وصوت علجّناز هّون بلمشي وريض
اثاري الزهره هاي تكول ابوي بيش يتعوض
وجن من تابوته وسمعت رده ... راح التلحكيني وبعمر الورده
باجر للضلع كسره ... عينك لشيعة الزهره
ياملك الموت ... ياملك الموت
__
وكبل مايوصي ملك الموت كال اتمسكو بثنين
كتاب الله وعترتي انجان تريدون النجاه والدين
وماكو كل ضلال ونار مادام انتو متمسكين
وماينطق عن الهوى طه الوحي يتنزل بكل حين
حجه بالغه جانت جميع اقواله ... صلى الله عليه وعلى آله
رسول العبِره والعبرهَ ... عينك لشيعة الزهره
ياملك الموت ... ياملك الموت
__
ونحس بصدورنه خنكه وعبرهَ لفكده تتوضح
و سواد الدنيه ابكليبي اليوم وروحي تتوشح
مجلس فاتحه بروحي الحزن للبسمه مايسمح
مثل نبع ونضخ بلماي فص عيني دمع ينضح
المثل طه صعب يتفرهد بغفله ... حبيب الدنيا والكون وحبيب الله
الكلب بيمن نصبره ... عينك لشيعة الزهره
ياملك الموت ... ياملك الموت
____
لحزن طه الامم فرعت لاجن قارن بحفيده
اعلى سبطه افزعت جم كوم دمه يسفح تريده
جتلو صحبته واهله واغدرو علمشرعه اعضيده
وذبحوه وانسلب وانداس وباكو محبسه البيده
مصيبه مااعظمها واعظم رزايها ... زينب بضعن تمشي ومحد وياها
عدوها للضعن يبره ... عينك لشيعة الزهره
ياملك الموت ... ياملك الموت
الخادم : عباس محمد الحميداوي
صفر الخير
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
تم بحمد الله ودعواتكم وتوفيق الله ونظرات صاحب الزمان ومولاي قمر بني هاشم إكمال برنامج قصائد هذا العام المبارك لشهري محرم وصفر بكافة مناسبته شكرا لكل من لم ينسني بدعاءً شكرا لكل الرواديد الذين احيّو مصيبة اباعبد الله الحسين .
اخوكم وخادمكم الشاعر والرادود : عباس محمد الحميداوي ١٤٤٦.٢٠٢٤
(عذراً لكل من لم نلبي طلبه بسبب زحام الوقت ... واهدي في هذا العام جزء من ثواب هذا الكتابات التي ارجو ان تكون مقبوله إلى جدتي الراحله ام سعد الحميداوي مع ثواب الفاتحه والصلاة على محمد وآل محمد )
(قصيده اهوازيه لرجوع الضعن )
(ثكيل ... حوايه بين العقيله واخوانها عندما رجعت الى الطف )
زينب ردت من الشام ... لاجن شنهي جيتها
رجعت زايره للطف ... وراحت شافت اخوتها
__
تكلهم والدمع يسبك الجلمه وتغص بلعبره
يخوتي من عكب فيكم عدواني الي تبره
زرك امتوني من السوط وبالخدين منسطره
هم سامع كبل يحسين علويه النه متيسره
وبعد هم راح اسولفلك ... يمن جيت اعلى خوتكم
الناكه الكادها العباس ... اجفوف اعداي كادتها
_____
ادري بغيرتك يحسين ماتقبل على الذله
وماترضه الخدر ينشاف ولاترضه اركب الهزله
ولاترضاش ذباحك حبل ولسان ينمدله
ادري أم الصبر انه لجن هاي ابد مو سهله
مو سهله اطب ديوان ... وراسك بلطشت غافي
وبعصاته طك سنك ... وتكسر السن بضربتها
_____
ادري ينعصر كلبك ابكل احجايه تسمعها
تعت ببتوت كلبك هاي جن سيف ويكطعها
وهاي مصيبه ياخويه الدمعه بعيني تزرعها
مصيبة بنتك ارقيه الوحيده المكدر اجرعها
تون طول الوكت جانت ... وتريدك جانت ابكل حين
ولمن راسك لفه خطار ... اعلى راسك اخمدت ونتها
_____
ومن رخصتك خويه حسين راح اتعنه للخوه
للذب جفه يم الماي والماردلي كل نخوه
شم ريحتي من طبيت الطف وبكى يتلوه
راح امشي واعتبنه والعتب للكلف اي يسوه
عتب مشتاكه عتبي وياه ... مو زعلانه من اعتب
اعلى كلبي غالي العباس ... ومايزعل ابعتبتها
____
ها عباس شهر وفوك صار ومامجابلتك
وبعد ماتنفع شلونج الخدر وانباك من اختك
انه ابكل سوط ياعباس الحكلي تره صحتك
اول مره ياعباس تبطي لمن حشمتك
و ادري تسمع لشكواي ... لجن عطلك جفينك
نفس اجفوفك الطاحن ...امس واليوم بحاجتها
__
تذكر من تواعدنه يرد جفي ابنص جفك
واعرفك نبع وتوافي لجن تتركني ماعرفك
حبل خوتنه مامكطوع ولا يبن امي ينفك
ياخويه بداعت الخويه ترد وياي احلفك
شحالي ابلايه خواني ... ضعني راد لوطاني
ياهيبة ضعني ياخوتي ... الخوه اليوم عازتها
___
الخادم : عباس محمد الحميداوي
صفر الخير
(ميمر )
ماضاع تعب المشاي ولاضاع تعب الخدمه
____
انه أم الحسين الي اتخاطبكم
من البقيع اليوم اجيت اشكركم
وابديها من اكبركم لأزغركم
مشكور تعب الخدام وكلمن تعنه بجدمه
_____
ماكو فئه من الخدمه مامشموله
الدنيه ابفزعتكم غدت مذهوله
وكلمن مسجل عندي ابمبذوله
بدفترنا لاخطوه تضيع ولاخادم يضيع اسمه
_____
عدكم عطاء ايحير ارباب الكون
موجة بشر لحسين كلهم يمشون
وتواً وردنه كتاب شكر من ام عون
وكتاب شكر العباس هل جابته النه أمه
___
كاتب ابو فاضل ابنبلة عينه
وراح اقره الكم ماتم تدوينه
شكر اً لكم ياشيعة ابو سكينه
ومعتذر عن التوقيع ومعتذر عن البصمه
___
معتذر عن ختمه وعن توقعيه
وتدرون بلعباس اجفوفه اكطيعه
المهم شكراً لمن لبه البيعه
شكراً ابكد هذا الكون ابكد طلته المبتسمه
___
وبمجهودكم طيبتو اجروح حسين
العوده يارب ان شاء الله وماجورين
فرعتكم الدين ويرد بيوم الدين
لو صار يوم الميزان الخادم اهناك انسلمه
____
الخادم : عباس محمد الحميداوي
صفر الخير
(نزله للمشايه )
سيل البشر ... من البحر ... نحو النحر ... شد عزمه
موسم بذل ... وكلشي سهل ... وحتى الطفل ... فرحان بالخدمه
وذوله المشايه ... وذوله المشايه
__
انطلاق ابهمه مايمل الخطوه ينشاف بلزاير
ناسي اهله وناسه ومتعني يأدي حج الضماير
شكو شي يحتاجه موفرينه مجهزينه وحاضر
السفره راس البيشه فرشتها واوصلت للمناير
ويم فاطم ... كل خادم ... والساهم ... ابخطوه لو لطمه
موسم بذل ... وكلشي سهل ... وشفنه الطفل ... فرحان بالخدمه
وذوله المشايه ... وذوله المشايه
___
الهدف والغايه زواره متعنيه اتلاكي ضعن اخته
من السفر متعوبه ابدمعتها مشتاكه ملهوفه جته
حسين جابت راسه وجابتله اثياب من بنته
ثوب الزغيره الماتت ارقيه الجانت مناطرتته
احسب فقط ... وانسى الغلط ... غاية محط ... ارواحنه يمه
موسم بذل ... وكلشي سهل ... وشفنه الطفل ... فرحان بالخدمه
وذوله المشايه ... وذوله المشايه
__
يكتب قلم اعماله ويشهدله الدرب ابكل كاعه
من شاف زاير طالع متحمل يبقى ولا ساعه
بيده خذه عوجيته وخاجيته والتلبيه امتاعه
بيها برد لو حاره وكل عله متحاول ارجاعه
شنهو المرض ... حسين العوض ... يرجع رفض ... التعب جسمه
موسم بذل ... وكلشي سهل ... وشفنه الطفل ... فرحان بالخدمه
وذوله المشايه ... وذوله المشايه
_____
اتحزمت ام شيله ومتعوده كل سنه رأيه بجفها
واموصيه ابنها ابرايه اجنازتي يوليدي اتلفلفها
بعد المسافه الشاقه واسنينها ماكدرت اتوكفها
عدها عقيده وشيمه ومو كلشي الي يحرفّها
هذا العشك ... صدك ابصدك ... وماتفترك ... ومجنونه تتمسه
موسم بذل ... وكلشي سهل ... وشفنه الطفل ... فرحان بالخدمه
وذوله المشايه ... وذوله المشايه
__
اكبر حزن بلخادم يتصاعد من يعزلون الموكب
الجان يحسب الساعه خاطر يصير امعزب
ابسرعه مرت ومانكدر بل الوكت كوه انجلب
هلخلّصت خدمتنه ولهفتنه للعام الاخر اتحسب
بدمع اليصب ... كلمن كتب ... وسط الكلب ... وانتشرت بدمه
موسم بذل ... وكلشي سهل ... وشفنه الطفل ... فرحان بالخدمه
وذوله المشايه ... وذوله المشايه
الخادم : عباس محمد الحميداوي
صفر الخير
(قصيده لسان الامام الحسن عليه السلام ١٤٤٦)
آخر لحضاتي ... وكثّرت وناتي ... ويمي المذبوح
قارنت ابيني ... ولوعات حسيني ... بنزاعات الروح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سرح بيه الخيال ابعيد ... وانرسم طف كربله اكبالي
وردت انظر ابعيني حسين ... واقارن حالته بحالي
شفت من لاعسن فكري ... رسم كل فاجعه ابالي
البلاء الراح يلفي حسين ... شفت جنه يتراولي
كل اليجرن ... اكبالي حضرن ... واتمثل ابساع
موت أصحابه ... وكل احبابه ... اوكل اوداع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شفت يمي الاهل يناس ... وكلها نايحه يمي
بحضن حسين ضل راسي .. ومابي كل طعن جسمي
هم زينب اجتني تنوح ... بس ماضيّعت رسمي
ركبتي ماوصلها السيف ... ولا متروي من دمي
مو سهم بجبدي ... ولاترب بخدي ... انه المسموم
شما قيس الاامي ... وي نحر الضامي .. ماساوت دوم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حرارة سم اكو بروحي ... مو شمس بجرح تلسع
طريح افراشي بس حسين .. طريح وضامي ومكطع
وبصدري ماكو رفسة خيل ... ولحم بالحافر اتشلع
وماعندي حرم لو اموت ... بفجر أعلى الهزل تطلع
كلهن ماحصلن ... و لا لا ماوكفن ... ابديوان انذال
منهو المربوطه ... ومنهو الجر سوطه؟ ... ومحضر احبال؟
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الحسن انه رغم كل آه ... صحتها ابلوعتي البيه
شفت كل الجرن وياي ... اكبال اعضيدي اشويه
انه الماعندي ابن مذبوح ... لخاطر شربة اميّه
وانه الماراد لختي بيوم ... لازم ظهري بيديه
ماعشت احساس ... ابدون العباس ... بيوم العاشر
وماشفت اخيام ... تحركها ازلام ... وعيني تناظر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذن كلهن جرن بحسين ... خذن من حيله مااخذن
المواقف ذني كبل الموت ... صوره ابعينه انعرضن
ركض زينب ابوحده موت ... بناته ابهيمه من ركضن
كلي شصار بيه احسين ... وهذن بالهينه ماعدن
جم مره يموت ... حسين المبخوت ... ابن الزهره
اوين انه وين ... ونزعات احسين ... وكطعت نحره
الشاعر الحسيني: عباس محمد الحميداوي
١٤٤٦.٢٠٢٤ صفر الخير ليلة السادس