487
شاعر قصائد حسينيه منبريه .... ادعمنا فقط في الاشتراك للتواصل @Mert3338
(ثكيل لسان حال الزهراء عندما رأت جسد الحسين بعد الذبح )
ماعرفتك وانته ابني اوعيني ... ماعرفتك ردت الي يدليني
اتنفس بدمك عطر ... هو دلاني النحر
ماعرفتك ردت الي يدليني
________
ضيعتك وليكتك لو ضايعه احسن
ولاشوف الخيول البيك سحكن
عشره راحن بصدرك وعشره ردن
انه امك والتطشر راح المن
وبعباتي راح افيلك واضمك ... وبعباتي فياي يكسر علجسمك
الرمل صاير جمر ... هو دلاني النحر
ماعرفتك ردت الي يدليني
________
خلي افرشلك عيوني وارشك بلحزن
وخلني اناطر قرب جسمك يايمه وأون
ليش اتاني اليدفنك خلي كبرك الجفن
بنص دموع عيوني ادفنك ماريد الدفن
بدمع راح احني اجفوفي .. بدمع ارد اسكن خوفي
الخوف لذاك الخدر ... هو دلاني النحر
ماعرفتك ردت الي يدليني
_______
ردتك اتحاجيني وضوك ملح حجايتك
لجن ياويلي جسمك يشبه امصلايتك
اشحال اختك الي بصاية الله وصياتك
هسه لاراية الكافل ولارفت رايتك
شمر يحدي ورايته مرفوعه .. شمر يحدي وجلمته المسموعه
دمك ودم الكمر ... هو دلاني النحر
ماعرفتك ردت الي يدليني
_________
حتى من مذبوح لاجن ايدك فوك الجرح
جرح كلبك يبو اليمه اشويه اقل من الذبح
الكوم ذبحوك انعرفها لجن صدرك منفتح
ليش تتسلب يغالي وتبقى عاري ومنطرح
ماكو رحمه بكلب ذوله الطغات .. ماكو رحمه ولو اكو تضوك
الفرات
العطش فارس منتصر ... هو دلاني النحر
ماعرفتك ردت الي يدليني
________
تايهه الحنيه بعدك شارده تدور حنين
تنوح وتنبدك ييمه بطور نوح ام البنين
فطرس الشافيت جنحه اجه يوفي دين
كال بجنحاني جاي ارد اضلل علحسين
ليش ترفض مايضلل بل الجنح .. ليش ترفض جريح ومنذبح
من الجرح صوت الظهر ... هودلاني النحر
ماعرفتك ردت الي يدليني
الخادم : عباس محمد الحميداوي
محرم الحرام
( ثكيل للسبي عن لسان زينب والحسين )
السوط مو النه ياعمه ... ومتني وين ارد اضمه
هيه هاي الشكوه من ايتامك ... بذني سكنت بعد حرك اخيامك
ومنهو يحمينه واحشمه
_______
من بعد ذيج اليالي الراحت برمشه جفن
راية العباس جانت تلوح في ركب الضعن
من بعد حرك الخيام ورايات شفت اتكربن
هناك اول مرحلاته السبي من ذني وبدن
بعد كل هاي المراحل ... ناكه هزله ابلا محامل
كمنه نتحسر اعلى ذيج ايامك ... بذني سكنت بعد حرك اخيامك
ومنهو يحمينه واحشمه
________
عود نامن كل بناتي بفي خرابه ابلا سكف
تبقى اختك حارسه الهن لأن ماضلي عرف
وحده ينزف دم متنها وحده جرح اذن و نزف
تلنجم وحدتهن ادري اجفوف ماذيها الشكف
وحرت اسكت يايتميه ... ياهو اكعده وياهو انيمه
سكف ردنه من النواظر ابسهامك ... بذني سكنت بعد حرك اخيامك
ومنهو يحمينه واحشمه
_________
اه ياجو الخرابه وذبحة النظره اشد
مفتحه من كل مجان حرت يافتحه اسد
اجت كل هاي العشاير واحنه ماجانه احد
طلعو نسوان الهم واحنه سوط النه انمد
نلوذ كمنه احنه بعبينه ... وشعجب محد اجه لينه
كوم واحمي ودوس فوك الاامك ... بذني سكنت بعد حرك اخيامك
ومنهو يحمينه واحشمه
_________
سلسله ومفتاح واحد ولو تعثر اي مره
اطيح ويطيحن وراها وحده وحده بسره
كمنه نشري الستر شرو ولو اجره انأجره
حالنه مو مال عيشه جنه اهل المكبره
غيرنه الحبل حيل ... وكسر ضلع برجل خيل
تجينه كون صارا هاي من الزامك ... بذني سكنت بعد حرك اخيامك
ومنهو يحمينه واحشمه
________
منجل ومطوي ظهري حالي من بعدك صبح
انصبح بوجه الاعادي نصبح بوجه الرمح
ليل فاكد كمر غايب شمس تجوي بكل جرح
الصبح من نطلع يخويه وجوهنه تشبع لمح
انتستر مدري نحمي ... احجار الناس ترمي
دمه فوك وجوهنه تشوفنه كدامك ... بذني سكنت بعد حرك اخيامك
ومنهو يحمينه واحشمه
الخادم : عباس محمد الحميداوي
(القصيده مهديه الى صاحب العصر والزمان عجل الله فرجه)
# الليلة العاشره
(خطاب السيده زينب والامام الحسين ليلة العاشر١٤٤٦)
باجر يحسين ... وين اشرد وين ... ابحين التوكع
باجر عثرات ... وسوط وهزلات ... يحسين اشبع
وماصار الصبح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين باجر طيحتك تخليني أطر العسكر
افتر ادورك يالاخو واعلينه خصمك يفتر
وباجر قمصيك مايضل ميت ومنك ينجر
احضر انادي ياعلي يابو الحسن يمي احضر
وام خد مسطور ... وضلع المكسور ... هم تحضرني
وشيرد الكوم ... يبن امي بيوم ... شمر يجرني
اذا خلص ذبح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين بعدك بالخيم والعاشر بعد ماصاير
واجروح احس بيك شكثر يبن الزجيه وحاير
يمك بعدهم صحبتك ماصحت الا من ناصر
من هسه ايدك عل الظهر يحسين كلي شصاير
ومن هسه وحاس ... تفكد عباس ... وترجع وحدك
تصد للخيمات ... تحس محتركات .. شنهو قصدك
وعينك عالرمح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين تنظر للسهم وترجع تناظر صدرك
يمكن يصيبك بالكلب وكلش يخويه يعورك
تتلمس هوايه شعجب شفتك يخويه بنحرك؟
تنذبح يمكن وانه فوك التل اضل انتظرك
يذبحونك ليش ... ويسبونه الجيش ... ادري بكلهن
وانه بلا راي ... اركض للماي ... اندهه عمهن
كلشي متضح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وخويه رقيه وشعجب اهواي كعدت يمك
وجنها تحس تفاركك كلساع شو تشتمك
يحسين عنها بكربله وين انه اضمن دمك ؟
يل يوزعونك بالطعن وحافر يطشر جسمك
والخيل الخيل ... من تسحك حيل ... ماترحم لا
وجني أتصور ... تضل بس منحر ... يحسين اهناه
عاري ومنطرح ... وبيك شجم جرح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين لوعة كربله ابوجهك انرسمت كلها
من طيحت الاكبر علي لروحي وفكد كافلها
وعندك سوالف ادري انه كلبي فلا يحملها
ومرحلة موت من العطش ادريك اي واصلها
تفتح بالعين ... شو كوه حسين ... حيلك رايح
ومابيك تكوم ... كلش مهموم ... وحزنك واضح
يلكلبك سمح ... وبيك شجم جرح
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
# اللية العاشره
(لمصرع الحسين ١٤٤٦)
اخوي من الخيم ينسمع ونه
وهذاك الشمر جر السيف جنه
عسن لاشافت العين ... ... بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الله اكبر .. حسين هذا .. وهيج صاير حاله
بعينه زينب .. بعينه خيمه .. احتركت أعلى اعياله
حسين حيل امدوهن وماعنده راي
ساعه رجعي ساعه يكلي تعاي
يشوفني ومايكدر بطوله ايكوم
وخاف اعوفه وخايفه ينادي وراي
اخيي الشمس جوت كل جروحه
وخل بهداي تطلع كون روحه
شيطلب الشمر دين ؟؟ ... بس لايذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احاه اسمعه ... وكلت زينب ٠٠ لحكي لاخر نظره
من اجيته ... اشلكيته؟ ... اثنعش طبره ابنحره
وعاين فوك راسي رمح مشيول
عليه الراس واسمع دبج الخيول
صحت مات ابو اليمه الخيل المن
نسحك جسم اخيج واحد يكول
اجه واحد واسمعه ابكل شماته
ذبحتو احسين روحو اسبو خواته
وعله صياح النساوين ٠٠٠ بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امنين دربي ؟ ... شماله كلبي ؟ ٠٠٠ ماوكف وارتاحن
الحرم هجت ... وين فرن ؟؟ ... وين والمن راحن
كبل سلابها كون الكه بنتك
السبي يحسين اجاني ومن رخصتك
يمكن الحك ويمكن تصب هسه اذنها
رايحه ويحسين يالغالي عذرتك
بعد مو مال ضله حسين الأيتام
كلمن راد ابوه وشيخلص الايام
حالك وحالي موزين ... بس لايذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الخيل هايه ... عشره منها ... تسحك أعلى اجروحك
الباقي هجمت ... أعلى المخّيم ... وراح تطلع روحك
موت حسين احسن ولاتناظرنه
بين النار والسلابه هل صرنه
بعد مااكدر حسين واجي يمك
لأن مجتوفه والحادي بحبل جرنه
مثلك انه حسين ماباكيلي حيل
وجايني يحسين ليل شلون ليل
ايشجيب النوم ومنين؟ ٠٠٠ بس لا يذبح حسين
وهذاك الشمر جر السيف جنه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اوداعت الله ... ورحت عنك ... ابركبتي ثمانين روح
ابجبر رحنه ... وسوط ظالم ... خله بمتوني الجروح
مابيها هلا الشام اتحجي البوب
رحت والتم علينه السوك انوب
المايشتمنه يشمر حجر يحسين
وانه بنص الغرب والتفت ياصوب
وتاليها الخرايب امجان الي تصير
جرح السبي كلش كلش اجبير
جنت وين وصرت وين ... بس لايذبح حسين
وهذاك الشمر جر السيف جنه
الشاعر الحسيني:عباس محمد الحميداوي
١٤٤٦.٢٠٢٤ شهر محرم الحرام
[نعي ١٤٤٥..زينب والحسين]
تيهت دربي يحسين انه تيهت دربي
كظيت كلبي بس لامنذبح كظيت كلبي
منين اجيلك مكضوض الدرب ومنين اجيلك
ياكون اشيلك واجيبك للخيم ياكون اشيلك
جيت المه انه جسمك يخويه جيت المه
حركو اخيمه ذبحناه صيّحو حركو اخيمه
امتانه اتانيك على التله رحت وامتنانه اتانيك
اشصاير اعليك كومه من الحجر اشصاير اعليك
كالبينه كالبينه انه وجهك لكيته كالبينه كالبينه
امطلعينه امطلعينه كلبك من كفاك امطلعينه
شابعه روك ابصدرك الحوافر شابعه روك
جروك جروك سلبو هدمك وعلكاع جروك
صايره افتات اعظامك بسحك هل الصايره افتات
مرات مرات مو مره انسحكت ابخيل مرات
شلون اعرفه جسمك حرت وشلون اعرفه
بيش احلفه اجه ذباحك ايرد بيش احلفه
خلك ابنومك نايم عالترب خلك ابنومك
اشيكومك اشيكومك جثيره اسهام صدرك وشيكومك
شلون رفسه يطكك شمر بشلون رفسه
موش خمسه أصابع يمنتك شو موش خمسه
ابصدرك تربع يكام الشمر وابصدرك تربع
يحسين تسمع شتمني النذل يحسين تسمع
فرهود صاحو ذبحناه وعلخيم فرهود صاحو
للحرم راحو ابمشاعل نارهم للحرم راحو
جابوها الاحبال يهاي الهزل وجابوها الاحبال
واعليه تنكال جيبو الخارجيه اعليه تنكال
وعالي يراسك فوك الرمح عالي يراسك
حر شمس جاسك بعد الذبح حر شمس جاسك
راح امشي يحسين سبي وي الغرب راح امشي يحسين
وجنهم مبعدين بعد عن كربله جنهم مبعدين
اتبارى ذمتي وياك اريد اتبارى ذمتي
ولاكلت اختي لاكمت اليه وكلت اختي
#الشاعر عباس محمد الحميداوي
١٤٤٥.٢٠٢٣ محرم الحرام يوم تاسوعا
(نزله ليلة العاشر )
للحسين حرارة تهلتب ... للحسين صدك يسوه التعب
_
ياهنياله الشارك ... ابهاي الخدمه ونارك ... يحسين بيه مشتعله
الصعبه تدري وتصعب ... تنشاف اختك زينب ... لاهاي ابد مو سهله
للعاشر ابكل حيلنه ... قامتنه اهي ترتيلنه ... ولا الناقد نهمله
للحسين لو عبده انحسب ... للحسين صدك يسوه التعب
____
هذا العهد يتكرر ... امصيبتك هيه الاكبر ... وماتجي اكبر منها
دمعتي هاي التجري ... ولطمتي توسم صدري ... صاير انه مدمنها
مهربي بس لخيرك ... مدللني واحد غيرك ... مالاكي انه واعلنها
للحسين ابكلبي منكتب ... للحسين صدك يسوه التعب
_
شايل العز ابراسي ... تسبيح هاي انفاسي ... لو احضر المئتم
مو عشره هنه ايامك ... طول السنه الاامك ... يوميه ألم نتئلم
خلني اركض طوريجك ... يلي ناشف ريجك ... ومن درسك اتعلم
للحسين فلا غيره احب ... للحسين صدك يسوه التعب
____
كل سنه من اتحزم ... ونيتي الك أتقدم ... خطوه تنجي وتأمن
موكب مساند موكب ... ياشافع لكل مذنب ... من شيعتك والضامن
يحسين عهدي الدائم ... خادم اضلك خادم ... وتعوفني لا ماضن
للحسين روحي تنوهب ... للحسين صدك يسوه التعب
____
تدريها كل محنته ... اتماشي اجنبي عمتنه ... والخصم شامت بيها
طبت القصر تاذينه ... يحسين مو تدرينه ... زينب دمعنه اعليها
راسك بطشت الطاغي ... وبنتك تريد تناغي ... ارقيه ارجع ليها
للحسين عزانا المنصب ...للحسين صدك يسوه التعب
الخادم: عباس محمد الحميداوي
محرم الحرام
ليلة العاشر
(نزله )
ملحمة الطف والجره بيها ... نختمها بيش وبيش نبديها
واحسيناه ... واحسيناه
_
قطب القضيه حسين من كل صفحه
وضل خالد نصره بفداء وجرحه
وشما حاول التاريخ اسمه يمسحه
خصمه اندثر وحسين يعلى صرحه
الاجل الشريعه روحه منطيها ... نختمها بيش وبيش نبديها
وأحسيناه ... واحسيناه
___
ابدون كل اعلام شاع انتصاره وانتشر
وفقط هو الي دمه اعلى السيوف انتصر
التضحيه واجبه تصير لو دين الله بخطر
وضحه ولده وضحه صحبه وضحه بنحر
حتى الشريعه بدمه يحميها ... نحتمها بيش وبيش نبديها
واحسيناه ... واحسيناه
____
حسين عبره نتخذ منه درس ثائر
حسين ثوره رافضيه ضد حكم جائر
وحسين دمعه تمحي الذنوب الكبائر
حسين لطمه وصرخه تعلى بكل المنائر
حسين محنه من يجي طاريها ... نختمها بيش وبيش نبديها
واحسيناه ... واحسيناه
___
كل ارض كربله وكل يوم اليمر عاشوره
وحسين مايتحدد بشهر المحرم دوره
الطف رساله عدل انكتبت على المعموره
الطف تحرر من الظلامه للبيها مأسوره
وكثره المواقف صعب نحجيها .. نختمها بيش وبيش نبديها
واحسيناه ... واحسيناه
____
محنة الطف تجذب تره العاطفه
وبيها الصاحب اتبين من موقفه
بيها الاخوه وضحت درس الوفه
بيها الصبر بفكد الاهل بيها جرح ماشفه
بيها حرم هل هجم سابيها ... نختمها بيش وبيش نبديها
واحسيناه ... واحسيناه
•••••••
الخادم : عباس محمد الحميداوي
محرم الحرام
(القصيده مهديه الى السيده شريفه بنت الامام الحسن عليها السلام)
(ثكيل الى الامام الحسين )
تودع خواتك شو كمت ومتحزم شعندك
سبعين الف ذوله الكفر بس انته شو وحدك
_
بظهرك زلم جانو كبل بس هسه بلهيمه
ولااحد الضل ينصرك طاحو يابو الشيمه
مو تدري انته لو طحت ماتبكه اي خيمه
يحركونها اعلينه الغرب ونركض تره نكصدك
____
من طلعتك رد للخيم ضل انته حامينه
لو رحت يولونه الغرب وتتربط ايدينه
وشمر وزجر حادي الضعن يصبح ياوالينه
درب اليوديك انه اضن مايرضى ويردك
____
ملجوم كلبي من النهر لاتعتني اتشوفه
يهيج ادموعك لو شفت عباس وجفوفه
هاك اشرب ادموع الحرم وهل الدمعه مذروفه
خاف النهر يجرحك بعد ولا من اخو يسندك
_
اربع فرق جنه انقسم جيش العده شماله
وحده بحجر وحده بسهم ومجموعه خياله
خوفي تكع وسط الحرب وتدنانه عياله
اتنام اخافن علترب ويجوي الرمل خدك
_
انخاف دخان الخيم يوصل لعد جسمك
ويخنك بريتك كل هوه وايتامك تحشمك
كل الخدر بيك انعكد وزينب تره تهمك
اتصور انته اخر ولي وشلون وتفكدك
____
لو صعد دخان الخيم واليل حن لونه
ماادري بيك بيا كتر وجرحك صفه شلونه
وعيناك سدهن لو شفت الزلم من يسبونه
بسمار تصبح طلعتي وبكلبك انته اندك
الخادم : عباس محمد الحميداوي
محرم الحرام
(ثكيل للرضيع )
بين ام البنين وفاطمه مسأله ... عن الرضيع وعن سهم حرمله
بيا ذنب بحضين ابوه ... بيا ذنب يذبحه عدوه
ويبقى كاروك الطفل من صوته خالي
_
هو طفل اورده جنه يفوح من حلكه الضمه
ليش عن الماي يحرم وليش سهم اليفطمه
شكال كلبه الي سدد وعلى نحره من رمه
عن نظر امه وابوه وكل خواته يحرمه
شال بركع ركبته عصف الهوى ... وخله كلبه من دماه ارتوى
راد ماي اتشربوه ... بيا ذنب يذبحه عدوه
وتضل امه بفكده سهرانه اليالي
__
عمره ست اشهور حتى السنه ماتم عمره
لاجن اخذ روحه العطش والسهم ذاك بنحره
ردنه بس ماي لشفاته شويه حت لو كطره
بحضن امه يبات جان وهسه فوك الغبره
رمح مثل احسين هم جابوله ... ولااكو رحمه بكلب كل ذوله
راسه من امه خذوه ... بيا ذنب يذبحه عدوه
وشالو راس الطفل بذيج العوالي
_
ترفه روحه يناغي امه جان بمناغاته
شكد حلوه اخدوده جانت وجه يامحلاته
امه جانت حيل تفرح من يفز فزاته
حتى تنظرله امه وتشبع ابوجناته
اتفز وياه وتفرح من تشيله ... وتكله ايام ونرد للعليله
من العطش شكد عذبوه ... بيا ذنب يذبحه عدوه
الجره اعليه ريت انه اليجرالي
___
نشفن ادموعه ودليله العطش فت اكليبه
لا ثدي ايدر لبن لجله ثديه جف احليبه
امه لحسين انطته وظنها سالم ايجيبه
مادرت سهم المنيه يريد بس ايصيبه
لو تدري يموت شلون تنطيه ... من هاي البواجي دمع تسجيه
سهم بلمعركه انطوه ... بيا ذنب يذبحه عدوه
وغالي الولد يناس عد امه غالي
____
غافي جنت وليش تكعد المكعدك يألم
المن اشتاكيت يبني ليا جرح وليا سهم
نام يبني وين رايح خوفي لاتتروه دم
ضل يسباحة دليلي ابكى امونس الخيم
الوليلك ييمه وترجع تنام ... وتنسه الماي يمه وتنسه السهام
محد يصيح ارحموه ... بيا ذنب يذبحه عدوه
طفه نورك وتشع تبكى ابالي
الخادم : عباس محمد الحميداوي
محرم الحرام.
(قصائد الليله الثانيه اراشيف + قصائد عام ١٤٤٦☝️☝️)
Читать полностью…
#الليلة الثانيه
(اهوازي .. لنزول الحسين ارض كربلاء ١٤٤٦)
حسين اتعنه يم زينب ... رايد يحجي وياها
وكلها كربله يم عون ... هاي احنه وصلناها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ام عون أعلى ناكتها ... واجاها حسين يخبرها
بجت من سمعته زينب ... خبر ميشوم ماسرها
كلها ابكربله احنه اليوم ... البيها يقل ناصرها
كلها اهناه ياختنه الخيل ... تسحكني ابحوافرها
راسي اهناه يكطعونه
وللخيامج يجيبونه
اولا خيمه التضل فوكج ... عدونه ابناره شباها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يوكع عالنهر عباس ... اهناه يازينب نشوفه
وتوكع رايته من ايده ... ويذب لخدرج جفوفه
ويردد اخر الجلمات ... اخوي حسين ماعوفه
ويدزلج سلام وياي ... اخوج الخوته معروفه
ومايرضه يجي وياي
وماجبته يكول الماي
يكول وحتى لو روحن ... عيني السهم طفاها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الاكبر وصله وصله يصير ... اهنانه وينجمع كوه
وجاسم زفته الحومه ... وعريس الولد توه
هلي وصحباني اشوفنهم ... بدمّه كلمن اتروه
وانه لو تشوفيني ... اخييج جنه مو هوه
وجهي أعلى الكفه مكلوب
وعاري امسلبيني الثوب
وهذاك اعمامتي جرها ... وبيها صبح يتباها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب حتى عبدالله ... اله بهاي الأرض ذباح
هم مايشرب من الماي ... اوليدي ويختي مايرتاح
دشوفي ركبته التلمع ... بسهم من حرمله تنلاح
مثل ميلة سعف راسه ... يميل ودمه اي ينساح
ويختي وعمة اولادي
وادي الموت هل الوادي
أعلى ذني حيلج تشدين ... الدهر يم عون سواها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وحك طبرة علي الكرار ... ادري بروحج مخلصه
يزينب راح اسولفلج ... كلام البيه الف غصه
أعلى بالج رايد تخلين ... الج وي السبي قصه
وتضل العايله ابحماج ... المثلج زحمه تتوصه
عينج خويه لبناتي
وعلى العايله ياغاتي
ويمن كون انفنى التاريخ ... السبيه ام عون خلاها
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
[نزلة ١٤٤٥.. ندبه لصاحب الزمان(عج)]
ياعزاء اتحضره ... يابو غتره الخضره
ابهذا محرم يابو صالح وينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انت ويه الزهره ابجتفك اتجيها
أعلى المواكب تفتر ودمعتك تجريها
وحيل تالم كلبك الناعي من يحجيها
يكول طلعت زينب تصيح ويلي اعليها
كلبك ابلهافته ... وحسين لسه اهاته
الف عام وباقي ون حسينك
ابهذا محرم يابو صالح وينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابكل عزاء يامهدي ادري هاي امهتمك
اتعطر الحسينيه ابعطر من عاطفتك
وترجع تجيب امك فاطمه الشاغلتك
من تكّعد فاطم ترد تكابل عمتك
امكابل اعلى دمعه ... وفاطمه الي تنعى
تكله بحجر خسفو ييمه اجبينك
ابهذا محرم يابو صالح وينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابجوكت اللطامه الوكفه هاي تودها
اتسوي بيهم حركه والقصيده تشدها
وكل نهايه مجلس تدعي واترددها
الجمره عد الشيعه ربي لاتبردها
يكول انتم ولدي ... الخدم جند المهدي
وابعين الزجيه الخدم تبقى وعينك
ابهذا محرم يابو صالح وينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يمتى ذاب الاسود حتى اسود تلبس
من دمه تصب دمعك الصبح لو يتنفس
وبخنصر ايدك تخجل لو تحط المحبس
وتفرح ابحين المواكب تكثر وتأسس
حتى حزنك يكبر ... والمجالس تكثر
اويانه حاضر واحنه ماناسينك
ابهذا محرم يابو صالح وينك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وننصب اقرياتكم كله من توفيقك
وندعي أظهر وندري ذنوبنه الي تعيقك
والصبر كلناله كافي لا منطيقك
امنيتنه اظهورك ويمتى من تحقيقك
وأظهر النه أظهر ... سيدي نتنطر
اتعدت الغيبه الف عام اسنينك
ابهذا محرم يابو صالح وينك
# الشاعر عباس محمد الحميداوي
١٤٤٥.٢٠٢٣ محرم الحرام اراشيف
(نزله .. لسان حال الخادم يتكلم عن الخدمه مع أرباب العزاء ١٤٤٤)
ان الأبرار لفي المجالس ... مجالس الضامي هيه المدارس
بلمجلس ايماني اكتمل ... هو الوسيله والأمل
*
بهل اليالي العشره اتخيل انت بمنجم
شكد تلم وتأخذ اكثر اكثر تغنم
والجوهرة البدموعك لاتظن تتقيم
خطوه يقرب لله النحو خطوه أتقدم
والفجر وليالٍ عشرِ ....وللخدام المجلس حشرِ
الخدام قمة كل جبل ... هو الوسيله والأمل
****
وين ماتسمع اقرايه وكلبك بحزنه يفز
احضر وخلي دمعتك ماتصاب بأي عجز
تدري بهاي المجالس يوجد العد والفرز
ثبت اجذور العقيده وبالك الدنيه تهز
عاشوراءً ليلةُ القدرِ ... تنزلَ الذبحُ والاسرِ
وياجرح لحسين اندمل ... هو الوسيله والأمل
****
احجاية مسبيه زينب اجبيره هاي السالفه
مالها حمّاي يفزغ انذبح شيخ الطايفه
لهاي لطمتنه وبجينه بسوك زينب واكفه
بعد خدر الله وتفرهد الحيل المن عايفه
بربوةً ذاتِ قرارً معين ... انهم ياناس خدام الحسين
والدمعه لحسين العمل ... هو الوسيله والأمل
*
اختيار من الله خلاني اكعد بهذا العزاء
ومع الباكين اجهش صارخاً بعد البكاء
على من خلو ثلاثاً جسمه في كربلاء
ملئت الارض سواداً ساد بل حتى السماء
وقال النبي في منقبه ... لحسين الحراره اللاهبه
بكلب الشيعي تشتعل ... هو الوسيله والأمل
****
خدمته وكل حزني مو شي يتجدد
ثابت ابنص روحي غصن حي يتورد
جبت عمري لابس لمنحره ثوب اسود
ومنهو من خدامه اسمه ما متخلد
من حمزه كبيرُ العطاءِ ... والان باسم الكربلائي
وبلكبر لو منكر سئل ... هو الوسيله والأمل
الخادم- عباس محمد الحميداوي
١٤٤٤.٢٠٢٢ محرم الحرام اراشيف
(نزله لليله الثانيه )
بدفترك خليني ... خادمك ياحسيني
خدمتك هاي ....خلها وياي
____
كبل ماخدمك زغير ... وصرت بلخدمه جبير ... بخيرك
حسين ياعشك الصدك ... هل الكلب بسمك يدك ...مو غيرك
الخدمه ايه منزله ... بهل العزاء مرتله ..... بتفسيرك
انته تفسيرك جنان .... حسين يارمز الحنان ... اتخيليك
شكبره بين الودام ... اسمي الك جي خادم
خدمتك هاي .... خلها وياي
____
انته ياسر روحي .... شنهو دمعي ونوحي .... مو كافي
المايخدمك هل العمر ... كل حياته في خسر .. ومتعافي
بزغر عمري من جنت .... للخدامه اتحزمت ... وبشفافي
رددت كلمه عهد ... . احسين احبك للئبد ... وماوافي
اسمك ابحساسي.... احسين ياانفاسي
خدمتك هاي .... خلها وياي
___
حسين سواني بشر ... حسين خلاالي قدر .... وفقني
بااسمه رافع هامتي ... كون يقبل خدمتي .... ويقبلني
بدربه لا مانبتعد ..... وانه مو خادم عبد .... يسجلني
خدمته وياي اكبرت ... وروحي للخدمه انذرت ... ومتهني
العمر لو مو خدمتك ... شنهو يسوه وداعتك
خدمتك هاي .... خلها وياي
____
حسين يااقدس نحر ... انبذل من اجل الخدر ... ولدينك
خيميتك خيمه سعد ... رابح ابفيها الكعد .... بنص عينك
الله الك سواني .... انخلط طين احزاني ... من طينك
خدمتك اعظم نعم ... والربح بس الخدم .... بتعينيك
وماطلبنه احنه الجزاء .... خدمتك هيه العطاء
خدمتك هاي ... خلها وياي
___
لو خدمت اخدم صحيح ... بعينه بالك لا تطيح ... يل تخدم
خلي نيتك بلصفاء ..... بلا تكبر ولا رياء .... وهاك افهم
حسين جابك من العدم ... وتسجلت من الخدم ... بس اعلم
من الدرب بالك تزل .... من الخدامه لاتمل .... وتتندم
شرف هاي الخدمه ..... نعمه واعظم نعمه
خدمتك هاي .... خلها وياي
_
شما اريد اوصف بعد ... القلم بيدي ارتعد ... ويتعذر
القلم كلي بكلمته ... اشلون اوصف خدمته ... مااكدر
تعذرت كل الحروف ... ومشت على الكبه تطوف... تتبشر
اجتمعن باارض الخيام .... وكتبن احسين الهيام ... الاكبر
أدن بصحنك النداء .... حسين يارمز الفداء
خدمتك هاي .... خلها وياي
___
الخادم ... عباس محمد الحميداوي
محرم الحرام
ليلة الخدام
(ميمر )
تودع خدمها أم احسين ... كل يوم خادم شايل
__
فاطمه مكسورة كلب بكل توديع
وتحضر بكبر الخادم وبل التشيع
تنطيه امان الجان روحه الها يبيع
منكر يسد سجله وراح .... موصى بحسابه تنازل
____
لو نزل منكر من يخلص الدفان
تحضر الزهره تكله اهلا يافلان
محسوب النه عوفه حت لو غلطان
اتكله خادم للحسين ... واعفو عن الي فاعل
____
لفكد الخدم تحزن وتهل الناظر
وتكول هذا شكد بجه بل العاشر
وتعرف الخادم جان الهم شاعر
ويكتب قصايد واشعار ... وضيف بحماهم نازل
_
و يضل كلبها موجر ولا ما يهود
لحين الظهور اهناك والفرحه تسود
و تحزن لون تسمع بموت الرادود
كلهم على الزهره اعزاز ... الباقين والي راحل
____
ويبقه الحزن صاحي وابد مانايم
ويتكرر اعليها البجي بكل خادم
اشصار بيها بموت سيد جاسم
ينعى الها جان بكل حين ... وصك خدمته هم نائل
___
اليخدم الزاير جان والي معزب
واليرتقي المنبر ويقره ويخطب
تكلهم الزهره هذا ابن الموكب
لا حاشا ماتمسهم نار ... ولد ابني وابو فاضل
__
و كل البذل لحسين حتى الذره
فاطمه بليلة و حشته اتحضره
وماتنسى أبو الزنجيل والدك صدره
كلهم بسجل الزهراء ... مقيد اسم كل باذل
الخادم : عباس محمد الحميداوي
(ثكيل .. عن لسان السيده زينب والامام الحسين عليهما السلام)
ان كنت حياً الحك اعلى خدري
ان كنت ميت لله امرك و امري
زينب انه المايطيب اصوابها ... اختك الكوم دنت لعتابها
انه زينب ... انه زينب
________
انه ذيج العزيزه العاشت بذاكه الدلاال
انه المخدره الخدري للحرم صاير مثال
انه ذيج الجنت تحضر كبل لاكلك تعال
هسه كامت تكوم وترد توكع بين الرجال
ان كنت تدري بزينب وخبرها
ان كنت تنظر انعمى نظرها
اشجابها اهنا يخوها اشجابها ... اختك الكوم دنت لعتابها
انه زينب ... انه زينب
__________
بيك توكف على حيلك لو مخلص حيلك
من الخيم مذعوره انه خويه جيت اشكيلك
لوح بجفك لو يحسين انه الاوميلك
عدل ميت تجي لصوبي لو انه الي اجيلك
ان كنت تملك حيل وكلبك بنبضه
ان كنت طايح حيلي خلص ركضه
بروحي اعتاب من الصابها ... اختك الكوم دنت لعتابها
انه زينب ... انه زينب
________
بس تبقى نايم يعني خدر العايله يتسلب
وبحيره هسه اعتنيلك لو على التل اوجب
ولو شفت نار بهل العبي يحسن لاتتعجب
اندار وكتي وهسه صرت المسبيه زينب
ان كنت حياً وريتك بيها انفاس
ان كنت حيا كوم بحق العباس
النار شبت بلخيم واطنابها ... اختك الكوم دنت لعتابها
انه زينب ... انه زينب
__________
وشماله هذا الجاي لذبحك خويه هذا شماله
يحصل على لعنة الله والدنيه شني شتسواله
وجاليش من الذبح يودون الك خياله
ابيا حاله اختك يلولي وهسه انت ابيا حاله
ان كنت حياً وحالتك تكثر هم
ان كنت تدري الجيش صوبي يحشم
خويه اختك منهو راعي مصابها .. اختك الكوم دنت لعتابها
انه زينب ... انه زينب
___________
طبع الخدر يبن النبي الينشاف مايتعوض
ولاعين من عدوانك الاكتني استحت وتغمض
من دروه بيه العقليه كالو احسين انرض
ابخيل عشره واعوجيه ماكلتك بعد ماتنهض
ان كنت حياً الخيل اخذت روحك
ان كنت ميت بقت تعلى اصروحك
ودربي مضلم من الخيم وعطابها .. اختك الكوم دنت لعتابها
•••••••••
الخادم : عباس محمد الحميداوي
محرم الحرام
#الليلة العاشره
(نزله لعزاء ليلة العاشر١٤٤٦ )
المهر لمن لفه لزينب ... وباوعت لدمومه
نشدته بيا كتر اخيي ... وكع بارض الحومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حين يصهل واجه لزينب امبين اعليه الذهول
لحكي طاح حسين يخته جنه للحره يكول
اوسادته امن الرمل صارت ويمه تندار الخيول
طاح مابيه بعد ينهض وتصعب اعليه كومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب وضل ايتكلب الرمل يجوي اجروحه
والسهم المثلث يزينب حيل عذّب روحه
شكو شي ينشمر نحوه ويلي جان يلوحه
شلون محنه البيها طايح من الطف ويومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
افياي لو عندج لخييج ولو ماي اسمع طلب
اعليه خل نلحك يزينب الشمر من عنده اقترب
يموت خافن مثل ابنه ومن دمه نحره شرب
وخاف لو داسته الخيل تضيع عنه ارسومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رجعته لخيامه زينب ايسي كلش منها هاي
ولسان حاله يكول جرحي ينزف وشديه تعاي
كال اخوج افكدت شوفي يختي من شدة ضماي
وبعد من هالحال شصعب هايه كل اعلومه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابطيحته يعني يزينب للسبي قصه ابتدت
يعني هجمو أعلى اخيامج والعيال اتفرهدت
وهزله يعني الناكه صارت والايدين اتشددت
وسوط ابن جوشن يضربج ومنه هم مشتومه
الشاعر الحسيني : عباس محمد الحميداوي
١٤٤٦.٢٠٢٤ محرم الحرام ..
#اللية العاشره
(الرباب والحسين ١٤٤٦)
هذا الرضيع الماحجه اليمه
شو جبته اليه سابح بدمه
الماماشي مره اكبالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
البعده ماحاجي ابد ولاكال يمه ويابه
بيض الملابس من مشه شو هسه حمره اثيابه
وي النفس عايش عبد ويجرحني حيل غيابه
ياريت صوبني السهم يابو علي اولا صابه
ومتعوده جنت اعليه ليليله
ومااغفه الا ينام بديه
خالي المهد شو خالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عبد الله كمطته ابصبر بس الأجل وازاني
الربيته ست شهر مشه وبين الألم خلاني
جنت احلم يضل الولد ويكبر ابين احضاني
ماجنت احسب موتته وسفه الوكت غدراني
جنت بزفافه والعرس احلم
وشلون اهلهل كلت اتعلم
خابت ابساع آمالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صعبه اصدك موتته وصعبه اشوفن نحره
الموت مو كد الولد وعبد الله كلي شكبره
يفتح عيونه بضحكته ترجعلي بيه منتظره
ماحسبت تعب الربه وابساع يخلص عمره
تمنيت كون اتعب على رباته
وماردت من أكبر مجازاته
افراكه صبح جتالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وجا هاكثر نازف دمه ازغر قرابين الله
جلده ترف وحار السهم ذبحاه اي واسم الله
امشي اجيبن مهده الك لو هيجي اخلي بله؟
ماميت اوليدي اضن نايم اضن عبد الله
بلكي من اهزه بالمهد يكعد
اوي الزغار الموت اله موعد؟؟
مثل ام الاكبر حالي ... مذبوح جبت الغالي
يحسين يحسين ... يحسين يحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وين ام الاكبر خل تجي ونتكابل انه وياها
ننعى نواعي أعلى الولد الراحت ولانلكاها
وصيحولي رمله الفاكده وخل نبجي لمبجاها
انه الرباب ام الولد الحيل الدهر اذاها
وصيحولي عمته زينب اهنانه
وتنعى اريد وتبجي ويانه
انعى انه اضل لتالي ... مذبوح جبت الغالي
يحسين يحسين ... يحسين يحسين
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
[رئيسيه - خطاب بين الرباب والحسين عندما رجع بعبد الله الرضيع مذبوحاً١٤٤٥]
امناغيته توني اوديعيته ... حسبالي ماي الشربيته
يحسين ميت شو لكيته
اوليدي اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من اجت عمته وأخذته بيه روح ابني شويه
وكل اعتقادي اتشربه ابلال لشفاه امّيه
كمطته اخير اكماط ابني انطيته للعلويه
جيتوني ظهرك منحني وركبته هم محنيه
ابني اشحلاته من خذيته ... حسبالي ماي الشربيته
يحسين شو ميت لكيته
اوليدي ... اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شو لابس ابيض بزرتي ولاسيف شايل بيده
ابدال جم كطره عذب نبله حصل للوريده
جاما كدرت أعلى السهم يحسين ضال بجيده
المن؟ يضل عايش بعد الذبحو بحضنه اوليده
جا من دمه وليدي رويته ... حسبالي ماي الشربيته
يحسين شو ميت لكيته
وليدي ... وليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين آخ من الولد ذبحو بزرتك كلها
مساعه الاكبر تعّبك وعبد الله هم جملها
وجا ماخطه اوليدي السهم ركبته جن يندلها
وشضللها الوحيد مشه روحي شنو شضللها
كاروكه خالي وحركيّته ... حسبالي ماي الشربيته
يحسين شو ميت لكيته
وليدي ... وليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تدريني جنت مناطره يمه يكلي ويكبر
اتعاب ست شهر مشت يحسين وانت اتصور
عود أكدر اغفى بفركته هيهات من عود أكدر
الكاروك ضلته المن بعد والمن اباري واسهر
لو ميته ولافاركيته ... حسبالي ماي الشربيته
يحسين ميت شو لكيته
اوليدي ... اوليدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عبدالله تتركني صدك وشابت ابوك الحيته
اكعد يبو طول الحلو الكل شهر شبريته
الموت اليردك الي شيريد يمه انطيته
جرحك كسر ظهري عبد لو تدري بسويته
موتك تراني عاتبيته ... حسبالي ماي الشربيته
يحسين شو ميت لكيته
وليدي ... وليدي
# الشاعر عباس محمد الحميداوي
١٤٤٥.٢٠٢٣ محرم الحرام
[ليلة- العاشر .. قصيده رئيسيه زينب مع الحسين ١٤٤٥]
راح اجيك حسين تتلكاني ؟
العلى التل يحسين اي هاي اني
مبين حيل تعبان ... ... اجيتك ضل يعطشان
يخويه .. .. .. يخويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين اذا قصة خدر ون كلبك الطلعني
وكتلك كبل جيتي تره اطلع يخي تسمعني
آخ التطلعها تره اتوجعك وهم توجعني
جبت الدرب ادعي يارب بحسين ربي اجمعني
حسين كلبي ضال يمك خايف
وشايله اهوايه عتب وسوالف
ولو كل حيلي خلصان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو شايفه جسمك تره مااصعد لهذا التل
بس تدري حرمه ولو ردت اندلك منين اندل
تكرهنه كل هاي الزلم ياهوه بيهم اسئل
جا غير زينب بت علي بغيرك فلاني اتوسل
كوم خويه الحر جو خدينك
اشبيها عينك ماتفكلي عينك
بيك تعيل تربان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين جم عثرة جدم واوصلك اشوي ناطر
ولو بيدي اضلن للصبح بس سبي اطلع باجر
ها هل وصلتك يبن أم مكسور مني الخاطر
هذا انت لو غيرك يخي معقوله هذا الصاير
كومة حجر ليش أعلى جسمك
مابيها حيل اتذبهن امك
تجيك ام كلب لهفان ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تعاوني مدري اعاونك حيّرت زينب كلش
انهضلي مو باجر زلم للكوفه بيه تغبش
انهض تره جف حرمله شعر وتراجي تهمش
شوف الخيم شبت تره والعين كام تغّوش
حسين هاي الخيم كوم اطفيهن
ومن رخصتك ضل علليك بيهن
عليل وهاي نيران ... اجيتك ضل يعطشان
خويه .. .. .. خويه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو بيدي راح ارجع بعد يمك تضل عافيتي
وهاي امي اجتك فاطمه وللضيم فاطم جيتي
يحسين تنشدني ابدمع امك وهم ام بيتي
تنشدني من جسم الولد اشلميتي مالميتي
واشلميت منك يلي المطشر
نص منك رايح وي الاكبر
اصير المن يخوان ... اجيتك ضل يعطشان
خويه .. .. .. خويه
# الشاعر عباس محمد الحميداوي
١٤٤٥.٢٠٢٣ محرم الحرام
(ثكيل ليلة الرضيع .. ليان حال الرباب ليلة العاشر)
عبد الله ترسملي الليالي ... ايدي تهز والمهد خالي
حايره لحسين اوديك ... خايفه ترد مسبل ايديك
حيره يبني ... حيره يبني
_
تنغمي كل ساعه روحك الماي رايد تشربه
خايفه ابحظين ابيك ترد نبله امجلبه
بركبتك ياعبد يمه لهيج روحي امحسبه
خاف ترجعلي ثيابك بل الدماء امخضبه
عبد الله ياحلو المعاشر ... ماريد ميت ترد باجر
جف اللبن وبيش اغذيك ... خايفه ترد مسبل ايديك
حيره يبني ... حيره يبني
__
امعلكه روحي ابفتشت عينك افتح عينك
شهور عمرك يمه مو مال اكول اسنيك
يمه عبد الله اغفه انسه العطش وونينك
امدهونه يصبي نظرهن مابيني ومابينك
عبد الله متهدم دليلي ... عبد الله باجر صعب ليلي
باجر مو حظني اليدفيك ... خايفه ترد مسبل ايديك
حيره يبني ... حيره يبني
___
لا ليل الطال بينه ولا عمر جنه يطول
شفافك ماحجن يمه وافهمك انه شتكول
تكلي يمه اوداع شبعي وانه صايبني الذهول
الدلول ونام يبني وكعدتي باجر تزول
اضلن كاعده واشبع مناظر ... باجر بسمتك يمه تسافر
علصدر احسين نايم اخليك ... خايفه ترد مسبل ايديك
حيره يبني ... حيره يبني
___
مثل كعدتنه هسه باجر بل الطف تضيع
الماي لبن زياد لذه ومحرمه اعلينه جميع
لا الماي الباقي عندي ولا عبد الله الرضيع
تركض امك وكل خواتك يمه الموقف فضيع
يتعب ارباي ياشمعة بيتي .. باجر لليسر تصبح مشيتي
تشتاك لحنان الولده ادريك ... خايفه ترد مسبل ايديك
حيره يبني ... حيره يبني
___
عبد يمه كلي يمه كبل نطقك كلي بس
مادري العاشر شضملي روحي بلفركه تحس
عبد يمه الليل خلص وللصبح بيّن نفس
عبد يمه وين اضمك احجي لو حتى همس
اضمك وين ياصحر الرياج .. يمه لشوفتك يايمه احتاج
يابعد العافيه العطش ماذيك .. خايفه ترد مسبل ايديك
حيره يبني ... حيره يبني
خادم الرضيع : عباس محمد الحميداوي
محرم الحرام
(نزله الى الامام الحسين )
نحرك نبع ..... انصبله دمع
وحكنا نبجي اعليك ونقيم العزيه
__
شكد يلومنا النواصب من البجي شو مانمل
اي مجانينك ونحبك ونمتلك افضل عقل
كل طرق الله عظيمه وانته لله اسهل سبل
احنه من ضمن العبيد للخدمتك لو ننسئل
حبك زرع ... بكلبي طبع
وعلى اللطم اهواي متعلمات اديه
____
اليالي عشكك ماانساهن بيهن وكفة وفاء
وحبي للخدمه عظيم ماتوصفه الشعراء
انته مصلاية قبلتي لو دخلت لأي عزاء
انته كطره ماي وجهي ياسليل الاوصياء
روحك تشع ... بروحي شمع
وانه روحي الضلمه ونورك شع اعليه
____
انته منجي اليحبك من مضلات الزمان
امكعده بنص المجالس يعني بدوحة جنان
الدنيا صعبه بلا عزائك ماكو مثله احلى مكان
نمتلي بهم دنيا تدري ومجلسك للكل امان
ألي فزع .... وألي جزع
بيوم عاشر مانلومه لهل القضيه
_
راسيه بكلبي محبتك وروجة الحب تختلف
وحايره الكتاب بيها ادور الها اجمل وصف
وكتبو ابأخر بحثهم سر محبتك منعرف
الحبر ميجف عن ثنائك الحجي اكبالك يجف
كلبي انشلع .... وروحي بولع
كون هم نستجل بسجل الزجيه
__
جمر روحي ولهب نار اخيامك يوجني وجيج
وانه وين الكه بحنانك وين اكو مثلك صديج
كل بحور الدنيا سهله بس بحر حبك غميج
الطاف كبرك يبو اليمه صار حاج من الحجيج
عهدي استمع .... ماامتنع
عنك وعن خدمتك لحد المنيه
___
الناس ليش اعلينه تحجي شبيها هاي الوادم
احنه مجنونين نعرف وماكو واحد نادم
الي يتسجل بسجل الطاهره اصبح خادم
يسجد لربه يشكر انكتب بدفتر فاطم
اسمه انرفع .... عند البضع
وتسجل بسجل الخدمه الدائميه
الخادم : عباس محمد الحميداوي
محرم الحرام....
(ثكيل الى الامام الحسين )
باجر التضحيه اعلينه تصير واجب
شد حيلج باجر لكل المصايب
كالي بهذا الكلام .... من كعد وسط الخيام
وسولف بذاكه الظلام
عن العاشر ... عن العاشر
__
شلون ليله الجان بيها الجرح يلزم بلجرح
ليلة ماطالت علينه بساع طر وجه الصبح
ليله جان الموت بيها بس على خواني يلح
ليله تنضح حزن كامت الفرح بيها مانضح
بيها اعيونه مجلبه بضلام الليل
ماردنه النهار ولا هذاك الويل
سولف بفعل السهام .... من كعد وسط الخيام
وسولف بذاكه الظلام
عن العاشر ... عن العاشر
____
خيط نسمات ابو اليمه بارده وحجيه دفو
مالح الجلمه اخونا والنعم من هيج اخو
حجيه ايات ويرتل كال اسمعو وانصتو
كال باجر ياخواتي الولي مو انه العدو
اول جلمه كالها وتكطعن اول نياط
كال اسمعي يزينب المتن حضريه للسياط
كتله كون انته بسلام .... من كعد وسط الخيام
وسولف بذاكه الظلام
عن العاشر .... عن العاشر
_
بعد كالنه وبجينه وشاهدن دمعي النجم
وسولف بطاري الفرات وطاري جفين وعلم
مو بعازت ماي باجر كال انه بعازت زلم
وكال هاي اخيام زينب تحترك متضل خيم
باجر مايضل اعضيدي وعضيدج
باجر للشكف حضريهن ايديج
كتله دهري شبعد ضام ... من كعد وسط الخيام
وسولف بذاكه الظلام
عن العاشر ... عن العاشر
___
طاري الخيول اله حصه جان يذكرهن يكول
باجر اخيول اعوجيه ادوس بصدي وتجول
انه اهنانه نشدته وجان كاتلني الفضول
احنه باجر وين نمشي كولي يابن البتول
كال اتركضن وبس صوت الصياح
ولحضات وتشوفن راسي برماح
تعرثن اكبال اللئام ... من كعد وسط الخيام
وسولف بذاكه الظلام
عن العاشر ... عن العاشر
____
ذكر طاري السهم وشنهو فعله من يهد
كال باجر هذا يذبح كل دلول يلولد
باجر اتضل الرباب تهز بس خالي المهد
وباجر درب المعاره مايرجع اي احد
الذله علحرم والخدر ماتلوك
مو رايح اتركبن من اهزل النوك
تنسبن للرض الشام ... من كعد وسط الخيام
وسولف بذاكه الظلام
عن العاشر ... عن العاشر
___
كام من عدنه ودمعته تسابك بجرة الهوه
وصار جن اكتاب صفحه علصفحه انطوه
جرح البكلبه جبير ومايطيبه اي دوه
بجه وبللها لحيته ومن دمع عينه ارتوه
روحي اله فدوه وكون يبره
انه مابيه بعد وحسين اخسره
عيني سهرت ماتنام .... من كعد وسط الخيام
وسولف بذاكه الظلام
عن العاشر ... عن العاشر
الخادم : عباس محمد الحميداوي
محرم الحرام
(تجليبه او موشح إلى سيدي ومولاي الحسين )
وين هاشم مادرت شبانها
حسين طاح بكربله وتربانها
__
وين هاشم مادرت شنهو الجره
حسين جثته أعلى الرمل متوذره
وخذو عنه عيلته متيسره
وعلى الغبره امذبحه وليانها
__
وين هاشم مادرت وتدرع الزيج
واركبت واكطعت بلعجله الطريج
والحكت لحسين ابو يرح الغميج
الطاح وسط ألحومه عطشانها
___
وين هاشم مادرت شنهو الحصل
شيخ الها بكربله ضامي انكتل
خل تجي وتأخذ بثاره بلعجل
ضال مرمي ابن سيد اكوانها
____
وين هاشم مادرت حال الحرم
اعليهم اشجم شامت وحاقد هجم
الخيم شبت وين أهل هاي الخيم
وفرت النسوان من صيوانها
_
وين هاشم مادرت لو لا درت
المامشيوفه مشت وتيسرت
والدمع اخفات ماضن جاهرت
والدمع ماشافته سفيانها
___
وين هاشم مادرت وفزعت سريع
الشمر حضّر رمح حتى للرضيع
وجاب نوكً هزل وموقف فضيع
اركبت زينب والتصد عدوانها
___
وين هاشم مادرت منهو الذبح
وراسه فوك العاليات اشكد صدح
ابناكه هزله ام عون تمشي من سمح
ايكود جتاله ويطر وديانها
__
وين هاشم مادرت هذا العجب
راس ابو السجاد علرمح انصلب
وضعن خدر العايله للكوفه طب
والفواطم اتوسطت ديوانها
___
وين هاشم مادرت شنهو السبب
طوح الحادي بزينب واغترب
آه جا شنهو أعلى زينب منكتب
تنسبي وتترك ضحايا اخوانها
___
وين هاشم مادرت طاح الكفيل
والناكه بلحره اتعثر مره وتميل
وعلى الهزله جتفو زند العليل
وقافلة ضعن السبي عنوانها
___
وين هاشم مادرت وفزعت مضر
وركضه وحده اركضو صوب النهر
وجابو صافي الشراب وعلنحر
صبو الدمعه كبل جريانها
____
وين هاشم مادرت لو داريه
حسين لمو جسمه بس اباريه
والراس راح أعلى الرماح العاليه
وخبرو ابن حذلم يعلن احزانها
____
وين هاشم مادرت عن شيخها
وهيه أهل الفزعه انعرف تاريخها
وكل نساها على الخد تمليخها
ودره الكون بشيبها ورضعانها
__
وين هاشم مادرت ولامحمد علم
زينب اتماشيها اجناب الزلم
وين خل فرسانها تشد العزم
وتجيب كافور ونعش واجفانها
___
وين هاشم مادرت حال الغريب
ابلا عمامه ومن هدمه سليب
والخيول ابثوبه اتودي وتجيب
جثته ماحصل من دفانها
الخادم : عباس محمد الحميداوي
محرم الحرام
#الليلة الثانيه
(نزلة للخدمه ١٤٤٦)
حسين يامولانه ... شهرك واحزانه
انعم الله وجانه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
على ايامك هاي يامولاي شد همتنه
وخلي سالفتك وذكرك سيدي قصتنه
مو مهم نتعب نريدك ترضه عن خدمتنه
وامنيلنه صيت انعرفنه وخدمتك سوتنه
وحبك الجمعانه ... شهرك واحزانه
انعم الله وجانه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كل بشر يختلف كالو طينته عن طينه
بس طين الخدم واحد وانت اعلم بينه
وياك ماجمعتنه صدفه وبالعزه التمينه
فاطمه جمعتنه واحنه لمجلسك حنيّنه
وحضرته ويانه ... شهرك واحزانه
انعم الله وجانه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين يالرايد إخلاص ومو عدد نوعيه
انته الهواي الجبير واحنه كلنه شويه
وعلى فطرتنه خدمنه وبصفاء النيّه
ارزقنه يامولاي نظره وحاجةً مقضيه
وحسين لاتنسانه ... شهرك واحزانه
انعم الله وجانه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلشي بتوفيق منك ماكو شي ابكيفنه
ولقائمة خدام خادم نعمه كون اتضيفنه
حسين نمشي للضياع انجان تنوي تعيفنه
يااملنه وياعشكنه وياكهفنه وسيفنه
نهواك يالتهوانه .... شهرك واحزانه
انعم الله وجانه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نحمد الله سنة خدمه مره اخرى انطيتنه
وابغيرنه مابدلتنه وابد ماجزيتنه
ابنفس عاطفتك علينه وابد ماهديتنه
هواي متفضل علينه ونخدمك خليتنه
وجفك الربانه ... شهرك واحزانه
انعم الله وجانه
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
(الليله الثانيه.. رئيسيه ١٤٤٦)
الخدمه هاي هواي منتظرينها
عام صار النه احنه مفتقدينها
ومن الخدم نتأمل ... عدكم اسمنه امسّجل
ياابا عبد الله ... ياابا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ماغايبه الخدمه ابد توفيق تحتاج هواي
جا هيه مو ياهو اليجي ويتوفق يوزع ماي
حتى المدامع من تصب مو سهله لا والله هاي
وهنياله كلمن دمعته صبت ولو منها شواي
ومغفره لكل الذنوب ادموعه
وياك يامولاي حلوه اللوعه
واحنه من نتوسل ... عدكم اسمنه امسّجل
ياابا عبد الله ... ياابا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وكل سنه نطلبها بدمع منكم ولكن نخجل
واحدنه ياابن النبي ابصدق كونه يعمل
لاياخذه بنفسه العجب وخادم يصّير امعدل
وماردنه تصوير البشر المهم سجلك سجل
وابلا لارياء اولاعجب خدمتنه
وصافيه اوياكم تضل نيتنه
ونتمنى منك تقبل ... عدكم اسمنه امسّجل
ياابا عبد الله ... ياابا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الله لايحرمنه منك وكون تبقى انته الكلب
اولاشمال اولايمين انحيد عن هذا الدرب
حال هاي الدنيه تدري صار من صعب لصعب
ومن كثر ذنب العلينه نخاف لجَهنم نطب
ومنك اطلبنه يااعز محبوبنه
اتصّير مولانا شفيع اذنوبنه
ويمكم يكون الحل ... عدكم اسمنه امسّجل
ياابا عبد الله ... ياابا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يالسوء العاقبه لكلمن طرف عينك جزاه
عاف دربك هذا لاجن اشكثر صحت انت وراه
وكضّت أعمى امجلبه بيك الوادم تريد النجاه
وخاف نمشي ابغير دربك عدلنّه الاتجاه
بوصلة هاي الكلوب انريدها
نحوك ومنك يضل تسديدها
ووياك شنهو الينمل ... عدكم اسمنه امسّجل
ياابا عبد الله ... ياابا عبد الله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الماضاك طعم امحبتك والخدمه متأكد ندم
حسين ندعي كون تشعّل بينه جمره من الخيم
وابفطرة اعجايز نحبك يالجبتنه امن العدم
شيخ هذا السلف انته وكلنه يم بابك خدم
اوياك دنيه وآخره خلينه
اعليك فاطم عينك انته اعلينه
والعينك عليه امدلل ... عدكم اسمنه امسّجل
ياابا عبد الله ... ياابا عبد الله
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
(قصيده الرئيسيه لليله الثانيه ١٤٤٥ )
ياارض الموت ياارض النار ... هليوم حسين يمج خطار
خطارج صاير مولاي ... لاتعطشينه اسكيه الماي
هليوم حسين يمج خطار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم ابو السجاد ضيف اعليج نازل وي هله
نشد عن اسمج واجاه الرد وصلت لكربله
كال بلله استعيذ امن الكرب وامن البله
كال انصبو اخيام يله اهناه محط القافله
خيمة ام عون اهناه نصبوها ... وعن العباس لتبعدوها
العباس الجايج عناي ... لاتعطشينه اسكيه الماي
هليوم حسين يمج خطار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ادري انتي اتراب صحره وشوك كاعج وي حجر
وارد اوصيج أعلى امامي بذيج ساعات الظهر
خده لايجويه رملج لو وكع من المهر
تحت خده اوساده صيري وناظري ليبس الثغر
متفطره اشفاه لمن يوكع ... مرتين الخيل تسحكه وترجع
ويطعنه الرايح والجاي ... لاتعطشينه اسكيه الماي
هليوم حسين يمج خطار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
برداً اقري وسلاماً على اتراب الي يعج
كربله ياكاع ضلمه بيج جم خيمه التوج
حسين اجالج من اراضي ناس ماخلوه يحج
وراح برضج يفدي دينه ابحرم وارواح ومهج
والبكاروك هم يقدمه ... وعبد الله يكول لرضج كلمه
يكلج رويتني ادماي ... لاتعطشينه اسكيه الماي
هليوم حسين يمج خطار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كربله ومن هسه زينب غدت منج خايفه
حين شافت تل ترابج اتصورت اعليه واكفه
اتصّيح أعلى حسين أخيها من الرعب متراجفه
واتخليت جن شمر طكه ونوه يذبحه من الكفه
جن جاها أسنان جايب رمحه ... متنّطرالراس الشمر يذبحه
ويضل جسمه ابلايه افياي ... لاتعطشينه اسكيه الماي
هليوم حسين يمج خطار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي مو عادة ضيافه الضيف صحره ارياكه
كربله وسهم المثلث ابكلبه من يتلاكه
اليفيي اعلى اخته اجالج من شمس حراكه
يخاف زينب سبي تطلع منج أعلى الناكه
ضلن جم يوم وينشال الراس ... وزينب تفكد حسين وعباس
لارايه تضل ولاراي ... لاتعطشينه اسكيه الماي
هليوم حسين يمج خطار
# الشاعر عباس محمد الحميداوي
١٤٤٥.٢٠٢٣ محرم الحرام اراشيف
رئيسيه ...وصية ام لولدها حول الخدمه الحسينيه )
انا لحسينً وانا للخدمه راجعون
واليهم حين لاينفع مال او بنون
خدمه ورفعه وفخر وشرف وشهامه
عبره وعبرهَ وخير انشوف الخدامه
****
من جنت بالمهد وانه اتلوح فوك اسماعي
اسمع امي تكلي خادم صير يبني الواعي
يمه كالت خادم انته بأجرتك ماتداعي
خلي روحك وقف دائم ولبريده ساعي
تعكس أخلاقه وايمانه ومبادئ ثورته
حسين ابنص الموت وماعاف اعبادته
وماضن واحد يبخل روحه لأمامه
عبره وعبره َ وخير انشوف الخدامه
****
بهل الخدامه شكد قوانين الصعب تتحرف
قسم إخلاص النوايا وهم بعد تتألف
من قسم بيه الجوارح والكلب يتنظف
وصالح ليا مده حزنك هذا بيه انت اعرف
أتصور زينب فوك التله والفرح ارفضه
أتصور شمر بصدر حسين وشيبه يقبضه
اخدم فلمخدوم امسلب ثوبه والعمامه
عبره وعبرهَ وخير انشوف الخدامه
* ***
هل العمل يوم القيامة اتشوف كل إنتاجه
حسين سوه الخدم عنده ملك والعز تاجه
باجر جنة رحمته اطبها كل افواجه
بيده يسكي الشيعه وهو صحره ارياجه
الله يكول أباياته وسعت كلشي رحمتي
وحسين ينادي بلمحشر شيعتي شيعتي
والسالك دربه حسين اليرفع مقامه
عبره وعبرهَ وخير انشوف الخدامه
***
السنه الراحت لو حبيب امسجلك بكتابه
زحمه هاي السنه اسمك مايّحسب احسابه
عدم التوفيق ابروحك شوف شنهو اسبابه
شعجب ماهزتك جلمة حسين آه يمصابه
لحسين بشهر احسين كلشي اله جاذب
ابخدمته الأرض وسمانه وكل الكواكب
المنبر والزنجيل جاذب ومحلاتج ياقامه
عبره وعبره َ وخير انشوف الخدامه
****
الله سبحانه وتعالى يكول مو من العمر
هاي ساعات الخدامه ذخر للماله ذخر
والله حلوه هل العباره تنكتب بئسم الكبر
خادم احسين والقراها يترحم اعليه اليمر
الخادم لو مات ولحسينه بالخدمه ناصر
بيه الكاع اترحب وتهلي بجسمه المكابر
التعب سهل شاب وكهل ماعنده ندامه
عبره وعبرهَ وخير انشوف الخدامه
***
الخادم : عباس محمد الحميداوي
اراشيف
محرم الحرام
(نزلة الليله الثانيه )
كلوله يفهم خدمتي المافاهم ... العام خادم والسنه هم خادم
مرزوقين بنعمه ... سميناها الخدمه
_
فرّعت شجرة الخدمه اشتدد عود اغصانها
وابحرت روح الموالي والدمع ربانها
وفتحت ارباب المجالس للعزاء بيبانها
ورجعت الخدمه أمانه والوفي الي صانها
المكتوب اسمه مستمر ودائم ... العام خادم والسنه هم خادم
مرزوقين بنعمه ... سميناها الخدمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والخدمه مو تكلفة نفس وكلمن ابكد حاله
اكو خادم وسعه يسمع مجلس ويه اعياله
اكو شايب نحل جسمه يذب بس اعكاله
واكو شيخ ابنص مضيفه يجفي كل ادلاله
في سجل حسين هذا مساهم ... العام خادم والسنه هم خادم
مرزوقين بنعمه ... سميناها الخدمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين ينظر للكلوب الصافيه ويلفيها
وبنار الحركه اعلى زينب سيدي يجويها
وتره هاي الدمعه مو لأي شخص ينطيها
حسين يعرف منهو يستاهلها ويراعيها
كون اعماله تفّرح القائم ... العام خادم والسنه هم خادم
مرزوقين بنعمه ... سميناها الخدمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
واليريد يصير خادم اكو اشروط تأسسه
كون خادم صدك خادم ابلا ذنوب تنجسه
يعني كون يصير قدوه لغيره بل مدرسه
كون من يشوف خادم مايروح ينافسه
البقى قدوه خيربينالوادم ... العام خادم والسنه هم خادم
مرزوقين بنعمه ... سميناها الخدمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لذه بيها هل الخدامه وبيها عبره وموعظه
واسوه عدنه بيها من ذاكه زمنه الي مضى
مثل ياسين الرميثي اومثل عبد الرضا
اومثل حمزه الزغير والجبير ابهل الفضا
وشنهو من منزله لسيد جاسم ... العام خادم والسنه هم خادم
مرزوقين بنعمه ... سميناها الخدمه
#الشاعر عباس محمد الحميداوي
محرم الحرام
ليلة الخدام
شوط كربلائي ...( لسان حال الخادم مع مولاه قبل رحيل الخادم)
غير احسين ماعندي ... وسيله ابساعة الشده
وخسران اليعوف احسين ... ويوالي الطلع ضده
_
غير الله واهل البيت ... سند بل الدنيه ماعندي
واتشرف مع الخدام ... اباب اسيادنا انجدي
اريده بليله الوحشه ... ايحضرني بساعة الوحدي
احلفه بأم كلب لهفان ... يحضر عندي العطشان
بيوم اليخلص الدفان ... وجسمي ينزل ابلحده
____
العمل ماينشره وينباع ... اهناك امنين انه اجيبه
لساني انعجد واتلفلف ... ذاك الياخذ الغيبه
والامل ضل بأابو السجاد ... وادري ظني مايخيبه
ردته لكبري انه فزاع ... ايحضرني المابكله اضلاع
بوكت خدي بتراب الكاع ... والوذ ابكبري انه بسده
___
ابوكت ميزان تنحط بيه ... اعمالي البيها يتحدد
لو للجنه لو نيران ... بيها هل العبد يخلد
ابوكت هاي الجوارح هاي ... عليه بصدق تشهد
ويكلي الله اعبر اصراطي ... وتدري اهواي اغلاطي
بسبب جهلي وافراطي ... اريد اعليه اتعده
_
يمن منطيني وجه وجاه ... بسبب خادمك اتسمه
اريد بوكت كلمن فر ... من ابوه واخوته وامه
تساعدني لجل دمعي ... الجانت فاطمه تلمه
جانت عيني الك تجري ... وجدمي لحضرتك تسري
وجنت ناذر الك عمري ... واهد لخدمتك هده
____
انه الجنت الك مشاي ... ترضه النار تدناني
يحسين وعشت وياك ... وخادم جان عنواني
بيوم التنحشر كل روح ... اريد اهناك تلكاني
ماتنساني ادري اهناك ... يل ماعودتني انساك
الجنه الصدك بس وياك ... مثل جنتك ولا وحده
••••••
الخادم : عباس محمد الحميداوي