سئوينمهدين
آغلادين آغلاديم گولدون سئوينديم
منيم سئوينجيمه سن سئوينمهدين
گؤرهنده گؤزومده گولوش گول آچيب
چؤیسودو باشينا چن،سئوينمهدين
اونوتدون سن مني گوٍن آيني ياندا
بختينين بولاغي گؤر قاينيياندا
توْيومدا قوْل آچيب ائل اوْينوياندا
آلداتدي باشيني دن،سئوينمهدين
بير اوْدسیز،آلوْوسیز اوْجاغا دؤندون
يايين اوْرتاسيندا سازاغا دؤندون
دوْغما"عَدالت"له اوزاغا دؤندون
اوْلدون اؤزگهلرله تن،سئوينمهدين
عدالت دومان
🍂🍁 @paeizanam 🍁🍂
paeizanam
آیاق دا باسمارام سن اولان یئره
سن اولمایان یئره یول تاپا بیلسهم!
قووارام ائویمدن خیاللارینی
آردینجا دوشمهیه چؤل تاپا بیلسهم!
سنین ده کیمهسه میننتین اولماز
منی ده یاندیران حسرتین اولماز
بلکه ده اونوتماق چوخ چتین اولماز
اگر اورهییمله دیل تاپا بیلسهم!
چکدیییم بسیمدی، آز دئیهرم می؟
«ائلشن»ه تاب گتیر، دؤز دئیهرم می؟
سنه گولدن آغیر سؤز دئیهرم می؟
سنه سؤزدن آغیر گول تاپا بیلسهم!..
#ائلشن_عظیم
🍂🍁 @paeizanam 🍁🍂
خوشوم گلیر
آللاهدان دیر بنده دن دیر؟!
سن دن یامان خوشوم گلیر
بیلمیرم حِکمت نه دن دیر؟
سن دن یامان خوشوم گلیر
ائل طایفام دان آیریلمیشام
آغاج تکین یاریلمیشام
جامالینا وورولموشام
سن دن یامان خوشوم گلیر
عشقین سازین هئی چالاسان
کونلومی اَله آلاسان
یاشیل باشلی بیر سوناسان
سن دن یامان خوشوم گلیر
افسانه* یم ساچیم دن-دن
کیمسه آییرانماز من دن
اؤلسم ده آیریلمام سن دن
سن دن یامان خوشوم گلیر
یونس قارا خانلی
🍂🍁 @paeizanam 🍁🍂
دوشمانی دا قاردا
کؤورک کونول هاردا گؤردوم آغلادیم
دوشمانی دا قاردا گؤردوم آغلادیم
یاردیم اولون آتا-بابا ائلینه
اَرنلری داردا گؤردوم آغلادیم
خزان واختی گول سولاندا داریخدیم
قارا تئله،دن دوشنده داریخدیم
دن دوشمه سین ساچلارینا تئلینه
کؤورک قلبه غم دولاندا داریخدیم
سارالاری سئلده گؤروب کؤوره لیب
آیریلیقی ائلده گؤروب کؤوره لیب
دوران دوشدی آلچاقلارین الینه
دوستو زهر دیلده گؤروب کؤوره لیب
حسرت یاشی گؤزدن آخما آمان دی
"بوزقوش"بئی یه قارا یاخما آمان دی
کؤنول اویما روزگارین فئلینه
هئچ بیر کسه اَیری باخما آمان دی
جابر لطفی بوزقوش
🍂🍁 @paeizanam 🍁🍂
زامان کِئچیر . . .
خاطیرهلَر یوخ اولور . . .
دویغولار دَییشیر . . .
وآداملار گئدیر . . .
آما اۆرهک هِئچ واخت اونوتمور...
🚶♀🚶♀🚶♀
🍂🍁@paeizanam🍂🍁
اورح داریخاندا
مهم دئیر قئز اولاسان یا اوغلان
وارلے اولاسان یا یوخسول
اورح داریخاندا گوزلرے دومان بوریئیر
دامجے دامجے یاش ایمہ ڪ لئیر
یاناخلارین سولموش باغچاسینا سو چیلہ ئیر
👌🔥💔
🍂🍁@paeizanam🍂🍁
سئونده آدام اول اؤلومونه سئو
اورهیی سیندیریب دا،سؤکمه یه نه وار؟!
کؤنول آل-وئریشی اولوب اوچ گونلوک
آلدادیب چؤللره تؤکمه یه نه وار؟!
دئمه دونیا بوشدور یاشام هدَردی
اینان یاشادیغین قضا قدَردی
یازدیغی هر دن خوش،هر دن کدردی
بئزیب درد الیندن،چؤکمه یه نه وار؟!
اله ییم الَندی بو عؤمور کئچ دی
سنی آلین یازیم بو عؤمره سئچ دی
سنسیز بیلیر"سئودا"بو عؤمور هئچ دی
بئلی یوخسوزلوغا بوکمه یه نه وار؟!
سئودا زیادپور
🍂🍁 @paeizanam 🍁🍂
اوخویور : #آلماز_خانیم
من عاشیق گؤزلرینه باخیم گؤزلرینه
اؤزوم اؤزونه قوربان، گؤزوم گؤزلرینه
چوخ گوووزل بیر ایفا 👌👍
🍂🍁 @paeizanam 🍁🍂
باخار کور
گؤزسوز یارانسایدی ازل دن بشر
گؤره سن بو دونیا نه آدلاناردی؟!
بو گون گؤردوکلرین دانان کیمسه لر
اوندا حیاتلارین نئجه آناردی؟!
اینساندان باشقاسا بوتون وارلیغین
بیزیم کائینات دا وُجود تاپماغی
یارانیب دونیادا اینسانلار یقین
سئچیب آییرماغا قارا ایله آغی
وظیفه گتیرر اینسانا باخماق
گؤرمک گؤرونمه گه باخماق سبب دیر
او باخار کورلارا دونیادا آنجاق
گؤزلولر دئمک ده ناشی بیر دَب دیر
اکبر برزگر-سَروَر موغانلی
🍂🍁 @paeizanam 🍁🍂
✋ ســـــــلاملار ،سایقیلار
🌸 صـاباحیز خئیـــرلی
💚 اورگیز " آرام"
😊 اوزوز "گولشلی"
👀 گؤزلریز "آیدین"
😋 آغزیز "شیرین"
🌞گونوز آیدین اولسون عزیز دوستلار❤️
🍂🍁 @paeizanam 🍁🍂
مندن کئچدین کورپو سایاق
هئچ دئمه دین اوزدن ایراق
من ده سنسیز ناحاق-ناحاق
نه لر قالدی،نه لر قالدی؟!
مهناز صابونی-آیتای
🍂🍁 @paeizanam 🍁🍂
paeizanam
یئردن گؤیه داش اوچور
گؤیدن یئره قوش یاغیر
یئنه آللاه آغلاییر
دئییرلر یاغیش یاغیر
بولاقلار گؤز یاشیندی
بولودلار آهین آللاه!
نه آدامسیز قالیبسان
ندیر گوناهین آللاه!
سئوگی آیاقلار آلتدا
نیفرت آت بئلیندهدی
سنین الیندن چیخیب
دونیا ایت الیندهدی
هارداسا یئنه بیر قوش
بیر چیچک گوللهلنیر
بیر آج اوشاق جان وئریر
بیر آج گلین دیلهنیر
بو دونیا پاکا چیخمیر
هئی یاغیش یاغا_یاغا
قینامیرام آی آللاه
حاققین وار آغلاماغا
اوتورموشام ایلاهی
باخیرام فاغیر_فاغیر
هله اووونماییبسان
هلهده یاغیش یاغیر…
#نادر_الهی
🍂🍁 @paeizanam 🍁🍂
عشقیندن گوج آلیب بو ایلهامیم دا،
دویغولار قلبیمده سئللره دؤنور.
ائللرین وئردیگی آرزو-کامیم دا،
یئنیدن باش آلیب ائللره دؤنور.
نه بؤیوک بیر قودرت وارمیش صنعتده!
عؤمورلوک باغلیدیر سؤز ده، صؤحبت ده.
چکیلن عذاب دا، ایش ده، زحمت ده،
چیچکلره دؤنور، گوللره دؤنور.
فیکیرلر ایچینده فیکریم وار دئیه،
توتورام تورپاقدان، قالخیرام گؤیه.
خیالیم اوچدوقجا هئی گلهجهیه،
گاه دا اؤتوب کئچن ایللره دؤنور.
#احمد_جاواد
🍂🍁@paeizanam🍂🍁
اوچ حالت دع هامیا مهم اولا بیلرسن:
1.گوزل اولاسان
2.پولدار یا مشهور ادام اولاسان
3. اولسن..✌️
🍂🍁@paeizanam🍂🍁
بولود یانماغیمی بیلسهیدی؛ منه
یاغیش گتیرردی، قار گتیرردی
سؤیود باغلانسایدی من قدر سنه؛
مین دفعه گول آچیب بار گتیرردی...
#یعقوب_نیکزاد
🍂🍁 @paeizanam 🍁🍂
سون باخیشین
او گئجه،
تاخیلیب قالدی گؤزلرین منیم گؤزلریم ده
و منی من دن ائله دی او سون باخیشین…
او گئجه،
ساچ تئللریم ایلیشدی بارماقلارینین باخیشلارینا
و اَسَن سئوگی روزگاریندا دالغالانیب، یولجولوغا چیخدیلار…
او گئجه،
منی مندن ائله دی منه باخان گؤزلرین
و حسرت گَمیسینین یولجولارینی بیر-بیر ائندیریب،یولا سالدیم
بیر من یولجویدوم اورادا
بیرده سنین چرچیوه آرخاسیندان باخدیغیم او سون باخیشین…
او گئجه،
من ده چرچیوه یه قویولدوم،
بلکه سنه بیر ماسا اوستونده ده اولسا
بیراز داها یاخین اولاییم دئیه
مارال تبریزلی
🍂🍁 @paeizanam 🍁🍂
قاراسین
سئویرم گؤزلریوین زیل قاراسین
کؤنلومه ویرما گَل هیجران یاراسین
بیلیسن آیریلیغا یوخدی تابیم
گَل اؤزون ائیله بو موشکول چاراسین
دؤزه بیلمیر اوره گیم آیریلیغا
راضییام قلبیمی عشقین دالاسین
آیی شرمنده ائله گؤستر اوزون
اوزونو قوی سن ایله بیر آراسین
سن گؤزللیکده گؤزل دهرده یوخ
سوله ییم حوسنیوین هانسین هاراسین
گؤز اونوندن ایته سن ایسته مه رم
قالاسان من چکم،عشقون بالاسین
ناعلاج ائتمه چکم حسرتیوی
بو ایشین یاخشی بیلیرسن سوراسین
نه دئسن ائیله نیگار فکر ایله ائت
قویما یار عشقیمی اغیار قیناسین
عرش ده اولدوزی باتدی چوبانین
چون فلک آلدی الیندن ساراسین
عباس دهقانی
🍂🍁 @paeizanam 🍁🍂
🌤️☁️⛈️🌧️🌨️
گینه سحر آچیب گؤزون
بیزه دئییر سؤزون دوزون
گوله_گوله باخان گؤرر
بو دونیانین گولر اوزون
آیدین🌱
🍂🍁 @paeizanam 🍁🍂
((گتمـه جاوانلیق))
نه دالیبسـان قـؤجالیـقین فیکـرینه
آمانـدیر اَل ساخـلا گتمـه جاوانلیق
تـامـــارزیـام هَــــلَه سنیـن دادینـــا
آمانـدیر اَل ساخـلا گتمـه جاوانلیق
*
سَنیـلَن گـونلــریم، قـارا سؤووشدو
تاپمادیم دردیمــه، چارا،سؤووشدو
لَــذذَتین کـونلومده پارا سؤووشدو
آمانـدیر اَل ساخـلا گتمـه جاوانلیق
*
بیلمه دن آز عؤمروم یاریدان آشدی
یـازیمــی خــزانـلی پـاییــزا قوْشدو
نیگَران گؤزوموز قؤرخودان یاشدی
آمانـدیر اَل ساخـلا گتمـه جاوانلیق
*
قوْیمـا حسـرتینده قالیم مـن، لهَ لَه
عشقینیــن دادینـــی بیلمیـــرَم هَله
سانیرام بو فورصت گَلمـــز دای اَله
آمانـدیر اَل ساخـلا گتمـه جاوانلیق
*
تـانیــــتا بیلمــه دیـم اؤزومـو سنه
هـر زامـان باغــلادیم گؤزومـو سنه
آیــدیـن دیَنمــه دیم سؤزومـو سنه
آمانـدیر اَل ساخـلا گتمـه جاوانلیق
*
چیچکـلی یازینــدا گـؤزلـریم قالیب
صــَدفلی سازینــدا سؤزلـریم قالیب
بولبــول، آوازینــدا ایــزلـریم قالیب
آمانـدیـر اَل ساخـلا گتمـه جاوانلیق
*
یئنیــدن تَــزه له کِچمیش چاغلاری
چیچیکله بَزندیر سوْلموش باغلاری
کوْنلوم ایستیر'گَزَم یاشیل داغلاری
آمانـدیر اَل ساخـلا گتمـه جاوانلیق
یوْلومو گؤزله ییر«آمانسـیز» داغی
گِــدَم زیـروه سینـده اوْلام قوناقی
بـوْرونَـم دومــانـا هـر سحـر چاغی
آمانـدیر اَل ساخـلا گتمـه جاوانلیق.
✍آمانســیز،، حســین شاهـــمرادی
🚶♀🚶♀🥺🥺
🍂🍁@paeizanam🍂🍁
بیر سویوق گئجه ده قار اوستونده قار
گلمه میش گئدیردین، گئتمه نه اولار؟
لامپالار دالینجا گؤز ووروردولار
بیر یاغسیز چیراغیم کوسولو گئتدی
#رامیز_روشن
🍂🍁 @paeizanam 🍁🍂
#دئدی
داش منه دور دئدی داش تک دایاندیم،
چای منه گل دئدی چایا قوشولدوم.
گوندوزو گونشین اودونا یاندیم،
گئجهنی اولدوزا، آیا قوشولدوم.
هرهنین بیر تَهَر اورهیین آلدیم،
اؤز قارا باغریما داش آسیلارکن!
خلقین بیر دردینین قئیدینه قالدیم،
اؤزومون گیزلیجه مین دردیم وارکن!
بئله گؤیلون گؤردوم بوتون دونیانین،
بو احساس، بو غیرت، بو دؤزومله من.
آنجاق بیر عؤمرومون تکجه بیر آنین،
کئچینه بیلمهدیم اؤز- اؤزومله من!
استاد نادر الهی
🍂🍁 @paeizanam 🍁🍂
مظلومو قول ائدن ظالیمی سولطان
بو فانی دونیادا وار ایمیش دئمه؟!
قانمایان نه بیلیر حقیقت نه دیر؟
ایگیدی قوجالدان عار ایمیش دئمه؟!
میلچک لئش آختارار،آری شان گزر
حارام دان تؤره ین یولو یان گزر
عالیم صولح یارادار،دلی قان گزر
قانانا بو دونیا دار ایمیش دئمه؟!
فلک حسرت قویور یاغا یارمانی
جلّاد زهَر وئرر،حکیم درمانی
چوغول آرا قاتار تاپسا ایمکانی
گؤزوکور قولاغی کار ایمیش دئمه؟!
چیچک عطیر ساچار،تیکان ال دالار
بولبولون قدرینی بیلمز قارغالار
"موغان اوغلو"ائل دن اولوب بختییار
یارادانی اونا یار ایمیش دئمه؟!
بختیار علی مرادی
🍂🍁 @paeizanam 🍁🍂
گون گئچیر باشیمیز آغاریر بیزیم
گونشه چاتماغا یوللار اوزانیر
نه بایرام گؤروشه گتیریر سنی
نه منی گؤرمه گه اوره یین یانیر
قوجالدیق دونیانین دؤرد بوجاغیندا
سن اوردا،من بوردا یانیب کول اولدوق
آغریدان داغیلان شعر اوجاغیندا
باهارلی،پاییزلی سارالدیق سولدوق
کؤکسوموز تورپاقلی درد ایله دولدو
یاریلدی یارامیز داغ سینه سینده
وطنلی شعریمیز ساچینی یولدو
یازیلدی یازیمیز گولله سسینده
بو یولدا دلیجه گولدولر بیزه
بلکه ده دلیییک ائل دلیسیییک
یاغیشین آلتیندا چؤکولدوک دیزه
سونبول دلیسیییک،گول دلیسیییک
یولوموز گونشه بویلودور اینان
بو یولدا قانیمیز تؤکولسون گرک
بولودلار آجیییب آغلاشان زامان
گئجه نین سینه سی سؤکولسون گرک
سحر گونش ایله قوجاقلاشاریق
دردی درده قاتیب سوووشا بیلسک
قارا دنیز کیمی جوشوب داشاریق
ال-اله ساحیلده قوووشا بیلسک
فیض الله بختیاری-دومان مییانالی
🍂🍁 @paeizanam 🍁🍂
بو سوْیوق هاوادا
ایستی بیر کؤنول
و شن بیر اۆرک
آرزو ائدیرم سیزلره
هر چاغینیز خئییرلی دوْستلار❤️
🍂🍁 @paeizanam 🍁🍂
paeizanam
گلدین گیزلین دویغو تک...
قان دالیر قلبیمده، غمدن چاتلامیش مینا کیمین
اولما سن ده بیوفا چیخماقداسان دنیا کیمین؟
گلدین عنوانسیز محبّتلرده گیزلین دویغو تک،
قلبیمه قانتک یاییلدین، شعریمه معنا کیمین
ایسته رم دریا دؤشوندن بیر بولاقتک آیریلام،
اۆز قویام یانغین قالان تورپاقلارا رؤیا کیمین
سوردولار: علّت نهدیر تورپاق مکان اوْلدون؟ دئدیم:
سینهلرده گلمیشم ایز قویماغا سئودا کیمین...
#حمیده_رییسزاده
🍂🍁 @paeizanam 🍁🍂
paeizanam
بیر باخ ...
کؤنول ايستر قيش اليندن ياز آلا
قضانين قوردوغو تلهيه بیر باخ
كيم قييار كی عؤمرو بير گوۆن قیسسالا
ائتدييميز هدهر ديلهيه بير باخ
آغاج بوداغيندان دوشنده يارپاق
یاستیغی داش اوْلار یورغانی تورپاق
یوْل آلار مزارا گئتمه لی قوناق
بيزی یوْلا سالان فلهیه بیر باخ
(شمشیر)کیمدیر واختی گلیب کؤچمه ین؟
آیریلیغین شربتینی ایچمه ین
بو دۆنیانین خلبیریندن کئچمه ین
گردیشین الینده الهیه بیر باخ...
دده_شمشیر
🍂🍁 @paeizanam 🍁🍂
سنه گلدیم، ایچیم اومیدلرله دولو.
منی سرخوش ائتمه، استانبول، نه اولور!
بیر گون من ده ارییهرم جادّهلرینده،
چورویَر سوموکلریم، آدیم اونودولار.
یئنه سن قالارسان،
دیپدیری، سیمسیجاق.
گؤیون، بولودلارین، دنیزلرین قالار.
اویناما استانبول، منیمله اویناما!
بیر گون اؤلدورَر منی بو درد، بو قهَر.
ازیلمیش اللریمین آراسیندا باشیم،
بو یئر اوزونده باشقا چارهم قالمامیش.
ایشده گلیب قاپیلارینا دایانمیشام،
قارشیندا ییخیلمیش دووار کیمییم.
منی سرخوش ائتمه، باشیم دؤنور!
اوستومه گلمه استانبول! کدرلییم.
#اومید_یاشار_اوغوزجان
🍂🍁@paeizanam🍂🍁