بمناسبة ولادة
بطلة كربلاء ع
ام انور الذبحاوي
/channel/omanor
هله ابريحانة امير المؤمنين
اليوم زينب نورت يامحبين
هله بعفتها
هله بجيتها
هله ابريحانة امير المؤمنين
❤❤❤
امباركة يالزهرة من جبتيها
وگرت اعيون الرسالة بيها
زينب من اشرف نسل ندريها
الحسن وحسين وعلي واليها
الله سماها واخبر الطه
هله ابريحانة امير المؤمنين
❤❤❤
هله ابثمار المعارف من اجت
بالفهم من الله هي اتعلمت
وي النبوه والامامه ترعرعت
رمز للحق والبطوله اثبتت
بالورع محلاها
اوياعلي غذاها
هله ابريحانة امير المؤمنين
❤❤❤
هله ابصگارت القوةالغاشمة
بالشجاعه والبلاغه امعلمة
هله بالگلب الچبير الفاطمة
هله بگرة عين مولاي الحسين
النشئة قدسية
ابيت علوية
هله ابريحانة امير المؤمنين
❤❤❤❤
ياعظيمة السجل التاريخ اسمج
نور يسطع يالعقيله فوگ وصفج
ماكو فوگ الارض يازينب تشبهج
اليوم مدينه ادينه انريد منچ
الحضرت توفقيها
الخدمتچ سجليها
هله ابريحانة امير المؤمنين
❤❤❤
قياديات زينب كلنه وياج
مو بالسانه الدلال ناداچ
هله بمولدج واصلج وحياج
نعمة عل العباد الباري اهداج
مشكو بارينه
طل نورج علينه
هله ابريحانة امير المؤمنين
ام انور الذبحاوي
/channel/omanor
✍🏻ام انور الذبحاوي
لسان الحال مولاتي العقيلة ع
/channel/omanor
عمل بيه زماني شعمل
خوان
واخذ مني حياده شلون
خوان
جيت اليوم اودعكم
يخوان
وارد مكسورة الخاطر سبيه
.¸¸❝ ام انور الذبحاوي ❝¸¸.
ابو ذيه
الوكت يايمه وي زينب
تراها
اوتنطر سبي بأارض الطف تراها
عفه عيني اوجثث ولياني
تراها
بلايه روس يمه عاللوطيه
✍🏻ام انور الذبحاوي
/channel/omanor
شدة نحفية على وزن الشعر الفائزي
ام انور الذبحاوي
/channel/omanor
احا يسهم العلگمي الصوبني بحشاي
گلوب العطاشة اموجله تتنطر الماي
صوبني سهم العلگمي وعيني عماها
مثل الورگ يابا الفضل ضلوعي حناها
والعايله بعدك بقت يموت ضماها
ونار العطش تسعر غدت بچلاها واچلاي
ياابا الفضل متحيرة ضلت اطفالك
ماندري شنهو العطلك شنهو الجرالك
اوعالموعد اطفالك تون تنطر وصالك
ماعندي راي ولا فكر اومدوهنه ابهاي
شجم طفله ياخويه وطفل يتنطر الجود
مشبوحه عينه عالدرب اويتأمل اتعود
وانت طحت عالمشرعه لا رايه لاجود
وچفينك المتگطعه خيبن رجواي
ياهو اليدليني صحت عالنهر ياناس
بهمومي انه ارد اعتني واگصد العباس
گالولي صك عينه السهم والعمد بالراس
ارد اگصد انه المشرعه وارفعله شكواي
لو ندري ياسور الامل ماترد لينه
چا نبقه ابضمانه ولا نفگد ولينه
تدري العطش فت المهج واثر علينه
بعدك تضل كل النسه لا ولي اوحماي
چفوف السقايه من هوت فوگ الشريعه
عباس وابسيف الغدر انظر گطيعه
بعدك بقه ابجمر اللضمه حسين ورضيعه
رايه وگمر فوگ النهر شاهدت عيناي
ام انور الذبحاوي
/channel/omanor
مربعه للزهراء،ع
ام انور الذبحاوي
/channel/omanor
مشتاگه الج گد الهوه يحبيبه يمه
ماانسه من جنه سوه. يحبيبه يمه
صار اربعينج ياضوه. يحبيبه يمه
گلبي ييمه اشتاگ الج ردي عليه
زينب عليج امعلمه يمها الزجيه
ونيران تسعر فركتج يحبيبه بيه
ارد افتح گليبي الج واشكيج همه
✦❥※❥※✿✿※
شلون البنيه بلايه ام تبگه وحدها
وتتوسد بنص الگبر امها وسندها
افراگ العزيزه فاطمه الروحي مردها
وجرح الگلب يم الحسن ياهو اليلمه
✦❥※❥※✿✿※
ساعه اروح الحجرتج ساعه المصلاج
وضليت ادور ابيتج وحسبالي الكاج
وارجع بخاطر منكسر يمه بلياج
يااغله من ماي العذب والهوه وشمه
✦❥※❥※✿✿※
عشره وثلاثين اصبحت ضلمه الليالي
يالوجهج وطولج حلو غايب تعالي
ياوسفه ضيعلي الدهر عزي ودلالي
ودارج ييمه خاليه اوحشه ومضلمه
✦❥※❥※✿✿※
تهضمني يمه يم حسن من اطبلها
ابنج شگله لو نسد خالي نزلها
احا يعلت فاطمه اوزينب عللها
طول الدهر آ ياكلب مايگضي همها
ام انور الذبحاوي
✦❥※❥※✿✿※
/channel/omanor
قصيدة للعباس ع
ام انور الذبحاوي. تقرء على عدة اطوار
/channel/omanor
نضمت في صحن ابا الفضل عليه السلام ساعة 5 و39 دقيقة
شلون گلبك طاوعك تجفيني
خــــــوية هايه موتتك تاذيني
ياعباس ياعباس 4
ــــــــــــــــــــــــــــــ
خوية من شفت السهم بعيونك
شلون اگلك خويه انه شلونك
خوية ماأگدر اعيش بدونك
روحي سمعت من گلت عذريني
ياعباس ياعباس 4
ـــــــــــــــــــــــــــــ
خوية هجمت خيلهم ياابا الفضل
خويه ماخلو عباية ولا طفل
وانه وسط الخيل بس دمعي يهل
شاب راسي ومحد يحاميني
ياعباس ياعباس 4
ــــــــــــــــــــــــــــ
صحت ياحيدر يبويه ماتجي
وبعد يازهرة ييمه وأرتجي
انحنه مني الظهر وجدامي تحبي
والايتام تصيح ياضي عيني
ياعباس ياعباس 4
ـــــــــــــــــــــــــــــ
بعد بيمن استغيث وماكو اخو
ظاع عزي وكل حناني والدفو
كمت احشم ياوسف بس العدو
الكل شماته وبالنسه امحيريني
ياعباس ياعباس 4
ـــــــــــــــــــــــــــــ
كمت الم اطفالي بآلآم اوجل
وگلت اگر عيونه عباس الكفل
يخسه كلمن گال بت حيدر تذل
اله ادوس الطاغية برجليني
ياعباس ياعباس 4
ـــــــــــــــــــــــــــــــ
انه زينب بت علي الماتلوي
اخذ الثارات لأمي وكل هلي
انه شيعه البيها كل هم ينجلي
وكل موالي الزاير يواسيني
ياعباس ياعباس 4
ام انور الذبحاوي
/channel/omanor
قريض بحق فاطمه ع
بقلم
الشاعره ام انور الذبحاوي
لسان الحال مولانا امير المؤمنين ع
/channel/omanor
يابيتَ فاطمُ اجريتَ مدامعي
مُذ نظرتُ البابَ والمسمارِ
يا ملاذ الوحي مالكَ باكياً
وفي ايُ ذنبٍ تُحْرَقُ بالنَّارِ
تُقْتَلُ بضْعَةُ مُحْمدٍ نادبَتاً
يافْضًةُ اسرعي بِخمارِ
بو ذيه👇🏻
يظالم لا ترك الباب هده
وراه ام الحسن والحيل هده
وگع محسن ومنه النفس هده
مات ابعصرتك ياشر البرية
يريت اضلوعي يابوية تراها.
عليه الضالم بسوطه
تراها
گلتلته فاطمة الزهرة
تراها
كسر بابي وضلعيني سويه
جديد الابو ذيه 👆🏼
بقلم ام انور الذبحاوي
حديدنا.
يوم السبت. 11/13
المصادف 7هجري. 1442
/channel/omanor
بو ذيه بحق العباس ع
✍رقيه فاضل الذبحاوي، ابنتي
/channel/omanor
حبج وسط شرياني
طبع بي
ودمع عيني الج ينزل
طبع بي
السطر عينج ترك كلبي
طبع بي
يوون عليج والونه خفيه
////////////
للعباس ع
جفيني الج فدوه
والعيون
مااتحمل انضرلج
والعيون
يزينب تبجي دم روحي
والعيون
الج حراس يبقن للمنيه
///////////////
جواب زينب ع
يمن ضحيت الي جفوفك
وعيناك
هذني عيوني وجفوفي
وعيناك
حتى تعيني وانهض
وعيناك
تضل تحرسني خويه من الاذيه
//////////////
اسهام العده عله العباس
يرمن
وعيون الگلب لحسين
يرمن
اجت زينب تشوف اسهام
يرمن
سهم فرگاك صاحت طاح بيه
للرضيع ع
الدهر عنك يعبد الله
بعدني
تراني،بعازتك يمه
بعدني
اهز مهدك واناغيلك
بعدني
وون عليك ودموعي جريه
رقيه فاضل الذبحاوي
/channel/omanor
مربعة للاخوات كال احسال الشاعرة ام انور الذبحاوي
تصف فراق العليله ع عندما احست بموت عزيزة الحسين رقية ع
16ربيع الاول 1445يوم الخميس صباح
/channel/omanor
المستهل
ماتت اختي وبعد وين الگاها
خالة ابني والعمر يفداها
ـــــــــــــــــــــــ
ماتت اختي التنشد عله احوالي
غفله شالت وانمرد دلالي
خلتني حزينه مادرت بحوالي
ريت خيه الموت اخذني وياها
خالة ابني والعمر يفداها
ــــــــــــــــــــ
ريت اخذني الموت وياها سوه
شدة صار مصابها وضاع الدوه
شلون اعيش واختي ماتشتم هوه
ظلمه واتراب الگبر غطاها
خالة ابني والعمر يفداها
ــــــــــــــــــــ
ظلمه واتراب الكبر ماينحمل
يالحنينه افراگها يكتل كتل
يمه روحي من العزيزة ماتمل
حلو مبسمها وحلو ملگاها
خالة ابني والعمر يفداها
ــــــــــــــــــــ
شبگت ابنيتها ساعة موتها
واخفت ام حسين ويلي صوتها
يرهب الدلال ياتابوتها
كون روحي الطلعت وياها
خالة ابني والعمر يفداها
ــــــــــــــــــــــــ
شالها الجناز لارض المگبرة
شالها وخله العقيله امحيره
يامصاب ارقيه مامثله الجره
حضنت راس اخويه وغمضت عيناها
/channel/omanor
القصيدة كلمات بنتي رقية نزلتها بديواني
Читать полностью…
قصيدة ثكيلة
واحد ربيع الاول 1445 ه المصادف الاربعاء. يوم 25 تسعة
ام انور الذبحاوي
/channel/omanor
👇🏻المستهل
استعد ياگلبي للهم والحزن
عله الزهرة وخلي نبضاتك تون
على الزهرة الناوية ترحل بعيد
والفراگ شمصعبه واشلون اهيد
ياكسر ضلعينها وذاك الوليد
الطاح راگع على عتاب ام الحسن
استعد ياگلبي للهم والحزن
عله الزهرة وخلي نبضاتك تون
اااااا
استعد ياگلبي لمصايب بعد
مصاب من مصاب الي اعظم واشد
مبلغة من جدي طه المعتمد
اسمي راح يصير غربة بلا وطن
استعد ياگلبي للهم والحزن
عله الزهرة وخلي نبضاتك تون
كل مواطن زينب اشد الرحيل
موطني الكرار والهامة تسيل
مايتم الفرض ابدا مستحيل
تنطبر هامتة من بغي الفتن
استعد ياگلبي للهم والحزن
عله الزهرة وخلي نبضاتك تون
اوبكريم البيت چنت امدلله
ياضوة عيوني ويعمري بأكملة
الاخو للاخت ماگو يمثلة
ياجمال ايامي في ضل الحسن
استعد ياگلبي للهم والحزن
عله الزهرة وخلي نبضاتك تون
استعد ياگلبي لارض النايبة
والايام ارياح سودة جايبة
تاخذ انهاري وگمر ليلي الغدة
ابن ابوي مسجى بسيوف الزمن
استعد ياگلبي للهم والحزن
عله الزهرة وخلي نبضاتك تون
وبعد اخوية الهجمة عليه كالسيول
والملائك تبچي من دوس الخيول
على صدر ابن الزچية ابن البتول
ياسليب الجثه ياروح الرسول
يصرع الدلال هالحجي من اكول
زينب ام الخدر شافو الها طول
ظلت ابغربة على اخوتها تون
استعد ياگلبي للهم والحزن
عله الزهرة وخلي نبضاتك تون
ام انور الذبحاوي
/channel/omanor
نزله الى سيدي ونور عيني
موسى جعفر ع
ام انور الذبحاوي
جينه البابك المفتوح
يابن جعفر الليله
جينه والكلب حيران
يالبسجنك متت حزنان
نعزي حيدر الريسان
ابسمك منهدم حيله
اااااااا
ليش عله الجسر مرمي
مرضوض القدم مدمي
اوعيونك بعد تهمي
الغيبه صارت اطويله
اااااااااااا
جينه الشيعه نتلگاك
يابن جعفر وننخاك
ترانه بحاجتك وحماك
يموسى احبابك ادخيله
ااااااااا
يامولاي يامسموم
شلون نشوفك بهل اليوم
جسمك ازرگ ومالوم
طلعت روحك اعليله
اااااااااااا
عشت مهوم لجل حسين
وحرگ اخيام سيد الدين
بيازينب عليت ونين
يابو سجده الطويله
ااااااااااااا
ام انور الذبحاوي
15 رجب،1441
........
*❥الشاعره✿ام✿انور✿ الذبحاوي ✿ـ🙏✿
/channel/omanor
اللهم أغفر لما رأته عيني وانت لاترضاه
واللهم اغفر لما سمعته اذني وانت لاترضاه واللهم اغفر لما نطق به لساني وانت لاترضاه
" آستغفر الله العظيم وآتوب إليه "
سيدي، يا ابن الحسن، الى متى قلوبنا تهتف " الى متى الغياب يا ابن الحسن".
سيدي، يا بقية الله، قد طال الأمد ونحن نقول " طال الغياب يا بقية الله".
سيدي، أيها الطالب بدم الحسين، قد طال الأمد ونحن ننادي " أين الطالب بدم المقتول بكربلاء".
سيدي، يا معز المؤمنين ومذل المستكبرين، قد طال طغيان المستكبرين، واستضعاف المؤمنين.
سيدي، يا مدرك ثأر الصالحين، قد امتلئت الأرض من دماء الصالحين.
سيدي، يا فرج المؤمنين، قد أشتد الضيق والكرب بالمؤمنين.
طور عمار. يخيمات
ام انور الذبحاوي
/channel/omanor
🚩 يهضمااااااات
خادمة المولا علي ع
ام انور الذبحاوي
يهضماااااات
من بعد النبي كثرن يهضمات
وخلن بالضلع باب وعلامات
وجيل لجيل يتجددن سطرات
//////////////
هجمو على/ بت النبي /ولا راعو الوصيه
گالتله لا/ ترفس ولك /لا تنكسر عليه
حرمه اوحيده/ بالنزل ماهو علي/ وليه
ماجنه يسمع /جلمتي گال افتحيها /إليه
يهضمااااات
وإن گال النذل فتحي يهضمات
طحت عالباب اوضلوعي تجيات
صدى البسمار نادها السموات
يهضمااااااات
//////////////
احتاريت اروح/ الياكتر كسرو عليه/ بابي
والمشهد اليذبح ذبح /محسن هوه بعتابي
تركت الجنين/ عالثره /ناديت انه ابخطابي
يافضه لحگي/ فاطمه /وصه النبي بحجابي
يفضه
طه المصطفى وصه يفضه
لبسيني حجابي وخله يرضه
بارينه ابقضائه اهناك يقضه
يهضمااااااات
///////////////
يمه يزينب/ اسمعي. /عندي الج وصيه
بحسين اخيج /والحسن/اوبدمعتي الجريه
من هسه زينب/ حولي /اسمي الج زجيه
وتحملي/ يابت علي/ارزيه بعد رزيه
يزينب
سمعي فاطمه يمه يزينب
وانتي العالمه يمه يزينب
روحي هايمه يمه يزينب
يهضمااااات
////////////////
يمه استعدي/ لليتم / يازينب /الحزينه
بلسم اريد /اتضمدي/ جرح الولي علينه
فراگي ييمه/ يأالمه /يصفگ يضل بدينه
لنه يزينب/ مفتقد /ام وابو اوحنينه
ولينه
امفارگ زينب الزهره ولينه
اوبعده ياجرح طه نبينه
مذبوح الگلب لا ماشفينه
يهضماااات
////////
ام انور الذبحاوي
2018/1/11
الخميس10 صباحا
قالو في الدار فاطمه ع. قال النذل وإن
😭😭😭😭
يافااااااااااطمه
/channel/omanor
🚩قصيده شكوى زينب ع
لابيها علي ع🚩
على طور باسم لا تسال ماذا جرى
_____
ياابي ياحيدرا // إن ضعني قد سرى
بين ايدي الحاقدين
بين ايدي الحاقدين
______
1.بويه ياحيدر طلعنه ويه عدوانك اساره
عفت روحي عالوطيه ضلت موسده الغياره
وبس ضرب من آل ميه ادموم الايتام يتجاره
صحنه وينك ياولينه صرنه وي غربه حياره
انضر علينا ماجرى ان ضعني قد سرى
بين ايدي الحاقدين
بين ايدي الحاقدين
____
2.بعد ششكيلك يبويه بكل الاصحاب اذبحوها
وهاجت اخيول الاعادي عالخيام وأحركوها
والعبي بويه يحيدر من ظربهم شككوها
والاطفال وي البراري بويه هامت ضيعوها
قلت يارب العلى // ان ضعني قد سرى
بين ايدي الحاقدين
بين ايدي الحاقدين
______
3.صعبه يابويه طلعتي والخدر مني تفرهد
ولا رعو امي الزجيه ولا رعوجدي محمد
بويه يضربني اللعين وبالضرب كلش تعمد
ورم امتون الزجيه انه اكول وربي يشهد
سال مني الدمى// ان ضعني قد سرى
بين ايدي الحاقدين
بين ايدي الحاقدين
___
4مابقه بس العليل الجامعه بويه بركبته
عالرمح راسه اخيي لاكن اعيونه اعله بته
جدامي حافي عالرمال والدمع يجريله سكته
زينب اومن زغري يحيدر للهضم بويه جرعته
هكذا صوت الصدى //ان ضعني قد سرى
بين ايدي الحاقدين
بين ايدي الحاقدين
___
5.واحنه هذا اليوم اجينه بصحن ابواليمه بهضمنه
نشكي جور الدنيه يمه انكله خلصت كل زلمنه
ايتام محتاجه الاهلها اوتكسر الخاطر حرمنه
شوكت يامولاي كلي القائم يحقق حلمنه
تستقر به النوى //ان ضعني قد سرى
بين ايدي الحاقدين
بين ايدي الحاقدين
🚩🚩🚩
الشاعره ام انور الذبحاوي
لخادمة الامام علي ( عليه السلام )
االشاعره ام انور الذبحاوي
/channel/omanor
قصيدة لفاطمه ع
على وزن الفائزي
👈🏼ام انور الذبحاوي
/channel/omanor
ونت الزهرة ام الحسن ونه خفية
وزينب تهل ادموعها بهاي المسيه
😭😭
ونت الزهرة ام الحسن ياونت الآلام
لسا زغيرة عل اليتم شمالچ يل الايام
گلبي وجعني والعقل بالونه شو هام
ودارت العين عل الولد وكت المنية
ـــــــــــــــــــــــ
دارت العين عالولد واثنت علية
چن گلبي گلي فاطمة عدها وصية
واتگربت ليها بدمعاتي الجرية
همست بأذني واسمعت بل الغاضرية
ـــــــــــــــــــــــــــ
همست بأذني واسمعت شمي ابصدرة
هاذي وصيت فاطمة امچ يحرة
بيوم اليضل اوحيد ما واحد ينصرة
وليدي يزينب ينذبح من ال اميه
ـــــــــــــــــــــــ
وليدي يزينب ينذبح وذباحه يسبيچ
والخيل تهجم عل الخيم يحرگهن اعليچ
وتمشين يمه عل الجمر وتتحرگ ايديچ
وتبقين زينب بالغرب وحدچ سبية
ـــــــــــــــــــــــــــ
امودعتج الله يالعقيله بالسلامة
ارحل الجدج واشتكي الصحبه القدامة
توزمي يمه بالصبر اليوم القيامة
كسرت ضلوعي موتتني وهاي هيه
ـــــــــــــــــــــــــ
ام انور الذبحاوي
/channel/omanor
نعي طور الحدي 😭
للعليلة
/channel/omanor
ام انور الذبحاوي
1444
ياسايجين الضعن تـــــانوني اشويه
تدرون بعيوني عمت يالعفتو ابنيه
ياسايجين الضعن التفتو اعليــــه
ماارجع لداري وتضل عيني اربيه
يالعافين الوطن والروحه الوداعيه
ماظن تردولي بعد بيتي انطفه ضيه
بو ذيه
يگلبي اتبع اثر وامشي
وراهم
عمه عيني الضعن من عج
وراهم
لون ايعودهم دهري
وراهم
اطش ورود بارض الغاضرية
😭😭😭😭😭
ام انور الذبحاوي
/channel/omanor
قصيدة ثكيلة
واحد ربيع الاول 1445 ه المصادف الاربعاء. يوم 25 تسعة
ام انور الذبحاوي
/channel/omanor
👇🏻المستهل
استعد ياگلبي للهم والحزن
عله الزهرة وخلي نبضاتك تون
على الزهرة الناوية ترحل بعيد
والفراگ شمصعبه واشلون اهيد
ياكسر ضلعينها وذاك الوليد
الطاح راكع على عتاب ام الحسن
استعد ياگلبي للهم والحزن
عله الزهرة وخلي نبضاتك تون
اااااا
استعد ياگلبي لمصايب بعد
مصاب من مصاب الي اعظم واشد
مبلغة من جدي طه المعتمد
اسمي راح يصير غربة بلا وطن
استعد ياگلبي للهم والحزن
عله الزهرة وخلي نبضاتك تون
كل مواطن زينب اشد الرحيل
موطني الكرار والهامة تسيل
مايتم الفرض ابدا مستحيل
تنطبر هامتة من بغي الفتن
استعد ياگلبي للهم والحزن
عله الزهرة وخلي نبضاتك تون
اوبكريم البيت چنت امدلله
ياضوة عيوني ويعمري بأكملة
الاخو للاخت ماگو يمثلة
ياجمال ايامي في ضل الحسن
استعد ياگلبي للهم والحزن
عله الزهرة وخلي نبضاتك تون
استعد ياگلبي لارض النايبة
والايام ارياح سودة جايبة
تاخذ انهاري وگمر ليلي الغدة
ابن ابوي مسجى بسيوف الزمن
استعد ياگلبي للهم والحزن
عله الزهرة وخلي نبضاتك تون
وبعد اخوية الهجمة عليه كالسيول
والملائك تبچي من دوس الخيول
على صدر ابن الزچية ابن البتول
ياسليب الجثه ياروح الرسول
يصرع الدلال هالحجي من اكول
زينب ام الخدر شافو الها طول
ظلت ابغربة على اخوتها تون
استعد ياگلبي للهم والحزن
عله الزهرة وخلي نبضاتك تون
ام انور الذبحاوي
/channel/omanor
قصيده لامام علي ع
✍ام انورالذبحاوي
مربعة
حرمتيني يدنيه اول اوتــــــــالي
اخذتي ام المحنه وحيدر الغالي
اخذتي امي الچنت وياها اتسله
زغيره وبالحضن يانومتي تحله
ومن يوم الهجر ريت العمر فله
والا ابقه اصيحن فاطمه اتعالي
ولج غداره يادنيه شعجب وياي
لفيتي الحيدره چنج گصيتي هواي
اشوفن فاطمه لمن تصد عيناي
مدفيني بحنانه هالابو الوالي
اشوفنه يعاني اوگلبي ايمرده
وياجرح الي صابه لروحي تعده
ابونه الحاضر الكلفات والشده
وسافه ننحرم من عنده للتالي
اااااااااا
ابونه وتاج عزنه والفخر كله
وياضيم المصايب صعب منحمله
ياشيعه الابوها يموت موسهله
يموتني قهر وافراگه شل حالي
ااااااااااااااا
ام انو الذبحاوي✍
/channel/omanor
قصيدة ثكيلة
ام انور الذبحاوي
/channel/omanor
ماأضن ترجع الية امي الزهرة الزجية.
اليوم شالاها علي. وسفه بيتي ضل خلي
امي الزهرة الزچيه
مأضن ترجع الية
ــــــــــــــــــــــــــــ
امي الزهرة ام حسن زغيرة ماوافيتها
كسروا اضلوعي ألي بهاي وحشة بيتها
الحسن وحسين وعلي دمعتي هليتها
اصرخ ومترد علية. امي الزهرة الزچيه
مااضن ترجع ألية
ــــــــــــــــــــــــــــ
چنة نتگابل ســـــــوة مثل وردات الربيع
سمعي يازينب ييمه من علم طه الشفيع
حلوه كلمات الفقيها بحق بارينه السميع
وارثة اجمل هدية امي الزهرة الزچيه
مااضن ترجع ألية
ــــــــــــــــــــــــــــ
اخ ياجار الحقد غفلة طب بـــــــــــلا اذن
سلب روحي بالرعب وانهشم ضلع الوطن
وانة طفلة وشــاهدت تذبح آلآم الزمن
اه ياعظم الرزية امي الزهرة الزچيه
مااضن ترجع أليه
ــــــــــــــــــــــــــ
انگلبت الايام سودة والدمع اكثر سواد
امي لا هودت ليلة ولا گلب زينب الهاد
حست بضيگ النفس گامت توصيني عاد
گبل ماتحچي الوصية. امي الزهرة الزچيه
مااضن ترجع أليه
ـــــــــــــــــــــــــــ
گبل لا تحچي الوصية گلبي والچبد انرمن
وانرسم نعش وسهامه والاسم چن الحسن
القاتل الاشعث وجعدة شتركو وي اهل الفتن
حسين اشوفة عاللوطية امي الزهرة الزچيه
مااضن ترجع أليه
گالت وليدي يزينب لا تعوفينة غريب
بساعة الزومة ييمه بصدرة شميلي الحبيب
بكسر ضلعي اليوم اشوفه حسين مذبوح
زايد امصابة عليه تگطع الراس ال اميه
ياغريب الغاضرية روحي يم نحره دمية
امي الزهرة الزچيه
مااضن ترجع أليه
لتو نضمتها
ام انور الذبحاوي
/channel/omanor
نعي لفاطمة ع
ام انور الذبحاوي
طور الفراق
/channel/omanor
يمه زهرة. لاتخليني وحيدة
يمه زهرة. العمر عگبج مااريدة
يمه زهره. ونتچ ونه مچيدة
يمه زهره ينجرح گلب الصميدة
بعد عينچ. تعمة عيني يالزچية
بعد عينچ. تذل يايمه البنيه
بعد عينچ. توحش بعيني الثنية
بعد عينچ. تنتظرني الغاضريه
ياحنانچ. زينب اتفگده تره
ياحنانچ. ماحوت مثله مره
ياحنانچ. يالزچية الطاهرة
ام انور الذبحاوي
/channel/omanor
للحبايب لمولاتي العليله ع
/channel/omanor
✍ام انور الذبحاوي
وني عــــــالحبايب لا تبطلين
كل عمرچ يروحي لم تموتين
دوني عاللحبايب ليش،عافوچ
وحيده بالنزل اوشلون خلوچ
صحتي ياهلي مابعد تانوچ
صعبه بالنزل وحدج تضلين
يصعبه بالنزل تبقين ياروح
للغالين نوحي اويحله هالنوح
بعد ياهو الذي يجبابرها الجروح
ولو ضاك الوكت المن تحنين
لو ضاك الوكت تشكين المن
وتنشفين الدمع يمعوده عدمن
خل يبجن عيونج لمن يعمن
يرخص هالعمر لانفاس الحسين
يرخص هالعمر للغالي واهله
صادقت الحزن ولآه لجله
بجفاه الهضم مابيه احمله
لون اعليه والله سنين وسنين
مابطل ونيني والمرض جتال
وافراك الاهل ماخله بالحال
اسحل بالجدم والدمع همال
يريت الموت يلفيج وتموتين
ام انورالذبحاوي
/channel/omanor
قصيدة للعباس ع
في ديوان غريبة الاوطان الجزء الاول
ام نور الذبحاوي.
گوم ليه حيل اذاني الشمر
گوم ليه يبو فاضل ياذخر
1//يضرب امتوني وصحتلك ياكفيل
زينب الليله اجت ليكم دخيل
مابگه وليان عندي بس عليل
يبو فاضل هاك ذني اجفوف اديه
گوم ليه گوم ليه
2:يضرب اويصرخ الكافل مايجيج
هذا زينب كله ما ينفع حجيج
سكتي ماريدن ابد اسمع بجيج
وانه اشاكف يالولي بثنين اديه
گوم ليه گوم ليه
3::گمت ليج ابلا جفوف ولا علم
وشف زينب وجو عليج الخيم
عاينت لجفوف سكنه تجري دم
وروحي طاحت عل الوطيه
گوم ليه گوم ليه
4: حشمت خويه اريد اخواني
الرجز فوكات الضرب شتماني
صحت ياحيدر علي اوأذاني
اعليه دارت هالعده بالغاضريه
گوم ليه گوم ليه
5::انته ذخري وبيك ازامط من اجيت
وهسه اخيتك يالولي ميسره مشيت
بالحبال امجتفه اودمعي جريت
بيد شمر ولا بكت وليان أليه
گوم ليه گوم ليه
6:ياضوه عيوني يزينب ارتجيج
راسي فوگ الرمح وعيوني عليج
ون عليج حسين من شاهد بجيج
راسه من فوگ الرمح داره عليه
گوم ليه گوم ليه
🚩🚩🚩
لخادمة الامام علي ع العلويه ام نور الذبحاوي ونسألكم الدعاء
/channel/omanor
للامام العسكري ع
/channel/omanor
✍ام انور الذبحاوي
نعزي سيدي المهدي واهاليه
وعله الوالد نهل ادموع مجريه
نهل ادموعنه للعسكري الليلـه
وهمك يبو صالح ياهو اليشيلــه
ابوك الشال والشيله تره اطويله
يحله الگول للمهدي ومراثيــــــه
نعزي سيدي المهدي واهاليه
،،،،،،،،،،،
تره الوالد عزيز وما اله امثال
يخيمتنه الزهيه وفي العــيال
بعد جلمة البويه وين ماتنگال
وبفراگ الرحل نشبع مهضميه
نعزي سيدي المهدي واهاليــــه
،،،،،،،،،،،
الله يعين مهدينه وعلي يــصبره
ابوداع الابو مكسور يــــــــاضهره
وياجرح الچبد ياهو الذي يجبره
انقتل مسموم من ابن الدعيــــه
نعزي سيدي المهدي واهاليــــه
،،،،،،،،،،،،
جارت كل عداها وخلصت اولادي
الدنيه مرحمت بت النبي الهادي
كل يوم بفجيعه اتصيح واتنادي
تــسعر نارهم ياشيعتي بيـــــــــه
نعزي سيدي المهدي واهاليــــــه
،،،،،،،،،،،،
ام انور الذبحاوي
/channel/omanor
بو ذية للرسول ص.
وكأني ب فاطمة ع
/channel/omanor
ام انور الذبحاوي
يحله النوح للمرسول
والوان
وگام الوجه ينطي الوان. والوان
انفاسك الاخير عدمن الدلال والوان
يبوية اچلاي وي روحي سويه
ام انورالذبحاوي
/channel/omanor
#حـرز_اخر_أربعاء_من_شهر_صفـر
روي مـن قرأ سورة ( الشرح ) و ( سورة التين ) ( وسورة النصر ) و ( سورة الإخلاص )
سبع مرات يوم الأربعاء في اخر شهر صفر فان الله يرزقه الغنى في الدنيا
📚 الف حرز وحرز
ام انور الذبحاوي. للحسين ع
/channel/omanor
لــــــــو عمت عيناي ليك احبي حبي
اگصد بعاشور اواسي محرگات العبي
مـــــاأخاف ارهاب لا شنهو الناصبي
حسين جنني هواك وناري بيه تصطبي
خل يصير الجسم ذرات التراب
عالعقيدة الروح يحضنها النبي
صلواااات
اللهم صل على محمد وال محمد
/channel/omanor
يخيمات اااا
النساوين 2017//12//3 الاحد
لا اجيز شرعا حذف تاريخ القصيده اا
🙏
النساوين زينب عايده وياها النساوين
انظرو ابحالنه اشصاير يطيبين
عفنه اجسادكم بالبر مطاعين
////////////////
جنيه ابجروح/ امن اليسر /نسحل سحل جدمنه
موتتنه نظرات /العدو /يوم الحرك خيمنه
اتمنينه تحركنه الخيم مثل الزجيه أمنه
ولا منه /ينشاف /الخدر /وسفه وكع علمنه
يعمنه /صحنه بصوت /حشمننه يعمنه
كام اسياط يضربها حرمنه
وزينب ضلت بحيره تلمنه
النساوين
////////////////////
اشكيلك امنين ابتدي 30 الف مصيبه
ايموتن يخويه من ارجعت بلايه ولي وغريبه
تدري يخويه ابفاطمه اطلبها إله عبيده
ضنت يخويه ابنيتك يجره إله اليريده
يوالي
اجت تموت ساعتها يوالي
ولاذت فاطمه خويه بذيالي
وصاحت ضاع ياعمه دلالي
النساوين
///////////////////////
خويه اعتذر يابوعلي من وحده ماجبتها
صعبه عليه يالولي ا حجي السبب عفتها
لازم اخبرك بالجره بالشام انه ادفتها
يالحسين
سمعها يزيد لرقيه يالحسين
تصيح بصوت يازينب هلي وين
اريدن والدي رحمو يطيبين
النساوين
////////////////////
ماظل بعد عندي فكر مصيبه بااثر مصيبه
احتاريت اسكت طفلتك يالجثتك سليبه
وسهمك يوالي بالكلب جروحه اعتقد رهيبه
يصعب يخويه عله الاخو ينظر جرح حبيبه
انجرحنه
خويه جم جرح تدري انجرحنه
وريت لا صبح يوالينه صبحنه
صحنه عباس وتواليها انذبحنه
النساوين
ارخصني اگوم امن الگبر العباس اريد ادوره
لخال الولد يابو علي. بجروحي اريد اخبره
وكسر الخواطر موصعب گسري منو اليجبره
عباس حاچي خيتك جتك بنيت الزهره
يعباس عليك ابداعت الزهره يعباس
تردلي اجواب ياتاج العله الراس
شگل لام البنين اهناك والناس
ام انور الذبحاوي
/channel/omanor
🚩قصيده
على طور السيد الصافي🚩
ان عينا مابكت رزء الحسين
👇هاذه
هذهِ الأصواتُ نَادت واليّدين
لطَمت فوق الصدورِ والأنين
حُسين حُسين
يَجرح الأحشَاء قَلبُ كُل مَن
نَادا ياعِريسُ يادامي الوتيّن
حسين حسين
شيعةٌ جِئنا بحُبٍ وّولاء
لِنُعَزي المَولا زين العَابدين
حُسين حُسين
ونُعَزي زينَّباً في كُلِ يوم
لِحبيبٍ وملاذ الخُائفين
حُسين حسين
هوه دربٌ سَلك اللهُ ومَا
أحدً سَار حَضَى بالجَنتيّن
حُسين حُسين
🚩🚩🚩
لخادمة الامام علي( ع)
أم أنور الذَبحَاوي😭😭😭
👈 اول قصيده اكتبها فصحى
لاني لا اجيد الشعر الفصيح
الشكر لله/channel/omanor
