4231
✔️ 𓆩cнαииєℓ𓆪 ♡♡:♡♡ 𓆩 كم تمنيت ان تكونِ روما 𓆪
حاول تبتسم ياسني بالضيچ
ولتغثك تفاهة بعض الاشكال
انخلقنا لراحه الطيبين مخصوص
وشرف النا اذا تكرهنا الانذال
بدليل الناس نعرف ندخل شلون
وذا دخلنا بعد هيهات ننشال
خلينه محبة الناس بالجيب
مو مثل البعض خلينه الثكال
مانعرف على احد نكشخ بيوم
حتى دموعنا نلبسهن سمال
ويبررلي الموقف بعض الاخوان
سليمه يگلي وياك النوايا
بس حيه هذاك وهذا ثعبان
شكد عيب وفضيحة وزحمة هايه
"انا المفطوم بسموم العرابيد
يعلمني الغشيم اعلى الحيايه"
ولو ماعدنا شي ويه الثعابين
احنه ويه الورد ماعدنا غايه
مرات اتشلبه الناس عالناس
اهم شي عدهم يصعدون بايه
عدهم عادي كلش من يطيحون
لان طاحوا بما فيه الكفايه
#حامد_الشمري
تذكرتها وجيب الينسيني..
يا ليل شيخلصك بعد حاجيني
جابوا اسمها وكلشي صار بحالي
وحتى النسيته وياها رد بـ بالي
ولاهيَ يمي ولا دموعي بعيني
يا ليل شيخلصك بعد حاجيني..
#رائد_ابو_فتيان
ردت تفسير للواقع..
ركضت من الوعي للطيف..
ركضت وعيني مذعوره
عجيب شجاي بينه يصير..
حطب يتهادد على النار
والدم الثاير على السيف..
ملفوفه الرصاصه بدفتر العشاگ
من يمتى الرصاص يعيش..
من يمتى البحر يتوسل السباح
هيَ غلطه وثمنها الكاع..
اكبر ذنب بالتاريخ
صارت شجرة التفاح..
نفرض ماغلط آدم
قبل لايبتدي التكوين..
جا هم اختلفنه هناك
نترامه على حور العين.
بيش احلفلك..
وهذا السهر شاهد
عمر خلصته احبك من طرف واحد
مثل الحارس افتر لو يجيني الليل
هلي ينامون كلهم واني اضل كاعد ..
منهو الكالك ناسيك..
هم ينسى الگمر وكته
لو نبض الگلب يتنكر لدكته
بس عشكك عشگ مفضوح
وعشگ الناس كلها مساتر وسكته
صرت انت سبت وبركبة يهودي
هم شايف يهودي يجوز من سبته..
#عباس_جيجان
صرت ويه الشجر شجره
نص جسمي اندفن بالگاع
والباقي من اديه اغصان..
وسموني بوكتها..
شجرة النسيان..
#الكاطع
مثل حال الكصب لمن تلزمه النار
وحده تواسي وحده وكلهن يگبن..
لتحطني عدد لو وحدي لو مااريد
ما تعبر مثل ماانت تهواها..
اسبوع وتنسي جويت جكاره تطيب
ضربتين عـ راسك صعبه تنساها..
واحبه وجاملت ، بالشته البرحي يطيح
ياعاقل يصدك لو حجيناها..
وغلطنه من البدايه الفتك مارفنا
هملنا وانتشر والابره جبناها..
وطفت ماطولت ماتبقى شمعه بريح
نعرف ماتجد غشمه وشعلناها..
يم عش الصگر شيصخم العصفور
طعم للموت روحه شماله خلاها..
وعلى غزوة سهر فرطت بالتاريخ
احتراماً للمواقف جا عبرناها..
#نور_اللامي
دمعتك بارده يكولون ماتشتاك
وانه خيال الحنين يثكل بجدمه
والكاهم فراغ منين مااحط شوگ
"الاحبهم مو نهار گلوبهم ضلمه"
اليضم عندي هوى مااسولفه لمخنوك
اليجي بوكته دمع بعيوني مااضمه
(واهس ليل جرحي شكد سوالف بي)
علي كل ذكرى مرت تنحسب لجمه
هوت روحي وهوت،بس ماهوتها الناس
*حجي عيوني سهل بس جيب اليفهمه..
#علي_رشم
عنك تسولف هَوية الباب
وعيوني تفتر للهوى الهاب
بلكت يدفعك من التراب
يمدلل شمالك مشــيت..
يالحيد ما تهوى الخفيفه
ما تنسجن نار بصريفه
يا مشية الذيب اعله كيفه
وعيونه توجع كبل الأنياب..
يا ﭼـفن يتمشى اعله بالي
امتانيك وكماطك كبالي
من شيعوك الخشب غالي
جان الخشب للـ يدفه ينجاب ..
"بس بالعشگ تنشاف مغلوب"
ولو طحت من ثگلك يحالوب
ذلة عزيز الگوم مصيوب
ويضل عليل بـ بين الاحباب..
بمراية الحلوات تنشاف
و اعداك من جروحك تخاف
ظِلك عشوش لطيرة الصاف
والناس ريشه بجنح الغراب..
حجاياتك تسكت العشيره
ترد الهلك ماي بجزيره
يمه التتن تارس شليلي
ياهو الـ يلفه بهذا ليلي..
مشلوع گلبي الليله مشلوع
لو بيدي اجرنه من الضلوع ..
#احمد_عجيمي
تعاشرنه ووصلنه لـحال مو زيـن
مرضه ثنينه وبس نلتقي نطيب..
#حسام_الحمزاوي
دخذ حبل المحبه وانت حر بي
لا الفه بركبتي وانتحر بي
ادور سلم يمك وانت حربي
اجيك اضحك ارد تابوت بيه.
حاير واحس بـ خطر
حيرة حمامه بـ مطر..
#محمد_الطالقاني
الصار ما خاطر عـ بال السكاره
بالمسدس ردت ادخن
واكتل الروح بجكاره..
عشت عمري قوي وبعينك اتهدد..
حطني بـ ليله ضلمه وجيب بيدي سلاح
وحط كبالي شي ابيض وشي اسود
خاف تكول الابيض واضح وينشاف
ارد عـ الثاني اكطعه من الجذر واصعد
شفتني شكد قوي وبعينك اتهدد..
(وصوركم ياصوركم يمهن اتبريد)
واريدن جف خشن فوك الصور ينمد
مثل الطالب المبتدئ بالتشريح
امد جفوفي واتردد..
شلون ارجع طبيعي شبيك يمعود
حبل المشنقه من يصير حبل هدوم
على ياخة قميصك تلكه طابع حد
اني طحت بضرف والله ما أُحسد
احجيلك وتسمع،تسمع وتشهد
"اني المحترك من يطفوني بنار
اعرف روحي ميت حتى من اخمد"
واحس عايش وحيد ورغم يمي شكد
مثل الاصبع الوكت الحرب مكطوع
من يعدون اخوته وهو ماينعد..
نسيت احنه قبل من جنه مانحقد
نتلاكه بدرب والزعل كله يطيح
واتحاضن وياك جفوف والمعضد..
تكلي بـ گلبك احد كلت هاك وشوف
صحيح انت شفت بس ششفت..محد
المثل كال اليصير يصير خد وعين
المصيبه انت جنت وياي خد وخد..
وهاي گلوبكم تذبحني ليليه
هاي گلوبكم يمكن ارهابيه.
#مقتدى_الحديدي
متت مااعرف اخبارك..
امس مريت من دارك..
ومن شفت الضوه طافي،
عرفتك مامتانيني..
مانرجع بعد عشاگ لا هالمره مازعلان،
ناسيني..
مثل الطير بأطباعك،
تعوف المشتريك وترد للباعك..
وانه بكيفي حبيتك،
انه مو صيدة ذراعك..
لا تبعد ولا تدني،
اكو كم شغله كتلك مااحبهن بيك
كتلي تضوج من ذني؟..
كمت تسوي بس ذني..
#حسين_محمد
سولفلي بعد محتاجك هواي
محتاجك بكد ما فاركتني
رحت جم يوم عني وتعرف شصار
عشر سنين يمكن كبرتني..
فرق عيونك على الوادم هواي
لذلك لمن تمر صعبه يمشون
بحيث تبين انت عيونك كبار
واليمك شلع ما عدهم عيون..
احبك مو حجايه بشعري تنكال
احبك صوت حسره بـ بين الانفاس
لأن حبك احساس بروحي موجود
وبعد ما لاكي كلمه توصف الاحساس..
خلل سوه جمالك بالقناعات
الأجمل من جمالك وين نلكا
بعد حتى الحلو من نقارنه وياك
يم حسنك نكله (استغفر الله)..
هسه انساك ما انساك بعدين
كل مره اني اعذرك صارن هواي
أنه رديت منك شابع جروح
مثل ما يشبع الغركان بالماي..
أنه مشتاكلك كد ما الي جروح
اطيبهن واحس يفزن عناد
تدري شلون حالي لمن تروح
مثل حال العراق بلايه بغداد.
#ايهاب_المالكي
الحلم كبرن جناحه الجنت اشوفك بي
الخذك ماكفه طولك خذه الحلم وياك
"الخذاك من الگلب جر 12 شريان
12 معصوم جر من گلبي من جراك"..
#علي_المحمداوي
لاتجهبني صيف وغيمتك سوده..
بعد خلينه كلمن يلزم حدوده
ماتكبر بعيني وتضل مثل الباب
ياهو اليعتنيه براحته يكوده..
العنب خله يتشلبه بله يوصل وين
بجنازه مزرفه ينشال عنكوده..
#سعد_شميل
بأمل صبح دليلي بل مسايس
لمن شاف على جرفك بلمه سايس
انحناء القوس جبته بالمسايس
عدلته وعدلتك تصعب عليه.
#كرم_السراي
علمني الخريف الفات..
وفيه الورقه من متطيح وتضل على شجرتها
بس بنظرة الـ عالگاع خانت طيحة اخوتها..
هي الناس هيج تشوف..
اكره واحجي حب وكول
كلها تداري خبزتها..
الكلمه الي تذم الغير ماتحجي على شفتها
والامايه الحجت عـ الناس عدها اشرف نسل بتها..
بهاي الدنيا عشنه اموات مو عدلين بس عدلين
مناخذ من بشر من طين بس منطين
طعمنه ملوحه مو طيبين بس طيبين..
#المطوري
حسبالي طيفك ينده الليل
مليت بعيوني التواسيل
لايعمن ولاخلصن حيل
نحلان بعدك حارد الميل..
شباج گلبي يتاني البعيد
ودكاته توجع بالمواعيد
يهلال جيتك مني شتريد
كل عيد اتاني بجيتك العيد..
#جبار_رشيد
-ماخله اثر ينشاف الحادي الخذاهم
شد السعف بالنوگ يمسح وراهم..
-كل ضنه حادي النوگ يمسح اثرها
اشتم تراب الكاع واتبع عطرها.
ونرجع بس شرط
ترجع مثل ماريد
ولو مانرجع افضل ما تمناها
كلمن وحده اذتني بس مرتاح
لازم تنتهي العله وچويناها
وعدلين نتلاگه السالفة انساها
گبر يوصل گبر فضت كطعناها
#نور_اللامي
العين اذا فاركت..
بالصدفه من تلتقي ماتشبع بنظره
ومايلتفت بي طبع
گلبي بقراره صعب ماتكدر تكسره..
ولتلومني من ابتعد
بالقمه حصتي السما متلوكلي الحفره
وتريدني اتذكرك..
مرات مالي خلك حتى اسمي مااذكره..
"اقصر طرق للگلب مو الا تشرح سنه
مرات كلمه بشقه توصلك الفكره"..
وعينك عليّ واستمع..
مرتين نفس البشر يجرحني مااعذره
فوز وخساره العمر
ماعدنه اي مشكله ، اي واحد نخسره..
وجان اختياري غلط
كل ضني تسوه التعب والحبك تقدره..
ويمشن عكس ماردت
ماوصلني لهدف يختارن العثره..
وغلطتنه طيبة گلب
ماتوبني المضن والنكرة العشره..
هي الحياة تجربه
يثبت وجوده الوفي والموقف يكبره..
خلي التجارب درس
لاتنخدع بالعدد ماتنفع الكثره..
عايش بأزمة ثقه وي گلبي صاير حذر
ماسولف،شكد حجي كتالي معتبره..
#نور_اللامي
آنه بقمة برودك محترك بيك
واحبك من تطفي النار بالنار
واذا طفتني نارك انتشي عليك
واذا تنتشي تيقن انتشي عليك
وابد لتكول شعليَّ انت شعليك..
"عليّ بيمن يبعدي آنه"
يبعد الماضي والجانه
نفشت الريش جنحانه
وطرت بروح مختله
جبت الگمر والكلّه
وعاكسنه الضوه بكحله..
وگلبي النكت زنجاره
شافك فكره لأخباره
وصلالك يجيڤاره..
الى ان احتواك البال واختار
وعبرت معاشرك من غير معبار
انه حكي من اضيجك لو تحليت
تره العاشك يبين لمن يغار..
#زيد_العنزي
حلاوي من تبتسم بصراوي من توفي
چا ليش حد عشرتك مكتوب حد شوفي
وانه عطش كربله وصوابي خط كوفي
موتني موت النخل وانه على وگوفي
مادام ما جاستك ماريدها چفوفي
ومنين اجيبن حلو ويشبهك ويوفي
#محسن_الخياط
تلح يادهر كافي وياي بس لاح
يكص چفه الفرح لو يوم بس لاح
اخوي وهد علّي چتال بسلاح
وشفت واحد غريب يحامي ليه
على كيفك يدهري وياي بشواي
وخل حملك عليه شواي بشواي
صرت سمچه واخوي احتار بشواي
نخه الشامت يلم حطبات اليه
#ابوذية