Telegram-канал mzravilka - مزراویلکە: Unsorted

مزراویلکە

23 May 2024 23:52

#مەلای حاجی ڕەسوی

چیرۆکی عەوڵای ساوان و مەلا شەلەی.

کاک عەوڵا گوتی:
لەسەردەشتێ بووم وەڕەز بووم، هەر بۆ خۆشی تەلەفۆنێکم بۆ مەلاشەلەی کرد.
گوتم ئەوە دوێنێ لە ڕەزی جۆڵای ئەگەر بزنەکەت وەبەر ماشێنێ دا بۆ ڕانەوەستای هەڵاتی؟
گوتی بەخودای ئەمن نەبووم،مانگێکیش دەبێت بەڕەزی جۆڵایدا نەڕۆیشتووم، گوتم پێویست ناکات سوێندان پخۆی شومارەی ماشێنەکەم نووسیوی دەشزانم کێی،بچیە حاسمانێش دەردی بزنەکێت دەدەمێ.
هێندەی سوێند و قوڕئانی خواردن ئەمن نەبووم،بۆم نەسەلماند،دوای گڕوگەفێکی زۆر تەلەفۆنەکەم داخستەوە.
دوای دوو سێ سەحاتان تەلەفۆنی کردەوە،یەکێک بە فارسی گوتی من پۆلیسی سەد و دە هەستەم،بە فکری خۆم وامزانی مەلا دواتر منی ناسیوە و دەیهەوێت تۆڵێ خۆم لێ پکاتەوە و بم ترسێنیتەوە،نەمزانی مەلا چووە شکایەتی کردووە و پۆلیسی ڕاستییە.گوتم بەڵێ قوربان تۆ پۆلیسی سەدودەی، منیش سەدوبیستم،گوتی یانی چی؟گوتم یانی و میانی ناوێ،پۆلیس و شتیوا لە لای من نایخوا، هەرچەند قسەی کرد هەر بەفشە وەڵامم دایەوە و تەلەفۆنەکەی داخستەوە.
شەوێ گوتم باپچم بۆ ماڵێ مەلاشەلەی بزانم زۆر ترساوە بڕێکی پێ ڕابوێرم.
کە چوومەژوور مەلا لەسەر سفرەی بوو نانی دەخوارد.
دانیشتم گوتم مەلا لەکوێ بووی بۆ وا درەنگ نانی دەخۆی؟
گوتی عەوڵا هەر لێیگەڕێ ئەوڕۆ لە هیچ و خۆڕایی گێرە و کێشەیەکم تووش بوو، گوتم گێرە و کێشەی چۆن؟
گوتی کوڕە سەگبابێکی تەلەفۆنی بۆکردم،گوتی ئەتۆ دوێنێ لەڕەزی جۆڵای بزنت وەبەر ماشێنێ داوە و هەڵاتووی، گڕوگەفێکی زۆریشی لێ کردم،گوتم نەبادا سەگباب تووشی گێچەڵێکم پکات،چوومە پۆلیسی سەد و دەی شکایەتم لێکرد،بەڵام پێم وابێ ئەو سەگبابە دەستی زۆر دەڕوات پۆلیسی بە موبایلی منی تەلەفۆن بۆ کرد بەخوای فشەنەبێ بەپۆلیسی نەدەکرد،ئەوە قەرارە بەیانی لێکۆلینەوەی لەسەر موبایلەکەی پکەن.
تا لە قسەکان بۆوە خەریک بوو پتۆقم،کورە گوتم چۆن شتی وات کردوە،جا ئەتۆ کوێڕا گەیشتیە پۆلیسی؟ خۆ ئەمن بووم بە سوحبەت تەلەفۆنم بۆکردی،گوتم بابڕێک پێپکەنیین،ئەوە پۆلیسی ڕاستی بوو تەلەفۆنی بۆمن کرد؟
گوتی ئەرێ وەللا پۆلیسی ڕاستی بوو، جائەوە سوحبەتە؟ ئەمن لە نیوڕۆ وەرە ئاگام لەخۆم نییە بەوێداو بەوێدا؟
بەسەری تو دەبێ دەردێکت دەمێ دەرمانی نەبێت.
کوڕە گوتم مەلا بە بابەوەت دەبەر دەمرم پەروەندەی دیکەشم لەدادگای هەیە نەجاتیم نابێت دەبێ بەیانی شکایەتەکەی وەرگریەوە،گوتی بەخودای تا لەبەر چاوی منت سێ چوار شەپان دەمەشکێ هەڵنەدەن شکایەتەکەی وەرناگرمەوە.
هەتا نیوە شەوێ خۆم بەقوربان و سەدەقەی مەلای کردوە تا ڕازی بوو بەیانی شکایەتەکەی وەرگریتەوە.

@mzravilka