1618
*إننا نتقوى بالله، ونتعافى بالله ، ونطمئن بالله.* *نحن لاحول ولا قوة لنا إلا بالله❤🩹'.* صل على النبي ♡ للاشتراك 👇https://t.me/joinchat/WPpQYUKoI8Y3MDA0 للتواصل♥ @ab2osh
والْعَصْر إِنَّ الْإِنْسَان لَفِي خُسْر إِلَّا الَّذِينَ آمَنُوا وعَمِلُوا الصَّالِحَات وتَوَاصَوْا بِالْحَقِّ وتَوَاصَوْا بِالصَّبْرِ✨🌹
🍃🌻
لااله الا الله العظيم الحليم ، لا اله الا الله رب العرش العظيم ، لا اله الا الله رب السموات ورب الارض ورب العرش الكريم🌺
🍃🌻
#أذكار_الصباح
((اللَّهُمَّ مَا أَصْبَحَ بِي مِنْ نِعْمَةٍ أَوْ بِأَحَدٍ مِنْ خَلْقِكَ فَمِنْكَ وَحْدَكَ لاَ شَرِيكَ لَكَ، فَلَكَ الْحَمْدُ وَلَكَ الشُّكْرُ)).
🍃🌻
سُبْحَانَ اللَّهِ،وَالْحَمْدُ لِلَّهِ،وَلا إِلَهَ إِلا اللَّهُ،وَاللَّهُ أَكْبَرُ🎈🌿
🍃🌻
_
اللهُم بارك لنا في أوقتنا واجعلنا
مُباركين أينما كنا 💙.
و يرجع عبد الله بن أُبى بن سلول المدينه و يرجع معاه 300 مقاتل من المسلمين😞 .. يعنى تلت الجيش.. تخيلوا !! فيجرى وراهم سيدنا عبد الله بن حِرام و يقول أيها الناس لا تخذلوا نبيكم📢 ..كيف تتركونا ؟؟😭📢 .. و يقعد يتحايل عليهم بس عشان يرجعوا.. بس برضو م رجعو😞 فيزعل عبد الله بن حرام و يقول أبعدكم الله ..أعداء الله ..سيُغنى الله عنكم نبيه (ربنا هيغنينا عنكم) و مشى ..
طيب معاك كم مقاتل يا رسول الله ؟
700 بس ... و الكارثه ان فى طائفتين كمان كانوا خلاص حيرجعوا مع عبد الله بن ابى بن سلول بس الحمدلله تراجعوا وربنا ثبتهم وفضلوا مع النبى ❤️و كان منهم صحابى أسمه جابر بن عبد الله بن حِرام (ده ابن عبد الله بن حِرام) يقول الله تعالى : " إِذْ هَمَّتْ طَائِفَتَانِ مِنْكُمْ أَنْ تَفْشَلا وَاللَّهُ وَلِيُّهُمَا وَعَلَى اللَّهِ فَلْيَتَوَكَّلِ الْمُؤْمِنُونَ "
❤️❤️❤️
فطلع جابر بن عبد الله بن حِرام وقال والله ما قصد ربى غيرنا نحن بنى سلمة و بنى حارثة ..
(طيب ليه فضحت نفسك .. كان ممكن تسكت و خلاص ؟
لأ .. جابر فضح نفسو و المجموعه المعاهو عشان الأية اللى هي وَاللَّهُ وَلِيُّهُمَا ... فجابر ما اهتم بشكلو قدام المسلمين .. الاهتم بيهو ان ربنا قال انه وليهما♡❤️ ..
و عشان كده ماف زول من باقى المسلمين قدر يظن فيهم بشئ سئ😊
و على فكرة ال 300 الرجعوا مع عبد الله بن ابى بن سلول ،فى ناس منهم ربنا حيتوب عليهم و ناس تانيه منهم حيموتوا منافقين ✋🏼..بس تخيلوا أننا لحدي الوقت ده م بنعرف لا أسماء التابوا ولا الماتوا منهم .. ربنا ستير بيستر عباده😍❤️ ..حتى المنافقين يارب🥹❤️ ؟
ايوه حتى المنافقين❤️.. ربنا حيحاسبهم سبحانه وتعالى يوم الدين و مع ذلك ربنا الكريم الستير❤️ .. ربنا يستر المؤمن و العاصى و المنافق و الكافر .. و العبد الربانى هو البتخلق بالأخلاق دى❤️ .. يستر الناس و يحفظ سرهم .. لعل بستره ليهم ربنا يستره و يرزقه حسن الخاتمه يوم الدين..😍❤️
طيب النبى ﷺ معاه 700 مقاتل و قريش معاها 3000 مقاتل وصل النبى ﷺ لجبل أُحد والنبى كل الى بيفكر فيه أن م يسمح لجيش قريش انه يحاوط جيش المسلمين لأن لو ده حصل حيموت المسلمين فى دقايق فالنبى ﷺ حيحلها كيف دى؟ 😢
إبداع النبى ﷺ ❤️النبى حيقسم جيشه لميمنة وميسرة وهيوقفهم كلهم صف واحد وأخر جندى فى الميمنة كتفه لاصق فى جبل أُحد .. ليه ؟
عشان لو جا جيش قريش .. حيلقو الحتة دى مقفولة و جبل أُحد جبل ضخم فصعب يقرر جيش قريش يلف من وراه لان ده حياخد وقت طويل👍🏻
. طيب النبى كمان حيخلى أخر جندى فى الميسرة لاصق كتفه فى جبل الرُماة (نفس فكرة الميمنة وجبل أُحد) قفل علي جيش قريش الحتة دى برضو فبكده ما يقدر يحاوطوا المسلمين. لكن جبل الرماه جبل صغير ممكن كفار قريش يلفوا من وراه طيب حتعمل شوو يا رسول الله ؟
نكمل بكره إن شاء الله
#السيره_النبويه_باللهجه_السودانيه
الجزء 83❤️
يلا صلوا على النبي ﷺ❤️
طييييب يا جماعه نكتفي بكميه الحب الشفناها دي ❤️🥹والليلة حا نرجع للقصص الجميييلة 😍 تاريخنا 💓 والغزوات ❤
نحن حاليا بقينا في سنة 3 هجرياً .. أبو سُفيان بن حرب (قبل إسلامه) كان عايز ينتقم من رسول اللهﷺ💔 و من المسلمين بسبب الحصل فى معركة بدر وانتصار المسلمين عليهم.. أبو سُفيان منع الناس فى مكه أنهم يعملو زواج🙅🏼♂️ أو يلبسو ملون 🙅🏼♂️أو يعملو أيي مناسبة 🙅🏼♂️ و ده حداد على هزيمتهم فى بدر 🫢و أقسم ابو سفيان باللات والعُزى أنه لازم يحقق إنتصار على المسلمين...
نشووف..
عشان نقدر نستوعب الغزوات سوا.. نحن اتفقنا أننا حننزل جزء فيهو تفاصيل كل غزوه فى نقاط مختصره🤗 و كمان اسبابها .. و بعدين حننزل الغزوه بالتفاصيل كلها على أجزاء بإذن الله♡
اتفقنا؟ 😉
اتفقنا😍
#غزوة_أحد⚔️
1- سميت بهذا الأسم: عشان موقع الغزوة كان عند جبل أسمه "أحد"..⛰️
2- طرفي القتال⚔️ : الطرف الأول حوالى 3000 مقاتل من قريش طالعين من مكه و معاهم اسلحه كثيره جدا... اما الطرف التانى حوالى 1000 مقاتل من المسلمين مع رسول الله طالعين من المدينه..
3- أسباب الغزوه ⚔️:
رغبه قريش فى إستعاده مكانتها وسط العرب بعد هزيمتهم فى غزوه بدر و خصوصا مكانتهم الإقتصاديه لأن طبعآ تجاره قريش أتأثرت..
4- احداث الغزوه⚔️ :
📌 اخبر العباس عم رسول الله الذى يكتم إسلامه بإستعداد قريش للهجوم على المسلمين.. فأستعد النبى و الصحابه لرد العداون
طلع جيش قريش .. و طلع جيش المسلمين💪🏻 و فى نص الطريق حيجى واحد منافق اسمه عبد الله بن أبى بن سلول حيخلى 300 من المسلمين يرجعوا و مايشاركو فى الغزوه💔 و بكده حيتبقى فى المعركه 700 بس مع رسول الله💔
📌 قسم النبى الجيش لميمنه و ميسره... و وقفهم صف واحد..و خلى كتف آخر جندى فى الميمنه لاصق فى جبل احد .. و آخر جندى من الناحية التانية لاصق فى جبل الرماة..وبكده قريش لا يمكن تقدر تحاصر المسلمين لأن جيش المسلمين المنطقه كلها تحت عينو💪🏻
📌امر النبى 50 صحابى(معاهم أسهم للقتال🏹) انهم يطلعوا فوق جبل و (يبقي اسمو جبل الرماة) وتكون مهمتهم انهم ما يخلو الكفار يقدروا يحاصروا المسلمين.. 💪🏻
و النبى قال : أيها الناس إن رأيتمونا نُقتل فتأكلُ الطيرُ من رؤوسنا فلا تنصرونا ..و لا تنزلوا أبدأً حتى آذن لكم وإن رأيتمونا نقسم الغنائم ونعود للمدينة لا تنصرونا و لا تنزلوا أبدا..ً
📌 اشتدت المعركه و حقق المسلمين انتصارات عظيمه أثناء المعركه و اسقط المسلمين رايه جيش قريش💪🏻 و امر ابو سفيان الجيش بالإنسحاب و انسحب جيش قريش💪🏻.. المسلمين الفوق الجبل سمعو بالانسحاب ده و ففرحوا و فكروا انو المعركه انتهت و نزلوا من على جبل الرماه🥹..و وقف عبد الله بن الجبير يقول أنسيتم أمر رسول الله؟!😳
لكن الجنود نزلوا ماعدا شويه منهم..
شاف خالد ابن الوليد "قبل اسلامه " المسلمين و هم بينزلوا من فوق الجبل ..فأمر الجنود المعاهو بالصعود فوق جبل الرماه .. و أشر لباقى الجيش بيقول ليهم ارجعوا .. فهجموا على المسلمين من كل جانب.. وحصل الكان خايف منو النبيﷺ 😭💔
📌 اشتدت المعركه تااااني و جيش المسلمين اتوتر جدا 💔و بدأ المسلمين يبعدوا عن أرض القتال بعد إشاعه وفاه رسول اللهﷺ بسبب خوفهم و احباطهم😭 .. (و أى جندى عموما بيسمع عن وفاه القائد بتاعو بيحبط جدا)
📌 ثبت رسول الله و بدأ ينفي الإشاعه و بصوت عالى قال 📢: إليّ عباد الله ..أنا رسول الله.. فجم الصحابه حول رسول الله..
.و اشتدت المعركه و أصيب رسول الله بجرح كبير فى وجهه الشريف🥺💔 و مات عدد من الصحابه و الجيش تعب جدا🥺 و صعد المسلمين جبل أحد و كان فيهم اصابات شديده بس قدروا يمنعوا الكفار من الصعود وراهم .. ألتفت كفار قريش لجثث المسلمين و فضلوا يمثلوا بالجثث و يقطعوا الأنف و الأذن
📌أنتهت المعركه و انسحب المشركون و رجعوا إلى مكة، وتجاهلوا كل الغنائم والأسرى، ولم يأخذوا معهم منها شيئًا لان الجيش منهك من التعب....
في الجزء الجاي نخش ف التفاصيل..
#السيره_النبويه_باللهجه_السودانيه
الجزء 82❤️
يلا صلوا على النبى ﷺ❤️
نكمل باقي القصص عن حب و رحمه رسول الله صلى الله عليه وسلم ❤😍😍😍
.
مره نزل جبريل على النبي و قال ليهو حديث خلى النبي فرحان جدا
قال ليهو شنو جبريل؟؟! 🤔
فقال له يا رسول الله إن عائشة زوجتك في الدنيا و في الجنة❤️❤️ ففرح النبي و مشى حكي لعائشة
قال :يا عائش إن جبريل قد قال لي أنك زوجتي في الدنيا و في الجنة رضي الله عن عائشها و أرضاها.
❤️❤️❤️❤️❤️❤️
و فى يوم من الايام دخل المسجد احابيش(اطفال من الحبشة) يلعبون بالحراب (حاجة زى استعراض كده بالعصيان) ..
طيب ده مسجد !!النبى ح يخليهم يلعبوا كده؟
ايوه ♡..النبى صلى الله عليه و سلم ما سألهم ولا كورك فيهم.. الصحابة زعلوا و على فكره انو زول يمنع اطفال من دخول المسجد ده ضد سنة النبى تماما❤️..وحتى الصحابه كانوا بيضحكوا جوا المسجد و يهزروا,, مره النبى فى يوم بعد ما انتهى من صلاته فى المسجد قعد يقول الأذكار فقام سيدنا عمر بن الخطاب قال للصحابه : افلا اضحككم ؟
قالوا: بلى و بدا يحكى لهم عن نفسه ايام الجاهلية و الإله الكان مصنوع من العجوة الكان بعبدو و إنو مره جاع فأكل الإله فالصحابه قعدوا يضحكوا 😂 ، فالنبى عاين ليهم و ابتسم و ما نهاهم ابدا و واصل في أذكارو..يعنى الدين بتاعنا دين حياه ..نضحك و نهزر و ننبسط بس ما نكذب و لا نضايق الناس البتصلى )❤️
المهم نرجع لموضوعنا لما دخل الاطفال الاحابيش يلعبوا فى المسجد.. و كانت اوضه عائشه بتطل على المسجد.. فكان النبى فى الاوضه ففتح الستر(الستارة )شاف الاطفال بيلعبوا فى المسجد زى ما قولنا إستعراض بالعصيان.. فالنبى عاين ليهم و ابتسم.. ☺️
فبتقول عائشة: فجئت من خلف النبى ووقفت ..فنظر النبى إليا و قال: يا عائش أتحبين ان تنظرى؟
فقلت له :اجل يا رسول الله ..
فبتقول عائشه: فضرب النبى بكفه على كتفه (يعنى بيقول ليها ختي راسك هنا) فوضعت ذقنى على كتفه و اسندت رأسى إلى خده و جعلت انظر و انظر و انظر ..فالنبى بدأ يتعب فقال لها :يا عائش اشبعتى؟
فقالت عائشه: لا..
فالنبىﷺ خلاها شويه تتفرج و بعدين سألها تانى :يا عائش اشبعتى؟
فقالت عائشه لا.. فيسيبها تانى فتره طويله و يسألها تانى اشبعتى؟
فترد تقول له : لا..
طيب هي عائشه مالها؟🤔
عائشه بتحكى و بتقول: و الله كنت لا اريد ان انظر للأولاد اصلا و لكنى اردت ان ارى مكانى فى قلبه❤️ (عايزه تشوف النبى ياترى حيستحمل يفضل قاعد كده عشانها ولا لا!! ) و قالت عائشه : و اردت ايضآ و تمنيت ان تمر احدى نساءه فترانى و ترى مكانى منه( كان نفسى واحدة من زوجاته تعدي تشوفنا و يشوفو انها سانده على كتف النبى و راسها على خده و هو مستحمل ده ♡ )..بس بتقول عائشة: و لكنى اشفقت عليه(صعب عليها من طول القعده)
فقالت له :الان شبعت يا رسول الله ، فقمت عنه فاغلق الستر و انصرفت..
❤️❤️❤️❤️❤️❤️
طيب بتقول عائشة: كان الصحابة يرون حب رسول الله لى (و كان دايما النبى لما يكون اليوم على عائشه بكون مبسوط و بيضحك و بيهزر و نفسيتو حلوة 😍...كان بيحبها فعلا)
فتقول :فراى الصحابة ذلك فكانوا لو عايزينو ..كانوا يستنوا ليوم عائشة و بعدين يكلموه و يقابلوه ,☺️
فتقول عائشه: كانوا لا يهدون إليه الهدايا و لا العطايا الا فى يومى (بس الكلام دة طبعا ما عاجب امهات المؤمنين) فعملوا اجتماع و رئيسة الاجتماع دة "زينب" بتقول عائشة: و كانت لزينب شدة (امنا زينب الجميله كان كلامها شديد شوية، شخصيتها قوية) و بتقول عائشه وهى التى كانت تسامينى على قلب رسول الله(زينب كانت بتنافسنى على قلبه)
فتقول عائشة: زينب جات ودقت الباب و فتحت و كان على زينب اثر الغضب (و النبى كان مع عائشة) فدخلت زينب و قالت : يا رسول الله ان نساءك يسألنك العدل فى ابنة ابى قحافة (و اشرت على عائشة)
فقال النبى: و ما الامر يا زينب
فقالت: يا رسول الله اصحابك لا يهدوك الهدايا فى ايامنا كما يهدونها لك فى يوم عائشة،
فقال النبى :و كيف ذلك يا زينب ..
قالت:يا رسول الله اخبرهم ان يهدوك الهدايا فى ايامنا كما يفعلون فى يوم عائشة (طبعا النبى يستحى.. لا يمكن يقول ليهم كدة عليه الصلاة و السلام)
فتقول عائشة : تكلمت زينب و تكلمت و تكلمت حتى اغلظت القول إلى (بدأت تقول كلام ما حلو فى عائشه ..ما مكتوب فى كتب السيرة زينب قالت شنو بالضبط) .. طيب ليه عائشة ما حكت و لا قالت الكلام القالتو زينب فى الموقف ده..🤔 مع انو عائشة كان بينها و بين زينب غيرة لكن عائشه ما حكت
كان الناس لما يسألوا عائشة عن زينب كانت بتقول: ما رأيت اتقى لله من زينب و لما تتعرض عائشه لموقف سيئ فى يوم حادثة الافك( ح نحكيها لقدام🤩 )منو الحيقيف جنب السيده عائشه؟ زينب ♡ رضى الله عنها يعنى زى ما قلنا القلب صافى و بيحب ربنا و ما بيحب الأذى أما الغيره و الزعل دى مجرد مشاعر )
#السيره_النبويه_باللهجه_السودانيه
الجزء 81❤️
يلا صلوا على النبي ﷺ❤️
نحكي شويه عن حب محمد ﷺ و عائشه 😍😍😍😍❤️❤️❤️
حنعرف قدر شنو النبى كان حنين وكان بيكرم زوجاته عشان كده هو قال في الحديث "خيركم خيركم لأهله ، وأنا خيركم لأهله❤️ (أحسن رجل فيكم "يا معشر الرجال" هو البكرم زوجته ويعطف عليها❤️ ..وأخبثكم "أيها الرجال" من يُهين زوجته)💔
السيدة عائشه بتحب النبى جدا🥰 و حتى النبي لما أتسأل.. من أحب الناس إليك ؟
فقال : عائشة❤️ ..
فقالوا ثم من الرجال ؟
قال : أبوها ♡ ...
❤️❤️❤️❤️❤️
بتحكى السيده عائشة و بتقول: كان الرسول صلى الله عليه وسلم في بيتي وفي ليلتى (عائشة بتحبو وبتغير عليه جدا☺️ ) فدخلت علينا "سوْده" و كانت ليلتى ( سوده هى زوجه من زوجات الرسول )، فبتقول عائشة : فأدخلتها فجلست وأطالت الجلوس وكنت قد صنعت لرسول الله خزيرة (دي أكله عبارة عن حساء بلحم..فالنبي كان يُحب الحلواء و يحب البطيخ و التمر واللبن والعسل وكان بيحب لحم الكتف من الشاه ) فالمهم السيده عائشة عملت ليهو حاجه حلوه عشان تفرحو ، (طيب عارفين سوْده جات لشنو🤭؟؟ .. اشتاقت للنبى ♡ صلى الله عليه وسلم🥹 فعايزة تعاين ليهو وتقعد معاهو شويه.. وتمش ..و طبعا ده ما عاجب عائشه🤭 🤣 )
فعائشه بتقول فقمت إلى الحلواء وآتيت بها و وضعتها امام سوده و قلت : يا سوْده كُلي
فقالت سوْده : لا أُريد!..
فقالت عائشة : يا سوْده كُلي من هذه الحريرة..
فقالت سوْده : سبحان الله ، لا أُريد !! (فعائشة بتقول كده والنبي يضحك صلى الله عليه وسلم😂 )
فقالت عائشة : يا سودْه لتأكلي من هذه الحريرة أو لألطخنَّ بهذه الحريرة وجهك..
فقالت سوْده:يا عائشة ، لا أُريد..
فبتقول عائشة: فقمت و وضعت يدي في الحريرة وقذفتها في وجه سوْده ..
فنظرت سوْده إلى ثيابها فقالت : ما هذا
السيده عائشة ضحكت والنبى ضحك لكن أشفق النبي على سوْده و مال على سوْده وقال : يا سوْده أتُحبين أن تقتصي ؟
فضحكت سوده و قالت: أجل يا رسول الله...
قام النبي غير قعدتو بسرعه و وسع لسوْده..
فوضعت سوْده يدها في الحريرة و هي بتضحك وألقت على وجه عائشة رضي الله عنها وأرضاها الحريره..
فبتقول عائشة : فقمنا..أنا أضحك وسوْده تضحك ورسول الله صلى الله عليه وسلم يضحك..❤️❤️ ( كانوا بيهظرو و يضحكوا و يغيروا بس القلب صافى ما فيه قسوه و أذى و شر )
❤️❤️❤️❤️❤️❤️
موقف تانى يبين مدى حب النبى للسيدة عائشة.. 🥰
بتحكى السيدة عائشة: "خرج النبى صلى الله عليه وسلم يوما الى غزاة (يعنى غزوة), فأقرع بين نسائه (يعنى عمل قرعة) لأنو كل ما يطلع غزوة,كان بسوق معاهو واحده من زوجاته, عشان تكون طبيبة وممرضة للجرحى من جيش المسلمين, و أوقات تانيه كانت تخرج النساء فى المعارك دفاعآ عن النبى عليه الصلاة والسلام زى الصحابيه :" نسيبة بنت كعب" الأنقذت النبى فى غزوة أحد❤️. فالمهم كان يقترع النبى بين نسائه فيختار واحدة أو اثنتين بس عشان يمشو معاهو الغزوه وفى غزوة من الغزوات و بعد ما اقترع بينهم خرجت السيدة عائشة والسيدة حفصة مع رسول الله.
فتقول السيدة عائشة: "فخرجت على هودجى, وخرجت حفصة على هودجها (الهودج هو حجرة صغيرة توضع فوق الجمل عشان تبقى ستر وراحة للمرأة) فوصلنا إلى مكان المعركة, وقاتل رسول الله. وكان النبى فى كل ليلة يطمئن على حفصة, ثم يأتينى, ويقف أمام إبلي 🐪 ويكلمني حتى يطلع الصبح. وكان يحب حديثى".. "فغارت حفصة🥹. واحتالت على, (عملت خطه )ففى اليوم التالى, جاءت إلى حفصة وقالت: يا عائشة, هلا أردتى أن نتبادل الهودج, فأنظر وتنظرين. (لأن حفصة على علم بحب عائشه للإكتشاف و تحب تعرف و تشوف حاجات جديده , فعرضت عليها استبدال الهودج, عشان تشوف الحفصة بتشوفو من هودجها, والعكس) فبتقول عائشه : فوافقت على عرضها, وياليتنى لم أفعل ! ولا أدرى كيف وافقت !" ..
وفعلا نزلت عائشة من هودجها, و بدلوا الهوادج..و بالليل, جا النبى على هودج السيدة عائشة, بعاين كده يلقي حفصة طالعه من الهودج. فنظر النبى عليه الصلاة والسلام واحمر وجهه خجلآ , و فهم ان حصل شئ بسبب غيرة حفصة, فالنبى مامشي و فضل واقف و ويتونس مع حفصه و فضل معاها وانتظرته السيدة عائشة فى هودج حفصة ولكن النبى ما رضي يسيب حفصه عشان عارف انها عملت كده عشان عايزاهو ♡.. فبتقول السيدة عائشة: "فبكيت, وبكيت, حتى كاد ينفلق كبدى. فنزلت من هودجى, و مشيت فى الصحراء فى الظلام وقلت يارب تلدغنى حية أو عقرب فأصرخ فيأتى رسول الله فينظر إلى ♡..كانت بتحب النبى جدا جدا جدا رضى الله عنها وأرضاها☺️☺️☺️. و كان النبى بيحبها و ما ننسى انو التصرفات نقدر نتتحكم فيها لكن القلب لما بيميل و يحب صعب السيطره عليه..
وده كان حال النبى و عائشه ♡..
كانت السيدة عائشة تسمي حب رسول الله ليها " العقدة " ..فكانت تقول ليهو : يا رسول الله كيف حال العقدة ؟
#السيره_النبويه_باللهجه_السودانيه
الجزء 80😍اللهم لك الحمد 🥳
يلا صلوا على النبى ﷺ❤️
عرفنا امبارح انو السيده عائشه و ايي بنت فى سن زواجها كانوا فى بيئه و ظروف ادت لنضجهم الفكرى و الجسدى👍🏻 و عادات المجتمع و العرف السائد وقتها كان بيقول انو ده كان سن الزواج الطبيعى جدا..😊❤️
والمفاجأة و الدليل على ده .. ان لما الله تعالى "أمر " النبى بطلب عائشة للزواج.. كانت هي اصلا مخطوبة لواحد كافر 😱..(اها شوفتو😄لو سنها ما سن زواج ما كان خطبوها لزول صح😉) .. خطيبها كان اسمو الجُبير بن مُطعم بن عدىّ (قبل إسلامه) فلما النبى اتقدم لخطبه عائشة .. ابوها سيدنا ابو بكر فرح جدااا😍🥳 ، أبو بكر كان بيدعى ليل نهار أن النبى يخطب عائشة😍❤️ ، كان نفسو يكون بينو و بين النبى نسب،😍❤️
طيب ليه يا أبو بكر قبلت ان عائشه تتخطب من الجبير؟؟ 🤔
ابو بكر اتسرع فى خطوبه عائشه للجبير لانه خاف تتأخر فى الزواج🥹 ( اها ده دليل جديد😃) ...
( على فكرة النبى ﷺ ما كان عارف انو عائشه مخطوبه🤭.. و أبو بكر لما عرف ان النبى عايز يتزوج من عائشه فرح شديد❤️ و ربنا شاء انو ام الجبير تقول لابو بكر " إنا زوجناك إبننا. و تدعوه لدين محمد!!؟؟😠 أتريدون أن تُفسدوا ابننا علينا"؟؟ 😠
يعنى ام الجبير خافت ان الجبير يسلم🤭 و بقت عايزه تفسخ الخطوبه 🤭فأبو بكر انتهز الفرصه دي و وافق على فسخ الخطوبه😁❤️ ..(ربنا لمن يقسم ليك زول ح يسخر كل حاجه عشان الزول ده يكون من نصيبك انت فقط❤️)
طيب في حاجه تانيه هل عائشة لما اتزوجت كانت بتنجب الاولاد؟🤔
لأ.. عائشه ما كانت بتنجب😊..ربنا اراد ده لأنو أنتى يا عائشة رسالتك كبيرة جدا😍،
أنتى زواجك من النبى لهدف و رساله😍
.. أنتى رسالتك أنك تبلغى الإسلام للبشرية كلها😍..
فأنتى ما ينفع تتشغلى بالأطفال وتقعدى ترربيهم و تأكليهم✋🏼..
عائشة هتروى عن رسول الله 2210 حديث🥹 أغلبهم فى الفقه❤️ فهى ماينفع تنشغل بحاجة تانية غير تبليغ الدعوة😍..و كانت بتحب النبى جدا.. و نفسها تجيب منو اطفال و تقول له : يا رسول الله كل نسائك لهن كُنية الا أنا🥹
فيقول لها صلى الله عليه و سلم: لا تحزنى يا عائش ..أنتى أم عبد الله (يكنيها بعبد الله بن الزُبير ابن أسماء أختها)..
❤️
طيب هل السيدة عائشة كانت انسانة عادية ؟☺️(نحكي ليكم شويه عن عائشة ☺️❤️)
لأ ..ما كانت إنسانة عاديه🥰..احد الصحابه بيقول :ما رأيتُ أفصح من عائشة✋🏼❤️ ويقول ما رأيت أفرض من عائشة✋🏼❤️ (أفرض يعنى عالمة بعلم الفرائض اللي هو علم المواريث .. ده علم صعب جداً و محتاج زول ذكى جداً وعندو قدرة على الحفظ وعلى التفريق بين الروايات فصعب جداً)
و ما بس كده.. الصحابة كمان كانوا بيقولوا ان عائشه كانت اعلم الناس بالطب..🥰
طب؟؟؟! طب الواحد ده؟!
.أي 😍 مع انو الطب سكه تانيه خالص على اهتماماتها..
لما سألوا عائشه عن ده قامت قالت : كان يُمرض رسول الله فيُنعت له فأحفظ (النبى ﷺ كان يتعب ويكتبو ليهو روشتة فكانت تحفظ) و كنت أمرض فيُنعت لى فأحفظ و يمرض فلان فينعت له فأحفظ.. ( فلما يمرض زول تبدأ تسترجع فُلان لما تعب اخد دوا كذا.. فبقت تقول الدواء وبقت طبيبة 🤭).. ده دليل انها كانت مميزه جدا..وذكيه❤️
طيب خليكم من القلناهو ده و نفترض انكم لسه ما مقتنعين انها تتزوج فى سن صغير😉 .. بس ركزوا فى الحا اقولو ده ...
{{{{{ كان زواج رسول الله من السيده عائشه أمر من رب العالمين ،قبل كل شششي ف ما من حقك انك ترفض يا رسول الله ..ده أمر .. النبى ﷺ بيقول للسيده عائشة : أُريتكُ فى المنام ثلاثاً ، يأتينى جبريل بصورتك فى حريرة ويقول يا محمد هذه زوجتك فى الدُنيا والأخرة فأقوم من نومى وأقول إن يكن خيراً، يُمضيه الله .. و فى الليلة البعدها ييجى جبريل يا محمد هذه زوجتك فى الدنيا والأخرة فيقول إن يكن خيراً يُمضيه الله ويتكرر الأمر فى الليلة الثالثة ..
❤️❤️
طيب ممكن زول يقول ده مجرد حلم صح🤷🏻♀️
.. لأ ..ما مجرد حلم لأنو رؤيا الأنبياء حق😍 وسيدنا عبد الله بن عباس قال: رؤيا الأنبياء وحى😍 ..
و سيدنا إبراهيم عليه السلام ، اخبرنا الله تعالى فى القرآن الكريم ان سيدنا إبراهيم قال : يا بُنى إنى أرى فى المنام أنى أذبحك قال يا أبتى أفعل ما تؤمر ..
يبقى الرؤيا للأنبياء أمر من الله سبحانه و تعالى🥹 ..يبقى النبى ﷺ فى النهايه هو مأمور من الله }}}}}❤️❤️❤️
في نقطه تانيه😊 وهى أن النبى ﷺ كان كبير وقت زواجو من عائشه.. كان فى الخمسينات.. طيب ده ينفع ؟؟ 🤔
أيوه ينفع مع محمد ﷺ بس😍 .. ليه ؟؟
لأن النبى أصلاً كل تكوينه ما زينا🥹.. عندو حاجات خارقة للبشرية ..🥹
اها يعنى شنو برضو🤔؟
النبى ﷺ مرة صام 3 أيام ورا بعض من غير ما يفطر المغرب😳 .. ده أسمو صيام الوصال.. ف جا صحابى حب يقلدو فالصحابى كان هيموت.. فالنبى جرى عليه سأله بتعمل كده ليه ؟
فقال له: أُقلدك يا رسول الله ..
#السيره_النبويه_باللهجه_السودانيه
الجزء 79❤️
يلا صلوا على النبي ﷺ❤️
في الجزء ده ح نتكلم عن زواج عائشه من رسول الله ❤️❤️❤️❤️❤️❤️❤️
عن هشام بن عروة عن عائشة: أن عائشة قالت تزوجنى رسول الله وانا بنت ست سنوات وبنى بي وانا بنت تسع سنين ...
طيب كيف !! وهي لسه طفلة صغيرة كده ؟؟🤔
تعالوا نتكلم بشكل علمى ومنطقى👌 .. ونرد شبه زواج الرسول ﷺمن عائشه بت 9سنوات.. 💪🏻
في مستشرق من الأجانب(مستشرق يعني متخصص فى تاريخ بلاد الشرق) و كان اسمه بودلى👨🏼💼 .. بودلى عاش ومات غير مسلم.. وعمل كتاب موجود فى كل حتة بيقول فيه : لقد أخطأ الغرب إذ يقيسون زواج محمد على مقاييس زماننا هذا🤦🏼♂️❌ ويهدرون فروق البيئة والزمن والثقافات✋🏼
(بودلى ما مؤمن أنو سيدنا محمد رسول💔... بس مؤمن ومتاكد أنو محمد انسان عظيم❤️)
و بيقول بودلى انو ما ينفع أنك تقيس ظروف زواج انسان من 1400 سنة.. على ظروف حياتك الحاليه.. بدون ما تهتم بفروق الزمن والبيئة والثقافات) ✋🏼
(يعنى مثلا زي ما بنشوف عندنا بنات الريف بتزوجو في سن مبكره صح. عكس بنات العاصمه بعد تقرأ و تحضر ماجستير وووو. يعني في فرق في السن بينهم)
طيب لو رجعنا من قبل 1400 سنة ..ما كان في لا جامعات ولا مدارس يبقى الطبيعى انو البنت تتزوج بعد البلوغ طوالي🤷🏻♀️ ... صح ولا ما صح
طيب هل الرسول ﷺ فى زواجو من عائشه معارض للتقاليد بتاعت بلدو وقتها ؟ 🤔
طيب تفتكروا هل لو كان النبى عمل حاجة عيب او حاجة غير اعتيادية و اتزوج من طفلة لا تصلح للزواج هل كان كفار قريش سكتوا ؟؟ في فكركم كده ح يسكتو؟؟🤔
طبعا مستحييييل انهم يسكتوا🤕.. بالعكس.. هم منتظرين بتييين الرسولﷺ يغلط عشان يحاربو ويأذوا 🤕
..(و نحن على مدار السيرة دي شفنا انو قريش كانت بتبذل اقصى جهدها عشان تأذى النبى🥺 ولو كان وقتها زواج النبى من عائشه فى سن صغير عيب أو خطأ، كان زمااااان قريش ما فوتت الفرصه دى وطعنت فى رسول الله)
.إذاً النبى لم يخالف تقاليد مجتمعه وقتها لأن ده كان العُرف السائد فى المجتمع😉.
اتفقنا؟! 🤔
اتفقنا 😍
ابو سُفيان شخصياً كان متزوج كده.. لأن ده كان السائد فى المجتمع☺️
.و على فكرة النبى ﷺ عمرو ما عارض أعراف مجتمعو.. لأ..حتي كمان ما عارض الأعراف العالمية المحيطة بيه🤝..
نزيدكم من الشعر بيت وعشان تقتنعو زياده👇🏻
اليهود مثلاً هنلاقى السيدة صفية بنت حُيي بن أخطب (لقدام هتُسلم وتبقى أم المؤمنين و زوجه رسول اللهﷺ) النبى تزوج صفيه و هي عندها 14 سنة .. طيب دى ما المشكلة☺️.. المشكله و المفاجأة أنو النبى كان تالت زوج لصفية🤭 يعنى لو حسبناها تقريباً ح نلقي أنو أول زواج لصفيه كان عمرها فى نفس عمر زواج السيده عائشه يعنى تسع سنين😊.. و بعدين اتزوجت تانى و كان التالت رسول الله وكانت وصلت لسن ال 14 سنه..☺️
أهاا لسه م اقتنعتو😅 طيب هاكم👇🏻
تعالوا نشوف العالم الغربى، حنلاقى أنو ثابت فى كتب التاريخ الغير عربية البتؤرخ التاريخ الرومانى والتاريخ الفارسى أن فى سنة 545 م تزوج الملك البيزنطى الثانى أليكسيوس الثانى من الأميرة أجنيس وهى عمرها تسع سنين.. 🤭
و فى سنة 560 م الملك البيزنطى أيزك أتجوز الأميرة المجرية مارجريت وهى عندها تسع سنين🤭 ..
طيب اتخيلوا ان ده كان عادى🤷🏻♀️❤️ والكلام ده قبل زواج النبىﷺ بكتييييير.. يعني في زمن النبي ﷺكان اكتر من عادي😊🤝 .
افتكر كده اقتنعتو خلاص😁🥳
طيب لو أننا أقتنعنا أن زواج عائشة وهى عندها تسع سنين شئ عادى ومقبول وقتها 🤷🏻♀️، هل عائشة وهى فى السن ده كانت ناضجه كفايه؟🤔🤔 يعنى هل كانت امرأة ناضجة ولا طفلة صغيرة لا تصلح للزواج وقتها ؟🤔هل هي قدر المسؤولية ؟!!
حقول ليكم.. اول حاجه لازم نكررها انو ما ينفع نقيس ظروف زمان بالظروف الحاليه دي🤝
، زمان البنات كانت بتكبر سريع ، خصوصآ المجتمعات الجبلية والصحراوية و القال كده " بودلى ".. بودلى قال فى كتابو ان النساء فى هذا الحين فى المجتمعات الصحراوية كانت تكبر مبكرآ..
و قال ان الكلام ده موجود فى ريف اسبانيا وفى شرق اوروبا لذلك كان الزواج فيها مبكرآ لأن البيئة صحراوية بتساعد على النمو السريع للبنت🤝 ..
طيب كده فضل نقطة مهمة جداً لو نحن فهمنا أنو البنت فى مناطق معينة بتنضج مبكرآ ..طيب فهل ينفع اني أجيب بنت عمرها تسع سنين وأعرس ليها كده عادي خلاص🤔؟
طبعاً لأ.. دى جريمه فى حق الطفولة ولا يجوز وحرام ✋🏼.. طيب السيده عائشه اتزوجت فى السن ده كيف؟😳
عائشة لما اتزوجت فى السن ده ماكانت ناضجة جسمانياً و بس ..لأ✋🏼.. كانت ناضجه ذهنياً ونفسياً😍❤️ والمجتمع كلوو حواليها كان متقبل الحاجه دي.😊✋🏼
#السيره_النبويه_باللهجه_السودانيه
الجزء 71❤️
يلا صلوا على النبي ﷺ❤️
كنا واقفين مع أبو لهب لمن كان قاعد جمب باب بيت العباس مستنى يعرف أى أخبار عن الجيش فى بدر😊 .. فيلاقى واحد اسمو أبو سفيان بن الحارث و كان أبو سفيان جاي من بدر..
فأبو لهب قال ليه : أتيت من بدر؟ 🤔
قال: أجل ،✋🏼
فقال ليه : ماذا حدث هناك؟..😥
فرد أبو سفيان بن الحارث و قال: والله يا أبا لهب ..كأننا أسلمناهم رقابنا يضربوننا كيف شاءوا، والله لقد رأينا رجالا بيض على فرس بيض تقاتل ..و والله لو انهزمنا لا لوم على جيشنا أبداً ..
هو شاف منو؟؟ 🥹🥹🥹🥹🥹
شاف الملائكة🥹❤️ ودا كان فى نص المعركة..(حانحكى عن دا فى التفاصيل بتاعت المعركة إن شاء الله😍خليكم متابعين).
فأبو لهب ما مصدق الكلام البيسمعو.. طيب منو سمع الكلام دا؟🤔
أبو رافع.. دا العبد البيشتغل عند العباس " و أبو رافع كان كاتم إسلامه ".❤️.المهم أول ما سمع الكلام الإتقال.. اتخلع😳 و كانت في يدو صينية قامت وقعت من يدو و صرخ و قال : هذه الملائكة ورب الكعبة😍.. هذه الملائكة ورب الكعبة😍..
فمن شدة توتر أبو لهب قام ضرب أبو رافع على وشو وفضل يضرب فيه.. فأُم الفضل (زوجة العباس) جات تجرى🏃🏼♀️ و فى يدها حديدة 🦯و ضربت بيها أبو لهب على راسو..و قالت: تضربه إذ غاب سيده!😡
(بتضربو عشان صاحب البيت ما موجود؟؟😡)
فيمشى أبو لهب.. بس عارفين بعد كدا حايحصل شنو لي أبو لهب ؟؟؟
جاهو مرض جلدى إسمو (العدسة
(وهى بثرة تخرج في البدن كالطاعون، وقلما ينجو صاحبها)💔
و لو أى زول لمسو بعاديهو وتبدأ أجزاء من جسمو تتساقط .. و يبدأ وشو يتشوه و المرض يكون معدى جداً فكل الناس تضطر تبعد عنو و تخليه براهو🙅🏼♂️ (دا الأذى النبى .. دا الكان بيمشى ورا النبى و ينشن بالطوب على العضمة الفي ضهر كعب رجلو و ينزل الدم و النبى يمشى و يكمل تبليغ القرآن للناس❤️.. ولا يعاين وراهو و لا يفكر يؤذى أبو لهب حتى❤️.. صلى الله على سيد البشر )❤️❤️
و يشتد المرض على أبو لهب فتبدأ أجزاء تتساقط من جسمو و الناس تبعد عنو و يموت وحيدا و حايكون لسسسه الجيش فى بدر💪🏻..
و لما أبو لهب مات ، الناس كانت خايفة تدفنو،
فتركه إبناه يومين أو ثلاثة ما يدفنانه، حتى أنْتن،💔 فقال رجل من قريش لإبنيه: ألا تستحييان أن أباكما قد أنتن في بيته؟!🙁
فقالا: إنا نخشى هذه القرحة،😢
( وكانت قريش تتقي العدسة كما تتقي الطاعون،)
فقال رجل: انطلقا فأنا معكما،
قال: فوالله ما غسَّلاه إلا قذفاً بالماء من بعيد، ثم احتملوه، فقذفوه في أعلى مكة إلى جدار، وقذفوا عليه الحجارة)...
قال تعالى :
{ تَبَّتْ يَدَا أَبِي لَهَبٍ وَتَبَّ *مَا أَغْنَىٰ عَنْهُ مَالُهُ وَمَا كَسَب}..
النبى عليه الصلاة و السلام غالى شديد عند ربنا ❤️و أبو رافع العبد المسلم الإنضرب على وشو دا قدرو كبير عند ربنا❤️ و كل واحد بيراعى ربنا و بيحاول يجاهد انو يبقى فى طاعة ربنا عز و جل دا غالى شديد عند ربنا😍❤️ وربنا معاه و حاينصرو و يوفقو..❤️
طيب جيش المسلمين أخبارو شنو؟؟؟ 🤔
احنا آخر حاجة قلناها انو المسلمين طالعين عشان يستردوا الأموال بتاعتهم من قافلة أبو سفيان بن حرب صح.. اها.. المسلمين وقفو فى المكان الحاتعدى منو القافلة يوم و اتنين ..القافلة ما جات رغم انو دا زمنها (تتذكروا قلنا إنو ابو سفيان لقى طريق تاني ومرا بيهو) ..
فالمسلمين يستغربوا.. فيرسل النبي عليه الصلاة والسلام "الزُبير بن العوام" و "على بن أبى طالب" و "سعد بن أبى وقاص" عشان يطلعوا و يعرفوا شنو الأخبار.. فيطلعوا على الطريق فيلاقوا ولدين بيملوا الجرادل موية فيسوقوهم للنبى عليه الصلاة و السلام عشان يسألهم فالولدين مشوا معاهم.
لكن لمن وصلوا عند النبى عليه الصلاة و السلام كان النبى واقف يصلى فسألوا الأولاد ديل ورسول الله صلى الله عليه وسلم قائم يصلي زي ما قلنا ،
فقالوا : نحن سقاة قريش ، بعثونا نسقيهم من الماء،
فإتخلعوا😳 والكلام دا ما عجبهم " ما تنسوا هم ما طالعين لي حرب، هم كانوا طالعين لإسترداد أموال الصحابة من قافلة أبو سفيان)✋🏼
فيلزوهم و يقولوا ليهم بل أنتو بتسقو لـ قافلة أبو سفيان ..
فيقولوا : لا والله بل نسقى جيش قريش..
و يفضلوا يلزوا فيهم.. لغاية ما الأولاد قالوا ليهم اي اي خلاص إحنا بنسقى لي قافلة أبي سفيان فقاموا خلوهم..
وبعد إنتهى النبي من الصلاة وسلم ، قال : " إذا صدقاكم ضربتموهما ، وإذا كذباكم تركتموهما ! صدقا والله ، إنهما لقريش .. وقال للغلامين :أخبراني عن قريش
فقالا : هم وراء هذا الكثيب الذي ترى بالعدوة القصوى ..
فقال لهما رسول الله صلى الله عليه وسلم : " كم القوم ؟ " قالا كثير . قال : " ما عدتهم ؟ " قالا : لا ندري .
قال : " كم ينحرون كل يوم ؟
قالا : يوما تسعا ، ويوما عشرا .
فقال رسول الله صلى الله عليه وسلم : " القوم ما بين التسعمائة إلى الألف " ثم قال لهما : " فمن فيهم من أشراف قريش ؟ "
#السيره_النبويه_باللهجه_السودانيه
الجزء 70😍🥳اللهم لك الحمد والشكر 🥳
شفنا امبارح أبو جهل و هو مُصر يجهز جيش كبير عشان يحارب النبى عليه الصلاة و السلام💔 و شفنا كمان إنو فى ناس خايفة تطلع لأنهم عارفين إن النبي مُحمد انه فعلا رسول الله و أكيد ربنا حاينصرو😍.. و فى واحد من كفار قريش كان قوي جدا و شجاع و رغم كدا ما كان راضي يطلع مع الجيش.. منو دا؟..
تتوقعوو منووو ؟؟🤔
متذكرين الراجل الكان بيعذب بلال؟ 😉كان أُمية بن خلف ..بسس ياهوو..
أُمية كان راجل ضخم جداً و قوي جداً فى منتهى الشجاعة👏🏻.. لكن ما كان راضي يطلع مع الجيش و رجع بيتو و تربس على نفسو باب بيتو و اتدسا جوووة..🤭
طيب لي كل دا؟؟ .. هو شنو المخوفو كدا؟!..🤔
أُمية بن خلف قبل فترة بعد ما النبي هاجر للمدينة.. قام "سعد بن معاذ" سيد و رئيس المدينة مشى يعمل عمرة و يطوف حوالين الكعبة🕋..
فسعد دخل الحرم فأول ما دخل سعد و لسه بيطوف حوالين الكعبة لقى فى وشو أبو جهل.. فقام أبو جهل وقف و مسك سعد من هدومو وقال : آويتم محمدا!! والله لننتقمن منكم.. (طيب ينفع أبو جهل يمسك سعد بالشكل دا.. و سعد يسكت؟!! لأ).. يقوم سعد يلز أبو جهل فيقع أبو جهل على الأرض ويقول ليه سعد يا أبا الحكم لا ترفع صوتك هكذا.. فيتشاكلواا مع بعض..
الجا منو؟؟..
أُمية بن خلف و أُمية كان صديق قديم لسعد بن معاذ فمسك أُمية سعد و قال ليه : فقال له أمية : لا ترفع صوتك يا سعد على أبي الحكم ، فإنه سيد أهل الوادي ،
قال سعد دعنا عنك يا أمية ، فوالله لقد سمعت رسول الله صلى الله عليه وسلم يقول : " إنهم قاتلوك
(يعنى الرسول قال أن أمية حايموت)
فأمية سأل سعد و قال ليه : أقال : بمكة ؟
قال : لا أدري
ففزع لذلك أمية فزعا شديدا ، فلما رجع إلى أهله قال : يا أم صفوان ، ألم تري ما قال لي سعد ؟
قالت : وما قال لك ؟
قال : زعم أن محمدا أخبرهم أنهم قاتلي ، فقلت له : بمكة ؟ قال لا أدري . فقال أمية : والله لا أخرج من مكة ..
(هو أُمية مالو؟ أمية مصدق كلام النبي جداً و عارف انو مدام النبي قال إنو أمية حايموت يبقى أكيد كلام رسول الله حق.. شايفين كيف الكفار كانوا عارفين ان مُحمد ﷺ نبي 🥰لكن الكبر و العناد هو الأخرهم عن طاعة رسول الله لحد ما ماتوا على الكفر💔)..
المهم من الوقت دا و أمية بقى مرعوب و مستني لحظة موتو..🤭 فلما جات غزوة بدر فقال أمية : لن أخرج في هذه المعركة🙅🏼♂️ و قام تربس و قفل على نفسو باب بيتو.. 🔐
فزوجته اتخلعت😳 قال ليها كلام سعد بن معاذ و قال ليها : و أرى إنني إن خرجت فإنني مقتول.. 😥
فقامت زوجته قالت : إذن لا تخرج..🥺
بس يجيهو واحد صاحبو اسمو عقبة بن أبي معيط .. فيمشي عقبة يدق على باب أمية.. بس أُمية ما فتح ليه لأنو خايف..🤭
فيستمر عقبة يخبط يخبط.. فأمية يفتح الباب و يقول ليه ما تريد؟.. 😕
فيقول عقبة : يا أمية هلم معنا ..( يلا تعالى معانا فى الغزوة نحن طالعين بعد ده)..
فيقول أمية : لا لن أخرج🙅🏼♂️ و يُصر على كلامو🙅🏼♂️.
عقبة يمشي و يرجع لأمية تاني و هو جايب معاهو "المجمرة"( دى حاجة بيبخروا بيها..مبخر) يدق عقبة الباب فيفتح أمية فيدخل عقبة و يشعل المجمرة ويلف حوالين أمية : و يقول ليهو إستجمر يا أمية فإنما أنت من النساء.. إستجمر.. فإنما أنت من النساء (مدام ما عايز تطلع معانا يبقى أنت من النساء).. ضاحك عليهو يعني😅.. شايفين صديق السوء!!..
المهم رد عليه أمية و قال : ويحك ما أراك تأخذني إلا لمقتلي😠..
فيرد عقبة و يقول : أنت من النساء..✋🏼
فيتضايق أمية و يقول ليه : ويحك بئس ما جئت به !!..😠
بس أُمية حايسمع كلام صاحبو وحايخاف على سمعتو فيقول أمية : إنى خارج..
فتجري عليه زوجته و تقول ليه🏃🏼♀️ : يا أُمية أنسيت ما قاله لك سعد !!.. 😟
فقال : لا تخافي✋🏼 سأشتري أسرع فرس فى مكة 🐎(عشان أى حاجة تحصل يطلع يجري ) و فعلا مشى أمية و اشترى أسرع فرس فى مكة.. بس دا حاينفعو؟😉
لأ.. لأن أمية فعلا حايموت زي ما النبي قال🫢.. فيركب أُمية الفرس و يطلع مع الجيش..
و فى واحد تاني ما عاوز يطلع، منو هو؟.. 🤔
أبو لهب.. أبو لهب مصدق النبي جدا فهو واثق انو النبي حاينتصر❤️..
في معلومه سريعه لازم نعرفها☺️ الكفار سمو كفار ليه!! ( لأن كفر فى اللغة يعنى ستر و غطى و ليها نفس نطق بالانجليزى cover يعنى غطى.. و كفر فى كتاب الله معناها : ستر الحق.. و هم فعلا عرفوا الحق و ستروه و كذبوه). سبحان الله العظيم ❤️
المهم أبو لهب ما كان راضي يطلع 🤭بس عيب قدام العرب انو ما يطلع.. فيمثل انو عيان😅 و يأجر شاب يطلع مكانو و يقول ليه خذ سيفى وخذ الفرس بتاعى أنا مريض و تعبان.. ويطلع الولد فعلا والجيش كلو يطلع..
طيب أبو لهب كدا ارتاح تفتكرو؟!
لأ .. حايفضل أبو لهب فى مكة لا عارف ينوم ولا ياكل ولا يشرب🫢.. عايز يعرف الأخبار.. و ما قادر يصبر.. فبعد كم يوم حايمشى أبو لهب على بيت العباس عم رسول الله..
فيحُث رسول الله الصحابة للخروج لإسترداد حقوقهم💪🏻..
فعن أبي أيوب الأنصاري رضي الله عنه أن النبي صلى الله عليه وسلم قال لنا ونحن بالمدينة: (إني أُخْبِرْتُ عن عير أبى سفيان أنها مُقْبِلَة، فهل لكم أن تخرجوا إليها لعلَّ الله يُغْنِمَناها (يجعلها غنيمة لنا)؟ قلنا: نعم، فخرجنا) .
طيب المسلمين طالعين يرجعوا حقوقهم و بس يعنى ما مجهزين لقتال و كان من الطبيعى ان العربى بيخرج الصحراء بسلاح لأنو معاه ناقة لو جاع حايضبح🔪.. و معرض انو يقابل حرامية أو حيوانات مفترسة فلازم يبقى معاو سلاح للحاجات دي صح..
. لكن فى مشكلة قريش إفتكرت انو المسلمين هدفهم انهم يحاربوهم ما مجرد أنهم طالبين استرداد أموالهم .. فحاتطلع إشاعة حاتوصل قريش حاتقلب الموازين ؟؟؟
ح يحصل شنو 😱 نعرف بكره إن شاء الله ❤️❤️
(كان يأخذ بالأسباب حتى نقول أنه لا يتوكل على الله و كان يتوكل على الله حتى نقول لا يأخذ بالأسباب.. يعنى ايوا يا سعد أنت بتحرس رسول الله بس الرسول ﷺ نام وهو عارف أن لن يصيبنا إلا ما كتب الله لنا.. و على فكرة النبي ما خايف على نفسو ، هو خايف على الرسالة و الدعوة❤️ و ما حايرتاح إلا بعد نزول الآية دى قال تعالى : " وَاللَّهُ يَعْصِمُكَ مِنَ النَّاسِ" فيفهم النبي انو ما حا يتقتل و حا يبقى مطمن على حياته لأجل الدعوة لدين الله الحق😍😍😍😍 ♡)
قالت عائشة رضي الله عنها : كان النبي صلى الله عليه وسلم يحرس حتى نزلت هذه الآية : ( والله يعصمك من الناس ) قالت : فأخرج النبي صلى الله عليه وسلم رأسه من القبة ، وقال : " يا أيها الناس ، انصرفوا فقد عصمني الله عز وجل " .😭😭😭❤️
طيب وصل تهديد قريش للنبي عليه الصلاة و السلام بأنهم حيحاربوهم.. فيبدأ النبى في تكوين سرايا من الصحابة
(سرية : مجموعة جنود بس من غير رسول الله.. سواء يحاربوا أو لأ) و زاد تهديد قريش لدرجة أنها أرسلت سرية قتالية بقيادة كرز بن جابر الفهريعلى سرح المدينة (الإبل والأغنام) ، فنهب بعضها ، فخرج رسول الله ـ صلى الله عليه وسلم ـ في طلبه حتى بلغ واديا يقال له : سفوان من ناحية بدر، فلم يدركه، فرجع رسول الله ـ صلى الله عليه وسلم ـ إلى المدينة .. ويسمي المؤرخون هذه (غزوة بدر الأولى) .
طيب حاتعمل شنو يا رسول الله ؟🥺
حانعرف المرة الجاية إن شاء الله ❤
#أذكار_المساء
((اللَّهُمَّ صَلِّ وَسَلِّمْ عَلَى نَبَيِّنَا مُحَمَّدٍ)) (عشرَ مرَّاتٍ).
🍃🌻
لا إله إلا الله وحده لا شريك له، له الملك وله الحمد، وهو على كل شيء قدير🌺
🍃🌻
طوبى لمن وُجد في صحيفتِه استغفاراً كثيراً.. استغفر الله العظيم وأتوبُ إليه 💭🌹
🍃🌻
كان سعيد بن المسيب إذا دخل الليل يقول لنفسه :
قومي إلى خدمة ربك، يا مأوى كل شر، تريدين أن تغفلي بالنهار وتنامي بالليل، والله لأدعنك تزحفي زحف البعير
فيصبح وقدماه منتفختان!
[فيض القدير (٤ / ٣٢٦)]
#قيام_الليل_شرف_المؤمن
#السيره_النبويه_باللهجه_السودانيه
الجزء 85❤️
يلا صلوا على النبى ﷺ❤️
#غزوة_أحد ⚔️🔥
امبارح شفنا جيش قريش فى طريقو للإعتداء على المسلمين💔 و شفنا رسول الله و هو بيخت الخطه لرد العدوان و قلنا انو كل الاماكن اتأمنت ما عدا جبل صغير .. ده محتمل انو جيش قريش يلف من وراهو و يجى يحاصر جيش المسلمين.. فحتعمل شنو يا رسول الله؟ 😢
بدأ رسول الله عليه الصلاه و السلام يخلى على الجبل ده 50 مقاتل من أمهر الرماه🏹.. و كان الامير بتاعهم الصحابى الجليل عبد الله بن الجُبير❤️..
و كل المطلوب منهم أنهم يقيفو ماسكين نِبال و سهام و يبقوا متربصين لأى زول من قريش يفكر يلف من ورا الجبل💪🏻 و بكده جيش قريش ما حيقدر يحاصر المسلمين👍🏻❤️ و الجبل بقى اسمو جبل الرُماة ❤️..
دي خطه رسول الله ﷺ.. اها خطه ابو سفيان شنووو؟!! 🤔
طيب حاليا أبو سُفيان جا بجيش قريش ، و كانت ميمنه الجيش من 300 فارس مقاتل💂🏼♂️ بقيادة خالد بن الوليد "قبل اسلامه" .. و الميسرة بقيادة عكرمة بن أبى جهل و معاه 700 مقاتل💂🏼♂️ وأبو سُفيان معاهو فى النص 2000 مقاتل 💂🏼♂️ وكانت خطة أبو سُفيان أن خالد و ال300 فارس المعاهو يحاصروا المسلمين عند جبل الرماة.. و عكرمة يحاصرهم من الناحيه التانيه.. و أبو سُفيان يدخل من النص و بكده حيخلصوا المعركة فى دقايق💔 ..
لكن لما وصل أبو سُفيان أتفاجئ من مواقع جيش المسلمين 😱.. .لأن النبى ﷺ كان فاهم ابو سفيان و قاريه كويس😉 ،جا خالد يلف من حوالين جبل الرُماة ..ما عرف يلف🤷🏻♂️.. لأنو معاه خيول 🐎🐎🐎والخيول بتخاف من السهام وكمان الرُماة فوق الجبل فالسيطره قويه من فوق😍 ، فحيضربوهم بالسهام ويقضوا عليهم فى دقايق💪🏻 فلقى خالد نفسو واقف ما عارف يعمل حاجة🫢.. و كمان عكرمة لقى نفسو برضو واقف وما قادر يعمل حاجة🫢 فبقى أبو سُفيان وال 2000 جندى المعاهو بس هم الحيواجهوا الرسول (الله على ابداع الحبيب ﷺ😍 )
طيب منو حامل اللواء عند المشركين؟🤔 (اللواء ده زى العلم كده🚩 يبيقى مرفوع و بمجرد سقوطه بتبقى إعلان للهزيمه و علامه نصر) و بالتالى لو سقطت بتعمل إحباط رهيب يعنى تقريبا خلاص بتبقى المعركه انتهت و اتحسمت.. ،عشان كده قريش حتخلى اللواء بتاعها من 9 أشخاص من قبيلة من قبائل قريش اسمها بنى عبد الدار..
طيب ليه 9 ؟ 🤔
عشان لو مات الاول يشيلو التانى ولو مات التانى يشيلو التالت و هكذا ( ياااا 9 !!.. شايفين قريش خايفين من المسلمين كييف!🤭) طيب وانت يا رسول الله منو حامل اللواء عندك ؟
مُصعب بن عُمير😍 (أول سفير فى الإسلام .. متزكرنو😉 ؟ سفير لانو سافر يدعوا اهل المدينه للإسلام قبل هجره الرسول ليها❤️ )
طيب اها القائد الأعلى للجيش كلو هو النبى ﷺ💪🏻❤️ والقائد التحتو هو حمزة بن عبد المطلب😍 أسدُ الله و رسوله💪🏻 ، و كان هو قائد العمليات القتالية الجوه الجيش .. و دراعه اليمين علىّ بن أبى طالب😍 و الزُبير بن العوام😍
النبى يبدأ يدى تعليماتو للرُماة الفوق الجبل📢 :"أيها الرُماة لإن رأيتمونا نُقتل..فلا تنصرونا .. ولا تنزلوا أبدأً حتى أأذن لكم.. وإن رأيتمونا ننتصر ..فلا تنزلوا أبداً" ❌🙅🏼♂️
فيقولوا حاضر يا رسول الله..
بس النبى ﷺقلبو ما مطمن نهائي💔.. يمش ويرجع📢 "أيها الناس لإن رأيتمونا نُقتل فنموت و تأكلُ الطيرُ من رؤوسنا فلا تنصرونا و لا تنزلوا أبدأً حتى آذن لكم و إن رأيتمونا نقسم الغنائم ونعود للمدينة ..لا تنصرونا و لا تنزلوا أبداً"❌
(النبىﷺ كان عارف أنو دى الثغرة الوحيدة القدام جيش الكفار لأنهم لو لفوا حتنتهى المعركة بإنتصار الكفار ) ..💔
فيردوا : حاضر يا رسول الله ،
يمش النبى و يرجع ليهم تانى📢 "أيها الناس لا تنزلوا حتى آذن لكم "❌
فيقولوا حاضر يا رسول الله ...
فيقف النبى ويقول " اللهم أنى أُشهدك عليهم ،اللهم أنى أُشهدك عليهم "🤲🏼
(كان قلبو حاسس ﷺ ان حيحصل شئ صعب😟 ) ...
المهم حتبدأ المعركة ويقف النبى عليه الصلاه و السلام و حيبقى عايز يحمس الجيش فيمسك سيفو و يقول : من يأخذ سيفى هذا ؟
(مين حيحارب بسيفى ؟)
فكلهم يقولوا : أنا يا رسول الله .. انا يا رسول الله.. 🙋🏼♂️
فيقول النبى: من يأخذه بحقه ؟
فقالوا و ما حقه يا رسول الله ؟🤔
فقال ﷺ أن يضرب به العدو حتى ينحنى (يعنى السيف يضرب بمنتهى القوة ... من جمال سيدنا النبى أنه حنين جدا وقت الحنية ❤️و بطل و فارس شجاع وقت البطولة والقتال ،❤️)
عارفين انو علىّ بن أبى طالب كان عمرو 23 سنة والرسول ﷺ 61 سنة فكان علىّ يقول: " والله كنا إذا أشتد البأس نتقى خلف رسول الله🥹 "
يعنى لما القتال يبقى صعب و عنيف كنا نستخبى ورا النبى صلى الله عليه و سلم 🥹❤️
" فكان النبى وقت الفروسية أشجع الفرسان💪🏻 و وقت الرقة بيبقى أرق مخلوق على وجه الأرض ﷺ ☺️)
طيب نرجع النبى واقف بيقول من يأخذ سيفي؟
#السيره_النبويه_باللهجه_السودانيه
الجزء 84❤️
يلا صلوا على النبى ﷺ❤️
بدايه غزوه أحد ⚔️🔥
أبو سُفيان ما كان هدفو الانتقام و بس💁🏻♂️ ..لأ..هو كان خايف على المكانة الأقتصادية لقُريش بين العرب بعد هزيمتها فى بدر ✋🏼..
فعشان كده كان هدف أبو سفيان الأكبر أنو يرجع مكانة قريش وسط الجزيرة العربية عشان التجارة.🤫 فحينفق قروش كتيرة جداً ،و حيبدأ أبو سُفيان يجهز جيش بمبلغ 50 ألف دينار (دي قروش كتيرة جداً دى ثروة ) ، و ربنا بيقول علي ده فى القرأن قال تعالى: " إِنَّ الَّذِينَ كَفَرُوا يُنْفِقُونَ أَمْوَالَهُمْ لِيَصُدُّوا عَنْ سَبِيلِ اللَّهِ فَسَيُنْفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ "
❤️❤️❤️❤️
طيب كنا قلنا انو العباس اسلم بعد غزوة بدر و النبى ﷺ قال ليهو يخفى إسلامه عشان يبقى وسط الكفار و يعرف الأخبار 🤫و الهدف من ده انو النبى كان عايز يتجنب ايي حرب بينه و بين كفار قريش❤️ فبيبقى عايز يلحق ايي خطه قريش تعملها ..لعله يقدر يتجنب هجوم قريش على المسلمين👍🏻❤️. فالمهم العباس ح يرسل للنبى الخبر بسرعه و يقول ليهو : أن قريش قد خرجوا بثلاثة آلاف مقاتل وسبعمائة دارع وثلاثة مائة فرس و معهم الكثير من السلاح (معاهم كميه سلاح غير طبيعيه) ،
وصلت الأخبار للنبى و بعدين النبى ﷺ حيشوف رؤية فبيقول : رأيت كأن ذراعى فى درعٍ حصينة ورأيت بقراً يُنحر فأولته خير (النبى ﷺ فسر الرؤية.. النبى شاف أن ذراعه فى درع حصينة يعنى متحصن كويس يعنى فى حاجة حمياهو❤️.. النبى ﷺ فسر أن الدرع الحصينة دى هى المدينة👍🏻 ..
يعنى شنوو ؟
يعنى ما حيطلع يقابل جيش قريش بره المدينة.. 😊
طيب ده صح ؟
ايوه لأنو هم 3 آلاف و أنت يا رسول الله معاك ألف جندى..فلو أنت طلعت لهم فى الصحرا حيبقى ال3000 جندى حوالين جيش المسلمين و حيعملوا دايرة حواليكم و يحاصروكم .. فحيقضوا علي المسلمين فى عشر دقايق👍🏻 ..
فالرؤيه بتقول ان الحرب جوه المدينة ✋🏼
طيب البقر الذى يُنحر دا شنو ؟🤔و فسرو بشنو؟؟ 🤔
النبى ﷺ فسر انو ديل الصحابة يعنى فى ناس هتموت🥺..فحيجمع النبى ﷺ الصحابة و حيعمل شوره( النبى ﷺ عمرو ما فرض رأيو مع انه قائد الدولة و رسول الله بس كان بيحب دايماً ياخد رأى الصحابة و ربنا بيحب ده❤️ قال تعالى: وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِين)❤️ فحيجمع النبى الصحابه و يقول ليهم أشيروا علىّ أيها الناس .. و رأيو صلى الله عليه وسلم كان انو يبقوا فى المدينة✋🏼 فإذا دخلوا عليهم قاتلهم الرجال فى الأزقة👍🏻 وقاتلتهم النساء والأطفال من فوق الأسطحة 👍🏻
..
بس الشباب كان ليهم رأى تانى 😟كانوا شايفين أنهم يطلعو ليهم (الشباب أغلبهم متحمسين.. فقالوا نخرج يا رسول الله ونحاربهم بالخارج والله ليسوا أجرأ على الموتِ منا ونحن نريد الشهادة .. فالنبى ﷺ ما عايز يطلع😟 بس برضو ما عايز يفرض رأيو.. 😟فحنعمل انتخابات و ناخد رأى الأغلبية (الديمقراطية البيتكلم عنها الغرب .. النبى عليه الصلاه و السلام كان سابقهم من زمان جدا😌 ) ..
فيطلع رأى الأغلبية اننا نطلع ..
يا ترى حتطلع يا رسول الله ؟🤔
ح يطلع و ح يحترم رأى الأغلبية 👍🏻... يدخل ﷺ بيته ويطلب من عائشة تجيب ليهو الدرع بتاعه و يلبسو، فلما الصحابة لقو النبى دخل يلبس الدرع فأتكلموا مع بعض و قالوا لكأننا أكرهناه😢 ( نحن ما ينفع نعمل كده.. و النبى واضح انو ما كان عايز يطلع بره المدينه) فلما طلع قالوا ليهو يا رسول الله لكأننا أكرهناك..و الان نرد الأمر اليك...✋🏼 فقال لهم النبي ﷺ : ما كان لنبىٍ لبس لامته (درع الحرب) أن يخلعها حتى يحكم الله بينه وبين عدوه 💪🏻.. ( مش أخدنا الأراء!! و قررنا.. يبقى خلاص نتوكل على الله❤️) ..قال: فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِين
❤️❤️❤️
و حيطلع النبى ﷺ من المدينة و معه ألف مقاتل💪🏻 ، وهم ماشيين فى نص الطريق حتحصل مفاجأة .. عبد الله بن أُبى بن سلول (ده كبير المنافقين💔) قرر يوقع بين المسلمين ..عايز يخذل جيش المسلمين💔 .. ففى وسط الطريق بدأ يلم حواليه مجموعة من المسلمين و يقول: أيها الناس لم يسمع لنا رسول الله وأتبع الغِلمان علام نقتلُ أنفسُنا؟!!(النبى سمع كلام الشباب الصغار و قرر يحارب بره المدينه.. حنموت نفسنا معاهم ليه؟! نموت نفسنا ليه)
و اخبرنا الله عنهم فى قوله تعالى: " وَلِيَعْلَمَ الَّذِينَ نَافَقُوا ۚ وَقِيلَ لَهُمْ تَعَالَوْا قَاتِلُوا فِي سَبِيلِ اللَّهِ أَوِ ادْفَعُوا ۖ قَالُوا لَوْ نَعْلَمُ قِتَالًا لَّاتَّبَعْنَاكُمْ ۗ هُمْ لِلْكُفْرِ يَوْمَئِذٍ أَقْرَبُ مِنْهُمْ لِلْإِيمَانِ ۚ يَقُولُونَ بِأَفْوَاهِهِم مَّا لَيْسَ فِي قُلُوبِهِمْ ۗ وَاللَّهُ أَعْلَمُ بِمَا يَكْتُمُونَ
المهم بتحكى عائشة و بتقول: فأغلظت زينب فى القول إليا .. فنظرت إلى عيون رسول الله لأعلم "هل يحب ان انتصر" (يعنى عاينت للنبى فى عيونو بتشوف ينفع ارد عليها و لا لأ. حبيبتو و بتفهمو من عينيو♡ ) فبتقول عائشه : فلما رأيت فى عينيه انه يحب ان انتصر فقمت اليها و تكلمت فأفحمتها ..فضحك النبى صل الله عليه و سلم و قال:يا زينب انها ابنة ابى بكر (دى بنت ابى بكر منو يقدر عليها !! حقها ♡) فضحكت عائشة و ضحكت زينب و انتهى الموقف على كده.
❤️❤️❤️❤️❤️❤️
موقف جميل عن رحمه النبى بالأطفال:مرة فى وقت صلاة الجماعة فى المسجد النبوى, أطال النبى عليه الصلاة والسلام فى السجود, عدد من الصحابة افتكرو ان تأخيرو ده بسبب وحى نزل عليه , وفيه بعض من الصحابة افتكروا ان النبى مات, لدرجة ان في صحابى رفع راسو و عاين لفوق خاف يكون قبضه الله,
طيب هو فيه شنو ؟ الحسن والحسين احفاد النبى ♡ قاعدين فوق ضهر النبى , والنبى ما رضي يكسر بخاطرهم وينزلهم, خلاهم فوق ضهرهو و فضل ساجد لحدي ما نزل الحسن والحسين, و النبى لما قام بعدها قال: "إرتحلنى الحسن والحسين وكرهت أن أقطع عليهما لعبهما فأنتظرت حتى ينزلا من ظهرى فقمت"..
❤️❤️❤️❤️❤️❤️
و عارفين كمان ان النبى كان يقول: "أدخل إلى الصلاة (الجماعة) فأحب أن أطيل فيها.. فأسمع بكاء الصبى فأجيز فيها (ما بطول فيها يعني) شفقة علي أمه"..
❤️❤️❤️❤️❤️❤️
و مره النبى كان شايل الحسين وقال: "من أحبنى أحب حسيناً ومن أبغضنى أبغض حسيناً"
❤️❤️❤️❤️❤️
.و قصة تانية بيحكيها سيدنا أنس خادم النبيِّ صلى الله عليه وسلم ، فسيدنا أنس بيقول : دخل النبي صلى الله عليه وسلم بيته بعد غزوة غزاها (فداخل تعبان ومُنهك وما قادر) فما إن جلس إلى الأرض حتى مال ونام فدخل الحسين يشتد (بيجري) فما إن نظر إلى النبي فصاح ، ففتح النبي عينيه وضم الحُسين إليه ضماً شديداً بس النبي ما قادر يقوم .. تعبان
فقام ماسك الحسين و وضعه على بطنه الشريف صلى الله عليه وسلم و فضل يلاعب الحسين يضحكو و النبى يلاعبو كمان و يضحك الحسين ، فبيقول أنس : فجعل الحسين يضحك ويضحك حتى بال على بطن النبي صلى الله عليه وسلم ففزعت فقمت أجذبه من النبي فقال النبي : دع ابني ، دع ابني لا تفزع ابني دعه يُكمل..فيققول أنس : والله جعلت أنظر إلى الحُسين يضحك وبوله على بطن رسول الله .. فما إن أكمل الحُسين بولته حتى قبله النبي صلى الله عليه وسلم بين عينيه ووضعه على الأرض ثم قام فاغتسل..شوفو قدر شنو بتحمل وما بيغضب صلى الله عليه وسلم ♡
❤️❤️❤️❤️❤️❤️
وكان النبى حنين جدا كان يحضن الحسين ويشمه ويقبله فى رأسه وبين عينيه وفى أنفه, زى الأم البتحب أولادها..كأنهم حته منها ♡..و نزل جبريل وسأله: "يا رسول الله أتحب حسيناً؟"
فقال الرسول: "والله يا جبريل ربى يعلم كم أحبه",
فقال جبريل: "يا رسول الله إن أناساً من أمتك سيقتلوه وسيقطعوا راسه". فيبكى النبى بكاء شديد, ويحضن الحسين ويبكى ويعيش و يشوف الحسين بيكبر قدامه و يتألم النبى لانه عارف السر ده🥺.. تخيلوا!!..و طبعا عارفين ان بعد وفاه النبى بعد سنيييين حيتقتل الحسين زى ما جبريل قال بالظبط ..
و على فكره الحسن و الحسين النبى قال انهم سيدا شباب أهل الجنه ♡ صلى الله على سيدنا محمد و آله و صحبه و سلم
نكمل بكره إن شاء الله ❤
فيقولها : وطيدة يا عائشة❤️❤️
صلي الله علي محمد .. صلي الله عليه وسلم.. الله على الجمال و الرقه
عارفين كانت دايما السيدة عائشة تجمع الصحابة و تقول ليهم : أفلا أحدثكم عني و عن رسول الله ..
فيفرحوا و يقولوا: أجل يا أم المؤمنين .
فقالت: كان رسول الله عندي و في ليلتي و كان نائماً إلى جواري فتحسسته ليلا (كانت بتصحى في نص اليل تتأكد لو نايم.. خلاص ..تخلي يكمل نوم، و لو ما نايم يبقى حصحى اتكلم معاه♡ ) فبتقول عائشه فتحسسته ليلآ المهم بدأت تفتش عليهو ( البيت ضلااام و كان بيت النبي متواضع جدا فلما كان يسجد كان لازم عائشة توسع رجليها .. تخيلوا!!) فقالت: فتحسسته حتى أمسكت برأسه و رأيته ساجد لربه و يقول: سبحانك ربي و بحمدك .. فقلت في نفسي يا رسول الله إنك لفي شأن و إنني لفي شأن أخر (أنت في دنيا و أنا في دنيا تانية )
❤️❤️❤️❤️❤️❤️
و تحكي عائشه أن في ليلة تانية برضو بتقول تحسست رسول الله ليلآ فلم أجده فقمت غاضبة أبحث عنه أتحسسه فأمسكت بكتفه (فالنبي ما كان بيصلي )
فقال: يا عائشة أأتاك شيطان!!
فبتقول : فخفت أن يكون قد غضب ،
فعائشه بذكاء بتحاول تغير الموضوع فقالت : يا رسول الله ألكل إنسان شيطان؟
فالنبى فهم و بدأ يسايرها ♡ و قال: أجل..
فقالت ألي قرين ؟
قال: أجل ،
فقالت: ألك قرين
قال: أجل يا عائشة.. و لكن الله قد أعانني عليه فأسلم فلا يأمرني إلا بخير (شيطان الرسول أسلم لربه من شده حبو للرسول عليه الصلاة و السلام )
في الجزء الجاي نواصل في باقي الحب دا🥰
نكمل بكره إن شاء الله
فقال النبى: لا تفعلوا هذا !! أنتم لستم مثلى..فإنى أبيتُ عند ربى يُطعمنى ويُسقينى (أنا اشبهكم فى حاجات ، وحاجات تانية.. لأ ..فأنا أصوم 3 أيام و ما بفطر اما انتم لأ)
حاجة تانية النبى ﷺ كان عرقه مسك ♡ فهل ده تكوين بشرى زينا؟
طبعا لأ ، 🥹
كمان النبى كان يمشى فيرى من خلف ظهره ..هل ده زينا؟
لأ طبعا.. 🥹
طيب العايزة أوصلو ليكم ✋🏼❤️ أنو النبى ﷺ ما كان زينا فى حاجات كتيررره و انو ما كان بعجز خالص.
فا فكره انو كان كبير لما اتزوج عائشه وكان فى سن الخمسينات .. ده ما بعتبر مشكله نهائي ..
ف ما تقارن النبى وقتها براجل كبير معدى الخمسين سنه😉 .. النبى كان كأنه شاب..فنفسيآ عائشه مرتاحه جدا🥰❤️..
و العايزه أوصلو ليكم برضو😉 ..انكم تفهموا كويس ان زواج محمد وعائشة ما ينفع زول يقلدو بأى حال من الأحوال✋🏼 إلا لو جبنا زول زى النبى و ده مستحيل طبعاً و كمان لو جبنا واحدة زى عائشة وده برضو مستحيل..و ده غير ظروف البيئه و المجتمع✋🏼 ..
فزواج محمد من عائشه كان حاجة خاصة بيهم وبزمانهم.❤️
نحكى شويه عن حبهم لبعض 🥹❤️❤️❤️❤️❤️❤️❤️❤️❤️❤️
عاش النبى ﷺ مع عائشه وكان بيحبها جدا فكان يقول لها: يا عائش إنى أعلم متى تكونين عنى راضية ومتى تكونين عنى غضبى 🥹
فقالت وكيف تعلم ذلك يا رسول الله ؟🥹
فقال إن كنتى عنى راضية قلتى لا ورب محمد ♡ وإن كنتى علىّ غضبى قلتى لا ورب إبراهيم ..
فضحكت عائشه وقالت والله لا أهجر الا إسمك يا رسول الله🥹 ( انا بخاصم إسمك بس يا رسول الله ..ما بخاصمك أنت..انا ما بقدر أخاصمك أنت ابداً .. صلى الله عليه وسلم ) ..
نكمل باقي المواقف الجميله دي فى حب النبى و عائشه المره الجايه إن شاء الله ❤️❤️❤️😍
لكن في زمنا ده لو بنت عمرها تسع سنين فممكن تبقى ناضجة جسمانياً فقط😊 لكن ما حتكون ناضجة ذهنياً و لا فكريآ والمجتمع الحواليها ما حيكون متقبل الوضع ده فلا يجوز ..و ما ينفع أبداً انها تتزوج صح 😉 ،
( البنت الصغيره العمرها تلات سنين أيام الرسول ﷺ كانت بتعرف تقول أبيات شعر وبتتكلم لغة عربية فُصحى😍 ..حاليا البنت االصغيره الفى السن ده ممكن تكون ما قادره تتكلم حتى😊...
( الولدين القتلوا ابو جهل كان عمرهم حوالى 10 سنين.. و كان اقصى احلامهم انهم يقتلوا قائد جيش الكفار ال بسب رسول الله عليه الصلاه و السلام.. ففى فرق كبير جداً بين اطفال و بنات زمان عن اسي.. 👌)
طيب فى ناس سألت ليه النبى ﷺ ما حدد للناس سن معين للزواج و نلتزم بيه؟🤔
لأن النبى لو كان عمل كده كان ح يظلم فئه من الناس لأنو زي ما قلت ليكم اسي.. كل بيئة وكل زمان ليهو أوضاعو الخاصة✋🏼❤️ فالنبيﷺ ما عايز يعمم ويظلم ناس فى بيئات أخرى أو أزمنة أخرى😍 ) النبى ﷺ خلاها مفتوحة كده❤️❤️ .
عشان كده النبى قال ان كل بلد مادام العُرف بتاعهم ما ضد الشرع فهو دين✋🏼 .. و الكل يمشى عليه✋🏼.. فا فى المدينه من حقى كمجتمع احدد سن واتزوج فيه .. طيب واحد تانى من البدو عايز يتزوج فى سن 15 سنه؟ طيب خلاص مدام سن الزواج عند البدو 15 يبقى اتزوج🤷🏻♀️.. بس شوف البنت ناضجه عقلياً و مهيئة أنها تبقى مسئولة عن أسرة؟؟ . يبقى خلاص اتزوج و دى تقاليد مجتمعك و ظروف مجتمعك☺️❤️ ..
فكان المجتمع و البيئه العاشت فيهم السيده عائشه عامل من العوامل الاساسيه لزواجها فى سن تسع سنين و كانت مؤهله عقليا و بدنيآ و كان عرف سائد فى العالم و ليس فقط عند العرب..❤️ يعني ما حاجه جديده جابها ليهم رسول الله ﷺ☺️
ياريت تكونو اقتنعتو و تقدرو تقنتو اييي زول بِسي للرسول ﷺ بزواجو من عائشه ☺️❤️
نكمل بكره إن شاء الله
قالا : عتبة بن ربيعة ، وشيبة بن ربيعة ، وأبو البختري بن هشام ، وحكيم بن حزام ، ونوفل بن خويلد ، وقالوا ليه أسماء تاني كتير من الموجودين في جيش قريش..
فأقبل رسول الله صلى الله عليه وسلم على الناس فقال : " هذه مكة قد ألقت إليكم أفلاذ كبدها " .
خلونا نتذكر إنو المسلمين ما طالعين لي حرب و عددهم 313 وبذلوا مجهود كبييير فى المشى و يادوب بياكلوا تمر
أما الجيش القرشى بياكل جمال .. المقارنة كبيرة شديد.. بس حبيبك النبى عليه الصلاة و السلام بدأ يفكر فى المسلمين المعاهو كلهم.. عايز يضمن انهم كلهم قادرين على الثبات و مواجهة جيش قريش💪🏻 لأنو الموازين اختلفت.. بقى فى حرب..
طيب ال313 ديل مسلمين من المهاجرين و الأنصار و لا من المهاجرين بس؟🤔
من المهاجرين و الأنصار..
طيب المهاجرين ديل جربناهم و شفناهم قبل كدا مستعدين يموتوا نفسهم💪🏻❤️ ..ديل خلوا بيوتهم و مالهم فى سبيل الله.. يعنى تمام النبى ما شايف مشكلة فيهم..💪🏻❤️طيب و الأنصار؟؟
موقفهم شنووو؟؟ 🤔
رأيهم زي المهاجرين ولا عندهم رأي تاني؟؟ 🤔
نعرف بكره إن شاء الله ❤️❤️❤️❤️
طيب هو أصلا العباس موجود فى مكة؟🤔
لأ طبعا.. العباس طلع مع الجيش.. 😳
طيب كيف دا🤔 العباس كان واقف يوم بيعة العقبة و بيوصي أهل المدينة على النبي انهم يحموه..🤔 و كان حابي ياخد دور أخوه أبو طالب فى حمايته للنبي بعد وفاته🤔 ؟ اها مالو طلع مع الكفار 🤔؟؟
العباس طلع مضطر💔.. غصب عنو و ما حايرفع سيفه فى المعركة..
بس أبو لهب من شدة ما مقلق مشى على بيت العباس.. يعني عنده أمل أنو يمكن العباس يكون رسل أى أخبار لي زوجته "أم الفضل"
فتفتح أم الفضل فتقول له : ما بك؟..
فيقول : هل عندك أخبار ؟
فقالت : لا.. ليس عندى أخبار ،
فيمشي أبو لهب بس يفضل قاعد قدام بيت العباس.. مستني أي أخبار.. فيعدى واحد اسمو أبو سفيان بن الحارث ده كان جا من عند بئر بدر.. فأبو لهب شافو و سأله : ما يحدث ببدر؟😨 ...
ح يقول ليهو شنو؟؟ 😱
حانعرف بكرة إن شاء الله ❤️❤️
#السيره_النبويه_باللهجه_السودانيه
الجزء 69❤️
يلا صلوا على النبي ﷺ❤️
شفنا المرة الفاتت النبي عليه الصلاة والسلام ومعاه تقريبا 313 صحابى طلعوا من المدينة لإسترداد أموال الصحابة من قافلة قريش💪🏻 الكانت بقيادة أبو سفيان..✋🏼
في الطريق أبو سفيان سأل راجل عجوز إذا كان شاف زول تبع رسول الله صلى الله عليه وسلم --
فرد الراجل وقال : نعم لقد رأيت ناس كثيرون مروا من هنا -
فسأله أبو سفيان عن المكان الإستقروا فيه ويمشى أبو سفيان على المكان ويلاقى أنوية تمر فيفهم أنو محمد وأصحابو كانوا فى المكان دا - عشان دا تمر المدينة..
فيرسل أبو سفيان واحد اسمو ضمضم بن عمرو عشان يبلغ قريش يرسلوا ليه مدد " ناس زياده يعني"
وطلع ضمضم سريعا حتى أتى مكة، فصرخ ببطن الوادي واقفا على بعيره، وقد جدع أنفه، وحول رحله، وشق قميصه، وهو يقول📢: يا معشر قريش، اللطيمة، اللطيمة، أموالكم مع أبي سفيان قد عرض لها محمد في أصحابه، لا أرى أن تدركوها، الغوث الغوث📢
فيقيف أبوجهل ويقول : والله لا يبيتن رجل منكم إلا فى بدر -- وحايجمع (ابوجهل) جيش بسرعة غير طبيعية - جيش ما بين (950) إلى (1000) جندى..
متخيلين العدد - وما بس كدا، كمان كان معاهم حوالي (1000) ناقة و(200) فرس - يعنى الجيش كلو راكب ومرتاح وماف زول فيهم حايمشى - ومعاهم أسلحة وجمال يضبحوها و ياكلوها فى الطريق ومعاهم كل المعدات وكل دا بسرعة غير عادية..🥺
طيب النبى ﷺ وين ؟؟؟🥺🤔
النبى لسه ما وصل لأبى سفيان أصلا
طيب هو النبى اصلا طالع يحارب؟؟؟!!😦
لأ -- النبى طالع لقافلة أبى سفيان - عشان يسترد أموال الصحابة وبس✋🏼
طيب يعني ممكن يحصل شد بينهم بس ما حرب ..
طيب وأنت معاك شنو يارسول الله؟؟🥺
سيدنا النبى كل المعاهو (313) صحابى - ومعاه (100) ناقة يعنى كل( 3 )افراد حايركبوا على ناقة واحدة بالتناوب وحايمشوا باقى السكه😢
طيب وهي المسافة من المدينة لبئر بدر قدر شنو؟؟🤔
اكتر من 150 كم!! ( يعني تقريبا كدا زي المسافة من الخرطوم لي مدني)
يعنى لو كل(3) حايبدلوا بينهم وبين بعض على ناقة واحد يبقى الواحد حايركب تقريبا 50 كم ويمشي 100 كم!! ، يعنى يركب تلت المسافة ويمشى التلتين.. " تخيل تمشي ⅔ المسافة من الخرطوم لي مدني بي رجلينك!!🥺💔
متخيلين المشقة ياجماعة؟؟؟🥺
طيب وانت يارسول الله حاتتناوب مع زول على ناقة واحدة؟؟ - أيوا سيدنا النبى حايناوب معاهو ( 2 ) واحد إسمه (أبو لبابة) والتانى(على بن ابى طالب) وهم التلاتة حايبدلوا مع بعض على ناقة واحدة😢 ويركب ابو لبابة شوية وعلى بن ابى طالب شوية فأبو لبابة إتضايق وقال لسيدنا على : لا أطيق هذا الوضع ياعلى فليركب النبى وأنا وأنت نمشى؟؟🙁
فقال على : أجل يا أبو لبابة
وقالوا كدا للنبى بأنه ما ينفع تمشى - أركب أنت وأحنا الحانمشى يارسول الله -- فيرفض رسول الله🙅🏼♂️
ويقول : ما أنتما بأقوى منّي على المشي، ولا أنا بأغنى عن الأجر منكما!!). فيرفض النبى صلى الله عليه وسلم🙅🏼♂️
طيب ابو سفيان عمل شنو بعد ما رسل ضمضم ؟؟؟🤔
طبعا سلك طريق تانى يمشى فيه - وعرف يلاقى سكة ما ممكن سيدنا النبى حايعدى منها ومشى فى السكة دى وقام رسل جواب لي قريش وقال ليهم :
يامعشر قريش لاتخرجوا فقد "نجت العير" يعنى خلاص (نجت القافلة بسلام) ووصلنا بأمان..
ولو تلاحظوا ياجماعة من الموضوع دا انو أبو سفيان ما بيسعى لحرب هو كمان ولا هو بتاع مشاكل ويمكن عشان كدا ربنا أكرمه بالإسلام ☺️❤️ (وأبو سفيان حايسلم بعد كدة ويبقى صحابى♡) سبحان الله وسبحان مغير النفوس وسبحان من يغير ولا يتغير..☺️
المهم بعد ما أبوسفيان قال ليهم انا مريت خلاص وماف داعي تخرجوا ✋🏼
فيقوم ابو جهل ما يوافق، ويقول : لا والله لنخرجن إلي محمد الليلة لنصل إلى بدر ولنبيتن ببدر هذه الليلة ونشرب الخمر ونذبح الجمال وناكل ونطعم الجميع ولترقص النساء ولتغنى المغنيات حتى يعلم العرب اننا لا نقاتل..✋🏼
فيطلع واحد اسمه عتبة بن ربيعة ويقول ليهم : يامعشر قريش نجت القافله لا تخرجوا ما يريد محمد إلا ان نخلوا بينه وبين سائر العرب✋🏼 ( عتبة فاهم قضية النبى كويس وهي تبليغ الدعوة للإسلام )..
وكمل عتبه كلامو وقال : لئن أصابته العرب فهذا ما أردتم ولئن انتصر فعزه عزكم وملكه ملككم (يعنى لو العرب قتلتو يبقى دي الحاجة الإنتو عاوزينها وتبقوا انتم بريئين من دمه ولو إنتصر يبقى خير لأنه فى الأصل قريشى وده حايعزكم) ✋🏼
فيرد ابو جهل ويقول : كلا والله لن نتركه ابدا ويبدأ أبوجهل يجهز الجيش -- الجيش طالع من مكة، والجيش قرب يطلع خلاص وفى ناس خافت وما رضت تطلع ...
لي ؟ 🤔
لأنهم كلهم عارفيين انو النبى هو نبى الله حقا وإنو ربنا حاينصره.. ❤️
طيب فى واحد منهم ما راضى يطلع يحارب، منو دا؟؟(ما ح تتخيلو منو🫢)
حانعرف المرة الجاية إن شاء الله..❤️❤️❤️❤️❤️
#السيره_النبويه_باللهجه_السودانيه
الجزء 68❤️
يلا صلوا على النبي ﷺ❤️
وقفنا المرة الفاتت و قريش متغاظة جدا🤭 من النبى عليه الصلاة و السلام و الصحابة هاجروا من مكة و استقروا فى المدينة🫢 و رسلوا جواب تهديد شديد لرسول الله فى المدينة و قالوا : لا يغرنكم أنكم أفلتمونا إلى يثرب .. سنأتيكم فنستأصلكم و نبيد خضرائكم فى عقر داركم✋🏼.. ( انتوا متخيلين كيف الصحابة استقبلوا الكلام ده؟ بعد ما خلوا بيوتهم وتجارتهم وأهلهم وأموالهم وهاجروا لبلد كلها مشاكل وأمراض بعد كل دا قريش برضو ناوية تجى وراهم و لسه مصرة!!😟💔 )
و يرد رسول الله عليهم و يقول: ما أريد إلا أن تخلوا بينى و بين الناس (خلوني أنشر الدعوة✋🏼).. فيردوا عليه و يقولوا كلا والله لن نترككم أبدا💔 ..
و اعتدت قريش على أهل المدينة فعلا و رسلت سرية غدرا بقيادة كرز بن جابر الفهرى💔 ..
( كدا حياة رسول الله فى خطر شديد و مصير الدعوة و قريش😟🥺 ) .. فيكون رسول الله سرية اتسمت بسرية النخلة، و يأمرها بالخروج و كانت بقيادة عبد الله بن جحش💪🏻..
و يعطى النبى جواب مقفول ✉️لعبد الله و يطلب منو انو ما يفتح الجواب🙅🏼♂️ إلا بعد مسيرة يومين فى الطريق✌🏻..و بعد يومين يفتح عبد الله الجواب فيجد الرسول عليه الصلاة و السلام بيطلب منه أن يذهب إلى نخلة كذا بين مكة و الطائف ودى كانت قريبة جدا من مكة (و دا خطر عليهم😟 ).
و بيقول النبى فى الجواب : أإذا نظرتَ في كتابي هذا فامض حتى تنزل نخلة)، بين مكة والطائف، فترصد بها قريشاً، وتعلم لنا من أخبارهم.. يعني الرسول عليه الصلاة والسلام طلب من السرية دي إنها تعرف أخبار قريش..
بس ما يحاربوا..
طييب شنو الدليل؟😢
الدليل انو الرسول عليه الصلاة و السلام رسلهم في الأشهر الحرم " التى حرم الله فيها القتال" عشان يضمن عدم القتال )🫂
والرسول أمر عبد الله إنو ما يجبر اي واحد من الصحابة المعاهو أن يمشي هناك 👍🏻، و إذا زول منهم قال راجع.. يخلي يرجع وما يسمعو كلام شين.. و قرأ عبد الله بن جحش كلام النبى للصحابة و ماف واحد منهم رجع 🥰و كملوا الطريق عشان ينفذوا المهمة الاستخباراتية💪🏻.. لكن فى الطريق في 2 من الصحابة ضلوا الطريق، واحد اسمو عتبان بن غزوان و سعد بن أبي وقاص عشان النوق🐪 بتاعتهم اتحركت بعيد عنهم و مشوا وراها و و للأسف أسرتهم قريش😱 ...
فلما عبد الله عرف دا غضب غضب شديد😤 و لقى قافلة من قريش جاية .. فقرر عبد الله انو يأسر 2 من القافلة ولكن واحد من الصحابة قال ليه أن رسول الله منعنا من القتال في الشهر الحرام 🤷🏻♂️و طلع واحد تانى يقول ان دى آخر ليلة في الشهر الحرام🙁 ..
و اختلف الصحابة ( بس العامل النفسى و غدر قريش كان شديد عليهم 😢و كم مرة قريش عذبت الصحابة عند البيت الحرام نفسو و فى الشهر الحرام كمان😢 )
اها الصحابه ح يعملو شنووو؟؟ 🤔🤔
فأسر الصحابة 2 من القافلة التبع قريش💪🏻 و حصل شد بينهم فاتقتل واحد اسمو عمرو بن الحضرمي دا كان من مشركى قريش.. و سقط ميتا🥺 و طبعا اتفزع الصحابة انهم قتلوا زول في الأشهر الحرم.. 😟🥺
و ترجع السرية إلى رسول الله و يسألهم شنو الأخبار؟
فيحكوا للنبى الحصل فيغضب النبى غضب شديد🥺 و يقول ما أمرتكم بالقتال (دي الأشهر الحرم الله فيها القتال😫) و يرفض النبى دخول الأسرى للمدينة و يزعل من الصحابة و يمشى😔..
فينزل القرآن و يحل الموضوع بتوازن شديد و يقول رب العزة: " يَسْأَلُونَكَ عَنِ الشَّهْرِ الْحَرَامِ قِتَالٍ فِيهِ قُلْ قِتَالٌ فِيهِ كَبِيرٌ وَصَدٌّ عَن سَبِيلِ اللَّهِ وَكُفْرٌ بِهِ وَالْمَسْجِدِ الْحَرَامِ وَإِخْرَاجُ أَهْلِهِ مِنْهُ أَكْبَرُ عِندَ اللَّهِ "
❤️❤️❤️
( يعنى ايوا ما كان صح يا أصحاب رسول الله ان زول يتقتل فى الأشهر الحرم لكن برضو العملتو قريش أكبر عند ربنا من الحصل منكم لأنهم أجبروكم على الخروج من مكة و غربوكم و عذبوكم) ..
الصحابة هدو شويه بعد الايه دي❤️و يعفو عنهم رسول الله😍 و يحصل تبادل أسرى بين قريش❤️..
طيب و القافلة القرشية حصل شنو لما رجعت لمكة ؟🤔🤔
بقو يقولوا : إن مُحمد الذي يدعو لمكارم الأخلاق يقتل في الأشهر الحرم ( و كأن للأشهر الحُرم حساب عند كفار قريش🙁.. طيب ما كتير عذبتوا الصحابة فيها🥺 و البيت الحرام نفسو كتير اذيتوا النبى فيه🥺.. مرة ترموا على ضهره سلا الجذور و هو بيصلى🥺 و مرة واحد من كفار قريش يجيهو من ضهره و يحاول يخنقو 🥺.. و عشان كل دا كلام قريش عن رسول الله ما أثر فى زول☺️✋🏼) ..
و تعدى قافلة قرشية تانية راجعة من الشام لمكة بقيادة أبى سفيان بن حرب شايلين قروش كتيييييره جدا..
من وين الأموال دى ؟🤔
دى قروش المسلمين المهاجرين من مكة .. قريش بتتاجر بيها و تبيع و تشترى .. ( أبو بكر خلا تسع محلات و صهيب الرومي أجبروه يخلي 12جمل عليها أموال و ذهب .. كل دا قريش بتبيع و تشترى فيه ) .. فترصد المخابرات التبع المسلمين ان القافلة دى حاتمر و فيها أموال المسلمين..
#السيره_النبويه_باللهجه_السودانيه
الجزء 67❤️
يلا صلوا على النبي ❤️
إتكلمنا آخر حاجة عن تعامل النبي عليه الصلاة والسلام مع الصحابة، و فضل النبي عليه الصلاة و السلام يعلم المسلمين الأخلاق❤️ و يقول ﷺ:
ليس المؤمن بالطعان، وَلا اللعان، وَلا الفاحش، وَلا البذيء،
لا يدخل الجنة من لا يأمن جاره بوائقه (بوائقه : خيانته وظلمه)
.. لا يؤمن أحدكم حتى يحب لأخيه ما يحب لنفسه..ارحموا ترحموا ، الراحمون يرحمهم الرحمن، ارحموا من في الأرض يرحمكم من في السماء.. ❤️سباب المسلم فسوق و قتاله كفر🥹..
و يزداد حب الصحابة للنبي ﷺ، و من شدة حب الصحابة للنبيﷺ بقوا يقلدوهو فى كل حاجة، مشيتو.. تسريحة شعرو.. لبسو.. وفي كل أحواله.. و أخلاقه😍😍😍😍 يالله على الجمال❤️
طيب بقت في مشكلة واحدة..؟؟؟ 🤔🤔
اللي هي شنو؟؟
كيف نجمع المسلمين فى الصلوات الخمس ؟ ( لسه ما كان في آذان)..
فتشاور النبي عليه الصلاة والسلام مع أصحابه، فبعضهم قال:
نرفع راية (علم🏳️) في وقت الصلاة عشان يشوفوها الناس✋🏼
فاعترضوا على هذا الرأي بأنه لا يفيد النائم ولا ينبه الغافل🙅🏼♂️
،وقال آخرون نشعل ناراً🔥 على مرتفع من الهضاب، فلم يقبل هذا الرأي أيضاً، 🙅🏼♂️
وبعضهم إقترح استخدام البوق🎷🎺.. بس النبي ماعجبتو الفكرة😕 لأنو اليهود بيستخدموه..✋🏼
وبعضهم اقترح يستخدموا الناقوس(الأجراس🔔) و برضو النبي رفضها لأنو بيستخدمها النصارى✋🏼..
فجا واحد من الصحابة اسمه عبد الله بن زيد كان مهموم لأنه لاقى النبي بيفكر و مهموم.. فبقى عبد الله يفكر في طريقة عشان يحل المشكلة دي و يرتاح رسول الله و ينبسط(شايل همو☺️..) فعبد الله نام و شاف رؤيه فى المنام ..
عبد الله بن زيد شاف إنو ماشي في طرقات المدينة و قابل رجل شايل ناقوس فطلب عبد الله انو يديه الناقوس دا فرفض الرجل و قال لعبد الله هل أدلك على خير من هذا ؟ فقال عبد الله: أجل.. فرد الرجل و قال ليه : قل.. الله أكبر .. الله أكبر .. الله أكبر.. الله أكبر أشهد أن لا إله إلا الله أشهد أن لا إله إلا الله أشهد أن مُحمد رسول الله أشهد أن مُحمد رسول الله إلى آخر الآذان .. و انتهت الرؤيه..✋🏼
و يصحى عبد الله و يجري على النبي فى المسجد 🏃🏾♂️و يحكي ليه على الرؤيا.. فقال رسول الله - صلى الله عليه وسلم - : يا بلال قم فانظر ما يأمرك به عبد الله بن زيد فافعله ، قال : فأذن بلال.😍
المهم قام عبد الله و قال لبلال رضى الله عنه على الآذان و وقف بلال يؤذن📢 ..
وعمر بن الخطاب برضو شاف نفس الرؤية عن الأذان وقد وافقت رؤيا عبدالله بن زيد رؤيا عمر بن الخطاب..
بدأ مجتمع المنافقين في الظهور.. ناس بيظهروا إنهم مسلمين لكن يبطنوا الكفر جواهم .. بيكسبوا ود رسول الله و أصحابه عشان تستمر مصالحهم في المدينة بنفاقهم وكمان يكسبوا ود اليهود في نفس الوقت..
كان على رأس المنافقين واحد اسمو عبد الله بن أُبي بن سلول.. طيب لي عبد الله بن أُبى بيحقد على الإسلام و رسول الله بالشكل دا؟؟🤔
لأون يوم وصول النبى ﷺ للمدينة.. كان عبد الله بن أبي سلول بيتم تتويجه سيداً فى المدينة.. و لما وصل الرسول عليه الصلاة و السلام للمدينة.. الناس خلت تتويج عبد الله و جرت لرؤية النبي..🤭 فاتغاظ عبد الله جداً و اتملى قلبه بالحقد.😤. و يفضل عبد الله زى ما حانشوف بعد كدا يؤذي المسلمين لغاية ما يموت..
انتو يا جماعه قريش.. أخبارها شنو بعد هجرة الرسول و الصحابة منها ؟🤭
قريش حاتموت من الغيظ🤭 .. و يترسل جواب من سيد قريش إلى مُحمد ابن عبد الله✉️ : أظننتم أنكم قد أفلتم منا ؟! لا والله لنبعثن إليكم في كل عام جيش حتى نستأصل شأفتكم (جذوركم ).. والله لنقاتلنكم حتى نتفانى..
شايفين تهديد قريش!🙁 قريش ما بتهظر،🙁 قريش جمعت أكتر من 40 رجل بالسيف قدام بيت النبى ﷺ فى مكة قبل الهجرة عشان يقتلوا النبى.. فالنبي فى المدينة ممكن يتقتل فى أي لحظة لدرجة أن النبي حبيبنا صلى الله عليه و سلم.. ماكان بيقدر ينوم كويس 🥺، قلقان من غدر قريش🥺 و في يوم تعب جدا من السهر، فقال :ليت رجلا صالحا من أصحابي يحرسني الليلة 😟
حدثنا يزيد ، حدثنا يحيى قال سمعت عبد الله بن عامر بن ربيعة يحدث : أن عائشة كانت تحدث : أن رسول الله صلى الله عليه وسلم سهر ذات ليلة ، وهي إلى جنبه ، قالت : فقلت : ما شأنك يا رسول الله؟ قال : " ليت رجلا صالحا من أصحابي يحرسني الليلة؟
" قالت : فبينا أنا على ذلك إذ سمعت صوت السلاح فقال : " من هذا؟ " فقال : أنا سعد بن مالك . فقال : " ما جاء بك؟ " قال : جئت لأحرسك يا رسول الله . قالت : فسمعت غطيط رسول الله صلى الله عليه وسلم في نومه .أخرجاه في الصحيحين من طريق يحيى بن سعيد الأنصاري به .