475
🍂🍁اشعار ناب و گلچین شده&موزیک🍁🍂 و🍁🍂صبا پاییزان دکلمه لری 🎤
"Yalnızlığın en kötüsü, seni anlamayanların arasında kalmaktır."
یالقیزلیغین لاپ پیس یئری،
سنی باشا دوشمینلرین آراسیندا قالماخدیر...
🍂🍁@paeizanam🍂🍁
بوراخین سنین اوچون اؤله‌رم سؤزلرینی!
اؤنجه اؤزونوز اوچون یاشاماغی اؤیره‌نین، سونرا باشقاسی اوچون اؤلرسینیز!
جان یوجل
🍂🍁@paeizanam🍂🍁
آیری بیر شــــــهره چاغیرین منی
مرمـــی لر دایانسین دؤنگه‌لشیم من
آیری بیر شــــــهره چاغیـرین منی
اؤزگـــــه‌لر ایچینده یئنـگه‌لشیم مـن
ترس-آواند ائله‌ییم آنلامــــــی، دادیم
اؤزومدن سویونوم؛ بیتیـــشسین، آدیم
دوشونجه‌م اریسین اؤد اولسـون یادیم
بلکــــه‌دن دولایی بیلگــــه‌لشیـم من
کیلــــسه‌دن او‌یــــانـا لیبئرال چاپیم
هیتلــرین رسـمینی تؤربه سیــن تاپیم
دئموکــــرات ســؤزونو قایتاریم یاپیم
ژاندارک‌ا ناز اِئدیم کؤلگــــــه‌لشیم من
تاریخـــدن چای تؤکوم ایچیم دینجه لیم
فیلسوفون رژیـــمین یئییب اینجــه لیم
تبریزه تاپشیردیم قوی قالســـین دیلیم
گیزلیجه سئویشــــه تنــــگه لشیم من
اولدوزوم سوزولوب گؤزدن باتسیـن آی
دوغمادان اؤگئی‌یه کــؤچـونوم بـو یـای
غوربتین گؤلونه،دولـوم چـــای با چـای
ماغیل‌دان، آغیـــل‌ا، ایمگـــــه‌لشیم من
حایاتین تینینـــــــــده دوروم وطنـسیز
سینیــــــردان بوشانیم ساده‌جه دینسیز
نیژاددان دریدن ،واز کئچیم ســـن سیز
زامانـدان قوپولـوم؛سیمگـــه‌لشیــم من...
علی_محمدی_یورقون
🍂🍁@paeizanam🍂🍁
Suzdurmə ,folkulor music
سوزدورمه _فولکولور موزیک
#بی_کلام
🍂🍁@paeizanam🍂🍁
دونن هله یوخ ایدی
ساچلارینین آغلاری
توی اوچون بویودوردو
آنالار اوشاغلاری
بو گون اؤز بالاسینی
وطنه قوربان دئییر
دئییر سونرا آغلاریق
دئییر سونرا ساخلاریق
اؤلنلرین یاسینی
یئنه بوتون ساغلاری
وطنه قوربان دئییر
دئییر گئدین ووروشون
بو وطن ساواشیندا
دورماق عاییبدیر عاییب
بو یارالی وطنین
تورپاغیندا داشیندا
قان هله قوروماییب
قان هله‌ده قان دئییر
بونو اؤز آنان دئییر
رامیز روشن
🍂🍁@paeizanam🍂🍁
🔸ایتیبدیر نامازیم قونوتلاریندا
جننته روحومو آپارمیر داها
کافیرلیک یولونا دالیرام ایندی
سئوگیلیم آللاهلیق باجارمیر داها
تانریلار هئچ زامان باجارماییبلار
آداملیق یوللارین، اینسانلیق مشقین
یاریسی دیشلنمیش آلمادان اؤترو
بابام دا اوتوزدو؛ اوتوزدو عشقین
بیچیلیب یولاقلار ڪبینلیییمه
باهادیر؛ وارلیغی بوشاماق اولمور
بیرینجی حاققیمیز یاشاییش اولسا
بیلیرسن آللاهسیز یاشاماق اولمور
بیر داها یاخینلاش-یاخینلاش منه!
قیلینسین نامازیم اول دؤشلرینده
مریمی سئودیگین سنین سوچونسا
اونوتدوم آللاهیم گولوشلرینده
یاداڪی قول ائله-قول بازاریندا
سات منی؛ قووولموش شیطان آپارسین
سئوگیلیم! بیلیرسن اؤله رم سنسیز
اؤلمه سم شئعریمی یالان آپارسین
دونیانین سئوگیسی، ذاتی یالانسا
بو یالان دونیانین تانریسی اولما!
شیطانلار آلدادیر بوردا آللاهی
آچیلماز دوگونه دیشینی سالما!
قاچیرام" یانغین" لی ثانییه لردن
الینی آچ منه؛ سئویل دونیاما!
شاهماتین اویونو بیته جک یقین
نسیللر گلدیکجه یئنی دوروما...
#اسماعیل_سالک (یانغین)
🍂🍁@paeizanam🍂🍁
paeizanam
قملی اوره‌گیمله خییاوان‌لاری،
ال - اله وئرمیشیک گزیریک سنی.
بیر ده بیر کؤلگه‌دیر منیلن یول بیر،
گاه قالیر آردیمدا گاه گئچیر منی.
بورویوب جانیمی یالقیزلیق غمی،
سوکوتون دوداغی دوداغیمدادی!
دئییرلر ارکک‌لر آغلاماز آنجاق،
گؤزومون یاشلاری یاناغیمدادی.
گؤزومو تیکمیشم یئرین گؤزونه،
گئدیرم هارا دک بو تانیش یولو؟!
خیالدا چیخیرسان اؤنومه بیر آن،
سئوینجک بوینونا سالیرام قولو.
هئی بو نه خیالدی بو نه رؤیادی؟!
ائله بیل کئفلییم شهره چیخمیشام!
سانیرام معتادام ایندی دای سنه،
آز قالیر جان چیخا سنسیز هر آخشام.
هامینی شهرداش بیله - بیله من،
دئیه‌سن کی یادام اؤزگه یئرده‌یم!
دویغولار اؤزگه‌دیر قونوب کؤنلومه،
بو شهر نوخوشدور من ده دردی‌یم.
شهرام رستمے چیلغین
🍂🍁 @paeizanam 🍁🍂
آخی دونیا فیرلانیر
واختين دَييرمانيندا داش اَريدی قوم اولدو
تاريخه آتديغيميز قاييتدی لزوم اولدو
دونه‌نين حقيقتی بو گون ترس يوزوم اولدو
نييه‌ده يوزولماسين؟ آخی دونيا فيرلانير
چوخ اوولاق‌لار ايچينده، چوخ اوولاری اوولاديم
آشيب-داشان آرزومو من آرتيق جيلوولاديم
من آتامی اؤتموشم، منی اؤتور ائولاديم
بو بئله‌‌ده اولمالی، آخی دونيا فيرلانير
دونَن دوز سانديغيمی، بو گون اَيری سانيرام
بعضاً اولور اؤزومدن اؤزوم اوغورلانيرام
هر ايل باشقا آرزونون باشينا فيرلانيرام
نييه‌ده فيرلانماييم؟ آخی دونيا فيرلانير
چوخ اَیيلَن گؤرموشم، اَیيلمه‌ين باشلاری
سولار دورولدو گؤردوک ديبينده‌کی داشلاری
عونوانينی دَیيشدی دونه‌نين آلقيش‌لاری
نييه ده دَیيشمه‌سين؟ آخی دونيا فيرلانير.
نئجه دؤنور بو دوؤران، نئجه دؤنور بو گردیش
تازی‌لارين اوستونه، دوشان‌لار دا گولرميش
دونيا بينا اولاندان هر شئی دَیيشيلرميش
دَیيشمه‌سين نئيله‌سين؟ آخی دونيا فيرلانير
ابدی‌نی دونيادا من ابدی سانماديم
بير آتشه توتوشدوم، مين آتشه يانماديم
بُت‌لار گلدی و گئتدی بيرينه اينانماديم
نييه اينانمالی‌‌ایدیم؟ آخی دونيا فيرلانير
فيرلانديقجا بو دونيا يوخ دا دؤنور وار اولور
قورويان چشمه‌لردن سولار يئنه جار اولور
بو دونيانين خئيری‌‌ده، شَری‌‌ده تكرار اولور
نييه تكرار اولماسين؟ آخی دونيا فيرلانير
مين-مين ايل‌لر بو دونيا بئله‌جه فيرلانسا دا
بير يووانين بولبولو مين بوداغا قونسا دا
آی‌لار ايل‌لر فصيل‌لر بير-بيرينی دانسا دا
دَیيشمزدير عقيده‌م؛ چوخ دا دونيا فيرلانير
نه قدَر ايسته‌ييرسه مين اوُ قَدَر فيرلانا
قارشيما گاه شر چيخا، گاه خئيير ديغيرلانا
چرخ فلک ايسته‌يير، لاپ دولانا ترسینه
عقيده‌می هئچ نه‌يه دَیيشمه‌رم من يئنه
بختیار وهابزاده
🍂🍁@paeizanam🍂🍁
قورویور کسیلیر گؤزده‌کی یاشلار
دایانیر قیرغینلار کسیر ساواشلار
سئوینجین اؤنونده اَییلیر باشلار
آنا سئویننده آللاه سئوینیر
قانقال چیچک اولور تیکان گول اولور
دونیا باشدان باشا بیر کؤنول اولور
دورنا قانادیندان درد یونگول اولور
آنا سئویننده آللاه سئوینیر
یویولور تر-تمیز سوچلار، گوناهلار
چکیلمیر تتیکلر، آتمیر سیلاحلار
سئون کؤنوللری گؤینتمیر آهلار
آنا سئویننده آللاه سئوینیر
گؤزومله نئچه یول گؤروب دویموشام
بو حیسّی قلبیمله دریب دویموشام
عؤمرومو بو عشقه وئریب دویموشام
آنا سئویننده آللاه سئوینیر
دونیا نه نیفرت‌دیر، نه کین‌دیر اوغلوم!
سئوگی ان موقدّس بیر دیندیر اوغلوم!
اوغولسان، آنانی سئویندیر اوغلوم!
آنا سئویننده آللاه سئوینیر
سس و سؤز:زلیمخان یعقوب
🍂🍁@paeizanam🍂🍁
جننت اولاندا
دیندیر منی هردن گؤزلیم فورصت اولاندا
وصلین بیزه بیر آن نه اولار قیسمت اولاندا
باخ گؤر منی زولفون نه پریشانلیغا سالدی
بیر گون آچارام دردیمی جمعیت اولاندا
یوزلرله جفا ائتسن اونوتماز سنی کؤنلوم
فیکریمده‌سن ائی گول یئنه هر صؤحبت اولاندا
بیگانه اگر اولماسا تئز وصله یئتردیک
کیم خئیر گؤروب دوشمنی کم فورصت اولاندا
زولفون کی توتوب رویونو چوخ قورخورام اوندان
عالم توخونار بیر بیرینه ظولمت اولاندا
کؤنلوم نئجه سنسیز گؤزلیم ناله‌سیز اولسون
بولبول دایانارمی گولونه حسرت اولاندا؟!
"واحد" هله قارشیندا بؤیوک بیر گله‌جک وار
دونیا بیزه لذّت وئره‌جک جننت اولاندا
علی آقا واحد
🍂🍁@paeizanam🍂🍁
⭕️دوستانی که نات کوین ماین میکردن و دوستانی که وارد پروژه نات‌کوین نشدن حالا به هر دلیلی...
✅ پروژه تیم Solana که TapSwap نام داره رو از دست ندید دقیقا مثل نات‌کوینه و باید با کلیک کردن ماین کنید و تفاوتی که داره اینه باگ های نات‌کوین رو گرفتن،خیلی رَوون تره و کِرَش نمیکنه دیگه،مخصوصا توی گوشی های قدیمی تر...
🔥 با بیش از 3 میلیون عضو 🔥
همین الان ماین کردن رو شروع کنید.👇
/channel/tapswap_bot?start=r_91811781
paeizanam
آخشام‌اوستو
گؤیلرده، کؤوره‌لن بولودلار دئییل،
بئینیمین ایچینه دولان توستودو.
بیلیرم قارشیدان قارانلیق گلیر،
یامان داریخیرام، آخشام‌اوستودو.
قلبین هم سئوینجی، هم ده یاسی وار،
هر گونون اؤز حؤکمو، اؤز دونیاسی وار.
عؤمرون سحری وار، گون‌اورتاسی وار،
یامان داریخیرام، آخشام‌اوستودو.
دونیانین اوزونه گلندن بری،
همیشه سئومیشم نورلو سحری.
کیمه خئییر وئریب آخشامین شری؟
یامان داریخیرام، آخشام‌اوستودو.
آلینماز قالانی کیم تیکیب گؤرن؟
نه دئییر هؤردورن، نه دئییر هؤرن؟
گئرییه قاییتمیر قاپیدان گیرن،
یامان داریخیرام، آخشام‌اوستودو.
سحر، بو دونیانین هر شئیی تزه،
گون‌اورتا، گؤزللیک گتیریر گؤزه.
آخشام قارانلیغی هئچ باخمیر سؤزه،
یامان داریخیرام، آخشام‌اوستودو...
زلیمخان یعقوب
🍂🍁 @paeizanam 🍁🍂
paeizanam
دونیایه گلنده بیر اینسان اوغلو
کیمسه‌سیز گلمیشدی، کیمسه‌سیز گِئدیر
قیزیلدان، گوموشدن گُؤزو دویمویان
هئچ نه سیز گلمیشدی، هئچ نه سیز گئدیر
داغلاردان، داشلاردان خاراج آلانلار
عالمه سَس سالیب، های-کوی سالانلار
قارا بولودلار تک کُؤلگه سالانلار
کُؤلگه‌سیز گلمیشدی، کُؤلگه‌سیز گئدیر.
قنبر چوخ بیچاره بیلمیری بلکه
تمیز آد دونیادا گُؤتورمه‌ز لکه
کیم دئییر منیمدی بو یئر، بو اُؤلکه
اُؤلکه‌سیز گلمیشدی، اُؤلکه‌سیز گئدیر.
قنبر شمشیر اوغلو
🍂🍁 @paeizanam 🍁🍂
°•○𝙸𝚗𝚜𝚊𝚗𝚕𝚊𝚛ｪ 𝚢𝚘𝚛𝚐𝚞𝚗 𝚔ｪ𝚕𝚊𝚗 𝚑𝚊𝚢𝚊𝚝 𝚍𝚎𝚐̆𝚒𝚕, 𝚝𝚊𝚜̧ｪ𝚍ｪ𝚐̆ｪ 𝚖𝚊𝚜𝚔𝚎𝚕𝚎𝚛𝚍𝚒𝚛○•°
🌙İyi geceler🌙
🍂🍁@paeizanam🍁🍂
سیزین اۆزونوزه "گۆلوش" گَئتیرمه‌یه چالیشان بیرینین . . .
گؤزونه "یاش" گَئتیریرسینیز . . .
چوخ آلچاق‌سینیز!
Sizin Üzünüzə “güluş” gətirməyə çalişan birinin…
Gözunə “yaş” gətirirsiniz …
Çöx alçaqsiz !
🍂🍁@paeizanam🍂🍁
نه مولک و مال منه چوخ وئررسه ممنونم
نه مولک و مال‌دن آواره قیلسا محزونم
اگر چی مفلس و پست و محقّر و دونم
دمادم اؤیله خیال ائیله‌رم کی قارونم
کؤنولده نقد وفا گنجی، لیک پنهانی
گؤزوم خزانه لعل و گهر، ولی فانی
حکیم ملا محمد فضولی
🍂🍁@paeizanam🍂🍁
ائله دايانيرسان، ائله باخيرسان،
ائله بيل قارشيندا قورو بير داشام.
ايپک ساچلاريني بير واخت اوخشايان
ائله بيل هارداسا من اولماميشام.
سني دوستلاريملا، تانيشلاريملا،
من تانيش ائدرديم نه واختسا بير-بير.
ايندي اؤزگه‌لري ياد احتيراملا،
دئييرلر تانيش اول...
نه غريبه دير؟!
يوخودا گؤرردين نه واختسا هر دم،
يولومو گؤزلردين يوللاردان اوزاق.
من سنين يوخوندان چيخيب گلميشم،
بو دا بير يوخودور، گل تانيش اولاق.
قولونا گيررديم... بو، ياديندادير،
گئدرديک... يولوموز،آرزوموز شریک.
قولوم قوللارينين لاپ يانيندادير،
توخونسا بيز ايندي عوذر ايسته‌ييريک.
هاياندا اولدومسا سحر، يا آخشام،
آرادين سن مني، گؤردون سن مني.
ايندي گؤزلرينين قاباغيندايام،
هاياندا دوروم کي،
گؤره‌سن مني؟
نریمان_حسن‌زاده
🍂🍁@paeizanam🍂🍁
paeizanam
- دنیز اولماق ایسته‌ییرم، آی آنا!
اؤز سینه‌می گؤیلر اوچون آچارام.
+ یوخ، آی بالا، آنان قوربان بویونا!
دنیز اولسان نئجه سنی قوجارام؟
- ذیروه اولماق ایسته‌ییرم، آی آنا!
اوجالاردا هر آن سنی آرارام.
+ یوخ آی بالا، آنان قوربان بویونا!
نئجه اوندا ساچلارینی دارارام؟
- نغمه اولماق ایسته‌ییرم، آی آنا،
من سسله‌نیم، باتما درده-غمه سن!
+ اول آی بالا، آنان قوربان بویونا!
سن اونسوز دا منه سونسوز نغمه‌سن.
- گونش اولماق ایسته‌ییرم، آی آنا!
ایشیق آلسین مندن تورپاق، آسیمان.
+ یوخ آی بالا، آنان قوربان بویونا!
گونش اولسان سن اؤزون ده یانارسان.
- بولاق اولماق ایسته‌ییرم، آی آنا!
داغدان آخیم باغچایا من، باغا من.
+ ائه، آی بالا، آنان قوربان بویونا!
اؤزون داغسان، سیغارسان‌می داغا سن؟!...
نبی خزری
🍂🍁 @paeizanam 🍁🍂
یاخین‌لارا داش‌دا چاتار
اوزون آغ‌دیر آی اوزاق‌لار...
بوردا زهر اوردا با‌ل‌دیر-
اوردا یاغ‌دیر آی اوزاق‌لار!
آی اوزاقدان اوزاق قونشو
چکمه‌دین چکدییم قیشی
گؤی‌لرین ده داش یاغیشی-
بورا یاغدی آی اوزاق‌لار!
گۆل دریریک دردیمیزدن
گؤز ده یوخدو دوشک گؤزدن
یاخین‌لاردا بوردا بیزدن-
چوخ اوزاق‌دیر آی اوزاق‌لار
آی اوزاق‌لار...
علی جوادپور
🍂🍁 @paeizanam 🍁🍂
Günbəgün dünyada yaşayan insanların sayı azalır nə yazıq!
Acaba dünyanın sonu neredir?
O sonun sonrası nedir acaba?
Belki de alemi tanrı yaradıp,
O işte sevdası nedir acaba?
Diyorlar şu alem şenlik sarayı
Diyenler görmüyor bunca yarayı?
Duyunca çileyi, ahı, harayı,
Sorarım da, yası nedir acaba?
Atmıştır tasını biz yaranmışız
Ayrılıp dağılıp parçalanmışız
Gün gelir duyarız bir yalanmışız
Ne olur sonrakı tası acaba?!...
Rəsul Qədiri
02-Ocak-2022
گون‌به‌گون دونیادا یاشایان اینسانلارین سایی آزالیر نه یازیق!
گؤره‌سن دونیانین سونو هارا‌دیر؟!
او سونون سونراسی نه‌دیر گؤره‌سن؟!
بلکه ده عالمی تانری یارادیب
او ایشده سئوداسی نه‌دیر گؤره‌سن؟
دئییرلر بو عالم شنلیک سارایی
دئینلر گؤرمورمو بونجا یارایی؟
دویونجا آجینی، آهی، هارایی
سورورام، بس یاسی نه‌دیر گؤره‌سن؟
آتیب‌دیر تاسینی بیز یارانمیشیق
آیریلیب داغیلیب پارچالانمیشیق
گون گلر دویاریق بیر یالانمیشیق
نه اولور سونراکی تاسی گؤره‌سن؟!
رسول قدیری
۱۲-چیلله-۱۴۰۰
🍂🍁@paeizanam🍂🍁
paeizanam
Seni öylesine düşündüm ki
Öylesine,yaşama'dan önce
Senden başka birşey yok sanki
Ama nasıl da varsın derim sana
Düşüncelerimce
Seni öylesine buldum ki
Öylesine,kendimden fazla
Yalnız sensin gölgesiz
Ayrılmamacasına,yanımda...
Akların arasında karan,
Karaların ortasında akınla
Öylesine istedim ki seni
Senden önce...
Öylesine,herşeyin içinde,
Öylesine dışında
Gün,gece
Seni öylesine yaşadım ki,
İnan...
Artık nereye baktığım belli değil,
Ne yaptığım belli değil,
Vardığım sonrasızlıktan
Özdəmir Asəf
🍂🍁 @paeizanam 🍁🍂
paeizanam
نه بیلیم، اوّلده بئله دئییلدیم،
اویوشا بیلمیرم بو سئیرانگاها.
آغاجا، یاماجا، قایایا، داغا،
اویوشا بیلمیرم، بیلمیرم داها.
طبیعتین قدری بیلینمه‌ینده،
کؤنلومدن بو دردلر سیلینمه‌ینده،
آلیب اینسان دردی آپاریر منی،
شرین یامان دردی آپاریر منی.
هاوایا چیخیرام، یئللر آپاریر،
تورپاغا دوشورم، سئللر آپاریر،
آلیب اینسان دردی آپاریر منی.
آللاه، روزی دولو بو زمی‌یه باخ!
ائله بیل قارشیمدا معبدگاه دورور.
اویوشا بیلمیرم بو زمی‌یه ده،
هر سونبول اوستونده بیر طاماه دورور،
آلیب طاماه دردی آپاریر منی.
اینسانین اؤز نفسی اوسته وورنوخان،
مین بیر گوناه دردی آپاریر منی.
طاماه‌لا، ها ووروش، اللَش...آپاریر.
ائله بیل گولن‌لر گولش آپاریر،
آلیب اینسان دردی آپاریر منی.
ایسینیشه بیلمیرم بالا، پته‌یه،
داها یوخدو مئیلیم چمن-چیچه‌یه.
دوروب بال سؤزومو، چیچک سؤزومو،
بنؤوشه سؤزومو، کؤورک سؤزومو،
اورک‌لر نازیلیب ائشیتمه‌ینده،
آلیب نادان دردی آپاریر منی.
قایادا قالیرام، سویوق آپاریر،
دریادا قالیرام، قاییق آپاریر.
آلیب اینسان دردی آپاریر منی.
ایسینیشه بیلمیرم قلم-کاغیذا،
اؤزوم ده بیلمیرم کؤنلوم نه یازا.
داها هانسی سؤزوم یئرینه دوشر؟
مین ایلدیر اللَشیر، تر تؤکور قلم.
بو قایدا، بو قانون، بو سؤز، بو کلام،
ائله بیل هئچ نه‌یی ائشیتمیر بشر.
شعرله دئییرسن، شعری ائشیتمیر،
مئهرله دئییرسن، مئهری ائشیتمیر.
ائله بیل بیر آدام خئیری ائشیتمیر.
شاعیری، عاقیلی آلمیر وئجینه،
قاچیرام دونیانین بیرباش کونجونه،
قالیرام آرادا، لاپ هوش آپاریر،
قاچسام، خارابادا بایقوش آپاریر.
آلیب اینسان دردی آپاریر منی،
آپاریر، آپاریر... قاییتماق اولمور...
موسی یعقوب
🍂🍁 @paeizanam 🍁🍂
یاشادیغیم سوره همیشه سئوینجلی اولماغیما گرک یوخ.
گرکلی اولان، هر حالدا شرفلی یاشاماغیم‌دیر.
امانوئل کانت
🍂🍁@paeizanam🍂🍁
چوخ اسکی بیر شعر گؤردوم بو گون
مصراع-مصراع یئریییردیلر...
جمال ثریا
🍂🍁@paeizanam🍂🍁
عؤروج بایرامینیز قوتلو اؤلسون🌻
🇦🇿♥️🇹🇷
Örüc bayraminiz gütlü ölsün🌻
🍂🍁@paeizanam🍂🍁
تاجیر شاهمالی اوغلو👌
گوزل آتا ماهنی سی 😔
🍂🍁 @paeizanam 🍁🍂
paeizanam
یارادان انسانی گوُزدن سالاندا
آرخاسیز ایگیده ماحال گولرمیش
یورولوب جرگه دن دالدا قالاندا
حالسیز اختیارا جاهل گولرمیش
نامردلر دشمندیر همیشه مرده
یارادان سالماسین یاخشینی درده
حرراج بازاریندا صررافسیز یئرده
زر یونان زرگره باققال گولرمیش
فلکین دردینه تاپیلماز چارا
ساغالماز دنیادا دیل ووران یارا
بدبخت لیک اوُز وئریب دوشنده دارا
عالمین علمینه ناققال گولرمیش
کیرپیکلر آغلاییر گوُز چکیلنده
عصایا یالوارار بئل بوکولنده
بیغ بوروقدان دوشوب دیش توُکولنده
چنه چیرتداغ ووروب ساققال گولرمیش
صرراف خجل اولور زر تونج اولاندا
داشقین فخر ائیلمه سن اوجالاندا
پلنگ بنده دوشوب شئر قوجالاندا
پیشیک نعره چکیب چاققال گولرمیش
✍مظاهیر داشقین
🍂🍁 @paeizanam 🍁🍂