2285
قناة للقصائد الحسينية
ثكيله لليلة العاشر نفس طور بله يانهر للحاج باسم الكربلائي
**
ها يدنيتي راحو إخوتي
باجر العصر تبدي غربتي
يخو زينب يخو زينب تبدي غربتي
**
بخيامي بدت هاي البدايه
قرآن النبي إيودع سبايه
إذا عاشر وصل ماعدنه رايه
ومن باجر عله الله وعالعبايه
خويه حسين بكليبي اعله هونك
مايحمل يظل بالدنيه دونك
صدك ماشوف يالغالي عيونك
هاي الدنيه غداره وتخونك
يا آخر هلي كلبي المبتلي
مابين الغرب ضيعت الولي
يخو زينب بخو زينب تبدي غربتي
**
بالخيمه كعدنه إتسامرينه
ويانه كعد حامي الضعينه
عين بعين نتوادع بجينه
ابو فاضل اخونه امضيعينه
يخويه شلون اتحمل اشوفه
كلي بياكلب انظر جفوفه
رميه اعله النهر وشلون اعوفه
جرحي بالكلب ياهو اليروفه
دمعتي تصب كلي بياكلب
انظر اخوتي باجر عالترب
يخو زينب يخو زينب تبدي غربتي
****
آخر ليله كعدتنه سويه
تذكرنه علي وامنه الزجيه
ماتت امنه خويه اتوصي بيه
احب نحرك واشم صدرك وصيه
بيوم التنذبح وعدتني تحضر
تجيني لكربله يا ابو الاكبر
من يبدي نزيف دموم منحر
نبجيلك سويه بدمع احمر
يهضمني العدو ابلا ام وابو
ولمن تنولي ابقه ابلا اخو
يخو زينب يخو زينب تبدي غربتي
**
أون لموادعك ماتكفي ليله
آنه وياك عشرتنه طويله
افراكك يالأخو مابيه حيله
وباجر تنذبح يابو العليله
راسك عالرمح كدامي يمشي
بلحضتهه يخويه شاب رمشي
اجيت بكلشي تالي راح كلشي
والهودج يريته يصير نعشي
ميته ولا أظل ماعندي أمل
مسبيه رحت وامضيعه الاهل
يخو زينب يخو زينب تبدي غربتي
**
أم علي الكاظمي
قصيدة : واويلي على العطشان
للشاعر : كرار حيدر الخفاجي
طَاحِ اِحْسينْ مِنْ مُهْرَه .. وَاويلِيْ عَلَى العَطْشَانْ
سيفِ الشِّمِرْ حَزْ نَحْرَه .. وَاويلِيْ عَلَى العَطْشَانْ
دَاسَتْ خيلْهُمْ صَـدْرَه .. وَاويلِيْ عَلَى العَطْشَانْ
الله اِيْـسَـاعِدِ الـزَّهْـرَه .. وَاويلِيْ عَلَى العَطْشَانْ
ظَلِّ اِمْوَسَّدِ التِّرْبَانْ .. وَاويلِيْ عَلَى العَطْشَانْ
◼️◼️◼️◼️◼️
عينَه اِبْـسَهَمْ طَفّوهَا .. وَاويلِيْ عَلَى العَبَّاسْ
حَتَّى اِچْفُوفَه گِطْعوهَا .. وَاويلِيْ عَلَى العَبَّاسْ
مِنَّه الـرَّايَـه طَيْحوهَا .. وَاويلِيْ عَلَى العَبَّاسْ
بَعْدَه الخيمَه حِرْگوهَا .. وَاويلِيْ عَلَى العَبَّاسْ
طَايحْ وِالعَمَدْ بِالرَّاسْ .. وَاويلِيْ عَلَى العَبَّاسْ
◼️◼️◼️◼️◼️
جِسْمِ الأكْبَرِ اِتْوَزَّع .. وَاويلِيْ عَلَى الأكْبَرْ
إرْبَـاً إرْبَـاً اِتْـگـطَّـعْ .. وَاويلِيْ عَلَى الأكْبَرْ
اِوْ ليلَه تِهْمِلِ المَدْمَعْ .. وَاويلِيْ عَلَى الأكْبَرْ
رَاحِ الغَالِيْ مَا يِرْجَعْ .. وَاويلِيْ عَلَى الأكْبَرْ
طَاحِ اِعْلَه الثَّرَه اِمْطَبَّرْ .. وَاويلِيْ عَلَى الأكْبَرْ
◼️◼️◼️◼️◼️
جَاسِمْ طَالِعِ اِبْـهِمَّه .. وَاويلِيْ عَلَى العِرِّيسْ
چَفَّه اِتْحَنَّه مِنْ دَمَّه .. وَاويلِيْ عَلَى العِرِّيسْ
قَـدَّمْ مَنْحَرَه العَمَّه .. وَاويلِيْ عَلَى العِرِّيسْ
رَمْلَه اِتْنَادِيْ يَايُمَّه .. وَاويلِيْ عَلَى العِرِّيسْ
رِحْت اِمْنِ اِيدِيْ يَاعِرِّيسْ .. وَاويلِيْ عَلَى العِرِّيسْ
◼️◼️◼️◼️◼️
صِعْدَتْ عَالهِزِلْ تَالِيْ .. وَاويلِيْ عَلَى زينَبْ
رَايِـحْ مِنْهَا چَـمْ غَالِيْ .. وَاويلِيْ عَلَى زينَبْ
صَاحَـتْ وينَه كَفَّالِيْ .. وَاويلِيْ عَلَى زينَبْ
عَـايِـفْـنِـيْ بِـلَا وَاليْ .. وَاويلِيْ عَلَى زينَبْ
خِدْرِيْ اِبْغيبِتَه اِتْسَلَّبْ .. وَاويلِيْ عَلَى زينَبْ
٢٩ / ٨ / ٢٠٢٠ السبت
◼️◼️◼️◼️◼️
هَالله هَالله اِحْسينْ وينَه بِالسّيُوفِ اِمْگطِّعِينَه
رَاجِعِ الميمونْ يِصْهِلْ مَلْوِيْ سَرْجَه اِوْ تِجْرِيْ عينَه
طِلْعَتِ الـحُـرَّه تِنَادِيْ : اِبْـيَـا كِتُرْ طَايِحْ وِلِينَه
گلْهَا شِدِّيْ الحيلْ وَالله اِيْعَظُّم اجْرِچْ يَاحَزِينَه
◼️◼️◼️◼️◼️
عِفْتَه فوگِ الغَبْرَه دَامِيْ وِالشِّمِرْ گاطِعْ وَتِينَه
هِلِّيْ دَمْعِچْ لِأنْ صَـدْرَه بِـالخيُولِ اِمْهَشِّمِينَه
وِالسِّلَبْ مِنْ چَفَّه مِحْبَسْ گِطَعْ خُنْصُرْ مِنْ يِمِينَه
عَارِيْ فوگِ الگاعْ حَتَّى الثّوبْ مِنَّه اِمْسَلِّبِينَه
◼️◼️◼️◼️◼️
رَاسَه مَا ظَلِّ اِبْـرُگبْتَه اِعْلَه السَّمَاهِرْ شَايِلِينَه
اِمْتَرْبَه يَازينَبْ لِحِيتَه اِوْ يَابِسِ الدَّمِّ اِبْـجَبِينَه
بَعَدْ مَا يِرْجَعْ يَزينَبْ وِ اِنْتِيْ حِيرِيْ اِبْهَالظِّعِينَه
اِنْ چَانْ وَيَّه اِحْسين اِجيتِيْ ، رِدِّيْ وَحْدِچْ لِلمَدِينَه
٣٠ / ٨ / ٢٠٢٠ الأحد
◼️◼️◼️◼️◼️
ابوذيات : نحراك , عساني , منها ليله
للشاعر ناظم الحاشي
طفل والموت من المهد نحراك
وكضيت العمر كله عليك نحراك
يعبدالله السهم من صاب نحراك
اشد من مصرع اخواني عليه
◼️◼️◼️◼️◼️
عس الطير سم وكتي عساني
مرار ولا ضكت بعده عساني
كبل هالليله لو ميته عساني
وكون سهام صدر حسين بيّه
◼️◼️◼️◼️◼️
نار الدمع عيني منها ليله
على وظاع النحبهم منها ليله
هاي الليله ماظن منها ليله
يريته ما طلع باجر عليه
◼️◼️◼️◼️◼️
#اللهم_عجل_لوليك_الفرج
مثل ميلت الشجره... مال أخونه
وعلي الشام بحجرهم.. مال خونه (ملخونه)
خنصر ضايع إلنه.... مال أخونه
إنگطع والگاطعه من آل أميه
الشاعر: علي سعيد
•┈┈•••••••••⊰✿✿⊱••••••••••┈┈
صلب گلبه علينه الشمر.... مالان
وبناتك مثل سعف النخل.. مالان
النوگ من المشي يحسين ملن
وتمشي حافية بنيتك رقيه
الشاعر علي سعيد
•┈┈•••••••••⊰✿✿⊱••••••••••┈┈
رباطات غديرية
اليوم الشيعة تنادي ...حيدر مولانه
بيوم البيعة لحيدر ...نبصم بدمانه
بدمنه نوقع كلنه ...وهو يلاكينه
يخسر كلمن عاده ...حيدر واولادة
الحق ويانه الليلة ...منهو يعادينه
الله الرادك والي ...وراضين بهاية
عيدك غالي اعلينه ...اشهد والينة
الجنة المابيها انت....ماطبن بيها
بقلم الخادمة ام زهراء العقابي
متباركين شيعة
ليلة وداع اتشيب الليله
بين الحسين واخته والعيله
لمن صرخ جبريل ما ينوصف هالليل
بين الحسين واخته والعيله
+++++++++++++++++++++
كل دمعه هلت عالوجن ياناس محسوبه
والمحترگ گلبه بحزن لابد اله حوبه
وشلون بالروحه تون لو راح محبوبه
صابر عله جور الزمن وبسجله مكتوبه
صعب الفراگ وصعبه ساعاته
بحزن وألم خطنه دمعاته
من عنده باد الحيل
ما ينوصف هالليل
بين الحسين واخته والعائله
+++++++++++++++++++++
كتاب الله هالليله اندرج وانتلت آياته
دوي النحل صوته انفرج تتعاله نغماته
وحي السمه اسره وعرج يردد بچلماته
من ينصر اولاد الحجج يضمنهه جناته
وسفه الوكت خان وغدر بيهم
ومن كل كتر ملمومه أعاديهم
عسكر كفر والخيل
ما ينوصف هالليل
بين الحسين واخته والعيله
++++++++++++++++++++++
صفت بيارغ للمجد رايه بأثر رايه
ومطوگه بنور الحمد ومطرزه بآيه
تتمايل اغصان الورد ويه النده ومايه
بعيونهم تقره الوجد او شوگ الولايه
هاي العقيده البيهه نتفاخر
دروس ومعاني من نهج حيدر
ما تقبل التأويل
ما ينوصف هالليل
بين الحسين واخته والعيله
++++++++++++++++++++++
چني بزينب نادتك يا منبع احزاني
ياليل طول وگفتك بموادع اخواني
ياصبح تاني بطلعتك امروتك تاني
حسين وكفيلي بذمتك ما عندي اخ ثاني
شوف الدهر بآل النبي اشسوه
باچر يطشر عيلتي اويذبح الخوه
ونشبع متاحه اويل
ما ينوصف هالليل
بين الحسين واخته والعيله
++++++++++++++++++++++
بلسان حال الفاجعه هالموقف اتوصف
بدور ونجوم مگطعه ومذبحه بالطف
وچفوف يم المشرعه گاطعهه يا مرهف
وزينب بهمهه مگبعه منهه الدمع ماكف
الله واكبر شوصف الحاله
ياگلب يحمل شوغة اعياله
بتكبيره وبتهليل
ما ينوصف هالليل
بين الحسين واخته والعيله
++++++++++++++++++++++
لخادم الحسين عليه السلام
(محمد ميران الغزالي )
عمه يارقيه لاتونين
اشيلج لو اشيلن راس الحسين
🌸**
مهضومه اعله ابوهه شلون اسكتهه
اشيل الراس عنهه لو اشيلنهه
تشكيله ااهضم وتصيح اسمعنهه
اكعد شوف بمتوني نياشين
*🌸*
نياشين شكثر خلو على متوني
بويه من عكب عيناك ضربوني
الوذ بعمتي وعنهه يجروني
تعال وشوفني بنص الدواوين
*🌸****
تعال وشوفنه مورمات اصابعنه
خصمك بالعصي من انطيح يضربنه
شهكت بالونين وكطعت الونه
ولن زينب تكلهه ماتكومين
🌸**
اشافت من اجت زينب تحركهه
ماتت ع النحر والنحر شابكهه
وين ام الحسن بالهم تشاركهه
اتكول منين اجيب الزاجيه منين
🌸**
اجيب الزاجيه منين وصحت ليهه
تعاي لبنت ابو السجاد غسليهه
عينج تنعمي لمن تشوفيهه
مو ضربه بمتنهه ولا ضربتين
🌸*
طبعات الضرب مابيه اصدلهه
خاف الماي يلجمهه من اغسللهه
كبل ماتندفن زينب تكللهه
هم عندج وصيه ياضوه العين
*🌸*
هم عندج وصيه ارجوج كليلي
عمه ونتج منهه انهدم حيلي
جن صاحت رقيه هواي سلميلي
لكبر حسين عمه من تروحين
*🌸*
تكلهه لو مشيتي لكبر ابو اليمه
شميلي التراب وياج ياعمه
وي زينب نون لبنت ابو اليمه
وماجوره شكثر يامن تلطمين
🌸*
شاعرة ام ريام.الركابي
قصائد محرم 1447ه
قصيده (گلبه من ضهر طالع )
قصيده حزينه تنقرئ (گعديه -بندريه -وايضا الحان أخرى )
المستهل
خويه حسين الحگوني
راحن يعمن. عيوني
نايم وسفه يبن امي
وعدوانك . يشتمنوني
____
النص
خويه حسين گلي شلون.
اصبر. روحي بجفاكم
يبعد الحيل ماضل حيل
لو ميته اهون ويااااكم
تدگ اعلى الحرم.ياخوي
ضلت عگبك. اعدااااكم
ما بيهم رحم تدرون
تگلي اشلون. ممشاكم
خويه. اشلون اگللكم
زرگه صارت. أمتوني
خويه. حسين. الحگوني
________
عمت عيني على المضلوم
ميت.والجسد. . عاري
رحت للحومه.أشوفنه
ولكيته . دافنه. الذاري
يويلي أمخضبه الحيته
ودمه من النحر. جاري
گلبه. من الضهر طالع
من كثر السحگ. ثاري
متغير يخويه اهواي
لونك. يا بعد لووني
خويه حسين الحگوني
____
جبتلك ماي يعيوني
گلي. اشلون. اشربنك
اذا من كل كتر مطعون
ما سالم. كتر. منك
انشدنك يخويه شلون
هيج الخيل داسنك
صارن. ويه عدوانك
بيمن. چا يطلبنك
برفعه خشم يبن امي
تدري من يحاچوني
خويه حسين الحگوني
____
خويه الخيمه حرگوهه
وتاهت بلفلا ايتامي
خاف أطلع يبو سجاد
بس. عدوان. جدامي
اسود من ضلام اليل
صارت. بعدك. ايامي
چا هينه علي. خويه
انته وتنذبح ضامي
ما هانت. علي خويه
من. عنكم ينشدوني
خويه حسين الحگوني
____
جابوهه الهزل يحسين
باجر. نمشي اعليهه
ومن عگب الفحل عباس
صار. الشمر. حاديهه
باجر من لسيع السوط
بتك وين. اوديهه
وهيه اعليك يبن امي
ما سكتت. بواچيهه
خاف من اصعدهه وياي
خويه ما يخلووووني
خويه حسين الحگوني
____
خادم الحسين سلام عزيز السعيدي
لطميه لفقد الاحبه وكذالك نواسي بها الزهراء ع
ياعذاب الدنيا ياضيم الليالي
صعبه عالواحد يودع اغله غالي
ياوداع الماله جيه / اليبعد اعزازي عليه
والله صعبه والله صعبه
..............
الغايب ايرد الهله والسافر يعود
امل يبقى ايشوفهم ويردهم اردود
بس الي نام وتغطي عيونه اللحود
ياونين الضيعاهم ماضن ايهود
اشكد يحن الشوفهم / وشوك بيه لعيونهم
والله صعبه والله صعبه
.............
ايحاجي روحه من تحن لحبابها
منين اجيبه النام حدر اترابها
و المكابر من تسد ابوابها
الغفت بيها مستحيل اجوابها
ماترد الراح اضنه / ايس ايامك خذنه
والله صعبه والله صعبه
............
والله غداره اليالي وصلفه العيون
تاخذ الروحك تحبهم مايعودون
لوتون ليل وانهارك مايرجعون
جرح مايشفى عليهم من يبعدون
كلبك ايضل بجراحه / وماتحس بالدنيه راحه
والله صعبه والله صعبه
............
اتعاشر احزانك ولا تنشف دمعتك
دنيا ضلمه وانطفت بيها شمعتك
اتصير وي جر النفس اه ياحسرتك
يالفكدت اعزاز ما تخمد جمرتك
نار مشتعله بدليك / تشب من تذكر خليلك
والله صعبه والله صعبه
............
والله صعبه لو يمر بينه ذكرهم
ياليالي ليش باعدتي النحبهم
لا يمرونه ولا نكدر نمرهم
اعزازنه والعين راحت من بعدهم
اعيونه اشتاكت عليهم / ولا يجون ولا نجيهم
والله صعبه والله صعبه
✍ام زينب كربلاء
#قصائد_العيد
#كل_عام_وانتم_بخير
#مؤسسة_منبريات_للخطابه_الحسينيه
𖧷𖧷𖧷✫✫✫𖧷𖧷𖧷
ابونه الدللانه ضل خالي مجانه
راح وبعد ميعود والدلال ممرود
ضيعنه حنانه ابونه الدللانه
❥❥ـــــــــــــ❁❂❁ـــــــــــــ❥❥
راح الجان الي خيمه وتجيه
من بعد احسن الظيم بيه
يبويه فراكم يصعب عليه
اون ونتي بكلبي خفيه
شايل يا دلالي يا سوري العالي
ما ضنه نسانه ضل خالي مجانه
❥❥ـــــــــــــ❁❂❁ـــــــــــــ❥❥
وحشه الدار منكم يا ضمدنه.
عالينه الهظم وريد اهلنه.
نريد احبابنه وما ردوا النه.
نامو بالرمل أهل المحنه.
ناموا حدر التراب اهلنه وسدوا الباب.
يطارش ما اجانه. ضل خالي مجانه
❥❥ـــــــــــــ❁❂❁ـــــــــــــ❥❥
سدت بابكم بويه عمتني.
اون اونتي نار وجوتني.
ليش أهل المحنه فاركتني
.والدنيه يبويه دولبتني.
اون ونحب عليهم. خان الدهر بيهم
من بعدة حزانه. ضل خالي مجانه
❥❥ـــــــــــــ❁❂❁ـــــــــــــ❥❥
بويه الدار ضلمه وحزينه
يبويه العيد هل بين علينه
لكينه الدار مسدودة وحزينه
بعد ما يعود الوالي ويجينه
وني يا حزينه. ماردوا علينه
ويا ظيم العلانه. ضل خالي مجانه
❥❥ـــــــــــــ❁❂❁ـــــــــــــ❥❥
من بعد المشوا بالظيم حالي
اصيحاً اه من غدر الليالي
وانه على الولي مشدوه بالي
مايدرون بالظيم الجرالي
يا فركه ولينه. مو هينه علينه
وضعينه حنانه ضل خالي مجانه
❥❥ـــــــــــــ❁❂❁ـــــــــــــ❥
ثكيلة للحسين عليه السلام..
..لسان الحال ..
..تقول ..
خوية مشتاك الكلب
والفراك شكد صعب
مابرد ساعة دليلي
نار بي تلهب لهب
ياضوه العين...يخويه ..ياضوه العين
%%%%%%%%%%
وحشة ظلت ديرتك خويه عليه
زينب انه ام المحنة تدري بيه
تنعصر روحي عليك المغربية
انت يا خيمه وصدك نكعد بفيه
نايم بذيج الترب
واختك بديرة غرب
مابرد ساعه دليلي
نار بي تلهب لهب
ياضوه العين يخويه ...ياضوه العين
%%%%%%%%%%
عفيه ياروحي جوية وعافت احباب
نومه كلهم عالوطية فوك التراب
كلبي من كربله شيب صابته صواب
لا اخو لا ولد خلت كلها غياب
يمها ميفيد العتب
والفراك شكد صعب
مابرد ساعه دليلي
نار بي تلهب لهب
ياضوه العين يخويه....ياضوه العين
%%%%%%%%%%
حسرة بية شكد جبيرة تنزف جروح
تبقى ويايه لحد ماتطلع الروح
الدنيا وحشه بلا حبايب تكضي بالنوح
وبعد لو شالوا اهلنه عدمن نروح
عدمن الدمعه نصب
وانتم بعيد الدرب
مابرد ساعه دليلي
نار بي تلهب لهب
ياضوه العين يخويه...ياضوه العين
%%%%%%%%%%
من شفت راسك يخوية عالي ونه
توسلت بالحادي يوكف ردت احضنه
جانت بروحي جبيرة حسرة منه
ليش ماخلاني يمك ابجي وانعه
حسرة ضلت بالكلب
ماشرب ماي العذب
مابرد ساعه دليلي
نار بي تلهب لهب
ياضوه العين يخويه....ياضوه العين
%%%%%%%%%%
بقلم الخادمة الاقل شأن بين العباد
ام زهراء خادمة خدام الحسين عليه السلام
نسألكم الدعاء
/channel/omzahraaalegape
ثكيله للجواد ع نفس طور والموت الخذاهم للحاج باسم الكربلائي
*****
ياروحي الغريبه مثلج بالمصيبه
حسين بكربله ماحضرو هله
ياروحي الغريبه
***
روحك يالجواد اتعاتب بهاي المسيه
تسأل بالدمع والحسره وين اهل الحميه
كومو يابني هاشم تعنو الكاظميه
غريب بمحنتي واشبه غريب الغاضريه
وحدي ابلا حبايب عافوني الكرايب
الدمعه هامله ماحضرو هله
ياروحي الغريبه
****
غدروني الاعادي وبالمصاب ابدي كلامي
سمتني اللعينه ام الفضل واختم صيامي
جبدي من السموم اتكطع بأحشائي دامي
وبنار العطش ظل يلتهب عافتني ضامي
مايبرد غليلي واتفطر دليلي
روحي امعلعله ماحضرو هله
ياروحي الغريبه
*****
بهالحاله وحيد بغربتي عافتني وتروح
سدت كل الابواب اللعينه وجبدي مجروح
روحي فرفحت من الألم وازحف للسطوح
وللقبله درت جسمي وانازع طلعة الروح
حاجيني يموتي وين اهلي واخوتي
وين العايله ماحضرو هله
ياروحي الغريبه
****
ليش بلا حبايب بالمدينه اهلي بعيدين
ماعندي حنين اللي اجاني يغمض العين
ولآخر نفس ظليت انادي بويه يحسين
واذكر غربته بيوم الطفوف وجبده نصين
راسه اويه الغوالي برماح العوالي
وجسمه بالفله ماحضرو هله
ياروحي الغريبه
***
مثل حسين ابويه ابلادفن محنه جبيره
لكن ماشفت وحده من اطفالي اسيره
شيعوهه الجنازه وبالنعش تمشي العشيره
حسين امطشره اعظامه ويلمونه بحصيره
بخيل الاعوجيه ضلوع ابن الزجيه
محد غسله ماحضرو هله
ياروحي الغريبه
***
أم علي
حصريا 🔥
فزاعي جنوبي حماسي ،، بقفلة هوسه،،
لشجاعة السيده زينب عليها السلام
ع عندما سارو بيها الى الشام
ودخلت الى ديوان الطاغيه يزيد لعنةالله عليه
وعند رجوعها الى كربلاء يوم الاربعين جلست عند قبر اخاها العباس دكله 👇
〰️〰️〰️〰️〰️〰️〰️〰️〰️
ماذليت وانه اختك يعبــــــــــاس
يخسه الكال زينب طخـت الراس
يخسه الكال زينب طخت الهــام
انثايه اوداعتك مابيهــــــم ازلام
بالديوان اختك هانت الشــــــــام
خليته والشام امدنـــــــــــــــــــــك
〰️〰️〰️〰️〰️〰️〰️〰️〰️
بالديوان اختك هانت ايزيــــــــد
كتله انته وهلك عند اهلي اعبـيد
تره هيه المراجل موش تقليــــــد
من ساسه الزلمه امبيــــــــــــــــن
〰️〰️〰️〰️〰️〰️〰️〰️〰️
ماتمحو ذكرنه اشما تكولــــــــون
تاج اعليكم اخواني يضلــــــــون
وانه اخت السبع كلكم تعرفــــون
وي امثالي اشجابك تحچــــــــي
〰️〰️〰️〰️〰️〰️〰️〰️〰️
حجيت بزودي انه وماهتميـــت
وكتله اسمع يزيد الماالك صيت
اضلن شامخه اشما تحديـــــــت
ماهزاني كل هذا المــــــــــــــــــر
〰️〰️〰️〰️〰️〰️〰️〰️〰️
جبل عالي اضل مايهوه ويمـيـل
يخسه انته وامثالك بيه يعيــــل
انه اخت السباع الراهبه الخيـــل
اتحداني کونك رجــــــــــــــــــــال
〰️〰️〰️〰️〰️〰️〰️〰️〰️
بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء
القصيدة/هاي الايام(لسان حال السيدة زينب ع)
هاي الايام ..... يمي الحسين وصدك مرتاحه
هاي الايام ...... تخلص بسرعه ويضل ذباحه
هناك وبكاع الطفوف
منذبح كدامي اشوف
عــــــــــيـــــــنـــــي متــــــــــــــنام
هـــــــــــــــــــــــــاي الايــــــــــــــــــــام
⊱━━⊰✾ياصاحب الزمان✾⊱━━⊰
هاي الايام استغلها وعنه مــــااشــــيل النظر
هاي لحظاتي الجميلة تبقۍ بس ذكرة وصور
هذا التـــــجنن صفــــاته يموت بس يترك اثر
باجر يموت الحسين
شبعي من وجه يعين
كَلـــــــــــــــبي يــــــــــــحتــــــام
هـــــــــــــــــــاي الايـــــــــــــــــــــام
⊱━━⊰✾ياصاحب الزمان✾⊱━━⊰
عيني خل تصفن ابوجه باجر ايغيره الترب
مدري ليش اكبال عينه عيني تغدرني وتصب
من يسولف تجي ابــــــــالي ينحرم من العذب
جني اشوفنه ذبيح
وانه مهظومه واصيح
بــــــــــــكَلـــــــــــــــــــبه الســـــــــــــهام
هـــــــــــــــــــــــــاي الايــــــــــــــــــــــــــام
⊱━━⊰✾ياصاحب الزمان✾⊱━━⊰
والله افكر كون اضمه وما تشوفه كربــله
شيخ گلبي وانه هسه بجاله حيل امدللـــه
هذا گلبه الحيل طيب هدف نبلة حرملــــه
گلبه مقصد للنبال
يموت وياه الدلال
بـــــــــــعـــــــــــــــده ننــــــــــــــــــــــضام
هــــــــــــــــــــــــــاي الايـــــــــــــــــــــــــــام
⊱━━⊰✾ياصاحب الزمان✾⊱━━⊰
اشعر بنعمة وجودة شوفته اتزيح الألـــــم
ياخذ اگلوب الفواطم لو مشه تموت الخيم
لسه ما صاير غيابه وحيلي ما باقي انهـدم
گبل ساعات الرحيل
دمعي مستعجل يسيل
بـــــــــــــــيه الآلـام
هــــــــــــــــــــاي الايـــــــــــــــــــــــــــام
⊱━━⊰✾ياصاحب الزمان✾⊱━━⊰
هيه جم يوم ويجيني العاشر بنار وذبح
وجه ابو السجاد اشوفه ينور من عالي الرمح
اخذ. كل فرحة حياتي آخ ياذاك الصبح
اخ ياذاك الصباح
حسين بحضان الرماح
نور الخيام
هاي الايام
الـــــــشــــــاعرة :فاطمة هاشم الحسيني
#ملاحظة لا احلل حذف الاسم او التلاعب بمفردات القصيده ونسبها لشخص آخر
نزله للصادق ع نفس طور ابجي العين للحاج باسم الكربلائي
**
تنوح أم الحسن للصادق وتنعه
بالأحساس صوت الفاجده انسمعه
آ يالصادق المظلوم آ يالصادق المظلوم
*
صوت من البقيع بونه وبآهات
مبحوح وحزين وخنكته العبرات
ليش ابني بكبر مهدوم وحجارات
حنت للزجيه السبعه والسبعه
آ يالصادق المظلوم آ يالصادق المظلوم
****
افرشهه لعباتي واكعد بتربان
انوحن عالغريب وهالكلب تعبان
بحر من العلم لأهل العلم طوفان
الدوانيقي يتآمر والغدر طبعه
آ يالصادق المظلوم آ يالصادق المظلوم
***
عله وليدي بجيت بدمعه من دموم
ليش يروح للموت بجبد مسموم
كلبي بهالفجيعه اتفطر ومهضوم
نسيت من الحزن صدري وكسر ضلعه
آ يالصادق المظلوم آ يالصادق المظلوم
****
تجويني الشموس وما إلي سلوه
بلامرقد ولاحايط ولا تجوه
وين الشيعه وتواسيني بالبلوه
ضاكت دنيتي وبعيني هالوسعه
آ يالصادق المظلوم آ يالصادق المظلوم
****
تمنيت المواكب عالدرب متنام
تخدم لليزورك جعفر بكل عام
أسجلهه الأسامي وأكرم الخدام
بزناجيل اللطم نعش الولي تودعه
آ يالصادق المظلوم آ يالصادق المظلوم
*
دعيت بكل زياره يرجع الغايب
بثارات البقيع ومحنته يطالب
ولضلعي التهشم ينهض يحاسب
وياخذ ثار ابني الجثته متوزعه
آ يالصادق المظلوم آ يالصادق المظلوم
*
أم علي الكاظمي
نعي للصادق ع
****
بناته يودعنه بآخر الليل
للصادق ينوحن بالكلب جمره
عاليسره البنات ويمنته الاولاد
ألتمو عالولي جن سبحة الزهره
وحده تحبه من الراس والعين
واحد عالجدم دمعاته بالحسره
صاحت فاطمه وصب دمع العيون
منشوفك بعد ياصادق العتره
نودعك بالكلب نار الفراك تصيح
لاترحل احلفك بويه بالعشره
يالماكو مثيلك والد بهالكون
خيمتنه التلمنه ساعة العسره
جم مره الحرك بالدار عشناه
يلملمنه الحنين ويحترك صدره
يدوس اعله الجمر بس ماصرخ آه
عمت عليك وجبدك موذره
عادانه الوكت لمن خذاك البين
وتدري باليتيم شما كبر هالكون
بعيونه الحياة إبلا أبو صحره
*****
صادق عترة المختار سموه
وإمام الجعفريه الناس سموه
عدوانه بغدر ياحيف سموه
وتجرع بالغصص جاس المنيه
يلوج الكاظم وبالروح ونته
واكباله الابو المسموم ونته
يعاشر دمعته والنوح وانته
بنورك تسطع الجنه الزهيه
عكب عينك يبويه الدار مو دار
ظلمه وموحشه جن كبر مو دار
تعال وشوف حالي الوكت مو دار
صرت بعدك غريب الكاظميه
**
أم علي الكاظمي
(فزاعيه لدفن) الامام الحسين واصحابه
✍️الشاعره صديقه الهلالي//
___
واویلي على المظلوم.....حتى من الغسل محروم
واويلي على المذبوح
ضل اعله الثره مطروح
عايلته سبايه اتروح
ويه ابن سعد والگوم
__
واویلي على العطشان
ماصحله غسل واجفان
ضل نايم عله التربان
اشكي الواحد القيوم
____
واويلي على المسلوب
صدره والضلع مصیوب
مني الحيدره معتوب
بويه بسك من النوم
__
واويلي على الظامي
وگباله النهر طامي
من عنده الجسم دامي
ومغسلينه من لدموم
__
علي السجاد جا ليهم
لحبابه يواريهم
شاف الترب غاطیهم
حقه لوبچه علیهم
دفنهم والگلب مالوم
___
تمت بعون الله//
✍الشاعره صدیقه الهلالي
قصائد نسائيه لكل ايام محرم اشترك
قصيده ثقيله نخوه للامام العباس (عليه السلام)
ارد احلفك باغلى شي عندك يعباس
اغله من روحك عليك وتعرف الناس
لوجبت طاريها حاجتي تكظيها
بجاه زينب بجاه زينب
...............
عندي حاجه وارد احلفك كلت بيش اقسم عليك
والفكر هوه الخذاني الطالب الحاجه وايجيك
صوره يرسم عالشريعه ويذكر الجود وبجيك
ظامي كلبك مارويته وماي جان بين اديك
المعنى واضح بيها حاجتي تكظيها
بجاه زينب بجاه زينب
..................
المعنى واضح والشريعه بيها ايثار اوفه
والحنان البيك لختك هذا من طبعك صفه
لونعد ناس التوافي انته فضلك ماخفه
شكثر جرح البيك موجر بس اسم زينب شفه
بروحك مخليها حاجيتي تكظيها
بجاه زينب بجاه زينب
..............
جبت جاه الحره كله وجيت تجري دمعتي
وحلفيتك يبوفاضل بيها واطلب طلبتي
بغير مااحجي يكافل انته تعرف حاجتي
روحي مهظومه واجيتك بس لخيتك حسرتي
عيني تجري عليها حاجتي تكظيها
بجاه زينب بجاه زينب
..............
جاها عندك اعرفه زينب اغله من العمر
وهيه تعلم بالمصايب والي يوليه الدهر
وانته نايم وسط لحدك وعله زينب تنقهر
واليكول بداعت اختك تذكر اسياط الشمر
وجم جرح ماذيها حاجتي تكضيها
بجاه زينب بجاه زينب
.............
سيدي انضر علينه بجاه زينب يالكفيل
يلي بابك باب رحمه وماكو يمك مستحيل
المعذره مولاي اكلك خاف جرحت الدليل
من يمر طاري العقيله ادري بدموعك تسيل
غاليه وادريها حاجتي تكظيها
بجاه زينب بجاه زينب
✍أم زينب كربلاء
✳️✳️✳️✳️✳️✳️✳️✳️✳️✳️✳️✳️✳️✳️
الناشر /// عالي مقامي
غير مبري الذمه يحذف اسم الناشر من القصيده
عايف اخوي اعله النهر… .وجايب الج كسرة ظهر
يازينب ادعيلي… .. توه انهدم حيلي…
راح اخوي
★★★★★★★★★★
عايف اخوي وهيبتي متوسد اعله التربان
وراجع الچ من النهر لچن يزينب عطشان
جمعي اليتامه ابخيمتچ وخليني وحدي ابصيوان
ارد بچي حَد ماانعمي وانحسب وي العميان
شفته وعسه ابعيني العمه… امسبح اخوي من الدمه
طايح گمر ليلي… .... توه انهدم حيلي…
راح اخوي
★★★★★★★★★★
يمه انحنيت ابلا وعي وگتله يبعد اهلي اشبيك
خليني اشد جرحك بدي صعبه اخوك ايخليك
مايوجعك اكبر جرح واعرف ابزينب تاذيك
چنك امتيهني صدك هذا انه اخوك ايحاچيك
انطيني راسك ياگمر… .. وخليني اموت من القهر
يابالفضل ويلي… ..... توه انهدم حيلي…
راح اخوي
★★★★★★★★★★
مو بس اخوي انته تره عشنه العمر چن صحبان
عباس بعدك بالمهد واگعد واشم بالذرعان
زينب تناغيك ابدمع ومنعدها احسك خجلان
ومن گمنه نتمشه سوه كامت تغار الجيران
وجهك مثل وجه الصبح… ..وچفك امــغـــزر بالملح
محد يتچيلي… ..... توه انهدم حيلي…
راح اخوي
★★★★★★★★★★
يازينب اوداعت علي كل حيلي احسن مهدوم
عباس المحدب الفرس معقوله طاح اوميگوم
لمن وصلت المشرعه العسكر بقه اعليه ايحوم
شافوني وحدي ابلا اخوا وسيف ابو فاضل مثلوم
حافي اجيت اركض اله…… وتبچي اعله حالي كربله
يازينب ابچيلي…… ... توه انهدم حيلي…
راح اخوي
★★★★★★★★★★
لمن وصلته ابلا وعي حاچاني كلمه العباس
گلالي يافارس ردت تمهلني مو صدري انداس
بلگت يجيني حسين الي واشتمه باخر انفاس
اترف بشر فوگ الارض من نحره الحسين انباس
گتله يبو فاضل صدگ… ..امتيهني يااجمل عشگ
يالغالي أحچيلي… ..... توه انهدم حيلي…
راح اخوي
★★★★★★★★★★
للخيمه گوم الخاطري ياباالفضل وامشي اوياي
سالم نريدك ياگمر ترجع ومــــا ردنـــــــه الماي
زعلانه سكنه اعله النهر وعبدالله يبچي ابلا راي
ودمعة رقيه الخاطرك صارت على الخيمه افياي
جاسم رفض حته العرس… ..چي شاف الاكبر بالشمس
وزينب تناديلي… .... توه انهدم حيلي… راح اخوي
★★★★★★★★★★
ـــــــــــــــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
من مستحبات أعمال عيد الغدير المؤاخاة:
وهذه هي الطريقة :
واخيتك في الله وصافيتك في الله وصافحتك في الله وعاهدت الله وملائكته وكتبه و رسله وانبيائه والائمه المعصومين عليهم السلام على اني ان كنت من اهل الجنه والشفاعه واذن لي بان ادخل الجنه لا ادخلها الا وانت معي.
ويقول الاخر: قبلت , ثم يقول : اسقطت عنك جميع حقوق الاخوه ماخلا الشفاعه والدعاء والزياره.
نعي عن الام ( ابيات مفجعة)
نعي جنوبي
شو مسدود بابج يادار بعد المشو مسدود بابج
راحو احبابج عزوتنه مشو راحو احبابج
.
ابجن يلعيون لفراگ الغالية ابچن يلعيون
بالگبر مدفونه عزيزة گلبي بالگبر مدفونه
مايردون شالوا يگلبي وما يردون
يحرگ بلچفون دمع البعد يحرگ بلجفون
مامثلها افياي يا في الوالده مامثلها افياي.
اعمتلي عيناي وامصابج ييمة اعمتلي عيناي
صبّحت دنياي وحشه وخاليه صبّحت دنياي
جرحج امچيد ياييمنه الحنينه جرحج امچيد
ابجية العيد اسود لبسنه ابجية العيد
منا شيريد هذا الدهر چا منا شيريد
————
مظلمة الدار من شالوا اهلهه
بعد عيــــنج ييــمة اظلم نزلهه
يفراكَ الولــــدة روحي نحــــلهه.
،٠٠٠٠٠/
وجع كَلبج ييمة يصيب كَلبي
ولچ ياعين للغــــالين صــــبي
وبعد ياروح نوحي ودوم انحبي
بالبيت وياي بالبيت وياي شحلات الوالدة بالبيت وياي
💠الله شوف حنان الام
ترى تبجي على مبجاي انه من اضل الوحدي
تبجي على ابجاي
وتاه العكل والراي ماتت امنه وتاه العكل والراي
💠يسال الولد بعد فراق الوالده ويكول
وين منواي عكبج ييمه وين منواي
💠شنو امنية الاولاد
انروح لمنه نريد اليوم كلنه نروح لمنه
على المااجتنه نعتب على امنه المااجتنه
من فاركتنه يمه صارت سنه من فاركتنه
💠الامام علي يقول انكسر قلبي على اولادي كلمل دخلت الدار قال بنيه زينب عليما تبجين
من تمر بينه شحلات الولاده من تمربينه
وتنشد علينه يمحلاها وبعد تنشد علينه
اشبدينه فركنه الزمن بوية شبدينه
تباوع المحراب الزهرتء خالي وتكول
سولفينه سولفينه يمه ياما كعدنه وسولفينه
يايمه وحجينه اشكثر تسامرنه وحجينه
افاركينه يمنه الحنينه وتفاركينه
💠شنو رايدينه الاولاد من الام
رادينه حنانج ييمه رايدينه
وانريد نطرش ييمه صار، العصر، وانريد نطرش
يايمه انحمل وانفرش انه يم الوالده انحمل وانفرش
ونروح ليها حلوة المكبرة وانروح ليها
وانام بيها يم الوالده وانام بيها
لفيناج يالوالده ييمه لفيناج
مالكيناج مالكيناج وصلنه الباب كبرج مالكيناج
يالضيعيناج حنينه الولاده ويالضيعيناج
على افركاج صارت سنه ييمه على فركاج
ولاجاوبتني ندهت الوالده ولاجاوبتني
يمه مدري نستني مدري التهت مدري نستني
يالضيعتني حنينه الوالده يالضيعتني
كاعد يسولف وي الوالده ويكول
بكوسر البيت ياما كعدنه بكوسر البيت
بكوسر البيت اذكر لوكعدنه بكوسر، البيت
تمنيت زهرة ييمه وياي كاعده تمنيت
وايسيت ترى راح اكطع اضنه وايسيت
هنا كعدنه هناةحجينه واهنا تسامرنه وحجينه
تفاركينه تفاركينه اشو بسرعة ييمه تفاركينه
ياجماعة ترى اليبجي على امه محد يلومه
شكثر محتام اشوف امي واراها
يمه ااه يكطع بكلبي واراها
يريت ارجع طفل واركض وراها
واتيه من ايدها وتنشد عليه
.
للمزيد تواصل مع الخطيب الحسيني احمد عبدالخضر الكناني
نعي مفجع
مولاتي زينب ع
على التل اوكفت ياحيف وطولي شافته الغـربـه
اكـابـر گـوه بـيـن الـخـيـل وادري بوكفتي صعبه
اشـوف ابـن امـي گـدامـي الـمـثـلـث مـرد گـلـبـه
هذا ايـروك روك اعـلـيـه وذاك ايـجـره ويـگـلـبـه
درت صـوب النهر بالعين ودمعتي بخدي منصبه
شلون اوصل گمر عباس ومكضوض بـزلـم دربـه
صحتله اگـعـد يـبـو فـاضل حلتلك نـومـة التربه
شوف الگوم شوف الخيل خدري اتزاحمت گـربه
سكته وْ لا سمعت اجواب ولا طلاب اجه لـ طلبه
هيچي الـدهـر جـار ويـاي ومعلن يـا خلگ حربـه
*---------------*---------------*
✍خادم الحسين ع
الشاعر رعد الجريخي
ابو فاضل(ع)
_
خويه زينب.... جيتج ومحني الظهر
خويه زينب.... راح من عندي الكَمر
خويه زينب..... خويه زينب
__
بيمن ابدي....صعبة ارجع....وحدي لهاي الخيم
بيمن ابدي....وانه عفته....وعينه مرميه بسهم
بيمن ابدي....كتله اكعد....حيلي وياك نهدم
بيمن ابدي....خلاف عينه....ماكو كافل للحرم
مستحي لكيته منج....يزينب....يزينب
ينزف ويسالني عنج....يزينب....يزينب
عفته طايح عالنهر
جيتج ومحني الظهر
خويه زينب ......خويه زينب
__
بعيني شفته.... بلا جفوفه....بصفه تبجي رايته
بعيني شفته.... دمه يجري....شضال بيها جثته
بعيني شفته....على الترايب....سال دم من وجنته
بعيني شفته...حاجه روحه....بكبر دنيا حيرته
شفته ماتقبل حميته....يزينب....يزينب
يكوم ويطيح لكيته....يزينب....يزينب
صوب المخيم نظر
جيتج ومحني الظهر
خويه زينب....خويه زينب
_____
شوفي ظهري....محني حكه.... عفته عالشطي الفحل
شوفي ظهري....قوس صاير....حزامي ياخويه رحل
شوفي ظهري.... شال فركه....مو سهل فكد الامل
شوفي ظهري.... شلون داير....عفت بعيونه خجل
جيتج وجدمي يتعثر ....يزينب....يزينب
بالقلب شَيي يتكسر....يزينب....يزينب
هيج تاليته الدهر
جيتج ومحني الظهر
خويه زينب....خويه زينب
_____
هذا حالي....بهضم قلبي....وعيني ماخذها الدمع
هذا حالي....روحي ذابت....مثل ما ذاب الشمع
هذا حالي....بيدي اصفك....مات عباس السبع
هذا حالي....الخوه شحت....راح من عندي الجمع
راح يا خويه المعين....يزينب....يزينب
وحدج صعبه تمشين....يزينب....يزينب
تحضري باجر للسفر
جيتج ومحني الظهر
خويه زينب....خويه زينب
_____
السيده زينب:-
شلون بيه....كلي يمي....وباجر انتي مدلله
شلون بيه....ابقى اروحن....حيره هاي المسئله
شلون بيه....والله مدري.... منين اجتني كربله
شلون بيه....يابو فاضل....تقبل ابقى معلعله
كلي بعيوني اضمج....يزينب....يزينب
الجيش شنهي ويهمج....يزينب....يزينب
سهام البجسمه مطر
جيتج ومحني الظهر
خويه زينب....خويه زينب
_____
الخادم:-أحمد حامد الشمري
الباقر
...
من زغري ويّاك
ما اگدر انساك
يا محرم .. يا محرم
...
يا محرم تختلف عن باقي الشهور
انت المخلي حياتي كلها عاشور
اشلون انسه بكربلائك گطع النحور
شنسه نيران الخيم لو سلب الخدور
من زغري محتار
وبگلبي چم نار
امن المخيم .. يا محرم
...
ذكرياتك مؤلمه يا شهر الأحزان
شما اشوف الماي اذكر جدي عطشان
من اشوفن خيل ابچي وين ما چان
اذكر الصدره صبح للخيل ميدان
بعيوني مطبوع
تكسير الضلوع
عايش بهم .. يا محرم
...
الطفل لو يمي بچه شيسوي بيه
يذوب گلبي من رباب اتصد عليه
ابقه العن حرمله صبح ومسيه
طفل عطشان اذبحه بالغاضريه
وامه تصدله
وبنحره نبله
سابح بدم .. يا محرم
...
بعد يوم الطف بقت عمتنه بس عام
من دفناها بديها چوية خيام
چانت آخر كلمه منها آه يالشام
تذكر اشلون بخرابه جانت تنام
من هالمصيبه
ماتت غريبه
عمري اظلم .. يا محرم
...
يا محرم هالمحن شافتها عيني
وكل سنه بهلالك تهيج ونيني
خل اموتن گبل ما شهرك يجيني
انه بس دمعه وحزن خلصت سنيني
المحنه چبيره
الماله عشيره
يجرع السم .. يا محرم
...
خادم الحسين ( عليه السلام)
كرار حسين الكربلائي
( ابو كميل)
مقتل الحسين يوم العاشر 2021
شفت المصيبه بعيني
من طاح ضامي حسيني
امتار بينه وبيني يامن تسئلون
.........
شحال التشوف بكربله بسيوف اخوها توذّر
واحد وسط سبعين الف داروا عليه وطّبّر
وشلون اخلصه امن العده حرمه وحرت ما اگدر
وبسهم لمثلث شفت صدره الشريف اتحفّر
شفت الشمر متربّع بصدره
جرّح رگبته بثنعش طبره
ضامي ويحزّ امن الکفه نحره
ناديته ارحم والد العتره
لمن سمعني المرتد
يطبر اخويه اتعمّد
والغالي دامي امدّد. بين اليذبحون
...........
لمن وصلت لمصرعه. لن اللعين اگبالي
شايل رمح وعله الرمح راس الحبيب الغالي
يتبسّم بوجهي الشمر. عمداً حرگ دلّالي
يلچم جرح راس الولي اذّاني رمحه العالي
والخيل هجمت داست بجسمه
كسرت ضلوعه ورضرضت عظمه
عله حسين ناس وخيل ملتمّه
لا اخو ظل ولا ابن يمه
معقوله هذا الشفته
ابن امي داسو جثته
لو بيدي اگدر شلته. عن اليدوسون
...............
صدره انفرش ويّه الارض من داسته الخيّاله
ياخيـل هـذا ابـن النبي بسچن درحمن حاله
شبيچن تدوسنّه بحقد الحافـر مـرد دلّاله
عوفن ولو منه عظم سالم يظل لعياله
هاي اليتامه منهو يرعاها
بس العليل المبتلي وياها
سوط الشمر والخوف اذّاها
ونار الخيم مستعره فوگاها
راعي العلم چا وينه؟
عالمشرعه مگطعينه
وتـگـطّـعـن چفّينــه. حمّاي لظعون
...............
ابن امي مات امن الشمس لا يمه نخله ولا ماي
بجروحه تچوي وبالنحر عالرمل متأذّي هواي
هذا الحُسين المنذبح ياشمس هونج بهداي
اتمنّه ابقه ابمصرعه اوگف وسويله افياي
تغيّر يويلي امن الشمس لونه
ابن الزجية الكل يعرفونه
بلا دفن ظل وما يرحمونه
جسمه انسحگ ويلي ويسلبونه
مطّشّر بوجه الگاع
والخنصر الگطعو ضاع
مو ضلع كسروله ضلاع. ناس اليبغضون
...............
مجبوره اعوفنّه وأرد حفظ الحرم وصّاني
تمنّيت عباس بعَلَم. كافلني يتلگّاني
ويشوف نار عله الحرم تتلاهب بصيواني
عباس طاح عله النهر. هيهات يرجع ثاني
زينب جبتها تكفّلت بيها
عباس شوف شصاير عليها
اختك يخويه الشمر سابيها
نظرة شماته تشوف تاليها
باجر اخونه نعوفه
نطلع سبي للكوفه
فوك الهزل مچتوفه. بين اليشمتون
#سيد_زيد_الفحام
____
فزاعيه او شدة لطم للجواد ع
**
لباب المراد إتوجهت دكيت بابه الليله
**
جاري وأريدن فزعته بكل شده أكصد حضرته
تجلي الهموم إزيارته لو صحت وينه إدخيله
****
أنعاه والمدمع يصب لمصابه مجروح الكلب
فكد الشباب شكد صعب كل محب دمعه يسيله
**
أبجي لشباب إبن الرضه بالجبد سمه من مضه
وحده غريب ومن كضه ياهو الذي يتجيله
****
لايمه إخوه ولا إبن بالشمس مرمي ابلادفن
بس الحمام إعليه يون بدم ودمع ينعيله
*****
أنخاه روحي إمعلعله يامن تحل المعظله
عبدك بدنياته إبتله ومهدوم منهه حيله
*****
بالنفس مخنوك الصدر ياشافعي بيوم الحشر
جيتك أمشي أم الخدر همي العليه إتشيله
*****
أنخه الجواد بشدتي بأحزاني يدري وعلتي
أمسح الباب بدمعتي وبكتره أذب الشيله
*****
أم علي
ثكيله للجواد ع نفس طور اخاف من اعوفك للحاج باسم الكربلائي
**
الجواد أعتنيله وأصيحن دخيله
يباب الحوايج هضم كلبي شيله
ارفعتهه لأديه احلفه برقيه
واصيحن دخيله
***
أروح لحضرته والدمعه تخنكني
عله ابوابه دخيل وادري ميردني
انادي يالجواد الدنيه تعبتني
اذا تطردني اروحن وين جاوبني
منو عندي غيره يغركني خيره
اطوف بضريحه واشمن عبيره
منو يهم إليه احلفه برقيه
واصيحن دخيله
****
اذا شد وكتي ويايه وعكس يندار
ادك باب المراد المايرد محتار
من عطفه وحنانه يكرم الزوار
ماتبقه الشديده وجده حامي الجار
اروح لحبيبي إمامي وطبيبي
دوه لكل جروحي ويطفي لهيبي
بنظرته عليه احلفه برقيه
واصيحن دخيله
****
نخيتك يالجواد بحاجه متعسره
طلب عندي قديم ويمك انتظره
امشي اعليك امك فاطمه الزهره
حلهه المعظله وكلب المحب جبره
بحسرتي انادي يباب المرادي
ويباب الشفاعه ويخير العبادي
دمعتي جريه احلفه برقيه
واصيحن دخيله
***
عله مصابه الكلب مايهجع ونينه
غريب بلا اهل مسموم والينه
شباب وماتهنه بعمره وسنينه
وكت موته يدير اعله الاهل عينه
حسافه لشبابه وغربته وعذابه
نهاية حياته بعيده الكرابه
وتحضره المنيه احلفه برقيه
واصيحن دخيله
**
بلسان الحال يحجي ابن الرضه باحزان
أنه المسموم جبدي وغدرته العدوان
ثلثتيام جسمي ظل عله التربان
مثل جدي الغريب المنذبح عطشان
الشمر حز وريده وتوذر عضيده
انوح لمصابه وحسرتي شديده
اعله عمتي السبيه احلفه برقيه
واصيحن دخيله
**
أم علي
فزاعيه حول الامام علي
گلوله يرد. يبچن ابنياته
تره احنه ابعازته. وانريد.كعداته
گلوله يعود الغرب علينه
وفراكه طويل وحيل ياذينه
ابونه الدللانه ما يرد لينه
وظلن بل حزن كلش عزيزاته
بعدنه بعازته وانريده كلوله
وخبر منهن بناته اليوم وصلوله
هم يرجع عليهن يو بعد يوله
شال وما يسمعنهن حجاياته
يبچن مادره والعين يعمنهه
ويظل بنفوسهن والعشره رادنهه
عليه ارواحهن من شال هدنهه
وحد الموت ما تنكطع وناته
عليه تهدلن والروح مكضيه
وما بطل بچيهن ابد يوميه
وحشه اديارهن والبويه ماهيه
ظلت فارغه ومابيهه كعداته
گلوله عليهن لا يظل هوه
ولا يمشي ويكلهن فلت العشره
محتازات حيل الكعدته الحلوه
وبعد بنفوسهن يا ذيج وكفاته
لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له ج
🏴أنت المعزى سيدي يا صاحب الزمان ... عظم الله اجوركم💔
✍️..(مشكول الذمه الي يحذف الاسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔...خدمتكم شرف لنا
أنه أم البنين وراحو أبنيني
آنة أم البنين وراحوا بنيني
*---------------*--------------*
عافوني بغربتي وماشفت راحه
وحسيت الدليل أنگطع سباحه
چن طير الحمام وكسرو أجناحه
المناحه والبواچي جرّحت عيني
أنه ام البنين وراحو أبنيني
*-----------------*---------------*
ياناس الولد تراد للعازه
ردتهم أربعه ايشيلون الجنازه
شيصبره اليضل ويفگد أعزازه
تمنيت ألأجل والموت يلفيني
أنه أم البنين وراحو أبنيني
*---------------*--------------*
يتحرك الباب وصحت ياهوه
أصبّر بالگلب والروح بالگوه
دولبني الزمان وسوّه ماسوه
اصيح الضنوتي ومحد يحاچيني
أنه ام البنين وراحو أبنيني
*-----------------*----------------*
مشتاگ الگلب والجفن ما طبگه
يجوني الاربعه وأتخيل الملگه
يموت الفارگاهم ياخلگ حگه
حتى الموت ما ضنن ينسّيني
انه أم البنين وراحو أبنيني
*-----------------*--------------*
الفگد حسين والعباس ملچومه
خلوني نحيله وتصعب الگومه
يجيني الليل بالدمعات وهمومه
أسكت والجرح گوه يبچيني
أنه أم البنين وراحو أبنيني
*----------------*--------------*
أكابر والمكابر مانفع صبري
ضليت بعبرتي ودمعتي التجري
راحو للطفوف وخذو كل عمري
أسجل دمعته كلمن يواسيني
أنه أم البنين وراحو أبنيني
*----------------*-----------------*
حكهن بالبواچي يعمن عيوني
مكسورت ظهر والوحدي خلوني
لمصاب الولد باللطم واسوني
ضيعهم زماني وضيع اسنيني
أنه أم البنين وراحو أبنيني
*-----------------*----------------*
✍بقلم خادم أم البنين ع
الشاعر رعد الجريخي
قصيدة الامام الصادق ع
للصــــادق ايسيـــل دمعنه دمعنه
اليله اعله حبه انجمعنه انجمعنه
"""""""""""""""""""""""""""""
للصادق انوح ـ انون ونت الدوح
وبثوب الاحزان ـ للمجلس انروح
نتحزم احزام ـ نلطم على الهام
ونگله للموت ـ نبقه احنه خدام
نتلاگه بهموم ـ نصرخ يمسموم
انحسها ام الحسين ـ ويانه هاليوم
مفتخره حيـــل ابلطمنه ابلطمنه
اليله اعله حبه انجمعنه انجمعنه
"""""""""""""""""""""""""""""
گلب المحب لاع ـ بمصباح الوداع
وموكبنه من سار ـ سد ناضر الگاع
لحبه احنه نحضر ـ ايجرنه الگلب جر
الخدمه اعله الملاك ـ بيها انتبختــــر
الخير ابثــناياه ـ بخـــدمتنه شفناه
وبالاخره ايفوز ـ الضل اعله مسراه
بهاي التجـــــــــاره ربحـنه ربحــنه
اليله اعله حبه انجمعنه انجمعنه
"""""""""""""""""""""""""""""
تون شجرة النور ـ غصن الها مكسور
واجب يخـــــدام ـ ندميله الصدور
كهل وصبي وشاب ـ انشارك بالمصاب
الكاظم نعزيه ـ لضل دمعه سچاب
الصادق يالحباب ـ بدره انطفه وغاب
بالســــم يويلاه ـ منه الچبد ذاب
الناعي الحزن صوت رفعنه رفعنه
اليله اعله حبه انجمعنه انجمعنه
"""""""""""""""""""""""""""""
رمز العلم شال ـ وسلطان الاجيال
واجب اله اليوم ـ نتهدل اهدال
مجلسنه نحييه ـ وام الحسن بيه
وهذا العمل دوم ـ الوجه الله نهديه
سيـــد الكرامات ـ ناحـــتله الآيات
ومختبصه وتنوح ـ ارض وسماوات
الصــــــادق وطنه او علمنه علمنه
اليله اعله حبه انجمعنه انجمعنه
"""""""""""""""""""""""""""""
يايوم اله انشوف ـ حضره ونجي انطوف
ونقره على الباب ـ حي الله الضيوف
نضحيله بنحور ـ انسويله عاشور
بالغرقد انقيم ـ مجلس نعي وشور
الخالفنه غلطان ـ ايضل ماله عنوان
من يوگع ابضيج ـ خل ينفعه افلان
بجــــــوده وعطايا طمعنه طمعنه
اليله اعله حبه انجمعنه انجمعنه
"""""""""""""""""""""""""""""
✍الخادم
كامل السعيدي
شده للصادق عليه السلام
*****
ريض بالنعش بله يشياله
تريد تودعه للصادق عياله
***
من شال النعش والروح ممروده
رايح للكبر والراح شيعوده
صار الكون مثل هدومنه السوده
ظلام وهالسمه والكاع تنعاله
***
يشيال النعش ريض وتانينه
ابونه وخيمه جان يظلل اعلينه
نشبع شوف من الوالي خلينه
مهضوم الكلب وانهدمت آماله
***
عالجنازه الدموع بهيده نجريهه
بلجن جبدته بالدمعه نرويهه
يسموه النواصب هيج تاليهه
سهام امصيبته باحبابه جتاله
**
يالكاظم يخويه وياكم اخذونه
بهيده باللحد لمن تنزلونه
بالك بالتراب وتلجم عيونه
إمجرحه بالدمع لحسين هماله
**
لحسين ومصابه من دمه دموعه
ظل طول العمر وناته موجوعه
مجالس للنعي ينصبهه باللوعه
كبل الموت جان امغرب هلاله
**
بتراب اللحد ننثرهه للدمعات
ندري اليندفن يرجع بعد هيهات
مكسور الكلب وشحال البنيات
وابو طلبه ينوح الليله وشحاله
**
أم علي الكاظمي