*ابوذيه ونعي للسيده الزهراء ع لسان حال السيده زينب ع*
ــــــــــــــــــــــــــــــــــــــــــــــــــ
بعد هيهات امي تگوم وطــــــــيب
دووه ماينفع ام حسين وطــــــيب
حسافه التحجي بالمعروف وطــــــيب
شبحت عينها ووصت عليـــــــــــــه
ــــــــــــــــــــــــ،،،،،، ـــــــــــــــــــــــــ
سمعتج عله بنيتج توصين
گلبي علمني ورفت العين
وشلون بيه من تموتين
ــــــــــــــــــــــــــــــــــــــــــ
وصت ابوي امي الحنينه
ساعات ويشيل الضعينه
ترحين واحنه شلون بينه
ـــــــــــــــــــــــــــــــــــــــــــ
يالوالده ياالكلف يومـــــــــج
بالمقبره طولين نومــــــج
كون الموت الي يمه يسومج
ـــــــــــــــــــــــــــــــــــــــ
يسومج يكون الموت وشريج
كسر الضلع ياالزهره ماذيج
يمعدله وتعجب محاجيج
ــــــــــــــــــــــــــــــــــــــــــــــ
يمعدله يم ضلع مصيوب
اسمع ونين يفلش الگلوب
تهمل دمعتي وكت الغروب
ـــــــــــــــــــــــــــــــــــــــــ
وحسين دمعاته عله خـــده
لو راح ضعن امي شيرده
بعازت ارباج زغير بعده
ـــــــــــــــــــــــــــــــــــ
مدري شحاجيه وشگله
ضليت دمع العين اهله
ياضيم من بعدج احمله
ـــــــــــــــــــــــــــــــــــــــــ
تونين هسه شلون باچر
لو صبحيتي بالمقابر
بيتج وحش من هسه صاير
ـــــــــــــــــــــــــــــــــــــــــ
تره الوالده ماكو مثله
لو حملت روحي تشلــه
موتج ييمه مو محله
ـــــــــــــــــــــــــــــــــــــــ
*تمت بقلم خادمة الحسين ع ام وليـــ✍️ــــد الموسوي لا اجيز. حذف الاسم شرعا الفاتحه الى روح والدي*
☘لاستشهاد الزهراء ع ☘
ودعتني امي العزيزه ودعتني
عذبتني من مشت عني وجفتني
من خذوها اتحيرت
ريت كون انه المتت
صدك ماترجع بعد ليه ونستني
🏴🏴🏴🏴🏴
سافرت ماظن ترد .. صعبه ايام البعد
اظلم وموحش صباحي شلون مصباح
اكعدت بالعتبه أون ...راح اموت من الحزن
غير كون تهيد روحي حتى ارتاح
ذبل اجفوني البچي... بعد ماينفع حچي
فرحت الشمات بيه والحمل طاح
ردي يايمه صحت
اليل كلّه مانمت
خل تجيني السافرت عني وعمتني
صدك ماترجع بعد ليه ونستني
✍☘ام فراس الساعدي ☘
🏴🏴🏴🏴🏴
شايله نبع الحنان…بدونها ضلمه الزمان
ندفنت بليله كــئيبه اعز ناسـي
صارت ايامي سراب.عشت عمري بالعذاب
عليها انعى من الالم شديت راسـي
ريت تلفيني بحلم..من البعد ضليت اهم
بعد ماضنهه تجي السكنت انفاســي
ضايعه يمه صرت
افكاري كلها اتشتت
الفركه صعبه يلحبيبه انه وسبتني
صدك ماترجع بعد ليه ونستني
✍🏻خـادمـة الزهـراءام احمد العبوديه زبير
🏴🏴🏴🏴🏴
شلون نامت بالگبر ..موتها صاير جبر
راحت الشفجه الحنينه وعيني متنام
زهره مشتاقه الچ.. أنام وگعد أفگدچ
وبالگبر مدفونه اذكرچ چني بحلام
انظر الحجره ونوح..گلبي مليان ابجروح
ازغار ضلينه بنزلها شلون ايام
يمه بعد المن اگول
جاوبيني يالبتول
ابدونچ الايام ظلمه ومرمرتني
صدگ ماترجع بعد ليه ونستني
✍️ام علي المالكي
🏴🏴🏴🏴🏴
دمع من عيني يهل..والبعد ما اضن سهل
صحت يمي يلحنينه ردي ليه
حاضنه الشيله عمر..ذكرياتج والسمر
بخدي يانيشان بعدج يالزجيه
ليلي خلصته
سهر..يومي بحسبه شهر
ريت كون اوياج تلفيني المنيه
راحت احلامي سراب
حضنج لوحده بتراب
صغيره يايمه المصايب لوعتني
صدك ما ترجع بعد ليه ونستني
✍طالبه الزهراء
🏴🏴🏴🏴🏴
اخط بذيالي ارجعت .. بيتها اظلم شفت
طافي نور الزاچيه وموحش عليه
شنهي حالي بهلوضع .. شاط من عيني الدمع
ذبت من فرگاهه بس اصفگ بديه
عسه لاعشت بهنه..شلون لوغابت سنه
والله يمه شوفتج عنت عليه
ردي مو حيلي رگد
شخصج الغالي انفگد
مامصدكه راحت امي وماخذتني
صدك ماترجع بعد ليه ونستني
✍️☘️ام فراس الساعدي ☘️
🏴🏴🏴🏴🏴
تمت بحول الله وقوته
باقلام ✍️✍️✍️شاعرات رابطة
ياجبل الصبر
فزاعيه لزهراء ع
لزهره خل النوح
كلنه اليله
➖➖➖➖➖
وزينب نعازيها
يازهره عفتيها
والهظم واليها
زينب صغيره والبعد ياويله
➖➖➖➖➖➖
وماتت الزهراه
بالكلب حسره
بعيونها السطره
ماتت حسافه وهيه حيل نحيله
➖➖➖➖➖➖
عافت ولايتها
الدمعه ابخدها
والحسره جرتها
ظلت وحيده والحزن شد حيله
➖➖➖➖➖➖
انكسر احنه اضلوع
نبجي بحزن ودموع
خل نعلكلها شموع
شعه احنه وما ننام اليله
➖➖➖➖➖➖
الزهره طكوها
بالباب عصروها
وسفه يشتموها
الحره محتاره وقهرها نشيله
➖➖➖➖➖➖
كومو نشيعها
شيعه ونودعها
رايات نرفعها
نلطم عالمتن والدمع كلنه انسيله
➖➖➖➖➖➖
تمت بقلم خادمة اهل البيت ع
الشاعره
هيلين الساعدي
لطميه للزهراء عليها السلام
============
اليوم الزاچيه
من بيتها اتشيل
تعوف الدار وتعوف المداليل
============
عافت دارها وعافت الايتام
ياوسفه الفرح بلبيت مادام
صدمه اليوم حلت على الاسلام
ياحيف الرجس بلعالمه ايعيل
££££££££££
اليوم تشيل وتعوف ابو الحسنين
بلفرگه يزهره شلون ترضين
ابحيدر وبناتچ ماتحسبين
يومچ يازچيه يهدم الحيل
£££££££££
هليوم الاولاد امهم يودعوها
لو جلجل الليل امهم يشيعوها
حيدر والحسن وحسين دفنوها
وسكانچ يدنيه بيهم ايميل
££££££££££
خلوها البنات اليوم يردنها
يشبعن شوف منها وخل يودعنها
فك تابوتها خلهن يحاچنها
ويصيحن ييمه فراگچ اثگيل
£££££££££
مهظومه البنيه لو مشت امها
چاهو يحضنها وياهو ليشمها
تتطشر خلافچ محد يلمها
دمعتها عليچ بنيتچ ايسيل
===========
خادمة ال البيت وخادمتكم الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد 👇
***
رابط قناة التلجرام اضغط على رابط القناة يأتيك كل جديد 👇
لطميه للزهراء عليها السلام (نص الليل لاتمشين)
نص الليل لاتمشين والوحدي تعوفيني
مااحمل يتم وافراگ انتي امي وتعرفيني
مااحمل يتم وافراگ يمه اثنينهن صعبات
من هسه انعصر گلبي والبيت انترس ونات
ادري الياخذه التابوت مايرجع بعد هيهات
من شفت النعش مطروح ضلت عالنعش عيني
ضلت عالنعش عيني سچابه وجمر تدمع
يمه امصوبه بگلبي ويمچ گاعده اتلوع
ادري الياخذه التابوت يروح وبعد مايرجع
اريد اوياچ اريد اوياچ اصيح ولاتسمعيني
اصيح ولاتسمعيني اريد اوياچ يايمه
اصد الحجرتچ مگدر اشوفن حجرتچ ظلمه
روحي افراگ ماتحمل لاعبره ولاهضمه
وانه امدلله واشلون بفراگچ هضمتيني
بفراگچ هضمتيني وچنت امدلله بجالچ
ارتاح وترد روحي يمه امن اگعد اگبالچ
حملتي ومشيتي ابليل حاچيني شتهيالچ
ماانساچ اون اعليچ يالرحتي ونسيتيني
ماانساچ اون اعليچ يمه اشلون مدري انساچ
عونه الرافگ اضعونچ وهنياله اليروح اوياچ
عمت عينه التعده اعليچ وسوطه اعله المتن لاحاچ
صابچ والصواب امچيد فارگ بينچ وبيني
فارگ بينچ وبيني يمه الموت واصوابچ
مثل الجمر بجروحي اشلون اتحمل اغيابچ
شدعي اعله الكسر ضلعچ والسطراچ ماهابچ
قرآنچ حزين اليوم يفجعني ويبچيني
الشاعرة المله
ام غصون العمارچيه
غير مبري الذمه من يمحي الاسم اويغيره
نعي للعزيز بثواب ال البيت عليهم السلام
درب المنيه صعب حيل
يكتل يايمه ويهد الحيل
اوكع واكوم وكلساع اميل
🔹🔹🔹🔹🔹🔹🔹
درب المكابر شيب الراس
بيه الحنين واعز الناس
يكتل كتل وكليبي جاس
🔹🔹🔹🔹🔹🔹🔹
درب المجنه يقبض الروح
يخلص ونين يخلص بنوح
تهيج المصايب بيه والجروح
🔹🔹🔹🔹🔹🔹🔹🔹
يهيج مواجع روحي كلها
بالدنيا بعد جاروحي شلها
عزيزتكم بعد خايب املها
🔹🔹🔹🔹🔹🔹🔹🔹
فوك الكبر مكتوب اسمه
وجوه الكبر مدفون رسمه
لايشتم هوه ولايشم نسمه
🔹🔹🔹🔹🔹🔹🔹🔹
اكعد واسولف ويه الكبور
هاي السنين بسرعه ادور
هجروا ياكبر احبابنه الدور
🔹🔹🔹🔹🔹🔹🔹🔹
كون الكبر ينفتح بابه
وامسح عن وجهه الترابه
مايرد يضل كلبي بمصابه
🔹🔹🔹🔹🔹🔹🔹🔹
خادمة الزهراء عليها السلام ام مصطفى الموسوي ثواب العمل مهداه إلى مقام صاحب الزمان عجل الله فرجه الشريف وروح والديه وروح ابني المرحوم مصطفى كريم الفضلي
زينب اتگول بعد مصرع الحسين ع
النوايــب عشعــشن يمــي وحطن
وشيلن طن حزن وانهـت وحطن
يحگلي اتـــراب علهــــامه وحطن
عگب حسين ابن امي الزچيه
: زينب ( س) اتگول
عــگب عـــباس يــهلـي يارَحالي
ياريــت الــيوم يحـضر يارَ حـالي
هظــم واهمـــوم اطحني يارَحالي
اجيت امخدره وارجــع سبيه
(س) في رثاء الاهل
حرت ششمر ششد والصعب شدهاي
من زغـــري انشــدهت وزاد شدهاي
دواهــي البيــن مـاتنـحمل شدهاي
زماني اعناد الــي مــارحم بيه
✍ام عدنان سياحي
يمه فتحي عيونج
شو تغير لونج
يمه حاجيني يمه حاجيني
انه يا يمه العقيله فدوه حاجيني
كلبي ما يحمل هظمتج لا تفجعيني
يمه فتحي عليه عينج لا تهظميني
انه ما احمل فراكج وانتي تدريني
يمه ذابت روحي
عليج زايد نوحي
لا تصوبيني يمه حاجيني
البنيه عكب امها وليه يوليها الوكت
وانه يا يمه زغيره ومن المفارك خفت
والله بغيابج ييمه ادري المصايب بدت
ريت وي غمضت عيونج انه يحبيبه متت
فدوه بس حاجيني
افدي ليج سنيني
لاتأذيني يمه حاجيني
اه يا يمه دخيلج فدوه لا تعوفيني
يالحنينه فدوه كومي يابعد عيني
اكعدي خل احجي البكلبي وانت سمعيني
يمه لو ترحين عني من يباريني
وانه بعدي زغيره
شلون اضل بحيره
ليش عفتيني يمه حاجيني
جنت لو مريت يمج ايدج تمديها
بحضنج تريدين انامن وريحتي تشميها
هسه يم راسج انوحن عينج تغمضيها
هيج اهون عليج انه رويحتي امردتيها
والله محنتيني
للهظم عفتيني
فدوه رديلي يمه حاجيني
خادمة الزهراء ام زينب السعداوي
فزاعيه للزهراء روحي فداها
=============
وبليل الجنازه
غربو بيها
دفنها بصف ابوها وأمن اعليها
============
ليش بليل والزهره يشيعوها
مكسور الظلع بلباب عصروها
دمعتها تصب ياحيف خلوها
يلشلتو نعشها لاتعوروها
عالو بيها .. يابوها اگعد
===========
اليله فاطمه موادع انه وياها
ابوها اليوم هلمتوسد احذاها
اگعد سولفلها ماجره وياها
ليش اظلوعها محد الداواها
ومهضومه ... جتك شچايه
============
راويه الضلع والسطره لبعيناچ
خبري بلجره والصار من اعداچ
وگليله علي ضل يبچي وينعاچ
ضلو بلهظم بعدچ تره ايتاماچ
وناشدها .... علظيم البيها
============
وليش من الورث يلنبي حرموها
حتى من البواچي عليك منعوها
وتالي بره الولايه يطلعوها
حتى الشجره يلمصطفى گطعوها
ومهظومه ... احا يلراحت
=============
خادمة ال البيت وخادمتكم الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد 👇
***
رابط قناة التلجرام اضغط على رابط القناة يأتيك كل جديد 👇
قصيده للام {امي راحت}
امي راحت بعد مااشتم عطرها
غفت بتراب وطفت شمعه عمرها
بس عبايتها بقت
انضرها وعيوني عمت
امي راحت بعد ما اشتم عطرها
❥❥❥❥ـــــــــــــ❁❁ـــــــــــــ❥❥❥❥
بس عبايتها بقت هدمته حيلي
مگابلتها واشم بيها نهاري ليلي
بيها ريحتها وانه ذوبت دليلي
عطر امي جن ورد
بعد ماترجع بعد
امي راحت بعد مااشتم عطرها
❥❥❥❥ـــــــــــــ❁❁ـــــــــــــ❥❥❥
لصوتها اشتاكيت كون يردها وني
صوب الترابات شالت غفله مني
ابد مانشدت بعد الحبيبه عني
نفت بلياها الگلب
صعب فركاها صعب
امي راحت بعد مااشتم عطرها
❥❥❥❥ـــــــــــــ❁❁ـــــــــــــ❥❥❥❥
صعب فركاها صعب مكدر احمله
راحـــــت وراح العمر وياها كله
اغياب امي انه بدليلي اسهام خله
ااه من نوم الكبر
بكلبي ماخله صبر
امي راحت بعد مااشتم عطرها
❥❥❥❥ـــــــــــــ❁❁ـــــــــــــ❥❥❥❥
الصبر مريود بس منين اجيبه
يهجع اشلون الذي يفارگ حبيبه
امي ومفارگها الي اكبر مصيبه
واليفارگله حضن
يشوف فرحه ماضن
امي راحت بعد مااشتم عطرها
❥❥❥❥ـــــــــــــ❁❁ـــــــــــــ❥❥❥❥
شلون افرح وانه يمه مفارگتج
والمن تصد عيني هاي المانستج
انعمت يايمه العيون الودعتج
ودعتج من غصب
وسلمتج للتراب
امي راحت بعد مااشتم عطرها
❥❥❥❥ـــــــــــــ❁❁ـــــــــــــ❥❥❥❥
من ديوان دموع الشفاعه
لشاعرتي اهل البيت ع
نورس الحلفي
غدير الحساني
لطميه لوحشة الزهراء ع عن لسان زينب ع
وحشة البيت عمتني وحشة البيت
بحزني ضليت ييمه بحزني ضليت
الدار وحشه اركانها
وامي خالي مجانها
وحشة البيت عمتني وحشة البيت
............
البيت وحشه والحزن غيم عليه
كمت اعاتب يادهر وين الزجيه
واكعد عله الباب والدمعه جريه
خذت روحي ياخلك ذيج المسيه
اه ينار احزانها
وامي خالي مجانها
عليها ونيت يدهري عليها ونيت
وحشة البيت عمتني وحشة البيت
................
اه يحزني اونتي وضيمي الجرعته
البيت عكب عيونها تكتل وحشته
ايذوب كلبي يالزجيه لو نظرته
ولو سمعت حسين ناداني بدمعته
الدنيه سوده الوانها
وامي خالي مجانها
عليها حنيت يخويه عليها حنيت
وحشة البيت عمتني وحشة البيت
............
سوده صارت دنيتي وبعيني ظلمه
كمت اسولف واكعدت هاليلة يمه
ياحسين ايعيش وحشه الفاكد امه
كتله خويه ماتجي وبكلبه همه
سددت بيبانها
وامي خالي مجانها
وانه سليت عكبها وانه سليت
وحشة البيت عمتني وحشة البيت
.............
اليلة وين البيه دمع يبجي المصابي
راحت امي والدهر كثر عذابي
كمت اصيح بصرختي وابدي عتابي
البيت خالي والصدى ايرجع جوابي
نامت بتربانها
امي خالي مجانها
حسره جريت ييمه حسره جريت
وحشة البيت عمتني وحشة البيت
.............
اليلة وحشة دنيتي وبكلبي حسره
بعالي صوتي واصرخت وينج يزهره
شمابجيت الفركتج وبصدري عبره
مايطلعها البجه ولا جرحي يبره
وبالكلب نيرانها
امي خالي مجانها
جرح خليت يوكتي جرح خليت
وحشة البيت عمتني وحشة البيت
✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب المآسي الفاطميه الجزء الثامن عشر
telgram
لطمية للزهراء عليها السلام ((ضلعچ المكسور))
ضلعچ المكسور ... هدم حيلي
اشلون اشدنه واجبره احچيلي
اشلون اجبرنه الضلع ماينجبر
هاچ عيني وهاچ روحي والعمر
حيل مابيه ولابيه صبر
يمه چا شيفارگچ گليلي
ضلعچ المكسور ... هدم حيلي
اشلون بفراگچ والغياب الطويل
صوباني وهدم الحيل النحيل
مايطيب ولابرد گلبي عليل
والمصايب ضلت اتوچيلي
ضلعچ المكسور ... هدم حيلي
امس مفجوعين بالهادي الرسول
وچملاني اصواب ضلعچ يالبتول
شيعوچ وشال گلبي اويه الحمول
يمه يايمه صحت ريضيلي
ضلعچ المكسور ... هدم حيلي
ريضي لاتمشين ناديت وصحت
بالمحامل چلبت يمه وطحت
ردت اروح اوياچ لاچن مارحت
اشلون اهيد اشلون اعن احچيلي
ضلعچ المكسور ... هدم حيلي
اشلون اهيد اشلون ابطلنه البچي
يمه شحچي ومايگفيني الحچي
من سبع فدوات لرباچ الزچي
للصبح مانام يشهد ليلي
ضلعچ المكسور هدم حيلي
للصبح عيني تهل وماغفت
والمباني اتنوح والشمعه طفت
وين عشرتنه وليالينه صفت
انتي خيمه وچانت تفييلي
ضلعچ المكسور ... هدم حيلي
انتي خيمه الفوگ راسي وهيبتي
ردتچ تنشفين بيدچ دمعتي
ردتچ تشوفين بالطف حالتي
من يروح حسين وامداليلي
ضلعچ المكسور هدم حيلي
الشاعرة المله
ام هجران العمارچيه
غير مبري الذمه من يحذف الاسم ويتلاعب بالقصيده او ينسبها لشخص اخر
فزاعيه حول الزهراء للعلويات
حكنه تفتخر بأسمج يعلويه
انتي الزود كله وكل معانيه
جدتنه والج دمعات مجريه
انزامط بيج يا تاج السيوديه
نزله
*هاي جدتنه ونزامط بيهه*
*العيله بيدج يا ام حسن رديهه*
العياله//انتي اتردين
احزام شدنه العلاوي اليله
هاي جدتنه الترد كل عيله
وهاي مبخوته ونعشهه نشيله
ودمعتج لأجل ام حسن هليهه
انزامط بيه//اسمج بل شده
: وبيج ازامط راسي اتشيلينه
العال يمه انريدج اتردينه
احزام هليله والج شدينه
اهموم يمج وانتي التحليهه
انون بيهه //الونه عليج
: حيل ونن والطم يحلالهه
هاي جدتنه العرش ونالهه
الزود بيهه والعلاوي ابجالهه
*الشاره عدها وروسنه نعليهه*
من الهيبه//الشاره العدنه
اليله نبجي ومانبطل ابجاها
انكابل الحره ونون وياها
فاكده امها والوكت هداها
*الدار وحشه والحزن ماذيهه*
انلاكيهه/اليله الحره
: احزام جدتنه بحزن شديلهه
ادخيلج انه ام الحسن كليلهه
حيل تستاهل تره اتونيلهه
*وبلهظم يالحاضره حاجيهه*
اتحضرينه//الطاح ابشده
*لخادمة الزهراء العلويه ام جعفر*
غير مبري الذمه من يحذف الاسم ويأخذ الكلام وينسبه له ج مستهل القصيده رأس مشد فواتح نسبته إلى الزهراء
قصيدة حول الاب لدوران السنه
وين الكاها وين الكاها
ذيج ارسومك وين الكاها
ما شفناها ما شفناها
سنينك دارت ما شفناها
والله صوابك يدي وينزف
يالماخذ ثلثين الحيل
عفت البيت الجان بنورك
طافي ومتكدر وتشيل
ايام الفركه اشيحملها
لو هود لو جن الليل
ودعناها ودعناها
الراحه راحت ودعناها
هاي سنينك جمره وتسعر
بروحي ماتطفه ولتهيد
يابويه شما اسكت ابجي
لو اسمع بيام العيد
اشتاك لوجهك ولطولك
ولملكاك الروح اتريد
ما انساها ما انساها
جلماتك لا ما انساها
لهسه جروحي تنزف بويه
يالمشتاكين الملكاك
مو وكته النوم البلهيمه
يا خيمتنه اتضل ردناك
مستعجل عالفركه وشايل
موتدري انموت ابلياك
خلصناها خلصناها
اوياك العشره خلصناها
شنسوي انضل بويه بدارك
يالشايل ومخلي اهموم
فراك الموت وصعبه سنينه
متوسد ويطول النوم
يالكبرك مسدود بهيمه
وسنينك صعبات ادوم
سامرناها سامرناها
الدمعه بفكدك سامرناها
شتفيد الدمعه وما ترجع
يا بويه وتكعد بالبيت
من افراكك شايل حيلي
مستعجل شو ما ضليت
تدري بنعشك من ودعته
شيعت الروح ورديت
يا محلاها يا محلاها
اوياك العشره يا محلاها
💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي ✍
نوحیه الوفات الزهراء (س)
دارچ یلزچیه موحشه وظلمه
زینب خایفه واتنادی یایمه
یازهراء الزچیه زینب اتنادی
امشی علیچ جدی النبی الهادی
رجعیلی ییماشوفی اشسادی
تطشرالشمل صعبه بعدلمه
الحراضلت حزنانه
بعتبة باب دارچ جالسه الحراء
ضغیره وبلهظم النوح اتجراء
تهل ادموعهاوتنحب ابعبراء
تبچی ولازمه الثوب اتشمه
تبچی والداراتعازیها
المحراب ضل خالی ویبچیها
من تصیح یمامحدایجیها
عله افرگه ضغیره وحیل مابیها
گلبهامن الم غرگان ابهمه
اشسواالبین ابعملاته
ضغیره وشاهدة الباب والبسمار
بعدشافت ظلع مکسوروسط النار
تبچی وعینهاتنظرالباب الدار
من البچی العنین متألمه
زینب یازهراء حضریها
زینب للمصایب رایده عوان
دخلت دارچ اتنادی یلخوان
امنه حملت عافتنه بلاحزان
شالت والظلع ینزف ابدمه
انعازی زینب بلنیبه
تمت ابعون الله
خادمة الحسین الملایه ام داودالگرغولی
من مدینة معشور..الکورا
لطميه للسيده أم البنين عليها السلام
من أرض العراق أعله السعوديه
وجينه الگبرچ أنزوره يبدويه
❥━──➸➽❥💔❥━──➸➽❥💔
هيبه أمعدله يم الگمر عباس
بسمچ تحلف أو تتباهه كل الناس
يا تاج الذهب يلمركزچ عالراس
أو ثابت منصبچ يم الكراميه
❥━──➸➽❥💔❥━──➸➽❥💔
جينه الگبرچ أو بعيونه الدمعه
أو نشعل يمچ أبهاليوم ألف شمعه
وصعبه من نروح أو گبرچ نودعه
وصعبه أنعوفچ أبين الوهابيه
❥━──➸➽❥💔❥━──➸➽❥💔
من عباس أجينه وجبنه الرايه
وگنالچ عليچ أيسلم أهوايه
يافخر النسه ويالبيچ الكفايه
وما عندچ صحن لا گبه مبنيه
❥━──➸➽❥💔❥━──➸➽❥💔
يا حره صحن ما عندچ أو گبه
وما مبني الگبر شفناه شگد صعبه
أو يأذينه الگلب والعين تتربه
وگبرچ بس رمل وسفه يعلويه
❥━──➸➽❥💔❥━──➸➽❥💔
من أرض العراق المرقدچ زوار
جينه أو ما تخوفنه العده الأشرار
ويه المهدي باچر كلنه ألچ أنصار
وبحيل الله من أعداچ محميه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأحد / ٩ من شهر جماد الأول
الموافق ٢٠٢٢/١٢/٤
قصيده مع هوسه الابا الفضل ع
يهذا منين هذا نسل السباع
يا رسم السبع وسفه حدر كاع
➖➖➖➖➖➖
هذا منين هذا ابن سادات
يطلبونه الفراضه يحل شدات
ابو فاضل سبع كله امروات
( معروف الكافل بفعاله)
➖➖➖➖➖➖
معروفه افعاله بيوم الطفوف
ياصكارهم مايعرف الخوف
يالمنطي العين ومنطي الجفوف
( اوخلاها تتراجف كلها)
➖➖➖➖➖➖
خليت العساكر مالها صفوف
جفك ياحلاته لازم سيوف
ابصولاتك يكافل انته معروف
( تاريخ ويشهد لفعاله)
➖➖➖➖➖➖
شهد تاريخنه بيامك الحلوه
يانسل الشجاعه وصاحب النخوه
معدل ياسبع يالتعرف الخوه
( مضحيها لحسين عيونه)
➖➖➖➖➖➖
ضحه للاخوه ثنين ذرعان
ياشيخ العشيره كمر عدنان
انته بالطفوف مخلي نيشان
( الطف ليهسه يسولف بفعال الهيبه)
➖➖➖➖➖➖
تمت بقلم خادمه اهل البيت
الشاعره
هيلين الساعدي
:
محاضره
ضروره اصلاح المرأه
من اهم الصفات التي يجيب أن تتحلى بها المرأه هي صفه الاصلاح وذالك الان المرأة
ذا اصلحت فان الاسره تصلح وكذا المجتمع وذا كانت فاسده فأن أسرتها تفسد ويمتد أاثر الفاسد إلى المجتمع كذالك
عضمه المرأه الصالحه
ذا تحلت المرأه بصفه الإصلاح فأن الله تعالى يرفع من مكانتها بحيث راح تتفوق على الرجال ورد عن الأمام الصادق (ع)
إن قال المرأه الصالحه خير من الف رجل
غير صالح اكو نساء معدلات مؤمنات صاينات بيوتهن بسترهن بعفافهن
مثل اخلاق فاطمه الزهراء مثل زينب
والبعض لاللاسف تشوفها الزينه وتبرج
واهي تفتر بالمولات والأسواق وعدها شي طبيعي وتتزاحم بين الرجال لعد وين المراقبه وين الاهل تشوفه رايحه الاماكن
العامه واهي بكل الزينه وتبرج والمفاتن
واضحه وشباب تباوع الها بكل اريحيه.
عن عبدالله ابن سنان عن بعض أصحابنا
يكول سمعت ابا عبدالله يقول إنما المراه
قلاده فأنضر ماذا تتقلد
المراه المؤمنه الله يرفع من قدرها ويخليها في مكانه عاليه
مكانتها بالاخره فيعطيها مايعطي من الصالحين من عباده فيقول تعالى
إن الذين آمنوا وعملوا الصالحات يهديهم ربهم بايمانهم تجري من تحتهم الانهار
في جنات النعيم
وتحشر يوم القيامه في زمره الصالحين
والصالحات اكو حديث عن رسول الله
قال إن ثلاث نساء يرفع الله عنهن عذاب
القبر ويحشرهن مع الزهراء امراه صبرت
على عسر زوجها ومراه صبرت على سوء خلق زوجها ومراه وهبت صداقها
منهي المره الصالحه
الجواب ذكر القران الكريم صفتان للنساء
الصالحات وهي القنوت والحفض فقال تعالى
فالصالحات قانتات حافضات للغيب بما
حفض الله
والمراد من القانتات المطيعات عن طوع
وغربه ومحبه الامجرد الطاعه
ومن مضاهر القنوت الدعاء والمناجات
والذا قال تعالى
المريم. يامريم اقنتي الربك وسجدي
نموذج المراه الصالحه أبرز مثال
المراه الصالحه هي السيده مريم
بنت عمران فقد وصفها الله تعالى بأنها
كانت حافضه النفسها ومن القانتين
وفي المحاضره الابد إن نتعرف على السيده مريم ونحبه ونذكرها كما ذكرها القرآن الكريم فانگول أن الطابع العام الاانثى هوه العاطفه والحب ففي كل مرحله من مراحها تبرز العاطفه فيها
فكانت صغيره تتوجه عاطفتها الوالديها
وخصوصا الاب وعندما تتزوج تتوجه العاطفه الزوج وعندما تكبر تصير أم
ماتجسد العاطفه بكل مالها من معنى
والسيده مريم الديهة عاطفه شديده
والكنها وجهتها الله
تعالى نفرغت العباده وخدمه بيت المقدس
واللعلم فإن كلمه مريم بالغله تعني العابده
قال تعالى يامريم اقنتي الربك وسجدي واركعي مع الراكعين
وعن الامام الباقر كانت من اجمل النساء
تصلي فيضئ المحراب النورها
وعن ابن عباس لمابلغت تسع سنين
صامت النهار واقامت اليل وتبتلت حته غلب الاحبار
ومن هنا نتوجه إلى الاخوات الكريمات
النقول الهن لتكن عاطفتكم موجهة الله
ثم نحب من يحبه الله تعالى فالحب في الله والبغض في الله ولايصح إن تتوجه العاطفه إلى شاب من دون علاقه شرعيه
فإن الله تعالى يقول والمتخذات اخدان
أمضت السيده مريم حياتها في سبيل الله
ودفاعا عن والدها السيد المسيح
حتى نتقلت إلى ربها فغسلها والدها فهي صديقه لايغسلها الاالصديق وهكذا السيده الزهراء فهي صديقه لا يغسلها الاالصديق وهو الامام علي فقد روى أن الإمام الصادق
سئل عمن غسل السيده الزهراء فقال ذاك امير المؤمنين فستغرب السائل فقال له الامام لاتضيقن فانها صديقه ولايغسلها
الاالصديق اما علمت أن مريم لم يغسلها الاعيسى
ساعد الله قلب امير المؤمنين عندما غسل السيده الزهراء وضلعها مكسور
وكاني بزينب تكلهة يمه يايمه ياحبيببه
ضلمه ييمه البيت بحفاج
يمته تجين ونگعد وياج
الموت يا حبيبه مخلاج
انطيني وعد يمته تردين
ونگعد سوه وتشوفج العين
ماضنيت يايمه تغيبين
نگعد سوه ونشوفج ردود
يايمه نمتي بنص اللحود
ياحيف شخصج صبح مفگود
مفگود شخص الغاليه اليوم
وين اشكي بعدها أنه الهموم
گليبي عليج اليوم ملجوم
ملجوم گلبي يريد ملگاج
امي الغاليه والروح تهواج
اتفداج روحي اليوم تفداج
نريدج ييمه من يجي العيد
ملگاج يمه صبح بعيد
خلاني اصفگ ايد الاييد
:
:
:
:
:
:
:
:
:
:
:
:
:
تـــــمـت والحمـــــدللـــه
✍الشــــاعره ام حـــوراء الاسدی
واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة الشاعرة ام حوراء
🌹🌟قصائد🌟🌹
الشاعرة✒ ام حوراء الاسدي
غیر مبری الذمه من یمسح اسم الشاعرة 🌹
يا حسين:
: فزاعيه حول استشهاد الزهراء
*بكبر امج يزينب وين دلينه*
:
*عله الماعدهه حضره اليوم ونينه*
شدينه الاحزام ونبجي لزهره
جي ضايع كبرها ومالهه حضره
تستاهل مناحه ام زينب الحره
وعالضايع كبرها كل بواجينه*
: ماعدهه صحن لا كبه مبنيه
ودلينه يزينب وين جا هيه
نقره الهه الزياره انريد يوميه
وبشباجهه جم علك شدينه
وين امج نريد اروح عنايه
وننصب فاتحه والحسين القرايه
ماتبجي الظلعهه وناحت الهايه
*لحسين ولابو فاضل وجفينه
تخذينه يزينب نعتني ليهه
انريد الجف ابو فاضل نواسيهه
والحسين الطم ودموع نجريهه
*ونكلهه يزهرا احزام شدينه*
بس ضايع كبرها وما لكيناها
حسافه ام الحسن لا شيعيناها
انريد انروح ليهه ونكعد احذاها
*والحسين وعضيده كل تعازينه*
*لخادمة الزهراء العلويه ام جعفر*
غير مبري الذمه من يحذف الاسم ويأخذ الكلام وينسبه له ج
موشح للزهراء عليها السلام
اليوم عالشفجه يرف دلالي
حملت والبيت صبح خالي
اليوم دلالي عله الشفجه يرف
مانشف دمع العيون ولايجف
صعب ماينراد فرگاها وكلف
دولباني افراگها وشل حالي
دولباني افراگها وماينحمل
ماالوم العين لوضلت تهل
النزل حزنان يوحشني النزل
ومن اصد للدار تشده بالي
من اصد للدار بالي تحيره
عگب عين امي حزينه امكدره
وين اشوفنها المشت للمگبره
شيعاها ورد يون الوالي
شيعاها ورد يون المرتضه
اضلوع والدتي الزچيه امرضرضه
فلت العشره والمسامر گضه
والسمر وي ام حسن يحلالي
اوياها يعجبني المسامر والبصر
اغله من الروح واغله امن العمر
والله لوبيدي اضل يم الگبر
واحط صورتها واسمها اگبالي
احط صورتها واعاتبها واگول
ليش عفتيني يتيمه يالبتول
باچر الخيل اعله صدر ابنچ تجول
ينذبح مظلوم بالطف تالي
ينذبح محروم من ماي العذب
ياهضيمه ايشيل ياشوغه الگلب
ادخل الديوان ظلام وغرب
واليسر والشام يتراوالي
الشاعرة
هجران الياسري
بنت المله ام هجران العمارچيه
غير مبري الذمه من يحذف الاسم او ينسب الرثاء لشخص اخر
نوحیه لوفات الزهراءعن لسان السیده زینب(س)
شیعودالزمان شیعودالایام
حاربنی الدهرصوبنی بسهام
یوجع سهم الفراگ
لمی الکلب یشتاگ
شیعودالزمان شیعودالایام
ایام الزهیه خلصت ابساع
مثل میت ینام وتطمه الگاع
یهدم العمرساعات الوداع
اگضی العمربلآه
آه والف ویلاه
شیعودالزمان شیعودالایام
خوان الدهربلقدرمعروف
طگنی عله عینی وبعدماشوف
عله ملگه الحنینه گلبی ملهوف
بظلام الیل شالت
دموعی دمه سالت
شیعودالزمان شیعودالایام
ااشتاگ واحن لمی الحنینه
بعدللموت ماضنهاتجینه
تمرایامنه کلهاحزینه
ماننسه رباها
الدهرمنه خذاها
شیعودالزمان شیعودالایام
اهموم الگلب نهلن حیلی
سهرانه وابدمانام لیلی
اصیح بصوت یایمه تعالی
مکانچ یبچینی
تهمل دمه عینی
شیعودالزمان شیعودالایام
تمت ابعون الله
خادمة الحسین الملایه ام داودالگرغولی
من مدینة معشور..الکورا
"
..بڪِ أَلـوذُ وعِندَڪِ يَـا سَيِّدَتَي دَوَاءُ عِلَتِيّ...
يَـا فَـاطِـمَـةَ الـزَّهْـرَاءِ
🍃✨
#اللهم_صلِّ_على_محمد_وآل_محمد
نعي مجرد للزهراء
............
خلو النعش يالشايلينه
بعد مانشوف امنه الحنينه
بعد لا نجيها ولا تجينه
.............
لاتشيلوها ارد اودعنها
واشبع بواجي واشمنها
امي وبعد وين اشوفنها
..............
بعد وين اشوف امي الزكيه
بعد ما تجي وتمر عليه
ترى افراكها يصعب عليه
...............
امي واحن ياناس ليها
شالت بعد وين الاكيها
بعد منشوفها ونسمع حجيها
...............
شالت النهواها ونحبها
عنه مشت وابعد دربها
مهي الوالده الطيب كلبها
.................
ام المحنه فكدناها
وبناتها يبجن وراها
راحت الماشبعت هواها
.................
راحت وماردت عليه
وعافتني بديار الخليه
ابجي واصيح اشلون بيه
.............
ام حسين الهلالي
اسالكم الدعاء لي ولوالدّي
لا اجيز شرعاً حذف الاسم
نعي مجاريد للزهراء
انه حنيت ليام الحنينه
ترى الوالده خيمه علينه
ومثلها ابد لا مالكينه
---------
شالت احبيبتنه النودها
ونحجي اسرار الكلب عدها
غدار الوكت عنه بعدها
---------
شالت غصب ام المحنه
وبعد ماترد وتعود النه
وطول الحلو وين اشوفنه
----------
بعد ماترد ام كلب الحنين
على فراكها بس تهمل العين
وكلبي ورها صار نصين
-----------
امي اشلون اصبر بلاها
ازغيرونه وبعازه رباها
شالت غفل امي شجاها
-----------
نبجي ونصيح بصوت يمنه
مهي الوالده وتشيل همنه
بعدها اشكثر صاير هظمنه
----------
من يوم عفتينه ومشيتي
شبعنه هظايم مادريتي
ناديت يمه او ومااجيتي
-----------
ردي صحت يايمه وينج
اسمله ييمه فاكدينج
والبيت ظلمه اخلاف عينج
----------
يم حسن يمه فجعتيني
يومج صعب ياماي عيني
وللموت مايبطل ونيني
------------
✍️ام حسين الهلالي
اسالكم الدعاء لي ولوالدي
نعي حول رجوع الامام علي من دفن الزهراء وكاني بزينب واقفه ع باب دار امها تكله بويه
رديت وامي ما جبتهه
مشتاكه عليهه وضيعتهه
ما حسبت بالنوح بتهه
جاوين خليت الحنينه
ويرجع شخصهه ناطرينه
يبويه الوالده اشوصت علينه
وصت وصيه اعتاب بيهه
وتكول حط عينك عليهه
ابنيتي بحزن لا تخليهه
هم وصتك هم ترجع النه
وحطت وعد وتعود يمنه
لو ما ترد ليهه تخذنه
اخذنه يبويه انريد يمهه
وبعدنه تره بعازت حظنهه
ما ترد لينه بعد جنهه
واليل كلي اشلون لو صار
وكلبي يحن وشتعل بيه نار
وحشه ومظلمه صارت الدار
ابعيني النزل ظلمه واصدله
وحملي ثجيل اشلون اعدله
اون ونيني عيب امله
فكديتهه وايست منهه
وللموت ما بطلت ونهه
اخذنه نروح انريد يمهه
يمهه تخذنه انروح كلنه
ونشوف كبر ام المحنه
ونحط عله الجيه وعدنه
بلكت نروح ولينه تكعد
ورواحنه من انشوفهه اترد
وجهه علينه اهواي مبعد
*لخادمة الزهراء. العلويه ام جعفر*
غير مبري الذمه من يحذف الاسم وياخذ الكلام وينسبه له ج
عندما ضعف حال مولاتي الزهراء ع. ذهبت الى الذبن اخذو ارثها وحرقو دارها واسقطو جنينها 😭
وضع ستار اي حجاب بينها وبين الكفره الدعيه أنة الزهراء بأنه.اي بحسره سمعها كل الحاضرين واخذت تخطب خطبتها البليغه فيهم بعد ان حمدت الله وثنت ولكن القوم لم يستمعو الى كلامها وخطبتها البليغه.حرموها من.فدك.. وجميع الحقوف.اصبحت كالقوس المنحني من شده المصاب ورجعت الى دارها حزينه باكيه.وهي تقول
اه اه اه
😭😭😭
👇👇👇
ونت الزجيه تهدم جبال
ولدمع منها اليوم جن سال
تشكي لبوها الصار ولحال
〰️〰️〰️〰️
طلعت ومنها طايح الحيل
الزهره ضلت عينها سيل
وسفه الدهر بلزاجيه يميل
〰️〰️〰️〰️
اصيح بويه يامحمد
عدوانكم .داسو ترى الحد
الكفر ولعدوان هل الرد
〰️〰️〰️〰️〰️
ام الحسن طلبت بحكها
حتى فدك اخذو منها
ومن الهضم واكد جمرها
〰️〰️〰️〰️
نورج طفه من حركو البيت
ولمصيبتج اليوم ونيت
واجب الج يلزهره حنيت
〰️〰️〰️
اهل السقيفه مارعوها
تدمع مدامعها ولوها
من مات ابوها عذبوها
〰️〰️〰️〰️〰️
محد وكف وي الزجيه
ضلموها اولاد الدعيه
الزهره ونتها شجيه
〰️〰️〰️〰️
رجعت مدامعها جريه
وتكول محد نغر ليه
ويلي على الزهره الزجيه
〰️〰️〰️〰️〰️
امست لا ناصر ولا معين
بدار ابوها دير بلعين
وصيح يابويه ترد وين
〰️〰️〰️✍🏻بقلمي الفقير المله ولشاعره ام نادين المحمداويه.خادمه البتول
قصيده عن سيدتي ومولاتي
الحوراء زينب عليها السلام
تقول...
اريد اكعد واعاتب وجذب الونه
عله الشالت غفل وايتام خلتنه
*•──≪✿᯽✿≫──•*
ازيدنه العتب ودموعي اجريهه
ايتامج ييمه شلون اخليهه
منو بعدج يزهره الي يباريهه
الدنيا بغيبتج ياأمي لوعتنه
*•──≪✿᯽✿≫──•*
لوعتني يزهره وهدمت حيلي
سهرانه بقيت. وما نمت ليلي
المن اشكي همي وياهو يشكيلي
الف ياحيف بيج اعدانه فجعتنه
*•──≪✿᯽✿≫──•*
اخذيني وياج وحدي لا تخليني
حنانج وي كلامج يمه يرويني
عگب عينج اموتن قهر تدريني
مرار بغيبتج. هالدنيا راوتنه
*•──≪✿᯽✿≫──•*
انه وياي ردتج بالحلوة والمره
مو عنه غفل ترحين فد مره
عليج انون نظل ماتطفه هالجمره
الدنيا أخلاف عينج يمه اذتنه
*•──≪✿᯽✿≫──•*
عليج يضل يون ويگول اريد امي
اذاني بكلامه وزاد الي همي
راحت يالحسن لتزيل كل غمي
وسافه وياج راحت يمه فرحتنه
*•──≪✿᯽✿≫──•*
تمت بحمدﷲ تعالى بقلم
خادمه الزهراء غدير الباهلي
نسئل ﷲ القبول والتوفيق الدائم
زينب عليها السلام تخاطب امها فاطمة الزهراء عليها السلام
صرنه من بعدج يتامه يُمّه يُمّه
ورسمن بعيني علامه. يُمّه يُمّه
متنج ودم الضلع
حگه گلبي ينفجع. يُمّه يُمّه
......
أمنه يا ام الوفه
والكرم والعاطفه
خيمه چنتي ويلتم بفيّچ شملنه
شوفتج راحه ودوه
عشنه بچفوفج سوه
بحضنج الدافي ربينه البي محنّه
يُمّه يانبض الگلب
فراگج علينه صعب
يُمّه مو بس بيتنه مظلم وطنّه
من وكت رحتي امندينه يُمّه يُمّه
بغيبتج ظلمه المدينه. يُمّه يُمّه
عيوني ذبّلهه الدمع
حگه گلبي ينفجع. يمه يمه
.....
وياج عشنه امن الزغر
احله ايام العمر
انسبّح الله بوجهج ويشرق صبحنه
انتي رحمه من السمه
آية الله العالمه
انظلمتي بيا ذنب بالدنيا صحنه
يُمّه وعيونج تره
البيت اصبح مگبره
رحتي وبجرح اليتم يُمّه انجرحنه
وردة وبأوّل شبابج. يُمّه يُمّه
بيا ذنب سنّو عذابج. يُمّه يُمّه
ليش گلبج ينصدع
حگه گلبي ينفجع. يمه يمه
.....
ما رحم بيج الزمن
فاطمه يم الحسن
عذّبوج الجانوا بمظهرهم اصحاب
هجموا عليج بحقد
ونتي من طبع الورد
تهدم الحيل وتكسرج دفعة الباب
ضلعج وگلبي انكسر
وباقي لليوم الأثر
بياذنب عصروا جنينج يُمّه ونصاب
انشلت ايده الصاب ضلعچ. يُمّه يُمّه
مو دمع دم سال دمعج. يُمّه يُمّه
ليش بابج يندفع
حگه گلبي ينفجع. يمه يمه
.....
زينب آنه بلايه أم
يتم وجروح وهضُم
ليش عفتيني بعذابي ودمعة العين
خالي محرابج اصد
صدك عنج ابتعد
فاطمه يُمّه الحنينه رحتي لا وين
عفتي زينب للحزن
ابچي يم بابج وون
الحسن ساعه يواسي گلبي وساعه الحسين
ميته ياريت بمصابج. يُمّه يُمّه
وندفن ريت بترابج. يُمّه يُمّه
ولا اعيش بهالوضع
حگه گلبي ينفجع. يمه يمه
.....
يُمّه ما يسوه العمر
بعدج ولامن صبر
ينفع ويرتاح گلبي من ونينه
الله لا ينطي الكسر
ضلعج وشفتي القهر
لحد آخر ساعه من عمرج حزينه
رحتي للباري العلي
وشالج لگبرج علي
محني ظهره امن الحزن الله يعينه
انتي روحه وذكرياته. يُمّه يُمّه
يدفن بگبرج حياته. يُمّه يُمّه
ضل نحيبه ينسمع
حگه گلبي ينفجع. يمه يمه
سيد زيد الفحام
______________________________________
نوحیه الوفات الزهراء وبکاء زینب(س)
حریت النار یمه اشلون اطفیها
صغیره بلعمرخاف احترگ بیها
عذرینی ییماحیل مابیه
عله امصاب الجراظلوعی مچویه
شفت دموم صدرچ وانتی محنیه
اجروحچ ییمااشلون اداویها
گعدی یلزچیه یماخبرینی
امتونی علیمن حیل تچوینی
گعدی یلحنینه یماحضنینی
وجناتی الدمع یازهراء چاویها
ییمالیش احس نیرانی لهابه
احس امچتفه وروحی مرتابه
یوجعنی الگلب ویلچم عتابه
روحی مدوهنه بیمن اسلیها
ضعیفة حیل فاطم نحبة ابعبراء
اتگلهایزینب یمایلحراء
مصاب حسین هذه الی علیچ یجراء
هاذی کربله وهذه طاریها
بصیاط العدوتنضرب امتونچ
یحرگون الخیم یماویشتمونچ
یذبحون الولی وانتی یچتفونچ
غریبه ابکربله تمشین ووادیها
امگابل صارلطم الهامه
تمت ابعون الله
خادمة الحسین الملایه ام داودالگرغولی
من مدینة معشور..الکورا
نوحیه وفات السیده زینب(س)
المن هل جنازه المالهاخوان
شلت الجنازه تریدولیان
شوچنهاغریبه وین عشیرتها
مایدرون بلغربه منیتها
نحیفة الجسم معلومه کسرتها
چنهافاگده وماعدهاعوان
لوعدهاخوان فزعولیها
ایبین علیهابت سلاطین
الف وسفه اهلهاوین ماشین
بتهم بلغرب امسلهمه العین
خبروهم یجیبون الهااچفان
اتریداحباب یشیعوها
وین اخوانهااتجیب تابوت
اختهم بلغرب وافاهاالموت
یشیعون النعش وبهیبه اتفوت
خل تگفع خیلهم اهنایفرسان
تریداحباب المظلومه
الف وسفه علیهاالغربه شیّعتها
بدیارالغرب اتصیردفنتها
علامه عله الگبرخلوتجی خوتها
تربی عینهاضلت للحنان
تریداخوان یمروها
الدنیه تکدرت لاموعادیه
مهیوباتبین بت افاعیه
شبهه حیدرعلی ای های هیه
زینب های مهدومة الرکان
بت حیدرزینب معروفه
تمت ابعون الله
خادمة الحسین الملایه ام داودالگرغولی
من مدینة معشور..الکورا
