1590
أللهم أرزقني شفاعة الحسين ع 5 / نيسان / 2020 م ١٤ / شعبان /١٤٤١ هــ
جديد محرم ١٤٤٧ هجرية
ليلة العباس عليه السلام
نعي مجاريد
رجع الامام الحسين عليه السلام من مصرع اخيه العباس عليه السلام وقد بان الانكسار عليه
استقبلته اخته العقيلة وسالته عن اخيها وكفيلها .
توجه ابا عبدالله عليه السلام الی عمود الخيمة فأزاحة . عَلِمت مولاتنا العقيلة أن اخاها العباس قُتِل
نادت وا اخاه واعباساه
واضيعتنا بعدك
وقال الحسين عليه السلام
واضيعتنا بعدك ابا الفضل
حوار بين الامام الحسين واخته العقيلة عليهما السلام
بلسان حال الشاعر
كاني بمولاتي العقيلة زينب عليها السلام قالت ...
يحسين خويه لوحّدك جيت
محني الظهر للخيم رديت
ونّت امضيع اعضيد ونّيت
ووحيد بين اعداك ظلييت
جاوبها الامام عليه السلام
يم النهر طايح اخونه
وچفوفه مگطوعه ابن ابونه
السهم والدم عله عيونه
العامود خرّب ذاك لونه
خليته مرمي اعله الشريعه
وچفوفه يازينب گطِيعه
طفّه السهم عينه الوسيعه
ماجوره يختي بهلفجيعه
جاوبته مولاتي العقيلة عليها السلام
عباس ياحماي الخدور
ياحيف يابا الفضل مغدور
والبيرغ اعله النهر مكسور
وچف التكفل ظعن مبتور
طيحتك خويه مو وكتهه
خيام الفواطم تيّهتهه
يل بلكفاله اختك جبتهه
للوطن عگبك من يزتهه
ياسورنه وظِل العلينه
ياخير وتبدّه امن ادينه
امن اطلعنه خويه تواعدينه
نرجع سويه بلظعينه
ماتنخلف چا بيش اخلفك
وفّاي للخوّه اعرفك
يميلن حمولي اخلاف چفك
يازين بالله شلون اوصفك
عباس ماچانت عله البال
اختك يوالي بغير چفال
بديرة غرب وحمولها ثگال
امحضرين لختك هزل وحبال
وا اخاه واعباساه
تمت بحمد الله تعالی
٤// ذي الحجة
ام محمد الحجاج
/channel/ommohamadalaebaadey
ليلة الانصار عليهم السلام
الحشد الشعبي والانصار
🏴🏴
برجال الحشد وانصار الحسين
تظل مرفوعه وترف راية الدين
حي الله الزلم حي الله الزلم
🏴🏴
انصار ابو اليمه وگفو ارماح
واحد طاح ثاني يعوض الطاح
وابطال الحشد ضحو بالارواح
شهيد يطيح ويعوضونه عشرين
ابطال ونِعِم حي الله الزلم
حي الله الزلم
🏴🏴
انشد كربله وتشهد للانصار
شيّاب وشباب وحته لزغار
واسباع الحشد تتفاوت اعمار
العريّس بيهم وابو السبعين
شدوها الحِزم حي الله الزلم
حي الله الزلم
🏴🏴
من صارت الفتوه وصار الزماط
ولدنه القاط ردّوه بالف قاط
مثل عابس بيوم امن الزعل شاط
وِلِدنه المااستشهد بي نياشين
اهل غيره وعزم حي الله الزلم
حي الله الزلم
🏴🏴
مثل غيرة الحر غيرة هالاسباع
بدماهم شرفنه انصان والگاع
السستاني سفينه وهمّه لشراع
دمهم بعده فوگ اجبال حمرين
شهم ينخه بشم حي الله الزلم
حي الله الزلم
🏴🏴
الموصل يوم طاحت صارو سيوف
صلبه گلوبهم ماعرفو الخوف
مثل السيل للحد زحفو زحوف
موش آلاف فزعتهم ملايين
سد ماينثلم حي الله الزلم
حي الله الزلم
🏴🏴
اللهم احفظ حشدنا
وارحم شهدائنا
٣// ذي الحجة
ام محمد الحجاج
/channel/ommohamadalaebaadey
ليلة الانصار عليهم السلام
🏴🏴
دخل ليهه حبيب
ارتجت الحومه
دخل ليهه حبيب
ارتجت الحومه
جدّام الانصار وناشر الرايه
چن قران وجهه وشيبته آيه
حياهم ينادي وسوو سوايه
ناشر رايته
ومسرفن هدومه
🏴🏴
هد جدّام ربعه الغيض بعيونه
سابگهم الحيد ومايسبگونه
امفرع الراس يازلم اليگحمونه
هله بصاحب علي
هذا الوكت يومه
🏴🏴
صاحب حيدر الكرار شيردّه
سبع ومخيف يامن گابله شحدّه
انصاره واهو هدّو فرد هدّه
جيمات التلاگيه
ترد مثلومه
🏴🏴
شايب رافع الحاجب بعصابه
بالنص يگطع الخيّال لو صابه
واليشرد ايلحگه اوياه اله اطلابه
مامنهه مفر
الموته محتومه
🏴🏴
بنصار ابو اليمه امغزّه الصحبه
يعشگون الحُسين وذابو بحبه
لجله الموت مثل الماي وتشربه
كل واحد الغيره
تفور بدمومه
🏴🏴
السلام علی انصار الحسين
الذين بذلوا مهجهم دون الحسين
عليه السلام
تمت بحمد الله تعالی
٢ // ذي الحجة
ام محمد الحجاج
/channel/ommohamadalaebaadey
نعي ليلة اولاد مسلم عليهم السلام
١٤٤٧ هجرية
لسان حال امهم
مجاريد
مثل الملح بعيوني مانام
ونسناس يايمه بلعظام
لفراگكم كل يوم عن عام
الليله بسنه احسب الفرگه
وادعي الكريم يحين ملگه
بلبيت بس الصور الگه
الفارگ ضناه ايموت حگه
ايدي اعله خدي وعيني للباب
اعليكم دليلي صار عطّاب
گلبي يحن لوجوه الاحباب
للدرب عيني اشوده وشجاب
عيني لدربكم ماتجوني
ياثمر گلبي وضوه عيوني
ماهي اعله بالي تفارگوني
وبهل مصار ادّوهنوني
🏴🏴
بحر طويل
تجري الدمع دم العين
حگها اعله الولد حگها
ماچانت ابد عالبال
سلواها يفارگها
ظلت عايشه اعلل آه
تفت الحشا وتحرگها
سهم البين مايخطيش
صووب مهجتي وشگها
الدهر ماخله مر بلكون
سگاه لمكم وضووگها
🏴🏴
تمت بحمد الله تعالى
الثالث من ذي القعدة
ام محمد الحجاج
/channel/ommohamadalaebaadey
ليلة اولاد مسلم
جديد محرم ١٤٤٧
شوداكم للمسيب يترفين
الدرب ابعيد وتخوف البساتين
🏴🏴
بساتين وبعيده والوكت حار
شوصلكم يروحي وانتم زغار
عليكم لو طلع يايمه لنهار
بيكم جايزه تريد الملاعين
🏴🏴
ياطاهر خذتكم مني لدروب
وامكم حايره بدنياها وتلوب
اسالمن عليكم رحتو ياصوب
ياعگلي ويروحي وياضوه العين
🏴🏴
گالو بالحبس ع
تالي بالحبس عگب التعب ذاك
والسجان ظالم گالو هناك
ياطاهر يمطهر يبست الهاك
عطاشه الله واكبر بالزنازين
🏴🏴
خذوكم للذبح يم جاري الماي
ترفه ارگابكم يا لبّة احشاي
يمه السيف باشط يوجع هواي
اطفال شلون ذبحوكم يحلوين
🏴🏴
شلون وداعكم گبل الذبح چان
زغار ولازمين اردان بردان
شظل بگلوبكم يلموتكم حان
كل واحد لخيّه يدير بالعين
🏴🏴
اذبحني گبل اخيي آنه لچبير
ارحم حال اخوي اضعيف وزغير
بدمكم رفرفيتو اترفرف الطير
بجرف الماي ذبحوكم يلثنين
🏴🏴
إنّا لله وإنّا اليه راجعون
آجركم الله يامعزين
تمت بحمد الله تعالی
٢٩ // شوال
ام محمد الحجاج
/channel/ommohamadalaebaadey
ليلة مسلم عليه االسلام
نعي مجاريد
لسان حال طوعة سلام الله عليها
🏴🏴
ياطارشي جد للهواشم
گلهم يسلّون الصوارم
مسلم عليه دارت الوادم
فزعو بعجل يهل المچارم
فزعو بعجل بلليل بلليل
لكدو الشِگِر من غير تعطيل
الليله اريدن توصل الخيل
خلُو الكوفه اتحشم ادخيل
حيهم ي اهل مسلم انادي
هاشم ي اهل بِيِض الهنادي
الثار اريده امن الاعادي
من روسهم ترسو البوادي
ياطارش اتوكل عله الله
عباس خل يفزع لي گلّه
يهوسون مسلم ماجو اهله
خِلّه يراعي الجود خِلّه
الفزعه لوله خمسميه
ووحيد مسلم بين اميّه
لاابن عمه لا اخيّه
اتلاحگوه يهل الحميه
كثرن جروحه وضعف حيله
والسيف مايگدر يشيله
مسلم صواباته ثجيله
والعطش چواله دليله
خبّر هله ميسور جابوه
حفرو حفيره وغدر غدروه
وبحمايل امهنّده چتفوه
ياحيف ابو طاهر توالوه
اطّوه امان المالهم دِين
صوب ابن عمه دار بالعين
امن اعله القصر سلم عله حسين
اسير ذبحوه الملاعين
وامسلماه
رحم الله المنادي ومسلماه واغريباه
آجركم الله
تمت بحمد الله تعالی
٢٧ // شوال
الموافق
ام محمد الحجاج
/channel/ommohamadalaebaadey
جديد محرم ١٤٤٧
ليلة مسلم عليه السلام
موشح
المچارم لبس مسلم تاجها
الكوفه بس سيفه يعرف اعلاجها
🏴🏴
انتهض ليهم واخذ بيهم وطر
او لا اتخلي احّد يبو طاهر يفر
جيم بلكوفه مثل يوم الحشر
گوم واتفنن بگطع اوداجها
🏴🏴
گوم واتفنن وسجل ملحمه
اليوم يومك يبن اخو حامي الحمه
بالحقد باتت الكوفه امغيّمه
الكوفه معروفه الغدر منهاجها
🏴🏴
طحن گوم اطحنهم وخل تنگلب
بيهم الدنيه وراويهم رعب
وين ذيچ اعهودهم وين الكتب
آنه اهلهل وانت بيد افواجها
🏴🏴
آنه اهلهل وانت غِير اعلجمع
خلي دابرهم يملسم ينگطع
خلي صمصامك الا طگ ينسمع
خل تطير الروس ويّه اعجاجها
🏴🏴
خل عجاجتهه اتحجب نور الشمس
السبع بيهم خل يطگ ضرس بضرس
لقّن الكوفه يبعد اختك درس
الصبح سوي ليل طفي اسراجها
🏴🏴
تمت بحمد الله تعالی
٥ // شوال
ام محمد الحجاج
/channel/ommohamadalaebaadey
ترميهم بحجارةٍ من سجّيل
اللهم سدد رميتهم
جديد محرم ١٤٤٧ هجرية
ليلة مولاتي ام البنين عليها السلام
مولاتي ام البنين عليها السلام تتفاخر بأولادها ولها الحق ان تفخر بهم
نعي
يناس الوِلِد اشكال والوان
جبحين بيهم بيهم احنان
بيهم كفو وبيهم الغمّان
حلوين بيهم طبع والسان
وبيهم يحيف اتجيبه نسوان
اربعه عندي لزينب اخوان
الخوه اشتروها بغالي لثمان
جازو رباي بطيب واحسان
ماخاب بيهم ظنّي شجعان
بيّضو وجهي اربعتهم
من وفه درّي ارضعتهم
وبحب اخوهم ولّعتهم
لومه السيوف امگطعتهم
دون ابو اليمه ماردتهم
آنه لخدر زينب بعتهم
وصّيتهم من ودعتهم
وفّوا وماخلفوا وعدهم
ياام البنين
تمت بحمد الله تعالی
٧ // شوال
ام محمد الحجاج
/channel/ommohamadalaebaadey
جديد محرم ١٤٤٧
ليلة مولاتي ام البنين عليها السلام
لما رات القافلة اكتملت وحان الرحيل . كاني بها
بلسان حال الشاعر
🏴🏴
امين اجتني الغاضريه حسين يبني
راحلين بهلمسيه احبابي عني
بصدري مخنوگ الهوه
شح عله عيوني الضوه
امّين اجتني امّين اجتني
🏴🏴
بيمن ابدي ها يروحي بيمن ابدي
ياهو لوّل ياهو تالي وكلها ولدي
وين تكفي وهيه بس هلليله عندي
انوب اظل للحسره والدمعات وحدي
حجره حجره الليله اودع بلغوالي
وادري ماترجع بعد ذيچ الليالي
بعد مانلتم سوه
شح عله عيوني الضوه
امين اجتني امّين اجتني
🏴🏴
باب ادگّه وباب ارجع ماادگه
ايدي ترعش هيه مو تسيوره فرگه
گلبي يخفگ خفگت المذبوح حگه
من اهييس للعَلَم بالباب خفگه
اسمع البيرغ يرف صوب العقيله
وگلبي هم مثله يرف گام اعله حيله
بجمر دگاته انچوه
شح عله عيوني الضوه
امّين اجتني امّين اجتني
🏴🏴
ودعتهم كلهم وبس ابني بعده
نور عيني حسين اخير اوداع عدّه
ودمعي ايگلّه دربك الماشيه اشبِعِده
يابعد حيلي ترد لو ماكو رده
هبّطت راسي اخاف يشوف دمعي
لزم ايدي وگالّي يابعد ضلعي
گتله اصيرلّك دوه
شح عله عيوني الضوه
امّين اجتني امّين اجتني
🏴🏴
ردت اگله وياك اخذني شلون اگله ؟
وقره بدموعي الحچي المضموم كله
گلّي ياامي الحنينه ودمعه هلّه
بالچ اعله بنيتي لو سافرنه خلّه
اعرفت مامقسوم وياهم رحيلي
باس راسي وگال يايمه اندعيلي
شفته هبّط والتوه
شح عله عيوني الضوه
امّين اجتني امّين اجتني
🏴🏴
بهل حچي وعباس للهودج خذه اخته
بس دمع وآهآت صار اوداع سكته
عمري الك فدوه ثلث دورات درته
كلشي ماريدن اريدك سالم انته
حده الحادي وشبّت النار بدليلي
ردت اوگف مااگدر بعد اعله حيلي
اسمعت طاري نينوه
شح علی عيوني الضوه
امّين اجتني امّين اجتني
ياام البنين
عظم الله اجورناواجوركم
٧// شوال
الموافق ٦ // ٤ // ٢٠٣٥
/channel/ommohamadalaebaadey
استشهاد الصحابي الجليل لامير المؤمنين عليه السلام ميثم التمار سلام الله عليه
٢٢ من شهر ذي الحجة
يابو العقيده الراسخه
الوفّيت بعهودك
يالمشتري صحبة علي
وارضيت معبودك
نفسك كريمه يالابي
من يوصل ال جودك؟
تدري بمصيرك تنصلب
بس ماضعف زودك
ياطود ماهزك ظلم
ماجاوز حدودك
بشمسك يميثم كل صبح
ينبهت نمرودك
السلام عليك يوم ولدت ويوم صلبوك على جذع النخله
ويوم تبعث حيا
ثبتنا الله على ما ثبتك عليه
نسأل الله تعالى شفاعتك يوم المحشر
أم محمد الحجاج/ العبادي
ليلة مولاتي العليلة عليها السلام
جديد محرم ١٤٤٧
فزاعية والقفلة هوسة
ريضولي بظعنكم يلمرحلين
ريضولي بظعنكم يلمرحلين
🏴🏴
حاديكم جزاني .. يلمرحلين
راح وماخذاني
اايس لو اتاني
تخلوني
بالدار اشعدي
🏴🏴
وين اهل المحنه .. يلمرحلين
ظلمه ديار اهلنه
اجر ونه اعله ونه
تانوني
ارفج وياكم
🏴🏴
سفرتكم بعيده .. يلمرحلين
چا گلبي اشيهيده
فرگاكم مچيده
انهد حيلي
من سار الحادي
🏴🏴
منازلكم خليّه .. يلمرحلين
مست وحشه عليه
هلي اتردون اليّه ؟؟
اتردولي
لو تعمه عيوني
🏴🏴
بنيتكم عِليله .. يلمرحلين
وغيبتكم طويله
ياعگلي ودليله
من راحو
الموت اشوالي
🏴🏴
اون ون الحمامه .. يلمرحلين
وليلي ماانامه
گضت حيلي الملامه
غيّابي
طالت فرگتهم
🏴🏴
تمت بحمد الله تعالی
٢٣ // شوال
ام محمد الحجاج
/channel/ommohamadalaebaadey
ليلة العباس عليه السلام
جديد محرم ١٤٤٧ // هجرية
🏴🏴
فحّط الخياله
اخو زينب بطل فحّط الخياله
يوم الهد عليهم والعَلم شاله
🏴🏴
طب ليهم وشايل غيض بعيونه
يطشّر روسهم كلهم يعرفونه
عباس وزعل فنهم يلاگونه
ابن ام البنين الزعل يحلاله
🏴🏴
فحّطهم وحط بگلوبهم خوفه
كفو ونعمين من عباس وچفوفه
بلميدان خله الجثث مصفوفه
ياخذ راس كل خيّال يدناله
🏴🏴
روس الگوم ترس الوادي خلاها
مايخطي ابد صيدته اندلّاها
جاب الماي والمشرعه اتعلّاها
عله امتونه حلات الجود من شاله
🏴🏴
شيخ المرجله رد مسرع بجوده
هيبه ورايته تخفگ عله زنوده
لخته الماي جابه وراجع بزوده
والاطفال بالصيوان تبراله
🏴🏴
اطفال ابو اليمه يجي متانينه
لچن گطو يساره وگطعو ايمينه
وفضخو هامته وطفّه السهم عينه
وما وصّل لخوه الماي وعياله
🏴🏴
تعناه ابو اليمه وشافه عالغبره
لگاه لاعين لايمنه ولا يسره
ذب روحه ابو الاكبر من ظهر مهره
گعد عد راسه يمسح دمّه ورماله
🏴🏴
واعباساه
واضيعتنا بعدك
تمت بحمد الله تعالی
٣ // ذي الحجة
ام محمد الحجاج
🏴🏴
/channel/ommohamadalaebaadey
ليلة العباس عليه السلام
محرم ١٤٤٧ // هجرية
طاح شيال العلم
فوگ المسنّايه ٢
🏴🏴
طاح والرايه هوت وابو اليمه يشاهده
هوه من فوگ المهر حاطت اعليه العده
هامته طرها العمد وگع سيفه وساعده
ويّه گطعت يمنته الجود بدّوا مايه
🏴🏴
لا اشمال اولا يمين وسفه صگار الزلم
بيمن يشيل اللوه وبيمن يشد العزم
ظل اخيّه ابلا عضيد بعد بيمن يحتزم
ظهر ابو انكسر راح راعي الرايه
🏴🏴
حيف يم العلگمي وگع شيخ المرجله
عييد امعسكر يزيد راح راعي الاوّله
ابو الاكبر ظل وحيد من يحامي العايله
الجيش غار اعله الخيم راحو الوفّايه
🏴🏴
راح ال اتهابه العده والمنومس بالحرب
بخزرته ايموت الزلم للوغی لمن يطب
عينه تغفه شطاوعه اليگلب الحومه گلب
مايرد لم الخدر صعبه كلش هايه
🏴🏴
اخته تترجاه يرد مادرت بي مايرد
واجفه اباب الخيم عينهه لدربه تصد
محني بو اليمه رجع عزمه كله منفگد
گلها راح الكافلچ يختي نوحي هوايه
🏴🏴
ابو اليمه بلوعته اتگابل اويه ام الحزن
ونْته اتفسر الصخر من سمع زينب تون
ادگوم بالخيمه وتطيح شاطت وظلت تحن
واجن نسوان الانصار وجابن الملايه
🏴🏴
وا عباساه
تمت بحمد الله تعالی
٣ // ذي الحجة
ام محمد الحجاج
/channel/ommohamadalaebaadey
ليلة الانصار عليهم السلام
جديد محرم ١٤٤٧ هجرية
نعي نصاري
🏴🏴
نعمين وكفو امن اهل الحميه
وگفو سور دون ابن الزچيه
بثبات وعزم ونفوسن ابيه
زلم يتسابگون اعله المنيه
ضحوا لجل ابو الاكبر بالارواح
صدوا بالمهج طعنات الارماح
واحدهم جبل هيهات ينزاح
غيره تسيل مو دم امن الجراح
ابو اليمه گضو ربعه حسافه
ندههم حيف يرجال الكلافه
صاحبكم تره انهدمن اچتافه
صحبتنه انتهت يهل الترافه
بين الجثث واگف والدمع سال
يصحباني كفو منكم يلبطال
هويتو اعله الرمل شلكم بلرمال
شطيّحكم اشلون اطيح الجبال
صفيت اوحيد هسه بغير صحبان
بيش يصول بعد الما اله اخوان
اليفگد ربعه ظل مكسور جنحان
تترامه عليه اسهام الاحزان
🏴🏴
لاحول ولاقوة الابالله العلي العظيم
إنّا لله وإنّا اليه راجعون
تمت بحمد الله تعالی
٣ۧ // ذي الحجة
ام محمد الحجاج
/channel/ommohamadalaebaadey
َمَنِ اعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَى عَلَيْكُم
✅🤲
ليلة اولاد مسلم عليهم السلام
جديد محرم ١٤٤٧
خذوني لشط المسيّب انشدنّه
برجاهم اظل لو اگطع الظنه
🏴🏴
عله طاهر ومطهر اسال الجاري
يگولون اعله جرفه انذبحو زغاري
انه امضيعه ضناي وتايهه افكاري
يذاك ارباي ياحيف افلست منّه
🏴🏴
ودوني للمسيّب ادورهم
تاهو مدري ابن زياد اسرهم
محبوسين لو گطعو مناحرهم
خيعونه الحضرهم اخر الونّه
🏴🏴
هنيال السمع ونّة زغيروني
بعد طاهر واخيه زغار يردوني
ياهو الگبل اخوي الگال ذبحوني
ياهو بدم وريده لوّل اتحنّه
🏴🏴
طاهر لو المطهر انگطع راسه
بلول يم اخيّه وخمدت انفاسه
ترف والسيف حار شلون من جاسه
مثل غصن الورد ناعم ويثّنّه
🏴🏴
عله جروف الشواطي ضاعن سنيني
واحد ريع گلبي وثاني ضي عيني
وين البي رحم ليهم ايوديني
الشط طول وعِرض عنهم ادورنّه
🏴🏴
عله جروف الشواطي ضاعن سنيني
واحد ريع گلبي وثاني ضي عيني
خذاهم وين روج الماي حلويني
الشط طول وعِرض عنهم ادورنّه
🏴🏴
روج الماي بالله ليا جرف ذبهم
ترفه وتنلچم خوفي عله ارگبهم
حلويني اظن الطين خرّبهم
وين الگه عطر منهم اشمنّه
🏴🏴
عظم الله اجورنا واجوركم
تمت بحمد الله تعالی
٢ // ذي القعدة
ام محمد الحجاج
/channel/ommohamadalaebaadey
ليلة مسلم عليه السلام
بلسان حال طوعة سلام الله عليها
الشاعر يصف الحال ....
محرم ١٤٤٧
من فوگ القصر ذبوه عدوانه
عمت عيني يمسلم وين خُوانه
🏴🏴
مچتوف بحبل ويدير بعونه
حسوة ماي ماترضون تطّونه
اسير شلون بلكوفه تذبحونه
عساچ بهجم يلكوفه يخوانه
🏴🏴
عساچ بهجم كون ورايتچ سوده
الجثه مرضرضه وبلدرب ممدوده
انشد الحبل من رجليه ولزنوده
اتحزمت ارد اشيله وماكو عوانه
🏴🏴
سحلو جثته بشوارع الكوفه
نسوان وزلم للفرجه مصفوفه
اهل الزود هاشم خل تجي تشوفه
تجرد سيوفها وتشيل جثمانه
🏴🏴
خل تحضر حميده وتمسح دمومه
ياحلو الجهامه اتغيرت ارسومه
مندومه يمسلم حيل مندومه
يبعد اهلي انوح عليك بس انه
🏴🏴
صگار الزلم محد يجي يشيله
ابلا تغسيل من ادمومه تغسيله
انه ادري بهله ماتحمل العيله
وابو طاهر هضيمه بغير دفانه
🏴🏴
ونعمين ابو طاهر كفو امن افعاله
يبعد آنه وهلي فحّط الخياله
سمع هلهولت اخته والعزم شاله
هز قصر الاماره اعله ابن مرجانه
🏴🏴
تمت بحمد الله تعالی
٨ // شوال
ام محمد الحجاج
/channel/ommohamadalaebaadey
ندبة لمولاتي باب الحوائج ام البنين عليها السلام
جديد محرم ١٤٤٧
🏴🏴
للمجلس اجينه اليوم
والحاجات نطلبها ٢
🏴🏴
اجينه والدمع بالعين ..
يل ابحاجاتنه تدرين ..
يم عباس متعلمين ..
اقراياتچ انحبها
للمجلس اجينه اليوم
والحاجات نطلبها
🏴🏴
متعلمين نتعناچ ..
متقصرين لو ننخاچ ..
وفيّه ندري واندبناچ
عليچ همومنه نذبها
للمجلس اجينه اليوم
والحاجات نطلبها
🏴🏴
نريد الهم تزيلينه ..
لباچر ماتخلينه ..
چفّچ بس تشيلينه ..
فرجت الله يكتبها
للمجلس اجينه اليوم
والحاجات نطلبها
🏴🏴
بجاه حسين وبنينه ..
بجاه ابنچ وچفينه ..
عله العدوان نصرينه ..
ادعي الباري نغلبها
للمجلس اجينه اليوم
والحاجات نطلبها
يا مولاتي ياام البنين
٢٥ // ذي الحجة
ام محمد الحجاج
/channel/ommohamadalaebaadey
جديد محرم ١٤٤٧
٧ // شوال
نعي لسان حال مولاتي ام البنين عليها السلام
فايزي
🏴🏴
طووح الحادي بالظعينه وسار بلليل
وآنه اعاين للمشو والمدمع يسيل
ناديت ريّضلي يحادي ووچب الخيل
مالي صبر لفراگهم لا للهجر حيل
گتله توانه مااتوانه وسچ عله ارحيل
ماسمع صوتي امن الاجراس ومن الاصهيل
ماتن عظامي يهل حادي رييض ادخيل
نعي مجاريد
مولاتي ام البنين عليها السلام حين ابتعد الحادي عنها كاني بها ...
عله بختك يحدّاي الظعينه
ماگلت هاي ام وحنينه
مالك گطعت الوصل بينه
ماتدري چويات انچوينه
ويّه بزرنه تفارگينه
كونك تحن وترد لينه
سويعات ب حسين وبنينه
لخاطر گلب هاي الحزينه
الچاره شنهي لو مسينه
واديارهم تظلم علينه
ماريدهن عگب ابو اسكينه
نعي
طور الفراق
بالظعينه ... سافرو كل الاحبهم
بالظعينه ... وآنه مابارح دربهم
بالظعينه ... بعد وين احظه بگربهم
بالظعينه
ماخذوني ... والديار امست خليّه
ماخذوني ... وين اروحن هلمسينه
ماخذوني ... الفرگه اشد من المنيه
ماخذوني
بذكرياتي ... ساهرت ليلي اويه دمعي
بذكرياتي ... يم صورهم اگعد انعي
بذكرياتي ... نوح لومامتي شبعي
بذكرياتي بذكرياتي
ابو ذيه
كاني بمولاتي ام البنين حين اوحشت عليها الدار واشتاقت لحبيبها الحسين عليه السلام ..
تچيتي وهيبتي انته . وِنته ظِلّي
خل يرحون كلهم . وِنته ظلّي
جمر حرگي بدليلي وَنته ظلّي
لحد ونتي الاخيره بلمنيّه
ياام البنين
عظم الله لنا ولكم الاجر
ام محمد الحجاج
/channel/ommohamadalaebaadey
ليلة مولاتي ام البنين عليها السلام 💔
🏴🏴
الوحدة النسائية المسؤولة عن إطلاق الصواريخ المتطورة من غرفة العمليات الخاصة بهن
اخذوني وياهن 😍
ليلة مولاتي ام البنين عليها السلام 💔
🏴🏴
جديد محرم ١٤٤٧ هجري
ليلة مولاتي العليلة عليها السلام
كاني بها جمعت قواها وقامت من فراش المرض . توجهت لاختها سكينة بعد صلاة العشاء ودار بينهن حديث وداع وفراق
ابو ذيه
يسكنه
جرح فوگ الجرح گلبي يِسِكنه
ودوه مايصح غير اهلي يِسَكنه
اموتن لو تفارگنه يسكنه
بس ترحين تلفيني المنيّه
وسكنه
وجع فرگاچ مايسكن وسكنه
شلي بلبيت لو رحتو وسكنه
ابوي وعمّتي وامي وسكنه
وعلي الاكبر وعبدالله ورقيّه
نعي
جرّت روحها من فراشهه شتريد
وره فرض العشه وسيرت لسكينه
تلگته بهله ومرحبه بجيتچ هاي
يم اسوالف الحلوه التونسينه
اخيتي وبعد حيلي ام الحسن ترعاچ
من المرض طبتي انشاالله وزينه
جرّت من گلبها آه اتهد الحيل
تگلهه اململمه حمولچ يل احنينه
صدگ ومسافره اويه الظعن تالي الليل
ياخيه لمسامر ذاك چا وينه
تدريني مريضه بعازت احبيبات
وحيلي من المرض خلصان تدرينه
مااحمل فراگچ فدوه لاترحين
وافراگي اعرفچ ماتحملينه
عزيزة گلبي وآنه وياچ روح بروح
ال امسامر الفات شلون تنسينه
يخيه ماالچ من هلسفر تعطال
وگلبي التوجعه الونه تجبرينه
نعي مجاريد
تخلّينّي طاوعچ گلبچ
اختي التحبيني واحبچ
وعيني تظل تربي اعله دربچ
عليچ ماابطل الونه
ينطر دليلي امن المحنه
يذاك الوكت مايرد چنّه
امحمله يبعد اختچ امحمله
فرگاچ ياخيتي اشيحمله
اشنفعه يظل ليفارچ اهله
تم بحمد الله تعالی
٢٣ //شوال
الموافق ٢٢ // ٤ // ٢٠٢٥
ام محمد الحجاج
/channel/ommohamadalaebaadey