قصيده لزينب الصغرى ع
يازينب الحورا اعظم لك الاجرا
بزينب الصغرا بزينب الصغرا
الموت قد حالا. دمعي لها سالا.
اعظم لك الاجرا
///////////////
صفيتي تشاهديها بآخر الانفاس
يالظليتي وحدچ بين هاي الناس
چانت سلوتج زينب يخت عباس
يمصاب الزغيره يشيب منه الراس
الموت قد حالا.// دمعي لها سالا
اعظم لك الاجرا
///////////////
باألم هاليوم لمصابچ تون الروح
فلا ننسه يزينب گلبچ المجروح
حگچ لو بچيتي وزاد بيچ النوح
وذكرى الطف سهامه ذابح ومذبوح
الموت قد حالا،،،دمعي لها سالا
اعظم لك الاجرا
/////////////////
ونتيني اونينچ ماتفسره اعلوم
چم ونه الچ تهدم جبال اليوم
ونه لبت علي الكرار أم كلثوم
اونت موت للراس اليسيل ادموم
الموت قد حالا،،،دمعي لها سالا
اعظم لك الاجرا
/////////////
جبل روحچ يزينب من صبر شالت
عليچ الناس يخت حسين مو عالت
الدنيه بالرزايه اعليج اشو مالت
ختمتها النوايب بااسمچ اوحالت
الموت قد حالا /دمعي لها سالا
اعظم لك الاجرا
//////////////
چم محبوب ودعتي بدمع جاري
عليكم موجره طول العمر ناري
وبس الكم يزينب تكشف اسراري
انتظر لحضات عمري واخذ ابثاري
الموت قد حالا /دمعي لها سالا
اعظم لك الاجرا
/////////////////
الشاعره ام انور الذبحاوي
/channel/omanor
للزاير. والخدام وقضاء الحوائج
ام انور الذبحاوي
/channel/omanor
شد حيلك واخذ من زينب امرادك
اوعلينه منامــــــك والدوة اوزادك
شد حيلك واخذ من زينب الحرة
واتعنــــــــه لاخوها والدمع يجره
اوصيح احاه ويلي الكسروا صدره
يسوه السيدك لـــــو هلت العبره
اوبالدمعة يزاير بــــــــــرد افادك
شد حيلك واخذ من زينب امرادك
اطلب من حسين اوگول واتمنه
هذا ابن الكريم اوبالكرم جنـــه
يعجز كل لسان الوصف ها عنه
كلهم بالكرم تيجــــــان اسيادك
شد حيلك واخذ من زينب امرادك
شد حيلك اومش خطوات واهديها
لابـــــــــو صالح اوأمه وكل غواليها
واندب آ يزينب والــــــجره اعلــيها
تموت الروح يارووس الاجـــت بيها
جبت راسك يخويه ورووس ويلادك
شد حيلك واخذ من زينب امرادك
شـــــد حيلك يزاير واظمن الجنة
واطلب عودة مـن الباري واتمنة
الله آمر الاملاك للزاير يخدمنــه
تسبيح اوقـــداسه اليوم ميعادك
شد حيلك واخذ من زينب امرادك
شد حيلك واخذ من صادق العترة
وصادق بــــــعد صادق زفو البشرة
اوبعد امهم البضعة فاطمة الزهرة
يكونولك تچيه مــــــــن يقل زادك
شد حيلك واخذ من زينب امرادك
ام انور الذبحاوي
/channel/omanor
للاربعين.
ام انور الذبحاوي
نضمت في طريق الجنة
/channel/omanor
زينب ردت ابهل اليوم تشكي هموم دنياها
من الفرگه اربعين اصباح ردت رووس ولياها
ردت شوگ اخت حسين للوليان لهفانه
ردت بالجدم تسحل ويلي عليها تعبانه
من ظيم الاسر والشام حيل ام عون حزنانه
جار الدهر عالحوراء ياعباس واذاها
جار الدهر ياعباس ورجعت شاكية من الشام
تخبرك ياظوه العينين بعدك توجع الايام
ؤبعد اختك يبو فاظل جفني لاطبگ لانام
وذيچ ايامنه الحلوة ماظن بعد نلگاها
ماظن بعد ليه تعود لمتنه اومحاچينه
اونلتم فرد لمه اردود وامي تسولف اعلينه
چان ام البنين اتگول عليك الخوته احنينه
وفَّه الكافل اونعمين ييمه الخوه وفاها
بهل اليوم عله گبرك جيت اشكي هموم دلالي
واخبرك يابعد زينب مني راح چم غالي
تمنيت الگبر بي باب افتحه تشاهد الحالي
واخبرك بالمصايب هاي شلون الگلب لاواها
تمنيت الگبر بي باب وافتح گلبي واتشوفه
من يوم السهم شفته عمه گلبي اوعمه شوفه
واعيوني عمت عباس يناس بگطعت اچفوفه
اولهامه الي صابوها ابهامي الألم خلاها
ام انور الذبحاوي
تمت بعون الله ورعايته
/channel/omanor
فائزي
شدة لعبد الله الرضيع ع.
ام انور الذبحاوي
/channel/omanor
بگماطك انه ابگه اشم حد المنية
يمه يعبد الله الطفل ماصح بدية
ماصح بدية يالولد ترجع حياتك
ولا حسبت يايمه متعود لخواتك
مناغاك يمه بالگلب تدري وحلاتك
وانطاك بارينه الي اجمل هديه
بگماطك انه ابگه اشم حد المنية
بگماطك انــــه ابگه اشم يالولد يبني
نحرك وذبحك بالكلب يحبيبه يدمي
فجعتني اه امصيبتك والحيل هدني
عفتك امـــــوسد بالثرة غصبن عليه
بگماطك انــــــه ابگه اشم حد المنية
عفتك اموسد بالثرة وروحي حزينـــه
ورجعت يـــوليدي ترة لارض المدينه
لتگول امــــــي يالضنه ماهي حـنينه
لا عيني فارگها الدمع ونـــاري سرية
بگماطك انــــــه ابگه اشم حد المنية
ناري سرية ولاهبه ولا تطفه يمــــــه
يالفركتك تجوي الكلب زايد بهمه
انته وابوك المنذبح من جاني علمه
ضليت يمه حايره واصفگ بديـــــــه
بگماطك انــــــه ابگه اشم حد المنية
بنار الذبح نار السبي العذبت دليلي
ضليت ماعندي ولي وهدمانه حيلي
يابطل يـــمة ولا هده عليكم عويلي
ميت ولا شارب يعبد الله الميـــــــة
ام انور الذبحاوي
/channel/omanor
للاربعين الحسين ع
/channel/omanor
طور سيد فاقد يمه زينب
👇👇👇
يمه زهره. عليه لا تتاخرين
يمه زهره. جيت اسوي الاربعين
جبت راسه للولي. يمه مايل محملي
يمه زهره عليه لا تتاخرين
┉❈❥ًً❀(❀❥❈┉
يمه جيت اليوم :محمله الهموم
حاضنه راسه اخويه للگلب
يمه يشكيلي ابهمي يحجيلي
خويه زينب ماعليهم كل عتب
وانه هالجتج. كربله اونخيتج
خلنه ننصب عزه ويانه المحب
يمه زهره.
خلي نشبع بس بجي
يمه زهره.
اوخله يسمع هالحجي
يرضه زينب تنولي
يمه مايل محملي
┉❈❥ًً❀(❀❥❈┉
يمه مشونه. بضرب اذونه
يسره يمه اخذونه ببلاد الغرب
جثث عفناهم /وما دفناهم
عاريه جثثهم ييمه من السلب
جم ولد جم شاب. گلب امه انعاب
دمع من دموم من عدهن تصب
يمه زهره. يمه مذهولات يمه عالولد
يمه زهره
الوالده تريد الولد ليهه سند
تصيح. آه امدللي
يمه مايل محملي
┉❈❥ًً❀(❀❥❈┉
يمه وصلينه. عالكبر جينه
اداورن كلهن بنات المصطفى
صاحن اوناحن. وعالكبر طاحن
ونار البكلب العقيله ماطفه
ذوبتلي حشاي. وزاد يمه ابچاي
شلون نور حسين من عني. خفه
يمه زهره:
اني متعوده عليه
يمه زهره
اربعين امفاركي
هدمن حيلي وعلي
يمه مايل محملي
┉❈❥ًً❀(❀❥❈┉
يمه حيدر حشمت
ليش بويه ماكمت
ماسمعني ولا رجع ليه جواب
صحت بويه تمرمرت
بيد ضلام اوطحت
بويه ابسهام العده گلبي منصاب
ندهت عباس الولي. ابن حيدرنه علي
جفوفه مر ميه ييمه عالتراب
يمه زهره
عمد صابو هامته
يمه زهره
يمه طاحت رايته
عالنهر ياكافلي
يمه مايل محملي
┉❈❥ًً❀(❀❥❈┉
5:يمه هايه شيعتج. صوت كلهه ندبتج
ويه زينب جايه تمشي جموع
مايخوفوهه. لو يذبحوهه
كلهه تفدي ضلوعها الذيج الضلوع
بصوت يازهرا. ابد ماننسا
ابنج اوللموت لا ماكو رجوع
اسمعت زهره
احنه انصار الحسين
اسمعت زهره
شيب وشباب اوبنين
كولي والله ادللي :
نوفي والشاهد علي
┉❈❥ًً❀(❀❥❈┉
✍ ام انور الذبحاوي
/channel/omanor
للرجوع
الخميس18صفر 1444
15/9/2023
ام انور الذبحاوي
/channel/omanor
يمحمد اختك راجعه
والسبي حيل اذاها
💔💔💔💔
اذتها زينب كربله
اوراجعه بالعايله
حاني ضهر المدلله
والحرم جتي وياها
يمحمد اختك راجعه
والسبي حيل اذاها
💔💔💔💔
السجاد تجري عيونه
گوم الحرم محزونه
خويه شكثر هضمونه
ولا واحد الواساها
يمحمد اختك راجعه
والسبي حيل اذاها
💔💔💔
ليله تصيح وليدي
رايح يوالي من ايدي
ماخذ فرحتي وعيدي
وعيني الولد الطفاها
يمحمد اختك راجعه
والسبي حيل اذاها
💔💔💔💔
رمله تنوح ومعوله
امگطع ابني بالفله
والعرس صار بكربله
چفوفه الدمه حناها
يمحمد اختك راجعه
والسبي حيل اذاها
💔💔💔💔
يوليدي يالبعد طفل
واشلون گلبي يحتمل
فراكاك يالمت بنبل
امك عمت عيناها
يمحمد اختك راجعه
والسبي حيل اذاها
💔💔💔💔
يازينب والامها
يوجع جرح ايامها
ولا ننسه حرك اخيامها
وابن الزنا اتولاها
يمحمد اختك راجعه حيل
والسبي اذاها
ام انور الذبحاوي
/channel/omanor
جديدنا.
فزاعيه للاربعين
ام انور الذبحاوي
/channel/omanor
أجيت وجبت راس حسين
دلوني الگبر وينه
وين الگبر دلوني
تراهي عاميه عيوني
اشم اترابه خلوني
واعتبنه لابو سكينه
أجيت وجبت راس حسين
دلوني الگبر وينه
ااااااااا
أجبت راسك يبعد اختك
بس وسفه بقت بتك
بذاك الشام رايدتك
رقيه ضلت احزينه
أجيت وجبت راس حسين
دلوني الگبر وينه
ااااااااااا
راسك خويه موتها
يوم الونه نادتها
يابويه اوسمعتها
ماتدري شجره اعلينه
أجيت وجبت راس حسين
دلوني الگبر وينه
ااااااااااا
گومو يلله عينوني
يحبابي ودواسني
اوعله النحر عازوني
جبته لجثته ياراس والينه
أجيت وجبت راس حسين
دلوني الگبر وينه
اااااااا
عزاها اليوم اجيمنه
واجرله الآه والونه
يخويه النذل مرمرنه
واشكال المصايب دارت اعلينه
أجيت وجبت راس حسين
دلوني الگبر وينه
ام انور الذبحاوي
1442ه
/channel/omanor
لزيد ع بوزن الفائزي. شدة نجفية
✍بقلم ام انور الذبحاوي
1441
زيد انصلب هاليوم واسوها الزجيه
مكسور ظلعي وجيت اون ونه خفيه
مكسور ضلعي وجيت اون يبني المصابك
وياي اجتي للعزه تلطم احبابك
مظلوم مثل حسين تجويني ينارك
ذكرني بمصاب الكفل واخته سبيه
سم وذبح كلكم گظيتو اهنا ييمه
ملچوم گلبي اولوعتك ولله تهضمه
يوميه مفجوع ابضنه مايگضي همه
غداره ماترحم ابد هاي الدنيه
غداره يادنيه اوصفيتي ماتنصفين
هاي المصيبه ذكرتني بالميامين
من يومهم لا هودت لا نشفت العين
مهضوم گلبي الونتك هاي المسيه
ماكفاهم النوب الصلب جسمك يحرگوه
خلو رماد اوبالهوه گامو يذروه
اچماله عله ضلعي وكسرته گلبي يفجعوه
مصابك هدم حيلي لچن شنهو البديه
مهضومه يوليدي وون لمصابك اليوم
ماانسه سبية عمتك وذبحت المضلوم
والطاح بالمحراب والچبده مسموم
وبس عيني للويلاد عميانه اوجريه
✍ام انور الذبحاوي
........
*❥الشاعره✿ام✿انور✿ الذبحاوي ✿ـ🙏✿
/channel/omanor
✍ام انور الذبحاوي
ابد ماطاحت راية ابو فاضل ع
**
👇👇المستهل
من گال طاحت رايتك
زينب تلگتها وعلي
رفعت الرايه القائده
ونيران راوتها العده
بعفه وكلام امجنده
مرسوله طير ابابلي
من گال طاحت رايتك
زينب تلگتها وعلي
شالت الرايه الكافله
ولبت النصره بكربله
بت فاطمه المدلله
اسمع يغوث المبتلي
من گال طاحت رايتك
زينب تلگتها وعلي
زمجرت زينب كالاسد
لا سيف تحمل لاعمد
ليزيد گامت من تصد
تنزله اسفل سافلي
من گال طاحت رايتك
زينب تلگتها وعلي
كيد كيدك يايزيد
واسعي سعيك ياعنيد
غير عزه مانزيد
وزينب الحق يعتلي
من گال طاحت رايتك
زينب تلگتها وعلي
رغم الأسى ورغم الجره
زينب اميره وصابره
بت حيدره والطاهره
منين ماتغرف تلي
من گال طاحت رايتك
زينب تلگتها وعلي
هوسه
زينب عباس يسموها
ماگدرو جيش يلاوها
ام انور الذبحاوي 👈1441جديد
........
*❥الشاعره✿ام✿انور✿ الذبحاوي ✿ـ🙏✿
/channel/omanor
ياصاحب الزمان مولاي عجل والله راح نموت من الستضعفونه وذلونه 😭😭😭😭
Читать полностью…
قصيدة حماسيه
ام انور الذبحاوي
/channel/omanor
تصيح زينب باحسين
تصيح زينب ياحسين
حسين يالوالي يالوالي يالوالي
حرگوا خيمنه
ذبحوا طفلنه
شتموا اهلنه
ابخيل انهجمنه
صحنه عله امنه
اوحرت بعيالي يالوالي يالوالي
حسين يالوالي يالوالي
ينور عيوني. حسين
يخي اسروني
بعلي شتموني
حسين بچوني
يخي هظموني
آ. ياحالي يلوالي يالوالي
حسين يالوالي يالوالي
حبيب الزهرة حسين
ابوها العترة
الك هالماتم
الك هاللطمه
الك هالونه
الك هالدمعه
سباية اعيالي يالوالي يالوالي
حسين يالوالي يالوالي يالوالي
رقيه ندبتك
ابوها رادتك
وصاحت خيتك
هجم چتالي يالوالي يالوالي
حسين يالوالي يالوالي
ام انور الذبحاوي
/channel/omanor
✍ام انور الذبحاوي
ابد ماطاحت راية ابو فاضل ع
**
/channel/omanor
👇👇المستهل
من گال طاحت رايتك
زينب تلگتها وعلي
رفعت الرايه القائده
ونيران راوتها العده
بعفه وكلام امجنده
مرسوله طير ابابلي
من گال طاحت رايتك
زينب تلگتها وعلي
شالت الرايه الكافله
ولبت النصره بكربله
بت فاطمه المدلله
اسمع يغوث المبتلي
من گال طاحت رايتك
زينب تلگتها وعلي
زمجرت زينب كالاسد
لا سيف تحمل لاعمد
ليزيد گامت من تصد
تنزله اسفل سافلي
من گال طاحت رايتك
زينب تلگتها وعلي
كيد كيدك يايزيد
واسعي سعيك ياعنيد
غير عزه مانزيد
وزينب الحق يعتلي
من گال طاحت رايتك
زينب تلگتها وعلي
رغم الأسى ورغم الجره
زينب اميره وصابره
بت حيدره والطاهره
منين ماتغرف تلي
من گال طاحت رايتك
زينب تلگتها وعلي
هوسه
زينب عباس يسموها
ماگدرو جيش يلاوها
ام انور الذبحاوي 👈1441جديد
........
*❥الشاعره✿ام✿انور✿ الذبحاوي ✿ـ🙏✿
/channel/omanor
بعد ديوان النفس المطمئنه. ماعندي صوره اله🙏
Читать полностью…
مهم جدابقلم خادمة الامام علي عليه السلام.
لا اسمح لاي شخص تلاعب في خدمة الحسين ع والكذب على الناس
تنتحل اسمي حتى يمشي ديوانها بالسوگ. وهذا بي اشكال شرعي عليها
للخدام
ام انور الذبحاوي
هوسات
/channel/omanor
كفو ونعمين ياخدام الحسين ع
اصحاب المواكب والمخلصين
كفو ونعمين يــــــاخدام الايمام
الله يعودهم كل سنه وكل عام
دوم ان شاء الله مرفوعه الاعلام
انتم هيبه. خدام حسين
كفو ونعمين ياخدام عباس
ياتاج الفخر ينشال عالراس
الكل هاي المواكب تشهد الناس
اتعيدوها. كل عام الخدمة
تحزنون المواكب من تسدوها
وطول العمر تتمنون تحيوها
عدنه قصور چلمتكم علنتوها
ما نوافيها. والزهره الزچية
ام انور الذبحاوي
/channel/omanor
للاربيعين.
فزاعية
ام انور الذبحاوي
/channel/omanor
زينب اجت والنسوان وياها
ردت اضعون العايله
ويه العقيله الكافله
لاچن الدمعه هامله
وصلت ام عون ارجاها
زينب اجت والنسوان وياها
ياكربله الميشومـــة
طول حسين النومه
ماگام للمهضومـــه
لاخته وله اتلگاهــا
زينب اجت والنسوان وياها
عـــــــل الگبور لطامة
تبچي اوتدگ عالهامه
مــــــــن الأسر وآلا مه
والفراگ چــــــــــواها
زينب اجت والنسوان وياها
اگعد يــــــــخال اولادي
واشوف العليه اشسادي
اشكيك ظيـــــم الحادي
انجـــــــوم الظهر راواها
زينب اجت والنسوان وياها
انجوم الظهر راوونـــــــه
يالوليان واذونــــــــــــــه
بالدرب ماراعونـــــــــــه
بحيدر علي شتماهــــــا
زينب اجت والنسوان وياها
يضربها كلمن نـــــاحت
اويعباس لـــــو صاحت
يحسين روحــــي راحت
لرقيه مـــــــن چــــتفاها
زينب اجت والنسوان وياها
ام انور الذبحاوي
نضمت في طريق الجنه
/channel/omanor
اللهم صل على محمد وال محمد
قصيدة للحسين عليه السلام
ام انور الذبحاوي
👇👇👇👇
نضمت اليوم بموكب جامعة الزهراء ع للمبلغات الرساليات
منو سووله عزه يشبه عزاك
مو الف مليون اكثر محتواك
اشما تدور اسنين يزداد العدد
تدخل الزوار والصرخة مــــدد
وكل طغاة العصر ماتگدر أبد
تحجب الوالوك والبصموا معاك
ياعزه هذا الاجه بكل العصور
تزحف الارواح يم گبرة وتدور
چن حشر والناس في يوم النشور
كلها تصرخ ياحسين احنه بحماك
لا تگول حسين باقي بــــــلا عزاء
من جميع الدول لبت هل النداء
حسين شيعـــــوه الملك والانبياء
اربعينة معجزة وضجت املاك
حسين اكبر فاتحه سووله
والچوادر نصبو اولطموله
والثواب ارواحهم ثوبوله
هله بكلمن گاصد وليك اعتناك
ام انور الذبحاوي
نضمت اليوم بموكب جامعة الزهراء ع للمبلغات الرساليات
/channel/omanor
للاربعين الامام الحسين ع
مساجله بين زينب وااخوتها
ام انور الذبحاوي
/channel/omanor
راجعه راجعه راجعه
بااربعين حسين زينب راجعه
دامعه دامعه دامعه
جراح فوگ جراح من دم دامعه
اااااااا
حملينه الهظم يبن امي الحسين
وشلنه فوگ اجراحنه الهم والونين
والخدر منه احترك وي الادين
ابنار فرگاكم يالوالي الواجعه
راجعه راجعه راجعه
بااربعين حسين زينب راجعه
اااااااااااا
خويه اديتي الرساله والنعم
اوجيتي لابن امچ وحيده بلا زلم
زينب الاولادي شديها الحزم
الثورتي انتي النجمه الطالعه
راجعه راجعه راجعه
بااربعين حسين زينب راجعه
اااااااااا
اي وحک الكافل وذاك العلم
بجدي يالمظلوم لاقسملك قسم
يبقى ثارك يرتفع بين الامم
وانه ياعباس بيه الشايعه
راجعه راجعه راجعه
بااربعين حسين زينب راجعه
اااااااااا
ادري انتي القائده بعد الجره
ومثل صبرج ابد ماصبرت مره
والاماره تلوگلج والمفخره
يالاسيره اوبالمواقف شابعه
راجعه راجعه راجعه
بااربعين حسين زينب راجعه
ااااااااا
ابد ماهزني يزيد وزمرته
بس اخويه حسين حزة رگبته
چنه حز راسه الدليلي بذبحته
اوصارت عيوني بدماها دامعه
راجعه راجعه راجعه
بااربعين حسين زينب راجعه
اااااااا
بعد بس وحده وعليها اعتذر
ماگدرت احماچ من ذاك الشمر
السهم نص العين والچف منبتر
والعمد هامت الكافل صادعه
راجعه راجعه راجعه
بااربعين حسين زينب راجعه
ااااااااا
1442ه
ام انور الذبحاوي
/channel/omanor
للخدمه
ام انور الذبحاوي
/channel/omanor
احنه ملوك بخدمتك يحسين مولاي
تفتخر كل شيعتك يحسين مولاي
تقبل عزانه
وانته رجانا
يحسين مولاي يحسين مولاي
💔💔💔
الملا القره ومنبر صعد
واليلطم اوصاح المدد
والقايم بمجلس عدد
مشكور سعيه ويه الجاي
يحسين مولاي يحسين مولاي
💔💔💔💔
من عالم الذر اصبحت
سر خدمتك بينه ازرعت
هيهات للذل واجهت
باأسمك يوفاي
يحسين مولاي يحسين مولاي
تبچي بواچي هالخدم
مارادت تشيل الخيم
ليوم اربعينك بالألم
ياريته ماجاي.
يحسين مولاي يحسين مولاي
كلش قليله علينه
خدمة علي وسكينه
نضرة يزينب لينه
لحاجات دنياي
يحسين مولاي يحسين مولاي
شيب وشباب امحزمه
لخدمة الدره فاطمه
والعوده يارب السمه
والعامنه الجاي
يحسين مولاي يحسين مولاي
تمت بعون الله تعالى
ساعه 3اله خمسه
عصرا
18/هجري 1444
ام انور الذبحاوي
/channel/omanor
رداديه. ختام مجلس
لزيد ع
ام انور الذبحاوي
عله المصلوب وسعوها الميادين
اواسو والده وجده الحسين
عله المصلوب وسعوها الميادين
اولطمو حيل هلو دمعة العين
عله المصلوب وسعوها الميادين
اويلا يالسهم صابه بالجبين
عله المصلوب وسعوها الميادين
والشيعه عليه تصفگ باليدين
عله المصلوب وسعوها الميادين
وذكرو مصاب زينب وام الحسين
عله المصلوب وسعوها الميادين
يانارج يزينب زادت اثنين
عله المصلوب وسعوها الميادين
اويلا عالحسن والونه لحسين
عله المصلوب وسعوها الميادين
تموت ونتج لمن تونين
عله المصلوب وسعوها الميادين
ام انور الذبحاوي
يوم الثلاثا المصادف 30ميلادي
2صفر 1444هجري ساعه 8وخمسه دقائق مساء
/channel/omanor
هاي القصيده هديه.ااا لفاطمه ع والخالتي حوري الله يرحمه
خادمة الحسين ع الطيبه
/channel/omanor
﷽
الفاتحه
معطره بذكر محمد وال محمد
🔥🔥🔥🔥🔥
هذا اول محرم جاي وشخصج غايب اعلينه
شحلاتج لم نجي نخدم شمعه انتي وتضوينه
عليج الروح عدمانه
ودمع العين جريانه
ايسنه وكطعنه الضن من جيتج يالحنينه
هذا اول محرم جاي وشخصج غايب اعلينه
🔥🔥🔥🔥
الموكب موحش ويبجي عالخادم لون يرحل
وامنه الشايله عنه وخلتها الدموع اتهل
ذيج ام ريحة الطيبه وام حجي الي ماينمل
سكنت وادي المنايا وماسالت بعد بينه
هذا اول محرم جاي وشخصج غايب اعلينه
🔥🔥🔥🔥🔥
نعتب عالحبيبه اليوم انه وكل حبايبها
جينه ننصب الماتم وننشد شنهو صايبها
ليش امجانها خالي العافت كل كرايبها
ابنيات الابن يبجن عليها ونصفگ ادينه
هذا اول محرم جاي وشخصج غايب اعلينه
🔥🔥🔥🔥🔥🔥
تراها گلوبنه انجرحت يالغيبتج جتاله
ابنياتج ولا ينسن ادموع العين هماله
والعشتي اوياه اسنين المن يشتكي حاله
تسوين العزه والنوح وطول العمر ونينه
هذا اول محرم جاي وشخصج غايب اعلينه
🔥🔥🔥🔥🔥
مثلج ماتصح وحده علينه حنينه يايمه
وثوبچ من اشمنه گلبي يزيل من همه
انتي الخيمه الي بدنياي وانتي باب للنعمه
تعاي وشوفي احوالي عكبج يمه ذلينه
هذا اول محرم جاي وشخصج غايب اعلينه
🔥🔥🔥🔥
الماعدها سند بالكون شلون تعيش بين الناس
وانه امي الذي شالت وخلتني مهبطه الراس
غذتني عله حب حسين
واتمسك بااخو عباس
گالت لو اجاني الموت مو تنسون والينه
هذا اول محرم جاي وشخصج غايب اعلينه
يوم الاجي من بعيد لبيت امي ازورنها
ادك الباب حسبالي تتلگاني اشوفنها
ولن اختي تگلي امج شالت ايسي منها
امج جاورت حيدر ابو الحملات والينه
ام انور الذبحاوي
/channel/omanor
مربعه
بقلم ام انور الذبحاوي
29محرم لهذه السنه 1445 يوم الخميس. الساعه 11صباحا
/channel/omanor
بعباة امي الزجيه جيتك اليوم
يبن امي ولكيتك غارج ادموم
ــــــــــــــ
بعباة امي الزچيه جيت الم جسمك
وانفذها الوصيه وارد اضل يمك
وادور خنصرك خلي يم جفك
ادري روح امك فوگك اتحوم
بعباة امي الزجيه جيتك اليوم
ـــــــــــــــــ
ادري روح امك تعبت هواي
شجم طعنه ورمح شالت يرجواي
ليك تحزمت من كوثر الماي
تسگي روحك العطشوها هالگوم
بعباة امي الزجيه جيتك اليوم
ــــــــــــــــــ
تسگي روحك بدمعاتها الزهرة
وتنادي ياشمر عوف ابني لا تجرة
شمالك تظرب الطبرة على الطبرة
اومن سهم المثلث گلبه مالوم
بعباة امي الزجيه جيتك اليوم
ــــــــــــــــــ
اوبسهم المثلث ابني طيحته
لعنة الله عليك افجعت گلب اخته
ترى ارقيه زغيره واسمعت ونته
ام حسين الها والابو اليوم
بعباة امي الزجيه جيتك اليوم
ــــــــــــــــــ
ام لرقيه ابني ولابو حسين
كافي ياشمر بطل التطعين
ولك بالك تحزه النحر الحنين
زينب گصدته اوبوليت الگوم
ام انور الذبحاوي
/channel/omanor
حماسيه. ام انور الذبحاوي
حال لسان السجاد ع
/channel/omanor
آيحسين آيحسين آيحسين
زينب باجر يعمه شلون بينه
زينب هاي العـــــدة تسبينه
زينب اوبخيلها تــــــــــاذينه
.
آيحسين آيحسين آيحسين
عمه الكافل يضربون الهام
عمه اوتهجم علينه الظلام
عمه نحشم نگوم الضرغام
آيحسين آيحسين آيحسين
طولج يوصل للمسنايه
صوتج وين الدرع والرايه
عتبج شو عفت زينب هايه
آيحسين آيحسين آيحسين
خافت سكنه يعمها من العده
خافت واطفالي بالبر شارده
خافت. وين العهد المعاهدة
آيحسين آيحسين آيحسين
جانه خوي الشمر لينه يهم
جانه يضرب رقيه وما يهم
جانه وامذبحه كل الزلم
آيحسين آيحسين آيحسين
الخيمه وجت يخويه من طحت
الخيمه بلهفت كلب ليكم صحت
الخيمه ساعه اركض وساعه نحت
آيحسين آيحسين آيحسين
ام انور الذبحاوي
/channel/omanor
اندعولي بكل مجالسكم الله يفرج همي وهم وليدي الله يخليكم خدام الحسين ع 😭😭😭
نزله
بحق علي الاكبر ع
التكبير يعاد في كل شطر
ام انور الذبحاوي
/channel/omanor
گام الابو يودع الولد الله اكبر ياعلي
للمعركه طب السند الله اكبر ياعلي
ـــــــــــــــــــــــــــــــــــــــــــــــــ
شبه النبي هسه برز
يشبه اليث من ارتجز
برگابهم كض اويحز
معروف من صولات أُحد
الله اكبر ياعلي 4
ـــــــــــــــــــــــــــــــــــــــ
انا علي وابــــــن علي
همك احسيني ينجلي
يانور عيني وكل هلي
لجروحك وليدك ضمد
الله اكبر ياعلي
ـــــــــــــــــــــــــــــــــــــــــــــ
ياابـــــــــــن قتال العرب
يـــــاكاشف الهم والكُرب
ماخاب بااسمك من ندب
بعينك تذبهم من تصد
الله واكبر ياعلي
ـــــــــــــــــــــــــــــــــــــــــ
اصدحَ الصوتُ الراهبي
احمي عيالات النبي ص
علويٌِ هاشمي نسبي
رددهه ياحيدر مدد
الله اكبر ياعلي
ـــــــــــــــــــــــــ
لبه لحسين ابنصرته
من شافه وحدة بغربته
لحسين چان احچايته
الموت احله من الشهد
الله اكبر ياعلي
ام انور الذبحاوي
جديدنا ونسألكم الدعاء
/channel/omanor
للسجاد ع قصيده ثگيله
عگيلي
✍ام انور الذبحاوي
/channel/omanor
شبت ناري شبت ناري
وسط اخيمي شبت ناري
تلهب ثاري تلهب ثاري
بنص دلالي تلهب ثاري
اااااا
يوم الشفت بعيني اعيالي
تتصارخ وينك يالوالي،
معلول انه اويلي الحالي
بس دمع العين ايضل جاري
وسط اخيمي شبت ناري
،،، ،، ،،،،
صدت عيني الزينب عمتي
مشدوها بروحتها اوردتي
ذابت روحي وكثرت ونتي
وماتدرون بطف اسراري
وسط اخيمي شبت ناري
،،،،،،،،،،،،،
لو تعلم شيعتنه البينه
چا ماتت ساعة ونينه
هموم واسرار شضمينه
الله اليعلم شنهو الجاري،
وسط اخيمي شبت ناري
،،،،،،،،،،،،
شنهو الصوب گلب العتره
شمر اوسياف الي بگتره
يحزون بنحر ابن الزهره
من الفسطاط وعيني تباري
وسط اخيمي شبت ناري
،،،،،،،،،،، ،،،،،،،،
واصعب امر الي ألمها
الگلب العتره وينزف دمها
زينب محد ضل اليمها
فوگ الراس اتراب اتواري
وسط اخيمي شبت ناري
،،،،،، ،،،،، ،،،،،
✍ام انور الذبحاوي
جديد 1441
/channel/omanor
هذا اول ديوان نزل بسوق الحويش النجف الاشرف
Читать полностью…
نازل بالسوگ 4اجزاء
اسم ديواني غريبة الاوطان
اخواتي اخواني ذوي النشر ام نور او ام انور. ديواني بااسم غريبة الاوطان وليس اهات العقيله
لم اسمح لشاعرة تنتخل اسمي وتغش الناس عالمود مصلحتها
