744
انوي لشگ صورّك والتهي أشبع شوف
أكثر شي متعبني
و كاسر نَفسي ليليّة
شنو من قسوّة شالت روحك اعليّه !
ما اريد احچي عَنك
لكن اتصوّر
چنت مكسور و اتعيّر !
و من گالولي غيرك شاف
گلت تربات اديّ ميشوّف
بس ثاري اليدوّر سبب لأبعاده
ما يزعل' يريد يعوّف
و رحت ...
بس چانت أسبابك ولا بيّه
هيچ انه رخيص تغربه بـ أغنيّة ..
تعيش اول ايامك بارد و مرتاح
فَترة و تعرف شخاسر ..
و تتذكرني من تسمع قصيدة بيوم
و تگلهم عفت شاعر
تندم ع الخسرته بس بعد شيفيد
مو كل يوم اكو باچر ..
چنها هالمَره صُدگ مِتفارگين
اليوم أودّي وين كل هذا الحنين
مَره فارگتك دقايق ..من أجيت
گِتلك شعطّلك كِل هاي السِنين
وأنتَ چنك جَرحي إذا اداوي يروخ
علة كيفك عاد يبن المِسعدين
زيد السّومري
ما گلت صوچَك عفتني
گلت مِن الله ابتلاء
ورغم كُلشي ما نسيتَك بالدُعاء
يا حبيبي الدنيا بُردت مثلَك بـ آخر لِقاء
البارحة مشَغل اغنيّة
انتَ هاديهة اليّة
الفَرق هالمَرة مگتلي
خَلي نسمعهة سويّة 💔
المثلي ما ينهمل المثلي يداره
يا ناسي يا صحبتي يامالكم چاره
وهو شيفيد العتب
ترحون فدوة وعلي
لحساس الحجارة
بدايات الأغاني الـ چنه نهواهن
و كل صوت بقصايدنا السمعناهن
و اصوات المطر من ينزل اعلى الجام
- اقارنهن بصوتك، يطلع أحلاهن ..🤍
عگبك ونيـس لروحـي ما حصّـلـت
همزين عندي اصـورّك وچـم ظـرف
الليل اخلصه اويه الصــور والتـتَـن
ما بين صوره وصوره حسبة گطـف
ترخص عيونك واكملهن غلاتي
واشتريك احلام ما يرغبها ليلي
واكسر بگلبي وحلاتي
مدري ليش انتظرك شما تهب دنيا
"شفت كل موت الله بيك وما شفت بعدك حياتي .."
-ايما صباح
بوگَت النوم گبرت عندي عادة
لو آيد امي لو ايدك وسادة
صح ماذكره بس تدري شفت بيك
الامأن العشته بـ ايام الولادة ...!
- محمد الشمري
يالمرخصني وانتَ تشوف
عزة نفسي چَن سلعة !
السن اليوجعك بالليل قرارك يسبق الدكتور
بيدك لازم تشلعه ..
فقدان الشغف لو صار
بيمن تگدر ترجعه
حدك ما لزمته وياي
رغم وياك چنت أنسان
تنزل دمعته من يشوفك تودعه .
تبقى وحدك لاصديق ولاحبيب
ومحد يگول شجرالة ؟
ومن غربتك..تحفر من الباب حفرة
بلكي يعثر بيها ساعي
وتوگع ابابك رسالة
احمدالحلفي
اصعب لحظه بكل جروحك
من تفهم كل هاي الوادم
بس ما تكدر تفهم روحك
احمد الحلفي
گتلها
نسيت وگالت تچذب
انتَ أول ابنادم يعرگ من يحب
والـ مثلك يتيه بـ عالم النسيان
مثل ذاك الضَوه الـ يختنگ بـ المغرب
گتلها بَعد للسفر ماكو شراع
خايف نغرگ وما نگدر نچلب
وگتلها بَعد حيلي أنچفه وما فيد
گالتلي السيوف الـ باشطه تحدب
وگتلها فقير شعاجبچ بـ العوز
گالتلي الفقير بـ كلهن معزب
وبچت وأسمعها گالت لو إلك لو اموت
گلتلها الحچي الـ ما يَنحچي يتعب
مو صاحب طويله وگلبي عايش خوف
وتفززه القطره الـ تَنزل من الحِب
وگالتلي صبر يعقوب وايوبين
متانيتك بعدني وعـ الهلال أحسب
وهاك أخذ القلم وأكتب وهنه اثنين
لو ورقه وفاتي لو عقد تكتب
وما فاد الحچي ورديت لـ أول بيت
وگتلها نسيت وگالت تجذب
#نائل_الأسمر
طگلي عضمي وعوف گلبي
هذا لاتنشاف طگته
ولا يشدها اضماد علته
مشكله احساس الفطير
شلونك اطيح دمعته
❤
بلچي والگاهم رسالة
حتى لو كتبولي سگته
حتى لو دزولي
صوت بلايه صوت
حتى لو دزولي گذله
مشرشبه بشيبات اهلهم
المهم ريحتها منهم
#النواب
أنت لو شفت السواد
الجوه عيني
مَـا مشيت
لو دريت شگالت
الوادم عَلي من فاركتني
چا بچيت
شگد گلتلك
آنا لو ما أنت اضيّع
شگد بقيت مچلب بمگفاك
حد ماضّل قميصك
بين اديه وما ردتني
انه ذنبي تعودت
وانت ذنبك تيهتني ..
-
بشارة النسيان تندلني
واعاندها بأمل باچر تجيني
لذة ايدك ،
ضاملها دموعي المثگلات عيني.
حسن الفضلي
اتندمت چي ما حچيت
و بعد شيرجعه لزمانه ؟
چان من بصفي يگُعد
گلبي احسه يريد يطلع من مكانه
اني يمه هـواي أضعف ..
ممكن توصلوله كل هذا الكلام ،
والله من دونه احس اللحضه عام
"عيونه اعرف سود هنه
بس يدلن ع السلام "
ولك تعبني ذكرك غادر التفكير
شعندك بالعقل بس تسرح وتمرح
ي اسمر مالي حيلك
وانت حسنك جيش
بطرك روحي شفتني
وجايني مسلح
#جبار_رشيد
ألليله مَو مَثل أمس ..
مَنتظر حكت خَشم واحرگ تصاويرك ..
شگد حَسستني بنقص!
چا هيچ ما تلتفت لو ماشي مَن مگبره
هَم خوفك يديرك
مِن گتلك تغيرت ماگتلي أحِب غيرك ..
سولفلي هذا منو الحبَّاك وتحبَّه!!
يقبل توصله السما !
وتشد بچفه صخر ومِن السما تذبه ؟
فقدت وَياك أهَميتيّ ..
جرسَ جيّران صَارلهُم عُمر عِشرة
مَثل هالحَالة وضَعيتيّ ، إنهَضمُت هَواي
من حَاسبني عَ الخطار و مِعتبرك أهَل بيتيّ ..
گلوله فلت وانگضت
بس ابد لايدنالهه
گلوله ماتدري الصدگ ؟
تمسح دمعهه ب شالهه
گلوله لو صار العصر
چم حزن يأكل بالهه
كلوله ماخانت ولك
خان الدهر باحواله💔
-
اليوم بالصدفة مثل عِطرك لگيت
حاولت ، بس مـاگدرت ألزَم عَبرتي
بهوسة السوگ وبچيت
احمد المرشدي
نطرنه دروبنه ومامش جدم منكم
وفتحنا أبوابنه بلهفه
ولن الدگها مو چفكم!
وصغينه للميسوه ولاخبر عنكم!
مشتاگيلكم تدرون ماتدرون
ماندري شنگللكم!
•هــلا ياســالــفه وماضــن نملــها•
وعليك الگاع ما شالت نمـلها•
عيبك واعي وتفهم كلشي
وچلمات الماتجرح غيرك
تبقى سنين معلعل منها
ماكو اصعب من جرح الكلمة
التطلع من عالم نفهمها
. ردت اگلك
ليش ياصفصاف صبري
اتوزع افيايك ثواب
وگيظك امسيّر بِدَه
ونته ذاك...
القشمرت خَدّ المعاضِد يِلثِم اچفوف الرِدَه
اشعندك امسيِّر الغبشه
الورد مات ....
إعليمن امْحشْم النِدَه ..
كاظم العطشان
گالتَلي أنــتَ
ابني و وحيّدي بهالكون
والـ مسَتعدة اوگف بـ سِلمـة وحـَربـة
"بـ هاللحظة حسَيت اهلي مثل الغَربة.."
هَاي ياغلطه تسولف بيها جاي ويامحبَه ؟
أسف تگلها الشخص طخيت چتفه
مو شَخص دست إعلة گلبه ..
- زين علي
يامن يستنشق ايتاماً عن بعد سمائين وزينب
إنسانٌ مما لا أعلم من ضوءٍ لاكن يتصلب
في وقتٍ لاكن في وقت آخر كلماء ومن أعذب
ما يجري في زمم حتماً اسمٌ لا يلفظ بس يُحسب
تجمعه تستنتج طه تطرحه ايتاماً تصلب
تقسمه نصفين المصحف تضربه عفواً لا يضرب
انته وذوالفقار شلون تختلفون
أحلف كل صفاتك چان يحويها
لذلك ردت أسألك بالحرب مولاي
ياهو يشيل الآخر مو دخت بيها
علي شايل علي لو سيف لو غربيل
أي غربيل تجي اترسه زلم وتگله صفيها
متباركين بولادة قسيم الجنه والنار
اللهم اجعلنا من الموالين لأمير المؤمنين عليه السلام
وبين علـ عيوني حبك
ثاري هيج الشوگ فاضح
انت حبك مثل عطري
شلون أضمه ؟!
العاشگ تفضحه الملامح ..