Mubaşşir Ahmad

29 December 2024 16:19

18+ "АБОРТ"

Ассалому алайкум, аслзода ўқирманлар. Бугун сизларни бир олис болалик томонга обориб-обкесам майлими? Ўзи таксист эмасман, йўлим эди.

Шу десангиз, бугун бир қишлоқдошим билан телефонда гаплашдим. Мендан 13 ёш кичик йигит. Аммо, жуда ақлли, жуда баракали йигит. Тадбиркорлик билан шуғулланади. Иймонли, саховатпеша бойлардан бўлиб кетган. Икки йил олдин қишлоғимизга борганда ҳам муваффақиятларини кўриб, анча хурсанд бўлгандим. Ота-оналарини юбормаган давлати қолмабди. Ҳаж-умра сафарларигача юборган. Такасалтанг акаларини ҳам одам қилиб, ўзи ишга олибди. Қўйингки, бир оилани қашшоқликдан чиқариб, ўзига тўқ оилалардан қилган. Ҳаттоки, бировларнинг контрактларигача тўлаб берган баракали йигит бўлибди. Анча сухбатлашдик!

У йигит билан сухбатимиз тугаб, болалигим эсимга тушди. 5 ёки 6-синфлар эдим. Маҳалламиздаги масжиднинг ёнида қўй боқардим. Масжидга келадиган чоллар мени яхши кўришарди. "Баҳодиржон, кел Азонни айтиб бер сени овозинг яхши!" деб азон айттиришар эди. Жуда кўп вақтим ўша масжидни атрофида қўй боқиб, чоллар билан сухбат қилиб ўтган. Балки, шунга мижғовроқ бўлиб қолгандирман)

Кунлардан бир кун қўй боқиб турсам, ўша масжидда орттирган бобо жўрам, Мардон бува, чорпояда (сўри) кампири билан овқатланиб ўтиришибди. Мени кўриб, "Кел, манави узумдан ол!" деб чақириб олишди. Мардон бува мен билан гаплашишни ёқтирар эди. Гаплашиб ўтирсак, Мардон бувани яқинда турмушга чиққан қизи кириб келди ва чорпоянинг бир четига йиғламсираб ўтирди. Мардон бувани кампири Мардон бувага қараб, "Чол, қизингиз қорнидаги боласини олдирмоқчи экан. Эри 2 та боламиз бор, ўзи зўрға кун кўраётган бўлсак, учинчиси керакмас деябди экан" деди.

Бу гапни эшитган Мардон бува ҳиндча кинодаги "Амриш Пури"нинг бидиш-бидиш-бидиш қилиб, қарашидан қилиб қаради-ку. Кампир билан қиз уёқда турсин, мен ҳам қўрқиб кетдим. "Хўш, эринг шунақа деябди экан. Сенчи?" деди қизига қараб! Қизнинг ўрнига кампир жавоб берди. "Қизингиз ҳам, иккита болани катта қилгунча қийналибди. Қизингиз ҳам рози экан" деди. Мардон бува бу гапни эшитиб, боягиданда важоҳатли кўриниб кетди ва
"Афсус, афсус" деди. Кейин, қиз: "Нимага афсус деябсиз, дада?" деди.
"Бундан 28 йил олдин, онанг сенга ҳомиладорлик пайтида сени ҳам олдириб ташламаган эканмиз. Афсус!" деди. Шу ерда сухбат тугади. Ҳамма ҳар тарафга кетди.

Бояги гап ўша қизга ҳам, куёвга ҳам қаттиқ таъсир қилган шекилли, ўша фарзандни дунёга келтиришди. Ўша йигит, мен билан бугун телефонда гаплашган саховатпеша бойвачча йигит!

Шундай азизлар, эртага нима бўлишини, қандай бўлишини Аллоҳдан бошқа ҳеч ким билмайди. Қаердан биласиз бугун сиз ҳар хил сабабларни рўкач қилиб, олдириб ташламоқчи бўлаётган болангиз, сизни халоскорингиз бўлар, сизга тож кийдирадиганлардан бўлар!

Баҳодир ИСКАНДАРОВ!

Mubaşşir Ahmad

29 December 2024 09:58

Муслим бўлдик арабдан ортиқ,
Ўрис бўлдик русдан зиёда.
Бирни топсак ёруғ дунёда,
Ўн каррани қилганмиз тортиқ.

Ичдик, чекдик, шўро юртида
Ўздик барча оғалардан ҳам.
Юзсизликдан ошмасак бўлди
Овропалик тоғалардан ҳам.

Эркин ВОҲИДОВ

@MubashshirAhmad

Mubaşşir Ahmad

29 December 2024 06:19

Туркларга қўшилиб, ўрислар ҳам Ғарб маданий экспансиясига қарши қўлидан келганича курашмоқда. Фақат биз бўлсак 100500 та Санта Клаус парадини ўтказмоқдамиз.

Mubaşşir Ahmad

28 December 2024 17:26

Гуноҳлар куфрнинг элчиларидир

«Рисолатул Қушайрия», 4-дарс

Томоша қилинг 👉 https://youtu.be/uN402gpIEMk

©️Azon Global

Mubaşşir Ahmad

28 December 2024 12:41

#ЧПОК_ЧПОК

Ҳар қандай миллатнинг шаклланишида одоб ва аҳлоқ тушунчаси марказий ўринни тутади. Бир миллатни бошқа миллатдан ажратиб турувчи тушунча ҳам айнан мана шу одоб-аҳлоқ тушунчаси ҳисобланади. Шунинг учун ҳам, глобализм тарафдорлари бўлган либералистлар, биринчи бўлиб, жамиятда одоб-аҳлоқни емиришга, қадриятларни йўқотишга киришади.

Одоб-аҳлоқ ва қадрият тушунчалари эса, албатта жамиятда қабул қилинган яхшилик ва ёмонликлар ҳақидаги назарий қарашларга асосланади.

Аввал яхшилик ва ёмонлик ҳақида ойдинлик киритилади, кейин шу мезон асосида одоб-аҳлоқ, қадрият ва ижтимоий ҳаёт юзага келади.

Бугун, ўзбек миллатини шакллантиришда айнан мана шу одоб-аҳлоқ ва қадриятлар борасида катта бўшлиқ юзага келмоқда. Шунинг учун ҳам миллийлик ва миллат тушунчаси бизда оқсаб бормоқда.

Бу оқсоқликка "дунёвийлик", "либерализм" ва "феминизм" каби назарий йўналишлар катта ҳисса қўшмоқда. Уларнинг фаол ҳаракатлари катта сиёсатга ҳам таъсир кўрсатиб, миллат шакллантшига тескари бўлган таъсир чораларининг ишлаб чиқилишига сабаб бўлмоқда.

Бундай таъсир чоралари ва маънавий босимлар, бир томондан миллатимизнинг сўниб боришига, жаҳонда ўз ўрни, имиджи ва сўзига эга бўлмаган афкор оммага айланиб қолишига олиб келса, иккинчи томондан жамиятда қадриятларнинг йўқолиши, азалдан фазилатлар деб билинган амалларнинг камситилиши ва бетайинлик деб билинган хулқ-атворнинг оммалашишига олиб келади. Миллатимиз келажаги нуқтаи назардан бу ҳавфли ҳисобланади.

Бунга бир неча мисолларни келтираман. Ўтган даврда бир нечта ёш йигитлар жамоат транспортида аёлларни ЭЪЗОЗЛАШ ва уларга ЭҲТИРОМ кўрсатиш мақсадида, эркакларни транспортнинг орқа томонидан фойдаланишна ундовчи чақириқ билан чиқдилар. Бундай амалиёт аёлларни эъзозловчи кўплаб миллатлар ва ривожланган жамиятларда кузатилса-да, бироқ, бизда юқоридагидек "гипноз" таъсирида расмийлар томонидан бу ташаббус қаттиқ қораланди. Ҳатто, кимлардир узр сўраб чиқди ва огоҳлантирилди. Ўша фаолларнинг аёлларни эъзозлашга қаратилган шахсий ташаббуси дунёвийлик ва либераллик қарашлар доираисида шундай жазоланди.

Куни кеча эса, қайсидир йигит қайсидир тунги клуб рекламаси учун ўнтача ярим яланғоч қизни тескари тургизиб, ўша қизларни кетига уриб, тунги клубнинг рекламасини қилиб чиқди. Бу рекламада тунгги клубларда аёлларга бўлган бундай шаҳвоний муносабат тарғиб қилинди. Бироқ, бу иш юзасидан на дунёвий жамоатчилик, на либерал қатлам ва на феминист фаоллар кескин муносабат билдириб чиққани йўқ. Нимага?

Чунки либерализм ва феминизм қадриятларида аёл кишининг жинсий маҳсулотга айланиши ёки уларнинг тунгги клубларда бундай кўнгилхушлиқ қилишлари либерал қадриятлар ва феминистик хулқ-атвор доирасида жоиз ишлар ҳисобланади.

Энди, бирорта маънавий китобнинг рекламасида, фараз қилинг, ўн-ўн бешта гўзал хулқли аёл-қизларни териб, ҳар бирига китоб совға қилиб, "гўзал аёллар уйда китоб ўқиган аёллардир" деб реклама қилиб кўринг... Қандай қарши муносабатга дучор бўласиз?!

Бизда глобализм, либерализм ва феминизм таъсирида миллий қадриятлар ва одоб-аҳлоқ қасддан бузилаётганини кўриб хавотирланмоқдаман.

Mubaşşir Ahmad

28 December 2024 10:51

Сиз тўқмисиз?
Бу Ғазо..

@MubashshirAhmad

Mubaşşir Ahmad

27 December 2024 20:39

Тинч аҳолини ўлдириб, террорчи деймиз – Исроил аскарлари

©️Azon Global

Mubaşşir Ahmad

27 December 2024 14:18

Хандақ..

Мадинада Ислом тўлиқ ҳамма томондан қамал ҳолатида. Аҳзоб қўшинлари шаҳар марказидан атиги 3 километр узоқликда.

Тупроқдан қазилган кичиккина чуқурча уларни тўсиб турибди. Камига Мадина ичида яҳудий ва мунофиқлардан иборат хоинлар жамоаси пайт пойламоқда.

Тахминларга кўра бу кеча Исломнинг ер юзидаги сўнгги туни. Аммо ана шу кечадан ўн йил ўтиб, Форс Кисроси қулади ва Рум Қайсари тумтарақай қочди. Ислом Ўрта Шарқни тўлалигича назорат остига олди.

ИСЛОМ УЧУН ХАВОТИРЛАНМАНГ!
СИЗ ЎЗ ПОЗИЦИЯНГИЗ УЧУН ХАВОТИРГА ТУШИНГ!

@Mubashshirahmad

Mubaşşir Ahmad

27 December 2024 07:47

Буларни топиб, албатта ҳолидан хабар олиш керак. Аввало, бу ишга бош бўлаётган ҳукуматимизга ташаккур!

===

🇺🇿🇵🇸 Фаластинлик 100 нафар болалар ва аёллар Ўзбекистонга эвакуация қилинди

Ўзбекистоннинг Мисрдаги элчиси Мансурбек Қиличевга кўра, 26 декабрь куни икки давлат Соғлиқни сақлаш вазирликлари билан келишилган ҳолда 100 нафар ярадор фаластинлик болалар, аёллар ва уларнинг ҳамроҳлари Ўзбекистонга эвакуация қилинди.

Ўзбекистон ҳукумати фаластинликлар бемор оилаларининг барча эҳтиёжлари, жумладан, даволаниш ҳаражатлари, меҳмонхона, мактаб, озиқ-овқат ва бошқалар билан тўлиқ таъминлайди.

© Gorizont

@MubashshirAhmad

Mubaşşir Ahmad

26 December 2024 17:16

Дамашқ, Ҳалаб ва Суриянинг бошқа шаҳарларида инфратузилмани таъмирлаш, биноларни тиклаш ва кўчаларни тозалаш ишлари бошланибди. Халқ хурсандчилик билан масъул ташкилотларга ёрдам бермоқда.

Аммо Ал-Жазира канали бундай йўналишдаги репортажларни кўтаринки руҳда тайёрлай олмас экан. Унинг журналистлари "Ўзбекистон-24" каналида малака оширса бўлар экан, деган фикр ўтди кўнгилдан. Ростдан.

@MubashshirAhmad

Mubaşşir Ahmad

26 December 2024 12:25

Нуруллоҳ Муҳаммад Рауфхон хотираларидан:

Иккинчи ҳодиса. Бундай иш яна бир неча марта такрорланди. (Биринчи ҳодисага ўтиш)

Инсон ҳуқуқлари билан шуғулланадиган халқаро ташкилот Human Rights Watch (“Инсон ҳуқуқлари қўриқчиси”)нинг Марказий Осиё бўйича вакили Стив Свердлов уйимга бир неча марта келди. Ҳар гал анча-анча суҳбатлашиб ўтирдик.
Албатта, уларнинг нияти олижаноб – дунёнинг қайси бир бурчагида бўлмасин ҳақсиз зулмга учраганларнинг ёнига киради, ҳимоя қилади, иложини топса, мазлумни золимнинг қўлидан қутқаради. Бу ишлари яхши.

Аммо менга илгаридан ёқмай келган томони – бу каби олижаноб халқаро ташкилотларнинг фаолиятларидан катта давлатлар ўз сиёсий мақсадларида фойдаланишидир. Инсон ҳуқуқлари борасида дунё бўйича қилинган тадқиқотларга, чиқарилган хулосаларга таянган ҳолда доим ўзга давлатларнинг ички ишига аралашишга уринишидир.

Қанчадан-қанча инсонлар ҳуқуқи турли кўринишларда ўзларида ҳам бузилаётганига қарамай, бошқаларга босим ўтказишга бу ташкилотларни восита қилишидир. Бошда бундай бўлмагандир, лекин кейин-кейин ўша йирик давлатлар махсус хизматлари ёрдамида бу каби “инсонпарвар” ташкилотларни орқадан йўналтириб турганга ўхшаб кўринади.

Масаланинг шу томони доим менда эътироз уйғотиб келган.
Шунинг учун Human Rights Watch ташкилотининг Марказий Осиё бўлими бошлиғи Стив Свердлов билан иккинчи суҳбатимизда мавзуни бутунлай бошқа ўзанга буриб юбордим.

– Мен ўзбекман, сенинг миллатинг нима? – деб сўрадим.
Кулимсиради. Бир оз қизаргандай ҳам бўлди.

– Жуҳудман, – деди.

– Жуда яхши! Лекин нафақат ҳуқуқ ҳимоячиси, балки оддий бир жуҳуд сифатида Исроил давлатининг Фаластинда қилаётган қонхўрликларига қандай қарайсан? У ерда битта-иккита одам эмас, бутун бошли халқнинг ҳуқуқлари оёқости қилиняпти-ку! – дедим.

– Ўзим жуҳуд бўлсам ҳам, Исроилнинг арабларга юритаётган сиёсатини доим қоралаб келганман ва бундан кейин ҳам қоралайман, – деб жавоб қилди Стив.

– Балли! Лекин қуруқ қоралайман деган билан иш битмаяпти! Амрика нимага Исроилга қарши амалий чоралар қўлламайди-да, битта кичкина одам бўлган менинг ҳимоям билан шуғулланади?! Мана, сен ҳозир мени зулм кўрди деб ёнимни олиб, давлатимдан мени қўриш учун уйимгача келдинг. Бунинг учун раҳмат, албатта. Лекин мендан ҳам кўра ҳимояга муҳтож бўлган минглаб фаластинлик бор, биргалашиб ўшаларнинг оғирини енгил қилсак яхшироқ бўларди.

– Фаластин масаласи билан бошқалар шуғулланади, мен Марказий Осиё бўйичаман, – деди Стив.
Олифтагарчилик қиляпти деб ўйламасин деб баҳсни шу нуқтада тўхтатдим. Зотан, гапни чўзишдан фойда йўқ эди.
Меҳмондўстлик ўз йўлига, аммо гап давлатим билан менинг муносабатимга келиб тақалганида мен бундан бошқача муомала қилишим мумкин эмасди. Қилсам, мен “мен” бўлмай қолардим .

Тўғри тушунилсин, уларнинг хайрли ишларини инкор этмаяпман, Айниқса, Ислом Каримов зулми остида оддий бир инсонийлик ҳуқуқидан, эркидан, ҳатто жонидан айрилган минглаб мазлум ёнига шулар кирди, мусибатзада оилалар дардига қулоқ тутди, ёрдамлар берди, додларини дунёга эшиттирди, бу билан ҳеч бўлмаганда мамлакатда зулм баттар кучайиб кетишининг олдини олишга ҳисса қўшди – буларнинг барини эътироф этаман. Тепада айтганларим бутунлай бошқа маънодадир.
Оллоҳга шукр, шу тариқа яна сўзимда турдирди! Яна юзимни ёруғ қилди!..

@Mubashshirahmad

Mubaşşir Ahmad

26 December 2024 08:26

Агар қадарни (танлашни) инсонга таклиф этилганда эди, у ҳам Аллоҳнинг унга танлаган қадарини танларди.

Умар ибн Хаттоб розияллоҳу анҳу
-----------------------------------------------
Яъни пешонасига ёзилганининг сирлари ва фойда-зарарлари кўрсатилиб танлаш ҳуқуқи берилганда, Аллоҳнинг ўзига қанчалар меҳрибон эканини биларди ва ўзига айнан Аллоҳ танлаган қисматни танларди.

@MubashshirAhmad

Mubaşşir Ahmad

25 December 2024 18:30

Нуруллоҳ Муҳаммад Рауфхон хотираларидан:

Биринчи ҳодиса.
“Тоштурма”дан озод этилганимнинг иккинчими, учинчими куни Амрика элчисининг 3-котиби Петер исмли киши ёрдамчи-таржимони Мамед исмли озари йигит билан бирга мени йўқлаб уйимга келди. Бир соатча суҳбатлашдик. Ора-орада:

– Ичкарида сизни қийнашдими? Уришдими? Ёки бошқача тазйиқ қилишдими? – деб сўрар эди.

Қамоқда менга ҳеч қанақа жисмоний куч ишлатилмаган, қийнашмаган эди. Тўғрисни айтдим. Лекин Петерга бу қизиқмасди. Яна икки-уч бор шу қитмир саволини ташлади. Ғашим келди.

У мени билмасди. Ҳатто қаттиқ қийноққа солинган бўлган тақдиримда ҳам унга мен буни айтмасдим, албатта.
Уйимда у меҳмон, мен мезбон мақомида эканимизга қарамай, кўзига тик қарадим ва:

– Мен давлатим устидан Амрикага ҳам, Оврупага ҳам, дунёнинг бошқа биронта давлатига ҳам шикоят қилмайман! Мен давлатим устидан фақат ва фақат халқимга шикоят қиламан! Китобимда мен буни алоҳида таъкидлаганман. Ўзи “Бу кунлар” асарим бошдан-охир давлатим ишлари юзасидан фақат халқимга мурожаатдир! – дедим .

Менинг сўзларимни таржимон айнан етказдими-йўқми – билмайман. АҚШ элчиси котиби уларни юракдан қабул қилдими-йўқми – буни ҳам билмайман. Сиртдан сезганим – олдинига бир оз ўнғайсизлангандай бўлди, сўнг ўзини қўлга олди. Ҳатто жилмайди. Мезбоннинг бу қадар сарт гапидан ранжимади. Ҳарҳолда, менга шундай туюлди. Балки ичида тан бергандир ҳам. Хурсанд бўлгандир.

– Вы – герой! – деб қўйди.
Ўзим бу ишимни фавқулодда қаҳрамонлик деб билмайман. Мен ўз ишончимга содиқ қолган ҳолда давлатим билан орамга ётлар тушишига изн бермадим, холос.
Сўзим билан амалимни бир қилган, синовдан юзимни ёруғ қилиб ўтказган Оллоҳга шукр!

@MubashshirAhmad

Mubaşşir Ahmad

25 December 2024 13:24

Мақтовни мақталганга, ўзининг ҳам хурсандлигини билдирган ҳолда етказиш биродарлик ҳақларидандир. Чунки буни яшириш айни ҳасаддир.

Имом Ғаззолий, "Иҳёу улумид-дин".

***
Яъни, биров бошқани мақтаса, уни эшитган киши мақталган одам олдига бориб, буни изҳор қилиши, қилганда ҳам биродари мақталганидан хурсандлигини билдириб етказиши керак.

@MubashshirAhmad

Mubaşşir Ahmad

25 December 2024 02:30

Тўғри.

@MubashshirAhmad

Mubaşşir Ahmad

29 December 2024 12:01

Шайх Муҳаммад Мужир Хатиб бир суҳбатларида ислом умматининг катта муаммоларидан деб:

1. Воқеликка такаббурлик.
2. Ботил қиёс - дедилар.

Воқеликка такаббурлик - уммат ҳукмронларидан содир бўлиб, миллат воқелигини менсимаслик ва эътиборга олмасликдир. Масалан, уммат мусулмон, лекин ҳукмрон унинг эътиқоди ва қадриятини ҳисобга олмайди, унинг турмуш тарзига зид қонунлар чиқаради, тушунчаларини таҳқирлайди. Ёт ғоя ва мафкураларни қасддан тиқиштиради. Бунга ҳаққим бор деб кибр қилади ва миллати бошига кўп мусибатлар келтиради.

Ботил қиёс - умматнинг айрим олимлари томонидан ишлатилади. Масалан, улар ҳукмронга итоат масаласини суистеъмол қилади, ҳар бир тасарруфи исломга зид бўлган ҳозирги ҳумронни, ҳар бир ишини ислом шариатига мувофиқ бўлишига интилган қадим ҳукмронга таққослайди ва шу қиёсидан келиб чиқиб, ишларида диннинг ҳиди ҳам йўқ ҳукмронга кўр итоатни вожиб қилади.

@MubashshirAhmad

Mubaşşir Ahmad

29 December 2024 08:43

Шу тадбирдан нима мақсад кўзланган?! Ё бошқарувнинг савиясини кўрсатиб қўйишми?

Одамларнинг муносабатини қаранг! Уят-ей!

@MubashshirAhmad

Mubaşşir Ahmad

28 December 2024 20:25

"Орқангда ким турганини билсанг, олдингдан ким чиқишининг аҳамияти йўқ".

@MubashshirAhmad

Mubaşşir Ahmad

28 December 2024 15:09

Суғурта компаниясини реклама қиладиган бу видео лентамда кунига 3-4 марта чиқади. Ҳар сафар мароқ билан кўраман. Сюжет, актёрлар танлови, сўзлар ва ҳатто қаҳрамонлар исми ҳам зўр. Сиз ҳам бир кўринг-а))

@MubashshirAhmad

Mubaşşir Ahmad

28 December 2024 11:48

Гуноҳларида бардавом. Баъзи ибодатларни шунчаки, кўрсатиб қилади. Валлоҳки, бу айни макрдир!

Абул Фараж ибн Жавзий

@Mubashshirahmad

Mubaşşir Ahmad

28 December 2024 08:58

Сурияда Янги йил.

@MubashshirAhmad

Mubaşşir Ahmad

27 December 2024 16:27

"ЯҲУДИЙЛАР ЖУДА АҚЛЛИ-ДА".

Ассалому алайкум, қадрли ўқирманлар. "Бир куни бир Яҳудий" деб бошланадиган, кульминацион нуқтада Яҳудийларни ўта ақлли, ўта ишбилармон қилиб хулоса берадиган латифалар, ҳикояларни жуда кўп эшитгансиз а? Бунақа пропаганда шу даражада оммалашганки, хоҳлаган одамнинг орқа миясида "Яҳудийлар ақлли" деган фикр шаклланиб қолган. Аслида буларнинг барчаси ёлғон ва уйдирма!

Масалан, Японларда "Яҳудийлар зўр. Телефонни яратди. Интернетди яратди. Шуларнинг шарофати билан бугун замонавийлик" деган гаплар йўқ. Между прочим, Японлар дунёга Яҳудийлардан кўп ихтироларни беришган. Бир Япон танишим: " Бугунги замон босқичма-босқич шу ривожланишларга келди" деди. Тўғри гап. Ҳозирги замонавийликка Яҳудийлар бўлса ҳам, бўлмаса ҳам келардик. Хатиржам бўлоринг)

Бутун бир миллат ақлли бўлиши мумкин эмас. Сионистлар шу даражада пропаганда қилишдики, бегуноҳ болаларни ўлдириб ҳам айримлар томонидан оқланиш даражасига келишди. Ачинарлиси, айрим ўзимизникилардан ҳам шу фикрларни чиқиши.

Шунча хунрезликлар қилаябди. Отаси ҳимоя қилиб ётибди. Қўлимиздан ҳеч нарса келмайди деб тушкунликка тушманг. Ҳар бир шахс ҳеч бўлмаганда уларнинг қилмишларини ижтимоий тармоқларда, кўча-куйда худди ўзларини услубида, пропаганда қилиб турса ҳам катта иш қилган бўлади.

Уларга қарши курашишнинг энг яхши йўли- худди улардек пасткашлик, орқадан пичоқ уришлик усулларидан ҳам фойдаланиб кўриш керак. "Мусулмонлар терорист, мусулмонлар қолоқ" деб бўлса бўлмаса гапиравериб, мусулмонларнинг ичида фитна-фасод тарқатавериб маълум маънода ниятларига эришишдими? Энди, биз ҳам шундай қилишимиз керак. Сионистлар болани ўлдираётганлиги ҳақидаги кинолар, клиплар, шеърлар, ғазаллар ёзаверишимиз керак.

Сионистшунослик каби фанлар ўйлаб топиб, ёлғондан Яҳудийларни ичига ўзимизникилардан қўшиб қўйиш керак. Сочни жингалак қилиб ўриш жоизми, жоизмасми? Сионистча дўппичани кийиш керакми, йўқми? деган фитналар тарқатиш керак. Уларни ҳам ичидан емириш керак.

"Бир Сионист бир Ҳиндистонликни урди" , деган ёлғон видеодан 5-6 та ташлаб қўйсангиз бўлди. Ҳиндистонлик шунқорлар интернетдаги энг катта қатлам бўлганлиги учун, Сионистларни интернетда шақиллатиб ташлашади)) Ана шундай қилиб нафратни шакллантириб олиш керак. Шундай фитналарни топиш керакки, ўзлари билан ўзларини уруштириб қўйиш керак. Ўзлари билан ўзлари урушса, биз бир четда турволиб: " Вой, урушманглареe, тинчгина яшасанглар бўлмайдими, эри-хотин уруши -дока рўмол қуриши" деб сипони ёқиб, мулойимгина бўлиб тураверишимиз керак.

Улар урушиб, ўзлари билан ўзлари банд бўлишганда, биз буёқдан кучайиб олишимиз керак. Бир кучайиб олсак, кейин ғинг деганини энасини кўрсатардик. Кўрдингизми қандай номард услуб. Афсуски, улар шундай номардлик қилишди, қилишаябди.

Хулосайи калом, "Яҳудийлар ақлли" деб бошланадиган латифа-ю, мақолаларингизни "Сионистлар қотил", "Бегуноҳ болаларни ўлдирган" га алмаштиринг, ҳеч бўлмаганда тарихда қолади гапларингиз!

Баҳодир Ниппоний

Mubaşşir Ahmad

27 December 2024 08:22

Пантуркизм ҳақида.
Бизда ҳозир ҳам шу ёрлиқни ёпиштиришяпти.

@MubashshirAhmad

Mubaşşir Ahmad

27 December 2024 07:11

Қорбоболар флешмобини кўриб, бу юрт қасддан ва режали исломдан узоқлаштирилаётганига яна амин бўлдим. Бир тараф сизнинг диний қаноатингизга очиқ тупуриб турса, "Янги йил байрамини нишонлашнинг зарари йўқ" дея муросагўй бўлиш, энди бағрикенглик эмас, аниқ динсизлик тарғиботига қўшилиш ҳисобланади.

@MubashshirAhmad

Mubaşşir Ahmad

26 December 2024 12:35

Qadrli kuzatuvchilar eslatib o'tamiz, roppa rosa 45 daqiqadan so'ng suhbatimiz boshlanadi. @mezanauz_academy kanalimizda jonli efir qilamiz.

Mubaşşir Ahmad

26 December 2024 10:25

Бировни бир нав гуноҳ билан айблаётган пайтимизда, ўзимиз бошқа бир тур гуноҳни қилаётган бўламиз. Фақат гуноҳларимизнинг жинси бошқа бўлгани учун бировники кўзимизга кўринаверади.
Шунинг учун ўзимиз билан машғул бўлиб қўя қолайлик, жаноблар.

@Mubashshirahmad

Mubaşşir Ahmad

26 December 2024 05:34

Биз неъматларга ўрганиб қолганмиз. Шу сабаб биров ҳолимизни сўраса: "Янгилик йўқ", деймиз. Саломатлик ва неъмат доимий янгиланишда эканини наҳот ҳис қилмаяпмиз?!

Аллоҳга доимий ва абадий ҳамд бўлсин!

Шайх Мутаваллий Шаъровий

@Mubashshirahmad

Mubaşşir Ahmad

25 December 2024 17:37

Ўзбекларимизни Хитойга қарши жиҳодга йўлламоқчилар

«Сиёсат ва биз» кўрсатуви

Томоша қилинг 👉 https://youtu.be/q4pal13Hav8

©️Azon Global

Mubaşşir Ahmad

25 December 2024 11:22

Бу ишлар қасддан қилинмоқдами? Наҳот ечим бўлмаса? "Тинчлик илоҳи" нима?

Устоз адиб Нуруллоҳ Муҳаммад Рауфхон билан суҳбат.

(18.07 дақиқа).

@MubashshirAhmad

Mubaşşir Ahmad

24 December 2024 13:47

Юрак сиқилиши қўл калталигидан ёмонроқдир.

Айман Ёғий

@Mubashshirahmad