للحصول على قصائد محرم١٤٤٥
والحان جميع المناسبات الدينية
الاشتراك بهذه القناة
/channel/karar9497
/channel/karar9497
للحصول على قصائد محرم١٤٤٥
والحان جميع المناسبات الدينية
الاشتراك بهذه القناة
/channel/karar9497
/channel/karar9497
السلام عليكم خدام الحسين ع
محتاجين ادمن ينشر قصائد بهذه القناة
من يرغب بذالك مراسلة
@karraralhasni
لذكرى شهر محرم
على زينب لفه عاشور لمن تذكر أحزانه
تذوب الروح بالشوغات. من القهر خلصانه
★★★★★★★
من تذكر هذاك اليوم. يوم العاشر ابعاشور
ملتمه العده صوبين. ضلت علخيام إدور
نسه بالخيم مرعوبات وچم طفل انهزم مذعور
لوذل لوذبح يردون من حسين عدوانه
★★★★★★★
تصد زينب على اخوتها. تشوف جسوم مسلوبه
بحال المايناسبها تضل زينب المهيوبه
وحرم بالخيم ماتدري. تفر ياكتر مرعوبه
ولاظل للظعن حماي. بيت انهدمت اركانه
★★★★★★★
وتذكر ماجره على حسين. من دارت عليه الخيل
مال من الفرس مصيوب وي ميلته الگاع اتميل
وكل حافر يدوس عليه كتر من جسمه گام يشيل
انطحن جسمه وعلى الغبرة. گظت هلروح عطشانه
★★★★★★★
عدوان التسوگ النوگ مشت للشام مسبيه
تعاتبمن ولاعدهم. حميه وغيره عربيه
هظيمه بلاچفيل تروح وي الغربه علويه
لوعلجبل هم زينب. اتهدم فوگ. وديانه
★★★★★★★
خلصانه بواچي ونوح. زينب روحها وتنحب
ياهو المر عليها وصار. مثل المر على زينب
اهلها امذبحه بالطف الصارت علهزل. تركب
بيت وماسلم ياحيف انذبحوا حتى. رضعانه
★★★★★★★
بهيمه ولاغطه ولا في. ظلوا بس نسه وأطفال
وعليل من العده تغطيه. التمت علعليل ارجال
تطب ديوان لوتنشاف زينب. لا ولا علبال
يزيد الماتظن بيوم. زينب تطب ديوانه
الشاعر حسن لعيبي الحريشاوي
/channel/karar9497
•عـــالـــغـــالي•
الـــــشاعــــــر
حــســيــن هـادي الــســلــطــانــي
ــــــــــــــــــــــــــــــــــــــــــــــــــــ
هونچ يدنياي __ ماضل بعد بيــهن نفع
بهداي بـهداي __ طفاهـــن الهم والدمع
عالغالي ** عالغالي
ــــــــــــــــــــــــــــــــــــــــــــــــــــ
اليفگد عزيز أعلة الگــلب تنتهي بعينة ايامة
وشمعة أحلامة تنطفي وتموت كـــل احلامة
واليبقة گدامة الـــــــصور محد يضل گدامة
ومتعلعل يگضي العمر حال اليموت أحزامة
مـن يجبل الليل __ وأگـــعـد أگلب بالصور
مايبقة كل حيل __ والقــــهر يكتلني القهر
عالغالي ** عالغالي
ــــــــــــــــــــــــــــــــــــــــــــــــــــ
غدارة هل دنية وعلي وكلش صدگ خلصانة
لنعوفة بالتسعة المـــسة للصبح مــاكو ويانة
بدنيانة ماشفنة الفرح شفهمنة مـــــن دنيانة
ومليانة بــــــــس ضيم وقهر يبيوتنة مليانة
مو زينة الأخبار __ والراحة عافتني ومشت
والگلب محــتار __ وعيوني مــن الهم طفت
عالغالي ** عالغالي
ــــــــــــــــــــــــــــــــــــــــــــــــــــ
الدافنلة غالـــي بالـتــــــرب معروف بين الوادم
يبچي أعلة كلشي أبلا وعي ومكسور من يسالم
بالضاهر يحاول يــــــضـــم حـــزنة ويّبيّن غانم
بس عينة تحچي وتعترف هــذا البشر مو سالم
شيضم الــفراگ __ لــــــو بَـيّن أعليك التعب
والشـوگ حراگ __ والعافك أغلة من الذهب
عالغالي ** عالغالي
ــــــــــــــــــــــــــــــــــــــــــــــــــــ
اليهدم الحيل ويحـــط بالگلب لچمة ونارة
من تسأل الناس الغرب عن المشة وأخبارة
طشارة بضلوعك تحِـس وبكل كتر طشارة
وغير البواچي واللطم ماتمتلك كـــل چارة
يرفس بالضلوع __ هذا الســـؤال الينــسئل
وتحسة مشلوع __ گلبك ومعـــــدوم بحبل
عالغالي ** عالغالي
ــــــــــــــــــــــــــــــــــــــــــــــــــــ
الجرح الوحيد المالة حـــل وألــــــي يّغيّر لونك
لمن عزيـــزك بالگــــــبر ينـــحط أگـــبال عيونك
ساعتها يغزيك الوجــــــع وأول ضحـية أمتونك
ينعصرن ويــبدي التعب وأعضاك تبــدي تخونك
يعـــصر بالمتون __ كلشي بمراسيم الدفن
وتخيب الضنون __ لمن تِحس بعدك تحن
عالغالي ** عالغالي
ــــــــــــــــــــــــــــــــــــــــــــــــــــ
/channel/karar9497
حسين تاريخي وحياتي وديني
الله يشهد حُبك مغذيني
@@@@@@@@@@@
حسين دمك ثوره صار عله الطغات
ولوله دمك ابد ماصارت حيات
تكملت بيك المعاني والصفات
عايش وطول الزمن ترويني
@@@@@@@@@@@@
إنته بطف واحد وخصمك إلوف
وانته لمن كبرت صارت خسوف
انته بيدك سيف بس كسر سيوف
بشعائر تعتلي وتحييني
@@@@@@@@@@@
الله خصاك إمنازل أنبياء
تراب كبرك للمريض أصبح شفاء
بحضرتك مقبول يحسين الدعاء
هاي اعظم مرتبه ويكفيني
@@@@@@@@@@@@
إنته لا لذل كلتها وكبرت
بنهظتك جم عرش ظالم حطمت
إنته طول الزمن عايش مامتت
بسمك آنه بالمهد تلقيني
@@@@@@@@@@@
أغله محبوب وأبد مالك مثل
عشكتك كل البشر بس هم قليل
لان ماكو بالخلك مثلك قتيل
من كلتها ياسيوف إخذيني
@@@@@@@@@@@@
أنته وارث كل نبي مرسل أمين
الكون كله يردد بإسم الحسين
ثورتك تختلف عن الثائرين
وكل سيوف الدهر ما تثنيني
@@@@@@@@@@@@
شلون إبنك عله صدرك ينذبح
عسه ليله لاكظه وبان الصبح
جم جرح صاباك بطف جم جرح
رغم كل هذا وفديت إبنيني
@@@خالد الناصري @@@
/channel/karar9497
أ يالاكبر…. روحي صارت مگبرة
أ يالاكبر….. ويبچي سبع الگنطرة
زينب ادگ عالراس…. ويبچي يمها العباس💔
★★★★★★★★★
اهنا يالاكبر وحشى روحي وكل خيمي
وگبل حرگ الخيم يبني احترگ دمي
گبل گتلي مااعــــوفـــك وانـــت يمي
وگتلي اموت ولا اشوفن يبچي عمي
شوا عفتتي… وظلمه صارت خيمتك
شوا عفتني … وشيبـــت وي عمتك
زينب اتفيض احساس…. …. ويبچي يمها العباس💔
★★★★★★★★★
والله صعبه ايعيش كلمن فارگ أبنه
ياعلي شوا چنك انته انسيت حبنه
غير ابو فاضل منوا اليسكن گلبنه
ومثل زينب ياعلي محد يحبنه
هايه زينب…. تنتظر وسط الخيم
هايه زينب….. تحچي وي راعي العلم
أختك ابلايه انفاس…. …. ويبچي يمها العباس💔
★★★★★★★★★
يابعد روحي وحياتي البعد فترة
ويرجع البيته اليسافر ولوا مرة
ياهوا مثلي وابنه يمه انگطع نحرة
والحوافر كلها داست فوگ صدرة
بالحوافر… هذا ابني المنسحگ
يالحوافر….. ايموت بس يحيه العشگ
الوردة🌹 لا ماتنداس……. ويبچي يمها العباس💔
★★★★★★★★★
يعينه الله الرايح ابنه وفكس عينه
ياعلي افراگك ترة شمسوي بينه
انـــه والعباس بس نفرك بدينه
وزينب اتسولف مصابك ع اسكينه
يارقية… . چنـــــه الاكبر مايجي
يارقية…… يحــــله ويـــاچ البچي
ليله گطعت چم ياس …. ويبچي يمها العباس💔
★★★★★★★★★
انـــه اول مــــرة اجيك ومحني ظهري
ياعلي يبني اعله عمرك فدوه عمري
انـــه ماباچي يبويــــــه وانت تدري
وصعبه هسه الناس تنظر دمعي يجري
هذا حالي… .. وانته طايــح باالحرب
هذا حالي…… ولحيتي انترست ترب
امك ابين الناس….. …. ويبچي يمها العباس💔
★★★★★★★★★
كفكفت دمعــــي اوصلتك للمعارة
دمعي شيفيد اوريـــدك دم تجارة
ياعلي المن علي امأجـــــل فقارة
بويه والمثلك ترة مايبطي ثــــارة
ياغلاتك….. الترب صاير حصتك
ياغلاتك….. خل ابوسن گصتك
چنها حضرة وتنباس….. …. ويبچي يمها العباس💔
★★★★★★★★★
يبني شلتك فوگ صدري و دمعي سايل
وحافي اتلگاني يركــــض ابو فاضل
وصاحت امك ياعلي حلوا الشمايل💔
وزينب اتلگتني چنها جــبل مـــــايــــل
وبخيمنه…… اتمــــــددت يـــــم الگمر
وبخيمنه…… المهدي يم جثتك حظر
اجروحـــه لا ماتنقاس…. ويبچي يمها العباس💔
★★★★★★★★★
ـــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
/channel/karar9497
ليلة العاشر 2023
الوداع الوداع. ياحبيبي ياحسين
........
الليله آخر ليلة يمنه حسين ياروح الزجية
ليلة وداع ومناحه. للصبح نسهر سويه
باجر تحلّ المصيبه ونفترق بالغاضريه
انت تتگطّع يخويه واني عالهزله سبيه
للصباح للصباح. والله ما تغمضلي عين
الوداع الوداع ياحبيبي ياحسين
........
ريت ميته ولا اودعك خويه لسيوف المنية
انت والعباس باجـر. ما يضل واحد الية
شلون لو هجت علينه. زلم وخيول آل امية
من يدافع عن خيمنه. لو رحت جاوب علية
ياحُسين ياحُسين. نشرد بهالهيمه وين
الوداع الوداع. ياحبيبي ياحسين
..........
ريته ليل العاشر اطول. ما ردت يطلع صباحه
ولا اشوف برمح راسك. عالي مخضوب بجراحه
وجسمك تسحگه الحوافر. للخيول يصير ساحه
الليله خل اگضيها يمك. دمعه ومصاب ومناحه
راح اموت راح اموت. من وداعك يالحنين
الوداع الوداع. ياحبيبي ياحسين
..........
گلــها يازينب اصبري. من تحل بيج المصيبه
مو سهل يصعب علية من بعد ذبحي غريبه
من تشوفيني يزينب. جثّه عالغبره سليبه
عينج عله طفالي يختي لا تجيني يالحبيبه
من تروح من تروح. ينفجع گلبي الحزين
الوداع الوداع. ياحبيبي ياحسين
..........
ريته لا طر صبر باجر لا شمس طلعت علينه
ولا اشوف بعيني جسمك بالسيوف مگطعينه
وعالنهر عباس طايح. لا يساره ولا يمينه
بالعمد مصيوب راسه. وبالسهم مطفية عينه
من يجون من يجون. نشرد امن الخيمه وين
الوداع الوداع. ياحبيبي ياحسين
..........
ليلة العاشر گصيره. والفجر بيّن طلوعه
وقاسم العريس امّه. بالدمع طفّت شموعه
وعلي الأكبر ودّع امّه مأيسة من كلمة رجوعه
والرباب تناغي ابنها. والسهم ضمّلهه لوعه
عالنياگ عالنياگ. للسبي مسرانه وين
الوداع الوداع. ياحبيبي ياحسين
سيد زيد الفحام
/channel/karar9497
قصيدة كعدة نجفية (ليلة العاشرة ). وداع الحسين
. ( دنيه بدون الحسين )
اخر ليلة وي اهل الشهامه ..باجر ياعلي كلها يتامه
. باجر يبو الحسنين ... دنيه بدون الحسين
. باجر ياعلي كلها يتامه
. *
ياعلي برهبة العاشر وبرعب هاي المسية
ليك متوجه واريدك ...... تحظر ارض الغاضرية
كلبي ياكرار خايف ..........والحزن خيم علية
. هاليلة اخر ليلة الي
. وي اخوتي وتالي هلي
. احضرني بوية ياعلي
. باجر فراك ومنية
. باجر بس رعب ياحيدر وخوف
. باجر ماكو في بس في السيوف
وكل مااديرن العين..... دنيه بدون الحسين
****
ويلي من ليل الموادع .......كله حسرات ومدامع
وشاهدت يابوية منظر ...... هيج بكلبي المواجع
حسين لم العيله كلها ....... موادع الميت يوادع
. ومن عينه تجري دمعته
. وكامت رقية وحضنته
. وشمته بنحره وسألته
. وريت هيه شحجت سامع
.. روحي ويه روحك ياضوه العين
. تدري معلكه يابوية يحسين
وين انطي الوجه وين ...... دنيا بدون الحسين
* **
بعيني اصد اهله وصحبته ..... باجر بدمهاخضيبة
وعالتراب اكبالي اشاهد .... ياعلي صرعه الشبيبة
الاكبر وجاسم ضحاية .......وليله وي رمله غريبة
. يابو الحسن خوف ورعب
. شبان باجر عالترب
. النسوان ياحيدر غرب
. والاشد من هالمصيبة
. باجر من يظل حسين محتار
. وكلها تصد عليه ازغار وكبار
وتلتم عليه صوبين...... دنيه بدون الحسين
** *
بويه بعيوني اشاهد ......باجر مصيبة العاشر
وانظر بعيني لااخيي...... الوحدة بكربله حاير
يلتفت يمنه ويسارة ..........لامعين ولامناصر
. اصحابه واهله اعله الثرة
. مثل الضحاية مطشرة
. بس واحد الي يناصره
. بالمهد ويصيح حاظر
. عبدالله ينادي بصوت وياك
. مايسوه العمر والله بلياك
وابكه بين نارين ...... دنيه بدون الحسين
**
للحجر بعيوني اشاهد ......باجر يصوبه بجبهته
وسهم المثلث اشوفه ........ تنجسم منه جبدته
والشمر كدام عيني ........ بسيفه من يحز ركبته
. وشاعظم بعد من هالجرح
. كدامي اخيي ينذبح
. وراسه يرفعوه عالرمح
. وتسحك الخيل اعله جثته
. لو جاني قميصه بحافر الخيل
. اصرخ ياعلي ياحامي الدخيل
وصلوا للصواوين ...... دنيه بلايه الحسين
*
.
(المصيبة)
ريت يابالحسن باجر ......... لالفه ولامر علينه
الخيم بالنار تسعر ......وحرم نبكة بلا ولينه
للسبي اسمع يحيدر ...... من يصيح الحادي بينه
. . لاوالي باجر لاخيم
. و درب السبي ضعن الحرم
. وجم شده اشوف وجم الم
لليسر تالي حرمكم .....والشمر حادي المسيرة
سيد اياد الغالبي
/channel/karar9497
ليلة مولاتي ام البنين عليها السلام
ليش الصبح مابي ضوه. ليش اختنگ حتى الهوه
يوليدي اسمع نينوه جن ليها تردون
==========
لوعفتني حسين يمه گلي جابيمن اشوف
كعبة ايامي عيونك كل صبح بيهن اطوف
إنذرتلك يبني أربع يمه وعيون وجفوف
درع صدرك يمه اخوتك والوكت كله سيوف
يبني النجوم اوي الكمر. صارولك احزام الظهر
بس الظهر حيل انكسر. بس تجري العيون
==========
حالي يعگوب بغيابك يوسفي مااضن يرد
جفني ابيض راسي شيب الدنيا بعيوني لحد
الماي لوجف يمه تدري حكه إيموت الورد
روحي احطها بجربة ابني ادري عطشان الجبد
من روحي يوليدي ارتوي نار العطش تچوي جوي
اطوي الدرب يمه طوي. لمن تبعدون
==========
عليك ماظل كلشي يمه تدري ميكفي الحجي
على حالي الدنيا تبچي خلص عمري بس بچي
طولت يمه اعل امك خاف اموت وماتجي
اخر انفاسي إشهگتها على موتي انتجي
يمه الدمع يترك اثر. طگ الگلب من القهر
يوليدي عاشرت السهر. يالماتردون
==========
يمه ظلمة الدنيا عگبك انت للدنيا شمس
شجرة احزاني احسها بوسط روحي تنغرس
والنسيم بريتي جمره يمه يچويني احس
عمري شمعة ونار فكدك تترس بروحي ترس
ياييمة ماأبطل الونين هم يرجع وليدي الحسين
عني رحت عايفني وين. هواي الينشدون
==========
بالي يسأل وينه ابنج والدمع جان الجواب
وشوّفْ ماظل عندي يمه عيوني عمية من المصاب
بحلم شفتك يبني مره چثة شوفوگ التراب
برعب فزيت وأصيحن ابني وين بياعذاب
حتى الحلم ماينحمل. فوك الصدر شفت النذل
ياويلي تالي تنچتل بنحرك يكطعون
==========
من رحت لسه اعل بابك والدرب انظر اله
صرت اشوف الكون كله درب جاب القافله
هيج اشوفك ترجعلنه والتقي اوي العايله
يمة متفارگ لساني كربله ياكربله
فوگ الترب لمن طحت طاح الگلب واني صحت
بغيابك اني إتحيرت. وبحالتي شلون
==========
الشاعر علي النائلي
/channel/karar9497
رايحين انزور اهلنا بالمگابر
رايحين إعتابنا نبديه باچر
رايحين،،، رايحين
،،،،،،،،،،،،،،،،
الليله حضرنا الدمع إمكان السوالف
إو بالعتب لو نبدي باچر مايخالف
أبد ماينسه المحنه إلگلبه حالف
يبقى ينعاهم عمر بين الطوايف
رايحين إوتمطر العبره النواظر
رايحين إويانه مكسوره الخواطر
رايحين،،، رايحين
،،،،،،،،،،،،،
إطويل صار الليل وعتابه يطول
إو قسم من إمصابنا إتموج العقول
اشلون ذبحو كل ضعن آل الرسول
من ولد حيدر علي وأهل البتول
رايحين اعلل شريعه إنسوي ماتم
رايحين إنزور گبر إلعرسه ما تم
رايحين ،،، رايحين
،،،،،،،،،،،،،،،
إبيا جرح نبدي السوالف والشجون
إبلا إوداع إتفاريگنه إوما يجون
إيظل دليل المنجرح رايدله عون
إو كون يتلگونه باچر ربي كون
رايحن إبلوعة تذبح كالخناجر
رايحين إويانه دمعات التكابر
رايحين ،،، رايحين
،،،،،،،،،،،، ،،
فارغ إلبيت إو صبح خالي المكان
إوعل ليالي إشگد عتبنا إوعل زمان
بينه خوفه إنموت غربه إبلا امان
إشلون نبره اشلون من نار الحنان
رايحين إمتاعنا دمع المحاجر
رايحين إولا صبر يمنعنا گادر
رايحين ،،، رايحين
،،،،،،،،،،،،
باچر إملاگه يدنيه إويه إلنودهم
إو باچر اعزاز الگلب گعدتنا يمهم
بلكي لو شافونه همه إيزول همهم
إو بلكي تبرد نارهم لو مر ضعنهم
رايحين إو زينب إوياهم تراني
رايحين الموت قصر ما خذاني
رايحين ،، رايحين
،،،،،،،،،
✍حيدر ناصر شداد
الاثنين/5/6/2023
/channel/karar9497
(شبگة وداع)
مسلم وحميده ع
--------------------
اشبگني حيل مشابگ اوداع /بويه
وثنينه خل نوصل الگاع/بويه
يا اول وثاني
عايش بوجداني
بويه
---------------------
يبويه آني حميده وقطعه من گلبك
تحبني هواي وطمع يالابو بحبك
اجيت وياك ومشي وياك في دربك
شلون تروح وحدك واني موگربك
انته الشمس ونته الهوه وماي/بويه
ريتك تگلي امشي وياي/بويه
وياك اروح اني
عايش بوجداني
بويه
-------------------
اسمحلي انادي باسمك الغالي
يمسلم لاتروح وارحم بحالي
انا زغيره يبويه ازغير دلالي
شلون ارتاح ومچانك يضل خالي
گلبك حنين وگلبي محروگ/بويه
وچلمة حميده بحلگك تلوگ/بويه
من دون خلاني
عايش بوجداني
بويه
---------------------
افتح صدرك وضمني بوسط صدرك
اليوم اوداع يالوالد فلا عذرك
وتسمحلي يبويه اليوم اشم نحرك
وتسمع گلبي من الخوف شيخبرك
گلبي علمني والعلم شوم/بويه
ماعوفك امشي وياك هاليوم/بويه
ما ابقه بمچاني
عايش بوجداني
بويه
--------------------
يبويه چن اشوفك تبقه بس انته
بالمحراب وحدك والزلم سكته
وكل حمل السفاره اعله المتن شلته
وتحارب الوف ودمك انزفته
ما إلك ناصر تبقه محتار/بويه
وتهد عليك ازغار وكبار/بويه
رايح لتنساني
عايش بوجداني
بويه
--------------------
شو چني اشوفك بالطرق دوار
عطشان ونحيل بحالتك محتار
ومن فوگ السطوح الناس ترمي حجار
ودربك ينگطع بين الحفر والنار
اضنوني هاي وخايفه هواي/بويه
لو صدگ ضني تميل دنياي/بويه
ويضيع عنواني
عايش بوجداني
بويه
-------------------
اخاف اضنوني بويه كلها تتحقق
وآنه وياك من هليوم نتفرق
ضمير الغيب اشوفه بالكدر أنطق
يمن عطر الورد من عطرك استنشق
رايح سفير بامر الحسين/بويه
ودعتك الله ياضوه العين/بويه
مسلم يوحداني
عايش بوجداني
بويه
--------------------
سيد.
كريم دانه
/channel/karar9497
ليلة العاشر 💔
والله مشتاكه لخوتي __الليله مدري شلون انام
ساعه اباوع ارد اجيلك__ ساعه اوديلك سلام
مبين برسمي الذبح __شنهي تاليته الصبح
الليله مدري شلون انام ____والله حيره
ــــــــــــــــــــــــــــــــــــــ
والله ليله الدم دليل و _لاضوه يدليني بيــه
توه مات حسين اخيي وحنن اضلوعي عليه
غير اليموت اعله جثته ،،عالاقل وادم تجيــه
مو غريب بصحره ضايع ،،محد ايكلبها اديـه
بالسموم وعاري جسمك___والهوه يحرك الجروح
وفوكه هذا الضيم كله__صدره عطشان وينوح
بجرحك انطشن ملح___شنهي تاليته الصبح
الليله مدري شلون انام ...والله حيره..
ــــــــــــــــــــــــــــــــــــــ
بالي يم حسين رايح والكلب شاطي الفرات
هناكَ يمه عيون نامن من وجعهن غافيات
هناك جربه تريد توصل بس خذنها التايهات
ياسلام يمس جفوك هنه ضلن. سالمات؟!
تالي اشوف الماي اجالك__هو اليدور اعله ماي
وسفه اشوفك يم نهرهم_ما لكيت بسده راي
كسرك اكبر من جرح__شنهي تاليته الصبح
الليله مدري شلون انام .. والله حيره
ــــــــــــــــــــــــــــــــــــــ
بصدر اخوي اشكد حوافر_ كلشي من جسمه خذوه
مضيعه بالطف الملامح_ حتى ثوبك فرهدوه
كطعت كلبك صوارم _وصله وصله ومالكوه
ياهو احشمه ودمه واصل _يم خيامي من انحروه
حشمت محد فزعلي __خويه لحك كلبي مات
خويه لحك خيمك اختك __بيها حركو ذكريات
الخيمه طبها الما يصح__شنهي تاليته الصبح
الليله مدري شلون انام ...والله حيره
ــــــــــــــــــــــــــــــــــــــ
لجمه لجمه اعليه صارن__ياهو يفهم باليطيح
من الخيام اشكد فواطم__طلعن ايلاكن ذبيح
رادن يصيحن يوادم__ياهو يفزع لليصيح
بعالي صوت الصرخه جانت_والصياح تشمره ريح
ياهو يوصل وانته نحرك __ضله صارتله الرماح
حرنه نشكي هموم يمك__لو نضمدلك جراح
همنه يمك ينشرح__شنهي تاليته الصبح
الليله مدري شلون انام ..والله حيره
ــــــــــــــــــــــــــــــــــــــ
الليله صعبه بلايه اخوتي __وانه حرمه اشراح اصير
هم سبايا وهم يتامى__ الليله بيمن راح احير
اليندب اسمك من اسمعه __كلبي وعيوني تدير
شكبره فكدك يالعفتني_بهمي درب احزان اسير
وحشه هاي الدنيا كلها __باجر انفر البلاد
نعمه منك ذكره ضلت__عالعبي الكينه الرماد
رحنه أيه للفتح __شنهي تاليته الصبح
الليله مدري شلون انام ...والله حيره
ليث كريم جحالي
/channel/karar9497
عبدالله مرمي ، بسهم بحضان حسين
عبدالله مرمي
♕♕♕♕♕
عبدالله مايرحم سهم عدواني
صابك وضلت خاليه ذرعاني
ناغيني يبني يالولد شمتاني
.
عبدالله رد يالغالي
الهجر عذب حالي
البيت اصبح خالي
.
عميانه عيني بالسهم يا مدلول
عميانه عيني
♕♕♕♕♕
ام وكبلها اعليك تلهب ناره
الله وكيلك اصبحت محتاره
جاره ماترهم بدونه الجاره
.
امك تموت دونك
والله وحك عيونك
حسبالها يرحمونك
.
تنضر دربكم ترجع بحضن حسين
تنضر دربكم
♕♕♕♕♕
ويلي المصايب فرهدن احلامي
تنذبح محروم يبني وضامي
ذاخرتك العوز وعجاف ايامي
.
امك تضل بحيره
وي محنتي لجبيره
وينك يراعي الغيره
.
يازي رباها الربتك يا مذبوح
يازي رباها
♕♕♕♕♕
الام التربي تريد حك ارباها
كون من يكبر يكر عيناها
عبدالله ماطول يناس وياها
.
عاف الحليب بسرعه
رايح بعد شيرجعه
التارك الامه الدمعه
.
دفنت حلمها وكبل ميعاد الموت
دفنت حلمها
♕♕♕♕♕
ماحسبيت تغيب لحظه عيونك
عمري خلص ياغالي والله بدونك
ماحسبيت تروح و يذبحونك
.
اليوم غاب اهلالي
من فاركاني الغالي
وحدي. اضل للتالي
.
كل لحظه اشوفك تلعب اكبال العين
كل لحظه اشوفك
♕♕♕♕♕
حسن صالح العيساوي
.
.
/channel/karar9497
#محر الحرام
#الليله الثالثه
#لمولاتي العليله
..................
ما اجوني .. انتضرهم ليله ليله
مااجوني... راحو وعافو عليله
مااجوني.. ماكو واحد اشتكيله ما اجوني
***
انا العليله وكمت احسب بليالي
طفله وامضيعه ابو والابو غالي
وانا بفراكه اذكرت عزي ودلالي
انتضرهم للفجر ومحد اجالي
يمته اشوفه الضعن يرجع للمدينه
يمته اشوفه ابوي وشايل سكينه
يمته اشوفه عبدالله بيدي اشيله
*
بويه بس وياكم امشي وهاي هيه
وظعكنم خاف بينقص له سبيه
انا ادعي بلصلاة ومرفوعه ايديه
ربي يالرديت يوسف رد اليه
بس ضعنكم سافر ومامنه جيه
بس ضعنكم راح ينقص له سبيه
بس ضعنكم رحلته صارت طويله
**
اهلي علموني البجي بس ابصلاتي
من راحو وعافوني واتمنه مماتي
كل ضني اروح ولمت حته عباتي
والله مشتاكه اشم ريحت خواتي
ياهضيمه راحو وعافوني وحدي
ياهضيمه اصفن وايدي علخدي
ياهضيمه والدمع ليليه اسيله
***
انا بليل من انام اشبك غطاهم
اهلي حملو بلضعن مدري شجاهم
الجفن ما بطل دمع بساعة جفاهم
ايرجعوني للبيت وارد اطلع وراهم
هذا حالي من اطب ضلمه غرفتي
هذا حالي والدمع مافارك وجنتي
هذا حالي وبيتكم ضلت عليله
*
بويه للبيت من اطب اذكر حجيكم
جنت انا من انام اتغطوني بديكم
هسه ما يغمض جفن يبجي عليكم
كون اندل الدرب يا اهلي واجيكم
كل مغربيه كاعده بلباب اناطر
كل مغربيه هلبت ايرجعون باجر
كل مغربيه ابوي اغطيني بشليله
**
اهلي كلشي حملو و انا نسوني
انا اباوع والدمع تارس عيوني
شني يصير اذا وياهم خذوني
احسبلكم يوم يوم وما تجوني
اهلي راحو وانا شلي بهل عمر
اهلي راحو يوميه اتاني وانتضر
اهلي راحو ومحد ضلي اشتكيله
................................
الخادم الزهراء ابو فاطمه المالكي
/channel/karar9497
للحصول على قصائد محرم١٤٤٥
والحان جميع المناسبات الدينية
الاشتراك بهذه القناة
وللاشتراك في الدعم عليك اضافة بوت الدعم مشرف بالقناة @Ansaralhujaii_bot
/channel/karar9497
/channel/karar9497تم تحديث قائمة اللستة ✅
للحصول على قصائد محرم١٤٤٥
والحان جميع المناسبات الدينية
الاشتراك بهذه القناة
وللاشتراك في الدعم عليك اضافة بوت الدعم مشرف بالقناة @Ansaralhujaii_bot
/channel/karar9497
/channel/karar9497تم تحديث قائمة اللستة ✅
الله يستر،،،من سواد اليله
الله يستر،،،للاخو تحجيله
خايفه من الصب،،،رآس اشوفنه ورمح
الله يستر، ،،،،،،،،،الله يستر
@@@@@@@@@@@
خويه شوفتكم لعيوني ضوه
انسه همي من اشوفنكم سوه
انته موتري الاخو لكلشي دوه
وين انطي لوجه لو طاح الوه
خويه كلي،،، بداعة إمنه فاطمه
خويه كلي،،، شلون أضل إبلا حمه
انه جم مره انجرح،،،راس اشوفنه ورمح
الله يستر، ،،،،،،،،الله يستر
@@@@@@@@@@@@
ضلتي المن يخويه بهل حياة
الفاكد الخوان يتمنه الممات
انه مالي حيل تدري النايبات
شلون تقبل بالعرى زينب تبات
والله صعبه،،،تحترك فوكي الخيم
والله صعبه،،،طلعتي ابين الزلم
اطلع وكلي جرح،،،راس اشوفنه ورمح
الله يستر، ،،،،،،،،،،ألله يستر
@@@@@@@@@@@@
موقف أتخيل يمر إبالي
عليك أمرن وشمر يبرالي
يعلى صوته ويلجم دلالي
عد إخوتج خدرج إشكد غالي
ياهظيمه،،،من يمر ذاك الظعن
ياهظيمه،،،عيوني أتمنه إنعمن
والصبر مني طفح،،،راس اشوفنه ورمح
الله يستر، ،،،،،،،،،الله يستر
@@@@@@@@@@@
صعبه خويه عليك ياعزي وحماي
عليك امرن وشمر يمشي وراي
على عيوني جفوفي اخليهن غطاي
خويه امشي واعثر آنه امستحاي
عيني ليكم،،، وآنه كاتلني الهظم
عيني ليكم،،، امشي بكيف الخصم
دمعي فاضحني ويسح،،،،راس اشوفنه ورمح
الله يستر، ،،،،،،،،،،الله يستر
@@@@@@@@@@
سامحوني خويه من هسه أعتذر
وادري ابجرح الخواطر ينكسر
أدعي الله اليله لا ينطر فجر
عكب إخوتي بعد ما يسوه العمر
لاتكلي،،، عينج انتي اعله الحرم
لاتكلي،،، غافي ابعيني السهم
مُلتقى لامايصح،،،راس اشوفنه ورمح
الله يستر، ،،،،،،،،الله يستر
@@@@@@@@@@@
من عمت عين الوكت خلاني
إلسامع بزينب إجه وشافاني
هذا حالي من فكدت إخواني
إلجانت ارذال الزلم تولاني
ها يدهري،،،،اخذ مني شماتريد
ها يدهري،،،أدخل المجلس يزيد
من عكب ذاك الصرح،،،راس اشوفنه ورمح
الله يستر، ،،،،،الله يستر
@@@خالد الناصري @@@
/channel/karar9497
أويلا،،، يبني جيت لكربله
أويلا،،، بس لكيت العايله
@@@@@@@@@@
جسمك أموزع ييمه بصحاري بلا ذنب
ريت ماجيتك يغالي ولا أشوفك عالترب
دايسه الخيل عله صدرك وإختك أبين الغرب
إكعد وشاهد خواتك والمخيم يبني شب
أويلا،،،،طلعوا زينب بلفله
أويلا،،،،،بس لكيت العايله
@@@@@@@@@@@
ضلع واحد آنه يمه وهشم أنفاسي الألم
وأنته الف وتسع ميه إبين ما طعنه وسهم
يمه جم حافر بجسمك شالع إضلوع ويدم
يبني جاشنهي الجنيته ناس ماعدهم رحم
أويلا،،،،، والمدامع سايله
أويلا،،،،،بس لكيت العايله
@@@@@@@@@@@
آنه يمك يبو الاكبر وسمعك يبني تون
وبظعيف الصوت أسمعك يمه بس لا ينسبن
آنه احس حرك الخيام وجن حرم يصارخن
زينب شويه وتودعك عل مهازل لو مشن
أويلا،،،،،، جم يتيمه مدلله
أويلا، ،،، بس لكيت العايله
@@@@@@@@@@@
لوبكيت وياك يمه زينب ويامن تروح
يمه اريد إكبالك أكعد ومسح بجفي الجروح
مطشره أشلاء جسمك ودمه منك يفوح
هذا جدك طه يبني وياي هالكاعد ينوح
أويلا، ،،،روحي آنه معلعله
أويلا، ،،، بس لكيت العايله
@@@@@@@@@@@
يمه وين جفوف أخيك ارد أغسلها بدمع
وكعت الغيره بأسرها جفه الايمن من وكع
أرد اظمهن للقيامه وَظهر بذاك الجمع
وأرد اكولن ياإلهي شنهي ذنبه وينكطع
أويلا، ،،،، شنهي ذنبه وقاتله
أويلا، ،،، بس لكيت العايله
@@@@@@@@@@@@
راح أكصد للمدينه وبمدامع ذارفه
آه ياأم البنين شكد حليبج بيه وفه
من شجاعه ومن محنه نعجز احنه انوصفه
جيش اميه بكل رجاله من إخو زينب خايفه
أويلا، ،،،،، ماكدر يوصل إله
أويلا، ،،،، بس لكيت العايله
@@@خالد الناصري @@@
/channel/karar9497
من شال الطفل بيده ×××يطلب ماي لوليده
يطلب ماي يطلب ماي
@@@@@@@@@@@@
شخليتي يدنيه وشبكه عندي
آنه من العطش فت روحي وجبدي
الدنيه تعاهدت تتركني الوحدي
حكها دمعتي بآنت على خدي
من راحوا هلي عني
من كلشي أنكطع ضني
يارجواي يارجواي
@@@@@@@@@
هد حيلي جفاك وكمت مآاكوه
وكل ساعه اميل وعل وجه أهوه
يآ عبدالله هاك إخذ العمر فدوه
الدنيه خلاف عينك كلشي ماتسوه
سهمك بويه مرمرنه
حرت وشلون أشلعنه
ياعيناي ياعيناي
@@@@@@@@@@
أصَدلَه وهوه بجفه يشبكني
وجَنه يكلي بويه العطش عذبني
خذيته وهوه جنه يكلي ودعني
ذبلانه الشفاف وحاله تجرحني
عطشان ويريد الماي
للميدان جبته وياي
جيش اهواي جيش أهواي
@@@@@@@@@@
شلته بجفي والعدوان من شافوه
هذا يكول إسكه وذاكه لاتسكوه
وبسهم الحقد إتفقوا يفطموه
ناس ابلا رحم نسل النبي يكطعوه
عبدالله رجع مذبوح
ودمه من النحر مسفوح
يادنياي يادنياي
@@@@@@@@@@@@
ماجاني ذنب حته يذبحونك
إمك ماأظنها تعيش من دونك
سباح الكلب يبني ويكطعونك
بغضاً من علي هل ما يرحمونك
شعار إلهم فلا نرحم
أهل بيت النبي تُعدم
تاه الراي تاه الراي
@@@@@@@@@@
محتار إبرجعتي شلون أردنه
وخافن عمته وخياته يلكنه
إمه تموت من تشوفه متحنه
بدم سابح ومابيه بعد ظنه
كاطع ركبته نصين
شابح بنظر لحسين
فت إحشاي فت إحشاي
@@@@@@@@@@
تلكيني يزينب كلبي لاجمني
هاج الطفل خويه حيل عذبني
جفوفه من الالم ياخويه شبكني
السهم صاباه وجن بحشاي صوبني
يشبكني ويريد الماي
وآنه شبيدي ياعيناي
@@@خالد الناصري @@@
/channel/karar9497
قصيدة.. نزله.. للعباس.ع.. ..محرم الحرام..1445..
حبيبي يابوفاضل
دخيلك _ دخيلك _ توفقني لخدمتك
""""""""""""""""""""""""""""""""""""""""""
بالمواكب روحي " علمتها جروحي_ انخه عباس
كل وكت ناديتك _ بالزغر حبيتك _ويه الانفاس
اي وحك جفوفك _ كلبي حضره يطوفك _ هذا الاحساس
بالخدامه انت رافع راسي
كل وكت انخاك ياعباسي
من تمر ليلة السابع بيه
تختنك من البواجي انفاسي
احلفك بالسبيه
دخيلك _ دخيلك _ توفقني لخدمتك
""""""""""""""""""""""""""""""""""""""""""
انت رافع صيتي _ خادمك امنيتي _ ابجي كل عام
كربله يوميه _ بالدمع لطميه _ كل الايام
فدوه الك جفيني _ ياعضيد حسيني_ احنه خدام
اني احلفك بالنحر والرايه
فدوه ارزقني دموع هوايه
وبعزه الزنجيل اقره مصابك
بقت يمك يابوفاضل هايه
لحد يوم المنيه
دخيلك _ دخيلك _ توفقني لخدمتك
"""""""""""""""""""""""""""""""""""""""""
شكرآ اعله الخدمه _ نعمه والله نعمه _ انت مولاي
عالمجالس هايه _ اني عمري قرايه _ خيرك اهواي
تارس انت عيوني _ خادمك سموّني_ اشهد بهاي
عيني اذا ماتبجي كون اعميها
الله خالق ايدي الطم بيها
وشحلاة الكلمه خادم خادم
غير انت الخير يا راعيها
كفيل الهاشميه
دخيلك _ دخيلك _ توفقني لخدمتك
"""""""""""""""""""""""""""""""""""""""""
كل وكت حاجيها _ عندك مخليها _ كل حياتي
واكف اني ابابك _ ساجد اعله أعتابك _ سر نجاتي
اطلب وتنطيني _ جودك اليرويني _وامنياتي
هيه كل دمعه رزق يالكافل
دوم اني عالعهد ما جامل
من يمر طاري الخيم ابالي
كبالي انت تصير يابوفاضل
احلفك بالعطاشى
دخيلك _ دخيلك _ توفقني لخدمتك
"""""""""""""""""""""""""""""""""""""""""
فدوه يابو الغيره _ انت خيمه جبيره _ نظره منك
كل سنه وفقني _ لا تخيب ظني _ فدوه لاسمك
للطم حزمني _ فدوه لجلك متني _ غالي دمك
هذا عاشورك يمر اعليه
كون كلها خَدمَتي مرضيه
غير بس الخدمه ابد ماعندي
وداعة ام عون المشت مسبيه
اموتن بالعزيه
دخيلك _ دخيلك _ توفقني لخدمتك
"""""""""""""""""""""""""""""""""""""""""
الخادم _ ابو فدك الشامي ✍
/channel/karar9497
#مقدمة_مجلس_الليلة_الأولى
مواسات للأمام المهدي عج
. آه اشــلــون هــــــــاي الـلـيـلــه
آه اشــلــون هــــــــاي الـلـيـلــه
*---------------*---------------*
لــيــلـــة حـــزن لـلـمـــنـــتـــظـــر مـــهـــديـــنـــه
أوّل لـــيـــالـــــي الــفــاجـــعــــه الــحـــزيـــنــــه
مــا تــنــشــف ٱبــلــحــظــه ودمــوعــه ابـعـيـنـه
نــــدعــيـــلــــه مـــولانـــه بـعَـجــل نــــدعــيـلــه
*---------------*---------------*
وحـــده ابـــمـــحـــرم يـــنـــتـــظـــر أحــبـــابـــه
اتــواســيــه حـــزنـــه ودمــعـــتــه الــســچــابـــه
بـــغـــيـــابـــه أذّاه الـــــــزمــــــن بــــغـــيـــابــــه
نــبــچــي لــمــصــايــب عــمّــتــه ونــبــچــيــلــه
*---------------*---------------*
إبـّــلـــوة حـــنـــيـــنــه يـــســـتــــعــــر دلّالـــــــه
إشـخـلـت ٱســـنـــيـــن الــغــــيــــاب ٱبـــحــالـــه
يـــتـــعـــذب بـــشـــهــــر الـــجــــرح وهـــلالـــــه
لـــحـــالـــتـــه نــجــري الـــدمـــع ونـــســـيـــلـــه
*---------------*---------------*
✍خادم الحسين ع
الشاعر رعد الجريخي
/channel/karar9497
زينب وياج مننساج نظل وفايه
..............................
يارفعت الراس . خل تشهد الناس
بالموزمه نصير كل أحنه عباس
يازينب الصوت . يظل عالي للموت
لو دربج أخطار نتعنه ونفوت
للجنه . نتعنه . منهاب الخطر
بس نظره .للحضره . لو نوصل وذر
ندوس الأرهاب . والركاب. رخيصه هوايه
زينب وياج . مننساج . نظل وفايه
...............................
رغم المسافات . مرفوعه الأصوات
لا مانطخ راس للذله هيهات
كل أحنه حراس . زينب متنجاس
باقي العهد دوم حد كطع الأنفاس
يازينب . بالمذهب . أبطال الحشد
ماتكدر . تتجسر . كل أهل الحقد
هناك الأفعال . والرجال . تدك الثايه
زينب وياج . مننساج . نظل وفايه
................................
شما مرت أيام . يا درة الشام
نكصدلج نزور يابنت الأكرام
غيمه الدمع صار . مشتاكه الأنصار
يم كبرج تنوح والله البعد نار
ونزورج . ونطوفج . يا لبوة علي
لترابج . لأعتابج . فدوه آنه و هلي
فوك الغيوم . واللنجوم . نعلي الرايه
زينب وياج . مننساج . نظل وفايه
...........................
ياكرة العين . يا روح الحسين
كل شيعي للموت مطلوب ألج دين
يومج مننساه . بالحسره والآه
نلطم على الراس نصرخ حسيناه
بكل مأتم . تتحزم . وتهشم الضلع
أحبابج . بمصابج . وتهل الدمع
يجري نهرين . تره العين . دمعهه حجايه
زينب وياج . مننساج . نظل وفايه
............................
نحجيهه كل يوم . نظل عالعهد دوم
لمصابج يعيش كل شيعي ملجوم
وبكل الأعمار . خل يبقه تذكار
من هالأسم دوم مايخله كل دار
تتباهه . شمحلاهه . الشالت هالأسم
من فدوه . والقدوه . زينب والنعم
ترفع الهام . بالأحرام . عالمصلايه
زينب وياج . مننساج . نظل وفايه
....................................
رغم الأجل حان . منتظره الأخوان
وبغربة الشام محتاجه دفان
ميته من الطفوف . من جانت تشوف
كافلهه عباس مكطوع الجفوف
من عالتل . تتأمل . سبع الكنطره
ظل يزئر . والعسكر . صارو دائره
سمعت الصوت . تره الموت . سباهه سبايه
زينب وياج . مننساج . نظل وفايه
....................................
حيدر مطر العبادي
/channel/karar9497
(مولاتي زينب)
حـسـيـن حـسـين ** حـسـيـن حـسـيـن
*---------------*---------------*
أتــعـثـــر ابـمـمـشـاي لـمــن اجـيـتـك
يـبـن امـي عالتربان طايـح لـگـيـتـك
اهـون عـليّـه الـمـوت مـن شاهديـتـك
دم جـبـهتـك يحسين صابـغ لحـيـتـك
*---------------*---------------*
اشفافـك زرگ وتـلـوج عالشربت الـمـاي
وحَـر الشمس ماذيـك شـفـتـك يرجواي
ألـتـمـت الـصـوبـيـن خـيـل وزلـم هـاي
ريـت الـعـده ايقبلون وانصبلـك افـيـاي
*---------------*---------------*
ماطاوعتني الـروح امـشـي واخـلـيـك
اتـحـيّــرت بــعـيـال وتـحـيّــرت بـيـك
أتـمـنـه اضل ويـاك وبهدمي اغـطـيـك
وعصـرلـك الـعينـين وبـدمـعـه اروّيـك
*---------------*---------------*
حـيـرني حـيـره اشلـون يـمـك زمـاني
حسبالي خـويـه اتگـوم وانتظرك آنـي
حـالـك يـبـو الـسـجـاد هـدّم كـيـانـي
امــغـيّــر الـتـربـان ذيــچ الــمــعـانــي
*---------------*---------------*
لا اگــدر ابـقــه اهـنـاء لا اگــدر ابــعـد
لا انـت بـيـك اتـگـوم لـخـيامـك اتـرد
اصرخ يبعد الروح خويه اگـعـد أگـعـد
اشلون ابرقيه اشلون لـو جتني تنشـد
*---------------*---------------*
يـمـك بـعـدنـي ونـار حـركـت دلـيـلـي
باچـر اشـوف الـمـوت آنـه ابـرحـيلـي
تـدري النهـار ايصيـر ظلمه اويه ليلـي
بـيـن الـزلـم والخيـل ابقـه ابـعـويلـي
*---------------*---------------*
✍خادم زينب (ع)
الشاعر رعد الجريخي
/channel/karar9497
وين ماروح… الگه خيمة وبيها نار
وين ماروح… الگه صرخات الزغار
سهم ذابحله طفل .. طفكم ايوگف العقل
وين ماروح .. وين ماروح
__
كون اروحن والگه ضحكة بيها منثورة الهله
وصوت قران ابخيمهم مو رنين السنسله
ليش اشوفن ركض زينب عله طولچ كربله
وليش اشوفن طفل يبچي وسهم لازم حرملة
والله مليت… حتى بالتمثيل اشوف
والله مليت… گمر بس عوزة چفوف
ليش مو نفس الشكل .. طفكم ايوگف العقل
وين ماروح .. وين ماروح
=============
حسين يا حار الله انته تاهت الدنيه برد
موش بالصحرة المتربة كون مگعادك ورد
ليش روحك والمحنه بالحوافر تنمرد
ليش خيل ونار گامت عالمخيم تستعد
هدت الخيل… مردن اضلوع الچبير
هدت الخيل… و مو قوي ركض الزغير
برجله وبأيدة الحبل .. طفكم ايوگف العقل
وين ماروح .. وين ماروح
============
والله مليت اسمع الطف شايخ عليه الشمر
ووين ما تركض ازغارك تلگه عاگول وجمر
حسين سالفتك چبيرة كاسرة دموعي كسر
غاد من درب الحوافر كون باعدلك متر
بصدرك شلون .. سنبك الحافر ينام
بصدرك شلون .. كسرة ضلوع وسهام
ماشفت موقف سهل .. طفكم ايوگف العقل
وين ماروح .. وين ماروح
=============
كون اشوف الخيمة عدله وبالبيارغ تنحرس
وبالخضار حسين اشوفه موش حارگته الشمس
وكون كل حچيي الفواطم بالهدووووء وبالهمس
وتطفة خيمة سكنه حتى يشتعل شمع العرس
يقرة الحسين .. وهو يضحك مو حزين
يقرة الحسين .. الفاتحة لأم البنين
كون زفة ومو چتل .. طفكم ايوگف العقل
وين ماروح .. وين ماروح
==============
وجوه موش وجوه اهلكم والحده الناگه اجنبي
شنهي نسوان الدلال ايطرن ادروب السبي
وينكم ياعرفة الله ماكو واحد طالبي
وگفوها بسوگ غربه وتستحي وجوه العبي
الكوفة والشام .. ما تعوفك تستراح
الكوفة والشام .. بالحجر ترمي الرماح
وبالضعن واحد رجل .. طفكم ايوگف العقل
وين ماروح .. وين ماروح
=================
سالفتكم كلها هايه والمصايب والسلب
علمودي وما استاهل عطش ساعه امن العذب
حسين ضحالي بعزيزة وعاف خيماته تشب
و انه يوميه اعله طيشي احرگ اخيّمة بذنب
انتم اكبار .. وانه ذرة وحدر طين
انتم كبار .. شجابني الكبر الحسين
دنگت ما ينحمل .. طفكم ايوگف العقل
وين ماروح .. وين ماروح
===============
#علي #هادي #الخزعلي
/channel/karar9497
عليله شلون عفتوني عليله شلون
تضل حسبات تاخذني وتردني أضنون
لضل عالباب يهل غياب
—————————————————
لون رحتو ومشيتو وطالت الغربه
اعيشن من بعدكم يالاهل صعبه
الطفل لو غابو أهله ينكسر گلبه
وتظل عينه على دروب المشو تربه
تظل هالعين تنطركم تظل هالعين
يبويه حسين رد ليه يبويه حسين
كفاني اعتاب يهل غياب
—————————————————
مشيتو وظلت اصوركم على الجدران
بقت بس ذكرى وحده اتزيد الاحزان
اصدن للمهد فوگه أصبحت تربان
اعرفتها توني بويه نعمة النسيان
عليه الصار مايوصف عليه الصار
عليله ونار بظلوعي عليله ونار
دليلي شاب يهل غياب
—————————————————
اسولف بالدمع وي داري واتصور
رقيه اختي گدامي تظل تفتر
وأجت سكنه اگعدت يمي وعلي الاكبر
وعبدالله الطفل غطيته عن الحر
يغالي جروح خليتو يغالي جروح
تشيب الروح من عدها تشيب الروح
جرح ماطاب يهل غياب
—————————————————
ترد تحچيلي داري عالجره بالطف
يبويه تگلي ريجك كالخشب وانشف
أنكسر ظهرك على الطاحت جربته وچف
وعليك اسهام صارت كل كتر تلتف
حرت وعداك ماترحم حرت وعداك
يريت وياك انصرنك يريت وياك
فداك أنصاب يهل غياب
—————————————————
تگلي سكنه راحت ترگض العمها
تخبره عمتي صار الشمر يمها
يعمي الحگ بديه ظل يحرگ اخيمها
شتمها وبالسياط العنده المها
تصيح بصوت يالكافل تصيح بصوت
يريت الموت يلفيني يريت الموت
مصابي اكتاب يهل غياب
—————————————————
وتگلي الدار طفله من الخيم طلعت
بحبال الخيم من خوفها اتعثرت
اديها من الجمر يافاطمه اتچوت
لان والدها طايح عالارض سمعت
تگلي عليك اجت تركض تگلي عليك
تره الياذيك ياذيها تره الياذيك
اعله خدها اتراب يهل غياب
—————————————————
الشاعر سيد حسين ال بو صلوات الحسيني
/channel/karar9497
#محرم_1445هـ
نزله شجاعة مسلم
مسلم غَار واعصّار الغضبْ حيّفه
وعالحيـطان قَاده ايشمّر ابسيفه
طب زعلان .. عالجيمان
هـد الكوفه بحزامه
شايل حيل .. چنه الليل
والوادم صفت شامه
مالت ناس .. طب خلاس
وگام ايشطر القامه
ابن افحول ناهي ويآمر ابكيفه
وعالحيطان قاده ايشمر ابسيفه
**
چن زلـزال .. والـــريـال
يمه اشحده يتگرب
لاح الغيم .. حل الضيم
سد ابيمنته المهرب
من اندار .. چن كرار
نفس الشمره المرتب
ضيفه الموت عزب ناس يم ضيفه
وعالحيطان قاده ايشمر ابسيفه
**
الكوفه اتميل .. غيرر أثگيل
مسلم زوده الهوآيه
رد صفين .. و رد أحنين
نفس الصوله والرآيه
يردم ناس .. رأس برأس
هايه تلاوذ ابهايه
ناس بناس جزّرهه وصفت چيفه
وعالحيطان قاده ايشمر ابسيفه
**
صارت سيل .. دم اتهيل
الكوفه وهلهلت طوعه
يوم الغار .. تگله الثار
خلي ابهلعده اللــوعه
عمك حيّد .. جان ايبيّد
مثلك صيته مسموعه
حيدر جان مثلك حامي تكليفه
وعالحيطان قاده ايشمر ابسيفه
**
الهيبه البي .. ما نخفيه
حلوه وعينه مزيونه
فلقة نور .. من ايدور
مسلم ما يگدرونه
چفه الحار .. بالبتار
ترعد غيضهه عيونه
الواحد صار حسباله الحرب طيفه
وعالحيطان قاده ايشمر ابسيفه
**
- خيري الصفراني
/channel/karar9497
نزله ليلة عاشر
باچر شلون يزينب باچر شلون
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بـاچـــر المــوت يجيهـم بالسره
مــا تنــاميـــن بقيتـــي محيــره
اهلـچ شلـــون اذا دمهــم جـــره
حــان الــوداع يبــت خير الوره
مـا يضلـون يـزينـب مــا يضلون
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شبعي منهم شوف هليله اخوتچ
مـاكــو بالكـون مثلهـه امصيبتچ
راح تبقيــــن يـزينــب وحّـــــدّچ
و بالبــراري تحضـــري الركضتچ
وني يم عون يزينب وني يم عون
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
باچــر المنضــر ابـــد لا مـا يسر
العجــب كـل العجـب يم الخدر
فــوگ صـدر حسيـن يتربع شمر
امنالگــفه تشـوفينـه لمــن ينحر
بـي يغدرون يزينب بي يغدرون
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مــن يذبحــوه يحــركون الخيم
لا تنـاديـــن علـــى راعــي العلـم
طايـح اعلـه النهر وبعينه السهم
ابـلايـه چفيـن تــره شبعـي الــم
مـا يرحمـون يزينـب ما يرحمون
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
باجـــر الاكبــر يطيـح اولا احــد
حتــه جساــم بقيتــي ابــلا سنـد
مـــا تسمعيـــن دللـــــول الـــولـد
ينــذبــح عبــدلـلـه ويـاهـم بعـــد
دهرچ يخون يزينب دهرچ يخون
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بـاچــر المـوقف ابـد لا مـو سهل
صعبــه ايدينـچ يشـدوهـا بحبل
و اليتـامـه بسـوط يضربها النذل
بالطـفوف ايضـيع منچ چـم طفل
من يهجمون يزينب من يهجمون
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
آه يــا دمعـــة رقــيـــه و الحـــزن
بويــه مــن تصيح توجعني الاذن
حيــل لــــو جـــرو تراچيهـه تـون
ناس كلهه وحوش ما واحد يحن
تعمـه لعيـون يزينـب تعمـه لعيون
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لليســــر تمشيـــن يالحــره غصب
آه مــن الشـــام وبعيـــد الــــدرب
تـزيـد لـوعاتـچ بعـد ضيم الحـرب
اعــرف الــديــوان طـاريــه صعب
لــــو تطبيــن يـزينــب لـــو تطبين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي
/channel/karar9497
لمولاتي فاطمة العليلة " عليها السلام "
[ موشّح ]
الفـارِگـت مـثـل الحـسيـن شلـونـهـا
مـو دمـوع اتـطيـح مـنهـا عـيـونـهـا
گـاعـده بـالــــبــاب يـومـيـه الـعـصـر
ضـعـن ابوهـا حسـين يـرجع تنـتـظر
تگـول بعد الضـعـن مايـسوه الـعـمــر
والدمـع مـسـتــوطن اعله جـفـونـهـا
1
حـيـلــهـــا مـاي وتـبـدّه اعله الـتـرب
وبـالـدمـع تـعـثـر ونـبـضات الـگـلــب
بفرگة الغـالي الْهـوه اتـشـمّه صـعـب
الثوب صـار اثـگـيـل فـوگ مـتونـهـا
2
بنت الاحسين العـلـيـلــه بـهـالوضـع
كل جـرح بيـهـا أبـتـدى ويّـه الـدمـع
طفله هـيّه والعـمـر خيـط ابــشــمـع
والــهـجــر نــاره تِـشـبْ بـظـنـونــهـا
3
امـگـابـلـه الـقـاروره والـمـدمـع دمِـه
خايفه اعله الضعن مـن حـرّ وضِـمـه
وفجـأه صاحـت فاطـمة يـافـاطـمـة
وشــافـت الـقـــاروره احــمـر لونـهـا
4
گـعـدت ونــاحـت بــدمــعـة وابـألـم
وگـام يــتـراوالـــهـا حـــرگ الـخـيـم
وشافت الاطـفال تـركـض والــچِـدم
حافية بصحره وْعِـدا ايشــتـمــونهـا
5
شافت حـسـين اعله طـوله منهـُطـر
والحوافـر تـرض لحـســيـن الـصـدر
وراسه فـوگ الرمـح يهتـف بالنـصـر
وچثتـه فــوگ الـگاع ويـطشرونـهـا
6
شافـت انـواع المــصـايـب والـقـهـر
شافـت الــعــبـاس طـايـح عـالـنـهـر
ماتـت وچـان الــســبب مـن الـقـهـر
وكون بالـطـف فاطمـة ايـدفنـونـها
__7_
#رزقهم_سلام_الله_عليهم
#احمد_رزاق
/channel/karar9497
هاي السنه اشكد خدام ويانه ما شفناهم
والمهدي عالزهره ايريد يجري الدمع وياهم
نبجي اعله فركتهم يا محله عشرتهم
****
احله خدام جنه كل عام بالمجالس نلتقي ونلطم سويه
والسنه اشلون ما يخدمون وين يحيون الليالي الفاطميه
احنه كل خادم نصير اخوانه
اشمحله لمتهم كبل ويانه
اليلطم اعله حسين خالي امجانه
نبجي ونشوف الصور حزنانه
اشما نبعد ايلمنه حسين هوه الابو والخيمه
من دونه يا ناس انضيع والدنيه تصبح هيمه
اليجروله دمعتهم يا محله عشرتهم
*********
ليش اليروح يترك جروح راحو وبالموكب انشاهد صورهم
واشكد احباب ضم التراب من نروح انزورهم نشم عطرهم
بله يا كلبي الجفوني اشلونهم
بالكبر يمكن تغير لونهم
اعزاز تدري وما اعيش بدونهم
اشلون تغفه بالتراب عيونهم
غالي يصير التابوت لو شال واحد غالي
بس يرخص وما ينشال يا ناس لو رد خالي
وعيوني رادتهم يا محله عشرتهم
***
يا غلاهم مر هواهم الزهره تتباها بخدمها وترفع الراس
وفقتهم وميزتهم الحلو بيهم بالوفه اينكطون عباس
اسنينهم لم الحسن منذوره
اضلوعهم من اللطم مكسوره
شفنه كل خادم يحب عاشوره
للحسين بكلبه شايل صوره
جانو يلطمون العين لو طاري فاطم ينجاب
وبكل روايه ايصرخون عالاذت بسد الباب
ما تطفه جمرتهم يا محله عشرتهم
**
اخ الاكبور اليبجي معذور خذت وين البي محنه وتارس العين
الخدمو اهواي وزعو ماي ذوله هسه بخير كلهم يم الحسين
بالكبور ما واحد ايحاجيهم
ذوله ابو اليمه تكفل بيهم
تره اشتاك الهم اوده اعليهم
بالمجالس دوم ينضر ليهم
ما ينحسب عالاموات كلمن خدم لحسينه
اسمه بسجل الانصار كل خادم امسجلينه
معروفه نيتهم يا محله عشرتهم
****
كلمن ايموت يلكه تابوت بس ابو السجاد تابوته حصيره
صدره مسحوك وراسه مبيوك ضل غريب بلا جفن واخته اسيره
الخيل فوكه ضلت تروح وترد
ماكو ويه حسين ضل واحد يهد
سلبوها اعماته وزينب تصد
حكها من تنوح يمه وتنظهد
تتغسل بماي الناس بس الحسين بدمه
فوك الترايب عريان وسهام شابع جسمه
واهله بمصيبتهم يا محله عشرتهم
**
تمت
تحسين الخفاجي
/channel/karar9497
