بَاچر
مِن تِرد ماتلگه
شي موجود
تلگه الوَرد ذابل
والأرض صَحره
تِلگاني مَدينة
مسدده البَيبان
بَيه الگُمر مَيت
والشّمس حَمره .
گطره بشط عشرتك راحت ويه الروج
اذا رايدنه نرجع غربل الماي!
خلص بستان نخل الشوك
وأنا بعازة السعفه
التجيبه الصدفه مره يجوز
ترجع تأخذة الصدفة
ايهاب المالكي
انه الرقم الاول بين الارقام
من تعبرني يم الصفر ترجع
محمد الزركاني
انه المِنطيك گلب ابيض
ليش تخلّي اصبعِي
امن النَدم يَنعض
