قصص صنعاني

07 April 2025 22:24

🌸 رواياتنا التي قد تم عرضها كاملة....

1- حب❤️ تحت القصف🔫💣🚀

/channel/qesasanani/2


2- عودة الماضي👇🏻👨‍👩‍👧‍👧

/channel/qesasanani/253


3- ضحايا القدر😢

/channel/qesasanani/424


4- بيت جدي🏘🧓🏻

/channel/qesasanani/690


5. وجع السنين💔

/channel/qesasanani/1240


6. سأكتفي بك حلماً ❤️‍🩹

/channel/qesasanani/3374


7. وشاءت الأقدار ❤️

/channel/qesasanani/4825



🌸.......

8.السر المدفون

/channel/qesasanani/6275

قصص صنعاني

24 March 2025 17:20

البـارت 58 •°

السـر المـدفون ❤️

نشروان حس انهم متضايقين من وجود روزيل 😔 زعل عليها وقف وبصوت عالي: ياقوومي أنا داري إنكم مستغربين وجودها ومتضايقيين بس هذه الإنسيه زوجتي وام بناتي وهي اللي أنقذتني وخاطرت بنفسها ودخلت عالم الجن 👹 ترجعني للقلعة وإنقذتني مرة ثانية وكان ضرغام عيقتلني في الجبل ولولا مساعدتها إن ضرغام قتلني وعيحكم مملكة عالم البحار 🌊 هذه أميرتكم روزيل..

بدأت الوشوشه بين الشعب والكلام بصوت واطي بيتناقشوا في كلامه ورجع الكل سكت ورجع هدوء مريب كأن المكان فاضي..

الجنى عجوز 👹: كان المستشار زمان للملك ديمان بيتحرك بصعوبه بدأ يمشي لعند المنصه يله قدر يوصل بصعوبه بدأ يتفرج روزيل..

روزيل نزلت عيونها بسرعة 👁 خايفة تسحره..

الجني العجوز 👹 لفت لعند الملك ديمان ورجع يبسر نشروان: أنت داري إن أبوك كان رافض زواجك من هذه الإنسيه وقرر إنه ينفيك ويخرجك من المملكة رغم إنك اقوى من يحكم..

نشروان زعل من كلامه ع روزيل 😔 يشتي يدافع عنها: هو اصلا مايعرفهاش..

الجني العجوز 👹 قاطعه: رغم إنك اقوى من يحكم بس انت ارتكبت ذنب كبير بزواجك منها ولولا هجوم ضرغام واسره للملك ديمان ماكنا عنحتاجك..

ملهم قفز للمنصة بسرعة وقف قدام الجني العجوز 👹: بس لو ماسرتش لعنده وبلغته باللي حصل كانت مملكتنا عتنهي وتتدمر المفروض محد يحاسبه ع شي ولايحاسبه ع قرار زواجه هذه حياته..

الملك ديمان بيتفرجهم ساكت 😐..

الجني العجوز 👹: بس وجودها بيننا مش مناسب..

روزيل مسكت يد نشروان بقوة 🤝 وبصوت واطي: هيا نشل بناتنا ونروح بيتنا تعبت..

الملك ديمان وقف وقرب لعند نشروان مسكه من كتفه وإبتسم 😊: أنا فعلا ماكنت راضي ع زواجك وانت خالفت تقاليدنا وقوانين المملكة ونفيتك من بلادنا بس الأحداث اللي حصلت أثبتت إنك فعلا الوحيد اللي قادر ع حكم المملكة من بعدي وانت اللي لازم تدير شؤون المملكة لأن انا كبرت ومعك هذه الإنسية اللي كلنا مدينين لها بالشكر لأنها ساعدتك وانقذتوا مملكتنا..

نشروان إبتسم لأبوه 😊 ومسك يده وباسها: بس في شخص ثالث لولاه ماقدرنا الاثنين ننقذ المملكة

مسك يد ملهم هذا البطل اللي غامر بنفسه وجاء لأرض الإنس يقلي اللي حصل وهو اللي ساعدني في كل خطوة وضحى بنفسه في البركان 🌋 وكان الاخ والظهر والسند الصاحب اللي ماقدرش يفلت صاحبه في كل خطوة ويحمي زوجتي هذا اللي المفروض يدير شؤون البلاد أنا إخترت طريقي من زمان طويل وروزيل هي حياتي الجايه هي وبناتي ومااقدرش أعيشهن في هذا الوضع..

بدأت الأصوات تعلى أنت قائدنا انت اميرنا كيف عتفلتنا..

روزيل بتتفرج اللي بيحصل ومتوترة😰 مش هي داريه أيش اللي ممكن يحصل ونشروان عيوافق او ماشي..

نشروان بيفهمها من نظرتها 👁 وحس بخوفها قرب لعندها حط يده ع كتفها وضغط بقوة وهمس في إذنها: معقوله عندش شك إن انا ممكن أقبل أتخلى عنش علشان احكمهم محد يتخلى عن روحه والهواء اللي بيتنفسه 😍 ولا حتى شأخليش تعيشي في هذا المكان أنا في نفسي قد بين افتجع منهم قد نسيت أشكالهم كيف ما انتي..

روزيل إبتسمت وفرحت 🥰: احبك..

نشروان قرب لعند ابوه يستأذنه إنه يشل روزيل ويسير يدي بناته من قصر الجنيات السبع..

طار نشروان وروزيل معه ونارين لما وصل قصر الجنيات السبع كان القصر 🏰 محاط بالازهار والأشجار 🪴🌲 وفيه بحيرة كبيرة محاطة بفراشات وورود ياسمين 🌸..

روزيل اول ما إبسرت المكان: نشروان قد ابسرت هذا المكان بس كيفه وانا ولا قد جيته ولا مرة..

نشروان: كنتي تبسريه في الحلم لأن الجنيات هن حلم أمهن والبنات كانين يظهرين لش يطمننش انهن هانا..

نارين فرحت بالمكان وبدأت تلقط ورد الياسمين 🌸..

روزيل بتتلفت يمين وشمال 👀: بس أينهن البنات..

نشروان جلس في الأرض: قد دخلوا يدوهن شويه وعيجين إجلسي..

روزيل جلست وسندت ظهرها لصدر نشروان وسارحة في البحيرة كأنها بتفكر في شي 🤔.. سمعت اصوات من وراها ماما.. ماما ..

حست برجفة في قلبها ❤️ كأنه عيطير من مكانه لفتت وبناتها بيطيرين لعندها حضنتهن بقووة وبتبكي😭..

نارين بتتفرجهن من بعيد ساكته بتتذكر امها 😔..

روزيل دعتها: نارين حبيبتي جي هذولاء خواتش يولاند وهيلانه..

هيلانه بتتفرج نارين: الله مااحلى شعرش 😍 طوويل وحالي..

نارين: لأن ماما كانت دايما تزينه لي بورد الياسمين 🌸 هيا جين نلعب ونجمع ورد..

🌹meme_abdalgaleel

قصص صنعاني

24 March 2025 17:19

البـارت 56 •°

السـر المـدفون ❤️

في شدة المعركة والقتال وصلت العنكبوت 🕷 وروزيل لفوق القلعة 🏰..

العنكبوت🕷: وصلنا لقضاش خلاص يا إنسيه موتش قررب..

روزيل بدأت تحرك جسمها بتحاول تفك الرباط بس ماقدرتش بعد عدة محاولات اقدرت تخرج يدها 🖐 وبدات تحرك اصابيعها تنكع الخاتم من يدها 💍 لأنها متأكدة ان نشروان اكيد قد وصل للقلعة واول مايبسره عيجي ينقذها..

نشروان كان موطي رآسه مستسلم 😔 بعد ما طعنه ضرغام والسيوف ⚔️ في كتفه بدات قوته تضعف وفجأة حس بضيق في قلبه ❤️ وبيدق بسرعة حس إن روزيل بعدت الخاتم 💍 رفع رآسه للسماء إبسر فص احمر بيلمع في السماء كانه نجم بيلمع ركز نظره بقوة 👀 ع الخاتم 💍 وبدأ يتحرك لعنده بسرعة لما نكع تحت رجل ضرغام وإنفجر بقوة..

ضرغام طار بقوة لبعيد من قوة الإنفجار..

نشروان حس بالأمل ومد رجله بسرعة يسحب سيفه🗡..

ضرغام قام بسرعة ورفع رآسه للسماء إبسر العنكبوت 🕷 وحجمها الكبير مسك رمح الظلام 🏹 ورجمه لعندها بقوة كان بيتهيأ له إنها بتساعد نشروان..

العنكبوت🕷 ماسكه روزيل بقوة ويدها موجهة لعيون 👁 روزيل تفقعهن..

روزيل مغضمه عيونها ومستسلمه للي عيحصل لها..

وصل رمح الظلام 🏹 وإنغرس في صدر العنكبوت 🕷 طيرها بعيد..

روزيل نكعت وبدأت تطير بتنزل ومش هي دارية مابيحصل نازل بين نشروان وضرغام..

ضرغام مسك مطرقة 🔨 وبدأ يخطى لعند نشروان وإبسر حاجة بتنكع من السماء ركز وبيبسر صيح بغضب 😡: هذه الإنسيه من جديد كان المفروض أفكر إنها ممكن ترجع من جديد ، رفع يده ✋️ للسماء ووقفها..

روزيل بدأت تتحرك بسرعة لعنده غصب عنها ووقفت تعلقت في الهواء بتبسر لعنده مستغربه 😳 مش قادرة تتحرك إبسرت نشروان صاحت ببكاء 😭: حبيبي مالك مافيك..

نشروان: مش وقتي أنا ليش جيتي لاهانا..

روزيل بتصيح: فلتني ياشرير وبتحاول تتحرك 😔..

ضرغام بإستهزاء وضحك: هذه المرة عتموتي أنتي وحبيبش ياغبيه 🤣..

نشروان رفع صوته 😠: معركتك هي معي ياحقير فلتها في حالها اصلا ماعتستفيد شي من موتها..

روزيل فكرت في سحر عيونها 👁: باقي معاها هذا السلاح بدأت تتفرج لضرغام وتركز في عيونه بقوة..

نشروان: روزيل حبيبي لاتتعبيش نفسش هذا إنسان خبيث ساحر مش جني 👹 عيونش ما عتأثر فيه..

روزيل إتفاجأت وإنصدمت بقوة 😱: مااااااهو ضرغام إنساان كيف إنسان..

ضرغام بدأ يضحك 🤣 بصوت عالي ومد يده ✋️ يسحب روزيل لعنده بسرعة..

روزيل بتنسحب بسرعة لعنده وبدأ شعرها يتطاير من قوة السحب وخيوط العنكبوت 🕸 تتفكفك من جسمها وطارت بقايا من زهرة الياسمين 🌸 اللي كانت في شعرها..

ضرغام دخلت الياسمين 🌸 انفه وحس برعشة قوويه وأنتفض وتسمر مكانه كأنه متشنج او حصل له شلل اعصابه مشدوده ماقدرش يحركهن..

روزيل نكعت للأرض ومستغربة من اللي بيحصل: ماله ضرغام..

ضرغام بصوت متقطع حزين بيحاول يكتمه: ااااا...اااام...أااامي..

روزيل بتتفرجه 😳 مستغربة..

ضرغام: أااامي أنا بنتش..

روزيل: 😱 معقولة هذا هو نفسه الساحر اللي كان عيقتل لوآح زوجة الأجهش وتلبسته بنت الأجهش ومارضيت تخرج منه خايفة لو يقتل أمها وذلحين هي بتحسب إن انا أمها بس ياربي أيش كان أسمها 🤔 أيش أيييش ، أيوووه نارين فكرت في خطة بسرعه وردت عليها
نارين بنتي أنا امك..

ضرغام: مش هي امش ياغبيه يله إرجعي لسباتش..

روزيل: نارين بنتي ساعديني ساعدي أمشش لوآح لاتخليه يتحرك يشتي يقتلني ساعديني..

ضرغام بيصيح: لا لاااااا فلتيني لاتصدقيش بدأ يتشنج ويتجمد كأنه شجرة يابسة بيحرك عيونه بس لعند روزيل وفمه مفتوح ويرتعش..

روزيل مسكت المطرقة 🔨 حق يارخ وحاولت ترفعها ثقيلة قووي تلفتت يمين شمال حملت لعند نشروان تشل سيف عين الذئب 🐺 بس كان ثقيل والكل ع جسمها..

نشروان: حاولي ياحبيبي حاووولي..

روزيل حاولت ترفع السيف 🗡 مابش فايدة مدت يدها تسحب السيوف ⚔️ المطعونه في كتف نشروان..

نشروان صيح: مااااشي لاااااا..

روزيل كانت قد مسكت السيوف ⚔️ صعقت يدها اليمين وانتشر اللهب 🔥 في يدها الشمال وطارت بسرعة لاوراء..

نشروان بعد ماروزيل مسكت السيوف ⚔️ تحركت من مكانها وقدر نشروان يبعدهن من كتفه حمل بسرعة يشتي يمسك روزيل بس إنتبه إن نارين قد خرجت من جسم ضرغام وبتتحرك لعند روزيل دري إن ضرغام تخلص منها مسك سيف عين الذئب 🗡🐺 وطار بسرعة يطعن ضرغام في بطنه..

ضرغام صيح: مستحيل دخلت الطعنه من بطنه وخرجت من ظهره حاول يمسك نشروان بيده..

نشروان ركله برجله بقوة وارتجم للأرض وبدأ الدم يتطاير🩸من جسمه ومش قادر يتحرك..

بدأت حاجة كبيرة تنكع من السماء..

روزيل رفعت رآسها للسماء وصاحت: العنكبوت🕷 وحملت تحضن نشروان حبيبي حبيبي إحميني تشتي تقلع عيوني 👁..

نشروان حضنها وخباها ورآه: لاتفتجعيش يا أميرتي انا فقعت عيونها زمان لأنها حاولت تمنعني أبسرش واليوم شازيد أفقع لها الثنتين اللي خليتهن لها لأنها فكرت تأذيش مسك سيفه 🗡ومراعي لها توصل..

🌹meme_abdalgaleel

قصص صنعاني

24 March 2025 17:18

البـارت 54 •°

السـر المـدفون ❤️

ملهم قفز بسرعة وفك السلاسل المربط بها الملك ديمان وهو زاعل عليه 😔: سامحني يامولاي ماقدرتش اساعدك كل اللي قدرت افعله أبلغ نشروان باللي حصل ينقذنا..

الملك ديمان حط يده ع كتفه🤚: انت فعلت الصح لانه محد عيقدر ينقذنا غيره..

نشروان إبسر الملك ضرغام بتحدي وغضب 😡: إنتهت الحرب ياضرغام اليوم نهايتك وشعوبنا عاشت في حروب بسببك ولازم تنتهي قتلك سهل عليا بس انا شحترم قوانين عالم الجن 👹 وكالمعتاد اي ملك يتوج جديد يتحدى أي خصم يكون ند له وانا اليوم خصمك وند لك والفائز عيتوج ملك للمملكتين..

ضرغام كان خايف😰 بس حاول يظهر أنه قووي: عليك اللعنة وصلت بك الجراءة تتحداني انت وسيفك هذا 🗡 انت جني غير مؤهل للحكم اول شي تزوجت إنسيه وخالفت قوانين عالمنا وبعدها سرقت قطعة من حجر المغناطيس 🧲 وعرضت الجميع للخطر من انفجار البركان وهجوم الذئاب ودخلت عين الذئب🐺 عالمنا انت جني متعجرف صبياني ماتنفعش للحكم..

نشروان: فعلت هذا كله علشان اتخلص من حاكم ظالم مثلك صح يمكن تصرفاتي غلط بس انا حاكم عادل ماقتلتش شعوب ودخلت شعبي في حرب سنين لأسباب خاصة بي كل جرايمك وحروبك لأن انا رفضت الزواج من بنتك صوهيماء..

الملك ضرغام: خلاص يله بنا نسير للجبل 🗻 حسب العادات واللي ينزل منه منتصر هو اللي عيحكم..

كان به جبل 🗻 طويل في وسط القلعة..

طاروا الاثنين لقمة الجبل 🗻 محد يبسرهم واللي عينتصر وينزل منه هو اللي عيحكم..

......... ........ ........

نشروان مسك سيفه 🗡 وبيتفرج ضرغام بغموض يعلم الله اي حين آخر مره بارز فيها ضرغام أحد أعتقد قبل ما أولد فرصة أستغل هذه النقطة بس لازم ما اتساهلش لأنه معه ٣ أسلحة من أقوى الأسلحة رمح الظلام وسيف اللهب وسيف الصاعقة🗡..

ضرغام طقطق أصابيعه ✊️ وخرج منهن ٣ ضرغام يعني قدهم ٤ واحد ماسك سيف اللهب وواحد رمح الظلام وواحد سيف الصاعقة وواحد مطرقة يارخ 🪒..

نشروان تفاجأ 😳 ماهو هذا ٤ عيقم هذا سحر بس من فيهم الحقيقي لفت له وصآح: هذه مطرقة يارخ 🪒 ياحقير..

ضرغام: ههههه ضحكوا الأربعة قتلت هذك الخاين وشليت كل أسلحته السخيفة للأبد..

نشروان: أنت مجرم سفاح دمرت وقتلت كل شي في ارض الجن حتى يارخ المسكين قتلته لازم اتخلص منك ومن شرك..

ضرغام حاوط الأربعة الضراغم بنشروان عن يمينه وشماله وامامه وخلفه وغرز واحد منهم سيف الصاعقة🗡 في الأرض وخرجت منه موجات رعدية..

نشروان قفز بسرعة علشان لاتصيبه..

ضرغام قفز ضرغام اللي ماسك المطرقه 🪒 وضربه في رآسه..

نشروان ارتجم للأرض..

ضرغام قفز ضرغام اللي ماسك سيف الصاعقة وضرغام اللي ماسك سيف اللهب وكان عيطعنوه..

نشروان رفع سيفه🗡بسرعة وجذب السيفين🗡🗡 لعنده بسرعة والتصقوا بسيفه ورفعه تنافروا وطاروا بعيد..

رجع الأربعة يحاصروا نشروان من جديد..

نشروان بدأ يفكر كيف يتخلص منهم أكيد ان به نقطة ضعف لازم اعرفها هو ضرغام واحد والباقي مزيفيين لازم أركز ع الأسلحة بدأ يركز ع الأسلحة أكتشف ان ضرغام مابيقدرش يهجم بال٤ اسلحة مرة واحدة بيهجم بسلاحين بس ويهجم يعني انه اللي بيتحكم فيهم هو ضرغام الحقيقي بس اين هو منهم جلس يتفرج ويركز ع الضربات بس يدافع عن نفسه مابيهجمش ابدا بعد تركيز حس ان ضرغام اللي ماسك رمح الظلام مابيضربش إلا لو كان بعيد او ممكن اصيبه شكله هو الحقيقي لازم اجازف..

ضرب ضرغام اللي ماسك سيف اللهب وبعده ضربه ضرغام اللي ماسك سيف الصاعقة ومن وراه ضرغام اللي ماسك المطرقة 🪒..

نشروان قفز بسرعة وفك انياب الذئب 🐺 ورجمهن بإتجاه ضرغام اللي ماسك رمح الظلام ولصقه في الرمح وسحبه هو وضرغام لعنده وخفعه بقوة في صدره واختفى ال٣ ضرغام المزيفيين وبقي ضرغام الأصلي مرجوم في الأرض هو وأسلحته..

نشروان: كنت تحسب إنك عتخدعني ياغبي بهذه السخافة..

ضرغام قام وهو ضابح والشر بيتطاير من عيونه 😡 دخل يده في كيس مربوط في خصره وخرج منه خمس كرات ملتهبة 🔥 رجمهن وتحولوا ل٥ جن احمر 👺 ضخمين بسيوف ضخمة🗡..

نشروان إستغرب 😳: هذولا الجن حراس البركان كيف أداهم لاهانا بس أجساد بدون رؤوس رؤوسهم مقطعة..

بدأ الجن الأحمر 👺 يقربوا اكثر من نشروان ويحاوطوا به..

ضرغام ماسك في يده سيف اللهب🗡 بيحركه شكله بيتحكم فيهم..

نشروان قفز بسرعة وطعن واحد من الجن 👺في صدره ونكعه للأرض..

بدأ جني ثاني يهجم 👺 ع نشروان..

نشروان قفز بسرعة سحب السيف 🗡 من صدر الجني الاول يطعن به الثاني لكن الاول قفز بعد ماسحب السيف من صدره 😱..

الجني الثالث وجه ضربه قويه بسيفه 🗡لنشروان..

نشروان بدأ ينزل وينسحب للأرض من ثقل قوة سيف المارد ومسك سيفه هزه بسرعة وبتأثير حجر المغناطيس 🧲 طار سيف المارد من فوقه لما رجع لوراء وطعن جني احمر 👺..

🌹meme_abdalgaleel

قصص صنعاني

23 March 2025 00:01

البـارت 52 •°

السـر المـدفون ❤️

روزيل ماكانتش مهتمة بكل الكلام اللي بيقلوه عليها كل همها إنها توصل بسرعة قبل مايحصل مكروه لزوجها وبناتها فجأة فلتت رجلها ونكعت في السماء..

الناس بدأت تصيح وهم بيبسروها بتنكع بس روزيل إختفت في السماء..

........ ........ .........

في عالم الجن 👹..

قلعة ديمان 🏰..

كان جنود وقبيلة ديمان مقهورين وزاعلين والألم والوجع باين عليهم متجمعين في ساحة القصر وهم بيتفرجوا جنود ضرغام بينهبوا ويسلبوا ممتلكاتهم 😔..

الملك ديمان مربطة ايديه وأرجله بالسلاسل في طرف خنزير 🐗 وفمه مربوط وأثار التعذيب باينه عليه بيتفرج ضرغام والخونة بقهر وحسرة ع اللي حصل له وحصل لابنه ومملكته..

ضرغام واقف فوق المنصة وجنبه رئيس الوزراء وأخزم رئيس وزراء نشروان الخاين ومجموعة من الجن 👹 اللي سلموا بيتفرجوا جنود نشروان المخلصين وهم مكلبين بالسلاسل والقيود ووراء كل واحد منهم مارد 👺 ماسك سيف منتظر الأمر يقطع راسه وبقية الجنود محاوطين بالقلعة تحسب لأي شي يحصل قبل مراسم التتويج..

ضرغام رفع صوته: ياقووم عليكم مبايعتي وتقديم الولاء والطاعة بعد مااسرت ملككم وامرت بقتله وسجنت أميركم واللي يرفض عينظم لجماعة نشروان اللي عيعدموا واللي يفكر انه يتحداني او ينقلب عليا يواجهني مثل ماجرت العادة بين اجدادنا واللي يقدر يقتلني يكون ملككم..

عم السكون ومحد صدي يتحاكى شعب مهزوم مخذول وقائده اسير والثاني محبوس في سلحفاة 🐢...

كان القهر باين عليهم ونفسهم يقتلوه ويقتلوا الخونه اللي واقفين جنبه وهم مربطين بالسلاسل ومحد قادر فيهم يقل كلمة 😭..

عيقم بيتفرجهم بكل احتقار وسخرية بعد مارجع وأمن البركان وحجر المغناطيس 🧲 ابتسم ورفع صوته 😁: يله أقطعوا رؤوس الخونة..

بدأ الجنود يقتلوا أعوان نشروان المخلصين واحد بعد الثاني..

أخزم تقدم في المنصة ورفع صوته: ياقوم احنا تكبدنا خسائر فادحة وعانينا من الحروب سنين طويلة بسبب الملك ديمان والآن واجب ع كل واحد فيكم يبايع الملك ضرغام ونرجع الأمان للمملكة بايعوه تسلموا خلاص ولي عهد الملك ديمان ونشروان اللي خالف العهود وتزوج إنسية وتخلى عن المملكة وعن مسؤوليته واليوم لازم نتخلى عنه عهد ديمان ونشروان خلاص إنتهى للأبد..

تعالت اصوات ابواق 🎺🎷 للتنصيب..

حراس الأسوار بدؤوا يصيحوا بصوت عالي: نشروان نشروان ايوه نشروان

وقفز واحد من الحراس بسرعة لعند عيقم: سيدي نشروان فوق الجسر في طريقه للقلعة 🏰..

بدأت الفرحه والدموع 🥺 في عيون الملك ديمان وجنود نشروان..

ضرغام صاح بقوة 😡: يا أغبياء أنا كنت شاكك إنه هرب..

رئيس الوزراء بيصيح أرموه: بالرماح والأسهم 🏹 ماتسمحوش له يوصل للقلعة..

نشروان بيمشي وكله ثقة فوق السور هو الوحيد اللي يوم بمقدوره قلب كل الموازيين اليوم هو الوحيد اللي قادر يرجع مملكته وعرش ابوه وأجداده مصير المملكة في يده..

ملهم واقف خلفه وسلاحه في يده يحميه..

بسرعه اجتمعت ٣ كتائب من جنود عيقم فوق السور وبدؤوا يرجموا نشروان وملهم بسهام

٦ ألف سهم🏹 بدأت تطير بإتجاههم مرة واحدة كأنها ضربة قاضية..

نشروان رفع عين الذئب 🐺 ووجهها للأسهم 🏹 وتجمعت كلها بسرعة لعنده وعكس السيف وهن بيلفين بعده ووجههن تجاه الجنود وانطلقين بسرعة جبارة وبدأت تطير بشكل سريع تقتل من قتلت وتغرس في صدورهم وفي سور القلعه كانها مطر الموت.. مطر اسود ظلمت السماء بسببه..

بعد هروب الكتائب لوسط ساحة القلعة بدأت الفوضى والصياح بين جنود ضرغام والفرحة في صفوف جيش نشروان انه اميرهم رجع بهذه القوة..

بدأت تتجمع كتيبة جديدة وترمي نشروان بأسهم 🏹 ورماح..

نشروان حط السيف 🗡 وراء ظهره وحجر المغناطيس 🧲 بدأ ينفر الرماح وتنكع في السور والجنود مستغربين من اللي بيحصل..

بدأت كتيبة جديدة تتجمع مكونة من ألف مارد 👺 بسيوفهم ودروعهم وأسلحتهم منهم من يطير ومن يزحف ومن يركض لمحاربة نشروان وقتله..

نشروان مسك سيفه 🗡 وفصل الأنياب وبدأ يلفها في الهواء بسرعة رهيبة ووجهها للجنود وخرج منها زوبعة قوية (زوبعة الأجهش وداخلها أسلحة الكتيبة اللي قتلها الأجهش لما كان يلاحق نشروان)

بدأت اصوات الصياح والخوف والاستغاثة من داخل الزوبعة مع صوت قرع السيوف 🗡 كأنه عذاب جهنم يهز كل من داخلها..

وقفت الزوبعة وتساقطت جثث جنود ضرغام فوق السور ودماءهم 🩸متطايرة في الهواء..

بدأ جنود ضرغام اللي داخل القلعه 🏰 يهربوا..

ضرغام واقف مذهول 😱 مرعوب: ذلحين دريت هذا أكيد سلاح يارخ اللي صنعه ضروري أقتل نشروان واضم هذا السلاح لباقي أسلحتي..

........ ....... .......

في السماء..

روزيل نكعت في السماء بس السماء هذه شكلها مختلف ولونها بنفسجي مصفر كانت تتفرج يمين شمال تأكدت انها خلاص دخلت عالم الجن

🌹meme_abdalgaleel

قصص صنعاني

20 March 2025 20:53

البـارت 50 •°

السـر المـدفون ❤️

ضرغام بصياح: بس كيف قدر ملهم يتغلب ع الجن الأحمر 👺 قلت لك يارخ أكيد له دخل في الموضوع لازم نعرف..

رئيس الوزراء: بس يامولاي الكل مشغول بحفل تتويجك بكرة..

ضرغام: بس لازم نحمي حجر المغناطيس 🧲 لأنه عيختل توازن الأرض لو إسترق بس من عنرسل يحميه مابش أحد أقوى من الجن الأحمر 👺 وانت مااقدرش أستغنى عنك انت يدي اليمين..

رئيس الوزراء: إذاً مابش معانا حل غير إن احنا نرسل القعقاع ومعه كتيبه من الحراس وبعدها عنتوجه ولي للعهد بعد ما نكمل حفل تتويجك..

ضرغام: هذا احسن حل لما نعرف مافعل يارخ..

رئيس الوزراء إستأذن وخرج من عنده ودخل غرفته وخرج من يده كيس ملان دم 🩸 كان الدم اللي فيه دم يارخ وسكبه في حوض 🛁 وضاف له بعض السوائل ودخل تمدد وسط الحوض وبدأ يحرك يده ويطقطق اصابيعه لما تشكل الدم ع هيئة رجال مائع..

سأله رئيس الوزراء ماهو الشي اللي صنعه يارخ؟؟؟
تشكل الرجل المائع ع شكل سيف 🗡.. رجع رئيس الوزراء يسأله طيب هذا السيف قوي..

الرجل المائع هز رآسه أيوه..

رئيس الوزراء: طيب لمن صنعه؟؟

الرجل المائع تشكل ع هيئه ذئب 🐺..

رئيس الوزراء إستغرب ذئب 🤔 جلس يفكر شويه ورجع يسأله: طيب نشروان موجود في ارض الجن..

الرجل المائع هز راسه ماشي..

رئيس الوزراء إرتاح وحط رآسه ع حافة الأرض مادام نشروان مش موجود هذا أهم شي كل شي خططنا له عيمشي ع مانشتي وبعدها ندور من هذا الذئب...

....... ....... .......

الساعه ١٢ بعد نص الليل 🕛..

نشروان اخيرا وصل لبيته في ارض الإنس..

ملهم: أعتقد هذا هو أنسب حل..

نشروان: اصلا مادام ناسيه موضوع الجن👹 كله والأحداث اللي حصلت معانا مابش داعي نذكرها فيه ع الأقل حاليا وهانا امان لها خاصه إنهم يحسبوا إن احنا مسجونيين في السلحفاه 🐢..

ملهم: ايوه محد عيفكر إنها هانا يله حطها في سريرها نرجع بسرعة مابش معانا وقت..

نشروان حطها في سريرها ومسك يدها وباسها 😘 وتأكد إن الخاتم 💍 في يدها وجلس يتأمل وجهها الجميل المنهك من التعب بعد كل اللي حصل معها..

ملهم مسك يده: قلت لك ياصاحبي من البداية هذه الرقه مابش لها مكان في عالم الجن 👹..

نشروان تنهد بزعل 😔: كان خطأ كبير لما تزوجتها وعرضتها للخطر كان المفروض أسمع كلام الملك ديمان وانفذ أمره مسكينه روزيل كما عانت بسببي وتعرضت لهذا كله علشان تساعدني..

ملهم: مسكينه روزيل عتعيش في عذاب الفراق ياصاحبي 😔..

نشروان تنهد بقوة: يارب تجلس فاقدة للذاكرة وماتتذكرش اي شي من الأحداث اللي حصلت معانا نزلت دموعه من عيونه 😭 وقرب باسها في رآسها وهو بيتأملها الوداع يا أحلى شي حصل معي في حياتي الوداع ياحبيبتي وزوجتي وأم بناتي وطار بسرعة..

روزيل كانت راقده 😴 ولاحاسه بشي من كثر التعب والإرهاق..

بدأت تحلم حلم غريب فراشات 🦋 بتطير فوق رآسها وهي بتلاحقها في غابه ملان ياسمين 🌸 وفجاة ظهر وطواط 🦇 يشتي ياكل الفراشه وهربت لمغاره وروزيل دخلت بعدها المغاره وبتحس إنها مألوفة كانها تعرفها بتحاول تتذكر وكل ماتتذكر تنسى..

وصلت الفراشه 🦋 لصندوق زجاجي ملانه ورود 🌹 ودخلت وسطه وتحولت الفراشه لامرأة جميلة قربت منها روزيل تبسرها وهي فتحت عيونها وبتبتسم لها وقالت لها اسمها نارين انتبهي لها جاوبت روزيل بإستغراب من هي 🤔 وسمعت صوت الزجاج بيتكسر وقامت من نومها..

روزيل فتحت عيونها 👁️ كان حلم قامت من النوم بتدور نشروان وبناتها مالقيتهمش: اووه شكله نشروان قام قبلي وشلهن المدرسة قربت للطاقة تفتحها تدخل الشمس للبيت 🌞 إبسرت بنت صغيره قدام البيت بتسحب عربيه صغيره ملانها ورد 🌹 ونكعت عليها في الأرض زجاجه ملان ورد بتلقطهن بحذر طننت شويه 🤔 هذا هو الصوت اللي قيمني من الحلم خرجت بسرعة من الباب والبنت إبسرتها وبتهرب داعتها نارين..

البنت وقفت بتتفرجها 😳: من نارين أنا إسمي زينه..

روزيل إبتسمت 😁: الله اسمش حلو مابتفعلي من الصبح..

زينه: بين اساعد أمي بتشتري امي الورد🌹 من مزرعة ونبيعهن في السوق بسعر أغلى..

روزيل: عمل حالي وسهل 🤩 كم احب الورد..

زينه: بس الناس بطلت تشتري ورد🌹 مادام بتحبيه مارأيش تشتري مني وتزرعي في حديقتش..

روزيل ضحكت: هههه انتي بنت ذكية تشتي تبيعي لي طيب معش ياسمين 🌸...

زينه: إكتسرت مني زجاجة الياسمين 🌸 بس باقي ورد منهن صحتهن جيده أبيعهن لش بسعر رخيص موافقه..

روزيل بدات تركز في الزجاجة وورد الياسمين 🌸 كأنها إبسرتهن وتعرفهن..

فجأة صوت بيصيح 😡 من وراهن: زينه مابتفعلي هانا....

🌹meme_abdalgaleel

قصص صنعاني

19 March 2025 22:23

البـارت 48 •°

السـر المـدفون ❤️

نشروان أستعاد قوته وثقته بنفسه بعد ماحس ان عين الذئب ماعاد بتأثر عليه وتخوفه..

روزيل فرحت 😍 وهي بتتفرجه تشتي تزيد ثقته بنفسه: أحبك يا أميري الشجاع البطل أنا متأكدة إنك عتقتل الأجهش وعنرجع المملكة وتقتل ضرغام يا أشجع زوج في الدنيا..

نشروان إبتسم 😁 وقفز بسرعة غرز السيف في صخرة كبيرة انفك ناب في الصخرة والناب الثاني مع المقبض في يد نشروان وبدأ يتقفز من صخره لصخره لما حاوط ع زوبعتين والمطاط بيتمدد معه يطوق الزوابع..

الأجهش لمحه 👀 وبسرعة رجم السناره 🪡 وصنع زوبعه جديده سحبت نشروان داخلها..

نشروان بيدور داخل الزوبعه 🌪والمطاط بيمتد معه..

ملهم مسك روزيل وطار بها: امسكيني بقووة الزوابع قوية ولاتقلقيش سيف🗡 نشروان الجديد عيقتله..

روزيل بدأت تدور بقوة لما حست بدوار في رآسها 😇..

الأجهش بعد ماتأكد إنه مسك نشروان دفع الزوابع الباقية وانصطدمت ببعضها البعض وكونت زوبعه 🌪 كبيرة ضخمه ابسرها كل من كان في أرض الجن 👹 وحس بها البشر لأنها سببت هزه أرضيه..

الأجهش طار بسرعة لفوهة الزوبعة🌪ودخل منها وسيفه🗡 في يده وصل لنشروان كان عيقسمه نصين..

نشروان رفع عينه 👁 إنتبه له وقفز وبدأ يتقاتل معه..

روزيل ماسكه ملهم وراسها كله بيلف: ملهم مابيحصل..

ملهم: مدري الاثنين وسط الزوبعه بس به أصوات قرع سيوف 🗡 يعني بيتقاتلوا..

نشروان بدأ يحس انه هالك لأنه نكع لقعر الزوبعه سحب المطاط واستحب الطرف الثاني من الناب اللي غرزه في الصخره ومن قوة الزوبعه وبفعل المطاط ارتد السيف 🗡 لقعر الزوبعه مسك بسرعة مقبض السيف ووجه عين الذئب 🐺 للأجهش..

الأجهش ارتعب من عين الذئب 🐺 وتسمر وبفعل المطاط وحجر المغناطيس 🧲 طار الجزء الثاني من السيف وغرز في ظهره..

نشروان مسك الطرف الثاني من السيف🗡 وضرب قعر الزوبعه بقوه تطايره الزوابع واختزنت في سيفه وبدا سيفه يهتز بقوة من تأثير الطاقة الجديدة اللي أختزنها من سلاح الأجهش..

الأجهش سقط ع الأرض يجهش بس هذه المره مش دموع 😭 دماء🩸 لما خرجت روحه وماات..

نشروان حس بفرحة كبيرة 🤩 بعد ما أبسر قوة السلاح وانتصاره ع الأجهش تذكر روزيل وملهم وبيدورهم..

ملهم بيداعيه: إطمن إحنا بخير..

نشروان حضن روزيل وعيونه سعادة 🤩: خلاص ياحبيبتي إطمني قتلت الأجهش مات ماعاد عيحاول يأذيش..

روزيل فتحت عيونها 👁 ومسكت راسها بيلف من كثر الدوار: أجهش أيش وماهو هذا المكان ووينهن بناتي مابتقل..

نشروان بيتفرجها مصدوم مالها 😳 بيتفرج حوله كل شي مدمر ومنتهي مافيش غير يارخ اللي مكانه ومنشغل بصنع سلاحه كانه ماحس بشي..

روزيل بتتلفت بإستغراب 🙄: وين إحنا شكلنا بعيد صح هيا نروح البنات وحدهن وبعدا عترجع تتأخر في النوم وتتأخر ع عملك..

ملهم لفت له 🤔: شكلها فقدت الذاكره ولا عادهي متذكره شي حتى مش ذاكره إنك جني👹..

نشروان: حتى مش هي مركزه عليك مش وقته نهائي معانا معركة 😔 كيف الحل..

ملهم: أنا شختفي وانت حاول تسألها يمكن تصحصح..

نشروان: حبيبي مابتحسي مش متذكره أي جني 👹 والا ماحصل..

روزيل افتجعت 😱 ومسكته: نشروان مالك بطل هذا الكلام ليش بتفجعني وإحنا في هذا المكان البعيد..

نشروان حس بإحباط وزعل 😔: ولاشي ياروحي هيا نروح البيت..

بدأ يسمع صوت حوافر وارجل ضخمه من بعيد..

ملهم اشر له من بعيد يغطي عيونها 👁..

نشروان مسك العصاب وبيغطي عيونها 👁..

روزيل بقلق 😢 وخوف: مالك بتربط عيوني..

نشروان: انتي شكلش نسيتي ماقال الدكتور لما ضربتي راسش قال لازم اغطي عيونش 👁 لان أنتي مريضه علشان ترتاحي..

روزيل: صدق 🤔 مش متذكره بس بين احس وجع رهيب في رآسي ويدور وجسمي كله كأنه مضروب..

نشروان: لاتقلقيش كل شي عيكون بخير..

ملهم بعد ماربط نشروان عيونها قرب لعندها حط يده ع جبهتها وغابت عن الوعي ودخلت في سبات.. لفت لنشروان: هكذا أحسن علشان ماتحس بشي وتخاف بس لازم نركز ع حمايتها قوي..

نشروان: أيوه يله بسرعة نتخبى شكلها كتيبه من جنود ضرغام في الطريق..

طاروا ودخلوا عن يارخ وتخبوا تحت درع حديدي كان بيصنعه..

بعد لحظات امتلى المكان بكتيبة جنود عيقم 👹 وحاوطوا بيارخ ماحصل هانا قبل شويه إبسرنا زوبعة كبيرة 🌪..

يارخ جاوب بدون مايلفت لهم: كنت بين اجرب سلاح..

قائد الكتيبه 😈: ماهو هذا السلاح؟؟

يارخ حط الادوات من يده ولفت له بإستحقار وغضب 😡..

قائد الكتيبه 😈: عفوا يايارخ ع فضولي بس ما ابسرتش كتيبه من الجنود كان المفروض إنهم خطيوا من هانا..

يارخ: ما إبسرت أحد ورجع يكمل عمله بلامبالاه..

قائد الكتيبة حس إنه مابش فائدة من أسئلته ليارخ امر الجنود بالإنسحاب وخرجوا..

نشروان بعد ماخرجوا خرج هو وملهم وروزيل معه في حضنه..

يارخ: ليش بتتخبى وانت معك اقوى سلاح في عالم الجن 👹 المفرض تنسى شي إسمه خوف أنا معتمد عليك..

🌹meme_abdalgaleel

قصص صنعاني

19 March 2025 22:21

البـارت 46 •°

السـر المـدفون ❤️

إنفجرت المغاره بسبب ضغط الماء وخرج الأجهش وكله حقد وغل 👺 بيلحقهم..

نشروان بيحاول يطير بسرعة: ملهم احكي لي أنت بخير أيش حصل..

ملهم: مش وقت الكلام يا صديقي الأجهش ورانا حاول تطير بسرعة تهرب انت وروزيل وأنا شاراعي له وأشاغله..

نشروان صاح 😡: بصفتي أميرك بين أمرك تطير معانا بسرعة الثلاثة..

ملهم: أمرك مولاي وبدأ يطير معاهم بسرعة قبل مايوصلهم الأجهش..

روزيل بتبسر الأرض وملانها كلها جثث 👹 جن مقتولة غمضت عيونها 🙈 ماقدرتش تتحمل: ماهو هذا..

نشروان: هذا اللي كنت بين اسويه وانتي في المغارة كنت بين اتقاتل معاهم..

الأجهش جلس في الأرض يشتي يدور عليهم بدأ يلوح بسيفه 🗡 ويخرج زوبعة 🌪 كبيرة ويحط السيف في الجهة الثانية ويخرج زوبعة ثانية 🌪 وع هذا الحال لما كون ٤ زوبعات 🌪🌪🌪🌪 قوتهن كبيرة وسريعة اجتمعت في مدار واحد وبدأت تقتلع كل شي قدامها من صخور وأشجار لما ترجع كل شي فراغ..

روزيل ماسكه نشروان بقوة لان سرعته قووية: نشروان ليش قتلت لوآح ورجمتها للنهر حرآم الأجهش كان طيب معي..

نشروان: قصدش كان بيخدعش لأن أي قوة جني مستودعه في إنس ماتخرج منه الإ بخروج روحه وهو حبسش في التابوت علشان تحلمي ويسحب روحش..

روزيل بإستغراب 🤔: ليش ماقلت لي من قبل..

نشروان: لأن انا حسبت إن انتي حاذقه وماعتوثقيش في جني👹 ماتعرفيه ويقدر يخدعش من اول ما دخلتي أرض الجن..

روزيل: بس هو طلع كابوس اللي كان بيساعدني يعني أنا مدينه له بحياتي..

ملهم: هو كان بيساعدش بيحاول يلقى الفرصه بس اللي يشل فيها روحش..

روزيل إبتسمت 😊: بس زوجي حبيبي دايما بيكون قريب مني وينقذني..

نشروان ضحك😅: ناهي ياحاذقة امسكيني بقوة لازم نطير بسرعة اقوى نوصل ليارخ قبل مايوصل لعندنا مابش معي قوة ولا سلاح اقدر اواجهه بها..

كان نشروان مسرع بقوة هو وملهم لدرجة إنهم مروا من فوق كتيبة من جن 👹 ضرغام كانت متوجهة لقلعة 🏰 الملك ديمان للتجهيز للحفل بدون مايتخبوا وجن ضرغام ركزوا ان في جن طاير بس مع قوة اهتزاز زوبعه🌪 الأجهش تشتت نظرهم وحاولوا يهاجموها قبل ماتهاجمهم..

الأجهش مسك سنارته 🪡 ورجمها علق خيط السناره في الزوبعه 🌪وسحبها ليده..

الجن 👹 : بدؤوا يهاجموه ويرموا عليه الرماح والسهام 🏹..

الأجهش مسك الزوبعه 🌪 في يده وجمعها بشكل كرة ورجمها لوسط كتيبه الجن 👹 لما إهتزت الأرض من قوة ارتطامها في الأرض وخرج منها صوت مرعب وإبتلعت كل الجن في غمضة عين ورجعت تلف بقوه ليد الأجهش اللي بدأ يطير بسرعة وغضب😡 يدور نشروان..

.......... .......... ...........

في قلعة الملك ديمان 🏰..

القعقاع بيتمشى في قلعة ديمان 🏰 بكل غرور وغطرسه ويفتح الأبواب برجله..

جنود ديمان بكل حزن 😔 وزعل بيتهامسوا: معقوله هذا عيحكمنا ياليت وكلنا دافعنا عن المملكة لآخر لحظة ومافرطنا في نشروان..

القعقاع دخل قاعة الملك ديمان بيتفرجها وجلس فوق كرسي العرش بكل غرور وبيتحرك فيه: امممممم هذا الكرسي مش مريح بس عنخليه لما يكمل حفل التتويج ويجلس عليه الملك ضرغام يكسر الملك ديمان في حضوره وبعدها نغيره ونرجم هذا وضحك بسخريه 🤣🤣 يله استعجلوا ونظفوا كل ممرات وغرف القلعه اشتيها تلمع بكره حفل التتويج مابش وقت ياخدام مملكتنا هههه..

...... ....... ......

في هذه اللحظة وصل نشروان وملهم وروزيل كوخ يارخ..

يارخ حس بالإهتزاز وراه بس مالفتش رآسه كان مشغول بيسحب هيكل حوت عظمي 🐳 مصنوع كدرع صنعه لفيل برأس أسد..

نشروان: ياررخ نفذت اللي طلبت ساعدني..

يارخ لفت لعنده وإبتسم 😁: أهلآ أهلآ يابطل بصراحة ماتوقعتش إن انا ممكن أزيد أبسرك مرة ثانية جهزت اللي طلبت منك قدرت تديهن كلهن..

روزيل قاطعته بفرح وكلها غرور وفخر بزوجها 🥰: إحم إحم ايووه اكيد إداهن هذا الأمير نشروان أقوى واشجع جني في مملكة البحار 🌊 قصدي في ممالك الجن كلها مش بس البحار..

نشروان ضحك وتفرجها بحب 😍 بعد ما حس بنظرة الفخر في عيونها ونسيت إنه جني وفارحة بحبيبها وزوجها ايش ماكان: ماكنتش شقدر أوصل لشي يايارخ بدون مساعدتها هي وملهم كانوا أهم شخصين وقفوا جنبي وضحوا بحياتهم حتى إن احنا تفاجأنا إن ملهم عايش وكنا بنبكي عليه إنه مات وماقد لقينا فرصة يحكي لنا شي..

ملهم بجدية ونبرة حادة 🤨 رفع حاجب واحد: مش وقت الرومانسيات والقصص مابش معانا وقت يايارخ شل الأشياء وابدأ جهز السلاح بسرعة الأجهش ورانا بتسمع صوت الهز حق الزوبعة يشتي يقتلنا..

يارخ: الأجهش 🤔 هاااه عرفته سلاحه سناره الزوابع 🪡 صنعته لأبوه قبل ألف وستمائة سنة من الأفضل الأسلحه اللي صنعت سلاح فتاك لو أستخدم صح..

نشروان: والأجهش إستخدمه صح كل شي بعدي قد دمره والزوابع ابتلعته ورجعته صحراء..

🌹meme_abdalgaleel

قصص صنعاني

19 March 2025 13:00

البـارت 44 •°

السـر المـدفون ❤️

روزيل ضاغطه يدها بكل قوة ✊️: بس انا مااعرفهاش ليش توهبني سحر عيونها..

الأجهش: بعد ما كانت السبب في العمى اللي حصل لأمش بسبب الساحرة حست بالذنب وجلست في حالة زعل حاولت أشغلها انسيها مابش فايدة لما جاء اليوم اللي لقيتها باب مغارتنا وهي ملان جروح مغمى عليها ولما فاقت قالت لي إنها وهبت سحر عيونها 👁️ لبنت المرأة اللي سلبت منها نظرها لانها دورتها ترجع لها نظرها قالوا لها إن أمش ماتت فقررت تعوضش انتي تكفر عن ذنبها
بس وهي راجعه عرفت الساحرة اللي كانت قاطعه معها عهد لانها خانتها وتسببت لها في جروح وحاولت أعرف منها اين انتي علشان ارجع لها سحر عيونها بس رفضت ومن يومها دخلت في هذا السبات فحطيتها في هذا التابوت احافظ عليها لأن جسمها بدأ يذبل ورجعت مثل الشجره اليابسة😔..

روزيل حست بالزعل عليها 😔: طيب وماذنبي انا تفعل بي هكذا أنا مااعرفهاش ولا طلبت منها تدي لي شي وكيف عرفت انه انا..

الأجهش: أصلا قبل فتره بدأت حبيبتي ترجع لها عافيتها وبدأ جسمها يورد وبدأت الحياة تنبع من وجهها وترجع لها عافيتها بس مافاقت فعرفت ان انتي قريبه منها ودخلتي اكيد عالم الجن بدأت ادور عليش ولقيتش في الصحراء وحصل اللي حصل..

روزيل: بس انا مابش لي أي ذنب انا ضحيه في هذه القصه من اولها لآخرها..

الاجهش قرب من روزيل ومسك يدها..

روزيل بعدت يده بسرعة وبكيت خايفه 😭: فلتني وبتداعي بصوت عالي نشررروان ساعدني..

الأجهش جلس ع ركبه وبيبكي 😭: ساعديني ياروزيل لو سمحتي ارجوش خلصي حبيبتي من سباتها أنتي الوحيده اللي تقدري تساعديها واكثر واحده حاسه ايش يعني واحد يفارق حبيبه انا مااقدرش اجبرش لازم تساعديها بإرادتش..

روزيل حست بدوخه ومسكت راسها ودموعها بتنزل من عيونها 🥺: يارربي ماهو هذا العالم اللي كل شويه يحصل لي فيه شي حبيت جني وتزوجته وخوفت جني وعشقني جني وانتصرت ع جني وخدعت جني والآن جني 👹 بيترجاني ويطلب مساعدتي
لفتت لعند الأجهش وإبسرت كمية الدموع اللي في عيونه والزعل اللي فيه حست بقهر ووجع عليه ومعاناته انه خسر حبيبته سكتت شويه 😳..

الأجهش منزل رآسه في الأرض وبيبكي 😭..

روزيل تنهدت: طييب أيش المطلوب مني كيف أقدر أساعدها..

الأجهش: دمعة واحده من عينش 👁️ بس تنزل ع جفونها ترجع لها بصرها وحياتها..

روزيل: طيب وانا أيش عيحصل لي بعدها..

الاجهش: أشلش لعند نشروان وترحلوا بسلام أبعد عنكم..

روزيل: ماشي تساعدنا نتخلص من ضرغام ونرجع المملكة..

الأجهش: موافق لو فاقت حبيبتي لوآح اوعدش أكون خادم تحت امرش..

روزيل إبتسمت 🤗: يله موافقه اكيد إنك مشتاق لها..

الأجهش رفع سيفه 🗡وخرجت منها زوبعه خفيفه🌪 رفعت روزيل لفوق التابوت: انتي متأكدة من اللي عتفعليه عتخسري قوتش الخارقه مافيش أي بشر يقدر يخوف الجن 👹 مثلش ويسحرهم..

روزيل: إسهل مابش الا جني واحد سحرته ابن ضرغام ومات يدافع عني وبعدا هذا السحر لعنه خليني اتخلص منه بس يكفي ان حبيبتك عترجع لك..

الأجهش بزعل ودموعه مغطيه عيونه 🥺: أنتي داريه إن انا خسرت بنتي والكل بسبب هذا السحر كانت كل يوم تجي تحاكي أمها وتبكي مش مستوعبه انها خسرتها وفي يوم سلطت قوتي في جسم لوآح احاول اساعدها تفوق والساحرة استغلت ان انا ضعيف حاولت تهجم ع لوآح تقتلها تنتقم وبنتي هجمت عليها وتلبست الساحره ومن هذاك اليوم وبنتي محبوسه في جسم الساحرة..

روزيل بززعل 😔 ونزلت دمعه من عينها: أنا آسفه حصل لك هذا كله بسببي..

الأجهش إبتسم فرح 😁 انه قدر ينزل دموع روزيل..

روزيل كانت معلقه في الهواء واقفه مقابل لوآح وجه لوجه نزلت دموعها💧 لجفن لوآح ونزلت بالتدريج لما دخلت عيون لوآح..

لوآح فتحت فمها وبدأ النفس يدخل صدرها وحركت طرف أرجلها..

روزيل حست بقشعريره قوويه وحراره بتتطاير مثل النار 🔥 دخلت عيونها وريح بتلف بها غمضت عيونها حست بدوار وفقدت وعيها ونكعت وسط التابوت الزجاجي..

معقووولة يكون الأجهش خدعها كعادته وفي شي ممكن يحصل لها بعد مارجعت للوآح سحر عيونها 👁️

الله يعينش ياروزيل كل ماتخلصي من مصيبه ترجعي لمصيبة جديدة 😔..

🌹meme_abdalgaleel

قصص صنعاني

18 March 2025 19:57

البـارت 42 •°

السـر المـدفون ❤️

روزيل: لحظة انا وعدت جاور ادي له الماء..

نشروان: سمعتيه قلش ماعيرتويش حتى لو شرب نهر كامل ماعينفعه هذا الماء مابش معانا وقت..

روزيل بدلع: قوى حبيبي انا وعدته 😌 يرضيك يقل الإنسيه اللي حبها الأمير نشروان كذابه وبعدين قد حفظنا طريقنا..

نشروان: طيب ياعنيده يله بسرعة طار بها ووصلوا لعند جاور..

روزيل: تفضل هذا الماء انا وعدتك ونفذت وعدي..

العجوز: 😳 أيييش وصلتوا للطريق كيف فعلتوا..

نشروان: مابش معانا وقت نحكي لك خلاص شل الماء..

العجوز: الفضول عيقتلني انا ثلاثمائة سنه بين احاول وأنتوا في ساعات تخرجوا..

روزيل حكت له بسرعه الخطه اللي فعلت..

العجوز: الحمدلله إنه ماكان معي ماء لأنه ماكنت شافكر بهذه الفكرة شلي حقش الماء لأنها ماعتروينيش يمكن تحتاجوها..

روزيل: ماشي خليها معك هي اللي عتخرجك كل يوم أشرب رشفه صغيره كل يوم خليها تكفيك لمده ٤٠ يوم وبعدها عتجي لك واحده إسمها السعلاه..

نشروان ضحك بصوت عالي 🤣: يا أمكر مخلوقه عرفتها كل يوم بتثبتي لي إنش ذكيه وداهيه واحده مااعرفهاش أي حين عتفلتي هذه الجنيه في حالها..

روزيل ضحكت 😁: اصلا لما تخرج من السلحفاه 🐢 اكيد عتدورني خليني أخلص منها للأبد..

العجوز: طيب كملي..

روزيل: لما تجي عتسألك من انت قلها إنك إنسان مسحور زوج روزيل وهذا الماء حقها عتلتصق بك والجذور حق طقسوس عيلتفين حولها وأنت عتقدر تخرج وتهرب وعنتخلص من طقسوس والسعلاه..

العجوز: طيب وكيف شخرج من هانا 🤔..

روزيل: قلت لك قد صنعنا طريق وبتأشر له 👉 أدخل من هذا الجذر وتحرك يمين وبعدا يسار وواصل لنهاية الممر عتلقى مفترق جذرين أطلع لفوق وخليك ع نفس الإتجاه لما تلقى فتحه الخروج بس لما تخرج سد الفتحة..

العجوز فرح 😍: شكرا يا إنسيه معروفش عمري ما شنساه ربي إستجاب دعوتي إنه يرسل احد يساعدني..

ودعوا الملك جاور بعد ما ادوا له الماء وخرجوا أخيرا من طقسوس والشمس بدأت تغيب ☀️ وبدأ نشروان يطير بسرعة وروزيل بتطير شعرها بالهواء وبتتنفس فارحه بالهواء بعد ماكانت تحت الأرض بدون هواء وشمس..

روزيل: حبيبي ليش بتطير هكذا أنت قلت عننكشف لو تطير...

نشروان: لاتقلقيش ياحبيبتي الليل ستار ولازم نوصل بسرعة للكوخ حق يارخ علشان يصنع لي السيف 🗡
لأنه بعد مايصنعه شاكون اقوى جني 👹..

روزيل لأول مره تبسر الإبتسامه😁 والفرحه اللي هو فيها من فترة ماحبتش تكسر فرحته: يله ياحبيبي طير بنا بسرعة..

فجأة هاجمتهم زوبعه 🌪 قوويه ودخلوا وسطها وبدؤوا يدوروا بسرعه كانت الرياح سوداء ومعتمه ورجمتهم بعيد كل واحد في جهه في غابه ملان أشجار 🌲🌳..

كان اللي هاجمهم هو الأجهش الجني 👹 اللي كان يشتي يخطف روزيل علشان يستلم الكنز والجائزة من ضرغام..

روزيل فتحت عيونها 👁️ لقيت نفسها معلقه في غصن شجره 🌳 بدأت تصيح بصوت عالي: نشررروان أين أنت جي ساعدني..

سمعت صوت من وراها: وطي صوتش..

روزيل لفتت تبسر من 😳 اتفاجأت: كابووس!!
أنت حقيقه قد خليتني أشك إنك موجود في خيالي بس وإن انا مجنونه ونشروان بيسايرني..

كابوس: مش وقت هذا الكلام مابش معانا وقت خلينا نهرب بسرعه الأجهش 👹 بيدورش يشتي يخطفش يسلمش لضرغام..

روزيل: ونشروان فين هو لازم نلقاه..

كابوس: أكيد إنه بيدورش خلينا أول نهرب وعنلقاه..

روزيل بعدت طرف فستانها الحانب في الشجره 🌳 وقفزت للأرض ووجعت ركبتها..

كابوس: إخطي بعدي دلا لحد يحس بنا🚶‍♀️..

روزيل: نشتي نلقى نشروان..

كابوس: طيب تخبي وراء هذه الشجرة 🌳 وماتتحركيش ولا تطلعي صوت وانا شاطير واحدد موقع نشروان والأجهش 👹..

طار كابوس وتخبت روزيل وكان المكان هدوء ومخيف مفزع لدرجة ان روزيل كانت تسمع نبضات قلبها ❤️ كيف السبيل توقف نبضات قلبها واللي قلبها بينبض له بعيد عنها وهي خايفه لو يحس بها الأجهش ويلقاها وهو موجود يساعدها والاجهش جني خطير وقوي ع ماسمعت عنه حاولت تخبي حتى صوت نفسها..

فجأة سمعت صوت نشروان بيداعيها روزيل..

روزيل فتحت فمها تشتي ترد عليه..

كابوس قفز لعندها: اوووص 🤫 انتبهي تجاوبي هذا الاجهش بيدورش بيقلد صوت نشروان يله تخبي بسرعة عيجي لعندش..

روزيل حملت 🏃‍♀️ تخبت وراء شجره اوراقها كثيفه للارض دخلت وسطهن وجلست ع ركبها وغمضت عيونها وغطت راسها بيدها وكابوس معلق فوق كتفها وبتهمس بصوت واطي: أنت متأكد إنه الأجهش..

كابوس: أيوه نشروان في الجهة الثانية للغابه بس بيطير بسرعه لعندش نشتي نتحرك بهدوء نلقاه..

روزيل بدأت تتحرك بهدوء من شجره لشجره بعد مايأشر لها كابوس بجناحه تتحرك..

كابوس بعد ماتلفت حوله 👀: يله لازم نتحرك بسرعة الاجهش سار للجهة الثانية لازم نسرع قبل مايرجع..

روزيل بدأت تتحرك بسرعه وحذر هي وكابوس... لفتت له: كابوس...

🌹meme_abdalgaleel

قصص صنعاني

17 March 2025 20:26

البـارت 40 •°

السـر المـدفون ❤️

هيفيا: معك فرصة واحدة لو خسرتها عتخسر حياتك وحياة الإنسيه متأكد..

نشروان: طيب ولو جوابي منطقي..

هيفيا: طيب قل لي وشافكر..

روزيل بتتفرج نشروان وقلقه 😥 لو جوابه يطلع غلط..

نشروان: الجواب هو سدره..

هيفيا: فسرها كيف..

نشروان: نص كلمة سدره هو سد وهو أكبر من السدره ويمنع سر الحياه عنها اللي هو الماء..

هيفيا سكتت شوويه سكوت مخيف أرعب نشروان وروزيل وبعدها صاحت بضحكه عالية: هههههه 🤣 حليت اللغز اللي محد قدر عليه..

نشروان: اذاً خلاص ادي لي المطاط الآن..

روزيل فرحت 😊 أول مره يتجاوزوا حاجه بسهولة بدون قتال ودم بس فرحتها ماطولتش..

هيفيا: أنك تستحق المطاط حاجه وانك تشله حاجة ثانية..

نشروان فتح عيونه بإستغراب 😳: أييييش..

هيفيا: مابتبسرش كيف أنا عجوزه وشاحبه كيف شقدر أصنع المطاط لك او لغيرك والسد مانع عني الماء ولو أشرب من البحر مالح..

روزيل: طيب فين هو هذا السد نحاول نحل المشكلة..

هيفيا: مدري جذوري هي اللي بتتوجه لعنده مشو أنا..

نشروان: طيب وكيف الحل..

هيفيا: ادخلوا داخل جذوري وتتبعوهم لما توصلوا للجذر القريب من السد واثقبوه وقتها شقدر أشرب قليل من الماء وأصنع المطاط..

روزيل لفتت👀 لنشروان: هيا ندخل..

نشروان: أنتي مجنونة فين تدخلي مابش سد قريب من هانا أنا اعرف هذه المنطقة..

روزيل: مابش معانا حل غيره ندخل نتبع آثار الجذور لما نلقاه..

نشروان: يله بعدش مغامرة جديدة قد عدينا الأصعب..

بدؤوا يدخلوا داخل جوف الشجرة بإتجاه الجذور كان داخلها ضوء أحمر خافت يشبه الضوء اللي في شجرة التفاح لما دخلتها روزيل..

نشروان مسك يدها🤝: لحظة ياشجاعة خلاص بطلتي تخافي..

روزيل ضحكت 🤣: أصلا قد دخلت شجره قد انا متعوده قد أرضكم هذه علمتني القوة وهذه المرة مطمنه لأنك جنبي ومعي عتحميني لو يحصل لي شي..

نشروان: قلي لي كيف عرفتي الإجابه قبلي..

روزيل: لا طبعا أنا للآن مستغربه كيف حليتها مع ان انا مش مقتنعه به بس فرحت..

نشروان خفعها بيده في رآسها🤚: وليش كنتي بتبتسمي هاااه..

روزيل ضحكت😄: ههه علشان احفزك لأن انا أعرفك علشان أحسسك إن انا حليتها قبلك وإنه بسيط وتتحداني تدور تفوز ماتيأسش..

نشروان ضحك 🤣: ياشريرة كل شويه أكتشف فيش حاجة جديدة..

روزيل عوجت فمها 😏: شريره ع الأقل مش انا جنيه وعيجي يوم تقوم من النوم وتكتشف إن انا مش إنسيه وخدعتك وقد معانا ٢ بنات..

نشروان: بس مكرش ودهائش زاد ع نساء الجن وبتهزميهم بس قلي لي ليش ما اقتنعتيش بالحل..

روزيل: مدري هو منطقي شويه بس حسيت إن هيفيا تشتي تدخلنا ندور لها ع مكان فيه ماء تشرب..

نشروان: كانت عتقلنا من البداية ندخل ندور لها ماء وهي عتدي لنا المطاط ليش عتدي لنا لغز..

روزيل: مدري هذا إحساسي إن شاء الله إنها ماخدعتناش..

نشروان: إن شاء الله نلقاه بسرعة ونحصل ع المطاط بسرعة..

........ ........ ........

في مملكة النار 🔥

القعقاع بيصيح بصوت عالي فوق الخدام حقه: أنا قلت لبسي لازم يكون مميز لحفل التتويج..

الخادم: مولاي هذه الملابس كلها مرصعة بأغلى الجواهر والعقيق..

القعقاع: وأنا ماطلبت إنها تكون مرصعة بهذه الجواهر انا كان طلبي أنها تترصع بجواهر من ملابس نشروان اللي في مملكة البحار ينزعوا كل ملابسه ويقطعوها ويشلوا منها الجواهر والعقيق ويفصلوا لي لبس خاص..

الخادم: بس ياسيدي..

القعقاع قاطعه بغضب 😡: بدون بس نفذ اللي قلت لك معك فرصة لبكرة..
.
.

مشيوا الاثنين حوالي ثلاث ساعات وكل مايمشوا يحسوا نفسهم بيرجعوا لنفس المكان..

روزيل: نشروان تعبت بين احس راسي بيلف قد انا مدوخه 😇 كل الممرات حق الجذور سواء مدري إحنا بندور صح والا بنلف بقعتنا..

نشروان بإستغراب أشر بيده 👉: إبسري إبسري ماهو هذا..

روزيل لفتت وفتحت عيونها 😯 وفمها: يوووه..

كان قدامهم رجل عجوز🧔🏼‍♂️ بدقن بيضاء لاصق في جدار الجذر وجهه شاحب وجلده مثل لحاء الشجر وشعره أبيض مثل شجره يابسه وبيضاء والديدان مغطية جسمه..

روزيل إفتجعت 😱 وتخبت وراء نشروان: ماهو هذا شكله ميت..

الرجل العجوز 🧔🏼‍♂️ فتح عيونه ولونهن أحمر يخوف: أنا أنا وضحك ههههه..

روزيل حضنت نشروان: خبيني شكلها نهايتنا خلاااص..

نشروان فرد جسمه وحب يبين قوته قدامه: من أنت ياعجوز..

الرجل العجوز🧔🏼‍♂️ سند رآسه للجدار وبصوت خفيف شاحب بسبب التعب والعطش: خدعتكم طقسوس أنا جاور..

نشروان إستغرب😳: جاوور قصدك الملك جاور أنا قد سمعت عنك إختفيت من حوالي ثلاثمائة سنة وأهلك وقبيلتك بيدوروك لليوم..

العجوز: قصدك ميتان وسبع وثمانون سنة وشهرين وعشر أيام..

نشروان: أنت مسجون هانا 🤔

العجوز: جيت لعند طقسوش إشتي المطاط وطلبت مني...

🌹meme_abdalgaleel

قصص صنعاني

17 March 2025 20:25

البـارت 38 •°

السـر المـدفون ❤️

روزيل: يعني كنت تتفرج كل شي بيحصل معي ومن أنا طفله..

نشروان وعيونه بتلمع حب 😍: كنت اهرب كل يوم من عالمنا من أول ماتفتحي عيونش لما ترقدي وأنتبه لش من كل شي كنت اعد كل يوم تكبري فيه كنت أتخيلش معي وبنيت حلم في مخيلتي لنا مع بعض ولما جاء وقت زواجي والملك ديمان أمرني أتزوج بصوهيماء لأنها كانت مخطوبه لي من طفولتنا كان حبش خلاص سيطر عليا وأسرني ♥️ ومااقدرش أكون لصوهيماء أو أي واحده في عالمنا ولا أقدر أبعد عنش سلبتي عقلي وروحي
لما جاء يوم وكنتي بتلعبي في الحديقه تشكلت بشكل فراشه 🦋 ووقفت ع طرف إصبعش وإبسرت عيونش لأول مره 👁️ وحطيت عيني فيهن وحصل اللي حصل فقدت صوابي وجننت بحبش فوق ما كنت..

روزيل نزلت دمعه من عينها 🥺 وحضنت نشروان بقووه بعد ماحست بقوه حبه لها ♥️ مش بسبب سحر عيونها وحطت رآسها ع صدره..

نشروان إبتسم 😊 لأنه حس إنها بتحبه مهما كانت حقيقته: انتي داريه ياروزيل إن أنا اللي سميتش..

روزيل كانت مغمضه وماعد حست بنفسها من التعب رقدت 😴..

نشروان سحبها بهدوء وحضنها دخلها الخيمه باسها😘 في رآسها وغطاها: الله لايحرمني من وجودش في حياتي وجودش جنبي بيقويني ولولاش إن انا ميت خاطرتي بنفسش وحياتش تنقذيني أحبش يامن أسرت كياني..
.
.

بعد الفجر وقت بزوغ الشمس 🌞..

روزيل فتحت عيونها بعد ماسمعت صوت عند النهر قامت تبسر مابه..

نشروان بيراجم أغصان شجر🌲 للنهر لفت لها: صباح الخير يا من ملكت قلبي وإحساسي 😍..

روزيل إبتسمت 🥰: صباح النشاط مابتفعل..

نشروان: بين اجهز لنا قارب من أغصان الشجر نوصل به للبحر 🌊 اللي نهاية هذا النهر يله ادي حاجاتنا مابش وقت..

روزيل جمعت الأشياء اللي معاهم ولبست فرو الذئب 🐺..

بدؤوا يتحركوا في النهر وكل مايتقدموا تتوسع المسافه بين الضفتين ويزيد تدفق الماء والاغصان اللي صلح به نشروان المركب كان فيها أوراق شجر كبيره 🌿..

روزيل تمددت ع أوراق الشجر 🌿 مستمتعه بنسيم الصبح والجو الهادئ..

نشروان سحبها بسرعة وخباها وتخبى بين اوراق الشجر 🌿..

روزيل بخوف 😨: من هم هولاء الجن كلهم اللي بيطيروا أشكالهم مرعبه..

نشروان بصوت واطي وهم مخبايين بين اوراق الشجر 🌿: هذولاء جنود ضرغام شكلهم عيسيروا لقلعتنا يجهزوا لتتويج ضرغام ملك..

روزيل بخوف 😟: كيف عنسوي عنجلس مخبايين هكذا ابسر كم عددهم جيش كبير مابش حل الا نجلس مخبايين هكذا ومانطلعش أي صوت لايكشفونا..

نشروان: صعبه ابسري قدامش الشلال اللي بيصب للبحر 🌊 ..

روزيل: طيب ماهي المشكلة اقفز بي مثل ماقفزت بي المره الاوله في الجبل..

نشروان: هذه المره صعبه اقفز بش ع الصخور الحاده اللي في الشلال افرضي تفلتي من يدي او تضربي راسش في حجر او تضيع مننا أسلحتنا اللي جمعنا من قوة وسرعة تدفق الأمواج 🌊 ..

روزيل: أممم 🤔 صح وممكن حتى يبسرونا لما نطير كيف عنفعل..

نشروان: جت لي فكره 🤔 امسكيني بقووة..

روزيل تشتي ترفع معنوياته إبتسمت 😊: ماعتلقاش واحده تتمسك بزوجها مثلي حتى لو جنيه ههه..

نشروان لبس فرو الذئب 🐺 وخرج من ورق الشجر 🌿 وبدأ يعوي مثل الذئب..

بدأ جيش ضرغام يتلخبط ويرتعب ومسكوا أسلحتهم وبيرموا أسهمهم 🏹 باتجاه الشجرة..

نشروان دخل بسرعة بين الورق وسحب روزيل وربطها لصدره بفرو الذئب 🐺..

روزيل غمضت عيونها خايفه حست إنها النهاية..

نشروان مسك غصن الشجرة🌲 بيد ومسك حجر المغناطيس 🧲 بيده الثانية..

نكعت الشجرة 🌲ووراها السهام من فوق الشلال..

نشروان رفع يده اللي فيها حجر المغناطيس 🧲 ووجهها وجذب بها الأسهم وبدأت تسقط ع الشجرة وثقلتها بطاءة سقوطها بس دخلت ٣ أسهم في كتف نشروان وواحد في خصره ورفع حجر المغناطيس مرة ثانية بطريقة عكسية فتنافرت الأسهم وبدأت الشجرة🌲 تسقط بسرعة بس كانت قريبة من الصخور قفز نشروان بسرعة وهو مسيطر ع توازنه ووقف بين صخرتين وقفز بسرعه للضفه وتخبى بين الشجر 🌲🌲..

روزيل بعدت الفرو بسرعة اللي ربطها فيه وبتبعد لبسه: وريني جروحك بسرعة..

نشروان بعد لبسه وبدأ يسحب الأسهم 🏹 من جسمه..

كانت الأسهم الثلاثه اللي في كتفه اصابتها خفيفه لأن فرو الذئب كان سميك بس اللي في خصره كان عميق..

روزيل حاولت تسحب السهم بقوه مااقدرتش..

نشروان سحبه بقوة 🏹 ولف ردائه حول خصره..

روزيل والدموع في عيونها 🥺: بيوجعك قووي..

نشروان ضحك: هههه قد عدينا بالأصعب إطمني عيلتئم بسرعة خلينا نسير بسرعة لطقسوس مابش وقت..

روزيل: من طقسوس 🤔..

نشروان: شجرة المطاط هيفيا إسمها طقسوس والكل لما تبسريها داعيها بالسدره هيفيها..

روزيل: ليش سدره هي شجره 🤔..

نشروان: سدره اسم الشجره الطيبه ومع ان هيفيا شجرة خبيثة🌲 بس بنداعيها سدره احترام لها..

روزيل ضحكت: ...

🌹meme_abdalgaleel

قصص صنعاني

16 March 2025 21:33

البـارت 36 •°

السـر المـدفون ❤️


ملهم: جاء دوري ياصاحبي أنا الوحيد اللي شقدر أرجع الحجر إذا مت لاتنسانيش ولا تستسلمش ورجع مملكتنا وإنتبه لروزيل وبناتك الوداع ياصديقي ولفت لروزيل بحزن 😔 الوداع ياروزيل..

روزيل إبسرته وعيونها دموع 👁️..

ملهم: لاتبكيش ياروزيل الموت عندي أهون من دموعش ومن موت نشروان الوداع مسك الحجر وقفز بسرعة بإتجاه البركان 🌋..

كانت مجموعة من الذئاب 🐺 بدأت تلحقه بس لفتها المرده السبعه 👺 اللي مازالوا بيقاتلوا رجعوا يهجموا عليهم..

بدأ البركان 🌋  ينفجر وتخرج منه حمم بركانية لدرجة إن روزيل بدات تحس الأرض بتتشقق..

قتلت الذئاب 🐺 المرده السبعه 👺 بعد ماتسمروا مكانهم وهجمت عليهم..

ملهم وصل للبركان والحجر في فمه 🧲 وبدأ يتقفز بسرعه من جنب الحمم اللي بتتساقط لما وصل للفوهه وقف وبدأ يلفت نظره لوسط البركان 👀 ونظره لعند نشروان وروزيل وإبتسم والدموع في عيونه 🥺  الوداع ياحبيبتي وقفز ورجم  الحجر للبركان..

الذئاب🐺 بدأت تهرب بعد ما الحمم البركانيه بتتساقط..

بدأت الأرض تهدأ والبركان 🌋 وقفت حممه البركانية..

....... ...... .........


في مملكة النار 🔥...

رئيس الوزراء بيشرف بنفسه ع الترتيبات وبيختار أقوى الجن والمرده اللي عيشاركوا في موكب الملك ضرغام..

القعقاع دخل لعنده وعلامات الفرح باينه ع وجهه 😁..

رئيس الوزراء: ايش سر هذه الإبتسامه ياقعقاع..

القعقاع: لو تبسر ملامح الملك ديمان بعد ماقلت له إنه إنتصرنا ع نشروان والملك ضرغام عيتوج ملك ع مملكة البحار 🌊 وشلينا كنوزهم كان ضعيف وبدا يترجاني إنه مانقتلش نشروان ونقتله بدله..

رئيس الوزراء إبتسم 😁: ياريتني كنت معك  أحلى شي إنه ماقلت له إنه نشروان مسجون في بطن السلحفاه خليه يتعذب..

القعقاع: أنا شاسير أرتاح وأتجهز لحفل التتويج وانت كمل بقيه التجهيزات..

....... ........ ..........


نشروان بيصيح بصووت عالي: مللللللهم .... مللللللهم وصدى صوته عالي في أرجاء المكان ويعيد صياحه مرة ثانية وثالثة ملللهم ملللهم بدون أي إجابة..

نشروان يشتي يطير لفوهة البركان 🌋 يدوره..

روزيل مسكت يده 🤝 تمنعه وهي بتبكي 😭: خلاص مااات ياحبيبي ملهم ماات..

نشروان حضن روزيل وبيبكي بحرقه 😭: ضحى بنفسه علشان ينقذني وينقذ مملكتنا هذا كان أخي وصاحب عمري كيف شقدر أكمل حياتي من غيره لفت👀 للبركان وهو بيصيح بصوت عالي شكرا لك يا بطل شكرا إنك كنت صاحبي ومت بشرف وأنت بتدافع ع أرضك غرس سيفه في الجبل ذكرى يخلد بها موته 😔..

روزيل مسكت نشروان: يله ياحبيبي مابش معانا وقت لازم نكمل مهمتنا وننتصر  ملهم ضحى بنفسه علشان المملكه..

نشروان مسكها وقرر يطير..

فجأة خرج لهم من بين الأنقاض واحد من المرده السبعة 👺 اللي راسه تنين 🐲 وملطخ بالدم 🩸ومجروح والشرر بيتطاير من عيونه مسك نشروان من رقبته: أنت السبب في هذا كله شقتلك أشر قتله بسببك قتلوا أخوتي واتفجر البركان وسرقت الحجر وإديت الذئاب عالم الجن كله عيتحاكى ع مقتلك سحب نشروان بكل قوه ورفعه ورجمه ودق رآسه في صخره كبيره اهتز نشروان من قوة الضربه ومسك سيفه والبخار بيخرج من أنفه 😤  من شدة غضبه يشتي يطعن نشروان..

روزيل صااحت: ياجني 👺 ياجبان فلته ومسكت حجره ورجمته..

المارد الأحمر 👺 لفت لعندها: أنتي سبب المشاكل واللي تسببت في هذا كله شقتلش يا إنسيه مسك سيفه وبيقرب لعندها..

روزيل بتحاول تمسك نفسها وتخبي خوفها خاصة إن نشروان مرجوم ع الأرض غطت عيوونها👁️ بيدها اللي ماسكه فيها حجر المغناطيس 🧲 ..

المارد الأحمر 👺 نكع السيف 🗡 من يده وطار لاوراء كأن شي دهفه بقوة..

روزيل إستغربت 🤔 بس ركزت ان حجر المغناطيس 🧲 في يدها وهو أكيد السبب اللي تنافر مع السيف ودهفه جت لها فكرة إنها عتقدر تتقاتل معه..

المارد الأحمر 👺 رجع مسك سيفه وملامحه كلها غضب..

روزيل وجهت حجر المغناطيس 🧲 للسيف وطار مرة ثانية..

المارد الأحمر 👺 ضبح وقرب لعندها اول ما إبسر عيونها 👁️ وقف وإنسحر بجمالها: يا الله مااحلاش جميله قوي يا إنسيه..

روزيل فرحت حست إنها سحرته بعيونها 😁 ومعها حجر المغناطيس عتقدر تهزمه..

المارد الأحمر 👺 كانت طبيعته الحيوانيه مسيطره عليه وسحرها عليه كان مختلف إبسرها: الله مااحلاش جميلة عتكوني وجبه لذيذه وبدأ يقرب منها وهو بيبتسم بمكر ولعابه بيسيل من فمه يشتي ياكلها..

روزيل فكرت بسرعه خاصه إنها مسيطره وفي لحظات قووه خرجت عين الذئب 🐺 ووجهتها لعنده..

المارد الأحمر 👺 تسمر مكانه وبدا مرعوب وخايف..

روزيل كانت تتحرك بإتجاهه وهو يرجع لوراء لما قربته من إتجاه البركان 🌋..


🌹meme_abdalgaleel

قصص صنعاني

16 March 2025 21:32

البـارت 34 •°

السـر المـدفون ❤️


القعقاع: مولاي إسمح لي أبلغ الملك ديمان بنفسي بخبر سقوط مملكته اشتي أبسر ردة فعله بعد مايعرف بسجن نشروان وإنك عتتنصب ملك لمملكته بعد يومين..

الملك ضرغام: لك هذا أنت ولي عهدي الآن ولك حق إتخاذ القرارات..

القعقاع: شكرا يامولاي شاسير الآن مانضيع وقت ونبدأ تجهيز حفل تنصيبك..


بعد ماخرج قعقاع ...

رئيس الوزراء: أحسنت الإختيار يامولاي قعقاع شجاع وكل ولائه لك وتصرفاته ذكية..

الملك ضرغام تنهد: كم كان نفسي يكون هجرس ولي عهدي لكن حبه للإنسيه ضيعه وخسر حياته عندما دافع عنها..

رئيس الوزراء: مارأيك يامولاي نخلي يوم تنصيبك هو نفس يوم الإحتفال بتنصيب قعقاع ولي للعهد في المملكة..

الملك ضرغام: هذه الأمور إهتم بها أنت وجهز اللازم أنا تاعب بعد موت عيالي  شاحاول ارتاح لي هذه اليومين لاتشغلونيش بأي مشاكل حلوها أنت وقعقاع إشتي أجهز نفسي ليوم التنصيب..

رئيس الوزراء: أمرك سيدي شاسير أشوف الأوضاع وأرتب التجهيزات..
.
.

ملهم رجم كرة النار 🔥 داخل الكهف..

بعد لحظات خرج الذئب الوحش 🐺 من داخل الكهف ذئب كان ضخم ومرعب ولونه أحمر ومعه عين واحده حمراء وأنياب طويله لعند أقدامه خرج بيتلفت يمين شمال ويمشي بحذر..

روزيل أول ما إبسرته تجمدت مكانها 🥶 من الخوف والبرد بس حاولت تمسك نفسها وبتشجع نفسها لازم أكون قوويه وشجاعه..

الذئب بدأ يقرب منها بحذر وكله غضب 😡 وشراسه وعاضض ع فكه وقفز يشتي يهجم عليها..

ملهم قفز من وراه يشتي يهجم عليه كان يلفت مره للذئب ومره لعيون روزيل..

كانت عيون روزيل 👁️ واسعه ولامعه كلها شجاعه وقوة وبتلمع كأن البؤبؤ مثل اللؤلؤ ممزوج جمال عيونها بملامح وجهها البيضاء الجميله لدرجه أن ملهم بدا ينسى نفسه وهام في جمالها..

روزيل لفتت له بسرعه بعيونها بتأشر له 👁️  إن الذئب ركز عليه..

ملهم أول مالفت الذئب لعنده تسمر مكانه أول ما إبسر شكله المرعب ولأن عيون الذئب ونظراته للجن توقفه..

روزيل حست إن ملهم مش جاهز للهجوم بدأت تحرك العصا اللي في يدها مع النار 🔥 تشتت نظر الذئب..

ملهم أول مابعد الذئب عيونه عنه استجمع قواه وتحول بسرعه لكلب كبير 🐕‍🦺  بس مش بضخامة الذئب كان تقريبا ثلث ضخامة الذئب..

الذئب بدأ يقرب من روزيل يشتي يهجم عليها..

ملهم نبح 🐕‍🦺بسرعه يشتي يخوف الذئب..

نشروان أول ماسمع نباح ملهم دري إنه تحول لكلب 🐕‍🦺 وإن الخطه فشلت ماقدرش يهجم ع الذئب قفز بسرعة وسيفه في يده يضرب الذئب..

الذئب قفز بسرعة هرب من الضربة وحاول يققز يهجم ع ملهم..

إجتمعوا الثلاثه بشكل مثلث حول الذئب نشروان بسيفه وروزيل بالعصا اللي فيها نار وملهم بشكل كلب 🐕‍🦺 بأماكن متباعده علشان مايكونوا صيد سهل للذئب..

كان الذئب يتفرج لنشروان ونشروان يتسمر مكانه 👀 ترجع روزيل تحرك النار وملهم ينبح يشتتوا نظره ولما يبدأ الذئب يهجم ع روزيل نشروان يضرب يالسيف وملهم ينبح ولما يتفرج لملهم يتسمر مكانه يرجع نشروان يضرب بالسيف وهكذا لما قربوا من الذئب ملهم قدامه وروزيل ونشروان وراه من يمينه وشماله..

روزيل حست بالخطر لأن المسافة قريبة وممكن يهجم عليهم بسرعة صاحت: خلونا نلف حوله بسرعه مثل مافعلت يانشروان مع ملهم في الكهف الذئب 🐺 معه عين واحده وعموده الفقري متصل برقبته يعني ماعيقدرش يدورها عيدور بجسمه كامل لما نتعبه..

بدؤوا يدوروا حوله  لما وصلوا لعند حافه الجبل 🏔..

روزيل قدامه ع نهاية الحافه ونشروان وملهم من وراء الذئب..

روزيل قفزت بسرعه لعند الذئب


بدأت تجهيزات ضرغام ومملكته لحفل التنصيب اللي في نفس الوقت نشروان وملهم وروزيل بيخاطروا بأنفسهم ينقذوا المملكه من اللي ممكن يكون الأسرع ويوصل ومعقولة خطة روزيل تنجح والا عتخاف بمجرد ماتبسر شكل الذئب المتوحش 🐺  لأن الوصف غير الواقع نهائي...



🌹meme_abdalgaleel

قصص صنعاني

15 March 2025 00:49

البـارت 32 •°

السـر المـدفون ❤️


يارخ: أنا معي فكرة سلاح فتاك قد لها سنوات إشتي أنفذها سلاح فتاك يقدر يدمر جيش كامل سلاح قوي يحتاج له جني قوي وشجاع يقدر يسيطر عليه لو تنفذ عيكون اقوى سلاح في عالم الجن 👹 وشتحدى به نفسي وأجدادي لو صنعته  بس لأن ادواتها صعبه تكاسلت لانه مجرد فكره خيالية..

روزيل إبسرت يارخ بنظره كلها 👁️ تحدي وقوة: انت اطلب بس اللي تشتي وعنديه لك أصلا زوجي أشجع وأقوى جني في عالمكم..

يارخ ضحك: هههه 🤣  فعلا عرفت تختار يا نشروان هذه الإنسيه شجاعه وواقفه معك ورفع عيونه لعندها ماعدتش لحظات من كلامه إلا وحس إنها جمالها مختلف عن كل إنسيه وجنيه إبسرها في حياته حس أنه ممكن يضعف قدامها نزل رآسه ع طول.. يله سيروا بسرعه إدوا لي الحاجات مابش وقت..

ملهم: قلنا ماتشتي..

يارخ: أول شي إشتي المطاط علشان احطه في هذا السلاح أعزل به الصواعق الرعديه 🌩 اللي في سيف نشروان ويقدر يواجهها بس المطاط مش موجود الا عند الشجره السامه 🌵هيفيا وصعب تقنعها اذا قدرت تشل منها شويه عتجهز اول مستلزم..

ملهم خفع رآسه بيده: اوووه 😱 بس انت داري إن هيفيا بتقتل أي واحد يقرب عندها..

نشروان لفت له: لاتقلقش انا شقدر أتصرف معها وماعد تشتي ...

يارخ: إشتي قطعه من حجر المغناطيس 🧲  اللي موجود في فوهة بركان الجن الأحمر 👹..

ملهم: أنت داري انه بركان الجن الأحمر خطير قووي مش علينا بس ع أرض الجن كلها لو تحرك الحجر عينفجر البركان 🌋  وتغرق ارض الجن كلها بحمم ناريه معدنيه غير إنه بيحميه ٦ من المرده 👺 الحمر اقوى مرده في الدنيا وسيوفهم معلقهم بيجذبها المغناطيس واذا تحرك المغناطيس سيوفهم تتحرك وينتبهوا ع طول ويقتلوا اللي يحاول يسرق الحجر ويفتكوا به وبقبيلته غير إنه مابش معانا أي سلاح يعني هذا إنتحار وخطر ع أرض الجن..

يارخ: إذا تشتوا اقوى سلاح في أرض الجن مابش معاكم إلا هذا الحل لازم تخاطر يانشروان والا شل بناتك وروزيل وإرجع عالم الإنس وخلي قبيلتك تواجه مصيرها بنفسها..

نشروان بدأ يتوتر ويحس بقلق والعرق بينزل من وجهه 😰: مابش معي أي خيار لازم اقبل هذا التحدي..

يارخ: باقي شي أخير وهو أخطر شي بس ما اظنش عتقدروا تدوه..

ملهم بخوف 😨: ليش باقي شي أخطر من حجر المغناطيس 🧲..

يارخ: بعد البركان به جبل جليدي 🏔...

ملهم: أيووه جبل الذئاب ماله..

يارخ: فيه ذئب 🐺 أسود كبير معه عين واحده بس ضخمه وأنياب طويله هو ملك الذئاب إدوا لي عينه وأنيابه مع المطاط وحجر المغناطيس 🧲 وشصنع لكم أقوى سلاح عرفه معشر الجن..

نشروان إرتجف 🥶: هذا إسمه جنون ومستحيل اللي بتقله حتى لو قدرت أدي لك هذه الحاجات كيف شقدر أحمل سلاح مثل هذا بهذه القوة لالا أنا ماشقدرش..

روزيل: أنا معك ياحبيبي وجنبك لاتقلق عنتغلب ع كل الصعاب مثل الصعاب اللي هزمناها وعتقدر تحمل هذا السلام وتنتصر ع ضرغام...

نشروان: أنتي مش فاهمه أيش يعني ذئاب 🐺 والا علاقتهن بالجن..

لو وقع نظر ذئب 🐺 ع الجن يثبت نظره عليه خلاص حتى لو اختفى من قدامه وفصل بينهم وديان واشجار مافيش أي عازل خلاص يحجز الرؤيا بينهم وإحنا الجن نتقيد بمجرد ثبات الرؤيا علينا غير إنه ارواح الجن فيها خاصيه في اقدامها يعني مهما كان الجني متشكل بأي هيئه مجرد وضع قدمه ع الأرض الذئب يحط رجله موضع قدمه وتتقيد حركته لأنه موضع اقدامنا مكشوفه للذئاب 🐺 وهذه الطريقتين تسهل ع الذئاب تقييدنا وقتلنا مافيش أي جني قدر ينجو من أي ذئب مهما كانت قوته..

روزيل: عنلقى حل ياحبيبي عنحلها ماعنستسلمش لضرغام ولا عنخليه يستولي ع مملكتنا وإحنا اللي عنتتصر وعنضم مملكته لمملكتنا خليك واثق فيني أنا معك💪..

نشروان إبتسم لها 😀 وزادت قوته: قلتي  مملكتنا!!! خلاص هيا لانتأخرش..

ملهم بخوف 😅: لانتأخرش ع أيش..

نشروان: سمعت الأميره أيش قالت عننقذ مملكتنا 😁 يله نسير ندي الحاجات مابش وقت..

ملهم إبسر نشروان بخوف 🥺: مادام هذه أوامر الأمير والأميره روحي فداكم..

نشروان علق روزيل فوق ظهره وطار وملهم بعده..

ملهم: فين وجهتنا بأيش عنبدأ..

روزيل: خلونا نبدأ بشجره المطاط 🌵 أعتقد هي أسهل شي..

نشروان: لا بالعكس عنبدأ بوادي الذئاب لأنه أصعبهن إذا قدرنا نتخطاه خلاص كل شي عيتسهل يا نجينا منه أو نموت..

ملهم: كيف عنواجهه ملك الذئاب لازم نفكر في خطه وحيله ذكية..

نشروان بيبسر الوادي من بعيد خلف جبل الجليد 🏔  هادئ وساكن: أول شي خلينا ندور حول البركان نفعل لفه ونبسر كيف حرارته..


بعد مالفوا وصلوا لمكان معتدل الحراره لاحامي ولابارد حرارته متعادله من جبل الجليد وحراره البركان كانت هذه هي المنطقه اللي ماينفعش أي جني يتعادها 👹 لأنه عيموت من الذئاب..


معقوله يقدروا يوصلوا للأشياء ويصنعوا سلاح قبل مايتوج ضرغام ملك ع مملكه البحار 🌊....


🌹meme_abdalgaleel

قصص صنعاني

24 March 2025 17:23

البـارت 59 والأخير •°

السـر المـدفون ❤️

بدأت البنات تلعب عند البحيرة ويلقطين ورد 🌸وصوت ضحكهن ملان المكان..

روزيل بتتفرجهن وهي مبتسمة فارحه 🥰 حست كل التعب سار لفتت لعند نشروان..

نشروان بيتفرجها مركز في عيونها وكله حب 😍: روزيل حبيبة قلبي مااحلى عيونش ومااحلى كل شي فيش أخيرا اليوم أقدر أتغرل فيش براحتي..

روزيل إبتسمت ونزلت رآسها 🥰..

يولاند حطت فوق راسها طوق من ورد الياسمين 🌸: ماما هذا تاجش ورجعت تلعب..

نشروان مسك يدها وباسها 😘: ما احلى تاجش يا أميرة الجن..

روزيل ضحكت: ههههه..

نشروان: مالها حبيبتي بتضحك..

روزيل: بين اضحك ع حالي 😅 اميرة مربطه العيون في عالم الجن وساحرة مشعوذة في عالم الإنس مش انا داريه من أنا ولا كيف شاعيش ولا اين شاعيش..

نشروان حضنها بقوة ورفع دقنتها بيده وبيتفرجها: لاتقلقيش ياروحي كل شي عيتصلح الأهم إنه التم شملنا مع بناتنا، وإبتسم 😍 وحشتني عيونش...
إنسي الدنيا نخليها بمافيها..
لا جنها نرى ولانسمع بإنسها..

إرمي جراحك ع صدري وإنسيها.. أغمضي عينيك وارقصي فاك ..

وأجمعي يدانا ودعينا نرقص ع نهر فرات في ليلة دافئة بلحن غناك ..
بادليني الرقص بالحب ..

ودعينا نصعد في سماء سرآب ..
نتعانق ونطير ولا يغطينا أي جلباب..

دفئيني ودفئي السحاب حتى تدمع عيناه ويقول الله ما احلاك..
أمسكيني يا اميرتي ظلي ممسكه بيميني لست مغرقك ولاضير بأن تغرقيني..

إن كان عشقك عكس التيار فأرجوا أن تسحبيني كجنيه نهر اغرقت في هواها..
ماحاجتي لتنفس الهواء وقد غرقت في بحر هواك وسحرتني عيناكي..

روزيل نزلت دمعه من عيونها 👁 وهي بتسمعه..

نشروان مسح دموعها بيده: العيون هذه ماينفعش تبكي 👁 العيون هذه تسحر بس ..

روزيل إبتسمت 🥰: خلاص من اليوم عمرك ماعتفلتني صح إوعدني..

نشروان: أوعدك يا أغلى من عشقها قلبي ❤️...

بعد ما أقنع نشروان الملك ديمان والمستشاريين بتتويج ملهم ولي لعهد المملكة ودع والده وملهم وقرر الرجوع مع روزيل وبناته لعالم الإنس وإخفاء الحقيقه ع بناته يعيشين مثلهن مثل البشر ونقلوا مدينه جديده يبدؤوا فيها حياتهم بكل هدوء وحب 😍 ونارين اختارت تعيش في قصر الجنيات السبع..

هذه كانت نهاية قصتنا نشروان وروزيل اللي سحرته بجمال عيونها 👁 وتخلى ع قبيلته ومملكته وضحة بكل شي في سبيل حبه لها..

طبعا هذه المره قصتنا كانت مختلفه كليا يمكن البعض يتقبلها وتعجبه ويمكن البعض ينتقدها ويقل بالغتي فيها بس في الأخير هذه تظل قصة أتمنى إنكم تكونوا إستمتعوا ورجعت لكم بشي مختلف وياريت تكتبوا لي رأيكم فيها ..

وخواااتم مباااركة

مع تحياتي

🌹 meme_abdalgaleel

قصص صنعاني

24 March 2025 17:19

البـارت 57 •°

السـر المـدفون ❤️

نكعت العنكبوت 🕷 لفوق ضرغام وهو بينازع وأختلط دمها البنفسجي بدمه الأسود وبدأت تتفرج لنشروان بقهر وحسرة وتحرك أيديها تشتي توصل له..

نشروان مسك رمح الظلام 🏹 وفقع عيونها الباقية وماتت ع طول..

ضرغام صااااح بصوت قوووي😡 لما إهتز الجبل 🗻 من قوة صووته: هزمتني ياحقيرررر..

روزيل إفتجعت من صوته 😱بتبسر بخوف نظرة لعنده 👁 ونظرة لعند نشروان..

نشروان حضنها بقووة: خلاص إهدئي ياروحي قتلته ماات خلاص خلصنا منه ومن شره وعيسود الأمان المملكه أنتي بطلتي اللي ساعدتني وأنقذت المملكه إنقذتيني من صوهيماء ودخلتيني عالم الجن لما وصلتيني للقلعة 🏰 وذلحين رجعتي تنقذيني وتخلصيني من ضرغام ، احبش يامجنونه ياعنيدة ❤️..

روزيل بتحضنه بقوة وتبكي 😭: يعني خلاص خلصنا من كل التعب ماعد عيحصلش شي ثاني ولا شي يخوفنا وأقدر ذلحين أبسر بناتي..

نشروان حط يده في وجهها وبيتفرج عيونها 👁 ويمسح الدموع: خلاص خلصنا يا أميرتي يا اميرة مملكة البحار 🌊 أيش من بحار بس قدش زوجة امير مملكة الجن كلها بعد موت ضرغام..

سمعوا صوت من وراهم: ماما أنتي بخير..

روزيل لفتت تبسر إبسرت بنت صغيرة بعمر بناتها فيها شبه قوي منها: نارين أنتي نارين..

نارين بصوت حزين 😔: ماما أنتي بخير..

روزيل: أمش ماتت بسبب ضرغام هو اللي فعل كل هذا الشر بس من اليوم أنتي بنتي وروحي وحياتي لاتفتجعيش مسكتها وحضنتها..

نارين بكيت 😭: كان نفسي أبسرها بس..

روزيل: إبسري في عيوني 👁 عتبسريها..

نارين إبسرت عيونها 👁 وإبتسمت 😃: احبش ماما..

نشروان بيتفرجهم ويبتسم 😁: مااحلاكن ومااحلى طيبة قلبش يا اميرتي دريتي ليش حبيتش حبي لش مش من فراغ..

فجأة بدأت العنكبوت 🕷 تتحرك..

روزيل: أنت داري كانت تشتي تفقع عيوني👁 تنتقم منك وتقتلني..

نشروان تحرك مستغرب يشتي يهجم ع العنكبوت 🕷 قبل ماتقوم..

اقتلبت العنكبوت 🕷 ع قفاها وخرج ضرغام من تحتها ماسك في يده مطرقه يارخ 🔨 يهجم عليهم وفاتح فمه..

نشروان قفز بسرعة يحمي روزيل ونارين لان هجوم ضرغام جاء فجأة وهم يحسبوه مات..

ضرغام سال دم ضرغام 🩸 لفوق عصا المطرقه 🔨 وطلع منها صووت صفيرر مرعب وتحولت لرمح غرس في صدر ضرغام وارتجم للأرض يابس محنط وإختلطت دموعه بدمه...

نشروان وقف فوق رآسه ماسك سيفه🗡..

ضرغام بيلفظ أنفاسه الأخيرة: صدق يارخ لما قال لي عيقتلني بسلاح من صنعه هذا الحقير حتى وهو ميت انتصر عليا..

نشروان مسك راس ضرغام بيده وانتزعه من رقبته ورجمه 👺 من راس الجبل 🗻 ودمه الأسود بيتطاير في كل مكان ومسك باقي جسمه ودهفه برجله من راس الجبل بعد رآسه..

القوم كلهم نازل تحت الجبل 🗻 مش هم داريين مابيحصل كانوا يسمعوا أصوات السيوف 🗡 والرعود واهتزاز الجبل بس من المنتصر محد داري ...

ملهم اول ما إبسر رآس ضرغام بيدحرج من الجبل صااح بفرحه🤩: أنتصر بطلي فاز اميري واخي قتل ضررغام..

بدأت اصوات الفرح 🤩 والصياح تتعالى في القلعة 🏰.

نشروان غرز سيف عين الذئب 🐺 فوق الجبل 🗻 وعلق فوقه فرو الذئب نصب تذكاري وحضن روزيل ونارين وطار بهن ينزل من الجبل وتوجه للمنصة بكل هيبة وقوة 💪 ومعه روزيل ونارين..

روزيل حست بشوية خوف وهي 😨 بتبسر الجن بس بدأت تحس انها اقوى بعد ماقد إبسرت كل هذه الأهوآل اللي مرت عليها..

نشروان صاح بكل قوة وفخر 💪: أخيرآ ياقوم إنتصرنا وخلصنا من الشر وضرغام والطغاه كلهم نزل من المنصة ومسك بيده الملك ديمان وطلعه جلسه فوق العرش..

إرتفعت الأصوات يحيا الأمير نشروان يحيا الملك ديمان 🤩..

نشروان: هذا مشو ضرغام ملك مملكة النار 🔥 هذا إنسان ساحر شرير قتله وتشكل بهيئته وقتل ملوك وجن كان غرضه السيطرة ع العالم ونشر الشر والظلم لأغراضه الشخصية..

رئيس الوزراء حمل بسرعة لعند جثة ضرغام يتفرجها وقام ووجهه اسود غاضب 😡 والدموع في عيونه هذا الحقير كيف قدر يخدعنا كلنا ومحد ركز عليه انت متأكد إنه قتل الملك ضرغام..

نشروان: هذا اللي قاله لي..

رئيس الوزراء: يعني هذا الاتفاق باطل انت ماقتلتش ملكنا عاد معانا ولي العهد القعقاع هو المفروض تقتله علشان تحكمنا..

نشروان: لاتقلقش انا مااشتيش احكم مملكتكم انا أشتي نعيش في سلام لاتعتدوا علينا ولا نعتدي عليكم إذا وافقتوا والا حسمنا المعركه الآن..

رئيس الوزراء: مثل ماقلت خلصنا من الطاغية ومات واحنا مانشتيش اي حروب وأشر لبقية الجنود اللي معه والقعقاع وخرجوا من القلعة بخفي حنين..

اغلقت أبواب القلعة 🏰 والفرحة والرقص بعودة ملكهم ومملكتهم بس كان الجن 👹 بيتفرجوا لروزيل مستغربين وجودها..

اخيررررا خلصنا من ضرغام ومن شره بس أيش عيحصل الآن وهل عيتقبلوا قوم نشروان 👹 روزيل عندهم والا عترجع أيش عيحصل 🤔...

🌹meme_abdalgaleel

قصص صنعاني

24 March 2025 17:18

البـارت 55 •°

السـر المـدفون ❤️

ضرغام واقف بيتفرج ويضحك 🤣 ويهز سيفه يحركهم..

نشروان فهم حركة ضرغام وخطته قفز بسرعة وفك ناب من انياب الذئب 🐺 وغرسه في صدر جني 👺 وسحب السيف وبدأ يحركه وخرج منه الزوبعة 🌪 لما بدأ الجن الأربعة يدوروا حولها وسحبهم لعندهم بحجر المغناطيس 🧲 ومن ثقل أسلحتهم بدأت تنغرس في صدور بعضهم بدون مايركزوا واحد مغروز فيه الناب والاربعه مغروز فيهم السيوف كان شكلهم مثل السلسلة الثابتة اللي مش قادره تتحرك..
مسك نشروان الناب الثاني 🐺 وقفز به وضرب به سيف اللهب حق ضرغام وإختفوا الجن الحمر 👺 مثل الغبار..

ضرغام نكع ضرغام للأرض بس حاول يقوم بسرعة قبل مايهجم عليه نشروان..

نشروان واقف بشموخ وقوة 💪: مايكفيش لعب ياضرغام قدك مثل البهلوان الملك يواجه بشجاعة مش بخدع وغدر..

ضرغام ضحك بسخرية: هههه 🤣 كنت بين اتسلى بطفل مثلك بس الآن عتبدأ معركتنا رجم سيف اللهب للهواء وسيف الصاعقة وبدأين يدورين حول بعض⚔️ ،مسك رمح الظلام 🏹 وغرسه في الجبل لما ظلمت الدنيا كلها كأنه ليل دامس 🌑 ومسك مطرقة يارخ 🔨 وبيتحرك لعند نشروان..

نشروان قرب لعند ضرغام ووجه عين الذئب 🐺 لعنده كانت خطته يخليه يثبت مكانه بعين الذئب ويقطع رآسه..

ضرغام بيتفرجه ويضحك 🤣 ما أثرتش عليه..

نشروان وقف مستغرب 😱 ليش ماتأثرش وعين الذئب تسمر أي جن مكانه..

ضرغام بسخرية: ههههه 🤣 فعلا طلعت غبي وأغبى جني عرفته انا بشر مش انا جني 👹..

نشروان بصدمة 😳😱: أييييش..

ضرغام: أنا ساحر عظيم من سحرة البشر كنت من اقوى السحرة والمشعوذين وقتلت ضرغام زمان وأنتحلت شخصيته..

نشروان: قصدك إنك إنسان من بني البشر 😳..

ضرغام: المفروض انت آخر واحد تستخف بالبشر لأنك مزوج بإنسيه وإبسرت كيف فعلت روزيل وساعدتك لما قررت أنا من زمن طويل تعلمت أقوى أنواع السحر والشعوذة من مئات السنين وركزت كل قوتي أتخلص من الجن وأغلبكم..

نشروان: وماعتستفيد لما تتخلص مننا 🤔 ياحقير..

ضرغام: لو قدرت أسيطر عليكم وقتها شاسيطر ع العالم كله قد تخلصت من مردة وملوك بالمكر والخديعة وشليت ملكهم واسلحتهم حتى هجرس لما قتلته في المعركة كنت متعمد لأنها فرصة الكل يحسب انه إبني ومحد عيصدق إن انا قتلت إبني متعمد وقتها تعمدت أخلي الدنيا ظلام واقتله واشل سلاحه واخلص منه ومن صوهيماء حتى الخاتم 💍 اللي كنت ملبسه له وفهمته انه عيحميه انه من خواتم أجدادنا كان فيه سم يخليه يفقد السيطرة ع نفسه وقت المعركة باقي معي انت وأتخلص من أقوى الجن..

نشروان واقف مصدوم من كلامه 😱: كيف وصلت لهذه المرحلة من الشر كيف قدرت تحكم هذه السنين ومحد إكتشف امرك..

ضرغام: لأن انا لما أقتل جني 👹 أتحمم بدمه واخلط معه مادة للتحنيط فتفوح رائحته ع رائحتي والجن محكومين بروايحهم وزيادة بعد ماقتلت ضرغام وتشكلت بشكله محد عاد يقدر يعرفني لان سحري قوي محد كان داري إلا هذك العجوز يارخ لأنه كان صديق مقرب لضرغام..

نشروان: يارخ 🤔 داري بس ليش ماتكلم..

ضرغام: لأنه كان مغرور ويومها لفت لي بإحتقار وقلي مابش إنسان عيقدر يتغلب ع الجن 👹 كان وقتها عيقدر يقتلني لأن انا ماكنتش أمتلك هذه القوة كلها واللي حصل بيننا كان تحدي إبسرت كيف إنسان قدر يفعل كل هذه المشاكل والحروب في أرض الجن لسنين طويلة هههههه...

نشروان بغضب 😡: أنت احقر إنسان عرفته..

ضرغام: ههههه 🤣 قصدك أشطر واذكى إنسان باقي لك اقتلك واتخلص منك وبعدها قضيت ع اقوى ملوك الجن..

نشروان بتحدي وعيونه شرر 😠: قصدك انا اللي شقتلك وأتخلص منك ومن شرك للأبد..

مسك سيفه🗡 وبدأ يلوح به في السماء..

ضرغام بدأ يلوح بسيوفه⚔️ ورمح الظلام🏹 والمطرقة بسرعة اكبر وسط الظلام ماعد بش شي ظاهر في السماء إلا برق ولهب..

اتجمعت السيوف مع المطرقة وتشكلت كتلة واحدة من اللهب والصواعق 🔥⚡️ وبدأت تتوجه بضربة قاضية لنشروان..

نشروان خرج زوبعة 🌪 قوية من سيفه ارتطمت بالكتلة النارية الرعدية⚡️🔥 لكن ماصمدتش خيرات تطايرت وضربت الكتلة نشروان بقوة لما رجعته لوراء..

نشروان اختفع في صخرة كبيرة لما أهتز الجبل 🗻..

كل اللي في القلعه 🏰 سمعوا الهزة اللي بدأ يبكي من الخوف واللي فكر يهرب واللي بيدعي لنشروان..

نشروان انغرست السيوف ⚔️ في كتفه وعين الذئب 🐺 نكعت تحت رجله وضعفت قوته ماقدرش يقوم من قوة الضربه...

ضرغام قرب لعنده وفي يده المطرقه 🔨 وبإحتقار: ياريت وانا ماقتلت يارخ يبسر بعيونه وأنا بين اقتلك وأوريه نهايتك وإنه كان غبي لما إستخف بي وقال إن انا شقتل بسلاح من صنعه هذا الغبي لصق لي عين ذئب 🐺 ما تأثرش فيني في حجر مغناطيس 🧲 ويحسب إنه صنع أقوى سلاح قدام سحري وشري مسك المطرقة ورفعها عيضرب بها رآس نشروان..

🤔 معقولة طلع ضرغام ساحر شرير من عالم الإنس وسيطر ع ممالك الجن 👹 كيف الشر موجود في كل العوالم ...

🌹meme_abdalgaleel

قصص صنعاني

23 March 2025 00:01

البـارت 53 •°

السـر المـدفون ❤️

روزيل نكعت في السماء بس السماء هذه شكلها مختلف ولونها بنفسجي مصفر كانت تتفرج يمين شمال تأكدت انها خلاص دخلت عالم الجن 👹

بدأت تفكر في كل الطرق اللي ممكن تساعدها لأنها عتواجه مخاطر ولازم تنسى الخوف لانه كل شي وله حل بدأت تمد نفسها وتحاول تسلم نفسها للريح تسحبها بهدوء وتنزلها للأرض

إبسرت قدامها شكل سحابه ☁️ بس لما ركزت طلعت شبكة عنكبوت كبيرة 🕸 لاصق في سحابه حاولت تبعد بجسمها ماتوصلش لعندها بس فكرت انه ليش شبكه عنكبوت 🕷 في السماء اكيد به سبب نكعت لافوقها وماحست بنفسها الا بتنكع من شبكه 🕸 لشبكه🕸 لشبكه 🕸 لما لقيت نفسها وسط شبكة كبيرة كأنها فريسة لعنكبوت وسط السحاب☁️ وسط السماء حاولت تتحرك مابش فايدة..

سمعت صوتها من وراها لفتت تبسر طلعت عنكبوت كبيرة 🕷معاها ٨ ارجل و٦ عيون كأنهن مطموسات عين واحدة بس بارزة..

العنكبوت🕷: أهلا بش في سماء سرآب أين عتسيري..

روزيل أبسرتها بدون بخوف بس مستغربة😳: عنكبوت في السماء مابتفعلي هانا بتصطادي فرايسش..

العنكبوت🕷: انا حارسة معبر السماء لأرض الجن 👹..

روزيل: كيف بتحرسي عالم الجن انتي جنيه ؟؟؟

العنكبوت🕷: مش شرط كل اللي في ارض الجن يكون جن.. طيب وانتي والكل جنيه..

روزيل: 😅 هاه صح..

العنكبوت🕷: ايش اسمش من انتي؟؟

روزيل كانت عتقلها اسمها بس ركزت في آخر لحظة علشان ماتنكشفش: انا عابرة سبيل عبرت في سلام..

العنكبوت🕷 قربت منها بتحاول تتفرجها وتركز: أنتي روزيل صح زوجة نشروان..

روزيل سكتت مش هي دارية هذه العنكبوت 🕷 عدوه والا صديقة..

العنكبوت🕷: انتي زوجته انتي روزيل خاتم نشروان 💍 في يدش..

روزيل جاوبت بشجاعة وحاولت تكون قوية وردت بحزم 😠: ايوه انا زوجة أمير الجن يعني أنا الأميرة روزيل..

العنكبوت🕷 تفرجتها وضحكت ضحكة خفيفة: انتي داريه ليش العنكبوت بتبني شباك في السماء..

روزيل حست بخوف 😨 بس حاولت تكابر وماتبينش: علشان تبني لها بيوت..

العنكبوت🕷 ضحكت: هههه ماشي علشان نصطاد فرايسنا نبني الشبكة 🕸 ونجلس نرتاح لانه رزقنا عيوصل بس احلى شي إن الزمن دوار واللي يذهب لابد مايرجع..

روزيل إستغربت 🤔: مافهمتش..

العنكبوت🕷: ههههه كان زمان حبيبش نشروان يتسلل لأرض الإنس كل يوم يتفرجش ووصلني أوامر من الملك ديمان إن انا أمنعه يعبر لأرضكم ولما منعته حصلت بيننا معركة وفقع عيوني بسيفه🗡 ماعاد خلى لي إلا عين واحدة ورجعت بعدها بطلت أمنعه يجي لعندش لأن انا متأكدة إنه عيجي اليوم اللي أنتقم منه والزمن اداش لعندي علشان انتقم منه فيش وأقهره..

روزيل يدها لاصقه في الشبكه 🕸 بدأت تتفرج يمين شمال يمكن تلقى شي يساعدها وتقدر تهرب..

العنكبوت🕷: هههه مابتدوري مابش مجال تهربي لاتحاوليش شفقع عيونش الجميلة 👁 اللي سحرت نشروان وبعدها أرسلش له..

روزيل: طيب انا معش لش حق تنتقمي منه لأنه فقع عيونش 👁 بس انا ماذنبي لكن مارأيش تشليني لفوق القلعة وتنتقمي منه تفقعي عيوني قدامه تنتقمي منه وتقهريه..

العنكبوت🕷 بإستغراب 🤔: ليش هذا الطلب تشتي تخدعيني..

روزيل نزلت دمعة من عيونها 🥺: علشان أبسره لآخر مرة قبل ماتفقعيهن ويكون آخر شي أبسره..

العنكبوت🕷 حست بكمية الحب اللي في قلبها لنشروان: ذلحين دريت ليش باع الكل علشانش بس لا ماشاخليش تبسريه شاشلش لافوق القلعة 🏰 وافقع عيونش 👁 وأقتلش وارجمش يبسرش مقتولة يموت قهر ويبرد قلبي إن انا إنتقمت منه حتى لو يقتلني بعدها..

مسكت روزيل ولفت عليها خيوطها 🐛 ولفتها كأنها يرقه ماعد باين فيها الإ راسها من خارج وبدأت تقفز من سحابه ☁️ لسحابة بسرعة بإتجاه القلعة..

روزيل بتبكي 😭 بتحس خلاص إنها نهايتها مابش مجال تتخلص من هذه العنكبوت خاصة انها مش دارية ماحصل مع نشروان وقد تتوج ضرغام والا لا..
.
.

في القلعة 🏰..

نشروان دخل القلعة وهو كله ثقة وقوة 💪 وسط هيبة وهتافات من جنوده واعوانه بعد ما خلصوا جنوده المخلصين قبل اعدامهم..

تجمع جنود نشروان وراه وبيحموه من كل جهة..

نشروان وصل لعند المنصه يشتي يتكلم مع ضرغام..

اخزم يشتي يقاطعه يبرر مافعل..

نشروان مسك سيفه 🗡 وضربه ضربه قسمته نصين: هذا جزاء كل خائن في مملكتي..

الملك ديمان بيتفرجه مبتسم 😃: هذا ابني البطل عشت يا سندي وولي عهدي..

نشروان إبسر أبوه وإبتسم 😊 ولفت لعند قومه: أتمنى إن انا وصلت في الوقت المناسب ومحد فيكم قد بايع هذا الطاغية شادافع عنكم لآخر لحظة في حياتي..

بدأت أصوات الجنود ترتفع أميرنا نشروان إحنا معك لآخر لحظة وكلنا فداء لك وللمملكة..

ملهم قفز بسرعة وفك السلاسل المربط بها الملك ديمان وهو زاعل عليه 😔: سامحني يامولاي ماقدرتش اساعدك كل اللي قدرت افعله أبلغ نشروان باللي حصل ينقذنا..

الملك ديمان حط يده ع كتفه🤚: انت فعلت الصح لانه محد عيقدر ينقذنا غيره..

نشروان إبسر الملك ضرغام...

🌹meme_abdalgaleel

قصص صنعاني

23 March 2025 00:00

البـارت 51 •°

السـر المـدفون ❤️

زينه: أنا آسفة نكعت عليا زجاجة الياسمين سامحيني..

ام زينه مسكتها وسحبتها بقوة 👭: انا قلت لش ماتقربيش جنب هذا البيت يله من هانا..

روزيل: لحظة احاسبش قيمة الياسمين 🌸..

ام زينه إبسرتها ولفت وجهها وخطيت..

روزيل جلست في الأرض بتجمع ورد الياسمين 🌸 وحطت وردة منهن في شعرها ودخلت للحديقه قريبة من شجرة التفاح 🌳 تحاول تزرع الورد سمعت صوت زينه وأمها من وراء سور الحديقة..

ام زينه: كم قلت لش ماتقربيش جنب هذا البيت وهذه الساحرة..

زينه: بس شكلها طيبة مش شريرة مثل ماقلتي لي..

أم زينه: أصلا الكل بيقل إنها قتلت زوجها وبناتها ودفنتهم في الحديقة..

روزيل حملت بسرعة لعندهن بتصيح: انتي الساحرة انتي والمجنونة زوجي وبناتي داخل راقدين 😴 أنا ماقتلتش احد وبتصيح بقوة وتلحقهن وتبكي..

ام زينه إفتجعت منها مسكت بنتها وبتهرب: قلت لش إنها ساحرة مجنونة..

روزيل دخلت للبيت وهي بتبكي 😭 بتدور زوجها وبناتها مثل المجنونة وبتصيح هن في المدرسة اكيد نشروان شلهن ابسرت قدامها فرو أحمر فوق الكنب🛋 فيه قطرات دم متخثر 🩸اول مرة تبسره وفوق الماسه كتب 📖📕 مرجومه عن الجن والشعوذة بتتفرج جسمها وملانه جروح وخدوش صاحت بصوت عالي وهي بتبكي 😭 معقولة صدق إن انا ساحرة وقتلت زوجي وبناتي بس ماهو هذا فينهم وماهو هذا اللي فيني وليش شكلي تاعب ومتغير هكذا جلست في الأرض وبتبكي..

سمعت صوت كلب 🐕 بينبح حست إنه بيذكرها بشي حملت بسرعة تبسره وإنه كلب خاطي في الشارع بتتفرج الحديقة وورد الياسمين 🌸 وشجرة التفاح 🌳 اللي شكلها كأنه مختلف صااحت أبالا هذه أبالا صح وبدأت تحس الشجرة كأنها بتبعد منها وصداع قوي ودوار في رآسها كأنه بدات الغمامة تبعد من عيونها👁 وبتحس بتعب في جسمها
حملت بسرعة للحمام فتحت الماء البارد للمغسلة 🛁 غمضت وحطت رآسها وسط الماء البارد يمكن يخف الصداع ويخف والدوار حست بحرارة ونار 🔥 قدام وجهها بعدته وفتحت عيونها ابسرت قدامها خيال شبح مخيف ☠️ بأسنان بارزة شهقت بقوة وصاحت😱 ورجعت لوراء بسرعة وخفعت رآسها بتبسر الحوض من بعيد 🛁 هذا حوض صغير مايكفيش الإ وجهي مابش فيه حاجه اكيد قربت لجنبه وصاحت بدون ماتحس الدلهاب هذا نوع من الجن يعيش في البحر بس شكله مثل الإنسان بس بدون ملامح وجهه اخضر وفمه كبير اسنانه مثل القرش يتعرض للمراكب ويرجم اهلها في البحر 🌊..

حست قلبها عيوقف ❤️ لما سمعت نفسها بتقل هكذا بدأت تتذكر..

أبالا.. الحية.. الدلهاب.. الشق.. السعلاه.. الوطواط كابوس.. الأجهش.. حجر المغناطيس.. الذئب.. السلحفاة.. البركان.. هيفيا.. الجن الحمر.. يارخ.. قصر الجنيات السبع.. بناتي.. ملهم.. القلعة.. نشروان.. المعركة تتويج ضرغام جن جن 👹👺 لوآح زوجة الأجهش هي اللي جتني في الحلم اكيد هي اللي ادت لي الاسم..

بدأت تتذكر كل شي بناتي في قصر الأميرات السبع اليوم تتويج ضرغام المعركة اكيد نشروان هو اللي اداني لاهانا يحميني ويشتي يواجه المعركة وحده ماشاسامحش إحنا تعاهدنا نعيش مع بعض او نموت مع بعض لازم اتصرف بسرعة مابش وقت

حملت لبست الفرو الاحمر حق الذئب 🐺 ووقفت قدام شجرة التفاح 🌳 بتداعي ابالا ابالا ساعديني أبالا مابش معي وقت أدخل من جديد في الممر وأقطع كل المسافات واقايض الدلهاب وادخل البحر والصحراء ماشوصل إلا وقد كملت المعركة ساعديني..

شجرة التفاح ابالا 🌳 ساكته ولا بترد..

روزيل: انا داريه إنش بتسمعيني بس أنتي الخسرانة دخلت بسرعة للبيت إدت سائل قابل للإشتعال🧴 ورشته عليها تحرقها..

أبالا بتصيح: ارجوش طفيني روزيل ساعديني..

روزيل سكبت فوقها ماء وطفتها: يله ساعديني بسرعة مابش معي وقت كيف بيقدر نشروان يتنقل بسرعة بين عالم الإنس والجن 👹..

أبالا: انتي داريه ماينفعش أحاكيش..

روزيل: مابش معي وقت ولا معش لللعب معي تشتي انقذش وتخلصي من الحريق دليني بسرعة ع طريق مختصر لازم أوصل قبل المعركة..

ابالآ: مابش طريق مختصر بس في كل معبر بين أرض الإنس والجن ممر خاص للإنس وممر خاص للجن 👹 بس ما انصحش بممر الجن لأنه خطير ع البشر..

روزيل: مابش معي خيار لازم اخوض هذا الخطر..

أبالآ: الخيار خيارش انتي حرة اطلعي لأعلى غصن فيني وابدئي اخطي عليه بإمتداده في الهواء لما توصلي لعالم الجن 👹..

روزيل طلعت الشجرة وبدأت تخطى ع الغصن وحطت رجلها في الهواء وفعلا بدأت تخطى في الهواء ورجلها ترتفع في الجو وبيتها بدأ يصغر..

الناس بدؤوا يتفرجوها ويأشروا عليها ويصيحوا ساحرة قتلت زوجها شكلها جميل مايوحيش إنها ساحرة..

روزيل بدأت ترتفع اكثر وأكثر وصوت الناس أختفى وبيتها وكل شي في الارض..

🌹meme_abdalgaleel

قصص صنعاني

20 March 2025 20:53

البـارت 49 •°

السـر المـدفون ❤️

يارخ: ليش بتتخبى وانت معك اقوى سلاح في عالم الجن 👹 المفرض تنسى شي اسمه خوف أنا معتمد عليك..

نشروان: قتالهم ماكان عيفيدني بشي لو كان قدر يهرب واحد منهم عيبلغ ضرغام وياخذ إحتياطه وأنا إشتي افاجئه..

ملهم : شكرا لك يايارخ ساعدتنا ماعننساش معروفك هذا أبدا..

يارخ إبتسم 😁: انا ماكذبتش عليهم لأن انا كنت بين اجرب سلاح جديد فعلا خطي لعند الطاولة ومسك 🪓 فأس حديدي هذا لك ياملهم سلاح قوي وضرباته رعديه..

ملهم إبتسم 😆: شكرا لك يايارخ..

نشروان إبتسم 😁 وحضن روزيل: لنا لقاء قريب يايارخ بعد ما اقتل ضرغام واوحد الممالك شكرا لك..

طاروا بسرعة وحذر ونشروان همه همين قتال ضرغام وفقدان روزيل للذاكرة..

....... ....... .........

بعد نص ساعة 🕧...

يارخ منشغل في عمله بين أصوات مطرقته 🔨 وصوت أسلحته يسليه هواء النسيم العليل وقف عمله شويه بيحاكي نفسه بصوت عالي: ما احلى الهدوء اللي يجي بعد معركة بس هذا شكله هدوء ماقبل العاصفة..

ضرغام جاوبه من وراه بعد ماكان عاده وصل بهدوء: جالس نشيط وبقوتك ياعجوز..

يارخ لفت له بغضب 😡: وانفي جالس يشم سواء ريحتك النتنه اللي لليوم قومك محد فيهم إكتشف حقيقتك..

ضرغام بغرور: هههه محد عيكتشف أنا قربت أوصل لهدفي قل لي ماهو السلاح اللي صنعته ولمن صنعته..

يارخ: أنت داري إن انا ماشاقلك شي..

ضرغام : أنا كنت إشتي إدي لك فرصه تعيش بس انت شكلك مصر اقتلك..

يارخ: المفروض إن انا كنت قتلتك من زمان لما جت لي الفرصة بس ماعد يهم اقتلك او تقتلني يكفيني إنك عتموت بسلاح من صنع يدي..

ضرغام دق الطاولة بيده بغضب 👊: ياحقير قلي لي لمن صنعت السلاح وماهو السلاح أنت تحسب إن به احد في الأرض الجن عاد عيقدر يتجرأ عليا ماعد فيش معي احد إلا أنت شقتلك وأرجم جثتك في وادي الذئاب..

يارخ: هذا اللي صنعه بعض الجن 👺 والمرده الأغبياء بتعاملهم مع البشر فعل مثل هذه الأمور خلى واحد مثلك يصبح ملك مسك مطرقته 🔨 ورجمها بقوة بإتجاه ضرغام لكنها وقفت قدامه..

ضرغام ضحك 🤣: غبي قوتي تطورت وزادت كل هذه السنين..

يارخ: مشكلتك إنك تحسب إنك الوحيد اللي تطور..

بدأت مطرقة 🔨 يارخ تطلع صوت صفير قووي وبخار وانفجرت في وجه ضرغام..

ضرغام حاول يصدها لكن مالحقش لأن مطرقة يارخ تحولت بسرعة لقفص كبير سجن وسطها والدم🩸 بيسيل من جسده..

يارخ ضحك بقوة: هههه مارأيك لو اربط هذا القفص ببغل 🐴وأخليه يلف بك في قلعتك..

ضرغام بغضب 😡: عشت مغرور وعتموت مغرور وهذا اللي مفرحني إنك اليوم عتموت ع يدي بسهولة..

يارخ حس برمح 🏹 دخل من ظهره وخرج من بطنه لفت يبسر من اللي رماه وإنه ضرغام ثاني إستغرب ضرغام في القفص وضرغام وراه..

ضرغام ضحك بإستهزاء 😂: اخيرا شقتلك اليوم شتخلص من اكثر واحد يعرف أسراري وقدرت اخدعه وأقتله بسهولة يله قل لي لمن صنعت السلاح ماهو السلاح فرصتك الأخيرة علشان اخليك تموت بدون عذاب..

يارخ بدأت روحه تخرج وبيتكلم كلام مش مفهوم..

ضرغام قرب منه يسمعه..

يارخ بصق في وجهه 💦😗: تفوووو عليك يا اقذر جني الكل عيعرف حقيقتك..

ضرغام حمر وجهه وغضب 😡 وقطع راسه بسرعة بس اقتهر ان يارخ مازال شامخ وماركعش حتى وهو بيموت.. مسك رمحه ومسك القفص والتحم جسمه بالجسم اللي داخل القفص ورجع جسد واحد وطار بسرعة يرجع قصره اللي كان رئيس الوزراء منتظره..

رئيس الوزراء: مالك تأخرت تحاكيت مع يارخ..

ضرغام: قصدك قتلته وتخلصت منه..

رئيس الوزراء ضغط يده بقوة: 👊 اوووه ليش هكذا كان لازم تخليه..

ضرغام: استفزني بقوة طول حياته وحتى في موته غلبني هذا الحقير ومات واقف ولاركع..

ضرغام: لكن يامولاي محد قد قتل جن 👹 صانع سلاح انت داري هم جن محايدين عنقلب علينا الجن..

ضرغام: أنت مش فاهم شي به مؤامرة بتتدبر لنا ويارخ طرف فيها اتمنى يعدي بكره ع سلام..

رئيس الوزراء: انت داري يامولاي فعلا به شي خطير البركان إنفجر وهدأ بعدها بثواني ورسلت كتيبه تبسر الوضع ورجعوا لي بخبر مقتل الحراس مردة البركان 🌋..

ضرغام بإستغراب 😳: كيييف والجن الأحمر كيف فتلوهم طيب وحجر المغناطيس 🧲..

رئيس الوزراء: حجر المغناطيس مكانه 🧲 بس كأنه في جزء منه ناقص والغريب انه لقينا سيف ملهم مغروس في صخره هاناك..

ضرغام خفع كرسي العرش بيده👊: ملهم قائد الحرس حق نشروان اللي هرب انتوا قلتوا محد لقيه اكيد مات..

رئيس الوزراء: أيوه يامولاي دورناه محد لقيه..

ضرغام: معقولة يكون هرب وساعد نشروان وخرجه من السلحفاه 🐢..

رئيس الوزراء: إستحاله انا بنفسي سجنت نشروان وروزيل وكنت متأكد إنه محد كان بعدي وحتى انا بنفسي ماعدناش داري أي سلحفاه 🐢 مسجونين فيها ومابش اي طريقه يقدروا يخرجوا منها..

ضرغام بصياح: بس كيف قدر ملهم يتغلب ع الجن الأحمر 👺 قلت لك يارخ أكيد له دخل في الموضوع لازم نعرف..

🌹meme_abdalgaleel

قصص صنعاني

19 March 2025 22:22

البـارت 47 •°

السـر المـدفون ❤️

يارخ طنن شويه 🤔: بس الأجهش مابش شي عيقدر يوقفه وهذا سلاحه إلا الموت بس معي فرصه أجرب السلاح الجديد أين الحاجات اللي طلبتهن إديهن مابش وقت قبل ماتغرب الشمس ☀️..

نشروان مكنه أنياب الذئب 🐺 وعينه وحجر المغناطيس 🧲 والمطاط..

روزيل: كنت مفتجعه إن انا ضيعتهن في الغابه لما نكعت..

نشروان: قد دخلنا في معركه قويه علشان أرجعهن شحكي لش بعدين..

روزيل: أنت بخير تأذيت..

نشروان: أنا بخير خلينا الآن نتجاوز اللي إحنا فيه..

يارخ مسك مطرقة 🔨 كبيرة وضرب بها الجهة اليمين من الكوخ ضربة قوية لما انشقت الأرض وخرج منها حمم بركانية 🔥 وغرس فيها واحد من أنياب الذئب..

روزيل صيحت 😱: يييه انتبه الناب عيذوب..

نشروان اشر بإصبعه 🤫: اوووص ياهرمة خليه يشتغل مابش معانا وقت..

يارخ خطي للجهة الشمال من الكوخ وبعد بيده كتلة من الرمال كان تحتها كتله من الثلج غرس فيها الناب الثاني حق الذئب وشد المطاط بين النابين..

حط المطرقة 🔨 من يده في الأرض ومسك عين الذئب بيده وهي بترتعش 👋 لفت لعند نشروان: 👀 جسمي كله بيرتعش سنين وأنا بين احلم أمسك عين الذئب بيدي وأواجه هذه اللحظة بس من كثر الرعشة اللي في يده نكعت عين الذئب 🐺 للأرض..

خطي يارخ مسك العين وخطي🚶لعند طاولة وفتح صدره شقه وخرج منه قلبه ❤ وحطه فوق الطاولة بدأ لون قلبه يتغير للون الرمادي ويارخ بدأ يترنح ويدوخ ويبعد عن الطاوله لما وصل لجنب نشروان ومسكه سحبه..

نشروان جلس في الأرض ع ركبه وبدأ نبضه يشع وينبض في جسم يارخ ❤️ وبدأت قوته تضعف في أقوى مواجهة بينه وبين عين الذئب..

روزيل بدأت ترتعش من الخوف 😱 وتصيح بعد ما أبسرت نشروان بيرتعش بقوة والعرق مغطيه صيحت لملهم: ملهم وقفهم مابيفعلوا بزوجي وبدأت تبكي 😭..

ملهم بقلق وخوف 😰: اهدئي امسكي نفسش مابش وقت لازم نحاول زوبعه 🌪 الاجهش بتقرب مننا عيوصل لنا..

يارخ مسك عين الذئب 🐺 ووجهها مباشرة لعيون 👁 نشروان..

نشروان بدأت عيونه تبيض 👁 ولونهن يتغير وجسمه يتشنج ويفقد السيطره ع نفسه ويدوخ..

روزيل صاحت بصوت عالي وبتبكي 😭: بسسسسس عيمووت وحملت تشتي تمسكه..

ملهم لحقها وسحبها بيدها 🤝: روزيل إهدئي..

يارخ طنشها مسك عين الذئب🐺 ومسح بها جفون نشروان وفلته مرجوم في الأرض وخطي لعند الطاولة حط عين الذئب فوقها ومسك قلبه ❤️ ورجعه صدره ورجع لونه الطبيعه ، مسك حجر المغناطيس 🧲 وحطه فوق صخره وشل المطرقه 🔨 حقه وبدأ يطرقه لما شكله مقبض سيف ورجمه وسط الحمم البركانية 🔥 لما التهب وسكب ماء حامي فوق المطاط لما ذاب وفوقه ثلج ومسك المطاط من النص وسحبه بقوة لما استحب المطاط والأنياب والتصقت ببعض كأنها قطعة واحدة لسيف..

خرج حجر المغناطيس 🧲 من النار 🔥 وغرزه في عين الذئب ولصقهن بالأنياب وإكتمل السيف 🗡 قطعه واحده مسكه بيد ومسك يد نشروان باليد الثانيه وجرح كفه بالسيف لما خرج دم 🩸 إمتصه السيف..

يارخ بكل غرور وفخر وملامح الفرح في عيونه: 🤩 أخيرا صنعت أقوى سلاح في أرض الجن لليوم ماقد صنع بقوته أبدا في وقت قياسي سيف يقدر يجذب المعادن وينفرها عن طريق عين الذئب في نهايه مقبض السيف 🗡 لما تكون مفتوحة ينفر الجن وسلاحهم ولما تغطيها ينجذبوا لعندك وتقدر تبعد الأنياب ويرجعين سيفين 🗡🗡 ملتصقات بسبب المطاط ويمتصين قوة سلاح عدوك لما تهزمه بس اهم شي تجيد إستخدامه حظ سعيد..

روزيل مسكت نشروان بخوف 😰 بتسنده وتمسك مكان الجرح اللي جرحه يارخ في يده: أنت بخير ياحبيبي طمني عليك..

نشروان بدأ يستعيد وعيه ويصحصح: أنا بخير طول ما انتي معي احبك ياملكتي ومملكتي 😍 ومنقذتي مسك يدها وباسها..

روزيل حمرت خدودها 🥰: وانا احبك أكثر ما اقدرش أتخيل حياتي بدونك..

ملهم حاول يخبي زعله 🥺 ومشاعره لروزيل لف وجهه بيحاكي نفسه أنت عاهدت نفسك إنك تنساها هذه اميرتك وزوجة اخوك وأميرك..

يارخ مسك مطرقته 🔨 يكمل عمله: يله انطلقوا الأجهش قرب منكم وصيتي لك يانشروان الحذر ثم الحذر ولا تفرط في سلاحك ولا في زوجتك استودعتكم الله..

نشروان: شكرا لك يايارخ لكن جي معانا الأجهش وزوبعته عتدمر كل شي او تخبأ..

يارخ: تطمن ماعيقتلنيش سلاح صنعته بيدي يله لاتتأخرش..

نشروان مسك السيف بيده 🗡 وإستعاد قوته ورجعت ثقته بنفسه بعد ماحس ان عين الذئب🐺 خلاص ماعتأثرش عليه لفت لملهم: اربطها في ظهري..

روزيل ضحكت 😁: يربطني..

نشروان: أيوه مش ناقص تنكعي مرة ثانية..

ملهم مسكها وبيربطها ويمسح دموعه بدون مايلاحظوها 🥺..

روزيل حست عليه بس حاولت تغالط: ذلحين أي حين عتحكي لنا اين كنت وإحنا بكينا عليك إنك مت..

ملهم: طيرني لهب البركان 🌋 للبحر وهجمت عليا وحوش البحر واصبت كانت حركتي صعبه ألحقكم ولما أخيرا لملمت جروحي حاولت اوصلكم والحمدلله وصلت في الوقت المناسب قبل ماالاجهش يقتلش ويقتل نشروان..

نشروان: حمدلله ع سلامتك ياأخي وصديقي 😁 كان صعب عليا اخسرك

بدأت الهزات تزيد والزوبعه 🌪 تقرب منهم وصياح الأجهش وغضبه يعصف بالمكان 😡..

🌹meme_abdalgaleel

قصص صنعاني

19 March 2025 13:01

البـارت 45 •°

السـر المـدفون ❤️

روزيل حست بهواء بارد بيلعب بشعرها فتحت عيونها 👁️ لقيت نفسها ممدده ع سرير في كوخ من قش 🛖 وقدامها حديقة وقفت وخطيت لباب الكوخ وبتبسر أشجار خضراء 🌲🌳 باشكال مختلفه وصوت زقزقه عصافير من وسط الحديقه بدأت تخطى🚶‍♀️بين الأشجار لما وصلت لعند شلال ماء بيصب وسط بحيرة ماء وجنبه صخرة كبيرة جالسه لوآح فوقها بتمشط شعرها بمشط ذهبي وحولها جنيات بيسبحين في البحيرة ويضحكين بتحاكي نفسها يا الله مااحلاها ومااحلى هذا المنظر كانت عتموت بسببي لازم اعتذر منها قرربت منها تشتي تخطى لعندها 🚶‍♀ بس في شي مانعها كأنه حاجز شفاف من الزجاج بدأت تدقه بقوة ✊️ ولفتت لها لوآح وكانت عينها عتجي في عينها 👁️..

فجأة خرجت يد كبيرة 👊 من الباب كسرت الزجاج ومسكت روزيل وطارت بها..

روزيل بدأت تبعد عن لوآح واللوح الزجاجي بس لما ركزت اكتشفت انها مابتطيرش وإن لوآح والتابوت الزجاجي هن اللي بينكعين سمعت صوت..

نشروان: روزيل حبيبتي فوقي أنتي بخير..

روزيل بتبسره مطننه 😳: أين هي لوآح والجنيات..

نشروان بنظرة قلق 😰 عليها: مش وقتهن أنتي بخير الحمدلله إن انا لقيتش لاتخافيش..

الأجهش صااح بصوت عالي 😡: شقتلك ياوووغد ليش فعلت هكذا..

روزيل ما أستوعبتش أيش اللي حصل إلا لما نزلها نشروان من يده وإنها في نفس المغاره بس أين لوآح والتابوت معقولة كنت بين احلم..

شكل نشروان كسر التابوت ونكعت لوآح والتابوت للنهر..

الأجهش صااح بغضب وصوت مرعب 😡 وطار لعند نشروان وروزيل..

روزيل إبسرت الشرر اللي بيطاير من عيونه 😈 افتجعت ع نشروان..

نشروان مسك انياب الذئب 🐺 ووقف مستعد للمعركه مع الأجهش يدافع ع حبيبته..

الاجهش ماعدبش معه شي يخسره هجم ع نشروان بكل شراسه 👺 طرحه في الأرض وبدأ يلكمه 👊 بكل قووة..

نشروان رفعه برجله ودهفه بقووة لما طيره ودق رآسه في جدر المغاره ورفع عليه سيفه 🗡..

الأجهش حاول يرفع سيفه 🗡 يسوي زوبعه بس كان نشروان مسيطر ع المعركة بعد عدة محاولات قدر يفعل زوبعه 🌪صغيره ووجهها لنشروان..

نشروان لف ودار عكس الزوبعه 🌪 ورفع سيفه 🗡 وطيرها بس لفت قدامه والأجهش قد اختفى..

الأجهش استغل فرصة انشغال نشروان بالزوبعه ولف من خلفه ورجمه بالسناره 🪡 ولف خيوطها حول نشروان وكتفه ورجمه في النهر وقفز بكل غضب😡 لعند روزيل ورفع سيفه 🗡 فوق رآسها: ياحررام اليوم نهايتش الرآس الجميل هذا شقسمه نصين حاولت أحبسش في التابوت الزجاجي وأنتقم منش بس نشروان أنقذش..

روزيل بعد ما إبسرت نظرات الحقد والكره في عيونه 👺 بتبكي وتصيح 😭 بعد ماتأكدت إن الأجهش خدعها ويشتي يقتلها: نشروان ساعدني..

فجأة بدأ الأجهش يستحب للوراء مع سيفه 🗡 بقوة خارقة وتعلق في حافة الصخرة وبدأ نشروان يرتفع من النهر مع سيفه 🗡 لما تعلق في الحافه الثانيه من الصخرة..

روزيل مستغربه من اللي بيحصل 😨 لفتت وان اللي حصل بسبب حجر المغناطيس اللي مع نشروان وقوة التجاذب والتنافر اللي مستغربه ومتجمدة من اللي فعل هكذا..

الأجهش ع طول رفع سيفه 🗡يشتي يضرب نشروان..

روزيل حملت تشتي تساعد نشروان..

الاجهش كان اذكى منها تشكل بسرعة بهيئة نشروان علشان تتلخبط من هو زوجها لأنه قرر يقتلهم بعد ماماتت لوآح ونكعت في النهر بسبب نشروان..

صوت من وراها: روزيل انتبهي عيخدعش..

روزيل قررت بسرعة تقفز للنهر لأن نشروان أكيد عيفلت القتال ويساعدها وعتعرف أي واحد هو فيهم زوجها..

نشروان قفز بسرعة بعدها ومسكها ينقذها..

الأجهش قفز بسرعة وسيفه في يده 🗡 يشتي يطعن نشروان من وراه بس قبل مايوصل حس بطعنة قووية من وراه اخترقت ظهره وخرج السيف من بطنه وارتجم في النهر..

نشروان واقف مطنن مكانه وروزيل معه 🥺 وعيونه ملان دموع وإستغراب: معقوووول مللللللهم..

روزيل امتزجت تعابير وجهها خوف وفرح وإستغراب في نفس الوقت: انت بخير 😳..

ملهم: مش وقت الكلام الآن يله بسرعة قبل مايرجع ماقد خلصنا منه..

بدأت المغارة تهتز الأجهش فعل زوبعه 🌪 وسط الماء لما بدأ مستوى الماء يرتفع للمغارة..

نشروان مسك روزيل وطار بها خارج المغارة..

ملهم طار بسرعة مسك صخرة كبيرة وسد بها مدخل المغارة بقوة يسد ع الأجهش طريقه وطار بعدهم..

روزيل بتصيح: أنتوا مجانين كيف بتطيروا الفجر طلع والضوء باين الشمس أشرقت ☀️ عيلقاكم جنود ضرغام..

نشروان: مابش معانا خيار لازم نهرب الآن بسرعة المغارة عتنفجر الآن..

🌹meme_abdalgaleel

قصص صنعاني

18 March 2025 19:57

البـارت 43 •°

السـر المـدفون ❤️

روزيل بدأت تتحرك بسرعة وحذر هي وكابوس... لفتت له: كابوس صدق هو سموه باالاجهش لانه يخلي عدوه يجهش بالبكاء قبل مايقتله كيف قلبه ميت 🤔..

كابوس: أيوه هو يبكي عدوه بس مش هذا سبب تسميته هم سموه الأجهش لأن كان معه حبيبه وقعت لها لعنه ودخلت في مرحله سبات عميق بيسموها الجنيه النائمة لوآح وهو من هذك اليوم بيبكي 😭 عليها ليل ونهار وكان الجن 👹 يضحكوا عليه ويعايروه فقرر انه ينتقم منهم لأنهم سخروا منه ويبكي اعدائه تحت رحمته قبل مايقتلهم..

روزيل: بس شكله جالس يدورني من هذك الأيام علشان الجائزة مشو داري باللي حصل وإنهم حبسونا في سلحفاه 🐢 ومحد داري إن احنا هربنا..

كابوس: أظن انه داري بكل شي..

روزيل بإستغراب 🤔: كيف داري..

الاجهش 👹: أنا كنت بين اراقبش من البداية..

روزيل صااحت بقوة وخووف 😱 وارتجمت للأرض بتبسر قدامها وإنه الأجهش واقف وكابوس واقف فوق كتفه حست برجفه في جسمها 🥶 تجمدت واسنانها بتهتز من الخوف بدأت ترجع وراها تشتي تهرب..

الأجهش مد يده وسحبها بقوة وبدأ يخطى بها بإتجاه مغارة..

كان كابوس 🦇 صاحبها هو اللي باعها وبعدها عن نشروان وسلمها للأجهش..

روزيل أقتنعت ان كابوس حقيقة..

الأجهش بعد مادخل المغاره حط روزيل ع جنب وأشعل نار 🔥 وجلس قدامها وكابوس فوق كتفه..

روزيل ركزت عيونها ع الأجهش تشتي تجرب سحر عيونها 👁️..

الأجهش قاطعها بضحكة سخرية: هههه😆 لاتحاوليش ماعينفعش سحرش معي لأن انا إبتليت به قبل ماتولدي..

روزيل حست بخيبه وزعل 😔 ولفتت لكابوس بإحتقار: كنت احسبك صديقي ووثقت فيك لكن طلعت خائن..

الاجهش قاطعها وهو بيضحك 🤣 من كابوس: هذا هو في خيالش بس وبدأ يمسح ع كابوس وبدأ يتلاشى شويه شويه لما إختفى..

روزيل مسكت راسها بيدها بدأت تحس نفسها عتجنن 😱: ماهو هذا..

الاجهش: مابش شي إسمه كابوس أنا تلبستش من اول مادخلتي عالم الجن 👹 وخليتش تتوهمي وتتخيلي كابوس في عقلش ومحد يبسره غيرش علشان اقدر اخطفش بس كل مره كان يحصل شي اول مره لقيتش ونشروان عاده نسر كنت شخطفش بس هجموا عليش جيش ضرغام اضطريت أشلش للجسر علشان يفوق نشروان ومايقتلوش مااشتيش اخسرش والمرة الثانية كنت شخطفش في المعركة بس تدخل نشروان خلاني اتلبسش واتخبى داخلش لأنه لو ظهرت كان عيقتلوني واضطريت إن انا أدخل معاكم أحتبس في السلحفاه 🐢 ولما خرجتي كنت بين اراقبش منتظر لأي فرصة لما إبسرت فرحة نشروان وانشغاله يوصل لكهف يارخ يصنع السيف🗡 استغليت الفرصه وهجمت عليكم وخطفتش..

روزيل بتبكي 😭: انت خبيث وماكر ليش تصورت لي بشكل وطواط 🦇 وخليته يتغذى ع احزاني..

الاجهش: لسببين الأول أخليش في حالة إكتئاب وماتركزيش عليا ومحد يركز إنش متلبسه والسبب الثاني كنت محتاج أعرف أيش اللي يزعلش ويبكيش لأن انا محتاج لدموعش علشان أوصل لهدفي..

روزيل: أنت بتدور تسلمتي لضرغام وتستلم الجائزة بس انا لما تسلمني شاقل لضرغام إنك خرجتني من السلحفاه 🐢 ..

الاجهش: ومن قلش إن انا محتاج للجائزة أنا محتاج لسحر عيونش بس 👁️ وبعدين لولا صداقتي وصحبتي معش إنش في عداد الموتى أنا حميتش وساعدتش اكثر من مرة والآن دورش تردي لي الجميل..

روزيل حست بخوف بتحاكى نفسها 😰 مايشتي مني هذا الجني الخبيث حتى سحر عيوني مابيأثرش عليش ويشتيه وخسرت كل الأسلحه اللي معي في الزوبعه حتى المطاط والعين والأنياب وحجر البركان كلهن ضاعين في الزوبعه يارب نشروان يلقاهن ويلقاني وينقذني من هذا الجني الغامض 👹...

لأجهش: إمشي قدامي..

روزيل مشيت وهي مكسورة 😔 خاضعه مش عارفه أيش مصيرها ولا أيش نهايه عالم الجن هذا اللي كل ماتخرج من مصيبه تدخل في مصيبة ثانية..

الأجهش سحبها لما وصلها لنهاية سفح جبل ⛰️ في المغارة مطل ع نهر ومعلق في حافته تابوت زجاجي معلق في الهواء..

روزيل رجعت خطوة لوراء خافت 😥..

الأجهش دهفها: يله رجعي لها سحر عيونش علشان تفوق من غيبوبتها..

روزيل قربت للتابوت الزجاجي بتبسر داخله جنيه ممدده في سبات عميق وحولها ورود من الياسمين 🌸 من كل جهة اول ما ابسرتها بدأت ترجف من الخوف😨 وبتسأله من هذه..

الاجهش: هذه حبيبتي اللي وهبتش سحر عيونش 👁️ كنا أنا وهي عايشين حياة سعيدة لكن بعد ماوهبتش سحر عيونها دخلت في سبات عميق وهذا حالها..

روزيل ضاغطة يدها بكل قوة ✊️: بس انا مااعرفهاش ليش توهبني سحر عيونها..

الأجهش: بعد ما كانت السبب في العمى اللي حصل لأمش بسبب الساحرة حست بالذنب وجلست في حالة زعل حاولت أشغلها انسيها مابش فايده لما جاء اليوم اللي لقيتها باب مغارتنا وهي ملان

أيش عتطلع قصتك يا أجهش طلعت مكار وخدعتنا كلنا وصدقنا إن كابوس حقيقي ماتشتي من روزيل وليش بتلاحقها من اول مادخلت عالم الجن 🤔...

🌹meme_abdalgaleel

قصص صنعاني

18 March 2025 19:55

البـارت 41 •°

السـر المـدفون ❤️

نشروان: أنت مسجون هانا 🤔

العجوز: جيت لعند طقسوش إشتي المطاط وطلبت مني أدور السد أدور لها ماء علشان تدي لي مطاط ودخلت وضعت في جذورها لأنهن متشابهات ومن يومه وأنا مسجون هانا ماقدرتش اخرج بس قدرت أشل شويه مطاط وصلت لمركز تصنيع المطاط وشليت لي..

روزيل جلست في الأرض وبكيت 😭: قلت لك طقسوس خدعتنا عنموت هانا ونشيب مثل هذا الملك وبناتي عيعيشن وحدهن عند الجن..

نشروان حط يده ع شعرها بيحاول يهديها: عدينا الأصعب ياملاكي عنخرج انتي قوويه 💪 ولفت للعجوز بس كيف لصقت هكذا في الجدار..

العجوز: كنت كل يوم اقوم من النوم ألقى نفسي لاصق في جذورها وأحاول أبعد نفسي لما ضعفت قوتي وبدأت تلف جذورها حولي وكل يوم تمتص جزء من حياتي تتغذى عليه ولو فكرت ابعد تنشر سمها في جسمي..

نشروان: طيب كيف نساعدك..

العجوز: ضحك لو التصقت بجسمي عتفلتني وجذوزها عتلتصق بك انت وتفلتني وتمسكك انت تتغذى عليك وهذا شي أنت ماعتفعله بس لو معاكم شربة ماء اروي بها عطشي..

روزيل بعدت الماء اللي معاها اللي مربوط في خصرها ومكنت نشروان وهي متخبيه وراه: ادي له يشرب..

نشروان رجعها: خبيها يمكن نحتاجها مدري كم عنجلس هانا..

روزيل: مع حرام كله الا الماء إدي له يشرب حتى لو كان عدوك وطلب ماء اي وقت ادي له..

العجوز: طيب معي فكره تبادلوني أدي لكم المطاط ماعاد احتاجه وتدوا لي الماء..

نشروان فرح: طيب موافق 😊..

العجوز: طيب شل الخرقه اللي تحت رجلي فيها مطاط شلها وأسقيني ماء..

نشروان فتح الخرقه وتأكد إن فيها مطاط شلها ورجع سقاه بالماء..

العجوز بيتلذذ بالماء سند راسه للجدار وغمض عيونه 😋 كأن روحه رجعت من جديد..

نشروان رحمه 😔: أزيد أشربك شكلك عاطش قوي..

العجوز: أنا خلاص تعودت ع العطش كنت اشتي أتذكر أيام النعمه اللي كنت فيها وتعلمت إنه ماعد اطلب من أحد شي بسبب طلبي للمطاط أنا محبوس وخلي الباقي ينفعكم عتحتاجوه لأنه طول هذه السنين مابش محاولة أخرج بها إلا وجربتها مابش فايدة..

روزيل: طيب وكيف قدرت تعيش طول هذه السنين..

العجوز: جذور طقسوس الملتصقه بي مع إنها بتحسب من حياتي بس بتمدني من بطاقه كفيله تخليني أعيش..

روزيل: لما نخرج من هانا شدي لك هذا الماء هدية..

العجوز ضحك 🤣: لما تخرجي من هانا ماعد عتخرجيش خلاص ثلاثمائه سنة وانا بين احاول بس موافق شقبل هديتش..

روزيل: قل لي حاولت تشعل نار 🔥 من قبل..

العجوز: أيوه بس مابش فايده جذورها رطبه مابتشتعلش..

نشروان: طيب جربت تثقب جذورها وتحفر التراب لما توصل للسطح..

العجوز: أيوه بس جذورها مطاطيه ماتثقبش نسيت ان هذه طقسوس..

روزيل: طيب لما كنت تدور كنت تلقى نهاية مسدوده..

العجوز: أيوه كل جذورها متشابهة ومسدودة معاهن نهاية..

روزيل: طيب به جذور نهايتهن للأعلى..

العجوز: اغلبهن جذور للأسفل بس أعتقد بعضهن للأعلى..

روزيل: هذا اللي أحتاجه شكرا 😊..

نشروان إبسرها إبتسم ورفع حواجبه 😁: ماقد معش..

روزيل مسكت يده 🤝: هيا معي خطة بس لازم نحفظ طريقنا سواء اللي عنمشيه..

نشروان: طيب فهميني..

روزيل: طير بي لما نوصل لنهاية أي جذر عالي بس نبدأ ع جذر جذر من اليمين...

نشروان حب يرفع معنوياتها: من عيوني يا أميرتي 😍 هذا سهل..

بدأ يطير بها وكل مايوصلوا لنهاية جذر تطلع نهايته للأسفل..

روزيل: يله نرجع لنقطة البداية علشان مانضيعش..

نشروان طار بها لما رجعوا لعند جاور..

روزيل: يله ذلحين نبدأ بالجهة الشمال..

بدأ نشروان يطير بها وكل شويه يوصلوا لنهاية جذر للأسفل وبعد ساعتين وصلوا لجذر نهايته للأعلى..

نشروان: يله وصلنا لجذر عالي ماهي خطتش..

روزيل: شفعل حاجة أنا متأكدة إنها عتنجح..

فتحت الماء وسكبت نقطة لأصبعها ومسحت به نهاية الجذر وكانت المفاجاة ان الجذر أمتد لفوق ظن إنه وصل للماء..

نشروان إبتسم 😁: قلت لش إنش أشد ذكاء من الجنيات هههه هكذا عيجلس يمتد الجذر لما يوصل للسطح..

روزيل: قل ياررب بس لازم تستخدم يدك القوية وتوسع لنا الجذر علشان نقدر نتحرك..

بدؤوا يشتغلوا مع بعض روزيل تمسح قطره ماء ويمتد ونشروان يوسع بيده حوالي ٤ ساعات لما وصلوا لنهايه رطبه والجذر جاف..

روزيل بفرح 😃: أظن إن احنا وصلنا سطح الأرض جرب أثقب نهاية الجذر نتأكد..

نشروان بدأ يثقبه لكن الجذر مطاطي: لو وصلنا قلي يارب ان الشمس ماقد غابت علشان أقدر أتصرف..

بعد ربع ساعه تقريبا بدأ الجذر ينكمش وينشف..

نشروان لكمه لكمه قويه 👊 لما ثقبه وبدأ الهواء يدخل.. فرح 😁: شكرا ياحبيبتي الذكيه هيا نخرج بسرعة..

روزيل: لحظة انا وعدت جاور ادي له الماء..

نشروان: سمعتيه قلش ماعيرتويش حتى لو شرب نهر كامل ماعينفعه هذا الماء مابش معانا وقت..

روزيل...

🌹meme_abdalgaleel

قصص صنعاني

17 March 2025 20:26

البـارت 39 •°

السـر المـدفون ❤️

روزيل: ليش سدره هي شجره 🤔..

نشروان: سدره اسم الشجره الطيبه ومع ان هيفيا شجرة خبيثة🌲 بس بنداعيها سدره احترام لها..

روزيل ضحكت: ههه وعاد الشجر حقكم يشتين يحترموهن🤣 ..

نشروان خفعها في راسها بصفاد 👋 قلنا لكل عالم خصوصياته يالقانه..

روزيل: طيب ليش ماتقتلها ونشل المطاط أحسن بدل مانسير نحترمها 😅..

نشروان: ماينفعش لانه لازم المطاط يكون حيوي ومابش فيه سم غير انها شجره قووية وضخمه ويابسه..
...... ......... ........

في مملكة البحار 🌊

في قلعة ديمان 🏰...

رئيس الوزراء بيتفرج القلعه ويلف في الغرف ودخل غرفة عرش ديمان..

جندي من الحرس: قد طلبت منهم يغيروا الأثاث كامل ويجهزوا أثاث جديد يليق بمولاي ضرغام..

رئيس الوزراء لفت له: لالا بالعكس ماتغيروش أي شي نشتي غرفة العرش تكون مثل ماهي بالذات كرسي الملك ديمان..

الجندي: بالنسبه للملك ديمان كيف عيحضر التتويج قبل مانقتله..

رئيس الوزراء: أيوه لازم يبسر التتويج بعيونه ويبسر مملكته وهو ملكنا وتتويج الملك ضرغام ملك ع مملكته خلي الجنود يدوه ويسجنوه في سجن المملكه ويكثروا الحراسه عليه من أقوى المرده 👺..
.
.

بعد مسافه طويله بين الأشجار في الغابه إبسروا قدامهم شجره كبيره ضخمه ويابسه 🌳..

نشروان مسك روزيل ورجعها وراه وقرب من الشجره: أهلا بسدرتنا اللطيفه هيفيا أنا جيت بكل سلام أطلب منش شويه من المطاط النقي..

بدأت أغصان الشجره تهتز وتتحرك لما لفت حولهم: من أنتوا..

نشروان: أنا الأمير نشروان ابن الملك ديمان الملك ضرغام هجم ع مملكتنا وأسر الملك ديمان والوزراء وإحتل قلعتنا والمملكه وشليت وعد ع نفسي أنقذ مملكتنا وهذه زوجتي الإنسيه روزيل..

هيفيا بدأت تضحك بصوت عالي وهي بتهز أغصانها: هو أنتي الإنسيه الساحره اللي بيعشقها الجن 👹 اقربي لعندي أبسر أيش السحر اللي خلاه يتخلى ع مملكته وتزوجش..

روزيل قربت لعندها وهي مبتسمه 😊: اهلا بسدرتنا الجميله هيفيا أنا روزيل وأتمنى تساعدينا..

هيفيا: طلعتي جميله جدا مثل ماوصفوش قلي لي قد سقيتي شجره من قبل..

روزيل ذكرت نشروان لما كان يجلس يقلها تسقي شجره التفاح🌳 وبحماس 🙂 أيووه كنت أسقي شجره التفاح حقنا في عالم الإنس وكنت أعتني بها دايما..

هيفيا: أيووه أعرفها إسمها أبالا هي بوابة عالم الإنس لأرض الجن وبسبب إهتمامش بها جالسه شابه وجميلة..

نشروان لفت لروزيل إبتسم 😉 وغمز لها: أيووه لأن روزيل كانت تهتم بها وحدها بدون محد يطلب منها حتى إنها مثمره وخضراء..

هيفيا: أممممم طيب شدي لكم المطاط بس عندي إمتحان بسيط لازم تتجاوزوه..

نشروان: طيب موافقين ماهو الإمتحان..

هيفيها: أنا شسأل وأنت تجاوب..
معي لغز إذا قدرتوا تحلوه شدي لكم المطاط ولو خسرت تموتوا ومعاك فرصه لما تتعامد أشعة الشمس..

نشروان: طيب موافقين..

هيفيا: شيء نصفه أكبر منه ذلك الشيء يحتاج لسر الحياة كي يعيش ونصفه يمنعه منه؟؟؟

نشروان طنن ولفت لعند روزيل: ياودافتاااه عنموت ياحبيبتي ماهو النص هذا أنا مااعرفش سر للحياة علشان واحد يعيش الإ حبش 😅..

روزيل إبتسمت له🥰: طيب يارومانسي شغل عقلك..

نشروان بيحاكي نفسه مالها ابتسمت معقول لقيت الحل بس ماعتقدرش تساعدني لازم احله انا 🤔 جلس يتفرجها لو عتقدر تلمح له بس حس نفسه سارح في جمال عيونها 😍 رجع بعد عيونه يحاول يفكر قبل مايكمل الوقت..

جلس في الأرض وحط يده ع رآسه وبيفكر 🤔 ماهو السر اللي يعيش به معقول يكون الهواء لانه مانقدرش نعيش بدونه بس الأسماك مابتتنفسش أمممم أعتقد انه الماء لانه عنموت بدون ماء..

هيفيا إبسرته مطنن 🤔: طيب شاعيد لك السؤال ماتقول في شيءٍ نصفه أكبر منه
ذاك الشيء يحتاج الماء لكي يعيش
ونصفه يمنعه عنه؟

نشروان خفع رآسه 😱 وابسر روزيل: ماهو هذا زادت صعوبته أكثر والوقت بيخطى بسرعة ماافعل..

بدأ الوقت يخطى والهدوء في المكان بإستثناء صوت الغربان وأمواج البحر 🌊 لما بدأ توتر نشروان يزيد..

بدأ يتأمل في هيفيا وكيف قدهي عجوز وشاحبه وعادها عايشه ولو هي بحاجه للماء ليش مابتتسقى والبحر جنبها أكيد به شي بيمنعها اللي هو نصها واكبر منها ويمنعه منها معقوله جذورها بس جذورها هي تمتص الماء بس أكيد به شي مانعهن ماهو الشي اللي أكبر منها معقول هو السد 🤔 أيووه هو السد لأن وظيفته حجز الماء وحبسه وهو أكبر من الشجره لكن كيف قالت هو نصفها معقول ادت لي سؤال لغوي وهيفيا بتلعب بالأسامي والكلمات..

أيوه الأسماء والله انها شجره خبيثه ومكاره دريت إن احنا سميناه سدره مجامله وتملق بس وادت لي سؤال هكذا..
لفت لعندها بمكر 😏: طقسوس لقيت الحل للغز حقش..

هيفيا: معك فرصه واحده لو خسرتها عتخسر حياتك وحياة الإنسية متأكد..

🌹meme_abdalgaleel

قصص صنعاني

17 March 2025 20:25

البـارت 37 •°

السـر المـدفون ❤️

روزيل كانت تتحرك بإتجاهه وهو يرجع لوراء لما قربته من إتجاه البركان 🌋..

كان كل هدفها انها توصله وترجمه للبركان وماركزتش ان السيف 🗡 كان وراها وقوة التجاذب عتكون عكسية ويحصل تجاذب مش تنافر طار السيف بسرعة 🗡 لما كان قريب من روزيل وكان عيسقط عليها لعند قوه جذب المغناطيس 🧲..

نشروان قفز بسرعة ومسك الحجر 🧲 ودوره دورة كامله دورت السيف معه ووجهه باتجاه المارد التنين 🐲 كان عيقطع راسه..

المارد الأحمر 👺 نزل راسه بس السيف قطع قرونه لفت لروزيل إبسرها مرجومه في الأرض وعين الذئب مرجومه 🐺 بعيد منها قفز بسرعه مسك نشروان وبدأ يوجه له لكمات 👊 قوويه ويضربه لما نكع حجر المغناطيس 🧲 من يده..

روزيل قفزت بسرعة ومسكت الحجر 🧲 ووجهته بطريقة عكسية مرة ثانية وسحبت السيف 🗡 لما اخترق صدر التنين وفلت نشروان من يده وعكست الحجر مره ثانية 🧲 لما دورت السيف وهو مغروس في صدر التنين لما ارتطم بصخره كبيره وتطاير دم المارد 👺 لما تأكدت إنه مات سحبت المغناطيس وحملت بسرعه تبسر نشروان..

نشروان كان فمه ملان دم وحول عيونه🩸: اسحبيني بسرعه لعند النهر..

روزيل سندته وبدأت تسحبه للنهر وتذكرت أول المغامره لما كان نشروان نسر 🦅 وكانت تسحبه بس هذه المره قد هي اقوى ونشروان جنبها ومعها المغناطيس وعين الذئب والسيف وإكتسبت خبره تقدر تواجه وحوش الجن والعالم المخيف..

وصلت النهر وقد الدنيا ظلام بدأ الليل بدأت تجمع اغصان الشجر 🌳..

نشروان: مابتفعلي ليش بتجمعي الأغصان..

روزيل: نرقد هانا لما تطلع الشمس 🌝..

نشروان: تحركنا في الليل اضمن محد يحس بنا والوقت التأخير مش في صالحنا..

روزيل: باقي معانا يومين وأنت تاعب نررتاح للفجر بس ونكمل طريقنا قد كملنا أصعب مهام باقي شجرة المطاط بس 🌳..

نشروان: لاتستهونيش بها هي سامه خطيره قووي وشريرة..

روزيل: مابش شي في عالمكم مشو شرير وخطير بس ماعتكونش اقوى من عين الذئب وحجر المغناطيس 🧲 ..

نشروان حس معنوياتها مرتفعه ماحبش يكسفها وحسها وجودها جنبه بيزيده قووه وفرصه يرتاحوا شويه بعد كل اللي مروا فيه..

روزيل أشعلت النار 🔥 وفعلت اغصان بشكل خيمه وحطت فوقها فرو الذئب الضخم..

نشروان بيبسرها ومبتسم نظراته 😍 كلها حب: مااحلاش يامنقذتي الجميلة..

روزيل خزيت ووطت رآسها 🥰 ..

نشروان: ما رأيش ندخل النهر نتغسل من رائحة الدم حق المرده ورائحة فرو الذئب..

روزيل هزت أكتافها: مااشي ماعليا 🥰 الماء بارد..

نشروان بيسحبها: يله ياشوووعه يله ياجبانه..

روزيل بتصيح: ماااشي قوووي برررد..

نشروان دهفها للنهر وقفز بعدها..

جلسوا يسبحوا في النهر ويلعبوا تحت أضواء القمر 🌚 ويتذكروا أيامهم لما كانوا مرتاحين في عالم الإنس بدون مشاكل..

روزيل حطت راسها ع كتف نشروان وبتتأمل القمر 🌚: أنت داري كنت أحسب إن الجن بيعيشوا تحت الأرض مابش معاهم لاشمس ولاقمر..

نشروان: إحنا تحت الأرض فعلا بس معانا أبعاد غير أبعاد عالم الإنس..

روزيل: يعني مش هي نفس الشمس 🌝 ولا القمر 🌞..

نشروان: الإ نفسها بس الأبعاد مختلفه وبيدخلنا ضوءهن حتى إن خيرات بيقلوا ان سماءنا محض خيال وانها في عقولنا بس وبيهربوا لعالم الإنس يبسروا الحقيقة..

روزيل: مثلنا يعني بيدوروا الحقيقه في كل مكان في السماء والأرض والجبال والبحار..

نشروان مسك يدها وحطها ع قلبه: ♥️ الحقيقة هانا بس..

روزيل بدلع 🥰: مادام والحقيقه في قلبك ليش جيت عالم الإنس مابتدور..

نشروان: جيت ادور ع الحب♥️ او بالأصح هو اللي لقيني حبش أسرني وملكني وخلاني أسير هواش..

روزيل تنهدت وبعدت راسها من كتفه: خايفه إنك ماحبيتنيش وإنه سحرتك عيوني 👁️ بس مثل ملهم وهجرس والمارد..

نشروان: أنا ماشنكرش إن عيونش 👁️ سحرتني وخلتني أعشقش بجنون وأتعلق بش بس أنا حبيتش وإخترتش قبل ما أبسر عيونش..

روزيل إستغربت: قبل ماتبسر عيوني 🤔 كييف..

نشروان حضنها وخرجها من النهر وحطها جنب النار🔥 لاتبردش وجلس جنبها وبيلعب بشعرها: أنا قلت لش من قبل آحنا الجن مقيدين بالنظر نحاول قدر الإمكان نبعد عن عيون أي احد لايبسرناش بالذات لو دخلنا عالم الإنس وكنت أجلس أتفرجش فوق الشجرة من حين ولدتي وكل يوم بتزيدي جمال ورقه وقلبي يتعلق بش ♥️ قبل ما ابسر عيونش وأركز فيهن كنت أتحيلى لش لما تجلسي تمشطي شعرش تحت الشجره 🌳 وتبكي لما احد يزعلش وأوقات تغني وتلعبي مع العصافير والورد ومره زعلتي أبوش ولحقش يشتي يضربش وأنا أقتهرت كيف يضربش وانا بين اتفرج وكنت إشتي أتلبس به أعاقبه كيف يسخى ع حبيبتي بس خفت تزعلي لما يمرض مسكت نفسي..

سؤال للبنات أيش ردة فعلكن لو كنتين مكان روزيل وتلقين هذا الحب كله بس يطلع 👹 عتتصرفين مثل روزيل والا الهربه ههههه ؟؟؟؟؟

🌹meme_abdalgaleel

قصص صنعاني

16 March 2025 21:33

البـارت 35 •°

السـر المـدفون ❤️


روزيل قفزت بسرعه لعند الذئب وكلها شجاعة وقوة 💪 وصيحت لهم: إدهفوه  بسرعة من الجبل من وراه..

هجموا عليه بكل قوة ونكع الذئب 🐺 بسرعة ونشروان بعده..

روزيل كانت عتنكع في الهاويه معلقه..

ملهم مسكها بفمه 🐕‍🦺 وبيحاول يسحبها إنقذها في آخر لحظة..

نشروان كانت فرصته لأن عين الذئب من قدامه وهو وراه ضربه بسيفه بقوة 🗡 في ظهره لما حس إنه وصل لقلبه ❤️ وسحب سيفه وطعنه مره ثانيه لما مزقه ونكع هو والذئب للأرض..

روزيل طلعت فوق ظهر ملهم وقفز بها للأرض وحملت بسرعة لعند نشروان..

نشروان كان بيرجف من الموقف 🥶: أظن إنه مات..

روزيل: إقطع رآسه بسرعة..

نشروان قطع راسه..

ملهم: يله بسرعه مابش معانا وقت الذئاب عتشم الدم 🩸 وتتجمع علينا..

نشروان قفز بسرعه سلخ الذئب وشل فروه ولبس روزيل المتجمده من البرد 🥶 وبعد أنيابه وحطهن فوق ظهره..

روزيل فارحه بالنصر اللي وصلوا له 😃: حبيبي باقي تقلع عينه يله بسرعة..

نشروان: مااقدرش عينه عتسمرني مكاني حتى لو ميت..

روزيل بكل شجاعه مسكت السيف 🗡: خليني أساعدك ياحبييي إنتصرنا خلاص لانضيعش وقت غرست السيف في رآس الذئب وبتبعد عينه وهي مشمئزه 🤮  بس مافيش معها خيار ثاني خبت عينه في خرقه ولفتها حولها ولفتت لنشروان وهي بتمسح الدم من يدها 🩸 : يله مابش معانا وقت معانا مهام ثانية..

ملهم حس إن الذئاب جت: يله بسرعة عيهجموا علينا..
.
.

روزيل قفزت بسرعه ع ظهر نشروان..

بدؤوا يهربوا والذئاب بتلحقهم 🐺 حوالي ٣٠٠ ذئب يشتوا ينتقموا لأميرهم بدأت تتجمع حولهم وتخرج من كل مكان وتعوي بشراسة..

روزيل صاحت: نشروان إفعل شي بسرعة..

نشروان: مافيش حل الإ ان احنا نطير لأنه عيتبعونا بنظرهم ويمكن ننكشف بس مابش معانا حل غيره حضن روزيل وملهم وبدأ يطير بسرعة لما إختفى عنهم..

روزيل: لو الذئاب بهذه القوة ليش ماقد هجمت ع ارض الجن👹..

ملهم: البركان هو اللي بيمنعهم لأنه بيخافوا من النار 🔥..

نشروان بعد ماحطهم ع الحدود بين الجبل الجليدي 🏔 والبركان 🌋  اللي كانت تمتزج فيه الحرارة والبرودة نزلهم  ولفت لهم: معي فكرة راعوا لي هانا محد فيكم يتحرك من مكانه وشارجع لكم طار بسرعة وإختفى من قدامهم..

ملهم: فين عتسير شلني معك طيب..

نشروان: خليك هانا تحمي روزيل تخبوا داخل فرو الذئب 🐺 شاحاول أرجع بسرعة قبل ماتوصلكم الذئاب لازم أرجع بسرعة..

روزيل مسكت يده 🤝: إرجع بسرعة ياحبيبي ماتخلينيش وحدي..

نشروان طار بسرعة لما وصل فوهة البركان 🌋  وحجر المغناطيس 🧲 معلق والسيوف السبعه🗡 بتدور حوله قرب لعنده حاول يسحبه بسرعة مابش وقت قبل ماتوصل الذئاب وتأكل روزيل وملهم وقبل ماينتبه له حراس الحجر 👺 كان يشده بقووه ويسحبه لافوق بس مابش فايده كان الجذب بينه والسيوف قوي ويدي له ثقل فوق ثقله مسكه بقووه وبدأ وجهه كله يعرق وقد لونه أحمر من كثر ما غلي دم عروقه وضبح 😡

بدأ يسحب بكل قوته كان همه يسحبه قبل ماتوصل الذئاب وتاكل روزيل سحب وسحب وأخيرا مسكه وسحبه ونكعت السيوف السبعه 🗡 لتحت أرجل المرده السبعة 👺..

المرده السبعة 👺: أنتفضوا بسرعة وسحبوا سيوفهم وقفزوا يلحقوا نشروان..

بدأت الأرض تهتز والبركان 🌋 بدأ ينفجر..

روزيل أول ما حست الأرض بتهتز إفتجعت رفعت الفرو تبسر مابه صاااحت: ملهم الذئاب 🐺 جت..

ملهم بعد الفرو: اووووه نشروان جاء والجن الأحمر وراه 👺..

روزيل لفتت لعندهم إرتعشت مفاصلها وتجمدت 🥶  من هول أشكال المرده 👺: كانوا مرده ضخمين أشكالهم مرعبه إثنين رؤوسهم مثل الديناصورات🦕 وإثنين مثل الخنازير 🐷وإثنين مثل التماسيح 🐊 والأخير مثل التنين 🐲  شكله باين إنه زعيمهم وأجسامهم كلهم حمراء ضخمه..

نشروان قفز بسرعة وتخبى تحت الفرو جنبهم..

المرده السبعه 👺 نزلوا بعده وققفوا بسيوفهم 🗡..

في نفس الوقت وصلت الذئاب 🐺 كانوا حوالي ٦٠٠ ذئب بأشكال وأحجام مختلفة وهجموا ع المرده السبعه 👺 بعد ماتسمروا مكانهم من نظرات الذئاب وبدؤوا يهجموا عليهم وينهشوهم..

كانوا نشروان وروزيل وملهم بيهتزوا ويرتعشوا  من كثر ما بتهتز الأرض من معركة الذئاب مع المرده👺🐺..

نشروان سحب سيف ملهم وقطع به جزء من حجر المغناطيس 🧲 ولفت لملهم شارجع الباقي بسرعة قبل ماينفجر البركان..

ملهم: انت لو خرجت الذئاب عتهجم عليك قبل ماتوصل شخرج انا لأن انا بشكل كلب 🐕‍🦺  شقدر أهرب..

نشروان: بس ماعتقدرش تطير أنا لو وصلت للبركان رجعتي مضمونه بس انت لو تقفز عتاكلك النار 🔥 وتموت..

ملهم: موتي فداك وفداء لمملكة البحار هو إنتصار لنا بس موتك يعني خسارة كل شي خليني أسير وحتى لو مت يكفيني أموت وأنا بين ادافع ع أخي وصاحبي ومولاي..

نشروان حس بخوف ع ملهم وأول مره يبسره بخوف عليه 😰..



🌹meme_abdalgaleel

قصص صنعاني

15 March 2025 00:55

البـارت 33 •°

السـر المـدفون ❤️


بعد مالفوا وصلوا لمكان معتدل الحراره لاحامي ولابارد حرارته متعادله من جبل الجليد وحراره البركان كانت هذه هي المنطقه اللي ماينفعش أي جني يتعداها 👹  لأنه عيموت من الذئاب..

ملهم: طيب ذلحين ماعنفعل مافي راسك..

نشروان: عنتقفز من شجره لشجره 🌴 بدون مانتفرج للأرض علشان نظرنا مايجيش ع ذئب 🐺 هذه المره أنا اللي شاغمض عيوني وأنتي اللي عتكوني عيوني ياحبيبتي وتدلينا ع الطريق..

روزيل: طيب حاضر بس ع أيش ادور كيف أدرى إن انا في الطريق الصح..

نشروان: هذه الأرض محد يعرف عنها شي يعني مثلنا مثلش هي مجهوله لنا محد قد دخلها خلينا ندور فيها ع ملك الذئاب ونلقاه..

بدؤوا يتقفزوا من شجره لشجره 🌴 بدون مايتفرجوا للأرض وروزيل بتوريهم الطريق جلسوا ٣ ساعات يدوروا حول البركان 🌋  ومالقيوش شي إلا كهوف صغيره إستحاله إن ملك الذئاب فيها 🐺...

ملهم: باقي معانا نتسلق الجبل أكيد عنلقاه فيه..

نشروان: أيوه بس لازم نتسلقه من الخلف وبشكل عمودي علشان لانواجه أي ذئب ونوقع في مأزق..

تسلقوا الثلاثه الجبل 🏔 لما وصلوا قمته..

روزيل بدأت ترجف من البرد 🥶 والرياح وأسنانها بتدق في بعض..

نشروان حضنها بقوة: أنا آسف ياروحي إديتش معي مكان ممكن تموتي فيه من البرد 🥶 وأنتي كائن لطيف ماتقدريش تتحملي هذا كله..

روزيل: مابش أدفى من إني أموت في حضنك..

ملهم يشتي يساندها بكل شجاعة: ماعنموتش خليش قويه هو مجرد حيوان ضعيف 😁 وإحنا أشجع منه يله خليش قوويه قد زدتي ع السعلاه  وحبستيها هههه..

نشروان ضحك 🤣: هههه ماهذه صدقت فيها وقت الغيره روزيل ماترحمش أحد..

روزيل: أيوه وشقتلها مش بس أحبسها لو تقرب جنب زوجي حبيبي..

نشروان بعد حقه الرداء اللي كان لابسه ودفى به روزيل..

ملهم بعد حقه الرداء: تفضل يامولاي إلبسه انت لاتبردش..

نشروان: خليه يمكن نحتاجه نشعل له النار 🔥 الذئاب بتفتجع من النار لو إحتجنا نشتت نظرها عننا عنشعله..

روزيل: ايوه باقي الكلب الذئاب تفتجع منه لو يتشكل واحد منكم بشكل كلب 🦮عيخافين ..

ملهم : في الوقت الحالي صعب ان احد مننا يتحول كلب 🐕‍🦺 لأنه ماعنقدرش نرجع لشكلنا الطبيعي إلا لما نوصل مملكتنا بس لو إحتاج الأمر أنا جاهز..

وصلوا الثلاثه لقمة الجبل 🏔 لقيوا قدامهم كهف كبير يخوف..

روزيل: تعتقدوا إنه هانا مخبى داخل 🤔..

نشروان: ياريت بس الذئاب بتنام في العصر وتصطاد في الليل لازم نتأكد إذا هو داخل..

ملهم: مااعتقدش إنك يامولاي عتغامر وتدخل الكهف يمكن يكون فيه عدد كبير من الذئاب 🐺  مارأيك نتسلق لفوهة الكهف ونرجم كرة من النار 🔥 ولو هرب من داخلها ملك الذئاب واجهناه ولو خرجين ذئاب خيرات هربنا..

روزيل: طيب معي فكرة مش الجن يتسمر مكانه إذا إبسره ذئب يعني لازم نتفرق وكل واحد يكون في جهة أنت ياملهم اطلع فوق فوهة الكهف وادي سيفك 🗡 لنشروان وأنا شاوقف فوق الجبل وفي يدي عصيه طويله فيها نار 🔥ونشروان يتدلى من الجبل مايبسرش الذئب أنت ترجم النار من الفوهة والذئب عيخرج عيلقاني قدامه عيهجم عليا وأنت قبل مايهجم عليا تقفز من خلفه وتنكعه وأنا شقفز من الجبل ونشروان يققز وراه بسرعة ويطعنه بالسيف وأنت تمسكني بسرعه قبل ما أنكع..

نشروان: لا طبعا إستحاله إن انا أعرضش للخطر هذا ممكن الذئب يفترسش وممكن تموتي وتسقطي من الجبل 🏔 ..

روزيل: لاتخافش عليا لو نفذناها صح عننجح بس نركز..

نشروان: بس عتقدري تواجهي وحش مثل هذا أنا أعرفش ناعمة ورقيقة ومابش عندش شجاعة تقفزي من الجبل..

روزيل ضحكت: هههه كنت ناعمة ورقيقة زمان 😅 الآن أنا زوجة جني قوي 👹 لاتستهين بقدراتي أنتوا نفذوا الخطه صح انا أشجع واحده فيكم أقدر اواجه الذئب لاتنسوش هذا..

ملهم: أعتقد كلام مولاتي هو الصح ولازم ننفذ الخطة..

كل واحد شل مكانه في الخطة..

ملهم جمع اغصان من الشجر ولف ردائه حولهن واشعل كرة نار 🔥..

روزيل في طرف الجبل ومعاها عصا طويله فيها نار 🔥..

نشروان متدلي في حافة الجبل والسيف 🗡 في يده..

كانت روزيل كلها شجاعه وقوة 💪 وتذكرت كلام امها لما كانت تقلها الزوجه الصالحه اللي دائما توقف جنب زوجها وقت حاجته لها وضعفه ومرضه وهي تملك قوة ٤٠ رجل وقت ضعف زوجها ومافيش لحظة ضعف أقوى من ضعف نشروان قدام ذئب...

.......... ......... ........


في قلعه الملك ضرغام 🏰....

رئيس الوزراء: مولاي كل شي جاهز مثل ما أمرت فيه..

الملك ضرغام: حطيتوهم في سجون معزوله علشان ما احد فيهم يفكر في أي خطه للهروب  ويتناقشوا فيها..

رئيس الوزراء: أيوه ياسيدي وربطناهم بالسلاسل..

القعقاع: مولاي إسمح لي أبلغ الملك ديمان بنفسي بخبر سقوط مملكته إشتي أبسر ردة فعله بعد مايعرف بسجن نشروان وإنك عتتنصب ملك لمملكته بعد يومين..

الملك ضرغام: ...


🌹meme_abdalgaleel

قصص صنعاني

15 March 2025 00:49

البـارت 31 •°

السـر المـدفون ❤️


نشروان: مابش معي حل اذا ماقدرش إلا انه أتحدى ضرغام اعزل بدون سلاح..

روزيل: ليش سهل أفعل مثل مافعلت عند الجسر السيف🗡 هو حقك وحق اجدادك مد يدك داعيه  وهو عيجي لعندك مثل هذك المره 😅..

نشروان ضحك: هههه😁 نسي إن ملهم عندهم من كثر ماتحيلى لكلامها ومسكها من خدودها بيسحبهن اداعيه هاه هههه..

ملهم وطى رآسه وبيخبي زعله 😔: ماعاد يقدرش خلاص هو سلمه لضرغام وقدهو الآن ملكه ضرغام الوحيد المسيطر عليه..

نشروان: شكلي ارتكبت اكبر خطأ لما سلمته بس ماكنش معي أي حل احقن به دماء قبيلتي🩸..

ملهم: هذا كله بسبب الغبي اخزم استسلم وضعف كان يحسب إنه ضرغام عيعفو عنه..

نشروان: خلينا نلقى حل وننتصر ونهزم ضرغام وحسابه عندي..

روزيل: طيب ذلحين ليش عاد احنا هانا يله نسير بسرعه لعند تارخ هذا مابش معانا وقت..

نشروان ضحك هو وملهم عليها: يارخ يارخ ياتارخ هههه🤣..

روزيل خزيت 😅: يله إسهل المهم نسير بسرعة..

نشروان حضنها وقفز بها من المغاره وملهم بعده..


يارب يارخ يقدر يساعدهم ويصنع لهم سلاح بسرعه قبل مايتوجوا ضرغام..
.
.

وصل نشروان وملهم ومعاهم روزيل لضفة نهر في الجبل الأزرق 🏔. 

نشروان رفس شجره كبيره 🌴 برجله ورجمها في النهر وطلع فوقها هو وروزيل وملهم..

روزيل مستمتعه ببرودة الماء ونزلت أرجلها بتلعب وسط النهر إبسرت سمكه 🐠  جميله براس بشر قفزت ورجعت بسرعه عجبتها 😍: الله هذه حورية البحر أول مره أبسرها كنت أبسرها في كرتون الأطفال بس كيف وهو نهر معاكم حورية نهر..

نشروان ضحك: هههه🤣 مابش حاجه إسمها حورية بحر ولا نهر ياحبيبي..

روزيل عوجت فمها 😏: كيف مابش حورية يمكن مابش معاكم أنتوا بس إحنا معانا..

نشروان ضحك: هههه 🤣  قدهو معانا ومعاكم طيب ليش لما تبسروا جني 👹 نصه إنسان ونصه حمار تفتجعوا بس لما تبسروا جنيه نصها إنسان ونصها سمكه تفرحوا وتعجبكم وتسموها حوريه مع إنه الجني اللي نصه حمار مايقتلش أحد إلا لو آذاه بس اللي تسموها حوريه تشدكم بشكلها الحالي وتخليكم تلحقوها وتسحبكم لأعماق البحر 🌊 وتغرقكم..

روزيل سمعت صوت ضحكات عاليه لفتت إبسرت قدامها جنيات بحر خيرات بيلعبين ويضحكين 🤣: نشروان إبسر مااحلاهن وبتقل جنيات شكلهن حالي مش مثل اللي نصه حمار يفجع..

نشروان: أكيد لازم يكون شكلهن حالي علشان يشدنكم وتلحقوا بعدهن وتغرق اللي يلحقها مع إنه شكلها اللي فوق الماء حالي بس لكن اللي تحت الماء يخوف وبعدين مابش أحد أحلى منش ياحوريتي الإنسيه 😉...

روزيل حمرت خدودها ووطت راسها 🥰: نشروان مالك بتنسى إن ملهم معانا..

نشروان: ملهم مشو فاضي لنا نهاية الشجره 🌴بيشوف الطريق..

روزيل سرحت شويه ذكرت بناتها بكيت 😭..

نشروان: لاتبكيش ياروحي ولا تقلقي عليهن بناتنا في أمان في قصر الجنيات السبع محد يقدر يأذيهن..

روزيل: ماهي هذه القلعه حق الجنيات..

نشروان: زمان أيام جدودنا حصلت حرب كبيره  وعظيمه بين سبعه من قادات الجن الكبار 👹  لسنوات طويله وماتوا خيرات من الجن بسببهم فقررين زوجات الجن السبع يجلسين في هذا القصر ويخلنه مأوى لأسرى وضحايا الحروب ويهتمين بهم ومعاهن قوة كبيرة في السحر..

ملهم قاطعهم: مولاي وصلنا وادي الغربان 🦇..


وقفوا الشجره ونزلوا خطيوا مسافه قريبه للكوخ اللي كان فيه يارخ ...

يارخ عفريت ضخم 👺 عريض المنكبين معه عضلات قويه 💪 شعره يغطي جسمه ووجهه ومعه غراب اسود يخوف 🦇 واقف ع كتفه كان منشغل بالحداده وحوله حمم بركانيه تلتهب نار 🔥..

نشروان شرح له كل اللي حصل معه..

يارخ: اوووه خساره سلمت سيفك 🗡 لي ستمائة سنة ماصنعت سلاح أقوى منه ضيعت شي مهم وقوي هذا السيف صنعه جد جدي..

نشروان: ما اسوي كان غصب عني أنا حقنت دم قبيلتي خوف عليهم يقتلهم ضرغام وأعوانه بس طلع خاين وغدار وعيعدمهم لما يتوج ع العرش..

يارخ: صناعة سلاح مش صعب عليا حتى لو الوقت قصير أهم شي تتوفر لي الأدوات..

ملهم: أيش تحتاج قلي وأنا اجهزهن لك ع طول..

يارخ بنظره حاده من عيونه الحمراء وكلها شرر من وسط عيونه اللي مغطى كله بالشعر 😠: مش بالسهوله هذه اللي بتحسب أنتوا ضيعتوا سيف مابش مثل قوته يعني محتاجين أدوات قويه ممكن تموت وأنت بتديها...

ملهم : وأنا روحي كلها فداء لمولاي أنت أطلب وأنا أنفذ..

نشروان حط يده ع كتف ملهم: عشت يابطل فعلا أنت نعم الأخ والسند ولفت ليارخ 👀  أطلب وعتلقاها أموت وانا بين ادافع ع ارضي وأرض اجدادي أشرف لي من الفشل والعار..

يارخ: أنا معي فكرة سلاح فتاك...


🌹meme_abdalgaleel