475
🍂🍁اشعار ناب و گلچین شده&موزیک🍁🍂 و🍁🍂صبا پاییزان دکلمه لری 🎤
اؤیله‌سینه گؤزل سئویرم کی سنی،
اؤیله‌سینه صاف،
اؤیله‌سینه تمیز،
اؤیله‌سینه درین.
«اؤیله‌سینه» دئییل...
اؤزدمیر_آصاف
🍂🍁@paeizanam🍂🍁
نه آغیردیر منیم عشقیم، نه آغیر!
بو آغیر ثیقلَتی چکمز دیولر.
ائی کؤنول! بوردا تحمّول گؤستر،
نه هارای چک، نه آجیقلان، نه باغیر!
ایلدیریم چاخدیراجاق هر یاندان،
آزاجیق دولسا بولودلارلا سما.
بو دنیزلر ده چوجوق‌دور، باخما!
سارسیلیر هر قوپاجاق توفاندان.
من فقط کندیمی حیسّ ائتدیم شاد،
چکمه‌دیم عشقین الیندن فریاد،
بو دا هر داورانیشیمدان بیلینیر.
گؤزلرین، آه او قارانلیق گؤللر!
بو گؤزل گؤللره چوخ دالسام اگر،
هر آغیرلیق اوره‌ییمدن سیلینر...
میکائیل_موشفیق
🍂🍁@paeizanam🍂🍁
منی گؤزلرینده قوناق چاغیر او جوشان بولاقلارا، سئوگیلم!
یاپیش اللریمدن، آپار منی جان آلان دوداقلارا، سئوگیلیم!
هانی گؤزلرینده‌کی دالغالار، هانی عهدیمیز، هانی ایلک باهار؟
قوووشام گؤزونده‌کی یاشلارا، آخام آل یاناقلارا، سئوگیلیم!
داها یوخ وفا آز عؤمورلره، یاپیش اللریمدن، آماندی، گل-
یئنه یول سالاق، ایکیمیز چیخاق بو دومانلی داغلارا، سئوگیلیم!
گل، عؤمور کیتابینی، سئوگیلیم، یئنه قویما ترسه واراقلانا!
یاش اولور گؤزومده‌کی آرزیلار، تؤکولور واراقلارا، سئوگیلیم!
دئ؛ یادیندامی سنی سسلدیم: «سارالان دیلک‌لریم، هارداسان؟!»
«یارادان -دئدین- اوزو جان وئرر قورویان بوداقلارا»، سئوگیلیم!
دیزین اوسته -آخ!- شیرین اویقولار، دئ، ندن‌می قیسمتیم اولمادی؟!
ائله سنسیزم، داها سیغمیرام بو وئران اوتاقلارا، سئوگیلیم!
کوچه‌میزدن آچ یئنه گیزلیجه، منه پای گتیر او باخیشلاری!
منی آیرلیقلارا تاپشیریب، گئدیسن اوزاقلارا، سئوگیلیم!
«آراز»ام، سینه‌نده‌کی تئللی ساز. منی دیندیررمی آغ اللرین؟
تمیز عشقیمیزله بیر اود سالاق بو سؤنن اوجاقلارا، سئوگیلیم!...
حسن_قلی‌پور (آراز)
🍂🍁@paeizanam🍂🍁
حیات شیرین، عؤمور گؤدک، آرزو چوخ،
گل، فلکدن بیر گون چالاق، سئوگیلیم!
دئییرلر کی، دوغرو خبر دلیدن،
گئدک بیرآز دلی اولاق، سئوگیلیم!
گل، سئیر ائدک بو دونیانین سرینی،
گل، فیرلاداق زمانه‌نین پرینی،
گل، دَییشک عاغلیمیزین یئرینی،
گئدک بیرآز دلی اولاق، سئوگیلیم!
عاغیل کی وار، قویماز بیزی یاشایاق،
عاغلیمیزدان درده دوشوب باش، آیاق.
عاغلیمیزی کؤنلوموزه داشییاق،
گئدک بیرآز دلی اولاق، سئوگیلیم!
بو اوره‌ییم، بو تره‌زی، بو چکی-
بیر بیله‌سن عاغلیمیزدان نه چکیر؟!
باخ، عاغلیمیز یولا گلیب نئجه کی،
گئدک بیرآز دلی اولاق، سئوگیلیم!
دادین بیلن، بیر آن بئله دایانماز،
بو رؤیانی گؤرن اولسا، اویانماز.
آی «جیغاتئل!» قلم گؤتور، شعیر یاز،
گئدک بیرآز دلی اولاق، سئوگیلیم!...
جیغاتئل_عیسی‌قیزی
🍂🍁@paeizanam🍂🍁
اؤلماز
جوان چاغلاریندان یارا یولداشا،
حسرت اولمایاندان صنعتکار اولماز،
اولوب کئچنلری گؤز یاشلارینان،
یادا سالمایاندان صنعتکار اولماز.
خاطیرینا ساز دوشنده کؤوره‌لیب،
اوره‌یینه یاز دوشنده کؤوره‌لیب،
خوشبخت‌لیکدن سؤز دوشنده کؤوره‌لیب،
گؤزو دولمایاندان صنعتکار اولماز.
محنتی چوخالیب حددن زیادا،
هارایی چاتماسا یاخینا یادا،
کؤهله‌نی یورولوب خسته، پیادا،
گؤزو دولمایاندان صنعتکار اولماز.
شیرین خیاللاردان بیر یوللوق ال چک،
حیاتدا اولمایان هاردان گله‌جک؟!
عؤمرون چیچک فصلی، باهار گولو تک،
رنگی سولمایاندان صنعتکار اولماز.
نئیله‌ییم گولمه‌دی اوزوم دونیادا،
بیر گون قورومادی گؤزوم دونیادا،
شجاعت موختَصَر بیزیم دونیادا،
بدبخت اولمایاندان صنعت کار اولماز.
___
هاوا روحانی
ایفا آشیق عدالت دلی‌داغلی
شعیر شجاعت احمدلی
چییندیمده سئوگینین آغیر یوکو وار
اویان ستون کیمی دایاق اول منه
اویان سئودیجه‌ییم، اویان به اویــان
بو قدر اویوماق یاراشمیــــر سنه!!!!!
اکبر شفیعی
🍂🍁 @paeizanam 🍁🍂
عالیم قاسیم اوو
بیز خرابات اهلي ییک
🍃گئجه نیز دینج
🍂🍁 @paeizanam 🍁🍂
دنیا یئریندہ دے انسـانلار گئدیر
آدے انسان اؤلان شیطانلار گئدیر
آز عمرودہ چؤخلے ایمانلار گئدیر
بو دونیـادا هـر نہ وارین قالاجاق
نہ لر وئریب تانرے بیرگون آلاجاق
🍂🍁 @paeizanam 🍁🍂
ساچلارینین حسرتیندن،
دئدیم داراغا دؤنه‌جک.
آه گولوم! نه بیله‌یدیم من،
الیم اوراغا دؤنه‌جک!
بلکه بوگون، بلکه یارین،
ایچه‌جه‌یم نارین-نارین.
سالخیم-سالخیم باخیش‌لارین،
قاب-قاب آراغا دؤنه‌جک!
آی بو قارانلیغا قادام،
قویمادی بیر اولدوز دادام.
واللاه بو آسیلان آدام،
بیر گون چیراغا دؤنه‌جک.
نادیر_ایلاهی
🍂🍁@paeizanam🍂🍁
سنی گوُردوم بیر سوُز دوشدو یادیما،
سو چیلندی اوره‌ییمین کوُزونه.
کاش دئییرم اوُتوب کئچن گونلریم،
قاییدایدی بو گونومون اوزونه.
ساقی اولا، یار دستینه جام آلا،
بولور بوخاق نور چیله‌یه جامالا!
کام آلدیقجا عشقیم چاتا کامالا،
کامالسیزین آستاری نه، اوزو نه؟!
نه تیکمیسن گوُزلرینی اولکره؟
گوُرمورسن‌می ایلدن گلیر ایل قارا؟
اصیل اینسان خائین چیخماز ایلقارا،
بیر مرد دیَر نامردلرین یوزونه.
اوزه چیخدی گیزلین دردیم یاراسی،
یولداش خائین، دوست بیوفا، یار عاصی.
بیر ائلین کی یادا قالسا چاراسی،
کول تؤکولر او میلّتین گوُزونه...
ستار_گلمحمدی
🍂🍁@paeizanam🍂🍁
یار گؤزلرین آیدین داهی،گئتدیم بو شه‌هر دن
قلبیم دولودور گؤزلریم،آغلار بو قه‌هردن
کیمدیر کی منی دینلییه،اسگیلده کدردن
آتدین منی بیردن بیره،یاریم گؤزون آیدین
سو آتما دالیمجان داها،چونکو دؤنوشوم یوخ
هرطعنه لی سؤز کونلومه،جانا آجی بیر اوخ
هیجران اوتو یاندیرسادا،ظالیم سنه سؤز یوخ
عمروم چاتاجاق آخیره، یاریم گوزون آیدین
باخدیم گوزه بوفیکریله،شایدکی دیل آشدی
معنالی باخیش طعنه سی،هئی کؤنلومو ساشدی
سیننده اورک یوخدوکی،داشدان داها داشدی
یوخ سس منی دیللندیره،یاریم گوزون آیدین
بیهوده قم عشقیله،اشکیم سئله دؤندو
بختیم منه یار اولمادی،عؤمروم یئله دؤندو
هرثانیه می گون ائله دی،گون ایله دؤندو
ویردین منی یئردن یئره،یاریم گوزون آیدین
دیلدن دیله سالدین منی، سئوگیم گؤزه گلدی
گوزیاشینه دوندی،داها آخدی اوزه گلدی
فرزین اوقدر یاندی کی،آخیر سؤزه گلدی
دؤندو قوجا بیر شاعیره،یاریم گؤزون آیدین
فرزین_نقی‌یان
🍂🍁@paeizanam🍂🍁
گؤزه یالواریم
بیر یول اوز-اوزه گل یادا سال منی
خیالدان آیریلیم دوزه یالواریم
زیارت ائیله ییم گول جمالینی
جانیما اود سالان گؤزه یالواریم
نه اولار مئیلینی سال بیزه ساری
اوتوراق دیز-دیزه،اوز-اوزه ساری
باخیم جمالینا گؤز-گؤزه ساری
سن دانیش من شیرین سؤزه یالواریم
آرخانجا باخاندا گؤزلريم آخدی
آدام کؤورک اولور آیریلیق واختی
گئدیشین جانیمی یاندیردی یاخدی
دولانیب هر دن گل بیزه یالواریم
آی نااینصاف!ايلقارينی اونوتما
بو گؤروشو بوندان آرتیق یوباتما
"مالک"جان اوسته دیر واختی اوزاتما
گل اوزوم سؤیکنسین اوزه یالواریم
مالک رهنما بهزاد
🍂🍁@paeizanam🍂🍁
قاچیریق آیریلیق بیزیله گلیر
آیریلا بیلمیریک بیز آیریلیقدان
چاتیریق یوللارین ییغینجاقینا
گؤرونور بوردادا ایز آیریلیقدان
قول قولا وئرمیشیک چیین چیینه
نه فایدا؟ آیریلیب اورکلریمیز
آیریلیق دئییل کی اوزاقدا قالماق
آیریلان اورکله آیریلمیشیق بیز
آیریلیق توکدن ده نازیک بیر شئی دیر
آیریلیق دونیانین قیل کؤرپوسودور
هر اورک کئچنمز بو قیل کؤرپودن
بو کؤرپو سئوگینین دوز اؤلچوسودور
آیریلدیق یارانین دوداقلاری تک
گؤینه‌سک آیریلیق یارامیزدادیر
وئرسکده ال اله ٬ اولساق دیز به دیز
یئنه ده آیریلیق آرامیزدادیر
عارف_ساسانی
🍂🍁@paeizanam🍂🍁
تک قالمیشام، قار اوستونو اؤرتموش مزار کیمی،
شوکر اولسون آللاها کی اوزوم آغدی قار کیمی.
یوخدور قاچاق یولوم، اؤز الیمدن قاچانمیرام،
بو زیندان آلنیما یازیلیبدیر حاصار کیمی.
بیر سئوگیلی یاراتمیش ایدیم شعردن، آما-
گئتدی او دا، الیمدن اولان اعتبار کیمی.
کؤکسومده گیزلی خاطیره‌لرله آیاقدایام،
عکسیندن آسلانیب دایانان بو دووار کیمی.
قالدیم گؤزوم یولوندا، منی یوردو گؤزله‌مک،
اعدام صفینده اؤلدوروجو اینتظار کیمی.
هامّی گئدیبدی، بیر منه یالقیزلیغیم قالیب،
یالقیزلیغیم! اوتانما، قاییت، گئت اولار کیمی!
مندن اوزاقلاشیر بیری، مندن قوپوب گئدیر،
هئچ دورمادان، کیمی آپاریر بو قاطار؟ کیمی؟...
حجت_حصاری
🍂🍁@paeizanam🍂🍁
آغلاییب سیله‌جه‌یم گؤزلریمدن،
سنلی بوتون صحنه‌نی بیر عؤمورلوک.
کولک‌لره قوشولوب گئده‌جه‌یم،
سن اولدوغون شهردن بیر عؤمورلوک.
هر نه کئچمیشیم وارسا اونوداجام،
سنی هر ساعاتیمدان سیلمک اوچون.
بیر یوللوق دونَنیمدن خطّ چکه‌جم،
بیزیم اولان کئچمیشی پوزماق اوچون.
باخمایاجاغام ساغا، هئچ سولا دا.
عونوانی نفسیندن چوخ-چوخ اوزاق،
شهرین سس-کویونه قیزیناجام.
یئلکن‌سیز قاییقدا، لاپ چوخ اوزاقدا،
دنیزین دالغاسینا ایسلاناجام...
ائلمیر_حسن
🍂🍁@paeizanam🍂🍁
جانانلو
خودافرین بخشی♥️🇦🇿
هریانین جنت هریانی گوزل وطنیم
جانیم سنه قوربان آذربایجان وطنیم ♥️🇦🇿
🍂🍁@paeizanam🍂🍁
هردن، اوره‌ییم سیخیلاندا،
اؤز-اؤزومه دئییرم:
گؤره‌سن او جانیمی یاندیران،
هله ده منی خاطیرلاییرمی؟!
دئمیشدیلر:
«گؤزدن گئدن یار، اورکدن ده گئدر».
ایللردیر گؤزومدن گئدیبسن،
آنجاق،
هله ده اوره‌ییم عشقینله دولودور...
حمید_مصدق
🍂🍁@paeizanam🍂🍁
paeizanam
"کیشی"نین "عقلینه" باخ، نه "پولونا" !!
"خانیمین" "وفاسینا" باخ، نه "قیافه"سینه !!
"دؤستون" "محبتینه" باخ، نه "سؤزونه" !!
"عاشیقین" "صبرینه" باخ، نه "ادعاسینا" !!
"وارین"(مال) "برکتینه" باخ، نه " آز چؤخ" اؤلماسینا !!
"ائوین" "آرامیشینه" باخ، نه "بؤیوح" اؤلماغینا !!
" آتا " و" آنا "یا فقط باخ، باخ.. نقدر چؤخ، لاپ یاخجی♥️
🍂🍁 @paeizanam 🍁🍂
paeizanam
یالان اؤیره‌تمه‌لر
یاپیشیب الیمدن آلفابئت اؤیرت
چؤره‌یی اؤیره‌نیم دوزو اؤیره‌نیم
گونده دیلیم-دیلیم آنا دیلیمدن
من یازی اؤیره‌نیم پوزو اؤیره‌نیم
قانیمی ایچمکدن دوی بیر کره ده
سویورسان دریمی، سوی بیر کره ده
یاخامدان ال گؤتور قوی بیر کره ده
دوغرونو اؤیره‌نیم، دوزو اؤیره‌نیم
تزک‌لر دئییل‌می بو چیچک‌له‌نن؟
نه‌لر داداجاقسان قوخوسوندان سن؟
یالان اؤیره‌تمه‌لر بوراخمیر کی من
اؤزومو اؤیره‌نیم، سیزی اؤیره‌نیم
بیراز جیزما-قارا باجارسام من ده
اؤیره‌تمن اولارام بیر بؤیوک کنده
قوی چؤر ک درس‌لری اؤیره‌نمه‌سم ده
چؤره‌یی اؤیره‌نیم، دوزو اؤیره‌نیم!
اؤزوم اؤز دیلیمده یازی اؤیره‌نیم!
✍علی_جوادپور
🍂🍁 @paeizanam 🍁🍂
یئغدیم بودونیانین مالین دولتین
اللینے آشیردیم یوزہ نہ قالدی
زینب خانلراووا
🍂🍁 @paeizanam 🍁🍂
paeizanam
عزیزیم
داغ باشیندا قار اوستونہ قار گلر،
گیلئی‌لنمڪ ذیروه‌لرہ عار گلر،
هر نہ گئیسم ووجودوما دار گلر،
بو دارلیغا دؤزمڪ اولمور، عزیزیم!
ازل گوندن دونیا یالان دونیادی،
باها ساتان، اوجوز آلان دونیادی.
آرزولارے ناڪام قالان دونیادی،
داغیلانے دوزمڪ اولمور، عزیزیم!
ڪاشڪے دونیا ظالیم‌لیگین آتایدی،
قلبیم بیر آن ایسته‌یینہ چاتایدی!
یاشاماغیم گؤز یاشی‌دیر، هارای‌دی،
گؤز یاشیندا اوزمڪ اولمور، عزیزیم!
دالغالارا یالوارماقدان بئزمیشم،
هؤنڪورمڪدن، آغلاماقدان بئزمیشم،
سندن آیرے یاشاماقدان بئزمیشم،
ائل-اوبادان بئزمڪ اولمور، عزیزیم!
هئچ بیلمزدیم داشیم بئلہ آغیردیر،
بختیم بئلہ بیچاره‌دیر، فاغیردیر.
گئده‌جه‌یم؛ گؤیلر منے چاغیردی،
داها یئردہ گزمڪ اولمور، عزیزیم!
واحید_عزیز
🍂🍁 @paeizanam 🍁🍂
انسانلارین بوش ییری اواخ معلوم اولورکو :(
سنین یاندا دیللر گدیبللر💔🖐😿
#یاخچی_لارین_قدرین_بیلین
🍂🍁@paeizanam🍂🍁
بیلیرسنمی نئجه دوشدون یادیما،
کتاب حاققی قورآن حاققی داریخدیم😢💔
🍂🍁@paeizanam🍂🍁
سیزه گلمک اوچون آتام اولمادی،
دئمه کی اؤزگه‌دی، قیراق‌دی ائلچی‌م!
سیزه گلمک اوچون آدام اولمادی،
آدینا یازدیغیم واراق‌دی ائلچی‌م.
سنه گؤندردیگیم او داراق کی وار،
منیم بارماغیملا تئلینی دارار.
اینانیب ایلقارا، توتموشام قرار،
ساچینی اوخشایان داراقدی ائلچی‌م.
آی ائللر گؤزَلی! آرزون دئییل‌می،
عؤمرونه نور ساچیم من چیراق کیمی؟
یادینا سالماقچون یانان قلبیمی،
یانیندا آلیشان چیراقدی ائلچی‌م.
قدیم گویومونوز* چیینیندن ائنمز،
گئدرسن فیکیرلی، گلرسن دینمز.
ائلچی‌م سؤزدن دؤنمز، عشقیم توکَنمز،
اؤزون بیلیرسن کی بولاق‌دی ائلچی‌م.
گولوم! حؤرمت اولار بیزده ائلچی‌یه،
کوله‌یی قاپیدا قویدون بس نییه؟
کؤورک دویغولاری آنلاتسین دئیه،
یولونا سپیلن یارپاق‌دی ائلچی‌م.
پیچیلدا بیر چایا- راضیلیق وئرسن!
قوشلار دا چاتدیرار خبر گؤندرسن.
سیرّینی ائلچی‌مدن دالدالاما سن!
سیرّیمه، سؤزومه اورتاق‌دی ائلچی‌م.
آغا_لاچینلی
* میس سهَنگ (Güyüm)
🍂🍁@paeizanam🍂🍁
گئدنلرین بهانه‌سینه اینانما،
گون باتار باشقا یئرده چیخماق اوچون.
🍂🍁@paeizanam🍂🍁