487
شاعر قصائد حسينيه منبريه .... ادعمنا فقط في الاشتراك للتواصل @Mert3338
(قصيده ثكيل .. لشهادة الامام علي عليه السلام ١٤٤٤]
يافضه سنديني ... هلمره صاحت زينب
اهلي امفاركيني ... والدار ابد ماتنطب
يافضه امس والدتي ... وهسه لعلي دمعتي
اهلي امفاركيني ... اهلي امفاركيني
__
سنديني من المصايب روحي هاي امدولبه
امن البجي أعلى امي يفضه لحد هسه معصبه
ويه ابوي امحسبه هذا العيد اخلصه امحسبه
وهذا تابوت ابو زينب الجبل صبري مذوبه
لداري ثاني مره ... تابوت غالي يدخل
بضلمه شال الزهره ... وعلي هسه يرحل
التابوت اخذ فرحتي ... وهسه لعلي دمعتي
اهلي امفاركيني ... اهلي امفاركيني
__
ها يفضه هذا حيدر اوجر ابراسه الجرح
وآه يصبح البيه تصوب ريته لاطر بيه صبح
والله اقبل يضل يمي حتى لو ضل منطرح
تموت زينب بدون ابيّها العيشه ماضنها تصح
مطمئن بالي فضه ... من جان عندي والد
منهو وشنو يعوضه ... لا مااظنن واحد
ابفركت ابو سمعتي ؟ ... وهسه لعلي دمعتي
اهلي امفاركيني ... اهلي امفاركيني
___
ها يفضه وراح حيدر وغاب لوحة بسمتي
شوفي داره شوفي حالي شوفي دمعة خوتي
خيمة الوالد جبيره وهسه طاحت خميتي
واشضامه لزينب يدنيه اشجم جرح يا دنيتي
يكلي الدهر مكتوبه ... كل فرحه ماتحلالج
وياروحي اضل متعوبه ... ولاغالي اظن يبقالج
ويكلي دهري اشفتي ... وهسه لعلي دمعتي
اهلي امفاركيني ... اهلي امفاركيني
_
هذا امان البيت ودع وصار بيتي بلا امان
الهلا بويه بعد راحت بداري ماالها مجان
الجنت استانس بصوته غاب يافضه الحنان
ذكرياته وكلشي يوجع حتى صوت البل الاذان
حتى ابصلاتي وابجي ... ابالي وكفت حيدر
ويافضه كوه احجي ... حيلي لعلي تهطر
كوه أصبحت وكفتي ... وهسه لعلي دمعتي
اهلي امفاركيني ... اهلي امفاركيني
__
ابداري ابجي وما انشافن وضاله انه مخدره
بدمعي اصبر الجايني اكبر من مصبية حيدره
الي يوم اركض بهيمه وامشي وحدي ميسره
هاي زينب يصيح شامت خلي يدري المادره
ابسوك الضعن وكفته ... وينباع كلشي اتسلب
واحنه المدامع سكته ... وزينب يحالة زينب
وللنصر ينطق صمتي ... وهسه لعلي دمعتي
اهلي امفاركيني ... اهلي امفاركيني
الخادم: عباس محمد الحميداوي
١٤٤٤.٢٠٢٣ شهادة الامام علي عليه السلام... رمضان ( اراشيف )
(قصيده لمواكب التطبير )
ماتطيب ارواحنه وتهده النفوس .. الا لجلك ياعلي نطبر الرؤس
حيدر ... حيدر
__
براسي هل القامه انه حديتها
وبيض الهدوم بدمه حنيتها
هامتي نصين الك خليتها
روحي لجلك فدوه انه انطيتها
وجرح فوك الجرح خليته يدوس .. الا لجلك ياعلي نطبر الرؤس
حيدر ... حيدر
_
بوسط محرابك يصيبونك غدر
والضرب هامتك شحضر من عذر
خلي قامة عشكي الهامه تطر
راسي وكلبي بمصابك ينطبر
ومن شعيرتنه نعم ناخذ دروس .. الا لجلك ياعلي نطبر الرؤس
حيدر ... حيدر
___
جرح راسي يجوز يومين ويطيب
لجن ايس من جرحك الطبيب
انصاب راسك وراسي بلقامه اصيب
انته تستاهل طبر ولطم ونحيب
وماسمعنه شكال شيطان الوسوس... الا لجلك ياعلي نطبر الرؤس
حيدر ... حيدر
___
خلها تتغازل القامه بهامتي
انته قبلة عشكي ومصلايتي
من كبل كايل وبعدها احجياتي
لعلي خلي تشك راسي قامتي
على عناد الناصبي وكل المجوس .. الا لجلك ياعلي نطبر الرؤس
حيدر ... حيدر
___
دمي شنهو الدم ياحماي الحمه
وانته تنعاك الملائك بل السمه
الليله شيبة علي مصبوغه بدمه
اشلون مو هامتي مثله مهشمه
واليضدنه هذه اضن وجهه عبوس .. الا لجلك ياعلي نطبر الرؤس
حيدر ... حيدر
____
الألم خلي روحي هسه تضوكه
وخلي تواسيك بخيم محروكه
الك هامة اعلى النهر مفشوكه
والك هامه اعلى الرمح معلوكه
وضلت اعلى الرمله الكم شموس ... الا لجلك ياعلي نطبر الرؤس
حيدر ... حيدر
الخادم : عباس محمد الحميداوي
(خطاب زينب عن مصاب ابيها علي عليهما السلام )
الكون مرتج بسماه وكاعه
بيه حيدر انصاب هاي الساعه
_
لاهلا بهذا الفجر وطلعت ضواه
البيه حيدر رجع مخضوب بدماه
بكلبي آه اعليه بس شلون آه
على الصابو هامه وكت الطاعه
__
لاهلا وال لاهلا مو اعترض
على حكم الله في هذا الفرض
من طلع من داره وزاد النبض
بكلبي والتم الحزن أبنواعه
__
نظرته لوجه السمه وحاله المضى
بخوف خلاني اعلى ابوي المرتضى
وروحي للحسبات ويلي امعرضه
وحس دليلي اقترب مني وداعه
_
بطول عمري اعليه كل لحظه تمر
وراح لون الليل وتوازه الفجر
ولن علي مشيول وبراسه طبر
والطبره كلفه اواصله لشعاعه
_
ولن اجاني حسين وبلعبره سجيب
كال خل يعلى بجينه وهل النحيب
من علي الكرار ايّس كل طبيب
وقارب الموت لعلي مد شراعه
_
وحين كّرب موته واعزم علرحيل
اعليه التمينه ودمعنه اعليه يسيل
وداعنه واختار الي حامي وكفيل
وبوجهه شفنه تزيد كام اوجاعه
____
واغمضت عيناه وغمضت فرحتي
وانشالت اجنازته وريت اجنازتي
وبجفن غطوه ودفنته ابدمعتي
والموت اخذ جف الماملوي ذراعه
الخادم : عباس محمد الحميداوي
رمصان
قصيده لزينب مع أمير المؤمنين عليهما السلام )
نكع محرابك من الدم ... يحيدر
وركن الاسلام تهدم ... يحيدر
هامتك بسيف الغدر متهشمه ... وهذا جبرائيل ناده بلسمه
ركن الاسلام تهدم
يحيدر ... يحيدر
____
المنعرف بين الخلايق العيد جايب فرحه
واحنه يافرحه التجينه وعلي يلوج بجرحه
لو رحت دمع اليتامى منهو راح يمسحه
وريت فجر البيه مصابك عسن لاطر صبحه
موقفك حيل يصعب .. يحيدر
يتجولك انظرت زينب .. يحيدر
وكبل تجولك بدفنت فاطمه ... وهذا جبرائيل ناده بلسمه
ركن الاسلام تهدم
يحيدر ... يحيدر
__
انهدمت اركان الشريعه وحيل ماضل نستجد
وطاحت اعمامتك ويلي ياعلي وبان الفكد
وضلت الحسبات ابال الاهل تروح وترد
مدري تبقى بحضن دارك مدري بحضان اللحد
حيرة امصابك جبيره ... يحيدر
وحالتك جنها خطيره ... يحيدر
ريت هذا الشهر ويانه اتممه ... وهذا جبرائيل ناده بلسمه
ركن الاسلام تهدم
يحيدر ... يحيدر
_
جن علايم موت شخصك يبو زينب لايحه
وانه ماهّود دليلي ولا ركد من البارحه
رحت مني كمر يزهي وشمس نورك واضحه
لجن من رديت بويه الشيبه بلدم سابحه
عيوني ماصدك نظرها ... يحيدر
هامتك منهو الطبرها ... يحيدر
وكال جرحك فروض حزنج قائمه .. وهذا جبرائيل ناده بلسمه
ركن الاسلام تهدم
يحيدر ... يحيدر
___
شلون اقنع روحي زين وحالتك متحسنه
وانته جرحك ايتام كال يمركم عيد السنه
وابمعالم دارنه الاحزان امست اموّطنه
وجهك اصفر وحيل بايد اعليك كلها امبينه
شلون محنه الجايتنه ... يحيدر
جن روحك مفاركتنه ... يحيدر
عليك حك لو ردنه نبجي من دمه .. وهذا جبرائيل ناده بلسمه
ركن الاسلام تهدم
يحيدر ... يحيدر
____
انجان لابد من وداعك وانجان اخر شوفه الي
سولفتي امي يبويه عن اليصير بهلي
وتدري رحله كربله اتريد اليباري محملي
اريد كفال لطلعتي بويه كلي ياعلي
واختار عباس اليباري ... يحيدر
ادري مايرضى ابمراري ... يحيدر
والطف الشمر يصبح ابن ملجمه .. وهذا جبرائيل ناده بلسمه
ركن الاسلام تهدم
يحيدر ... يحيدر
الخادم : عباس محمد الحميداوي
رمضان
شهادة الامام علي عليه السلام
(اراشيف )
(قصيده لميلاد الحسن ١٤٤٣)
اجمل بشارات الزمن ... ياشيعه ميلاد الحسن
ياشيعه ميلاد الحسن
_
بزغ نوره ... وياسروره المصطفى ابميلاده
الحسن صاير ... والضماير حيت ابن الساده
بان صبحه ... شلون فرحه بلنبي واحفاده
والتهاني ... والصواني بشمع اتهلي امجاده
ازهار الولاء اتفتحن ... ياشيعه ميلاد الحسن
ياشيعه ميلاد الحسن
__
ادلال سود ... وكرم جود ومن مناهل جوده
فك مضيفه ... ومنو ضيفه ابو ادلال السوده
ابيومه الاول ... منو اتنزل من السمه اعلموده
وحي الله ... اجه وصله اعلى النبي ومولوده
افرح يشيعي والثمن ... ياشيعه ميلاد الحسن
ياشيعه ميلاد الحسن
____
ابنصف شهره ... ضنه الزهره شّرف المعموره
وعن حياته ... وامنياته راح نرسم صوره
الحسن متحف .. والف موقف مايوضحن دوره
الزاده والم ... ابو القاسم الماطفى تنوره
بلذهب مليان الصحن ... ياشيعه ميلاد الحسن
ياشيعه ميلاد الحسن
___
اربات فاطم ... فده القاسم بوكت الا من ناصر
انطاه وصيه ... وكله هيه الفزعه يوم العاشر
المهره تلكد ... وبسيفك اجرد شكد تذبح باجر
لحسين عمك ... ذخر اضمك واريد بيك اتفاخر
ميزان للحق والفتن ... ياشيعه ميلاد الحسن
ياشيعه ميلاد الحسن
_
كرم جفه ... يحير وصفه الحسن هاي اعلومه
الهلا جلمه ... ترافك اسمه وعل الوجه مرسومه
بطل قائد ... وعدنه شاهد الجمل بحربه ويومه
الحسن قمه.. الحسن حكمه الحسن فارس حومه
وبيه الصفات اتنومسن ... ياشيعه ميلاد الحسن
ياشيعه ميلاد الحسن
الخادم : عباس محمد الحميداوي
1443 .2022 رمضان
بسمه تعالى...
تم بحمد الله المباشره في كتابة قصائد شهر محرم الحرام لسنة١٤٤٦ لاتنسونا من خالص دعواتكم أحبتي ونسأل الله التوفيق ان شاء الله
(لمولد علي الاكبر عليه السلام ١٤٤٥)
الكل يسئل اتحير ... شنهو الذي اتغير
صاير علي الاكبر ؟ ... ياهلا بميلاده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الليله وجه حسين بالفرحه امتلى ... ياصلاوات
الليله صاير عنده زلمه لكربله ... ياصلاوات
الليله زينب شافته وصاحت هله ... ياصلاوات
ونزلت لمهده الأملاك اتغازله ... ياصلاوات
اخلاق وخلق جده ... يشم السبط خده
يافرحته ابولده ... ياهلا بميلاده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اكماطه عمته زينب الي امفصلته ... ياصلاوات
المهد ام جاسم رمله الجابته ... ياصلاوات
وليلى امه احتارت وماسمته ... ياصلاوات
اجه احسين وكال الاكبر كنيته ... ياصلاوات
واسمه علي اوليدي ... مولده اي عيدي
وهل صار ترديدي ... ياهلا بميلاده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الف يامبروك صوت من العرش ... ياصلاوات
يله ياجبريل طش بالفرحه طش ... ياصلاوات
ماعرفنه انظم فرحنه اولا نغش ... ياصلاوات
شمس للضلمه غبش وجهه غبش ... ياصلاوات
وماكو حزن بينه ... ونفرح لوالينه
الاكبر اصبي عينه ... ياهلا بميلاده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وهذا الاكبر محلى دورت حاجبه ... ياصلاوات
الله شاء لحسين بيه اواهبه ... ياصلاوات
واخو زينب ياخذه ويلاعبه ... ياصلاوات
اعلى الحرب من هسه ناوي يدربه ... ياصلاوات
واهس حرب شايل ... من عمه ابو فاضل
هذا الشبل باسل ... ياهلا بميلاده
الشاعر عباس محمد الحميداوي
١٤٤٥.٢٠٢٤ ميلاد علي الاكبر عليه السلام
(نعي- لشهادة الامام الكاظم عليه السلام ١٤٤٥)
معصومه واخيّها ... اتشابكو معصومه واخيها
ميت ابّيها ... يتيمه أصبحت ميت ابيها
ونكعد ابفيها ... خيمه الابو ونكعد ابفيها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
محلاه ابونه ... وسط الدار يامحلاه ابونه
يرجعلي كونه ... يفز من الكبر يرجعلي كونه
لنظرة اعيونه ... مشتاك اشكثر لنظرة اعيونه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يصيحون شمات ... أعلى الجسر يصيحون شمات
الكاظم ومات ... يشيعه تره الكاظم ومات
وجبدته فتات ... من السم يويلي وجبدته افتات
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عالجسر ضلت ... ليش اجنازته عالجسر ضلت
ولهله تعنت ... يكون اطروش ولهله تعنت
ومعصومه ونت ... كبل جيت الخبر معصومه ونت
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والتمت اعليه ... اجت كل الاهل والتمت اعليه
والكل تناديه ... شايل عنه شو والكل تناديه
وطلعوها ايديه ... امن السلسه طلعوها ايديه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وشالوها الجنازه ... فوك الروس شالوها الجنازه
وحضرته اعزازه ... اجت ليه ابعجل حضرته اعزازه
يتجازه يتجازه ... المرد كلبه ابسم لابد ويتجازه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياناس ينهاب ... اليموت بنص هله يناس ينهاب
ابحر التراب ... ومايبكى تراهو ابحر التراب
وتشيله الاحباب ... تون أعلى النعش وتشيله الاحباب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين مطروح ... بس ابن الزجيه حسين مطروح
مذبوح مذبوح ... مكلوب أعلى وجهه وانوب مذبوح
لمن طلعت الروح ... انسحك بالخيل لمن طلعت الروح
الشاعر عباس محمد الحميداوي
١٤٤٥.٢٠٢٤ شهادة الامام موسى ابن جعفر عليه السلام
(ابوذيات لشهادة مولانا الكاظم عليه السلام ١٤٤٥)
هارون الصبح عندك سجيناه
وبس الطيب من عندك سجيناه
تون من كيدك وساكك والسجن آه
سمع منك يموسى بكل مسيه
عليك الدهر جر سيفه وسلاسل
وأريد انشد يهل الكاظم وسلاسل
صدك ميت وبكه بجسمك سلاسل
وصدك عالجسر نعشك ضل رميه
السندي سيدي وبعين جسراه
الك جاب الرطب ويضن جس راه
وشال النعش جابه فوك جسره
ويصيح مات أمام الرافضيه
الملائك ناحتك بسمه ويرضه
ومنو لهذا الجرم مولاي يرضه
اجت معصومه لهفانه وي الرضا
وعليك اشلون نصبتلك عزيه
مصابك كل كلب مراه يمسه
وعمت عيني بظلام السجن يمسه
انمرد جبدك بسم طاغي يموسى
وابو اليمه انمرد بل الاعوجيه
مصايب دنيتي مولاي ولمن
وروحي بيها كوم اجروح ولمن
اذا بابك طردني شلون والمن
اروح ويمه امد جفين اديه
شاعر-اهل البيت عباس محمد الحميداوي
١٤٤٥.٢٠٢٤ شهادة الامام موسى ابن جعفر عليه السلام
( نزله الى مولاي الامام الكاظم عليه ااسلام )
الدنيه لو جارت عليك بجورها ... روح لجنة الكاظم زورها
الصعبه تنحل والعلل دكتورها
موسى ابن جعفر
___
الدهر لو حاربك مره وشفت كشر نابه
روح زور الكاظميه وكل خطر لاتهابه
الكاظم باب الله هذا وحاشه ينسد بابه
وتيقن الكاظم كريم ومايرد طلابه
ابشباجه همك اشمر ورد سالم .. وشلون مايكظيها موسى الكاظم
وبابه خلي الدمعه تاخذ دورها
الصعبه تنحل والعلل دكتورها
موسى ابن جعفر
____
باب لكل الحوائج وبابه مفتاح الامل
وكام المكّرم ابابه وطاب اليعاني شلل
الاخرس اتكلم ابابه هذا ابن خير العمل
وانقضت يمه حوائج عاصيه ماألها حل
وبمعجراته يشهد الحر والعبد .. موسى الكاظم مارداله احد
تشفى لو حضرته تشم اعطورها
الصعبه تنحل والعلل دكتورها
موسى ابن جعفر
_____
بدمع عينك خلي همك واعتنيه اعنايه
وكله بايع ماي وجهي وانتم الشرايه
اهناك يم باب الحوائج احجي فرد احجايه
كله افزعلي يموسى اكضي الحاجه هايه
اطلبها وضل بصفاء النيه ... حاجتك ابلايه شك مقضيه
دستور بابه فرج وثق بدستورها
الصعبه تنحل والعلل دكتورها
موسى ابن جعفر
___
انجان كلبك جمر يلهب تطفى يمه جمرتك
وان جنت طايح بشده الكاظم يحل شدتك
فرّع اكباله وتنخه بيه وطيّح دمعتك
حاشا مايبّرد غليلك وشلون توكف حاجتك
اطمئن وخلي كلبك مطمئن ... الكاظم يشافي العلل ويقضي المحن
لو الك لاحت الكبه ونورها
الصعبه تنحل والعلل دكتورها
موسى ابن جعفر
__
الكلفت اعليك بحلها وبقه فكرك حاير
تنقضي لو شفت كبته وشفت ذيج المناير
بفضل الله الكاظم انطه ضنه للعاجر
يعني مو صعبه عليه يقضي حاجة زاير
جا هيه عاجر وبجاهه انرزقت .. سهله لبن جعفر العندك صعبت
من صعبه الى انقضت يدورها
الصعبه تنحل والعلل دكتورها
موسى ابن جعفر
الخادم : عباس محمد الحميداوي
شهادة الامام موسى ابن جعفر عليه السلام
(شوط كربلائي عن الامام موسى ابن جعفر )
عن حالته وعن وضعه ... ... الباب اليشرح المحنه
يسولف بل جره والصار ... ... ويه الكاظم بسجنه
____
باب السجن يحجي الصار ... ويوضح المحنه بتفصيل
يسولف عن معاناته ... وعن الشافه من الويل
من سجن لسجن منقول ... وضلام السجن جنه الليل
وعليه من الحديد ارطال ... يهدن منه كل الحيل
السلاسل رضت بجسمه ... ومن ساكه نزف دمه
يون من الألم محتار ... يفطر الجامده ونه
____
اللعين يأمر السجان ... بضنك وي موسى ابن جعفر
وخلوه بضلام يكول ... ما يدري الصبح لو طر
وذبو فوك جسمه اقيود ... كون يكوم ما يكدر
ارطال يريد من الكيد ... اعلى جسمه تصير بل اكثر
وينفذ جان هل الملعون ... اليكوله النذل هارون
وبكل يوم ابن جعفر ... عليه الموت يدنه
___
يتكلب غده اعلى الكاع ... بحين الصاب جبده السم
يلوج وحيد برض بغداد ... وبكل لحظه يتألم
لاطارش تعنى اهله ... ولا هاشم البيه تعلم
لمن اجه عنده الموت ... خذاه والكون صار اظلم
لمصابه الكون هل حزنان ... راحل من بني عدنان
امام الشيعه أبن جعفر ... غمض بلسجن جفنه
____
من سجان لعد سجان ... اشد من الراح يتحول
اربعطش عام بويل ... هيج الكاظم اتحمل
وكلب كل شيعي ينتظره ... والفرج لموسى يتأمل
ونور الله بضلام اسجون ... شع من جده الابجل
لاجن وسفه هذا الصار ... شمعة طفت للمختار
بأرض الكاظميه شاء ... الباري يصبح دفنه
___
الحصل ويه الكاظم بسجنه ... من كربله عشر اعشار
اهناك احسين ضل وحيد ... وماكو احد لو يندار
شاف انصاره واخوانه ... صارو بسيوف اوذار
طاح وماكدر ويكوم ... يحامي اعياله من النار
وحيد بخطت الحومه ... انذبح وانسلبت اهدومه
ومثل عاشر فلا يحصل ... مصاب ولايجي بوزنه
الخادم : عباس محمد الحميداوي
شهادة الامام موسى ابن جعفر الكاظم عليه السلام
[نزله لمشاية الامام موسى ابن جعفر الكاظم ١٤٤٤]
عايف هله وبيته ... ومثل اربعينته
الزاير اجه ونيته ... يزور موسى الكاظم
يزور موسى الكاظم
_____
ناحيه ناحيه طلعت وبلد حشمله بلد
ومثل زوار أربعين احسين نتمنى العدد
باقيه حرورت الشيعه ولاكلب بيهم برد
اتحزمو براية الكافل وفاطمه تنطي المدد
رايته أعلى امتونه ... الزاير يشوفونه
وبل الهلا يحيونه ... يزور موسى الكاظم
يزور موسى الكاظم
__
نفس ذيج الفزعه هايه ونفس يوم الأربعين
والفرق كربله ذيجه وذوله زوار السجين
والصوت لبيك يموسى وثاني لبيك حسين
وشاهدي موكب لبنها فتحت ام البنين
موكب لبو فاضل ... نصبته ومتجامل
وعباس هل نازل ... يزور موسى الكاظم
يزور موسى الكاظم
__
ابكل سنه تكول الشماته مو كرم بل فائض
صاح تبذير اليكرهك وضل عنيد ورافض
ارد اكله نبقى نمشي تعارض ومتعارض
انت منهو ؟ ورايك أعلى الخدم جنك فارض
خدامه من تكرم ... انه اعتقد واجزم
تفتخر من تخدم ... يزور موسى الكاظم
يزور موسى الكاظم
__
العايف اهله ونسه الدنيه ومايمنعه كلشي
ماتهمه كل مسافه وراحته اكثر يمشي
جنه يسمع صوت أمامه يله شيلو نعشي
ويهتف الشيعي مصيبة سيدي اكلت هرشي
وهرش الكلب ينطر ... والدمع يتفجر
لمصاب ابن جعفر ... يزور موسى الكاظم
يزور موسى الكاظم
____
وهايه انصاره ابو طلبه خلهم يشوفونها
منهو كبته ذهب تلمع موسى لو هارونها
وتبقى دم تنزف دمعها شيعته من اعيونها
وكل سنه أعلى العهد هاي مصيبته يحيونها
والعهد وي فاطم ... امصيبة الكاظم
تنحيي ويه القائم ... يزور موسى الكاظم
يزور موسى الكاظم
خادم الكاظمين : عباس محمد الحميداوي
١٤٤٤.٢٠٢٣ شهادة الامام موسى الكاظم
١٣/٢/٢٠٢٣ اراشيف العام الماضي
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
قريبا ان شاء الله قصيده (كبري يصير بكربله ١٤٤٥)
Читать полностью…
جنازتي مثلي غريبه ..... انه زينب الحبيبه
لو سمعت الناس شتكول ... وين اخوتج شكد عجيبه
___
محد يشيعني ويحضر وفاتي
انه زينب بلحزن خلصت حياتي
وين اخوتي خل يحضرون بمماتي
هاي اخر امنيه من امنياتي
زينب انه اخت الحسن ..عمري خلص بلحزن
شفت والله شكد محن .. كربله اعظم مصيبه
____
راح اسولف قصتي بأخر الانفاس
انه بت حيدر علي وكافلي العباس
اعتقد عرفتني كلها الساع هلناس
ايصير زينب تدخل وكاعده الارجاس
واكفه بنص الدواوين ... وميت العباس واحسين
وراحو وياهم السبعين ... حكه راسي بمشيبه
____
شفت انه شكد مصايب منهن امي الزهره
اه ياقصه الباب الي يألم ذكره
امي لاذت خلفه لاجن اعصروها عصره
اسكطو منهه اخيي وبضلع صارت كسره
هجمو ودخلو الدار ... وبلباب بغضا شبو النار
الكسر ضلع امي بسمار ...وحيدر اتزايد نحيبه
______
ومن رزايا الدنيا وااي شوفتني هليام
يوم صابو حيدر وانطبر راس الامام
لو نعشك ياخويه حين صابوه بسهام
لو عن عاشر محرم حين حركوها الخيام
اطلعت للتل وانادي... خويه سلبونا الاعادي
بحبال شدوها الايادي ... وعباس مدري منين اجبيه
______
ومن وصلت الشام اه يشام بيها محنتي
هناك يوم الي دخلنه السوك صارت ذلتي
جنت مهيوبه وعزيزه بجال اهلي واخوتي
وهيج رجعني الزمان وبيها صارت دفنتي
نخيته مكطوع الجفوف .. لو يجي يمي ويشوف
شعملت بيه الطفوف ... والكمر طال
بمغيبه
___
اشكر الخدام والحضرو عزائي
ربي يحفظكم الي هذا دعائي
واشكر المله انه واشكر الناعي
والسعى والي حضر هم هو ساعي
ارفعت لله الايدين ...اوياي امي ام البنين
يحفظكم بكل السنين .. ياربي دعوه مجيبه
الخادم : عباس محمد الحميداوي
(شهادة السيده زينب عليها السلام )
( كعديه لشهادة المولى أمير المؤمنين ... على لحن قصيده ايام ايام هاي الدنيه ايام )
ايتام ايتام ... عكبك صرنه ايتام
اشجم ايتيم ينتظرك ... وانت اتوسدت كبرك
عكبك صرنه ايتام ... عكبك صرنه ايتام
_
كوم يامن باب خيبر ابذني اجفوفك رفعته
كوم وانظر جم يتيم الكاعد بابك تركته
وعين جم معتاز تربي لجفك ولبابك نظرته
ماكو محتاج بزمانك والزاهد مولاي انته
متنام متنام ... توزع الزاد ومتنام
يمن اعمارنه لعمرك ... وانت توسدت كبرك
عكبك صرنه ايتام ... عكبك صرنه ايتام
__
فرحت اولاد البغايا بجرحك وبنزف هامك
واحنه مكسورين كسره ابحين نتذكر ايامك
ابد مو علبال حيدر بساع ونّصبح اياتامك
كوم والبسها العمامه كوم بويه وشد حزامك
مادام مادام ... النه الفرح مادام
اعلى بابك كلنه ننتظرك ...وانت اتوسدت كبرك
عكبك صرنه ايتام ... عكبك صرنه ايتام
___
صعبه من ندخل لدارك وانت ماموجود بيها
ياعلي من يوم جرحك الظلام اشعم عليها
وصعبه ايتامك التنطر جفك اليمسح بجيها
وتباً لجف السقيفه المارعت اوصية نبيها
ظلام ظلام .... بحقدهم اعليك ظلام
وحقدهم لهسه ايطبرك .. وانت توسدت كبرك
عكبك صرنه ايتام ... عكبك صرنه ايتام
____
ياعلي امصيبه طبرتك وموتتك كلش رهيبه
والصبر ضاع بغيابك والصبر أمن يجيبه
وارواح التضل عايشه عكبك ياحيدر غريبه
ياعلي بركان دمعي طفح من عظم المصيبه
محتام محتام ... كلبي اعليك محتام
ماغايب اعلي ذكرك ... واتت توسدت كبرك
عكبك صرنه ايتام ... عكبك صرنه ايتام
__
ياعلي وللموت جف انمدت وخمدت انفاسك
غمضت عيونك وضل عايش لولدك احساسك
انت ماتتقارن بواحد ويصعب ويامن قياسك
شايل بكلبك ترافه وعلم طه علي براسك
اعلام اعلام ... لدين الله انت اعلام
وعجيبه حلمك وصبرك ... وانت توسدت كبرك
عكبك صرنه ايتام ... عكبك صرنه ايتام
الخادم : عباس محمد الحميداوي
رمضان
(طور كربلائي ..شوط كربلائي)
ينوح لفكدك الاذان ... وتبجي اعليك كل ركعه
الصلاة الليله مطبوره ... ومحرابك سجب دمعه
__
يمن ماتميميت الصوم ... وبيك انفجعت الاكوان
الك حزنانه دنيانه ... اعليك انصبت الاحزان
انطبرت وانته بلمحراب ... ورحلت بعز شهر رمضان
جبريل النعه مصابك ... وكال انهدمت الاركان
انطبر حيدر بمحرابه .... وعليك العين سجابه
الصبر مهدوم كل حيله ... وبيك الدنيا منفجعه
__
ياحيد الكلافه اشلون ... صابك سيف ابن ملجم
بسيف الغدر والمسموم ... اجه الملعون متحزم
وكفت وكبرت للموت ... وانته بموتتك تعلم
رفع سيفه وطبر راسك ... وفجع بطبره كل مسلم
وتخضب شيبك بدمك .... وفزت والي خسر خصمك
وملائكه السمه بجرحك ... تعزي الهادي والبضعه
_
تلاكه السيف وي راسك ... وطبرها هامتك نصين
عسن جرحك يابو زينب ... بيه ولا يجيك البين
شحال الحسن وي زينب ... وبله شنو حال احسين
جرحك يلئتم هل الساع ... لو ترحل يابو الحسنين
انفجع بهذا المصاب الكون ... ومن طه الكلب محزون
وزينب نصبت الاحزان ... واجت يم الولي تودعه
__
صلفة عين دنيانه ... وبيك اغدرت بلمحراب
امس كسرت ضلع فاطم .. واعليها اندفع ياباب
عجب وتصوبت حيدر ... وانته تصيب ماتنصاب
تشهدلك بدر وي احنين ... وأم الجمل والاحزاب
وهاي الدنيا ماترحم ... وتخضب شيبتك بدم
بجرحك يتميت الدين ... خلنه انوحك وننعه
__
جرح واحد وسيف اوحيد ... صابك وانته بيه ادره
وضلع واحد بدفع الباب ... انكسر من فاطمه الزهره
لجن ياويلي جسم احسين ... بيه جم طعنه جم طبره
مو ضلع انكسر لحسين ... خيول وسحكت بصدره
اتخيل جم ضلع مكسور ... وجسمه بشمس منحور
ولاخيمه البقت لخته ... وعليها الزلم مجتمعه
الخادم : عباس محمد الحميداوي
شهادة امير المؤمنين سلام الله عليه
[ موشح نجفي .. لشهادة الامام علي عليه السلام ]
ياعلي انفجعت ملائكة السمه
بيوم شافت شيبك تخضب دمه
____
بجرح راسك شيعتك مفجوعه
والك جبرائيل صب ادموعه
ونته لشخصك علي مسموعه
ونادى اركان السماء متهدمه
____
انهدمت الأركان اقسم اهدمت
وانته وصومك ياعلي ماتتمت
بجرحك الاكوان كلها تيتمت
بجرح والدها علي حامي الحمه
_____
ايتامك تناشد اجت وابابك
اشلونه ياحيدر تكول اصوابك
وشلون توكع ياعلي ابمحرابك
اتعجل الصابك بنار الحاطمه
_____
اتعجل الصابك وخضب شيبتك
بسيف مسموم وطبرها هامتك
شحال زينب ياعلي من شافتك
عرفت الضربه غدر بت فاطمه
_____
ايس الجراح وايس كل طبيب
ومايطيب اجريح كلبي الا يطيب
جرح راسك ياعلي ناوي المغيب
وللبواجي العين هاي محزمه
__
نظرتك لحسين طالت واشكثر
جنك تكله الجروح الف وكسر
تكله عطشان ويحز راسك شمر
واعليك تتجرأ سيوف الغاشمه
الخادم : عباس محمد الحميداوي
شهاده أمير المؤمنين سلام الله عليه
فاطمه بحضنها ٠٠٠ كمّطت حسنها
وجابته وجابته ٠٠٠ لحيدر علي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بشرت حيدر الزهره وطه ... بالحسن بالحسن
يمكن قرأن الله انطاها ... بالحسن بالحسن
واول مولود بيه تتباها ... بالحسن بالحسن
والله بارك فاطمه وهناها ... بالحسن بالحسن
مبروك الولاده ... مبروك ويساده
والنعم والنعم ... صوتنه يعتلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم املاك السمه تتبارك ... عد علي عد علي
وفك مضيفك علي وأشعل نارك .. عد علي عد علي
خّدرو كهوه واجو خطارك ... عد علي عد علي
وبهل الحفل هنياله كلمن شارك ... عد علي عد علي
طلعها فرحتك ... ياشيعي وضحكتك
محفله محفله ... بالفرح خل يمتلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
علي بوليده فرحته اجبيره ... طش ورد طش ورد
هذا اول حسن بخت وغيره ... طش ورد طش ورد
والنبي بأذنه قره التكبيره ... طش ورد طش ورد
وكاله والدك شيخ الديره ... طش ورد طش ورد
النبي يشهدله ... علي ماكو مثله
والدك والدك ... ولي ماغيره ولي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الحسن قرأن الكرم لو وصفه ... سيدي سيدي
الحسن فارس حرب توجع جفه ... سيدي سيدي
الحسن اكباله المدح ماكفه ... سيدي سيدي
الحسن اية علم واية عرفه ... سيدي سيدي
تربات الكلايف ... وشيخ المضايف
الحسن الحسن ... غداً الشافع الي
الشاعر: عباس محمد الحميداوي
١٤٤٥.٢٠٢٤ مولد الامام الحسن عليه السلام
اشرب الماء وعجل قبل أن يأتي الصباح
اشرب الماء هنيئاً انهُ ماءُ مباح
_
اشرب الماي وتذكر اعليمن الماي انحرم
اعلى الذبيح الجسمه عاري وماسلم منه عظم
حتى طفله ماتروه وضاك بس ذبح السهم
صاح عبدالله يبويه امودع الله شلون صاح
_
اشرب الماي الزلال المافزع طفى الخيام
الخيمه شبت والكاع هيمه وين بت حيدر تنام
وكفت أعلى التل تنادي حسين انهض ياهمام
انهض انهض يبو اليمه حتى لو كلك جراح
__
اشرب الماي ودمعها يابو الاكبر يحيد
كوم رجع خدر زينب الشام عدهم هسه عيد
اوين ابو فاضل أخيها يمها يحضر هم تريد
وين زينب اوين ديوان العده وكليبي ناح
_
اشرب الماي ياصايم انه زينب انه هاي
الفاكده بشهر الله حيدر الجان الي سور وفياي
من زغر سني بواجي ولحد هسه وبصباي
هاي مكتوبه أعلى زينب ماتشوف الارتياح
الخادم : عباس محمد الحميداوي
١٤٤٤.٢٠٢٣ شهر رمضان
٢٧/٣/٢٠٢٣
(يامهدي الزمان ١٤٤٥)
يارمز الأمان ِ ... ياعطف الحنانِ ... يامهدي الزمانِ
يامهدي ٠٠٠ يامهدي ٠٠٠ يامهدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مولانا يالمنتظر يالغايب
لو تدري هذا الدليل اشكاتب
ذايب بحبك ياامامي ذايب
وباقة ورد هليوم كلبي جايب
مولدكَ احياني ... في نصف شعبانِ ... يامهدي الزمانِ
يامهدي ٠٠٠ يامهدي ٠٠٠ يامهدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابمنتصف شهر الفرح يامهدينه
نورك يبو صالح شع اعلينه
شنهو الكمر ؟ وجهك الي مضوينه
ولهاي الولاده محفلك سوينه
ياروح الجنانِ ... ياحلوَ المعاني ... يامهدي الزمانِ
يامهدي٠٠٠ يامهدي ٠٠٠ يامهدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياخير الله ونعمته وكل رحمه
هنياله اليشتم عبيرك نسمه
زحمه الذنب يحجبنه عنك زحمه
مولاي يل نلتذ ابلفظت اسمه
مزروع في كيانِ ... ونعدَ الثواني ... يامهدي الزمانِ
يامهدي ٠٠٠ يامهدي ٠٠٠ يامهدي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياكوكب ونازل لكوكب ثاني
وكل عشك مو الكم يبين فاني
وشوكت حبيتك تعرف اني؟
لمن نطق بأاول حروف الساني
ياعشقً غزاني... ياكهف حواني ... يامهدي الزمانِ
يامهدي ٠٠٠ يامهدي ٠٠٠ يامهدي
الشاعر عباس محمد الحميداوي
١٤٤٥.٢٠٢٤ شعبان الأفراح
( مولد الإمام العباس عليه السلام )
حان الكمر ميلاده
وبشعبان ربك راده
ينولد عم الساده
ابو فاضل ... ابو فاضل
__
امبين اعلينه الفرح وبالفرح منجامل
عد ام البنين انولد عباسها الكافل
وعد علي ليث انولد اسمه ابو فاضل
الكمر مو بس بالسمه عدنه كمر نازل
جيش الحسين وظهره .. مولود لبن الزهره .. ابو عمامه الخضره
ابو فاضل ... ابو فاضل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من شافه حماي الحمه ولمن نظر لعينه
كال ابني براية حرب لازم اتكمطينه
وكال الها يأم الوفه بس وفه ترضعينه
وعباس اخو زينب بعد لازم تسمينه
وكالت صار وحاضر
وبطف راح اتناظر
ايسوي الذي ماصاير
ابو فاضل ... ابو فاضل
__
سبحان رب الي خلق عباس ابو الغيره
لمن رضع ذاكه الوفه خله الوفه بحيره
عباس قرأن الوفه بس صعب تفسيره
لمن بزغ نوره الشمس صابتها الغيره
عباس نوره يلاالي
وزينب تنادي الغالي
هنيالي باكفالي
ابو فاضل ... ابو فاضل
__
كل كمر لمن ينولد اهلال يتكامل
بس كمر زينب تام اجه اهلال ماقابل
ابحضن بت احزام اضننه الكمر نازل
عباس نازل للأرض وكمر السمه خاتل
شع الكمر ضيه
وهل جابته البدويه
وفرحتنه بيه مدويه
ابو فاضل ... ابو فاضل
__
وفرحانه أم الاربعه وهواي مسروره
وعن عين الحاسد قرت اعليه جم سوره
وكالت ركبتك ياشهم يوليدي منذوره
لحسين شيخ السلف وسيد المعموره
وعباس دمعت عينه
واشر لها بجفينه
والنعم عم اسكينه
ابو فاضل ... ابو فاضل
____
وحسين ابو اليمه يطش بالفرحه وينثر
ويدعي وينادي بحسرته وبدعوته يكرر
يارب مثل عمه يجي اوليدي الاكبر
وبفرحته بجيت الكمر يسد عينه مايكدر
ماكدر يوخر اعيونه
وسولف علي ويسمعونه
وكال الهم تسمونه
ابو فاضل ... ابو فاضل
الخادم : عباس محمد الحميداوي
(قصيده لشهادة الامام الكاظم عليه السلام ١٤٤٥)
اللا رشيد وسجنك وسجانك
ياابن جعفر مامحو عنوانك
انت السجين المنتصر ... مهما صاحو عالجسر
ياابن جعفر مامحو عنوانك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شنو هارون يم شخصيتك واسمك
نعم مسجون بس مامنسجن علمك
سجين انت ورعبته وقرر يسمك
صدك كالو على كل سلسله دمك 💔
صدك يامولاي رضن ساكك
وآه يوم اسود ييوم افراكك
وانت سلطان العصر ... مهما صاحو عالجسر
ياابن جعفر مامحو عنوانك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يويلي اشعيشك السندي وأعوانه
ولحد هسه ابهظم نشعر يمولانه
هظيمه اجنازتك شالتها سجّانه
كلها تكول كون السم اليه انه
كون النه السم تنادي احبابك
الليله هذا الكون ينعى مصابك
انت ابن سيد البشر ... مهما صاحو عالجسر
ياابن جعفر مامحو عنوانك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سجين انت وعليك السنلسه دارت
شمس انت بطاموره وسف صارت
للذالك بيك أهل المعرفه احتارت
عليك الدنيه جارت سيدي جارت
كلشي هذا الدهر شوّف عينك
ليش وسط السجن تكضي اسنينك
امصيبتك تحني الظهر ... مهما صاحو عالجسر
ياابن جعفر مامحو عنوانك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يغص حلك المنيه الرايد ارحيلك
يمن ماتعرف انهارك لون ليلك
العليك امن السلاسل بيّدن حيلك
وجف الموت من ابعيد يوميلك
يبن جعفر والاشد من موتك
عالجسر مطروح ضل تابوتك
نعشك الضل منأسر ... مهما صاحو عالجسر
ياابن جعفر مامحو عنوانك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لجن ياسيدي وكل العظيم الصار
لاذبحوك لا اخذو هلك كفار
وماشبت عبايه لبنتك امن النار
بس حسين خيل وعسكر اعليه دار
جدك حسين أعلى الرمل منامه
واعلى الهزايل رجبوها ايتامه
اعليكم الكلب انكسر ... مهما صاحو عالجسر
ياابن جعفر مامحو عنوانك
الشاعر عباس محمد الحميداوي
١٤٤٥.٢٠٢٤ شهادة الامام موسى ابن جعفر عليه السلام
قريبا قصيده ( انت السجين المنتصر ١٤٤٥)
Читать полностью…
خلصت حياته بلسجن هايم ... محنه وعظيمه مصيبه الكاظم
بلسجن محد اله .... ودموعه تنزل هامله
محنه وعظيمه مصيبه الكاظم
_____
بظل طوامير الضلامه خلص عمره بلحزن
ومن ثكل هاي السلاسل وحده بضلمه يون
خلص عمره بين ضالم بين جدران وسجن
وهاي شيعتكم امامي اليوم تنعاك بشجن
انته يامولاي مضلوم ... وفوك هضم السجن مسموم
ياعظيم المنزله .... دموعه تنزل هامله
محنه وعظيمه مصيبه الكاظم
__
صله سجنك ياامامي وكبرن جدرانه
وأذنت كاعه لصلاتك وارتفع من شانه
مسجد اصبح يابو القاسم يختلف أذانه
شهد سجنك وكال اسمعو عذبه سجانه
ينادي وبصوت الحزين .... انك النور المبين
ضل وحيد بلا هله .... دموعه تنزل هامله
محنه وعظيمه مصيبة الكاظم
_____
جبده من السم ياويلي صار احر من الجمر
وشيعتك مولاي كلها تنتظر ذاكه الظهر
كابلت وحدك منيتك ولا الك واحد حظر
تشيلك السجانه وسفه تخلي جسمك علجسر
بلسم اتكطع دليلك .... وفرح هارون برحيلك
والرضا صوته اعتله ... دموعه تنزل هامله
محنه وعظيمه مصيبة الكاظم
____
ناحت اعليك الملائك والسمه واركانها
بيوم شافو نعش موسى شالته سجانها
على الجسر مطروح وسفه ياسليل احزانها
ناحت وياك لنحيبك ياامام اوطانها
ناحت اعليك السماوت ... بيوم ناده السندي هل مات
موسى ابن عقد الوله ... دموعه تنزل هامله
محنه وعظيمه مصيبة الكاظم
___
مابجيت لحالك انته ايوب مثلك ماصبر
تذكرت حال اليتامى تذكرت درب اليسر
تذكرت حيرانه عمتك تذكرت شسوه الشمر
كطع راس احسين بيده وخيل خسفت هلصدر
ركض عماتك صعب .... ومشن وي وادم غرب
واحسين محد غسله ... دموعه تنزل هامله
محنه وعظيمه مصيبة الكاظم
الخادم : عباس محمد الحميداوي
شهاده الامام موسى ابن جعفر الكاظم عليه السلام
(قصيده ثكيل لشهادة الامام الكاظم )
ابموعد اللقاء بجمعة الخلود ... من السجن جنازه طلعت بقيود
واكاضماه ... واكاضماه ... واكاضماه ... واكاضماه
****
من ضلامات المطامير الشديده
طلع من السجن ميت اوياه كيده
راضه تلك القيود ساكه ويه ايده
وجنازته اعلى الجسر مرهونه وحيده
بدهشه وبعويل صرخت الحشود .. من السجن جنازه طلعت بقيود
واكاضماه ... واكاضماه ... واكاضماه ... واكاضماه
*****
هذا اول هاشمي تشيّعه الشماته
ومن على جسر الهضم تعلن وفاته
الجانت تصعب عليه كومة صلاته
عينه غمضت وبلسم خلصت حياته
وبكلب شيعته جرحه مايهود ... من السجن جنازه طلعت بقيود
واكاضماه ... واكاضماه ... واكاضماه ... واكاضماه
****
اتبين لشيعته الميت هذا ابن عقد الوله
صاحب السجده الطويله ربيب النافله
الزلم شكت زيجها وضلت بونها معوله
ابحين شافو الجفن صاير كيد وسلسله
والحرم عليه لطمت الخدود ... من السجن جنازه طلعت بقيود
واكاضماه ... واكاضماه ... واكاضماه ... واكاضماه
*****
بذل الاستخفاف عمدا السندي ناده
ولن سمع اسليمان اقواله ابجلاده
من عرف حشّم وتحزم مع اولاده
وجابو اجنازة الكاظم والنده عاده
طيب ابن الاطياب قمة الصمود ... من السجن جنازه طلعت بقيود
واكاضماه ... واكاضماه ... واكاضماه ... واكاضماه
***
وانشالت اجنازة ولينه والدفن حان
ومابكى مثل الحسين المات عطشان
لاحصل تابوت ويلي ولاله دفان
وفوك هذا اخته سبيه ابين الاوطان
وانذبح وانسحك وانسلب مايجود .. من السجن جنازه طلعت بقيود
واكاضماه ... واكاضماه ... واكاضماه ... واكاضماه
الخادم _عباس محمد الحميداوي
1443.2022 شهادة الامام موسى ابن جعفر عليه السلام .. اراشيف
لعمل هندسة صوتية لاستشهاد الامام الكاظم ع
عن طريقة بصمة التلجرام التواصل مع
@ahmed_alziwar0
[لشهادة السيد زينب عليها السلام ١٤٤٥]
زينب اجتج قافله ... ... بيها الحسين وكل هله
تمنيت اسمعها صدك ... ... وكبري يصير بكربله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابكل سنه هاي ... امنيه بموعد وفاتي تمر عليه
امنيه شوك ... وابقى اتخيّلها تحقق اليه
كون اكو صوت ... يكلي زينب مايكلي ياسبيه
احنه يم عون ... اهلج وجيناج من الغاضريه
اتمنى هايه السنه ... ... نعشي هلي تدفنه
ذوله أهل زينب اجو ... ... اضيوف عدها نازله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الشام يالشام ... بيها يخنك كل هواها اشما تنسم
اشجابني اهناه ... ريت كبري صار يخواني المخّيم
بكربله الموت ... كتله اخذ روحي وتراجع ماتقدم
كتله ياموت... يمتى ارتاح كال يازينب بهايه الله اعلم
الكلش شغل فكري ... يمتى انزل بكبري
وبالغرب جان اخر نفس ... واخر دمعه هامله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حسين يحسين ... خويه بس الطف تره هوه الكتلنه
على التل ذاك ... من شفت ذباحك أعلى الصدر ثنّه
متت يحسين ... من لكيتك وكلت لا مو هوه جنه
تموت الأرواح ... خويه من اتفارك أرواح المحنه
أصعب مواقف عشت ... اتحقق الحلم ومتت
ماريده عمري بعد ... الجان الدمع أوله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اهنانه غربه ... الناس غربه الليل غربه وبعد شرجه
متت يحسين ... ابحين ديره ديره افتر وصرت فرجه
والناكه عرجه ... وتوكع منها العقيله الناكه عرجه
وارد اكلك ... ابغمج سهم الوصل كلبك جرحي غمجه
مرات اكو حجاية نذل ... السوط ابمقابلها سهل
والحجي أشكال أسمعت ... مدري شلون اتحمله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مو حلم هاذ ... حتى اكولن تفز عيني برعب الأحلام
وابقى زينب ... فخر كل شيعي وموالي وفخر الاسلام
عمري مقتل ... يبدي من كسر الضلع ولخربة الشام
ينقره كون ... وينختم كون بقصيدة ايام ايام
ويقراها الي عبد الرضا ... اوياه يرد كل الفضا
يوم العده يسلب خدر ... اويوم ابأاهلها مدلله
الشاعر عباس محمد الحميداوي
١٤٤٥.٢٠٢٤ شهادة السيده زينب عليها السلام
[قصيده لشهادة السيده زينب عليها السلام ١٤٤٤]
غريبه خلصت عمري وحياتي
غريبه وبلغرب صارت وفاتي
انازع حسرتي ابموتي ... منهو يشيل تابوتي
غريبه ... غريبه
__
الغريبه ام المصايب اشهر القابي
عمر جبته الجفن فوكه الدمع رابي
ويوميه الدهر صايبني بحبابي
ولاخلاالي واحد يهيل الي اترابي
غريبه مااجو حتى اخوتي بدفني
تمنيت ابو فاضل بل العلم لفني
اصيح وماسمع صوتي ... منهو يشيل تابوتي
غريبه ... غريبه
__
زينب هاي زينب المايله وياها
لرض الشام هم جابتها دنياها
تتذكر الشام ابيش لاكاها
وهسه الموت وسط الشام وافها
غريبه اي غريبه وصدك متلوك
بس اجنازتي لاتمر بل السوك
سوك الشام ياخوتي ... منهو يشيل تابوتي
غريبه ... غريبه
__
خلي ارتاح كافي الشفته هم كافي
بعدها لهسه حمره وتنزف اجتافي
ولامره الجفن ابدون الدمع غافي
وانه ميته ابحين انعرفت اوصافي
غريبه من بكيت ابلا كفيلي
غريبه المهر من رد يشتجيلي
ولكبري منهو زاتوتي ... منهو يشيل تابوتي
غريبه ... غريبه
__
كون ارتاح بعد الموت خيعوني
أهل الشام شو هم مايريدوني
أعلى بابي انكتب نيتهم يشّلوني
جاوين الاهل اخذوني دخذوني
غريبه وهل الاسم يرتنن اسماعي
ماداعي ابكه بين الغرب ماداعي
منهو اليوصل ابيوتي ... منهو يشيل تابوتي
غريبه ... غريبه
__
ماتت كولو للعباس هسه اخته
الطلعنه من المدينه بيدي مكاودته
هاي الفاتحه العباس فاتحته
غريبه ومعزب لفاتحتي راديته
غريبه وابلا جفوفه خل يتحزم
مايمشي الا جادر الفاتحه مهدم
ويكلي لجنتي فوتي ... منهو يشيل تابوتي
غريبه ... غريبه
خادم زينب: عباس محمد الحميداوي
١٤٤٤.٢٠٣٢ /٤/٢ اراشيف
( على لحن شلون انساك الماي شلون اشربنه )
المستهل ...
المرن بيه مو هينات ... وحدتهن بأثر وحده
وماشفت الفرح هيهات .. ولامراني فد مده
الكبر وياي ... دمع عيناي
انه ورده وذبلت الورده
______
شفت من الدهر اهوال ... باول عمري يتمني
ورد نيّشن عليه بسهام ... وبفكد اخواني صوبني
وبيدي حبل شد انوب ... ولرض الشام يسرني
وخلاني بحلك شمات ... كل ساعه ونذل سبني
افراك وموت ... وصرخة صوت
ذني وياي كل شده ... انه ورده وذبلت الورده
_______
الصبر لو حد اله ومقياس ... صبري جازي احدوده
الناس الضحكه بشفاها ... واني الروح ممروده
اليبجي من الصبح لليل ... حكها وتعجز اخدوده
الفرحه جانت ابداري ... وهسه الدمعه موجوده
وبين الويل ... عشت والحيل
راح وماكو الي يرده ... انه ورده وذبلت الورده
__________
عشت بديار بيها اهلي ... كعدو وبيها فرحتنه
وجن رمشت جفن ياناس ... الدهر طشرها لمتنه
اخذ امي وكبرها غاب ... وبدت منها مصيبتنه
وعلي خيمه علينه جان ... راح وهوت خيمتنه
بغصص دهري ... خلص عمري
ومطر حزني فلا يهده ... انه ورده وذبلت الورده
__________
وشوفني الحسن مسموم ... بعد قصة الطبر والباب
وناديت الدهر شتريد ... شتاخذ مو اخذت احباب
اني مابيه حيل يموت ... اخوي وبيه ارد انصاب
واخذ دهري الحسن مني .. ونعشه اتشيع ابنشاب
وضل مفتوح ... باب النوح
الدهر مايرضى ويسده ...انه ورده وذبلت الورده
__________
وسلني الطف بعمر خمسين ... وبعد رواني دمعاتي
بحين انطكع راس حسين ... الكوم احركو خيماتي
حرت اجمع اوصاله لو ... اغطي جسمه بعباتي
وخذاني الدهر عكب الصار .. مجتوفه انه واخواتي
ودخلنه السوك ... وهزله النوك
وعلى الذل ماني متعوده ... انه ورده وذبلت الورده
الخادم : عباس محمد الحميداوي
1442. 2021 الليالي الزينبيه