الفاطميه
قصيده ندبه لمولاتي فاطمه الزهراء عليها السلام
وزن موشح
بساعة الدفنه يزهره بشدتي حضريني
مالي غيرج وسيله من الذنب خلصيني
⇒⇒⇒⇒⇒⇒⇒⇒⇒
بساعت التدنه وفاتي وينزلوني للكـــبر
ويهلون تراب لحدي وينطفي شمع العمر
رايده ٲمروتج ياحره تحضريني بهل العسر
وحدي بهاي المصيبه دخيله لاتعوفيني
⇒⇒⇒⇒⇒⇒⇒⇒⇒
لاتعوفيني دخيلج وحدي بذاك اللحد
فارگت كل الاحبه وحته فاركت الولد
بذيج ساعاتي اندبـﭾانتي بس انتي سند
دخيل ياام المحنه اندبج سمعيني
⇒⇒⇒⇒⇒⇒⇒⇒⇒
اندبج باابن احلفج بالحسين وذبحته
وباليتامه والعطاشا والكفيل وحوبته
بداعت اعزيزج احضري للمحب بمحنته
رايده بذيج النوايب انتي اتعــــينيني
⇒⇒⇒⇒⇒⇒⇒⇒⇒
ردت بذيج النوايب نضره منج فاطمه
تنجيني يامولاتي أبجاه حماي الحمه
تحضرين وياي وتنورين ليه المضلمه
يم حسن انتي الشفعيه يانضرها لعيني
⇒⇒⇒⇒⇒⇒⇒⇒⇒
انتي يالزهره السند ونتي الشفيعه بلمحن
اجيتج اتوسل بداعت ابو اليمه وبالحسن
لا تخليني وحيده اوگلبي من خوفه انطحن
لمــــن. يضيك الگـبر يـــــالطاهره نجيني
⇒⇒⇒⇒⇒⇒⇒⇒
لاتعوفيني وحيده من يعوفوني هلي
مايضل غيرج وسيله ومحداليشفع الي
واني بيج اتمسكت وبحيدر الموله علي
خادمة لخدامـﭾ انه من ذنوبي احميني
⇒⇒⇒⇒⇒⇒⇒⇒⇒
تمت بعــون الله تعالئ
بـٲقلام خادمات الحسين ع
✍الشـاعره زهراء الحربي
حسينية الهوئ
✍خادمةالسيده رقيه ع الشاعـره سهــام المالكي
ونسال الله القبول ونسالكم الدعاء❤️
نعي كرناوي بحق الزهراء ع.....وكل من فقد الوالده........
دللول شحلاتج من تكولين
يم حضن اليلمنه صغار وكبار
على صوتج ييمه تنام العيون
المثل كلبج بعد هيهات ماصار
يالكلج محنه وعاطفه وطيب
يمن عمري فداج والج يندار
ما يسوه العمر يالكلشي بالكون
يا نبع الحنان و بحر الاسرار
الصدر مخنوك يمه وانتي الانفاس
يالبغياب وجهج كلبي محتار
التشيل امه بعد شيسوي بالبيت
جمره يصير كلبه ويلتهب نار
بقلم الشاعرة أم كرار الساعدي
غير مبري الذمه من يحذف اسم الشاعرة
قناة الشاعرة أم كرار الساعـدي
💫قناة 💫خطيبة المنبر الحسيني🎤
✍ الشاعرة الحسينية سحر ام كرار الساعدي ✍
نعي لزهراء ع وليلة الوحشه على زينب ع
اليلة موحش ويرهب نزلنه
جلجل اليل وماهي امنه
مثل الجمر يسايل دمعنه
...............
دمعت يتم هلت من العين
ونشدو عليج الحسن وحسين
زينب يخويه الوالده وين
............
زينب. ونت وعلت بجيها
سمعتهم ولطمت بديها
واحد ينشد الثاني عليها
............
سمعتهم عله امهم ينشدون
واحد يكل لثاني شلون
مجان الحنينه تشوفه العيون
...........
خويه ارواحنه شنهي صبرها
وامي انام ليليه بكترها
اليلة انروح نكعد يم كبرها
.............
لمن يطر الفجر نكعد
بلكي الحنينه اتكوم واترد
تسمع نحبتي ولنزل تكصد
..............
اليلة الحزن والهم غطانه
وجه الوالده ماهو ويانه
بيتج وحش يمي وعمانه
✍أم زينب كربلاء غير مبري الذمه من ياخذ الكلام وينسبه له او يحذف الاسم
telgram
نعي لسان حال زينب حول فراق امها الزهراء
يمه الحسن وحسين يبجون
اشتاكو عليج وما يسكتون
ما غفو ساعه ولا ينامون
ردي يالحبيبه عليهم
وباليل يمج نوميهم
شلتي بعجل وتفاركيهم
زغار بعمرهم يمه تدرين
وبرباج اخوتي امدللين
منهم يزهره ليش تمشين
تمشين ماحسبت منهم
ومابطل من رحتي دمعهم
بعوز ارباج يحبيبه بعدهم
بعدهم يحنون عله حظنج
وما شبعو بعد يا يمه منج
ليالي السود من عدنه خذنج
خذاج الزمان ورحتي منه
وخليتي الكلب مابطل ونه
اليبجي حرت بيش اسكتنه
اسكت الحسن وحسين احاجيه
هسه الوالده ترجع واسليه
يبجي الولي والله حرت بيه
ايس وكال اشلون راحت
ومني ومنج وسفه شالت
ذيج المحنه وين صارت
*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له
فزاعيه لزهراء ع
الج ونيت يافخر النساوين
انتي ام الهيابه وام الحسين
.............
الج ونيت يابت اليرهبون
يابت الرساله وسيد الكون
تاج الراس وبصيتح يحلفون
عليج تلوك لطمتنه والونين
..............
سيدت النسه وام الكرمات
تسوين العزه وعليج ونات
يزهره تنوح وتون السموات
اليوم دموم لجلج تهمل العين
................
نون عليح والمدمع نسيله
نصيح احاه ونعازي العقيله
يلوك النوح بسمح يلجليله
يوسفه بليل يازهره تشيلين
...............
خذوج بليل مهظومه يزهره
شالاج الوصي والعين تجره
رحتي معلعله وبضلع كسره
وزينب بديار تصيح صوتين
..........
هاي الزاجيه وتستاهل النوح
هاي ام الشهيد المات مذبوج
فدو ارواحنه لترابج اتروح
يتاج الراس واربات الميامين
........
✍أم زينب كربلاء
فزاعيه للزهراء (ع)
لسان حال زينب (ع) عند فقد أمها الزهراء 《ع》 :
***************
أمي معدله ...وكل لوله مابيها
محلى طولها ومحلى محاجيها
___________________
امي لو مشت اتعاين عليها
بخيته امي ترى وينحلف بيها
حنيه وشرف متروس طاريها
المهيوبه/ خلتني بهمي
___________________
علي بويه يمغسل المهيوبه
على هونك ترى بهداي متعوبه
مالومه ترى من الضلع مصيوبه
ماذيها/ الضلع مكسر
___________________
عفتينه ييمه ليش وحدنه خطارج ييمه راح من عدنه ترى فراكًج ييمه حيل عذبنه
ماذينه/ أفراكج يمه
___________________
أضل مناطره وي وحشة الليل
امي الغاليه ودمعي عليها يسيل
حسبالي تجي تشوف المداليل
عفتيني / مكسورة خاطر
___________________
ردتج حاضره لو ذبحوا حسين
ضلوعه مكسره وأجهر بالونين
كسر ضلعج ييمه نوب ضلع حسين
مهمومه/ أضل كل دهري
___________________
مكتوبه عليً يمه المصايب
أفكًد كل هلي وكل الحبايب
واروحن تالي وبديرة غرايب
تاليها/ ضليت الوحدي
___________________
بقلمي🖊️المتواضع
خادمة الحسين ع
أم صادق المنصوري
أهدي أبيات القصيده لسيدي ومولاي الحجه عج🙆🏻♀️
لاأجيز شرعا" تغيير الأسم أو التلاعب بكلمات القصيده
نسألكم الدعاء لي ولوالدي🌹
أشترك بالقناة عبر الرابط اعلاه☝️
موشح تام
حيدره وتشهد الدنيه أٓنه عليه
شلون غسلت الظلوع ابهاي اديه
***************
غسلت روحي وحياتي ابهاي اليدين
جني موآنه علي ذاكَ البصَّفين
علي امبجيها الابطال ابدر وحنين
محني ظهري يازجيه ادفن اثنين
وَادفنت روحي وجيت وهاي هيه
شلون غسلت الظلوع ابهاي اديه
****
ب✍️ام علي المالكي
*********************
هاي هيه ياورد بيدي دفنته
ثمنطعش طعنات وبكلبي حملته
طاح مني الحيل نعشج يوم شلته
جني مو ذاك الذي خيبر قلعته
موتتج يم زينب أَثرت حيل بيه
شلون غسلت الظلوع ابهاي اديه
******
ب✍️العلويه ام رقيه الموسوي
****************
أثرت بيه المأسي ابروحتج هاي
وخلت ابكلبي سوالف تايه الراي
شلون اكضيها حياتي وانتي سلواي
موتتج يم الحسن أثرت بحشاي
بعد ماترجع الكعده احنه سويه
شلون غسلت الظلوع ابهاي اديه
*******
ب✍️ام علي المالكي
******************
بعد مايرجع عمر فاض وتبده
اخ يانبع الحنان شلون ارده
راح ادفن بالكبر هليوم ورده
ألوكت فاركنه يازهره وتعده
ياشمعتي ألجانت بيتي ضويه
شلون غسلت الضلوع بهاي اديه
*******
ب✍️العلويه ام رقيه الموسوي
********************
ظلمه بيتي ودنيتي منج يزهره
أبد مايبرد غليلي ونار جمره
والكبر ماخذج مني وبي مزهره
روضه من الجنه انتي واحله عطره
كون أسكي الورده ماي ابهل مسيه
شلون غسلت الظلوع ابهاي أديه
*****
ب✍️ام علي المالكي
***********************
انتي يالكلشي بحياتي صار ذكره
كلبي الفراك ام حسن لازم اصبره
شايله وعافتلي وسط البيت شجره
أفروعهه حسين وحسن زينب الحره
ظلت تنوح العقيله الهاشميه
شلون غسلت الضلوع ابهاي اديه
******
ب✍️العلويه ام رقيه الموسوي
*****************
تمت القصيده بعون الله تعالى
بأقلام الشاعرتين
ام علي المالكي
و
العلويه ام رقيه الموسوي
ونسألكم الدعاء
☘️ لاستشهادالزهراءع☘️
نعي // ابوذيات
الدَمع يجري اعله امي دوم... خَلّه
وظُمّه لاتِبيْن اعليك ... خِلّه
الشامت لاتفرحه يموت ...خَلّه
يفرح لو يشوف اصفگ بديه..
كَسِر ظِلعج تره اسمعته ..والعظام
شكثر من ونچ بگلبي ..وّلَع ضام
المصايب دولبن عَگْلي ..والاعظم
مصابج من وگعتي اعله الوطيه..
حزن فرگاج يمه بوجهي...ينشاف
وعگلي من مرار اجفاج ... ينشاف
جِنْ شاف
دَمج علارض مايرضى ...ينشاف
ينشَف
اشم بترابه كل صبح ومسيه..
دمع من دم يزهره سالمني
سال مني
يحيف الموت الج وسالمني
سالم اني
اليكرهج ما احيي ال سالمني
لو سالماني
ونارج بلگلب لیهسه بيه...
الزمان شما يطول و مَرعلينا
لذيد. الماي نشرب مُرعلينا
ننتظره المهدي يمرعلينه
وثارج ناخذه ويّاه. سويه....
على الزهراء اجاوب منتسلني
من تسالني
دموعي اعليها تجري منتسلني
تسليني دموعي
واصيرن سيف الهم منتسلني
من تسل السيف
واظل العن عمر والناصبيه...
٤/جمادي الاخره /١٤٤٢
✍ بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه
نزله
ماعندي غيرچ بالشدد ... عـايـش بخـيـرچ للأبد
مولاتي مولاتي
*------------------*---------------*
ما أبيعن ماي وجهي ولا اجي الـكـل واحـد
أنـه بـس بـابـچ أدگـه بـهـاي ربــي الـشـاهـد
هـواي مـتـفـضـلـه علـيه وعهد هـذا مـعاهـد
أبـقـه مـنـذور الخـدمتچ رغـم انف الـحـاسد
مــا عـوفـه يـالـحـره الـعـهـد
*------------------*---------------*
اليعـقـد النـيه بـعـزائـچ والله خـايـب مـايـرد
بـچـفـه تنطينه الـيـريـده لو قره بگلبه الحمد
أنـتـي مـعـروفه وكريمه بسمچ أنـخـط المجد
خـادم وعـمـري نـذرتـه وأفـتـخـر عندچ عـبـد
حسدونـي اصحاب الـحـسـد
*------------------*---------------*
بـابـچ الحاجات يقـضـي وهـاي تعرفه البـشـر
الـيـمـد أيـده ويـدگـه ابـــد مـا خـاب وخـسـر
ألله خــلاچ الـوسـيـلـه ولـبـسـچ تـاج الـفـخـر
اتـسولـف الناس بعطـائچ والـنـعـم يـم الكـمـر
مــولاتــي هـــــذا الـمـعـتـقـد
*------------------*---------------*
الـمـايـدگ صـدره بعزائچ يمته عالصدره يـــدگ
فضـلـچ اشكبره عـلـيـه كـون اوفـيـلـچ صـــدگ
العاشگ الخدمه وشرفهه أيترجم اليوم العشگ
يـلـهـچ بـأسـمـچ لـسـانــه وگـلـبـه لجلچ يحترگ
بـأفـضـالـچ الـعــالــم شــهــد
*------------------*---------------*
أشـكـر الـبـاري بنعمته حـاضـر بـنـص الـخـدم
وسـمـتـهـه اچفوف أديه وأثر بضلوعي انرسم
قـيـمـتـي بـهاي الـمـجـالـس والله لولاهه عـدم
قـسـم بـمـصـابـچ يـحـره والگـمـر راعــي العلم
بـالـخـدمــه أوفـيـلـچ وعـــد
*------------------*---------------*
غـارگ بـخـيـرچ تـرانـي مـقـصـر واطلب عـذر
تـايــه بظلمة حـيـاتـي وأنتي صـرتـيـلـي فجر
أفـتـخـر اللطم وأخدـمچ وسّمت هـذا الـصـدر
اليـخـدم لـغـيـرچ خساره خـدمتچ بيهه افتخر
بـالـشـده صـرتـيـلـي سـنـد
*------------------*---------------*
✍بقلم خادم ام البنين ع
الشاعر رعد الجريخي
.الي...................
عزاء
نعش الزهراء عليها السلام
*شاهدالله اعله العزاء _2*
*فاطمه شيعوها*
يازهراء يازهراء يازهراء
●●●●●●●●●●●●●●●●
اربع احماميل وعليه العتب
لاكبر علوه ولاجادرنصب
زينب تشاهدوالمدمع يصب
*هلله هلله اعله النعش _2*
*راحو ايدفنوها*
يازهراء يازهراء يازهراء
●●●●●●●●●●●●●●●●●
هلله هلله بليل مظلم فاطمه
والحسن وحسين يبجي ويالحمه
ماتت المظلومه ويلي ومؤلمه
*باليل مظلم والسمه _2*
*يبجي من شالوها*
يازهراء يازهراء يازهراء
●●●●●●●●●●●●●●●●
بليل يالزهره صارت دفنتج
تبجي ظلت ناحله ابنيتج
هاي اول شاهدتهه امصيبتج
*يبجي حسين و حسن _2*
*امنه لاتودوها _2*
يازهراء يازهراء يازهراء
●●●●●●●●●●●●●●●
يبجي حسين وحسن يامسلمين
ليش باليل الزجيه مشيعين
بضعةالهادي گبرها امضيعين
*زينب تنادي علي _2*
*امنه لاتعوروها*
يازهراء يازهراء يازهراء
●●●●●●●●●●●●●●●●●
زینب اتنادی علی/ لیش تبچی یاعلی
لیش شالت فاطمه/ ماتظل یمنه علی
صرنه ایتامه بعد/ راحت امنه یاعلی
*منین اجانه هل امصاب _2*
*فاطمه ظلموها*
يازهراء يازهراء يازهراء
تـــــمـت والحمـــــدللـــه
✍ *الشــــاعره ام آمـــنه*
واسالکم الدعاء🌹
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة نداء الحسین علیه السلام
🌷قصايد الشاعرة ام امنه🌷
غیرمبری الذمه من یحذف اسم الشاعرة 🌹
شارك وانشر للأجر والثواب
رابط القناة القصاید 👇للإشتراك اضغط هنا
*نعي للزهراء (ع) من ديوان عبرات وانين (ج9 خاص بالزهراء والإمام علي عليه السلام)*
*ابوذيه:🍃*
مصب الضيم دهري عليه ينصاب
فجعني بامي خله الگلب ينصاب
چادر حزن وسط الگلب ينصاب
على امي الحملت واگطعت بيه
❥━──➸➽❥❂❥━──➸➽❥❂
*نعي مجرد:🍃*
*-----------------*
يا يمه وچهچ ضيعيته
دورت عنه و ما لكيته
وحظنچ الدافي فارگيته
فراگچ تراني ما هويته
❥━──➸➽❥❂❥━──➸➽❥❂
ما احمل فراگچ وانتي تدرين
وعفتيني وحيده اصفج بالايدين
بعدچ عني وسفه البين
وانطي الوجه كليلي لا وين
❥━──➸➽❥❂❥━──➸➽❥❂
يا يمه يالكلچ محنه
اشم شيلتچ و اجذب الونه
واصيح بصوت يمه ردي النه
من عگبچ تره اطشر شملنه
❥━──➸➽❥❂❥━──➸➽❥❂
محتاجه يطيبه اگعد وياچ
واغفه سويعه بين يمناچ
مدري زماني و ين و داچ
رحتي يبعد اهلي وفگدناچ
❥━──➸➽❥❂❥━──➸➽❥❂
ردي ييمه روحي راحت
بتچ عگب عينچ ما ارتاحت
لطمت عليچ و حيل ناحت
ردي يالحنينه بصوت صاحت
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
لسان حال ام البنين ((ع))
حسين حسين وي روحي اقره حروفه
حسين حسين مشتاگه عيني تشوفـــــه
------------------------------------
بالنار خلاني ومشه والعين تربي لكربلـــه
نساني فگد الاربعه وفراگه ما اتحملـــــــــه
محبوبي طالت غيبته وانه بدموعي أتئمله
دلالي يسعر بالحزن ورويحتي مشتاگه اله
بعيد بعيد رغم البعد ما اعوفه
------------------------------------
باحزاني اعاتب بالزمن وليل اخلصه مساهره
اتسله بنجوم السمه والغالي وحده اتنطــــــره
للباب اصدن وارتچي والماضي كلـــــه اتذكره
عودني اكحل ناظري راح وبقيت محيـــــــــره
عذاب عذاب دلالي زايد خوفه
------------------------------------
أبدونه ما اريد العمر والدنيا هاي شبيهــه
يوميه تنزل دمعتي وفوگ الخدود اجريهــه
المن اريدنه النظر وعيوني كون اعميهــه
طال الغياب وحسرتي ومدري شبعد تاليهه
تغيب تغيب شمس البعد مكسوفه
------------------------------
خلاني مكسورة گلب ودموعي تهمل بالدمــه
الغالي عافاني ومشه وروحي بمحبته متيمه
بعيوني راسم صورته سبط الرسول وفاطمـه
عذب دليلي بغيبته والدنيا صارت مضلمـــــه
دموع دموع بعيوني مثل اطفوفه
------------------------------------
اچفوفي أحَنيهن نذر حسين اناطر جيتـــــــــــه
ما اخلي دمعاتي التصب انزع سوادي بشوفتــه
هو الوسيله لغايتي وملكت شعوري محبتــــــــه
أبجيته اكحلنه النظر ما اهمن بجيت اخوتـــــــه
حبيب حبيب امنيتي اقبل اجفوفه
------------------------------------
كل ساعه اموت بغربتي ولروحي اقره الفاتحه
چوتني نيران البعد وافكاري بالطف سارحــــه
ما ينفع امكابر الي وجفوني كلهه امجرّحــــــــه
اغفه بميادين السهر واحلامي تفزع جامحــــه
انام انام گدامي الگه اطيوفه
****************
✍ بقلم خادم الحسين ع
الشاعر رعد الچريخي
نعي للزهراء
.............
خلو النعش يالشايلينه
بعد مانشوف امنه الحنينه
بعد لا نجيها ولا تجينه
.............
لاتشيلوها ارد اودعنها
واشبع بواجي واشمنها
امي وبعد وين اشوفنها
..............
بعد وين اشوف امي الزكيه
بعد ما تجي وتمر عليه
ترى افراكها يصعب عليه
...............
امي واحن ياناس ليها
شالت بعد وين الاكيها
بعد منشوفها ونسمع حجيها
...............
شالت النهواها ونحبها
عنه مشت وابعد دربها
مهي الوالده الطيب كلبها
.................
ام المحنه فكدناها
وبناتها يبجن وراها
راحت الماشبعت هواها
.................
راحت وماردت عليه
وعافتني بديار الخليه
ابجي واصيح اشلون بيه
.............
ام حسين الهلالي
اسالكم الدعاء لي ولوالدّي
لا اجيز شرعاً حذف الاسم
لفراق الأب
وين اروحن بويه موتني الحنين
موحمل لوعات روحي ولا ونين
مثل كسرات الغصن. بويه كاسرني الحزن
موحمل لوعات روحي ولا ونين
مثل صبر ايوب گلي آمنين اجيب
ادموعي مترجعك ولاكثر النحيب
وروحي ريشه ابريح بعدك يلحبيب
ناس عندي اهواي بس بعدك غريب
بنار اطفي النار ماتطفالي نار
حتى ماي العين من ينزل شرار
طول ماعايش اون. بويه كاسرني الحزن
موحمل لوعات روحي ولا ونين
وبدرب حطاب من حطني الزمان
مثل شجره منه ماتلگه الامان
انچفه كاس الخير وتبده. الحنان
شلون هسه وگبل حالي شلون چان
چان طيبة خاطر وللفرحه باب
صار دمعه وليل واحزان وعذاب
بليلي مايغفه جفن.
بويه كاسرني الحزن
مو حمل لوعات روحي ولا ونين
گبال عيني يلچنت بدر التمام
صرت حسره لوتمر عيني بمنام
بعين المفارگ ضوه الدنيا ظلام
العفه عليها الدنيا بعدك والسلام
ياجميع الناس من بعدك وحيد
صار درب الراحة عن گلبي بعيد
يچوي گلبي من يحن.
بويه كاسرني الحزن
موحمل لوعات روحي ولا ونين
شفت لوعه وشفت بعيونك رحيل
اتاكدت راحاتي دونك مستحيل
وعرفتها الدنيا. غدارة. وتميل
وتأخذ أكثر كون من تنطي قليل
چلمة البويه عگبها أنا ابمرار
بليل مااسمعها بويه. ولانهار
ارتاح ساعه لاتظن.
بويه كاسرني الحزن
موحمل لوعات روحي ولا ونين
ظمني گبلك ريت يابويه التراب
ولا ألف موته ايموتني العذاب
من طبگ عمرك مثل طبگت كتاب
وراح بيك الموت مايقبل عتاب
الگه عطرك بويه وانظر للصور
كل كتر بالبيت الك ذكرى وأثر
بكل مكان وكل ركن
بويه كاسرني الحزن
موحمل لوعات روحي ولا ونين
الشاعر حسن لعيبي الحريشاوي ✍️
اللهم صَل على محمد وال محمد وعجل فرجهم الشريف ياالله🤲
🌺قصيدة حماسية وشور للزهراء ع🌺
————————————————-
فاطمة بليل حيدر شالهة
واليتامة علنعش تنعالهة
يازهراء .. يازهراء
بليل الاضلم جزة نعش الطاهرة
واليتامة تنوح صوب المكبرة
زينب ابنيتها تبجي امحيرة
اه يافگد الحنينة ابالهة
الي فگدت والدة حگها تنوح
عگب عين الوالدة عدمن تروح
بعد راحت امها عافت بس جروح
تشرك بهم بتها من تشكالها
بعد گلب الوالدة ماكو حنين
وتبقة دوم البنت تجهر بلونين
اخلاف امها تعيش كل هاي السنين
بل حزن ماكو التضل تبرالهة
اليوم بحزانة يون واليهة
راحت ام حسين ومشيعيهة
صاح خاف الترب لا تاذيهة
الضلع خاف الرمل لجمالها
اليوم حزنانة ملائكة السمة
من مشت ام الحسن متئلمة
امسرة الضلعين ويلي فاطمة
عونة هليوم الذي ونالهة
عيني من دم مو دمع تنعاهة
ام حسن وحسين ما ننساهة
والمصيبة دوم خل نقراهة
والخدم عونة اليدك لطمالهة
————————————————-
بقلم ملا رغد البهادلي
ذمة عدم حذف الاسم غير مبرئ الذمة كل من ياخذ من الكلام وينسبه له
قصيده ثگيله الى فقد الااحباب
ليش ماخذتو صوركم من مشيتوو
ضلت معلگه گبالي بس. بطيتوو
معلگه نسولف سوه ???حته نشتم الهوه
بيه بس اجروح جا ماحسبيتوو
🎤🎤🎤🎤🎤
ليش ماخذتو صوركم يالمغيبين
ضلت گبالي تره وتروح يالعين
هاي سفرتكم طويله طول اسنين
گلبي بس الكم هوه ???حته نشتم الهوه
ردو ردو بيه ابد ماحسبيتووو
🎤🎤🎤🎤🎤
گبالي ضلت بس صور ماتحجي وياي
انه احس روحي غريبه ضلمه دنياي
ليش ياگلبي كثر همك. وبلاواي
جانو الگلبي ضوه ???حته نشتم الهوه
ليش بناس التحبكم شو جفيتووو
🎤🎤🎤🎤🎤🎤
رايده اشتم الهوه وتردلي روحي
ضلت گبالي صوركم. ياااجروحي
من يصير ليل يكثر علي نوحي
گلبي بنوحه نجوه???حته نشتم الهوه
ليش فدمره علي ماسايليتووو
🎤🎤🎤🎤🎤🎤
ليش ماخذتو صوركم من تروحون
طول غيبتكم عليه. وماتردون
احجي ويه الصور والله ماتحنون
الگعده وياكم دوه ???حته نشتم الهوه
والله طال فراكم يالسافريتوووو
🎤🎤🎤🎤🎤🎤:
:
:
:
:
:
:
:
:
:
:
:
:
تـــــمـت والحمـــــدللـــه
✍الشــــاعره ام حـــوراء الاسدی
واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة الشاعرة ام حوراء
🌹🌟قصائد🌟🌹
الشاعرة✒ ام حوراء الاسدي
غیر مبری الذمه من یمسح اسم الشاعرة 🌹
نعي إلى مولاتي الزهراء عليها السلام
زينب تنعي أمها بعد غياب طال سنه
تكله
ييمه طول اغيابج ما تردين
ياالواده يم كلب الحنين
طالت الفركه وصارت اسنين
اسم الله على طولج نام بالطين
أكعدي ياالحنينه ارد احاجيج
اضنهوالحد خرب معانيج
وترابه حار وحيل ماذيج
ريت الدهر سامج و أنه اشريج
أيحن الكلب و يريد ملكاج
نذكر العشره الكضت وياج
طولج غاب عنه وضيعيناج
يم رفجت الحلوه تعالي
بعدج تره يخرب دلالي
هبطتي راسي الجان عالي
اكطعتي الوصل يحبيبه بيه
يمه و ضليت ما عندي تجيه
ضماج الكبر سوده عليه
ما انسه دلالج و انسه ارباج
من بالنه ما راح طرواج
عونه الكعدله اسويعه وياج
شالت البيها محنه
الجانت امضويه نزلنه
أكعدي يشيالت حملنه
يابعد روحي وبعد عيني
يا الوالده ارجوج اسمعيني
فركاج زودلي ونيني
ردت الوالده اضلي تجيه
و بعباتها اتفيي عليه
خذاها الدهر و انكطع بيه
كلجن حبايب ساعدني
و على أم الحسن وياي وني
اليوم العزيزه أبعدت عني
خادمت الحسين عليه السلام
العلويه أم اياد ●لا يجوز حذف الاسم ●
نعي حول الزهراء
لما دنت المنيه من الزهراء وصت علي بطفالها وقالت يا علي غسلني وادفني في اليل
وفارقت روحها الطاهره الحياة وقاما الحسن والحسين وزينب بل بكاء اما كلمينا اما انا الحسن اما انا الحسين اما انا زينب
وكأني بلسان حال زينب
ردي وخل نكعد سويه
وعتابنه يحله نويه
اخبرج زماني شعمل بيه
تعاي يمه وردي لينه
وندريج يالشلتي حنينه
من يوم رحتي ما غفينه
تعاي يا ام الحسن يمه
وتدرين كلبي زاد هظمه
مشتاكه العطرج اشمه
اشتاك الكلب ويريد ملكاج
ومدري زماني وين وداج
حيل الوكت يا يمه هداج
مكسور ظلعج من مشيتي
وبل هظم يمه تعذبيتي
عل موت وسفه استعجليني
خذاج الوكت يا حيف منه
ومتحمل عليه هواي جنه
بعد الوالده يالموت شلنه
نشتم هواهه كون كل يوم
اترد ارواحنه وتزيح الهموم
كلبي برحيلج حيل مالوم
زغيره واحن تدرين لرباج
وللموت اون يا يمه منساج
اخذيني اريد الموت وياج
وياج اريد الموت اريده
وادري شوفتج صارت بعيده
كولي الكلب عكبج شهيده
كلبي يحن واشتاك ليهه
وبنفسي اجاورهه واجيهه
اخذني صحت ياموت ليهه
يمهه اضل ماريد روحي
وعليهه ابد ما بطل نوحي
بفراكهه لجمت اجروحي
تدي ولا طابت بعدهه
يموت العزيزه ما تردهه
حلوه المعاني ضيعتهه
ضيعت والله ارسوم حلوات
وعليهه نون ونات ونات
يا موت ردنه الحنينات
ردهن علينه ولا يبعدن
حنينات وسفه من يشيلن
طول العمر يمنه يظلن
ردنه العمر لويكضي يمهن
وما نفترك يا ناس منهن
حنينات من عدنه بعدهن
بعدهن وكتنه وضيعاهن
وصوب المكابر شو خذاهن
حته ويه اهلهن فاركاهن
يمه يمن رحتي من ادينه
وبالموت كوه اتفاركينه
تدرين ببنيتج حنينه
*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له
مربعه ل فاطمه الزهراء ع
❥❥ـــــــــــــ❁❂❁ـــــــــــــ❥❥
يهــد الـحـيـل حـيـدر يوم شالاها
ومــا عــدها حبايب تمشي وياها
❥❥ـــــــــــــ❁❂❁ـــــــــــــ❥❥
أنـهـد حـيلـه عـلي من غربو بيها
يصيح بصوت زهرة وين الاكيها
بهيده اوي ضلع دمشي يحاديها
غـــرب بــالنـعــش لـلـكـبر وداها
❥❥ـــــــــــــ❁❂❁ـــــــــــــ❥❥
شال ام الحسن ودموعه مجريه
ضــلوع الزاجــيه بالباب مجويه
غمـضت عـينها الـيــوم الوداعيه
عمت عين صواب شلون صاباها
❥❥ـــــــــــــ❁❂❁ـــــــــــــ❥❥
عنـدي أعـتاب للباب ارد اسمعنه
بضـلع ام الحـسـن خلع الف ونه
هـيهــات الـيمــوت وما يرد النه
بــالـبسمــار ويـلـي البين طكاها
❥❥ـــــــــــــ❁❂❁ـــــــــــــ❥❥
شـالاهــا عـلـي واستعجل ابليل
يبجي عــالنعش حزنان ونحيل
تــنعــى بــدارهـــا كلها المداليل
غسلـها الولــي ودموعه يجراها
❥❥ـــــــــــــ❁❂❁ـــــــــــــ❥❥
ركـد حيله علي من غسل زهره
شـاف اصوابها وضلع والكسره
ضـلعـج صوباه الباب شيجبره
شكــول عليج لمن راح شافاها
❥❥ـــــــــــــ❁❂❁ـــــــــــــ❥❥
تــــمت بقــــ✍🏻لم خادمه أهل البيت عليهم السلام
✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف
لحجز مجالس الشاعره ام كنان الهاشمي
٠٧٧١٧٧١٤٥٩١ واتس اب
لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿
قصيده جنوبي . والقفله هوسه
يلشلت العزيزه ابساع رد بيها
عندي حجايه وي امي احاجيها
•••<<<{{{🖤}}}>>>•
خلتني بحسرتي. واسجب العبره
وراها اصرخ . ييمه اوبلگلب جمره
ترى الفرگه طويله. يم حسن مره
(مهضومه. / ابنيتج. ظلت.)
✍️زهره. الكناني
•••<<<{{{🖤}}}>>>••
الطم ع الصدر واليوم اخسفنه
ع الشالت بليل و خلفت ونه
عمت عين الوكت واشلون فاركنه
(عاميني / يحبيه فراكج)
✍️العلويه ام محمد الخطيب
•••<<<{{{🖤}}}>>>••
عمت عين الوكت شلون طشرنه
ريت وياهه امي اليوم حملنه
وبفراك العزيزه وسفه حطمنه
(ماذينه ~ موتج يايمه)
✍️ام عباس العامري
•••<<<{{{🖤}}}>>>••
عنه راحت امنه وحنه ظلينه
ونار افراگها ماتنطفي بينه
ظل بس الدمع ويلي اليسلينه
((تچوينه//نيران افراگچ))
✍🏻أم حيدر الزينبية
•••<<<{{{🖤}}}>>>••
يلشايل الشفجه بهون وياها
لا تلجم ضلعها حيل اذاها
انا احتاريت يالماطحت بدواها
المهيوبه/ يالشايل أمي
🖊️ أم صادق المنصوري
•••<<<{{{🖤}}}>>>••
حگی لوانوح واهمل ادموعی
عله العافت بزرها ونتی ولوعی
عله ظلعچ ییمه حنت اظلوعی
حنیت اظلوعی لفراگچ
✍️المیرزا ام لیلی الخاقانی
•••<<<{{{🖤}}}>>>••
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
28جمادي الاول 1442هـــ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
نعي لأستشهاد الزهراء (ع)
__________________
طبيت يمه الدارج أنعى
من عيني بس تنزل الدمعه
رحتي ييمه بدون رجعه
💔💔💔💔💔
طبيت والوحشه كتلتني
وعليج يمه زاد وني
وين التناشدني علهمي
💔💔💔💔💔
همي ثكيل ومن يشيله
جيتج انه وروحي نحيله
ماكو حنين الاشتكيلا
💔💔💔💔💔
زينب عكب عينج يتيمه
وحسين بس تهمل عينه
والحسن ضل يجهر ونينه
💔💔💔💔💔
ونضل عكب عينج يتامه
والليل كلا ماننامه
تعاي وعدلينه غطانه
💔💔💔💔💔
تعاي يمه اتغطى وياج
متعودة انام على يمناج
شفجه وتفرحنه عطاياج
💔💔💔💔💔
شفجه ويفرح الكلب ملكاج
يا زهرة كلحنه فداياج
اخذينه للموت وياج
💔💔💔💔💔
العمر بعدج مااريده
والحزن يايمه شيهيده
رحلتي والروحه بعيده
💔💔💔💔💔
وداعت الله يم حسن وحسين
دليني بمجانج وين ماوين
ضيعو كبرج ياضو العين
___________________
بقلم🖊️خادمة الحسين ع
أم إبراهيم المنصوري
غير مبري الذمه من يغيير الأسم أو يتلاعب بالكلمات
نسألكم الدعاء لي ولوالدي🌹
أشترك بالقناة عبر الرابط أعلاه☝️
قناة الحجيه ام علي البصره احزان العترة الطاهرة
قناة خادمة ال البيت الحجيه ام علي البصره
لانجيز حذف اسم الحجيه ام علي من قصائدها غير مبرء للذمه
لسان حال زينب (ع)
لفقد امها الزهراء (ع)
(----_----_----_----)
ودعتها ،، اليله امي ودعتها
ناشدتها ،، هم تردلي ناشدتها
يمه رديلي الجواب
شبع گلبي من العذاب
ودعتها ....... ودعتها
---------------------------🦋
ودعــتها وگـلـبـي يــنده يـمه يـمه
عمرج الغالي يريت ابروحي اضمه
بـعـد عـطـر الـزاجـيه بيــمـن نشمه
جن احس بالدنيه بعدج ماكو رحمه
راح وياج الحنان
انتي ياعطر الجنان
ودعتها ....... ودعتها
ام سـ✍️ـجـاد العسكري
---------------------------🦋
ودعتها ودمعتي بعيني تلالي
صحت ظايع يم حسن يمه دلالي
ياشمس عمري وضواها ياهلالي
يوم رحتي يالحنينه الهم بكالي
عمري اكضيه بلحزن
والدمع يجري مزن
ودعتها ... ودعتها
✍️ الحجيه ام علي البصره
---------------------------🦋
صارت الدنيه هموم وبس حزينه
حيل صعبه فركتج يمه الحنينه
على فكدج مو دمع دم البجينه
خلاف عينج الوكت جاير علينه
نار تلهب بالقلب
افراكج اعليه صعب
ودعتها ....... ودعتها
✍أزهار جبار الجياشي
---------------------------🦋
يصعب افراگ الحبيبه وما نوده
خلافها بالبيت لا ما تحله گعده
سهم فگدج لاح دلالي وتعده
والگبر ضمج زهرتي الباب سده
بقت بس الذكريات
تجي لاحضاني وتبات
ودعتها ....... ودعتها
✍️ أم علي الحلفي
---------------------------🦋
بقت. بس الذكريات وياي عاشت
ااه ياروحي من الزغر ياضيم شافت
شفت كسر امي الزجيه وروحي راحت
والأشد وصعب بعد گدامي ماتت
روحي ضلت بالنحيب
هيج اليفارگ، حبيب
ودعتها __ ودعتها
✍️
ام وليد الموسوي
---------------------------🦋
ماتت امي وياها ماتت امنياتي
من الحنينه مابقت بس ذكرياتي
صارت احلامي ابيتم تنقل اهاتي
كلمة اليمه بقت غصه بلهاتي
كمت اتمنى اكول
يمه يازهره البتول
ودعتها ....... ودعتها
ام علي البابلي
---------------------------🦋
گضت بالحسره اوالم ساعات الوداع
وراح كل ذاك الامل وايامه اضياع
من شفت من امي مكسورات الاضلاع
وحزني باهاته بگه وگليبي مرتاع
ويه امي اتدللت
عمري ماريده گلت
ودعتها ....... ودعتها
*ام منـــــــــــ✍️ـــــذرالحجار*
رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 4 جماد الاخر 1442هـ🌙
لانجيز حذف الاسماء
قصيده لسيدتي ومولاتي الزهراء عليها السلام
المستهل👇👇
آياعلي آياعلي /مأجور بام الحسين
آياعلي آياعلي /مأجور بام الحسين
❃❥❀━((🧿))━❀❥❃
الله يعينك ياعلي وانته تشاهد فاطمه
البسمار نابت بالضلع والعين ويلي مورمه
مكسورة أضلاع وتون واعليها تبچي ارض وسمه
بنت النبي وزهره علي من الكسر متالمه
آياعلي آياعلي/مفطور گلبي نصين
آياعلي آياعلي /مأجور بام الحسين
❃❥❀━((🧿))━❀❥❃
مهموم اشوفك ياعلي وانته تغسل الزهره
والعين من كثر البچي صارت يويلي حمره
ناديت لحسين وحسن وعينك تهل العبره
خلنه نودع فاطمه ام النبي والعتره
آياعلي آياعلي/مكسور منها ضلعين
آياعلي آياعلي /مأجور بام الحسين
❃❥❀━((🧿))━❀❥❃
وشگال گلبك ياعلي لمن دفنت الطاهره
ظليت تبچي وتنتحب ودمعك على خدودك جره
وتگول ماصدگ ابد زهرتنا مدفونه بثره
ذبلو غصن ام الحسن وحسابهم بالاخره
آياعلي آياعلي/وين الرحم يهل الدين
آياعلي آياعلي /مأجور بام الحسين
❃❥❀━((🧿))━❀❥❃
حتى الحجر من ونتك يابو الحسن يبچي ويون
مو بس زوجتك فاطمه چانت الك حتى الوطن
تدفنها بالليل واسف محد يشيعها بحزن
واهيه بنت اشرف نبي ومحيي الشريعه والسنن
آياعلي آياعلي/طه ابوها ياسين
آياعلي آياعلي /مأجور بام الحسين
❃❥❀━((🧿))━❀❥❃
لمن دفنت ام الحسن واقريت قران بدمع
روحك بقت يم زهرتك والجسد للمنزل رجع
شفت العقيله حايره والگلب بالهم منصدع
تكسر الخاطر بت علي تبچي عله مكسورة ضلع
آياعلي آياعلي/دمعها غرگ العين
آياعلي آياعلي /مأجور بام الحسين
❃❥❀━((🧿))━❀❥❃
✍ الخادمه ام زيد الشمري
نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان عج
عزاء نعش الزهراء عليها السلام
بصوت الرادود الحسيني
ملامهدي الكليباوي
كلمات الشاعرة ام امنه
🖤بطـاقــــــة_تعـــزيـــــــــة🕊
🏴نرفع أسمى آيات الحزن والعزاء لمقام مولانا صاحب العصر والزمان (عجل الله فرجه) ومراجعنا العظام وجميع شيعة أهل البيت عليهم السلام بمناسبة إستشهاد بضعة رسول الله (صلی الله علی وآله) الصدّيقة الطاهرة فاطمة الزهراء سلام الله عليها.
🏴عظم الله أجورنا وأجوركم بهذا المصاب الجلل.
💔
قصيده بحق ام البنين ((ع))
اثـــر مــوتــج كـربلـة وفـكد الحسين
اثــر مــوتــج حــــادث بـأربــع بـنيـن
ادى فــقــدان الـحيـــاة
تجـرح اسباب الــوفــاة
*---------------*---------------*
متّي وبگلبـچ جـرح يعني شـهيـده
واثـر موتچ غيبت الكطعـوا وريده
صــوبـچ حز خنصره والسلب ايده
شبتي وجروح الزمن ظلت جديده
شكد صبـرتي والعمر خلص جـــروح
شكد صبـرتي الشافچ الحالج يــنـوح
راح اقــص النــايــبــات
*---------------*---------------*
اربع اولادچ فگدتي بساعة وحــده
بـجنـبچ الناعي نعاهم وانت عـنـده
اسمعتي بالكافل يحره وذاكه زنده
اتـأكـديـت بهــالخبـر كلبـچ يـمــرده
هــذا حــالـــه اليبقـــه بحزانه وحيد
هــذا حــالـــه اليفكد احبابــه شيفيد
ادري صعبه الــذكريــات
*---------------*---------------*
ونّـتچ چـانت حـزن ونّــة حـمامـه
وانتي ترفه والــزمن توجع سهامه
الدمعه بعيونچ جرت مثـل اليتامه
كـربلـة بـخدچ أثــر تـركـت علامـه
بيش اوصفچ وانت عاشرتي الدموع
بيش اوصفچ طـفـوا بـعينچ شـمـوع
بلحظه فاركتي الأبــات
*---------------*---------------*
قصتچ شحچي وشسولف اني عنهه
حسـرة وحده تعجز الفدعه وحزنهـه
واذا هــاجــر گـبُـل ركـضـت لبـنـهـــه
خمسـة شبانچ فـگـدتـي بـدور جنهـه
هـالمـصـيـبــه صوّبت گلبج ســـهــام
هـالمـصـيـبــه ضلت اسنين واعــوام
(شــلــون اخــط لافتات)
*---------------*---------------*
اتحمليتـي شكد حـزن يـم الترافــه
دمعه دمعه والعمر خلص حـسافــه
حـالة ابيـن الـولـد صعبه المسافـــه
حتى دمعـج ما بقـة وبيـن جفافــه
مــن دريــتـي بيّـن عْـليـج المـــصاب
مــن دريــتـي راحـــوا اخـيار الشباب
ادري مـا تحصل نجــاة
*---------------*---------------*
✍ بقلم خادم الحسين ع
الشاعر رعد الجريخي
فزاعيه للزهراء
يالشايلين الطاهره
ردوا النعش تانوني
...................
يمها اريد اشبع بچي
المن اروح والتچي
وياها يامحله الحچي
يم النعش خلوني
................
زينب تون شوفوها
تصيح امي لتشيلوها
عن عيني لتبعدوها
وياها اريد اخذوني
..............
امي واريد اوياها
مااكدر بلياها
ماينحمل فركاها
بمصابها فجعوني
..............
خلوا الحنينه بدارها
تسعر بكلبي نارها
ويتصارخون ازغارها
يبچون و يبچوني
................
بفركاها ماريد العمر
يايومها مر اشكثر
مااكدر اصبر واستقر
مااحمل تعرفوني
..............
يايومها ما ينحمل
اظلم بفركاها النزل
ظليت بس دمعي يهل
عليها تهل اعيوني
...............
الشاعره
ام حسين الهلالي
اسالكم الدعاء لي ولوالدّي
لا اجيز شرعاًحذف الاسم
فاطمة يافاطمة يافاطمة
ضيعوها. ولوعوها. ومارعوها
فاطمة يافاطمة يافاطمة
*****
توالت عليها المحن مطرت عليها
الحزن من بعد الاهل شمخلي بيها
تشگف سياط العده ظلت بديها
تبيع بيها الدنيا ليش وتشتريها
غربتها حيرتها وعذبتها
فاطمة يافاطمة يافاطمة
*********
علربيع شعجّل الشيب وعذابه
بالزجر صار الزمن لهجة خطابه
لچمة تندل لچمة من حرگة غيابه
يوم ابوها هجمت الگوم على بابه
ياجمرها. ياصبرها و ياكسرها
فاطمة يافاطمة يافاطمة
********
مانساها الحزن ماتّيه دربها
والشكه ونتّها والجّرح گلبها
والغصب منها المواريث وغصبها
شكثر الله ستر دنيا وماگلبها
حاربوها وعذبوها وارعبوها
فاطمة يافاطمة يافاطمة
*********
ظالم ابوجه الزچيه صوته يعله
ماالچ ميراث گاللها وتگله
بياقوانين وشرع حكمك واصله
الماتقبله عليك ولغيرك تقبله
مارحمها ومافهمها من ظلمها
فاطمة يافاطمة يافاطمة
***********
نظره علتاريخ ياهو العنده نظره
وكل عذاب الي جره محد يذكره
ليش ماتت فاطمه وبالكلب حسره
وليش بالسر تندفن فاطمه الزهره
يادمعها ياصدعها ياضلعها
فاطمة يافاطمة يافاطمة
الشاعر حسن لعيبي الحريشاوي
ويلاه. ويلاه. يا أم الحسن
*******
گالوا الچ ضلع انكسر. ويلاه ويلاه يا أم الحسن
گلب النبي اليوم انفطر ويلاه ويلاه يا أم الحسن
دين الله معناه ابخطر
ويلاه ويلاه يا أم الحسن
ومهظوم مهظوم وينوح الزمن
ويلاه ويلاه يا أم الحسن
********
عمر الورد راح وگضه. ويلاه ويلاه يا أم الحسن
ضلعچ الكافر رضرصه ويلاه ويلاه يا أم الحسن
واشحال گلب المرتضى ويلاه ويلاه يا أم الحسن
مهموم ملچوم صابر علمحن
ويلاه ويلاه يا أم الحسن
********
ياويل زمره اتحالفت ويلاه ويلاه يا أم الحسن
بغير الطمع مافكرت ويلاه ويلاه يا أم الحسن
لادين عدهم لابخت ويلاه ويلاه يا أم الحسن
لاعمل لادين بس نار الفتن
ويلاه ويلاه يا أم الحسن
********
دين الله رادوا يندثر.ويلاه ويلاه يا أم الحسن
يعني طبايعهم غدر ويلاه ويلاه يا أم الحسن
لاحجه عدهم لاعذر ويلاه ويلاه يا أم الحسن
معلومه الاطباع حنوا للوثن
ويلاه ويلاه يا أم الحسن
*****
من بعد ابوچ المصطفى ويلاه ويلاه يا أم الحسن
منهم ولاشفتي. وفه ويلاه ويلاه يا أم الحسن
غير الخيانه. والجفه ويلاه ويلاه يا أم الحسن
الظموه بالگلوب تالي اصبح علن
ويلاه ويلاه يا أم الحسن
******
الكرار لانوارچ يحن ويلاه ويلاه يا أم الحسن
وزينب على فراگچ تون ويلاه ويلاه يا أم الحسن
والحسن ماغمض جفن ويلاه ويلاه يا أم الحسن
ودموع الحسين نار اتوجرن
ويلاه ويلاه يا أم الحسن
الشاعر حسن لعيبي الحريشاوي
اللهم صَل على محمد وال محمد وعجل فرجهم الشريف ياالله🤲
🌺قصيدة طلب حاجة من الزهراء ع🌺
————————————————-
دخيل الله ودخيلج يل زجية
اريدن حاجتي هاي المسية
دخيل الله ودخيلج يم الحسين
اجيت لمجلسج ومرادي تنطين
مهمومة اجيت بدمعة العين
محتارة واون واصفك بدية
يازهرة بدمعتي جيت انخاج
والخادم لون جاج وترجاج
كريمة وماتردين التعناج
واصيحن هلمسة التفتي علية
تعبني الوكت جيت اندب اليوم
يازهرة عليج الكضة مظلوم
بدلالي شكثر لوعات وهموم
زيحيهة وتبردينه الية
ضاك الخلك واني انتحب جيت
بسمج يلزجيت هل تنخيت
من حركة دليلي حيل ونيت
وانتي يم حسن تدرين بية
تحن الروح يم كبرج اريدة
اجيج بشوك حتى لو بعيدة
هل دنيا تتعبني و مچيدة
اريد انخة واحلفج بل سبية
مولاتي اريدن حاجتي كُون
تگضيهة عليج العاري بل كْون
وعباس الگمر وبجاه الامتون
بعجالة تنگظي الطلبة الية
بليالي اجفاج احلفج يلبتولة
واولادج تون يمج نحولة
يابنت النبي وبنت الحمولة
اقبلي نخوتي بجاهج گظية
————————————————-
بقلم ملا رغد البهادلي
ذمة عدم حذف الاسم غير مبرئ الذمة كل من ياخذ من الكلام وينسبه له
