475
🍂🍁اشعار ناب و گلچین شده&موزیک🍁🍂 و🍁🍂صبا پاییزان دکلمه لری 🎤
دون گئجه جسمیم یانیردی، قالخدی سینه مدن بیر اود
بیلمیرم دؤندوم کوله، یا شعله می سؤندوردو تر
#فضولی
گئجه نیز دینج♥️
🍂🍁 @paeizanam 🍁🍂
قاییت گل👌
کونول خاسیوا
🍂🍁 @paeizanam 🍁🍂
بللی‌دیر اوره‌یین اوچوب بو یئردن
سن آللاه، گؤزومدن گئتمه گیلئی‌لی!
آغری‌دان، آجی‌دان اینجیسن بیردن-
سن آللاه، گؤزومدن گئتمه گیلئی‌لی!
گؤررسن آرزوموز حسرت‌له دولار،
دئییب-گولمه‌ییمیز غوربتی چالار.
سسیمیز سئوگی‌یه تامارزی قالار،
سن آللاه، گؤزومدن گئتمه گیلئی‌لی!
مین باهار گلسه ده، یئنه گولمه‌رم،
بولاق خیالینی گؤزدن سیلمه‌رم.
بیلیرسن، بیر گیله دؤزه بیلمه‌رم،
سن آللاه، گؤزومدن گئتمه گیلئی‌لی!
کئچمیشی چیرپیرام ائشیگه جاندان،
بوی آتسین گولوشوم بلکه تیکاندان.
آرخایین کئچسن ده بو آند-آماندان،
سن آللاه، گؤزومدن گئتمه گیلئی‌لی!
سنه هؤوور سالیب دامیم، دوواریم؛
یالواریب، سیتقاییر تام دویغولاریم.
آخی بوندان شیرین نئجه یالواریم؟:
«سن آللاه، گؤزومدن گئتمه گیلئی‌لی!»
یعقوب_نیکزاد
🍂🍁@paeizanam🍂🍁
یا بوتون شاعیرلر سنی سئومیش،
یا دا من هر میصراعدا سنی تاپیرام...
اردم_بایزید
🍂🍁@paeizanam🍂🍁
سن گرک اؤزونو تانیتمایایدین،
منه بو اوزونو تانیتمایایدین.
یئنه ده حیاتی سندن اومایدیم،
ائله بیله‌یدیم کی، دونیادا تکسن.
ایللرین عؤمرومدن آپاردیغینی،
ائله بیله‌یدیم کی، گتیره‌جکسن.
باهار گؤزله‌یردیم، یئنه ده قیشدی.
بیر آرزو، بیر اومید اؤلدورمکدن‌سه،
آلدانا-آلدانا یاشاماق خوشدو.
سن گرک اؤزونو تانیتمایایدین!
سنه باخا-باخا، سنین اوزونده،
گؤرونور اؤزگه‌نی سئومیشم اوندا.
هر تیترک سؤزومو سنین گؤزونده،
یقین اؤزگه‌سینه دئمیشم اوندا.
حیسّین خوماریندا یوموب گؤزونو،
اوندا محبّتیم یوخولو ایمیش.
سونرادان اویانیب، اوندا بیلیب کی،
سویون لال آخانی قورخولو ایمیش.
سن گرک اؤزونو تانیتمایایدین!
سن گرک اؤزونو تانیتمایایدین،
عؤمور ده بئله‌جه کئچیب-گئده‌یدی!
سن دئمه مارالا آتدیغیم گوللـه-
مارال دریسینده تولکویه دَیدی.
ساده‌لؤوح قلبیمدن، محبّتیمدن،
کئچدیگیم یوللاردان اوتانیرام من.
یوخولو گؤزومدن آغریلار کئچیر،
یانیمدان سئوگیسی‌دوغرولار کئچیر،
سندن یوخ، اونلاردان اوتانیرام من.
سن گرک اؤزونو تانیتمایایدین،
منه بو اوزونو تانیتمایایدین!...
نوصرت_کسمنلی
🍂🍁@paeizanam🍂🍁
paeizanam
داش قلبی‌لی اینسانلاری نئیلردین الهی
بیزده بو سویوق قانلاری نئیلردین الهی
آرتدیقجا حیاسیزلیق اولور ائل موتَحَممیل
هر ظولمه دؤزَن جانلاری نئیلردین الهی
بیر دؤورده‌کی صیدق و صفا قالمایاجاقمیش
بیلمَم بئله دؤورانلاری نئیلردین الهی
مظلوم‌لارین گؤز یاشی دریا اولاجاقمیش
دریالاری عومان‌لاری نئیلردین الهی
صیادِ جفا کاریده رحم اولمیاجاقمیش
آهولری جئیرانلاری نئیلردین الهی
باغین اَکینین خئیرینی بَئی‌لر گؤره‌جَکمیش
تخم اَکمه یَه دهقانلاری نئیلردین الهی
ایش رنجبرین، گوج اؤکوزون، یئر اؤزوونکو
بئی_زاده_لری خانلاری نئیلردین الهی
حکم ائیلیه‌جَکمیش بوتون عالمده جهالت
دیلداده نی عرفانلاری نئیلردین الهی
✍️ میرزا_علی‌اکبر _صابیر
🍂🍁 @paeizanam 🍁🍂
اؤزلری بیر یئتیمی سوفره‌یه دعوت ائتمک‌دن عاجیز کَـن،
اینسانلاری جننته چاغیریرلار...
🍂🍁 @paeizanam 🍁🍂
بولود قاراچولو نون سسی ایله گوزل بیر شعر
🍂🍁 @paeizanam 🍁🍂
فلا هو بالقرب الذي يريح الفؤاد
و لا هو بالبعد الذي ينهي حبائل الأمل
نه -اورک توختایاجاق قدر- یاخین‌دیر،
نه -اومید باغلاری قیریلاجاق قدر- اوزاق...
ابن‌عربی
🍂🍁@paeizanam🍂🍁
یادین‌دا قالسین،
یوخوما گلنده،
منی اویات،
اؤپوم سنی!...
افشین_صالحی
🍂🍁@paeizanam🍂🍁
سنین یوللارینا تیکسم گؤزومو،
ایچیمده ساخلاسام اودلو سؤزومو،
عشقینده کرم‌تک یاخسام اؤزومو،
اوندا اینانارسان بو محبّته؟
حسرتدن آلیشسام بیر اوجاق کیمی،
بورونسم سوکوتا بوش اوتاق کیمی،
دالینجا آغلاسام بیر اوشاق کیمی،
اوندا اینانارسان بو محبّته؟
گونده بیر خاطانین قارشینا چیخسام،
بوتون گوناهلاری بوینوما ییخسام،
توتوب اللرینی الیمده سیخسام،
اوندا اینانارسان بو محبّته؟
سنینله آغلاسام، سنینله گولسم،
گؤزومون یاشی‌یلا داشلاری دلسم،
هر گئجه، سئوگیلیم! یوخونا گلسم،
اوندا اینانارسان بو محبّته؟
نئیله‌یک، اینانما، اینانما، گولوم!
بیلیردیم آرایا دوشه‌جک اؤلوم.
اوندا کی «مهران»ی حاقلادی اؤلوم،
اوندا اینانارسان بو محبّته...
مهران_عباسیان
🍂🍁@paeizanam🍂🍁
بو سئوگیم ده داشا دَیدی،
بختَور داشین باشینا!
قاریمیش گؤی اوزو کیمی،
آستا-آستا قار یاغیرام.
ساغ الیم قیشین باشینا.
داها دوستلار دا قوجالیب،
منیم «پاریس»یم داغیلیب.
بوتون «سفیللر» ییغیلیب،
یئنه «قاوروش»ون باشینا.
بس او کیمدی گؤیدن باخدی؟
باخدی...باخدی...یوخا چیخدی.
بیر شیمشک ده گوللـه چاخدی،
یاغان یاغیشین باشینا.
بو سئوگیم ده داشا دَیدی،
داش دوشسون داشین باشینا!...
آقشین_یئنی‌سئی
🍂🍁@paeizanam🍂🍁
منه یاشاماغی اؤیرت عزیزیم
اؤیرت چتینلییه سینه گرمه‌یی
اؤیرت دار ایاقدا اسمه‌سین دیزیم
اؤیرت دوز گؤرمه‌یی، دوزو گؤرمه‌یی
سن اؤیره‌دن کیمی قارشیلارام من
گلن سئوینجی‌ده اذیتی‌ده
اؤیرت مهریبانیم!سن اؤیرتمیسن
منه ایلک عشقی‌ده، ایلک نیفرتی‌ده
علی_آقاکورچایلی
🍂🍁@paeizanam🍂🍁
دفعه لر بو سؤزو سؤیله‌میشم من
حاقّی غصب‌کاردان اولماز دیلَنمک
آزاد یاشاماغی سئویب ایسته‌ین
حاقلی ووروشلارا گیریشسین گرک
صمد وورغون
🍂🍁 @paeizanam 🍁🍂
عطیرلی بیر غزل یاز، منه گؤندر!
نازیندان آی گؤزل، آز منه گؤندر!
کامانیم سینیبدی، تاریم آغلاییر،
سینه‌نده کؤکله بیر ساز، منه گؤندر!
یایلیغین آچاندا سحر یئللری،
بیر باخیش سئوگیلی ناز منه گؤندر!
ائشیدسن اؤلموشم، آغلاما، نازلیم!
شعرده بیر قبیر قاز، منه گؤندر!
آرازین عطیرلی باغچالاریندان،
چیچکلی، گوللو بیر یاز منه گؤندر!...
حسن_قلی‌پور
🍂🍁@paeizanam🍂🍁
سؤز وئرمیشم آدینی ائشیدنده دویارسیز اولام.
کئچ بو سؤزدن!
چونکی آدینی ائشیتدیگیمده،
ایّوب صبری گرَکیر،
باغیرمامام اوچون...
نزار_قبانی
🍂🍁@paeizanam🍂🍁
بیتمیر آجیلارین چیچک مؤوسومو،
درددن خاطیره‌لر تومورجوقلانیر.
گلمیر گؤزلریمین گؤیچک مؤوسومو،
لاله یاناقلاری یاش قوجاقلاییر.
تانری عونوانیدی آدینین ایزی،
ملک‌لر یول سالیب اوزو سئوگی‌یه.
یارادیب بیر بئله سئوینمه‌میشدی،
ایلاهی، سیر قالیب اؤزو سئوگی‌یه.
بیر چیچک عؤمرویموش، بیر آری عشقی،
بیر اودوم شیره‌یمیش بال بوکومونده.
بوتون سئودالاردان یوخاری عشقین،
گؤزلری ماهیردی یول‌چکیمینده.
غم یئللنجه‌یی‌دیر خاطیره‌لریم،
آجیسی بویومدان بیر آددیم یئکه.
منی آغریلارین یول‌آیریجیندا،
«دؤز!» دئییب گؤزله‌دن، سن ایدین بلکه.
نه بویدا آغریلار، نه بویدا دردلر-
دونان گولوشومه بوکوب گیزله‌دیم!
ائله نه یاخشی کی، گؤزلَتدین منی،
ائله نه یاخشی کی، سنی گؤزله‌دیم!...
علم‌الدین_نجات
🍂🍁@paeizanam🍂🍁
نه وارسا الیمدن سالیب ایتیردیم،
واختسیز آغاجلارلا سولوب گلمیشم.
مله‌یه دؤنمه‌یه واختیم اولمادی،
کدرلی بولودا دولوب گلمیشم.
گلدیم بوینو بوکوک، آمّا اوغورلو.
درد یولو موقدّس، درد اهلی اولو.
آللاه منی دردله بیر ده یوغوردو،
ساچلاری آغ‌آپپاغ سولوب گلمیشم.
منیم روحوم ایله اوینادی فلک،
سئوینجی اوزومه قییمادی، گولک.
ایچینده مین فورصت، مین شرلی کلک،
الیمله شیطانی بوغوب گلمیشم.
گلیب حوضوروندا دورماغیما باخ!
ساچیما چیچکدن غملی چلنگ تاخ!
من حاقّین اوغروندا مغلوب اولدوغوم-
دونیانین قابیغین سویوب گلمیشم.
آخیردا جانیمدان چیخان کدری،
گؤزومون یاشینا دَیمه‌ین غمی،
الیمله دیدمیشم اؤز اوره‌ییمی،
سئوگیمی گؤزومدن یویوب گلمیشم.
نه قالیب -سنیندی- جانیمدان آللاه!
بیر اؤزوم، بیر سؤزوم، بیر اوزوم، آللاه!
هامی بیر گون اؤلور گئدیر دونیادان،
من سنین یانینا اؤلوب گلمیشم...
آیسئل_فیکرت
🍂🍁@paeizanam🍂🍁
ایکی اوزلونون
دیلینده داد
قلبینده ایسه
فساد گیزلی دیر!
اوزدئمیر_آصف
🍂🍁 @paeizanam 🍁🍂
paeizanam
چؤلوم ، ایچیم کیمی یارا
ساغلیغا چاتا بیلمه دیم
نه قالدی کی سون باهارا !؟
دردیمی اوتا بیلمه دیم
قوپوزدان آشیق آیریلیر
گؤزلردن ایشیق آیریلیر
دیللردن قوشوق آیریلیر
کیمسه نی اؤته بیلمه دیم
آچیلدی اؤلومون یولو
اؤلودن دیریدن دولو
سئودامین سالیندی قولو
قوینوندا یاتا بیلمه دیم
اولمادی باشیما چارا
یار یانیندا اوزوم قارا
قان گؤلونه ، اینتیحارا ،
گیردیمسه ، باتا بیلمه دیم
قارانلیغا یئتنلرین
« قارا داشدا بیتنلرین »
گؤز اؤنوندن ایتنلرین ،
گؤزوندن ایته بیلمه دیم ...
عقیل مورادی ائلدار
🍂🍁 @paeizanam 🍁🍂
گوزل طبیعت
آذربایجان قره داغ♥️🇦🇿
گوزل باخشلاریزا تقدیم
🍂🍁@paeizanam🍂🍁
ایندی بئله دیم
عمروم سنی سئویرم ❤️🔥🍏
🍂🍁@paeizanam🍂🍁
بو گئجه یوخونو وئر منه، قوی گئت!
اوچوردوم اوستومدن آجیلیقلاری.
گؤزلریمی گولوشونه قوناق ائت!
کوچه‌دن ییغیلسین قارانلیق، باری.
بو گئجه آغریمی ائشیدیر اولدوز،
دیدرگین رؤیالار یاتیب دینجه‌لیر.
یولونا باغلی‌دیر مین بولودلو گؤز،
شئعیر دفتریمه قار-یاغیش گلیر.
یئنیدن دولانیب تئز گیر یوخوما!
قاریشیق گونلری باشیمدان آتیم.
بئله گئت، دالیمجا بیر سؤز توخوما!
آدینی پوزولموش چورتوما قاتیم...
یعقوب_نیکزاد
🍂🍁@paeizanam🍂🍁
بیر گون چوخ آختاریب تاپانمایاندا
یامان من سیز له ییب داریخاجاخسان
بیر عؤمور چکدیگیم آجے حسرتی
شئعریم ده ایزله لییب داریخاجاخسان
دوناجاخ آغزیندا شیرین سؤزله رین
تیتره ییب سوساجاخ هر آن دیزله رین
دیمه میش تؤکه جڪ قان یاش گؤزلرین
یاش لارین گیزله ییب داریخاجاخسان
اورڪ قوجالاجاخ درد گیزله مڪ دن
قولاخ یورولاجاخ ایز ایزله مڪ دن
گؤزلر توتولاجاخ یول گؤزله مڪ دن
یوخون دا گؤزله ییب داریخاجاخسان
گؤروش آرزوسیلا خوش یاتاجاخسان
گؤروش سیز اویانیب غم ساتاجاخسان
سولغون باغچالارا هئے باتاجاخسان
تیکان لار دیزله ییب داریخاجاخسان
عباسقلے_آقاپورسولغون
🍂🍁@paeizanam🍂🍁