475
🍂🍁اشعار ناب و گلچین شده&موزیک🍁🍂 و🍁🍂صبا پاییزان دکلمه لری 🎤
paeizanam
صبا پاییزان 🎤
سن گلدین عؤمرومه دومان-چن کیمی،
یاشارسان ساچیما دوشن دن کیمی.
باری بوندان بئله یاشا من کیمی،
قوخلاییب آتدیغین گوله قاییتما!...
🍂🍁 @paeizanam 🍁🍂
کاش بو قیش گئجه سی دؤیوب قاپیمی
داریخدیم دئیه سن، داریخدیم سنسیز
کاش گلیب گؤره سن، ائله منیم ده
کئچمه‌ییب بیر گۆنۆم کدرسیز، غم سیز ...
🍂🍁 @paeizanam 🍁🍂
paeizanam
بیز دونیادان گئدر اوْلدوق
قالانلارا سلام اوْلسون
بیزین اوچون خئیر دوعا
قیلانلارا سلام اوْلسون
اجل بوکه بئلیمیزی
سؤیلتمه یه دیلیمیزی
خسته ایکن حالیمیزی
سورانلارا سلام اولسون
تنیم اؤرتایا آچیلا
یاخاسیز کؤملک بیچیله
بیزی بیر آسان وجه ایله
یویانلارا سلام اوْلسون
سال وئریلن قصدیمیزه
گئدر اولدوق دوستوموزا
ناماز اوچون دوستوموزا
دورانلارا سلام اوْلسون
درویش یونس سؤیلر سؤزو
دوْلموشدور ایکی گؤزو
بیلمه ینلر نه بیلسین بیزی
بیلنلره سلام اوْلسون ...
یونس امره
🍂🍁 @paeizanam 🍁🍂
اوره‌گین دنیزدیر من کی بیلیرم
نه دن بَس ایچینه سیغیماز اوْلدوم؟
دئمه کی بویوکدوم-بویوکدوم سن دن
بیلمیرم بلکه ده سنه آز اوْلدوم...
سحر خیاولی
🍂🍁 @paeizanam 🍁🍂
قوشلاریمی بوراخدیم،
چونکی آنلادیم:
الدن وئرمه‌مه‌یین تک یولو،
صاحیب اولماماق‌دیر...
#گروس_عبدالملکیان
🍂🍁@paeizanam🍂🍁
- دنیز اولماق ایسته‌ییرم، آی آنا!
اؤز سینه‌می گؤیلر اوچون آچارام.
+ یوخ، آی بالا، آنان قوربان بویونا!
دنیز اولسان نئجه سنی قوجارام؟
- ذیروه اولماق ایسته‌ییرم، آی آنا!
اوجالاردا هر آن سنی آرارام.
+ یوخ آی بالا، آنان قوربان بویونا!
نئجه اوندا ساچلارینی دارارام؟
- نغمه اولماق ایسته‌ییرم، آی آنا،
من سسله‌نیم، باتما درده-غمه سن!
+ اول آی بالا، آنان قوربان بویونا!
سن اونسوز دا منه سونسوز نغمه‌سن.
- گونش اولماق ایسته‌ییرم، آی آنا!
ایشیق آلسین مندن تورپاق، آسیمان.
+ یوخ آی بالا، آنان قوربان بویونا!
گونش اولسان سن اؤزون ده یانارسان.
- بولاق اولماق ایسته‌ییرم، آی آنا!
داغدان آخیم باغچایا من، باغا من.
+ ائه، آی بالا، آنان قوربان بویونا!
اؤزون داغسان، سیغارسان‌می داغا سن؟!...
#نبی_خزری
🍂🍁@paeizanam🍂🍁
انتظار چکماخ چتین دی
اونوتماخ دا چتین دی
آما لاپ چتینی بودو کی
بیلمییه سن
گره ک انتظار چکه سن
یا کی اونوداسان
😔😭
تاتلی لار سیزه🌙
🍂🍁@paeizanan🍁🍂
غضب، کوبودلوق و آشاغیلاما اولان
یئرده سئوگی بیتمز،
اوْلان گۆل‌لرده سوْلار...
رؤوشن عبدالله‌اوغلو
کوْبود :
درشت،خشن
تربیت‌سیز،نزاکت‌سیز‌لیک
🍂🍁 @paeizanam 🍁🍂
🥀کدر آغلاتدی منی نتر آغلاتدی منی
🍂گجه گولدوردو منی سحر آغلاتدی منی
🍂🍁@paeizanam🍂🍁
دیر یاشیمی سوروشما،قلبیمی سوروش😔🚶♀️🚶♀️🚶♀️
🍂🍁@paeizanam🍂🍁
بوردا اولموش"بیز" ه کیم آغلایاجاق؟
بو یازیق دیل سیزه کیم آغلایاجاق
یاس دونوندا بوغولوب پنجره میز
بو قارا گوندوزه کیم آغلایاجاق ؟
و غزللیق سازین آت سئودیجه ییم
گل گوره ک اوز-اوزه کیم آغلایاجاق؟
آه ... بو یوللاردا یاشیللیق بوزاریر
آه ... دیدیلمیش ایزه کیم آغلایاجاق؟
بیز ایپک نازلی دیلین دوستاغی ییق
تورمه لنمیش سوزه کیم آغلایاجاق؟
قارا بایرام دا دی هر گون " قاراباغ "
قارغالان " تبریزه " کیم آغلایاجاق ؟
بیر گولوش تاپمادی قورسون یوواسین
بو یئییلمیش گوزه کیم آغلایاجاق ؟
قالا لار کور دومانا چولقالانیب
ده ده سیز اولکه زه کیم آغلایاجاق؟
یئددی ایللیق دالی قالدیق دلی سوو
گوره سن بس "سیز"ه کیم آغلایاجاق؟
#یعقوب_نیکزاد
🍂🍁@paeizanam🍂🍁
بیر اسکی عجم شاعیری دئییر:
«اؤلوم عادیل‌دیر؛
عئینی عدالت‌له وورور شاهی، فاغیری»...
بیلیرم،
اؤلومون عادیل اولماسی اوچون،حیاتین عادیل اولماسی لازیمدیر...
#ناظیم_حکمت
🍂🍁@paeizanam🍂🍁
سندن اولان پاییم،
منی
گوندوزلر دلی،
گئجه‌لر شاعیر ائدن،
سونسوز بیر داریخمادیر...
🍂🍁@paeizanam🍂🍁
قار یاغیر...
سینه‌مده اوشویور دیدرگین آهلار،
گؤزومده یول چکیر چیلپاق یولاقلار.
اومودوم سوناسی گؤلسوز قالیبدیر،
گؤزومده قورویوب قانلی بولاقلار.
قار یاغیر...
ایچیمده بیر اوشاق آیاق یالیندی،
هووخورور اللرین، قاچیر ساغ-سولا.
نه گئدیش یئری وار، نه قاییت یولو،
اومودو باغلانیب باغلانان یولا.
جانین سویوق آلیب، نفسی دونوب،
گؤزوندن جالانان یاشلار بوزلاییر.
بیلمیرم بو یولا نییه قوْل قویوب،
کیمین گلیشینی بئله گؤزله‌‌ییر؟!
قار یاغیر... من سنسیز وئیلان اوشاقلا،
ایللردی یوللارین قیشین دؤزموشم.
گَل باهار گولوشلوم، آی یاز نفسلیم!
سن گلن یوللارا چیچک دوزموشم.
گَـل گونش‌تک اریت دونیامین قارین،
قوْی عشقین سینه‌مده جوْولان ائیله‌سین!
گَل بو سئوگی آدلی منده‌کی اوشاق،
ایللرین دردینه درمان ائیله‌سین!...
#ائلمان_گلمحمدی
🍂🍁@paeizanam🍂🍁
سئودیگیمیز اینسانین سوکوتو،
سس‌سیز بیر جینایت‌دیر...
#طاهر
🍂🍁@paeizanam🍂🍁
paeizanam
ایندی کی گئدیرسن سون باهار کیمی،
قاییتما گئری‌یه دورنالار کیمی!
یاشا ذیروه‌لرده، یاشا قار کیمی،
چئوریلیب یاغیشا، سئله، قاییتما!
ایللریم ناحاقدان اؤتدو سنینله،
دئمیرم عؤمور-گون بیتدی سنینله،
گئتدین، نغمه‌لریم گئتدی سنینله،
ایندی غملی اؤتن تئله قاییتما!
سن گلدین عؤمرومه دومان-چن کیمی،
یاشارسان ساچیما دوشن دن کیمی.
باری بوندان بئله یاشا من کیمی،
قوخلاییب آتدیغین گوله قاییتما!...
نوصرت کسمنلی
🍂🍁 @paeizanam 🍁🍂
paeizanam
دئدی منی سئودیگینی،
سؤیله دۆنیا بیلسین
یاواشجا قولاغینا سؤیله دیم :
سئویرم سنی..
کۆسوب گئتدی
سانکی بیلمه‌دی اؤزۆ دۆنیامدی منیم...
فرزین نقی‌یان
🍂🍁 @paeizanam 🍁🍂
paeizanam
یول-یول اولموش یارالاردان بولودا بویلاندیق،
چارا گزمکده، باتیب دردی دریندن قاندیق،
بیر گئجه اورمولو حسرت‌له آلیشدیق یاندیق.
نه بیله‌یدیک بولودون دردی یانان داغلاردی؟
دنیزین گؤزلری دولسایدی، اؤزون آغلاردی.
ساحیلین ساغ یاراسیندان بو زاوال باشلاندی،
دالغا-دالغا گونشین ساچلاری قارغیشلاندی،
گؤی سوسوب یئل قاناد آچدیقجا، یاشیللیق یاندی.
دؤنه بیلسه‌یدی یاغیش، آغ یاراسین باغلاردی،
دنیزین گؤزلری دولسایدی، اؤزون آغلاردی.
بیر دنیز دردیمیزه دوز قالانیر، آی قارداش!
یارامیزدان آجی حسرت جالانیر، آی قارداش!
بیر ائلین آرزیسی کؤکدن تالانیر، آی قارداش!
شاهیدیم اللری قوینوندا قالان باغلاردی،
دنیزین گؤزلری دولسایدی، اؤزون آغلاردی.
باخ! سهندین یاراسیندان آجی غوربت قالخیر،
بو شورانلیق گئجه‌لردن گؤیه نیفرت قالخیر،
تورپاغین داغلی دؤشوندن دئمه غیرت قالخیر.
آییق اول! دورنا سفردن قاییدان چاغلاردی،
دنیزین گؤزلری دولسایدی، اؤزون آغلاردی.
بیلیرم یوللاری غوربت بورویوب چوخداندیر،
بو ائلی یاتماغا عادت بورویوب چوخداندیر،
دنیزی کؤهنه خیانت بورویوب چوخداندیر،
یوخسا ایللر بویو کؤکسونده بولود چاغلاردی.
دنیزین گؤزلری دولسایدی، اؤزون آغلاردی...
دومان بختیاری
🍂🍁 @paeizanam 🍁🍂
ائی قیسمت گونشی، روزومو بئله-
دویوملوق ائله‌مه، دادیملیق ائله!
دویماز اوره‌ییمی، دویماز مین ایله،
ثروت تامارزیسی، وار تامارزیسی.
گؤزلر گؤرموشم کی زیللنیب گؤیه،
قیسمت دئیه-دئیه، بخت دئیه-دئیه.
یوز گؤزل وورولوب بیر ثروت‌لی‌یه،
یوز ایگید قالیبدیر یار تامارزیسی.
ائی قیسمت گونشی، ائشیت منی سن،
گولدورمه کیمسه‌یه بیر دوشمنی سن!
ائله‌مه بیر ائلی، بیر مسکنی سن-
ناموس تامارزیسی، عار تامارزیسی....
#شاهمار_اکبرزاده
🍂🍁@paeizanam🍂🍁
دلی شیطان دئییر، قاناد آچ صاباح،
باش گؤتوروب بو شهردن قاچ صاباح،
بنؤوشه‌نی قوجان کولو قوج صاباح!
نیسگیل‌لریم جوشان چاغدیر بو چاغلار.
دوغما یوردا سورَم گرک کؤچومو،
یووشان‌لارا داراتدیرام ساچیمی.
دلی حسرت یاواش-یاواش ایچیمی-
ائشیم-ائشیم ائشن چاغدیر بو چاغلار.
تک چینارا سؤیکه‌مه‌سم اوزومو،
شاخ-شوَله* قاناتماسام دیزیمی،
او تورپاغین حاقّی توتار گؤزومو.
گؤز یاشلاریم داشان چاغدیر بو چاغلار.
گرک دیلک دیله‌یم من سولارا،
غم-غوصّه‌می اله‌یم من سولارا،
دردلریمی ایته‌له‌یم سولارا.
درد باشیمدان آشان چاغدیر بو چاغلار.
آرزولاری گوللندیرن سئوگیلر،
دویغولاری سئللندیرن سئوگیلر،
یئری-گؤیو دیللندیرن سئوگیلر،
کؤنوللری دئشن چاغدیر بو چاغلار.
چیرتلاییبدیر سئونلرین چیچه‌یی،
ساییقلاییب ارگن‌لرین دیله‌یی.
توی گؤزله‌ین گؤزللرین اوره‌یی،
کاباب کیمی بیشن چاغدیر بو چاغلار.
درمه‌لی‌یم او داغلارین آهینی،
یالقیز قالان یایلاقلارین آهینی،
ایچمه‌لی‌یم بولاقلارین آهینی.
سینه‌مه اود دوشن چاغدیر بو چاغلار...
#شاهمار_اکبرزاده
🍂🍁@paeizanam🍂🍁
کیمسه کیمسه‌نین اوزونتوسونو، سئوینجینی آنلامیر. اینسان یالنیز باشقاسینی آنلادیغینی ظنّ ائدیر.
اونلار، ساده‌جه بیر-بیرینین یانیندان کئچیرلر؛ گئرچک بودور...
#فرانتس_شوبرت
🍂🍁@paeizanam🍂🍁
لب لعلین وصالیندان جدا اولماق منه دوشمز
بو ذوقی بیلمه ین صوفی، بو حالین قدرینی بیلمز
"نسیمی" صوفی دگیشمز غمیندن گئیدیگی شالی
کی اول صوفی صفاسیزدور بو شالین قدرینی بیلمز
🍂🍁 @paeizanam 🍁🍂
سلاملار🌺
بیر خئیرلی و شاد گون
تانرینین رحمتی و برکتیله
سعادت و موتلولوق سیزینله😍
گون آیدین سئوگیلی دوستلار
🍂🍁@paeizanam🍂🍁
بیری وارمیش،بیری یوخموش
بیری آجمیش،بیری توخموش
نه گؤی وارمیش نه یئر وارمیش
اما بیزیم دونیامیزدا،بئله بئله ایشلرواریمیش
ساپاندین وار،داشین اولماز
ایشتهان وار دیشین اولماز
🍂🍁@paeizanam🍂🍁
یوخدو بیــــــــــرکس سولیرم من دردیمی بو دنیادا
یالقیـــــــــــــزام من نینیوم دوس یوخدو سولیرم یادا
محرم اولماز بیر نفر دوس دان سورا دوس دردینه
یاد بیلــــــــــــــــــــــرم دردیمی افشا ائدر بو دنیادا
درد الینن بزمیشــــــــــم بیر چاره یوخدور دردیمه
هچ تاپولماز بیر نفر بو دنیادا مـــــــــــــــن سودادا
من سنین تک گورمه میشـم قاش کمان نازلی عذار
هچ تاپولماز بیر نفر بو دنیادا ســــــــــــــن رعنادا
گوزلرین بیــــــــر آهو گوزونه بنزیر اونان گوزل
گورمیشم گوز چوخلار امّا من نه هـــچ بو شهلادا
ساچلارین بیــر دسته سنبول تک اوزونن آسلانوپ
من بوجور ائدیم گمان قرص قمـــــــــر دور دبیادا
سینه وی فکر ایلدیم درده سپـــــــر دور سسله سم
قلبوی مــــــــــن بولمه زیدیم گیزلنیپ دور خارادا
مــن آیا اولدوزلارا اوتروپ جفانلان چوخ قه در
یازموشام ســـــــــــوز شعرگونه امّا نه بو شیوادا
تاتلی رویالار عزیزلر🌙
🍂🍁@paeizanam🍁🍂
آداملارین آراسیندا،
بو آدام یالقیز یاشاییر.
گوندوزلری اوغلان کیمی،
گئجه‌لری قیز یاشاییر.
یورغانینا ساریلمامیش،
دوداقلارین ماتیک‌له‌ییر.
یاستیغینی قوجاقلاییب،
یاتاغینی تپیک‌له‌ییر.
آچیق-ساچیق گئیینمه‌سی،
آتاسینین باغرین دلیر.
دوغما-دوغما دویغولاری،
آناسینا اؤگئی گلیر.
سحر گؤزونو آچمامیش،
گیزلیجه ائودن یوخ اولور.
آخی بیزیم کوچه‌میزده،
اونا سؤز آتان چوخ اولور.
آخشام قاییدارکن ائوه،
اؤزون اؤزوندن گیزله‌ییر.
کوچه‌میزین آداملاری،
اونون گلیشین ایزله‌ییر.
یالقیز آدام، باخیشلاری-
قانلا قاریشدیریب اودور.
او طبیعت قوربانی‌دیر،
نه گونش‌دیر، نه ده سودور...
#سئور_شهابى
🍂🍁@paeizanam🍂🍁
دئدی «یاشا بو دونیانی»
دئدیم « اؤتور دونیا چئت‌دی»
دئدی«دونیا بئله گئتمز»
دونیادا لاپ بئله گئتدی
#آیدین_باخیش
🍂🍁@paeizanam🍂🍁
بعضاً سوکوت لحظه‌لری، حیاتین ان گورولتولو دقیقه‌لری‌دیر؛ دئمک ایسته‌ییب دئیه بیلمه‌دیییمیر سؤزلرله دولو...
#دیوید_سلینجر
🍂🍁@paeizanam🍂🍁
گلمه‌سن اؤنملی دئییل، گلسه‌یدین اؤنملی اولاردی...
🍂🍁@paeizanam🍂🍁
خوشبخت ائتمه‌یه‌جکسن‌سه، مشغول دا ائتمه‌یه‌جکسن!...
#اؤزدمیر_آصاف
🍂🍁@paeizanam🍂🍁