ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 21:13
فيروز: ليش انت متشائم لهاي الدرجه؟!
هَيْصَم: الحياة تعلمج وتصقلج بطريقة عجيبه البعض ينولدون بفمهم ملعقه من ذهب ومقدر الهم حياة ورديه والبعض الثاني ينولدون بقدر اسود وغامض و غريب ومؤذي
جداً ونكتب على جبينهم العناء والأنتقام.
فيروز: وانت اي واحد من عدهم؟؟
هَيْصَم: شنو برأيج؟
فيروز: انت اللي تحدد هذا الشي الأنسان منخلق مسير بالحياة احنه النختار طريقنه بالطريقه التعجبنه بالأضافة اكو قسم ثالث انت مذكرته المنتصف وهم اللي يختارون مصيرهم ويختارون طريقهم بأيدهم ويتبعون الأية الكريمه ( فأذا عزمت فتوكل على الله) بمعنى انت تگدر تعيش مثل متحب وممجبور ابداً تتقيد بشيء ما شنو مكان الحياة حياتك وانت اللي تقرر بأي طريقه لازم تعيش.
هَيْصَم: غلطانه اني غير مسؤول عن حياتي مو اني فقط وانما جميع اللي بالسلك العسكري دمائنه وأرواحنه فداء للوطن لايجوز ابداً التهاون او الغفله اي شي يصير اكون مسؤول امام الله وامام ابناء بلدي انتقامي وحقدي مو شخصي ابداً وانما لكل أرمله وثكلى ويتيم لكل شخص سالت دماءة على هاي الأرض بدون ذنب ولكل شاب ادمن المخدرات حتى يربح كم شخص فاسد لكل ابنيه انقتلت بحجه الشرف من قبل ناس همج متعرف شنو دين ودوله انتقامي لكل ابنيه متگدر اليوم تشتكي على المغتصب ولا على المتحرش انتقام الهَيْصَم لكل عراقي شنو مكانت طائفته وفصيلته وعرقه اني ابن هذا البلد وانتمائي اله روحي ودمي و جسمي فداء اله لأخر نفس لذلك حياتي وقراراتي مو بيدي.
فيروز: قلة من الأشخاص الوطنين مثلك بعض الأحيان احسد نفسي عدنه هيج ضباط اكفاء يخافون على الوطن ويبحثون عن استقراره وحفظ أمنه.
هَيْصَم: بديتي تحبيني لَّباءَة؟
فيروز: گال هيج ورفع حاجبه وينظرلي وهو منتظر جوابي ابتسمت بستهزاء وحجيت بكل ثقه،
بأحلامك انت آخر انسان ممكن افكر اسلمه گلبي يوماً ما حتى لو كان عندي فيض مشاعر مراح اخسرها عليك كون واثق.
هَيْصَم: أفضل لتحبيني اني اصلا اريدج متقعين بحب الهَيْصَم لأي سبب كان.
فيروز: بعد هذا الكلام اثنينه التزمنه الصمت بس بقيت انتبه على حركاته طلع حامض حلو من صندوگ السياره وخلاه بحلگه بقى يسوق فتره طويله واني من التوتر والخوف محسيت بنفسي شلون نمت فزيت على صوته وهو يگعدني.
هَيْصَم: لَّباءَة فتحي اعيونج.
فيروز: خير شنو تريد ليش گعدتني من النوم؟؟
هَيْصَم: انتِ مأكلتي شي لذلك جبتلج شي تاكليه وفتحت ايدج ايضاً يعني تگدرين تستخدميها اجتازينه منطقة الخطر.
فيروز: فكرت وصلنه وين ماخذني انتَ؟؟
ليش اتأخرنه بالسياره لهذا الوقت؟
هَيْصَم: فقط نص ساعه نمتي أي وقت تحجين عليه هي مجرد ساعتين لساتنه بأول الرحله لتنزعجين من بدايتها.
فيروز: راح تهربني خارج البلد صار ساعتين ولساتك اتگول بعد وقت حتى نوصل وين ماخذني هاي آخر مره اسأل والا.
هَيْصَم: شنو تسوين؟؟
فيروز: والخالق أرمي نفسي من السياره وما اسأل عن حياتي على الأقل اعرف المكان اللي اروح اله بعد الموت.
هَيْصَم: ابواب السياره مقفوله يؤسفني اخبرج انت مجبره تكملين الطريق وياي.
فيروز: لازم اكو حل ميصير نبقى هيج مثل توم جيري.
هَيْصَم: عادي نصير مثل عدنان ولينا.
فيروز: غمز بنهايه جملته الشي اللي نرفزني حيل كميه البرود العندة متوصف،
راح تصيبني سكته قلبيه بسببك.
هَيْصَم: اعرف اسوي تنفس اصطناعي انقذج وما اخليج تموتين بدون أذني.
فيروز: اخذت نفس عميق وقررت اسكت الحديث وياه يعصبني مو أكثر اشويه وخله علاگه بحضني رفعت راسي اله وگلت بتساؤل،
شنو هاي.
هَيْصَم: عبوة حاب افجرج حتى تخلصين من عندي.
فيروز: استغفر الله.
هَيْصَم: عندج هوايه ذنوب عفيه استغفري.
فيروز: لمرة واحدة فقط جاوب على سؤالي بدون لف ودوران.
هَيْصَم: سؤالج غبي اني خبرتج اول مگعدتي من النوم إني جبتلج اكل شنو الداعي تسألين على العلاگه؟!
فيروز: نسيت ليش انت اتخلي عقل عندي؟
هَيْصَم: لهاي الدرجه شاغل مخج وممخليج تركزين بشي!!
فيروز: صح لأن عقلي يتسائل ياترى انت شنو صنفك من البشر؟
هَيْصَم: المستذئبين.
فيروز: افضل شي اكُل الكلام وياك مبيه نتيجه،
فتحت العلاگه جان بيها لفتين شاورما وبطلين لبن ومي باوعتله وگلت،
وگف السياره بمكان فارغ ، التفتلي وعقد حاجبه بتساؤل،
هَيْصَم: ليش؟
فيروز: ما اگدر اكُل وانت تسوق اتمرض وانت تتعذب ويايه هاي اني خبرتك.
هَيْصَم: مسافه خمس دقايق ونوصل لمكان مناسب تگدرين وقتها تاكلين براحتج.
فيروز: صفنت على الطريق مجرد شوارع فارغه مكان اول مره اجي بيه صحراء ماعرف وين احنه هسه لكن رغم عصبيتي من عنده ومحاولاتي للهروب اكو شي داخلي مطمأن اله بشكل عجيب احس بالأمان بوجودة هو شكله يبعث راحه لگلبي هذا الأحساس جان موجود فقط وي بابا وهسه اشعر بيه وي هَيْصَم،
صحيت من صفنتي من وگف السياره.
هَيْصَم: هسه تگدرين تاكلين.
فيروز: طلعت لفه وقدمتها اله ابتسم شبه ابتسامة وگال.
هَيْصَم: منو خبرج اني جوعان؟
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 21:13
هَيْصَم
صباحوو ياحلوين
البارت التاسع
الكاتبه zahraa022683
___
للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي شمعاتي انتوا.
شاركوا القصه وكبروا عائلتنه حتى نستمتع وي الهَيْصَم مع بعض.
__
و آنة ضايّع بيَّن إيديَك الباردات
و بيَّن گَلبي المحتَّرِكَ .
فيروز: دخل للغرفه ويحجي سريع.
هَيْصَم: اتحركي لازم نطلع من هذا المكان بسرعة ماكو بعد وقت.
فيروز: ليش شنو صاير؟
هَيْصَم: عرفوا المكان راح يهجمون بأي لحظه لذلك لازم نغير المخبأ حفاظاً على سلامتج.
فيروز: فكرت هاي فرصتي حتى اهرب من عنده ومستحيل اضيعها لذلك نهضت بسرعة ولبست بنطلون اسود وبدي اسود للركبه حذاء رياضي ابيض وطلعت من الغرفه صار بوجهي صفن اشويه وبعدين اقترب البدي بيه كلاو خله ايدة عليه ولبسني اياه ماعرف على منو اتصل بَعد عني و جاوبه.
ضَرْضَم: سيدي احنه امام الباب الخلفي للبيت تگدر تطلع منتظريك.
هَيْصَم: و البقيه؟
ضَرْضَم: الجميع ينفذ بالخطه سيدي.
هَيْصَم: ممكن ما التقي بيكم اليوم لكن اخباركم اول بأول اريد اسمعها وشنو يصير وياكم سلامتكم اهم عندي اريد اشوفكم كلكم من ارجع بدون نقص واضح.
ضَرْضَم: أمرك سيدي.
فيروز: رجعلي لزم أيدي سحبته من عنده رجع لزمها بقوة أكبر وگال.
هَيْصَم: اعرف عدل كونان بلش يشتغل بداخلج ويبحث عن طريقه للهرب لكن هذا الشي مستحيل بوجودي لذلك عقلج الذكي اتركيه لأشياء ثانيه مثلاً وين راح اخذج وخلال هاي المهمه شنو تعانين وانتِ الى جنبي؟!
فيروز: شنو قصدك؟
هَيْصَم: اكره الشرح النظري احب الدروس من اتكون عمليه اهنا احس بمتعه اكبر.
فيروز: معقولة انت انسان عاقل؟
هَيْصَم: لسه ماعندي شهادة من الطب النفسي.
فيروز: شنو اتريد من عندي؟؟
هَيْصَم: انتِ مهمه بالنسبه اليه لدرجه متنوصف و عقلج ليروح للحب لأن موضوعج اعمق من هيج بهوايه.
فيروز: يجي يوم و اخلص من عندك مراح ابقى بهذا السجن طول العمر.
هَيْصَم: تعجبيني من تحلمين احيج على هذا اصرارج وعزيمتج قله من الأشخاص المهددين يكونون بهاي العزيمة و الشجاعه وهسه خلينا نأجل هذا النقاش ونطلع من هذا المكان قبل متصيرين في فعل كانَ.
فيروز: سحبني من ايدي وصار يمشي بسرعة طلعنه من باب البيت الخلفي لأن هذا بيه بابين اول مفتحه جانت اكو ثلاث سيارات واربع رجال نفس الشوارب والهيئة مالت هَيْصَم لكن بيهم واحد حلو حيل شكله ابيض يعني مميز بينهم مجانوا لابسين زي عسكري ولاسياراتهم عسكريه بس عرفتهم اصدقاءة لأن امبينين على نفس شاكلته ايضاً عضلات وكذا،
اقترب واحد من عدهم ردت استغل الفرصه من يحجي وياه اهرب وفعلاً بديت تنفيذ خطتي من ترك أيدي وهو يحجي وياه بس ماعرف اشلون انتبه عليه واني ارجع بخطوات بطيئة ليورة التفتلي وخزرني ويا الله من يخزر اعيونه تجحظ لبره وتصير جبيره نوعاً ما يخوف من صدگ بلعت ريقي واني اشوفه يأشرلي على أيدة حتى ارجع الزمها وكأني طفله وأبوها يعاقبها محبيت هذا التسلط من عنده لكن رجاله حاوطو المكان يعني المفر من عرينه مستحيل اتقدمت وگفت قريب من عنده وحضنت أدية مع بعض اخذت نفس بتذمر من رجع سحب أيدي وحضنها وي أيدة بادئ الأمر مجان يحب اللمس والتلامس وهسه صار يصنع موقف يلزمني بيه غصب مشاعر ملخبطه تجتاحني من هذا القرب ومع ذلك مازلت مصره على التماسك وما احبه على رغم اني محبيته لسه وماعندي اي شعور اتجاه ابداً.
ركزت وياه وشنو يحجي وي هذا الرجال اعتقد جان اسمه لائِث هيج سمعت ايصيحه طلع مو هو فقد يمتلك اسم غريب اصدقاءة همات نفس الشي.
هَيْصَم: التزموا بالخطه وبعد يومين اني ارجع لهنا تمام.
لائِث: ولو الموضوع كلش صعب لكن كون مطمأن ان شاء الله نگدر نسيطر على الوضع.
هَيْصَم: اريد تبقوني على اطلاع بكل شي يصير وياكم لائِث اعتمد عليك.
لائِث: تحت أمرك هَيْصَمنا.
هَيْصَم: احترمني اهنا على الأقل ابني لتذب ميانه.
لائِث: الزم بيهم بأيدك ورجلك متعرف اشلون يغدروك ويهربون.
هَيْصَم: منو يگدر يهرب من عرين الأسد لائِث؟!
لائِث: والله اني شايف الأسد اللي ميگدر يتخله هاي المره مو الفريسه لتوگع تره الوطن بشاربك سيدي.
هَيْصَم: اترك هذا النقاش الماصخ واتصل بيهم صار ربع ساعه ليش اتأخروا؟؟
لائِث: خليله ملح و انتبه لتكثر حتى ميرتفع ضغطك حبيب.
هَيْصَم: بطل تفاهه واتصل بيهم يلا.
لائِث: تفاهه لو برتقاله؟
فيروز: ضحكت على كلامه هذا الرجال والله يحشش حسيت بيه يضغط على أيدي حيل گرصته بأصبعه على باله هاي الحركات اتخليني اخاف من عنده واطيعه ميعرف اني حتى لو اخاف اتظاهر بالشجاعه المهم ميلزم عليه نقطة ضعف،
اشويه وتقدم من عدنه رجال ثاني طويل ولو هم كلهم اطوال لكن هذا الحلو بيهم يعني شكله نوعاً ما بريئ تشوف بملامحه هدوء وسكينه عكس البقيه نظرتهم شرسه وشكلهم غامض قترب من الهَيْصَم وگال.
هَمَّاس: سيدي اصعد السياره الجماعه وصلوا.
هَيْصَم: انتبهوا على نفسكم اريد اشوفكم جميعاً من ارجع.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 21:13
فيروز: اخذ الدفتر ومزگ كل الأوراق الموجوده بيه وطلع من المطبخ اشويه ورجع بأيدة سطله صغيره شكلها حديد خله كل الأوراق بيها جاب شخاط شغلها ورماها بالسطله شنو من انسان هذا انتابني شعور خوف واني اشوفه صافن عليهن وهن يحترگن وهو ولا همه النار اشوفها بلمعة اعيونه شلون گدر يسوي هيج وي دفتر مهم بالنسبه اله بدون ميرفله جفن؟!
معقولة كل هذا فقط لأن قرأت لو لسبب ثاني؟
بقى دقايق حتى انطفت النار بالكامل و الأوراق صارت عباره عن رماد حملها من الأرض غسلها بالسنك وطلع بره المطبخ رجعها لمكانها ورجع سحب الكرسي وأشرلي أگعد مقابيله مهتميت وبقيت بمكاني خله أدية على افخاذة وثبتهم تحت حنكه رافع حاجبه وينظرلي بطريقة غريبه بلعت ريگي بخوف ومازلت اصطنع القوة حتى ميشوف ضعفي ويستغله ،
دام الصمت فتره زمنيه مو طويله قطعه وهو يگول.
هَيْصَم: اي لَّباءَة شلون حابه يكون عقابج؟
فيروز: جاوبته بسؤال ، بأي طريقه انت حاب تعاقبني؟
هَيْصَم: العقاب ايكون ممتع اذا المذنب اختار طريقة يتعاقب بيها لذلك اختاري انتِ.
فيروز: شخص مثلك اشلون يعاقب الناس ياترى الفضول عندي فول وحابه اعرف؟
هَيْصَم: فكرت فضولج احترق وي الأوراق وماعاد موجود لكن هاي المره اني خطأت بتخميني.
فيروز: مو كل مره تسلم الجرة سيد افندي.
هَيْصَم: وين تردين توصلين لَّباءَة؟
فيروز: رجعني لبيتي وخلي كل شي صار ينتهي بهذا المكان لا انت تعرف وحده اسمها فيروز ولا اني اعرف شخص اسمه هَيْصَم هيج افضل.
همهم وحرك راسه نهض من مكانه وسحب سجين حادة اقترب من عندي واني ارجع ليورة حتى صرت على الحايط صار وجه مقابيل وجهي انفاسه الدافيه اداعب وجنتي رجفت رجليه واختل توازني من هذا القرب لكن صمدت وبقت اعيوني تحارب اعيونه بشجاعه مصطنعه قرب السجينه وبقى يمررها على اجزاء جسمي ابتدأ بيها من رگبتي نزولاً لأعضائي الثانيه وهو يهمس قريب من عندي انتبهت على حركه اشفايفه وهو ينطق الكلمه يحجي بنبرة خلت خوف العالم كله يصب داخلي.
هَيْصَم: شايفه اذا تركتج شنو يصير اول شي تنخطفين و تبقين بمكان اظلم لمدة اسبوع او اكثر بعدين يتم اغتصابج من اكثر من شخص حسب عدد الأشخاص الخاطفيج اذا ممتي من النزيف اتموتين بطريقه ثانيه وهي التعذيب شلون يعذبوج تعرفين؟!
اكيد لا لذلك خليني اشرحلج شلون يتم تعذيبج ايجيبون اسلاك كهربائية ويربطوها بجسمج يرمون عليج مي وبعدين يصعقوج بالكهرباء تبقين على هاي الحاله لمدة ساعتين بعدين تطلعين لغرفة ظلمة يعذبونج نفسياً عن طريق اصوات رعب وضوه خفيف يطفي و يشتغل ، باليوم الج وجبه وحده مو أكثر ولتفكرين اتكون دسمه لأن اصلاً شكلها مقرف وانت تنجبرين تاكليها بسبب الجوع بعد كل هذا التعب واكو بصيص امل يجي المنقذ على حصان ابيض تجي الأوامر من الأعلى يتم التخلص من عندج يتفقون وي دكتور من جماعتهم يبدون بيج من المنتصف بعد ميخدروج بالكامل يفتحون هذا الجزء من الخصر وهذا ايضاً ويستخرجون الكليه بعدين يصعدون لفوگ ويفتحون هذا الجزء تعرفين الكبد كلش غالي بعدها المعدة ويستمر هذا الدكتور المحترم والشريف بسرقه اعضائج وقبل ميتوقف گلبج عن العمل بدقائق يفتحون صدرج وياخذون گلبج و بالنهايه تموتين وتصعد روحج للرفيق الأعلى وانت واني نعرف احترام الميت دفنه بس هم ميسوون هيج يقطعوج الى اشلاء ويخلوج بكيس ازباله وبما انو انت ماعندج اهل يرموج بأي قمامه اتصير بطريقهم.
فيروز: ما انكر ابداً مدا خوفي واني اتخيل كلامه يصير حقيقه ويايه، شفت بعيونه نظرة رضا لكونه وصل لمرادة بتخويفي حجيت بتساؤل ،
شنو فائدة هذا كلامك معقوله تستمتع بتخويفي؟!
هَيْصَم: افهم من كلامج خفتي؟
جيد خافي لأن الأنسان يكون بقمة الشجاعه بأوقات خوفه وحتى تعرفين شنو فائدة وجودج بمكان محمي الى جانب الأسد فقط يمي وداخل عريني انت بأمان وماكو مخلوق على وجه الكره الأرضيه يگدر يمسج بسوء اما في حال رفعت أيدي من عندج ورجعتج لبيتج مثل متردين لتتأملين تبقين عايشه يوم واحد وهسه القرار عندج شنو تختارين هَيْصَم لو لّهيم؟!
فيروز: جحظت اعيوني من الغضب ضربت على صدرة بقوة واني احجي متناسيه كل شي ماعرف السبب لكن اكو شي داخلي يجبرني انتفض يمكن اسلوبه المتعجرف وهو يريدني اكون ممتنه لحضرته،
خايفه صح وحيل ايضاً خايفه من الكلاب اللي تريد تنهش لحمي واني عايشه خايفه من الناس اللي مجانوا يرفعون اعيونهم بوجهي من جان والدي موجود بس هو ترك العالم صاروا يتراهنون منو يوصلني ويذلني اول خايفه انام وحدي بالليل خايفه اموت وحدي مثل بابا بدون ميكون يمي احد خايفه من كلامك،
تعرف ليش بقيت اني اهنا بدون كلمه هااا؟؟
اكيد لا اني اجاوبك لأني خايفه ولهذا اليوم اني خايفه ...
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 21:13
فيروز: طلع واني كملت لفتي وغسلت اسناني ورحت للغرفه اني البس اتراكات عريضه صحيح اني غير محجبه بس مع ذلك ارتاح بهاي الملابس رحت لغرفتي وبقيت منتظرة اكو ألم صحيح بسبب العمليه بس اني ما احب ابقى بالفراش فتره طويله.
اشويه وطرق الباب سمحتله حتى يدخل فات هو والدكتور اللي اول مشافني حجه بسرعة.
أرفد: بسرعة نامي حتى افتح الخياط واطلع ماعندي وقت.
هَيْصَم: اهدئ اشوي ابني ليش مستعجل وياها؟
أرفد: لأن اكو شخص منتظرني افتح گلبه واعالجه ماكو سبب ثاني.
هَيْصَم: قابل انت الوحيد دكتور الف واحد ثاني غيرك.
أرفد: هَيْصَممم.
هَيْصَم: لتصرخ كمل شغلك واطلع اني ايضاً مشغول.
فيروز: نمت على السرير وهو تقدم الخوف يقره الف لبس كفوف وطلع المعقم غمضت اعيوني بأيدي وهو ماعرف شنو سوه يمكن خله مخدر حسيت بألم بس مو كلش قوي اتفاجأت مو هيج سامعه عن فتح الخياط لو لأن الدكتور يختلف كمل وطلع ماعرف شنو حجه وي هَيْصَم اللي الأخير اتقدم من عندي وگال.
هَيْصَم: الحمد الله على السلامه ، حتى يختفي الأثر مالت الخياط ادهني بهذا المرهم وان شاء الله معافايه، اني راح اطلع عندي شغل في حال احتاجيتي شي اتصلي بيه.
فيروز: عافني وراح طبعاً الموبايل اللي تركه هو نوكيا معروف عدنه اسمه صرصور وماعرف من وين اجت هاي التسميه لأن هو ميشبه الصرصر ابداً؟
مگدرت انام وقررت انهض ارتب البيت حتى لو هو منعني لكن ميصير ابقى بدون شغل بديت بغرفتي رتبتها ما انظف بسرعه ابداً على راحتي حتى ما اتأذة او اتعب كملتها ورحت لغرفته اول مفتحت الباب شميت العطر اللي يستخدمه يشبه المسك ممزوج بريحه الورد ماعرف اشلون اوصفه بس هادئ ولطيف ومريح للأعصاب بنفس الوقت ،مبيها شي ممرتب هو انسان نظيف جداً ميترك وراه شي ابداً اجيت اطلع ولفت نظري دفتر غلافه اسود جلد وبيه خيط ذهبي موجود على الميز مالت المرايه اقتربت من عنده و الفضول يقره ترليون اخذته بأيدي وفتحته صارت بوجهي صفحه مكتوب عليها بحبر اسود وخط عريض،
هَيْصَم.
جذبني اقره شنو مكتوب جوه السطر الأول بمنتصف الدفتر بقلم حبر اسود مكتوب،
اليوم الثالث في الساعه الثانيه عشر بعد منتصف الليل..
يتبع..
هَيْصَم
البارت الثامن
الكاتبه zahraa022683
____
للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي شمعاتي انتوا.
شاركوا القصه وكبروا عائلتنه حتى نستمتع وي الهَيْصَم مع بعض.
__
- قال لهـاا : هل تحفظين جـدول الضرب ؟
- قـالت : نععـمہ !
- فقال : عيناك فـي عينـي ڪم ؟
- فقالت : تساوي العـالم بأكملۿ
( اليوم الثالث الساعه الثانيه عشر بعد منتصف الليل،
خلصن ثلاث أيام بالتوقيت الميلادي لكن ليش احسهم ثلاث سنين ؟؟
ثلاث أيام اخذن من عندي ثلاث أعمار وحطمن كل شي حلو بحياتي بالكامل ، اتوقف الزمن وفقدت جميع قدراتي وهذا الصوت مقبل يترك اذني ابداً ،
المساعدة ، التوسل ، الرجاء ،
الهَيْصَم هاي المره عجز تماماً عن المواجهه مگدرت اسوي شي واني اشوف اقتراب النهايه ، سلاسل الموت محاوطتني من كل مكان الجميع يريد هزيمتي بهاي الحرب استغلوا جميع نقاط الضعف وسيطروا بشكل كامل على جميع حصوني لكن نسوا شي مهم الأسد دائماً ايكون عنده مخرج ولازم اكو باب يفتح من تضيق بيك الدنيا وهذا الباب راح يكون سبب دمارهم وانتصاري بوقتها فقط راح اخذ الثار وانتقم من كل شخص سبب أذيه و جرح للهَيْصَم)
فيروز: كلماته غريبه حسيت بيهم سر جبير وره كل جبروته وقوته انتابني فضول اكمل شنو مكتوب بالورقه اللي بعدها بس اكو شي منعني ماعرف هو شنو لكن يمكن الخوف اذا دخل هسه وشاف بأيدي هذا الدفتر ياترى شنو تكون ردة فعله؟؟
اكيد راح يعصب وميقبل هو اصلاً حذرني ما ادخل بخصوصياته ليش حتى ازعج نفسي بحياة شخص ثاني؟!
بس والله هذا الشي مو بيدي احنه النساء منحب نبقى غافلين لازم نبحث وندقق ونعرف كل شي مخبه حتى لو بيه مضره النه واعتقد هذا السبب اللي يخلينه نوگع نفسنا بمشاكل وحرب نفسيه خاصتاً لو عرفنه شي ملازم نعرفه.
لكن هاي المره ردعت احساسي وكتفيت بالتفكير فقط بلي قريته ، رجعت الدفتر لمكانه خفت انو يدخل على حين غفله ويشوفني ابحث بشي يخصه ، طلعت من غرفته ورحت لغرفتي بقيت بفراشي والتفكير يلعب بمخي مثل كرة القدم حاولت انام بس عبث مگدرت باوعت للساعه شفتها 12ص متحملت اكثر ورحت للمطبخ گعدت على احد الكراسي ومن بين تفكيري وفضولي بلي صار وياه وخلاه بكل هاي الصلابه وميهتم بأحد قررت اتصل بيه وخلي يجي للبيت لأن مستحيل اگدر انام اذا مرضيت فضولي وعرفت حتى لو جزء بسيط من ماضيه ،
اخذت الموبايل و فتحته بيه فقط رقمه اول متصلت وصلني صوته الحاد ومليان رجوله عضيت على شفتي هذا اذا سألني شنو اگله؟
قطعت صفنتي وهو يحجي.
هَيْصَم: الرصيد مو مجاني احجي شنو رايده؟
فيروز: حجيت بسرعة وبدون وعي ،
اريدك.
عرفت شنو خبصت من گال.
هَيْصَم: شتسوين بيه؟!
فيروز: حاولت أدارك الموضوع لذلك گلت،
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 21:13
حضنت خالتي احبها حيل بيها شبه جبير من امي حتى بحنيتها عدها بنات اربعه او ولد اثنين واحد من عدهم تسلسله الأول بالعائلة اما الثاني فهو الأخير اثنينهم مموجودين بالبيت واحد من عدهم موظف بغير محافظه اما الثاني يدرس خارج العراق فقط البنات اهنا اما زوج خالتي فهو متوفي من اسنين طويلة ،
دخلنه للمطبخ شفتهن ديحضرن بالغدة طبعاً البنت الكبيرة متزوجه والموجودات بس ثلاث بنات اتقدمت من عندي وحده منهم.
ريهاف: الحمد الله على سلامتج حوريه ليش نسر مدخل وياج على الأقل انسلم على ابن خالتنه؟
حوري: الله يسلمج حياتي ، والله خبرته بس مقبل گال عنده شغل مهم و ميگدر يتأخر.
آمندا: اي راح تبقين بس يم رهوف واحنه ماعدنه حصه بيج؟
حوري: ركضت الها وحضنتها من بين كل بنات خالتي هاي اكثر وحده مرحه وبشوشه مليانه طاقه أيجابيه وفرح ،
حياتي مشتاقتلج موت متصدگين شگد تحمست اخلص الأمتحانات حتى اشوفج.
آريا: صحيح مو احنه بنات البطه السودة تشتاقين بس لصديقتج واحنه المنسيين رهوف خلينا نطلع حتى ياخذن راحتهن يمكن زعجناهن.
حوري: شنو هذا الكلام ازعل من عندج والله اصلاً اني اجي لهنا حتى اشوفكم كلكم واغير وياكم جو.
ريهاف: لتهتمين بكلامها حبيبتي تحب تشاقه مو أكثر.
حوري: عادي مو مشكله،
فجأة دخلت خالتي اللي ماعرف وين جانت.
كلاثم: رهوف اتصلي بنيجار شوفيها ليش مأجت اليوم موعد زيارتها النه؟
ريهاف: اتصلت بيها زوجها مريض وأجلتها لغير يوم.
كلاثم: الله يشافيه خطيه.
آمندا: الله ليشافيه متشوفين شنو مسوي بيها ليش تدعين اله؟؛
كلاثم: زوج اختج هذا عيب بنتي هيج تحجين عليه.
آمندا: لو منو مكان اني مع الحق هو مطيح حظها وهي غبيه بسرعة تسامحه وتنسى شوفي شنو راح يسوي بيها غبائها الزايد.
ريهاف: خلص آمندا بلا كلام على الناس ما النه دخل هي جبيره او واعيه وتعرف شنو تقرر بعدين لتنسين عدها اطفال اذا تركته شلون تعيشهم؟!
آمندا: هو هذا التفكير اللي مدمر المرأه اني استغرب جداً من النساء اللي ميدعمن بعضهن بهاي الحاله شلون نريد الرجال يحترمونه واحنه اصلاً منحترم حالنه الوحيد بهاي الحياة اللي اعرفه يحترم النساء هو بس هَيْصَم واني دعواتي الدائمة يارب هَيِصَم رجلي المستقبلي حتى ما اطلگه لا والله اخلعه.
آريا: هو خلي يجيج أول بعدين اخلعيه.
آمندا: تستهزئين حضرتج؟؟
ريهاف: خلص انتن الثنين وتعالن نحضر غدة يلا.
حوري: سحبت آمندا وهمست بأذنها ،
هَيْصَم لساته ميجي لهنا صح؟
آمندا: والله يروحي اني بقى شهر او شهرين بالأكثر وانسى شكله صار فتره طويله مشفته بيها تقريباً ثلاث اشهر هيج شي.
حوري: ليش ميجي لعد؟؟
آمندا: ماعرف هو ميحجي شي عن شغله يتصل مرات بأمي يطمأنها عليه ويسكر مرات اني انسى عندي أخ جبير.
حوري: نزلت ادموعها وهي تحجي عنه ، خلص لتبجين اكيد اذا صار عنده وقت فراغ يجي يشوفكم لتسوين بنفسج هيج.
آمندا: ميفكر بينه لو عنده اشويه احساس ميخلي خواته وحدهن وميسأل عنهن برأيج كل الأخوة هيج لو بس هو؟
حوري: أرفد ونسر نفس الشي همات ما اشوفهم دائماً لازم تخلين عذر لغيابهم ماكو اخ يكره اخته بس الظروف تحكم بعض الأحيان.
آمندا: احبه ومشتاقتله هو الوحيد اللي من اشوفه اطمأن واحس بأمان مو طبيعي.
حوري: هو ايضاً مشتاقلكم وان شاء الله عن قريب تشوفيه ويطفئ شوقج.
آمندا: ان شاء الله.
آريا: خلصتن سوالف شنو رأيجن تجن نكمل الغده لأن اشويه وأموت جوع.
حوري: كملنه الغده واني ساعدتهم بعدين كل وحده صعدت لغرفتها واني بقيت يم آمندا سولفنه اشويه واني نمت لأن جنت تعبانه حيل من الطريق.
هَيْصَم: لائِث شنو هذا الصوت العالي؟
لائِث: حادث سيارة سبب موت شخص الولد اعترف وهسه هو بالتحقيق لكن عائلة المتوفي عشائرية وهسه هجموا علينه يردونه.
هَيْصَم: أعد شنو سمعت هسه؟
لائِث: هجموا على المركز سيدي.
هَيْصَم: بلد تايه بيد الصغار ،صيحلي ضَرْضَم و هَمَّاس و هَمْهَام خلينه نشوف شلون يدگون مكان الدولة،
لائِث: هَيْصَم بطبيعته ميعصب بسهوله اذا جان الموضوع يخص العمل ياخذ احتياطاته ويحسب احساب كل خطوة يخطيها ويدقق بتصرفاته كون موقعه حساس ميگدر يخاطر بسمعته وهو يعرف احنه جميعاً معتمدين عليه ،
طلع لگاهم كلهم شباب وميسكتون ابداً خلوا المركز روضه جاب صافره وبقى يصفر بيها واحنه سكتناهم اتقرب من شخص جان واگف مقابيلهم الواضح عليه هو الأساس بالمشكله حجه وياه بكل رزانه وأدب طريقة مميزة ثانيه بيه ابداً ميضرب الا في حالات الضرورة يعني الا يكون الشخص هو اللي يعتدي عليه او يستاهل ينضرب عنده مبدأ خاص بيه بالتعامل مع الناس و طريقه بالتحقيق يحسب الكلام من المقابل بدون تعب.
هَيْصَم: اقدملك عزائي والبقيه بحياتك متفهم جداً لتعصيبك وغضبك لكن لازم تفهم ايضاً هذا مو مكان عادي الموجودين اهنا بشر ايضاً متگدر تجي وتهجم علينه بعدين تخوفنا وبهاي الحاله راح يضهر الأسد المختبي جواتنه ويسوي بيكم هيج،
لائِث: زئر بصوت عالي اني فزيت من عنده.
هَيْصَم: ضَرْضَممممم.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
من هذا المكان على الأقل أگدر اعرف اني وي منو عايشه، ممكن ايكون انسان مجرم مثلهم ويريد يحاربهم بيه؟؟
الشي اللي ممعقول ومخليني دايخه والدي جان رجال فقير ومن اهل الله كل عمره خلص من الشغل للبيت و العكس منو هذا اللي أراد قتله بهاي الصورة البشعه وهذا التكتيك معقولة ايكون والدي ايضاً متورط وياهم؟؟!!
ضربت جبيني عشت حالة اكشن خلتني اشك حتى ب والدي الشخص الوحيد اللي حتى لو اشوفه امام عيني ما اصدگ ايسويها جان يعلمني على الأخلاق و الصح من الخطأ معقوله يصافح مجرمين ويلطخ اديه بعمليات غير قانونيه لذلك انقتل لو اكو سر ثاني مخبه وره وفاته بهذا الشكل ؟؟
اسئلة كثيرة تطحن بعقلي مثل الرحى تماماً انقطعت هاي السلسله المتواصله اللي ادور بمخي على صوت أنين صادر من عنده نهضت من مكاني وصرت قريبه عليه حيل يهمس بكلمات غير مفهومه مو واضح ابداً شنو يحجي نزلت راسي وخليت اذني قريب اشفايفه سمعته يردد هاي الكلمات.
هَيْصَم: لترحين ،لتتركيني، ارجعي.
فيروز: رفعت راسي وقربت ايدي من جبينه حرارته مرتفعه حيل طلعت من الغرفه بسرعه ورحت للمطبخ طلعت علاج خافض حرارة تركه الدكتور اهنا اخذت من عنده حبايه وكوب مي ورجعت يمه اقتربت من السرير وگعدته،
هَيْصَم... هَيْصَم تسمعني افتح اعيونك حتى تشرب علاج يلا.
همهم ورجع نام مره ثانيه هسه هذا اشلون اگعده هو ميحب احد يلمسه وليگعد من اصيح اسمه شنو الحل؟؟
تركت كوب المي على الميز اللي يم السرير نزلت راسي يمه وهمست قريب اذنه ،
هَيْصَم .. هَيْاصَم.. هَيْصَوم.. هَصَمصَم ..
افتح اعيونك يلا لتشلع گلبي.
رفعت راسي واني اضحك على نفسي لو يسمعني شنو لقبته يشمرني من الشباك ،
اجت عيني بعينه يفتحهم ويسكرهم بيهم احمرار نعاس ومرض هم صفنت بيهم اشويه رجع سكرهم معلن دخوله مره ثانيه للنوم بسرعة صحت اسمه حتى يصحصح وميغفى،
هَيْصَممم.
فتح اعيونه وأشرلي براسه بمعنى شكو حجيت بسرعة ،
مرتفعه حرارتك اشرب الحبايه حتى تصير احسن ،
عدل گعدته انطيته الحبايه شربها هي والمي ورجع لمكانه ويحجي ويايه بصوت ناصي.
هَيْصَم: روحي نامي لتبقين سهرانه يمي لَّباءَة.
فيروز: رجعت للكرسي واني احجي بصوت ناصي حتى ميسمع ، حتى وهو مريض مينسى هذا الأسم الغريب ترك كل الأسماء الحلوه بالعالم وسماني لَّباءَة.
ماعرف اشلون غفيت واني على الكرسي فزيت على صوت الموبايل رحت يمه حتى اشوف منو المتصل شفت فقط صورة نجمة ماكو اسم اقتربت من عنده حتى اگعدة اجت عيني على ملامحه ارموشه كثيفه نوعاً ما حواجبه محددهم بطريقة كلش مرتبه انفه طويل بس مو حيل يعني مناسب تماماً وي وجهه اسمر ونهاية وجه حادة ماعندة لحيه الواضح يحلقها كل يوم لأن ممبين من عدها شي ابداً مثل اللي مسوي ليز واكثر شي مميز بوجهه هي شواربه تشبه تماماً اشوارب ابو اشهاب اباب الحارة لكن هو مرتبهم اكثر ،
واني صافنه بهذا الجمال فتح اعيونه بعيوني من الصدمه رجعت بسرعة ليوره وسويت نفسي اگح شربت مي من الگلاص اللي خليته اهنا البارحه وهو حاول ينهض سألته بسرعة.
شنو تحس هسه صرت احسن؟
صفن اشويه بوجهي ورفع حاجبه وگال بنظرة غريبه.
هَيْصَم: انتِ ليش اهنا؟!
فيروز: لأن اتمرضت وبقيت يمك حتى اي شي يصير اساعدك بس مو اكثر.
رفع راسه اليه وگال بنبرة تساؤل.
هَيْصَم: شنو حجيت البارحه؟
فيروز: حسيت لازم اكون صادقه واگوله شنو گال لذلك گلت،
لترحين ، لتتركيني ، ارجعي،
ردتتهم اكثر من مره لكن بعد مشربت الحبايه نمت ومسمعتك حجيت مره ثانيه كملت كلامي حتى يعرف اني مشكيت بشي ، انت جنت مريض و بالعادة الأنسان اللي يمرض يحجي اي شي يحلم بيه مو مشكله.
هَيْصَم: شكراً تعبتي ويايه وبقيتي سهرانه علمود سلامتي تگدرين تنامين اني راح اطلع.
فيروز: ازعل من عندك لتشكرني اللي قدمته اليه لايقاس بلي سويته ابداً وقبل متطلع لازم تاكل وتشرب علاج حتى تتحسن بالكامل،
باوعلي بنظرة غريبة گال بأبتسامه رفعت طرف شفته.
هَيْصَم: كل شي يزيد عن حده ينقلب ضده لَّباءَة انتبهي.
فيروز: شنو قصدك مفهمت؟
هَيْصَم: بالعادة اني شخص احذر قبل ما اتخذ اي اجراء اول مره تحذير ثاني مره متعرفين شلون تكون عقوبه الهَيْصَم وبأي طريقة لتلعبين ويايه لَّباءَة ولتفكرين ابداً من السهل تعبرين حصوني لأن اني صنعت من نفسي احجيه كلما اقتربتي من حلها زادت تعقيد.
فيروز: اذا انت مواثق من عندي ليش مخليني بيتك تگدر ترجعني لبيتي و لتفكر ابداً ولا للحظه اللي اسويه هو بحجه اقترب من عندك آخر همي عملك واهدافك واللي تريد تسويه كل اللي اريده ارجع لحياتي ولعملي السابق بلا حياة غصب عني ومذلوله بيها.
هَيْصَم: اوف اوف معقولة لهاي الدرجه حامله بگلبج عليه لو هاي ردة فعل لكلامي قبل قليل؟(الناقله روعه الطائي)
فيروز: انت شنو برأيك؟!
هَيْصَم: لَّباءَة معصبه جداً والسبب هي مفهمت قصدي اطلاقاً من اللي گلته ، ركزي ويايه هاي آخر مره اوضح كلامي بالعادة اني احجي واللي يفهم والميفهم مشكلته ،
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
هَيْصَم: لكن اني حاب اغير بيج شي واحد فقط.
فيروز: سويت نفس حركته ورفعت حاجبي وحجيت بتساؤل ، شنو هو؟
هَيْصَم: الحجاب حاب اشوفج لابسته.
فيروز: شنو السبب؟
هَيْصَم: تعرفين ليش الآسلام خله الحجاب واجب على المرأة؟
فيروز: حتى تحافظ على نفسها من اصحاب القلوب الضعيفه كوني ما البس حجاب ميعني ابداً ماعندي ثقافه دينيه.
هَيْصَم: شنو فائدة الثقافه الدينيه اذا مطبقيها على ارض الواقع؟!
الكثير من البنات اليوم وحتى الشباب يعتقدون الحجاب أو بعض الأحكام الدينيه الأخرى هي مجرد سجن للحريات والحقوق الأنسانيه اللي فرضها الدين والدوله للمواطنين لكن هذا المعتقد خطأ والسبب الحريه والحقوق بعمرها مجانت بالملابس و الحجاب مجان تقيد اذا الفتاة أرادت اتكون ناجحه ، عقلياً ومنطقياً ماكو ربط ابداً بين قطعة القماش اللي تخليها على راسج واهدافج بالحياة والدليل السيدة زينب عليها السلام من خطبت بمجلس يزيد و سكتت جميع الحاضرين منعها حجابها؟
امرأه محجبه واحده وملتزمه بقواعد الدين أحيت قضية الحُسين الى هذا اليوم وكانت السبب الرئيسي بأحياء عاشوراء وتخليدها.
الكثير ايفكر هذا جرم واستبداد من الأسلام بحق المرأه لكن هو محافظه على شرفها من اصحاب القلوب الضعيفه وانت واني نعرف اغلب الشباب اليوم صايعين وماعدهم اي احترام للنساء اني شخصياً القيت القبض على هوايه اشخاص بتهمه التحرش بغض النظر عن العقوبه القانونيه لكن في حال تم القاء القبض عليه هو والبنيه حتى لو جانت بريئة او شافهم اي احد ثاني تعرفين شنو يصير بيها تدمر حياتها بالكامل وتصير عليها وعلى عشيرتها وصمه عار لهذا السبب بالتحديد ولأن الشباب اغلبهم غير منضبطين الأسلام حرص على الحفاظ على المرأه بشكل كامل من الرأس حتى اخمص القدمين.
فيروز: كلامك صحيح لكن لو احنه عدنه قانون يفرض على المتحرش عقوبه مثل كوريا على سبيل المثال او اي دوله اخرى مجان وصل حالنه الى ما آل اليه اليوم واللي نشوفه بالمجتمع من تفاخر بين الشباب وتحرشهم العلني بدون رادع وحتى مرات اتكون البنيه وي اهلها ومع ذلك ميحترمون اني شخصياً شهدت على قضيه تحرش امامي وي زوجته يتغزلون بيها امام زوجها بدون خجل اذاً انت اردع بقانون يسكتهم ويخليهم يحترمون النساء بذلك الوقت مراح تسمع بقضايه تحرش ابداً.(الناقله روعه الطائي)
هَيْصَم: منو اللي يقدم بلاغ في حال صدر هذا القانون اغلب الفتيات تخاف اليوم من انو تعترف امام اهلها اذا تعرضت للتحرش وتسعى دائماً للتخبئة احنه مجتمع عشائري اذا هو حتى في حالات القتل يتغاضى عن الجريمه في حال اتنازل اهل المقتول او دفعوا الديه الشرعيه اذا كان القتل غير متعمد او قتل بقضية شرف على رغم الشرع يحرم هذا النوع من القتل ايضاً لذلك القانون وحده ميقدم شي اذا مو المواطن يساعدنه حتى نلقي القبض على المتحرش ، الأيد وحدها متصفگ صعب جدا اتركي كلام نزار قباني وكاظم الساهر وخلي ابالج انت تعيشين بالعراق العظيم حيث المجتمع الذكوري متگدرين كلهم تخليهم هَيْصَم كارهين للمس.
فيروز: اذاً اني ما مجبورة اغير نفسي حتى ارضي المقابل مثل ما الأسلام فرض عليه الحجاب بذات الوقت فرض عليكم غظ البصر.
هَيْصَم: اضربلج مثل الجكليته اللي بيها غلاف واللي مبيها لو ميحتاج؟
فيروز: الجوعان ياكل كل شي لتخاف من هاي الناحيه،
وهسه مخبرتني نشاهد فلم مع بعض لو لا؟
هَيْصَم: ومازلت محتار بيج شنو سبب هاي الثقه؟
فيروز: مو كل شي بالحياة اله تفسير بعض الأمور اتصير بدون أرادة الأنسان و اعتبر ثقتي وحده من عدهم.
هَيْصَم: بلا متابعه فلم حاب اتعرف عن لَّباءَة عائلتها والسبب اللي يدفع واحد مجرم يتعلق بيها ياترى منو انتِ؟
في
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
فيروز: الصراحه عنده هوايه صفات اتخليني اصفن بشخصيته واحب افسرها واعرف اسباب هذا الغموض اللي عنده وهذا الطبع ، اني شايفه بالمسلسلات الرجال اذا وحده ادخلت بخصوصياته يعصب ويكسر ويسوي مشكله وتبقى البطله تعتذر اكثر من عشر حلقات خاصتاً بالهندي لكن هذا الرجال مختلف جداً واعي ومثقف حيل ومعصب ابداً ومحسسني بخطأي وحتى مزعل على الأكل اللي طبخته ومعاملني بعجرفه هاي ثاني صفه تجذبني بيه،
كمل اكله وقبل مينهض گال.
هَيْصَم: شكراً على الغدة صار فتره طويله مأكلت هيج اكل.
فيروز: ابتسمت ديمدحني لو اني غلطانه ؟؟
اكتشفت نفسي غلطانه من كمل كلامه.
هَيْصَم: محبيت احرجج لكن اني بالعادة ما اكل هذا الأكل لذلك تگدرين فقط تطبخين هيج اكلات اذا حبيتي تاكليهم.
فيروز: رفعت راسي و ابتسمت بوجهه وگلت،
اني اعرف متاكل هيج لاحظت هذا الشي من اول يومين اجيت بيهم لهنا لكن مگدرت اسألك شنو اتحب تاكل اليوم لذلك طبخت اللي خطر على بالي.
هَيْصَم: ميحتاج تبررين البيت بيتج سوي اللي يعجبج واطبخي اللي تحبيه اني اذا حبيت شي معين اسوي بأيدي متعبج ويايه مره ثانيه شكرا على تعبج ويايه هذا اليوم وترتيبج للغرفه لكن مثل مخبرتج سابقاً انت اهنا مثل الضيفه اول متأكد من سلامتج ترجعين لحياتج الطبيعيه وعليه غير مجبورة اتسوين اي شي سواء اليه او بالبيت ياريت اتكونين فهمتي قصدي لَّباءَة.
فيروز: جاوبت بسرعة واني احرك راسي بالأيجاب، فهمت اكيد واسفه لأن دخلت لغرفتك لكن صدگني كل شي بدون قصد ياريت ايضاً تعذرني على فضولي وقلة وعيي.
هَيْصَم: مصار شي كلنه نوگع بالخطأ انت غير ملامه من قبلي لذلك لتلومين نفسج ابداً اللي سويته مساعدة جبيرة اليه و مجانت من واجبج لذلك شكراً.
فيروز: نهض وطلع خارج المطبخ واني احسب بأصابيعي ثلاث مرات شكرني هذا الغامض اليوم بدل ملامتي على رغم اللي سويته هو تدخل بشي مايعنيني ، اني ايضاً نظفت المطبخ وغسلت المواعين ورحت للغرفه اخذت دوش سريع وغيرت ملابسي ونمت.
حوري: باجر الصبح نسر ياخذني لبيت خالتي بأربيل حضرت جنطتي وكملت كل اشيائي استعداداً لباجر ، نزلت ماما تحضر عشا اني قليل انزل خاصتاً هاي السنه لأن مرحله اخيره وتحديد مصير لذلك بقيت اكثر وقتي اقرأ لكن الأن وبعد مخلص العام الدراسي قررت اشوف شنو محتاجه أو اساعدها بتحضير السفره وهي انطلقت ويايه بالحديث.
ناهده: سمعت بعد شهر أرفد يسوي العمليه لريفان انت لذلك الوقت لازم ترجعين بنتي.(الناقله روعه الطائي)
حوري: تمام يوم ، اني ماعندي علاقه قويه وي بنات عمي صحيح ريفان جانت دائماً تجي يمنه للبيت ونلعب سوه لكن أرفد هوايه ايخاف عليها بسبب مرضها فجان الجميع ياخذ حذرة بالتعامل وياها اما أيفلين فهي شبه منعزله لذلك بعد مكبرت انعزلت اني ايضاً وخلصت اغلب وقتي بالدراسه اثناء الدوام اما فترة العطله اخلص جزء جبير من عدها ابيت خالتي اني متعلقه بيهم حيل وحتى اني ونسر هوايه نشبهم بالشكل ، كملنه عشا غسلت المواعين ورتبت المطبخ وصعدت حتى انام اول مدخلت بمراحل النوم سمعت صوت موبايلي سحبته بأنزعاج فتحته وخليته على اذني بدون ما اشوف اسم المتصل اجاني صوته الواضح امبين عليه التعب لذلك كلامه غريب نوعاً ما.
محمد: احبج والله ليش متحسين بيه بس اخوج الحقير هو السبب لو مو هو اللي واگف بطريقنا گدرت اخطبج وتزوجنه مثل الأوادم بس لا راسه والف سيف رافض وكأن اني مجرم خطير وراح ادمر حياتج برأيج يروحي اخوج ليش يكرهني لهاي الدرجه؟!
حوري: هذا السؤال المفروض اني اسأله ليش اخواني يكرهوك لهاي الدرجه!!
محمد: حوريتي لتصيرين مثلهم انانيه گلبي متعلق بيج مثل طفل متعلق بريحه امه معقوله تذلين الأنسان اللي يتنفس هواج؟
حوري: انت لو تترك هذا الغزل الغريب اني بألف خير واذا تحب تعرف ليش اخواني يكرهوك اتصل بيهم واسألهم اني اريد انام نعسانه.
محمد: الساعه ثمانيه قفل مشاعري وسرگيها نوم شنو هذا؟!
حوري: باجر لازم اگعد من الصبح لذلك انام من وقت بعدين انت شنو دخلك بأوقات نومي؟
محمد: ميصير تنامين بدون ما اسمح اني معقوله تغفين واني گاعد اتحسر على صوتج ينطيج گلبج اتسوين هيج بيه؟!
حوري: محمد لتحجي ويايه بهاي الطريقة الواضح انت نسيت اني خبرتك اتركني افكر بالموضوع على راحتي بعدين ارجعلك جواب ليش تزعجني بهذا الشكل؟
محمد: تمام الواضح زعجنه الحوريه اللي راح تروح يم بيت خالتها باجر وتتركني بدون نفس لكن حوريتي استمتعي زين بهاي الرحله لأن راح اتكون آخر مره ترحين بيها لبيت خالتج.
حوري: للحظه شكيت بيه مو بوعيه ديحجي كلام غريب بسرعة قاطعته وگلت ،
انت تخبلت زوجه شنو وتمنعني اروح لبيت خالتي ايضاً انت منوو حتى تقرر عني وتحجي بكيفك شوف لحد هاي اللحظة اني ساكته ومتحمله تصرفاتك الغريبه و كلامك الغير مفهوم بس هوايه اتجاوزت وتعديت الخطوط المسموحه رجاءً خلص تعبت من هذا الموضوع اصلاً حتى قراري بالتفكير وكلامي اللي حجيته انساه تمام مراح افكر بعلاقه عقيمه معروف شنو نهايتها.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
حوري: لتزعل لكن كلامك واعترافك حالياً خلاني اشك وين اكو شخص يحب من صدگ يعترف بهاي الطريقه الرومانسيه من اول مره!!(الناقله روعه الطائي)
محمد: صدگي اني اسويها بعمري كله محسيت بلي حسيته وياج انت غير عن باقي البنات اللي عرفتهن بهوايه.
حوري: قاطعته قبل ميكمل ، ليش عندي جناحات مثلاً لو ذيل سمجه؟!
سمعت صوت ضحكته سكت لحظة بعدين گال.
محمد: ياويل قلبي تحشش حوريتي.
حوري: مدا اضحك محمد ليش تاخذ الموضوع بمزح؟؟
محمد: بالعكس تماماً اني جدي جداً بخصوص ارتباطنا لدرجه حتى فكرة سفري خارج العراق علمود الدراسه لغيتها وركزت فقط على تقوية علاقتي بيج انت ليش مو واثقه بيه ابداً؟!
حوري: وليش حتى اثق بيك انطيني سبب مقنع غير انك ابن عمي ومتريد مضرتي؟
محمد: حبي الج ، مشاعري الصادقه ، اشتياقي لعيونج طول اليوم ، احلامي المليانه بيج ، كلهم ادلة اقدمها لحضرتج وهسه اريد اعرف لساتج مواثقه؟
حوري: ماعرف ما اگدر اسلمك ثقتي بهاي السهولة اتمنى تفهمني.
محمد: اكيد هذا من حقج حتى جلسات الأستماع تحتاج كم جلسه يلا يحكم القاضي بقضية الحب نحتاج نثبت حبنه دائماً للطرف المقابل.
حوري: بعد يومين راح اروح لبيت خالتي وابقى اهناك فتره ان شاء الله وخلال هذا الوقت افكر ياريت متتصل بيه وتركني على راحتي.
محمد: تمام براحتج يراحتي انت.
حوري: غلقت الخط ورجعت راسي على الجربايه فكرت انطيه فرصه واشوف شنو يصير لكن هاي مشاعر مو لعبه ممكن اذا سلمته گلبي يرجعلي اياه مدمر غير قابل للتصليح ، يكسره مثلاً او يحطمه ، الحب هو اصعب شعور يحس بيه الأنسان لأن بيه تضحيه ،فداء، تحمل، والأهم شجاعه اذا مجنت شجاع كفايه لتحب ولتعلق أحد بيك ابداً لأن الحب يحتاج رجال مثل (النبي محمد صل الله عليه واله والسيدة خديجه عليها السلام او الأمام علي عليه السلام والسيدة فاطمه الزهراء عليها السلام)
مو شباب هاي الأيام ينطي وعود لكن بدون وفاء، يمسك حبل نجاتك ومن يتأكد من وصولك لمنطقه الأمان يكون هو اول شخص يترك الحبل وسقوطك مؤذي الى درجه يكون النهوض بعده مستحيل،
لذلك صعب اتخذ قرار مصيري مثل هذا لشخص لاسيما اعلن كرهه وبغضه لعائلتي قبولي بعرضه هو التخلي عن الجميع بالمعنى الحرفي،
تركت كل شي للقدر وقررت اقضي ايام حياتي بسعادة خلال هاي الفتره بدون اي تفكير ببيت خالتي.
لائِث: سيدي شلون صرت هسه ؟
هَيْصَم: افضل من البارحه لتفكر بيه.
ضَرْضَم: الحمد الله على السلامه سيدي.
هَيْصَم: الله يسلمك ، وين المعتقل؟
لائِث: موجود بالسجن الأنفرادي تحب ناخذة لغرفه التحقيق ؟
هَيْصَم: ميحتاج بكل الاحوال هو راح يطلع.
ضَرْضَم: بعد كل هذا التعب والجهد اللي بذلنا يطلق سراحه بهاي البساطه؟!
هَيْصَم: الأنسان بالعادة اول ميرجع من السفر بمنو يلتقي؟
لائِث: بأكثر شخص مشتاقله.
هَيْصَم: وفي حال جان هذا الشخص مهدد بالخطر بمنو يلتقي؟
لائِث: بالشخص اللي ينقذ حياته قصدك هو؟
هَيْصَم: عفيه عليك نفس تفكيري احنه فقط نبقى بنفس المكان والأخبار الحلوه توصل لعدنه.
ضَرْضَم: دائماً عندك خطه بديله لذلك اني اثق بقراراتك سيدي.
هَيْصَم: اكو شي ثاني غير هذا الموضوع حتى نتناقش بيه ؟
هَمَّاس: سيدي المحامي محمد يريد يقدم كفاله حتى يطلق سراح السجين المعتقل البارحه.
هَيْصَم: حياه الله خلي يتفضل.
دخل وهو مبتسم نظرة الأنتصار بادية على ملامحه اتقدم من عنده وگال.
محمد: دخلنا لعرين الأسد حتى نتوسط يمه يطلع غزالتنه ياترى شنو رد الأسد؟
هَيْصَم: غزالتك طعمها مو طيم مراقت لي لذلك اخذها وبدون كفاله سقطت عنه جميع التهم اشتبهنه بيه وعليه الهَيْصَم شخصياً حاب ايقدم اعتذار شنو رأيك لائِث ؟
لائِث: لازم يكون سعيد بهذا الشرف سيدي.
هَيْصَم: اذاً خلي يجي يمي حتى يسمع اعتذاري وانت ضَرْضَم ،
ضَرْضَم: نعم سيدي.
هَيْصَم: اخذ محامينه العزيز خلي يتعرف على باقي السجناء ممكن يريد يدافع عن واحد من عدهم.
ضَرْضَم: تأمر سيدي ، اتفضل حضرة المحامي من هذا الطريق.
دخل وهو يطالع بعين الغضب المجرمين والقتله مستحيل يندمون على اللي اقترفته ايدهم وانما يفكرون بالأنتقام باقرب فرصه اقترب من عنده وأديه مكلبچه واعيونه يطاير من عدهم شرار الشي اللي خله هَيْصَم ينظرله بأستفزاز وهو ينقل نظرة على ملامحه وگفته وهو بهذا المنظر وحجه بمكر.
هَيْصَم: سمعت الجداحه عطلانه والطباخ ميگدر يطبخ اليوم شنو رأيك نستعين بنظراته اللي يطير من عدها شرار لائِث ؟
لائِث: بس شلون نستخدمها سيدي اعتقد نقلع اعيونه حتى يصير استخدامهم سهل.
هَيْصَم: او تگدر تجرب طريقه ثانيه مثلاً نرمي عليه نفط بعدين هو يحترق بسبب الشرار اللي عنده ونطبخ عليه بهاي الطريقة مراح توسخ اديك بلمس اعيون هيج شخص.
لائِث: انت فقط أأمر وراح تشوف شنو اسوي سيدي.
هَيْصَم: ميحتاج ابداً لتعب نفسك وي شخص ورقته محروگه بكل الاحوال راح تجينه اخباريه بمقتل شخص مجهول الهويه مشوه الوجه واعضاءة تم متاجرتها او يمكن مقطع لدرجه اهله ميتعرفون عليه.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
أرفد: الواضح خايفه عليك هوايه نگول مبروك وشوكت نفرح بيكم ان شاء الله ؟
هَيْصَم: اني فرحان بنفسي اما شوكت انت تفرح هاي براحتك عزيزي.
أرفد: مريض وما اخلص من السانك لكن الحق يقال تستحق تفتح وياها صفحه جديدة لاحظت بيها حنيه أم انسانة لطيفه شفت هذا الشي اليوم على رغم هي متعرف بأمور الطب بس سخنت مي علمودك ، سكت شويه بعدين كمل كلامه بنبرة تساؤل.
يول معقوله حبتك؟!
هَيْصَم: لتمسلت أرفد حب شنو اللي تحجي عليه مجرد احد المواطنات وساعدتها بس ترجع الأمور طبيعيه أرجعها لبيتها ولا كأن شي صار.
أرفد: أريد اصدگ ودا احاول بكل جهدي بس وحقك صعب ما اگدر.
هَيْصَم: حاول بجهد وخيط الجرح واطلع بسرعة من هذا البيت ولتحاول ترجع مره ثانيه حتى اني اطلب من عندك فاهم؟
أرفد: انت ناكر للمعروف عندك علم؟
هَيْصَم: افضل متترمل ريفان بسببي بوقتها اكون سبب بقتل شخصين مو واحد.
أرفد: لتخاف ما اموت هسه.
هَيْصَم: صحيح وصلك عقد من عزرائيل قبل اسبوع واني وقعت عليه.
أرفد: لتستهزء ، بعدين صدگ ليش تسوي اشياء بدون علمي هَيْصَم احنه شنو متفقين لو نسيت وعدك اليه بهاي السرعه؟!
هَيْصَم: جاسوسك خبرك؟
أرفد: مو مهم منو خبرني المهم عرفت وخلص ، أرفض الموضوع بالكامل ونطي عذر بأي شي امي متتحمل خسارته.
هَيْصَم: لتخاف مراح يتعرض لخطر حمايته مسؤوليتي ثانياً هو رجال واعي وفاهم يعرف القرار الصح من الخطأ لتخنگه بهاي الطريقة حتى متتفاجئ بيه بعدين.
أرفد: انتوا الثنين عزيزين عليه ما اتحمل خسارتكم لكن انت عنيد ومتسمع الكلمه ابداً ما اگدر اجبرك علي شي وعندك هدف معين واسبابك تجبرني ايضاً التزم الصمت لكن هو ماعنده سبب مقنع حتى يخاطر بحياته يكفي اللي صار بيه سابقاً ما اريد هذا الشي يتكرر مره ثانيه و اتمنى تفهمني.
هَيْصَم: اللي صار من خمس سنوات دافع لنسر حتى يدخل بهاي المهمه هاي المره لا انت ولا اني نگدر نمنعه لذلك خلي يسوي الشي المقتنع بيه لتضغط عليه اتركه براحته.
أرفد: الرصاصه مواصله العظم لذلك سهلت عليه العمليه انتبه لحركة ايدك لتضغط عليها هوايه وحاول قدر الأمكان لتستخدمها هاي الفتره واذا گدرت ابقى بالبيت ولتطلع لمكان ، نهض من مكانه وهو يگول ،
أياد وصل راح اخليلك المغذي بأيدك و انتظر حتى يخلص بعدين اسحبه نفس الشي مع بطل الدم.
طلع للباب فتحه اخذ الأشياء اللي يحتاجهم من أياد ودخل خله بأيد المغذي والأيد الثانيه بطل الدم وشكلهم بتاج الجربايه وبقى سهران يمه بعد ما انطاه مسكن ودخل الهَيْصَم بنوم عميق.
فيروز: فتحت اعيوني على صوت طرقات خفيفه على الباب نهضت بتململ واني احجي بنعاس،
تمام بس دقيقه،
عدلت نفسي امام المرايه وطلعتله اول مشافني گال.
أرفد: صباح الخير ، لازم يتغذه بشكل جيد اشويله كبد على سبيل المثال وكثري خضروات ولاسيماء الكرفس لأن مهمه جداً حتى يرجع الدم اللي فقده ويتحسن بشكل اسرع قللي كربوهيدرات بالأضافة بعدي عنه الكافيين ولتخلي ياكل مصاص او حامض حلو يعني الحلويات بالكامل.
فيروز: شنو السبب ليش مياكلهن؟؟
أرفد: هو شبه طلع من العمليه لازم يعتني بصحته بشكل جيد حتى ترجع عافيته بالكامل والحلويات مضرة بالصحه بشكل كبير لذلك لازم يبتعد عنها.
فيروز: ابتسمت وتعابير الصدمه على وجهي حجيت واني متأكدة كلامه مستحيل اگدر انفذه ،
دكتور بأعتقادك اگدر اسوي هيج اني ليش هو اصلاً راح يسمع من عندي وينفذ بصمت؟!
أرفد: راح ينفذ بصمت وفي حال مستمع الج استخدمي طرق ثانيه انتن النساء ماكرات تعرفن شلون تسيطرن على الرجال مينخاف عليج سهله ان شاء الله.
فيروز: كمل كلامه وابتعد عني بعدين اتوقف والتفتت وگال.
أرفد: تركت العلاج جنبه مكتوب عليه المواعيد بالأضافة ممكن ترتفع درجه حرارته بالليل انطي خافض حرارة دعواتي الج ب الموفقيه والثبات على العقل السليم وخبريه أرفد يگول هاي ثاني مره بسببك اشتغل بغير اختصاصي خلي يحاول تكون الأخيرة.
فيروز: كمل طريقة وتركني بدون ميسمع جواب ، رحت للمطبخ وغسلت وجهي اتوضيت ورجعت صليت الصبح قضاء الساعه سته والشمس بدت تشرق الجو لطيف كملت ورحت للمطبخ فتحت الثلاجه وصفنت هذا الدكتور مخبرني شنو لازم اسوي ريوگ ، طلعت اربع بيضات سلگتهم وقطعت خيارة وطماطه وفلفل شرائح وخليت بصحن جبن وطلعت الصمون وحضرت كاسة عصير برتقال طبيعي ملگيت حليب جهزت السفره ورحت لغرفته طرقت كذا مره مسمعت صوت قربت أيدي لأفتح الباب فتحه وصار بوجهي مغير ملابسه لقميص ابيض ردان طويله ممبين من عدها الجرح وبنطلون نيلي طالع صاك ابن الحلوه فزيت من صفنتي على كلامه.
هَيْصَم: بشر اني مو لوحه.
فيروز: جاوبت بغباء ، هاا.
أشرلي براسه بمعنى بعدي بعدت عبرني وهو يگول.
هَيْصَم: صباح الخير.
فيروز: ابتسمت شبيه نثولت ومصبحت بوجهه بس والله نسيت مو بيدي هيبته تصفن ، جاوبته واني امشي خلفه،
صباح النور ،شنو حاس اليوم؟
هَيْصَم: افضل من البارحه شكراً لسؤالج.
فيروز: الفضول يقره مليار هذا الشي اللي ميسمحلي اسكت لازم اسأل،
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
٥_____٦
هَيْصَم
البارت الخامس
الكاتبه zahraa022683
____
للتواصل انستا zahraaahmedn99
علقوا بين الفقرات + صواتوا للبارت + تابعوا حسابي عيناي انتوا.
شاركوا القصه حتى تكبر عائلتنه ونستمتع وي الهَيْصَم مع بعض..
___
جَاءتْ بـِ هدُوءٍ بَالغْ ، ومَلأت رُوحَهُ رِقّة ، خطوَاتُها !.
هَيْصَم: شنو تريد تسوي مثلاً اذا ما عندك علم فأحب اخبرك رجالي محاوطين المكان من كل جانب أشارة وحده اخليهم يهجمون ويخلون هذا البيت حطام.
لحظه بس قبل متسوي هذا البيت حطام الأسود حاب يحجي وياك وهاي المره متگدر تتعقب مكانه مثل القبلها فلتحاول.
هَيْصَم: خلي يكون شجاع ليوم واحد فقط ويواجهني بدل ميلعب ختيلان مثل الأطفال لو اسودكم ماعنده شجاعه ؟؟
الأسود: لتخاف اني شجاع كفايه حتى اواجهك لكن منتظر الوقت المناسب لكن هسه بما انك دخلت بيتي لازم اضيفك الأصول هيج تگول.
هَيْصَم: هوب هوب لتتحمس وترفع مسدسك بوجهي ولازم تعرف جميع رجالك الأن تحت سيطرت فريقي وانت بقيت الوحيد حر حتى هاي اللحظه بس الغزاله في عرين الأسد لتتأمل تگدر تعيش اكثر.
مو قبل ما انطيك هديتك حضرة النقيب.
هَيْصَم: استعجل لأن لازم تجي للمركز حتى نفتح وياك تحقيق.
تعتقد ألقاء القبض عليه بهاي البساطه!!
هَيْصَم: بما إني قررت ف أكيد الهَيْصَم ميحجي شي عبثي.
تعجبني ثقتك بنفسك وهذا الغرور والتكبر اللي حامله بس هذا الشي مراح يطول ابداً لابد يجي يوم وتنال جزائك اللي تستحقه وتكون مثل الأشخاص اللي ودعوا هاي الحياة تحت حكم " ادخلت بشي ميعنيك".
هَيْصَم: واني اطرائك اليه معجبني ، غصب عنك ادوس روسكم جميعاً وكلكم تتعاقبون على كميه الدمار اللي سببتوا للشباب والأرواح البريئة القتلتوها بدون ذنب فقط علمود الفلوس هوايه امهات نثكلن والعديد من عدهن ترملن، كلكم راح تقفون امام محكمة العدل ومستحيل اتراجع قبل ما اوصلكم لحبل المشنقه جميعاً بدون استثناء.
سحب ازناد وخله المسدس بوجه هَيْصَم اللي قابله الأخير بأبتسامه استهزاء هو شجاع الى درجه يقابل الموت برحابه صدر مستعد يستقبل نهايته لكن هو ممستعد ابداً يلتقي بعزرائيل قبل ميحصل انتقامه ويثأر لتلك الأرواح البريئه اللي بسببهم وجد الهَيْصَم ،
طلعت الرصاصه من المسدس وكان ملتقاها بكتف الأسد ، دخلت من الأمام وكان خروجها من الخلف سالت الدماء وفقد الهَيْصَم توازنه لحسن الحظ كان احد اعضاء فريقه موجود قريب عليه اجه عليه بسرعة وسنده نادة على فريق الدعم دخلوا والقوا القبض على الجاني اخذوا للمركز اما هَيْصَم اللي سائت حالته بعد منزف هوايه دم رفض يروح وياهم للمستشفى.
لائِث: سيدي الله يخليك لتعاند وخلي ناخذك حتى تتعالج.
يحجي بصعوبه بسبب جرحه
هَيْصَم: لا اخذني للبيت ولتخلي احد يشوفك خلي نطلع بغير سيارة.
لائِث: سيدي.
هَيْصَم: لائِث لتعبني واسمع الكلمه.
لائِث: ماشي يلا خلي نروح ، سندته وطلعنه اول مشافونه البقيه ركضوا اليه وساعدوني هو ضخم حيل ما أگدر عليه وحدي خليته بالصدر وصعدت اسوق وطلبت من البقيه يرجعون للمركز ويسدون عن غيابه حتى محد يعرف بالموضوع غير اللي جانوا موجودين ويانه عمله كلش دقيق لذلك يركز وي ادق التفاصيل بأي قضيه يلزمها وميتركها حتى ينجح بيها هو مو فقط رئيس عملي وانما اني وياه عمر واصدقاء من سنين طويله،
وصلنه للبيت ساعدته حتى ينزل ومقبل ادخل وياه بقيت يم السياره اطمأنيت عليه دخل يلا صعدت السياره ورجعت لشغلي.
فيروز: انصدمت من شفته منتكي على الباب بصعوبه والدم مالي ملابسه اجيت اصرخ من هول المنظر بس منعني من خله اصبعه على حلگه بمعنى اسكتي اقتربت من عنده حتى اسنده بعد مشفت حركته الغير منتظمة بعدني عنه وگال بهمس شبه مسموع.
هَيْصَم: حرام لتلمسيني.
فيروز: للضرورة احكام ميصير اتركك هيج لازم تتعالج.
هَيْصَم: اللي يسمعج يفكرج دكتوره كلج على بعضج محاسبه شنو فهمج بالطب؟؟
فيروز: تبقى مستفز حتى وانت بأسوء حالاتك.
هَيْصَم: بعدي عن طريقي ماعندي وقت حتى اسمع كلامج اذا ابقى هيج اموت قبل اواني.
فيروز: خليني اساعدك لتعاند مره وحده اسمع من عندي.
هَيْصَم: متعرفين اسعافات اوليه ولتخيطين الجرح شنو نوع المساعدة اللي تردين تقدميها؟؟!!
فيروز: خبرني شنو اسوي واني حاضر.
هَيْصَم: اخذي هذا الموبايل واتصلي على أرفد هو الوحيد اللي يگدر يساعدني بهذا الوضع.
فيروز: تمام بس خلي اساعدك توصل للغرفه متگدر تمشي وحدك انتَ.
هَيْصَم: لَّباءَة لتعبيني وياج بعدي عن طريقي وخليني امشي وحدي.
فيروز: عند وعند و مقبل اساعده هسه فهمنه حرام بس للضرورة احكام شنو يصير لو خلاني اسنده حتى يوصل الغرفه قابل راح اكل جزء من عنده؟!
تبعته حتى دخل اخذت الموبايل وعيني عليه شلون وجه صار اصفر واعيونه ذبلن حاسته ديقاوم لكن بصعوبه على اي لحظه يفقد توازنه ويفقد الوعي سميت بأسم الله وطلعت الأسماء طبعاً موبايله على بصمة أيدة لذلك فتحه قبل مينطيني اياه جحظت عيني من كل عقله هذا ؟!التفتت اله بسرعة وحجيت ،
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
فيروز: حجيت واني احاول اسيطر على نبراتي حتى ميظهر التوتر بصوتي ،
بشنو تعاقبني؟
هَيْصَم: تنحبسين داخل هاي الغرفه اسبوع كامل بدون متشوفين ضوء الشمس مثل السجناء تماماً وفي حال خطر على بالي عقوبه ثانيه انفذها على سبيل المثال اخلي اصوات اشباح يمج والأضويه مطفيه ، تخيلي بس هذا المشهد يستحق يكون بفلم رعب.
فيروز: انت مجرم شلون ينطيك گلبك تسوي ببنيه بريئة هاي الأمور؟!
هَيْصَم: خارت قواج فقط من كلامي اذا صارت فعل شنو تسوين وقتها؟؟
فيروز: متسويها اعرف لتحاول تخوفني بهاي السوالف.
هَيْصَم: واثقه جداً!!
فيروز: گتلك ماعرف شي ليش مصر احجي بشي اني ماعرفه؟؟
هَيْصَم: معقوله اخذوج من البيت وانت نايمه ، دخلوا لبيتج عنوة وخلوا على انفج مخدر بعدين خطفوج وخلوج بذلك البيت المشبوه صح؟
فيروز: رفعت اكتافي بحركه الممكن ، اجوبتي عصبته حيل نهض من على الكرسي وحجه بغضب.
هَيْصَم: راح اعد للثلاثه اذا مسمعت جواب هاي المره راح انفذ العقوبه وبدون متاخذني بيج رأفه ورب الكائنات ،
واحد ، اثنين ، ثلا..
فيروز: خفت حيل وعرفت اعنادي مراح يجيب نتيجه لذلك قبل ميكمل قاطعته ،
تمام راح احجي بس قبل لا انطق اي حرف اريد من عندك ضمان متأذة او يصيبني مكروه من مهمتك واضح.
هَيْصَم: وعد خدش بسيط ميصيبج كوني متأكدة.
فيروز: وعدك ما اريده اقسملي على القرآن وخلي رب السماء شاهد على كلامك بوقتها فقط اگدر اثق ويطمأن گلبي.
هَيْصَم: مثل متردين.
فيروز: نهض من مكانه وراح يم الكنتور فتح الباب الوسط مالته وطلع من عنده مثل الصندوق مستطيل ملفوف بقطعة قماش خضره اتقرب من عندي وخلاه امامي خله ايدة عليه وراد يقسم وقفته.
لحظة.
هَيْصَم: شنو صار ؟
فيروز: ممتوضي شلون تخلي ايدك على كتاب مقدس و اسماء طاهره؟!
هَيْصَم: مجنت من كفار قريش حتى ما اعرف الأحكام لَّباءَة.
فيروز: متوضيت مشفتك.
هَيْصَم: مبقى شي لأذان المغرب لذلك توضيت حتى اصلي عندج سؤال ثاني لو نبدي بشروطج؟
فيروز: متوقعتك متدين ابداً فاجأتني الصراحه.
هَيْصَم: منو گلج اني متدين؟
فيروز: مو تصلي لو تكذب عليه؟
هَيْصَم: ليش كل واحد صلى معناها متدين!!
انت قاريه مقولة الف من قارئ القرآن و القرآن يلعنهُ؟
فيروز: لا بس سامعتها.
هَيْصَم: تحششين؟
فيروز: غريب امرك يا اخي اصلاً لو تتعبد بعد الف سنه رب العالمين ميتقبل من عندك على اللي دسويه وي وحده بريئة مثلي.
هَيْصَم: اذا تقبل من عندج ودخلج الجنه بذلك الوقت ردي معروفي اللي اقدمه هسه وسحبيني وياج اهناك سمعت ايگولون المؤمن يغفر لأربعين مؤمن وياه.
فيروز: تستهزء حضرتك ؟
هَيْصَم: استغفر الله تفيضين نكد انتِ.
هسه اتركي هذا الكلام و سولفي.
فيروز: لسه مقسمت.
هَيْصَم: استغفر الله على مبتلانا ، اقسم بهذا القرآن المنزل على نبيً مرسل راح احميج مقابل حياتي ومستحيل اخلي اي شي يصيبج او يطخج حتى لو عن طريق الخطأ ،
تگدرين تحجين هسه؟
فيروز: ماشي راح احجي ،
فتحت اعيوني على صوت المنبه شفتها ساعة سبعه الصبح نهضت من مكاني بسرعه اني انسانه متكاسله جداً وما احب الألتزام واكره شي اسمه اترك النوم واروح للشغل ليش يعني ميصير دوامنا مسائي؟
لو صرت مسؤوله بالدوله اول قانون انزله ماكو دوامات الصبح واخلي جميع الناس ينامون ، اخذت دوش سريع وغيرت ملابسي لبست جينز اسود وبدي اسود رفعت شعري ذيل حصان وطلعت من البيت أجرت سيارة ورحت لعملي اني اشتغل بشركه وظيفتي محاسبه مديرنا نحس حيل ويعاقب على ابسط الأشياء ک تأخير خمس دقايق حتى لو مجنت متعمدة يخصم من راتبي شركه اهليه والموظف عدهم غير محترم ، كملت عملي الساعه ثنتين الضهر رجعت للبيت بتكسي موظفه جديدة ولسه ملگيت خط يوصلني و الصراحه ماعندي ثقه بأحد لذلك كتفيت بتأجير سيارة والدي علمني احفظ رقمها قبل ما اصعد بيها للأمان لذلك التزمت بهاي النصيحه لأن مره واني راجعه من الدوام حاول ابو التكسي يلعب بذيله ويايه خفت حيل وقتها ومعرفت شنو اتصرف خطرت على بالي فكره اطلع موبايلي واتصل بأي احد يصير بوجهي لحسن حضي مرت من يمي سيارة شرطه فسويت نفسي اتصل بشرطي على اساس هو احد اقاربي السايق خاف وصلني لبيتي ومن ذلك الوقت صرت اخذ الحيطه والحذر وي كل مره(الناقله روعه الطائي)
اصعد بيها تكسي ،
المهم نزلت قريب سوبر ماركت صغير يصير بدايه الفرع مالتنه اشتريت من عنده كم شغله احتاجهم ورجعت ، طلعت المفتاح حتى افتح الباب اتفاجأت مفتوح حجيت وي نفسي واني ادخل للبيت ، اني متأكدة قفلته قبل ما اطلع منو فتحه ؟
بيتي عباره عن غرفتين واستقبال طابق واحد كلش بسيط لكن بيه ذكريات طفولتي وحياتي بأكملها مميز عندي بشكل مختلف احلى شي بالكون هي البساطه والدي معلمني ابداً على التكبر او الغرور بنفس الوقت مجان يحرمني من شي ابداً مخلاني جوعانه يوماً ما ودائماً يخليني بحضنه من ينام يخاف عليه وكأني جوهره ثمينه الأباء هم هيج او ممكن فقط والدي ،
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
دخلتها لغرفه التحقيقات ورجعت لمكاني وهو بلش يحجي وياها.
هَيْصَم: احجي الحقيقه وعد محد راح يأذيج ويصير اللي ترديه اكيد انت متردين تخلصين عمرج ب السجن مع اشخاص مجرمين وما اضمن سلامتج الجميع ممكن يتحرش بيج ويعرضوج لمواقف سيئة تتمنين الموت ومتعيشيها، ف يا..
نياسم سيدي.
هَيْصَم: اهلاً بيج ست تشرفت بمعرفتج وهسه اذا ممكن تحجيلي شنو السبب ليش حاولتي تقتلين زوجج بهاي الطريقة؟
نزلت دموعها وكمية الألم بعيونها لاتوصف تحجي بنبره مليانه قهر وحزن جبير.
نياسم: عمري 25 سنه وزوجي 28 حبينه بعض وتزوجنا بصعوبه هم عائلة عشائرية الولد هو اهم شي عدهم حتى لو تزوج اكثر من مره مو مهم ومو مهم كم گلب راح يكسر بهذا التصرف المهم هو الوريث ، جنت اتمنى اعيش وياه شعور الأمومه كأي انسانة ثانيه لكن رب العالمين مقدرلي هذا الشي صبرت وتحملت بداية الموضوع وتأقلمت لكن حماتي جانت تكرهني حيل ومتحبلي الخير ابداً لذلك تحجي عليه امام امه بين ليله ويوم صار البيت كله يكرهني ويسموني العقيم محجيت ومشكيت اله حتى مينقهر واني اشوف شلون يتعب بشغله كتمت بداخلي لدرجه مگدرت اتحمل اكثر وصارت عصبيتي على شكل انفجارات بوجهه ، لكن رجعت ستغفرت ربي واني اشوف بيتي راح ينهدم لكن عذراً من عندك سيدي انت تعرف بعض النساء من يكرهن وحده يبدن يحرگن گلبها بأي طريقه ، حماتي صارت حامل والله من گلبي فرحتلها لأن ماعندي شي وياها هي تكرهني بدون سبب ، صارت تشمت ببلائي وتسوي حركات تغورني بيها هي راح تصير ام لخامس مره اما اني راح ابقى عقيم طول عمري ،
شهگاتها علت وكملت كلامها بألم اكبر ، طلبت من عنده الطلاق واني اعرف مستحيل اگدر اعيش من دونه بس هذا الحل الوحيد حتى يرتاح واني ارتاح و يگدر يتزوج ويصير اب مثل ميريد مقبل ورفض طلبي سويت مشاكل وطلبت من عنده نطلع بيت وحدنا فكرت راح يتخله عني بس هو سوه العكس وسمع كلامي ومعترض تندمت لأن ضغطت عليه شنو ذنبه يتحملني واني بدون فائدة وما أگدر اخليه يصير اب ، مع هذا قررت افتح صفحه جديدة وانسى الماضي بس مستمر هذا الوضع فتره طويله واني اسمع عمتي راحت تخطبله رجعت ايضاً طلبت الطلاق اتركه افضل ما اشوفه يتزوج عليه وحده تشاركني بيه لكن مجانت رغبتي اتركه ابداً اني احبه ومن سنين، رجع رفض هذا الشي اللي مخلاني اتحمل وخاصتاً من اتخيل يدخل يمها ويسمعها كلمات حب واني اموت قهر شخص ويدخل السجين لگلبي لذلك فكرت اذا سويت هاي الحركه ممكن يتركني ويتخله لذلك جبت السجين وقتربت من عنده جان هدفي اخوفه والله مجنت قاصده القتل ربي يشهد.
هَيْصَم: عندي حل لمشكلتكم اذا حابين تسمعوا اكيد ؟
دُريد: اكيد سيدي تفضل.
هَيْصَم: كل اللي صار هو بسبب عائلتك لذلك اطلع من المنطقه واذا گدرت غادر المحافظه بالكامل وتبنوا طفل اذا تردون تصيرون اباء او تگدرون تعالجون واني راح اوكل طبيب هو يساعدكم بهذا الشي ولتفكرون بالمادة المهم ترجعون لحياتكم الطبيعيه.
دُريد: رحم الله والديك سيدي ماعرف شلون اشكرك ساعدتني وحليتلي مشكلتي مجان عندي فلوس حتى اعالجها تعرف هيج امور تكاليف هوايه.
هَيْصَم: مسويت شي هذا واجبي و خبرتك لتفكر بالمادة المهم تصيرون اباء وتنحل مشكلتكم.
نياسم: ربي يرزقك ويفتحها بوجهك ويبرد نار گلبك ويرزقك اللي يضمد جروحك مثل مضمدت جروحنه.
هَيْصَم: شكراً الكم تگدرون ترجعون لبيتكم راح تتسكر هاي القضيه ولا كأن انفتحت اصلاً اخذوا راحتكم.
دُريد: شكراً مره ثانيه سيدي.
هَيْصَم: مو كل المشاكل تنحل ب الضرب الهدوء والفهم الكثير الأحيان ايكون هو الحل سيمائهم في وجوههم مو آيه عبثيه مو صح لائِث.
لائِث: كلامك عين العقل سيدي.
هَيْصَم: انت الوحيد اللي مصبرني على هذا المركز عندك علم؟
لائِث: شهادة اعتز بيها سيدي.
هَيْصَم: لحظه ضَرْضَم يتصل ، الوو نعم .
ضَرْضَم: سيدي وصلني شي مهم لازم اخبرك بيه هسه.
هَيْصَم: اسمع.
فيروز: نايمه بصوره عميقه فجأة نفتح الباب بطريقة خلتني اطفر من مكاني اعيونه حمر وشرايين رگبته بارزه سحب كرسي وخلاه مقابيلي ويحجي بكمية غضب جبيرة.
هَيْصَم: شنو اللي يربطج ب لّهيم ليش مستقتل حتى يعرف مكانج ؟؟
فيروز: بلعت ريقي بصعوبه واجيت انطق محسيت الا واني..
يتبع..
هَيْصَم
البارت الرابع
الكاتبه zahraa022683
__
للتواصل انستا zahraaahmedn99
علقوا بين الفقرات سوولي واهس اكتب + تصويت ومتابعه لحسابي عيناي انتوا.
شاركوا القصه حتى تكبر عائلتنه ونستمتع وي الهَيْصَم مع بعض.
وخفوا على بطلنا لساتنه بأولها يحلوين..
__
- هناك أمور يكاد يستحيل على المرء أن يرويها، وأن أبسط الأفكار وأوضح الافكار هي بعينها أعسرها على الفهم.
فيروز: عقدت حاجبي بتساؤل ،
منو هذا لّهيم ؟؟
هَيْصَم: هذا سؤال موجه الج منو لّهيم وشنو العلاقه اللي تربطكم حتى استنفر كل جماعته يبحثون عنج؟؟
فيروز: احنه متفقنا تحقق ويايه وانت مو بوعيك روح نام ورتاح وباجر نسولف بهدوء.
ضرب على الكرسي بقوة وزئر بغضب.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
رجع نظره طبيعي وهو يستمع اله بعدين گال.(الناقله روعه الطائي)
هَيْصَم: خبره ليتصل اني اذا احتاجه اخبره ماكو داعي لحركات المراهقين اعرف شنو اتصرف.
نسر: بينكم شي معجبتني نبرتك؟
هَيْصَم: ارتكبت جريمة وهو مخبي سرها لذلك خايف عليه حتى ما اعتقل.
نسر: أرفد يخاف عليك ويساعدك بقضيه غير قانونيه؟؟!!
احجي هذا الكلام لواحد ميعرفه مو اني اللي عشت وياه كل اسنين عمري.
هَيْصَم: ارجع لعملك نسر وكافي تضيع وقتي.
نسر: انتظر من عندك اتصال.
حوري: طلعت من المدرسه اليوم آخر يوم امتحانات واخيراً خلصت اكثر مرحله مزعجه وصعبه تعبت بيها الى درجه متنوصف وحتى ملامحي تغيرت ، بقيت منتظره يجي الخط حتى ارجع للبيت واني واگفه انتظر يم الحارس توقفت يمي سيارة بيضه ونزل من عدها لابس قميص ابيض وبنطلون نيلي ازرار قميصه مفتوح من عدهم ثنين نزع نظارته السودة وخلاها بأيدة نظرلي نظرة غريبه اول مره يباوعلي بهاي الطريقة اني ملاحظة مراقبته اليه من فتره بس ماعرف شنو السبب ليش يجي يوميه بدون كلل وينتظرني ويبقى وره سيارة الخط يتأكد من عندي ادخل للبيت يلا يروح الصراحه عجبني تصرفه وكبر بعيني وليوم فكر يجي يحجي ويايه او يسمعني كلمه محلوه حبيت هذا الجانب بيه على رغم هو اقاربي لكن متجرء وستغل هذا الموضوع ،
صفن بوجهي شويه بعدين گال والأبتسامة ماليه ثغرة.
محمد: راح نبقى واگفين اهنا متردين ترجعين للبيت؟
حوري: حجيت بتوتر ، اي ارجع لكن انتظر ابو الخط يوصل وياخذني.
محمد: ميحتاج اني موجود تعالي ويايه اوصلج طريقي على بيتكم.
حوري: لا ماريد اتعبك شكراً بس راح انتظر الخط.
محمد: لهاي الدرجه متثقين بيه ابن عمج اني مو غريب!!
حوري: وأن اني ماعرفك ولقائاتنا قليلة جدا بس الأغبياء يثقون بسرعة بأشخاص ميعرفوهم.
محمد: اذاً خلينا نتعرف ونقوي علاقتنا معقولة احنه اقارب ومنعرف شي عن بعض ميصير.
حوري: اسمحلي لكن ما أگدر اعتذر جداً من عندك اهلي ربوني بطريقه جيده ومستحيل اخون ثقتهم.
محمد: واني مثل اهلج مستحيل اخليج تندمين اذا نطيتيني فرصه بس وحده او وعد مستحيل اخونها.
حوري: انت ليش مصر لهاي الدرجه شنو تريد من عندي؟؟
اخذ نفس عميق وعيونه تطلب من عندي اصدگ كلامه.
محمد: بأخر مره اجيتي بيها لبيتنه من شهرين تقريباً وانت لابسه فستان اسود وشال بيج ومخليه روج وردي وتحجين وي ريفان ومنطلقه وبدون متنتبهن على اللي ابتسامتج أسرت گلبه وسحرتة وحتليتي احلامه بهاي اللحظة قررت انسى كل مشاكلي وكرهي لخوانج وافتح صفحه جديده واخلي هذا الحب هو بداية قصتي وياج.
حوري: صفنت على كلامه والتمست بنبرة صوته الصدق بهاي اللحظة اكو شي داخلي نولد بنيه مراهقه مفتقدة الحب فقط اشوفه ب المسلسلات و الأفلام وهيج شخص يجي ويعترفلي بحبه خلة مشاعر الفرح تتهيج بداخلي وحسيت الدنيا مليانه الوان عكس الحياة اللي عشتها وي اهلي صحيح أرفد انسان ماكو مثله ويدعمني ويسمعلي دائماً ومعتني بيه لكن كل واحد بينه يريد يعيش هذا الشعور مال الأهتمام ويحس بوجود هذا الأنسان اللي يهتم بيه ويبحث عن راحته ،
خطأ وذنب جبير لايغتفر ارتكبته بوقتها واخلص كل عمري واني ندمانه عليه بعض الأحيان تخسر عمرك مقابل نزوة تافهه تمر مرور الكرام ، اللذه تنتهي ولكن التبعيه تبقى ملاحقتك على مرور السنين،
اجيت اجاوب وقفني.
محمد: لتحجين شي هسه اخذي وقتج ب التفكير وان شاء الله النه لقاء ثاني نسولف بيه على راحتنه لكن هسه خليني اوصلج للبيت لتبقين اهنا وحدج بهيج وقت متعرفين الناس ونفوسهم السيئة.
حوري: اذا خواني عرفوا يسببولي مشكله بوقتها ما أگدر ادافع عن نفسي او اقدم مبرر حتى لو كان كلامك صحيح تبقى شخص غريب بالأضافة نسر وأرفد ثنينهم يكرهوك ومنتظرين عليك الزله لتخليها تصير بوجهي الله يخليك.
محمد: كلامج صح الصح مع هذا اني مصر متبقين اهنا وحدج راح ابقى منتظر وياج حتى يجي الخط وياخذج وهاي المره متگدرين تعترضين.
حوري: بقه واگف يمي ومنطق ولا حرف حتى وصل الخط صعدت بالسياره وصلت للبيت من نزلت انتبهت على سيارته يعني متركني ک العادة ليش حتى اكذب مشاعري جانت هاي اول مره گلبي يدگ الشخص ومعرفت هاي الدگه هي اللي راح دمر حياتي وتخسرني اغلا انسان.
لائِث: سيدي.
هَيْصَم: نعم لائِث شنو المشكله ؟
لائِث: لازم تراقب الوضع اللي يصير حالياً بغرفه التحقيق.
يحجي وهو ينهض من مكانه.
هَيْصَم: شنو صاير؟
لائِث: احد المنتسبين يستخدم العنف مع معتقله.
هَيْصَم: شنو تهمتها؟
لائِث: الشروع بالقتل لكن هي رافضه الأعتراف ومصره انو هي ممسويه شي والتهمه باطله.
هَيْصَم: منو رفع عليها الدعوة؟
لائِث: زوجها.
هَيْصَم: رادت قتله صح؟
لائِث: نعم سيدي.
دخل للغرفه واول كلمه نطقها من شاف حالتها السيئة ومنظرها الكله دم.
هَيْصَم: الدليل.
عاصم: سيدي زوجها اعترف عليها حاولت تقتله بالسكين وهو نايم حتى ايدة مجروحه والشاهد اقوة من الدليل.
همهم بعدين نطق
هَيْصَم: گلت زوجها ، جيد، احسنت.
لائِث سجل.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
هاي الضخامه يكتفي فقط بهذا الأكل ؟؟
هاي الوجبه اني اعتبرها وجبه أضافيه بين الوجبات.
ياكل بهدوء ورقي يجذب المقابل ينتبه على الأتكيت مالته حفظت كل حركه ايسويها بمخيتلي هو ابداً ميرفع راسه من الصحن اثناء الأكل وحتى موبايله رن أكثر من مره مرفع الخط وحتى مشاف منو المتصل الصراحه اسلوبه عجبني حيل وتذركت مقاطع الأكل اللي اشوفه بالموبايل ضحكت واني اتخيله ياكل مثلهم ، قطع افكاري هو ويحمل المواعين ملاته حتى يغسلهم انتبهت على نفسي مأكلت شي ابداً رفعت ايدي وبديت اكل وهو طلع من المطبخ ماعرف وين راح كملت اكلي ونهضت حتى اغسل المواعين وگفت على السنك وماعرف شلون سحبهم من ايدي وهو يگول.
هَيْصَم: اتركيهم عنج اني اغسلهم.
فيروز: فتحت اعيوني متفاجئة هاي اول مره شخص يطلب من عندي هيج طلب معقولة عدنه بالعراق هيج نماذج زين وينهم قبل ليش مدخلوا حياتي ؟؟
حجيت واني الغرابه ماليه نبرتي ، انت تغسلهم!!
هَيْصَم: انت ضيفتي واهل البيت واجبهم يأدون كرم الضيافه.
فيروز: راح اصدگ هذا الكلام لو جنت ضيفه لكن اني اهنا مختطفه اذا ناسي حبيت اذكرك.
هَيْصَم: حتى المخطوفين ميغسلون مواعينهم لذلك ماكو فرق بالحالتين.
فيروز: مستفز.
هَيْصَم: شهادة اعتز بيها.
فيروز: رجعت لمكاني وبدت اسألتي الفضوليه ،
هذا بيتك؟
هَيْصَم: لا.
فيروز: لعد بيت منو؟
هَيْصَم: بيت والدي.
فيروز: يعني بيتك ايضاً شنو الفرق!!
هَيْصَم: راح يكون البيت ملكج من تستحقين هذا الشي.
فيروز: اجوبتك غامضه مفهمت من عدها شي ابداً.
هَيْصَم: تتعودين مع مرور الوقت.
فيروز: ليش اشگد انت مقرر اتخليني اهنا؟؟
هَيْصَم: الى اشعار آخر.
فيروز: بس ميصير هيج ليش متفهم اني بنيه وجودي وي رجال وحدنه بيت ما اعرفه غلط خليك ابمكاني و افهم هذا الشي.
هَيْصَم: مو من عادتي اشرح مخططاتي للأخرين لكن في حالتج راح اكسر هاي القاعدة ،
اولاً مجبتج اهنا حتى اتسلى او اغير جو وياج.
ثانياً وجودج اهنا افضل من بقائج ببيت مشبوه وانت تعرفين شنو قصدي مداعي اشرح.
فيروز: لحظة بس شنو يعني بيتي مشبوه من وين اتجيب هذا الكلام ؟؟
هَيْصَم: انت الأن مثل اللبوة المجروحه الجميع بأنتظار سقوطج قدمج على حافه الهاويه ما أن ارخي وياج الحبل اتموتين.
فيروز: افهم من كلامك انت نقذتني صح ؟
لكن من منو؟!
هَيْصَم: من الجميع.
فيروز: شنو السبب؟
هَيْصَم: اللي عرفتيه للأن يكفي وزيادة الأفضل مندخل بالعميق أكثر معلوماتج ايضاً تعتبر خطر.
فيروز: ليش حتى اثق بيك ممكن اتكون واحد من عدهم ؟؟
هَيْصَم: مجبورة اتثقين ماكو خيار ثاني.
فيروز: اذا كلامك صح ليش ساعدتني؟!
شنو غايتك من هذا الفعل؟؟
ابتسم شبه ابتسامة و اقترب من الكرسي اللي گاعدة عليه وگال.
هَيْصَم: اللي يريدج اني أريدة.
فيروز: شنو قصدك ؟؟
هَيْصَم: كوني صبورة بنهايه المطاف راح تفهمين كل شي.
فيروز: اذا عرفوا بمكاني شنو ممكن يصير؟
هَيْصَم: يقتلوج او اذا مسووها اقتلج اني بالحالتين الموت بأنتظارج.
فيروز: كل محاولاتي بأصطناع القوة امامه بائت بالفشل وهو يحجي بسيرة الموت بلعت ريقي بصعوبه واني اتخيل شنو راح يكون وضعي حس عليه وكمل كلامه.
هَيْصَم: انت بأمان كوني مطمأنه مستحيل يعرفون مكانج اذا بقيتي عاقله وتصرفتي مثل ما اگول وانت مجبرة تسمعين كلمتي اذا ردتي تعيشين اكثر ومتموتين بطريقة مأساويه.
فيروز: شنو ذنبي اني مجرد ابنيه بسيطه عايشه مثل البقيه موظفه واسعى لكسب قوت يومي بشرف ليش حتى اعيش هيج وضع سيء؟؟!!
هَيْصَم: بعض الأحيان احنه مجبرين ندفع ثمن اخطاء غيرنه ، لتعتبرين نفسج مظلومه و كوني شاكره لوجودي حتى انقذج اشخاص ثانين ماتوا بطريقة مأساويه وحتى تشيع وعزاء مسوولهم.
فيروز: اريد ارجع للغرفه وبيتك لساتني محافظته تگدر تساعدني؟
هَيْصَم: فقط اربع بيبان اثنين على جهه اليسار وثنين على اليمين اللي بنص هي الغرفه بابها اسود و عليها راس اسد باللون الذهبي.
فيروز: صرت لطيف فجأة شنو موضوعك؟؟
هَيْصَم: لازم نعتني بيج قبل الذبح.
فيروز: مو اني دجاجه بنظرك حتى تذبحني!!
هَيْصَم: لا انتِ لَّباءَة.
فيروز: حجيت بتذمر واني افتح باب المطبخ حتى اطلع ، واحد مزعج شايف نفسه على شنو ماعرف.
دخل بعدي للغرفه وطلع ملابسه بسرعه ودخل للحمام ربع ساعة وطلع من الفراغ اللي اني بيها اعيوني تراقب تحركاته خله عطر ولبس ساعة فضية لزم النظارات بأيدة وقبل ميطلع گال.
هَيْصَم: تگدرين تغيرين مكانج و ترحين لأي غرفه تعجبج ، اشربي العلاج و انتبهي على صحتج وبالثلاجه موجود اكل اذا جعتي لو تسمعين صار انفجار من باب غرفتج مطلعين.
فيروز: ليش تريد اموت وحدي يعني؟
هَيْصَم: لتخافين راح احرص على دفنج مثل ميليق.
فيروز: ان شاء الله اخلص من عندك عن قريب يارب.
هَيْصَم: نفس امنيتي سبحان الله.
فيروز: طلع بعد هاي الجمله وتركني بحيرتي وحدي والأفكار تلعب بعقلي ياترى القدر شنو مخبيلي اكثر من اللي صار ويايه؟
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 21:13
هَمَّاس: تأمر سيدي.
فيروز: ضربوله تحيه الجميع حتى اللي واگفين بعيد عنه اخذنه للسياره صعدني بالصدر وطلع كلبچه خلاها بأيدي والثانيه خلاها بالباب حجيت بيه بعصبيه،
لتعاملني بهاي الطريقة وكأني معتقل افتح ايدي لتخاف مراح اهرب وانت مكثف مراقبتك اليه.
هَيْصَم: ولي صار قبل اشويه شنو تسميه؟؟
فيروز: سكر الباب ومسمع جوابي صعد مكان السايق وبقى اللاسلكي مالته يشتغل مسكت ابداً دقائق قليله سمعت صوت اطلاق نار ورانه صحت بيه بعصبيه،
اذا انت حياتك متهمك حياتي مهمه معشت كل هذا العذاب حتى اموت بدون هوية من اجل تحقيق أهدافك.
هَيْصَم: اهدأي مراح يصير شي كوني مطمأنه اخذي نفس عميق وشغلي بالج بأشياء حلوة حتى نوصل.
فيروز: انت بوعيك جديات والله دا احجي؟؟!!
يا اخي اطلاق نار على اي دقيقه ممكن يصوبون سيارتنه وبعدها بح انكون بفعل كان معقوله لهاي الدرجه انت فاقد الأحساس؟؟
هَيْصَم: ممكن جداً.
فيروز: غثيث عندك علم ؟
هَيْصَم: صفه جيدة لأن بالعادة الأنسان من هيج نوع يضر الأخرين ميضر نفسه.
فيروز: هَيْصَم الله يوفقك لتسوي ويايه هيج اني بشنو أذيتك حتى تعاملني بهاي الطريقة؟!
هَيْصَم: لَّباءَة اسمعي و ركزي ويايه تمام، هاي السياره مضادة للرصاص بالأضافة الأشخاص اللي يرمون مراح يقتلونا كوني مطمأنه غير هيج لتسألين لأن ماعندي جواب.
فيروز: بس اني ما اتحمل هيج وضع ممجبورة ابداً اعيش حرب نفسيه عقليه بحجه تحمي حياتي راح ادخل مستشفى مجانين.
هَيْصَم: بوقتها اضمن تلقيج العلاج من اشطر الأطباء وشرط ميكون عراقي.
فيروز: ليش شنو ناقصهم العراقيين؟!
هَيْصَم: ما اثق بالأطباء جميعاً ماعدا واحد.
فيروز: السبب؟؟
هَيْصَم: بدون سبب هيج من الله عندج مانع؟
فيروز: ماعندي صيدليه.
هَيْصَم: هه متضحك.
فيروز: هه مردت اضحكك،
هَيْصَم: جوعانه؟
فيروز: ليش هو الوضع الحالي ايخليني احس بجوع؟!
هَيْصَم: اني بنص الهجوم اكُل لذلك عندي هذا الوضع شي طبيعي جدا وعليه سألتج حتى اجيب شي تاكليه.
فيروز: من نوصل ناكُل ممشتهيه هسه.
هَيْصَم: راح انطول مسافه كلش بعيدة متگدرين تتحملين كل هذا الوقت بدون متتغذين.
فيروز: هَيْصَم خليني بالصورة على شنو ناوي حضرتك؟؟
هَيْصَم: كل خير ان شاء الله.
فيروز: انت من تگول هاي الجمله اقسم على انو ماكو خير منتظرنه ابداً.
هَيْصَم: جيد لتتفائلين ابداً متعرفين اشوكت يغدرج الحظ السيء ويخرب كل احلامج فجأة وبدون سابق انذار.
فيروز: حتى لو عندي ذرة أمل من اشوفك أمامي تتبخر.
هَيْصَم: اكو مقوله كلش احبها على رغم اني ما احب اقرأ ابداً لكن هي من ضمن بعض المقولات اللي ترسخت بعقلي يقول بيها الكاتب الروسي دوستويفسكي ( لا تسمحوا لمجرد يوم جميل أن يشعركم بأن لديكم حياة سعيدة، حياتكم جحيم وستبقى كذلك!).
فيروز: والله صارت جحيم من تعرفت عليك عيشتني بفلم من هوليوود.
هَيْصَم: جميل جداً لأن مستحيل توصليلها بالواقع كوني شاكره اليه على هذا المعروف القدمته لحضرتج ست لَّباءَة.
فيروز: اني متأكدة الطينه اللي نخلقت من عدها ممزوجه بمغثة وشويه ازعاج ونكد انسان مثلك بعمري مشفت ماعرف من شنو مصنوع؟؟
هَيْصَم: تصحيح اني مخلوق مو مصنوع بالأضافة انت دارسة علمي وتعرفين الأنسان بأي طريقة يتكاثر يعني ميحتاج اشرح بأي طريقه يخلق الأنسان اللي انخلق من طين هو فقط النبي أدم عليه السلام اما نحنُ جميعاً انخلقنه بالطريقه اللي درستيها بالسادس.
فيروز: انت شلون عرفت اني دارسه علمي تخصصي موجود حتى بالأدبي؟!
هَيْصَم: تتوقعين اخليج يمي كل هاي المدة بدون ما اعرف شي عنج؟!
فيروز: شنو السبب ليش بحثت بماضيي؟!
هَيْصَم: وليش حتى ما ابحث؟!
فيروز: لتجاوبني بسؤال.
هَيْصَم: اسألتج غبيه جداً لذلك ماعندي جواب الها.
فيروز: وين الغباء بالموضوع سؤال وجيه بس انت متريد تجاوبني وتريح عقلي من التفكير.
هَيْصَم: وهذا جيد حتى ينشط الدماغ وميبقى عقلج في حالة خمول.
فيروز: مستحيل اوصل وياك لنتيجه افضل شي ما اتجادل وياك.
هَيْصَم: واخيراً راح تخليني اعرف اسوق مثل الأوادم صدگ من قالوا النساء مزعجات.
فيروز: يعني فوگ مخاطفني تسميني مزعجه انت شنو من بشر؟!
هَيْصَم: ناقذج اني ليش متفهمين؟!
فيروز: رجعني لحياتي واني افهم افضل متاخذني لمكان ماعرف شنو هو.
هَيْصَم: منزل مثل اي منزل آخر مراح اخذج للفضاء.
فيروز: لو تاخذني للجنه بما انو هي مو بيتي مراح احس بالأمان خلي عندك علم.
هَيْصَم: احاسيسنه مجرد كذبه جبيره الواقع يدمرها كل يوم ومع ذلك نبقى عايشين بهذا الوهم ومنقبل نفيق من عنده على رغم جميع الأدلة تثبت على انو التغيير مستحيل لكن احنه مصرين لازم نغير وننصدم بحياة بائسة جداً ويبقى التغيير موجود بمخيلتنه فقط لا أكثر لذلك لتتوهمين بأمكانيه التغيير اذا وگع الفاس بالراس لارجعه وماكو مفر اتقبلي الواقع وبطلي احلام حتى لو انتهت هاي المهمه مراح ترجعين لَّباءَة السابقه.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 21:13
قطع كلامي بسحبه اليه من خصري وقربني من عنده حيل أيد مثبت بيها جسمي والثانيه ثبت بيها راسي وجهي مقابيل وجه اعيوني بعيونه نظرته تغيرت تماماً ماعرف افسرها فهمت شنو يريد من شفت اعيونه نزلت لشفايفي عرفت نواياه ضربت على صدرة حيل بس هو ولا كأن دمج شفايفنا مع بعض صار يعبث بيهم براحته نزلت ادموعي واني ادفع بيه بعيد حتى حسيت اكو لزوجه بأيدي تركني بعد فتره سحبت النفس بصعوبه ورجعت اضرب بصدره اقوة من اول مره مسك أدية مع بعض وكتفهم وره ظهري وخلاني على الحايط يحجي بنبرة تأنيب قريب وجهي.
هَيْصَم: اهدأي واسمعيني خليني اوضح لتتصرفين بطفوليه لَّباءَة.
فيروز: عصبتني طريقته بالكلام صرخت بيه بغضب ،
انتم الرجال جميعكم نفس شي ثله من الحقراء تتبعون شهواتكم ومتفكرون بينه ابداً شنو الداعي حتى تبوسني شنو استفاديت هسه؟؟
هذا وانت ماخذ دور المحامي لعد شنو بقيت للكلاب اللي بالشارع وهاي انت من اول فرصه استغليت ضعفي وعدم مقدرتي على ردعك وتجرأت ويايه بوقاحه، تكره لمس النساء وحتى منعتني اساعدك بالجرح بحجه الحرام وتالي اول مصحة الفرصه اتبوسني الشرفيات اللي بعتها براسي شنو محلها بالأعراب؟!
صفنت اشويه بعيونه واني انظرله بغضب بعدين گلت بأسى جبير،
خاب ظني بيك انت الوحيد اللي حسيت بالأمان واني وياه هذا السبب اللي خلاني ابقى لكن منو بينه ميخطأ وغلطة الشاطر بألف،
رجعني لبيتي مستحيل ابقى يم واحد حقير استغلالي مثلك.
ضغط على أدية حيل وقرب راسه أكثر من وجهي يحجي بطريقه خلت كل اعظامي تضرب بعضها.
هَيْصَم: بدون موافقتي باب البيت متگدرين تلمحيه واضح وبالنسبه للي صار قبل شويه بدون أرادتي اسف.
فيروز:صرخت بوجه بغضب،
أسف؟؟
هذا اللي الله قدرك عليه بعد السويته!!
بعيداً عن الحرام انت اخذت اول بوسه اليه وحرمتني اني اعيشها وي حب حياتي.
هَيْصَم: شنو تردين هسه بأي طريقه اعتذار راح تسامحيني وتنسين؟!
فيروز: ما اريد من عندك اي طريقه اعتذار والأصح ما أريد اسمع صوتك رجعني لبيتي لأن مستحيل اتحمل البقاء وياك بنفس البيت ليش متفهم؟!
هَيْصَم: برضاج أو غصب تبقين بالبيت تحت نفس السقف وياي وتتنفسين ذات الهوه اللي اتنفسه وظلج ميفارق اعيوني.
فيروز: اكرهك.
هَيْصَم: ولتحاولين اتحبيني.
فيروز: اترك أيدي ولتلمسني مره ثانيه فاهم،اقترب من عندي اكثر وهو يحجي بمكر.
هَيْصَم: والا؟؟
فيروز: شوف اني انسانة مجنونه والله ارتكب بيك جريمه وادخل سجن لتختبر صبري واضح.
هَيْصَم: سويها اني اصلاً اريدج بهاي الشجاعه و فكرت بخطه لهذا الموضوع ان شاء الله بوقت فراغي راح انفذها.
فيروز: حقير عندك علم؟
هَيْصَم: عجبتيني عندج علم؟
فيروز: شنو فائدة اللي تسويه ليش مستقتل على وجودي يمك بهاي الطريقة ؟!
هَيْصَم: خبرتج سابقاً اللي يريدج اريده لّهيم وجماعته يبحثون عنج بكل مكان يمكن الولد يحب او ممكن ايريد اشياء أخرى!!
فيروز: شنو قصدك مفهمت ليش حتى واحد مجرم يريدني شنو السبب؟؟
هَيْصَم: والدج ليش نقتل بطريقه غريبه وقضيه قتله تم اغلاقها بسهوله؟؟
فيروز: معقولة يكون والدي متورط وياهم؟؟
لحظه بس اتريد توهمني وتخليني ابقى اهنا برضاتي لكن بأحلامك مستحيل ابقى حتى لو قفلت كل البوب لازم اكو مخرج أو وعد من عندي استغل كل الفرص حتى اطلع من هذا المكان وارجع لحياتي الطبيعيه بعيداً عن مشاكلك وتحقيقاتك الغريبه.
هَيْصَم: الى متى تبقين فاهمه الموضوع خطأ الف مره خبرتج اني منقذ وليس عدوا اشوكت تفهمين هاي النقطه؟
فيروز: ممكن اصدگ قبل اللي صار لكن حالياً مستحيل.
هَيْصَم: واني ماعندي وقت ح
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 21:13
اريدك ترجع للبيت خايفه ابقى وحدي شسوي بيك قابل غير هيج؟؟
هَيْصَم: اخلص اللي عندي واشوف اذا اگدر اجي بالأضافة ماكو داعي للخوف البيبان مقفوله و البيت مُؤمن من جميع الأتجاهات اطمأني.
فيروز: مع ذلك خايفه وما اگدر انام اذا ممكن ترجع اكون ممنونتك.
هَيْصَم: اشوف اذا عندي وقت فراغ حالياً لكن ما اوعدج.
فيروز: تمام اخذ راحتك، غلقت الخط وضربت جبيني بكف أيدي على غبائي شنو الداعي اتصل بيه وادعي الخوف هسه ياخذ عليه غير نظره ويفكرني وحده حقيرة بس والله الفضول ايموت الأنسان على الأقل ممكن اگدر ارضي جزء من عنده اذا حجيت وياه افضل ما ابقى اصنع افكار وتخيلات من عقلي ،
فكرت للحظه ارجع لغرفته واقرأ الدفتر لكن امتنعت من اتذكرت تحذيرة اليه ومحيت هاي الفكره من عقلي.
رجعت للغرفه بعد مقطعت الأمل من رجعته خليت راسي على المخده وحاولت انام وهاي المره نجحت فتحت اعيوني بعد فتره طويله على اشعة الشمس اللي تضرب بجفوني نهضت بتململ ودخلت للحمام اخذت دوش وغيرت ملابسي جففت شعري وطلعت بسرعة للمطبخ لأن ميته جوع اتفاجأت بيه گاعد على أحد الكراسي واعيونه حمر من العصبيه حاضن أديه مع بعض على الميز عروق أيدة بارزة وصوت نفسه واضح قريت الفاتحه على روحي وذكرت الشهادتين اكيد مراح يعدي هذا اليوم على خير فكرت بيني وبين نفسي لو ايريد يسوي شي خليها وره الريوگ لأن والله جوعانه ما اگدر اتحمل مشكله على الريگ گرصت أيدي على هذا التفكير الغبي وگلت بنبرة هادئة اتمنيت انو تهدي الوضع المتوتر اللي موجود هسه ،
صباح الخير ،
جاوبني بسؤال خلاني اعض خدي من الداخل.
هَيْصَم: اني شنو حجيت وياج البارحه؟
فيروز: هوايه كلام على شنو تقصد بالضبط؟
صرخ بصوت فززني من مكاني.
هَيْصَم: لَّبااااااااءَة.
فيروز: ارتبكت و رجليه صاروا يرجفون من الخوف بس مع ذلك صمدت واني اشجع نفسي شنو ممكن يصير هي مجرد كم كلمه و تنتهي المشكله وتنحل لكن هاي المره خاب ظني الواضح اللي صار هاي المره لايغتفر بسهوله والأعتذار مراح يجيب نتيجه ابداً.
هَيْصَم: شنو الشي اللي حجيته ومفهمتيه خبريني حتى اشرحه بالطريقه اللي تفهميها غردي يلااا؟؟
(الناقله روعه الطائي)فيروز: مجان قصدي ادخل بس ..قاطعني وهو ينهض من مكانه و تقدم ناحيتي ويضرب على الميز بقوة.
هَيْصَم: بس شنووو خبرتج اتردعين فضولج انت اهنا مجرد ضيفه يوم يومين ومغادرة ليش حتى تدخلين بشي ميعنيج؟؟
فيروز: اتذكرت بهذا الموقف احد المقولات الهجوم وسيلة للدفاع ، قررت اهجم بكل الاحوال اني خسرانه وحتى لو جنت اني غلطانه اكيد مراح اسمح بأهانتي بهاي الطريقة السيئة وابقى ساكته ما معقولة اكون مطيعه اله ابداً لذلك حجيت بنفس النبرة اللي يحجي بيها وخليت عيني بعينه بتحدي.
كلامك صح اني ادخلت بشي ميعنيني ودخلت لغرفتك بغيابك بالوقت اللي انت منعتني بيه من هذا الشي لكن مو من حقك ابداً تصيح عليه بهذا الشكل وكأني عبدة عندك حتى لو جنت غلطانه انت ايضاً تتحمل جزء من هذا الخطأ مخليني بالبيت وحدي من الصبح لليل بدون موبايل وشخص اضيع وياه وقت برأيك هذا الشي ميدفع الأنسان حتى يكتشف المكان اللي هو بيه؟
هَيْصَم: والله جد؟؟
يعني هسه اني غلطان لأن احميج من المجرمين اللي ممكن يقطعون اشلائج ويرموها للكلاب!!
فيروز: محجيت هيج لتحرف كلامي.
هَيْصَم: وضحي اذاً سمعيني شنو بداخل الست لَّباءَة؟؟
فيروز: غيرت نبرتي وحجيت بهدوء بالأخير من المنطق ميصير اثنيناتنا معصبين لازم احل المشكله بحكمه ، هسه شفت الدفتر شنو صار قابل ليش مكبر الموضوع وكأن بيه اسرار دولة؟!
هَيْصَم: شنوووو شفتي وليش حتى تشوفين وشنووو الداعي تقرأين شي ميخصج؟!
فيروز: ممكن متعصب وتحجي بهدوء شنو الفائدة اذا خوفتني بهاي الطريقة اللي صار صار وانتهي واني دا اعتذر من عندك سامحني وخلص،
رفع حاجبه بنظرة استهزاء اخذ الدفتر بأيدة وهو يگول.
هَيْصَم: اسامحج ليش لا شنو سويتي اصلاً حتى تتعاقبين هو مجرد ردتي ترضين فضولج وتدخلين بشي ميعنيج قابل هذا الموضوع يستحق العصبيه؟
بس لتخافين اني راح اريحج من التفكير لكن هو مو غلطج ابداً اني واحد حمار خليتج بهذا البيت وخفت يصير بيج شي وتتأذين ردت انقذج شنو جازيتيني بالمقابل؟
فيروز: كلامه استفزني جدا لذلك حجيت بغضب وصوت عالي،
اولاً اني مطلبت من عندك تنقذني ابداً كل اللي سويته هو لمصلحتك وانت اعترفت بهذا الشي بعظمة السانك ثانياً اني مو بحاجه مساعدة احد وخاصتاً انت رجعني للبيت وبلا تفضل ومنيه من حضرتك.
هَيْصَم: اخلي الكلاب تنهش لحمج ويتركوج عظم هاي مو رجولتي ولا مهنيتي ابداً مردت من عندج مقابل فقط ابتعدي عن أشيائي الخاصه ليش متسمعين الكلمه؟!
فيروز: اني موافقه الكلاب تنهش لحمي ولا ابقى وياك دقيقه وحدة واضح رجعني لبيتي او فقط خبرني احنه وين واني ارجع وحدي.
هَيْصَم: حتى وأن قررت ارجعج للبيت لازم تتعاقبين حتى متكررين الخطأ وتذكرين كل مره يشتغل بيها فضولج اشلون تگدرين تطفيه.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 21:13
ضَرْضَم: سيدي.
لائِث: حجه وياه بطريقته المعتادة اسلوبه هذا ايخليني اضحك غصب حتى لو جنت بقمة ضوجتي.
هَيْصَم: اللي يجي يمنه خطار شنو نسويله؟
ضَرْضَم: نقدمله ضيافه سيدي.
هَيْصَم: اذاً قدملنه ضيافه مرتبه تناسب هاي الوجوه الحلوه ويبقون يتذكرون دائماً كرمنه واخلاقنا العاليه وفي حال احد طلبهم وراد يطلعون ضيفه وياهم لتقصر ابني اريد اسمع أصوات المديح بغرفتي.
ضَرْضَم: تأمر سيدي.
هَيْصَم: بالعادة اني انسان احذر قبل ما اتخذ اي اجراء لكن راح استثنيك من القاعدة ، هذا مركز شرطه اللي يدخله لازم يحترم حماة الوطن الساهرين لسلامتكم في حال تهدد هذا المكان من قبل اي شخص اني يحقلي اتخذ اي اجراء اخليك متعرف راسك من رجليك واعتبر هذا تحذيري مره ثانيه اذا لمحت ضلك متگدر تحجي وياه.
راح اخليك تندم على هذا تعاملك واني اشوفك وين منو لعبت.
هَيْصَم: لائِث.
لائِث: سيدي.
هَيْصَم: سمعت اللي سمعته؟
لائِث: اعذرني سيدي ما افهم غير لغة الأسود.
هَيْصَم: اكره التهديد لأن ايبين مدا ضعفك صير رجل بمعنى الكلمه وشوفني شنو تگدر اتسوي.
لائِث: اعتقلناهم بيهم عشرين شخص واتكفل البقيه بتقديم الضيافه الهم نص ساعه تقريباً وصلت السيارات مالت اهلهم نزل من وحده بيهن رجال جبير بس الهيبه واضحه بيه امبين عليه شيخ دخل صرت مقابيله،
اتفضل بشنو أگدر اساعدك؟
معتز: اريد اشوف المسؤول اذا تگدر ابني.
لائِث: اتفضل ويايه لكن وحدك.
معتز: اكيد طبعاً.
لائِث: طرقت الباب سمعت صوته فتحته ودخلت ،
سيدي.
هَيْصَم: نعم لائِث هاي المره شنو صار؟
لائِث: جبيرهم اهنا يريد يشوفك.
هَيْصَم: خليه يدخل او لحظه اني اروحله بالنهايه احترام الجبير واجب.
لائِث: بشنو تفكر؟
هَيْصَم: الأفضل اتشوف بنفسك.
لائِث: طلعله اول مشافه رحب بيه وذمني امامه جحظت اعيوني هذا عاقل اني شنو دخلني غير هاي الأوامر!!
هَيْصَم: معقوله لائِث اتخلي هاي الشيبه المحترمه واگفه اهنا بدون مدخله؟؟
لائِث: سيدي.
هَيْصَم: اقبل اعتذاري وأرجوا ان تتفضل وتحجيلي مشكلتك وان شاء الله محلوله.
معتز: الله يوفقك ابني ما اريد من عندك شي غير تحترم جيتي لهنا وطلع ولدي من الحبس وتغفر ردة فعلهم القويه بس تعرف اخوهم اتوفى قبل ميفرح بتخرجه لذلك سوو هيج.
هَيْصَم: 1700 شهيد واكثر بسبايكر ، القوات المسلحه العراقيه قدمت شهداء بعدد 34 الف اما الجيش العراقي قدم 26 الف شهيد والحشد الشعبي قدم 8 الاف شهيد هاي غير المدنين 29 الف شهيد واكثر بالأضافه للجرحى ولمره شفت واحد من عوائلهم سوه هيج اوتهجم على المركز بحجه هو فاقد عزيز ولازم نتحمل ردة فعله ليش حتى اتفهم ردة فعل ابنائك اللي هجموا وهددوا أمن هذا المكان اللي هو يعتبر من اهم الأماكن بالبلد؟؟
معتز: متفهم كلامك ابني بس على الأقل لخاطر شيباتي وجيتي لهنا طلعهم.
هَيْصَم: احترمك جداً وعلى عيني وراسي جيتك وتعبك لكن ميصير يطلعون بسهوله راح يكونون بضيافتي اليوم لتخاف ارجع لبيتك ورتاح أو وكللهم محامي يمشي بقضيتهم واني راح اطرح عليك اسم بضمانتي هو افضل محامي مدافع عن السيئين يمكن يطلعون بغضون اسبوع في حال منحالوا للمحكمه.
معتز: يعني ماكو احترام لجيتي ؟
هَيْصَم: هذا القانون ما اگدر اخالفه ابنائك بيدهم اسلاح ايضاً من هجموا يعني العقوبه زادت في حال سامحتهم بقية السجناء راح يعترضون واني ما احب ازعل احد من المعقتلين مو هيج لائِث؟
لائِث: اكيد سيدي انت مثال حسن عن العداله والمساواة بالمركز.
هَيْصَم: ارجع لبيتك ونام قرير العين بما انو هم يمي اكيد راح يبقون بخير كون مطمأن.
معتز: ايصير خير ان شاء الله.
هَيْصَم: اكيد كل الخير بما إني موجود.
لائِث: طلع خائب جان مفكر يگدر يبتز الهَيْصَم بسهوله.
هَيْصَم: راح اسوي لائحه جبيرة واخليها على باب المركز مكتوب عليها هذا المكان مخصص فقط لمعاقبه المجرمين وليس مركز عبادة لقبول التوبه وتحرير العبد من ذنوبه ، ماعرف الناس شنو مفكرتني كل شويه اجاني واحد يطلب مغفرتي اني متأكد ميطلبون من ربهم يغفر ذنوبهم مثل ميطلبون من عندي.
هسه الساعه أربعه اني راح اطلع عندي شغل شنو يصير وياك خبرني واضح.
لائِث: تأمر سيدي.
هَيْصَم: فتحت الموبايل واتصلت بيه،
الو.
أرفد: عندي عمليه بعد ساعتين مراح اسوي اي عمليه اذا تريد شي تعال للمستشفى.
هَيْصَم: نص ساعه وانت يمي بالبيت لازم تفتح الخياط مالتها اي عذر او تأخير ما اقبل،
أرفد: سكر الخط اللي يسمعه يفكر اخذت شهادة الطب حتى اخدمه بس هو، طلعت من المستشفى بسرعة ورحت يمه نص ساعه وصلت يم البيت طرقت على الباب وطلعلي،
بسرعه وين هي؟
هَيْصَم: وعليكم السلام تفضل.
أرفد: ماعندي وقت اضيعه بهاي السوالف مستعجل تره.
هَيْصَم: كمل شغلك واطلع ماعندي لاصق بالبيت.
أرفد: هه متضحك.
هَيْصَم: هه مو هدفي اضحكك.
فيروز: جنت بالمطبخ احضر لنفسي لفه مبيه حيل اطبخ فجأة دخل وحجه بسرعه.
هَيْصَم: حضري نفسج دقايق والدكتور اهنا حتى يفتح الخياط.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 21:13
وجودج بهذا البيت هو لسلامتج ومعرفه السبب اللي يخلي مجرم يلاحقج مثل المجنون عندما تنتهي هاي المهمه كل واحد بيناتنا يرجع لحياته الطبيعيه واضح ؟
في حال سمعتي الكلمه ومحاولتي تلعبين وره ظهري وقتها مراح تتأذين لكن في حال فضولج ثار وردتي ترضيه وبحثتي بأشياء من حياتي وماضيي او سويتي اي شي آخر بوقتها لتلوميني ابداً على تصرفاتي ، احترم وجودج بهذا البيت وكونج ضيفتي وانت تعرفين للضيوف حدود، ياريت اتكون وصلت الفكره وفهمتي المقصد.
فيروز: مو عادتي اتدخل بأشياء متعنيني بذات الوقت ياريت انت ايضاً تستعجل بمهمتك حتى ارجع لبيتي ولحياتي.
هَيْصَم: يؤسفني اخبرج مديرج فصلج من العمل لذلك لتفكرين هوايه بموضوع الوظيفه وتصدعين راسج بلا فائدة.
فيروز: انطردت؟؟
بصعوبه يلا لگيت وظيفه وهسه انطردت اشلون يا الله؟!
هَيْصَم: كل همج الوظيفه فكري بحياتج المهدده ايكون افضل برأيي.
فيروز: طبعاً انت شنو هامك موظف و مرتاح مثل الخريجين مثلنا يخلصون شبابهم وهم يبحثون عن وظيفه والحظ الحلو مالتي خلاني انفصل من عدها.
هَيْصَم: على شنو تحسديني اني اصارع وي الموت بكل ثانيه وين الراحه مثلاً ؟؟!!
بعدين ليش مطلعتي قسم مرغوب بيه بالسادس هذا الطالب الميجتهد هيج ايصير بيه بعدين.
فيروز: وعلى اساس انت شنو طلعت ؟!
هَيْصَم: احد حماة البلد في حال متت بوظيفتي شهادتي مضمونه ومن اهل الجنه ايضاً اما بالحياة سمعتي وشخصيتي وافعالي هي اللي تعرف الهَيْصَم منو برأيج هذا مو كافي؟!
فيروز: وهيبتك وشخصيتك بشنو تفيدني اذا جعت؟؟
اقترب من عندي يحجي قريب وجهي بس مطخني ابداً.
هَيْصَم: معقولة اسمح تجوعين في حال ملگيتلج وظيفه اني اتكفل بكل مصروفج وأأمن الج راتب شهري.
فيروز: حجيت بتوتر بسبب هذا القرب، من وين تخليلي راتب شهري؟!
هَيْصَم: والدج عنده راتب تقاعدي انقله الج بعد وفاته انت وريثته الشرعيه وخاصتاً لساتج غير متزوجه.
فيروز: وانت شلون عرفت والدي عنده راتب تقاعدي اني مخبرتك بهذا الشي ابداً ؟!
ابتسم وگال.
هَيْصَم: يعني صح عنده.
فيروز: خليتني احجي من وحدي هذا مو عدل.
هَيْصَم: ابقي مصره على كلامج لتغيرين اقوالج تحت اي ظرف كان والا تخسرين وتعترفين بدون وعي لكل شخص طريقة مختلفه حتى يسحب الكلام من المقابل لذلك كوني حذرة.
فيروز: حلو اگدر استخدم هاي الطريقه واسحب من عندك كلام.
قرب راسه يم أذني وهمس هذا القرب خله كل مشاعري تتخربط.
هَيْصَم: اللبوه خُلقت حتى تكون جنب الأسد مو ضده.
فيروز: ابتعد مسافه وسرعان مرجعت لتركيزي انتبهت على شي بيه من يقترب من عندي يخلي اديه وره ظهره وميطخني ابداً تصرفاته تجذب غصب وتخليني اصفن بأسلوبه بالتعامل ، كل يوم اكتشف بيه شي جديد يجبرني اركز وياه اكثر ويغرقني بمتاهة الهَيْصَم ،
قبل ميطلع التفتلي وگال.
هَيْصَم: من ارجع راح اخلي الدكتور يفتح الخياط مالتج تگدرين ترجعين تنامين هسه.
فيروز: قبل ميروح حجيت بسرعة ،
متتريگ؟
هَيْصَم: لتفكرين بيه لَّباءَة بعدين تقعين بحب الهَيْصَم وهاي المشكله الوحيده اللي ما الها حل.
فيروز: تركني وطلع مفهمت شنو يقصد ضحكت على نفسي على اساس اني فاهمه من عنده شي حتى افهمه اليوم ، غموضه يثير الفضول بداخلي لكن الشي الوحيد اللي يردعني هو مسوالي شي سيء ليش حتى اورط نفسي وياه هو بس شكله يخوف وتهديده هم اذا شك بيه يشمرني من الشباك بدون ميسأل الأفضل ابتعد عن كل شي يخصه ونشوف شنو تاليها بعدين ،
خليت راسي على المخده وسرعان منمت بسبب التعب والسهر البارحه.
حوري: گعدت من النوم على صوت ماما تصحيني دخلت للحمام اخذت دوش سريع غيرت ملابسي ونزلت لگيت نسر ديتريگ اني ما اكل اذا عندي طلعه لأن اتمرض بالطريق بقيت منتظرته بالصاله فتحت موبايلي شفت اشعار ممنتبه عليه واصلني من نص ساعه من محمد فتحته جانت صوتيه خليتها على أذني وسمعت كلامه.
محمد: اسف البارحه جنت حيل مقهور وصارت بوجهج مجان قصدي ازعلج ابداً بس الأنسان مو معصوم خلي گلبج جبير واغفري هذا الخطأ اتحمل زعل الدنيا كلها بس الموضوع من يوصل يمج يختلف ماعرف شنو يصير بيه اذا حسيت بيج ضايجه من عندي كل اللي اريده نعيش قصة حب مميزة تتوج بالزواج خلي ايدج بأيدي حوريه انطيني فرصه وحدة واخذي كل وقتج بالتفكير راح ابقى منتظرج طول عمري واذا متحبين حتى صوتي ما اخليج تسمعيه اهم شي عندي بالكون كله هو راحتج يراحتي.
حوري: مسحت المراسله والرقم همات وقررت اريح راسي وما افكر اصلا بأي شي خلال هاي الفتره يكفي اللي شفته من السادس بالأضافة اني اعرف تماماً رأي اهلي بمحمد اذا اخواني اثنينهم ميحبوه ليش حتى ادخل بعلاقه حب عقيمه اعرف شنو نهياتها لكن ما انكر اكو شي داخلي اله مع ذلك ميتعده حدود الأعجاب لا أكثر ،(الناقله روعه الطائي)طلعت بعد مسمعت صوته يناديني حتى نروح صعدنه بالسياره اول مساق فتره قصيرة ونمت محست اله وهو يگعدني حتى ننزل وصل يم بيتهم بأربيل هو ايضاً نزل ويايه سلم بالباب على خالتي وراح عنده شغل بالمركز مقبل يبقى ،
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
٧____٨
هَيْصَم
البارت السابع
الكاتبه zahraa022683
___
للتواصل انستا zahraaahmedn99
علقوا بين الفقرات + صوتوا للبارت+ تابعوا حسابي شمعاتي انتوا.
شاركوا القصه حتى تكبر عائلتنه ونستمتع وي الهَيْصَم مع بعض.
____
تعتقد أن جروحك التئمت، لكن نصًا واحدًا فقط كُتب بطريق صحيحة؛ يجعلك تكتشف مدى عُمق الجروح الغائرة فيك.
فيروز: فزيت من النوم على طرقات قويه على الباب نهضت من مكاني بسرعة و فتحته انصدمت بالمنظر الأمامي هاي ثاني مره اشوفه والدم مالي كتفه سألته بسرعة والقلق ماليني،
شنو صار وياك ليش هيج حالتك؟
جاوبني وهو يحجي بصعوبه.
هَيْصَم: جيبيلي الأسعافات الأوليه حتى اغير الضماد.
فيروز: ركضت بسرعة لغرفته فتحت المجر وطلعت الأسعافات ورجعت لگيته گاعد على السرير اتقدمت ناحيته اجيت اساعده و اغير الضماد مالته سحبه من عندي وهو يمنعني.
هَيْصَم: ماكو داعي اتعبين نفسج اني اسويه.
فيروز: زعجني بكلامه اعرف هو ميحب احد يلمسه اصلاً اني مكاتله نفسي عليه بس حالته متسمح ايغير للجرح رجعت سحبتهم من عنده واني اگول،
ميحتاج لهاي الحركات مراح المسك اول مره اشوف رجال ميحب مره تلمسه مو العكس!!
هَيْصَم: ليش تردين اكون قليل ادب مثل البقيه واتحرش بيج مثلاً ؟!
فيروز: لتفكر ابداً وجودي اهنا وطلب مساعدتي الك معناها اني وحده بايعتها كل عمري شريفه او والدي رباني بشكل جيد ميحتاج لهذا الكلام كل اللي اريده اضمد جرحك وراح البس كفوف اني ايضاً محابه ايكون بيناتنا تلامس انت مو ذوقي بالرجال احفظ هاي الجمله.
هَيْصَم: صحيح انت تحبين المايعين شنو تسوين بواحد مثلي؟
فيروز: هَيْصَم خليني اضمد جرحك وبطل سوالف مراهقين.
قرب راسه من عندي ورفع نظره اليه اعيونه واضح بيها ألم وتعب ايضاً بيهم لمعه غريبه، همس قريب من عندي.
هَيْصَم: تحبيه؟
فيروز: رفعت حاجبي وجاوبته بنفس النبرة ،
منو هو؟
هَيْصَم: اسمي.
فيروز: جاوبت بسرعة وبدون مقدمات ، وليش حتى احب اسمك يعني شنو المميز بيه مثلاً حتى احبه ؟؟
هَيْصَم: لأن اسمي رائع مثلي تماماً بعدين ليش اني مو بعينج افيض تميز شنو تردين اكثر من هيج؟!
فيروز: انت اضخم حتى تشيلك عيني خليك بمكانك افضل.
هَيْصَم: لَّباءَتي عدها حس فكاهه جميل.
فيروز: لتستهزء بعدين شنو هاي لَّباءَتي؟؟
هَيْصَم: اذا تبقين تجادلين بهاي الطريقة اموت بسبب النزف وانت محاسه.
فيروز: شنو قصدك مفهمت بالأضافه مجاوبت على سؤالي؟
هَيْصَم: الجرح ضمديه واذا متعرفين تگدرين تتفضلين اني اسويه بالأضافة مو كل شي بالحياة اله جواب هاي قاعده احفظيها.
فيروز: خطأ كل سر اله لغز وكل سؤال اله جواب هاي قاعده احفظها ، و جرحك هسه اضمده ، فتحت البلاستر بصعوبه بعد ملبست كفوف هاي اول مره اشوف هيج منظر صارت اديه ترجف واني اعاين على الجرح وشلون مخيط الحمد الله الخيط ممفتوح جان احتاج عمليه مره ثانيه ، نظفت الدم بقطن وديتول بحذر جبير حتى ميتأذة بس ماعرف شلون طخيت الجرح رفعت راسي حتى اعتذر شفته عاقد حاجبه بألم ، بسرعة گلت واني احس الجرح بأيدي مو بأيدة ،
أذيتك؟؟
گال ونبرته واضح عليها الوجع.
هَيْصَم: لَّباءَة لتعبيني أكثر.
فيروز: اسفه والله مو قصدي أأذيك راح انتبه اكثر.
هَيْصَم: لتتوترين وكأن انتِ المجروحه مو اني رخي ماكو داعي لكل هذا الخوف هو مجرد جرح بسيط يشفى مع الأيام.
فيروز: تمام راح اركز حتى متتأذة، كملت التعقيم بعدين لفيت عليه بلاستر نظيف نزعت الكفوف وحجيت بتساؤل ،
طلعت مبيك شي رجعت جرحك نازف شنو الموضوع ؟
هَيْصَم: ثعلب هجم على غابتي لذلك انطيته درس حتى ميكررها.
فيروز: ثعلب منو واي غابه اللي هجم عليها وشنو ربطها وي جرحك؟؟
هَيْصَم: لَّباءَة تعبان تگدرين تطلعين راح انام اليوم بغرفتج وأجلي اسألتج لباجر.
فيروز: تمام نام بس اني ابقى اهنا ممكن ترتفع حرارتك وانت نايم على الأقل اگدر اساعدك.
همهم وخله راسه على المخده واني نهضت ورجعت الأسعافات لمكانها ورميت اللي توسخ منهم غسلت اديه ورجعت للغرفه خليت الكرسي قريب من السرير رجعت راسي عليه وصفنت بحياتي الحاليه تشبه المسلسلات تماماً انقتل والدي بجريمه مبهمه وخطفي و المجرم اللي يريدني كلهم غريبين لكن اغربهم هو هَيْصَم شنو غايته من مساعدتي وليش خلاني بهذا المكان المبين عليه خاص جداً وحتى ممسكون كل شي بيه مرتب وعلى أخر حبايه حتى التصميم و اللون المستخدم بالأثاث، من تشوفه يخطر على بالك هذا المكان اله قصه وكأن انبنى من اعماق الأنسان وجودي بيه غريب ايضاً اكو سبب وسر مختلف تماماً عن اللي گاله حاسه بهذا الشي ما معقولة اكو شخص عاقل يعرض حياته للخطر ويلعب هيج لعبه خطره مع المجرمين الا اذا عنده خطه او مشروع انتقام؟؟!!قررت اعرف هذا السر واشوف شنو مخبي بدايتاً من الصورة ونهايتها بوجودي وشنو القادم من الغباء جدا الشخص العاقل ينطي ثقه كامله للمقابل صح هو مسوه شي سيء لليوم بذات الوقت ممضمون شنو ايصير مستقبلاً والحياة وياه شنو مخبيتلي اذا مگدرت اطلع
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
محمد: بحكم اني ابن عمج اكيد معروف شنو نهايتها اخوانج الثنين اتزوجوا خواتي ومهتموا ومسئلوا عني اصلاً وهذا الشي راح يصير مو فقط نسر وأرفد اللي يحبون بشكل مجنون ابن عمج ايضاً راح يكسر القيود ويسوي المگدروا يسوي حتى اخوتج.
حوري: تهدد حضرتك؟
محمد: مستحيل اسمح تزوجين واحد ثاني غيري واني اعرف عدل مخططات اخوج ورغبته بتزويجج من ابن الخاله لكن بأحلامه انت انكتبتي بأسم محمد وما اتنازل عنج ابداً تحت اي ظرف كان.
حوري: انت مو بعقلك هسه الواضح التعب امبين عليك الأفضل تنام ومن تگعد الصبح اتمنى تذكر كل كلامك اللي حجيته وتفرزنه وتعرف نفسك شخربطت ويايه ، غلقت الموبايل وخليت راسي على المخده واني الأفكار موتتني معقوله محمد يريد ينتقم من أرفد ونسر و زواجهم بأخواته من عندي زين اني شنو اللي علاقه اصلاً بالثنين اني مجنت حاضره وسمعت بعقدهم مثل الغريبه بعدين يلا بعقد المحكمه والحفله يلا تواجددت وهسه لازم ادفع ثمن حب اخواني المجنون والتوأم ، نفضت الأفكار عن عقلي وسمحت لنفسي ادخل بنوم عميق.
فيروز: حضرت عشا بس هو مأجه ياكل بقى كل الوقت من الغده لسه بالغرفه رحت طرقت عليه الباب سمعت صوته يسمحلي بالدخول اول مفتحت الباب ودخلت انصدمت بالمنظر مثل اول لقاء النه بدون قميص والقلادة مزينه عنقه درت وجهي من عنده وحجيت بأنزعاج ،
هاي ليش هيج ؟!
جاوبني وصوته غريب.
هَيْصَم: شنو موضوعج ليش منزعجه؟
فيروز: ليش بدون قميص؟
هَيْصَم: اعتقد هاي غرفتي.
فيروز: اذا ليش سمحتلي ادخل وانت بهذا الوضع ؟
هَيْصَم: ليش شنو بيه وضعي؟
فيروز: هَيْصَم لتخبلني هاي وانت متدين وتتصرف بهاي الطريقة اذا جنت انسان فاسق شنو اتسوي؟!
هَيْصَم: منو خبرج اني متدين؟
فيروز: انتَ.
هَيْصَم: شوكت؟
فيروز: البارحه من منعتني اساعدك مو گلت حرام اتلمسيني ومن هاي السوالف.
هَيْصَم: وعلى هذا الموقف حكمتي عليه بالدين!!
فيروز: ليش ملحد انت واني ماعرف؟
هَيْصَم: انت بدون حجاب امامي اربع وعشرين ساعه ياترى حكمت عليج بالفسق؟
فيروز: ممكن بداخلك.
هَيْصَم: ماكو شي اسمه هذا انسان متدين او عديم دين اكو شي اسمه ايمان وهذا الشي مو اني ولا انت نحدده اما للي صار البارحه مجان بيه حيل اناقش وياج لذلك اختصرت الموضوع بهاي الجمله خبرتج سابقاً اكره لمس النساء بقصد او بدون قصد تگدرين اتگولين عندي مرض نفسي بهاي الشغله اكره التلامس وي الجنس اللطيف بالكامل.(الناقله روعه الطائي)
فيروز: فتحت اعيوني وحجيت بدون ما انتقي كلماتي بشكل صحيح ، شنو السبب معقولة اكو ابنيه معتديه عليك بالطفوله؟!
هَيْصَم: ليش متدرين؟!
فيروز: صدگ والله هَيْصَم انت متعرض للأعتداء من بنيه سابقاً ؟!
نهض من مكانه وهو يلبس قميصه وگال.
هَيْصَم: بعمرج سمعتي غزاله هجمت على أسد؟
فيروز: لا.
هَيْصَم: اذاً ماكو احد يتجرئ يقترب من الهَيْصَم اما بالنسبه لبغضي للتلامس فهذا الشي خاص بيه ما احب اشاركه مع احد بالأضافة هذا الحديث نساج شنو ردتي تحجين ويايه وليش طلبتيني؟
فيروز: ليش متعشيت وانت مريض و بحاجه تغذية؟
هَيْصَم: بالعادة ما اتعشا اذا اكلت غدة دسم اما بالنسبه للعلاج اگدر اشربه بدون اكل.
فيروز: هاي معلومه جديدة مسامعه بيها سابقاً!!
هَيْصَم: اسوي اللي يعجبني بما انو الموضوع يخص صحتي ماكو داعي اسأل دكتور.
فيروز: اللي تشوفه انت صح سوية لكن قبل ما اطلع عندي طلب حابه اشوف فلم شنو رأيك ترافقني تعرف الأفلام متصير حلوة اذا مجان بيها مرافق ؟
هَيْصَم: سؤال بداخلي محيرني جداً وحاب اعرف جوابه من عندج اذا تگدرين طبعاً.
فيروز: حسب السؤال.
هَيْصَم: الواضح انت واثقه من عندي لدرجه ماخذه راحتج تماماً و متبعدين بوجودي ياترى هذا شنو اگدر اسميه ثقه لو ؟؟
فيروز: انت تكره اللمس لهذا السبب واثقه متگدر تلمس البنيه اللي تساعدها.
هَيْصَم: ومع ذلك انت واثقه انو اللي اسويه هو مساعده حتى مطلبتي دليل على صحة كلامي بقضيه خطفج وجيتج لهذا المكان هي للمحافظه على سلامتج لا اكثر ؟
فيروز: التمست بيك الصدق طول هاي الفترة اللي بقيت بيها بهذا البيت مشفت من عندك شي سيء وتعاملني بكل احترام ماعدا شي واحد.
رفع حاجبه وگال بتساؤل.
هَيْصَم: واللي هو ؟
فيروز: قميصك هوايه تشلحه امامي وكأن تريد تبرز عضلاتك اذا تترك هاي العادة ايكون افضل.
هَيْصَم: اني متعود على السكن وحدي لذلك اتشوفين بعض تصرفاتي غريبه مع مرور الوقت تعتادين لَّباءَة.
فيروز: افهم من كلامك مستحيل تغير عاداتك ابداً؟
هَيْصَم: هذا يعتمد على مدا قوة تأثيرج ب الهَيْصَم.
فيروز: بأعتقادك عندي قوة تأثير عليك؟
هَيْصَم: لسه مأجه الشخص اللي غير من عندي صفه وحده وعلى هذا المثال قيسي.
فيروز: لكن اني ماعندي نيه اغيرك ، مقتنعه تماماً كل شخص من عدنه عنده شخصيته المستقله عن الثاني فهمها والتعايش وياها وتقبلها بسلبياتها وأيجابياتها افضل الف مره من محاولة تغييرها برأي هذا هاي افضل لسبل العيش الصحيح.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
يلا لائث تعبنا هوايه وهو واگف افتح اديه خلي يطلع انزعجت واني اشوف هيج منظر تعب نظري حيل.رن موبايلي فتحت الخط وخليته على اذني اجاني صوته وهو يصيح.
أرفد: قسماً بذات العزيز راح اتخبلني تصرفاتك يا اخي ليش مموجود بالبيت شنو حجيت اني ؟!
يوم واحد بس او مو يوم مره وحده اسمع بيها كلمتي ولتعاند جرحك لسه اخضر ليش متفهم؟!!!
هَيْصَم: خلصت؟
أرفد: هذا اللي گدرت عليه؟!!
هَيْصَم: شنو اتريد اگول مثلاً اني رجال معايش لنفسي فقط حياة الناس بهاي المنطقه مسؤوليتي اشلون تريد اغفل عنهم فقط لأني متصاوب بكتفي هذا مو عذر يخليني اترك عملي ابوي مرباني حتى انام و الوطن بخطر.
أرفد: ومخبرك تغفل صحتك ومتهتم بيها ابداً مثل ما الوطن يحتاج اللي يحميه احنه بحاجه للي يحميلنه وطنه لتعاند وارجع للبيت يلا.
هَيْصَم: اصلاً راح ارجع بعد ميخلص شغلي بس انت شعرفك اني مو بالبيت؟؟
أرفد: نسيت كم شغله واجيت اخذهم وطلعتلي نفس البنيه سألتها عنك و اتفاجأت من شفتك بالعمل.
هَيْصَم: لَّباءَة.
أرفد: اي مثل مگلت.
هَيْصَم: اسمها مو صعب لهاي الدرجه حتى متگدر تلفضه!!
أرفد: مو صعب بس خاص احس هو لقب مال عشاق هيج يعني.
هَيْصَم: اسكر قبل متبدي أرفد اشوفك بعدين.
أرفد: تمام لكن ياريت متكون عمليه هاي المره.
هَيْصَم: احاول مو وعد.
فيروز: دخلت لغرفته حتى انظفها رتبت كم شغله ودخلت للحمام لگيته مخلي الملابس بسله اخذتها وطلعت الغرفه اللي بصف غرفتي بيها غساله وبعض الأشياء الثانيه من ضمنها مشر ملابس ، خليتهم بالغساله ورجعت للغرفه فتحت البرادي والشباك حتى يتغير الهوه ورتبت المخاد مو بعادته يتركه هيج بس لأن مصابه ايده اعتقد نزلت راسي حتى اشوف شنو اكو تحت الجربايه هيج مجرد فضول دفعني اسوي هاي الحركه لگيت صورة لبنيه لابسه فستان زفاف ابيض الواضح بصفها عريس بس مگصوص من عدها هذا الجزء فقط ايدة اللي ماسكه ايده واضحه بلعت ريقي واني اشوف خيال على راسي رفعت وجهي وتصنمت من شفته ينظرلي بنظرة غريبه لكن اللي عرفته مراح تعدي نظرتي لهاي الصورة على خير حتى لو جانت نظره بريئة ،
اعيونه ما اگدر اشرح نظرتها ابداً بس حمر وجاحظة للأمام كاتم على غضبه لدرجه اعروق رگبته وايدة بارزه حجيت بتلعثم واني اقرب ايدي اللي بيها الصوره من عنده ،
مجان قصدي والله اسفه،
رفع راسه لعيوني وبعدين نزله للصوره اتمعن بيها فتره طويله وگال..
يتبع..
هَيْصَم
البارت السادس
الكاتبه zahraa022683
___
للتواصل انستا zahraaahmedn99
علقوا بين الفقرات + صوتوا + تابعوا حسابي عيناي انتوا..
شاركوا القصه حتى تكبر عائلتنا ونستمتع وي الهَيْصَم مع بعض..
_
ماذا لَو إنَنا نَلتقيَّ ؟.
بَعيداً عَن هذا العالم أقبلُ عَينيكَ
واعانِقكَ وَ ليمسَحُ كُل مِنا حُزن الاخر .
هَيْصَم: خليني وحدي.
فيروز: اتفاجأت من عنده متوقعت راح تكون ردة فعله هادئه هيج فكرته راح يهيني او يسوي اي شي ثاني غير انو يحجي ويايه بهاي الطريقة جاوبته بسرعة واني منزله راسي خجل،
تمام راح اطلع ،
حركت رجليه واني انصرف بهدوء من امامه اتوقفت فجأة بعد مگال.
هَيْصَم: الصورة.
فيروز: نزلت راسي لأيدي ضربت جبيني بالسبابه نسيتها يمي قربت ايدي من عنده اخذها من عندي واني طلعت خارج الغرفه رحت لغرفتي وبقيت اضرب على راسي على غبائي هسه اني شنو دخلني بحياته هو مجرد شخص ساعدني لسلامتي مو اكثر ابحث بخصوصياته شنوو،
بس للأمانه عقلي سرح شويه ياترى شنو سر هاي الصورة حتى انقهر حيل وصارت نظرته غريبه وعصب لهاي الدرجه فقط لأن شافها بأيدي معقوله اتكون حبيبته وخاينته وسببت جرح مگدر ينساه لذلك صورة العريس مگصوصه؟
او ياترى زوجته وخاينته وي شخص ثاني لذلك هو عصب من شاف الصورة؟
ضربت على جبيني شنو هاي الأفكار الغبيه بالأضافة اني شنو دخلني بحياته الخاصه هي مجرد فتره وراح اغادر بيها حياته وبيته الأفضل ابتعد على مقدار استطاعتي وأحاول قدر الأمكان ما ادخل بشي ميخصني هيج احسن ،
طلعت من الغرفه ورحت للمطبخ حتى احضر غدة شويت سمج بالفرن وحضرت الصلصه مالته وطبخت تمن احمر ماعرف اذا هو ياكل هيج او لا سويت اللي يعجبني حضرت السلطه والطرشي مطلعت من المطبخ حتى كمل كل الأكل ما احب اترك شغلي قبل ميكمل،
طفيت الطباخ وطلعت حتى اصلي كملت ورحت لغرفته طرقت على الباب اكثر من مره بعدين سمعت صوته خبرته كمل الغده بعد عشر دقايق يجي حتى ياكل مسمعت جوابه ورحت للمطبخ بسرعة حضرت الأكل على السفرة اني رتبت المقبلات قبل ما اصلي هسه بس صبيت التمن والسمج، خلصن العشر دقايق ومأجه اجيت اطلع من باب المطبخ فتحت الباب وصار بوجهي أشرتله بأيدي على السفره وحجيت بهمس ، الأكل جاهز اتحب تاكل ؟
جاوبني وهو يمشي للسفرة.
هَيْصَم: وليش ما أكُل ممتعارك وي معدتي.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
لتعتبره تدخل بس ليش نصابيت برصاصه؟(الناقله روعه الطائي)
هَيْصَم: اني واصدقائي ندرب ونصبت بيها عن طريق الخطأ.
فيروز: زين ليش مرحت للمستشفى؟
هَيْصَم: ماعندي ثقه بالأطباء.
فيروز: بس انت وثقت بهذا الدكتور ؟!
هَيْصَم: لأن هو موثوق.
فيروز: صحيح خبرني انو اخبرك هاي ثاني مره يشتغل بغير اختصاصه حاول اتكون الأخيرة.
هَيْصَم: في حال الثعالب مهجمت على الأسد.
فيروز: شنو قصدك مفهمت؟
هَيْصَم: مو كل شي بالحياة اله شرح لَّباءَة.
فيروز: ماعندك نيه تغير اسمي تره محبيته ابد؟
هَيْصَم: لَّباءَة احد اسماء اللبوة لهُ من الهيبه ما يكفي لازم تكونين فخورة بأختياري الج هيج اسم.
فيروز: ليش محسسني منطيني جائزة الأوسكار هو مجرد اسم بعدين اسمي على اسم عندليب الصباح السيدة فيروز العظيمه ميبدي اليوم بشكل جميل بدون سماع اغانيها.
هَيْصَم: العظمة فقط للرب العزيز مو لغير أحد وما اعتقد هي الشمس حتى اليوم ميبدي بدونها.
فيروز: مستفز حتى وانت مريض.
هَيْصَم: مريض او سليم اني الهَيْصَم متغير شي من حقيقتي.
فيروز: كمل اكله وقبل مينهض گال.
هَيْصَم: ما اگدر اغسل صحني راح اتعبج ويايه بهاي الشغله و شكرا على الريوگ.
فيروز: جحظت اعيوني على وسعهم د يطلب من عندي اغسل صحنه ويشكرني على الريوگ اريد واحد يضربني على راسي ويصحيني من هذا الحلم و السؤال اللي يخطر على بالي كل ما اشوفه عدنه بالعراق هيج رجال؟؟
حجيت بسرعه واني أحرك بأيدي بمعنى لا ، لتشكرني مسويت شي واجبي هذا ، انت ايضاً ساعدتني من جنت مريضه.
هَيْصَم: ان شاء الله بعد يومين نفتح الخياط حاولي متسوين حركات شجاعه مثل البارحه من حملتي الگدر لسه متحسنتي بالكامل لتصيرين جون سينا.
فيروز: تعرفه؟
هَيْصَم: لعبت وياه مصارعه قبل سنتين.
فيروز: ضحكت وهو عافني وطلع خارج المطبخ اتذكرت عمليته تبعته بسرعة وقفته واني احجي سريع،
انتظر لحظة بس،
التفتلي وعقد حاجبه وگال.
هَيْصَم: شنو الموضوع ؟
فيروز: لتطلع جرحك لسه جديد ارتاح اليوم وباجر تگدر تمارس عملك.
هَيْصَم: لتخافين ميصير بيه شي هاي مو اول مره اتعرض بيها للأصابات متعود.
فيروز: بس ميصير والله خليك بس اليوم وعد مراح اطلب من عندك شي ثاني علمود صحتك مو لشي معين.
هَيْصَم: عندي كم قضيه اخلصهم وارجع لتفكرين ورجعي نامي.
فيروز: راد يمشي صحت بأسمه ،
هَيْصَم ،
التفت اليه رمقني بنظرة غريبه ورجع كمل طريقه صفنت وي نفسي معقوله حجيت شي غلط ليش هيج باوعلي ؟!
حوري: صافنه وافكر بكلامه معقوله حبني لهاي الدرجه وبسرعه همات وبدون اي كلام دار بينه اكو هيج حب لو يضحك عليه ؟
فرضاً يضحك شنو غايته مثلاً واني بنت عمه عرضه يعني؟؟
الأفكار شلت مخي شل ومگدرت اتخذ القرار الصح فززني من صفنتي صوت أشعار اجه على موبايلي فتحته قريته شعر غزل.
معنى احبج . .
يعني اهد الناس كلها
وبيج الطش ما اهدج
معنى احبج . .
يعني اخاف عليج مو بس
مني لا بل حتى منج
ومعنى احبج . .
يعني لو بس باقي يوم
بعمري احطنه اعله عمرج
ووومعنى احبج . .
يعني من كد ما اسولف
بيج تشبع طنه اذنج
معنى احبج . .
يعني كلما شوف حلوه
عليها اكول شوي تشبهج
معنى احبج . .
يعني من ادعي الله ادعي
بداعة امي وداعة اسمج
ومعنى احبج . .
يعني طول اليوم افكر
باجر بيا عين اضمج
ومعنى احبج . .
يعني اصابيعج اريد
اشبعها بوس بكثر خدج
وومعنى احبج . .
يعني اكرهج من تغيبي
ومن ترجعي بكدها احبج
ومعنى احبج . .
يعني اغار عليج حتى
من الورد لو لاح جدمج
ووومعنى احبج . .
يعني اكتب هالحروف
وما اكول شكد احبج.
اول مخلصتها اتصل بيه ارتبكت ومعرفت شنو اسوي بقيت صافنه برقمه طبعاً اتصل بيه قبل مره و مفتحت خط بعدين دز رسالة كاتبلي بيها اسمه لذلك سجلته بأسم صديقتي حتى اذا شافه احد ميعرفه ،
انفصل ورجع اتصل مره ثانيه اخذته بأيدي اللي ترجف و فتحته وخليته على أذني سمعته وهو يحجي بصوت ناصي مليان حنيه.
محمد: شلونج يبعد حيلي؟
حوري: حجيت بتوتر ، الحمد الله.
محمد: واني بخير من سمعت صوتج يبعد طوايف محمد وعشيرته.
حوري: خجلت وحسيت الحراره طلعت من وجهي حجيت بسرعة ، لتحجي هيج عفيه تره اغلق الخط.
محمد: يمه فدوة انت حتى تهديدج عسل مثلج سرگي گلبي انتِ.
حوري: ابتسمت ، شنو هذا غزل جديد؟
محمد: مخصص فقط لحوريتي حصري جداً بس الها.
حوري: تحمحمت وگلت بتساؤل محمد عندي سؤال.
محمد: الف مره فكرت اغير بيها اسمي بس من سمعته بصوتج هسه مستحيل اسويها لو ينطوني مليارات الدنيا يربي اذا حتى اسمي يصير بقلاوة من تلفظة شسوي بنفسي هسه؟؟
حوري: لتغير الموضوع محمد دا احجي جديات والله.
محمد: اسألي ضي عين محمد وحورية حياته.
حوري: اعرف اكو حب من النظره الأولى لكن ماكو غرام من نفس النظره انت تحبني صدگ لو تريد تستغلني؟
محمد: لا لا ازعل من عندج جذبتيني من اول نظرة وبعمري كله مفكرت استغل هذا الشي بعدين انت بنت عمي معقوله اضرج بشي سيء؟!
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
انت عاقل يول؟؟
رفع راسه وعض على شفته السفليه وأشر بمعنى شكو جاوبته بسرعة ،
منو من عدهم ارفد الأبرة لو النجمه لو التاج؟؟
جاوبني بصعوبه ،
هَيْصَم: الأبرة.
فيروز: رفعت حاجبي بتفاجئ من تصرفاته غريب حتى بتسميه الأسماء عجيب هذا الرجال،
دست اتصال دقيقه وسمعت صوته.
أرفد: يا مرحبا واخيراً اتذكرت ابن خاله تسأل عنه.
فيروز: عفواً من حضرتك لكن تگدر تجي للبيت هَيْصَم كلش متأذي.
أرفد: انتِ منو؟!
فيروز: هسه انت شدخلك اني منو فقط تعال للبيت وشوف شنو بيه بسرعة لو تلحگ عليه لو لا حالته كلش خطره.
أرفد: بس شخص واحد اريد يتصل بأرفد و ميكون عنده مصيبه على يوم تسوون بيه انفصام وتخلوني اترك حتى الطب.
فيروز: غلق الخط بوجهي ليش عصب اني شكو؟
فتحت الكنتور طلعت احد قمصانه لفيته على الجرح اذكر بالأفلام يحضرون مي حار بسرعة خليت على الطباخ گدر مي نظيف حتى يكون جاهز من يوصل الدكتور ورجعت يمه اقتربت سمعت ونات خفيفه من عنده قربت أيدي لامست جبينه حرارته مرتفعه يا الله شنو اسوي المشكله اني ما احب امور الطب وماعندي فهم بيها ابد محاضره ولدورة تعليميه طول حياتي فقط بعض الأمور اعرفها من الأفلام و المسلسلات تقريباً مستغرق وقت طويل وصل الدكتور عرفته من صوت الجرس ،
خلال فترة بقائي اهنا عرفت الأماكن وحفظتهم صحيح هم مثل الأحجيه او المتاهه بس بالتركيز تگدر تعرفهم طلعت للباب اللي يصير بنهايه الممر الطويل اللي يربط جميع اجزاء البيت الداخليه بعدين على جهة اليسار للممر يكون ممر ثاني بنهايته هو الباب فتحته وطلعت للباب الرئيسي يكون على بعد خمسين متر تقريباً مو كلش جبيرة على جهة اليمين من الطرمه حديقه صغيره بيها ورود وبعض النباتات وبيها مرجوحه لونها ابيض والغريب هذا اللون الفاتح الوحيد الموجود بالآثاث الباقي بالأجماع باللون الأسود و الذهبي ،
فتحت الباب لگيته واگف شاب اسمر عنده لحيه محدده وشعره مرفوع لابس قاط رسمي اسود وقميص ابيض و بأيدة جنطه ، صفنت عليه ونسيت لازم اگله اتفضل انتبهت على نفسي من أشر بأيدة وگال.
أرفد: اخابر والدي يجهز الچادر والخروف؟
فيروز: جاوبت بغباء ،ليش؟!
أرفد: لأن اكيد مات على هاي صفنتج.
فيروز: اها فهمت.
مخلاني اكمل جملتي قاطعني من گال.
أرفد: بعديلي حتى اشوف يحتاج طب عدلي لو تشييع سريع الله مبتليني بناس الطب النفسي ميتحملهم و الخالق.
فيروز: استغفر الله اخلص من هَيْصَم يطلعلي أرفد هو اني الله مبتليني بيكم مو انتوا ، دخلت بسرعة بعد مغلقت الباب ورحت بسرعة للمطبخ طفيت النار واخذت الگدر يمه للغرفه هو شافني لازمته صفن بوجهي بعدين گال.
أرفد: هَيْصَم صيح يا علي واضغط حيل ابني لتعبني وياك يلا بسرعة عندي هوايه مراجعين غيرك.
فيروز: جاوبه بصعوبه وشفت شبه ابتسامة مرسومة على ثغره
هَيْصَم: أرفد لتزعجها واشتغل.
أرفد: بالمي الحار؟
فيروز: جاوبت بشجاعه واني مخليه أدية على خصري واحرك برجلي بعدم رضا ، ليش شنو بيه المي فوگ محبيت اساعد هيج تعاملني؟!
أرفد: ليش هي ولادة شسوي بالمي الحار؟!
فيروز: شعرفني هيج اشوف ب المسلسلات دارسه طب قابل؟
أرفد: ومن اگلهم تعلموا ميقبلون!!
ياست افهمي هاي عمليه جراحيه يحتاج بيها خيط وأبره وديتول يعني معقم بوجوده منحتاج مي حار وهسه اذا ممكن اتفضلي بره خلي اشوف شغلي ابنه يستحي يشلح قميصه امامج.
فيروز: واضح جداً حيل يستحي ، تركتهم وطلعت دائما مذموم اللي يسوي خير ان شاء الله م.. لا خوش رجال ما ادعي عليه ،
دخلت لغرفتي اللي ختاريتها تصير قريبه على غرفته تشبه التصميم بس جربايتها نفر واحد و الكنتور اصغر اشويه ، خليت راسي على المخده وغلقت اعيوني ومنظره والدم ماليه مينمحي من عقلي ذكرني بالماضي وخله ادموعي تنزل بطئ اطلقت العنان الهم واستقبلت حزني بحضن مفتوح وسعة صدر كبيرة.
أرفد: تحتاج دم ليش مأجيت للمستشفى واني دبرت موضوعك الى متى تبقى معند ومتسمع الكلمه ؟!
هَيْصَم: ميحتاج نفس الدكتور ونفس الأمكانيات لكن البيت أأمن من المستشفى وانت تعرف السبب.
أرفد: محد يگدر يطخك واني موجود بس انت ميبس راسك ومتقبل تسمعني.
هَيْصَم: اذا وگع الأسد كل الحيوانات تتراقص على جروحه وهذا الشي اللي ما أريدة اكره نظرة الشفقه بعيون الناس و اكره الشماته ايضاً.
أرفد: منو يگدر يتشمت بيك اللي سويته لخدمه العراق المفروض تكرم مو تهان.
هَيْصَم: كمل شغلك أرفد ورجع لعملك.
أرفد: خدرت المكان راح ابدي اخيط الجرح لكن يحتاج دم اني خبرت احد الممرضين الموثوقين هسه يجيب بطلين ويجي.
زمجر بغضب وگال بصعوبه.
هَيْصَم: أرفد دليته على البيت؟
أرفد: نام ولا كلمه لتعرض بطلاتك وانت ضربه مابيك ناقصك دم بعدين هذا الممرض ضمانتي ميسوي شي كون مطمأن.
هَيْصَم: اعرفه ؟
أرفد: اياد اللي ساعدك من جبت لَّباءَة للمستشفى صدگ اتعافت لو لسه؟
هَيْصَم: هي نفسها اللي جابت المي الحار.
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
اول مدخلت للبيت رحت بوجهي للمطبخ بصفه على جهة اليسار الغرفتين وحده مقابل الثانيه والأستقبال بابها خارج البيت ، خليت الأغراض اللي جبتهم نص طبقة بيض واجبان وعلبة حليب وتوست رتبتهم بالثلاجه ورحت لغرفتي سمعت صوت حركه اتجاهلت الموضوع واجيت اغير ملابسي بس وقفني صوت فتح القفل الخوف بهاي اللحظة والرعب اللي عشته لايوصف ابداً لو شنو محجيت مستحيل اوصف شعوري بهذا اليوم بقيت واگفه بمكاني والأفكار غادرت مخي بالكامل ،
منو ، شنو ، ليش ، كل هاي الأسئلة افترت بمخي واني اشوفه يدخل شخص معضل لابس اسود بأيدة سلسله يلعب بيها ويفرها على اصابعه ويرجع يفرها مره ثانيه واكو سلاسل فضيه بالنطلون مالته ومخلي كمامه على حلگه مرسوم عليها شعار القراصنه ب الأفلام كارتون جمجمه وعضمين على شكل X ،
اتقرب من عندي واني ارجع ليوره وگعت على الجربايه واعضائي كلها دخلت في حاله سكون غريب بردت والرجفه سارت بكل انحاء جسمي معرفت شنو اتصرف ومنو الشخص اللي يگدر يطلعني من هاي المصيبه ، سحب أيدي وصرخت بألم ،
الله عليك عيفني مسويت شي اني والله،
مسمع من عندي شنو احجي ترك أيدي وطلع من جيبه كلنكس ومن الجيب الثاني قنينه صغيره فتحها وخلاها على الكلنكس ورجع رفع راسه ممبين من عنده شي جان لابس جاكيت اسود بيه كبوس مغطي اعيونه سحب أيدي وقرب الكلنكس من انفي حركت راسي واني اصرخ حتى يبتعد رجع ثبت راسي بأيد والأيد الثانيه ضاغط بيها على أنفي فقدت الوعي ودخلت بظلام دامس صحيت واني بغرفه ظلمة اصوات غريبه وخيال قريب من عندي اقترب من عندي حيل سمعت صوته وهو يحجي وياه.
اقتلها قبل متفضحنه بسرعة.
بس سيدي هي مسمعت شي ليش حتى تموت؟
حتى لو منگدر نسيطر عليه اذا هي موجوده خلينه ننهي حياتها حتى يبقى تحت امرنه ومتقودة مرأه اكبر عدوا للرجال هو الحب وللأسف هو حبها على رغم حذرته من عدها الف مره بس راسه يابس ومعند فكر اذا خطفها واخذها يمه يگدر يحميها ميدري هو سهل عليه الطريق.
مفكرت اذا عرف شنو ممكن يسوي بينه هو ميحترم احد وتعرف طبيعته عدل انت تلعب بالنار بدون متحس.
لو تقتلها بهاي اللحظه لو تموت بنتك شنو تختار؟
مثل متريد اسوي اللي تريده بس اترك بنتي الله يوفقك سيدي.
اوگف مو بمسدس اقتلها بسكين حتى محد يسمع.
فيروز: شفته اقترب من عندي و بأيدة سكين جسمي ما اگدر احركه احس اطرافي مشلوله ولساني مخدر ما اگدر الفض كلمه دعيت بداخلي رب السماء يساعدني ويبعثلي منقذ ، صارت كل حياتي امام عيني خساراتي واخفاقاتي ونجاحاتي والدي اللي مگدرت اودعه تركني وحدي بهاي الدنيا الظالمه يم ناس وحوش لو والدتي اللي ملمحتها اصلاً ام اقاربي اللي ماعرف عنهم شي ،
منو الشخص اللي راح ينقذني واني وحدانيه بمكان مليان ناس مجرمه سفاحين عدهم قتل الأرواح مثل شرب المي بداخلي اتشاهدت وستغفرت راح اقابل ربي واني عاصيه وممتبعه معالم الدين بأي وجهه اذا سألني اجاوبه واي عذر يكون مناسب لقبيح عملي؟؟!!
من بين افكاري و ادموعي اللي تنزل بطئ سمعت صوت سيارات الشرطه والنداء اللي صار بالسماعه حتى يخلون المكان سمعت صوته وهو يحجي بأنفعال.
استعجل راح يداهمون المكان يلا.
حاضر سيدي.
فيروز: اقترب من عندي وحجه قريب من عندي.
سامحيني بس اني اب وما أگدر اشوف بنتي تخسر حياتها امامي.
فيروز: مرحم حالي ابداً وطعني بالسكين الألم قوي حيل وحسيت اعيوني بدت تنغلق وحدها قاومت حتى ابقى بوعيي واطلب المساعدة بعد مطلعوا من دخلت الشرطه جان عندي امل واحد منهم يدخل وينقذني وبائت كل مخططاتي بالفشل من هدأ الصوت وختفى صوت السيارات حسيت نهايتي قربت وبعد ماكو فائدة تعبت و الدم ملاني غلقت عيني واني اتخيل بابا لاب?
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
هَيْصَم: لتحاولين تلعبين وياي لسه معرفتي اني منو اتقي غضبي وهاي آخر مره اسأل لّهيم منوو وشنو علاقتج بيه؟؟
فيروز: اخذت نفس عميق وحجيت بقلة صبر ،
ماعرفه وهذا الأسم اول مره اسمع بيه ماتربطني علاقه مع اشخاص يمتلكون اسماء غريبه اني مجرد بنيه حالي حال جميع نساء بقاع الأرض اطلع الصبح لوظيفتي الساعه ثنتين ينتهي دوامي أرجع لبيتي وهكذا حياتي ماشيه بهاي البساطه حتى اجيت انت وعقدتها.
هَيْصَم: تصحيح اني نقذتج من موت حتمي جان ملاحقج سواء صدگتي ام لا هاي الحقيقه شي ثاني فرضاً صدگت انت متعرفين لّهيم منو شنو جنتي تسوين ببيت مشبوه ومثل متگولين انت بنيه مثل باقي النساء من العمل للبيت و العكس صحيح؟!
فيروز: ماعرف ايضاً اني اتفاجأت من شفت نفسي هناك ونصدمت اكثر من شفتك.
هَيْصَم: سولفيلي بالتفصيل شنو صار وياج بيوم الحادث من فتحتي اعيونج من النوم حتى اغلاقهن من شفتيني.
فيروز: ليش حتى اثق بيك ممكن اتكون انت ايضاً خطر على حياتي وتريد تاخذ من عندي معلومات حتى تقتلني؟!
هَيْصَم: اني وعدتج احميج بحياتي مستحيل اخلي شي يضرج كوني مطمأنه من ناحيتي.
فيروز: بس انت گلت اذا مقتلوج اني اقتلج اعتقد هذا كلامك!!!
هَيْصَم: اني گلت؟؟
عندج دليل؟؟
فيروز: اخذت نفس بتذمر ورفعت حاجبي وحجيت بثقه ،
معناها انت مينوخذ من كلامك حق وباطل يعني ضماناتك بدون معنى.
هَيْصَم: شنو تردين مقابل اعترافج؟
فيروز: شنو ممكن تقدملي؟
هَيْصَم: اللي ترديه.
فيروز: حريتي.
هَيْصَم: مستحيل.
فيروز: السبب؟؟
هَيْصَم: الخطر محاوطج من جميع الأتجاهات و خبرتج سابقاً اذا رخيت الحبل ممكن تموتين بدون حتى ميكون الج قبر او عزاء او يمكن جثه يستدلون بيها اهلج عليج.
فيروز: لهاي الدرجه حياتي بخطر ؟؟
شنو السبب ليش حتى يصير ويايه هيج شي؟!
هَيْصَم: عن طريق الخطأ دخلتي بنص قوقعه مجان لازم تفوتين بيها دوامه جبيره وناس مجرمين لذلك اتحملي العواقب.
فيروز: شنو سبب مساعدتك اذاً؟؟!!
على حد علمي اني ماعرفك شنو الدافع اللي يخليك تضحي بحياتك علمودي.
قهقه بصوره عاليه واعيونه صاروا حمر ضرب على فخذة عدت مرات بعدين اخذ نفس وعدل گعدته قرب راسه من عندي وأدية مثبتهم تحت حنكه وگال ونبرته مليانه ثقه مثل أسد حاسب خطواته ومستعد تماماً حتى يصطاد الفريسه.
هَيْصَم: الهَيْصَم ميدخل للعبه اذا ميعرف القواعد و الطريقه والشخص اللي يلعب والفائز محدد من قبلي قبل متبدي اصلاً لذلك لتحسسيني اني ضعيف لدرجه حتى احميج لازم اضحي بحياتي؟؟
فيروز: كلامه غصب ايخليني اخاف لا أرادي احس نفسي اتعامل وي انسان مريض مو صاحي ابداً سألته ونبرة القلق واضحه جداً ،
انت منو؟؟
هَيْصَم: نظرة خوف بعيونج ناحيتي!!
جيد خافي لأن الأنسان الخائف شجاع بطريقة عجيبه.
فيروز: شنو نهاية هاي الحرب؟
هَيْصَم: بكل حرب طرف خاسر وطرف فائز.
فيروز: يعني احتمال يقتلوني وارد جداً ؟؟
هَيْصَم: حتى يوصلون للَّباءَة لازم يعبرون هَيْصَم وحتى يعبرون الهَيْصَم لازم يسلمون على عزرائيل شخصياً.
فيروز: كلامك غريب عندك علم؟؟
هَيْصَم: الغرابه تفيض من عندي من كل جانب وين المشكله؟!
فيروز: المشكله الوحيده وجودي اهنا مع رجل محرم عليه ما اعتقد اكو مشكله اسهل من هيج شنو رأيك انت!!
هَيْصَم: اذا حابتني گولي ماكو داعي كل دقيقه ذاكره هاي الجمله انت رجال غريب واني مره وحدي.
فيروز: رفعت حاجبي وحجيت شنو قصدك مفهمت؟
هَيْصَم: حابه نعقد شيخ حتى اكون محلل عليج و تگدرين تاخذين راحتج لتستحين اني رجل شرقي صح لكن تفكيري تفكير رجل عصري.
فيروز: يحجي ويرفع بحاجبه ويسوي حركات غريبه بوجهه ، نظرتله بتحدي وحجيت بسرعة ،
لو تكون اخر رجال بالعالم مستحيل اسمح يرتبط اسمي وي اسمك علم على كلامي.
اتقرب من وجهي حيل وگال بثقه.
هَيْصَم: تراهنين؟
فيروز: اي.
هَيْصَم: اذا ليش گلبج يخفق بقوة بسبب الخوف مو؟
فيروز: لتسهتزء مستحيل احبك او اتزوجك فاهم.
هَيْصَم: اذا تقدمت لخطبتج ارفضي مو الأن بس معقولة تردين اتقدملج هسه؟!
فيروز: مستفز.
هَيْصَم: غبيه.
فيروز: اكرهك.
هَيْصَم: بعد الكره حب عميق لَّباءَة.
فيروز: لتسميني هذا الأسم ما احبه.
هَيْصَم: لكن اني احبه اله لحن مميز وجماليه خاصه.
فيروز: درت وجهي عنه رجع گال.
هَيْصَم: مكملنه الحديث لتتهربين من عندي وتفكرين تگدرين تتملصين من اسألتي بسهوله اليوم لازم اعرف كل شي صار وياج وقت الحادث من الألف الى الياء.
فيروز: واثق جداً منو خبرك اني راح احجي اصلاً ؟!
هَيْصَم: تردين طلعين مو لو مو مو؟
فيروز: اي اريد اطلع.
هَيْصَم: اذاً صيري مثل البلبل الفتان وغردي.
فيروز: معقوله خانك بلبل؟
بس بسببك هذا الشي اكو واحد عاقل يسولف اسراره لبلبل؟!
هَيْصَم: طريف.
فيروز: اعرف.
هَيْصَم: يلا غردي ماعندي وقت فراغ هوايه اريد ارجع للمركز عندي شغل مهم.
فيروز: ما اعتقد مقيدة حركتك روح براحتك وين متريد.
هَيْصَم: حابه تتعاقبين لَّباءَة؟؟
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
لائِث: حاضر سيدي.
هَيْصَم: المنتسب عاصم يمارس اعمال غير قانونيه تم القبض عليه آثر تلقيه رشوة قيمتها
خمسمائة دينار عراقي الشاهد النقيب هَيْصَم والملازم اول لائِث.
عاصم: سيدي شنو هذا الحجي اني مسويت هيج ليش تريد تورطني وتضيع تعب عمري بدون ذنب معقولة تظلم الناس بهاي البساطه!!
هَيْصَم: لائِث اني ظلمته؟؟
لائِث: حشاك سيدي انت رمز العدل بمركزنا.
هَيْصَم: سمعت حتى لائِث يشهد وياي بهاي الحاله حظك سيء جداً.
عاصم: بس اني بريئ سيدي وانت تعرف ليش تتهمني تهمه باطله؟؟
هَيْصَم: اني شاهد هذا ميكفي شنو نسوي بدليلك!!
عاصم: الله يوفقك لتظلمني سيدي عندي عائلة و اطفال.
هَيْصَم: تقبل زوجتك تتعرض لهيج موقف؟
بنتك مثلاً او اختك؟؟
عاصم: شنو دخل عائلتي بوحده مجرمه؟!
هَيْصَم: بعدك مصر تحجي بدون دليل ،
لائِث.
لائِث: نعم سيدي.
هَيْصَم: اريد زوجها يمي خلي ينول شرف الهَيْصَم يحقق وياه شخصياً محظوظ مو؟
لائِث: ابتسمت وجاوبته ، اكيد سيدي فرصه من العمر مستحيل تتكرر مره ثانيه.
هَيْصَم: اذا استعجل وخلي نشرح لملازمنا عاصم شلون يكون التحقيق على اصوله وشوكت يگدر يستخدم العنف ومنو الشخص اللي يستاهل الضرب.
لائِث: حاضر سيدي.
ضربات خفيفه على الميز ناتجه من اصابعه حامض حلو بثغره مثبته وعيونه تراقب اللي صافنه بالفراغ ودموعها تنزل بطئ يمكن ذكرته بمشهد من الماضي وتخيلها بنفس الموقف السبب اللي يخلي الضابط الغضنفر هَيْصَم ميضرب النساء ابداً وحريص دائماً على سلامتهن هو مع مقولة "لاتضرب المرأه حتى بوردة"
دخل للغرفه بعد مأمر لائِث ياخذ البنيه خارجها گعد مقابيله على الكرسي رفع طرف شفته بأبتسامه غريبه وهو يدقق بملامحه ويدرسهم بعد دقايق نطق بثقه.
هَيْصَم: اعرفك عن نفسي هَيْصَم تشرفت بمعرفتك داخل مركزنا هاي اول مره وما اوعدك تكون الأخيره هذا الشي يعتمد انت وطنيتك ، وهسه يا سيد..
دُريد سيدي.
هَيْصَم: اهلاً بيك دُريد ، خبرني ليش تهمت زوجتك هيج اتهام قوي بدون وجود دليل يثبت صحة كلامك!!
دُريد: سيدي اني وياها متزوجين من خمس سنوات حبيتها حيل ودللتها ومقصرت وياها بشي ابداً بعدين صارت مشاكل بالعائله بينها وبين اختي وامي مستمرت فتره طويله وعندت الا نطلع بيت وحدنا بدون سابق انذار معرفت شنو السبب وليش تغيرت هيج بهاي السرعة وصارت انسانة ثانيه جان صوتها مينسمع ومتنزل من حلگها كلمه حاضر وتدلل ، فكرت انو حقها وتريد تعيش مثل باقي النساء لذلك أجرت بيت صغير قريب من اهلي وطلعنا صارت طبيعيه فتره بعدين رجعت نفس الحاله تصيح وتكسر وشبه نجنت لذلك ما أگدر احزر تصرفاتها و البارحه بالليل جنت نايم تعبان وفزيت عليها لازمه سكين وتصرخ لزمتها بأيدي وضربتها ونجرحت خفت حيل من عدها وتصلت بأخوي وهو ماعرف شلون وصل الحجي لأمي اجت لبيتي تركض وحلفت اذا ما اشتكيت عليها وسجنتها تتبره من عندي وهي مره جبيرة ومريضه مگدرت ما اطيعها.
هَيْصَم: هذا فقط ؟
دُريد: نعم سيدي بس هيج.
هَيْصَم: حاولت تقتلك سابقاً قبل هاي المره ؟
دُريد: لا سيدي هي تحترمني حيل وتحبني وتخاف عليه من الهوه حتى اني اتفاجأت من تصرفها هذا.
هَيْصَم: عدكم اطفال ؟
دُريد: للأسف لا.
هَيْصَم: شنو السبب؟
دُريد: هي عقيم.
هَيْصَم: ليش منفصلت عنها اذاً؟
دُريد: زوجتي و احبها حيل وتزوجتها بصعوبه معقولة اتركها علمود طفل لهذا اليوم اني مُصر ما اتخلى عنها وحتى لو تريد تقتلتني وقسماً بذات الله لو مو امي مجان شتكيت بس الأنسان ب لحظة العصبيه كل شي يسوي.
هَيْصَم: اختك عدها اطفال؟
دُريد: عدها اربعه وحامل هسه ب الخامس.
هَيْصَم: تجي فترة الحمل يمكم؟
دُريد: اغلب الأوقات يمنه زوجها يطلع من الصبح للعصر ب الشغل وميخليها وحدها بالبيت.
هَيْصَم: وامك شنو وضعها وي زوجتك؟
دُريد: هي وي بناتها اكيد متقبل عليهن حتى لو غلطانات.
هَيْصَم: طلبت من عندك الطلاق سابقاً ؟
دُريد: كذا مره ودائما اقابلها ب الرفض.
هَيْصَم: شنو ردت فعلها من ترفض؟
دُريد: تعصب وتكسر وتثور بوجهي بشكل عنيف جداً وتتغير معاملتها اليه لكن متبقى اكثر من اسبوع وترجع حياتنا طبيعيه لكن آخر مره جانت قبل شهر طلبت ننفصل بعد مسمعت امي قررت تزوجني لكن اني رفضت لذلك بدت تتصرف بشكل غريب وحاولت تقتلني.
هَيْصَم: شنو ردة فعلك على الزواج؟
دُريد: مستحيل اقبل لو آخر يوم بعمري اني احبها لزوجتي وما اقبل اتركها شلون اخلي على راسها ضره؟؟
هَيْصَم: و الأطفال انت مراح تگدر تعيش شعور الأبوة تتحمل هذا الموضوع ؟
دُريد: آخر همي الأطفال او اني اكون اب كل اللي اريده اعيش وياها بسلام وأمان مطلبت اكثر من هيج.
هَيْصَم: لائِث.
لائِث: جنت واگف خلف الباب وأراقبهم من الكامرات اول مسمعت صوته دخلت،
نعم سيدي.
هَيْصَم: خلي زوجته تحضر لهنا.
لائِث: تأمر سيدي.(الناقله روعه الطائي)
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
هَيْصَم: طلعت موبايلي وتصلت ، الو ضَرْضَم.(الناقله روعه الطائي)
ضَرْضَم: احترامي سيدي.
هَيْصَم: جمع الفريق راح نلتقي بالمكان المعتاد.
ضَرْضَم: تأمر سيدي.
هَيْصَم: وصلت للمكان المطلوب نزلت ودخلت للمطعم بالعادة نلتقي بهذا المكان بي قسم عائلي ونگدر ناخذ راحتنه بالكلام اول مدخلت نهضولي احترام وأدوا التحيه ،
رخوا.
ضَرْضَم: سيدي احد المشتبه بيهم اتصل بواحد من جماعتهم زعيمهم يبحث عن بنيه جانت موجوده ضمن المعتقلين قبل يومين بالبيت اللي رحناله وديبحثون عليها بشكل مكثف لكن لحد الأن محد يعرف مكانها وين او هي عايشه او ميته اللي عرفته من مصادري اتعرضت للطعن من قبل شخص مجهول وبدون معرفة السبب.
هَيْصَم: اريدها يمي قبل ميحصل عليها احد سواء ميته او عايشه لذلك هموا ايدكم وخلونا نشتغل بشكل مكثف.
هَمَّاس: لكن سيدي حتى اسمها احنه منعرفه اشلون نگدر نبحث عنها؟
هَيْصَم: اكيد راح ينذكر اسمها بعمليات بحثهم راقبوا جهات الأتصال اللي اتصلوا عليها المعتقلين لازم اكو ثغره نگدر نعرف من خلالها حل اللغز ، كل مجرم لازم يترك دليل واحنه نستغل هاي النقطه.
لائِث: سيدي اكو خبر سيء وردني هسه.
هَيْصَم: اسمع.
لائِث: اجه خبر من الأعلى احد الضباط قدم طلب حتى ينضم لمركزنا ويكون ضمن الفريق.
هَيْصَم: ماكو غيره مستقتل حتى يلزم القضيه.
هَمْهَام: عذراً سيدي لكن اني ماعندي ثقه بالغرباء ممكن ايخون او دازيه العصابه شلون نگدر انأمن بيه؟!
هَيْصَم: ثق بيه مستحيل اسمح بالغدر وهو بضمانتي اذا بقى اصلاً.
ضَرْضَم: شنو خطتك سيدي ؟
هَيْصَم: نرجع للمركز وهناك راح تشوف بعينك.
رجعنا ودخلت مكتبي بقيت اشتغل على القضايه الثانويه اللي لازمها شويه ونطرق على الباب عرفته هو ،
ادخل.
انت ليش اتسوي هيج شنو ايسمون هذا التصرف يعني؟!
هَيْصَم: وعليكم السلام ورحمه الله.
لتستهزء احجي جد.
هَيْصَم: الواضح نسرنا يريد عقوبه ؟؟
نسر: شنو قصدك ؟!
هَيْصَم: اني مديرك لو نسيت شلون تتجرء وتحجي وياي بهذا الأسلوب!!
نسر: وانت شلون متخبرني رجعت انفتحت هاي القضيه مره ثانيه معقولة نسيت جنت لازمها اني سابقاً ؟؟
هَيْصَم: وتسكرت بوقتها ورجعت نفتحت من جديد لكن هاي المره هي بأيدي وفريقي مكتمل ايضاً.
نسر: مفهمت!!
هَيْصَم: يعني اني مو بحاجتك ضمن فريقي نسر.
نسر: بعد كل هذا الجهد اللي بذلته تريد اتراجع مستحيل.
هَيْصَم: اذاً راح تبقى مثل البقيه منتسب لهذا المركز لكن القضيه مراح تلزمها.
نسر: هَيْصَم لتعصبني انت اكثر واحد يعرف شگد حاربت على طول هاي الخمس سنوات وحتى بعد ما نغلقت القضيه اني بقيت مستمر بتجميع الأدله.
هَيْصَم: هباءً منثورا مستفاديت شي طول هاي الخمس سنوات غير تعبت نفسك.
نسر: لأن ماكو دليل اركض وره سراب بدون فائدة.
هَيْصَم: ومتسائلت عن السبب!!
نسر: منطيت جهد اكثر شنو يكون غير هيج.
هَيْصَم: وهنا الفرق انت تجهد نفسك بدون تفكير اني اسوي العكس العقل دائماً ايكون افضل من العضلات.
نسر: مع ذلك اريد اكون ضمن هذا الفريق.
هَيْصَم: لا.
نسر: وتالي؟؟
هَيْصَم: الله عالي.
نسر: متضحك.
هَيْصَم: مو هدفي اضحكك.
نسر: والحل وي عنادك؟؟
هَيْصَم: اريد موافقته بعدها اقرر.
نسر: اني مو طفل حتى اخذ موافقته هَيْصَم انت تعرف عدل طبيعتي بالعمل.
هَيْصَم: الضاهر نسيت شنو صار وياك من خمس سنوات نتيجه اتخاذك قرارات خاطئة؟؟
نسر: لتلومني كل اللي سويته جنت احس هو الصح وبالأخير گدرنه نعتقل علاء احد اهم المروجين.
هَيْصَم: الخسائر اكبر من الأرباح اذاً عملك غير ناجح.
نسر: بشنو خسرت؟
هَيْصَم: حب حياتك ، و علاء اللي انتحر بعد مرور وقت قصير من دخوله السجن لو ام ميار اللي رفعت عليك قضيه تحرش بنتها؟؟
كون شاكر طلعت منها سالم بعد سجنك اسبوع كامل واخضاعك للتحقيق وتوقفت عن العمل لمدة شهر كل هذا اللي صار نتيجه اتخاذك قرارات من راسك بدون دراسه،
بعض الأحيان لازم ناخذ من نقاط ضعفنه قوة وهاي المره خلي هدفك واضح خلي معاناتها امام عينك وخسائرك ايضاً ، حارب هاي المره بنيه الأنتقام لكل الأضرار اللي تسببوا بيها سواء النه او للمواطنين.
نسر: هدفك شخصي هاي المره؟
هَيْصَم: شنو مكان هدفي المهم النتيجه وحده.
نسر: من وين راح نبدي؟
هَيْصَم: بعلم النفس مقولة تگول ( اطلب المستحيل لتصل الى الممكن ) واني هاي المره اريد زعيمهم.
نسر: اني وياك بشنو متقرر خطوة بخطوة.
هَيْصَم: اذا ارجع لمكانك ولتخلي احد يعرف يربطني بيك شي واني اخبرك شنو لازم تسوي.
نسر: انت تعرف انزحت عن منصبي واستلم غيري ادارة المركز لذلك مراح يكون لعملي اهناك فائدة.
هَيْصَم: خطأ عملك اهناك هو قمة الفائدة الأفضل نبقى على تواصل لكن اني اخبرك لتتصل انت.
نسر: اللي يسمعك يعتقد صاحبتك اني وخايف زوجتك تكتشف.
عصب حيل واعيونه صاروا حمر وعقله راح لغير مكان قاطعت افكارة قبل ميرتكب جريمه بدون ميحس،
هَيْصَم أرفد خبرني تجاوب على اتصالاته ليش مطنشه صار يومين؟
Читать полностью…
ستوريات وقٌصّصّ مٌنَ آلُِووآقٌعٍ آلُِعٍرآقٌي✨
15 January 2023 20:58
٣___٤
هَيْصَم
البارت الثالث
الكاتبه zahraa022683
__
للتواصل انستا zahraaahmedn99
علقوا بين الفقرات وصوتوا وتابعوا حسابي عيناي انتوا.
شاركوا القصه كبروا عائلتنا وخلونا نستمتع وي الهَيْصَم مع بعض.
_
-تُنسى، كأنَّكَ لم تَكُنْ، تُنْسَى كمصرع طائرٍ
ككنيسةٍ مهجورةٍ تُنْسَى، كحبّ عابرٍ وكوردةٍ في الثلجْ تُنسى.
محمود درويش.
فيروز: حجيت بسرعة قبل ميفكر ايسوي شي و نظرات التحدي بعيوني ، اطلع بره و لتفكر وجودي وحدي اهنا ينطيك الحق تتصرف ويايه بهذا الشكل اذا جنت انت هَيْصَم فأني فيروز مستعدة ارتكب بيك جريمة ولا اسمحلك تلمسني ، مفكرت شنو يصير بعدين كل اللي حسيت بيه لازم اظهر شجاعتي حتى ميفكر ابداً يستغل وضعي حالياً.
ابتسم شبه ابتسامة وگال بنبرة ثقه و نظرة اعجاب باديه على ملامحه استغربتها جدا فكرت راح يعصب او ينفعل من كلامي بس هو سوه العكس تماماً.
هَيْصَم: يوم بعد يوم اتثبتيلي اختياري لأسم لَّباءَة مو خطأ.
فيروز: اقسم عليك مريض نفسي مستحيل اتكون انسان عاقل.
هَيْصَم: هاي اهانه للمرضى النفسيين متوقعت اتكونين بهذا الأسلوب ابداً.
فيروز: انت مقتنع بلي اتسويه جاوبني؟!
هَيْصَم: ليش اني شنو سويت؟؟
فيروز: ضربت رجلي على الأرض وصرخت بغضب ، انت راح تخبلني اني متأكدة ، كل هذا اللي صار مع ذلك تگول شنو سويت!!
يا اخي هاي جريمة اختطاف ليش متقبل تستوعب خطورة موقفك لو مستغني عن مستقبلك بس فهمني ؟
هَيْصَم: اعتقد انت بوضع لازم تخافين بيه على نفسج اما مستقبلي اني مفكر بيه لتفكرين بيه انت اريدج تريحين مخج من هاي الناحيه.
فيروز: مثلك انسان مستفز مشفت انت تشرب حليب مغثه ؟؟
هَيْصَم: ما اعتقد والدتي رضعتني طبيعي ما اذكر شربت حليب سابقاً غير حليبها.
فيروز: مجنون والله.
هَيْصَم: ليش اعيونج تخلي داخل جمجمتي عقل؟؟
فيروز: جحظت عيني على كلامه وحجيت بتفاجئ انت شلون تسمح لنفسك تتغزل بيه بهاي الطريقه؟؟
هَيْصَم: ليش هذا غزل؟؟
فيروز: اطلع بره اذا ابقى وياك دقيقة اكثر تصيبني نوبة قلبيه.
هَيْصَم: بهاي الحاله اسويلج تنفس اصطناعي لتخافين .
فيروز: فكرت اذا ابقى معندة وياه وميبسه راس راح يبقى يتعامل ويايه بهاي الطريقة لذلك لازم اغير اسلوبي ، رجاءً اطلع ميصير تبقى يمي بهذا المكان.
هَيْصَم: خليني افتح ايدج ، امامج نص ساعة تگدرين تاخذين دوش و الملابس موجوده بالكنتور وانتبهي الجرح ميوصله مي حتى ميلتهب لذلك لفيه بنايلون تگدرين تاخذيه ايضاً بنفس المكان مالت الملابس.
فيروز: اتقرب من عندي وطلع المفتاح وفتحلي الكلبچه حجيت بسرعة قبل ميبتعد ، ما البس ملابس غيري.
التفت اليه وعقد حاجبه وگال بنبره استفزاز.
هَيْصَم: ليش اللي لابسته ماركه مخصصه بأسمج!!
فيروز: انت اللي خليتني البسهم مجنت بوعيي بوقتها لذلك لتتفلسف براسي.
هَيْصَم: مو اني اللي غيرت ملابسج الممرضه هي اللي غيرتهم خبرتج سابقاً ما احب المس النساء كوني مطمأنه من هاي الناحيه.
فيروز: طلع من الغرفة واني رحت بسرعة للكنتور ايصير على شكل اربع خانات فتحت اول خانه على جهة اليمين مقسوم قسمين القسم الأول بيه ملابس بيت متكامله كلها عباره عن تراكات اما القسم الثاني ملابس طلعه مدققت اكثر حتى ميخلص الوقت سحبت اتراك اسود وشفت نايلون موجود بصفهم اخذته ويايه لفيت بيه الجرح ودخلت الحمام خذت دوش سريع غيرت ملابسي بالحمام وطلعت جففت شعري ومشطت وگعدت على السرير منتظره يدخل بقى فتره تقريباً ربع ساعة يلا سمعت صوت خطواته تقترب من الغرفة طرق اكثر من مره على الباب حتى سمحتله بالدخول اول مصارت عيني بعينه رفعت حاجبي بنظرة تعجب وگلت ،
متوقعت ايكون عندك ذوق لهاي الدرجه فاجأتني!!
هَيْصَم: ما اعتقد هنتج بتصرف معين لذلك خلي الأحترام متبادل بيناتنا ايكون افضل اتقي غضبي إني متحملج لهذا الوقت ميعني ابداً من حقج تتجاوزين وياي بهاي الطريقة واضح.
فيروز: وين الأحترام بخطفك اليه وجلبي لهذا المكان لا امان ولا حتى ثقه ممكن احس بيهم بوجودي وياك.
هَيْصَم: مطالب من عندج تحسين بشي يكفي وجودج اهنا وتبقين مطيعه و هادئة.
فيروز: خبرني ليش اني اهنا شنو السبب؟؟
هَيْصَم: بالوقت المناسب راح اشرحلج كل شي وعد.
فيروز: ليش حتى اثق بوعودك؟؟
هَيْصَم: وعد الهَيْصَم بصمه وشاهد هو ضماني.
فيروز: اعذرني من هاي الناحيه مستحيل اعتبرك ضمان ابداً.
هَيْصَم: كلامج بدون فائدة الأفضل تنهضين وياي حتى تاكلين من البارحه مأكلتي شي.
فيروز: الكبرياء والغرور يتوقفن دائماً عندي من يكون الموضوع بيه اكل ماعرف ليش يعني الشغله لا أراديه نهضت من مكاني مثل الشاطره و تبعته دخل لنفس الغرفه اللي دخلتلها البارحه بابها اسود و عليها تاج باللون الذهبي گعدت على احد الكراسي المقابيل ميز الطعام خله امامي صحن سلطه فواكه وصحن ثاني بيه بيض سلگ مقطعه بشكل دائري وكوب عصير برتقال وهو رتب صحن اله ايضاً مرتب الشوكه و السكين انتبهت على ادق تفاصيله مو اعجاب وانما فضول معقولة
Читать полностью…
881