475
🍂🍁اشعار ناب و گلچین شده&موزیک🍁🍂 و🍁🍂صبا پاییزان دکلمه لری 🎤
شعرلریمین گئجه سینه
سانجاغلاییرام سنی
آی کیمی
عشق ماهنیسی چالسین گؤزلرین
کؤهنه بیر لایلای کیمی!♥️🍏
🍂🍁@paeizanam🍂🍁
آراسیندا
سن گزرسن آ بخته‌ور!
چيچکله گول آراسیندا
من قالميشام سحَر-سحَر
آلوولا کول آراسيندا
گولوشوندن گول چيله‌نير
ياناغلارين غونچه‌له‌نير
تر بدنين جیلوه‌له‌نير
ايپکله تول آراسيندا
دوست آرالى، ياد ياخيندى
کيم گئديب کيمه سيغيندى؟
"حسين عارف"نه قيرغيندى؟
گؤز له کؤنول آراسيندا
حسین عاریف
🍂🍁@paeizanam🍂🍁
📕 قاراجا اوغلان
✍ افشین امیری ججین
🍂🍁 @paeizanam 🍁🍂
paeizanam
زیروه‌لرده قارا دؤنمک چتیندی
بولود تکی بوشالماغا نه وار کی!
قایا اول کی قارتال قونسون باشینا،
صحرالاردا داش اولماغا نه وار کی!
عاشیق اولان چکر نازی، ناز کیمی
تپر اولسا قاری گزر قیز کیمی
ساخلایاسان طراوتی یاز کیمی
واخت-وعده‌سیز قوجالماغا نه وار کی!
کؤنول گرک محببت‌دن گوج آلا
سئون اورک، سئوه-سئوه قوجالا
اوغول اودور دوشمن ایله اؤج اولا
آز عؤمروندن باج آلماغا نه وار کی!
غئیرت سیزین اؤیولمه‌سی چتیندی
ناحاق سؤزون دئییلمه‌سی چتیندی
اوجالارین أييلمه‌سی چتیندی
أییلمک‌له، اوجالماغا نه وار کی!
شمسی قوجا
🍂🍁 @paeizanam 🍁🍂
یارالی قوش کیمی غمدن چابالاردیم گئجه لر
قیزیشیب دردین الیندن آلیشاردیم گئجلر
عمرومون هاموسی کئچمیشدی قرانلیق گئجه ده
یوخی گلسئیدی گوزه تئز قوولاردیم گئجه لر
🌙تاتلی رویالار🌙
🍂🍁@paeizananm🍁🍂
بیریسی ایچون اؤنملیسن‌سه،
هر دورومدا سنین ایچون واخت آییرمالی‌دیر.
بوندان سونرا هر شئی بهانه‌دیر.
👤 چارلز بوکوفسکی
🍂🍁 @paeizanam 🍁🍂
دولوبسان دونیامین آیسیزلیغینا
گؤره‌سن گئجه‌مین هاراسینداسان
ساراسیز بیر سئلین پایسیزلیغینا
دوشمه قال گؤزومون قاراسینداسان
✍ ایلقار موذن زاده
🍂🍁 @paeizanam 🍁🍂
بالا آیریلیغی
سنسیز قملر یامان منی بورودو
آزریلاریم اوره گیمده چورودو
گَل آتانی قملر ییخیب سورودو
اوره گیمده هر واخت ساخلارام
تئز-تئز گلیب من یئریوی یوخلارام
نه خیاللار من سنه بسله میشدیم
آللاهیمدان من نه لر ایسته میشدیم؟
آیریلیغی هر زامان پیسله میشدیم
نه دن ووردو بئله هر شئیی قاتدی؟
اورتایا آیریلیق چپَرین آتدی
آیریلیغین بو باغریمی سویاندا
روحوم گزیر سن هارداسان اویاندا
دردلی جانیم باش یاسدیغا قویاندا
گئجه لری گؤز یومورام سنیله
گَل یوخوما بیر آز دانیش منیله
اوشاغلیغین گؤز اؤنونه گلنده
تازا آلدیغیم پالتاری سن گئینده
یئریشینله بو قشنگدیر دئینده
سئوینجیمین سون لذّتین آلاردیم
خوشبختلیغین زیروسینده قالاردیم
شیرین ایدی سنین او دیل آچماغین
اَل-قول آچیب قاباغیما قاچماغین
قوج-قوجوملا قوجاغیما اوچماغین
هئچ دویمادیم او گؤزل یئریشیندن
اَلیم داد آلاردی دیش،دیش دیشیندن
بوشلامارام بیرده توتسام اَلینی
کؤنلوم قوشو گزیر شیرین دیلینی
کوسمه یینی دوداق بوزمه فئلینی
چالیشاردیم سنین کؤنلونو آلام
گول اوزونه گئنه گولوشو سالام
ایلک مکتب اوخولا گئدن گونلر سن
یانینجان قوروقجو اولدوم گونده من
دئدیم گوللری یئتیشدیر وطن
آنا دیلین آنجاق حیاطده قالدی
آیریلیغدان آنان سولدو سارالدی
بارماغلارین اؤرگه شنده یازینی
دئدیم گؤررم سنین آچان یازینی
نامرد فلک چالدی کدر سازینی
نه آرزیلار ائیله میشدیم هله من
دوزنمیرم آیریلیغا بئله من
آغاج ده یَرله نر بهره بارییلا
اینسان فرحله نر اولاد وارییلا
گؤرنده جاوانلار گزیر یارییلا
من تویونو خیالیمدا بَزه رم
توی گؤنونده ائلی صفه دوزه رم
یادیگارین وئریر توختاقلیق منه
ساخلارام اؤپه رم دؤنه لر دؤنه
من اونون ایی ایله چاتیرام سنه
خاطیره نه بیر فیلیم تک باخارام
گئچمیشلره او سئل ایله آخارام
یاشادیغین یئرین قوی اولسون جننت
آللاه خوش باخیشین ائتسین عینایت
بسدیر بیزه دای بو قدَر مُصیبت
"علی"چکیر چوخ دردلرین داغینی
دردلی ائلی آلیب سولو ساغینی
علی جباری-علی معلیم
🍂🍁@paeizanam🍂🍁
سن عشقیمین گؤیدَن أنمیش مَله‌یی
سن آرزۇمۇن سارالمایان چیچه‌یی
سینَم‌ده کی بۇ چیرپینان اۆره‌یی
سنله یاری بؤله‌جه‌یَم داریخما...
ستار گل محمدی
🍂🍁 @paeizanam 🍁🍂
سلاملار سئوگیلی دوسلار❤️
سحریز چیچک کیمین گوزل😍
سو کیمین آیدین اولسون☺️
اورییز کدردن اوزاق😘
وعشق ومحبتله دولی اولسون❤️
☀️گون آیدین تورک ائلیم👌
🍂🍁 @paeizanam 🍁🍂
paeizanam
قارقیش
قارقیش زمانه‌نین قانون‌لارینا
قارقیش اورڪلری آییرانلارا
قارقیش اینسان‌لاری قفسه سالیب،
بشر حقوقوندان دم وورانلارا!
ڪیمه دئمه‌لی‌ییڪ دردیمیزی بیز؟
درد بیلن ڪیمدیر؟ سوز آنلایان ڪیمدیر؟
اسیر بیر میللته، محڪوم بیر ائله
قایغی چڪن ڪیمدیر آغلایان ڪیمدیر؟
دیلیمی دالیمدان چیخاردسالار دا
قوی قارداش دردیمی دئییم باری بیل
گونئی‌دن قوزئیه، شرقدن غربه
هانسی خالقی گؤردون بیزیم تڪ ذلیل؟
گرڪ گؤزلریندن گؤز اؤرته بیر ڪس
قارغا یوواسینا یاناشا اگر
نیه وطنیمی سئومه‌ییم، نیه؟
من بیر قارغادان دا اسگییم مگر؟
قویون محڪوم اولوم میللتچی‌لییه
دونیادا میللتین سئومه‌ین ڪیمدیر؟
دیلین ائلین یوردون تالان ائتسه‌لر
آجیییب باشینا دویمه‌ین ڪیمدیر؟
بولود_قاراچورلو_سهند
رحمتلیک بولود قاراچورلو
بو قارقیش نامه نی آزربایجانیمیزدا
ائلیمیزین دیلیمیزین گوجونو
آلماقلیغا چالیشانلارا یازیب دیر 🙏
قبری نورلا دولسون
🍂🍁 @paeizanam 🍁🍂
Senin yokluğunda yarınsızım ben
Senin yokluğunda anlamsızım ben
İstemem dünyanın servetlerini
İstemem ahiretin cennetlerini
İstemem yarının ümitlerini
🍂🍁 @paeizanam 🍁🍂
•Bir daha hiç benzemedi, Gelen günler,giden günlere...❄️
فرصت گئدیب دا تاسف یئماخدان نه فایدا😔
🍂🍁 @paeizanam 🍁🍂
من
هله قوجالمامیشام
اوره‌ییمده
بیر جوت سئرچه
جوککولده‌ییر،
بیر جوت گؤیرچین
بوغولداییر،
بیر جوت کپنک
دونیانین اَن گؤزل رنگلرینده
رقص ائدیر؛
من
هله قوجالمامیشام
رویالاریمدا
سن دولانیرسان!
حسن صفورا
🍂🍁@paeizanam🍂🍁
paeizanam
بیر داملادیر بو شعریم کؤنلومده کی آلازدان
هر‌دن قلم دگنده اود قوغزانیر کاغازدان
بیر شوکدایام آلوولو کسگین حالیم بیلینمیر
بیر گون سئوینجه دوغرو بیر گون قاچاق گودازدان
ساغدان-سولا دوشوندوم حالدان-حالا داشیندیم
چیرپینتی وار دؤیوش وار جوشماق گلیر بیرآزدان
گاه حاق دئییب چالیندیم گاه ظولم الی‌له سیندیم
گرچکچی سن قولاق وئر چوخ سس چیخیر بو سازدان
سوسدوم باغیردی وجدان دیندیکجه دوشدو بیر قان
عصیان جوشور اورک‌دن سانسور سیلیر بوغازدان
برزخده‌یم یانارکن بیر فایدا گؤرمه‌دیم آه
قارنیمداکی اوروجدان آغزیمداکی نامازدان
دومسوکله‌ییر دوشونجه چاغ اینجی‌دیر من اینجه
دقت‌لی اولما لازیم عؤمروم تکین توپازدان
آرسان
🍂🍁 @paeizanam 🍁🍂
ییخیلماق بینایا مخصوص بیر شئی دئییل کی، زولئیخا!
بیر اینسانین بیر جومله ایله ییخیلدیغینی گؤردوم من.
جاهید ظریف اوغلو
🍂🍁 @paeizanam 🍁🍂
تانیماز
گئری دؤنسه جاوانليغيم مات قالار
هؤنكور-هؤنكور آغلار منی تانيماز
دانيشارام درد آليشار ديليمده
او بخته ور چاغلار منی تانیماز
اؤيرنميشم هر عذابا دؤزه رم
كول اولموشام بيرده چتین کؤزه رم
اوره ييمدن توتا-توتا گزه رم
او باغچالار،باغلار منی تانیماز
کؤورلمیشم گؤزومده نم گلمیشم
قوجالمیشام قلبیمده غم گلمیشم
آند ایچسم کی"شجاعت"م گلمیشم
یئنه آنا داغلار منی تانيماز
شجاعت احمدلی
🍂🍁@paeizanam🍂🍁
paeizanam
آماندی گوزلیم گئل گوروشک بیر
قلبیمین آیناسی پارالانمامیش
بو هیجران خسته‌سی بیرده تَزه‌دن
آیریلیق اودوندان یارالانمامیش
سلیمان مولکونه یوخدور اعتیبار
بیر خزان گوزله‌ییر هر نازلی باهار
گَل آپار کؤنلومی ساخلا یادیگار
یوللاری باغلاییب قار آلانمامیش
یارادان، درد اهلی یارادیب منی
سن الله سیزلاتما ایمان خسته‌نی
گَل سن عزیزیم بیر گؤروم سنی
جان جسددن چیخیب آرالانمامیش...
نؤورس ایمان
🍂🍁 @paeizanam 🍁🍂
بیر گئجه میز سحر اولمور
ائشیتمه سک وای خبری
نئجه اولدو او شنلی گونلر؟
تویلو نینای نای خبری
اینسان اولماق بویویموشسا
گیلئییم وار یاراداندان
توپوروم بئله دونیایا
اینسان اوشه نیر اینساندان
یا باشقا بیر اوزای گؤستر
یوک یاپیمی کؤچوم گئدیم
یا اؤزون بیر یووا گؤستر
تانری کیشی اوچوم گئدیم
آز گتیرمیشم دوغروسو
شک ائدیرم سن آللاها
یازیرسان یاز یالوارمیرام
آرتیرسان خروار گوناها
بئله سان کی لاپ اوجوز شئی
یارانیشدا بیر سامانام
هر نه اولسام اؤلوم آمما
اینسان اولماغدان پئشمانام
سحر خیاوی
🍂🍁@paeizanam🍂🍁
paeizanam
نه ایمیش بو حسرتین؛ بیر بیله بیلسم،
فیکرین دارا چکیر، هوشوم‌ده منی!
بیر داها اوزونو گؤرمه‌دن اؤلسم
یاندیرار تورپاغیم-داشیم‌دا منی!
سن گئتدین آرخامجا اؤلدو کؤلگم‌ده،
خارا بازار اولدو سینم او دمده
بیر چشمه قوروتدوم قالمادی نم‌ده
ترک ائتدی گؤزومدن یاشیم دا منی!
گؤروم اوزولمه‌سین صبری هئچ کسین،
چینلار قولاغیمدا او نرگیز سسین
سندن چکدیگیمی کافر چکمه‌سین
هله نه‌لر گؤزلر قارشیمدا منی!
✍ ممد آسلان
🍂🍁 @paeizanam 🍁🍂
paeizanam
بئله قوجالاسان
يا قوشقار اولاسان يادا شاه داغی
بئله اوجالاسان اوجالاندا دا
بوراندان-طوفاندان-قاردان-ياغيش‌دان
بئله باج آلاسان باج آلاندا دا
سنی دئييب گله قوشلار یووادان
آدین مثال قالا دده-بابادان
وطن‌دن-تورپاغدان-ائلدن-اوبادان
بئله گوج آلاسان گوج آلاندا دا
هر اسن کولک‌له یاریشمایاسان
توز اولوب یئللره قاريشماياسان
آلچاق عمل‌لرله باریشمایاسان
ائله اؤج آلاسان اؤج آلاندا دا
اولسادا جانيندا قووتدن مايا
دؤشونه دؤيمه‌ميش نه داش نه قايا
شؤهرت گؤزلرينی قاماشديرمايا
باشيندا گونش‌دن تاج اولاندا دا
عشقینله هر گئجه بير گوندوز اولا
سئوينجين بيرديسه آرتا يوز اولا
اؤزون حاق اولاسان سوزون دوز اولا
يوللار ال اتک‌ده كج اولاندا دا
شيمشک نعره‌سينی مزه بيلهسن
بو كؤهنه دونيانی تزه بيلهسن
اؤز قايا صبرينله دؤزه بيلهسن
ايسته‌يين لنگی‌ییب گئج اولاندا دا
زليمخان داغلارا تپه گولمه‌یه
قایا پارچالانیب داش توکولمه‌یه
باشا قار یاغسادا بئل بوكولمه‌يه
بئله قوجالاسان قوجالاندا دا
زليمخان یعقوب
🍂🍁 @paeizanam 🍁🍂
گرگینم
گؤزلری سارالمیش آنا تک؛
کی ایگید عسگرینین
ساواش مِیدانیندا
سون آنلارین ساناییر
بیتیریب
گله جک بو گون.
بیلیر
بیلمیر آمما
اللرده...
محمد پاشاپور-پاشا موغانلی
🍂🍁 @paeizanam 🍁🍂
هر کسین غمی وار،چک اؤز دردینی
دئمه اَلی الدن اوزولن سنسن
دن دوشوب تئللره،بویاما حاقّی
دئمه اوزو درددن بوزولن سنسن
حیاتین دادینی دادمایان نه چوخ
سانما آلدانیب دا سئویلمه‌ین یوخ
یاشارکن سینه مه چوخو ووردو اوخ
دئمه اؤلوم صف ده دوزولن سنسن
دیلیم آجی اولسا دانماز سؤزونو
هیجردن یانان جانیم،دانماز اؤزونو
آغلار قالان"سئودا"دانماز گؤزونو
دئمه گؤز یاشلاری سوزولن سنسن
سئودا زیادپور
۱۳۹۴.۰۸.۰۸
🍂🍁 @paeizanam 🍁🍂
رسّام اوتور بیر دانیشاق
سن آللاه بوراق شکیلی
مندن مین شکیل چکیلر
توتماز بو واراق شکیلی
آیاغینی یوللار یئین
یورغون آدام الده یوین
آتینا چاتا بیلمه ین
باختیمین چولاق شکیلی
قوشام می قاناد چکه سن؟
یا بیر تالا اوت چکه سن
یانیندا بیر آت چکه سن
آتلی بیر اوتلاق شکیلی
من ناتاراز،سن عینادلی
بیر اورک چک،مین بیر چاتلی
صیفتیم ده نئچه قاتلی
نئچه شاپالاق شکیلی!
توحید نامور-آدلیم
🍂🍁 @paeizanam 🍁🍂
paeizanam
شئیدا بولبول فغان ائتمه غم ائتمه
بوگون- صاباح گول آچیلیر یاز اولور
عزیز ساخلا غنیمت بیل وجودون
وفاسی یوخ گولون عؤمرو آز اولور
دئگیلن فرهادا ای محنت پیشه
شیریندن اینجیمه چال داشا تیشه
عاشیق – معشوق آراسیندا همیشه
عیشوه اولور غمزه اولور ناز اولور
خدمه لر دورور ساغ و سولوندا
جواهر بازوبند ایكی قولوندا
فواره لر ایشلیر دائم گؤلونده
یاشیل باشلی اؤردك اولور قاز اولور
نباتی سئومیشه م بیر دیلسیتانی
بیر سؤزو گول شكر غنچه دهانی
داخی فاش ائیله مه سئرر نهانی
عاشیقین كؤنلونده یوزمین راز اولور
ابوالقاسم نباتی
🍂🍁 @paeizanam 🍁🍂
شیطان اولوم سن منہ داش آتگینان😂😂😂🤪🤪🤪🤪
🍂🍁@paeizanam🍂🍁
دولموشام اؤزومه دولموشام بو گون
اؤزوم دن چیخماغی کؤنلوم ایسته میر
یوز اورک ییغیشسا گَره ییم دئییل
نئیلیرم هامیسی سانکی داش-دمیر؟!
هر نفَس بیر آددیم آپاریر منی
بو زامان تانیمیر نه منی،سنی
دوغولسام دونیانین اؤزونه یئنی
اینان کی اوره ییم یئنه دوز دئمیر
اودوزدوم بو گونو سحر یولوندا
ایسته ییم جان وئریر حسرت قولوندا
بیرجه گون اوتوروب کئشگه سولوندا
دئیه ایدیم بو یاشام دویغوما یئمیر
عزت طهماسبی
🍂🍁 @paeizanam 🍁🍂