487
شاعر قصائد حسينيه منبريه .... ادعمنا فقط في الاشتراك للتواصل @Mert3338
(قصائد الليله الأولى اراشيف + قصائد عام ١٤٤٦☝️☝️)
Читать полностью…
ليلة الهلال ١٤٤٦
(لسان حال السيده زينب وقدوم شهر الاحزان عليها١٤٤٦)
كل سنه وياك .. الي اعاتب .. اعيده
بيك ضليت .. غريبه .. وهم وحيده
راحت آمالي اختفت ... شخذت مني وشعفت
وين ماجنت التفت
عندي خوان ... عندي خوان
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي ديرت سنة اخوتي ... اجت لمن جيتني
والله شبعانه بواجي ... لاتظن بجيتني
ياشهر خليت اخوتي ... أعلى الرمل خليتني
وبجف المذبحين اهلنه ... للسبي وديتني
وذيج السياط ... بالمتون ... علايم الها
وامشيت بدروب ... بالونين ... فلا اندلها
روحي محزونه صفت ... شخذت مني وشعفت
وين ماجنت التفت
عندي خوان ... عندي خوان
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
التهظم وتكسر دليلي ... يم نهر ماتو عطش
والشلع كلبي اخيي ... جسمه عالكاع انفرش
ودعيته نحر ضامي ... وريت ودعته ابنعش
ريت يرجع ليل عاشر ... ولاهلا بصبح اهدعش
ذاكه مصباح ... شمرهم ... صبحلي حادي
وناكة ام عون ... هزيله ... ضحك وينادي
اخوان ماعندج بقت ... شخذت مني وشعفت
وين ماجنت التفت
عندي خوان ... عندي خوان
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من المصايب وحده هايه ... وارد اسولف عنها هاي
اثنين وثمانين صوت ... يصيح ياعمه تعاي
وعفت علويات تنطر ... بالخيم ضلن وراي
وانه مامتعوده تدري ... اطي لبن امي كفاي
عفت الحسين اخيي ... وركض ... جيت انه
ويابسه اشفاي ... بلا راي ... اوصلت تعبانه
عمت عيني اولا شفت ... شخذت مني وشعفت
وين ماجنت التفت
عندي خوان ... عندي خوان
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والتموت اخوانه بالطف ... لازم يشوف السبي
والحمد لله من سلمنه ... بكربلاء اعلى العبي
من كثر ماحيلي رايح ... ابمشيتي احَبي حَبي
انه خدر الله العقيله ... وضعني ساكه الاجنبي
واندارت وياي ... دنيتي ... وغريبه صاحو
احزام خوان ... بالرماح ... غنايم راحو
وصدور عدوان انشفت ... شخذت مني وشعفت
وين ماجنت التفت
عندي خوان ... عندي خوان
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ومن تجي ياشهر فاطم ... تنشر بجيتك ثياب
ثوب الحسين المدمه ... وبيه طعنات الصواب
يابس أعلى الثوب دمه ... وبيه آثار التراب
وياشهر شفت انه حافر ... لحم صدره لينه جاب
من اجت الخيل ... للخيام ... ابلطم انظرها
من دمه حسين ... اعاين ... يصب حافرها
شذكرتني بيا وكت ... شخدت مني وشعفت
وين ماجنت التفت
عندي خوان ... عندي خوان
الشاعر الحسيني؛ عباس محمد الحميداوي
١٤٤٦.٢٠٢٤ محرم الحرام
[نزلة ليلة الهلال ١٤٤٥]
مفتاح لعالم الخدمه ... اهلال شهرك ياابو اليمه
يحسين ياعنوان للرحمه
حسين مولاي ... حسين مولاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اتحزمت بل الغيره ... وصاح صوت الديره... هلا بشهرك
الضمه لاح اهلالك ... حاله جن من حالك ... من ينظرك
منتضر هالطلعه ... حتى اصب الدمعه ... لفيض نحرك
ومنهو كلك ناسي ... حسين ويه انفاسي ... ودوم اذكرك
يحسين وادعي وتعلم بحالي ... الله يثّبت ذكرك ابالي
وبلكي حبيب تكله سجل اسمه
يحسين ياعنوان للرحمه
حسين مولاي ... حسين مولاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
منطلق من صمتي ... حسين ياعاصمتي ... ابكبريائك
مجلسك اي بيتي ... وخذت كل تربيتي ... من عزائك
ابعالم الذر واني ... صوت الك جاباني ... ومن ندائك
واسمك امن لفظته ... احساس امانك ضكته ... بحرف حائك
أحروف اسمك سيدي تلمع ... سالم ارسمك منذبح تطلع؟
متعوب تطلع حتى بالرسمه
يحسين ياعنوان للرحمه
حسين مولاي ... حسين مولاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خيره اخذ وارجع ... وادري شنهو اليطلع ... حسين وحسين
ونفسي اخيّر بيها ... العاقبة اشترديها ... المستقر وين
واثنين اليخوفني ... وخايف ايبعدني ... ذني الاثنين
الذنوب وموتي ... وبعد يخمد صوتي ... اوي المعزين
وابلا رجوع لعقلي الهايم ... قررت اضلن عدكم خادم
اوقعت قابل وابصمت بصمه
يحسين ياعنوان للرحمه
حسين مولاي ... حسين مولاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خط خدمتك منهج ... نوره ضل يتّوهج ... ماطفى النور
راحه صارت عدنه ... لو محرم يدنه ... ونلطم اصدور
ارتباطي ابحزنك ...وانت ماكو منك ... ياهوى وسور
انته قمة القمه ... انته شهرك نعمه ... شهر عاشور
بجاه الي وكفت علتل وكفه ... ارزقني حبك وعطفه
لو نور حبك لو اضل أعمى
يحسين ياعنوان للرحمه
حسين مولاي ... حسين مولاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صار ذكرك أنسي ... كمت احس بنفسي ... تعيش بيه
امي من لولتلي ... نعي امي اقرتلي ... وجم عزيه
ولو كماطي تفله ... صدري جنت اندله ... ابلطم اديه
ومن كبرت شوايه ... جنت اضن ملايه ... امي هيه
ماجنت راضي تسكت النبره ... بذيج البراء احس بلزهره
تنادي على التربان يايمه
يحسين ياعنوان للرحمه
حسين مولاي ... حسين مولاي
# الشاعر-عباس محمد الحميداوي
١٤٤٥.٢٠٢٣ اراشيف
ليلة الهلال
(نزله .. لسان حال الخادم والهلال )
ياشهر كلبي فلا يتمالك ... من يناظر بلسماء اهلالك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اشلون يتمالك كياني وصامد يضل يمك
من يشوف اهلال حزنك ياشهر وي همك
لون الاحمر دم أمامي هذا لو لا دمك ؟
اهلال دمعه اهلال حزن اهلال لوعه يرسمك
والمهدي دم عينه دمه اجرالك ... من يناظر بلسماء اهلالك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يسود لون الاسود أعلى الكون ويلبسه العرش
وتكنس الزهره المواكب ومن دمعها تنفرش
وزحمه مايتبلل ابدمعة اعيونه كل رمش
اهنانه رايح تجي فاطم اتنوح ويصير الجهش
وشيخها ورادودها اليقرالك ... من يناظر بلسماء اهلالك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تأدية حج المأتم ينفرض ابكل الفضه
حي حي اعلى المجالس هلتنادي الرافضه
والمعزى طه والزهره اوعلي المرتضى
فحسينا ً بلعراءِ في الطفوف قد قضى
ومثل حال الشيعي اضنن حالك ... من يناظر بلسماء اهلالك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الذره عد احسين ماهي تضيع ومحسبوبه
وبلعقيده الدمعه عند الشيعي تمحي اذنوبه
بيك ياشهر المصايب محب وي محبوبه
يلتقي جف ايد تلطم اعلى السلبو ثوبه
وينجرح مولاي خلها بالك ... من يناظر بلسماء اهلالك
__
المهدي من ينظر هلالك طالع للوادم
يذكر الطف ومصابه والنحر والخاتم
لجن يفرح من يشوف الخادم وي الخادم
أحياء شعيره من الشعائر بعزم وي القائم
رزق لو من دعه المهدي ينالك ... من يناظر بلسماء اهلالك
••••••
الخادم : عباس محمد الحميداوي
محرم الحرام
[نعي مجاريد لهلال شهر محرم الحرام ١٤٤٥]
اجاني شهر حزنك اجاني
الخداكم ابموت وماخذاني
بين الدور ابوحشه اتركاني
انه ضليت من الفركه اعاني
انه الفاكده الما صح مثلها
بصبحيه فكدت كل أهلها
من بعد عز تركب هزلها
بنص سوكهم يوكف جملها
انه زينب الماعرفتني امي
من كثر مامتعوب رسمي
من السوط ينزل بكه دمي
ياكون واحد سهله همي
لاجرح واحد بيه ويطيب
واشبساع عني اخواني تغيب
واصل لرمشي ياهلي الشيب
وهسه الهلال لكلبي شيجيب
يهلال طالع بل المدينه
اتذكرنه اهلنه المشو بينه
بلعز ترانه من مشينه
من غابو وكلنه انسبينه
وعن لسان الزهراء عليها السلام....
ابحزن من مرت بروحي ايامك
وهاي الناعيه وتبجي اي امك
لمن ذبحوك يوليدي اي يمك
خدت راسك شمر جره من اديه
عباس محمد الحميداوي
(لشهادة الامام الباقر عليه السلام ١٤٤٥)
اخر امنياته ... وبساعة وفاته
يتمنى الباقر كون
يم راسه تنوح ام عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الليله ابو الصادق على فراش المنيه
وروحه حنّت تستمع ناعي الرزيه
اتمنى زينب كون يمه هالمسيه
اوعلى المسحوك صدره تنعى هيه
بأحزانه الطويله ... منتظر العقيله
تغمضله رايدها اعيون
يم راسه تنوح ام عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الباقر المسموم مو من هسه جرحه
جان يوميه طفوف الهم تذبحه
الشاف ميمون ابو اليمه الدم يسبّحه
وكله وين اتركت جدي ما المّحه
اليمسح بالدموم ... ضل ينازع اليوم
الميّت ابجيت الميمون
يم راسه تنوح ام عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الباقر الباقي أعلى باله ظهر عاشور
الشاف بين الخيم زينب حايره ادور
الشاف جده حسين فوك الرمله منحور
الليله ياشيعته روحه بالسم تفور
ونظراته الاخيره ... جانت كلها حيره
شلون اذا مات شلون
يم راسه تنوح ام عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الحاضر ابركض اليتامه بهجمة الخيل
الشاف من السبي لوعه ودمعة الويل
الليله بين اعياله باجر عنهم يشيل
باجر يطلعون نعشه لو كضى الليل
وتتصابح حزينه ... ارجاء المدينه
باجر نعشه يشيلون
يم راسه تنوح ام عون
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وسابع ذي الحجه صوت الناعي ناده
اليوم راح الباقر ولحّكو يساده
على جده حسين ابجو لهل الشهاده
اوصيّته بتشيعه هذا الهوّه راده
النوح لحسين ... اشما كثر زين
لحسين رايد تبجون
يم راسه تنوح ام عون
الشاعر الحسيني: عباس محمد الحميداوي
١٤٤٥.٢٠٢٤ شهادة الامام الباقر عليه السلام
[نزله لشهادة الامام الباقر ١٤٤٤]
حافي جدمه ابلا عمامه وحاسر
الصادق اشّسوه أعلى ابوه الباقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بآل هاشم ثلمه صارت موتته
وحكه ابنه طلع وابلا اعمامته
العلم واهل العلم لمن فكدته
لكو كل اكتاب تنزل دمعته
وينكسر كلبه البعينه يناظر
الصادق اشّسوه أعلى ابوه الباقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جان يمه الصادق ايده من سبل
وغمض اعيونه وبجه ويمه الاهل
راح امامك جاوبه كلمن سئل
وغسله ابدمع العيون ابمغتسل
أعلى الابو منهو ابحزنه يكابر
الصادق اشّسوه أعلى ابوه الباقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا ابو الصادق طريحه اجنازته
وصفت طلاب العلوم ابعازته
وآل اميه أهل النفاق اشجازته
والمنايه على الغيبه وزاته
وموقف ابكل كلب يبقى و حاضر
الصادق اشّسوه أعلى ابوه الباقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
باقر العلم الرفيعه اعلومه
اليوم روحه بسم غدر مسمومه
اعليه حزنت أهل بيته وكومه
امصاب عاشر جن تجدد يومه
اليوم اليناشد شنهو اشصاير؟
الصادق اشّسوه أعلى ابوه الباقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو حصيره انشال بيها ومنذبح
الباقر مابيه الف طعنه وجرح
بس الحسين انرفع راسه برمح
اتلث ليالي على الرمله منطرح
وحاله جسمه انكسر ليه الخاطر
الصادق اشّسوه أعلى ابوه الباقر
# الشاعر عباس محمد الحميداوي
١٤٤٤.٢٠٢٣ ذي الحجه
(ثكيل ... لشهادة الامام الباقر عليه السلام )
البطف جان وياهم حاضر ... وشاف الصار بيوم العاشر
غمض عينه محمد الباقر
أمامي ... أمامي
__
الجان حاضر نينوى وعمره خمس اسنين
السمع ميمون الولي اشكال من طاح حسين
الشاف ابوه بكل وكت تنزل دمعته من العين
سمو جبده ياوسف وغمض اليوم الجفنين
اليتصابح بدمعه ويمسي ب آه ... بمثل اليوم احنه افكدناه
الي ابحر الدمعه مسافر
غمض عينه محمد الباقر
أمامي ... أمامي
_
اعلوم ارض الله وسمائه جان اهو باقرها
البزهده وعلمه اكلوب عدوانه ابفخر قاهرها
اقسى العصور واصعب سنين الظلم عاصرها
روحه عد رب السمه اصعدت عد فاطرها
فوك تابوته العمامه انحطت ... وللبقيع الشيعه بيه كصدت
القاسى الظلم من حاكم جائر
غمض عينه محمد الباقر
أمامي ... أمامي
__
الجده اله باعث سلام من كبل يوم اصياره
ياشيعته الليله بحزن مظلم اوحشه ابداره
يمتى افواج الخلك تتعنى الهم ازياره
وان شاء الله ابن الحسن ياخذ اكيد بثاره
البين الحزن عاش ومات ... اعليه تصب هل الدمعات
لازم بدمه يطالب الثائر
غمض عينه محمد الباقر
امأمي ... أمامي
__
علم ونسب جاه وكرم رفعه وشرف عنوانه
شيخ اعلى مشيخة العرب الكل تجي لديوانه
اليعرف بكلشي وماعرف يسد باب من بيبانه
اليوم خده اعلى الترب وملفوف ابجفانه
بغدر الاعادي ينتهي عمره ... والفاتحه يم امه الزهره
المثل امه اعلى الهضم صابر
غمض عينه محمد الباقر
امامي ... أمامي
_
الدنيه وي ولد الزجيه عدها عينا ً صلفه
وكل يوم الهم شخص بجتله الكفر تتشفه
والباقر نشهد نعم امصيبته كلش كلفه
لاجن اهون من الذي منحور من المكفه
الف وتسعميه جرح صابه ... ومسبيه اخته امسلبه اثيابه
المسحوك جده بذاك الحافر
غمض عينه محمد الباقر
أمامي ... أمامي
•••••
الخادم : عباس محمد الحميداوي
ذي الحجه ... شهادة الامام الباقر عليه السلام
تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742
[نزله لشهادة الامام الجواد عليه السلام ١٤٤٤]
ضلمه دارك ضلمه .... ياجواد العصمه
ابحزن كل زوارك ... بل الصحن ملتمه
.............................................................
جفت الأقلام والبحرُ مداد
في كتابة خبر موتك يلجواد
ونشر جبرائيل فوك ارض السواد
رحل شاب ابن الرضا قيمو الحداد
وابلا عجز هبينه ... ومجلسك سوينه
وندري حضرت فاطم ... تصيح ويلاه يمه
.............................................................
سيدي يالبقه جثمانك طريح
فوك سطح الدار ياشيعه يصيح
بالعطش والحر شابهت الذبيح
وانت ميت شفنه دمعاتك تطيح
شفنه دمعة عينك ... سالت أعلى حسينك
جنت يمكن ناوي ... العمر دمعه تختمه
.............................................................
سيدي يلمتت بلسم ومهجتك مقهوره
على نسوان ابو اليمه الفرن المعموره
اليوم بمصابك الشيعه سيدي مأجوره
وكل سنه وفقها تحضر الضريح تزوره
كل سنه وكل ذكرى ... نجي ويه الزهره
وعلى الميت بلسم ... انادي ويلي بلطمه
...............................................................
بني العباس وجلاوزة العصر تتفانه
واحنه ضلت كبته تلمع ذهب يامولانه
هذا معناه صح طريقه والله رافع شانه
انحمد الله شيعه صرنه ونفتخر خلانه
ذاك درب الاعوج ... وهذا الدرب المنهج
المشى بحبكم عابر ... ويرتفع للقمه
__
دوحه احزانك جبيره وجان همها العاشر
رغم عطشان انت ميت لجن دون الحافر
سيدي ومولاي صار اسنين واحنه اناطر
بجاهك عد الله عجّل فرج ذاك الثائر
يجي ويأخذ حيفه ... وبعداك يذبح سيفه
عجّل الله عجّل ... فرج مهدي الامه
# الشاعر عباس محمد الحميداوي
١٤٤٤.٢٠٢٣ شهادة مولاي الجواد عليه السلام
اراشيف
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
[لشهادة الامام الصادق ... لسان حال الشيعه مخابطة الامام الكاظم بفقد ابيه ]
عظّم الله اجرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
___
ايعينك الله على الفركه يبن جعفر هل المسه
الابو مثل الهوه ينعد لو حضر تتنفسه
بقت يمك ذكرياته اعمامه ثوبه ومحبسه
مدرسه الصادق ابعلمه ورحل ذيج المدرسه
ايتيم تكضي عمرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
_
الكاظم ينادي يشيعه الابو لمن ينخسر
عطر نفحات الحنان تكوم تهوى وتنحسر
اليفكد الوالد يشيعه شلون كسره ينكسر
ولسجن افراك الغوالي الروح حتماً تنأسر
وازد الله صبرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
__
ينهدم بيت الأمان ويهوى سكفه ويندثر
حين تاخذ نعش ابوك أعلى الجتف نحو الكبر
اهناك من تدفن ببيّك تحس مايسوه العمر
وانه دافن شلون والد يصعب ابفكده الصبر
وشلون يطفى جمرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
_
والدي صادق العتره فيض من كل العلوم
راح وفاض الجفن دمعه وفاض بيتي بلهموم
لايلوم الشاف دمعي اعليه ينزل لايلوم
هذا جعفر الصادق نجم عالي أعلى النجوم
واعلى الدمع نعذرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
___
مات ابن الباقر ابسم وجره اعليه الي جره
لكن أهون من مصيبة جده وحز منحره
امصيبة الطف امصيبه عظمى بدنيته والاخره
رجل تتذبح بنينه وتمشي اخته اميسره
وايعينك الله بكسرك ... سيدي يابو الرضا
طاح نص من كترك ... سيدي يابو الرضا
سيدي يابو الرضا ... سيدي يابو الرضا
الخادم : عباس محمد الحميداوي
٢.٢٣.١٤٤٤ شهادة الامام جعفر الصادق عليه السلام اراشيف
( قصيده لمصاب الامام جعفر الصادق عليه السلام وكأني به على فراش المنيه يخاطب الموت)
(المستهل)
انه موتي برواية حرك الخيام
مثل زينب كتلني طاري الشام
حرك الدار ماهمني ... وجرح حسين عذبني
تذكرت الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياموت عجل لاتضل حرك الخيم اذاني
خلاني مااطبك جفن الا بدمع خلاني
الصار اعلى بيتي بلحظته لطف كبل وداني
واخرها سموني بحقد هيج الدهر راوني
ياخذني الخيال وروحي تنحب
وجن بعيني اشوف اطلعت زينب
والزهره تصيح آه يابني ... وجرح حسين عذبني
تذكرت الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
طاري الشريعه بكربله تعني كمر بنجماته
وطاريها اخذ مني عمر ماتنحسب لحظاته
يعني الحسين ابلا اخو ومحد بكى بخيماته
يعني اعلى عباس انكسر ظهره وفكد يمناته
يعني حسين اجه لخيمة عضيده
وي طيحت عمدها صف بيده
وموقف اخر لحزني ... وجرح حسين عذبني
تذكرت الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والشام اخذ كل العمر من السبي لديوانه
المن يضل عايش بعد البسوك اوكفو نسوانه
ساعات وكفهن نذل ويشتم وطال السانه
وبنص المجالس والزلم الطببو عمته انه
شنو لذته عمري وبيمن ارتاح
شنسه السوط لو عملات الرماح
الطف هواي تعبني ... وجرح حسين عذبني
تذكرت الطفوف
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اتمنيت اموتن منذبح وجسمي ثلاثه يخلوه
وهم مثل ابو اليمه الصدر بالخيل هم يدوسوه
وياريت يحصلي رمح وراسي عليه يرفعوه
وياي ماصارن ابد وبحسين هذا السووه
من ذني الكلب جانت الاامه
والصادق بعد خلصن أيامه
الدهر كل فرحه سلّبني ... وجرح حسين عذبني
تذكرت الطفوف
الشاعر؛ عباس محمد الحميداوي
شهادة الامام جعفر الصادق عليه السلام
اغتاضت الشيعه اعتلك جانونها
وتبرد الا اربع كبب يبنونها
_
وجرت نار الغضب بينه وعلت
حين شفنه كبور ائمتنا انولت
للعظم هلمره هضمتنه اوصلت
اشلون اربع اضرحه يهدمونها
____
من تشب نار الغضب بينه وتثور
حكنه عدنه امهدمه اربع قبور
ويجي يوم وغصباً اعليهم نزور
اربع اشبابيج ذهب اصحونها
____
مطلب الحك عنه لا ماينسكت
مو قضية خوف بس حسبت وكت
يجي يوم السيف غمده ينكت
من غبار الصبر ويندهه عونها
_
عونكم يهل الشيم يهل العكل
كل سنه هضمتنه تتجمل ثكل
الفزعه ماي ومو بمنخل تنكل
نريد فزعه الشيعه الي يلبونها
_
اتوضحت حركة كلبنه بهل النقاط
وسولفينه ابلا تكتم واحتياط
نهيد لمن يلج في سَم الخياط
جمل بت الأول اتعرفونها
___
مو كصيره اليد ولا العين اتنظر
وين عنها المهدي جايمته ايحظر
زودنه امعلك ببونا المنتظر
يجي يوم ورايته يشوفونها
الخادم: عباس محمد الحميداوي
١٤٤٤.٢٠٢٣ شوال الفاجعه اراشيف
كل عام وانتم خداماً مخلصين عند سيد الشهداء وكل عام وانتم في سجل فاطمه وحبيب ابن مظاهر وكل عام وانتم في تمام الصحة والعافية ومن الذين يتقبل الله منهم صيامهم وقيامهم عيد فطر مبارك عليكم أن شاء الله ...
اخوكم عباس محمد الحميداوي ١٤٤٥
الليله الأولى ١٤٤٦
( نزله ...وتقره ايضا نزال)
وين فاطم وينها ... هذا شهر حسينها
وكل سنه وياها ... وعالبواجي انعينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احنه عاهدناج نبجي وياج وبطول الدهر
مو بس شهرين يم حسين عاشور وصفر
ومستهلنه ابليلة اهلاله شهرج لو ظهر
ياشهر عاشور نقره ابنوح مامثلك شهر
وبسواد اهدومها ... الخدم يخلص يومها
وهاي ايام الطف ... كلنه المتانينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلي يالميمون نسمع صوتها بدمعه اعتله
وآه من نسمع قصيده جينه ننشد كربله
وعذبت كلبي قصيدة آه يانبله حرمله
وكلشي يتبّدل بروحي الرايه لو متبدله
واتبدلت رايتنه ... وخيمتج لمتنه
بكل بقاع الدنيه ... اقرايته مسوينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ماكو واحد جمرة الطف كلبه ماجاويته
هذا زنجيله أعلى متنه وذاك لف جفيته
وهذا دك قطعه سواد وبيها وشّح بيته
وموكب ابجادر ازغير اطفال المسويته
والخدمه عد اطفالنه ... توارثتها اجيالنه
حسين ميراث الحياة ... أيامه ماناسينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وين مثل حسين صاحب عايشين ابخيره
واكف النه ابكل شددنه وبابه مندك غيره
حسين مايحتاج دربه نروح نأخذ خيره
امدللين اوي ابو اليمه افضاله حيل اجبيره
ابصاية الله وصايته ... وعدنه جاي قرايته
والله يازهراء شفاء ... ونقسم امجربينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين منه اشترى ماي وجوهنه يافاطمه
ولذالك مو خساره ابعمري لو كله اخدمه
اني شمضحيله بله واله شنهو امقدمه ؟
الحتى ماتعطش الشيعه شّرب وليده دمه
شنهو طبخي ولطمي ... بأبي هوه وأمي
والروح لو ننطيها ... اشويه المقدمينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو بزودي من خدمته وانه مو صاحب فضل
حسين تارس هاي اديه ومو هسه من كبل
كون دعواته ونظرته ابخدمته امجلب اضل
شكبره بختي انجان يرضى عده خادم اشتغل
يعرف ابكل وضعي ... الخدمه اريد ودمعي
ومن حظرتج رايد ... اقدامي اتثبتينها
الشاعر الحسيني: عباس محمد الحميداوي
١٤٤٦.٢٠٢٤ محرم الحرام
#١٤٤٦
(ليلة الهلال : حواريه بين السيد زينب والامام صاحب الزمان عج ١٤٤٦)
ابليلة هلال الاحزان موسم حزنه يبدي
الله يعيّنج يم عون والله يعيّن المهدي
ابهذا عاشور ... ... ابهذا عاشور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب اول ليله ... اشرايح تحجيله
والمهدي رايح حيله ... شتنعى ام عون
منين تبدي المأتم ... بيها الله اعلم
كلشي بيها يأّلم ... شنهو الي يهون
الله يساعد كلب زينب من تشوف هلاله
اظن من هاي المصيبه المهدي من تقراله
تكله ياعمه شفت عشره من الخياله
سحكت على الحسين العصر ولااكدر ادناله
والخيل ضلت بحسين تاخذ ونوب تودي
الله يعيّنج يم عون والله يعيّن المهدي
ابهذا عاشور ... ابهذا عاشور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كاللها آه ياعمه ... احجيلي فدوه لمه
عالتل صعدتي ابهمه ... واعليه تدورين
تكله عمه اسمعني ... اوصلته وشمر دفعني
بسوطه النذل رجعني ... ورجع لحسين
وعمه اول مااجه شمر اللعين لنحره
لزم شيبات ابو اليمه وكام رفساه أعلى صدره
على وجهه خله اخيي واثنعش طبره يطبره
كطع راس حسين بيده وشافته فاطمه الزهره
وعالرمح رفعوه الراس وضليت عمه بوحدي
الله يعينّج يم عون والله يعيّن المهدي
ابهذا عاشور ... ابهذا عاشور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مصرع الطف بأكمله ... وكل مصايب كربله
عمه وادري بالبله ... الي تشوفه كل يوم
تبجي كالو كل صبح ... من ألف واكثر جرح
وبعينك يعرض رمح ... ويتكاطر ادموم
ياعمه يامهدي تره الصاير اعلينه اشعظمه
اتخيل ابحافر كل فرس حسين باقي دمه
اطشر جسم جدك تره وياهوه عمه يلمه
ومن كثر مابيه طعن عمه الرمال تلجمه
وابيش أغطي المذبوح وبس العبايه العندي
الله يعيّنج يم عون والله يعيّن المهدي
ابهذا عاشور ... ابهذا عاشور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والمهدي غص بعبره ... واختنك بلهم صدره
والشيب تارس شعره ... من يذكر الصار
نوم الخرايب والشام ... خلله اشكد الاام
وماخله العيون تنام ... يغمض يصد نار
ولشام وي زينب جرح يامهدي ضل ينزف دم
وكفت على باب القصر ساعات وبليل اضلم
رادوه يطر وجه الصبح واعليها وادم تلتم
يذبحوها رادو بالنظر وبالحجي من تتشتم
وطبتها ليزيد ام عون بدون الدمع متعدي
الله يعيّنج يم عون والله يعيّن المهدي
ابهذا عاشور ... ابهذا عاشور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لزينب سمعنه اونينك ... يلمن دمه تصب عينك
ابهذا المحرم وينك ... عن كربله انته
صبحك وليلك واحد ... تبجي وبوحدك كاعد
بالطف خيالك شارد ... وبدمعك كتبته
يعرض بمصباحك خيم محتركه وام عون تصيح
تركض تشاهدها ابعجل وكلساعه يامهدي اطيح
وياها شد حيله الوكت حر وضمه ونار وريح
من هاي دمعاتك دمه أعلى الوجن يامهدي تسيح
وشتان مابين ادموع خدك يمهدي وخدي
الله يعينج يم عون والله يعيّن المهدي
ابهذا عاشور ... ابهذا عاشور
الشاعر الحسيني؛ عباس محمد الحميداوي
١٤٤٦.٢٠٢٤ محرم الحرام
[قصيدة ليلة الهلال ١٤٤٥]
ام البنين وفاطمه العليله ... اتلاكن ابدار الحسين الليله
ام البنين تكلها تدرين ... طالع اهلال لعاشر حسين
____
خايفه وملهوفه اجت ام البنين اشبيها؟
لدار العليله اتوجهت مخطوف لون البيها
للسمه تعاين وعالوجه تطلم غدت بيديها
رايده تخّبر فاطمه ام الوفه ثاريها
فتحت وياها شلون موضوع ... كوه حجت وتصب الدموع
للسمه تكلها لاتنظرين ... طالع اهلال لعاشر حسين
...............................................................
من سمعت بهذا الخبر بت الحسين اتلوت
ماكدرت اتكوم وتكع تاليها شنهو شسوت
راحت زحف للباب وبطي الاحزان اطووت
يهلال عطشانه نظر لحسين ماهي اتروت
رفعت نظرها فاطمه لفوك ... شافت اهلال بحزنه مخنوك
هساع كالت حالي موزين ... طالع اهلال لعاشر حسين
____
جابتها ام الاربعه واعليها غدت متسنده
ماهودن من البجي وحده التّبجي بوحده
دارت وجهها فاطمه اتعتب الهلال بشده
لو طالعه روحي ولا طلعتك هاي المده
وام البنين تكلها عتبج المن ... هو الدهر ينحزر لو يتّأمن
لابسمه ولاكاع التأمنين ... طالع اهلال لعاشر حسين
____
لا لا تأمنين بسمه الحسين يرميها بدم
هاي السمه تهوى الرمح المشيول ويكّطر هم
ولا كاع يابت النبي بيها الجسد يتّخذم
الكاع التطشر كل هلج واعلنسه تشب اخّيم
لو هسه وياهم وهاي اللحظه ... ونشوف الهلال بدماء اتوضه
وننشد أبوج انروح بلحين ... طالع اهلال لعاشر حسين
__
كلما افز كمت الصبح يايمه اكول بسكته
أتعجب وبيه نفس لهسه اشعجب ماميته
وهسه الهلال الي طلع صبري بثواني فتّه
ويم البنين اوالدي يمكن نسه امه وبته
قسمتنه هايه انه وياج... وعن الاهل ماضن خبر جاج
وهذا بشر صايح بلونين ... طالع اهلال لعاشر حسين
الشاعر # عباس محمد الحميداوي
١٤٤٥.٢٠٢٣ محرم الحرام
(قصيدة الهلال : حوار بين الهلال السيده زينب عليها السلام )
يهلال الطلع حسرة دمع بل العاطفه تفور
ثوب ابجف سمه املطخ دمه لحسين منشور
آثار الحوافر ليهسه بثيابه
بس اهلالك انته اتمنى غيابه
*_* _*_*_*_*_*_*_*_*_
انه زينب ياهلال الفاجعه العشت بألم
بسرعه مرت سنه اعليه وبهلالك انصدم
تذكر انت شيعشتني اشركتضي ابيا خيم
بعاشرك لا ضلت اخوه ولاعرب تملك شيم
ابراي الشمر اقدس خدر أصبح مسيره
جثامين اخوتي وياحسرتي من امشي اسيره
اهلالك يامحرم راجعلي ابعذابه
بس اهلالك انته اتمنى غيابه
*_*_*_*_*_*_*_*_***_
كوه اوجد كمت منك الضوه وبصيصه
ونشرت جفوف الملائك لمقدمك قميصه
ثوب الحسين الي روحه لدينه بس رخصيه
ماجنت للسمه اناظر من شوفتك حريصه
اهلالك من ظهر يعني الحجر صوب جبهته
معناها انذبح واعلى الرمح شايفته اخته
معناها اجتني كعدات الخرابه
بس اهلالك انته اتمنى غيابه
*_*_*_*_*_*_*_*_***_
اسود الثوب العلينه مانبدله احنه بلبس
وانته من تهل تراها تستحي حتى الشمس
تذكر الحر العلينه أتوجه وسوط الرجس
ومو سنه جنها عليه الواقعه جنها امس
أتصور كمت حين اركضت واعدانه تنهب
اوين الدللج وراحو هلج كالو يزينب
واكابرهم انه وأضل ابصلابه
بس اهلالك انته اتمنى غيابه
*_*_*_*_*_*_*_*_*_*_
احلام جم شاب ادثرتها بطلعتك ويوم الوغه
بيك حار حسين يناظر خيم ربعه الفارغه
ان يومَ العاشرِ يومَ المصيبهَ البالغه
حّرم الماءُ علينا وللمجوسِ لذاتهُ بل سائغه
مهر الطاهره الماي الي جره واعلينه يمنع
اجاكم لا أشر ومفسد بطر وتاليها يتكطع
منبعكم غدر ماكو كل غرابه
بس اهلالك انته اتمنى غيابه
*_*_*_*_*_*_*_*_*_*_
اتناقضت عندي المشاعر لاتروح ولاتطول
مدري اكلك طوّل انته مدري استعجل تزول
من اكلك روح يعني اتذكر الشام وطبول
ومن اكلك ضل اشبع بجي نيتي من اكول
ضلتك يعني تل وركبت هزل ومشيك ندامه
ميته وانحيي أبيت النعي أعلى أهلي النشامه
راحت كل هلي وذيج المهابه
بس اهلالك انته اتمنى غيابه
الشاعر : عباس محمد الحميداوي
اراشيف
١٤٤٤.٢٠٢٢ هجري محرم الحرام
بسمه تعالى ترتيب ليالي العشره الأولى من شهر محرم ...
١- ليلة الهلال
٢- ليلة الخدام او ليلة نزول الحسين في كربلاء
٣- ليلة العليله
٤ -ليلة ام البنين
٥- ليلة مسلم ابن عقيل
٦- ليلة الأنصار
٧ - ليلة العباس
٨ -ليلة القاسم
٩- ليلة الاكبر
١٠- ليلة الوادع وليلة الرضيع والحسين
وسننشر القصائد بالترتيب والله ولي التوفيق
قريبا قصيده لشهادة الامام الباقر ١٤٤٥
وقريبا سيتم نشر قصائد الليله الأولى من شهر محرم ١٤٤٦ ومع اراشيف السنوات السابقه
(قصيده لشهادة الامام الباقر )
أعلى الباقر خلونه انون ... واعلى مصابه الكلب يحن
وخلي انعين ابنه الصادق ... وخلونه بثوب المحزن
_**
أبين العالم خل تسري ... كل اعلومه واخباره
وتابوته من الكتب يصير ... روحو وبلغو نجاره
فتح عينه ابوجه الطف ... واستلهم من أسراره
أبيت السجاد اتدرس ... البيه جبرائيل استوطن
__
خل يكتب كل التاريخ ... وندري التاريخ اتزور
وخل يتكتم عن فضله ... وبدليل العقل يبرر
الباقر العلم الزاخر ... وشانئهو جاهل وابتر
حكنه واعليه حزنانين ... وبلدمعه ذني يبجن
____
بحزام امعزب نوكف ... وبلهفه انلاكي امصابه
الباقر مسموم وميت ... واعليه اتون احبابه
اليوم السجاد ابلحده ... أعلى الباقر لف انكابه
الميت واحد من عدنان ... خل الدنيه ابهم تعلن
___
شاهد أعلى يوم الطف ... وشاهد ابسبي الخدر
ايتذكر باب الساعات ... الساعات اوكفن بلحر
يتكطع عليهن سوط ... واليذوى ابثاني يتغير
واول سبب الباقر مات ... ابسبب طف نينوى المحزن
__
الباقر من رحل منه ... حزنت اعليه كل مهجه
واعليه سبعة المعبود ... الأرض والسمه مرتجه
راحل منه ابو الصادق ... بسابع شهر ذي الحجه
الحجاج اسود يلبسون ... عليه والبيض يتبدلن
ذي الحجه
شهادة الامام الباقر عليه السلام
(لشهادة الامام الجواد ١٤٤٥ )
مصابك هاليوم ... بيه للطف ذكرى
وهم مثل حسين ... تنعاك الزهره
هم ثلث ايام مخلينك ... هم عطشان وماراوينك
هم مثل حسين ... هم مثل حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبن الرضا فوك السطح ... من الألم تتلكب
حار السم وجّوه الجبد ... ولاماي يمك تشرب
وكل ميت ينازع يضل ... جيت هله تتطلب
وانته ولاجتك هلك ... وموتك بده يتقرب
هم ضل اوحيد ... حسينك وينازع
وذبحو عطشان ... والحره تباوع
وحدك لمن غمضت عينك ... هم عطشان وماراوينك
هم مثل حسين ... هم مثل حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سدت عليك ام الفضل ... بابك بعد فعلتها
افعال جعده وي الحسن ... هاي المره عادتها
ونفس الجريمه سيدي ... يبن الرضا سوتها
والله يساعد فاطمه ... هلفاجعه فجعتها
ومو بس حسين ... اتشابهه يومه
ومثل المسموم ... جبدك مسمومه
متعذب والله يعينك ... هم عطشان وماراوينك
هم مثل حسين ... هم مثل حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بجسمك يمولاي الشمس ... ضلت يويلي تصهر
لاجن ولاعندك ضلع ... من الخيول اتكسر
ولابيك الف طعنه وجرح ... ولاضال دامي المنحر
براحتك عينك غمضت ... وعل العيله ماهد عسكر
وماجابو نوك ... واخذو نسوانك
مسبيه بسوك ... بوليت عدوانك
قارن مابينه ومابينك ... هم عطشان وماراوينك
هم مثل حسين ... هم مثل حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لاباريه تلم الجسد ... ولاخنصر المنك ضاع
ولامرمي بحر الرمل ... وأوصالك ابكل الكاع
عندك اخت؟ كبل الذبح ... ماشبعت وياك وداع
لافوك راسك ميته الك ... ابنيه يمولاي ابساع
ريحة عاشور ... وميراث احزانه
وجرحك مولاي ... هم حيل اذانه
بدال الماي السم منطينك ... هم عطشان وماراوينك
هم مثل حسين ... هم مثل حسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الهادي علي اكبال النعش ... وناسك تجي يعزونه
هذا اليشبكه وينتحب ... وذاك الي تجري اعيونه
وحسين عنده ازغر ولد ... بحضنه بسهم يرمونه
ومولاي ماذنب الطفل ؟ ... وراسه برمح يحدونه
عبد الله ازغير ... مو رمح يشيله
مالت كاروك ... وامه تلوليله
يباوع لبنه وكال حسينك ... هم عطشان وماراوينك
هم مثل حسين ... هم مثل حسين
الشاعر الحسيني: عباس محمد الحميداوي
١٤٤٥.٢٠٢٤ شهادة الامام محمد الجواد عليه السلام
٠
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742
[نزله ١٤٤٥]
جعفري انتمائي ... صادقي ولائي
جعفري جعفري ... وعشقي كربلائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جعفر الصادق امامي وجعفري مذهبنه
ونفتخر على البشر كلها حبه جي أدبنه
وربنا لهاي المحبه ابناره لا ميذبنه
وبالنبي وآله الاكارم ازدهر كل كوكبنه
بلطمتي وعزائي ... صادقي ولائي
جعفري جعفري ... وعشقي كربلائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مكتبة علم الامامه والشرع واحكامه
ازدهرت ابيتك يمن للدين صرت اعلامه
وشيكتب الشاعر بحقك واهس لأقلامه
والما يواليكم جميعاً مو تمام إسلامه
وثابت ابقائي ... صادقي ولائي
جعفري جعفري ... وعشقي كربلائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاشمي النسب لا بل من زعامة هاشم
حيّرت كل عقل يقره شكايل أعلى القائم
لون ادركته تكلهم جا صرتله خادم
شنهو منزلة ابو صالح جا الله العالم
ويبقى ندائي ... صادقي ولائي
جعفري جعفري ... وعشقي كربلائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وانه عاشك كل ضريح العدكم وكل كبه
والشيعي قانون حبه اثنعش شايل كلبه
وسيدي الينساك منهو ؟ العلى حبكم يربه
وصعبه ننظر بس تراب بكبرك اشكد صعبه
ولغيركم عدائي ... صادقي ولائي
جعفري جعفري ... وعشقي كربلائي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وي المهدي مسيراً نجي احنه نزوركم
ولو ياسيدي اشهد مو خفيه اعطوركم
يامن نور الله عدكم وشع علينه نوركم
من نطب كربله جنه نطوف يم كبوركم
ورضاكم رجائي ... وصادقي ولائي
جعفري جعفري ... وعشقي كربلائي
الشاعر؛ عباس محمد الحميداوي
١٤٤٥.٢٠٢٤ ذكرى شهادة الامام جعفر الصادق عليه السلام
[لشهادة الامام جعفر الصادق عليه السلام ]
انجان موسى بعصاته البحر فالق ... انته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
__
عالم حوى اعلوم الارض ومتميز اعلى اقرانه
نور بأرض جانت كبل من الجهل عميانه
بذكر الله شاغل وكته جان وبقراية قرائنه
زاهد بهل الدنيه وعالي بلله جان ايمانه
سبحان رب الرازقه بهذا الفخر سبحانه
قرأن ناطق مثل جده هيج جان السانه
الجده علي مو عجب قرأن ناطق ... انته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
__
بوكت شحت العلوم وشح الذي يدرسوها
لمدرستك الباب انفتح وطلابك الكصدوها
جم راوي يروي اروايتك ولشيعتك نقلوها
واتباع مدرستك بفخر شيعتك هل سموها
التصعب على اصحاب العلم الماكدر يحلوها
من منهلك تنحل نعم شما معضله يحسبوها
نور العلوم الي عندك للبشر شارق ... انته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
___
عشت ابوكت بيه الظلم السانه حر يتكلم
وشر الخليقه بدولة الاسلام اهو اليتحكم
اليحكم الماعنده علم وانته جنت الاعلم
النصبه الله منعزل والظالم بتاج اتوسم
ابوكتك المدح للناصبي والرافضي الي ينذم
لكن رغم كل هذا وانته فجر بوكت المضلم
نورك ضوه لشيعتك ابليلها الغاسق ... وانته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
_
وصورة محبتك ابكل كلب ياسيدي مرسومه
وجروح الصار ابحضرتك لحد هسه ماملمومه
بيكم اجزاء اشجم حزن بيكم صفت مختومه
ولمصابك يذوب الكلب ويبجي من دمومه
ليش انته يابن فاطمه جبدك غدت مسمومه
مو حكها تبقى شيعتك طول الدهر مهمومه
مو حك خدنه من الدمع ياسيدي غارق ... وانته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
___
اعليك الحزن يبن النبي كل يوم يفتح بابه
وتتذكر الصار والجره بجدك السليبه اثيابه
ابالك يجي موقف حرك خيمه ابعطش لهابه
وعماتك يركضن غدن ابحين الاجت سلابه
يلجمك الطف ابكل صبح وذاك البكه بترابه
وتقره ويه روحك دائماً لحسين آه ومصابه
سيدي حزنك جبير ولخلك شاهق ... انته فلقت العلم ياجعفر الصادق
من علمك الكون ينال ... يل رحت باخر شوال
ياجعفر الصادق ... ياجعفر الصادق
**
الخادم : عباس محمد الحميداوي
شهادة الامام الصادق عليه السلام
ليش هاي اربع قبور امهدمه ؟
هايه هم أفعال امه مسلمه؟
وندري كل الي جره ... ... لان جدهم حيدره
لأن جدهم حيدره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الزمن جنه يعّيد بنفسه وانعاد الظلم
جنها دولة آل اميه توها مستلمه الحكم
هم سلاله ذوله منهم وصدرو امر الهدم
الحقد نفسه باقي بيهم جرم اعظم من جرم
لو كبر لفلانه جا سوو عجب
جا بنو فوكاها عشره من الكبب
وذوله آل الطاهره ... ... لأن جدهم حيدره
لأن جدهم حيدره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بعين كلبه الشيعي ينظر تضل اربع اضرحه
ماكو وقت إغلاق بيها شرط دوم مفتّحه
وظنهم من يهدموها تنسي وكلشي انمحه
مادرو نور المناير بنص سمانه ملولحه
وقفوهم اهناك عد ربهم حساب
الحّولو مرقد إلى كومة تراب
بغض مامثله تره ... ... لأن جدهم حيدره
لأن جدهم حيدره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عاده للي يزور ميت يشتم اتراب العليه
اشواي تهده روحه لمن ينشغ بنوحه وبجيه
وعلى كبور آل الرساله يحّرم الي يمد اديه 💔
والبقيع ايبّجي حاله ويشهد الي معتنيه
لازياره ولاصحن لاباب اله
ريت كون أهل البقيع بكربله
جا كببهم عامره ... ... لان جدهم حيدره
لأن جدهم حيدره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وننظر بنظرة تأمل ونظرة الصابر سنين
يمتى صوت المهدي يصدح يالثارت الحسين
نعيد بنيان المراقد ونندل الكبر الدفين 💔
وياهم بعون الله لازم نبني كبر ام البنين
مايضل عدنه كبر مابيه صحن
ان شاء الله نبنيها وي ابن الحسن
والجزاء بل الاخره ... ... لان جدهم حيدره
لأن جدهم حيدره
الشاعر عباس محمد الحميداوي
١٤٤٥.٢٠٢٤
ذكرى هدم قبور ائمتنا
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
(موشح / وتقره أيضا نعي لجرح الامام علي عليه السلام ١٤٤٥)
ليش؟ اخوتي يناظرون لهامتك
وليش فوك الراس ماكو أعمامتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من شفت مشيول جابوك اخوتي
انخمش كلبي وكبل طاحت دمعتي
وشفت ثوبك دم نكع ياهيبتي
اعرفت أدين الغدر يابه صابتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اهنا على أيدي خلي راسك ينطرح
وخلي دمعاتي تغّسل بالجرح
ريت صبح اكشر ولاطر هالصبح
الطبره بويه تون يويلي خلتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من امس بويه تون مالحظه تهيد
ماتفك عينك ولاترفعلك ايد
كلي زين وبعد كلشي مااريد
والله مشتاكه يبويه لجلمتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي الك يومين ماحاجي يبوي
وزين لو موزين اقره بوجه اخوي
ومثل لوج البيك هم روحي تلوي
وتدري عندي بويه عازه عازتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي الي جم مره اناشد وبذهول
الطبيب ابحالتك شنهو شيكول؟
اسمعته عمرك كال ماضنه يطول
واحنه ملتمين كلنه ابحجرتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لامنه ابهل الليل حولك ياولي
كلشي كول وجلمه لاتحجيها الي
لاتكلي الموت اجه ياخذ علي 💔
اشلون اتحمل يحيدر فركتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بويه جن الألم زايد حيل بيك
ابدال اخوتي الليله خل انطر عليك
انطيني ياحيدر احبها اثنين اديك
بعد وين انظر يغالي لشيبتك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اعليك من خوفي غده اكليبي يدك
ورحت مني وموتتك صارت صدك
ياعلي ابكل مغربيه انه اختنك
وابلايه أم وابو ضلت عيلتك
الشاعر: عباس محمد الحميداوي
١٤٤٥.٢٠٢٤ شهادة امير المؤمنين عليه السلام