2285
قناة للقصائد الحسينية
˓⋆ موشح للسبي
زينب اخذوها سبية ياعلي
شلون ماتحضرها ياخير الولي
شابحة بعيونها الراعي العلم
تبجي سكته وبيها كسره من الألم
كوه تمشي سحل تسحل بالجدم
تكول ضاعوا مني بليلة هلي
كوم ياعباس يحزام الظهر
انه جيت اوياك ياخويه الكمر
حيلي هديته بوكعتك عالنهر
كوم اريدك ثكل خويه محملي
ادري ماترضى غرب يحدوني
فدوة لعيونك تروح عيوني
انه من دونك تشوف شلوني!
فوك ظهري حمل وانت كافلي
صورتك كل ساع تتراوالي
شلون ماشوفك بعد للتالي
بعيني ظلت ياحبيبي الغالي
ضحكتك يالبيها همي ينجلي
عازتك يابو الفضل ضكناها
شفنه لوعات شكثر شفناها
لو بجت طفله الشمر سطراها
وانه ورم متني والهم معتلي
بقلم الخادمة ام زهراء خادمة خدام الحسين عليه السلام
نسألكم الدعاء
لوالدية بالرحمه ولي بالفرج
#شور
┊
موشح لعلي الاكبر ع
مربعه +فزاعيه
وني للاكبر علي ونيله
لطمي اعليه الصدر ياليله
للمخيم جابه ياويلي الفرس
ينزف ومجروح مقطوع النفس
من العطش ويلاه وإلسانه يبس
منفطر آياحسرتي ادليله
لطمي اعله الراس وياه الصدر
صدره من لرماح ياويلي انكسر
وقلبه هل نصين عطشان انفطر
يا علي لحسين هدم حيله
ميت وعطشان شبه المصطفى
وعمره ابن حسين ويلاه انطفى
نايم المدللول بالحومه وغفى
ولجله ادموم الدمع انهيله
ياعلي والحيل يومه هدمه
ألم الزهرا البتوله فاطمه
من شفتها اجراحه تجريه الدمه
روحي بمصابه تون انحيله
نايم الاكبرياويلي اعلى الترب
وبسهم دلاله قلب امه انشعب
ياعلي وفراقك اعليه صعب
وونتك والله ييمه اطويله
بقلم بنت الشمري
فاختار طريق البكاء أولاً ، ثم طريق الدعاء
وعن طريق البكاء المشفوع بالدعاء ، استطاع الإمام عليه السلام أن يحقّق الأغراض التالية :
۱ ـ و استنهاض الضمير النابض في الاُمّة والذي لم يمت بعد ، أيّ مخاطبة الفطرة السليمة ، من خلال دموع ساخنة ونشيج صادق لا يمكن تفسيره ببساطة علىٰ أنّه مجرّد عواطف فائرة علىٰ فجيعةٍ مرّت وكارثة حلّت ، لا سيّما وانه من إمام يعرف أكثر من غيره القضاء والقدر وحتميّة الموت وطوارق السُنن ...
۲ ـ استثمار جميع المواقف والمناسبات التي تُذكّر الناس بالجريمة الكبرىٰ التي ارتكبت بحقّ سبط النبي وسيّد شباب أهل الجنّة ، وعبر بكاء حارّ صادق يتفجّر أمام قصاب مثلاً يذبح شاته فيسقيها ماءً قبل ذبحها
أو أمام ضيف فقد عزيزاً فغسّله وكفّنه ـ
أو علىٰ مائدة إفطار يُقدّم فيها الماء للعطاشىٰ والضامئين
وغير ذلك ممّا كان يذكّر بتجاوز الحدود ، وقساوة القلوب ، أيّ قلوب القتلة التي كانت كالحجارة أو أشدُّ قسوة ، وهذا يعني تركيز الشعور بالإثم الكبير الذي ارتكب في طفوف كربلاء والذي صار عنوانه : « لعن الله أُمّة قتلتك ، ولعن الله أُمّة ظلمتك والعن أُمّة شايعت وبايعت علىٰ قتلك ، ولعن الله أُمّة سمعت بذلك فرضيت به » !!
۳ ـ عدم اعطاء الفرصة للسلطة الحاكمة وعيونها وأزلامها ومرتزقتها للوقوف بوجه هذا الاسلوب اذ أنّ المفجوع ليس لديه إلّا البكاء ، وأنّه ليس عملاً جُرمياً يبرّر للسلطة اتّخاذ إجراءٍ قمعي لمواجهته ، فكيف إذا كان المفجوع باكياً فعلاً وليس متباكياً ، كما هو حال الإمام عليه السلام !!
٤ ـ وحين تختلط دموع البكاء مع تراب قبر المتوفّىٰ ، وهو ما كان يفعله الإمام حين كان يُطيل سجوده وبكاءه علىٰ التراب الذي احتفظ به من ثرىٰ قبر والده ومسحه بخاتمه الذي أصرّ علىٰ لبسه والمحافظة عليه مع الشعار المنقوش عليه والذي كان يردّده عليه السلام : « خزي وشقي قاتل الحسين بن علي » تكون رسالة البكاء أكثر تعبيراً وأمضىٰ أثراً في إذكاء الوجدان المعذّب والضمير الحي وتفجيرهما ضدّ الظلم والظالمين.
٥ ـ أمّا حين يمتزج البكاء مع الدعاء ، وتتكامل لوحة الرفض المقدّس عبر العاطفة والفكر ، وعبر العقل والقلب ، يكون الهدف من البكاء أكثر تجليّاً وسطوعاً ، وهذا ما كان يُلاحظ عند الإمام عليه السلام وهو يخرُّ ساجداً علىٰ حجارة خشنة في الصحراء يوماً ويشهق شهيقاً مرّاً مردّداً : « لا إله إلّا الله حقّاً حقّاً .. لا
إله إلّا الله تعبّداً ورقّاً .. لا إله إلّا الله
إيماناً وصدقاً .. » ثمّ يرفع رأسه وإذا بلحيته ووجهه مخضبان بدموع عينيه ، فيقول له أحد أصحابه : أما آن لحزنك أن ينقضي ، ولبكائك أن يقلّ ؟! ويأتيه الجواب
ياعم يا ابا حمزه هل رأت عيناك او سمعت اذناك امرأة سبيت لنا في جاهليه او اسلام قبل عمتي زينب والله ما رايت عماتي واخواتي الا وذكرت فرارهن يوم عاشوراء من خيمة الى خيمه والنار تتلاهب باطراف ثيابهن
ثمّ يختتمها بدعاء دامع حزين : « يا نفس حتّامَ إلىٰ الدنيا سكونك ؟ وإلىٰ عمارتها ركونك ؟ أما اعتبرت بمن مضىٰ من أسلافك ؟ ومن وارته الأرض من أُلّافك ؟ ومن فجعتِ به من
إخوانك ؟ ونُقل إلىٰ الثرىٰ من أقرانك ؟ فحتّامَ إلىٰ الدنيا إقبالك ، وبشهواتها اشتغالك وقد رأيتِ انقلاب أهل الشهوات ، وعاينتِ ما حلَّ بها من المصيبات ... »
نعم ، إنّه البكاء الهادف ، والنشيج المدوّي ، والدموع الناطقة ، إنّه رسالة صامتة شديدة اللهجة صارخة الاحتجاج ، محبوكة المتن ، متينة السند ..
تتمة مجلس شهادة الامام السجاد عليه السلام
إنّه بكاء أفقه أهل زمانه وأعلمهم وأورعهم وأتقاهم ، حفيد النبي صلّى الله عليه وآله وسلّم ، وابن سبطه ، المفجوع بقتله ، الشاهد علىٰ دمه ، حامل رسالته ومبلّغ أمانته ووصيّه ووريثه والداعي إلىٰ حقّه .. إنّه بكاء علي بن الحسين بن علي بن أبي طالب عليهم السلام
المصيبة
اي واه اماماه واه علياه
قال الإمام علي بن الحسين (ع) لولده أبي جعفر الباقر (ع) مر بي أبي الحسين وهو يقول: ولدي عجل
فإنا منتظرون فما أمامك خير. وفي كتاب وفاة الإمام السجاد للمرحوم سليمان البلادي: فلما سرى السم في بدنه الشريف وتيقن حلول أمر الله تعالى به وانقطاع أجله أقبل على ولده وخليفة الله من بعده أبي جعفر محمد الباقر (ع) وقال له يا بني إن الوعد الذي وعدته قد قرب فأوصيك يا بني في نفسك خيرا واصبر على الحق وإن كان مرا فإنه لتحدثني نفسي بسرعة الموت لقوله تعالى: (أفلم يروا أنا نأتي الأرض ننقصها من أطرافها والله يحكم لا معقب لحكمه وهو سريع الحساب)
وكان (ع) يقرأ القرآن وهو في حالة الاحتضار ثم أشرق من وجهه الشريف نور ساطع يكاد يخطف الأبصار ثم نادى يا أبا جعفر عجل ففاضت نفسه الشريفة فلطم الباقر رأسه ورفع صوته بالبكاء وضج أهله وعياله وضجت المدينة بالبكاء والعويل وكان كيوم مات فيه رسول الله فأخذ في تجهيزه ولده الباقر وأعانته على غسله أم ولد له وبينما كان إمامنا زين العابدين على ساجة المغتسلا ممدودا وأبو جعفر يغسله إذ
(#يتيمات)
******
يتيمات زينب والحرم صارن يتيمات
عكب وليانهن راحن سبيات
بيد الاجنبي صفن اسيرات
يتيمات
******
بحركه تصيح أم الخدر لوين راحو أخوتي
أنده ولا واحد يجي عافوني ليش ابغربتي
هجمو عليه كوم الكفر محد فزعلي ابشدتي
اصرخت وينه كافلي يا ريته يسمع صرختي
أسيره آنه أم الخدر صرت أسيره
يشتمني الشمر وآنه الأميره
عكب كفالي صاحب الغيره
يتيمات
********
هجموا علينه بكل حقد حرك وسلب قصدهم
احفاد ابو سفيان وهند لا مو غريب فعلهم
حتى الطفل لا ما سلم مات بغدر سهمهم
لاغيره عدهم لا رحم الله ومحمد عليهم
الجتوف زركه من الضرب صارن الجتوف
من كل كتر حاطتنه السيوف
من كثر البجي لعيون متشوف
يتيمات
*********
شاعر اهل البيت
سيد علي العنكوشي الواسطي
رباطات لدفن الحسين عليه السلام
هونك يدفانه
هونك يدفانه
اضلوعه امكسرة
لملمهن اوصاله
لملمهن اوصاله
ودور خنصرة
ما ضل عضو سالم
ما ضل عضو سالم
من خيل العدة
يالتدفن الوالي
يالتدفن الوالي
گله اعله الحرم
طرن ترة الهيمة
طرن ترة الهيمة
وراحن للسبي
بسياط ضربونه
بسياط ضربونه
بعد عيونكم
الترجية جروها
الترجية جروها
من بنتك ترة
تمت بحمد الله تعالى نسألكم الدعاء بالتوفيق لخدمة اهل البيت عليهم السلام
الشاعرة ام زهير الفاطمية
فزاعيه نصف تهيئة
أويلاه يفاطمه… اويلاه يفاطمه
……
زينب وحيدة بكربـلة.. اويلاه يفاطمه
دمعتهة عالخد سايلة.. اويلاه يفاطمه
حيرهة جـمع العايلة.. اويلاه يفاطمه
اعليهة الهموم امكللة.. اويلاه يفاطمه
ماظل كفيل اتحشمه… اويلاه يفاطمه
… ..
طاح الكفيل اعلى النهر .. اويلاه يفاطمه
مدمي الصدر مدمي النحر .. اويلاه يفاطمه
لخـــيامة مشبوح النظر .. اويلاه يفاطمه
بدمـــوعة لسكينة اعتذر .. اويلاه يفاطمه
وسهم البعينة ألمة… اويلاه يفاطمه
… ..
خيل العدة حسين اسحكت .. اويلاه يفاطمه
بحافرهه جـــلدة علكت .. اويلاه يفاطمه
بالرفس جبـدة شككت .. اويلاه يفاطمه
ابكل حقد جرحة غمكت .. اويلاه يفاطمه
رمح البكلبة لا جمه ... اويلاه يفاطمه
… .
عبدالله مذبوح الالـــم .. اويلاه يفاطمه
من غدر امية ما سلم .. اويلاه يفاطمه
روه جــبده بالسـهم .. اويلاه يفاطمه
بجروحة الحسين اللجم .. اويلاه يفاطمه
مات ويصارع للضمه .. اويلاه يفاطمه
… ..
القاسم انعجنت حنته .. اويلاه يفاطمه
بدم هامته ودم ركبته .. اويلاه يفاطمه
بالحومة صارت زفتة .. اويلاه يفاطمه
صينتة دمعت عمتة .. اويلاه يفاطمه
ناح الحسين القاسمه ... اويلاه يفاطمه
… ..
الاكبر علي بكاع الحرب ... اويلاه يفاطمه
اتولوه بسيوف الغـرب .. اويلاه يفاطمه
من كل كتر دمة يصب .. اويلاه يفاطمه
وجسمة تطشر عل الترب .. اويلاه يفاطمه
منظر بجتلة ارض وسمه ... اويلاه يفاطمه
… ..
خيمـت السجاد احركـو .. اويلاه يفاطمه
سكـنة ورقـيـة سـلبـو .. اويلاه يفاطمه
زينب بالاسياط اضربو .. اويلاه يفاطمه
بحبال الايتـام اسحبـو.. اويلاه يفاطمه
تتجارة اياديهم دمه .. اويلاه يفاطمه
… .
نادينة يا زهـرة بحـرج .. اويلاه يفاطمه
يا ساعة يا يوم الفـرج .. اويلاه يفاطمه
للمهدي مشتاكة المهج .. اويلاه يفاطمه
كثـر الـدمـع لله عـرج .. اويلاه يفاطمه
بالحال انتي عالمه .... اويلاه يفاطمه
…… .
🔴🔴🔴🔴🔴🔴🔴🔴🔴🔴🔴🔴🔴🔴
الناشر // الملا عالي مقامي
غير مبري الذمه يحذف اسم الناشر
يدفـــان الغــريب حسـين حــاچيني
دفنتــه اشلون أخوي وزهرة اسنيني
*--------------*---------------*
يدفــان الأخــو حاچيني عــن حـاله
گلي اشلون شلته امگطعه أوصــالـه
تــدري ابـــلا رحم سحكتـه الخيالـه
تعَّمــه ولا تشــاهــــد حالــته عينــي
*--------------*---------------*
يدفـــان الاخـــو جـــاوبني أتــرجـاك
أمه الزهره حضرت من دفنته اهـناك
گلي اشلون گلــبك مــن دفنته انطاك
يعمّــه حالـــت المظلــوم تـــاذينـــي
*--------------*---------------*
يدفــان الأخــو جــاوبنــي بلّه بهـاي
حگه ايحيـر يــا عمّــه حليـم الـــراي
هــم رشيت گبـــره مــن زُلال المـاي
احس نــار العطش البگلبه تچوينـي
*--------------*---------------*
يدفــان الأخــو حگـــه الدلـيل ايلـوع
گلي أشــلون شلت الخنصر المگطوع
هــم خلــت يعمّـه الخيل بيه ضلوع
مــن كســر الضلــٕـع مالــومه تـدريني
*--------------*---------------*
مــن كســر الضلع دلالــي بـي لوعـــه
بالطف مــو ضلــع طحنوهن اظلوعه
حوافــر خيلهم بالــزهــره مطبـــوعه
واحـس نـار الضمـه يا عمه تچـويني
*--------------*---------------*
يدفـــان الأخـــو مختنــگه بالعـــبـره
گلـــي اشلــون لمــن وســـدتْ نحـره
وطفلــه اشلـــون خليتـه على صدره
عــن هــاي المصـايب عمّه حاچيني
*--------------*---------------*
الشاعر
موسى البديري
فزاعيه هوسات للسبي الى الكوفه
زينب عالهزل ....سوتلك اقرايه
گلبي اتصيح يحسين انشده رايه
گلبي اتصيح من فرگاك يوجعني
اشلون تنام هالنومه وتضيعني
حته اوداع ماتگدر توادعني
(( باصرني وحاچيني احچايه ))
خويه ادخيل عمرك گوم حاچيني
حال الضيم حالي لاتخليني
لبن ازياد چتالك اموديني
(( للمجلس متعني اعنايه ))
چتالك خذاني وراح متعني
ايريد ابمجلس الشامت يوگفني
يطگ الراس گدامي ويشتمني
(( ماتقبل يحسين بهايه ))
ادري بهالظلم يحسين ماتقبل
حالي اوداعتك كلساع يتبهذل
وين انصب عزاك وصاعده الهزل
(( چادر مريود وملايه ))
ملايه وثواب بمجلسك مريود
والعدوان صاحو بالخيم فرهود
حشمت البطل ويگول ماكو ازنود
(( وامطبر واجروحه اهوايه ))
امطبر والجروح اهواي ماتنعد
مثل النار گلبي ولاقبل يبرد
ماضنيت راس البطل يتمرد
(( ويطيح الچف فوگ الرايه ))
چف الحيد طاح ورايته الخضره
مطبور بجبينه وتوجعه الطبره
كون ام البنين الطاهره اتحضره
(( واتشد اصوابه الوفايه ))
لشاعرة اهل البيت
ام هجران العمارچية
🩷🩷🩷🩷🩷🩷🩷🩷🩷🩷🩷🩷
الناشر // الملا عالي مقامي
غير مبري الذمه يحذف اسم الناشر
ثكيله للدفنه نفس طور ياحيدر احجيلي للسيد فاقد الموسوي
***
رايح لبو اسكينه واتذكر ونينه
ابلاغسل عفته ولادفن
اتذكر ونينه وأون
*****
وصلت الطف وابويه بياوضع ألكاه
لكيته عالترب وامكطعات اعضاه
ألمه شلون حاير يازمن وياه
اشيله من كتر يوكع كتر ويلاه
متوذر اكبالي يابويه يالغالي
ولجسمه روحي تنسحن
اتذكر ونينه واون
*****
أعد جروح جسمه الوذرتهه الريح
كل ذره بكياني للمصاب تصيح
يبو السجاد وسفه تنغدر واتطيح
ذبيح ومنحرك ينزف دموم اتسيح
ذبحوهن سنيني وطفو نظر عيني
جم لوعه راواني الزمن
اتذكر ونينه واون
**
يبويه الحيل راح امنين اجيب الحيل
اخذ حيلي المرض وامصيبتك يحسين
محتار بزماني انطي الوجه لاوين
كادوني بحبل من طشرانه البين
لخيامي حركوهه والعيله سلبوهه
عماتي عكبك ينسبن
اتذكر ونينك واون
**
احفر باللحد بويه العمر عفته
كبل جسمك يبويه لكلبي ودعته
راسك عالرمح ويايه ماجبته
اخلي المنحر ابلاراس وسدته
عبد الله وسديته عالصدر خليته
وكليبي صار إلكم جفن
اتذكر ونينك واون
***
رحت صوب الشريعه الغيره ادفنهه
ادفنت راعي الوفه ولروحي اجفنهه
ادور عالنهر جفينه واحضنهه
كمر هاشم غدر عدوانه كطعنهه
من طاحت الرايه عالعلكمي ومايه
وعيوني دم لجله بجن
اتذكر ونينه واون
***
أم علي
نزله حيدريه للدفنه
***
ياعلي السجاد اخوتي شلونهم
والشموس مغيرات ارسومهم
****
يالدفنت احباب كلبي بالونين
عمه سولفلي عله نحر الحسين
شلون وسدته بلا راس الحنين
إرحم بكلبي اليريد إعلومهم
***
بيش غسلته بدموم السايله
وجفن ماعندك بهاي المعظله
طشرت جسمه الخيول الصايله
وكربلاء اتخضبت بدمومهم
***
بالحصيره حسين من لميته
خنصره المكطوع وين إلكيته
نفذتهه ياعلي لوصيته
بكتره عبد الله وعلي خليتهم
***
عمه سولفلي عله خويه العضيد
من دفنته شلون لاراس وله أيد
من لكيته إمدد إبحر الصعيد
بكتره الجفوف الكطيعه إلكيتهم
**
لذبح اخوتي ابد متطيب الجراح
مايردهم دمع لانوح وصياح
روسهم ويانه وبعالي الرماح
الروس يوم الاربعين نعودهم
**
أم علي الكاظمي
هل تعلم _ ان الحسين لم يذبح فقط بل نحروه
بالناحية المقدسة _ الامام المهدي يقول
السلام على المنحور في الورى
ماذا يُهيجُكَ إن صَبرتَ لوقعةِ الطفِ الفظيعه
أترى تجئ فجيعةٌ بأمضَّ من تلك الفجيعه
لا يوم كيومك يا أبا عبدالله
ولقد أخذ الله ميثاق أناس من هذه الأمة لا تعرفهم فراعنة هذه الأرض، وهم معروفون في أهل السماوات أنهم يجمعون هذه الأعضاء المتفرقة فيوارونها، وهذه الجسوم المضرجة وينصبون لهذا الطف علما لقبر أبيك سيد الشهداء (عليه السلام) لا يدرس أثره، ولا يعفو رسمه، على كرور الليالي والأيام و ليجتهدن أئمة الكفر وأشياع الضلالة في محوه وتطميسه فلا يزداد أثره إلا ظهورا وأمره إلا علوا.
Читать полностью…
شور للعاشر
تفكيري خيام..شلون اكدر انام..ارماح وسهام..منتظره
*****
يزينب هايه اخر ليله كدامج
نهاية عشره بين ايامي وايامج
يخيتي خوفي موروحي...ولاتفكيري بجروحي
خوفي اعليج باجر حرك بخيامج
لوصار النهار..تشب بالخيمه نار..وتفر الزغار..متحيره
*****
يعلويه اكعدي وسولفي العندج
هامتحيره عالناگه منو يصعدج؟
باجر كافلج ميت..بفص عينه سهم ينبت
وباجر بالظعن يازينب الوحدج
تصعدين التلال..يجتفوج بحبال..يشتموج الرجال..ياحسره
*****
بصباح الله يزينب نبدي بالتوديع
وباجر جسمي خويه يظل بلاتشييع
ودمي اعالتراب يسيل..وعلى اظلوعي تدوس الخيل
وجوه احجار باجر خويه جسمي يظيع
تشوفيني ذبيح..وكل جسمي جريح..وعظامي تطيح..متكسره
*****
يعافيتي خيمج يبقه منهه ارماد
ويزينب بالسبي لاخوه لا اولاد
بخرابه تگعدن بحرره..وعباتج تنگلب حمره
وعليج اسم السبيه بكل وكت ينعاد
عالنوگ الهزيل..دمعاتج تسيل..تصدين العليل..بالعبره
*****
اذا تاهت رقيه لاتدوريهه
شوفي راسي وين اصد اتبعيهه
عطري تشمه واتبعه.. وتعثر بنتي بالدمعه
اشبگيهه يزينب لو وصلتيهه
بدمعتهه ونين..تصرخ ياحسين..بابا انت وين..عالغبره
*****
طلع خيط الصبح فجئه وحجي شكثره
يساعد گلبج الله وتحظر الزهره
صعب كلشي التشوفينه...مكطع جسمي تلكينه
ومن سحك الحوافر يوگع بحفره
امشي بلارجوع..كل حجيي دموع..تشوفين الظلوع..متطشره
*****
#محمد خضير
قناه نشر القصائد المنبريه ثقافه الشعراء
نعي للوحشه
ليلة الوحشه شلون ليله
ضلمه وتون بيها العقيله
كعدت ولمتهم العيله
كعدت تون وتنوح بليل
وحشه وغريبه ودامعه العين
من الهظم مهدومة الحيل
محد يباريها النساوين
بس العليل وغايره العين
وتصيح ياضنوة الطبيبن
منين اجيب المرتضى منين
منين اجيبه اليوم حيدر
ينضر للحسين التوذر
يكوم ويردهم العسكر
يمته الوكت يرجع بهلنه
وتعود يالمة شملنه
وسفه الوكت ذبنه وهظمنه
وسفه الوكت مارحم بينه
عكب الولي وليه انولينه
محد رحم ياخوان بينه
ذاك اليلوعنه ويسبنه
وذاك الشتمها بحقد امنه
ويلاه يادهر الغدرنه
ام زينب السعداوي ناصريه
الناشر عباس التميمي
نعي ليلة الحادي عشر ( الوحشة )
وحدة السيدة زينب سلام الله عليها
بقت زينب وحيده وما بقه وياها
بس الليل يمها ورافگ إعداها
—————————
إشوحشه الليل لو چان الظلام يسود
وعجت خيل وصياح وسلب وجنود
تنطر بت علي باچر نهار إيعود
الشمس باچر هزل تطلع مع إضواها
—————————-
الشمس باچر مظلمه وما يبين إشعاع
خجلانه الشمس باچر تصد ع الگاع
تحامي زينب تريد وخدرها الضاع
وما تدري الخدر ما لحظه عافاها
————————-
الخدر باقي وي زينب هذا واقع حال
لچن منهو الحماها بليل ذاك الطال
جيش عيال ومرعوبه بعد لعيال
يا مگوه صبرها شعظم تقواها
————————-
رغم ذاك الجرى وكل اللفه عليها
ولا خيمه البگت للعيله تأويها
ما غمض جفنها بليل تدريها
تحرس بالحرم وإهيه بمصلاها
————————-
تِحرس والحراسه تريد واعي يدور
وعارف كل مچانه شرط بناطور
غريبه بت علي أبعاد الأهل ودور
وما تدري الطلابه منين ملفاها
————————
فزعه تفازعن مدري الخلاص منين
اعله بت حيدر تلافن چن يطلبن دَين
هذا بسوط ، شامت ، وأدها صد العين
الأمضه من الضرب وأكثرهن أذاها
الشاعر: أبو زينب الظالمي
اللهم_عجل_لوليك_الفرج
*نزله حماسية*
*او حيدري*
*او رجالي*
*لمصائب زينب عليها السلام*
*تقرأ في كل المجالس*
*تكول زينب ...*
يامن تمشي لاخواني
وتزور المنذبح ضامي
سلملي عليه اهواي
وكله زينب تعاني
💔💔💔
اخيتكم غريبت دار
والعدوان حاطوني
لا زاير يطب ليه
لا ناعي على اخواني
💔💔💔💔
ياعباس خويه اهواي
مهظومه واون وحدي
محد هالسنة وياي
يكابلني بدمع خدي
💔💔💔💔
هذوله الكوم ولد الكوم
نفس العادوا الزهره
وعادوا حيدر الكرار
من غدروه بالطبرة
💔💔💔💔
ردوا عالحسن سموه
من دزوا عليه جعده
وجبده فتتوا بسموم
وشاله حسين اخوه بيده
💔💔💔💔
وردوا عالغريب النوب
ماعدهم رحم بينه
كطعوا عن عياله الماي
وضل بحيرة ابو سكينه
💔💔💔💔
وذبحوا ولده واصحابه
واخوانه فرد ليلة
وعينه تشاهد الكفار
منهم باد كل حيله
💔💔💔
وردوا بالنبل وسهام
صابوه بوسط كلبة
شمسوي يأبو السجاد
منهم يشتكي لربه💔
💔💔💔
كسروا ضهره بالعباس
من اكطعوا جفنينه
واسهام التصيبه هواي
حتى صوبوا عينه
💔💔💔💔
صاح حسين ياهلناس
من رايح اعضيدي
اسمه ابو الفضل عباس
ربيته على أيدي
💔💔💔💔
*بقلم الخادمة ام زهراء*
*نسألكم الدعاء**
تنحى أبو جعفر جانبا وأخذ في البكاء فقيل له ما يبكيك يا ابن رسول الله؟ قال (ع): أبكي لما أرى من آثار الجامعة التي وضعت على صدره والغل الذي في يديه
اه اه اه
فائزي
من غسله اوجرد اثيابه اودمعه ايسيل
بمتونه شاف امأثره ذيج الزناجيل
حن اوبجه اومنه ارتفع نوح اويه العويل
وناده تعالي اوساعديني يالزجيه
.......
ناده ييمه فاطمه ابنج كضه اليوم
كضه العمر يايمه يلهم حزن وهموم
لمن كضه بيد ال اميه اليوم مسموم
مسموم يا يمه ابن خير البريه
اه اه اه
مـن غسله او دمعه يهله
صد او نظر لن السنسله
ابرگبته امأثره او اثر غله
يـوم السحب نطعه خوله
اوچتـفه او لـحد گال خله
.......
من العصي ورمن امتونه
مريض اويون ما يرحمونه
عله عماته تتهامل اعيونه
......
ضل بعد ابوه احسين بالهم
لمن كضه اودسوله السم
اويلا عدوان اومترحم
يا شيعه يا محبين اجركم الله
رحم الله من نادى واه اماماه واه مسموماه واه سجاداه
وبعد التغسيل والتكفين أخرجت جنازة الإمام للصلاة عليها فصلى عليه الإمام الباقر (ع) وصلى الناس عليه البر والفاجر والصالح والطالح وانهال الناس يتبعون الجنازة حتى لم يبق أحد إلا وشارك في تشييعه ودفن في البقيع مع عمه المظلوم الحسن المجتبى عليه السلام
......
يبو محمد اجاك اليوم مسموم
انشده اشاف سجادك من اهموم
يسولفلك عله ابن امك المظلوم
......
انشده اشاف في كربله اوعانه
وانشده اشسوه بيه تالي زمانه
على امتونه تتلوه الخيزرانه
اه اه اه
شـالـه لـلبقيع او حـفر گبـره
يـم عـمه الـحسن وامه الزهره
ظـل اعـليه يجري الدمع عبره
.......
عـليه صاحت الوادم فرد صيحه
او گام او غسله او حطه ابضريحه
بـس جـثة السبط ظلت طريحه
......
ضل احسين عاري فوك التراب
اويمه امدده شيب او شباب
وزينب تنتحب من جور المصاب
......
ضل احسين عاري بالميادين اه اه اه
اوعليه تنحب اسكينه والنساوين
اه اه اه
غريب اوماله ناصر لاله امعين
.....
كتلني يعمه الهظم والهم
اشوف احسين عمه امخضب ابدم
او بـالخيل الـصدر مـنه تهشم
......
انوحن عله ابن امي اوحبيبي
اخيي انكطع منه نصيبي
يمحروم من شم العذيبي
....
ياغريب الديار صبري غريب
حديث المجلس
للسجاد عليه السلام
.......
صل الله عليك يا مولاي يا رسول الله
صل الله عليك وعلى ال بيتك الطيبين الطاهرين
غريب ومن مثلك غريب سيدي ابا عبدالله
وانت غريب الدار والوطن ومحروم الغسل والكفن
ياليتنا كنا معكم سادتي فنفوز والله فوزا عظيما
ما رأى الماء سائغ الشرب إلا
مـزجته الـعيون دمعاً سخينا
كيف يَهنى بسائغ الماء شُربا
والـبهاليلُ قد قضوا ظامئينا
حـرّموا لـذة الفرات شرابا
وهـو بـالماء يـستلذُّ معينا
إن من ينظر الجسوم الزواكي
كـأضاح أبـادها الجازرونا
وبنات الرسول تعدو انذعارا
كـقطاً هاج سربها القانصونا
كيف ينسى زينب وهي تعدو
وتنادي يبن امي قد سلبونا
وتنثني نحو الكفيل تنادي
يا اخي يا ابا الفضل العدا اسرونا
كيف ينسى السجاد وسيبقى
مـدة الـعمر بـاكيا محزونا
اي واه اماماه واه حسيناه
گلـبي يـبو حـمزة تراهو اتفطر او ذاب
مـثل الـمصيبه اللي دهتنه محد انصاب
ذيچ الأقـمار الـلي ابـمنازلنه يزهرون
والـليل كـله مـن الـعباده مـا يهجعون
سـبعه او عـشره عاينتهم چنهم اغصون
فـوگ الـوطيه امطرحين ابحر الاتراب
او لو شفت جسم اللي على المسناة مطروح
وذاك الـشباب اللي بصبح العرس مذبوح
او لـو شفت الأكبر ما لمتني ابكثرة النوح
مـا خـلتنله كـربلا شـيب ولا شـاب
بـعيني نظرت احسين بيده الطفل منحور
وامـه الـرباب اتـعاينه ودموعها اتفور
وگلـوبنه فـتها بـونينه او عـينه اتدور
وكـل مـا طـلع منه بدر للمعركه غاب
ومـصيبة الـلي هـيجت حـزني عـليه
عـاينب صـدر احـسين تحت الاعوجيه
او حرگوا اخيمنه او سيروا عمتي سبيه
شحچي يبو حمزه او شعدد من هالمصاب
مـا نـكست راسـي لجل ذيچ الصناديد
مـا گصـروا بـالغاضريه زلزلوا البيد
نكسه الراسي ادخول زينب مجلس ايزيد
حـسرى او من نوح اليتامه راسها شاب
......
انا ياناس ضيعت البصيره
عكب اخوتي ابدور العشيره
السجاد كاسرني كسيره
....
خويه الاخت تحتاج اخوها
وتعتب عليه لو ضيعوها
ابليه اخو مايحشموها
.....
خويه ترافكنه عل المصاب
اودمعي اويه دمعك خويه سجاب
لمن فكدنه اغله الاحباب
.....
فكدنه ابو اليمه الغالي
يسجاد يا عزي اودلالي
ابفكدك علي سود الليالي
...
فكدك علي يا خويه ماهان
هيج علي ياخويه الاحزان
خان الدهر والدهر خوان
علي السجاد يلكلك حميه
ياخويه ليش اكطعت بيه
انه سكينه الهاشميه
.....
كضيت عمري اوياك لوعات
نذكر زمان الي مضه اوفات
اوهسه عفتني اجر حسرات
.....
ابجي واصيحن بويه يحسين
كلبي اعله اخيي صارنصين
مسموم زين العابدين
....
زين العبادي اليوم مسموم
كلبي على الوليان مالوم
لبالي الخوه تضل للدوم
.....
زين العبادي ايدير بالعين
ويكلي يخويه ابداعت احسين
لتونيني ولكلبي تلجمين
....
ونينج يخويه مالي حيله
تونين والونه ثجيله
اعاينه اودمعي اسيله
....
اخوي اوحبيبي اونور عيني
مسموم ومكثر ونيني
يحسين بويه ما تجيني
....
ابن النبي السجاد مظلوم
عمره كضاه ابظيم وهموم
ينحب عله الغسلته ادموم
....
كضه العمر لوعه او اذيه
اويذكر امصاب الغاضريه
انه اوياه نتكابل سويه
....
انوحن اوهوه اينوح وياي
ويكول خويه اشعظم بلواي
اذكر ابوي ابحسرة الماي
....
اذكر كضه عطشان ابونه
يسكنه يخويه لوعونه
واليوم اخيج يسمونه
انا لله وانا اليه راجعون لا حول ولا قوة الا بالله العلي العظيم وسيعلم الذين ظلموا اي منقلب ينقلبون والعاقبة للمتقين
المحاضرة
.......
قيل للإمام زين العابدين (عليه السلام ) : كيف أصبحتم رحمكم الله ؟!.. قال : أنت تزعم أنّك لنا شيعة وأنت لاتعرف صباحنا ومساءنا ؟.. أصبحنا في قومنا بمنزلة بني إسرائيل في آل فرعون ، يذبّحون الأبناء ، ويستحيون النساء ، وأصبح خير البرية بعد نبيّها (صلى الله عليه واله ) يُلعن على المنابر ،ويعطى الفضل والأموال على شتمه ، وأصبح من يحبّنا منقوصاً بحقه على حبّه إيّانا ،وأصبحت قريش تفضّل على
جميع العرب بأنَّ محمّداً (صلى الله عليه واله ) منهم ، يطلبون بحقّنا ولايعرفون لناحقّاً ، أدخل فهذا صباحنا ومساؤنا.
امنا بالله صدق مولانا الامام زين العابدين عليه السلام
بعد شهادة الامام الحسين عليه السلام لجأ الامام السجاد عليه السلام
الى الصبر علىٰ ذلك الضيم أو الحيف الذي شمله مع عمّته العقيلة زينب عليها السلام وتمرير المرحلة بالعضّ علىٰ الجراح بنيّة مواصلة مواصلة الجهود التي تعيد الوعي إلىٰ الاُمّة المغلوبة علىٰ أمرها ، المسلوبة إرادتها المغيّب ضميرها ،
من هنا كان علىٰ الإمام أن يختار طريقاً أو منهجاً يحقّق له هذا الهدف الكبير دون المساومة علىٰ مبادئه أو التفريط بها ،
طميه للدفنه تقرأ بطور الثقيله والمربعه والشده
========
عفتهم علرمل
محد دفنهم
خليت الگلب والروح يمهم
========
عفتهم علثرى والدم غطاهم
وعيني شابحه ضلت وراهم
اصيحن مايسمعوني شجاهم
عفت انحورهم يابسه بدمهم
وخليت الگلب والروح يمهم
🍂🍂🍂🍂
خليت الگلب عدهم رهينه
رحت مجبوره خويه ويلضعينه
كل ساعه وتصد عينك علينه
رحت اسمع بذاني صدى ونهم
وخليت الگلب والروح يمهم
🍂🍂🍂🍂
عفتكم ياهلي غصبن عليه
رحت ميسوره وي ابن الدعيه
وعفت حسين علرمله رميه
من دم النحر صاير غسلهم
وخليت الگلب والروح يمهم
🍂🍂🍂🍂
من غصبن رحت وي النساوين
وعليكم ياولينه شابحه العين
بيدي لو يصح ماعوف الحسين
اضل وياه واشبع شوف منهم
خليت الگلب والروح يمهم
🍂🍂🍂🍂
رحت دمعاتي تجري فوق خدي
محتاره بحرم ويتام وحدي
حسين علثرى الحگ يجدي
ابن المصطفى ويدرون كلهم
خليت الگلب والروح يمهم
========
خادمة ال البيت وخادمتكم الحجيه ام علي البصره نسألكم الدعاء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد 👇
حصريا 🔥
فزاعي جنوبي حماسي ،، بقفلة هوسه،،
لشجاعة السيده زينب عليها السلام
ع عندما سارو بيها الى الشام
ودخلت الى ديوان الطاغيه يزيد لعنةالله عليه
وعند رجوعها الى كربلاء يوم الاربعين جلست عند قبر اخاها العباس دكله 👇
〰️〰️〰️〰️〰️〰️〰️〰️〰️
ماذليت وانه اختك يعبــــــــــاس
يخسه الكال زينب طخـت الراس
يخسه الكال زينب طخت الهــام
انثايه اوداعتك مابيهــــــم ازلام
بالديوان اختك هانت الشــــــــام
خليته والشام امدنـــــــــــــــــــــك
〰️〰️〰️〰️〰️〰️〰️〰️〰️
بالديوان اختك هانت ايزيــــــــد
كتله انته وهلك عند اهلي اعبـيد
تره هيه المراجل موش تقليــــــد
من ساسه الزلمه امبيــــــــــــــــن
〰️〰️〰️〰️〰️〰️〰️〰️〰️
ماتمحو ذكرنه اشما تكولــــــــون
تاج اعليكم اخواني يضلــــــــون
وانه اخت السبع كلكم تعرفــــون
وي امثالي اشجابك تحچــــــــي
〰️〰️〰️〰️〰️〰️〰️〰️〰️
حجيت بزودي انه وماهتميـــت
وكتله اسمع يزيد الماالك صيت
اضلن شامخه اشما تحديـــــــت
ماهزاني كل هذا المــــــــــــــــــر
〰️〰️〰️〰️〰️〰️〰️〰️〰️
جبل عالي اضل مايهوه ويمـيـل
يخسه انته وامثالك بيه يعيــــل
انه اخت السباع الراهبه الخيـــل
اتحداني کونك رجــــــــــــــــــــال
〰️〰️〰️〰️〰️〰️〰️〰️〰️
بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء
سون فاتحه وزينب الملايه
ولطمت عل كفلها وهزت الرايه
_
زينب من اجت تتعثر الناكه
تهوس فوكها وتلطم على فراكه
من الشام اجت لخوتها مشتاكه
__
ووصل ضعن الغريبه وطب للولايه
__
زينب من اجت معروفه جيتها
سوت فاتحه ولطمت على اخوتها
وخت عباس ماذبت عبايتها
_
وزينب عل كبر لطمت مغشايه
_
نص الليل اجيتك خويه ملهوفه
اجيتك طارشه وهذا الضعن شوفه
خال ابني لكيته مكطعه جفوفه
__
بتل الزينبي زينب النعايه
____
على التل اكبلت تلطم المسبيه
ولهلها اليوم اسولف عملت ارقيه
ماتت عل طشت يحسين البنيه
__
هذيجه المن جهل جانت امبوشايه
___
اجيت الكربلاء ولحسين محتامه
ولكيته ابلاي راس وبس العمامه
اريد الطم وريد وياي لطامه
_
وانصب جادره بجيت المشايه
_
الشاعر محمد صاحب الفتلاوي
هوسات
ياحادي الضعن زينب شتطلبهه
ليش اگبال راس حسين تضربهه
عماها البين والف اصواب صوبهه
لانصبت عزه ... ولاسوت اقرايه
مصيبتهه چبيره وضيمهه هوايه
خلهه تبات واتوادع الوفايه
عدهه عتاب للعباس وحچايه
( اشلون اينام ويسكت مو هاي اطباعه )
يسكت عالهضيمه شلون مو طبعه
زينب من بعيد تصيح وتفزعه
شو ماشال سيفه ولالبس درعه
راح السيف منه ... وراحن چفوفه
شلون يگوم لخته وحالهه يشوفه
بطفال وعليل وحرم مكلوفه
جراها اللعين وشال للكوفه
( تريد تشوف ابن امهه ومحد خلاها )
تريد توادعه ومحد يخليهه
بالميدان ضل مطروح واليهه
زينب حملت موش بمراضيهه
وموش بكيفهه ... زينب مشت گوه
مسبيه وعليهه السوط يتلوه
دولبهه الدهر وبحالهه شسوه
صاحت ياعضيدي وريحة الخوه
( امودع بالله امودع وانته اوداعك مو بالهون )
اوداعك موش هين لاسهل عندي
تعاتبني وتگول شلون اضل وحدي
زينب حملت ماجهزت لحدي
والعباس اغسلك ... لو يصح بيدي
بدمع العين مو بالماي يعضيدي
ولاسمعك گلت ضليت لوحيدي
كون البين يستعجل مواعيدي
( الموت اوياك ارحملي ولارفجت ذوله )
كون الموت ياخذني واموت اوياك
گبل ماروح للكوفه واشوف اعداك
راس حسين گالوا بالمحامل ذاك
ذاك الراس گالوا ... راس ابو اليمه
ماضل شيب مامصبوغ من دمه
محد غسلاه ولادفن جسمه
مايدرون جده اوالده وعمه
( ومحد لم اضلوعه ولاشد اصوابه )
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
هكذا بدأت النساء مجالس الإمام الحسين (عليه السلام):
أم سلمة زوج النبي (صلى الله عليه وآله) أول من أقامت مجلساً على سيد الشهداء قبل عودة الركب الحسيني الى المدينة، بعدما رأت تحوّل تراب القارورة التي أودعها عندها رسول الله الى دم عبيط.
كما أقامت السيدة زينب وسائر نساء الطف مجلساً بعد زيارة قبر الإمام في الأربعين، حيث لبثوا لثلاثة أيام يقيمون المآتم، وكذلك المجالس التي أقامتها بعد عودتها الى المدينة.
وأم لقمان بنت عقيل بن أبي طالب بعد وصول خبر شهادة الإمام الى المدينة، ومعها أخواتها: أم هانئ، وأسماء، ورملة، وزينب، بنات عقيل بن أبي طالب، وقد أقمن مجلساً للبكاء.
أما أم البنين فكانت تقيم مجلسها في بقيع الغرقد، تندب فيه بنيها وسيد الشهداء بأشجى ندبة وأحرقها، فيجتمع الناس إليها يسمعون منها، ويبكون لبكائها.
زهراء حسام
ويلا يزينب ويلا
ويلا يزينب ويلا
،،،،،،،،،،،،،،،،،،،،،،،،،،،
حرگو خيام النســــــــــوان يهل الرحم طفوها
واخت ابو فاضل وحسين وادم غـرب شافوها
جدام خلگ الله ام عــون حافي الضهر مشوها
تدرون لو ماتــــــدرون ام الخـــــــدر شتموها
گومو لختكم گومو دارو الغربه اعليها
گومو لختكم گومو مامش زلم تحميها
،،،،،،،،،،،،،،،،،،،،،،،،،،،،،،،،،،،،
اسمع الناس يگولون حصتنــه هاي النسوان
وولهن اخت العباس مادام ماعــــدها اخوان
يم الخيم ويصيحون طلعو خوات العطشان
شصير زينب يحسين للغربــــــه لو للرضعان
فزعه ينايم فزعه. لحــــگ عله بنياتك
فزعه ينايم فزعه. راوي الزلم صولاتك
،،،،،،،،،،،،،،،،،،،،،،،،،،،،،،،،،،،،،،
همزين كلكم ميتيــــــن يحسين ماشفتوني
بحبال خشنه وكلساع مـــــن يمكم يمروني
والتهضم وتوجع حيـــــل بسياطهم طكوني
حيهم صحت وتمنين عدليــــــن وتسمعوني
كلفه يهاشم كلفه. فوگ الهزل مچتوفه
كلفه يهاشم كلفه. بتكم تطــــب للكوفه
،،،،،،،،،،،،،،،،،،،،،،،،،،،،،،،،،،،،،،،
مفروض زينــب ترتاح ماتنوخـــــــذ مسبيه
مو حالي ماحال النـــــوگ مانستراح شويه
حفاي نگعد ونگوم هــــــــــــــذا العمر تاليه
علويه شدو يحسين خويـــــه بضهر علويه
چاره لختكم چاره. يهل البخت سولي
چاره لختكم چاره. بلك الله وتگومولي
،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
لچمة العاشر
اَعْظَمَ اللهُ اُجُورَنا بِمُصابِنا بِالْحُسَيْنِ عَلَيْهَ السَّلامُ، وَ جَعَلْنا وَ اِيّاكُمْ مِنَ الطّالِبينَ بِثارِهِ مَعَ وَلِيِّهِ الاِمامِ الْمَهْديِّ مِنْ آلِ مُحَمَّد عَلَيْهِمُ السَّلامُ .🏴
Читать полностью…
رُوِيَ عن الإمام علي بن موسى الرّضا (عليه السَّلام) أنه قال:
«مَنْ تَرَكَ السَّعْيَ فِي حَوَائِجِهِ يَوْمَ عَاشُورَاءَ قَضَى اللَّهُ لَهُ حَوَائِجَ الدُّنْيَا وَ الْآخِرَةِ، وَ مَنْ كَانَ يَوْمُ عَاشُورَاءَ يَوْمَ مُصِيبَتِهِ وَ حُزْنِهِ وَ بُكَائِهِ يَجْعَلُ اللَّهُ عَزَّ وَ جَلَّ يَوْمَ الْقِيَامَةِ يَوْمَ فَرَحِهِ وَ سُرُورِهِ وَ قَرَّتْ بِنَا فِي الْجِنَانِ عَيْنُهُ، وَ مَنْ سَمَّى يَوْمَ عَاشُورَاءَ يَوْمَ بَرَكَةٍ وَ ادَّخَرَ لِمَنْزِلِهِ فِيهِ شَيْئاً لَمْ يُبَارَكْ لَهُ فِيمَا ادَّخَرَ، وَ حُشِرَ يَوْمَ الْقِيَامَةِ مَعَ يَزِيدَ وَ عُبَيْدِ اللَّهِ بْنِ زِيَادٍ وَ عُمَرَ بْنِ سَعْدٍ لَعَنَهُمُ اللَّهُ إِلَى أَسْفَلِ دَرْكٍ مِنَ النَّار» .
أعظَمَ اللهُ اُجورَنا بِمُصابِنا بِالحُسَينِ (عليه السلام) وَجَعَلَنا وَإياكُم مِن الطَّالِبينَ بِثأرِهِ مَعَ وَليِّهِ الإمام المَهديّ مِن آلِ مُحَمَّدٍ (عليهم السلام) .
شور للعاشر
اويلاه اويلاه. يافاطمه
==========
فوگ الصدر من سحكت الخيل
بصدر الشمس جن چلچل الليل
واعظامه حيل تكسرت حيل
ماتنفع الحسرات والويل
الحافر كسرها اظلوع الحسين
اويلاه. اويلاه. يافاطمه
==========
بعد الذبح كاموا يسحكون
بظلوعه ياويلي يكسرون
بعظامه بالحافر يرضون
وبنعمة الباري يطشرون
وگباله زينب تهمل العين
اويلاه اويلاه. يافاطمه
==========
صدره اعل ظهره والله طبكوه
خياله عشرة بخيل سحگوه
وحسين هذا ويلي ذبحوه
فوگ الوطيه تالي سلبوه
وبلايا ناصر ناصر الدين
اويلاه. اويلاه. يافاطمه
==========
حار الرمل نحره يچويه
الف وتسع مية جرح بيه
بحر الشمس محد يغطيه
والخيل راحت ردت عليه
اهل الحميه شلون ميتين
اويلاه. اويلاه. يافاطمه
==========
خيل اعوجية اتهشم الاعظام
طحنت ظلوعه شكبر الألام
بعدمايلمح من كد الاسهام
گلبه احترك وي حرك الاخيام
رادت رقيه توصله منين
اويلاه. اويلاه. يافاطمه
==========
فوگ الرمح من رفوا الراس
راس الحسين وراس عباس
ويلي اعل زينب لمه هالناس
ينزف مشاعر جرح الاحساس
تالي لغرب ياويلي ماشين
اويلاه. اويلاه. يافاطمه
==========
الشاعر علي النائلي
#قناه_نشر_القصائد_المنبريه
شده ليلة الحادي عشر من محرم
*****
كسرن خاطري إبنيات الحسين
و مايدرن ابوهن وين ماوين
****
كسرن خاطري من عتبن إعليه
ابونه حسين راح وما إله جيه
يعمه شعطله وكت المغربيه
اجيبلهن صبر يهل الوفه منين
****
شكلهن راس ابوجن بالرمح صاعد
وجسمه اعله التراب امسلب الوالد
ويانه الضيم هاي الليله متواعد
وباجر باليسر للكوفه ماشين
****
اطفال ويتامه ابلا ولي ظلن
من حركو خيمنه خافن وفرن
غريبات وعليه كلهن إلتمن
واهلنه عالترب كلهم مطاعين
****
لاذن بالعبايه إمحركات اجدام
داسن عالجمر من فرن من اخيام
بنات حسين دارت بيهن الايام
جانن بالخدر متشوفهن عين
****
ياعمه اسمعن هاي الحجايه
باجر للسبي ترحون ويايه
كفال الضعن عباس والرايه
ظل اعله النهر وابلايه جفين
****
ماعندي كلب احجي شنو صاير
رقيه تموت اذا تدري الجره بعاشر
من حسين كلشي ماخذ الحافر
لا ضلع البقه ولاخنصر ايمين
****
أم علي الكاظمي
قصيده ليلة الحادي عشر (ماعدهه خيمه)
ليل اهدعش ليلة الم ليلة هضيمه
زينب تضل بلا اهل ماعدهه خيمه
لاخيمه لاولياها
بس تصفك بيمناها
ماعدهه خيمه. ماعدهه خيمه
****
لاخيمه ضلت لاولي زينب بقت وحدهه
لاضل كفيل ولا اخو لٱ ابن ضل العدهه
عافاها حته البلزغر وصاه علي والدهه
بليل اهدعش ياهلخلك بس الله ليساعدهه
•اللّـہ يساعد زينب
بلخيمه ضلت تنحب
ماعدهه خيمه. ماعدهه خيمه
****
ضلت تون ام الخدر وليل جن اعليهه
ليا مقتل تدير الوجه والكوم حاطت بيهه
تتلفت ولا يمهه اخو ولا واحد يحاميهه
زينب تضل بين الغرب يهل الوفه محسبيهه
عباس مـــِْن تندبه
بلعتب تشلع كلبه
ماعدهه خيمه. ماعدهه خيمه
****
شلعتله كلبه مـــِْن العتب مايكدر يكوملهه
ماعنده جف ومستحي عباس شيكللهه
لاميت ولا بي يرد حاير بقه كافلهه
يرجع صعب بس لْـۆ غفه بحرگہ الدموع تهلهه
زينب تكله دخيله
مابيه حيل اليله
ماعدهه خيمه. ماعدهه خيمه
@@@@@@@
اگعد يبو احساس الترف ياوالد الحنيه
يالحار راسك من طحت ضربو الك علويه
گلبي انخمش يابو الفضل من باگو الترچيه
جمره بدليلي ماطفت من صاحو السبيه
صاحولي المسبيه
وشدو حبل بديه
ماعدهه خيمه. ماعدهه خيمه
@@@@@@@
مالي عشيره وخيمتي صارت الي العبايه
الشمر چدامي يعت بيه وضرب ورايه
وبذمتي اطفال ونسه والروس كلهه ويايه
وعباس اغرگ بالعتب ودموعي المسنايه
من اعتب تحملني
ليضيج خلگك مني
ماعدهه خيمه. ماعدهه خيمه
للشاعرتين رسل الابراهيمي
والشاعره حوراء بنت الكوت