المن صلب حسين غاب من العين نور الكونين
ابن المسموم
ننصب عزه وننعاه لا والله ما ننساه
ابن المسموم
**
خلي نسولف قصته ونحجي يناس ابمحنته
ونبديهه لمن هاجر
من المدينه الظالمه خايف اعداه تهاجمه
وبوحده وانت تصور
قرر يسافر للغرب مو هيّن عليه بل صعب
بهالامر كلبه تفطر
لاچن صبح ذاك الوضع كلش كلف ما ينجرع
وهو برحيله أُجبر
ما يدري لوين ضل يربي العين مجتف الايدين
ابن المسموم
ضل يمشي بنور الله لا والله ما ننساه
ابن المسموم
**
لمن وصل يم النهر تذكر ابعباس الكمر
والدمع فاض بعينه
واثنين شاف من النسه خوفه ويه همه ينافسه
بهالحاله الله يعينه
منهم سمع وحده حجت وبعلي الكرار احلفت
هنانه استراح ونينه
سألهه لهذا الحي كبير سلطان كان او امير
حتى اله تودينه
بالملكه الحار كالت اي صار هلا بالخطار
ابن المسموم
ورحب شيخ بملكاه لا والله ما ننساه
ابن المسموم
*
ضل ثلثتيام بكرم عايش بخيرات ونعم
ما واحد تدناله
بعدين شيخ القرية مر شاهد القاسم جن كمر
ساجد بأجمل حاله
كله يا ضيف الله اسألك كلي عن اسمك عن هلك
والدك يا هنياله
رد اله ناديني الغريب آنه احلفك بالحبيب
بالمصطفى وبآله
لتدير البال انه والعيال والعز والمال
ابن المسموم
نزيد احنه بزودك جاه لا والله ما ننساه
ابن المسموم ابن المسموم
***
عندي طلب صاح الولي ونار الكلب تغلي غلي
واتمنى لترجعني
كله للشيخ اطلب عمل لو ساقي اصبح للاهل
يا عمي لتضيعني
عالي النسب والمنزله انه ومصيبة كربله
الصبح ومسه تلوعني
تعودت انه بشوفتك يا شيخ كون بنخوتك
ما ريدك تودعني
تمر الايام واحجي الالام عن كل احلام
ابن المسموم
وتسمع مني الويلاه لا والله ما ننساه
ابن المسموم
**
و الشيخ صار بنِيته يزوجه من بنَيته
و يصبح القاسم صهره
والقاسم بهاذي قبل والواقع الحال امتثل
وبكلبه ضلت حسره
لا ابو لا ام زفته لا اخو يعجن حنته
لا اهل يمه تحضره
ما رفض راعي الغانمه وزرقه الباري بفاطمه
شمعه وتنور عمره
بس ضل كل يوم يزداد هموم من حجي الگوم
ابن المسموم
وضل بين الاه واه لا والله ما ننساه
ابن المسموم ابن المسموم
**
ومن دنت ليه مصيبته وحس هيه ساعة موتته
صاح عله عمه تدنّه
هاليوم اسولفلك امر تنتظره كضيت العمر
وانطيك ما تتمنّه
من طيبه لو ردت الارض والنسب عالوادم فرض
من الله حُبه وسُنّه
ابن النبي وحيدر علي والوحي يعرف منزلي
لو ردت تسأل عنّه
بنتي اترجاك وديهه وياك كل اهلي هناك
ابن المسموم
تشكي حالي الجداه لا والله ما ننساه
ابن المسموم ابن المسموم
***
الشاعر مصطفى رابح البلداوي
قصيدة بمناسبة استشهاد الامام السيد محمد ابن الامام علي الهادي عليهما السلام ( اضغط على الرسالة لتضهر القصيدة )
Читать полностью…
موشح للامام الحسن العسكري عليه السلام
......
اه يا يوم الحسن ومصابه
خله لوعه بنص دليل احبابه
****
يا حسافه العسكري بالسم گضه
وصل ونّه من الالم سابع فَضه
بالغدر طايح حفيد المرتضه
اه والسم چبد امامي ذابه
****
اليوم كل موكب يشد الرايه
بأرض سامره يدك الثايه
حيهم ينادي عله المشايه
رحّبو ودموعهم سجابه
****
عن يقين احجيهه انه ومعتقد
المهدي يم مجلسنه بالحسره كعد
يسجل اسم اللي يجددله العهد
وناره تسعر بالگلب لهّابه
****
وفاطمة الزهره انصبت يمه العزاء
وصار جبرائيل رادود السماء
ولطمت الاملاك ويه اهل الولاء
صار ابن الهادي جوه ترابه
****
اه يمصاب الحسن طر الگلب
خله كل عين الامامه تضل تصب
فراگه عالشيعي يهالوادم صعب
ما الومه لو يشك جلبابه
****
اليوم الله يساعده لابن الحسن
حاير بالالامه يلي اتهيجن
وهسه ابوه العسكري زاد المحن
وبقه المهدي بين ناس اذيابه
****
لخادم اهل البيت عليهم السلام
الشاعر مصطفى رابح البلداوي
السياط تشيل من المتن لحماي
لمن صرت آنه لا لي اخو لحماي
يخي عباس جفك شفت لحماي
لا جاني و لا جيت انت ليّه
****
الشاعر مصطفى البلداوي
قصيدة لسيدتي ومولاتي رقية بنت الامام الحسين (ع) على لحن (لا والله باسم الكربلائي )
Читать полностью…
تجليبة لسيدي ومولاي الامام زين العابدين عليه السلام
Читать полностью…
قصيدة لسيدي ومولاي القاسم ابن الحسن
Читать полностью…
قصيدة وداعية على لحن ( يا ليل الحزن كافي ) باسم الكربلائي
Читать полностью…
قصيدة لعلي الاكبر عليه السلام على لحن ( خيبر ثچيله اعله الزلم ) محمد الجنامي
Читать полностью…
قصيدة لفاطمة بنت الحسين (ع) (العليله)على لحن ام البنين تنادي حمزة الزغير
Читать полностью…
قصيدة ولائية على لحن ( يعيش اليخدمك ) ملا عبد الرحمن النصيري
Читать полностью…
قصيدة هلالية على لحن ( يا صبرنه ابتعد ) باسم الكربلائي
Читать полностью…
موشح نجفي بمناسبة استشهاد الامام الجواد عليه السلام
اضغط على الرسالة لتظهر القصيدة
موشح نجفي بمناسبة استشهاد الإمام علي بن أبي طالب عليه السلام ( اضغط على الرساله لتظهر القصيدة )
Читать полностью…
قصيدة لسيدي ومولاي الامام القاسم ابن الامام الكاظم عليه السلام على لحن ( يا ساقي الماي ) التي قرأهه الرادود الحسيني الحاج باسم الكربلائي
Читать полностью…
قصيدة لسيدتي ومولاتي فاطمة الزهراء عليها السلام
( اضغط على الرساله لتظهر القصيدة )
قصيدة بمناسبة استشهاد الإمام الحسن العسكري عليه السلام على لحن ( بالحلم بالحلم الرادود عباس الدراجي ) اضغط على هذه الرسالة لتظهر القصيدة .
Читать полностью…
عالي هواي رمح حسين ابويه وما الوحه
عالي هواي ينزف عاطفة وي دم جروحه
راح اكضي العمر بس سبي وزجر
عالي هواي عالي هواي
***
انه بنت الحسين العالرمح راسه
متيسره ويه ابويه و ويه عباسه
بنفسي انه اريد اعرف شنو احساسه
من ضربوني وانه اللي اعز ناسه
شنهو الصار ما يفزع اليّه من اصيحه
شنهو الصار الترفه بنص ذئاب تضل جريحه
وانه من الظهر بس سبي وزجر
عالي هواي عالي هواي
***
اعاين عالرمح چنه يصد ليّه
واسمعه چن يكلي اه يمسبيّه
چبيره مصيبتي وماهي تره شويّه
حكج ما دريتي الي جره عليّه
ويني وين كل هاي السيوف وكل الرماح
ويني وين امشي بنص زلم ومخضبه جراح
ماضل كل صبر بس سبي وزجر
عالي هواي عالي هواي
***
اجاني شامت يكلي منو انتي
كتله بنت الحسين وعلت ونتي
تبسملي ويكول بيا وضع صرتي
ووينه الي يكلج يا هلا ابنتي
هنا حسيت جن سابع سمه نطبكت عليه
هنا حسيت تكرهنه صبحت كل البريه
واحنه اهل الطهر بس سبي وزجر
عالي هواي عالي هواي
***
انشدك يا رمح بس دنّي راس حسين
اديه ازغار ما تكدر تلمسه زين
اقبله رايده من الكصه والعينين
احضنه ومن احضنه خل يجيني البين
چنه يكول ما دنّي الرمح لا يا رقية
چنه يكول بطشت انه الج انطيه هدية
وكلبج ينكسر بس سبي وزجر
عالي هواي عالي هواي
***
ردت بس اوصل القصر اللعين يزيد
حته احضن ابويه والجروح تهيد
اويلي والطريق شكد عليّه بعيد
كل ما اخطي خطوه كل جروحي تزيد
صرت اشتاك من يشتاك الي تالي الليالي
صرت اشتاك يلتم الشمل انه وعيالي
لاچن الامر بس سبي وزجر
عالي هواي عالي هواي
***
اخيرا من بعد تعب المشي طبيت
مو ذيج الجنت عند اهلي شمعة بيت
جتفوني وسبوني وعالهزل ونيت
كل لحضه و اصيح لوالدي شتاكيت
سمعت الصوت ودوه الطشت خلي تشوفه
سمعت الصوت من شفته النفس ضل بس يطوفه
اه من الغدر بس سبي وزجر
عالي هواي عالي هواي
***
لخادم اهل البيت عليهم السلام
الشاعر مصطفى البلداوي
اه من الزمان واه من غدره
خله اللي ميسوه يلوع العتره
****
عجيبه شلون يبن المصطفى العدنان
يحديك ويضربك صار ياهو الجان
وحسينك حسافة چفَنه التربان
طايح عالوطيه منكطع نحره
***
عاده الي يموتن واحد من اهله
تحضر كل هله والمدمع تهله
وانت كل هلك يا سيدي مجتله
والباقي حرم بس كل متيسره
****
اه من السلاسل دولبت حالك
ومامش ناصر اليحضر و يبرالك
يموتون برعب لو شافو خيالك
بس المرض صعبه ينجرع مُره
***
لو سالم وكتهه فنهم يأذوك
ولازينب غصب صعدوهه فوك النوك
ولا كل الاطفال من الالم يشكوك
ولا كل الحرم حالتهه متعسره
***
من گيدوك ضنهم ينتهي امرك
ويا وسفه بحقدهم صارت تجرك
ما يدرون شنهو الي خفه سرك
وشنهو من حجي بالمجلس محضره
****
رادو بس يزيد تبايعه ويه الناس
كل ضنهم تدنك سيدي الهم راس
الخلف علي نفسه خلف العباس
وانت المن يدك الكل صعب صدره
****
لخادم اهل البيت عليهم السلام
الشاعر مصطفى البلداوي
عله وليدي نذبح عيدي لمن راح
انه شبيدي اذا گيدي الحسن من صاح
وصيتي يناصره لعمّه ويضحي اله بدمّه
انه شبيدي اذا كيدي الحسن من صاح صاح
........
انه ام واريد انظر عرس ابنّي
ما ردته يروح ويبتعد عنّي
بعرسه ياس اطش وافرح جنت ضنّي
وباجر لو متت بيده يشَيعنّي
لخيامي مر الدمع فجر واليّه كال
اذا العسكر لبو الاكبر لونّه عال
ظهر الجيش انه اقسمه ويضحي اله بدمّه
انه شبيدي اذا كيدي الحسن من
..........
اه لمن اجاني و راد سيف وطاس
وانه فكري اجاني يريد حنه و ياس
كلي والدي وصاني چن عباس
اصيرن للحسين وارفع انه الراس
اضل وياه انول الجاه بالدارين
كبل دماه بنحر افداه واوفي الدين
وكلي وصيّتي ذمّه ويضحي اله بدمّه
انه شبيدي اذا كيدي الحسن من صاح
........
نطيته بدلته لاجن جبيره هواي
قصرت الثياب وراح عد مولاي
يا عم صاح اذن رايد واهد بعداي
هاي الحومه عطشانه وتريد دماي
بس حسين دار العين صاح ارجع
رايح وين هذا البين بي مصرع
الجانو نور للضلمه ويضحي اله بدمّه
انه شبيدي اذا كيدي الحسن من صاح
........
اجاني وكلي يمه و دمعته بعينه
اذا مو انه اعينه منهو الي يعينه
كتله ارجع واحجي بينك وبينه
ابويه الوصه كال يناصر حسينه
كِلي روح حته الروح تتطمن
خل مجروح خل مذبوح باقي المن
ابني بمية بالف زلمه ويضحي اله بدمّه
انه شبيدي اذا كيدي الحسن من صاح
............
اذن ليه وبرز اصغر مُحارب طف
ثكيل السيف شو بيمينه اشوفه خف
الماي الي بكصص جيش الشمر شو جف
وبده دم ابن سعد بخوفه جن ينشف
لجن غدروه من حاطوه ابد ما خاف
ذبح ذبحوه سهام ارموه بعينه شاف
عمه يركض بهمّه ويضحي اله بدمّه
انه شبيدي اذا كيدي الحسن من صاح
.........
انه لعرسك حسبت وخابت اضنوني
مودع يا حبيبي وكرّة عيوني
بعد موتك لرض الشام يسبوني
عله الهزّل يبن حيدر يركبوني
يسبّوني ويضربوني ويسيل الدم
يعذبوني ويلوعوني ولا اندم
فدوة لوالد اليمّه ويضحي اله بدمّه
انه شبيدي اذا كيدي الحسن من صاح
.........
لخادم اهل البيت عليهم السلام
الشاعر مصطفى البلداوي
ها يا خويه باجر انت لو رحت من اديه
وين انطي الوجه كلي يبن حامي الحميه
يسبوهه الاميره اه شكد جبيره
......
وين انطي الوجه لو خصمك تقدم
عليه يريد يحرك فوكي المخيم
يبو الاكبر الك جم طفله تتيتم
اذا لا سامح الله انت ما تسلم
لو رحت انت منهو الي يضل يمي يحامي
وادري يا بو الاكبر صعبه تتحمل كلامي
يا بدر العشيره اه شكد جبيره
......
يذبل كل امل وتموت اغصاني
اذا رحت واليّه ما ترد ثاني
احسب نفسي اسيره بأيد عدواني
ترضاهه يخويه ابقه بحزاني
مو هينه اظل وحدي وتعاين كوم اميه
يسبوني ويكلولي بحقدهم يا سبيه
لحضاتي عسيره اه شكد جبيره
.......
باجر اه من باجر لون طرني
معناهه الشمر يحسين الي مرني
غصب ياخذني وعيونه الي ذبحني
وانادي يابو فاضل بس ميسمعني
ويكلي الشمر وينه الكفل خدرج اريده
وانه ادري النذل يم النهر حزه لوريده
وجهي وين اديره اه شكد جبيره
........
يخويه الي ذبحني وزيد الالامي
الشمر صرت انه اشوفه حته بحلامي
اشوفه جن سباني ولوّع ايتامي
وتربّع فوك صدرك وانضرك دامي
افز من حلمي الكه آنه اثر كيد بأديه
وانهض خايفه بس لا خطر صايب رقيه
احلامي خطيرة اه شكد جبيره
......
باجر يابو الاكبر من يمر ضيّه
ابد ما تبقه خيمه تخيم عليّه
وسكينه يا حسين مجلبه بيّه
واصيحن يالكفلني ما الك جيّه
هاي انه وعيالك آل اميه يورّمونه
وعلى النوك الضليعه والهزيله يركبونه
ومن ديره عله ديره اه شكد جبيره
.....
على حزني اشوف الونه تتحسر
واحس بكلوب جيش عداك تتكسر
بيا منظر اشوفك انه يا منظر
ذبيح من الكفه والجثه تتوذر
يحرك خيمتي وناره تِصل شرهه لعباتي
وسفه انذل عكب ما جنت انه اه شحلاتي
تاليتي اسيره اه شكد جبيره
.......
لخادم اهل البيت عليهم السلام
الشاعر مصطفى البلداوي
حي عله سوح الحرب صاحت الانصار
شمحلاهه ويه ابن النبي نستشهد احرار
.........
يحسين الك جلمة شرف كلناهه هاليوم
نبقه وابد لا ما نزل ونحارب الكوم
واحدنه مجنونك صبح ويرخص الدموم
من ينزل يسوي الجثث يحسين طشار
........
هو الي خله ابن مضاهر يمنة الجيش
خله ابن سعد يكول ما تنفع بعد ليش
نازلنه هذا ابن حبيب اشلون وبيش
نرد اعله سيفه لو غضب وعلينه لو غار
.........
زحمه نعوفك سيدي ما نقبل بهاي
وياك واحدنه صبح للموت شراي
وعليهم انسد الهوه لو سدو الماي
من عندك احنه سيدي ناخذ الايثار
........
يا سيدي من خيمتك عاين علينه
وشوف الي يجري بالوغه و شتقدمه ادينه
يدنون الك بس بشرط ما يبقه بينه
واحدنه يشتم الهوه و يتعب البتار
........
حي على سوح الحرب لمن صرخنه
معناهه لا كاع وسمه صارت تحدنه
السبعين الف خل تهجم واحنه لوحدنه
عدنه عزم نمحيهم وحك علي الكرار
........
يحسين يوم الزمجره كل احنه زودك
فنه الذي يفكر يجي يدنه الحدودك
وعيون زينب ما يضل تعرف جنودك
وتعرفنه يا بن فاطمة يا خير الاخيار
.......
لخادم اهل البيت عليهم السلام
الشاعر مصطفى البلداوي
يبني يالاكبر يا علي يالعايش بريتي
انه امك واتوسلك رد سالم لبيتي
يا اغله من العين كلي انت رايح وين
يا شمعتي يا شمعتي
.........
يوليدي انه امك ردت انظر لعرسك يبني
من زغرك انه يالولد للحلم هذا ابني
بس من سمعت حسين انه جن الوكت دولبني
صاحك وكلك يا علي حارب لليحاربني
تمنيت يالاكبر تضل حته انظر لطولك
لتخلي امك والحرم يالولد يبجولك
ولا تحني ظهر حسين كلي انت رايح وين
يا شمعتي يا شمعتي
........
ارد انه منك يالولد لو روحت سالم ترجع
يمي انت بعدك يولدي شبي كلبي بس يتوجع
لاكت ييمه لامتك شمحلاهه ضلت تلمع
خوفي اشوفك عالثره يبن الزجيه مكطع
تلبس ردت ثوب العرس مو لامت المصرع
وللزفة تطلع يالولد مو للحرب تطلع
ويتأجل البعدين كلي انت رايح وين
يا شمعتي يا شمعتي
........
انحنه ظهري يا علي لمن شفت بن غانم
وسل سيفه ولصوبك مشه ناوي عليك يهاجم
وانت كلت انه علي ابن الحسين الغانم
واليوم جن جدي علي بسيفي اشطرك يا ظالم
واعدها لمّي للخيم ارجع اشوفنهه
اقسم اصفيكم اذا الدمعه تِنَزلنهه
اسمع كلامي زين كلي انت رايح وين
يا شمعتي يا شمعتي
......
لو بس تفكر ما ترد ليّه وتجي لحضاني
خيمه انصب بكلبي انه و يعتبر بيت احزاني
لمن رحت وانه الهظم اه شكثر اذاني
ترضاهه ابقه بلا حمه ولا خيمه لا صيواني
وانت الذي صدرك الي دكيته يالغالي
وكتلي ارد من الحرب يا شمعة امالي
وحضني يطلبك دين كلي انت رايح وين
يا شمعتي يا شمعتي
.......
عفيه ابني ما قصر ابد من ابعيد اشوف اعلومه
هذا ابني هذا شمعتي بيّن بوكته ويومه
من شفت ابن غانم وكع وثجته بقت بالحومه
ساعتها كلبي يالولد تشافه من كل الجومه
ومن ارجعت ليّه كلت رد شمعة اسنيني
عطشانه جنت الشوفتك وجهك يرويني
بوجهك شفت وجهين كلي انت رايح وين
يا شمعتي يا شمعتي
......
من رحت ثاني للحرب هنا كلت راح وليدي
عيدي انت حسبتك الي ليش يتهدم عيدي
مفتخره من شفتك طحت وحنيت جفين ايدي
لو شفت باجر فاطمه تدري شنو تقليدي
تكلي يا ليله اشكرج ضحيتي بوليدج
وهسه انه بيدي يالوفيّه اخذ بأيدج
وصرت انه بين وبين كلي انت رايح وين
يا شمعتي يا شمعتي
.......
لخادم اهل البيت عليهم السلام
الشاعر مصطفى البلداوي
يابويه لتعوفوني والوحدي لتخلوني
يحسين خذني وياكم مكدر على فركاكم
والوحدي لتخلوني
......
فاطمة انه بنيتك ما احتمل فركتكم
يا والدي تدريني
ترفه وبعدني زغيره مو مال اضل بحيره
تقبل اضل بونيني
خذني ولو خدامه ويه الحرم انه ابقه
المهم متخليني
صدّك ينور عيوني
ميته لون عفتوني
اخذنوني اترجاكم مكدر على فركاكم
والوحدي لتخلوني
.......
يبنيتي سمعيني ونج تره سابيني
بسج ونين اگبالي
رايد تكونين وياي بس المرض هد حيلج
وهذا الي مرمر حالي
ياريت هدهد عندي ويجيب الي اخبارج
وما يضل يمج بالي
رايح وعيني تربي
ولساني يدعي ربي
يحفظكم ويرعاكم مكدر على فركاكم
والحدي لتخلوني
........
نار بدليلي تلهب تنطفي لو تاخذني
ويه الضعن مشاية
والله مو بيديه ابقه اتاني جيتك
ما اكدر انه بهايه
بس تمشي وتفاركني اصبح يغالي بعدك
جن سوره وبلا ايه
اتشافه لو تاخذني
ممحسبه تهجرني
متعوده اتلكاكم مكدر على فركاكم
والوحدي لتخلوني
........
صعبه وثكيله عليه بالدار اعوفج وارحل
وانه سفرتي بعيده
متعود عليج انه ومتعوده انتي عليه
وللگلب انتي وريده
شمحلاها لو رحتي وياي والناس تنظر وتكول
شكد حلو الايد بأيده
بالسفر يا ضي عيني
تداريني وتخدميني
وحك الذي سمّاكم مكدر على فركاكم
والوحدي لتخلوني
.........
لو رحت اصبح بعدك بستان يابس غصنه
وتصور انت الحاله
راح ابني بيت احزاني واخذ ونيني ويايه ودمعي الي باقي وشاله
يعكوب بويه حسبني وجن يوسف انه حسبتك
غايب وعاش اباله
اسنين القحط تلفيني
من تروح يا ضي عيني
بدموعي راح اتناكم مكدر على فركاكم
والوحدي لتخلوني
......
وصيتي الج سمعيها لو ما رجعت عليكم
ولو خطر صاب حسينج
دمعتج لتنزليها عينج تعب زاكيها
ماريد ازيد ونينج
مكتوب هذا علينه نتفارك انه وانتي
وبفراكي الله يعينج
وداعج الي خلاني
اضعف بشر بزماني
بيوم الحشر الكاكم مكدر على فركاكم
......
لخادم اهل البيت عليهم السلام
الشاعر مصطفى البلداوي
حسين المدرسة وجوب نقدسه
خل نفسّر دروسه وشنو الي اسسه
.......
الدرس الاول افهمه وانت تدخل مأتمه
بثوب الاسود
تسجلك امه تره يم حبيب بدفتره
الله يشهد
من توسمه الصدرك وتهل دمعتك
صدكني ام حسين تشكر حضرتك
وتحضرك فاطمة وعلي حامي الحمه
باللحد لو متت والجفن من تلسبه
.......
صرت شاطر باللطم وعشر اصابع تنبصم
فوك صدري
المنبر نحسبه امير يلم كل واحد فقير
كلنه ندري
وباللطم عالي هواي جبت المعدل
جا غير ابو السجاد لدروبي مشعل
يجيني بوحشتي ينور عتمتي
حسين روحي وحبيبي وهو الاتنفسه
.......
بلا حسين ابقه يتيم وبالحسين اصبح عظيم
وبالخدامه
لو مشه الخادم طريق نوره من وجهه بريق
وعالي هامه
والخدمه عدنه نكول اجمل تجاره
شتسوي يم حسين ماكو خساره
الي يخدم واللطم الي يقره والنظم
حسين صاحه يجي حته يخدم مجلسه
..........
حسين علمني السلام ابقه جن طير الحمام
بلا اذيه
مثله كون انه اصير بحكي اكثر من امير
بكل قضيه
علمني انه حسين الي ينظر بعين
اتكرم انه عليه وانظرله بثنين
وابَشره بحاجته واعيشه بفرحته
ومن بحر همه انقله لراضي اليابسه
......
حسين مدرسة الوفاء والمثال بكربلاء
شوف الانصار
والله لو جنه معاه نثور جن روج المياه
بهمه واصرار
منخلي اخته تروح للشام اسيره
و ننجن اذا شفناه طايح بحيره
شنو السبعين الف نطالب بالضعف
كل شخص بينه بالطف يصرين عابسه
..........
وحك سيد الاوصياء للابد باقي العزاء
ما نعوفه
نظره يا ابن الحسن عاين لهذا الوطن
و الضروفه
كثرت اعداه هواي وضل هو وحده
وغيرك يبو الكلفات ما اضن عنده
يتاني طلعتك يريد مروتك
اظهر اظهر جفوفك يريد يلامسه
........
لخادم اهل البيت عليهم السلام
الشاعر مصطفى البلداوي
لا هلا بجيتك يا هلال الحزن
انت جيت وانه كلبي ضل بس يون
.......
انت اجيت وانه دمعي نهر يجري
ادري شنهو الراح يجري بحالي ادري
تبتدي اول مصيبة الضعن يسري
وتنتهي يهلال من يطيح خدري
وين اروحن لون ليلي لمن يجن
انت اجيت وانه كلبي ضل بس يون
.......
خل اسولف يا هلال امن البدايه
من بده حسين و يقدمهم ضحايه
قدم اصحابه واخوته والحمايه
من اجل دين النبي وستر العبايه
صعبه يبقه الورد من يموت الغصن
انت اجيت وانه كلبي ضل بس يون
.......
من لمحتك جاي و مبيّن ضيائك
انحنه ظهري اشد من انحنائك
شلون تطلع انت هيج بكبريائك
ما تهل كل ضني معروف بولائك
ونّي من اطلعت صار اعذب لحن
انت اجيت وانه كلبي ضل بس يون
.......
اه يهلال المحرّم مو محرّم
يحاربونه واحنه بيت النبي الاعظم
منين ما احسبها اشوفنهه مترهم
من عسه بلا نور تبقه وتبقه اضلم
من اعاين الك يبجي جرح المتن
انت اجيت وانه كلبي ضل بس يون
........
هيه لو بس الطفوف وهاي هيه
لاجن انه رحلتي لقصور اميه
شلون لو نادوني باجر يا سبيه
صعبه امشي والحبل كطع اديه
والتراجي غدا تنجر من الاذن
انت اجيت وانه كلبي ضل بس يون
.............
روح يهلال انه ما اريدك تجيني
اه يالشوفتك تاخذ كل بنيني
هسه اميره مخدرة ومدلليني
بس بعد ساعات دم تنزف اديني
هواي من جيتك كلبي ما مطمئن
انت اجيت وانه كلبي ضل بس يون
.........
لخادم اهل البيت عليهم السلام
الشاعر مصطفى البلداوي
السلام عليكم احبتي خدمة الامام الحسين عليه السلام
اود اعلامكم انه سيتم نشر ما تيسر من تحضيرات قصائد لشهر محرم الحرام في الايام القليلة المقبلة
سائلاً الله سبحانه وتعالى ان يتقبل منا ومنكم صالح الأعمال
و لا تنسونا من خالص دعائكم .
#مصطفى_البلداوي
الوداع الوداع يا حبيبي علي
.......
شلون گلبه نطاه من طبر الهامه
وانت يا مولاي منبع للامامه
يوم اسود صار بعيون اليتامه
هاليتمه الليل بعدك ما تنامه
كل صبح كل مسه صوتها يعتلي
........
لو تشوف بنيتك بيا حال صارت
مثل حيرتها ابد ما وحده حارت
راسها لمن رحت بالترب وارت
لو رحت احسبها لرض الشام سارت
ضلت تناشدك منهو بعدك الي
........
صار فوك السمة جبرائيل رادود
ينعه ظل حامي الحميه وصاحب الزود
طاح امير المؤمنين وبعد ميعود
راح يالي جان بأسمه الدين مشدود
طبّرو هامته لله هو ولي
......
عگب عينك صارت الدنيه مريبه
من مصيبه نطلع نطب بمصيبه
الجانت بحضنك وطن صارت غريبه
ودّع الضحكه اليتيم وحل نحيبه
كل محب سيدي بهالزمن مبتلي
.........
تحزمت كل الخدم هاي المسيه
بالمجالس تندب لهاي الرزيه
ضلت تناديك يا خير البريه
اه واويلاه يا حامي الحميه
بلطمي يا سيدي يرتعب عاذلي
........
عن يقين احجيها انه وعن درايه
المهدي حاظر مجلسك وبأيده رايه
يحظر اول واحد ومن البدايه
و ما يغادر مأتمك لا للنهايه
وهو لجلك صبح دمعه يغلي غلي
.......
الشاعر مصطفى البلداوي
عزّب دمعي بوسط اجفوني
لمن طبرو نور عيوني
بمحرابه انصاب الكرار شلون اتقبل هذا الصار
نور عيوني نور عيوني
............
لمن سمعت انه الخبر وكالو علي راسه نطبر
ذبلت بسمتي
لا بيّه امشي و اوصله ولا يمي واحد واسأله
بكيت بحسرتي
الوب بحسرتي ردت بس اشوفه
عُمُر اهدي للي يكلي بضروفه
شفت من بعيد يشيلونه
وشفت الدم مغطي عيونه
يا ويلي من طب للدار شلون اتقبل هذا الصار
نور عيوني نور عيوني
.......
يا ويلي راسه من شفت تمنيت مو عدله متت
ولا شاهديته
مضروب ويصب الدمه ناديت وينج فاطمه
مخضب لكيته
يزهراء اشوفه يأشر عليه
كأنه يكلي رحيلي المسيه
نظراته هواي تأذيني
بدونه شلون انه اكضي سنيني
حسره بكلبي توج بنار شلون اتقبل هذا الصار
نور عيوني نور عيوني
..........
ممصدكه هذا علي انظرله وعيوني تهلي
اه شمصيبه
الجفه قلع باب الكفر والقاده من عنده تفر
ون بنجيبه
لي رد الشمس كونه يبقه وميرحل
لان لو رحل يعني همي عليّ حل
يا اغلى حته من انفاسي
جنت بزودك ارفع راسي
عالباب اتانيك صغار شلون اتقبل هذا الصار
نور عيوني نور عيوني
.......
الزيد ونيني من اجو كل اليتامه من بجو
اللبن بأديهم
كالولي يا عمه اللبن يشفي ويهونله المحن
وعبره بحجيهم
دعاين عليهم اجوك اليتامه
مثل حالي وجه زماني سهامه
يا شمعة تضويلي دروبي
بس لو اعرف شنهو ذنوبي
مني الدنيه تريد الثار شلون اتقبل هذا الصار
نور عيوني نور عيوني
.......
يمه يون شفت الحسن وحسين احزانه وطن
وعباس اخويه
تجدح عيونه من الغضب ينتقم راد من الضرب
حيدر ابويه
وحك امي عباس لون عافه حيدر
لبن ملجم ايجيبه ذابحله منحر
لمن يغضب خويه الكافل
جنه الموت وحل عالباطل
يسمونه ابو راس الحار شلون اتقبل هذا الصار
نور عيوني نور عيوني
......
مودّع يبويه وهيبتي الله من امصيبتي
ويلي من المها
بُعدك صبح نار الغضه وحزني الك لاح الفضه
اه شعضمها
لمن راحت امي بدت نايباتي
تمنيت انه الي لفتني وفاتي
ولا شوفك طايح يالغالي
يتدمر من بعدك حالي
مودع يا حمّاي الجار شلون اتقبل هذا الصار
نور عيوني نور عيوني
..............
الشاعر مصطفى البلداوي
