487
شاعر قصائد حسينيه منبريه .... ادعمنا فقط في الاشتراك للتواصل @Mert3338
تم نشر اجمل قصائد لاستشهاد الزهراء ع
. /channel/Saadhadi83
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
[ثكيل ... بين الزهراء وأمير المؤمنين علي حين وداع الزهراء ١٤٤٤ ]
فاطمه توصّي على فراش الموت
ياعلي ابليل انت شيل التابوت
يل منهدم كل حيلك ... ... اكعد اريد احجيلك
ياعلي ... ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي موت وحياة الدنيه هاي امقسمه
والموت موعد لانسبقه ولا احنه الي نقدمه
ونزل هلمره أعلى دارك يريد ياخذ فاطمه
وياعلي عندي وصايا الكلب حيل اتألمه
ابحالي تدري والجره اعليه وصار
مابيه اعيشن بعد فعل البسمار
وعن الكسر شرويلك ... ... اكعد اريد احجيلك
ياعلي ... ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي الله يصبرك ابحين لحظات الغسل
ياعلي المنظر عظيم ومنه رايح تنذهل
وابزاويه من الدار حيدر لمن تنظر تتعزل
يطول نوحك من تناظر بعيني شمسوي النذل
لازم يفيّض صبرك هواي هواي
لمن تغسّلني ياحيدر بل الماي
جمرة حزن اتخليلك ... اكعد اريد احجيلك
ياعلي ... ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي كلمن ظلمني وحّرف انواع الحديث
والكال ماكو نبي مات وبعده يتورث وريث
الكسر ضلعي خليفه عدهم ودينه حنيث
مااريده بساعة اتشيل النعش هذا الخبيث
من نار ربنا منهو الهم منقذ
ذيج العصابه الجان منهم قنفذ
واصبر ياحامي ادخيلك ... اكعد اريد احجيلك
ياعلي ... ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي ضكت الهضيمه بحين موت الوالده
شفت موقف البيه روحك ابلا شعور امعوده
ابغلفه وتنادي يايمه وابكبر هيه امدده
علي ذوله ايتامي يمك وسرمد احزانج بده
موعد رحيلي اقترب ويمكن حان
واتعهد كبري واقره يمي القرأن
استمع خل ترتيلك ... اكعد اريد احجيلك
ياعلي ... ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وعمت عيني على زينب من زغرها مدوهنه
شوفها باري دمعها المالها ساعة هنه
الدهر بيت المصايب على اسم زينب بنه
تنسبي وتموت أهلها هاي كلها امدونه
وياعلي زينب تفز وكت الليل
ولصب دمعها رايده منك حيل
واسيها من تشكيلك ... اكعد اريد احجيلك
ياعلي ... ياعلي
الخادم: عباس محمد الحميداوي
لشهادة الزهراء عليها السلام
( قصيده بين زينب وأمير المؤمنين في شهادة الزهراء ١٤٤٥)
اجنازتها من شالاها ... اخذوني صحت وياها
شوي ثكّل بممشاها
هاي امي حيدر ... هاي امي حيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي صحت أعلى ابونه ابحين شالو فاطمه
وياها اخذني ادفني يمها ولااضل اميتمه
بويه اديك اشلون مرن أعلى الجروح المؤلمه
بويه بس لاشفت سطره والضلوع امهشمه
بس لا شفت متنها ... وابهيده علي ادفنها
سوط النذل اذاها
هاي امي حيدر ... هاي امي حيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي امي نحيله وحيل رك منها العظم
ليش طولك محني بويه من ثكل لو من هضم؟
وجنك ويانه يحيدر فاكد ابهل الساعه أم
راحت ام بيتك واجانه لبيتنه طاري اليتم
جان الكسر يلجمه ... حتى الهوه التشمه
راحت اوين الكاها
هاي امي حيدر ... هاي امي حيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي ماودي اصدك امي فاطم رايحه
تختنك ريتي واغصن امن اقره ليها الفاتحه
بعد غابت نسمة امي الجنت بيها امصابحه
اعلينه بيّن فكد امنه ابهل الملامح واضحه
امي شنو عوضها؟ ... ليش الجذع يرضها
وليش الجمر جواها
هاي امي حيدر ... هاي امي حيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي امن ايتامك احنه صرنه من هذا الوكت
امسح بجفك علينه بعد جف امنه اختفت
دار وحشه امصلى خالي للدمع دارك صفت
كمت اتخيل يحيدر تصيحني وليها التفت
جني استمعها ونت ... جني انظرلها حنت
امي وحاشه انساها
هاي امي حيدر ... هاي امي حيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي ابكل ليله ادعي ابحلم بلكي امي تمر
ومن تجيني اصرخ ييمه واذكر امي بالكبر
هاي خمس سنين عمري وماشفت فرحة عمر
راحت امي راحت امي اتيتمت من الزغر
ودي بحضنها اغفه ... والموت عينه صلفه
مني بزغر خذاها
هاي امي حيدر ... هاي امي حيدر
الشاعر؛ عباس محمد الحميداوي
١٤٤٥.٢٠٢٣ شهادة الزهراء عليها السلام
(لسان حال الزهراء قبل وفاتها مع الحوراء زينب ١٤٤٥)
يمي اكعدي ارد اشوفج ... زينب عليه ليش خوفج
تروحين غاد والي تردين
مااخفي عنج حالي موزين
يازينب ... يازينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
قلقانه ماعندج آمل من علتي اكومن وابره
تنرسم بعيونج صور امن اديرن ليه النظره
زينب تره ذني اليجن اخر ايام الزهره
خوفي على ذخرج علي موتتي زياده لكسره
زينب المده مو طويله ... افراك النبي عذّب دليله
شيسمّيه عام الماخذ اثنين ؟
مااخفي عنج حالي موزين
يازينب ... يازينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب يباب لجم آلم زينب لفظ بيه غصه
من كسرة ضلوعي تره منانه تبدي القصه
زينب بعد طاري الفرح مااله بعمرج فرصه
زينب بعد عندج عمر بضيم ياهو يخلصه
زينب الموت اعليه عينه ... لو كلت زينه شلون زينه؟
كافي يزينب لا تنوحين
مااخفي عنج حالي موزين
يازينب ... يازينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تدرين بيه كل نفس يلجم كسر ضلعيني
وتدرين يبنيتي انه بالكوه افكن عيني
اثمنطعش عمري وذوبلن شبساع كل اسنيني
وماجني ياذيني ضلع لمن علي يحاجيني
مثل الخيال الجسم ناحل ... مابيه شي كدامه اماثل
خايفه يناظر سطرة العين
مااخفي عنج حالي موزين
يازينب ... يازينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يمدللت منزل علي زينب يبسمة داري
من يامصيبه ابدي الج يم عون يله اختاري
اعلى الهامه لو من الجبد لو من ذبيح وعاري
كلنه نعوفج بالهضم ودمعج بخدج جاري
ام الرازيا رايح يسمونج ... اتموت الاحبه اكبال شوف اعيونج
من المحسن واخرها الحسين
مااخفي عنج حالي موزين
يازينب ... يازينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مشتاكه اشبكج للصدر مشتاكه اشم انفاسج
تدرين ياذيني الكسر ريت الكسر لاجاسج
ادني يبنيتي الي جن بده الشيب براسج
جا شيصير زينب لو وكع احسينج وعباسج
يمه العمر كدامج ولخوانج هموم ... واحد يشيلونه برمح والثاني مسموم
بين الزلم رايح تركضين
مااخفي عنج حالي موزين
يازينب ... يازينب
الشاعر؛ عباس محمد الحميداوي
١٤٤٥.٢٠٢٣ شهادة الزهراء عليها السلام
( عن لسان صاحب الزمان وكأنه التقى بفاطمه الزهراء)
ياجرح ماخذ راحتج . . . وانطاج السهر
ياباب هذا الهاضمج . . . وكاسرلج ظهر
احجيلي انه ابنج المغيب ... من عملة البسمار راسي شيب
انه المهدي ... انه المهدي
____
يمه طمنيني اعلى ضلعج وحالتج والبيها
واغص بجلمه الوسفه وماكدرت احجيها
جاوبيني شلونج ... فدوه انه لعيونج
السوط اذى متونج
ادري يايمه
عينج الساطرها ذاكه وبسطرته عاميها
بلجن السطره تطيب وعينج تفتحيها
عينج تخاوي الدمع ... شلونج شلون الضلع
ويلي خدج منصفع
ادري يايمه
ياريت بحالي الي حصل ... ولانتي مصيوبه
ياريت طك عيني النذل ... وروحي المعتوبه
من طحتي ولهسه اني انحب .. من عملة البسمار راسي شيب
انه المهدي ... انه المهدي
___
عيونج جن سمه ماصفنت وضلت ماطره
والفرح عفتيه جنج وللدموع امسافره
لديرة الهم رايحه ... وبعينج الدمعه لايحه
كالولي فاطم طايحه
من عمت عيني
من وجع صدرج ييمه اضن انتي ساهره
ننطر يتشافى ضلعج وانتي موتج ناطره
فرحة اولادج ذابله ... والباب شنهو العامله
البسمار كلبج واصله
من عمت عيني
الهوه ودكات الكلب ... جنهن يئلمنج
ظهرج تعديلنه صعب ... ومنضرب متنج
ونار البكلبج بكلبي هم تشب ..من عملة البسمار راسي شيب
انه المهدي ... انه المهدي
__
ليش تدعين اعلى روحج عليج موتج يقترب
ادري من يوم الفجيعه ولهسه دمعاتج تصب
كلبج يريد الممات ... بعد ميريدالحيات
الوجع بصدرج يبات
وراح حيلج
ادري حتى وضوئج للصلاه صاير صعب
بيا ذنب تخمد شمعتج وانكسر ضلعج بيا ذنب
صعب حتى وضوئج ... انه ادري بمضوعج
كله من ضلوعج
وراح حيلج
غيابج اغياب اكهوه ... بنص المضايف
عازتج عازه هوه ... وقدسيتج مصاحف
وبكلبي نار الثار يمه تلهب ... من عملة البسمار راسي شيب
انه المهدي ... انه المهدي
_____
ياحنينه المايعوضها بشر ويم الحنان
انتي بسمة لليتامه وبسمة انتي بكل مكان
ورده ميته من الجذر .. هذا حالج ياطهر
مغيرج هذا الكسر
واخذ سنينج
ذايبه الوجنات يمه والحزن كاتب بيان
كاتب الزهره الزجيه الدهر منطاها امان
العذبنها بهل الحيات ... وكربنها من الممات
وبلباب جانت ذكريات
وأخذ اسنينج
اهات روحج طالعه ... ومسموعه عندي
عيوني لمقامج دامعه ... ومحفور خدي
جبتي العمر من الصعب للصعب..من عملة البسمار راسي شيب
انه المهدي ... انه المهدي
__
ياعمود بنص مضيف وشيخه حماي الحمه
علي بس يغيب شخصج يغيب فاطم مبسمه
علي بروحج يهم ... وعده من روحه أهم
خلي بيته ابلا يتم
وانتي يمهم
علي مايهوى يسمع عظم الله اجرك بفاطمه
انتي شمسه وبغيابج داره تصبح مضلمه
اعيونج لو غمضن ... يمكن يموت الحسن
احسين يحسج وطن
وانتي يمهم
وهم يمكن اتموت حتى زينب ...من عملة البسمار راسي شيب
انه المهدي ... انه المهدي
الخادم : عباس محمد الحميداوي
محرم الزهراء
(ثكيل ... عن لسان امير المؤمنين علي بعد دفن الزهراء)
المشكله مايفض حزني وهمي .. فاطمه جانت بمثابه امي
جني فاكد امي ومضيعها ... دافنها ولهسه الضلع يوجعها
فاطمه جانت بمثابه امي
_
أم ابيها فاطمه وأم كل شخص يهواها
ونور على نور انخلق فاطمه محتواها
سيدة نسوان البشر الباري قد حباها
الام برجليها الجنان وفاطم شنو الجواها
وينج يافاطم صار كل ترديدي .. ماجني دافنها بكبرها بيدي
ومن الضلع أهاتها اسمعها ... دافنها ولهسه الضلع يوجعها
فاطمه جانت بمثابة أمي
_
فركتها جانت واضحه بهاي الملامح بانت
موتتها من حانت تره موتتي وياها حانت
من الكسر ماتشتكي عانت ياما عانت
اتلين المصايب بلزمن ومصيبتها لامالانت
اطواد صبري اتهدمن بعدها .. يتمني فركاها ويتم ولدها
اهات صدري بلنفس ادفعها .. دافنها ولهسه الضلع يوجعها
فاطمه جانت بمثابه امي
__
شمعة الدار وانطفت اوجت بروحي الحركه
قاهر صناديد العرب وقهرتني حيل الفركه
غصن الورد ذابل صبح وركه اذبلت وي وركه
شمة الهوه اخلاف ام حسن بريه صاير خنكه
شنهو الينسيني وأأمل انسه .. وغايبه من الدار حيدر شمسه
وترن ابذاني طكت الصفعها ... دافنها ولهسه الضلع يوجعها
فاطمة جانت بمثابة أمي
_
مامرني طعم الفرح ابد مامرني طعم الراحه
من يوم شالت فاطمه كلبي انفتك بجراحه
بدمع اليتامى فاطمه حيدر صبح مصباحه
شنهو اليضل حي بلكلب وكلبي انكطع سباحه
في دار حيدر وقعت واقعه ... فاطمه رحلت للرحمه الواسعه
الحنت وآنت وطلعت اذرعها .. دافنها ولهسه الضلع يوجعها
فاطمه جانت بمثابة أمي
___
جان الفرح ينمو ولجن هسه الحزن هل نامي
ابحيث ذبلت قدرتي وكوات اشيل اجدامي
عايش ومو عايش انه متماشي وي احلامي
مثل النفس جانت الي وبلا نفس ايامي
ذيج الوديعه اتوادعت وياها ... فاطمه راحت واختفى ضواها
لو موّدع ايامي ولا امودعها ... دافنها ولهسه الضلع يوجعها
فاطمه جانت بمثابة امي
"""""""""
الخادم : عباس محمد الحميداوي
شهادة الزهراء عليها السلام
(نزله ... على لحن قصيده كل عشيره وعدها بيرغ مالها )
هايه ليالي الزهراء ياشيعه خل نحييها
___
الثقل الاكبر لا بل كل الثقل
يوكع اعلى اجتافكم يهلل الفضل
وكلتو نحيها ونعم كول وفعل
ارواحكم للزهره شمعه وتنشعل
ونيران باب الزهراء بدموعكم نطفيها
____
بدون ماتحكمه روح العاطفه
خلي الشيعي يوضح موقفه
خل دمعته للكسر تصبح شفه
وكون كل دمعه ب آه ملفله
لجروح فاطم ياريت اعمارنه نفديها
____
ننتظر ايامها ابشوك وفخر
و بل العزاء انعزي ابنها المنتظر
هاي امه وامنه مكسورة ظهر
صلى الله عليها ولعن الله عمر
اكثر من الانفاس اهاتها ندريها
____
ريتنه نواسيها فاطم ريتها
المنسطره خدها يويلي ابيتها
ابدمعتك اتواسيها لو هليتها
فاطمه تستاهل اشما انطيتها
من النار للجنه اهناك ايديك تاخذ بيها
____
هيه محنيه وضلوع الها انطون
وكّور اهمومه عليها هل الزمن
انفاسها مشكاة نور أم الحسن
الماجرن لحزانها ريت انعمن
الماصبت اعلى ام حسين بلطم كون اعميها
''''''''''''''''''''''''
الخادم ؛ عباس محمد الحميداوي
محرم الزهراء ولياليها .
'''''''''''''''''''''''
بعون الله سيتم نشر قصائد ليالي فاطمه الزهراء عليها السلام على مدار ثلاث روايات اراشيف الأعوام السابقه مع قصائد هذا السنه
Читать полностью…
(قصيده للشهاده الامام الحسن العسكري عن لسان حال فاطمه الزهراء عليها السلام ١٤٤٥)
من الحسن الى الحسن ... هم قتلته أمة فتن
اليوم يازهراء
مصابُ سامراءِ
هم قتلته أمة فتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يافاطمه عندج حسن مسموم بس من جعده
واليوم ابو المهدي الحسن نيران تسري بجبده
ويكولون فرحه لفاطمه وكلش قريبه المده
وانه اكلهم يافرح ايمر بلي فاكد ولده
للعسكري عدج جرح ... حاشا يمر بيج الفرح
مشغولةٍ بعزاءِ
مصابُ سامراءِ
هم قتلته أمة فتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جثمان امامي العكسري محتاج واحد ينعاه
ويصيّح انه الوالده ويلاه يبني ويلاه
عاش بغرب مات ابغرب من اهله محد وياه
بس ابنه ابو صالح بعد غاب ولهسه نتناه
ادري اي واصلته ... ملايه ابفاتحته
ابياتكِ في الرثاءِ
مصابُ سامراءِ
هم قتلته أمة فتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ثامن ربيع الفاجعه مولاتي حيل اذانه
ومشايه هم سوينه اله وموكبنه فك بيبانه
اويانه يابت النبي ندريج اي ويانه
وننطيج من عدنه عهد نحيي جرح مولانه
وماتنترك يزيارته ... كل سنه احنه بخدمته
بالحزنِ والبكاءِ
مصابُ سامراءِ
هم قتلته أمة فتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يافاطمه عندج علم جثمانه من اتشيّع
وشفتي يزهره شيعته ابابه غدت تتجمع
كلبج اسمعنه يون وآخ من الحسين اسمع
تمنيتي هم نعشه طلع مو كلبه ردتي يطلع
كلهم يهون البيهم ... حسين الذي امبجيهم
آهً لكربلاءِ
مصابُ سامراءِ
هم قتلته أمة فتن
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مولاتي كل يوم الدهر اوليد ماخذ منج
من المحسن لحد الحسن مولاتي انتي بحزنج
عندج ولد غايب بعد دمعه دمه المهدي ابنج
كل يوم ابو صالح يون لو سمع فاطم ونج
نوحي على اولادج يأام ... يحجيها وشابع هظم
للثائرِ صارَ فدائي
مصابُ سامراءِ
هم قتلته أمة فتن
الشاعر ؛ عباس محمد الحميداوي
١٤٤٥.٢٠٢٣ ربيع الأول
( قصيده ملمع لشهادة الامام الحسن العسكري )
لاسمعنه ياريت بفاجعة هل الخبر
امودع الدنيه راح والد المنتظر
واماماه ... واماماه
__
والله هذا الخبر حيل أذى المشاعر
خبر موت العكسري ادمى المحاجر
على الكون الحزن صار شلون داير
جنه يوم الذاع بشر أخبار عاشر
وحيل أبكى العيون ثامن هل الشهر
امودع الدنيه راح والد المنتظر
واماماه ... واماماه
__
عاش بينَ ضلمِ قومٌ ورزايه
جدهُ طه نعم هم عن درايه
لقبَ بالعكسري حسبَ الروايه
لان حولَ الدارِ عسكر لا حمايه
ذابَ قلبي لهُ غابَ نور النظر
امودع الدنيه راح والد المنتظر
واماماه ... واماماه
____
فرضو أعلى العكسري هاي العصابه
يبقى بسر من رائ تحت الرقابه
لحين دسو اله سم ذبّل شبابه
عيّشوه الألم حد لحظة غيابه
عذّبو مهجته بسم دليله انفطر
امودع الدنيه راح والد المنتظر
واماماه ... واماماه
___
أخبرت نرجسُ ان الموتَ قادم
وعلى رأس الامام اجتمع هاشم
لحضات واذا قد جاء خادم
قال ان المولى يطلب القائم
اقبلو نحوهُ بينَ جمعِ البشر
امودع الدنيه راح والد المنتظر
واماماه ... واماماه
__
كعد عنده المهدي يستمع لكلامه
والعسكري كله انتَ خاتم للأمامه
وطيحت العكسري ماعدت سلامه
مات ولبست حزن طيبه وتهامه
ولادمع لالطم ايّرجع امر القدر
امودع الدنيه راح والد المنتظر
واماماه ... واماماه
__
حملَ الجسمُ الكريمُ وسط نعشاً
وجرى الدفنُ بغيرِ عجباً ودهشاً
ليس كلمذبوحُ مات ويلي عطشاً
والخيول فرشت الجسمُ فرشاً
وبعد ذبحِ الغريب زينبٌ تنئسر
امودع الدنيه راح والد المنتظر
واماماه ... واماماه
الخادم : عباس محمد الحميداوي
ربيع الأول
(قصيدة ثكيل لشهادة الرسول الاعظم )
معالم موت مرسومه بجبينك
انه الزهراء شويه افتحلي عينك
اشوفن حالتك حاله ... والموت استعجل اشماله
انه الزهراء شويه افتحلي عينك
___
اريدن تفتح عيونك وأريد اشكي بقايه الهم
اخافن لو رحت بويه ابابي جم رجس يلتم
اخافن لاضلع باجر ولامحسن اضن يسلم
الغدر يلبس ملبس الدين وبلخيوريه يتكلم
يصيح فلان وأن الزهره موجوده
نوايه الكوم باجر تتضح سوده
وتضل عيوني هماله ...والموت استعجل اشماله
انه الزهراء شويه افتحلي عينك
__
على هونك ياطه اوين تريد الهجره هلمره
ويبويه الموت حاجاني يكلي رايح للكبره
اذا غمض جفن عينك غمضت بسمة الزهره
اذا غابت شمس ضيك ابابي تحصل العصره
وهذني ضلوع فدوه من يروحن
وأبيت احزان اضل اعليك انوحن
يصبح جسمي كخياله ... والموت استعجل اشماله
انه الزهراء شويه افتحلي عينك
____
ليغادر نفس روحك الكون وتصبح الخنكه
الحسن وحسين يردونك بيك البسمه متعلكه
يكوكب رحمه من الله يعوف الدنيه من حكه
ويل تستأذن ابابي باجر بابي محتركه
باجر النوح يزعج هل الصحابه
الهضم والاآه منهم اي ييابه
وجنيني الثاني جتاله ... والموت استعجل اشماله
انه الزهراء شويه افتحلي عينك
__
يبويه لو طلع نعشك الاول اتبين افعاله
يدورن ابعلي اموصى والثاني يطكني اكباله
الرسول أودع الدنيه الأمور ابكيفه تصفاله
يمهم ينسلب حقنه ومنهم تنظلم آله
رسول الله نسو جنهم حديثه
زمّر تكذيب نوايهم خبيثه
ابقصد تتناسى اقواله ... والموت استعجل اشماله
انه الزهراء شويه افتحلي عينك
__
كتلي اول واحد انتي يلتحق بيه وسريع
راح يامبعوث رحمه يضيع كبري بل البقيع
اشكي همي وثكل حزني لباب جبارً سميع
اخذو حقي فلاناً وفلاناً وجرى بيَ الفضيع
اليصير وياي كله يمّهد لباجر
وهل البسمار سيف يصير بلعاشر
والدهر هل حانت اجاله... والموت استعجل اشماله
انه الزهراء شويه افتحلي عينك
الخادم: عباس محمد الحميداوي
صفر الخير
(نزله لمصاب النبي الاكرم ص)
الفاتحه مسويها حيدر ... والحسن بكهوته يخدر
وفاطمة تون وي زينب ... و المعزب ابو الاكبر
لفكد النبي ... لفكد النبي
_____
اليوم محزونه الاراضي وتنعى ويه سكانها
راحل المختار منها والحزن بس عنوانها
اليفجع ذكر محمد ويبجي حتى اذانها
اشهد مات محمد والنبوه انهدم من اركانها
ويلي وايلاه الاصوات ... حيف طه كظى ومات
افضل الاحياء اهو جان ... وهسه افضل كل الاموات
لفكد النبي ... لفكد النبي
___
صعبه فكد النبي لحيدر والله صعبه ومعضله
ابن عمه ومثل ابوه ومن راح كلي منهو اله
خبر موتك يكول حيدر بالارض حل زلزله
جعفر مشتاق لمجئيك والحمزه نادى ياهله
علي من دونك بوحده ... بروحتك طايح بشده
عينه ماسكتت لحظات ... كوم كف دمع البخده
لفكد النبي ... لفكد النبي
_____
ويلي كوم وشوف شبلك ونته تفطر الصخر
عمره اقل من عشره لاجن بروحتك هو كبر
يفور ويه فورت ادلاله وروحه دلاات وجمر
اوهنه كل قوى فقدك مصيبتك تحني الظهر
الحسن يبجي بحنينه ... يكول جاميته تجينه
هو نار اشتعل كلبه ... وعلي ون وياه لونينه
لفكد النبي ... لفكد النبي
_____
فاطمه تنادي يبويه بدونك عشت بغرب
جنت تترس وجهي بسمه لداراي حين التطب
هسه من اذكر ايامك ابلا أذن عيني تصب
المحرم انسه حزنك وابجي لك صارت يجب
انه يتيمه والد وأم ... الحزن يظهر شما ضم
يكضي بلحسرات وكتي .. والدمع مو ماي بل دم
لفكد النبي ... لفكد النبي
_____
زينب تنعى اعلى جدها والنعي فن الها
خلها تتعلم نواعي حتى تنعى لكل اهلها
باجر تفكد ابوها وكل اخو وحتى الكفلها
الدنيه شلها اعلى فاطم كلي يابويه شلها
ثار تطلب كلي منين ... محاربتني صاير اسنين
بحلم شفت اولادي بسم ... ماتو ومذبوح الحسين
لفكد النبي ... لفكد النبي
__
ويلي الحسين بعبرته يختنك ويرجع يكول
شفت ابوي انكسر ظهره من غاب الرسول
شحال زينب وعلي شحاله وشحال البتول
شال ابو ابراهيم منه والحيل صابه النحول
خاتم كل الرسل ... لرحمه الله انتقل
فرحت اولاد السقيفه ... وعلي كل حيله نحل
لفكد النبي ... لفكد النبي
الخادم : عباس محمد الحميداوي
.صفر الخير
القصيده مهديه الى روح خادم الحسين سيد جاسم الطوريجاوي رحمة على روحه الطاهره
(رباطات عزاء ودخوليات مواكب )
اشجابها أعلى الديوان عباس زينب
جا بالخرابه تصير نومتها ام عون
طابين اشجم سوك بضعون زينب
كالو عليه هايه اخت العباس
تدري الشماته امتانيتني امتانات
شو أهل بيتك ضالين ابلا بيت
امن الشمس بادن عبي كل النسوان
باع التراجي الظالم بأول سوك
حطنه ابخرابه حسين تدري الذباح
ياخارجيه اعليه كام يصيحون
تعبانه زينب وينها اوين الشام
معقوله كالو هاي زينب عالنوك
تهطرني طكته السوط وتميل ام عون
جابانه ركضه الحادي اتعبّجن كال
جا كون كلبي موش راسك برماح
مالوح راسك جان فييت اعليه
يندار راسك وين مدور النوك
جا هينه عدهم هلي زينب بشام
جم يوم واوصل كمت اشم عطر حسين
يالحادي زينب رادت تزور حسين
رديت للطف جايبه الروس وياي
تضيعون بيه العرف متغيره اهواي
اعلى الماي طايح من خفه طاري الماي
رديت يهلي ابضعن متروس ايتام
ام عباس يمه راحو اخواني ابيوم
عباس محمد الحميداوي ١٤٤٥.٢٠٢٣
(قصيده اهوازيه لرجوع الضعن )
(ثكيل ... حوايه بين العقيله واخوانها عندما رجعت الى الطف )
زينب ردت من الشام ... لاجن شنهي جيتها
رجعت زايره للطف ... وراحت شافت اخوتها
__
تكلهم والدمع يسبك الجلمه وتغص بلعبره
يخوتي من عكب فيكم عدواني الي تبره
زرك امتوني من السوط وبالخدين منسطره
هم سامع كبل يحسين علويه النه متيسره
وبعد هم راح اسولفلك ... يمن جيت اعلى خوتكم
الناكه الكادها العباس ... اجفوف اعداي كادتها
_____
ادري بغيرتك يحسين ماتقبل على الذله
وماترضه الخدر ينشاف ولاترضه اركب الهزله
ولاترضاش ذباحك حبل ولسان ينمدله
ادري أم الصبر انه لجن هاي ابد مو سهله
مو سهله اطب ديوان ... وراسك بلطشت غافي
وبعصاته طك سنك ... وتكسر السن بضربتها
_____
ادري ينعصر كلبك ابكل احجايه تسمعها
تعت ببتوت كلبك هاي جن سيف ويكطعها
وهاي مصيبه ياخويه الدمعه بعيني تزرعها
مصيبة بنتك ارقيه الوحيده المكدر اجرعها
تون طول الوكت جانت ... وتريدك جانت ابكل حين
ولمن راسك لفه خطار ... اعلى راسك اخمدت ونتها
_____
ومن رخصتك خويه حسين راح اتعنه للخوه
للذب جفه يم الماي والماردلي كل نخوه
شم ريحتي من طبيت الطف وبكى يتلوه
راح امشي واعتبنه والعتب للكلف اي يسوه
عتب مشتاكه عتبي وياه ... مو زعلانه من اعتب
اعلى كلبي غالي العباس ... ومايزعل ابعتبتها
____
ها عباس شهر وفوك صار ومامجابلتك
وبعد ماتنفع شلونج الخدر وانباك من اختك
انه ابكل سوط ياعباس الحكلي تره صحتك
اول مره ياعباس تبطي لمن حشمتك
و ادري تسمع لشكواي ... لجن عطلك جفينك
نفس اجفوفك الطاحن ...امس واليوم بحاجتها
__
تذكر من تواعدنه يرد جفي ابنص جفك
واعرفك نبع وتوافي لجن تتركني ماعرفك
حبل خوتنه مامكطوع ولا يبن امي ينفك
ياخويه بداعت الخويه ترد وياي احلفك
شحالي ابلايه خواني ... ضعني راد لوطاني
ياهيبة ضعني ياخوتي ... الخوه اليوم عازتها
___
الخادم : عباس محمد الحميداوي
صفر الخير
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
(لسان حال أمير المؤمنين وهو يدفن الزهراء عليها السلام )
تنشدني روحي بالخبر وجبت الدرب احجيلها
الشايله همومك علي أعلى امتونك انت تشيلها
مذهوله روحي وتسئل ... ... معقوله فاطم ترحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بين اصدك خبر موتج بين اصدك حيل عندي
حاير ابوحشتي دونج وابفرحتي الدنيه تبدي
هسه لو افترض عفتج ابهذا كبرج وارد وحدي
شرد اجاوب عين زينب شرد اجاوب عين ولدي
يافاطمه اليمج علي فتحي اعيونج لجله
الموت أسهل عد علي ومصيبتج مو سهله
تفتحيلي عين اتأمل ... معقوله فاطم ترحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاهيه ويعني انسه الهلا لداري من اردن
يل اخذتي حيلي اسمعي يم وجه وارسوم ذبلن
كلت عينوني اعلى نعشج امتوني يافاطمه هدلن
اتخيلي شكد صعب موتج علي عيونه اعليج هلن
صعبه الرجل يافاطمه تفضح أحزانه الدمعه
من حكي انوحج فاطمه يلجنه شمعه وشمعه
والشمع ابدمعه يذبل ... معقوله فاطم ترحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياضوه ومشكاة نورج ابدونها اتعثر مشيتي
الاسود ايلوك أعلى روحي الابيض يلوك لحيتي
دار حزنج يبت طه من ادفنج ايصير بيتي
الدمعه والا آه وحسرتي يزيدن لو مااجيتي
جا حيدر اشيحمل كلب وكلكم امودعينه
أعلى افراك طه وبضعته حيدر الله يعينه
ياعمر بس لا تطول ... معقوله فاطم ترحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رايحه ياعطر شيلة امج وانفاس عودج
والله ودي كلبي يوكف واترك الدنيه اعلمودج
الفرحه والراحه يفاطم غايبات ابلا وجودج
اجفوف انجاس الخليقه وسفه اطشر ورودج
صبت على حيدر محن يافاطمه عظيمه
عايش ابو كلمة وأن وتموتين شكد هضيمه
الموت اضن مايندل ... معقوله فاطم ترحل
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياكعبة حزن روحي الجنت اكعد اشكي يمها
من بعد أنفاس ريتج الروح مصيوبه بسهمها
محد بكثرج يزهره فهم روحي شنهو همها
همي جان أدوم فرحة روحج وتنسه آلمها
يافاطمه وشاء القدر ادفن فرحتي ابيدي
رجعيلي رجعيلي بعد هذا صبح ترديدي
ويانعمه ماتتحصل ... معقوله فاطم ترحل
الخادم: عباس محمد الحميداوي
شهادة الزهراء عليها السلام
للطلب لحن اي قصيده تنشر في قناتي مراسلة الحساب @Mert3338
Читать полностью…
( ثكيل ... كتبت القصيده على لحن القصيده التراثيه .. رحنه بضعينه )
ضايع كبرها ... ... تدري بخبرها
جم نفس شح بريتك ... ... وتبني كبرها امنيتك
يامنتظرها ... ... تدري بخبرها
____
تشيد هل الكبر اعلى جيتك مرهون
من تثئر لفاطم يسرها المكنون
ويلمهدي كون الكلب يحجيلك كون
امك وره الباب العده الكل يدرون
الظالم دفعها ... ... وهشّم ضلعها
بعيونها الدمعه تروج ... ... بين الالم لاجت لوج
وجف من سطرها ... ... تدري بخبرها
__
اجتمعو عليها اجموعهم وتتألف
من الكسرها والذي طك بجف
وجه الورد بسياطهم ضل ينزف
وكل هذا ويردون ونتها تخف
عاشت ضليمه ... ... هايه اليتيمه
حتى لدمعها مخلين ... ... تبجي بوكت مو وكتين
ويالم كسرها ... ... تدري بخبرها
__
شضام الدهر لامك ياغايبها شضام
وين الصحابه اليدعون الاسلام
كوم الخلافه اطلعو اول ضلام
مرتاحت الزهره بفعلهم ومتنام
مهضومه راحت ... ... ولا مستراحت
ومن الكسر نسمع صوت ... ... ام الحسن ليش تموت
بزهرة عمرها ... ... تدري بخبرها
___
البضعه النقيه ل طه عاشت بضعه
من الايام واذبلت جن شمعه
وهو شيعيش الكسروله ضلعه
وصت بعلها الكبر كون تضيعه
فعل السقيفه ... ... وشور الخليفه
وشوط البجي والحسره ... ... كصّر عمرها الزهره
ابذمة العصرها ... ... تدري خبرها
___
ضلت بحسرتها الصعب تشكيها
وي روحها هل المحنه ماتحجيها
ضمت دمعها عن نظر حاميها
وآه الضلع جانت تردد بيها
ابرمشة جفنها ... ... دم نزف منها
وسطرة الخد تخفيها ... ... خافن علي يصد ليها
باقي اثرها ... ... تدري بخبرها
•°°°°•
الخادم - عباس محمد الحميداوي
شهادة الزهراء عليها السلام
( امنيات خادم )
متى نرى القبة والمناره .. .. متى تحين لفاطم الزياره
يمتى ونطوفك يشباج الزجيه .. ونقره هاي العتبه الفاطميه
ونقره هاي العتبه الفاطميه
_
نندل البقعه الشريفه ونفزع نشيد الكبر
متى يابنت الهادي متى يابنت الطهر
وحتى ترتاح الزجيه ومانذكرها الكسر
اتفاق الشيعه كان بخصوص هل الامر
باب مانخلي لمقامج حتى مايدفع غدر
نحن نخشى غدر قوم يجعلو الدمع يدر
نحن نخشى ان تشبَ البابِ .. نحن نخشى غدر الاصحابِ
نريد ماتنعاد يلزهره القضيه .. ونقره هاي العتبه الفاطميه
ونقره هاي العتبه الفاطميه
_
تنبني ذيج الحضره ويرتفع بيها الاذان
اشهدُ أن السقيفه كلهم بفاطم مدان
والذي حارب الزهره مايشم ريح الجنان
اشهدُ أن علياً كان شاهداً عيان
اكباله سبها وذاك بسوطه طكها الجبان
ومتى ينادي المؤذن قتل فاطم فلان
متى تسبيح فاطم يصبح اللعنِ .. على من قتلها وقتل الابنِ
ونهدم اكبور الظلموها سويه .. ونقره هاي العتبه الفاطميه
ونقره هاي العتبه الفاطميه
___
بحضرتج يمتى يازهره ونشاهد زائرين
ونرى حجاجَ بيت الحزن نحوكِ وافدين
نقره يازوار فاطم ادخلوها بسلام امنين
منا هنا ويشير سهما الى قبر أمِ الحسين
ياوكت ويصير هذا ومو حلم تنظر العين
على الاقدام سيرا ً لكِ فاطم قاصدين
وتأتي الألوفُ متحدين الزمان .. قاصدين لفاطم من كل مكان
والمواكب تنصب يمج عزيه .. ونقره هاي العتبه الفاطميه
ونقره هاي العتبه الفاطميه
____
وكل روايه نعتني وشعار عدنه ينعلن
دعوة من قلبِ فاطم للذي بقلبه شجن
وكلمن عنده حراره بكلبه ولفاطم حزن
سوف يأتي لها زحفاً قاصداً أم الحسن
ونطلع كلنه مواكب وصوت الاحزان اليرن
وكل خطوات الغيارى معَ المهدي معن
سوف ندخل موكباً موحدا ... ونسير خلف القائم المويدا
اسم موكبنا عشق الجعفريه .. ونقره هاي العتبه الفاطميه
ونقره هاي العتبه الفاطميه
_
غايب عن نظر هاي الشيعه ذاكه المقام
وكذا غائب ضل عندنا المهدي الهمام
لو حاضر جان هو المشرف والأامر العام
سيكونُ الامينُ الاكبر ُ ذاك َ الامام
ويبني شباج الحضره رايح من السهام
انه المهدي الثائر من عداهُ ذي انتقام
فوق قبة فاطمه الرايه نصب .. اخذ ثارك المهدي قد كتب
بدولة العدل الدوله المهدويه .. ونقره هاي العتبه الفاطميه
ونقره هاي العتبه الفاطميه
الخادم : عباس محمد الحميداوي
.محرم الزهراء
ثكيل ... لسان حال ابناء الزهراء بعد رجوعهم من دفن امهم الزهراء )
تونه رجعنه من الدفن ... ومانرجع اتمنينه
يايمه غطاج الترب ... واحنه الدمع غاطينه
____
دفناج واجينه وثكلت الخطوه
وصلنه البيت شفنه البيت مايسوه
وابونه ذاك ابو الحيل اليهد اجبال
ييمه من الدفن جبناه مشي كوه
يعثر ونكومه ... ونعثر ويكومنه ... الميته امه ... ماجنها الميته امنه
ولمن رجعنه يم حسن ... ويامن اتلاكينه
لاكتنه زينب نايحه ... واحنه الدمع غاطينه
____
اليدفنله عزيز يموت يهوى وياه
وينصاب بجرح صعبه يلكه ادواه
للذالك كلنه يمه تمنينه الموت
نصبح يمه بيمن بلحزن بل آه
نشتم هدومج ... ونغفه بشمة عطرج ... من دون الموته ... ضايع ومخفي كبرج
محسبين كلشي يم حسن ... وموتج فلا محسبينه
حجم الحزن ماله وصف ... واحنه الدمع غاطينه
_
وحشه البيت واحنه نصلي الوحشه
والينظر وضعنه ينكطع هرشه
ييمه بليله وحده شاب شعر الشاب
علي مشيب الراس وحاجبه ورمشه
نسئل ونجاوب ... ونتسأل هم مره ... معقوله الزهره .. تعوف اولاد الزهره
بجفوفنه هلنه الترب ... ومحد مصدك عينه
يل غاليه افراكج صعب .. واحنه الدمع غاطينه
_
حسينه بطعم الماعنده أم تحوطه
تضل فرحة حياته بيها مربوطه
المخليته جانت وسط شوف العين
ابنص ذيج الترايب وسف محطوطه
مانلكه ابمثلج ... ولارايح نلكه ... صعبه اعلى ايتامج .. يايمه هل الفركه
عدنه وي بابج جم عتب ... وهل الخشب شيحاجينه
التمينه امس بنص حجرتج ... واحنه الدمع غاطينه
_
كلفه يعيش وحده الروحه متعلمه
لو طر الصبح يتصابح ويه امه
ابونه حيله سبحه وطشت بهلكاع
واحنه ماي طاح وشنهو اليلمه
يانسمة ريه ... مخنوكه ومتعذبه ... العايش من دونج ... حكه ويوكف كلبه
ويامن انلاكي الحزن ... يل رحتي من ايدينه
ودعنه طولج وانتهت ... واحنه الدمع غاطينه
٠٠٠٠٠٠٠٠٠
الخادم ؛ عباس محمد الحميداوي
شهادة الزهراء عليها السلام
(تجليبه للشهادة الصديقه الكبرى فاطمه عليها السلام1443 )
فاطمه ايتيمه العدو يدرونها
وهل اليتيمه تعمدو ياذونها
___
ابياشريعه ويازعامه وياحكم
وياخلافه الصدرت هذا الجرم
ينكسر ضلع اليتيمه وتلطم
فوك كسر الضلع سطر عيونها
___
الجرم اصبح لهل الخلافه اتباع
زمره قادت مجتمع نحو الضياع
النبي بنعشه وهمه عدهم اجتماع
ولحد هسه ناسنه يمجدونها
__
اصبحو من بعد طه اهل القرار
وحتى دمع العين خلوله مسار
لو تون بليل لو بس النهار
شوف حتى ادموعها يمنعونها
__
بالمايعقله حدث العاقل فأن
عقلَ لا عقل يملك لاذهن
اليود طه ينطق بكلمة و أن
اذن بس بغضائم يخفونها
___
بجفها اثر للنار ولسوط العده
وعلى فراش الموت ويلي مدده
ومن تكوم اعلى الجدار مسنده
وكالخيال انحلت وانحل لونها
_
تشهك ابكل نفس ياعظم الامر
وجان حتى الحجي يلجم بلكسر
شافت انواع الالم بهذا العمر
جا لون كبرت شنو يشوفونها
____
تنظر لحيدر وتعاين دمعته
مجتف بأمر النبي وبوصيته
لون صد لها بجه ولو شافته
هم تصب دموع حسره شلونها
____
وهاي دولة جرم المنشئ مو بعيد
ومهّدت بفعالها لدولة يزيد
حتى زينب من تطب سوك العبيد
مو جريمه بشامهم يحدونها
""""""""""
الخادم ؛ عباس محمد الحميداوي
شهادة الزهراء عليها السلام
'''''''''''''''''''''''''''
(قصيده لشهادة التابعي الجليل سعيد ابن جبير ...اراشيف ١٤٤٣)
جان القرأن عايش بحساسك .. وقد شاء الله هم يقطع راسك
رتل نحرك ايات المجيد ... شابهت حسين بموتك ياسعيد
ياسعيد ... ياسعيد
_________
جانت حجتك رزنه للذالك كطعو الاوداج
جلمتك جن سفينة حق طرت باطل الامواج
واضح انت ياعنوان وكل ترويج مايحتاج
وين انت عله صرحك وين امكابر الحجاج
ياصاحب دعوه يشهدولك مجابه .. قبرك روضه وخصمك خرابه
بهجه وجهك قد قالت شهيد ... شابهت حسين بموتك ياسعيد
ياسعيد ... ياسعيد
_________
بوصف موتك ويه حسين تتشابهه بجم موقف
وحيد من انذبحت انته بس الفرق مو بلطف
مو عطشان اضن ذبحوك ولاعندك جرح ينزف
ابابك صطف اليشيع والحوافر بجثته تصطف
واهات جروح متعاني جنت ... وبحرمة جسمك وبأهلك انصنت
وخصمك حجاج وخصمه يزيد ... شابهت حسين بموتك ياسعيد
ياسعيد ... ياسعيد
__________
التابع اعليك يكولون وخل نفهم شنو التابع
يعني لحب آل البيت تابع وجفك يبايع
يعني بكلبك الاول علي وبتاريخهم رابع
روحك ماتعز عل الدين ودمك ينفدي قانع
حار الحجاج والعالم يحير ... بشخصك مولاي ياأبن جبير
عد ربك ترزق ياقطيع الوريد ... شابهت حسين بموتك ياسعيد
ياسعيد ... ياسعيد
__________
ابسلام ادخلها يازاير ابأمان انكتبت ابابك
وجن مثل اربعين حسين هم متعنيه احبابك
تستاهل بعد واكثر الااف التحيي امصابك
بابك يشفي المعلول وتقضي الحاجه اعتابك
الابيض كلبه والصادق نيته ... المثلك حك تجي الناس لحضرته
الزاير يمك يطلب شما يريد ... شابهت حسين بموتك ياسعيد
ياسعيد ... ياسعيد
_________
خالد يبقى بتاريخ اسمك وبل الكلب خالد
ثورتك من نبع مظلوم نفس المنبع الواحد
شاب اعلى الظلم صوتك صدح ياأيها العابد
هنيأ سيدي للروحك هنيأ للكلبك الصامد
ماتمحيك اقلام المغرض ابد ... يافارس مهرة الرفعه لكد
للظالم رافض تصبح من العبيد .. شابهت حسين بموتك ياسعيد
ياسعيد ... ياسعيد
••••••••
الخادم : عباس محمد الحميداوي
1443.2021 يوم 24 ربيع الاول
شهادة التابعي الجليل سعيد ابن جبير رضوان الله عليه
(نزله لشهادة الامام الحسن العسكري )
ياجراحُ القلبِ هيجيِ واُسجري ... في مثل هذا اليومُ مات العسكري
واماماه ... ... واماماه
__
نجل الهادي وابو المهدي رحيله يصادف
ابمثل هذا اليوم ودع بزمان السالف
ومن هذاك اليوم لهسه اعلى حزني واكف
بذني يتردد رحيله بكلبي يهتف هاتف
حاشا ان يبقى حزني مضمري ... في مثل هذا اليومُ مات العسكري
واماماه ... ... واماماه
__
عسكرت بيه البواجي عسكر بكلبي الحزن
للذي بسر من رأى كضى وبلغربه اندفن
غصن من شجرة محمد اليوم ذابل هلغصن
عظّم الله لنا الاجر بفقدك يل الحسن
ومع عيني يادموعي ساهري ... في مثل هذا اليومُ مات العسكري
واماماه ... ... واماماه
____
ضجت الدنيه بأسرها والدمع بلمحجر يموج
وعلى مصابه لوجت المجروح الشيعه تلوج
اليوم روح العسكري قد حان الها العروج
وجنازته اتشعيت فوك الروس فوج بأثر فوج
مابقى تحت السنابك معتري ... في مثل هذا اليومُ مات العسكري
واماماه ... ... واماماه
___
طلعت اتشيع وليها من منازلها الجموع
وصلو اعلى جنازته ابذاكه التدين والخشوع
ابليلة الوحشه الشيعه شعلو لروحه الشموع
ونصبو اعليه المأتم واذرفو اقدس دموع
ضل جسمهُ محتشم وموقري ... في مثل هذا اليومُ مات العسكري
واماماه ... ... واماماه
__
الجره وياك يبن الهادي كله اعلى السنن
من مراسيم الجنازه لحد مراسيم الدفن
لجن جدك البقى عاري نال جم سيف وطعن
خذو اعياله سبايه وجسمه ضل المرتهن
انت ماقطعو منك الخنصري ... في مثل هذا اليومُ مات العسكري
واماماه ... ... واماماه
الخادم : عباس محمد الحميداوي
ربيع الاول
شهادة الامام الحسن العسكري عليه السلام
( ثكيل لشهاده الامام الحسن العكسري ع)
غربتك غربه ... ... وفركتك صعبه
الحسن مسموم مثل ذاكه الحسن
المهدي من شاف الابو عيونه جرن
غربتك غربه ... ... غربتك غربه
____
ابو المهدي يلوج ويلي من اثر ذاكه الحقد
السم مرد دلاله ابن الهادي ياناسه مرد
يابو صالح ايتيم تصبح ولليتم يله استعد
العسكري كرب رحيله وهاي ساعات الشدد
تعيش من دونه ... ... وماتشوفنه
الموت اجاه وذيج ايامه كظن
المهدي من شاف الابو عيونه جرن
غربتك غربه ... ... غربتك غربه
__
من يروح الوالد من البيت وتطفى شمعته
والله فيه اله تبين شلون جانت فيته
ابو المهدي والد النه شحاله اهله وشيعته
لو رحل ابن الاطايب وتفرح الي عادته
تفرح النواصب ... ... الحسن نوره غايب
شلون لو عيون ابو المهدي غمضن
المهدي من شاف الابو عيونه جرن
غربتك غربه ... ... غربتك غربه
____
وغمضت عيناه وسامره بلحزن امتلت
ويلي اعلى العكسري الاصوات اعتلت
انوار ابو المهدي ياويلي على الشيعه طفت
خمد نور العسكري ويتيم يامهدي صرت
الدمع وياك ... ... وعشره ماينساك
الدمع راح يذّبل اطراف الجفن
المهدي من شاف الابو عيونه جرن
غربتك غربه ... ... غربتك غربه
____
المهدي صلى اعلى الجنازه وشالها بمتونه
والشيعه بمصاب الي بيه كامو يعزونه
حكه ابو صالح على العسكري تمعه عيونه
وبجنب هادي العتره راحو يدفنونه
المهدي يحفر لحده ... ... وبترب وسد خده
شحاله كلب المهدي ابحين الدفن
المهدي من شاف الابو عيونه جرن
غربتك غربه ... ... غربتك غربه
_____
من كظى العكسري ماعطشان ونحز نحره
ولا جروحه الف واكثر ولا سيوف توذره
بس الحسين بمماته خيل تسحك صدره
الله يعينج يازينب وحيدر علي والزهره
والعده هجمت ... ... والخيم شبت
وكل خواته ويه الغرب تدري مشن
المهدي من شاف الابو عيونه جرن
غربتك غربه ... ... غربتك غربه
الخادم : عباس محمد الحميداوي
(ثكيل لشهادة النبي الاعظم )
ياملك الموت المّوكل لقبضتي ... شّدد عليه وخفف عن امتي
الخاتم ردد بثغره ... عينك لشيعة الزهره
ياملك الموت ... ياملك الموت
____
اصعب موقف وساعه من للموت تتقدم
لمَن كوه تجر انفاس لمّن كوه تتكلم
ومن موقف رسول الله شنهو راح نستلهم
باخر شهكه من ريته باخر جرح يتالم
نستلهم حجم رحمة كيانه ... يهم بشيعته باخر اوانه
بلرحمه انتخم عمره ... عينك لشيعة الزهره
ياملك الموت ... ياملك الموت
___
محمد يوصي عزارئيل رفقاً كاله وغمض
وخيّم حزنه فوك الكون ولاياشيعته ينفض
مات وصوت علجّناز هّون بلمشي وريض
اثاري الزهره هاي تكول ابوي بيش يتعوض
وجن من تابوته وسمعت رده ... راح التلحكيني وبعمر الورده
باجر للضلع كسره ... عينك لشيعة الزهره
ياملك الموت ... ياملك الموت
__
وكبل مايوصي ملك الموت كال اتمسكو بثنين
كتاب الله وعترتي انجان تريدون النجاه والدين
وماكو كل ضلال ونار مادام انتو متمسكين
وماينطق عن الهوى طه الوحي يتنزل بكل حين
حجه بالغه جانت جميع اقواله ... صلى الله عليه وعلى آله
رسول العبِره والعبرهَ ... عينك لشيعة الزهره
ياملك الموت ... ياملك الموت
__
ونحس بصدورنه خنكه وعبرهَ لفكده تتوضح
و سواد الدنيه ابكليبي اليوم وروحي تتوشح
مجلس فاتحه بروحي الحزن للبسمه مايسمح
مثل نبع ونضخ بلماي فص عيني دمع ينضح
المثل طه صعب يتفرهد بغفله ... حبيب الدنيا والكون وحبيب الله
الكلب بيمن نصبره ... عينك لشيعة الزهره
ياملك الموت ... ياملك الموت
____
لحزن طه الامم فرعت لاجن قارن بحفيده
اعلى سبطه افزعت جم كوم دمه يسفح تريده
جتلو صحبته واهله واغدرو علمشرعه اعضيده
وذبحوه وانسلب وانداس وباكو محبسه البيده
مصيبه مااعظمها واعظم رزايها ... زينب بضعن تمشي ومحد وياها
عدوها للضعن يبره ... عينك لشيعة الزهره
ياملك الموت ... ياملك الموت
الخادم : عباس محمد الحميداوي
صفر الخير
( ثكيل لمصاب النبي الاكرم ص)
أفأن مات اوقتل ... انه سيد الرسل
اله كل هاي الملائك نايحه .. وفاطمه اعليه بدت تقره الفاتحه
انه سيد الرسل
____
بحجر الوصي ويعالج بحسرات موت محتم
ومن هل المرض يافاطمه ماجنه منه يسلم
بس هاي الليله يشع دارج وباجر يضلم
ماضن بعد يمرج فرح ولايرى لثغرج مبسم
دق باب فاطمه القابض ... وازداد ضرب ذالك النابض
ويه ابوها الروح تمنت رايحه .. وفاطمه اعليه بدت تقره الفاتحه
انه سيد الرسل
__
فاطمه من ثغر ابوها سمعت اصعب تمتمه
كلها افتحي الباب ملك الموت اجاني فاطمه
هاي فكت الباب باجر ضلع منج تهشمه
ومو بس الضلع يكسر المحسن يغركه الدمه
هاجت الاحزان لما يأتيها ... حست الضلع بدا يؤذيها
ونزل بركان الدموع السايحه .. وفاطمه اعليه بدت تقره الفاتحه
انه سيد الرسل
__
بدت تنشغ شلون نشغه تكطع انياط الكلب
اموادع بت وابوها موقف اصعب من الصعب
ويه كل دمعه الزجيه بروحها كامت تصب
هو سلوتها ونظرها وبيت احزانها انصب
ناحت اليوم سكان السمه ... عظم الله لك الاجر فاطمه
صعبه يافاطم وعظيمه الفادحه ... وفاطمه اعليه بدت تقره الفاتحه
انه سيد الرسل
_____
ذابت امال الي جانت تحسب الها الطهر
وشبت بنار المفارك والنفس يهيج الجمر
هو بس غمض عيونه حست بذاكه الكسر
كسرت الفاكد ابيه بطاري الابو حين اليمر
فاطمه ذاقت طعم اليتم ... الاب غاب قبله ألام
جلمه ايتميه اعليها جارحه ... وفاطمه اعليه بدت تقره الفاتحه
انه سيد الرسل
____
هو المفارك يفرغ حسرته بصبت دمع
من البجي منعوها عمدا ورجعو وكسرو ضلع
بيت بيه نعش الرساله بابه شب وناره تشع
هاي من غاب الهادي الحطب يم فاطم جمع
حين وراى حيدراً الخاتم ... بعض اصحاب الخديعه هاجم
دار حيدر وفاطمه بدم سابحه ... وفاطمه اعليه بدت تقره الفاتحه
انه سيد الرسل
الخادم : عباس محمد الحميداوي
تم بحمد الله ودعواتكم وتوفيق الله ونظرات صاحب الزمان ومولاي قمر بني هاشم إكمال برنامج قصائد هذا العام المبارك لشهري محرم وصفر بكافة مناسبته شكرا لكل من لم ينسني بدعاءً شكرا لكل الرواديد الذين احيّو مصيبة اباعبد الله الحسين .
اخوكم وخادمكم الشاعر والرادود : عباس محمد الحميداوي ١٤٤٥.٢٠٢٣
(قصيده رجوع السبايا )
من رحلة سبي جينه ... يخويه واشرح البينه
اجتيك ياابو اسكينه ... واسولفلك عذابي
____
شسولفلك بعد يحسين وشنهو الي اشرحنه
سمعت الشمر صاح بصوت رايح ليه اذبحنه
بعد شيفيد حجيي وياك وصوتك انكطع ونه
اجيلك لو اطفي النار ... الم نسوان لولا ازغار
مثل حيرتي منهو احتار ... ومن جيتك خابت الضنه
_
لون انويت اجيلك غاد تراني متيهه ادروبي
اذا جيت انه لصوبك النار الساعه اجت صوبي
يمن مسلوب ثوبك عود اخبرك احترك من ثوبي
من اطفي الخيم تسلعني ... من اصيح الكوم تسمعني
اجيت وخدري رجعني ... ويجرحك ادري معتوبي
___
بعد راح الصبر يحسين والخيم ياخويه هم راحت
والنسوان ابين انذال وسفه اعثرت وهل طاحت
لمن رحتو انته والعباس علينه اصواتهم صاحت
ابحبل السبي شدوهن ... وبسوك الكوفه وكفوهن
تره يحسين اذوهن ... وحرمكم ونت وناحت
__
ابهل الشكوه يبعد اهلي مو قصدي ازيّد اجروح
ولاقصدي اكلك ليش نسوانك تون وتنوح
يخويه ذني الصعبات وهذني التالفات الروح
يخويه نطب مجالس وين ... وعلينه الكوم مجتمعين
وراسك بلطشت يحسين ... وانه الهم مني يفوح
__
البكلبي حجيته وياك دتحجي الضامه ابكلبك
ولو لاتحجي لايحسين السهم بلبت تره امصوبك
خويه اتوقعت كلشي بس تموت منهو المحسبك
وكل ضني ترد وياي ... ويضل شامخ ضعن ولياي
وسف يحرم عليك الماي ... وسف حافر فرس امكلبك
°•••••••°
الخادم : عباس محمد الحميداوي
محرم الحرام