moostaffaa35 | Unsorted

Telegram-канал moostaffaa35 - ((قصائد محرم ١٤٤٦ه‍ ملا مصطفى الطيب))

113

وأن تمنيت شيئآ فئنت كل التمني #ياصاحب الزمان $

Subscribe to a channel

((قصائد محرم ١٤٤٦ه‍ ملا مصطفى الطيب))

انته برمح وانه بحبل مشينه
بطاري الخدر يابوالفظل حجينه
وعينك تصد عليه
شماصيحو سبيه
٠٠٠٠ ٠٠ ٠٠٠٠
صار المشي بكيف الشمر
لابيدك ولابيدي
عباس كل جلمه نحجت
سيف ويحز وريدي
خويه الدرب ماينمشي
والموت أصبح عيدي

جندوب اصبر جندب
والرمح ماخله كلوب
شمامال  ملنه احنه وياه
ومثل الشمع گمنه انذوب

عيون البشر كلها تصد علينه
من الخجل مات الحبل بأدينه
بهزله الخدر تاليه
وعينك تصد عليه
٠٠٠٠٠٠٠٠٠٠٠٠٠٠٠
هيه السوالف تنذبح
لوماكو اذن تسمعها
عباس تطلع دمعتي
وحجايه ماطلعها
ذبحينه صاحو كافلج
بالله كريم ادفعها

مذبوح يشكي المذبوح
ياربي خذ مني الروح
بهذا الدرب شفت الويل
حته البجي مامسموح

هاي الهضيمه الماتمر عله الناس
شماننضرب انصيح الحگ عباس
تشكي الك رقيه
وعينك تصد عليه
٠٠٠٠٠٠٠٠٠٠٠٠٠٠٠
اجروح بالطف تنحمل
وضيم الدرب شيحمله
شما نوخو نوك الهزل
لجسام تركض رمله
فياي سوت عالرمح 
خافن الشمس تذبله

ام الولد ماتلام
شگد بانيه عليه احلام
طول الدب تحجي وياه
جسام يمه جسام

حار الرمح والشمس ماترحم بيه
زينب يعمته الرس خل انغطيه
تغيره الشمس ضهريه
عينك تصد عليه
٠٠٠٠٠٠٠٠٠٠٠٠٠٠٠
كون الصبر بيع وشره
اشريه الكل النسوان
علينه يتجاسر صبح
من غمضت ياهو الجان
ماشفنه بالوادم بشر
كلهم بهيئة شيطان

سوك ويلي من السوك
شيب گلب هاي النوگ
من المستحه مدنكه الراس
سولفت بخدري حلوگ

عيوني تصدلك ونته خويه بلاعين
عباس جاذاك الخدر أصبح وين

الواك طايح فيه
عينك تصد عليه
٠٠٠٠٠٠٠٠٠٠٠٠٠٠٠
خادم اهل البيت ع
فلاح طالب الماجدي

Читать полностью…

((قصائد محرم ١٤٤٦ه‍ ملا مصطفى الطيب))

مِن دِيره لدِيره يسلبونه .. وعباس مغمضات عيونه
شلون ايّام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
للسبي اطلعنه وعالهزل ودّعنه الاجساد
ردت انزل من الناگه لاچن علي السجاد
ناده عليه لا يعمه وعِلته تزداد
گَلّي ارحمي بحالي   لَوَن انزلتي    منو اللِي يرَكبچ
عَمّه ودعي الغالي  اعله ظهر الناگه  استعدّي لدربچ

بكيف الحادي امشينه ورايه .. ولا مَحمل ظَل ولا رايه
نِسَه وايتام .. بكوفه وشام .. وعبّاس مغمضات عيونه
„„„ „„„ „„„ „„„ „„„ „„„ „„„ „„„
طبينه للكوفه يويلي ويصعب الحال
نسوانهم تتصدق اعلينه يكفّال
وصحنه حرام الصدَقه متحِل على الآل
واعله روس اخواني  درتهه عيوني  وصحت ترضوهه
بت علي وهاي آني   اسيره بديره    هلي حِكموهه

وهِند الچانت تخدم عدنه .. تتسيد واحنه تفرهدنه
شگد آلام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
بثوب السبي ادخلنه عله ابن زياد اَسره
ومن سأل عني جاوبه السجاد حسره
وآمرهم الطاغي علي يگطعون نحره
بجمرتي حاچيته  شعِفت يا ظالم   گضو ولياني
انچان ذبحه انويته  سِوه تذبحنه   ابن اخوي وآني

وكمت استر وجهي بچفيني .. بديوان اجناب موگفيني
بنُص ظِلّام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
مِن الهِزِل طاحت سكينه بليله ظلمه
وابعَد ضعنّه وعالركض ما بيهه هِمّه
وطَر الارض رمح الحمَل راس ابو اليمه
الراس خاف اعليهه   وثبت بالغبره   الى ان صعدت
ثاري چف حاديهه  دفعها وطاحت  وبچت وانضهدت

تبچي وبِسياط يسكتوهه .. ومن تنخه حسين يشتموهه
دهري شضام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
برايات حمره وروس اخوتي ادخلنه للشام
اعيال الرسول بنُص خرابه اعيونهه اتنام
وبقصور وعروش اللي چانت گبل خدام
ومن حلمهه ارقيّه  اكعدت مذعوره  ابوهه تريده
جاهه بس يا جيّه  بطشت بس راسه   وتحب بوريده

والشافت منحر واليهه .. من حگهه الموت يحل بيهه
ما تنلام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„



ياسر حسن

Читать полностью…

((قصائد محرم ١٤٤٦ه‍ ملا مصطفى الطيب))

كافـــــــلج راح ... يزينب
زيـــدي الانياح ... يزينب
…… .
وين حــماي الخــدر ما شــــوفة
هـا يــزينب كطعوهـــة جفـــوفة
وانتي مشـــوج اليسر مجتــــوفة
بصوتج أسمع كل رجيف الخوفة

ويــــنة عـــباس ... يزينب
راعي الاحساس ... يزينب
"""""
هـــا يشامت ســـرتك أخـــباري
وأنة لجلي الكون مـــدمع جاري
ما يهمني أضحك لاخير أنهاري
انه زيـنب انه صــــبر الـــباري

صعبة تمحون ... يزينب
باقية أم عون ... يزينب
"""""
أوحــيدة ظليـــتي يبت حــاميهة
وكافلــج عيـــنة أنعمت شوفيهة
غـــركي عينج بالدموع أعميهة
ما بقالج كـــل محامي أحجـيهة

مالــج معــين ... يـزينب
ذبحوحسين ... يزينب
…… .
أنه اخــت عــباس هــــادم ســاسكم
ما يجاري أحساسة جـمع أحساسكم
صبري شامــــخ حــد كطع أنفاسكم
بيه مـن حيــدر عـــزم كــد ناسـكم

صرخة تنعاد ... يزينب
بنت الامجاد ... يزينب
"""""
وين أخـــوتج يالعقيلة أحجيلي
ما أشوفـــنهم أجـــوج أشكيلي
حزنـــج جروح الكلب يشفيلي
هاية فرحة البيهة رد كل حيلي

ما بقى أحباب ... يزينب
والكمر غـــاب ... يزينب
"""""
انه زينب جــــلمتي المسموعة
ما أدنـك هــامتي المــــرفوعة
صح غريبة وبالاهل مفجوعـة
لا جــن الـــذلة علي ممــنوعة

تسمع الصوت ... يزينب
ساعت الموت ... يزينب

موسى الخادم

Читать полностью…

((قصائد محرم ١٤٤٦ه‍ ملا مصطفى الطيب))

آنه الغريبه وماتت اسنيني
ظليت  اعيشن انه ابونيني
جرح السبي مابينك  وبيني
******
ابدي  قصة   احزاني
وانه ابجمرة اشجاني
وحدي بلايه خواني.........عذاب

احسب عمري لچماتي
بس    النايبه   آهاتي
اجري اهوايه دمعاتي......مصاب

منو المثلي يحسين تعيش المصيبه
صرت صرح الهموم   اويلاه غريبه
اسد باب الجروح يردلي ابنحيبه

هاي الليالي جرحي واحساسي
صعب اليتم  لو  يمسح ابراسي
كل ونه  صارت  تخنگ انفاسي

ناعي الحزن ابجروحه يلفيني
آنه الغريبه وماتت اسنيني
*******
انه  الما   طفت  ناري
يكتب دمعي وعباري
تدري وضعي وخباري......دموع

فدوه ارحمني ياليلي
اگعد يمي  واحچيلي
بعدك   ينهدم  حيلي .....ظلوع

يبو اليمه الآهات عذابي وجروحي
گلت خويه وياك اظن ميته روحي
بعد طبرة  الراس  تهدم  صروحي

ليل   المصايب   عشرة  احزاني
والشام اجاني وجايب اشجاني
يحسين  اسولف  غربة اوطاني

حزني من اسولف كلبي ياذيني
آنه الغريبه وماتت اسنيني
*******
باچر  غربة اظنوني
بيين شيبي بعيوني
بانت لوعة  امتوني.........ونوح

انه الما  شفت  راحه
يذبح تالي مصباحه
دهري يرمي برماحه......جروح

يبو  اليمه  الأفراك   يعذب    دليلي
تظل نار   الاشواك   حياتي  وعويلي
الكتب عني طاغوت حياتي ورحيلي

درب  المصايب   بيش  اوچنه
شابت اعيوني اشلون اشوفنه
يحسين   اخبرك  زادت  الونه

بالغربه صارت روحي تدريني
انه  الغريبه  وماتت  اسنيني
*******
لحظه  ما غفت عيني
تربي الجيت احسيني
ابنار  الغربه   تدريني ......اموت

وحدي ولاشفت ناصر
گالو    ما يصل   زاير
كلها  تنذبح   باچر......سكوت

يبو اليمه حسرات اعيش امنياتي
يظل دهري وياي   يعذب حياتي
متت شام الأحزان يرجع  وفاتي

ياحيف  اشوفن مرقدي خالي
بعد المصايب جرحي يصفالي
كون انت يمي حسين يالغالي

نار   المخيم لسه  تچويني
انه الغريبه وماتت اسنيني
*******
وحدي بغربه عفتوني
يحفر  دمعي بجفوني
دار  الحسره   تلگوني .....عتاب

ردت   كربله  اعليه
اركض وصفج يديه
ضعني واني مسبيه .......عذاب

منهو المثلي يحسين طفوفك شفتهه
عشت شامي  مرتين هضيمه عشتهه
عفت احلى وليان صعوبه عفتهه

ياخويه بعدك چم شمر جاني
وحشه  وغريبه ابلايه خواني
باب  النوايب يشرح  احزاني

كتر  الغري   وين  اليدليني
انه الغريبه وماتت اسنيني
*******
تمت بعون الله تعالى الشاعر_يوسف_الفتلاوي

Читать полностью…

((قصائد محرم ١٤٤٦ه‍ ملا مصطفى الطيب))

مسحوگ اخوي بخيل واحترگت الخيمه
وضيعنه تالي اليل علويه بالهيمه
يناس ماعندي غير دموعي وياي
يناس بعازة اخوي العطّش الماي
علويه بالهيمه
...

Читать полностью…

((قصائد محرم ١٤٤٦ه‍ ملا مصطفى الطيب))

#نزله

الليله كلش مـوش مثـــل البارحه
الليله اهلـنه اعله الترايب طايحه
                  +++

الليله وحشه وين ننطي اوجوهنه
ماي ماكو وتجــــــــري ماي عيونه
خاف باجــــر على الهـــزل يسبونه

راح اسوي اعلئ الشـريعه الفاتحه
                 
+++
يله يالنســــــــوان شــــدن حيلچن
حســــــين طايح محــــد يتچيلچن
امشنه يم عــــــــباس خل انعيلچن

وضغبره انســــويهه يمه ونايـــحه
                
  +++

مثلــي ياهالناس ياحــــــرمه انولت
بالمعـــــــــــاره وبالعــــــيال اتكفلت
الريج ناشف والفـواطــــــــم شيبت

وانه للعــــــــباس اصيحـــــن رايحه
                
   +++

رايـــــحه اتعـــناه اشــــــوفه بحالتي
اعليه لوله الفشـــلــــه اذب اعصابتي
يضــحك ومـــــــرتاح اخبره بشامتي

خلاف وجهه والمـــــــــــدامع جارحه
                  
  +++
الليله  يالنســــــــوان كلــــــــش حيره
خاف باجر ننســــــــــــــبي من الديره
عالهزل وحســـــــــــــين وجهه ايديره

عالضعن ودمــــــــوع اشــوفن فايحه
                                  +++



ليلة الوحشه
خادم اهل البيت
هيثم شهد الابراهيمي

Читать полностью…

((قصائد محرم ١٤٤٦ه‍ ملا مصطفى الطيب))

مسحوگ اخوي بخيل واحترگت الخيمه
وضيعنه تالي اليل علويه بالهيمه
يناس ماعندي غير دموعي وياي
يناس بعازة اخوي العطّش الماي
علويه بالهيمه
...
اركض تعنيته
عدله وچنت ميته
گعدته شميته
وگتله ارجع وياي

صاب الحجر هامه
ومهشمه اعضامه
وما هيه العمامه
ويدوّر فياي

من يا ألم ظهره انكسر
من الخيل لو فگد الگمر
بديتله عيوني نهر
لمن طلب ماي

ماهو چف عباس يا چف يشد حيلي
فوگ الرمح بس راس من ابچي يبچيلي

يناس حرمه وغريبه وفاگده الراي
يناس بعازة اخوي العطش الماي

عالتل صحت وينك
جاوبني بونينك
اشرلي بيمينك
خليني الاگيك

شفتك درب صاير
بصدرك اثر حافر
يالتكسر الخاطر
بدموعي اداويك

ياهوه الچنت اتنفسك
خنصرك ماكو ومحبسك
ماعنده رحمه السلبك
عاري يخليك

عطشان اشوفك ليش وعيوني عطشانه
وعباس اخيّك طاح مكطوعه ذرعانه

يناس اصرخ شداوي جروحك هواي
يناس بعازة اخوي العطش الماي

كل الحرم صاحت
خويه الخيم طاحت
اطفالك سحگ راحت
من هجمت الخيل

هذا اليسلبونه
هذا اليضربونه
هذا اليشتمونه
لو دمعته اتسيل

تعتبن والمعاتب جرح
اصرخ اخوچن منذبح
شوفنه راسه اعله الرمح
سكتن اجه الليل

لتعاتبنه حسين واتجرحن احساسه
صدره الحنين انداس وفوگ الرمح راسه
يناس في اليتامه يدور افياي
يناس بعازة اخوي العطش الماي

معقوله يبن امي
ما فززك همي
شفت الشمر يمي
ويطگ بالمتون

اليتمنه يلمحني
عالگاع طيحني
كلماته تجرحني
خلهم يگعدون

وين اخوتج تفزع الچ
ميتين يا زينب هلچ
وين الحسين وكافلج
خلهم يفزعون

عن زينب يگولون ماكو اهل عدها
مهظومه والحسبات تاخذها وتردها
يناس يمنه السلبنه رايح وجاي
يناس بعازة اخوي العطش الماي

كلهم يحاچوني
باچر يچتفوني
باچر يودوني
للكوفه والشام

والاصعب اعليه
يصيحولي مسبيه
عالهزل محنيه
من ضيم الايام

راح امشي بدروب السبي
ويحدي حرمكم اجنبي
تدري بخرابه ال النبي
ما تغفه وتنام

اتمنه كون الموت وياك اخذ روحي
بديوان اطب يحسين هاي اصعب جروحي

يناس تاليها بغرب تسبيني دنياي
يناس بعازة اخوي العطش الماي

Читать полностью…

((قصائد محرم ١٤٤٦ه‍ ملا مصطفى الطيب))

#السلام على الحسين الشهيد
عظم الله اجوركم

Читать полностью…

((قصائد محرم ١٤٤٦ه‍ ملا مصطفى الطيب))

ليــلة العاشــر. وداع الحسين

ليلة اوداع او وصيه
تنجمع هاي المسيه
بين مذبوح وسبيه
+++++++++
ينظر حسين البناته اسوالف اعيون
شلون تتحمل ضربهم هاي الامتون
بيكم اشعر عالجمر لمّن تسحگون
شلون باچر يارقيه بخدچ اشلون

خانگه انفاسه البواچي
عينه صارت عالتراچي
ﺂه ياصطرت رقيه
بين مذبوح وسبيه
+++++++++
اوداع زينب والگمر ماكو نظيره
دمعة العباس لو طاحت چبيره
اتگله ﺂخر مـره ناديـني الاميره
اسمي باچر يختلف اسمي اسيره

لاتوصيني اهله خدري
طولي يظهر باچر ادري
والحبال يجرح بديه
بين مذبوح وسبيه
+++++++++++
يحچي لكبر بالصراحه ويه ليله
ضلّتي ويّاﭲ باچر مستحيله
الخيمه تطفه بنارها بفتره قليله
يمه للحرمه اعرف الركضه ثجيله

راح اموت وبالي يمچ
يمّه عالنوگ اشيصعدچ
وتلتفت عينچ عليه
بين مذبوح وسبيه
++++++++++
ريحة الحنّه تبخّر ذيچ الاخيام
گاعد ايوصّي خواته وإمه جسام
عوّدنها امتونچن تتحمل الام
سوط ضربه يستمر حد طبت الشام

عالرمح راسي ويصدلچ
يمه من تنعين اسمعچ
بس نحر وحساس بيه
بين مذبوح وسبيه
++++++++++
وخيمه مابيها ولي زغار اويه امهم
ام حميده اتوصّي لطفال وتگلهم
لو خيمنه احترگت وهجمت زلمهم
اخوانك ايد ابايد احمد لاتهدهم

انه مشغوله بخماري
وانتو ركضو بالبراري
تحكم اعلينه القضيه
بين مذبوح وسبيه
++++++++++++
نظره تذبح للرباب اتصد لبنها
هاي اخر ليله ويفارگ حضنها
مو دمع ينزل نبل باطرف جفنها
فل الاگماط ورفع چفه وحضنها

وچنّه يعلم بالي يجره
حط شفاف امه اعله نحره
چنّه يعلم بالمنيه
بين مذبوح وسبيه

ثائر الربيعي

Читать полностью…

((قصائد محرم ١٤٤٦ه‍ ملا مصطفى الطيب))

هيبة الله والستــر بحجـابهــا
ايصير سلطان اليجدّي ابابها


لوشفـت هيبه ابعزاء ام الحسن    
وشفت دمعاتك على اخدودك جرن
يعني كول ام الكمر حضرت لان    
ذكـــر اســم احسين هــوّه الجابها

الف هنياله اليصيـر الهه عبـــد     
ماكو اوفـى منها واعليــه نعتمــد
قدمت لابــن الزجيــه اربـع ولد     
حاشى تنسه اللي حضر بمصابها

انطاها ربك وصف ماصار ابمره    
والــــدة عبـــاس زوجــة حيدره
وسكنت ابدار الزجيه الطاهــــره     
ولبستـــها ام الخــــدر جـلبـابها

ابوفاضل هــوّه حيــدر بالشــــدد    
صدك معروف الشبل من هالاسد       
لجن لاتنسى الوفه امن ام الولــد   
الربّت العبــاس كلشــــي ايهابها

انطوها حيــدر والزجيـه المعرفه     
وبيها كــام ايباهلون اهل الوفـه
وربها سلمها الحوائـــج والشفـه     
وحـــار ينسبـــها لمنــو نسابها
    
ربنا هـــوّه الـــراد ينسبـها لبني      
هاشم وكل اصل يمها ينثنــــــي
طه لـــو بيها يســولـــف ينحني      
هيه وام الحسن نــص متشابهه
    
ايـــه رتلــها دليــلـــي وبيها قـــر    
الماركـع مـن يمـر طاريها كفــر
ارتفعت ابهيبة كمرها اعله البشر    
والاحسين ايصوط جدر اثوابـها
    
ارتفعــــت وكلمــا اجاها ترتـفــع     
مو وراثة امن الله غيرتها طبــع    
وغدت سلطانه اعله مملكة الدمع    
تكــرم ادمــوع وتبجّـي احبابـهـا

Читать полностью…

((قصائد محرم ١٤٤٦ه‍ ملا مصطفى الطيب))

السلام عليك يا اباعبدالله .
حسيناا وا حسيناه
ـــــــــــــــــــــــــــــــــــــــــــــــــــــــــــ
  يالمطشر وذر عـــــــل كاع كلي شيجمع اوصالك
  عمت عيني عليك حسين الخيل اشسوت بحالك
  انذبحت من  الكفه مولاي وسبايه راحت اعيالك
  المــــــاي لبي حيــــــــاة الناس انت الماي جتالك

  السلام عليك يا اباعبدالله
ــــــــــــــــــــــــــــــــــــــــــــــــــــــــــــ.
  اجاك الماي بــــــس  خجلان كعد يم منحرك صله
  ولو مايسوه صــــــار الماي جي ماضاكه عبد الله
  جمالك طشرو بالخــــــــــيل  دخيلك ياجمال الله
  طحت عل كاع بس  يحسين مافزعولك أسم الله

السلام عليك يا اباعبدالله
ــــــــــــــــــــــــــــــــــــــــــــــــــــــــــــ
  من اجروحك جـــــــرح رايد  اريد استشعر الامك
  وعلــــــــمني اعيشك اخ يالمســــــــلوب هندامك
  اريـــــد الخيل تسحكني مثل ماسحكت اعضامك
   كون اعصرلك  اعيوني ورش مِيهن عله اخيامك

السلام عليك يا اباعبدالله
ــــــــــــــــــــــــــــــــــــــــــــــــــــــــــــ
  وحيد وطايح ومكــسور وماضل واحد ينصرك
وفوكك يفـــــتر الذبــــــــاح يريد بنحرك يطبرك
  والله للشم  مســــــــويه لا مـــــــو للذبح نحرك
السهم طك صدرك وعابر  وطالع من خرز ضهرك

  السلام عليك يا اباعبدالله
ــــــــــــــــــــــــــــــــــــــــــــــــــــــــــــ
  مثل ماي  وطحت  عل كاع ياهو اليكدر  يلمك
  من كثر السهام البيك ضـــــــل ماينعرف جسمك
  كبل ذبحـــــــــك يبو الاكبر تمنت زينب اتشمك
  رمـــــح الشال راسك ذاك خضر من شرب دمك

السلام عليك يا اباعبدالله
ــــــــــــــــــــــــــــــــــــــــــــــــــــــــــــ
اشماله الماي شـــــد وياك ومالامس اشفافك ليش
تحيه انت ويموت  الماي شنهي الماي حته يعيش
بجسمك باوعت  مولاي  ماكو اصواب لك بالريش 
باجر لــــــو متت عطــشان يحسين اتعوض بيش

السلام عليك يا اباعبدالله
ــــــــــــــــــــــــــــــــــــــــــــــــــــــــــــ
  بكاروكي  وهلي يحــــــسين  زرعو بالكلب حبك
  هنيالي  وبخــــيت اهواي كون انه ادخل الكلبك
  انطيني اي  جــــــرح منك كـــون بكربله معذبك
  بس الخـــــوش  زلمه وزين يثبت سيدي بدربك

  السلام عليك يا اباعبدالله
ــــــــــــــــــــــــــــــــــــــــــــــــــــــــــــ
حسين عبد الزهرة الدراجي

Читать полностью…

((قصائد محرم ١٤٤٦ه‍ ملا مصطفى الطيب))

عمت عيني عليك يا ضي عيني
ضلمة صارت من مشيت سنيني
===================
انة اريدك يالولد يايمة گوم
موش يحلالك يالمدلل النوم
العساكر عالخيم گامت تحوم
لا تطول نومتك حاچيني
====================
اليروح اوليدها ايصيب الگلب
وما تبطل اعيونها مدمع تصب
راح مني الاكبر بديرت غرب
ماي وتبدة وفلا يلفيني
===================
للحزن والنوح عفت امك علي
يا بعد روحي يبعد انة وهلي
يبني لو ماجيت يفرح عاذلي
كون وياك وسوة موذريني
===================
آه يا فگد الولد مالة مثيل
لون اعمي العين بغيابك قليل
حزنك اعله الروح يالغالي ثجيل
للگبر حزنك ترة ايوديني
======================
لحسرتي بفرگاك ما ينفع صبر
من رحت بجفاك ما يسوة العمر
بالگلب فرگاك تسعر چن جمر
صبت گلبي وروحتك تاذيني
======================
الحزن بجفاك ما يبرد ابد
وثوبي الاسود ما اذبنة بعد
يا علي يبني ترة گلبي انمرد
ما حسبت اتروح وتخليني
=====================
أسالكم الدعاء رائد الاسدي

Читать полностью…

((قصائد محرم ١٤٤٦ه‍ ملا مصطفى الطيب))

نزال بحق علي الأكبر


ياعلي يبني ترة كَلبي انمرد
هذا اخير وداع ماشوفك بعد
---------------------------------------------
بوية خلي وداعنة كلش طـويل
وخل تفيض الكَاع من دمعي اليسيل
راح عني تروح يالمـــالك مثــيل
يالچنت بوية الي ذخــــر وسند
-------------------------------------------------
عيني تـــبرالك على طول الدرب
اشلون للمــــــــيدان تنزل للحرب
بوية دمع العــــــين مابطل يصب
وحيل ادكَ صدري بعد راح الولد
-----------------------------------------------
بوية خذت الكَلب وياك ومشــــيت
شلون اصبر الروح لو عني بطيت
شــرد اكَل لمـك يبوية تحـــــيريت
چنة طولك يبـني بالحومة انفــــكَد
------------------------------------------------
وياك فوكَ الكَاع يوليدي نمـــــت َ
بوية عالدنيا العفا بعدك صــحت
تنتظر بالخيمة يبني امك بقـــــت
كَــــوم رد وياي ماعـــــدهة احد
-----------َ --------------------------
من ارد لمك شكَلها اعله الجرة
ونارك ابنــــص الكَلب متوجرة
سالم اترد الهة بويـــــــة ناطرة
طاح من الخيمة ياليــــــله العمد
-----------------------------------
نايم اعله الكَاع مـتوسد التراب
فتت افوادي يبــــوية هالمصاب
يا الف ياحيف طوك عني غاب
حزنـــــك بــــدلالي باقي للابـــد
-----------------------------------
بوية عد راســـك تفك عينك يحيد
فوكَ طعن الســيف هم ثكَل الحديد
رحت يابوية وتخلـــــــــيني وحيد
فراكَك من الموت بوية اعظم واشد
---------------------------------------------
يا ثمر عــــمري يســـــباح الكَلب
بمرمرتني وظلــت دموعي تصب
عمري بس ساعات بعدك ينحسب
ونــــــلتقي يم الجـــــــليل وننسـعد
-----------------------------------
أسألكم الدعاء رائد الاسدي

Читать полностью…

((قصائد محرم ١٤٤٦ه‍ ملا مصطفى الطيب))

عريس الولد جابو يتجوله 
ما ترهم الزفه ابلايه هلهوله
...........
امنيتي الولد عريس اشوفنه
هلهولة خواته وصفكت الحنه
من الخميه عماته اليزفنه
بنت عمه العروس اتعاين لطوله
.......................
فرحانه ابأبنها اتبخر اهدومه
هذا اول فرح  للكاضي ملزومه
ما تدري ابأبنها امصاحب الحومه
المنيه زفته وبسيوف يقروله
....................
لبس هندام ابو وشاجخ اعكاله
عمه امن الخيم صد وتعناله
عله عمه الولد ما طالع الخاله
يشبه صورة العباس كلوله
................
معروفه ابسلفنه البت لبن عمه
زفه وكون عباس يتجدمها
سكنه تصير جنتي وانه اصير امها
ايسويها البخت وتصير معقوله
...............
معقوله وتصير الما حسبتلها
والعباس سكنه إله ادللها
اكعد يمه بت عمك شكللها
جاسم رام منج أه يمدلوله
.........................
جاسم راح منج ونهدم حيلي
حسبت احساب ام بيتي تصيريلي
ها يمه يجاسم اكعد احجلي
شنهي ابخاطرك ليصير بس كوله
...................
كل شي ايصير الك لا تأخذك حيره
أسويلك عرس ماصاير ابديره
من عباس اطشلك هاكثر غيره
بخت حسين ازفك والزلم ذوله
.........
  *🖌كريم الدراجي*  تم طلب احد لاخوات

Читать полностью…

((قصائد محرم ١٤٤٦ه‍ ملا مصطفى الطيب))

نزال لمولاي القاسم ع
—————————-—
مثل الضوء جاسم طلع والموت صاير زفتة
&&&&&&&&&&&&&&&
يا رمله حني جفوف اديه شبل الهواشم عيده
زفه وهلاهل للحرب والسيف لاك اعله ايده
مثل الكفل جاسم طلع ما يرد الى بصيده
غيرت علي وكله عزم والحرب هايه تريده

عريس يا شبل الحسن لاكت بجفة حنته
&&&&&&&&&&&&&&

ناده المنادي اعله الحرب والجيش منهم يتعب
بشسع النعل جيش البرز جاسم امشيم الملعب
غار ولكدها اعله الزلم والحرب نار وتلهب
عباس ضنهم من برز وحيودهم تتعجب

كل البرز يم الكفووو حاير يضل برجعته

&&&&&&&&&&&&&

نفس العزم هوا وعلي وصيت الهواشم ناله
ذب الزلم فوك الزلم والخيل ع الخياله
هزهز الحومة بيمنته ويطكها جف شماله
شايل زعل بالمعركة حته الزعل يحلاله

متحير بوصفه يضل كلمن نضرها صولته
&&&&&&&&&&&

طبها بجمالة وهيبتة والكاع مالت حدرة
متلثم بغيرت علي ورايته رفت خضره
صف الكتايب والزلم من علي ماخذ شمرة
كاسر الجيش ومن هجم يترهدن بلا مهرة

جنة علي وكت الحرب ما تنعرف يا ضربته
&&&&&&&&&&&&

تنخه بعمامة والحرب رفت الرايه بجفة
شبل الحسن شايل زعل والموت بيك نوصفه
أدخيلك صرخ كلمن اجه وبكلبه صارت رجفه
مثل الرعد حين النزل بالكاع صارت خسفه

حيد الزلم طخ وركع والموت اجه وي جيته
&&&&&&&&&&&
عدنان الحيدري

Читать полностью…

((قصائد محرم ١٤٤٦ه‍ ملا مصطفى الطيب))

ميت و حشمك ضربوني يمك يا ابوفاضل
______
نار بعباتي و ضربوا بناتي من يلحگ النه
كالوا خطيه زينب سبيه جا وين أهلنه
نمشي وي غربه حالتنه صعبه تمنينه اجلنه
بنت الأكابر يشتمها عابر يا ابو فاضل
_____
سكنه و رقيه يفزعن إليه يكثرلي وني
و يم الشريعه عفتك گطيعه من يحمي ضعني
و بگلبي لجمه ياهو الحشمه شو ما سمعني
و بوحدي تالي محد إجالي يا ابو فاضل
____
تالي العقيله بناگه هزيلة تصعد يوالي
مشونه بالبر ياخويه و أكثر شتم الغوالي
بيدك جبتني هسه عفتني الظيم الليالي
امشي وراقب جيت الحبايب يا ابو فاضل
_______
و حيرتنه حيره العدها عشيره شو ما أجوها
روحي بهضمها امي بعضمها تالي اشتموها
شعظم المصيبه زينب غريبه عليه حجوها
ريتك تجيهم تسمع حجيهم يا ابو فاضل
____
شحجي عله ضيمه الماعنده شيمه. ريتك تشوفه
و عنك يگلي موذر يضلي و گطعوا جفوفه
و بيد عواذل ضعنك يكافل صعبه تعوفه
يزيد بضربنه ذاك اليسبنه يا ابو فاضل
____
و گالوا أسيره عنها الاميره لمن عفتني
و بگلبي حرگه و متوني زرگه ريتك شفتني
و دلالي ذايب كل المصايب بعدك لفتني
بذمتي اليتامه تبقى بسلامه يا ابو فاضل
____
لخادم أهل البيت عليهم السلام
الشاعر / محمد عبد الأمير الابراهيمي

Читать полностью…

((قصائد محرم ١٤٤٦ه‍ ملا مصطفى الطيب))

افراگ ابوي اشسوه بيه .. واحفرت گبره بـــديـــه


حيلي ياناس انهدم …من شلت راعي العلم


واحفرت گبرة بدية… .انـــه العليل

★★★★★★★★★★

اتحملت كلشي وأجيت ورافگت جرح السفر

وشفت ابوي حسين نايم لچن مگطوع النحر

عيني صدت عالشريعة ومن عسن معْمي النظر

انـــه اول مرة اشوف اعله الترب طايح گمَر


گتله ياحماي الظعينه…. طيحتك شمسويه بينه

طيحتك تكتل يعَم.. ..من شلت راعي العلم


وحفرت گبرة بدية

★★★★★★★★★★


فاجئوني اعزاز گلبي اتوذروا كلهم سوه

جرح صاروا عالترابه وبيهم ايذري الهوه

طاحت الدنيا ابأهلها من وگع راعي اللوه

والنهر مخلوق النه ومات ابوي وما روه


جسمه صاير قطعه قطعه…بس شدهني ماكوا اصبعه

حته اصبعه ماسلَم… من شلت راعي العلم

وحفرت گبرة بدية

★★★★★★★★★★

هذا ابو اوجيت اشيله وشيبه متخضب دمه

وصحت عينيني اعله ابنچ بالدفن يافاطمة

اشلون اشيلن جمسه وحدي وجثته متخذمه

يااللهي حسين طايح ألمن امخلي السمه


باالله عينيي يزهرة … صاير ابنچ وذرة وذرة

ابصدره چم ضلع انهشَم… من شلت راعي العلم


وحفرت گبرة بدية

★★★★★★★★★★


منين مااريدٱ اشيله ايميل جسمه اعله الأرض

وعرفتها الخيل چانت فوگ صدر العز ترض

زحمه من الله يعالم عالتُرب يوگـــــــع فرض

والحوافر فوگه تسحگ ويلي ابطول وعرض



نزليته ابوسط گبرة… وعفت عبدالله اعله صدرة

بالسهم ابنه انفطَم... من شلت راعي العلم


وحفرت گبرة بدية

★★★★★★★★★★


درت عيني اعله الشريعة ورحت بس احبي حبي

ياگمر هاشــــــم گلتله ترظـــــــــه زينب تنسبي

لاخــــــــــــــــيم ظلت علينا ونار سبت بلعبي

واحفرت گــــــــــــــبرك بديه اگبال تل الزينبي



حيرتني يبو الغيرة … اشلون انزلك بالحفيرة

ونابت ابعينك سهَم… من شلت راعي العلم


وحفرت گبرة بدية

★★★★★★★★★★

هذا الاكبر هذا جاسم لابس اثـــــــياب العرس

وينه وينه اعزاز گلبي ناموا ابحـــــــر الشمس

تفرغ اعيوني اعله اهلنه ودمع من دم تنترس

وانـــه هم ميت اوياهم عالترايب مـــن أمس


عَمتي زينب بالخرابه…. وابو فاضل عالترابـــه

جيتها وبهدومي دم…. من شلت راعي العلم

وحفرت گبرة بديه

★★★★★★★★★★

نزلت كلمن ابگبرة وعيني ظلـــــت هامله

ليش هيچي ايصير بينه كربــــــــله ياكربله

ماسلَم احســين منــــچ لا كفـــــــيل العايله

وچفتوا جدام عينـــــــي عَمتـــــي المدللله



خذوا ترچية رُقية.... والشمر يضحك عليه

عدنا ماظلت خيَم… من شلت راعي العلم


وحفرت گبرة بدية


★★★★★★★★★★




ــــــــــــــــــــــــــــــــــــــــــــــ

ماجد حبيب الخيگاني
ونسألكم الدعاء

Читать полностью…

((قصائد محرم ١٤٤٦ه‍ ملا مصطفى الطيب))

أنشد عنك وين ... جاوب خوية حسين
جسمك هذا البلطف عاري
يا مسـتودع كـل أسراري
جاوب خوية حسين
"""
تسمعني ... يبن أمي يالمالك ذجر
تسمعني ... خبرني طايح يا كتــر
تسمعني ... زينب وحيدة أبلا خدر
تسمعني ... بعدك فلا ريـــد العمر

وينك يا رجواي ... ما شاربوك الماي
جيت ارويك بدمعي الجاري
يا مسـتودع كـل أسراري
جاوب خوية حسين
""""
دليني ... ظلمة أصبح بعيني الدرب
دليني ... وينـــك يســــباح الكــــلب
دليني ... عنك راسك الدمــة يصب
دليني ... فكد الاخـــو كــلش صعب

يحسين أخذ الروح ...
بس لا عني تروح
موتك يحرك كلبي بناري
يا مسـتودع كـل أسراري
جاوب خوية حسين

يحسيني ... أنظر جسد عاري الهدم
يحسيني ... صدرة بحوافر منـــهشم
يحسيني ... بي ريحتك يا خوية أشم
يحسيني ... هذا انت جاوب يا شهم

هالجسم أبلا راس ... متكطع ومنداس
شتت عقلي وكل أفكاري
يا مسـتودع كـل أسراري
جاوب خوية حسين
"""""
حاجيني ... صوتك حبيبي أرد أستمع
حاجيني ... مــنك تكسر جــم ظـــلع
حاجيني ... انه أختك أبأتعس وضـع
حاجيني ... بعيوني ما ظل كـل دمـع

أكعد شوف الحال ... حزني ايهد أجبال
ما وصلتلك خوية أخباري
يا مسـتودع كـل أسراري
جاوب خوية حسين
""""

خليني ... اوصل الك يالمــــنذبح
خليني ... يحسين أضمدلك جرح
خليني ... من كلبك أشلع هالرمح
خليني ... وياك أظل حد الصبح

ما أسمعلك صوت
بعيد الشر يا موت
عوف حسين وأخذ صغاري ...
يا مستودع كــل اســراري
جاوب خوية حسين
"""
دليني ... عن راسك اليكطر دمة
دليني ... أقسم عـــليك بــــفاطمة
دليني ... وين انت صوبني العمة
دليني ... بالهم تـــراني أمحـزمة

وينــك يا صـنديد
شوفك عيني تريد
شوفك لا تخفي أعلى أنظاري
تدريني ... بوادعك أكـلــيبي أنجـوة
""""
ما ذيني ... فكدك صعب ما ينحمل
ماذيني ... كثر الحزن كلبي يـــمل
ماذيني ... موتك يبن خير العــمل
ماذيني ... ماعندي ظل بعدك أمل

ما ظل بية الحيل .
يالسحكوك بخيل .
ارحم ضعفي أعليك الباري .
يا مسـتودع كـل أسراري
جاوب خوية حسين
"""
تدريني ... بوادعك أكـلــيبي أنجـوة
تدريني ... بعيوني ما ظل كل ضوة
تدريني ... ضايع علي شم الهـــــوة
تدريني ... متحيرة ما نرجع الســوة

اخـــتك أنه شلون
تتركني ابلا عون
ارجع بعدك موحش داري
يا مستودع كل أسراري
جاوب خوية حسين
""""
موسى الخادم

Читать полностью…

((قصائد محرم ١٤٤٦ه‍ ملا مصطفى الطيب))

الدفن

ماحچت بس اشرتلي ابأيدها
تريد اسألك عمه عن اوليدها
++++++++
صوت ماعدها الحچي من عدها غاب
هاي ثلث ايام ماتحچي الرباب
گاعده اتلولي الحضنها بالتراب
اتشيل اديها انوب تحضن جيدها
++++++++
بالبالخرابه چي سگف بيها اعله هاي
اتكترت ماترضه تگعد بالفياي
اشرتلي اتگول شرب ابني ماي
لو بعد جثته العذب شيفيدها
++++++++++
اتگول وين ادفنته چا عبد الله وين
الهسه ملفوفات بگماطه الادين
وحده دافن ابني لو وي الحسين
الگبر وحشه اعله ابني ايزيدها
++++++++++
نـام ابـنـها بالتراب الغالي نـام
فوگ صدر حسين مابين السهام
شالهن ذرعانه وافهمت الكلام
من بچه عبد الله امه ايريدها
++++++++++
ويه ابوه حسين وبنفس الحصير
حته جسم حسين هم صلير زغير
ما اميز بين الاول والاخير
لا تساليني وبعد ماعيدها
++++++++
عمه من عبد الله مگطوع النصيب
خل تبطل من دللول الحبيب
الراح مايرجع ولا حته النحيب
اير اهلنه هناك سكنت بيدها

ثائر الربيعي

Читать полностью…

((قصائد محرم ١٤٤٦ه‍ ملا مصطفى الطيب))

ياخيل بسجن منه
ويالكاع ساويتنه
شكد صحت عوفنه
هذا خوي هذا خوي
؟................
تعنيت اله والخدر جان يحاذر
وجسمه التطشر مدري وبياحافر
اتوجه عالجرحي والعيون تكابر
المثلي حاله والله يكسر خاطر

كل ضني الحك وشم عطر انفاسه
لن عالرمح لاكوني وسفه براسه

وبدم اشوفه محنه
ياخيل بسجن منه
..................
موبس جرح خاطر بعد يتشافه
ريت نعمه وكون النظر لاشافه
براس الرمح والهوه يفطر شفافه
شكد غيريتن الحنين اوصافه

خوي الجمال يغارمنه جبريل
جاشنهي ذنبه عليه تسحكن ياخيل
وكبالي طحنيتنه
ياخيل بسجن منه
؟..........

بياجريمه وشنهي سوه وياجن
ابيوم الوصلنه الكربله رواجن
جاهجي رد الفظل ومجازاجن
يل عارجن طول الدهر غطاجن

شسويتن بصدر الحنين الغالي
هاي انه خيته عاد رحمن حالي

دوسني وخلنه
ياخيل بسجن منه
..........
مابيه عضم صاحي بعد خليتن
النياط كلبي من الحشه شلعيتن
احن الصخر وعليه ماحنيتن
لبن الزجيه عليش ما رحميتن

شفتني وكمتن تدبجن فوكه
عطر النبي وكلتن اله نضوكه
ونطش عطرهه الجنه
ياخيل بسجن منه
.........
يل ماتركتن عضم صاحي بجسمه
طشار صار وبعد ياهو يلمه
حد ما تغير كلشي لونه ورسمه
هذا لوطن مشتاكه اسولف يمه

ياطلعتي من الخيم ثجيله
بكربله ماكو بعد عقيله
من شالت المحنه
ياخيل بسجن منه
...........
هوه الصبر ينفعني حته اتصبر
اسمي والوني من الطفوف تغير
كلشي يبس من الرزايه وصوفر
باجر يباجر جنه يوم المحشر

لو خلص الليل ويطر ابلونه
عن كربله عدوانه يمشونه
والروس تبره انه
ياخيل بسجن منه
............
خادم اهل البيت ع
فلاح طالب الماجدي

Читать полностью…

((قصائد محرم ١٤٤٦ه‍ ملا مصطفى الطيب))

يخوتي مشتاكه
بعد مانتلاكه
مشت بيه الناكه

اويلاه اويلاه
...............

عفتكم عالثره .. ومشيت ميسره .. وشفت الصار
اعاين يخوتي .. وجبيره حسرتي .. وگلبي احتار
صدك ماني بحلم .. عليّ هدت زلم .. وشبو نار
وأنه بحرك الخيم .. ركضت امن الالم .. وعندي ازغار

كلهه طشت بالبر
واليحير اكثر
اركض واتعثر

اويلاه اويلاه
...............

الزغيّر بالعمر .. وصل عضمه الجمر .. وشاف الويل
حرت من ياكتر .. اللمْهم والشمر .. هد الخيل
انترس حته الهوه .. رماد بنينوه .. وماضل حيل
عجاجه مغبره .. صفيت محيره .. وصارت ليل

ولّي زاد اونيني
اني شافت عيني
مذبحك يحسيني

اويلاه اويلاه
...............

أنه بأول سهم .. اعاين والالم .. بالدلال
القميصك من شلت .. يخويه ومسحت .. دم السال
ورماح اتولتك .. وسيوف اتعنتك .. وبهل حال
تخضبت ابدمه .. يضنوة فاطمه .. وحيلك مال

شفت طولك يكصر
عينك اعله الخدر
وطحت يابن حيدر

اويلاه اويلاه
...............

شسولف عالصبر .. وانه الشفت الصدر .. بخيل انداس
يخويه اتمرمرت .. وعلى الكافل صحت .. ياعباس
يراعي المرجله .. ابو سكينه انوله .. ابين الناس
صحتله وماسمع .. الصده الزينب رجع .. ابلايه انفاس

هم تغير لونه
وطفو نور اعيونه
وما صحتله شلونه

اويلاه اويلاه
..................

اليسر گضّه العمر .. مشينه وبزجر .. من يحدون
ورقيه بالدرب .. ولوهه بالضرب .. وزركه متون
تره المدلله .. وردتك ذابله .. ماضل لون
تخاف امن الشمر .. على طول اليسر .. تجري عيون

سوطه بيده ويفتر
وعلضرب ماتكدر
مانسيت المنضر

اويلاه اويلاه
.................

بديّ صار الحبل .. وصعدت اعله الهزل .. ابلا خوان
خذوني ميسره .. اطب واني مره .. بكل ديوان
انه بلا كافلي .. الاذان ابلا علي .. كله احزان
تره ضهري انكسر .. عدونه مو بشر .. ماكو انسان

ماكو انسانيه
ترحم العلويه
مكيده ايديه

اويلاه اويلاه



محمد هادي العقابي

Читать полностью…

((قصائد محرم ١٤٤٦ه‍ ملا مصطفى الطيب))

يمه حسين واويلاه
يمه حسين واويلاه
ــــــــــــــــــــــــــــــ
اجيت الكربله يحسبن .. اجيتك وأنه محـــنيه
اجيت ايدي على اضلوعي .. يمه وحيل مابيه
اعوفك بالصحاري شلون .. وانت الروح والريه
كون اهنا اضل بالطف.. وابنيلي حسينيه

يمه حسين واويلاه
يمه حسين واويلاه
ــــــــــــــــــــــــــــــ
ييمه امن الگفه مذبوح .. ونحرك ظل يفيض ادماه
اجيت أنه بظلام اليل .. اصبعك يمه ويـن الــــگـاه
بقيت امحيره يحسين .. ويـسندني الحــــزن والآه
اظل اوي الجسد يحسين.. راسك من يروح اويـاه

يمه حسين واويلاه
يمه حسين واويلاه
ــــــــــــــــــــــــــــــ
ليش اعلى الوجه مگلوب .. ومطبور اثنعش طبره
نايم عالرمل يحسين .. وتـچـــوي اضلوعك الغبره
وسفه الماي شح اعليك .. وماحــــصلت ولا گطره
يايمه وجر اعليك .. الف شـوغـه والـــف حــــسره

يمه حسين واويلاه
يمه حسين واويلاه
ــــــــــــــــــــــــــــــ
ماضل كتر سالم بيك .. چـنـك مـــاي متـــبدي
بيك الف وتسعميه جـــــــروح تسيل وتنـــدي
مصابك هيج احزاني .. وذكرني ابسطر خـــدي
شلون اتحملت يحسين .. يمن يومك مرد چبدي

يمه حسين واويلاه
يمه حسين واويلاه
ــــــــــــــــــــــــــــــ
خلني اوياك اظل يحسين .. شلون آنه ابتعد عنك
واتوسد ابكترك ريت .. ومــــن نـحــرك اشمـــــنك
اخلي ايدي حدر جسمك .. على امصابك اعيننك
لا اگـدر اظـل يـمــــــك.. ولا اگـــــــدر اعوفــــــنك

يمه حسين واويلاه
يمه حسين واويلاه
ــــــــــــــــــــــــــــــ
حيدر بشار الدراجي

Читать полностью…

((قصائد محرم ١٤٤٦ه‍ ملا مصطفى الطيب))

يالذبحته .. من رگبته
اتگص اصبعه..شنهي ذنبه
أنته ربك..ماتخافه
الثوب عوفه..لاتسلبه
ــــــــــــــــــــــــــــــــــــــ
ذبحته من ركبته وهوه عطشان
تسلب ثوبه ليش اتعوفه عريان
الشمس سوت ابجسم احسين نيشان
عمت عيني وطلع من ضهره دخان

ضهره مجوي..بالترابه
ودمه وشل..من وريده
طبره طبره..كمت اشمهن
من ركبته..الخنصر ايده
ــــــــــــــــــــــــــــــــــــــ
فوك الخيل الامتعبات صدره
اثنعش طبره عله الركبه تطبره
ذنبك بيش يالضالم تكفره
الرمح من كلبه واصل لحد ضهره

الرمح هذا..خاف اسحبه
وكلبه يطلع..من مكانه
واليتامه..يسألني
ليش ابونه..مااجانه
ــــــــــــــــــــــــــــــــــــــ
سلبت التاج منه وحته درعه
دنت نفسك عله المحبس تشلعه
تريد اتجره ماتكدر تطلعه
تالي بخنجرك كصيت اصبعه

الزهره امنه..هيه خصمك
من تجينه..بالقيامه
النبي يطردك .من رحمته
والله تشبع..بس ندامه
ــــــــــــــــــــــــــــــــــــــ
قميص احسين خايب خل اشمه
مثل يوسف قميصه ايشافي الاعمه
وخر خل اسولفله واكلمه
ابن طه النبي خلوله حرمه

رجع الخيل..كافي منه
روحه خلصت.. كطره كطره
ابعيني اول..ميت انظر
صدره طابك..وي ضهره
ــــــــــــــــــــــــــــــــــــــ
تسعميه والف ياعالم اهواي
اجروح الماله ثوب ولا اله افياي
كلتله شيوجعك باصرني ابراي
يكلي اليوجعني انتي والماي

كتله أنه..فدوه لاسمك
كلي خدرج.. خويه غالي
كتله بعدك.. سلبوني
ياأخي وبيّن خيالي
ــــــــــــــــــــــــــــــــــــــ
يسلابة احسين ابن الزجيه
عيب اعله الزلم تضرب رقيه
ذبحتو اجم أمام اليوم بيه
امن اخذتوني عله الهزل سبيه

ضهري ورم..من ضربكم
بالسياط و..بالحجاره
لاكن ابقه..جني مرقد
وراس ابواليمه المناره

محمد الجماسي

Читать полностью…

((قصائد محرم ١٤٤٦ه‍ ملا مصطفى الطيب))

ماهـو اخـوها حـسين هاي الليله
ما بـقـه لــزينب اخــو تـشـكـيلـه
ــــــــــــــــــــــــــــــــــــــــــــــــــــــ
لابـقه لأم عـون نــاصـر لا مـُعـين
لابـقـه عـباس عدها ولا حـسيــن
آلـ هـاشـم بالصحاري مـطـشريـن
بـس بـقه السجاد مـنـهـد حـيلـه
ــــــــــــــــــــــــــــــــــــــــــــــــــــــ
ام عون ماتت من ألم درب السبي
بنـاگه هـزله وجان حاديهه اجنبي
وسـفـه هـذه الصار بعـيال النـبـي
بالحـبل مـگـيوده كــــــل الـعـيله
ــــــــــــــــــــــــــــــــــــــــــــــــــــــ
الصـار وي أم عـون مـا صار بـشر
شـافت العـباس من طـاح الـگمـر
والحسين شلون رد محني الضهر
منـحني ومـحد بـقـه يـتـچـيلـه
ــــــــــــــــــــــــــــــــــــــــــــــــــــــ
فــوكَ كل الـصـار مـاتـت بالغرب
راحت ومتعوبه من طول الـدرب
يا هـظيمه تـمـوت مشلوعة گلب
هاي زينب بت علي هاي العقيله
ــــــــــــــــــــــــــــــــــــــــــــــــــــــ
محد الــشاله نـعـشـها الـطاهـره
ام عون ماتت بين غربه ميـسره
اخـوان زينب كلهه ضلت عالثره
ونعـش زيـنب بـقه يـاهو يـشيله
ــــــــــــــــــــــــــــــــــــــــــــــــــــــ
#سيد_منتظر_الهاشمي
ــــــــــــــــــــــــــــــــــــــــــــــــــــــ

Читать полностью…

((قصائد محرم ١٤٤٦ه‍ ملا مصطفى الطيب))

عبدالله عبدالله __ياضوه عيوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عذبني ياوليدي البعد هيج الامي
من مثلك بهاذا العمر ينذبح ضامي
عكبك ياسلوت ناضري حركو خيامي

بهمومي بهمومي__ يبني خلوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حنيت اهز مهدك وحن حنت الناكه
عبدالله فاركني ومشه ولبني مشتاكه
غصني وذخرته بدنيتي ويصعب افراكه

ياذيني ياذيني____ من يبعدوني
٠٠٠٠٠ ٠٠٠٠٠٠٠٠٠٠٠٠٠٠٠٠٠٠٠٠٠
ساعات اناشد عمتك من رحت عني
ورجع وتاني عالدرب يبني ها يبني
يبني الكطع نحرك عجب ماكطع نحري
بياعيني اشوفه منحرك عالترب يجري

بعيوني بعيوني__ شفته بعيوني
٠ ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلبي الحنين ابلوعته يحجي ياوليدي
يحجي عليك بكل وكت يالجنت عيدي
ضامي مثل كلبك صفه عالضمه اشبيدي

حاميته حاميته __من ويلي اعيوني
٠٠٠ ٠٠٠٠٠٠٠٠٠٠٠٠٠٠٠٠٠٠٠٠

اليله وداع. وهلج مايضلون اليله وداع

Читать полностью…

((قصائد محرم ١٤٤٦ه‍ ملا مصطفى الطيب))

قصيدة: مسيت العافية يحسين
الشاعر: عبدالخالق الحريشاوي

▪️▪️▪️▪️▪️
مسيت العافيه يحسين ولو يا عافيه الضلت
من ذاك العصر ياذاك تدوس الخيل ماملت
عشره الخيل وانت وحيد بجسمك كلشي ماخلت
الماخذ خنصرك يحسين عساه جفوفه النشلت

صار الليل خويه حسين وطبع الليل حيل اظلم
اجيتك شايطه من التل ولا خيّر اليتحشم
انعم الله الريحتك يحسين دلتني بمچان الدم
الم بجسمك المسحوك خويه وياي ما يلم

خويه حسين صار الليل وتانيت الزلم يمشون
وجيتك يا حنين الروح اشبكنك دگلي شلون
انه محركه الچفين وانت بكل كتر مطعون
انت السيف اخذ نحرك وانا السوط اخذ المتون

خلفله اعلى ذاك الليل ستر بالهيمه صارالي
يكون الكاع عدها السان وتحجيلك على حالي
الركض مو لام عمر خمسين والايتام تبرالي
لا وادم التسوه اعتاب لا صيوان ضلالي

يمك ما لكيت رسوم حرمه الكيت محنيه
خويه حسين راح الشوف التنوح حذاك ياهيه
التحت شيلتهه جابت ماي تشرب نحرك اميّه
ساعه تصيح يامذبوح وساعه احا يمسبيه

Читать полностью…

((قصائد محرم ١٤٤٦ه‍ ملا مصطفى الطيب))

يوليدي يالاكبر ** من تمشي للعسكر
شيل العلم بيدك ** وبكيفك اتبختر
                    ::::::::::::::::::::::::::::::::::::::::::
يوليدي مـا ناخيك * هاك أسمع اعتابي
بـاچـر تغـير الخيل * وأنته أول  أحبابي
تسوئ أمن ازامط بيك *حاسبلك أحسابي
تفزع تجيب الثار * من توگع أصحابي
بيدك ترد الگوم ×× يومك يلاكبر يوم
منك تضل الخيل ×× بالحومه تتعثر
                    ::::::::::::::::::::::::::::::::::::::::::
  يبني الصبح لـوصار * تتقـدم أبـزودك
زين اعرف الفرسان * ما توصل احدودك
أدريهم ايخـافون * مـن لـمـعت أزنـودك
حته الشجار اليوم *  تتسخر اجـنودك
يلما تهاب الموت ×× فوگ المنايه اتفوت
باچر اذاء مريت ×× وجه الشمر يصفر
               ::::::::::::::::::::::::::::::::::::::::::::::
بيدك تشيل السيف * باچر يضي عيني
إصرخ علئ الفرسان * ويـن اليلاگيني
گلـهم يضل مشلول * چـف اليـلاويني
صيت النصر والزود * بالطف يخاويني
گول انه شبل احسين×× وين العساكر وين
كلما يزود الجيش ×× عندي الـعزم يكبر
                    ::::::::::::::::::::::::::::::::::::::::::::
شفت أبني شد الحيل * وتنخه بالزهره
صار الصباح أوگال* يم الحسن نظره
سـورة نبإ ويـاسين * بين الخيم يقره
قَّبل جبيني اوصال *وتخييل المـهـره
من طب علئ الكفار ×× گالو أجه المختار
من عنده شفت النور ×× بين الزلم يضهـر
                ::::::::::::::::::::::::::::::::::::::::::::::
ضنـو عـلـي أبصفين *  بيهم رعـب خلـه
حيدابضـهـر عـاشور * جيش الشمر ذله
كلمن يشيل السيف*  شـل الجـرح شلّـه
گامت تطيح الروس * من سيفه لوسله
منهم تطير أرگاب ××  گالوملك موشاب
كله المعسكر صاح  ××جده القلع خيبر
              :::::::::::::::::::::::::::::::::::::::::::::::
             فاخر علي الشبيبي

Читать полностью…

((قصائد محرم ١٤٤٦ه‍ ملا مصطفى الطيب))

يالفاگده اوليد 00 مثل اوليدي شاب
هاي آنه وياچ 00 شريكه بهالمصاب
راحو من ادينه وكثرو بچينه
يالفاگده اوليد
ــــــــــــــــــــــــــــــــــــــ
ماتحس بحالي اله الراح ابنهه
اعيوني الدفان كون اوياه دفنهه
عگب ابني الدنيه چا شترجه منهه
أمن الفرح حرمتني وانطتني حزنهه

جسام من راح 00 كلشي بعيني مات
واندفت اوياه 00 كل الامنيات
بلياهم صفينه وكثرو بچينه
يالفاگده اوليد
ــــــــــــــــــــــــــــــــــــــ
أهنا يالامضيعه ولد بعده بشبابه
انتي هم مثلي تحنين ابغيابه
هم تشمين وتحضنين بثيابه
امجابله اشموعه وتلطمين المصابه

ولو صار الاغروب 00 هم تتأملين
يرجعلچ بخير 00 وانتي اتهلهلين
الراح مايجينه وكثرو بچينه
يالفاگده اوليد
ــــــــــــــــــــــــــــــــــــــ
يالفگدتي اوليد آنه اوليدي آيه
اعيوني من يطلع وراه يمشن حمايه
اشگد تعبت اوياه بسهري والربايه
تالي مات وانه امشي اوي السبايه

وعيونه الاوساع 00 طماهه التراب
والزفه تشييع 00 والحنه خضاب
الماردو علينه وكثرو بچينه
يالفاگده اوليد
ــــــــــــــــــــــــــــــــــــــ
بس الاتفارگ حنين اتحن عليه
آنه ابني ذبحته اسيوف الـمنيه
مثل باقة ورد چان بمزهريه
هسه فوگ الخاصره مطبوعه اديه

خل يبچن اوياي 00 وين الفاگدات
من بعد الاعزاز 00ماتسوه الحياة
الاگلوبهم حنينه وكثرو بچينه
يالفاگده اوليد
ــــــــــــــــــــــــــــــــــــــ
ماشفت عريس زفوه اعله گبره
من احط راسي عالاوساده اذكره
كون گلبي ابحفرة اوليدي اشمره
شمعه ذوبني الهجر گطره اوي گطره

شيبني الافراگ 00 يوجع بالصفاح
من راح جسام 00 شوف اعيوني راح
بفراگهم عمينه وكثرو بچينه
يالفاگده اوليد
ــــــــــــــــــــــــــــــــــــــ
افراگهم ماينجرع وانه الجرعته
وچم ظلع من لطمتي اعله ابني كسرته
حسره ظلّت بيّه راح وماشبگته
ايصيح يُمه أمن انذبَح بس ماحضرته

ابعمر الورد چان 00 يابدر التمام
گتله بالاتراب 00 ياوسفه تنام
اشگد دمع جرينه 00 وكثرو بچينه
يالفاگده اوليد

محمد الجماسي

Читать полностью…

((قصائد محرم ١٤٤٦ه‍ ملا مصطفى الطيب))

رباك الحسن وشلون رباك
دله وسيف بالديوان انطاك
گلك دله للضيف  بيدك سلمك سيف
يم حسين عزب
::::::
كرام الضيف واجب هذا معلوم
يگعــــد بالهــــــــلا وبآهلا ایگوم
باچر واجبك يكبر بعـــــــــد حيل
للحسين انت باچر يبني مقسوم
صار دگله عمي   الك مرخوص دمي
نفذها الوصيه
الواجب يبقه واجب  عين وهو حاجب
عليك وهم عليه
اريدك كون ما تبخل عله حسين
صار دگله عمي وموش بعدين
اريدك تاخذ الحيف   بيدك سلمك سيف
يم حسين عزب
::::::
اريدك بعد ابوك تشد الحزام
وأريدك كون تطبگ هام بالهام
شما يطلب حسين دگله اخذ هاك
بيض وجهك هاك اسمع يجاسم
يومك ادري بالطف  كف يبني الزلم كف
ابوك الحسن وصاك
خيشوفك بيه  ادخل چن منيه
اريدك يبني هناك
باچر يبني زفتك وانه فرحان
باچر سيف بيدك هسه فنجان
مثل حرورة الصيف   بيدك سلمك سيف
يم حسين عزب
::::::
باچر کون اريدك مثل عباس
اريدك كون يبني الراس براس
قتال العرب جدك ابو حسين
ولجل حسين كون تعلم الناس
البس ثوبي باچر   واگطعها المناحر
گدها  انت گدها
يبني الصعبه سهله   يم حسين گله
چف ايدك يحلها
اعزب بيك باچر موش بالزاد
تنراد المـــــواقف يبني تنراد
مر بوالدك طيف    بيدك سلمك سيف
يم حسين عزب
::::::
يبني وهاك اسمع مني مــــوضوع
باچر زفتك مــــــــــا ريدن شموع
اريدك كون سيف ودرع والطاس
مشروعي انت يكمل يبني مشروع
بالطف ونعزب   باچر قصص نكتب
ونحب الشهاده
حار وتچوي اريدك   باچر يبني عيدك
القتال والنه عاده
لا تبخل بدمع يبني جاسم
اريدك بالقتال تكون حاسم
صار بدون اي كيف   بيدك سلمك سيف
يم حسين عزب
::::::
هاي اخر وصيه واستمع هاك
هاك احتفظ بيها لباچر ویاك
بيض وجهي يم حسين جاسم
باچر  كون توجع يبني يمناك
انه ابن الحسن گول  فحل يا ابن الفحول
جدك علي الكرار
يالكلك شهامه   لترد بالسلامه
اريدك تاخذ الثأر
راح اختم كلامي من اسمع
اريدك كون مثل الأسد تطلع
جدك حيدر مخيف   بيدك سلمك سيف
يم حسين عزب
::::::
علي جبار الكعبي
الفاتحه لوالدي

Читать полностью…

((قصائد محرم ١٤٤٦ه‍ ملا مصطفى الطيب))

جاسم العريس هاي افعاله
ومثل ابوه بالطف تفور دلاله
°•••••••÷••••™••••÷••••••••°
هذا شاب ويمتلك عزت نفس
ومن جماله ضلت تغار الشمس
اليوم هاشم سوت الجاسم عرس
طلع للحومه ولبس اجمل لبس

بصدره ما خله درع ورمله علكتله الشمع
اوصيه عندي امن الحسن كلاله
ومثل ابوه بالطف تفور ادلاله
°•••••••÷••••™••••÷••••••••°
هجم هجمه وضلت اطيح الزلم
ومن يمد اجفوفه توصل للنجم
غاص بيها ولازم الحومه لزم
العافه درعه وشرد بس اليفتهم

ضهضب وذب الركب بسيفه عالحومه شطب
اتراجعت من شافته الخياله
مثل ابوه بالطف تفور ادلاله
°•••••••÷••••™••••÷••••••••°
كلها صاحت للحرب عاد الحسن
وشافو القاسم عيونه اتجادحن
من يصول وبالوغه ايجر الرسن
الميمنه والميسره يتراجفن

وصوت ابو فاضل عله هله بالقاسم هله
وابن اخوه بالطف تحيه اداله
مثل ابوه بالطف تفور ادلاله
°•••••••÷••••™••••÷••••••••°
هذا ابن ذاك التصدق بالرغيف
والفقيره يجيبه يم صدر المضيف
الحسن جان ايضوج لو ما يلكه ضيف
ال هاشم بالشجاعه كلهم سيف

وللحرب طب ابن ابوه وحده اخذهم ما خذوه
زعل جاسم والزعل يحلاله
مثل ابوه بالطف تفور ادلاله
°•••••••÷••••™••••÷••••••••°
الخيل جفلت والزلم طمها التراب
وقائد القائد يصيح انطي انسحاب
حاصراها وللمفر ما خله باب
سيطره اعله المعركه وحز الركاب

سيفه ناصب محكمه وغرك الطف بالدمه
جنه حيدر والفرس ما شاله
مثل ابوه بالطف تفور ادلاله
°•••••••÷••••™••••÷••••••••°
طشراها وضيع اعليها الدرب
وهوه مو ياهو اليجي ويدخل حرب
ماتت الفرسان من كثر الرعب
ضلت اتحير الكتايب من تطب

بيده تخفك رايته ومثل حمزه خزرته
ماكو فارس يوصل ويدناله
مثل ابوه بالطف تفور ادلاله
°•••••••÷••••™••••÷••••••••°
تمت
تحسين الخفاجي

Читать полностью…
Subscribe to a channel