Osiyo Xalqaro Universiteti

19 April 2025 07:19

#amaliy_seminar #videolavha

“Study in Uzbekistan” elektron axborot tizimi bo‘yicha amaliy seminari ishtirokchilarining Osiyo xalqaro universitetiga tashrifi va Buxoro shahrining tarixiy joylariga sayohati jarayonlaridan videolavha

Bizni kuzating

Osiyo Xalqaro Universiteti

18 April 2025 11:05

🎙 Buxoroda “Study in Uzbekistan”: 200 ga yaqin OTM vakillari ishtirokida amaliy seminar bo‘lib o‘tmoqda!

🧾 Bugun, 18-aprel kuni Buxoro shahridagi Wyndham Bukhara Hotel’da “Study in Uzbekistan” elektron axborot tizimi bo‘yicha amaliy seminar bo‘lib o‘tdi. Tadbir Oliy ta’lim, fan va innovatsiyalar vazirligi tashabbusi va Osiyo Xalqaro Universiteti hamkorligida tashkil etildi.

📌 Seminar yakunida, Osiyo Xalqaro Universitetiga tashrif hamda Buxoro bo‘ylab madaniy sayohat tashkil etiladi. Mazkur seminar xalqaro ta’limdagi raqobatbardoshlikni oshirish va tizimni raqamlashtirish yo‘lida muhim qadam bo‘ldi.

Osiyo Xalqaro Universiteti

18 April 2025 08:07

🎙 Seminarning 2-qismida Osiyo Xalqaro Universiteti rektori so‘zga chiqdi!

⚡️ U o‘z nutqida chet ellik talabalar va xalqaro valyutadagi investitsiyalarni oliy ta’lim muassasalariga yo‘naltirish borasidagi imkoniyatlar va muhim yondashuvlarga to‘xtalib o‘tdi! 🔥

Osiyo Xalqaro Universiteti

18 April 2025 07:01

📌 Kogon shahar tibbiyot birlashmasi va Osiyo Xalqaro Universiteti o‘rtasida hamkorlik memorandumi imzolandi!

🖥 Kogon shahar tibbiyot birlashmasi rahbariyati Osiyo Xalqaro Universitetiga tashrif buyurdi. Tashrif doirasida universitet rektori Dexkanov Suxrob Sobirovich bilan uchrashuv tashkil etilib, ta’lim hamda sog‘liqni saqlash sohalarida o‘zaro hamkorlik masalalari muhokama qilindi.

Uchrashuv yakunida tomonlar o‘rtasida hamkorlikni rasmiylashtiruvchi memorandum imzolandi. Mazkur hujjat ikki tashkilot o‘rtasidagi hamkorlikni yangi bosqichga olib chiqish va uni yanada mustahkamlashga xizmat qilishi bilan ahamiyatlidir.

Osiyo Xalqaro Universiteti

17 April 2025 07:00

🚊 "Buxoro-1" bekatidagi Temir yo‘l kasalxonasi va Osiyo Xalqaro Universiteti o‘rtasida hamkorlik memorandumi imzolandi!

⚡️ "Buxoro-1" bekatida joylashgan Temir yo‘l kasalxonasi rahbariyati — direktor Salomov Feruz Shoqirovich, bosh shifokor Rajabov Barot Qurbonovich va kadrlar bo‘yicha inspektor Shadiyeva Dilnoza Sa’dullayevna Osiyo Xalqaro Universitetiga rasmiy tashrif buyurdi.

🖥 Uchrashuv davomida universitet rektori Dexkanov Suxrob Sobirovich bilan ta’lim va sog‘liqni saqlash sohalarida hamkorlik masalalari muhokama qilindi. Xususan, talabalar uchun amaliy mashg‘ulotlarni tashkil etish, tibbiyot yo‘nalishidagi darslarning kasalxona bazasida o‘tkazilishi borasida taklif va fikrlar almashildi.

Uchrashuv yakunida Osiyo xalqaro universiteti va "Buxoro-1" bekatidagi Temir yo‘l kasalxonasi o‘rtasida rasmiy hamkorlik memorandumi imzolandi. Ushbu memorandum ikki tomonlama aloqalarning yangi bosqichiga zamin yaratadi.

Osiyo Xalqaro Universiteti

16 April 2025 09:19

💙 Hurmatli kanal obunachilari!

📊 Keling, bir kichik so‘rovnoma o‘tkazsak — sizni yaxshiroq tushunish va kanalni siz uchun yanada foydali qilish maqsadida!

Quyidagi savollarga javob bering — bu biz uchun muhim 🙌

Osiyo Xalqaro Universiteti

08 April 2025 12:30

🇹🇷 Osiyo Xalqaro Universiteti delegatsiyasi EUREI 2025 tashabbusi doirasida Turkiyaga uyushtirilgan xizmat safari davomida Aydin Universitetiga tashrif buyurdi!

📌 Mazkur tashrif doirasida tashkil etilgan campus tour davomida mehmonlar Aydin Universitetining zamonaviy infratuzilmasi, fakultetlari hamda ta’lim muhitining o‘ziga xos jihatlari bilan yaqindan tanishdilar. Universitet hududida yaratilgan innovatsion, ruhiy va intellektual muhit ishtirokchilarda katta taassurot qoldirdi.

Tashrif doirasida yaqinda imzolangan Anglashuv Memorandumi (MoU) va boshqa kelishuvlar asosida ikki oliy ta’lim muassasasi o‘rtasidagi hamkorlikni yanada chuqurlashtirish, ilmiy va akademik aloqalarni rivojlantirish uchun mustahkam asos yaratilayotgani ta’kidlandi.

🖥 Uchrashuvlar davomida yangi hamkorlik yo‘nalishlari muhokama qilinib, do‘stona va o‘zaro manfaatli aloqalarni kengaytirish uchun istiqbolli imkoniyatlar yaratildi.

🌐 www.oxu.uz

Telegram | Instagram Osiyo.Xalqaro.Universiteti.">| YouTube

Osiyo Xalqaro Universiteti

07 April 2025 17:31

🔈 Ilm-fan va ta’lim integratsiyasiga yo‘naltirilgan yangi hamkorlik!

📌 O‘zbekiston Respublikasi Prezidentining 2017-yil 20-apreldagi PQ–2909-sonli hamda 2017-yil 27-iyuldagi PQ–3151-sonli qarorlarida belgilangan vazifalar asosida Osiyo Xalqaro Universiteti va O‘zbekiston Respublikasi Fanlar Akademiyasi O‘zbek tili, adabiyoti va folklori instituti o‘rtasida hamkorlik memorandumi imzolandi.

🎯 Mazkur memorandum ta’lim, fan va ishlab chiqarish o‘rtasidagi aloqalarni kuchaytirishga xizmat qiladi. Unda qo‘shma uchrashuvlar va tadbirlar o‘tkazish, ilmiy-tadqiqot loyihalari va xalqaro grantlar bo‘yicha hamkorlik qilish belgilandi. Shuningdek, magistrantlar va doktorantlarning ilmiy ishlari bo‘yicha rahbarlik qilish, qo‘shma anjumanlar, simpoziumlar va ko‘rgazmalar tashkil etish ko‘zda tutilgan.

💡 Memorandum yosh olimlar, doktorantlar va izlanuvchilarning ilmiy faoliyatini qo‘llab-quvvatlashda muhim ahamiyat kasb etadi. U ikki tomonlama hamkorlikni yanada mustahkamlashga xizmat qiladi.

🌐 www.oxu.uz

Telegram | Instagram Osiyo.Xalqaro.Universiteti.">| YouTube

Osiyo Xalqaro Universiteti

07 April 2025 12:35

#retro

Stipendiya olgan talaba qizimizning rejalari qanday edi?

💸 Men Stipendiyamga:
- tush
- lak
- qalam
- shampun
- krem olmoqchi edim! Endi qarasam cho'chvarani xom sanagan ekanman!

Stipendiya olgan kunim eshigimni tagida kvartirani egasi turgan ekan! Stipendiyamni oldi-yu, ketdi! 😁

P/s: Stipendiya olib, maza qilib ishlata olmaydigan do'stlaringizga yuborib qo'ying 🚀

🌐 www.oxu.uz

Telegram | Instagram Osiyo.Xalqaro.Universiteti.">| YouTube

Osiyo Xalqaro Universiteti

07 April 2025 06:59

📝 “Alisher Navoiy ensiklopediyasi” taqdimoti!

💙 Osiyo Xalqaro Universitetida Pedagogika va Psixologiya kafedrasi hamda Yoshlar siyosati va ma’naviy-ma’rifiy ishlar bo‘limi hamkorligida buyuk alloma, o‘zbek mumtoz adabiyotining asoschisi Alisher Navoiyga bag‘ishlangan “Alisher Navoiy ensiklopediyasi”ning taqdimot marosimi bo‘lib o‘tdi.

🎙 Taqdimotda taniqli adabiyotshunos olimlar — O‘zbekiston Yozuvchilar Uyushmasi Buxoro viloyat bo‘limi rahbari Shodmon Sulaymonov, O‘zRFA O‘zbek tili, adabiyoti va folklori instituti direktori o‘rinbosari Maqsud Asadov, Qo‘qon davlat universiteti prorektori Zebo Qobilova, Urganch davlat universiteti professori, filologiya fanlari doktori Dilshod G‘oyipov, institutning yetuk ilmiy xodimlari — f.f.f.d. Zulayho Rahmonova va Shahnoza Rahmonova, shuningdek, Osiyo Xalqaro Universiteti professori Sh.N. Axmedova va dotsent M.Y. Ro‘ziyeva ishtirok etishdi.

Osiyo Xalqaro Universiteti

05 April 2025 09:10

💬 Ayni damda "Alisher Navoiy ensiklopediyasi"ning taqdimoti bo‘lib o‘tmoqda.

Jarayondan yorqin lahzalar bilan bo‘lishamiz 🔥

Osiyo Xalqaro Universiteti

04 April 2025 13:03

🎙 Ilmiy-amaliy seminar: “Qo‘shma travmaning sud-tibbiy jihatlari”!

🖥 2025-yil 2-aprel kuni Buxoro shahrida “Qo‘shma travmaning sud-tibbiy jihatlari” mavzusiga bag‘ishlangan ilmiy-amaliy seminar bo‘lib o‘tdi. Mazkur tadbirda sud-tibbiyot ekspertizasi sohasidagi dolzarb ilmiy va amaliy masalalar muhokama qilindi.


Seminarning asosiy yo‘nalishlari quyidagilarni qamrab oldi:
✅Sud-tibbiyot ekspertizasini rivojlantirish istiqbollari;
✅Ekspertlar faoliyatini baholashning reyting tizimi;
✅Sud-genetik tadqiqotlar amaliyoti;
✅Murakkab ekspertizalarni o‘tkazishdagi dolzarb muammolar va ularning yechimlari;
✅ Ichki a’zolar shikastlanishlarini sud-tibbiy baholash mezonlari

Osiyo Xalqaro Universiteti

03 April 2025 10:00

🎙 Chet el amaliyotiga saralangan talabalar bilan suhbatlar boshlandi!

💬 Osiyo Xalqaro Universiteti tomonidan tashkillashtirilgan chet el amaliyoti dasturi doirasida saralash imtihonlaridan muvaffaqiyatli o‘tgan talabalar bilan suhbat jarayonlari boshlandi. Unda ishtirokchilar o‘zlarini tanishtirib, xorijiy amaliyotdan ko‘zlangan maqsadlari va saralash imtihoni jarayonida orttirgan taassurotlari bilan o‘rtoqlashdilar.

💡 Mazkur jarayon hali yakuniga yetgani yo‘q — bu faqat Iqtisodiyot yo‘nalishi talabalari bilan boshlangan bosqich, navbatda esa Tibbiyot yo‘nalishida tahsil olayotgan talabalar turibdi.

Osiyo Xalqaro Universiteti

02 April 2025 14:06

📊 Osiyo Xalqaro Universitetida MENEJMENT yo'nalishi!

🌎 Bugungi tezkor va o‘zgaruvchan biznes muhitida har bir tashkilotga kuchli, bilimli va strategik fikrlovchi menejerlar kerak. Menejment yo‘nalishi – bu resurslarni samarali boshqarish, jamoani yetaklash va barqaror natijalarga erishishni o‘rgatuvchi eng zamonaviy ta’lim yo‘nalishlaridan biridir. Agar siz boshqaruv sohasida yetuk mutaxassis bo‘lishni istasangiz, OXUning Menejment yo‘nalishi aynan siz uchun!

Nega aynan bu yo‘nalish?
✅ Biznes boshqaruvi, strategik rejalashtirish va risklarni tahlil qilishni o‘rganasiz
✅ HR, moliya, marketing va operatsion menejment sohalarida amaliy bilimga ega bo‘lasiz
✅ Real biznes-case’lar ustida ishlaysiz va kompaniya ichki jarayonlarini chuqur tushunasiz
✅ Chet ellik menejerlar, investorlar va biznes ekspertlari bilan seminar va master-klasslarda qatnashasiz

Sizni qanday kasbiy imkoniyatlar kutmoqda?
➡️ Xususiy va davlat tashkilotlarida boshqaruv lavozimlari
➡️ Startaplar va yirik korxonalarda loyiha menejeri
➡️ HR, marketing yoki moliyaviy bo‘limlarda strategik mutaxassis
➡️ Konsalting kompaniyalarida biznes maslahatchi
➡️ Biznes maktablari va oliy ta’lim muassasalarida o‘qituvchi

Osiyo Xalqaro Universiteti

02 April 2025 06:59

🎯 Navbatdagi ochiq dars jarayonlaridan lavhalar!

📌 Xususan, ochiq dars jarayonlarida har bir guruh mustaqil tayyorlanib, o‘z mavzusini amaliy misollar, vizual materiallar va muhokamalar orqali taqdim etadi. O‘qituvchilar darslarni innovatsion yondashuvlar asosida olib boradi: testlar, rolli o‘yinlar, mini-debatlar kabi texnikalar qo‘llaniladi.

🎓 Jarayonda talabalar faolligi, jamoaviy ishlashi, mustaqil fikrlashi va muloqotga kirishish ko‘nikmalari rivojlantiriladi.

🔗Marhamat, tomosha qiling: ochiq darsdan lavhalar!

🌐 www.oxu.uz

Telegram | Instagram Osiyo.Xalqaro.Universiteti.">| YouTube

Osiyo Xalqaro Universiteti

18 April 2025 14:00

🎯 Seminarga tashrif buyurgan delegatsiya OXUning asosiy binosida bo‘ldi!

💬200 ga yaqin OTMning xalqaro aloqalar bo‘yicha rahbarlari universitetimizga tashrif buyurib, ta’lim jarayonlari, zamonaviy infratuzilma hamda talabalar uchun yaratilgan sharoitlar bilan yaqindan tanishdilar.

Mehmonlarga OXU faoliyati haqida batafsil ma’lumot berildi, shuningdek, ular uchun ekskursiya tashkil etildi! 💡

🌐 www.oxu.uz

Telegram | Instagram | Osiyo.Xalqaro.Universiteti.">YouTube

Osiyo Xalqaro Universiteti

18 April 2025 09:07

📣 Bugun Buxoroda “Study in Uzbekistan” elektron axborot tizimi imkoniyatlariga bag‘ishlangan amaliy seminar bo‘lib o‘tmoqda!

🤍 Oliy ta’lim, fan va innovatsiyalar vazirligi va Osiyo Xalqaro Universiteti hamkorligida tashkil etilgan tadbirda mamlakatimizning 200 ga yaqin oliy ta’lim muassasalarining xalqaro aloqalar bo‘yicha rahbarlari ishtirok etmoqda.

Osiyo Xalqaro Universiteti

18 April 2025 07:50

💙 Bugun Buxoroda “Study in Uzbekistan” elektron axborot tizimi va uning imkoniyatlariga bag‘ishlangan amaliy seminar bo‘lib o‘tmoqda!

Ushbu tadbirda O‘zbekistonning barcha oliy ta’lim muassasalari xalqaro aloqalar bo‘yicha bo‘lim boshliqlari ishtirok etmoqda! 💡

Marhamat, lavhalarni tomosha qiling 🔥

Osiyo Xalqaro Universiteti

17 April 2025 15:02

📚 Osiyo xalqaro universitetida “Mutolaa sehri” intellektual bellashuvi bo‘lib o‘tdi!

📖 Osiyo Xalqaro Universitetida talabalar o‘rtasida kitobxonlik madaniyatini rivojlantirish, tafakkur doirasini kengaytirish hamda jamoaviy ishlash ko‘nikmalarini mustahkamlash maqsadida “Mutolaa sehri” nomli intellektual o‘yin tashkil etildi.

💥 Mazkur bellashuv talabalarga bilim va fikrlash salohiyatini sinovdan o‘tkazish, shuningdek, o‘z jamoasining muvaffaqiyati uchun birgalikda harakat qilish imkonini berdi. G‘olib jamoalar diplomlar hamda universitet tomonidan taqdim etilgan esdalik sovg‘alari bilan taqdirlandilar.

Osiyo Xalqaro Universiteti

16 April 2025 15:01

🎭 "OXUda QVZ" — Ijtimoiy fanlar va texnika fakultetidan ijobiy kayfiyat ulashgan sahna shousi!

💙 Osiyo Xalqaro Universiteti Ijtimoiy fanlar va texnika fakulteti talabalari tashabbusi bilan boshlab berilgan “OXUda QVZ” loyihasi tomoshabinlarga iliq kayfiyat ulashdi.

💬 Loyiha davomida talabalarning sahnadagi chiqishlari, o‘ziga xos g‘oyalari va jonli ijrolari tomoshabinlarda katta taassurot qoldirdi. Ushbu tashabbus OXUda nafaqat ilmiy salohiyat, balki ijtimoiy faollik, nutq madaniyati va jamoada ishlash kabi ko‘nikmalarni rivojlantirishga xizmat qilmoqda.

OXUda QVZ” loyihasi talabalar ijodiy imkoniyatlarini yuzaga chiqarish, ularni ochiq muloqotga va tanqidiy fikrlashga chorlovchi muhim loyihalardan biri desak adashmagan bo'lamiz!

Osiyo Xalqaro Universiteti

16 April 2025 07:14

📝 "Я учитель" loyihasi — kelajak pedagog kadrlarini tayyorlash yo‘lida navbatdagi muhim tashabbus!

🤍 Osiyo Xalqaro Universitetida Rus tili filologiyasi yo‘nalishida tahsil olayotgan talabalar o‘rtasida “Я учитель” loyihasi doirasidagi ishlar boshlandi. Mazkur loyiha doirasida talabalar nazariy bilimlar bilan bir qatorda amaliy ko‘nikmalarni ham chuqurlashtirish imkoniyatiga ega bo‘ladilar.

📌 Loyihaning asosiy maqsadi — talabalarni o‘z kasbining yetuk, raqobatbardosh va tashabbuskor mutaxassisi sifatida shakllantirish, ularning kasbiy rivojlanishini qo‘llab-quvvatlashdir.

☄️ Osiyo Xalqaro Universiteti yangilik va taraqqiyot tarafdori sifatida, har tomonlama yetuk, zamonaviy bilim va ko‘nikmalarga ega bo‘lgan kadrlarni tayyorlashga alohida e’tibor qaratadi. Zero, bugunning talabalari — ertangi kunning bilimli va fidoyi ustozlaridir.

🌐 www.oxu.uz

Telegram | Instagram | Osiyo.Xalqaro.Universiteti.">YouTube

Osiyo Xalqaro Universiteti

08 April 2025 08:00

🖥 OAV biz haqimizda!

🎯 Mazkur lavhada O‘zbekiston Respublikasi va Tojikiston Respublikasi sud-tibbiyot ekspertizasi markazlari hamda Osiyo Xalqaro Universiteti o‘rtasida imzolangan uch tomonlama ilmiy-amaliy memorandumning mazmun-mohiyati yoritilgan.

🌎 Hamkorlik doirasida sud-tibbiyot ekspertizasi sohasida qo‘shma tadqiqotlar olib borish, ilg‘or tajribalarni almashish hamda innovatsion yondashuvlarni amaliyotga tatbiq etish ko‘zda tutilgan.

🌐 www.oxu.uz

Telegram | Instagram Osiyo.Xalqaro.Universiteti.">| YouTube

Osiyo Xalqaro Universiteti

07 April 2025 13:04

⚡️ "Kelinlar Qo’zg'oloni"dagi Nigoraxon anime uslubida!

Ghibli style uslubidagi video yoqqan bo'lsa "🔥" bosib qo'ying va do'stlaringizga yuborib qo'ying 🤗

Osiyo Xalqaro Universiteti

07 April 2025 09:15

📣 "OSIYO" QVZ jamoasi – "Xo‘ja Nasriddin" ligasining keyingi bosqichida!

🎯 Osiyo Xalqaro Universitetining "OSIYO" nomli QVZ jamoasi "Xo‘ja Nasriddin" ligasida yorqin chiqish namoyish etib, navbatdagi bosqichga muvaffaqiyatli yo‘l oldi.

💬 Zukko hazil-mutoyiba, ijodkorlik va sahnadagi ishonchli chiqishlar jamoamizga keyingi bosqich yo‘llanmasini taqdim etdi. Jamoa a’zolari o‘z iqtidorlari bilan tomoshabinlarga ijobiy kayfiyat ulashdi va e’tirofga sazovor bo‘lishdi.

Oldinda esa yanada mas’uliyatli bellashuvlar va yangi yutuqlar kutmoqda. "OSIYO" jamoasiga kelgusi bosqichda ham katta muvaffaqiyatlar tilaymiz!

🌐 www.oxu.uz

Telegram | Instagram Osiyo.Xalqaro.Universiteti.">| YouTube

Osiyo Xalqaro Universiteti

05 April 2025 13:02

🏅 Rektor stipendiyasi o‘z sohiblariga tantanali ravishda topshirildi!

💙Osiyo Xalqaro Universitetida iqtidor, tashabbuskorlik va yuqori akademik ko‘rsatkichlar doim e’tirof etiladi. An’anaviy tarzda har oy ajratiladigan Rektor Stipendiyasi bu safar ham o‘z sohiblarini topdi.

🖥 Joriy oyda ushbu stipendiyaga Tibbiyot, Iqtisodiyot va Pedagogika hamda Ijtimoiy fanlar va texnika fakultetlarining ilg‘or vakillari loyiq deb topildi. Stipendiya sohiblarini ushbu yutuqlari bilan muborakbod etamiz. Ularning mehnati, izlanuvchanligi va fidoyiligi yoshlarga o‘rnak bo‘lishiga ishonamiz.

🎓 Hurmatli talabalar! Siz ham o‘z bilim va mahoratingizni namoyon eting. Navbatdagi Rektor stipendiyasi sovrindorlari safidan o‘rin egallash imkonini qo‘ldan boy bermang!

🌐 www.oxu.uz

Telegram | Instagram Osiyo.Xalqaro.Universiteti.">| YouTube

Osiyo Xalqaro Universiteti

05 April 2025 07:30

🎓 Osiyo Xalqaro Universitetida TARIX (Magistratura) yo'nalishi!

📜 Tarix – bu insoniyat taraqqiyoti, madaniyati va siyosiy jarayonlarining ildizi. OXUning Tarix yo‘nalishi magistratura bosqichi sizni mustaqil tadqiqot olib borishga, tarixiy manbalarni tahlil qilishga va ilmiy yondashuv asosida chuqur bilimga ega bo‘lishga tayyorlaydi. Agar siz tarix fanini zamonaviy nuqtayi nazardan o‘rganib, ilm-fan rivojiga o‘z hissangizni qo‘shmoqchi bo‘lsangiz, bu yo‘nalish aynan siz uchun!

Nega aynan bu yo‘nalish?
✅Mahalliy va jahon tarixidagi muhim davrlar va hodisalarni chuqur o‘rganasiz
✅Manbashunoslik, arxivshunoslik va tarixiy tadqiqot metodlarini o‘zlashtirasiz
✅ Ilmiy maqolalar yozish, dissertatsiya tayyorlash va tahliliy fikrlash ko‘nikmasiga ega bo‘lasiz
✅ Chet ellik tarixchilar va tajribali olimlar bilan seminar, ilmiy suhbat va loyihalarda qatnashasiz

Sizni qanday kasbiy imkoniyatlar kutmoqda?
➡️ Ilmiy-tadqiqot institutlarida tarixchi olim
➡️ Muzey, arxiv va madaniy meros markazlarida mutaxassis
➡️ Universitet va litseylarda tarix fani o‘qituvchisi
➡️ Tarixiy-kulturologik kontent yaratuvchisi yoki tahlilchi
➡️ Madaniy merosni o‘rganish va himoya qilish loyihalari ishtirokchisi

Osiyo Xalqaro Universiteti

04 April 2025 07:00

⚖️ Sud-tibbiyot ekspertizasi sohasida xalqaro ilmiy-amaliy hamkorlik yo‘lga qo‘yildi!

🗓 2025-yil 2-aprel kuni O‘zbekiston Respublikasi Sud-tibbiyot ekspertizasi respublika ilmiy-amaliy markazi, Tojikiston Respublikasi Sud-tibbiyot ekspertizasi respublika markazi hamda Osiyo Xalqaro Universiteti o‘rtasida uch tomonlama ilmiy-amaliy hamkorlik memorandumi imzolandi.

🛡 Mazkur memorandum sud-tibbiyot ekspertizasi sohasida ilmiy-tadqiqot faoliyatini rivojlantirish, innovatsion yondashuvlarni joriy etish, ilg‘or tajribalarni almashish hamda malakali kadrlar tayyorlash tizimini mustahkamlash maqsadida tuzilgan.

Tomonlar quyidagi yo‘nalishlarda hamkorlikni yo‘lga qo‘yishga kelishib oldilar:
➡️Sud-tibbiyot ekspertizasi bo‘yicha ilmiy-metodik tadqiqotlar olib borish va amaliyotga tatbiq etish;
➡️Zamonaviy algoritmlar ishlab chiqish orqali ekspertiza jarayonlarini takomillashtirish;
➡️ Innovatsion texnologiyalarni joriy etish va ilg‘or xalqaro tajribalarni almashish;
➡️ Seminarlar, ilmiy anjumanlar va xalqaro konferensiyalar tashkil etish;
➡️ Soha bo‘yicha ilmiy maqolalar, o‘quv qo‘llanmalari va monografiyalar tayyorlash.

Osiyo Xalqaro Universiteti

03 April 2025 06:14

🛬 Xorijdagi amaliyotlar boshlanish arafasida!

🇮🇩 OXUning iqtisodiyot yo‘nalishidagi iqtidorli talabalari endi amaliyotni xorijda o‘tashmoqda! Bu safar – Indoneziyada!

Yaqin orada boshqa yo‘nalish talabalari ham Yevropaga amaliyotga uchib ketishadi ✈️

Osiyo Xalqaro Universiteti

02 April 2025 11:59

🏨 OXUning 2-bino, Tibbiyot binosidamiz!

🖱 Keling, birgalikda binomiz ichkarisiga sayohat qilamiz!
Nimalar bor, qanday sharoitlar yaratilgan — barchasini o‘z ko‘zingiz bilan ko‘rib chiqing.

Qani ketdik 🔥

Osiyo Xalqaro Universiteti

01 April 2025 12:05

🚆 Osiyo Xalqaro Universitetida TRANSPORT VOSITALARI MUHANDISLIGI (Lokomotivlar bo'yicha)!

🚝 Temir yo‘l transporti – sanoat, logistika va yo‘lovchi tashish tizimining ajralmas qismi bo‘lib, uni harakatga keltiruvchi kuch esa — zamonaviy lokomotivlardir. Agar siz yirik texnik tizimlarni chuqur o‘rganish, muhandislik tafakkurini rivojlantirish va texnologiyalar bilan ishlashni xohlasangiz, OXUning Transport vositalari muhandisligi (Lokomotivlar bo‘yicha) yo‘nalishi siz uchun eng to‘g‘ri tanlov!

Nega aynan bu yo‘nalish?
✅ Lokomotivlar va boshqa temir yo‘l transport vositalarining tuzilishi, ishlash prinsipi va texnik xizmatini o‘rganasiz
✅ Diagnostika, ekspluatatsiya va ta’mirlash texnologiyalarini chuqur o‘zlashtirasiz
✅ Amaliy mashg‘ulotlar orqali real lokomotiv bazalarida tajriba orttirasiz
✅ Chet ellik texnika ekspertlarining master-klass va amaliy darslarida qatnashasiz

Sizni qanday kasbiy imkoniyatlar kutmoqda?
➡️ Temir yo‘l kompaniyalarida muhandis-mexanik
➡️ Lokomotivlarni texnik xizmat ko‘rsatish va ta’mirlash bo‘yicha mutaxassis
➡️ Texnik nazorat va ekspluatatsiya xavfsizligi bo‘yicha ekspert
➡️ Transport texnologiyalari ishlab chiqaruvchi korxonalarda texnik maslahatchi
➡️ Muhandislik sohasida ilmiy xodim yoki pedagog