قیلینج دان کَسَرلی دئیبلر سؤزو
توخونما سؤوزومه،توخونما منیم
دؤیوشه من سؤزله چیخیرام دوزو
توخونما سؤزومه،توخونما منیم
سؤزوم سطیر-سطیر واراق-واراق دی
هر واراق اؤزو بیر سیردی،سُراغ دی
مندن سونرالاردا هئی قالاجاق دی
توخونما سؤزومه،توخونما منیم
بابالاردان قالان ایرثیم دی منیم
ادبیم،کامالیم،درسیم دی منیم
آجیغیم،غضبیم،حیرصیم دی منیم
توخونما سؤزومه،توخونما منیم
های وورسام دلی لر تؤکولر گلر
باغلی بند-بره لر سؤکولر گلر
پاشالارین بئلی بوکولر گلر
توخونما سؤزومه،توخونما منیم
پرده لر قوینوندا گزن اَلیم دی
کؤنول لر اوخشایان اینجه تئلیم دی
شیرین لایلا چالان آنا دیلیم دی
توخونما سؤزومه،توخونما منیم
کرمی،دیلقمی چالان سازیم دی
عشقیم،محبّتیم آلین یازیم دی
عؤمرومه،گونومه هر آن لازیم دی
توخونما سؤزومه،توخونما منیم
هاردا قولو اولدوم سؤزلو دونیامین
اوردا شیرین دویدوم عؤمرومون طامین
"صیّاد"ییام حقدن گلن ایلهامین
توخونما سؤزومه،توخونما منیم
صیاد زیادپور
🍂🍁 @paeizanam 🍁🍂
سنسیزلیک
اوزون چکدی دئیه؛
داها گوده شعرلر
یازیرام
گولوم!
سیرداش موغانلی
🍂🍁 @paeizanam 🍁🍂
ساچلاریما یاغان قاری دانیشدیر
او دردیمی یاخشی قانیر آی کیشی!
ایللر بویو بو قار منه تانیشدیر
من یانیرام اودا یانیر آی کیشی
کوچه لرده قالان ایزه آغلادیم
دیلی یاساق لال تبریزه آغلادیم
دنیز منه من دنیزه آغلادیم
او دردیمی یاخشی قانیر آی کیشی!
من یانیرام اودا یانیر آی کیشی!
دنیزه باخ سوسوزوندان آغلاییر
هارای چکیر اوره گیمی داغلاییر
کورپه اوغلوم اللرینی باغلاییر
او دردیمی یاخشی قانیر آی کیشی!
من یانیرام اودا یانیر آی کیشی!
بو آغری دیر،بو هارای دیر،بو سس دیر
بو ایچیم ده قیش دوندوران نفس دیر
قالخ آیاغا بنؤوشه نی تلَس دیر
او دردیمی یاخشی قانیر آی کیشی!
من یانیرام اودا یانیر آی کیشی!
هئچ بیلیرسن اوره گیم ده نه لر وار؟!
یازلیغیم دا ساچلاریما یاغدی قار
قافییه مه قوناق گلیب سون باهار
او دردیمی یاخشی قانیر آی کیشی!
من یانیرام اودا یانیر آی کیشی!
فیض الله بختیاری-دومان مییانالی
🍂🍁 @paeizanam 🍁🍂
❤❤❤
ائلیمه...
دیلیمه...
جانیمین جانانینا...
دامارلاریمین قانینا...
روحوما...
سئوگیمه...
نفسیمه...
آزربایجانیما...
سلام...
گون آیدین دوسلار🌞❤️
🍂🍁 @paeizanam 🍁🍂
قوجا دونیا سنی گزیب دولانان
نئچه نئچه رستم زال گلیب گئدیب
ایلانین آغزیندا زهری مار اولوب
آری نین آغزیندا بال گلیب کئدیب
قوجالدیب ایللری قوجالدیب آیی
قوجالدیب باهاری قوجالدیب یایی
هم عمی قوجالدیب همده کی دایی
کیمی ده دونیایا لال گلیب گئدیب
قاسیم دئیر کیم کی سنه وورولدو
سنه باخیب داهی عومرو یورولدو
عومور گردیشیمین ایپی قیریلدی
کیمی نین اینینده آل گلیب گئدیب
#خسته_قاسیم_تیکمه_داشلی
🍂🍁 @paeizanam 🍁🍂
ویصال داغلارینین دومان دادی وار
سیزلایان کؤنلۆمۆن کامان دادی وار
گیزلیجه سئومهیین یامان دادی وار
سنی گیزلی - گیزلی سئوهجهیم من
🍂🍁 @paeizanam 🍁🍂
اکدیگین گوللری گزدیگین باغی
باغبان اول دویونجا قوخلا کاماندار
واختسیز آیریلیقی سرت قوجالیقی
سازین اووسونویلا اوخلا کاماندار
زامان یاغدیرسادا ساچا قارینی
وئرمیسن ایللره عشقین بارینی
طرلان دوروشونو شاه ووقارینی
یوزده ده بئله جه ساخلا کاماندار
سازینلا قورقود تک قوجالارداسان
آهینلا توستولو باجالارداسان
بنده درگاهیندان اوجالارداسان
تانری درگاهینی حاقلا کاماندار
اسَن کولکلرله یاریشماغی وار
سئللره سولارا قاریشماغی وار
شاعیردی کوسمه یی باریشماغی وار
هردن"زلیم خان"ی یوخلا کاماندار
زلیم خان یعقوب
🍂🍁 @paeizanam 🍁🍂
هارداسان!
یوللاری چیمیشیر گؤزلریم
سنسیز دوغرانمیش چیچه یم
پیچاقلار حسرتله ییر منی سنسیز
آباژورلاری اویاق قالیرام گونوزلر
و... گئجه لر آغلاییرام سنی
آی ایشیقینا!
هارداسان ای...
بوردا سنی داریخیرام
فرامرز باقری-مئه اسر
🍂🍁 @paeizanam 🍁🍂
Dedim: - Susma, danış,din,
Nə danışdın, nə dindin.
Məhəbbətin oduna
Mən yandım, sən isindin.
Dillənsənə, sevgilim,
Mən nə daşam, nə dəmir.
Min il də gözləyərdim,
Axı ömür gözləmir.
Sükutunla durmusan,
Ürəyimin qəsdinə.
Söylə, susan sevgilim,
Bu sükutun qəsdi nə?
Bəxtiyar Vahabzadə
🍂🍁 @paeizanam 🍁🍂
دئییردین اؤله رم گئتمه گؤزۆمدن
ایندی گؤزلرینه حسرتم بالیم
سنی دۆشۆنۆرم ثانییه لردن
داریخیر اۆرهییم پوزولور حالیم...
خوشنام
🍂🍁 @paeizanam 🍁🍂
paeizanam
سنی تانری بایرام خانیم
راضی اولما من اوتانیم
بایرامدا یوخدو تومانیم
گئت تبریزه گلمه بیزه
من ده یوخ حوصله بایرام
الیم بوشدور هله ، بایرام
شیل اولاسان بئله بایرام
گئت تبریزه گلمه بیزه
بایرام ، اگر گلسن بیزه
بیر شال گتیر قارا قیزا
گتیرمه سن گئت تبریزه
گلمه بیزه گلمه بیزه
گلسن بیزه آقام جانی
باشین یاررام آخار قانی
اوغلانین یوخدو تومانی
گئت تبریزه گلمه بیزه
گؤرسن آخیر چرشنبه نی
سؤیله اینجیتمه سین منی
پیلووون یوخ یاغی دنی
گئت تبریزه گلمه بیزه
ساققیزی سالمیشام انگه
اوغلان گتدی منی تنگه
پول یوخدو وئره م فیشنگه
گئت تبریزه گلمه بیزه
بایرام واللاه یوخدور ناریم
یاری گؤرمه یه آپاریم
نار وئرمه سم کوسر یاریم
گئت تبریزه گلمه بیزه
وارلی یئییر یاغلی چیلوو
یوخسول چکیر غصه خینوو
بیزده یوخدور خوروز پیلوو
گئت تبریزه گلمه بیزه
یوخسول مین درده توش اولار
مئی ایچمه دن سرخوش اولار
تبریز حالواسی خوش اولار
گئت تبریزه گلمه بیزه
میرزه علی معجز شبیسترلی
🍂🍁 @paeizanam 🍁🍂
عشق؛ گؤرمکدن چوخ داریخماغی سئور،
توخونماقدان چوخ آرزولاماغی سئور...
و عشق او قدر خائیندیر کی؛
هاردا ایمکانسیز وارسا گئدر اونو سئور....
اؤزدمير آصیف
🍂🍁 @paeizanam 🍁🍂
ناگاه باد سَرسَر اسدی اوزومه
عؤمور بُستانيمين تاغي کسیلدی
اؤز اليم دن خطا دَيدي اؤزومه
بدن دن قولومون ساغي کسیلدی
قضا توتدو قدَر منی بوشدادی
آغلاتدی دوستلاری،گولدوردو یادی
زهرمارا دؤندو آغزيمين دادي
اليم ده شربتيم آغي كسيلدي
كؤنلوم ياس دان چیخمیر قلبیم یارادان
بو درد و مِحنتدن،بو ماجرادان
دؤلت گئتدی،حؤرمت قالخدي آرادان
قاپیمیزدان دوست آیاغی کسیلدی
موقرّردی قاچماق اولماز اؤلوم دن
فلکین قیلینجی دَیدی بئليم دن
بير تولک طرلانيم گئتدي اليم دن
اوره گیمین بندی باغی کسیلدی
چوخ قاچدیم قضادان،اولمادی چارا
بیر وورموشدو،بیرده ووردو دوبارا
چینوونیکلر ایسته دیلر قورتارا
دوستلاریم اؤزومه ياغي کسیلدی
"علی عسگر"ایشلرین موشکول دو موشکول
دردینی دئمه يه يوخدو اهل ديل
دؤي باشينا فغان ائيله موتّصيل
داها دئييب گولمک چاغی کسیلدی
علی عسگر گویچه لی
🍂🍁 @paeizanam 🍁🍂
آزربايجان اوغلو
ساوالانين باشيندا چال پاپاغين
قارا باغين قانلى اَسن بايراغين
بير يِتيمين اوزده سولان ياناغين
قلم آليب آزربايجان اوغلو ياز!
نيگَران-نيگَران باخان قالادان
بولگه-بولگه آيريلان ائل-اوبادان
باغریميزا فلک ويران يارادان
قلم آليب آزربايجان اوغلو ياز!
بير ايگيدين دوستاقداكى هارایين
قوشما-قوشما اوخشا سن آرپا چايین
اؤ گوجک آنامين نازلى لایلايین
قلم آليب آزربايجان اوغلو ياز!
گوتور تئللى سازين اوخو بير نغمه
شعرينى آتاباى ائتسين ديكلمه
عشق اولسون موقدّس توركى قيبله مه
قلم آليب آزربايجان اوغلو ياز!
گله جک بيزيم دى سون سؤز نهايت
قالاجاق شرفلى اوجا باش ميلّت
هارای-هاراى دئدى"وطن داش فيكرت"
آل قلمين آزربايجان اوغلو ياز!
لطفعلى فكرت-وطن داش
🍂🍁 @paeizanam 🍁🍂
دونیا
اولدوزلار هاوانین باغرینی دَلیر
قایالی داغلاردان دومان یوکسه لیر
خیالیم گئجه نی سالاما گلیر
چاپدیریر آتینی بیر باشا دونیا
یئرلره باخیرام باغچالی-باغ لی
گؤی لره باخیرام قاپیسی باغلی
کائینات اختیار،سیرلی-سوراقلی
ازَل دن یارانیب تاماشا دونیا
بیرده گؤرورسن کی آچیلان سولور
دوشونن بیر بئیین بیر تورپاق اولور
بیر یاندان بوشالیر،بیر یاندان دولور
سیرّینی وئرمه ییر سیرداشا دونیا
ازل دن بئله دیر چون کی کائینات
جاهان دائیمی دیر،عؤمور آمانات
الدن اله کئچیر وفاسیز حیات
بیز گلدی-گئده ریک سن یاشا دونيا
صمد وورغون
🍂🍁 @paeizanam 🍁🍂
گول دَن سوروشوبلار:
نئدن تیکانلیسان؟
گول دِئییب: بونا گورا کی، منی یالاننان یوخ بلکه دوغرودان
سئوه َن اینسان توتسون!👌
🍂🍁 @paeizanam 🍁🍂
“Küstürməyin insanları həyata.
Sonra hər şeydən əl çəkirlər.
Yaşamaqdan,
gözəl olan hər şeydən.
Bir otaqda təkliyi,
bir dağ başında qalmağı,
harada bir yalnızlıq varsa onu istəyirlər.
Küstürməyin bəzi insanları...”
Nazım Hikmet
🍂🍁 @paeizanam 🍁🍂
چالار سنى!
نانجيبه كؤنول وئرمه
ايلان كيمى چالار سنى
اوزه گولر قويو قازار
وعده سين ده سالار سنى
لاغا قويوب دارتار دَنين
دردين داغا دؤنر سنين
بو دونيادا جهنّمين
آلووونا قالار سنى
يامان چوخدور گؤزه گيرن
وارا وئرير سالام وئرن
اينان اولسا بيرآز شيره ن
چوخو تاپيپ يالار سنى
"موغان اوغلو"حاقّى قازان
نه تاپيبدير يولدان آزان؟!
هرجايى دان چاليش اوزان
اوجوز ساتار،آلار سنى
بختيار علی مرادی-موغان اوغلو
🍂🍁 @paeizanam 🍁🍂
paeizanam
Dedim: - Susma, danış,din,
Nə danışdın, nə dindin.
Məhəbbətin oduna
Mən yandım, sən isindin.
صبا پاییزان 🎤
🖋Bəxtiyar Vahabzadə
🍂🍁 @paeizanam 🍁🍂
یا بختیمین گؤزوکوردور
یادونیامین اُؤزو داردی
ایفا:
کامیله خانیم نبی اوا
🍂🍁 @paeizanam 🍁🍂
paeizanam
کیمده واردیر گؤزلیم، سنده اولان جاذبهلر
سنه دنیاده مگر، عاشق اولاندا، غم ائلر؟
بسدیر اولدورمهیه جکسن، گؤزلیم دنیانی
هر اوزی گؤیچک اولاندا، بوقدر چم خم ائلر
اینجیمه گؤزیاشیم، آخسا سنی گؤردوکده گولوم
گول آچیلدیکده باهار فصلی بولود شبنم ائلر
ناز و غمزهن، یئریشین، شوخ باخئشین، عالمدیر
بیرده زولفون اوزه توکسؤن اودا بیر عالم ائلر
حیف سن، گزمه یاراشماز سنه بیگانهایله
او آچیب سرّینی دونیایه سنی، محرم ائلر
«واحدم» عمریمی من عشقیله صرف ایلهمیشم
عشق یا اؤلدورر آخر منی یا، آدم ائلر
علی آقا واحد
🍂🍁 @paeizanam 🍁🍂
"اوزون یوللار کئچیب، گلمیشم" دئدی
قویما گوزلریندن ایراغا منی
من گنجلیک دئییلم، وفاسیز چیخام...
بنزتمه گئدهری قوناغا منی
🍂🍁 @paeizanam 🍁🍂
"من سنی"
یازیمی گؤروبسن، قێشێمێ گؤرمه
گؤزلریمله اۆشۆدَرم من سنی
گۆلتک اسمهیینه اۆرهییم دؤزمز
نفسیمله ایسیدَرم من سنی
گیرمه بو دریایا گمین باتاجاق
غملریم ایچینده غمین باتاجاق
پیچیلدا آدیمی، سسین چاتاجاق
اۆرهییمله ائشیدرم من سنی
دردین نئچه اۆزۆ وارسا، بیلیرم
کدریمین آجیغینا گۆلۆرم
ائله بیلمه من دردیندن اؤلۆرم
مین بیر درده توش ائدرم من سنی
دوْستا اوْجاق، دۆشمنیمه آیازام
سؤزوم بیتمز، هه سؤیلهیم، ها یازام
من ائله بیر قاسێرغالی پاییزام
باهارینی قێش ائدرم من سنین
✍#نصرت_کسمنلی
🍂🍁 @paeizanam 🍁🍂
paeizanam
آتا- بابا سؤزلری
1- آج توْيوق يوخيسندا دارێ گؤرر
2- دالدان آتێلان داش توْپوقدان دَيَـر
3- اؤركن نه قدر اۇزون اوْلسادا، دوْغاناقدان كئچر
4- ايت هۆرر كاروان كئچر
5- ال الی يووار، الده اۆزۆ
6- دۆز يولون يئریيه بيلمير، شُخملێقدا شێلتاق آتێر
7- قاشێنێ قايێران دگيلدی ووردو گؤزۆنۆ چيخاردێ
8- بيچاق دستهسينی كسمز
9- ايلان هر يئرده ايری گئتسه، اؤز يوواسينا دۆز گئدر
10- كِچل باخار گۆزگۆیه، آدێنێ قويار اؤزگیيه
11- دَوه اوْيناياندا، قار ياغار
12- پيشيگين آغزێ اَته چاتماز دئير مێنداردێ
13- بير ساعتدی تنبكی يانير، الان دئیير نه توستوسودو!
14- باغدا اريک واريدی، سلام عليک واريدی، باغدان اريک قوتاردی، سلام عليک قوتاردی
15- گلين اوْينايا بيلمزرؤ، دئير اتاق ايريدی
16- گلين اوْجاغا گلر
17- قوْناق قوناغێ ايستهمز، ائو ييیهسی هر اكيسينی
18- تزه يوْنجا ائششگه باش آغرێسێ گتيرر
19- سۆرۆدن قالان، قوْتور اووْلار
20- ائل گۆجۆ، سئل گۆجۆ
21- درمانچێ آجێندان اۆلير، كۆوَزه (درمانچینين سهمی) گؤتۆرمۆر
22- خياطين اگر اينهسینن ساپێ ایتمهسهیدی، گۆنده اوْن دست كت شلوار تيكردی
23- كچلين آدينێ قوياللار زلفعلی، كوْرين آدينێ قوياللار نورعلی
24- كوْر توتدێغێنێ بوراخماز
25- اوجوزلۇ اَتين شورباسی اولماز
26- الله ايكی يۇمرۇغۇ بير باشا وورماز
27- بوندان فاطیيا تۆمان اولماز
28- سو آخيب يوْلون تاپار
29- قازان فرلانێب، قاپاغێن تاپار
30- قازان، قازانا ديير ديبين قارادێ
🍂🍁 @paeizanam 🍁🍂