671
القناة بأدارة خادمة العقيلة ام سجاد العسكري صاحبة ديوان القيد والمحراب وديوان ملحمة الخلود وديوان احزان متوارثه وديوان كرب وبلاء 5 اجزاء
وكأني بلسان حال مولاتنا زينب عليها السلام
چـنت اتـمنه ابـحلم وانه ابحياتي
ايصير دفني ابكربله ساعة مماتي
بين اخوتي امدلله
الموت وياهم حـله
چـنـت اتـمنه ابـحلم وانه ابحياتي
آنه زينب .......... آنه زينب
〰️〰️⚜️✍🏻⚜️〰️〰️
حلـم ضـل اوياي مـا فـارگ خـيالي
انـدفـن بـتـرابـهـم دوم اعـلـى بـالي
من بـعـدهـم ضـلـمه بعيوني الليالي
ردت اغمض عيني بحضان الـغوالي
ابغربه غمضت الجفون
اهـل گـلـبي ما يجون
جـنـت اتـمنه ابـحلم وانه ابحياتي
آنه زينب .......... آنه زينب
〰️〰️⚜️✍🏻⚜️〰️〰️
مـن دنـت مـني الــمـنـيه عـاتـبـتهم
نـزل بـضلوعي الـقـهر من فـارگـتهم
شلون مدري احباب روحي ودعتهم
غـصب عـني او مو بديه انه عفتهم
راح مـني كـلشي راح
روحي تنزف بالجراح
جـنـت اتـمنه ابـحلم وانه ابحياتي
آنه زينب .......... آنه زينب
〰️〰️⚜️✍🏻⚜️〰️〰️
ابـديـرة الـغـربه صـفـيت ابـغير خـوان
نعشي منهو الـي يـشيله والاجـل حان
صدگ صارت مايـجوني اليوم الحنان
روحي لابت على حسين وگمر عدنان
اليوم اخته ابعازته
خل يشيل اجنازته
جـنـت اتـمنه ابـحلم وانه ابحياتي
آنه زينب .......... آنه زينب
〰️〰️⚜️✍🏻⚜️〰️〰️
حـلـم عـمري يا حـسافه ضيعيته
گبري بين اعزاز گلبي ايصير ريته
الـشام گـصر عـمري انه من لـفيته
ليش حته ابموتي شامت رافگيته
ايست ماضل امل
بعد ما يلتم شمل
جـنـت اتـمنه ابـحلم وانه ابحياتي
آنه زينب .......... آنه زينب
〰️〰️⚜️✍🏻⚜️〰️〰️
اخـر الـجـلـمـات مـاضـلت اماني
راح اضـل ابغربتي وحدي اعاني
فـرهـد احلامي ولا يرحم زماني
من مـراره الامـر بيهن ضـوگاني
ابغربتي مسك الختام
الكربلايه ابعث سلام
جـنـت اتـمنه ابـحلم وانه ابحياتي
آنه زينب .......... آنه زينب
〰️〰️⚜️✍🏻⚜️〰️〰️
تـــمـ بعون الله تعالى ـــت
بقـــ✍ـــلمي خادمة اهل البيت ع
*ام سـ✍️ـجـاد العسكري*
بتاریخ 13 رجب 1442هـ🌙
لانجيز حذف الاسم
🙏🏻🙏🏻ونسألكم الدعاء🙏🏻🙏🏻
/channel/omsajad313
نعي زائد ابوذيه للسبي
*
يحادي العيس بس گلي ،، سراوين
من بعد الكفل ضعنه ،، سراوين
طوح والدمع ينزل ،، سراوين
من عين الضعينه الهاشميه
*
زينب تنادي خويه يحسين
طبيت يبن امي الدواوين
وسكنه او رقيه ايهلن العين
دخلونه يبن امي الجلسات
اويدرون بينه الهاشميات
ايصيحون ذني الخارجيات
دخلونه وحنه الفاطميات
على المهانه ما امعلمات
واخوانه اهل الهيابات
ينشدني ذاك ابن الدعيه
وين اخوتج هاي المسيه
زينب يخدر الفاطميه
يمخدرت حيدر او عباس
وينه اخوجن ابو النوماس
وحدج بقيتي ابلايه حراس
وحدج بقيتي بغير وليان
ضلو اخوتج عله التربان
ودمعي يهل اليوم جريان
دمعي يهل من شفته ايزيد
يضرب ابراسك ها يصنديد
صحته يضالم منه شتريد
****
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
مربعه للسبي
بس الروس تمشي اليوم ويانه
وضلت بالمعاره اجساد وليانه
**
ضلت بالمعاره اجساد اهالينه
جا وينه علي ما يلحگ اعلينه
يشوف اشلون اميه اليوم سابينه
بناته باليسر والروح خلصانه
**
صحنه يا علي يا داحي البيبان
اولادك ضحايه اموسده التربان
واخذونه يساره ابوليت العدوان
بين اغراب بويه الوكت خلانه
**
بالايتام محتاره يابويه اليوم
گلبي من الهضيمه موجر ومالوم
نام عله الشريعه وعافني الجيدوم
يبويه الهاشميه اليوم حزنانه
**
حزينه ابلا اهل والعين هماله
او كلفني الحنين ونام بعياله
ثگيل الحمل بويه ايريد شياله
مابيه اشيله الروح نحلانه
**
اخلاف الحملو نحلان كل حيلي
اصد الروسهم والروس توميلي
اگبالي معلگه وما نمت كل ليلي
ايبات على الرمح يا راس مولانه
**
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
هوسات لليله الوحشه
اجانه اليل احضرنه يبو الحسنين
غريبه اليوم بنتك بس تهل العين
ممتحنه العقيله ازلامها امطاعين
تعتب والعتب شيفيد للميتين
احضر يا حيدر / بتك مهضومه
مهضومه او تريد احباب وياها
او عالتربان نامت كلها ولياها
عباس الشهم بالحيره خلاها
محتاره وتلم ويلي ابيتاماها
اشلون الكافل / غمضها اعيونه
تصيح الله واكبر يا علي الكرار
احضرنه يحيدر يالتحامي الجار
وحيده اليوم زينب والدمع مدرار
ضيمي الي سده لا صاير اولا دار
محتاره العقيله / وين واليها
نومه بالمعاره كل اهاليها
عباس الكفلها ما يجي ليها
هوه الجابها وياهو اليوديها
اطفي بالخيم والدمعه تجريها
يالكافل گوم / انهض ليها
،،،،،،،،،،،،،،،،،،،،،،،،،
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
فزاعيه لليلة الوحشه
الليل اجانه يا علي
وينك يحامي ادخيله
يابويه حرگوها الخيم
وامطرحه كلها الزلم
بايتامهم وحدي الم
وينه كفيل العيله
نام اعله المسنايه
عباس راعي الرايه
وزينب بلا حمايه
والدمع دم اتسيله
دمعاتها من دم تهل
ضلت الحره ابلا اهل
وافراگهم لا مو سهل
ياهو الذي تشكيله
يا هو البقى ويها
نايم يسور احماها
باجر وين منواها
السجاد بايد حيله
وينه اليرد عنها الشمر
من بعد عباس الگمر
وتنادي ما ريده العمر
عالاهل روحي انحيله
عالاهل روحي امرمره
ونيران گلبي مسعره
بينه الصميده ما دره
وينه اليعدل الميله
،،،،،،،،،،،،،،،،،،،،،،،
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
للوحشه
الليله زينب ابياحال
كل احبابها نومه
*
ما واحد بقه ليها
نومه كل اهاليها
حيدر ما دره بيها
منها الروح مهدومه
كل احبابها نومه
كل احبابها امطاعين
احضرها يبو الحسنين
زينب بس تهل العين
اخوها اموسد الحومه
كل احبابها نومه
الليله ما تجي نغار
وبعينك تشوف الصار
زينب تندب الكرار
ما تحضر المهضومه
كل احبابها نومه
مهضومه العقيله اليوم
تنده خويه يا مضلوم
ليش وذبحتك هل گوم
يبن الشايعه اعلومه
كل احبابها نومه
يبن المصطفى الهادي
يومك مرد افادي
وضيمي ابد ما سادي
اخوها امسلبه اهدومه
كل احبابها نومه
اخوها امسلبه اثيابه
ونار الگلب لهابه
وگلبه بيه نشابه
ضل تتنازف ادمومه
كل احبابها نومه
،،،،،،،،،،،،،،،،،،،،،،،،،
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
اهداء الى روح وضريح
مولاتي زينب عليها السلام
...........✍✍...........
هـــاي عازتــها الــعبايه
للــيتــامــه او للـسبـايه
ساعـه اضــم بيها رقيه
مــن يضربوها ال اميه
ساعه خيمه ساعه رايه
هــاي عازتــهــا الـعبايه
.........................
اشگـد بخيته جنها راية ابو الشيمه
ساعـه اسويها ستاره وساعه خيمه
اتنام جــواها ابــرغد كل من يتيمه
ابيوم عاشور الضهـر صارتلي غيمه
بيها افيي للضحايه
هاي عازتها العبايه
.........................
مو عبايه سوالف الحشمه بحچيها
حگها بــت حيدر علي ملفوفه بيها
اشمــا يطشرها الــدرب تكبر عليها
بــت رسول العفه بـس اتلوگ ليها
يعني متگبعه ابآيه
هاي عازتها العبايه
.........................
هيه مو بس ستر صارتلي وحشامه
ولا خـيـم جـواها يـغـفـون الـيتـامه
ولا اضماده الشدت اجروح الامامه
صـرنه انـه وياها واحــد والــعلامه
اعثـر وتعثر اويايه
هاي عازتها العبايه
.........................
بيها ريحة فاطمه الزهره الزچيه
من قـبل كسر الضلع ضمتها اليه
ترتعــد مــن تسمع ابـكلمة سبيه
اتصيح لا هاي العقيله الهاشميه
بيها موروث الهدايه
هــاي عازتها العبايه
.........................
ورث مــن امــي اذاً مليانه طـيبه
صارت ابدرب الاسر مثل الحبيبه
شاركــت وياي كل هم او مصيبه
ابــد مــا حــســيت وياهــا غريبه
بيها حكمه وبيها غايه
هـاي عازتـهـا الـعبـايه
...........✍✍...........
تـــمـ بعون الله تعالى ـــت
بتاریخ /18/ذو الحجه / 1443هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
فزاعيه للمصرع
گطعو منحر المضلوم
يا زيـنـب الـمهضومه
**
گطعو منحر العطشان
ضل مطروح عالتربان
من دمه الولي غرگان
احا يا قـصته ويومه
**
زينب عينها اتنضره
اتنادي يمه يا زهره
ابنج منگطع نحره
شوفي مغيره ارسومه
**
نـادت يـمـه الـحـگـيـني
شوفي شصار بحسيني
الـوحـدي لا تـخـلـينـي
روحي عليه مهدومه
**
روحي عليه حزنانه
الـمتـوسد ابميدانه
خـانـت بيه عدوانه
هاي الارض ميشومه
**
زينب ناحت ابحرگه
گلبها خنگته الشهگه
بعد اخوانها اشتلگه
كلها اموسده الحومه
**
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
هوسات جنوبيه للمصرع
وگع سبط الرساله ابحومت الميدان
او زينب تنضره او تتصارخ النسوان
صاحـت وين يا جدي النبي العدنان
( طاح راعي الزود / خال اولادي )
( وينـه خـل يـحضر نبـينه الهادي )
( ينضر ابولده اشجره و اشسادي )
( خل تجي الزهره وتصيح اولادي )
(( نايم عالغبره // ايشوفونه ))
**
الـف يا حيف ابن طـه يذبحونه
هـذا ابـن الـزجـيه وما يرحمونه
جـرح الـيـوجعه خـلهم يشدونه
تصد زينب عليه ابروح محزونه
( زينب اتـعنت / تـشد اصـوابه )
( اتـوسـدت ويـه الـولـي بترابه )
( ليش ابو سكينه يعوف احبابه )
( يـا ولـيـنه الـيـوم يحله اعتابه )
(( ياسيف ازلف / عن احبابي ))
**
لـخـوها اتعنت الحره او تشم نحره
مـن وصـلـتـله زينب خـنگـته العبره
گلتله يبعد العين هاي اوصيه الزهره
عله افراگك يخويه الـگلب شيصبره
( اتـگـله رايـح وين / وامخليني )
( يـبو الاكبر خويه يا ضي عيني )
( الدنيه ضلمه وضيعيت حسيني )
( عـلـه افـراگـك ما گـدر تـدريني )
(( بـدمـومـه امغسل / والـيـنه ))
**
طاح حسين بالميدان واخياته ينضرنه
من حر الصواب البيه ويلي گتلته الونه
شافـنه هـوه عالـگاع منه گطعن الضنه
( اتـوسـد الـتربان / محد شاله )
( بس حرم واطفال تنضر حاله )
( والـشمر گـاعد يگطع اوصاله )
( او زينـب الـحـره تلـم بعياله )
(( نايم والحره / امخليها )
**
نايـم عـالـوطـيه اهـواي طبراته
او ينضر للعدو يحرگ ابـخيماته
من الـخـوف تتـصـارخ يـتيماته
( اينادن بالمعاره / طاح والينه )
( ياهو الي يروح ايخبر اهالينه )
( عگب عينك يوالي من يبارينه )
( ليش اتروح من عدنه اوتخلينه )
( يـتباجن رقـيه اعليه واسـكينه )
(( يحسين اگعد / شوف احوالي ))
**
اجيتك يبو اسكينه والگلب مجروح
ليـش اتـعـوفني بين الغرب واتروح
اعـتب عالـولي وادري الـنحر مذبوح
اشـلون انروح ونته عالترب مطروح
( اجيتك يالحنين / او گوم ويايه )
( شلون اتعوفني وشماتك اهوايه )
( گـلي عـگب عـينك ويـن منوايه )
( اجيت المصرعك يحسين عنايه )
( يالـبيك الـعزم يـنشد يرجوايه )
(( اعـيالـك ضـلـت / بالـهـيمه ))
**
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
هوسات
لمصرع الحسين ع
****
هذا ابن الشطر مرحب ابميدانه
اشلون اتجاسروا ذبحوه عدوانه
نايم بالـشـمـس والـشـفـه ذبلانه
واخـتـه تنـضره والـروح حزنانه
راسه على الزان ،، امعلگينه
****
امـعلـگ عالرمح يا راس والينه
ابسهـم الـنايبه واشـلون رامينه
ضل اعله الارض هوه وميامينه
مصاب ابن الزجيه حيل عامينه
ياحيف الموله ،،، اموذرينه
****
مگطوع النحر وموذره اوصاله
وابـسيـفه الـضـبابي هـل تعناله
بس ارمـاح ويـلـي اعليه تبراله
مـذبـوح الامـام وحـالـتـه حاله
بمصابه الزهره ،،، انعازيها
****
نعازي ام الحسن والدمعه مجريه
على اليبست لهاته وما شرب ميه
خـلـيـهـا تـحـضـره اتـقـيـم تـعزيه
واتـشـوف الـفواطـم بالـمـهضميه
وتشد اجروحه ،،، الماذيته
****
وين الزاجيه خل تحضر اتشوفه
تـتـعـنـه لابـنـهـا ابـروح مـلـهـوفه
اوجـرح الـيوجعه بيمينها اتروفه
ادور خـنـصره وتـرجـعه لجفوفه
واتلم ايتامه ،، من الوادي
****
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
فزاعيه للمصرع الشريف
***
ليش اعمامة المضلوم
بالطف هوسو بيها
***
لـيش اعمامته عالگاع
خل يحضر علي فزاع
گــلوله يحضره ابساع
زيــنب خل يجي ليها
***
خل يحضر لبو اليمه
ايشوفه غارگ ابدمه
والله موتته هضمه
وخته الهضم گاضيها
***
زينب تلطم اعله الراس
واتـنـادي ولينه انـداس
خــلـه يـنـهض الـعباس
گــوم احضر يــواليها
***
مـحـزوز الوريد اليوم
نادن زيـنب او جلثوم
خويه من الوطيه گوم
حـنينه الـروح تـدريها
***
ضـل حــسين عـالـغبره
وزينب عـينها اتـنـضره
تشوف الشمر حز نحره
الـونه اويـاهـا عـلـيـهـا
***
وي زيـنـب الـمـحـزونه
عونه الدگ عله امتونه
ودمـع الـعـين يجـرونه
الـحـره من يـواسـيهـا
***
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
حديث مصرع الحسين صلوات الله وسلامه عليه
**
صل الله عليك يا مولاي يا رسول الله
صل الله عليك يامولاي وابن مولاي يا ابا عبد الله
طبتم سادتي وطابت الارض التي دفنتم بهاماخاب والله من تمسك بكم وامن من لجأ اليكم يا سليب العمامة والرداء انا لله وانا اليه راجعون وسيعلم الذين ضلمو اي منقلباً ينقلبون والعاقبه للمتقين رحم الله المتقين
بـأســـاً لـقــومِ زُمـــرة الــكُـفـار
تـجـاسـروا واحـزنوا الـمــخـتار
بـقــتـل ريــحـانــتــه حــســيـن
واضــرمــو خــيـامــه بـالـــنـــار
وهو على الرمضى يجود بنفسه
وعــيـاله فــي قـبـضـت الاشـرار
تقول الروايات انه لما قتل العباس ع التفت الحسين ع فلم ير احداً ينصره ونضر الى اهل بيته وصحبه مجزرين كالاضاحي وهو يسمع عويل الايامى وصراخ الاطفال صاح بأعلى صوته هل من ذاب عن حرم رسول الله هل من موحد يخاف الله فينا هل من مغيث يرجو الله في اغاثتنا فأرتفعت اصوات النساء بالبكاء ونهض السجاد ع يتوكأ على عصاه ويجر سيفه لانه مريض لايستطيع الحركه فصاح الحسين بأم كلثوم احبسيه لئلا تخلو الارض من نسل آل محمد فأرجعته ولسان حالها يقول
تنضر لاخوها وتجري العين
واتنادي خويه ما لك امعين
ارجالك على الغبره مطاعين
واستوحدوك الگوم يحسين
ضليت وحدك بين عـدوان
لا ضل ولـد لاضلك اخـوان
بيك الگلب يحسين حيران
ويـنـه عـلـي داحـي البيبان
وينه علي خل يحضر اليوم
وايشوف حال ابنه المظلوم
وحيده بقه والحيل مـهدوم
ولـيـه ولـوه ابكـربـله الـگوم
ضـل الـولي بالـحرم مـحتار
لاضـل اخـو لاضلـت انــصار
او زينب تصد اعليه الانضار
ما ضــل الــك يـحسين نغار
ثم انه امر عياله بالسكوت وودعهم وكان يرتدي
جبة رسول الله ص واخذ يرتجز ويقول وهنا صار يرتجز ويقول
انا الـحـسـين ابن علـي
آلــيــت ان لا أنــثــنـي
احـمــي عــيـالات ابــي
أمضي على دين النبي
ولقد كانت الرجال تنكشف بين يديه اذا شد فيها ولم يثبت له احد فنادا عمر ابن سعد بالجمع هذا ابن الانزع البطين ، هذا ابن قتال العرب ، احملو عليه من كل جانب فأتته اربع الاف نبله ، وحال الرجال بينه وبين رحله ، فقال عمر ابن سعد ويحكم اهجموا عليه مادام مشغولاً بنفسه وحرمه والله إن فرغ لكم لاتمتاز ميمنتكم عن ميسرتكم فحملو عليه يرمونه بالسهام و السهام تأخذه منا كل ناحيه وهو يتقيها بصدره ونحره ورجع الى مركزه يكثر من قول لا حول ولا قوة إلا بالله العلي العضيم ورماه ابو الحتوف الجعفي بسهم في جبهته فنزعه وسالت الدماء على وجهه ولما ضعف عن القتال وقف ليستريح رماه رجل بحجر على جبهته فسال الدم على وجهه فرفع الثوب ليمسح الدم عن عينيه فرماه آخر بسهم له ثلاث شعب وقع على قلبه فقال بسم الله وبالله وعلى ملة رسول الله ورفع رئسه للسماء وقال الهي انك تعلم انهم يقتلون رجلاً ليس على وجه الارض ابن بنت نبي غيره ثم اخرج السهم من قفاه واعياه نزف الدم فجلس على الارض ينوء برقبته فانتهى اليه في هذا الحال مالك ابن النسر فشتمه ثم ضربه بالسيف على رأسه وكان عليه برنس فمتلأ البرنس دماً فصاح الشمر ما وقرفكم وما تنتضرون بالرجل وقد اثخنته السهام والرماح احملوا عليه وضربه زرعه بن شريك على كتفه الايسر ورماه الحصين في حلقه وضربه الاخر على عاتقه وطعنه سنان ابن انس في ترقوته ثم في بواني صدره ثم رماه بسهم في نحره وطعنه صالح بن وهب في جنبه واقبل الفرس يدور حوله ويلطخ ناصيته بدمه ويشمه ويصهل صهيلاً عالياً يقول الامام الصادق ع كان يقول الضليمة الضليمة من امة قتلت ابن بنت نبيها وتوجه الى المخيم
فلما نضرن النساء الى الجواد مخزياً
والسرج عليه ملويا ، خرجن من الخدور على الخدود لاطمات وبالعويل داعيات والى مصرع الحسين مبادرات
فــواحــدة تــحــنو عليه تــضمه
واخـــرا عـلــيه بالــرداء تــضــلل
واخرا بفيض النحر تصبغ وجهها
واخــرا تــفــديه واخــرا تــقــبــل
ونادت ام كلثوم وزينب العقيله
وا محمداه وا ابتاه وا علياه وا جعفراه وا حمزتاه هذا حسين بالعراء صريع بكربلاء
ثم نادت ليت السماء انطبقت على الارض وليت الجبال تتدكدكت على السهول
ثم ان عمر ابن سعد صاح بالناس انزلو اليه واريحوه فبدر اليه شمر فرفسه برجله وجلس على صدره وقبض على شيبته المقدسه وضربه بالسيف اثنتي عشر ضربه واحتز رأسه المقدس اي واماماه ، واسيداه، وا ذبيحاه ، واعطشاناه ، وا حسيناه
وكاني بلسان حال مولاتنا زينب تقول
يمهر حسين اخذني لـيه / شمتان
اشـم نحر الحنين الـيوم / شمتان
وگـلـه الـعـدو خـويه بيك / شمتان
(( يگول الحيف اخذته من الزجيه ))
يحسين خـويه ضـيعيناك
ياريت روحي اتروح وياك
گـلـبي گـبـل جدمـي تعناك
برض الغرب عايف يتاماك
زيـنـب تـصـيـح الـلـهُ أكـبـر
جـا بـيـش دلالـي ايـتـصبر
ردلي الـمـهـر بالـدمـه امـغبر
يـحـســيـن يا عـزي ودلالي
ردلـي الـمـهر يا خويه خالي
خــابــت تــره بـعـدك امـالي
لسان حال مولانا الحسين ع
وهو يشكي حاله لامه الزهراء ع
**
يمه يمه ... ريتج اتـشوفين حالي
يمه يمه ... وانه متگطعه اوصالي
مـثـل ضـلـعـج يـالـبـتـول
سحگت اضلاعي الخيول
يمه يمه .... يمه يمه
**
ريت شفتيني يزهره وشمر گاعد عالصدر
والزلم كلها ضحايه امگطعه ابسيف الغدر
انـه ريـحـانت مـحمد لـيش دمـي يـنـهـدر
لاكـن اشبيدي وشسوي يالحنينه عالـقـدر
لــون شـفـتيـني ذبيح
وزينب ابحرگه تصيح
يمه يمه .... يمه يمه
****
ردت منج بس تجيني يالزجيه ابكربله
ابعينج اتشوفين حالي وانه نايم بالفله
كلهه اولادي واخوتي بالمعاره امجندله
يمه ترس الوادي والبر طشروها الـعايله
صعدوهم عالهزيل
ما بـگه بس العليل
يمه يمه .... يمه يمه
***
صحت وينج يالزجيه والدمع تارس العين
ردت بس المح خيالج يمه يم گلب الحنين
صحت وبدلالي حسره يمه هذا انه الحسين
صــحت يا زهــره ييمه وانه كــاتلني الونين
شفت ايدج عالــضلع
وگلبي يحبيبه انشلع
يمه يمه .... يمه يمه
**
أمـي يا بضعة محمد لو تشوفين اشجره
من وگع حامي الضعينه والزنود امشمره
صحت خويه انكسر ضهري لايسبع الگنطره
بــعـدك الــدنيه حــزيـنه والــعـيال امــكدره
ابغيبته ضهري انحنه
والــفــواطـم مــحزنه
يمه يمه .... يمه يمه
****
لو شوصف حالي لمن بيدي ذبحوه ضنوتي
طـفل سـت اشـهور عمره وينذبح يا منيتي
بـعـده ما شابع مـحنه ابفگده صعبه حالتي
عالرضيع انصاب گــلبي يا مراري ولــوعتي
بالـنبل طـفـلي انفطم
يمه شحجي وشأضم
يمه يمه .... يمه يمه
****
تمت
لسان حال مولانا الحسين ع
وهو يشكي حاله لامه الزهراء ع
**
يمه يمه ... ريتج اتـشوفين حالي
يمه يمه ... وانه متگطعه اوصالي
مـثـل ضـلـعـج يـالـبـتـول
سحگت اضلاعي الخيول
يمه يمه .... يمه يمه
**
ريت شفتيني يزهره وشمر گاعد عالصدر
والزلم كلها ضحايه امگطعه ابسيف الغدر
انـه ريـحـانت مـحمد لـيش دمـي يـنـهـدر
لاكـن اشبيدي وشسوي يالحنينه عالـقـدر
لــون شـفـتيـني ذبيح
وزينب ابحرگه تصيح
يمه يمه .... يمه يمه
****
ردت منج بس تجيني يالزجيه ابكربله
ابعينج اتشوفين حالي وانه نايم بالفله
كلهه اولادي واخوتي بالمعاره امجندله
يمه ترس الوادي والبر طشروها الـعايله
صعدوهم عالهزيل
ما بـگه بس العليل
يمه يمه .... يمه يمه
***
صحت وينج يالزجيه والدمع تارس العين
ردت بس المح خيالج يمه يم گلب الحنين
صحت وبدلالي حسره يمه هذا انه الحسين
صــحت يا زهــره ييمه وانه كــاتلني الونين
شفت ايدج عالــضلع
وگلبي يحبيبه انشلع
يمه يمه .... يمه يمه
**
أمـي يا بضعة محمد لو تشوفين اشجره
من وگع حامي الضعينه والزنود امشمره
صحت خويه انكسر ضهري لايسبع الگنطره
بــعـدك الــدنيه حــزيـنه والــعـيال امــكدره
ابغيبته ضهري انحنه
والــفــواطـم مــحزنه
يمه يمه .... يمه يمه
****
لو شوصف حالي لمن بيدي ذبحوه ضنوتي
طـفل سـت اشـهور عمره وينذبح يا منيتي
بـعـده ما شابع مـحنه ابفگده صعبه حالتي
عالرضيع انصاب گــلبي يا مراري ولــوعتي
بالـنبل طـفـلي انفطم
يمه شحجي وشأضم
يمه يمه .... يمه يمه
****
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
لسان حال مولاتنا زينب ع
بعد مصرع اخيها الحسين ع
*
اجيت المصرعك يحسين امشي وعثر ابهمي
لكيت امغمض اعيونك يخويه والنحر مدمي
روحي عليك خويه اتلوب
شـفـتـك عالـوجه مـكلوب
شــفــتك عــالارض مرمي
امـشـي او اعــثر ابــهــمي
**
من شفتك يخويه حسين مرمي وغارگ بدمك
گلبي اتسابگ اويه الريح يبن امي واجه يمك
تعنيت ابضلام الليل لاكن تيهت جسمك
تـيـهـتك ابهل الوادي
خـويه وذايب افادي
گلبي عليك يبن امي
امشي اواعثر ابهمي
****
ردت اوصــلك او اكعد اشدنهن اجراحاتك
لكيت اعليك ملتمين خويه حسين شماتك
انــه بــخيمتي واسمع آآيــبــن امـي وناتك
اســمعها وتذوب جلاي
ما ضـايـگ لــذيذ الماي
ضل بس الحزن سهمي
امــشي او اعــثر ابهمي
****
يخويه استمع شگواك گلبي اعلـيك لـوعته
اصد المنحرك مگطوع عميه وكون ماشفته
بس تتسافح ادمومك راسي عليك عـصبته
تتسافح يخويه ادماك
ريــت انــه انذبح وياك
من شــفتك نشف دمي
امــشي او اعــثر ابهمي
****
اشوفك ياشهم نايم هل فزعت علينه الناس
رد عــدوانك الــجتني يــراعي الزود والنوماس
اتخلون العقيله اشلون وحيده تلطم على الراس
اضــلن بالـمـهـضميه
روحي اليوم مـحنيه
اروح وياهم ابهضمي
امشي او اعثر ابهمي
****
ارافك يخوتي اعداكم وعوفنكم غصب يحباب
بس الــروس ويا نه وجــرحي بالگلب ما طاب
اجــينه ابرفگت الخوان تالي انروح ويه اجناب
غربه تحدي بضعوني
هـانـلـكـم تـتـيـهـوني
عفتكم والقلب مدمي
امشي او اعثر ابهمي
****
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
هوسات للوداع
.........................
لــعد صيوان واليها اجت زينب المهضومه
تودع حسين ابو اليمه وعليه الروح مالومه
تگله ابداعت الــخوه يبن امــي الــمظلومه
تباصرني ينور العين اشوف اعداك ملمومه
(( ادخيلك خويه ادخيلك ))
(( شنهي النيه وشنهي الراي ))
.........................
يگلها ادخيل يا زينب خويه لاتنشديني
بس الليله انــه وياچ باچر ما تشوفيني
يحرگون الخيام ابنار خويه لوغفت عيني
ونتي بالأسر تمشين بالمصرع تخليني
(( العاشر يوم العاشر ))
(( تحرگ خيمتنه العدوان ))
.........................
خل يسبونه العدوان خل اخيامنه ايحرگون
كل مصاب احملنه بس امصيبتك متهون
اشلون اصبر يبعد الروح اشوف ابنحرك ايحزون
ابخيل الاعوجيه اضلاع منك يالولي ايكسرون
(( ضلوعك خويه ضلوعك ))
(( ليش ابخيل ايسحگوها ))
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
هوسات للسبي
عفتوني وحيده ياهلي بالشام
متكلفه ابحرم محتاره بالايتام
صحت عباس وينك گوم ياضرغام
ترضاها العقيله يا شهم تنضام
(( واباب الشام ،، ايوگفوها ))
━───≪✍🏻≫───━
وگفونه يبن حيدر ثلث ساعات
وابد ما نشف دمعي وجذب الونات
بديار الغريبه گلي وين انبات
او محتار الگلب بالضلن ايتيمات
(( اخلاف الكافل ،، زينب محتاره ))
━───≪✍🏻≫───━
بقيت الوحدي يالضيعيتوني
يخواني وحيده اشلون عفتوني
بديار الغرب واتعذريتوني
وياكم اجيت او گومو ردوني
(( بالشام انده ،،، وين احبابي ))
━───≪✍🏻≫───━
ما بين الغرب ونصيح يالاحباب
نادينه اشكثر بس ما وصلنه اجواب
اريد اعتب وطول ويه اهلنه اعتاب
عافونه ابخرايب لا سگف لا باب
(( والمضلم سدو ،، بيبانه ))
━───≪✍🏻≫───━
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
فزاعيه للسبي
مكلوفه ابحرم وايتام
والوليان عافوني
**
مكلوفه ابياتاماهم
امشي مرافگه عداهم
احنان او ضيعيناهم
بديره غرب تيهوني
**
بديار الغرب وحدي
بينه الاجنبي يحدي
وانه المصطفى جدي
انادي وما يسمعوني
**
انادي والطم على الراس
انه اخت البطل عباس
تتفرج عليه الناس
خويه الغرب هضموني
**
خويه الغرب شتمونه
ولو صحنه يضربونه
ليش او تيهيتونه
نمتو وانه يسروني
**
نمتو على الترب يحسين
وزينب بس تهل العين
خويه ويه الغرب ماشين
يا من ضيعيتوني
**
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
نعي مع ابوذيه لليلة الحادي عشر
*
يـمـاي الـعـذب گـلـي لـيـش ،، مرماي
للـحـومـه اعتنيت اجدامي ،، مرماي
ادور حـسين فـوگ الـغبره ،، مرماي
واصيح احااااه منها الغاضريه
****
يـريت الـطـف بهلها الـيـوم ،، ماييت
صحت عــباس خويه عدل ،، ماييت
اجـيتـك ارد اشــوفك ليش ،، ماييت
عــفــتني بلا حــمه هــايه الــمـسيه
تقول مولاتنا زينب
جـلـجل علينه الليل عـباس
وآنه غريبه ابولــيت الـناس
انفض اترابك يبو الـنوماس
شوف اليتامه ابغير حراس
حرمه وغريبه ابغير وليان
يا هـو اليرد عـني العدوان
وازلامنه اموسـده التربان
ضلـو عـرايه ابغير اجفان
**
ضلو عـرايه وتهمل العين
كلهم يبعد اهلي مطاعين
ويلاه عالواحد او سبعين
محد صفالي من الميامين
*
محد صفالي وگلبي مـمرود
والاخو يــوم الضيج مريود
وحسين راعي الفخر والزود
راح او بـعـد هـيهات ميـعود
*
ناديــت وين اهل المحنه
كلهم گضو هل يوم اهلنه
عـبـاس اگــعد لم شـملنه
عالـغـرب ذبـيـتـو حـملنه
*
انـهضـلي يا عـزي او دلالي
شــوف الغريبه ابغير والي
يالبيك راســي جـان عالي
بعدك يخويه الهضم حالي
****
مــحتاره انـه ابين ضلام
حرگو علينه خويه لخيام
سكنه تنادي هنا يضرغام
بس الحرم ضلينه وايتام
****
عباس يا راعــي الحميه
لو طــر صبح باجر عليه
ايمـشوني خـويه سـبـيه
واهل الرده ايعيلون بيه
****
اهــل الــرده مـا يرحموني
بالصوط خــويه ايعذبوني
اگــعد وعايـنهن امــتـوني
بسكــوت ويـهلـن اعيوني
****
بسكــوت ويـهلـن الــدمعات
حاجيني خويه عدمن انبات
واحـنه يبعد اهلــي غـريبات
ما بـيـن اعــادي واجـنـبيـات
****
ما بين عــدوانــك عفتني
مــن الـصياط انثلم متني
والــشمر تــرضاها يـعتني
يا غــيبتك والله عــمتني
****
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
مربعه لليله الحادي عشر من محرم
لسان حال مولاتنا زينب ع
يا لليل اهـدعش عذبلي حالي
غريبه ابهل بلد ما عندي والي
غريبه ابهل البلد واهلي مجاتيل
الملم باليتامه او بايـد الـحيل
حـرمه الوحدي بـس انه وعليل
ونامو عالثره كل الغوالي
يا ليل اهدعش عذبلي حالي
انادي عله الاهل والاهل نيام
وانه امحيره ومحترگه لاخيام
والاصعب عليه صوت الايتام
اينادوني يعمه اودمعي هالي
يا ليل اهدعش عذبلي حالي
ايگولولي يا عمه وينه عباس
وانه من الهضم مخنوگه لانفاس
شبجت اثنين اديه اليوم عالراس
صحت ضاع الخدر ضايع دلالي
يا ليل اهدعش عذبلي حالي
صحت ضاع الخدر لحگو عليه
جنت امدللله او باجر سبيه
اخواني عله الارض كلهم رميه
ورؤوس اهل الفخر كلها اگبالي
يا ليل اهدعش عذبلي حالي
گبالي روس كل اهلي الطيبين
واجساد الفخر متوسده الطين
عنكم يخوتي باجر مرحلين
واشوف اخلافكم سود الليالي
يا ليل اهدعش عذبلي حالي
،،،،،،،،،،،،،،،،،،،،،،،،،
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
لليلة الوحشه
اجانه الليل واحنه بس نساوين
واخـوتنـه عـله الـغـبره مطاعين
اجاني الليل گومو يا بعد عيني
خويه حسين چا عدمن امخليني
وانه ابعازت الوليان تدريني
باجر لو يجي العدوان تسبيني
اروحن عالهزل ترضاها يحسين
ترضاها اروح الديرت الغربه
ذباحك ارافگ يالاخو صعبه
وعباس الكفلني تيهت دربه
اريده وما اريد الماي والجربه
نامو عالثره اربات الدواوين
ادور اعليك اجيتك گوم ويايه
عگب عينك يخويه وين منوايه
ما اندل طريقج يا لمسنايه
واروحن للكفيل او راعي الرايه
واگله انهضلي يمكطع الجفين
اگله انهضلي ياعباس ابو الغيره
ترضاها خواتك ضاله ابحيره
كسر گلبي يخويه صعب تجبيره
يا حماي خدري الما الي غيره
اجيتك للشريعه واهمل العين
اجيتك للشريعه او روحي ملهوفه
گلبي منخطف ما ينوصف خوفه
يا كفال ضعني اشلون واتعوفه
باجر لو صبح عالهزل مجتوفه
وين اهل المراجل گوضو وين
،،،،،،،،،،،،،،،،،،،،،،،،،،،،
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
قصيده لسان حال مولاتنا زينب ع
لليلة الحادي عشر
اريد اصعد على تل النوايب
ابعالي الصوت انادي يالحبايب
بلكي من يسمعون للنخوه يگومون
حرمكم يالولي ضلن غرايب
اريد انده وصيح بعالي صوتي
بلكي من الصدى ايفزعون اخوتي
گبل يوم الولي اتمنيت موتي
وابد ما اگدر او صفها بلوتي
حاربني زماني وبالفرگه بلاني
مذبوحه اخوتي بسوح الحرايب
بأرض المعركه نيام الاحباب
للتل اعتنيت وگلبي منعاب
اجيت اتعثر ومني الگلب ذاب
عفتونه يوالي شنهي لاسباب
انده ما يسمعون ما جنهم يعرفون
بس حسين شفته الگمر غايب
شفت حسين بس ماشفت عباس
ولا شفت العلم والجود والطاس
صحت وين الشفيه ابو النوماس
وينه ابن الصميده وينه يا ناس
ماشفت الشفيه ياروحي اشبديه
كفيلي لو مشه اسكن خرايب
فليت الكفاله ليش وياي
حاجيني اشجره يا نور عيناي
ما ريد العمر ما رايده الماي
ردتك بس ترد يا بدر دنياي
اريدك بس تجيني تمسح دمع عيني
قلبي عليكم امسه اليوم عايب
نمـتو وما حسبتو اشلـون بيه
حافــي اصعـدت تـل الزينبيه
اطـفـي بالخيم واشگف بديه
وبــس غمضتو مشـوني سبيه
اروح ابرفگت عداك
وانه الــجــيت وياك
دلالي صبح هل يوم ذايب
""""""""'''''''
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
حال لسان مولاتنا زينب ع
عند صعودها على التل في لليله
الحادي عشر من محرم الحرام
**
جيت ادور مالگيتك خويه
وبهاي المسيه
ابعالي صوتي من ندهتك
فوگ تل الزينبيه
خويه فاركنه الـزمان
وينگ انته ابيا مكان
خويه يحسين ،، خويه يحسين
***
عاينت مرمي لگيتك والنحر دامي اوخضيب
صحت وينك ياحبيبي ليش مذبوح اوسليب
اتقبل القربان مـني گـلت ربي انته الحسيب
بعد وين الـگه الأمـآن
وينگ انـته ابيا مكان
خويه يحسين ،، خويه يحسين
***
خويه ناديتگ أسـمـعني أرد اخبرك بالجره
حـرگو اخيمنه علينه او نار گـلبي امـوجره
زيـنـب اتحـشم يبويه وابـو الحمله ما دره
هان خدري عليك هان
ويـنـگ آنته ابيآ مـگآن
خويه يحسـين ،، خويه يحسـين
***
گـوم يا خيمة حمانه شوف زينب حايره
لـيش عـفتوني وحـيـده بالغرب وانه مره
شفت متگطعه اوصالك والگلب شيصبره
رآح أبــقـه بالــهــوآن
وينگ أنته ابيا مـگآن
خويه يحسـين ،، خويه يحسـين
***
مـن ندهتگ جني آسـمـع صـوت
مـن نحرگ يصـيح
خويه زينب شـوفي حآلي شـلون
عطـشـآن اوذبيح
ديـري بالـج عالـيـتـآمـه خـآف
عآلـنآگـه او تطـيح
ادربـيـج امـ آلـحـنـآن
وينگ انته ابيآ مـگآن
خويه يحسـين ،، خويه يحسـين
***
لا تـوصـيـنـي يخـويـه عالـعتيال وعالعليل
بعيني اباريها اليتامه وصبر الصبر الجميل
ولـو عـذبني مـصـابك والحمل بعدك ثگيل
للــيـــســر آن الاوان
وينك انته ابيا مكان
خويه يحسين ،، خويه يحسين
**
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
وداع مولاتنا زينب ع
لاخيها الحسين ع
******
في امـان الله يـبـن امـي الزجيه
راح اروح ويه الغرب وانته رميه
خـويه تـعـبني الـونين
وداعت الله يا حسين
فـي امـان الله يـبن امـي الزجيه
******
گـوم ودعـنـي يـخـويـه رايـحـه
وعالـهـزل انـصب يخويه الفاتحه
وسط روحي اليوم اجيم النايحه
ينعه الك گلبي الحنين
وداعـت الله يا حسين
فـي امـان الله يبن امـي الزجـيه
******
رايــحـه او دلالــي يـتـگـاطـر دمـه
ريـت حـاضـر كـون حـمـاي الـحـمه
ايشوف ابنه اشلون عينه امسلهمه
مـنـگـطـع مـنه الوتين
وداعت الله يا حسين
في امـان الله يبـن امـي الـزجيه
****
بوسط روحي النار خويه اموجره
انـضـر الـحالـك او دمـعي دم جره
ابـهـل فـواطـم والايـتام امحيره
مـن بـعـيد امـودعـين
وداعت الله يا حسين
فـي امـان الله يبـن امـي الـزجيه
******
روحـتي اويه عداك تكسر خاطري
فـرگـتـك يحسيـن تـعمي ناضري
لـلـرحـيـل الـعـدو گـال اتـحـضـري
وي شمر هالرايحين
وداعت الله ياحسين
فـي امـان الله يبـن امـي الـزجيه
******
راح احضر متني لصياط العده
والـعـيـون امـن الـدموع امرده
بـعـد مـا عـفـت النشامه امدده
او انه ارافگ ضالمين
وداعت الله يا حسين
فـي امـان الله يـبن امـي الـزجيه
******
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
موشح للمصرع
يقرء بعدة اطوار منها الشور
طاح ابن حامي ،، الحميه ،، الحميه
عله الثره جثته ،، رمــيـه ،، رمــيـه
**
رجـعـت الـمـهـره بــلا خـيـالـهـا
زينب اتنادي الـضليمه اشحالها
احـتارت ابـيـن الـولي واعيالها
اتـروح يـمـه لـو تـلـم اطـفـالـها
احـتارت ابـذيج ،، المسيه ،، المسيه
طاح ابن حامي ،، الحميه ،، الحميه
**
طـاح اخـوها وابو الـحمله ما دره
ولا نـهـض عـباس سـبع الـگـنـطره
ايـشـوف اخـيه ضال جثه اموذره
امگطعات اجفوفي خويه المعذره
امگطعه اجفوف ،، الشفيه ،، الشفيه
طـاح ابن حامي ،، الحميه ،، الحميه
**
زيـنـب اتـناديه وابـصـوت الـحزن
ريـت گـبـلك يـبن امـي انـه اندفن
راح بـعـدك زينب اتـشـوف الـمحن
شفت جسمك عالثره اعيوني عمن
تالي راح امشي ،، سـبـيه ،، سـبـيـه
طاح ابن حامي ،، الحميه ،، الحميه
**
من طحت يحسين والله اتـعذبت
خويه راعي الزود انهضلي صحت
ابـحـرم و اطفال او عليل اتمحنت
ابعالي صوتي يبن امي انه اندهت
انضره او عيني ،، جــريه ،، جــريـه
طاح ابن حامي ،، الحميه ،، الحميه
**
گـوم لـيـنه يـبـن حـيـدر بـالـعـجل
ساعه خويه او نركب ضهور الهزل
من شـفـت نحرك احس حيلي نزل
عـمـت عين اعداك ما عدهـم خجل
مــاي و اتــبـده ،، من اديه ،، من اديه
طاح ابن حامي ،، الـحـميه ،، الـحـميه
**
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
هوسات لمولانا الحسين ع
يالــضحيت دمك كله لجل الدين
خـدامك نضل للموت ها يحسين
ولمصابك تـهل دمعاتنه من العين
وبنهجك نضل طول العمر ماشين
ما ننساه ،،، الضحه ابدمه
**
نضل طول العمر مالحضه ناسينه
ولاننسه مـصـابه اوگـطعت اوتينه
علـى الـمـظـلـوم تـتناحب محبينه
خـدامــه نـضـل مـا يـوم مـلـيـنـه
خدام انضل ،،، المولانه
**
ابدرب حسين نمشي وصافيه النيه
او نـضـل للـدوم دمـعـتـنه حـسينيه
ومـا نـسـه الـمـشـت للــشام مـسبيه
تـون اعـلى الـولي والـروح مـحـنـيه
انواسي الراحت ،،، مهضومه
**
انـواسـيـها العقيله اليوم بالدمعه
عالداسته الخيل اوهشمت ضلعه
يا يـوم الاخـو كـتـال شـيـجـرعـه
وامصاب الحنين اگليبها ايصدعه
كل احنه انون ،،، الولياها
**
ويـه ام عـون كـلـنه انعلي الونه
على الگطعو وريده وايست منه
واجيوش الكفر بالحومه حاطنه
تـتـناحـب خـواتـه اعـلـيه يـردنه
والوالي اموسد ،،، بالحومه
**
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
ردالي مـهـرك يگطر ادمـوم
شفته ودليلي عليك مهدوم
ريت العمه ولاشوفك اليوم
ريــت الــمنيه وياك اجـتني
ومــصـيبتك والله عـمــتني
خــويــه ابنـاتــك مـحـنتني
**
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
فزاعيه للمصرع
**
والله لدگ اعله المتن
على حسين واخوانه
**
هل يوم اعزي المصطفه
للــذابحينه امــن الــقـفه
هـضـمي عـليه ما وصفه
عالـسـادات حـزنـانـه
على حسين واخوانه
**
طاحو سوه كلهم طبگ
واحـد على واحد شبگ
ابـن الـنبي ابـدمه غرگ
يا دنـيـتـي الـخـوانه
على حسين واخوانه
**
انــعزيـها امــه فاطمه
سابــح ابــنـها بالــدمه
زينب على الخد لاطمه
واتـصـيح يا ولـيـانه
على حسين واخوانه
**
اليوم السمه مرجونه
والامــلاك مــحــزونه
لــحسين ضل ابكونه
وام عون بي حيرانه
على حسين واخوانه
**
زيـنـب تــون عـالــوالي
ياخويه شوف اشحالي
بــس الــدمــع يـبـرالـي
بـعـدك ويــن مــنــوانه
علــى حـسين واخوانه
***
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
نعي نصاري گرناوي لسان حال مولاتنا زينب ع
**
مدري من الهضم مدري للفراگ
يــبن امــي الــگــلب زايد ونينه
من غــبتــو علينه يا ضوه العين
يا خــويه بــگت روحــي حزينه
كــل ساعــه تگلي الــراح ميعود
وگــلــها لا يــرد بــلــكي عــلـينه
تالــيت الـصبر بس گلي يحسين
نـسـينه الـنوم ونـتو امـفـارگـينه
مــلــيت الــهضم والفرگه والنوح
يا ريت الـمشه ايعاود من جديد
مـن راح واخــذ كل عــمري وياه
فـارگت الـفرح ما شفـت كل عيد
مشه عــني الاخو بدروب كلفات
وگلبي اعله المشه ما يقبل ايهيد
باعـدنه الـزمن غصـبن يالـخوان
مــن اذكــر شخصكم حيلي ايبيد
****
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
لسان حال مولاتنا زينب ع
*****
من اذكـر مصيبت منحر حسين
روحي اتروح مني وتهمل العين
*****
مـن اذكـر مصاب الـغاضـريه
واذكر ذبحته ابذيج الـمـسيه
اوسـحـكت جثته بالاعوجيه
اشـمـعضـمها تمر هاي الرزيه
اذكـري مـحـنـتـي يامن تحبين
من اذكر مصيبت منحر حسين
*****
ذكـرو حالـتي او كل حال الايتام
حرگـو مهجتي وي حرگ الاخيام
عيدوا امصابنه يا شيعه كل عام
دلالـي ويه اخـوتـي حـيف ما دام
يروحـي عالمشو ادري تحنين
من اذكر مصيبت منحر حسين
*****
تحن روحي عليكم يالـنشامه
عفـتكم عالـثره تنزف اللـهامه
مصبوغه ابدمه ذيج الـعـمامه
والله افـراكـم وسـفه اوندامه
تـفـطر گـلبي لـفراگ الشياهين
من اذكر مصيبت منحر حسين
*****
خـل نـذكـر سوه كل المصايب
ابأرضـج كربله شفت العجايب
وزينب شـافت انواع الـنوايب
واسـوهـا ابـدمـعكم يالحبايب
اللـطـمـي عالـذبيح ولا تهودين
من اذكر مصيبت منحر حسين
*****
اللـطم للـمشت بس تهمل العين
ومدمع عينها وشل عله حسين
مـحـد كابلاها اعـله الـمـيامين
وماتت من هضمها زين تدرين
واسي ام عون يالجيتي تعازين
من اذكر مصيبت منحر حسين
*****
تمت
بقلم ام ســ✍🏻ــجاد العسكري
تـــمـ بعون الله تعالى ـــت
بتاریخ /١/ ذي الحجه / ١٤٤٢هـ🌙
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻
/channel/omsajad313
ابوذيه زائد نعي سباعي للوداع
.........................
العدو مابيه رحمه ،،، جن علينه
وسهــام الـمــنــيه ،،، جن علينه
يا ليل الــنوايــب ،،، چن عليلنه
(( والــموادع بده ويالهاشميه ))
.........................
وصل ليل الوداع اعلينه ،،، وخيم
ودمعنه فاض بالصيوان ،،، وخيم
باچــر ما يـضــل كفــال ،،، وخيم
(( بت حيدر علي حامي الحميه ))
.........................
حان الــوداع ابهل مسيه
بـيـن الـضعينه الهـاشميه
لـحسين وخـته الفاطميه
وتصيـح يمه اشلــون بيه
لو رحت ياخويه من اديه
انگــاد مــن عگبــك سبيه
وتضــل علـى الغبره رميه
.........................
تحچي هضمها ابدمعة العين
واتگله خويه اشلون يحسين
ساعات ضلــت يالــشيــاهين
وتفزع علينه الگــوم صوبين
ونشــوفكــم كلكم مطــاعين
وتـضــل اختكـم بـيـن نارين
لو حـرگــو اعلينه الصواوين
.........................
وداعــك يخويه الشده بالي
عذب مهجتي وضعف حالي
لــو رحــت عيشي ما هنالي
بــس الــدمــع بعــدك يلالي
يالــراســي بيكم دوم عالي
وما واحــد الامــح خيــالي
اشلون الــعقيله ابغير والي
.........................
تدري الاخت لو راح اخوها
بغــيابــه حــيــل ايعـذبوها
اشلــون الــحنان ايفارگوها
منهــم حــســافـه يحرموها
عبــاس وحسين ابــن ابوها
اتــمـوت ابفگدهم ما دروها
ابايتامــهــم شــو حـيــروها
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313