487
شاعر قصائد حسينيه منبريه .... ادعمنا فقط في الاشتراك للتواصل @Mert3338
(كعديه .. للسيده زينب )
عنوان القداسه الزينبيه ... عفّة زينب الحره الابيه
خدرها وهيبة الكون ... كله يلوذ بأم عون
اميره علويه وفاطميه
________
منبع وعنوان ثابت العفه هايه وهل القداسه
بت شخص لغير ربه حاشا ان دنك براسه
من نسيخ الخدر لبست مو مدلمهات النجاسه
ضلها الضوه مالامحه ... ... ... ... مكبعها جان المستحه
وجلمتها جانت صادحه ... ... ... ... بوجه رواد السياسه
اذلت بلخطب طاغي عصرها .. للذالك للسبي الله ذخرها
وبيها الامر مرهون ... كله يلوذ بأم عون
اميره علويه وفاطميه
_________
انظر لهذا التكامل وشوفه من كل جانبه
من نسب ومن فصاحه ومن خلو الشائبه
وشوف لمعة اسم زينب بين كل الكاتبه
خليها مو ترجية اذن ... ... ... ... خليها موسوعه ابذهن
بلرفعه زينب تقترن ... ... ... ... ابكل مصيبه راتبه
اقراها اتباعاً لأي روايه ... تلكاها بحر ماله نهايه
بيها الشرف مقرون ... كله يلوذ بأم عون
اميره علويه وفاطميه
----------------------------------------------------------------------
اقره قصتها بشجونك وشوف شنهو الحامله
من مفاهيم ومواعظ بيهن الحق اعتله
من مصيبة ضلع امها ولحد عملة كربله
فتشت جفنها اعلى الدمع ... ... ... ... بسمار وباب وياه ضلع
ويمتى دهرها يقنتع ... ... ... ... ويترك لفرحها فاصله
هيهات الفرح مر بكلبها ... من جف نايبه لاخر يذبها
عمرها مطّرز اشجون ... كله يلوذ بام عون
اميره علويه وفاطميه
_________
وشوف قبلة كلب زينب ولياحزن نية صلاته
وشوف تكبيرة عتبها والموقف وكل مجرياته
تلكه ابكلب العقيله جمره من حجي الشماته
جاوين خوانج صدى ... ... ... ... حلوك الشماته ترده
ونيران زينب موقده ... ... ... ... وتحشم للكافل خواته
ويه كل السوط العباس تنخاه ... وتتأمل ضعنها يعيج مسراه
والسوط وضرب الامتون ... كله يلوذ بأم عون
اميره علويه وفاطميه
___________
آه وشني من كلب يحمل ذني بساعه وحده
بين عسكر اجه يسّلب وماكو فزاع اليرده
وبين خيل وخيم تلهب انظر شلون شده
البين المصايب حايره ... ... ... ... من حسين كطعو منحره
ماتدري تجمع يامره ... ... ... ... لو تصعد اعلى التل تكعده
اذا ابراهيم انطه اوليده لله ... زينب ابنحر اخيها السيف صله
والشام الابد ميهون ... كله يلوذ بأم عون
اميره علويه وفاطميه
خادم زينب : عباس محمد الحميداوي
1443.2022 ليلة 15 رجب
شهادة السيده زينب .
( هوسات لولادة الامام علي عليه السلام )
1.
أمر من السماء للكعبه متصدر
ياحايط الكعبه لبت اسد تنطر
الله يريد بنص بيته يجي حيدر
( وبل كعبه تشع راد انواره )
2.
صفوف الناس جانت واكفه استعداد
وابي طالب اجه وبشرهم بميلاد
علي وكال اسمه ربنا علي يصبح راد
( ومن اسمه اغتاضت عدوانه )
3.
انغلق باب الحزن وباب الفرح مفكوك
وياابي طالب بحيدر هل البشر هنوك
واجه جبريل وكال اسمحلي اهز كاروك
علي وكال الله كال الكم الف مبروك
( وهنيالي لو هز كاروكه )
4.
ومحمد كال اجه مفتاح ديرة اعلوم
علي الذهب وبس هل الذهب مامضموم
علي بوجه التواضع و العدل مرسوم
( ومبتشره الدنيه ابميلاده )
عباس الحميداوي
ولادة الامير علي ..
قصيده لمولد الامام الجواد (ع)
خل تفرح بهل اليله كل الرافضه
بميلاد ابو الهادي وشبلك يلرضه
هليله ليلة اعياد ... ... وفرحة احلى ميلاد
بميلاد ابو الهادي وشبلك يلرضه
____
بفرض الولاء الشيعه هل فرحانه
والعايش بحزنه خل يعوف احزانه
يشوف الملائك هلهلت بسمانه
الرضا ابو محمد صبح عنوانه
مبتشره تكتم وفاطمه المعصومه
ونور الجواد يشع كمر بنجومه
ومحروس عن الحساد ... ... وفرحة احلى ميلاد
بميلاد ابو الهادي وشبلك يلرضه
____
ماتتعرض درب الفرح اي نكبه
ليوم الجواد الذايبين ابحبه
من اسمه منهج واليسير بدربه
بيوم الحشر هيهات خايف كلبه
ننشر فرحنه وخل نوديه لطوس
وخل تفرح بهليله ريس ومرؤس
وباقات ورد ووفاد ... ... وفرحة احلى ميلاد
بميلاد ابو الهادي وشبلك يلرضه
__
باقات اجمل تهنئه اتزف ألحان
باقة فرح من طيبه ويه خريسان
ومن النجف ومن اراضي العطشان
ومن كاع سامره وجميع الاكوان
ومن الكاضميه لقبر طه راحت
اجمل تهاني بعطر جوري فاحت
امبارك يسيد الاسياد ... ... وفرحة احلى ميلاد
بميلاد ابو الهادي وشبلك يلرضه
___
وين الكلوب التهوه فرحه وعيده
خلو بهاي الليله تصفك ايده
احلى احتفال وللجواد انريده
واحلى تهاني للرضا بوليده
واحلى تهاني لفاطمه نهديها
صلى الله عليها وعلى بنيها
والشمع ضاوي ووقاد ... ... وفرحة احلى ميلاد
ميلاد ابو الهادي وشبلك يلرضه
_____
روح الفرح لاتنضم وخل تظهر
هاي الملائك بمولده تتبشر
الدنيه بمثل شخصه فلا تكرر
هذا النقي ابن النقي الازهر
مايرهم لهذا الحفل بس بسمه
تنطش على وجوهه الخلك والامه
وفزعة فرحكم تنراد ... ... وفرحة احلا ميلاد
بميلاد ابو الهادي وشبلك يلرضه
**
الخادم : عباس محمد الحميداوي
ميلاد الجواد
(مقدمة لعزاء مولاي علي الهادي عليه السلام ١٤٤٥)
عظم الله اجرك ... غايب ودمعك يهل
عظم الله اجرك ... بعلي الهادي من رحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سيدي يالمنتظر الله يعينك ادعي
اليوم عالهادي علي اليله الزجيه تنعي
شنهو لطمتي عالصدر شنهو يغايب دمعي ؟
كلش مقصر سيدي وياك وادري بوضعي
عظم الله اجرك ... حجايه اكولنها بحنان
عظم الله اجرك ... بعلي يامهدي الزمان
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الصبح من عينك تفز شنهو الي اليتروالك
عينك تصب دم سيدي ياهو الذي يقرالك
لو انت تقره عالضلع لو على سبي اعيالك
تدري بكل حالة هلك ولااحد يدري بحالك
عظم الله اجرك ... واحسن الله العزاء
عظم الله اجرك ... بالهادي يابو البكاء
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والله تشيب حالتك المحد يدري شبيها
يكولون كل طلعت صبح دمعاتك تبّديها
سئلوك دمعك للنحر؟ للطفل؟ صّرح بيها
كتلهم لزينب اون عمتي وعلى سبيها
عظم الله اجرك ... ماتت بديرة غرب
عظم الله اجرك ... موتها كلش قرب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وامصيبة الهادي بعد هم هدت الحيل اكثر
مولاي ضاك اشجم هظم من السجن والعسكر
بطاموره خلوه اشكثر وبسم دليله اتأثر
وجاوين هاشم مالفت ليه ابهذاكه المنظر
عظم الله اجرك ... تشوف ابوك بكسرته
عظم الله اجرك ... زادت اعليه غربته
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مولاي مو طال الصبر وطالت الغيبه اعلينه
يمتى تجي لذاكه الطفل وطلعه وتبجينه
مولاي جم عام البكن ويمر جمالك بينه
مولاي الك غصة صدر وندعي الفرج مهدينه
عظم الله اجرك ... ابكلهن وكلهن غصص
عظم الله اجرك ... هواي لو احجي القصص
عباس محمد الحميداوي
١٤٤٥.٢٠٢٤ شهادة الامام علي الهادي عليه السلام
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
( لسان حال أم البنين عليها السلام مع الحسين قبل وفاتها..١٤٤٥)
كاعده ابيتي واحس بغربه
ضلعي مامكسور وانه محدبه
ابحين اجه ينعى بشر ... ... روحي حسيت بكبر
ضلعي مامكسور وانه محدبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شالو عافيتي لمن شال ضعن ابني وطلع
وكاعده ابنص داري لاجن احس دلالي انصدع
آه يابشر ابن حذلم ابصوتك اكليبي انشلع
اتكول راحو كل بنينج اولا ولد سالم رجع
وكبل لايحجي بشر حاجيته
كتله هسه حسين طب لبيته؟
وكالي نحرو نحر ... ... روحي حسيت بكبر
ضلعي مامكسور وانه محدبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جنت اظن يلتم شملنه ونرجع للكعدتنه ذيج
ويلي يارواح الاحبهم كون تنباع اشتريج
حسين يمه هاي بنتك مو انته الكتلها اجيج
وين غايب عن نظرها الضاله بحيل الرجيج
متانيتك ترد عود النوبه
ورجع من الي نتاني ثوبه
روحي مو مالت صبر ... روحي حسيت بكبر
ضلعي مامكسور وانه محدبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كمت يوميه اروحن اكعد بدارك واصيح
وتجي وتكابلني زينب وننعى يوليدي الذبيح
هيه عالعباس تنعى وانه الك دمعي اليطيح
يمه والدمعه عليكم ضنك دلالي تريح
يمه اطب للبيت والكاه خالي
اودعتكم غالي يمه ابغالي
الك ذكرى بكل كتر ... روحي حسيت بكبر
ضلعي مامكسور وانه محدبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خمست اكبور انه اسوي واكعد ابصفهن غديت
هذا كبر حسين اكتب ذاك كبر ابني اكتبيت
وعلى ولدي مااونن اعليك يوليدي نعيت
وينعصر كلبي من اضوك الماي لو منه ارتويت
ضامي ميت يااعز اولادي
ماي عيني اعصر لوني غادي
الك مشتاكه شكثر ... روحي حسيت بكبر
ضلعي مامكسور وانه محدبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شنهو عيشت روحي بعدك المن اتشم الهوه
علّه المفارك ييمه وهاي علّه ابلا دوه
الموت اجاني وكبلوني يمه واكتابي انطوه
واقنع بروحي واكولن اجو كل ولدي سوه
وماكو واحد منكم اتعناني
ردت متنك يابني الشالني
وانتهت قصة العمر ... روحي حسيت بكبر
ضلعي مامكسور وانه محدبه
الشاعر: عباس محمد الحميداوي
١٤٤٥.٢٠٢٣ ذكرى شهادة ام البنين عليها السلام
(نزله ...ليلة ام البنين ... ام البنين تخاطب العباس قبل خروج الضعن )
عباس ها يبني وياك الي حجايه
معصبي هاك اخذه وشده على الرايه
__
ماحاجه بعد ارجع ووصيتي اكررها
زينب بنص عينك ياوليدي تحفرها
ينكسر كل خاطر من كسر خاطرها
التامر تضل هيه ومحد اليامرها
عباس ها يبني زينب تره الايه
معصبي هاك أخذه وشده على الرايه
__
امها نسب عالي ونور اعتلى ضيه
امك بت شيوخ بس امها علويه
اعلوم التشيل الراس تفّرح البدويه
وكل عطوه وي خصمك يلشهم منفيه
عباس ها يبني لشمر لاتسمع اشوايه
معصبي هاك اخذه وشده على الرايه
__
من تاخذ المعصب وتشده بالواكم
يبقى كلب زينب مستر بطرواكم
والله تره يدري لحيدر من انطاكم
يدري الخدر باجر يتماشى وياكم
عباس ها يبني هايه تره الغايه
معصبي هاك اخذه وشده على الرايه
__
معصبي من يلوح ويناظره اخيك
يطمئن زينب بعدها ابفيهه اوفيك
عباس زينب ورد ينسكي من ميك
ونوماسها ابزودك بل المعركه اوعيّك
عباس ها يبني رضاهم صير شرايه
معصبي هاك اخذه وشده على الرايه
_
عباس تفدي حسين من الكاروك ناذرتك
وتصير ظل عن الشمس لو مشت اختك
مناطره اتوافي ارباي وزينب مناطرتك
الضعن من شال وطلع كله على بختك
عباس ها يبني اعرفك للوفه ثايه
معصبي هاك اخذه وشده على الرايه
___
اتلث نجوم اخوتك وانت بدر كامل
ومابيك شي مايل بس سيفك تره المايل
عباس اريد اصياح خصمك ليثرب واصل
ماريد زعلانه ترد زينب يبو فاضل
عباس هايبني النهر جيبه ابكل مايه
معصبي هاك اخذه وشده على الرايه
الخادم: عباس محمد الحميداوي
١٤٤٤
تجليبه الى سيدتي أم البنين عليها السلام)
يقين اصعب علل انتي التشافيها
باب الله انتي والحاجات تكظيها
____
اذا من المرض متعوب ندري الحل
ندك بابج وكل الصعبه تتسهل
يبرى الاعمى والاخرس والي انشل
ماتصعب وحق عباس ندريها
__
شما احسب فزعتج الي يتيه العد
كل حاجه الاجيج اعليها ماتنرد
انه ادري بجفوفج ما ترد احد
الايد التنمد ابابج تترسيها
____
حاشا اليدك بابج يرد يتندم
كريمه احنه نعرفج والخلك تعلم
اشلون ترد ادين اليبجي واليلطم
حاجه وطالبج وادري تخلصيها
___
اريدن من حضرتج هاي البشاره
وادري انتي الذي تسويلي جاره
محلفج ببنج ويمناه ويساره
تمت حاجتك رايد تكوليها
___
كرم الله الكريم وهل الكرامه انطاج
وباب لكل مصيبه ربج اختاراج
يزعل ابو فاضل ويرضى لرضواج
والله لهل القداسه كال اعليها
___
لحبيب الله انطيتي اربعة شبان
ومن اجل العقيله مقدمه قربان
الج كلمن يدير الوجه مو خسران
كريمه والصعاب انتي التحليها
___
ها يم الكمر جفي الج ممدود
بت اجواد انتي ومنع لهل جود
يم باب الكرم لامايضل معكود
دمعتي ردت ماينكطع جاريها
الخادم : عباس محمد الحميداوي
(أم البنين تخاطب الحسين قبل مسير الضعن من المدينه )
المستهل ...
انه وصيتهم كبلك يموتون .. وكتلهم بدونه لاترجعون
فشله شلون لو رديتو عدلين .. هذا حسين موتو كبل الحسين
وصيتهم ... وصيتهم
____
قبل لايسير الضعن ... وقبل لاتعوف الوطن ..وصيت ولدي
سمعاً وطاعه الج ... وكالو مانفشلج .... يمه ردي
اربعه ولدي وسف ... والله لو عندي الف .... الك لفدي
خلهم يموتون وترد سالم انته
ولو يكصر ولد واحد ماابري ذمته
ذوله تعبي والتعب لشخصك بذلته
وابني العباس وصيته اعلى اخته
كتله بشاربك ياحامي الخيام .. وكال ادللي بنص عيني اتنام
وكلي صار يمه لاتوصيين ... هذا حسين موتو كبل الحسين
وصيتهم ... وصيتهم
_
مااحشمهم عليك ... خدم همه بين اديك ... رهن الاشاره
اولادي مألهم عذر ... لو ردو والنحر ... صاير مناره
راسك براس القنات .. ويكلولي حسين مات .. ودمه يتجاره
منهم اتبره وكل ضنواي ارفضه
وبعد ماارضه اعليهم ولا لحظه
اكلبوهم تنبض وكلبك وكف نبضه
وحافر واصل لكلبك والصدر رضه
يردون ومابيهم كل جرح ... عباس عايش وحسين المنذبح
وكالولي يايمه لاتخافين ... هذا حسين موتو كبل الحسين
وصيتهم ... وصيتهم
____
صدري در الهم وفاء .. وكبرتهم لكربلاء ... لظهرك تجيه
كتلهم هل الحجي .. والبجي يحاجي البجي .. بهل القضيه
راسي لاينزل كلت ... والغيره بكصصهم حجت .. ولد الوفيه
مااريدن راسي يم الطاهره نازل
اريد اتلكاها ودمع العين هامل
اريد منها تكلي الناذرته واصل
وهيه تحجيلي عن ابو فاضل
يم امك فشله اتفشل اهناك .. اذا عباس مو بجفوفه وافاك
وصيته الك يكطع الجفين ... هذا حسين موتو كبل الحسين
وصيتهم ... وصيتهم
__
كتله الشمر مو خالك ... بالك يالولد بالك .. لاتسمع امره
التريدنه كال يصير ..وسفه اخوي عكبي يحير..وينكسر ظهره
كتله الخبر لو جاني ... واحد طاح علثاني ... وفده عمره
اهناك وراسي ارفعه بفزعت الغيره
الما خلو اخوهم اتهاجمه الحيره
اذا عباس مارد يحسين للديره
معناها انذبحت وحيرتي اجبيره
معناها زحف جيش العده احذاك .. تصيح ولا احد يفزع وياك
وتطيح ونار تلهم بصوايين .. هذا حسين موتو كبل الحسين
وصيتهم ... وصيتهم
___
روح والله وياكم ... وبروحي راح اتناكم ... يبن الاكارم
دفعة بله اطش الدمع .. وياريت ثاني ننجمع ... بآل هاشم
روح يابني ياشهم ... المهم انته المهم ... ترجعلي سالم
المهم ترجع وزينب بخدرها مكبعه
المهم انته يغالي مو مهم الاربعه
خبر رد احسين اريدن اسمعه
الاحنّي ظهور نوك جابتك من مدمعه
من مدمع جفني احنّيها النوك .. الجابت زينب وماطبتها سوك
وانادي ياهلا بكل المجلبين ... هذا حسين متو كبل الحسين
وصيتهم ... وصيتهم
الخادم : عباس محمد الحميداوي
(ميمر .. بين ام البنين والعباس قبل الخروج من المدينه)
امك تريد اتوصيك عباس جم اوصيه
_
تكله اعلى اخيك بالك تعز روحك
عباس خلي السهم كبله يلوحك
وياه لاتتساوه حت بجروحك
ياكمر شع وسط الكون وعم علكره الارضيه
___
بالك واشد بالك لون ماتفديه
الينطي اصبع اجفوفك اريدن تنطيه
المثلك بعد ماحاجه مره نوصيه
خنصر اذا انطه احسين كله انه انطي ايديه
__
صب دم اكليبك ياخو زينب بجفه
ولو مشى خل ممشاك يبني خلفه
ربيتك وادريك راعي الكلفه
حجياتي اريدن عباس بذنك تضل ترجيه
__
من الماي لاتشرب واهو يتلضه
وفرض الوفه اديه وبدم اتوضه
عباس اذا ترجع الي ماارضه
لو ترجع وياك حسين لو مااريد الجيه
__
لو غرفه من الماي بيدك تغرف
من احرورتك خلي الشريعه تنشف
ذب للنهر جفك لون كلبك رف
تشرب لذيذ من الماي وعطشانه جم علويه
__
تشرب واخيك نار تشب بكلبه
وحاول شما تحاول توصل الجربه
عبد الله اخذه وبيدك انت شربه
خلي يرتوي من ضماه وشرب بديك ارقيه
___
لكل الوفه اسمك اريدن مقياس
وبوجه تاريخ الدهر تضل نبراس
زينب اريد تكول وفه العباس
ماريد منك تقصير حت لو يكون اشويه
•••••••
الخادم عباس محمد الحميداوي
محرم الحرام
ليلة أم البنين عليها السلام
(ثكيل .. حواريه بين أم البنين تخاطب ابنها العباس عليهما السلام )
على رغم المسافه البينها وبينه .. حست من ابنها انكطع جفينه
صاحت ورفعت الراس ... رضيت اعليك عباس
يبني ... يبني
___
١-
فز كلب هاي الوالده وحست بهذاك الموقف
من يثرب وجنها درت عباس واكع بطف
ضمت اديها بردن ومثلّت ماتملك جف
وحيته جنها اتناظره وبلكوه كامت توكف
تكله يهرش كلبي ولب لحشاي .. يسوه الف موقف شمرت الماي
وعهد ولاخر انفاس ... رضيت اعليك عباس
يبني ... يبني
_
٢-
بين اليحبون اتعرف الدرب مايحسبوله
ومعقوله شفتك من طحت رغم البعد معقوله
عباس والموقف صعب لحد هسه انه مذهوله
ومنهم قضى والينتظر مصداق انه لقوله
وانه الضليت ماغمضت جفنين .. وتمنيت اشكثر امشي وي الحسين
ولون انموت لاباس ... رضيت اعليك عباس
يبني ... يبني
_
٣-
تمنيت يمك حاضره واسمع شنو تحجيلي
وتكلي من تعزم على المشرعه يمه ادعيلي
ولو قدر الله لطيحتك ويبيد يمك حيلي
واتعنه الك روح وكلب وحسين اليتجيلي
ولون تعرف يغالي كلبي شكال .. ردتك ماردت دنيه ولامال
خمد صوتك والانفاس ... رضيت اعليك عباس
يبني ... يبني
_
٤-
جلمه الخويه للاخو كالو تشد من عزمه
ومو اخو وديتك تره وديتك انه تخدمه
بيضت وجهي ياشهم هنيالي بهل الزلمه
بموقفك بانيلك جبل من الوفه وانته القمه
لاجن من كلتله خويه مره ... منها وايده صارت فوك ظهره
وفه بهل الجمله واحساس ... رضيت اعليك عباس
يبني ... يبني
_
٥-
تنحسد اعلى الجابته يمه المثلك عدها
وطمني اعلى حسين وجمرة كلب بردها
وعن زينب الجفك مشه منا واهو مكاودها
عباس ردها وموت لاتخلي الهضيمه تردها
اريدن من اناشدها واكلها ... ولدي بكربله شنهو فعلها
لون راضيه النبراس ... رضيت عليك عباس
يبني ... يبني
•••••••
الخادم : عباس محمد الحميداوي
محرم الحرام
[ميمر لشهادة الزهراء ١٤٤٥]
دمعة محب ...المن تصب؟ ... واخذ الجواب من الكلب
هاي الدموع أعلى امصاب ... ام الحسين الزهره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امصاب الزجيه كلف صايب جبدي
حاير انه اختم بيش لو بيش ابدي
وابهاي الليالي الله يعين المهدي
ايمامك يون ... من الو (أن) ... بذنه لحد هسه ترن
سطرة جفنها وكل سوط ...طكاها بعد العصره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ادافع وياهم مره واصرخ ليش
يابن قحافه جامع اعليه الجيش
فاطمه انه الماتريدوها اتعيش
ابحقد وغضب ... جامع حطب ... هجمو علي اشهد يرب
المحسن نذبحه تكولون ... وامه ضلعها نكسره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بسمار باب الدار طب حد ريتي
الهوه اشتمه براحه هاي امنيتي
وتنشدني زينب خوما اتجويتي
وانه الجمر ... لاح الكسر ... انهض وعالكاع انهطر
الدم ترس حوش الدار ... والعين صارت حمره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لهاي المصايب دمعة الشيعه تكت
وكلمن يلومك عاللطم كله اسكت
هم تجي مثل الزهره يالايم بت ؟
الضرك شنو؟؟ ... وانت منو؟؟ ... ماخذك بالدين الغلو
ماعاجبك شيعي تصير؟ ... ومنك علي يتبره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كل سنه هاي البدعه منكم تنثار
تكولون اصل مايوجد لكل الصار
ابهذا الكلام الله يعين الكرار
تتشكك فئه ... وانت النأى ... ابرايه وكلامك منشئه
كل فكر ضد خط الدين ... افلان وفلان امصدره
الشاعر؛ عباس محمد الحميداوي
٢.٢٣.١٤٤٥.٢٠٢٣ شهادة الزهراء عليها السلام
( ١٤٤٥ قصيده ترتيل السمه )
صار ترتيل السمه ... فاطمه يافاطمه
العرش بالدم انصبغ ... بحين صب ضلعج دمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فاطمه ياسر الاهي النور من عنده انبثق
اعداج رادو دنيه ضلمه النور عيّشهم قلق
لاشبيهه الج فاطم ومثلج الله ماخلق
انتي ياسورة براءَ وكوثر وصاد وعلق
بيتج اصل المعرفه ... انتي روح العاطفه
الله خله بيج سر ... ماكو واحد فاهمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
متنج ايسونه ازرك وطافيه يازهرة عين
اضلوع متهشمه وطاح بعتبة الباب الجنين
اشلون رفسه رفس بابج واعصرج هذا اللعين
زحف يازهرة طلعتي خلف امير المؤمنين
واشلون حالة حيدره ...انهشم ضلعج من دره
راد كبلج فاطمه ... هامته المتهشمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ستة أشهر واكف المختار يستأذن دخول
وانتي ناشديته هاي الدار الك وانه البتول
كالج من الله هذ الأمر مو انه الاكول
ورغم كل هذا السقيفه لبابج ايديهم تطول
ابيا ديانه وياشرع ... ... اعليج بابج يندفع
بت نبي وكسرو الج... ... اضلوع واعليج انغمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
المثل بيتج هذا كون الكوم يتخدو مقام
مستقر جان لنبينا وجان منزل جم أمام
التمو وجمعو حطبهم ابابج اولاد الحرام
شكثر جان الثاني حاقد جاي ناوي الانتقام
ايحشم ابكومه ابعجل ... ... والباب بالنار اشتعل
دره اموصى المرتضى ... ... وسل سيوف الضالمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من مصيبة حرك دارج اتنصب الحاكم يزيد
الخّلو المرتضى وحده حسين هم خّلوه وحيد
الضرب متنج ضرب زينب فرق ماكو ولانريد
الشاد حيدر خله للسجاد طوك من الحديد
العرق دساس العرق ... ... ماكو يافاطم فرق
الذابح حسينج ومحسن ... ... من العصابه الهاجمه
الشاعر عباس محمد الحميداوي
١٤٤٥.٢٠٢٣ شهادة الزهراء عليها السلام
(لشهادة الزهراء .. عن لسان الامام الحسين واخته زينب ١٤٤٥)
هاي جيتي ... امن المكابر مو نهر
دافن امي ... وجايج محني الظهر
يمي اكعدي يمي ... بيج ريحت امي
هاي جيتي... من المكابر مو نهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خويه زينب واكفه اهناه ... المن اشمنتظره
اكبال عينج كلنه جينه ... بدون امنه الزهره
لون ادري الباب يكتل ... جا ملاكي العصره
ماتت امنه بكسر واحد ... واحنه عشنه بكسره
خويه زينب ... الفركه تحني الواحد
شفتي ابونه ... اعليه مبين فاكد
عطر فركه اشتمي ... بيج ريحت امي
هاي جيتي ... من المكابر مو نهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احاه لون ناظره لحيدر ... ابحين هال التربه
شفته مخنوك بعبرته ... وراد يوكف كلبه
دار وجهه النه ويكلنه ... الدنيه صارت غربه
امدوهن وماخوذ حيله ... ناسي داره ودربه
يعاتب الباب ... يكله بسمارك صلف
وبعد ابوها ... ناحله وبيها اتعرف
اعتابه زود همي ... بيج ريحت امي
هاي جيتي ... من المكابر مو نهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شكد حنينه امنه يزينب ... وتارسه المنزل حنان
وين ماالتفت ذكرى ضاله ... الها ابكل مجان
من جنت اكعد كترها ... جنت احس بيها الأمان
هسه خدها أعلى الترابه ... شفتي غدرات الزمان
امس يمنه ... وزينه كالت حالي
هسه راحت ... وبيتنه ضل خالي
راحت ابخد مدمي ... بيج ريحت امي
هاي جيتي ... من المكابر مو نهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هلا يمه تكلي جانت ... ويرد هيج لساني
انجان انتي بخير يمه ... ابخير باقي اني
والله مشتاك لحجيها ... واشلون تتلكاني
بعد صارت بالمكابر ... اشكثر جان تعاني
بسمار خويه ... ابنص صدرها جاسها
صعبه جانت ... عدها حتى انفاسها
النزف ريته دمي ... بيج ريحت امي
هاي جيتي ... من المكابر مو نهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يالحنينه ويبت امي ... خلي اسولفلج تعاي
الطف بعيد اعلينه زينب ... وانحنى بسرعه كفاي
اشراح بيه يصير لمن ... اترك الكافل وراي
الله يساعدنه يخويه ... يابعد هايه اوي هاي
افراك امنه ... جرح ميفيده الدوه
هيه راحت ... وفلان يشتم الهوه
ايتيم صاير اسمي ... بيج ريحت امي
هاي جيتي ... من المكابر مو نهر
الشاعر؛ عباس محمد الحميداوي
٢.٢٣.١٤٤٥ شهادة الزهراء الروايه الثانيه
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
[نزال + تجليبة لشهادة العقيله زينب ]
(اراشيف ١٤٤٤)
يدفان زينب سولف الحاله
نعش الحره زينب منهو شياله
___
صدك زينب بكت ماجوها خوتها
صدك ماكو متن شايل اجنازتها
صدك لرض الطفوف اتلوح نظرتها
وصدك تابوتها محد تنداله
__
يادفان سولفلي اشحصل بيها
معقوله الجنازه ماكو اهالياها
يعني ماكو واحد يبجي اعليها
وعلي السجاد محد يمه ينعاله
__
صدك ماتت ولااصدك صدك ماتت
هاي الي بجم ديوان اهي فاتت
هاي البخرابه أعلى الترب باتت
وشماله الكلب ضل عايش اشماله
_____
شماله الكلب ضل ابحسرته وينبض
وجفن عمة الساده ابنص غرب غمض
المثل زينب ابيش شلون؟ تتعوض
وعظيمه المحنه عد المصطفى وآله
__
كلبها من البواجي امشلعه اعروكه
من طاري الشام اهواي مخنوكه
جسدها منهو هال اترابها فوكه
عليها اتراب شام الغرب منْ؟ هاله
خادم زينب: عباس محمد الحميداوي
١٤٤٤.٢٠٢٣ شهادة زينب الحوراء
٢٠٢٣/٢/٧
(هوسات إلى مولد الإمام الجواد عليه السلام ١٤٤٥)
دار الرضا الليله ابتشرت ابمولود
الروايه اتكول ساجد نزل للمعبود
سموه الجواد ومنهل أهل الجود
(وديار الضامن فرحانه )
نور امن السمه نّور على الأكوان
هذا ابن الرضا جاموش ياهو الجان
واليهوس اعليه لا ابد مو خسران
(والصاير شيخ من الساده )
سلام امن الإله ومن ملائكته
على الي بوسط بغداد اعتلت كبته
وحاشه الضن يبو الهادي انت خيبته
(يكضيها كل حاجه التصعب)
اذا مره الألم والحزن فاض وزاد
ادليك أعلى باب الينطي كل مراد
لبن الرضا اتعنى اليم أسد بغداد
(ومن ترجع مكضيه الحاجه )
عباس محمد الحميداوي ١٤٤٥.٢٠٢٤
[قصيده لشهادة الامام علي الهادي ١٤٤٥]
عاشر أمام ابكوكب العتره
نوحي اعليه يافاطمه الزهره
الهادي مسموم ومات ... رايد لطم علويات
يافاطمه الزهره ... يافاطمه الزهره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يم حسن من المدينه اعتني لسامره كون
وعلى نعش الهادي ابنج مو دمع ذبي العيون
الهادي عاش ابغربه عنكم جيبي اهله يشيعون
النعش يستانس يزهره انجان من اهله المتون
حشّمي العلاوي وكل هواشمكم
الكم نعش بالغربه اي الكم
وبحضانكم نعشه يبات ... رايد لطم علويات
يافاطمه الزهره ... يافاطمه الزهره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
آه يازهره الحزينه الهادي شاف اشكد شدد
انزله ابطاموره خصمه اثنين ماتحمل ابد
وافرض اعليه يبقى ساكن مايغادر هل البلد
وأخر أفعال اليكرهه مردو ابسم الجبد
يتكلب من السم غده ولايج
وكلبه أعلى شوفتكم غده خافج
وكال اخر جلمات ... رايد لطم علويات
يافاطمه الزهره ... يافاطمه الزهره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ريت مشيوله الجنازه بنص مدينه جده ريت
وكون ابن حذلم الينعى وعيّد صحتي شمانعيت
امشابك ابصرخه الهواشم وللحزن منصوب بيت
وفاتحه وبيها عمامه تنادي ياموت شخديت
وملايه تقره بصوتها اتنادي
احا اعليك اتصيح يالهادي
والدمع مثل الجمرات ... رايد لطم علويات
يافاطمه الزهره ... يافاطمه الزهره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اوحضر عنده العسكري وغلسه وجاب الجفن
وصلو أعلى النعش شيعه وموعد الدفن انعلن
صح غريب ومات وحده لجن يازهره لجن
يجي ابال الذكر غربه حسين من عاف الوطن
لاله جنازه ولاله دفان
بالحر ثلث تيام عريان
يم الحسين الكلفات ... رايد لطم علويات
يافاطمه الزهره ... يافاطمه الزهره
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وطلعوها اجنازة ابنج شيعته وصار النحيب
وانحفر للهادي كبر واندفن مولانه الحبيب
وارد اذكرنج يزهره احسين هم خلوه غريب
ياهو غسل جسمه ياهو جفن لوليدج يجيب ؟
انجان زينب زينب خذوها
للشام والكوفه العدو سبوها
النسوان ذن مسبيات ... رايد لطم علويات
يافاطمه الزهره ... يافاطمه الزهره
الشاعر عباس محمد الحميداوي
١٤٤٥.٢٠٢٤ شهادة مولاي الامام الهادي عليه السلام
[ قصيده لشهادة الامام الهادي عليه السلام ]
بين الهظم ضلت الروح تنادي
يادمع سيل اعلى الامام الهادي
في سر من رأى ... ... ... ... ياحسرةً قضى
يادمع سيل أعلى الامام الهادي
___
انتقل من رحمة الله الهادي إلى أعلى الرتب
ياكلب لايكف حزنك والجفن دمعه يصب
انفجع طه بحفيده اليوم في ثالث رجب
والد العكسري ميت وسط أحضان الغرب
ومو توه حزن أهل النبوه بادي
يادمع سيل أعلى الامام الهادي
في سر من رأى ... ... ... ... ياحسرةً قضى
يادمع سيل أعلى الامام الهادي
___
ناحت الفاتحه والقل هوه ويه الواقعه
اليوم جبد الهادي سم الناصبيه امكطعه
جم ألم من بني العباس الامام اتجرعه
وجان متوقع غدرهم وموته هم متوقعه
لأجل دينه الروح ضحى وفادي
يادمع سيل أعلى الامام الهادي
في سر من رأى ... ... ... ... ياحسرة قضى
يادمع سيل أعلى الامام الهادي
___
بحر تتلاطم امواجه من العلم والمعرفه
والزياره الجامعه اكبر دليل لهل الصفه
عالم وحاكم وأمام وسيد الكل تعرفه
لجن غربة نعشه صعبه وين عنه أهل الوفه
ياحادي طّوح لهله وشد يلحادي
يادمع سيل أعلى الامام الهادي
في سر من رأى ... ... ... ... ياحسرة قضى
يادمع سيل أعلى الامام الهادي
__
اليوم املاك السماء اعليه ثكلى امكدره
وفي الاافِ الصفوفِ هيه عزت حيدره
ورجالُ الدين من دونِ العمائم حاسره
وفاطمه مجلس عزيه ناصبه بل الاخره
وفاطمه صاحت خلّصو اولادي
يادمع سيل أعلى الامام الهادي
في سر من رأى ... ... ... ... ياحسرة قضى
يادمع سيل أعلى الامام الهادي
__
رغم مات بنص شماته لجن معمول بأاصل
مايضل اتلث ليالي مرمي ابحر الرمل
ماحركو عكبه بيته ولا انسبت عكبه الاهل
وبس ابو اليمه رهينه اجنازته عمداً تضل
جسمه بوادي وراسه راح بوادي
يادمع سيل أعلى الامام الهادي
في سر من رأى ... ... ... ياحسرة قضى
يادمع سيل أعلى الامام الهادي
الخادم؛ عباس محمد الحميداوي
٢.٢٣.١٤٤٤ الاراشيف.. شهادة الامام الهادي
(القصيده مهديه الى الامام علي بن موسى الرضا )
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
[تراث ( اهوازيه ) لسان حال ابو الفضل العباس عند رحيل امه ١٤٤٤]
من أرض الطفوف اليوم ... اجت ولدج يبدويه
من سمعو الموت احذاج ... اجينالج فرد جيه
****
الهواشم قافله اتعنت ... والانصار اجت كلها
ومثل مارحنه من يمج ... ردينه ابقوافلها
اجينه وتنعه اخيتنه ... واحنه دموعنه نهلها
واحنه منكبين اعليج ... منيتج صعبه نحملها
سبب موتج يريته الباب
ومثل الزهره ضلعج عاب
ولفينه العمامه انكاب ... وبجه احسين وعلاويه
***
سمعت حسين يم زينب ... كال احجايه وألّمنه
يم عون ابدمع سجاب ... كلها احنه تيتمنه
كبل هم امنه ام عباس ... بزر شركتها وتحبنه
ويزينب كل بشر بلكون ... يفدي ارويحته لبنه
وفدتنه ام الشهم كلهم
ومانشدت اشصار الهم
بس نشدت فاعايلهم ... عظيمه هاي المريه
****
يحره يلفكدتي الشوف ... بكثر ما للدرب تربي
الزهره جايه تغلسج ... وتكول لزينب اتكربي
يبنيتي انتي جيبي الماي ... وعلى جفيني صبي
وخلنه انجهز ام عباس ... الفدت أولادها لتعبي
تجازي ارباج والفزعه
اجت فاطمه تصب دمعه
اتكول اليوم شمضيعه ... مضيعه التنعى ليليه
***
وكفتي اشكد اباب حسين ... وبحين الدفن حاضر
يكلي ايعّظم الله أجرك ... وحاله يكسر الخاطر
تشابك وي اخيه وصاح ... راحت ام كلب شاجر
حسن تدري شكد نادت ... اويلي احاه من العاشر
تنادي وتطلم الخدين
يمه حسين يمه حسين
وينك ياافتاش العين ... لحد ماجتها المنيه
**
ييمه والج صار انياح ... وعد هاشم صفت ثلمه
وشالو نعشج أهل الجود ... وساده وعرب ملتمه
بس يايمه حال حسين ... صريع وبلعرى جسمه
يريتج حاضره اتشوفين ... ضل اوحيد ابو اليمه
ومو بالغربه من رحتي
ولا من العطش متي
ولا علترب اخو عفتي ... ولا رحتي انتي مسبيه
الخادم: عباس محمد الحميداوي
٢٠٢٣ .١٤٤٤ هجري
٥/١/٢٠٢٣ ليالي ام البنين عليها السلام
( قصائد أم البنين عليها السلام )
هذا الامر قد يجب توضيحه .. للحزن هم موجوده تسبيحه
الحسره بدمع والونين ... تسبيح أم البنين
*****
لفاطمه تسبيحة جانت بس عباديه
تفتر السبحه للذِكر بنفحه قدسيه
وتبسيحة الهم والحزن عد الكلابيه
جانت على حسين وهله تون يوميه
بعد الفروض الخمسه جم دمعه .. وتقره دعاء الفركه كل جمعه
الويلي على الحسين ... تسبيح أم البنين
**
عن موقف الحره صوره لو نصورها
شجره بخريف النايبه بظل أعاصرها
ام البنين افراك المذبوح كاسرها
التتنطر الغالي يرد الموت ناطرها
الما كايله لحسين يايمه ... شاء القدر من البجي تعمه
منذور شوف العين ... تسبيح أم البنين
*****
للسبط اجت يوم الضعن كوض بأسفاره
وكالتله ذوله اربع زلم لخدر النسه نطّاره
يقدمهم أبني الكمر ومزامطه باأيثاره
ولمّن ينعاهم بشر يحسين احلا بشاره
ذوله اربعه بحبك انه مجندتهم .. لايردون بدونك موصيتهم
ابلهب نار الحنين ... تسبيح أم البنين
****
خبرني عن حسين يابشر وتهل دمعتها
وذيج الجموع الحاضره الحره طرتها
خبرها ابن حذلم وحجى عن فعل بزرتها
كالتله حجيك يابشر هروش الكلب فتتها
فوك القناه راس حسين كلها .. انغمى عليها وحاله ذهلها
ولطم هاي الايدين ... تسبيح أم البنين
*****
حتى بتاريخ الوفاة اشكد وفيّه الحره
رحلت بعد ثالث رواية للبضعه الزهره
أم البنين العاطفه بيها خلت جمره
تدري بلحسين انجتل لاجن بقت تتنظره
شابحه العين لجيت الوالي .. وتكول اطب البيت والكاه خالي
يايمه رحتو وين ... تسبيح أم البنين
الشاعر : عباس محمد الحميداوي
شهادة أم البنين
أم البنين عليها السلام
(ثكيل )
باب للحاجات الله انطاها ..... وخادمه لحسين هم سواها
منزلت مريم واشد .... والله رزاقها بعد
خادمه لحسين هم سواها
____
هام توأ قد ورد هذا الخبر
اليخدم المضلوم يربح ماخسر
نظره تنظرله العزيزه أم الكمر
وتشفي علته تزيل همه شما كبر
ربك الخالق نعم علاها ..... وخادمه لحسين هم سواها
نريد من عدها المدد .... والله رازقها بعد
وخادمه لحسين هم سواها
_
هيه المضحيه الوفيه يجمال القابها
انطت الحره ولدها لزينب ولحجابها
ودعتهم لجن هيه لازمت ابابها
انتظرت يعود الحسين وتفرح ابحبابها
تشكر الله شكثر جيه خلاها .... وخادمة لحسين هم سواها
تضحي باأربع ولد .... والله رازقها بعد
وخادمه لحسين هم سواها
___
مثل كل الخدم متحزمه بصبر
وناذره للحسين كل هذا العمر
تفرح بجيت محرم من يمر
تريد تبجي تريد تلطم علصدر
مثل كل الخدم هم تتباها .... وخادمه لحسين هم سواها
تطلب تضل للئبد ..... والله رازقها بعد
وخادمه لحسين هم سواها
__
دموع الفراك المغيره كل معالمها
وحسره الشوفه لبنها هواي تالمها
راحو وشالو ضعنهم ولااحد يمها
ضلت لحيطان دار تسولف بهمها
تشكر الله علبجي خصاها .... وخادمه لحسين هم سواها
تنوح للحسين الضمد .... والله رازقها بعد
وخادمه لحسين هم سواها
___
نعمة الخدمه مناها ترضي العتره
ورضى احسين اهمهن مغزى الفكره
يعني اذا راضي عليها راضيه الزهره
تدعي تشملها الزجيه وياهم بنظره
رضى الزهره هاي تتمناها .... وخاده لحسين هم سواها
كل محرم تستعد ..... والله رازقها بعد
وخادمه لحسين هم سواها
____
جلبن بيها المصايب من بشر ينعاهم
وجان كل ضنها يعود الضعن وتتلكاهم
رد ضعن بيه الثكالى حسين مو وياهم
وضلت اتنوح الغيارى ومااضن تنساهم
زينب التنعى وهيه وياها .... وخادمه لحسين هم سواها
تنوحهم انطت وعد .... والله رازقها بعد
وخادمه لحسين هم سواها
الخادم : عباس محمد الحميداوي
(أم البنين تخاطب الحسين بعد رجوع الضعن الى المدينه)
المستهل ....
افراكم بيت الصبر هاد..هاد ..ومو نفس ضعنك للوطن راد .. راد
رد الضعن بغير حاله وروعه .. رد وعلي السجاد تجري دموعه
للوطن راد ... للوطن راد
____
لمن طلعتو ايحف كمر يضوي بركب القافله
ولمن رجعتو ولا ولي الضعن بس ابنك أله
بلذي يخشاه الكلب وتخشاه عيني الهامله
من كربله كلبي انلجم وهل صوبتني كربله
من رحتو واني بلكلب نار .. نار .. وحسيت اكو بهل الدرب اخطار .. اخطار
الطف متكلي شنو موضوعه ..رد وعلي السجاد تجري دموعه
للوطن راد ... للوطن راد
__
من عادة اشيوخ الضعن بصدر الضعن موجوده
والهيبه مو بحادي الضعن الهيبه من احيوده
وماشوف ريشات الكمر وماشوف اعمايم سوده
وبس العليل الرد الي ونحلان من اكيوده
ناشدته اشيوخ الضعن وين .. وين .. بحسين راح ورد بلا حسين .. حسين
رد وكلوب الحرم موجوعه .. رد وعلي السجاد تجري دموعه
للوطن راد ... للوطن راد
__
الجاي من طف الحزن شايل لنا اوجاع
وريحة فكد وكسرة ظهر وريحة اوادع
ذيج السفينه الابحرت ردت بلا اشراع
رد الضعن شابع ركض والدمعه اله متاع
ابكل عبايه جمرة اخيام .. اخيام .. والضعن فاكد كومة ازلام .. ازلام
طافيه يايمه ليش شموعه .. رد وعلي السجاد تجري دموعه
للوطن راد ... للوطن راد
__
رشيت دمعي للضعن لمن سره عن عيني
وغركت الشيله من البجي فركاكم امبجيني
سار الضعن وسار البجي بين العليله وبيني
ياريت رحت ويه الضعن ولاللبجي مخليني
حاني الظهر افراكم حيل .. حيل .. جيتكم شمس وفراكم ليل .. ليل
ومن الضعن الونه شو مسموعه ..رد وعلي السجاد تجري دموعه
للوطن راد ... للوطن راد
_
ابدي الصبح اتصدق دمع انيابه عن زينب
وبليل اوزع دمعتي لباب كل مغرب
العين تبقى امساهره وبل نوم ماترغب
الا تجي وكلبي يكف ومن الونه ماينحب
اليوم هذا هيج يكظي .. يكضي .. وترجعلي يبني جنت ادعي .. ادعي
ادعي بسلامه ترد وماكو لوعه .. رد وعلي السجاد تجري دموعه
للوطن راد ... للوطن راد
الخادم : عباس محمد الحميداوي
( أم البنين تخاطب اولادها قبل وفاتها)
المستهل ....
التموت اتريد واحد من ضناها
يشيل امه وينزلها ابثراها
جاولدي بعد يمتى يجوني .. بعد لحظات ويغمضن عيوني
التموت تريد واحد من ضناها
___
عيني ضلت على بابي تناظر بدمع العيون
وكلت عن امهم عجيبه الضنه ايتأخرون
خل يجوني راح اموتن جابعد يمته يجون
بعازة انظركم احذاي وجنازتي بعازة امتون
قريب الموت اصبح مو بعيد .. وتشوف اولادها امكم تريد
اودعكم ردت وتودعوني ... بعد لحظات ويغمضن عيوني
تنسه الموت ابنها لو لفاها
التموت تريد واحد من ضناها
_____
اضنوني جانت كبري انتو رايح تحفرونه
وامنيتي تابوتي باجر ولدي الي يشلونه
لجن من جيتهم ايس كلبي وخابت اظنونه
ادري بيكم الموت رافض وتعبي ماتنسونه
الموت الياخده مايرجع شلون .. بس كلبي الرايد تحظرون
بجيتكم خابت كل ضنوني .. بعد لحظات ويغمضن عيوني
الخذاكم مني وافراحي خذاها
التموت تريد واحد من ضناها
____
طولت رحلة سفركم وطولت بيه الجروح
ولفكدكم عيني تنبع دمع وكلبي ينوح
صح عشت لاجن جني جسد ومابيه روح
ميته والعدل بيه النفس وجم ساعه ويروح
انفاسي راح تودع الريه ... ومنكم ايست ماكو بعد جيه
ابالي جانت انتو اتشيعوني .. بعد لحظات ويغمضن عيوني
للعباس كولو الموت اجاها
التموت تريد واحد من ضناها
____
خلي اشوفنكم واموتن شوفتكم تسوه عمري
لجن ادري مو بديكم الجيه يااعزازي ادري
لجن لو غمضن اعيوني ياهو الينزلني كبري
كبل ذبني الدهر وهسه الموت ذبني مو دهري
ذبني الدهر والذوبني فركه .. وردت كبل المنيه يصير ملكه
وضعيفة حال يلتنشد شلوني .. بعد لحظات ويغمضن عيوني
صعبه اجنازتي محد وراها
التموت تريد واحد من ضناها
____
ادري ميتين كلكم لجن شوغ الكلب حار
تعبتني الفركه كافي عمري خلص انتظار
من الحزن بخدودي دمعي يمه سوى مسار
وآخر الحظات ذني وراح اهاجر من الديار
راح اهاجر للكبر وتخلص حياتي ..وجيتكم جانت من امنياتي
اجاني الموت يلي ما تجوني ... بعد لحظات ويغمضن عيوني
والزهره اقترب بلكي لقاها
التموت تريد واحد من ضناها
الخادم : عباس محمد الحميداوي
شهادة أم البنين عليها السلام
تم بحمد الله نشر كافة قصائد الليالي الفاطمية على مختلف الروايات الثلاثه بتوفيق الله ونظرات صاحب الامر والزمان ... وسيتم نشر قصائد وفاة السيده أم البنين عليها السلام في الأيام القادمة ونسألكم الدعاء
Читать полностью…
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
[ثكيل ... عن لسان الامام الحسن بعد فقد الزهراء عليهما السلام ]
مادريتي حالي ... ابوحشة الليالي
بيتنه من دون وجهج صبح ضلمه
مايعيش اهواي يمه الماتت امه
__
يمه مو بيت التغيب انواره واليخمد ضواه
ماتضل بيه نسمه للشم التضل بس بيه آه
والفرح يمه يزهره الموت من ولدج خذاه
والميت تعرفه عزيز انجان اكو صيحه وراه
وصحت يمه ارجعي ... بخدي شوفي دمعي
والكلب جلمة يتامى اشكد تحطمه
مايعيش اهواي يمه الماتت امه
__
يمه صعبه أعلى المعّود روحه تتلكينه دوم
من يجي ويلكاج ماكو يبقى بمجانج يحوم
يمه والفركه طويله لاهي ساعه ولاهي يوم
اعيونه رايح تبجي اكثر من ماي البل غيوم
ايهّود اكليبه اشلون ... وانتي طولج مدفون
هظمه افراكج ثكيله اشلون هظمه
مايعيش اهواي يمه الماتت امه
__
يمه ياجلمة اليمه لكل شخص سلوة دليل
واليفارك امه اشوف الموت في حقه قليل
الليل اذا مابيه صوتج حقه لو سموه ليل
انتي عافيتي وضحكتي ليش نيتج بلرحيل
يمه ومايألمك ... بس جنازة امك
وابنص حياتي روحتج ثلمتها ثلمه
مايعيش اهواي يمه الماتت امه
___
يمه ياطاريج طاري ولا ينمل بل الذكر
يمه كليلي اعلى حالج خاف ياذيج الكسر
ردت ادفنج ابوسط عيني ومااخليج بكبر
مارحم حالي الموت ومارحم حالي الهجر
البكى عندي شيله ... الشمها تاخذ حيله
والشاف ذكرى لو صور ايزود همه
مايعيش اهواي يمه الماتت امه
_____
يمه تنشغ كل مسية اغروب روحي وتختنك
يمه واتعنه لمجانج وبيه اون واشبع شبك
المامحسبلها بحياتي هيج فجأء ونفترك
وبيدي اشيعج واكبال عيني الكبر بابه ينغلك
وبعد ماكو نظره ... وماتت امنه الزهره
وهاي شيصبرني بيها وشلون جلمه
مايعيش اهواي يمه الماتت امه
الخادم: عباس محمد الحميداوي
شهادة الزهراء عليها السلام
١