4231
✔️ 𓆩cнαииєℓ𓆪 ♡♡:♡♡ 𓆩 كم تمنيت ان تكونِ روما 𓆪
شكد شايف عشك واحبابنه هواي
بس مثلك عشك صدك مشايف
كلت للروح احبك والگلب كال٫
ماكو اشكال عدنه ومايخالف..
#جبار_رشيد
اغار عليك من گلبي والعيون
لذلك اني حاير وين اشيلك
وحقي مااجيلك اني معذور
اغار عليك مني ومااجيلك..
على نار انتظر ومتاني الاحباب
واندك باب بيتي والگلب ذاب
طلعت للباب عود الباب افتحه
لكيت الباب طالع فاتح الباب..
#عبدالحسين_الحلفي
هواي وجوه راحت مالزمت الباب
ليش انت الوحيد بردنك مچلب..
#مرتضى_جبريل
تلزمني الكرامه ويعت بيه الشوك
واني بـ بينهن سيف وعلى اهله انسل
شوكي يكلي روح العشك مابي عيب
الكرامه تكلي عيب تروح لاتنذل
واكابر بالنهار اضحك،ضحكتي شراع
بس باليل حتى فراشي يتبلل
"ماترهم تجي ساعه وتهود العين"
وراها ارجع لزعلك واني ارد ازعلك..
#علي_المقداد
اني تغيرت من كمت اميل الناس
ادور شوفتك واكف على اطرافي
من جانت ضحكتك كوه تطلع جان..
خلكك مال واحد نيته يجافي
من ضل موعدك ينسي وتالي تكول
اي والله نسيتك بالي مو صافي
من صارت اسرارك يمي ما تنكال
وتدنت لـ صوتك وادم خلافي
"بعد ماارافكه الذاكرته تغدر بي"
ولا صديت للمايعرف يوافي
منك وانتهت 'للكيش حد خليت'
لو يغمك بعد لو يترك ضفافي..
#ايهاب_المالكي
اني ادري ياهو اللذي سم بكلامك داس
بس اني عندي گلب حافي على جمرك داس
"مضحي بخسارة عمر بس منك اربح داس"
وضيعت كل العمر وياك اني عليت
وياما بصدودك عليّ هذا العمر عليّت
بأحلامي اساسك قوي وفوكا قصر عليت
بس للاسف بالصحو طابوكه وحده وداس.
#سمير_صبيح
فإِن تَسأَلَنّي كَيفَ أَنتَ فَإِنَّني
صَبورٌ عَلى رَيبِ الزَمانِ صَعيبُ
حَريصٌ عَلى أَن لا يُرى بي كَآبَةٌ
فَيشمُتُ عادٍ أَو يُساءَ حَبيبُ..
-سيدنا عليّ (عليه السلام)
مرات اكول الما يحب ما يتعب
ومرات اكول شعوزني وما انحب..
#أيهاب_عيال
لاتشيل وياك خنجر لو مشيت
ولا تأمن الليل لو شفت الشموع
ولاتصدك حتى دمعك لو بجيت
هواي ناس انباكت بسد الدموع
ولا تدنك لو ذهب طايح لكيت
الذهب يصعدلك اذا شافك قنوع
بركن تمثال الثلج لاتستراح
وتدري من تطلع شمس لازم يموع
ولاتعشار ذيب وتأمنه وتنام
الذيب لحم الذيب ياكل من يجوع..
#ناظم_الحاشي
نويت تروح..
اي كلي انتهينه وروح
لاتنطيني امل جذاب
مرات الامل كتال مو الصواب
السجن لو كله حيطان اسهل يعيشوا
مشكلة السجن بي باب..
#صفاء_الصمت
مشطتني الريح غفله..
وبيه ضاكت طعم صوتك
من زمان ، بيوم شفتك عزف بيه السيسبان
وللعشك سواني ريل وهيل شميت بضحكتك
(بالكهف نايم شعورك)
اعترفلي تبقى خايف
عـ الشفايف هذا عيد ولازم تمرجح سوالف
ادفن بنص صدري خوفك واكتب بأذني تعال
"خطوه خطوه ابدي بيه
روحي غمضت يلا كللها حلال"
اكتب بأذني تعال وبس اجيك..
ارسم بصوتك سلام
و عـ الترافه الجوه زلفك
شفتي تنحتلك حمام..
لا تعتذر لا تهتم
هجرك جرحني بنص حلم
يبطل اذا يطلع دم..
#يوسف_الدراجي
دقره وجوهم لا تاخذلهم رآي
بعد هذا الدهر ما تعرف الصفره
واحذر لا تذب فوگ الرماد بساط
منو يگول الزمن ما ضاملك جمره
#سمير_صبيح
شنهو العطلك ماجيت كبل اليوم
ياخيط الشفاگ وكحلت عيني
عليَّ مرن ليالي ولا ليالي ايوب
وانده بالصبر والصبر عاصيني
واحس جني بضياع وكلي ماموجود
وانشدمن عليّ ويكول ها ويني
انه روح وجسم متعوب حد الاخ
لمني ببين ايديك بلطف باريني
(جحيل ازرك ايامي وللعظم نزال)
لاتبخل عليّ بالدفو دفيني
انه دمعت يتيم وما لكت شراي
خل اغفى على صدرك ليك دنيني..
#عطا_السعيدي
المافزع للروح من صاحت احا
اشمر شليل حجار بيدي على فركا..
#سمير_صبيح
بتعب حالي حزن فركاك ينشاف
تضعضع والعگل بجفاك ينشاف
دهن شره على وجه الكاع ينشاف
اذا ينشف تكف دموع اليه
#سمير_صبيح
شلك يالكلشي مالك كلهن لوحدي
الك عن حلفة الله الليل اليعدي
اعرفك وادري بيك وحافظك واقراك
ولو بعض الـ ..
ولكن تقتضي نعدي
شما تقرب عليه بعيد احسً بيك
اذاً واضح المعنى وتعتبر ضدي..
#عبدالرحمن_ابراهيم
وكتلي تكضي شلون تكضي..
براسي تفتر السگاره
"براسي احس كاظم اسماعيل كاطع
يكتب وبيده جكاره"..
براسي اخو المكتول يفتر
كاض حزامه وتفكته يريد ثاره..
براسي صايح
كلها ماترضى تهدني
شلون شباج الزياره..
#مالك_الباوي
كضتها عليّ عود اخضر ويه النار
تعاند بالحرك ودموع تنهيها
خايف بس اجذب لو كلت مااخاف
طفل وبـ ليل غابه،تريد يمشيها..
#سمير_صبيح
الگلب ما مات واني الكلت لامات
وعليّ كبر المصيبه الناس لامات
تدري على الدرب ضليت لامات
لحد ماعتكن هدومي العليه.
#علي_رشم
دامن عـ البواجي وراح يدمن
جفني والجروح جروح يدمن
بحلك بيري ايدين هواي يدمن
عدو،شامت،صديق يمدها اليه.
#سمير_صبيح
مشهد ماكو داعي نشوفه ونعيده
بعد لا ابوس خده ولا اگود ايده
بيوت وعالنهر بس مو بنفس الصوب
كلمن يشرب من الصفحة التفيده
مثل ما عفت وجهه بنص هذاك الخير
مثل ما عاف وجهي بنص تجاعيده
المشاعر والرزق مو بيد ياهو الچان
بس اليتعبلهن ربك يزيده
ما نادم على المنهم تبريت
مااهم بجرح مايسوه اشده
يكفيني عفيت وزين سويت
وشمرته ومستحي من الشط اجرده
"ماحبيت بس بعدين مليت"
ولا دنيت الاعرف راح ابعده
(هذا اني اذا حبيت..حبيت)
عكس ذاك العمر حنيته مده..
#ايهاب_المالكي
ردت اغنيلك وكطعوا كل وتر
غافلتهم واعزفتلك عـ الضلع..
#كاظم_خبط
احياناً مشاعرنه..
توهمنه بمشاعر ناس يخطون بأسامينه
نجيهم روحنه تزخ شوگ
نرجع ماادري شبينه..
"من ملكاهم البارد نحجي وبالهم شارد"
هاي اللحظه بيها نشوف
كل شيّ من طرف واحد..
بس نتدارك الموقف ونلملم بقايانه
نفس يثكل،نبض صاعد
مشكلة المشاعر هاي مابيها الخطأ وارد..
غلطه ممكن تذلنه،
من نشغل نفسنه بناس لكن همَ مو النه..
يجيهم يوم بي يرحون
وكل اليبقى عدنه عيون بيها دموع مفضوحه
تحضن نظره مذبوحه
وبهذا الوكت ننلام
مو الا النحبه يكون كوه جفوفنه تلوحه
لكن مبين البي شوك
من يشتاكلك وتغيب تلكه ببابكم روحه..
*احياناً مشاعرنه تهوى النتعب بگربه
وتاخذنه لمجرد ناس يمهم نشعر بغربه
احساس التجي مشتاك لكن باله مو وياك
صعبه الواحد يجربه
والحل الوحيد يكون كلمن يرحل بدربه*..
بدون اصوات
مر موادع النظرات
من يبرد بدينه الشوگ
توكع ورقه بيها ابيات..
مشكلتي من اشوفك مو بالعيون
احسك وانت نشوة واهسي تكون
واذكرك من ابشر روحي ناسيك
واعطشك من اكول فراكك يهون.
#ايهاب_المالكي
يا ذلة المشتاك ذله
من يهوى واحد مايكله
لا والتفشل موش حله
كوه على روحه يصير خله
من اتدنه عنك ليك ردني
امنيتي اشبكك ماتهدني
گلبك جذب مايوم حبني
ذبت فلس بأمام ذبني..
#حسين_ال_دليهم
خلص عمري بصدودك كله امني
وعليّ مااجن طيوفك كلمني
اني الي جرالي كله مني
جبت بيدي الجرح دليته بيه
#سمير_صبيح
ريحة الجو ذكريات تصير من يبدي المطر
واركض مغمض واشربك وانت موذاك النهر
ها يبو عيون الخذتني وعلمتني على السفر
روحتك مختلفه حيل..
حتى من البومي طالع وحدي واكف بالصور
حتى باب القفص ينحل من تحل جنت الشعر
حتى من انساك اذكرك خاف نساك السهر
"بالحلم خطين اذكرك عـ الگلب ماصح شجر"..
#محمد_كوكب
ضباب الـ بالدرب والشوف مو زين
والمسير عليك بعين من جام
هلكد ما قلق وارجف بالايدين
المحابس وصلتهن كبل الجدام..
#حسين_البهادلي
ضبابيه المشاهد والمشي بلا شوف
وتيهنه الدرب والحادي والحمال..
#عطا_السعيدي
دارك علي صارت دار اميه
وانه الضامي البرملك دار ميه
الگلب كاتبلك اسمع دارميه..
تجفي وكلت معذور صعبت ضروفه
دكت رجلها الروح هسه ارد اشوفه
#بارق_العاشقي