Ixtisoslashtirilgan ta'lim muassasalari agentligi

14 December 2024 14:21

#OAV_biz_haqimizda

Ахborot 24 | “Zakovat” intellektual o’yini
#14dec #uzbekiston24

📍 Abdulla Qodiriy nomidagi ijod maktabi

Telegram | Facebook | Instagram | YouTube

Ixtisoslashtirilgan ta'lim muassasalari agentligi

14 December 2024 12:12

#OAV_biz_haqimizda

Voha 24 | Oʻquvchilarning ixtirochilikka qiziqishlari, robototexnika, yashil energiya yoʻnalishlarida yaratgan ixtirolari
#surxondaryoMTRK

📍Termiz shahar 3-son ixtisoslashtirilgan maktab

Telegram | Facebook | Instagram | YouTube

Ixtisoslashtirilgan ta'lim muassasalari agentligi

14 December 2024 06:14

#OAV_biz_haqimizda

Yangiliklar | Yoshlar uchun harbiy vatanparvarlik festivali
#jizzaxMTRK

📍Jizzax shahridagi Prezident maktabi

Telegram | Facebook | Instagram | YouTube

Ixtisoslashtirilgan ta'lim muassasalari agentligi

13 December 2024 14:12

#OAV_biz_haqimizda

Ахborot 24 | Akademik bilan uchrashuv
#13dec #uzbekiston24

📍Sergeli tuman ixtisoslashtirilgan maktabi

Telegram | Facebook | Instagram | YouTube

Ixtisoslashtirilgan ta'lim muassasalari agentligi

13 December 2024 10:10

#Bizning_shunday_oʻqituvchilarimiz_bor

PREZIDENT MAKTABI OʻQITUVCHISI XORIJDA MALAKA OSHIRMOQDA

🤩 Namangan shahridagi Prezident maktabining tasviriy sanʼat fani oʻqituvchisi Abduvohid Isoqov ayni paytda Slovakiyaning Nitra shahridagi "Faylasuf Konstantin" universitetida malaka oshirmoqda.

Oʻqituvchimiz oʻz yoʻnalishida xorijiy tajribalarni oʻrganish bilan bir qatorda universitet oʻquv jarayonlarida ham faol qatnashmoqda.

Xususan, A.Isoqov turli davlatlardan kelgan tinglovchilar uchun mahorat darsi tashkil etib, zamonaviy sanʼatda raqamli media vositalarining ijodkorlik, eksperiment va innovatsion ifoda shakllariga oid bilim va tajribalari bilan oʻrtoqlashdi.

Oʻqituvchimizning ushbu tashabbusi xorijiy universitetning rasmiy saytida yoritildi.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

13 December 2024 08:43

Kambagʻal oila farzandlarining bogʻcha toʻlovi qisman qoplab beriladi

Toyloq va Kosonsoyda “Ilk rivojlanish markazlari” ochilib, kambagʻal oiladagi va nogironligi boʻlgan 4 ming 200 nafar bolaga bogʻcha taʼlimi berildi. Bu haqida Prezident Shavkat Mirziyoyev raisligida ijtimoiy himoya sohasida amalga oshirilgan ishlar va 2025-yildagi ustuvor vazifalar yuzasidan oʻtkazilayotgan videoselektor yigʻilishida ma'lum qilindi.

Viloyat hokimlariga oʻzidagi har bir tumanda bittadan shunday tajribani tashkil qilish topshirildi.

Maktabgacha va maktab taʼlimi vaziri H.Umarovaga 2025-yilda kambagʻallik yuqori 1 mingta mahallada bittadan oilaviy bogʻcha faoliyatini yoʻlga qoʻyish topshirildi.

Yangi yildan oilaviy bogʻcha oʻrinlarini 15 foiziga kambagʻal oila farzandlari qabul qilinadi va bogʻcha toʻlovi qisman qoplab beriladi.

Bogʻcha va maktab yoshidagi nogironligi bor bolalarning taʼlim bilan qamrovi Qashqadaryo, Samarqand, Surxondaryo, Toshkent viloyatida eng pastligi koʻrsatib oʻtildi.

Respublika boʻyicha bunday bolalarni 16,5 mingi maktabga, 17,5 mingi bogʻchaga bormaydi, yana 11 ming bola maxsus maktab-internatlarda ota-onasidan uzoqda oʻqiyapti.

Shuning uchun Ijtimoiy himoya agentligi, MMTV, viloyat hokimlariga 1-fevralgacha har bir tumanda bittadan bogʻchada inklyuziv taʼlim guruhini ochish topshirildi. 1-sentyabrgacha 954 ta maktabda inklyuziv sinf tashkil qilinib, yana 1 ming 800 nafar nogironligi bor bola taʼlim olishi uchun sharoit yaratiladi.

Ijtimoiy himoya agentligiga harakati cheklangan bolalarga maktabga kelib-ketish xarajatini 75 foizini qoplash tizimini joriy qilish topshirildi.

Shuningdek, mental va jismoniy nuqsoni bor bolalarni oʻqitadigan 90 ta maxsus maktabni koʻp funksiyali maktabga aylantirish kerakligi taʼkidlandi. Bu orqali nogironligi bor 2 ming bola ota-onasi bilan yashab, yaqin hududdagi maktabda oʻqish imkoniga ega boʻladi.

Yangi oʻquv yilidan Toshkent shahrida bitta shunday maktab faoliyati yoʻlga qoʻyilib, namuna qilinadi.

@hilola_umarova

Ixtisoslashtirilgan ta'lim muassasalari agentligi

11 December 2024 13:52

#yil_sarhisobi
#tanqidiy_tahlil

PREZIDENT VA IJOD MAKTABLARI FAOLIYAT SAMARADORLIGI TAHLIL QILINDI

Ixtisoslashtirilgan ta’lim muassasalari agentligida tizimdagi Prezident va ijod maktablarining 2024-yildagi faoliyat samaradorligi, Agentlik ishchi guruhi tomonidan olib borilgan o‘rganishlar tahlili hamda 2025-yildagi dolzarb vazifalarga bag‘ishlangan yig‘ilish bo‘lib o‘tdi.

Unda Agentlik rahbariyati, masʼul xodimlari, ZOOM platformasi orqali tizimdagi Prezident hamda ijod maktablarining rahbar xodimlari ishtirok etdi.

Yig‘ilishda ta’lim samaradorligi, bitiruvchilarni oliy ta’lim muassasalari, milliy va xalqaro sertifikatlar imtihonlariga tayyorlash, o‘quvchilarni kasbga yo‘naltirish, ota-onalar bilan hamkorlikni kuchaytirish singari qator masalalarga alohida eʼtibor qaratildi.

O‘quv jarayonida sun’iy intellektga asoslangan raqamli ta’lim platformasi (Cerebry) dan foydalanish masalasi ham yig‘ilish kun tartibidan o‘rin olib, ayni yo‘nalishda monitoring yuritib borish va o‘quvchilarning bilimlari natijalaridan kelib chiqib qo‘shimcha kurslar va to‘garaklar tashkil etish yuzasidan chora-tadbirlar belgilandi.

Shuningdek, Prezident hamda ijod maktablarida bo‘sh ish o‘rinlariga xodimlarni ishga qabul qilayotganda malaka talablariga rioya qilish, manfaatlar to‘qnashuviga yo‘l qo‘ymasdan belgilangan tartibga muvofiq mehnat munosabatlarini o‘rnatish taʼkidlandi.

Qolaversa, ijro intizomi, shaxsiy tarkibga oid hujjatlarni rasmiylashtirishda amaldagi qonunchilikka qat’iy rioya qilish, davlat xaridini tashkil qilishning huquqiy va tashkiliy asoslari, moliyaviy mablag‘lardan oqilona foydalanish, ochiqlik va shaffoflik, korrupsiyaga yo‘l qo‘ymaslik masalalariga jiddiy e’tibor qaratish lozimligi qayd etildi.

Agentlikning 2025-yildagi (KPI) eng muhim samaradorlik ko‘rsatkichlari loyihasi ishlab chiqilgan bo‘lib, unda belgilangan vazifalardan kelib chiqib, har bir Prezident hamda ijod maktabining eng muhim samaradorlik ko‘rsatkichlarini belgilab olish hamda shu asosida tegishli ishlarni amalga oshirish kerakligi koʻrsatib oʻtildi.

Yig‘ilishda Agentlik direktori tomonidan tegishli mas’ullarga Prezident hamda ijod maktablarining faoliyat samaradorligini yanada oshirish yuzasidan zarur ko‘rsatma va topshiriqlar berildi.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

11 December 2024 08:48

#OAV_biz_haqimizda

Najot bilimda | Andijon tuman ixtisoslashtirilgan maktabi faoliyati, zamonaviy taʼlim sharotlari, oʻquvchilar erishgan yutuqlarga nazar
#andijonMTRK

Telegram | Facebook | Instagram | YouTube

Ixtisoslashtirilgan ta'lim muassasalari agentligi

10 December 2024 16:19

#OAV_biz_haqimizda

Maxsus reportaj| 10-dekabr – Oʻzbekiston Respublikasi Davlat madhiyasi qabul qilingan kun
#10dec #uzbekiston24

📍Namangan shahridagi Prezident maktabi
📍Isʼhoqxon Ibrat nomidagi ijod maktabi
📍Chortoq tuman ixtisoslashtirilgan maktabi

Telegram | Facebook | Instagram | YouTube

Ixtisoslashtirilgan ta'lim muassasalari agentligi

10 December 2024 13:30

Vazirlik delegatsiyasi Britaniyaning Kembrij shahrida o'quv-seminarlarida ishtirok etmoqda

Umumiy oʻrta taʼlimning davlat taʼlim standartlari va oʻquv dasturlarini ishlab chiqish hamda takomillashtirish dasturi doirasida vazirlik delegatsiyasi hozirda Buyuk Britaniyaning Kembrij shahrida bo‘lib turibdi.

Delegatsiya Cambridge International Education tashkiloti bilan hamkorlikda xalqaro standartlarga muvofiq oʻquv dasturlarni ishlab chiqish va takomillashtirish boʻyicha navbatdagi bir haftalik oʻquv treninglarida ishtirok etmoqda.

Ushbu o‘quv Cambridge International Education bilan o‘quv dasturlarini takomillashtirish bo‘yicha olib borilayotgan keng hamkorlikning bir qismi bo‘lib, kelgusida tashkilot tomonidan mahalliy mutaxassislarga davlat taʼlim standartlari va o‘quv dasturlarini ishlab chiqishda konsalting xizmatlari koʻrsatib borilishi rejalashtirilgan.


Vazirlikning rasmiy sahifalari:
Telegram Facebook
Youtube Instagram
Veb-sayt Linkedin

Ixtisoslashtirilgan ta'lim muassasalari agentligi

10 December 2024 08:18

#Olamni_mahliyo_aylagan_diyor

🇺🇿 10-DEKABR — OʻZBEKISTON RESPUBLIKASINING DAVLAT MADHIYASI QABUL QILINGAN KUN!

📝 Qonunga koʻra, madhiya Davlat suverenitetining ramzidir. Madhiyaga ehtirom bilan qarash har bir fuqaroning vatanparvarlik burchidir.

✅ Yurtimiz mustaqillikka erishgach, xalqimizning azaliy orzu-istaklari, ezgu intilishlari Oʻzbekiston Respublikasining davlat ramzlarida oʻzining yorqin ifodasini topdi. Chunonchi, Vatanimiz madhiyasi ham uning oʻzi kabi aziz va muqaddasdir.

🎼 Ona yurtimiz madhiyasi hamisha gʻurur va faxrimiz, shonu shuhratimiz ramzi boʻlib, jahon arenalari va yuksak minbarlarda, dillarda va tillarda baralla jarang sochsin!

Telegram | Facebook | Instagram | YouTube

Ixtisoslashtirilgan ta'lim muassasalari agentligi

09 December 2024 10:50

#OAV_biz_haqimizda

Iste’dod | Muhammad Yusuf nomidagi ijod maktabining ijodkor o‘quvchilari
#andijonMTRK

Telegram | Facebook | Instagram | YouTube

Ixtisoslashtirilgan ta'lim muassasalari agentligi

08 December 2024 18:10

#hududlardan_xabarlar

⏺️Termiz shahridagi Prezident maktabi hamda Surxondaryo viloyati pedagogik mahorat markazi o‘rtasida hamkorlik memorandumi imzolandi.

⏺️Buxoro shahridagi Prezident maktabida "My dream house" mavzusida loyiha ishlari musobaqasi o‘tkazildi

⏺️Namangan shahridagi Prezident maktabida o‘quvchilar uchun chuqurlashtirilgan tibbiy ko‘rik tashkil etildi.

⏺️Farg‘ona shahridagi Prezident maktabida "STEM +" musobaqasi bo‘lib o‘tdi.

⏺️Nurafshon shahridagi Prezident maktabida "Munozara" klubi faoliyati yo‘lga qo‘yildi.

⏺️Guliston shahridagi Prezident maktabida "Geometrik shakllar bilan ishlash va ularni hisoblash" mavzusida loyihalar taqdimoti o‘tkazildi.

⏺️Nukus shahridagi Prezident maktabi o‘quvchilari kamondan o‘q otish mashg‘ulotlarida qatnashdi.

⏺️Qarshi shahridagi Prezident maktabida "Konstitutsiya-kelajagim mash’ali" mavzusida davra suhbati bo‘lib o‘tdi.

⏺️Navoiy shahridagi Prezident maktabi hamda Navoiy viloyati pedagogik mahorat markazi hamkorligida seminar-trening tashkil etildi.

⏺️Samarqand shahridagi Prezident maktabida "Puzzles and coding day" musobaqasi o‘tkazildi.

⏺️Andijon shahridagi Prezident maktabida “Kutubxona ishlari samaradorligini oshirish” mavzusida seminar tashkil etildi.

⏺️Toshkent shahridagi Prezident maktabida koinot jismlari yoʻnalishida amaliy loyihalar taqdimoti o‘tkazildi.

⏺️Xiva shahridagi Prezident maktabi o‘quvchilari qisqa metrajli film suratga oldi.

⏺️Ogahiy nomidagi ijod maktabida "Navoiyxon o‘quvchi" ko‘rik-tanlovi bo‘lib o‘tdi.

⏺️Is’hoqxon Ibrat nomidagi ijod maktabida "Mumtoz so‘z sehri" bellashuvi tashkil qilindi.

⏺️Halima Xudoyberdiyeva nomidagi ijod maktabida "Biz korrupsiyaga yo‘q deymiz" mavzusida rasmlar tanlovi o‘tkazildi.

⏺️Muhammad Yusuf nomidagi ijod maktabida "Yashil makon" doirasida eko-aksiya tashkil etildi.

⏺️Ibroyim Yusupov nomidagi ijod maktabi o‘quvchilari Nukus shahridagi Chavandozlik maktabiga ekskursiya qildi.

⏺️Hamid Olimjon va Zulfiya nomidagi ijod maktabida adabiyotshunos olim ishtirokida mahorat darsi o‘tkazildi.

⏺️Abdulla Oripov nomidagi ijod maktabida oʻquvchilar oʻrtasida ijodiy ishlar tanlovi e’lon qilindi.

⏺️Erkin Vohidov nomidagi ijod maktabida “Erkin Vohidov stipendiyasi - 2024” ko‘rik-tanlovining birinchi bosqichi o‘tkazildi.

⏺️Abdulla Qodiriy nomidagi ijod maktabi “16-Xalqaro turkiy she’riyat bayrami” anjumani ishtirokchilarini kutib oldi.

⏺️Oksana Chusovitina nomidagi gimnastikaga ixtisoslashtirilgan sport maktabi o‘quvchilari Respublika bolalar kutubxonasiga sayohat qildi.

⏺️Mirzo Ulug‘bek nomidagi ixtisoslashtirilgan maktabida "Yongʻin xavfsizligi oyligi" doirasida o‘quv amaliyoti tashkil etildi.

⏺️Shayxontohur tuman ixtisoslashtirilgan maktabida “Jaholatga qarshi - ma’rifat” shiori ostida ma’rifiy uchrashuv o‘tkazildi.

⏺️Muhammad al-Xorazmiy nomidagi ixtisoslashtirilgan maktabiga Yaponiyaning nufuzli universitetlari vakillari tashrif buyurdi.

⏺️Abu Ali ibn Sino nomidagi ixtisoslashtirilgan maktabida ijtimoiy-psixologik trening mashg‘ulotlari o‘tkazildi.

⏺️Olmazor tuman ixtisoslashtirilgan maktabida “Biz zo‘ravonlikka qarshimiz” mavzusida davra suhbati boʻlib oʻtdi.

⏺️Shovot tuman ixtisoslashtirilgan maktab-internati o‘quv jamoasi hududdagi yangi baholash tizimiga o‘tgan umumta’lim maktablariga metodik ko‘mak berdi.

⏺️Urganch shahar 1-son ixtisoslashtirilgan maktab-internatida "Yosh kitobxon" tanlovi o‘tkazildi.

⏺️Qarshi shahar 1-son ixtisoslashtirilgan maktab-internati o‘quvchilari neft-gaz sanoati bilan amaliy tanishdi.

⏺️Yangiyer shahar ixtisoslashtirilgan maktabida "Ota-onalar bilan muloqot haftaligi" tashkil etildi.

⏺️Muzrabot tuman ixtisoslashtirilgan maktabida tashkil etilgan seminar-treningda bitiruvchi sinf oʻquvchilari xorijning nufuzli universitetlari, ularga hujjat topshirish tartibi haqida batafsil maʼlumot oldi.

⏺️Qo‘rg‘ontepa tuman ixtisoslashtirilgan maktabida OʻzFA akademigi bilan onlayn muloqot oʻtkazildi.

⏺️Xoʻjayli tuman ixtisoslashtirilgan maktabida "Ajiniyoz” badiiy-publitsistik filmi premyerasi boʻlib oʻtdi.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

08 December 2024 13:01

#OAV_biz_haqimizda

Bugun | O’zbekiston Respublikasi Konstitutsiyasi qabul qilingan kun munosabati bilan davra suhbati
#taraqqiyot_TV

🗺 Andijon tuman ixtisoslashtirilgan maktabi

Telegram | Facebook | Instagram | YouTube

Ixtisoslashtirilgan ta'lim muassasalari agentligi

08 December 2024 10:35

#Konstitutsiyamiz_32_yoshda
#rahbar_va_yoshlar

🤩 Jizzax shahridagi Prezident maktabida O’zbekiston Respublikasi Konstitutsiyasi qabul qilinganligining 32 yilligi munosabati bilan "Rahbar va yoshlar" uchrashuvi tashkil etildi.

Unda Jizzax viloyati prokurori B.Ibroximov ishtirok etdi. Mehmon davra suhbatida yangi tahrirdagi Konstitutsiya davlatchilik, ijtimoiy-siyosiy, iqtisodiy va sud-huquq sohalarini barqaror rivojlantirish uchun mustahkam zamin vazifasini o‘tashini ta’kidladi.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

14 December 2024 13:18

#qizlar_olimpiadasi

QIZLAR OLIMPIADASINING HUDUDIY BOSQICHI

Joriy yilning 14-dekabr kuni Respublikamizning barcha hududida Agentlik tizimidagi maktablarning oʻquvchi qizlari o'rtasida matematika fani olimpiadasining hududiy bosqichi boʻlib oʻtdi.

Jami 1 770 nafar qizlar ishtirok etgan mazkur olimpiada Agentlikning har bir hududga masʼul etib belgilangan vakillari tomonidan joyiga chiqqan holda kuzatib borildi.

Qolaversa, olimpiada jarayonlarini toʻgʻridan-toʻgʻri kuzatib borish uchun ota-onalarga alohida sharoitlar yaratib berildi. Ular real vaqt rejimida test jarayonlarini kuzatib borishdi.

Olimpiada jarayonlaridan suratlar.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

14 December 2024 08:50

#New_Uzbekistan_university

⚡️Talabalarimiz 100 ming AQSh dollari miqdoridagi pul mukofoti bilan taqdirlandi

Agentlik tizimidagi “Yangi O‘zbekiston” universiteti talabalaridan iborat jamoa "President Tech Award" tanlovining Mikro-SaaS va AdTechdagi texnologik yechimlar yo‘nalishida 1-o‘rinni qo‘lga kiritdi.

Talabalar taqdim etgan loyiha hakamlar tomonidan eng yaxshi deb topilib, 100 ming AQSh dollari miqdorida pul mukofoti bilan taqdirlandi.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

13 December 2024 15:26

#ishchi_guruh
#Fargʻona

AGENTLIK DIREKTORINING TIZIMDAGI MAKTABLAR FAOLIYATINI JOYIGA BORIB OʻRGANISH ISHLARI DAVOM ETMOQDA

Ixtisoslashtirilgan ta’lim muassasalari agentligi direktori Alisher Ubbiyev boshchiligidagi ishchi guruh Fargʻona viloyatida boʻlib, tizimdagi maktablar faoliyatini tanqidiy-tahliliy oʻrgandi.

Xususan, ishchi guruh tomonidan Oʻzbekiston, Beshariq va Furqat tuman ixtisoslashtirilgan maktablarida oʻquvchilarning sifatli taʼlim-tarbiya olishlari uchun yaratilgan sharoitlar, oʻquv binolari va yotoqxonalarni isitish holati oʻrganildi.

Ishchi guruh tomonidan taʼlim muassasalarida darsdan keyin tashkil etilgan fan, xorijiy tillar, shaxmat toʻgaraklari faoliyati, ularda oʻquvchilar qamrovi ham alohida oʻrganildi.

Shuningdek, bitiruvchilarni oliy taʼlim muassasalari, SAT, IELTS kabi xalqaro sertifikatlar imtihonlariga tayyorlash borasida olib borilayotgan ishlar samaradorligi tahlil qilinib, bu borada malakali pedagoglarning taklif va mulohazalari olindi.

Oʻrganishlar doirasida Agentlik direktorining oʻquvchilar va oʻqituvchilar bilan muloqoti tashkil etildi. Unda A.Ubbiyev Agentlik tomonidan ixtisoslashtirilgan maktablarda taʼlim sharoitlarini yangi bosqichga olib chiqish borasida rejalashtirilgan chora-tadbirlar haqida soʻz yuritdi.

Qolaversa, muloqotlarda Agentlik direktori yoshlarning kelgusidagi maqsad va orzulari bilan qiziqib, tanlagan sohasi boʻyicha yetuk mutaxassis boʻlish uchun avvalo oʻquvchilikdanoq puxta bilim olish, xorijiy tillar, axborot texnologiyalarini mukammal oʻzlashtirish lozimligini taʼkidladi.

Maktablarni oʻrganishlar davomida ta’lim muassasalarining erishib kelayotgan yutuqlari, hozirgi vaqtda mavjud shart-sharoitlar tanqidiy tahlil qilinib, aniqlangan kamchiliklarni tezkorlik bilan bartaraf etish boʻyicha masʼullarga tegishli koʻrsatmalar berildi.

Agentlik direktori masʼullarga ta’lim tizimida amaliyotda qoʻllanilishi muhim boʻlgan bir qator topshiriq va takliflarini berdi. Xususan, xalqaro va mahalliy olimpiada jarayonlari, intellektual va sport oʻyinlari, tanlov va musobaqalarga tayyorgarliklarni yanada kuchaytirish zarurligi ta’kidlandi.

Agentlik direktori boshchiligida tizimdagi maktablar faoliyatini joyiga borib oʻrganish ishlari davom etadi.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

13 December 2024 12:14

#xalqaro_hamkorlik

XITOY XALQARO MAKTABI VAKILLARI BILAN UCHRASHUV

Ixtisoslashtirilgan ta’lim muassasalari agentligida Xitoyda faoliyat ko‘rsatib kelayotgan "Yinghua Academy Tianjin" xalqaro maktabi vakillari bilan uchrashuv bo‘lib o‘tdi.

Uchrashuv avvalida mamlakatlarimiz o‘rtasida ko‘plab sohalar qatori ta’lim yo‘nalishida ham o‘zaro hamkorlik aloqalari rivojlanayotgani alohida ta’kidlandi.

Muloqot doirasida Agentlik mas’ul xodimlari mehmonlarni tizimdagi maktablar, oliy ta’lim muassasalari, tuzilmalar faoliyati bilan yaqindan tanishtirib, joriy yilda erishilgan natijalar, istiqboldagi rejalar borasida ma’lumot berdi.

O‘z navbatida "Yinghua Academy Tianjin" xalqaro maktabi vakili Yan Zhou ham o‘z ta’lim muassasasi haqida taqdimot o‘tkazdi.

Qayd etilganidek, mazkur Xalqaro maktab 2000-yilda tashkil etilgan bo‘lib, unda bir vaqtning o‘zida Kembrij xalqaro ta’lim tashkiloti va Xitoy milliy dasturlaridan foydalangan holda dars berib kelinmoqda. Ta’lim muassasasi xorijlik yoshlar uchun ham o‘quv dasturlari, kurslar taklif qiladi.

Uchrashuv davomida ta’lim sohasida o‘zaro hamkorlikni yo‘lga qo‘yish, o‘quvchilar almashinuvi dasturi, o‘qituvchilar tajriba almashinuvi, xitoy tili mutaxassislarini jalb qilish borasida takliflar ilgari surildi.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

13 December 2024 09:09

“Bu bizning, jamiyatimizning juda katta yutugʻi” – Prezident

Davlatimiz rahbari nogironligi bor bolalar tengdoshlari qatori oddiy maktablarda oʻqishi naqadar muhim ekani haqida gapirdi.

@hilola_umarova

Ixtisoslashtirilgan ta'lim muassasalari agentligi

13 December 2024 08:12

#jarayon

🤩 Joriy o‘quv yilidan boshlab xalqaro standartlar talabiga moslashish hamda baholash jarayonini qulaylashtirish maqsadida Prezident maktablari ikki semestrlik o‘quv tizimiga o‘tdi.

Prezident maktablarida 2024/2025-o‘quv yili I semestr yakuni yuzasidan imtihon jarayonlaridan suratlar.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

11 December 2024 10:11

👋😊 Hammaga salom!

👨‍🏫 Bir muhim voqeani chetlab o‘ta olmadik: "Eco-schools Uzbekistan" va "Yosh fermer" loyihalari ishtirokchilari Butunjahon tuproq kuniga bag‘ishlangan ochiq dars o‘tkazdi. Bolalar sinfdoshlarining e’tiborini yer unumdorligini saqlashning muhimligiga qaratdilar, tuproqning noyob xossalari hamda uning ekotizimlar va odamlar hayotidagi ahamiyati, biologik xilma-xillikni saqlash va oziq-ovqat xavfsizligini ta’minlashdagi roli haqida so‘zlab berdilar.

👍 Tabiatga mas’uliyatli munosabatingiz uchun katta rahmat!

~~~

👋😊 Всем привет!

👨‍🏫 Не смогли пройти мимо одного важного события: участники проектов Eco-schools Uzbekistan и «Юный фермер» провели открытый урок, посвященный Всемирному дню почв. Ребята привлекли внимание одноклассников к важности сохранения плодородия земли, рассказали об уникальных свойствах и значении почвы в экосистемах и жизни людей, её роль в поддержании биоразнообразия и обеспечении продовольственной безопасности.

👍 Большое спасибо за ответственное отношение к природе!

#WorldSoilDay

😀 Zamin 🌐 Instagram 🌐 Facebook

Ixtisoslashtirilgan ta'lim muassasalari agentligi

11 December 2024 06:41

#Oʻzbekiston_Qahramoni_bilan_muloqot

O‘ZBEKISTON QAHRAMONIDAN MAHORAT DARSI

Ixtisoslashtirilgan ta’lim muassasalari agentligi tizimidagi maktablarda muntazam ravishda olimlar, ijodkorlar, turli sohalar namoyandalari ishtirokida mahorat darslari, uchrashuvlar, davra suhbatlari tashkil etib kelinmoqda.

Urganch shahar 1-son ixtisoslashtirilgan maktabida pedagogika sohasi namoyandasi, O‘zbekiston Qahramoni Anor Mahmudova bilan bo‘lib o‘tgan mahorat darsi ham o‘g‘il-qizlarimizni fanlar sohasi bo‘yicha bilim va tushunchalarini oshirib, o‘qituvchilik kasbiga qiziqishlarini kuchaytirdi.

Muloqotda A.Mahmudova o‘z hayot yo‘li, 60 yillik o‘qituvchilik tajribasi haqida so‘zlab, bugungi kunda mamlakatimizda ta’lim sohasida olib borilayotgan tub islohotlar mazmun-mohiyati Vatanimiz taraqqiyotiga munosib hissa qo‘shishga qodir avlodlarni kamolga yetkazish ekanligi alohida ta’kidladi.

Mahorat darsida atoqli pedagog o‘quvchilarga zamonaviy ta’lim sharoitlari va imkoniyatlaridan samarali foydalanish, matematika, xorijiy tillarni mukammal o‘rganishning oson va qulay usullari, kitobxonlik va musiqa madaniyatini oshirish, bosh vaqtni to‘g‘ri taqsimlash borasida qimmatli tavsiyalarini berdi.

Shu bilan birga A.Mahmudova mazkur maktab yoshlari bilimiga yuqori baho berib, ularning tanlagan sohalari bo‘yicha yetuk mutaxassis bo‘lishlariga tilak bildirdi.

O‘quv jarayonining uzviy qismiga aylangan shu kabi muloqotlar o‘quvchilarning o‘zlari qiziqqan sohalar bo‘yicha nazariy va amaliy bilimlarini mustahkamlashda muhim ahamiyat kasb etmoqda.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

10 December 2024 14:38

#New_Uzbekistan_university

🤩 “Yangi Oʻzbekiston” universitetda amalga oshirilayotgan ishlar, natija va kelgusidagi rejalar yuzasidan matbuot anjumani oʻtkazildi

Maʼlumot uchun, universitet tomonidan yil davomida jami 537 ta tadqiqot ishlari amalga oshirilib, ularning natijasi dunyoning nufuzli ilmiy jurnallarida chop etildi.

Jumladan, dunyoning eng top 1% jurnallarda 9 ta, top 10% jurnallarda 136 ta, Q1 reytingiga kiruvchi jurnallarda 338 ta va Q2 reytingida turuvchi jurnallarda 158 ta maqola chop etilgan.

Shuningdek, universitet tadqiqotchi olimlarining ikkita kitobi nashr etilgan.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

10 December 2024 11:43

#Yongʻin_xavfsizligi_oyligi

YONGʻIN XAVFSIZLIGI OYLIGI

Yurtimizda joriy yilning 15-noyabridan 15-dekabriga qadar “Yong‘in xavfsizligi oyligi” e’lon qilingan bo‘lib, oylik doirasida barcha maskanlarda, aholi o‘rtasida turli targ‘ibot tadbirlari, davra suhbatlari hamda o‘quv mashg‘ulotlari o‘tkazilmoqda.

Agentlik tizimidagi Prezident, ijod, sport hamda ixtisoslashtirilgan maktablarda ham mazkur oylik doirasida yong‘in, is gazidan zaharlanish va havo-gaz aralashmasi chaqnashi bilan bog‘liq noxush holatlarning oldini olish va ularda to‘g‘ri harakat qilishga o‘rgatish yuzasidan davra suhbatlari va o‘quv mashg‘ulotlari tashkil etilmoqda.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

10 December 2024 08:04

#Jonli_efir
#matbuot_anjumani

🔔 MATBUOT ANJUMANI BOSHLANDI

✅Mavzu: “Yangi O‘zbekiston” universitetida amalga oshirilayotgan ishlar, natija va kelgusidagi rejalar.

⏺Ushbu MATBUOT ANJUMANIni quyidagi havola orqali onlayn tarzda kuzatishingiz mumkin:

▶️ JONLI EFIR

Ixtisoslashtirilgan ta'lim muassasalari agentligi

09 December 2024 08:58

📣 Hurmatli ommaviy axborot vositalari xodimlari va blogerlar!

🎙Sizlarni “Yangi O‘zbekiston” universitetida amalga oshirilayotgan ishlar, natija va kelgusidagi rejalar mavzusidagi matbuot anjumaniga taklif qilamiz!

✅ Mazkur matbuot anjumanida siz universitet faoliyati boʻyicha qiziqarli statistik ma’lumotlarga ega boʻlishingiz va oʻzingizni qiziqtirgan savollarga javob olishingiz mumkin.

🗓 Sana: 10-dekabr
⏱️ Vaqt: 12:00
📍 Manzil: AOKA (Toshkent shahri, Navoiy ko‘chasi, 30-uy.)

🔁 English
➖➖➖➖➖➖➖➖➖➖➖➖➖
#matbuot_anjumani

⬇️ Biz ijtimoiy tarmoqlarda:
Veb-sayt | Telegram | Instagram | Facebook

Ixtisoslashtirilgan ta'lim muassasalari agentligi

08 December 2024 14:32

#bayram_tabriklari

O‘zbekiston Respublikasi Konstitutsiyasi qabul qilinganligining 32 yilligi munosabati bilan Ibroyim Yusupov nomidagi ijod maktabi o‘quvchilarining bayram tabrigi.

Telegram | Facebook | Instagram | YouTube

Ixtisoslashtirilgan ta'lim muassasalari agentligi

08 December 2024 11:58

#iqtibos

Oʻzbekiston Respublikasi Prezidenti Shavkat Mirziyoyevning Konstitutsiya kuni munosabati bilan Oʻzbekiston xalqiga bayram tabrigi
#uzbekiston24

Telegram | Facebook | Instagram | YouTube

Ixtisoslashtirilgan ta'lim muassasalari agentligi

08 December 2024 08:25

#OAV_biz_haqimizda

DIYOR YANGILIKLARI | 8-DEKABR – O‘ZBEKISTON RESPUBLIKASI KONSTITUTSIYASI QABUL QILINGAN KUN
#samarqandMTRK

📍Samarqand shahar 1-son ixtisoslashtirilgan maktabi

Telegram | Facebook | Instagram | YouTube