قصيدة بحق الامام زين العابدين عليه السلام على لحن الرادود الحسيني كرار ابو غنيم (يمه تنحل )
*
آنه الشفت يا ناس ذبح ابويه
اذاني والعباس ذبح ابويه
شتحمل شجم اه واويلي واويلاه
ذبح ابويه ذبح ابويه
***
زين العابدين آنه الخلص عمري
بين العلّه وابين الكسر ظهري
ابويه اللي هدم حيلي وذبح فجري
شصبر يا خلك وآنه نجتل صبري
من وكع شفت شلون انحز وريده
الجان اليّه عون انحز وريده
ياما بقيت انعاه واويلي واويلاه
ذبح ابويه ذبح ابويه
*
لا حيل اليعين ولا كدرت افزع
ولا خلتني زينب للحرب اطلع
بگيت انظر ابويه حسين يتكطع
وضلوعه تكسّرها الخيول اسمع
شكدر اسويله وانه معلول
دم صرت ابجيله وانه معلول
حتى العرش بجّاه واويلي واويلاه
ذبح ابويه ذبح ابويه
*
والايتام صارت كلها يمي تعود
وتكلي يعمنه وين راعي الجود
هالايام مو بيضه علينه سود
منريد الايادي تنجتف بكيود
غيرك ينور العين ياهو النه
من بعد ابونه حسين ياهو النه
نصرخ وحق الله واويلي واويلاه
ذبح ابويه ذبح ابويه
*
لن اجيوش اجتي تحرك الخيمه
ومن كثر العدد صارو مثل غيمه
والاطفال شردت كلها بالهيمه
ما ضلي ولا فزّاع بي شيمه
احتركت خيام الدين وانه انضر
انطي الوجه لا وين وانه انضر
وگلبي الهضم صاباه واويلي واويلاه
ذبح ابويه ذبح ابويه
*
متعجب عيال احسين أُسره تروح
ومتعجب الكافل عالنهر مطروح
وعبد الله الرضيع من النحر مذبوح
والانصار كلها ضلت بلا روح
وعالرمح نور العين راسه مرفوع
ودمعاتي عالخدين راسه مرفوع
ابن الدعي علاه واويلي واويلاه
ذبح ابويه ذبح ابويه
****
وللشام اعله نوك مهزّله اخذونه
واهل الشام فرحانين لاكونه
والقصر اللعين الطاغي ودونه
دخلنه والمصيبه بكلبي مدفونه
ما راحت من البال هالمصيبه
يلجم حجي الينكال هالمصيبه
كلب العرش دماه واويلي واويلاه
ذبح ابويه ذبح ابويه
*
لخادم اهل البيت عليهم السلام
الشاعر مصطفى رابح البلداوي
الرادود الحسيني حيدر عيدان البلداوي
Читать полностью…
*🚩 الزيارة بالانابة*
*إلى جميع من يرغب في زيارة الإمام الحسين (عليه السلام)*
*الدخول عبر الرابط أدناه للزيارة بالإنابة*👇
https://imamhussain.org/arabic/message
موشح للقاسم ابن الحسن (ع)
**
شفت جسامي يلوج بحيرته
صد عليه وكلشي كالت نضرته
**
صد عليه وعينه متروسه بدمع
كتله يا جسامي خبرني الوضع
لا تخلي گلب امك منفجع
وانه اعرف ليش نزلت دمعته
*
دمعته نزلت لان شاف الحسين
بحيره واجف والقدر واضح الوين
الدمع من جسامي جنه صار عين
نِعم من ابني ونِعم من غِيرته
*
مرني واني بخيمتي وصاح ونده
يمه عمي تطلبه سيوف العده
لحضه ابني من اجاني ما هده
لعمي جاهز صاح انه لنصرته
*
صاح لبسيني ييمه لامتي
خلي عمي حسين ينضر كشختي
ومثل ابوي الحسن ارفع هامتي
من اكر للجيش وانه ابلامته
**
انصره يا يمه هاذي امنيتي
وافدي بالحومه بفخر برويحتي
ضمي من هسه ييمه حنتي
وحضريلي الجفن حانت ساعته
*
راح اذكرك من تمر زفة شباب
وراح اطش الياس واهديلك ثواب
يمن جفنك ذاري يوليدي التراب
يا عزيز الحسن انت وكشخته
**
بالمعاره لو طحت انه افتخر
راح اكولن انه وفيت النذر
وارفع الهامه وعلي بيوم الحشر
وفاطمه تكلي هلا بالربته
****
تعجبت من شفته بالحومه وعلي
ينادي ضل القاده خل تقرب الي
وانه من خيمتي ودموعي تهلي
خايفه والله آنه بروحته
****
لخادم اهل البيت عليهم السلام
الشاعر مصطفى رابح البلداوي
١ ذو الحجة ١٤٤٤ هجرية
٢٠_٦_٢٠٢٣ ميلادية
الثلاثاء
موشح لسيدتي ومولاتي زينب عليها السلام
*****
انه زينب يا بو فاضل وينك
ترضه يسبوني وتشوف بعينك
*****
ليش ضليت انت نايم عالثره
وانت شفت بزينبك كل الجره
لا تكلي ارجو منج معذره
يمته حال العذر بيني وبينك
*****
يا بو فاضل صرت اصيح بعالي صوت
وانت ساكت يلي طبعك مو سكوت
ريت وياك انه يا خويه اموت
ما اريد اسنيني دون اسنينك
*****
تذكر انت من اجيت عله الحرم
وكتلي راجعلج وبيديه العلم
هسه يا عباس حركوها الخيم
ولا شفت لا يسرتك ليمينك
*****
انه جنت مخدرة حيدر علي
وجنت اميره بزود خواني وهلي
هسه بالطف ما بقه واحد الي
وحتى انت عله الثره موذرينك
*****
من على التل اصرخت عباس كوم
بعيني شفت احسينك مسلب الهدوم
والشمر فوكه يبو الغيره يحوم
اه يا لوعة مصاب حسينك
****
دخلوني المجلس مجتفه بحبل
وعالمتن بالسوط يضربني النذل
رادو يذلوني ما عدهم عقل
كلهم نذلو وحق ايدينك
****
لخادم اهل البيت عليهم السلام
الشاعر مصطفى رابح البلداوي
قصيدة لسيدي ومولاي الامام السيد محمد ابن الامام علي الهادي (ع) على لحن غريب الدار للرادود الحسيني علي يوسف البلداوي
من وصلت الاخبار للعسكري اليوم
ناده بحنين الصوت خويه يمسموم
كسرت ظهري وحك صبري
خويه يمسموم
****
عاشكني يا خويه الحزن ما يكدر يفاركني
وكل لحضه جن ليّه يمر وبشغف يتفكدني
بس يا عزيز المصطفى هالمره راد يهدني
وجاب الي طارش من بعد وبموتك يعذبني
سبع الدجيل يكول بفراشه مطروح
يالعسكري ووحيد لازم اله تروح
لطمت صدري وحك صبري
خويه يمسموم
***
والعسكري طول الدرب ضلت دمعته عله الخد
وينادي يا حيف السبع لو شفته ما يمه احد
انه الاشد بيه الظهر لو راح كلي انه انهد
وبكليبي يتركلي جرح والكلب ما تتضمد
يتركني بين الاه والدمعه والنوح
لو شفته انه هناك عالغبره مطروح
صعب امري وحك صبري
خويه يمسموم
****
لمن وصل يم السبع رأسن لطم صدره وكال
يا خويه لا ما حسبت الكاك انه بهذا الحال
من شفتك بهذا الوضع دم الدمع مني سال
وكلشي انتهى بيّه وعلي وحيلي صبح جنه خيال
ناحت الدنيا وياي يا اغلى الاحباب
يا اغلى من الروح ما اطيق الغياب
بدمع يجري وحك صبري
خويه يمسموم
****
تمنيت يحزام الظهر نتبادل احنه الادوار
واصبح انه الي منطرح وبكليبي كون السم سار
واتألم وحيل انوجع ولا شوفن ابن الكرار
ممدود عالغبره انضره وشنهو الاسويه محتار
ترخص الك هالروح بس سالم تكون
وحق جدك المختار وضعك فلا يهون
صعب ادري وحك صبري
خويه يمسموم
***
مودع يمن تارك الي من عنده بس الذكره
بفركتك انه ادري الكلب بس الونين يصبره
من نوحي احس هذا الدمع ما بقت منه الكطره
وكلش صعب جفي لون يدفنله ابن الزهره
شيصير اذا ضليت انت بمكانك
وانه الاموت ولا يموتن حنانك
فده عمري وحك صبري
خويه يمسموم
***
راح ابقى كل ليله بألم اتذكر ايامي وياك
يامن سكنت انت الكلب لا مستحيل انه انساك
يمرني الاجل ردته الي يبن الزجيه من لفاك
ماريد اضل طول العمر عايش يخويه بلياك
راح انصب بكل يوم لجلك عزيه
وراح ابقى انوح عليك صبح ومسيه
بمدد دهري وحك صبري
خويه يمسموم
****
لخادم اهل البيت عليهم السلام
الشاعر مصطفى رابح البلداوي
٢٢ ربيع الآخر ١٤٤٤ هجرية
١٨_١١_٢٠٢٢ الجمعة
قصيدة للامام الحسن العسكري عليه السلام عن لسان حال ابنه الامام الحجة(عج) على لحن ( بالحلم بالحلم ) للرادود عباس الدراجي
***
يالحسن يالحسن ضل الكلب دامي
من رحت بالغدر عشت اصعب ايامي
انت جنت النده وهسه اصبحت ضامي
وآنه التيتمت وآنه التيتمت
........
بحيره ضليت يمن ضليت
ابعباتك يا امامي وسيدي وكل منايه
جنت بالطيف لجن يا حيف
هذا حلم ومو حقيقه ونتهت هالروايه
المهدي انه الحجه اسمي
سمك انت ريته سمي
بويه الغالي وكل امالي ونجمي العالي ونور العين
احجي ويايه بس حجايه يا عينايه رايح وين
بسفرتي بسفرتي ردتك تصبرني
ما ردت روحتك بويه وتحيرني
اه يبعد الابو لمن يهاجرني
وآنه التيتمت وآنه التيتمت
........
شعدهم وياك تسمك عداك
سمموك وكلها تدري انت ابن الزجيه
اه يمسموم اه يمظلوم
من بني العباس اويلي شكد تحملت اذيه
هوايه صعبه عالامامه
خركه كالو عالعمامه
يابو محمد كلبي توگد الله اليشهد يا رجواي
شمعة بيتي وكل حنيتي انه امنيتي تضل وياي
من طحت من طحت طاحت تره احلامي
ومن اجيتك انه تتعثر اجدامي
روحتك يالسند هيه اكبر الآمي
وآنه التيتمت وآنه التيتمت
......
اه يالمصاب جوه التراب
بيدي هاي انه دفنتك جن دفنت انه عمري
بحيرتي بكيت موحش البيت
شلون ادخله وانت ماكو والله حيرني امري
يا فجيعه ويا هضيمه
شجم يتيم وجم يتيمه
تريدك يمها وحيل تضمها متألمها ونبقه انوح
الكون لحالي دم بجالي اه يالغالي لا لتروح
من هنا يبتدي اكبر الم بيّه
ودفتر البسمه آنه شطبته بيديه
ولوّح الهم الي وكرّب تره ضيه
وانه التيتمت وآنه التيتمت
........
يالحسن كوم مثل كل يوم
اشرق لابنك حبيبك يلي احلى من الصبح
بويه والليل يهدّم الحيل
انت لو مو يمي احسه هوايه يذبحني ذبح
وبونيني وبنحيبي
انعه حالك يا حبيبي
لا تجويني وتخليني اكضي سنيني ميت الذات
وحك ميمونك ولون عيونك لحضه بدونك ياس ومات
يا كمر دنيتي تضويلي عتماتي
يا عطر شتلتي ويا احلى ورداتي
انت رحت وانه بلشت معاناتي
وانه التيتمت وانه التيتمت
.......
شي ممعقول والله مذهول
بسرعه فاركت انه جنتي وما ترد ليه ثاني
اه جم اه كلت والله
مودع بالله ورسوله هوايه هجرك فناني
انت رايح وانه غايب
لابد ارجع للنواصب
الا انهيها وما اخليها الموت ازكيها لو رديت
هاي وعودي وكل عهودي ويه جنودي اصرخ جيت
والظلم والكفر اكسرله جنحانه
والعدل والسلم ابنيله بناينه
وبذني اسمع حجي المهدي تره جانه
وانه التيتمت وانه التيتمت
..........
لخادم اهل البيت عليهم السلام
الشاعر مصطفى رابح البلداوي
٢٦_١٠_٢٠٢٠
قصيدة ولائية للخدمة
****
للخدمه اضحي عمري واسنيني
والزهراء بالمحشر تجازيني
***
هاي الخدمه حكي من افتخر بيها
ولو افدي حياتي ما اجازيها
مو عابر كلامي لمن احجيها
فوك النجم من اخدم تخليني
***
للمأتم اجي والكلب متشوق
المجلس من احضره يعني متوفق
ومن اطلع بدمعي هواي متأنق
بالون والطم والنوح لحسيني
***
نعمه الخدمه لا مو مثل اي نعمه
لان المنخدم يا ناس ابو اليمه
عطر المصطفى بالخدمه اشتمه
وللفردوس من اخدم يوديني
***
لو رايد شفاعه ومنزله جبيره
وبيوم القيامه ما تضل حيره
بس اخلص واغرف من بحر خيره
وكله سيدي رايد تگر عيني
***
من زغري نذرت ادموعي للعتره
واللطمه ربت ويايه عالفطره
ولو ناعي نعه ويا صرت اقره
وبس لحسين يحلى نوحي وونيني
**
رجه من حسين خادم كون يقبلني
ومن اخدمه بالمجلس يوفقني
يارب بالكبر رايد الي يمرني
ومن اهوال ذاك اليوم يحميني
**
لخادم اهل البيت عليهم السلام
الشاعر مصطفى رابح البلداوي
٣ صفر ١٤٤٤
قصيدة بحق القاسم ابن الحسن عليه السلام على لحن جعفر الصادق مسموم ( الرادود عبد الامير الاموي )
****
يوليدي يوليدي انه امك المهضومه
جانت لي اغلى الاحلام
احضر بزفتك جسام
انه امك المهضومه
****
لطولك نذرت اشجم نذر تالي الشمر
رايد يغير ارسومه
بالخيمه تانيت شكثر خيالك يمر
يمر لمك الملجومه
ردتك تجي واستقبلك انه وهلك
مو تنذبح بالحومه
بالزفه بالزفه احلم جنت بالزفه
يبني الحلم بس اوهام
احلم بزفتك جسام
انه امك المهضومه
****
من جيت اليه اعله الخيم كلبي عِلم
رايد تودع امك
حسبتك تروح لعرس مو ينحبس حلمي ويه طيحت عزمك
طشيت الك كل العمر وكل الصبر
حتى اشوفن حلمك
تاليها تاليها ترد منذبح تاليها
وجسمك امطرز بسهام
احلم بزفتك جسام
انه امك المهضومه
****
عاده اليسافر ماي اله تشمر هله
ومنين اجيب انه الماي
راح ابقه اسولف يالولد ويه المهد
الربيته وفّالي رباي
زفيتك آنه بالدمع و بلا ربع
هذا الي فاكس عيناي
حنه وياس حنه وياس حضرت الك حنه وياس
هو انت عمرك كم عام
احلم بزفتك جسام
انه امك المهضومه
****
راح ابني بيت من الحزن يبني واون
وما ضن مثل وني ونين
بعدك اروح اني لغرب ووضعي صعب
وبيه العده متشمتين
وتحترك بالنار الخيم تموت القيم
ويستشهد يوليدي حسين
والاصعب والاصعب لو تدري شنهو الاصعب
مسبيه امشي و للشام
احلم بزفتك جسام
انه امك المهضومه
*
اه يبني يالجنك نده شبيهه العده
جن ثار عدهم وياك
ما راعو دموعي ابد لا يالولد
معقوله اعيش ابلياك
همده الموت الي خذك وعني بعدك
جاني عساه ولا وجاك
ياخذني ياخذني ريته الي ياخذني
ولا بعد عينك انضام
احلم بزفتك جسام
انه امك المهضومه
****
يالعمرك بعمر الورد بلجن ترد
وتكلي موتك جذبه
حسبتك انه للكبر حيل وذخر
وتهدمت هالحسبه
رد لمك وعوف النهر ميت قهر
يفداك هو وعذبه
مل مني ما مني
يبني الدمع مل مني
راح ابقه بين الالام
احلم بزفتك جسام
****
لخادم اهل البيت عليهم السلام
الشاعر مصطفى رابح البلدواي
٢٠٢٢.٧.١٣
١٤٤٣. ١٣ ذو الحجة
الوداع الوداع يا حبيبي علي
.......
ابن ملجم لوّع اكلوب اليتامه
وانت يامولاي منبع للأمامه
اشلون كلبه انطاه من طبر الهامه
واليتامة الليل بعدك ماتنامه
كل صبح كل مسه صوتها يعتلي
........
لو تشوف بنيتك بيا حال صارت
مثل حيرتها ابد ما وحده حارت
رحت انت وهيه للأحزان سارت
جن مصايبها عليها كلها جارت
ضلت تناشدك منهو بعدك الي
........
صاح جبرائيل بس بصوت مهدود
طاح امير المؤمنين وبعد ميعود
لا تلوموني اذا انه البس السود
والطم ومن اللطم تسود الزنود
ريتها طبرته تتجه كون الي
.......
عگب عينك صارت الدنيه كئيبه
من مصيبه نطلع نطب بمصيبه
الجانت بزودك وطن صارت غريبه
ودّع الضحكه اليتيم وحل نحيبه
كل محب سيدي بهالزمن مبتلي
.........
تحزمت كل الخدم هاي المسيه
بالمجالس تندب لهاي الرزيه
ضلت تناديك يا بعل الزجيه
اه واويلاه يا حامي الحميه
بلطمي يا سيدي يرتعب عاذلي
........
عن يقين احجيها انه وعن درايه
المهدي حاظر مجلسك وبأيده رايه
يحظر اول واحد ومن البدايه
و ما يغادر مأتمك لا للنهايه
وهو لجلك صبح دمعه يغلي غلي
.......
لخادم اهل البيت عليهم السلام
الشاعر مصطفى رابح البلداوي
زينب أنه بنيتك ادري
ما تردني وتشفي صدري
يا املنه ارجعلنه
يا علي مل مني صبري
...........
انه ام المصايب والثكل حزني
عني من رحت خيّم عليّ ونّي
شسولفلك يحيدر من رحت عنّي
المصاب بغيبتك يابالحسن هدني
بنوحي ضليت وعذابي واخوتي تشارك مصابي
ومن مثلنه ارجعلنه
يا علي مل مني صبري
............
والايتام اويلي من تمر للدار
ملتمين يم بابك صغار اكبار
يكلولي انشدج عن علي الكرار
احتار شأجاوب والكلب بي نار
هاليتامه تكلي وينه ردنه بس يحظر علِينه
يلمنه كلنه ارجعلنه
يا علي مل مني صبري
............
كلتلهم ابويه المرتضى مغدور
راح الجان خيمه وحامي النه وسور
ريت انه الذي بداله سكنت اكبور
عجيبه باللحد يندفن اعظم نور
لطمو الهامه بأديهم لحضه ما بطل بجيهم
وعز اهلنا ارجعلنه
ياعلي مل مني صبري
..........
شعنده وياك ابن ملجم لمن صابك
بجاني وفجعني ولوّع احبابك
تمنيت الاجل ليه ولا غيابك
يبويه ولا اشوفن خالي محرابك
اه ينيران المصيبه تشتعل بيه و لهيبه
وانت ضلنه ارجعلنه
يا علي مل مني صبري
..........
الحسن وحسين بس لو شاهدت همهم
يبويه وحك محمد ما بطل ونهم
تمنو بس تجي يا والدي يمهم
بحنيتك يحيدر ترجع تلمهم
بالبواجي يا ولينه شكم فجر مل من بجينه
وصبحه ذلنه ارجعلنه
يا علي مل مني صبري
...........
رحت يا بويه مني يالجنت دنياي
يا اجمل حلم ريتك بكيت وياي
جنت متنومسه بفيك يبعد افياي
تهت بعدك يزودي و ما بكالي راي
انه وايتامك يغالي بفكدك اسهرنه الليالي
منهو النه ارجعلنه
يا علي مل مني صبري
.........
لخادم اهل البيت عليهم السلام
الشاعر مصطفى رابح البلداوي
قصائد بمناسبة استشهاد الإمام علي عليه السلام
Читать полностью…
موشح لسيدتي ومولاتي زينب عليها السلام
*
انه زينب يا بو فاضل وينك
ترضه يسبوني وتشوف بعينك
*
ليش ضليت انت نايم عالثره
وانت شفت بزينبك كل الجره
لا تكلي ارجو منج معذره
يمته حال العذر بيني وبينك
*
يا بو فاضل صرت اصيح بعالي صوت
وانت ساكت يلي طبعك مو سكوت
ريت وياك انه يا خويه اموت
ما اريد اسنيني دون اسنينك
*
تذكر انت من اجيت عله الحرم
وكتلي راجعلج وبيديه العلم
هسه يا عباس حركوها الخيم
ولا شفت لا يسرتك ليمينك
*
انه جنت مخدرة حيدر علي
وجنت اميره بزود خواني وهلي
هسه بالطف ما بقه واحد الي
وحتى انت عله الثره موذرينك
*
من على التل اصرخت عباس كوم
بعيني شفت احسينك بلايه هدوم
والشمر فوكه يبو الغيره يحوم
اه يا لوعة مصاب حسينك
*
دخلوني المجلس مجتفه بحبل
وعالمتن بالسوط يضربني النذل
رادو يذلوني ما عدهم عقل
كلهم نذلو وحق ايدينك
*
لخادم اهل البيت عليهم السلام
الشاعر مصطفى البلداوي
ابوذيه لسيدتي ومولاتي زينب عليها السلام
Читать полностью…
من اجه ناعي المدينه الصوبنه
فجأه صاب الحزن حته كلوبنه
لمن اجه بشر بحزن
كل واحد يسمعه يون
الصوبنه الصوبنه
...........
من قرب بشر بن حذلم حافيه طلعت بعجل
عرفت عنده اخبار من احبابنه وكلبي نوجل
كتله يا ناعي المدينه شعندك اخبار الاهل
نشد عني وكال منهو هاذي هالمرأه وسأل
عرف انه ام البنين الناطيه
للحسين اربع جبال وفاديه
عالاربعه اسئل يضن كل واحد يسمعه يون
.........
عاينت عالناعي اشوفه منخطف لونه وشحيب
ويرجف ارجوف انه احسه والامر كلش عصيب
كتله يا شاعر دكلي عن امر ابني الغريب
صاح يا ربي اعني والله هالموقف عجيب
ريت ما طبيت انه ونعيتها
للمدينه وللمره ملكيتها
ولا ناشدت عن الابن كل واحد يسمعه يون
.................
كتله يا ناعي احلفك بالعزيز بكربله
حجيلي عن ابني الحسين حجيلي عن العايله
كلي انه راح اخبرج والخبر متحمله
عظم الله اجرج يحره كل بنينج عالفله
وكعت وكالت فده لحسيني
المهم يرجعلي وينور عيني
لشوفت اوليدي شكد احن كل واحد يسمعه يون
............
حجيلي يا ناعي اعله ابني شصار بي برض الطفوف
عيني ما شافت بنيني خلي ابن حيدر تشوف
كلها يا فاطم احسينج جثته حاطتها الالوف
وراسه من فوك الرماح معلك ويقراء حروف
اه واويلي على حسين الغريب
بقه لا خنصر اله وعاري وسليب
ولسه اسمعه من يأن كل واحد يسمعه يون
...............
آخ من ناحت ولطمت وايدها شالت ترب
نثرته اعله الراس انظر والله هالموقف صعب
وراحت لزينب تعزي وتعثر ابطول الدرب
عاشت ام عباس حاله تكطع انياط الكلب
دموم موش ادموع هلت فاطمه
وبجت اعيون العرش ويه السمه
وحركت مدامعها الجفن كل واحد يسمعه يون
..............
كصدت ام عباس زينب تبجي وتنوح وتصيح
عظم الله اجرج يحره اه ويلي اعله الذبيح
راحت تنوح بألمها تركض وما تستريح
وصلت بلوعة حزنها كوه والمدمع يطيح
فتحو هذا الباب انه ام البنين
جيت اعزي زينب بفكد الحسين
ورحبت بيهه ام الحزن كل واحد يسمعه يون
................
لخادم اهل البيت عليهم السلام
مصطفى البلداوي
قصيدة لسان حال السيدة ليلى ام الاكبر (ع) على لحن الرادود محمد الجنامي (يمحمد شعتبنك)
********
اسولف يا خلك وانه ام الاكبر الغالي
احجي عن سفرنه الطال سوالف ضلت ابالي
***
من بعد السفر البعيد وصلنا ولمن وصلنه
لرض الطف هذاك اليوم وحسين اللي يجمعنه
لن اجيوش بالالف والالاف متهمنه
عدنه من بني هاشم الواحد يسوه الف والي
***
ومن بعد الكلام الدار بين حسين والظلام
تقرر حرب راح يصير وبهالحرب ما ننلام
كالو ظهر هذا اليوم الكم ما تضل اخيام
والنسوه نخليهن اصوات صراخهن عالي
****
صحت بصوت يالاكبر ترضاها يضي عيني
كل هاي الزلم يبني تريد ابدم تبجيني
صاح بصوت اضحي اليوم بكل ايامي وسنيني
انه امي سبيه تصير ما اقبلها بخيالي
*****
طر مثل الكمر ابني وصار ايحارب بكيفه
نص الجش مات ابخوف بس لمن سحب سيفه
ملك الموت جن نازل ومنهم ياخذ بحيفه
من شفتك يضي عيني صرت اتفاخر بحالي
**
كالو من برز لينه حيدر لو ابو فاضل
ويرفض ليش كل الجيش ما يرضه اله يقاتل
صاح ابصوت ياهالجيش سيفي اليوم متفائل
يا قاده جيوش ابليس وينه اليوكف كبالي
**
جن لمح البصر سيفه يخطف روس عدوانه
وجن حيدر علي النازل ابن امه اليوكف امجانه
وكلمن حارب الاكبر أحسبنه فعل كانه
من الاول بده ابني وناوي يصفي للتالي
**
برز بكر ابن غانم راد بقوته يرهب الاكبر
بس اوليدي ابن حيدر هذاك العالعده من كر
تقدمله بكلب ميهاب وحارب قائد اهل الشر
ومرني اعله الخيم ابني وراس الظالم اهدالي
**
لخادم اهل البيت عليهم السلام
الشاعر مصطفى رابح البلداوي
١٤_٦_٢٠٢٤
٧ ذو الحجة ١٤٤٥
اذا همك جبل ومسهرك الليل
وتهت بدموع عينك وين تبجيها
انخه ام البطل والحيد عباس
ام اربع بنين الكل تسميها
واذا صبرك طفح ومشوفك الويل
حاير لا تضل هيه اللي تكضيها
*
لخادم اهل البيت عليهم السلام
الشاعر مصطفى رابح البلداوي
قصيدة على لحن يا صبرنا ابتعد التي قرأها الرادود الحاج باسم الكربلائي وتقرأ في يوم العاشر من شهر محرم
**
انه ناصر ردت يجي يفزع الي
والله ظهري نكسر من وكع كافلي
*
من وكع صرت اركض ودمعي عله خدي
بيش اقابل جيش اميه وانه وحدي
صحت يا عباس بعدك ياهو عندي
وبعد عينك جم مصيبه بيه تحدي
الاخو حيل وسند والبقه من هلي
والله ظهري نكسر من وكع كافلي
**
بعيني شفت السهم نزلت منه دمعه
صرت اخاف السهم من عينه اطلعه
اه من هالموقف الكلبي يكطعه
وانه اشوفه تذوب روحه جنه شمعه
والكسر خاطري من شمت عاذلي
والله ظهري نكسر من وكع كافلي
**
من رجعت الخيمته كالت سكينه
بويه انشدك ابو فاضل عمي وينه
جاوبتها بعد لا متشاهدينه
لان عفته عله النهر ومكطعينه
صرخت ونادته اه يابن علي
والله ضهري انكسر من وكع كافلي
*
لنه صوت الشمر باذاني اسمعه
عالحسين نغير كل احنه ونكطعه
نحز نحره نسلبه ونكطع اصبعه
وانه وحدي وما بقالي الي افزعه
عليه هم السده بيا دمع ينجلي
والله ظهري نكسر من وكع كافلي
*
وانه من اسمعته احس الگلب شيّب
وصرت افكر بعد عيني شلون زينب
ساعه والنيران بالخيمات تلهب
من بعد ما موت والجسم ايتسلب
كبل نار الخيم بناري صرت اسطلي
والله ظهري نكسر من وكع كافلي
**
خاطبت اعدائي والدمعه بعيوني
ايها القومُ على ما تقتلوني
ابن بنت النبي الهادي تعرفوني
يا ذنب سويت وانتو تحاربوني
من الله انه الوصي والولي ابن الولي
والله ظهري نكسر من وكع كافلي
***
لخادم اهل البيت عليهم السلام
الشاعر مصطفى رابح البلداوي
٢٣ ذو الحجة ١٤٤٥ هجرية
١١_٧_٢٠٢٣ الثلاثاء
قصيدة هلالية
****
غصباً عليه اعتليت والله بالكوه اجيت
من عسني ما لفيت يا زينب يازينب
****
جانت امنيتي يزينب لا ما اطلع
ولا اشوف عيون زينب بيها مدمع
ادري دلال العقيله بجيتي يفزع
جي اذكرها بأخوها الي تكطع
شكثر صعبه جيتي وين اروح بحيرتي
والله بلوه بلوتي يا زينب يا زينب
****
بجيتي ادري انه اذكرج يالعقيله
بالسبي ومن صعدوج اعله الهزيله
مو قليله عليه هاذي مو قليله
والله يا زينب عليه شكد ثجيله
والسلاسل والحبال وابو فاضل والعيال
ومن صعدتي عله الجمال يا زينب يا زينب
****
بلا خدر يم الخدر من جنتي تمشين
بعشره من عاشور من الفوج سبعين
الج كصدو وانتي وحدج مالج معين
بالونين اصرختي انهض خويه يحسين
يرد عليج بلهفته الشمر هو وزمرته
دمرتني نضرته يا زينب يا زينب
****
يا ضوه الينقاس بيج وانتي نبراس
وانتي اخت حسين واخت البطل عباس
بس حسافه مشيتي مسبيه ويه الرجاس
يلي ضلج امنيه بس تلمحه الناس
مشيتي مجتوفه بحبل ويسألج صار النذل
وينه اخوج ابا الفضل يا زينب
****
هاي كلها تهون بس الي فلا اهون
من دخلتي بمجلس الطاغي ويكولون
هاي زينب يلي ما لمحتها العيون
وين ابو فضل يعيروج وينشدون
صحتي يا راعي اللوه الصوت بمتوني انلوه
بهالوضع كلبي نجوه يا زينب يازينب
****
الماي لو جابه الج عباسج يزينب
جان ما صار السبي ولا خيم تلهب
وحتى جيش الشمر وضعه هواي يصعب
يتعب الجيش وابو فاضل ميتعب
هذا سبع الكنطره شمرته من حيدره
اسد يوم الزمجره يا زينب يا زينب
****
لخادم اهل البيت عليهم السلام
الشاعر مصطفى رابح البلداوي
٦ ذو القعدة ١٤٤٤
٢٥_٥_٢٠٢٣ الخميس
ابوذيات للسيدة زينب سلام الله عليها
.....................
حسافة بت علي طبت مجالس
زلم والراس عن جسمك مجالس
انه الجنت غير اهلي مجالس
وسفه وجالست ابن الدعيه
****
السياط تشيل من المتن لحماي
لمن صرت آنه لا لي اخو لحماي
يخي عباس جفك شفت لحماي
لا جاني و لا جيت انت ليّه
.......
بعيني حسين شفته انذبح يماه
بونيني صرت اجر الاه يماه
ركضت للحومة لن الشمر يماه
يحز الراس ويعاين عليه
.......
الشاعر مصطفى رابح البلداوي
موشح للامام الحسن العسكري عليه السلام
......
اه يا يوم الحسن ومصابه
خله لوعه بنص دليل احبابه
****
يا حسافه العسكري بالسم گضه
وصل ونّه من الالم سابع فَضه
بالغدر طايح حفيد المرتضه
اه والسم چبد امامي ذابه
****
اليوم كل موكب يشد الرايه
بأرض سامره يدك الثايه
حيهم ينادي عله المشايه
رحّبو ودموعهم سجابه
****
عن يقين احجيهه انه ومعتقد
المهدي يم مجلسنه بالحسره كعد
يسجل اسم اللي يجددله العهد
وناره تسعر بالگلب لهّابه
****
وفاطمة الزهره انصبت يمه العزاء
وصار جبرائيل رادود السماء
ولطمت الاملاك ويه اهل الولاء
صار ابن الهادي جوه ترابه
****
اه يمصاب الحسن طر الگلب
خله كل عين الامامه تضل تصب
فراگه عالشيعي يهالوادم صعب
ما الومه لو يشك جلبابه
****
اليوم الله يساعده لابن الحسن
حاير بالالامه يلي اتهيجن
وهسه ابوه العسكري زاد المحن
وبقه المهدي بين ناس اذيابه
****
لخادم اهل البيت عليهم السلام
الشاعر مصطفى رابح البلداوي
صورة عز وفخر تجمعني مع العالم المجتهد السيد محسن القزويني اطال الله في عمره الشريف
Читать полностью…
موشح لسيدتي ومولاتي زينب عليها السلام
.......
انه زينب يا بو فاضل وينك
ترضه يسبوني وتشوف بعينك
****
ليش ضليت انت نايم عالثره
وانت شفت بزينبك كل الجره
لا تكلي ارجو منج معذره
يمته حال العذر بيني وبينك
****
يا بو فاضل صرت اصيح بعالي صوت
وانت ساكت يلي طبعك مو سكوت
ريت وياك انه يا خويه اموت
ما اريد اسنيني دون اسنينك
****
تذكر انت من اجيت اعله الحرم
وكتلي راجعلج وبيديه العلم
هسه يا عباس حرگوها الخيم
ولا شفت لا يسرتك ليمينك
****
انه جنت مخدرة حيدر علي
وجنت اميره بزود خواني وهلي
هسه بالطف ما بقه واحد الي
وحتى انت عله الثره موذرينك
****
من على التل اصرخت عباس گوم
بعيني شفت احسينك بلايه هدوم
والشمر فوكه يبو الغيره يحوم
اه يا لوعة مصاب احسينك
****
دخّلوني المجلس مجتفه بحبل
وعالمتن بالسوط يضربني النذل
رادو يذلّوني ما عدهم عقل
كلهم انذلّو وحق جفينك
****
لخادم اهل البيت عليهم السلام
الشاعر مصطفى رابح البلداوي
قصيدة بحق الانصار
على لحن توفوني وعدتوني ( ملا وطن النجفي )
****
لو رايد تعلم بالطف
شسوت انصار حسين
كل الصار بتفصيله
نعجز نحجيه بليله
شسوت انصار حسين
****
يلي تريد اتعرف بالطف شصار
وشسوت بأرض الطفوف الانصار
احجيلك ومتأكد من الاخبار
كل واحد بأيمانه للحومه ثار
واللي صار اعظم واعظم
من كل اللي يرووه
واحدهم من شد حيله
نعجز نحجيه بليله
شسوت انصار حسين
****
خلي اسولف عن حبيب المغوار
من شاف ضعن حسين بالطف محتار
وكل طفل من العطش دلاله نار
استأذن احسين ونزل يطلب بالثار
جنه الموت امن يقاتل
ياهو اللي يتحداه
عن اللي يعدل الميله
نعجز نحجيه بليله
شسوت انصار حسين
****
شحجي وشسولف عن زهير ابن القين
بالمعركه ما كدرت تلمحه العين
من صارمي ناده تفرون لوين
بالروح اضحي اليوم من اجل حسين
ثلث انعام من افعاله
ما قصر بالميدان
شحجي والقصه طويله
نعجز نحجيه بليله
شسوت انصار حسين
****
وحسين من صاح عله عابس وينك
شتضحي خليني اشوف لدينك
كله يمولاي انت شوف بعينك
سنيني فده والروح دون اسنينك
وعداه صاحت بالحومه
تقدم مجنون حسين
موقف يصعب تأويله
نعجز نحجيه بليله
****
وجون الشهم من برز صاح وناده
هاليوم بجدامي ادوس القاده
بأول نزلته حصل الي راده
ونال الشهادة واصبحت ميلاده
سجل ميلاده بموته
من استشهد بالطف
راجح فعله وتحصيله
نعجز نحجيه بليله
شسويت انصار حسين
****
ولو ابقه اسولف ما اخلص اعوام
وما تكدر توفي والكتب و الاقلام
رخصّو كلشي حتى يبقه الاسلام
ويدرون كله يمثله هالايمام
كل الزود اللي بيهم
ورثوها من العباس
هذا اللي يحامي دخيله
نعجز نحجيه بليله
شسوت انصار حسين
****
لخادم اهل البيت عليهم السلام
الشاعر مصطفى رابح البلداوي
٦-٧-٢٠٢٢
٦ ذو الحجة ١٤٣٣
هيه جانت عايزة يا حيدرة
تعوف زينب بالدموع الطاهره
.....
من رحت عنها صفت جنها كتاب
وكل متكلب صفحه تقرالك عذاب
وحته عنوانه تشوفه ام المصاب
وانه صفحه عيوني لا ما عابره
.......
كسرة الوالد اذا عن بنته راح
النظر من عيونها معناها طاح
شلون وانت كبالها تنزف جراح
يا صبر ينفع بعد للصابره
......
يا علي لو بس تشوف ابنيّتك
من اجت يمك يويلي وحاجتك
ما اصدك انت تطلع ونّتك
وانت يا مولاي قالع خيبره
.....
يا علي كالت احلفك بالطفوف
لا تعوف ابنتّك عايشه بخوف
هسه انه مخدره وباجر سيوف
تهجم عليه واضل متحيره
......
وانت تدري ما يضل راعي العلم
يروح للشاطي ويخلينه بخيم
وكل ميمشي خطوه انه ازداد هم
هناك انه احتاج سيفك تشهره
......
ها يبويه شو اشوفك ما ترد
حيلي يذبل يا علي مثل الورد
لو رضيت تروح خل انه استعد
للطفوف ومن بعدها مسافره
.....
لخادم اهل البيت عليهم السلام
الشاعر مصطفى رابح البلدواي
نهدمت اليوم السمه بهالفاجعه
راح حيدرنه وبعد شيرجعه
****
راح حيدرنه وصبح اعظم جرح
عاليتامه الذكره احس تذبح ذبح
كون عالشيعه ابد ما حل صبح
ولا يسمعون الم هاي القارعه
****
يا موالي اليوم اشبه بالطفوف
هناك عباس الكفل زينب يعوف
وهسه حيدر عافها بأصعب ضروف
وبقت بالهم والماصيب ضايعه
****
ضايعه ورادت ابوها بس يمر
يشوفها وتشكليه عن هذا الامر
تكله يا بويه تره فراكك جمر
تصيح ارجع كلي موتك شائعه
*
هناك واتخايل حسن وحسين اجو
لزينب وباذانها مدري شحجو
رادو يصبروها لاجن هم بجو
وبكت بالهم والحزن متلوعه
****
بكت لا ام لا ابو زينب تره
وعكب ابوها بت علي متحيره
راح حاميها وصبح تحت الثره
باب خيبر جفه جان القالعه
****
علي يمرجع الشمس كونك ترد
تشوف حال بنيتك اليمرد مرد
كل سجاجين الدهر بيها تحد
وخله عين ام المصايب دامعه
****
لخادم اهل البيت عليهم السلام
مصطفى رابح البلداوي
قصيدة ميمر بمناسبة استشهاد الامام موسى بن جعفر عليه السلام
......
فاطمة بنت المختار كصدت ويه المشايه
****
الله يعينج فاطمة بهذا اليوم
متعنيه للكاظم وضلعج مالوم
وعينج وضلعج فاطمة تصب دموم
ام وابنها من يموت يسبيها فكده سبايه
****
تنصبله موكب امه وتخدر الجاي
وتصيح يا مية هلا بلّي جاي
كرّب يزاير اشرب من ايدي الماي
من الكوثر بجف عباس جبته من اجيت ويايه
****
تقيم لأبنها مأتم وتنعاله
و دمعتها ضيم عله الوجن هماله
صار المصاب بونها اصعب حاله
وبمجلسه ام حسين للحزن رفعت رايه
****
جنها تصيح بصوت اه يا مضلوم
ظهري بمصابك وبرحيلك مقسوم
كون انه مسمومه ولا انت المسموم
يابو الرضا بهذا اليوم لله ابث شكوايه
****
بطاموره خلوك وعشت اصعب حال
ومنعوك حتى من الضوه هالانذال
ومن السلاسل يولدي دمك سال
والارض كلها من الكيد يابو الرضا مدمايه
****
هارون جاب الرطب بس تعلم بيه
مسموم ويريد لفؤادك ياذيه
لمن كلت كلبك صبح مدري شبيه
افرح صحت يا هارون قد نِلتَ منّي الغاية
****
انه امك وادري شيدور ابالك
همك كبر من الغريب الشالك
ردت اخوتك ردت الاهل تنعالك
لا تهتم ولا لتحير عاين اعله الوفايه
****
لخادم اهل البيت عليهم السلام
الشاعر مصطفى البلداوي
حسافة بت علي طبت مجالس
زلم والراس عن جسمك مجالس
انه الجنت غير اهلي مجالس
وسفه وجالست ابن الدعيه
****
لخادم اهل البيت عليهم السلام
الشاعر مصطفى البلداوي
شوط كربلائي لسيدتي ومولاتي ام البنين عليها السلام
****
لو صابك عسر وهموم ولهمك تريد معين
اقره الفاتحه واندب الضحت للحسين ابنين
****
ندري بالصعاب تهون لو بس تنخه ام عباس
عدهه من الكرامه هواي تشهد الهه كل الناس
لو صابك عسر لتحير امشي بزود رافع راس
والهم لو دليلك صاب
عندك للحوائج باب
اليندبهه ابد ما خاب
بس حلفهه بالعطشان كل شده وصعبهه يلين
****
لو بس امرك تعسر ناديهه يبدويه
تبشر بالفرج والله من تنادي بصدق نيه
ولو رايد تفرحهه زور حسين يوميه
وكله هاذي احبابك
تنادي اليوم يم بابك
اه يحسين ومصابك
وكله عن لساني تكول مشتاكه الك يحسين
****
من جانو ولادهه زغار شكد وصتهم بزينب
وتكلهم يولدي كون ما ريدنهه تتعذب
وما وصي بعد بحسين وخدره لا ليتسلب
ما ريدن اهدومه تروح
وجسمه عالثره مطروح
وراسه من الكفه مذبوح
انه بالتعب ربيت وفّوني يولدي الدين
****
هاي ام الهواشم هاي الضحت كلشي يوم الطف
ولدها من المدينه بزود غيرتهم متتوصف
كل واحد علي جنه بضعن حسين دار وحف
واحدهم علي نازل
يذبح رايد الباطل
ويا حي الله ابو فاضل
لمن هد على الفرسان خلاها الجثث صوبين
****
جان اكبر حلم عدهه تمشي ويّه ابو اليمه
ما موجوده ام حسين ولحسين اصبحت امه
وبالطف وي ولدهه هناك يفدونه كبل جسمه
بس ناده بشر حزنان
طاح حسين عالتربان
واويلي على العطشان
ومن ذاك الوكت لليوم ما بطل گلبها ونين
****
من ربّت ولدهه تريد لو ماتت يشيعوهه
ويا يمه الحنينه بصوت همه اللي ينادوهه
بس رفضو بدون حسين بيت امهم يطبوهه
ربتهم على الكلفات
علمتهم على الصيحات
من الذلّه لا هيهات
بدمهم ويه دم حسين بكل عز استقام الدين
****
لخادم اهل البيت عليهم السلام
الشاعر مصطفى رابح البلداوي
قصيدة لسيدتي ومولاتي ام البنين عليها السلام على لحن ( مسافرة ) التي قرأها الرادود حسين الصغير
Читать полностью…
