113
وأن تمنيت شيئآ فئنت كل التمني #ياصاحب الزمان $
ليلة 8للقاسم .
اسم الله علطولك يلولد نوم العوافي
ماشفت حنه ولاعرس علغبره غافي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
محروم من كل الفرح ياشمعة البيت
امك وتاني زفتك كل عمري ياريت
كل المشوا ردوا ترى بس انت ماجيت
عني رحت ياظنوتي والوحدي ظليت
،،يافرحت ايام العمر ردتك توافي،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ماظل أمل ابغيبتك والدنيا ظلمه
والتفكد الغالي شبعد شيرده لمه
بيدي اعجنتها حنتك وعطرك اشمه
بس ذكرياتك هل بقت وينك ييمه
،،وليك اعنيت بحيرتي والجدم حافي،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مابيه احمل فركتك علغبره اشلون
ودموعي سالت علوجن وذبلت لجفون
گبالي اشوفن مصرعك ياضي لعيون
وعمك يون وينتحب ومتغير اللون
،،ما صدكت يبني ألي انت تجافي،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عگبك مشيت ميسره مابين لجناب
وراسك يجاسم علرمح يااغله لحباب
متغطي وجهك بلدمه مثل البدرغاب
والجثه ظلت علثرى ياطيب لنساب
،،يلمندفن برض الغرب من الهجركافي،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يبني شب
قصيده سريعه للقاسم ع - رقم (18)
-----------------------------
$ فدوه الفزعتك ------ بلطف يغالي
اوشمرت يمينك ---- يمه اعله بالي
شمره وفه -- اوكول او فعل -- يبني يجسام
------------------------------
1) يمه الحرب حربك ----- اودرب الولي دربك --
من فدوه لعيونك
يامحله هل شمره --- تنزل مثل جمره --
اوفنهم يلاكونك
مية هله ابزودك --- اومن فدوه لزنودك --
رد اليعادونك
ابغيرة علي اتحزم -- اوصوب العده اتقدم --
اوكلهم يعرفونك
$ يمه امن اشوفك -- بلطف يجاسم
اوكلمن يكربك ----- بلحومه واهم
خصمك رجف -- اوكول او فعل --- يبني يجسام
-----------------------------
2) بلطف شفت موقف ----- كل العده ترجف --
اويامحله هل شمره
التوصله وتلوحه -- ابسيفك تفر روحه --
الياخذله فد طبره
جيش الشمر رده --- اوخليه يكض حده --
او طشر العده ابخزره
كلهم أنه القاسم ----------- محد يرد سالم --
ونزل مثل جمره
$ يبني اوغلاتك --- يوم النخيتك
بلحومه يبني ------- جاهز لكيتك
صحت ابعزم ---- اوكول او فعل -- يبني يجسام
-----------------------------
3) بيك الحرب تحله --- اوعندك تظل سهله --
او يرهبهم اخيالك
طبع الحسن طبعك --- اوكلها فلا ترجعك --
اوما توكف اكبالك
طشرهم او لمهم ----- او ياجاسم ارهبهم --
او خل العده أبالك
يمه الحسن جنك ----- وانته ابزغر سنك --
هل الحومه تحلالك
$ بلحومه شفتك ----- تطرد عليهم
والحيره يبني ---- شمسويه بيهم
منك تفر -- اوكول او فعل --- يبني يجسام
---- ----------------------
4) ازغير لجن فارس ---- او فن الحرب دارس -
او معروفه حملاتك
ابعزمك تظل واكف -- الشافك يظل خايف -
وشمحله صولاتك
نهر الوفه ابجفك --- اوسوح الوغه اتعرفك -
او دارسها خطواتك
هاي الحرب حلمك ----- اوترويها من دمك -
اوما أنسه وكفاتك
$ بلغربه ردتك --- خيمه اوتجيه
اوخوفي يجاسم -- تبعد عليه
ابخدري أنتظر -- اوكول او فعل -- يبني يجسام
------------------------------
5) شم الهوه ايشمك ---- اوكلبه يظل يمك --
ومتاني ابو الاكبر
شد حيلك او افزع --- روح العده تطلع --
او دلاله يتفطر
يمه اركض امحيهم -- اوبلحومه راويهم -
اصعب وشد منظر
يمه الحرب فزعه - او جيش الكفر رجعه -
اوظل بيهم اتخير
$ ابني او اعرفك --- كد الوصيه
اويمه اشأريدن ----- اتخليه بديه
او سالم ترد --- اوكول او فعل -- يبني يجسام
--- ----- -----------------------
لخادم اهل البيت ع / أبو أحمد المجراوي
قصيده سريعه بحق الامام القاسم 07805007942
شِد الحيل * ردِ الخيل * يمشكر
ياوفاي * جيب الماي * للخـَدَر
لف الجيش بالرايه
جيب العلگمي اومايه
شد الحيل * رد الخيل * يمشكر
""""""""""""""""""""""""""""""""""""""""
شدها وگوم ،ياجيدوم ،خل اشيوخهم تندم
صفها اصفوف خوف الخوف بلفرسان لاتهتم
حز ارگاب، خلها اتراب، غرگها الجثث بالدم
طگ زلال ، هد جبال ، كون الگـوم يتندم
معروف الحرب عيدك
تـِل ارگابـهـم بيدك
صيتك بان ، بالعربان ، معلوم البدر يضهر
"""""""""""""""""""""""""""""""''''''''''''''''''''''''''
يومك حان * ياطعان* خل اخيولهم تتعب
ياكفال *عودك گال * سيفك بالحرب يلهب
من وصاك * كض يمناك * گال بشاربك زينب
يعلم بيك ماناسيك ،وانته السيف المجرب
كلك مرجله اونخوه
صيتك بيهم اشسوه
راعي الزود * مثل العود *هذا الحيد من حيدر
""""""""""""""""""""""""""""""'''''''''''''''''''"""
طب عباس * عالي الراس *خله اكبارهم تنذل
صاح ابصوت *شنهي الموت *بين الخيل يتوغل
طبها ابزود *شال الجود * خله الگوم ماتندل
طرها وراح * داس الطاح * سيفه عله الرگب هلهل
رد إمحقـق أحلامـه
جاب الماي لخيامـه
غيـَر حال- روه إعيال . ويه احسين ماقَـصر
"""""“"""""""""""""“""""""""""""""""'''''''''''
ردها وشاط * صار ازماط * گام السيف بيهه ايحز
ترجف خوف *من.تشوف * عباس الگمر يبرز
كلهه اتطيح * من ايصيح * لاساحر ولامخرز
هل كفار*صارت عار * ذلت ماتعيش ابعز
كثره اچفوف شلاها
روس الگوم ذلاها
شبها ابنار * جاب الثار* گال الضلع يتجبر
"""""""""""""""""""""""""""""""""""""""
دمهم فاض * من اغتاض* سوا الحيد يوم اسود
واگف سور *وجهه ينور * ماواحد وصل للحد
گام يدوس *فوگ الروس * والتاريخ ضل يشهد
من يصول * كلهه اتگول * طاحت ناس ماتنعد
جاب الماي لخيامي
خله الجـود گـدامي
هذا اليوم * يضل الحوم* ياكل بالجثث بالبر
"""""""""""""""'''''''''''''''''''''''''''''''''''''''''''''''''
✍️ فاخر علي الشبيبي
قصيدة مولانا القاسم ص
القاسم جن علي لو طب للناس
وصاه من نزل عمه العباس
سولفله ابو فاضل _ من تنزل تقاتل
لا تخشى كل عاذل _ يا هيبه عمامك
خل عمك ايشاهد _ عالمهرة صل كاعد
بس خوفك الحاسد _ لا تفتح لثامك
تراك انت ابن الحسن لا تخشه المخاطر
وانه بعمرك زامطت كضيت الكناطر
وابو اليمة اشجع بعد تشهدله العساكر
يبن قتال العرب ابنيهه السواتر
ابنيلي ستر من تكطع راس
وصاه من نزل عمه العباس
عالشكرة يتبختر _ ماهمه ابد عسكر
ماخذ طبع حيدر _ وافعال الرجولة
فن الحرب دارس _ ايطك فارس بفارس
من عندة اخذ عابس _ كل ذيج البطولة
الكتايب لمن نزل ما ضلت كتايب
غنم يطردهه ويرد يجمعهه ويحاسب
الزلم سواهم نسه زينهه الشوارب
يشد جفه بيا علي جاسم من يحارب
من يصرخ علي ميضل وهواس
وصاه من نزل عمه العباس
ذلاهم بسيفه _ منهم اخذ حيفه
والشارد ايعيفه _ جن جدة الغضنفر
القادة وكتايبهه _ بصولاتة ادبهه
واليمنة تعبهه _ من يذبح يكبر
قليلة ويبن الحسن من يذبح مقاتل
الكتايب من تعتني ترد ابلايه حاصل
شبل حلمه ما كمل ومبجي العواذل
اضن ما تبقه زلم لو طبهه ابو فاضل
بصفوف العدة اضيك الانفاس
وصاه من نزل عمه العباس
طب والغضب ينضح _ من عيونه ضل يجدح
طف كربله اصبح _ جن يوم القيامه
راضع عزم حيدر _ صل ما يتيه ابر
بعين امه ضل يكبر _ من فرح عمامة
يكر ويذبح زلم ويصد العمامة
افرحو ببن الحسن ما ناشف حسامة
بشهامة هاشم اهد يامحله الشهامة
اضن قائدهم خنس ما اسمع كلامة
بالخيمة ختل كثر حراس
وصاه من نزل عمه العباس
بالسطرة ضل يكتل _ واليخزرة يجفل
صل طالع من الصل _ من يكدر ينوله
للحومة من يعزم _ زلم بزلم يردم
محد بقة ايدردم _ من شاف البطولة
علي وداخل للحرب فقارة بيمنتة
يصير اثنين العبر كدامة بظربتة
بخيت وشرد زلم من طلبو رحمتة
ختم عمرة للسبط قدمهه ركبتة
طبرو هامتة وطك عطر الياس
وصاه من نزل عمه العباس
خادم خدام مولاتي زينب صلوات الله وسلامه عليها
حميد كاظم الشمري
العباس ع
صاح النهر .. كظ الشريعه الكافل
صاح النهر .. چنه القيامه نازل
وين المفر .. بأربع جهات ايقاتل
****
هد من اخيامه .. شد حيل الثامه .. فوگ المهره
حسبته حيدر .. راجع من خيبر .. شايل خزره
من الهوه اسرع اجه وجايب حسامه
يلله استعدو قد أتى يوم القيامه
اخر نهار ابكربله ماكو سلامه
هذا الگمر .. يحچي ابحروبه سيفه
هذا الگمر .. متعني ياخذ حيفه
وين المفر .. بأربع جهات ايقاتل
****
شايلته الغيره .. واضح تعبيره .. فاير دمه
ما جاي الوحده .. عزريل ابسده .. منطي هِمّه
عندي علاقه اويه الگمر من الطفوله
ملك المنيه اعله النهر يصبح نزوله
بحروبه ابو فاضل نبي وهوه رسوله
دون البشر .. ملك المنيه ايهابه
دون البشر .. يشبه علي بصوابه
وين المفر .. بأربع جهات ايقاتل
****
ريشات ابراسه .. تلهب انفاسه .. يرعد شفته
موت احمر لونه .. جود اعله امتونه .. امواعد اخته
واعد اخيته العلگمي يمها يجيبه
گلها المعسكر للخيم يوصل نحيبه
كل زلمه واگف عالنهر ياخذ نصيبه
غيضه انفجر .. عالشط نصب مئآتم
غيضه انفجر .. واتولى بالجماجم
وين المفر .. كظ الشريعه الكافل
****
ركزها الرايه .. وظل يعله افيايه .. عالشط سيطر
محد يدناله .. خيل وخياله .. ظلت تفتر
وياهم الكافل يفر من كل جهاته
وقته ثمين ابن الوصي إتاني خواته
طب الهم وما ينثني سيفه اشحلاته
لا ما صبر .. هز الارض بجدامه
لا ما صبر .. ذب الزلم جدامه
وين المفر .. بأربع جهات ايقاتل
****
اتبسم واترجل .. من الماي أجمل .. صورة وجها
گام ايهز بيده .. وحروف اعضيده .. ظل يلهجها
صفه الفرات امن الزلم بس يمه جوده
الجيش ابتعد والمشرعه كلها حدوده
شال النهر كله وترس بچفوفه جوده
گام ونظر .. خلف النخل فوارس
گام ونظر .. قله التريد اتنافس
وين المفر .. كظ الشريعه الكافل
****
راجع بالجربه .. ورمايه ابدربه .. لا ما يهتم
كل همه ابمايه .. واترف الرايه .. بيها امحشم
الما واجها وجه ابوجه گاصد يغدره
ماهي ثواني وهالعده چفه تبتره
عن الخطر جوده الوفي ضمه اعله صدره
چفه انبتر .. وگلها يزينب شوفي
چفه انبتر .. فدوه الچ چفوفي
وين المفر .. بأربع جهات ايقاتل
****
الشاعر اياد الديراوي
★ أهل المراجل ★
وينكـــم يَـ أهل الحَــرايب وينكــم
لا اتخلَّونـــــه وحيــــد اِحسينكـــم
•┈┈┈┈•✿❁✿•┈┈┈┈•
وينكم يَـ أهل المَراجـل والشِيَــم
حسين رايدكم دِرع دون الخِيَــم
يَبن ظاهِـــر گـوم واخفگ بالعلَـم
حسين دَين اوگوموا وفَّوا ابدَينكم
•┈┈┈┈•✿❁✿•┈┈┈┈•
ماكو غيــر أهل الشِدايد للشِـــدَد
تِنتفض واِتحِل مَعاســـير العِگَـــد
اوهذا يوم البيـــه تِوَفَّون الوَعَــد
وحاشــه عالذِل لو تِغمَّض عينكــم
•┈┈┈┈•✿❁✿•┈┈┈┈•
اِمن الزلم ثوب المَلاحِـــم ترتـدي
اوبيها يتمايَــــز الحِر امـن الردَّي
كون بيكم شيخ هاشِـــم يبتــدي
اوگبل حِين حسـين يحضر حِينكم
•┈┈┈┈•✿❁✿•┈┈┈┈•
خَير الاصحاب اومِثلكم مايِصِـح
ابدونكــم كربلــــه زاد ابلا ملِـــح
(جاءَ نَصرُ اللهِ ) بيكم ( والفَتِح )
ابچف حَبيب اِعتلـــه بيرغ دِينكـم
•┈┈┈┈•✿❁✿•┈┈┈┈•
حَرب هاي اوعار بيها اِعلـه اليفُـر
اومو حسين اليِنتِرِك وكت العسُر
باچر لـ سَبعينهـــم مامِش ذچُــــر
اويبگـــه رباط الحچـي ابسبعينكم
•┈┈┈┈•✿❁✿•┈┈┈┈•
يَبــــــن ظاهر گــوم لوَّح صارمَك
زينب آنه اوهذا صوتي ايحشَّمك
كون عالهامـــــات دَوس امطهَّمك
عمَّـــي للشِـــــده تَــــره امخلينكـم
•┈┈┈┈•✿❁✿•┈┈┈┈•
أرد أحشَّم نافـع اِلبيــــه الرِجَــــه
اوعابس البالعشگ محَّد سابِجَــه
اليوم يومك گوم يابن عَوسجَــه
مِـن تِعينــوا حســـين الله ايِعينكم
•┈┈┈┈•✿❁✿•┈┈┈┈•
حَيهـــم ابن القَين وينك ياشَهِــم
اليــوم يوم الزلم ياحيــــد الزلِـم
ارد اگلكــم خاف ما عدكم علِـــم
للحســــين الله اِشتـراها اسنينكم
•┈┈┈┈•✿❁✿•┈┈┈┈•
وين جون اوشَوذب اوحِر او وَهَب
يَمن ذاري اجدامكم يســوَه الذَهَب
كون مِنكم كربله اتشــــوف العَجَب
اِنتوا من طينــــــة ( مُحمَّد ) طينكم
•┈┈┈┈•✿❁✿•┈┈┈┈•
يا انصار حســـين يـ أبطال الصَـفَا
اِلمعـــرَّف مالـــه حاجــه انعرَّفَــــه
كل اسم بيكم نجم بالطف صفَـــه
اوبس ابو اليمَّــــه ايعَـــرِف تَثمينكم
•┈┈┈┈•✿❁✿•┈┈┈┈•
انطوني كِلمه حسين تِفدونه العمر
والعُـذر ما تِرضَـــه بي ام الخــــدر
اِبحاله وِحده ايكون مَقبول العـذر
من يِحـــول الموت بينــــــه اوبينكم
•┈┈┈┈•✿❁✿•┈┈┈┈•
الشاعر .. علي الخيگاني 🖊️📜
ليلة الوحشه
كربله كربله.. الليله اسمعي اعتابي
كربله كربله.. ليش اخذتي احبابي
ــــــــــــــــــــــــــــــــــــــ
كلشي مات بعيني لمن طاح اخونه
وجيت اليطلبله دم الناس اجونه
حركو الخيمه علينه وفرهدونه
أمن الركض والسوط كلش تعبونه
كربله كربله.. النار اجت لثيابي
كربله كربله.. ليش اخذتي احبابي
ــــــــــــــــــــــــــــــــــــــ
كربله وطيحة كمر هاشم جبيره
راح اخونه وراحت اوياه العشيره
طكو بعامود راسه ونزف غيره
وانمسح اسم الاميره وصرت اسيره
كربله كربله..والشمر سلابي
كربله كربله..ليش اخذتي احبابي
ــــــــــــــــــــــــــــــــــــــ
كربله وحتى الطفل ذبحو ضحكته
وبقت من الضربه تتلولح ركبته
رغم ماميت يناغيلي سمعته
زينب ومن القهر وجهي لطمته
كربله كربله.. والهظم دك بابي
كربله كربله..ليش اخذتي احبابي
ــــــــــــــــــــــــــــــــــــــ
فكد الاكبر كّبر بروحي النواعي
والشمع من عكب جاسم ماله داعي
كربله ايريد الزمن يلوي ذراعي
ياهو الايخلصني من حزني وضياعي
كربله كربله.. الطف صبح محرابي
كربله كربله. ليش اخذتي احبابي
ــــــــــــــــــــــــــــــــــــــ
ابليلة الوحشه اليفكدون الغوالي
يعلكون اشموعهم واتضل تلالي
وانه ماواحد بجه اوياي وقرالي
يادلالي الضاع وينك يادلالي
كربله كربله.. مني ضاع احسابي
كربله كربله..ليش اخذتي احبابي
ــــــــــــــــــــــــــــــــــــــ
وجهت وجهي وصحت يابوالمحنه
ياعلي وينك يبوالحمله افزعلنه
احسين ابنك احظر الليله وادفنه
الحوافر من سحكهن كطعنه
كربله كربله.. منج استغرابي
كربله كربله..ليش اخذتي احبابي
محمد الجماسي
#اللهم_عجل_لوليك_الفرج
الخيل والخياله هدت لينه
كوم رد الكوم ياوالينه
شافوكم يالسباع لمن طحتو عالكاع
وحنه ستوحدونه
غارو غارت السيل. تصهل هدت الخيل
كوم الحك يخونه
هجمة وادم ونار. كله عدانه وشرار
يالكافل ولونه
صاحت خويه صوبين حركوخيام الحسين
بخيل ونار اجونه
الجيش من كل صوب حام علينه
كوم رد الكوم ياوالينه
*******
وصلو للصواوين. مرعوب النساوين
فرت من خباها
وزحمه الحرمه عباس. تطلع خويه والناس
تتراكض وراها
وحده بواحده تلوذ بسمك يالولي تعوذ
الحك ياحماها
نار بوصط الطناب. نطلع نلكه سلاب
وعبينه حركوها
وين نشرت خصمك يلاكينه
كوم رد الكوم ياوا لينه
********
نسمع خويه الصوات. سلبو الفاطميات
بعناد الكفلهن
روعونه بالصياط كل صوب الخصم حاط
وخواتك وحدهن
مابين اليضربون مابين اليشتمون
مابين السلبهن
لاواحد فشل كال لارحمو بالطفال
ماهن ذني كلهن
ولاعشيره الفزعت تحامينه
كوم رد الكوم ياوالينه
***--**
كامت تسحك الخيل بطفالك يالكفيل
ايتام وظمايه
فرت خويه الزغار. تركض والرمل حار
محروكه الفايه
اجمعهم صرت بيش. ماخلالي شي الجيش
بس هاي العبايه
كلشي تفرهد اوراح. ماظل غير النياح
ودموع الرزايه
انهبنه الحك يعم اسكينه
كوم رد الكوم ياوالينه
*****
صارت خيمتي رماد. ها ياخال الولاد
كوم الحك عليه
هيمه وجانه الغروب. بيكم كلبي مصيوب
يا اهل الحميه
اخ ولو اجه اليل. وختك فاكده الحيل
ابر الغاضريه
وين انطي الوجه وين. بعدك ياضوه العين
راح امشي سبيه
موته خويه وياكم تمنينه
كوم رد الكوم يا والينه
رائد جبار الزيادي
لاستقبال شهر محرم
لسان حال مولاي صاحب الزمان
گرب ذباح اهلنا اتحزمو وياي
وراح يضل خدرنا بلا حمه وراي
ونجوم السمه تنطش على الگاع
وعازت ماي تكتل سيد الماي
ــــــــــــــــــــــــــــــــــــــــــــ
گرب يوم الي خله ام عون .. چلمه بحلگ ذاك البر
وطول اخوانها المهيوب تضل بس روسهم تفتر
وكلشي هناك يكسر راح يندار اعله ابو الاكبر
ويضل ابطرك نحره حسين ..لا من اخو ولا عسكر
ماضل عالي الا بكربلاء وطاح
والاكلف هامت العباس تنلاح
وسالفة الرماح يصير لحسين
ومايبقه بحسين من الطگ صفاح
ــــــــــــــــــــــــــــــــــــــــــــــــــــــــــــ
عله زرع ام حسن بالطف راح يهد ضمه الخوه
ولمتهم تطشها الخيل وتضل زينب بلا تچوه
وفوگ اليسوه كل الكون تسحك ناس ماتسوه
ويضل حدر الخيول حسين يجر انفاسه بالگوه
وتضل بحيود هاشم تنهب الناس
وشيب احسين يصفه بچف الرجاس
تصلي اگعود جا مو حكها زينب
شيخ بضهر شيخ اكبالها نداس
ــــــــــــــــــــــــــــــــــــــ
بنات حسين عكب حسين نار اتفرع اخيمهن
الهيمه الماتضم ادخيل ركضها يصير ستر الهن
يركضن والفشل عثره بكل نكلت جدم منهن
وركض الحومه رايد حيل وكتل اعزازهن هدهن
آه يخدرونا الطلعها عاشور
ابهزل بين الطوايف راحت ادور
ياكسرت الشام وكسرت السوگ
تحط نيشان لجمتهن بالخدور
ــــــــــــــــــــــــــــــــــــــ
ذبح الزلمه بله يهون لچن نسوانه الهضمه
يضلن من عگب عباس حرمه تشاگف الحرمه
يعين الله علي السجاد يصيرن كل هذن يمه
زلمه يشوف نسوانه ايتلون من ضرب زلمه
يا اخ التسدها الچمه هايه
بنات السادة ينوخذن سبايه
وحچي الموش الهن يكولنه الهن
وروس اعزازهن عل رمح رايه
ــــــــــــــــــــــــــــــــــــــ
سيف الطفه شمس حسين .. ليل نهار بيه ايحز
وماغمضت عيوني بيوم الا بون ثكاله تفز
افه وبحسين هيج يصير افه وطگو بنات العز
لماحرك هدمها الهاب بهيمه النوگ بيها تهز
افه بعز الزلم سر هاشم ايبان
وياحرمة الگبلها ادخلت ديوان
متحسب يصير الصار بيها
كون العدها مثل اخوانها خوان
ــــــــــــــــــــــــــــــــــــــ
انه العاشر صبح حاجوز بين النوم وعيوني
ومن ينجاب طاري السوگ اموتن مو يلچموني
انه مگطع وصل گلبي انه لكل يوم يسبوني
عينوني اريد اضهر خلص حيلي عينوني
ومهيوبت علي من الشام اردها
واطفي النار المورثه بجبدها
فشلت سوگهم حته بگبرها
لجمتها بقت ماكو ليشدها
امير الساعدي
اليله التاسعه
خوفي من عين العساكر خافن يحسدونك
يلجمالك مانة هين بلنبي يشبهونك
بلحرز لبسولة
ابني فدوة لطولة
.............................................
داخل بنص العساكر ياعِماد لداري
ضنهم النازل مُحمد هذا الاكبر ثاري
من يباوع ابتسملة وجوة تكبر ناري
لساني ميفارك دعوتي تحرسة عين الباري
لله ارفع ايدي
ربي رد وليدي
ادعي من الله يلاكبر سالم يرِدونك
يلجمالك مانة هين بلنبي يشبهونك
.................................................
نازل بسيفة ويقاتل حلكة يابس بلضمة
ابني عطشان ويحارب سوة بيهم ملحمة
الماي لو شاربله كطرة ترعد الارض وسمة
كربلة يكلبهة بيهم يناثر الروس ودمة
والعطش غدارة
بجبدة تلهب نارة
منك تخاف آل امية وماي ميروونك
يلجمالك مانة هين بلنبي يشبهونك
..................................................
يبني يلاكبر ييمة مالي بعدك والي
يمة بس انت بقيت وتمشي اول تالي
لشيبي من اكبر ييمة ضنتي تبرالي
تخطر ابالي ضحكتة الموت مو يم بالي
ضنتي تجواية
لشيبي يمة وياي
بالي مرسومة ضحكتك بالي ميقتلونك
يلجمالك مانة هين بلنبي يشبهونك
...........................................
اكعد وحاجيني جيتك انه امك ليلة
زينب يكفي حزنهة وحزني ياهو اشكيلة
رماد متروسة العباية وحرك بيهة الشيلة
وهذا ابوك حسين ميت محد يفييلة
هلشمس تاذيكم
والسهام البيكم
ليش بسهام ورماح لجسمك يترسونك
يلجمالك مانة هين بلنبي يشبهونك
..........................................
هذا أمرك يا اللهي والك سلمت الامر
علي الاكبر راح مني وفكدة عاصرني عصر
ربي مشكور اعله كلشي ومطلبي منك صبر
طلب ثاني من اموت يمرني طيفة للكبر
النعش هو يشيلة
ترابي بيدة يهيلة
اندفن كبلك يريت و كبل ميدفنونك
يلجمالك مانة هين بلنبي يشبهونك
..........................................
تمت بعون الله وفاطمة الزهراء وصاحب الزمان
منار الهدى
القصيدة مخولة لتغيير حروف او تغيير كلمة لتناسب اللفظ والطور الذي يناسبكم
اليله التاسعه
كعده ختاميه مجلس
يبني علي * * * * يبني علي
============================
روحي راحت من طحت يل غالي
يا أبن گلبي وبقااايه اماااالي
انته يل تشبه رسول الله بجمال
طولي صار اهلال عگبك تالي
وانه اندب = ضهري حدب
زينب اتلگيني باهت لوني
ابني شايل = حيلي مايل
راح من ايدي وخسرت اضنوني
يبني علي * * * * يبني علي
============================
الابو وي وليده من يگعد سوه
الاضلم ابمكعادهم صاير ضوه
شلون يل أكبر صفت بس ذكريات
جرحك ابگلبي ولا صحله دوه
هاي هيه = شلون بيه
ليش عايفني يبويه بحالي
من توذر = شيبي خضر
والله يبني من كسر دلالي
يبني علي * * * * يبني علي
==============================
هيه معروفه الورد وي النده
لو يطر فجر الله المغازل بده
ردلي يبني الهجر مو وكته تعال
خل ترد والعشگ ذاك انجدده
لا تهاجر = انه اناطر
ردلي خل نرجع لأايام الزمان
ذاك وكتي = وكلشي يبدي
كل سوالف دافيه وبيهه حنان
يبني علي * * * * يبني علي
==============================
عيني مابيهه تعاين عل شباب
شلون تنضر ونته صاحبة التراب
گمت اغصن بل هوه لمن مشيت
كل مصاب ايهون بس هاذه المصاب
ما اگدره = شلون اعبره
ونته مو يمي ينبضات الگلب
علي يبني = راح مني
حيلي والدمعات توجعني وتصب
يبني علي * * * * يبني علي
============================
اخر احچايه يبويه والسلام
هاي اول مره مكسور الامام
اليفگد اوليده بعد مابي يعيش
هاي خلصت ونهدم عش الحمام
هاي هيه = للمنيه
رايح انته وچن سمه بلايه گمر
باقي وحدي = لربي ادعي
ربي انطيني الصبر ثم الصبر
يبني علي * * * * يبني علي
=============================
كرار العطوي
اليله التاسعه
نزال
يوليدي الهيبه الهيبه راس ابن غانم جيبه
___
علجيش الاكبر من دخل حيرهة ذيج القاده
صاحو دخيلك يا علي حيرهم ابن الساده
عبالهم حيدر نزل اتذكرو صولاته
كال افتخر جدي علي وحيرهم المشراده
الجيش انصاب ابعين
ضل خايف منه اسنين
____
احتار ابن غانم من نضر علاكبر وصولاته
كله دخيلك يا علي ومرعوب من خزراته
كص راسه الاكبر علنهر من فدوه الريشاته
وداه العباس الكمر متباهي ابصولاته
شايل غيره امن حسين
وصلهم مدري الوين
____
نزلو الاكبر والكمر بلطف وعدهم غايه
والشمر من شاف الوضع ضيع طريقه ورايه
عباس عمي يل كمر الجيش اذله ومايه
وكلاله نذبح حرمله وعباس شال الرايه
امن الاكبر ولكفال
بلطف ما ضل رجال
_
ايشبهونه ابجده حيدره وبغيرته المعروفه
من فدوه اروح الهيبته والرايته الملفوفه
ضل واكف اعله المشرعه ويصطر صطر بجفوفه
يكطع الروس اعله النهر ويشمرهة فوك الكوفه
وبشمراته المعروفه
ايشمر الروس اعله الكوفه
_
تمت بحمد لله
سيد صادق الموسوي
اليله التاسعه
نزال
هذا شيخ الطف حمل لو علي الاكبر نزل
من يدخل الحرايب تتراجف الكتايب
****
اتخيل المهره وتعنه وبكمر هاشم حلف
وذبت القاده رتبها وبكر ابن غانم رجف
عالنهر صارت خزرته والنهر ريجه نشف
والله لو راخصله يهجم بيها يوصل للنجف
براس ابن غانم رجع صوته بالحومه ارتفع
اجمل هديه جايب وتتراجف الكتايب
****
جرد السيف بيمينه وشكل اعليهم خطر
راد يمحي اجيوش اميه بكربله وربك ستر
من لبس لامت قتاله الجمع كدامه انكسر
ضيك الحومه عليها وعالزلم ضاع المفر
جنه سبع الكنطره سوه عالشط سيطره
وبيده لوه الشوارب تتراجف الكتايب
****
اتوسط الميدان الاكبر والحرب مالمته
وكربله من كد قتاله اتعجبت من شافته
هوس بنص المعاره وكلها سمعت هوسه
يحرك اليابس والاخضر من يفوت برايته
وكلها صاحت الهوه من حمل بيده اللوه
يتحده اجه المصاعب تتراجف الكتايب
*
تدخل انذار العساجر من يخوض الملحمه
بالحرب لو شد عليها اتخاف حته الموزمه
امن النهر للخيمه الاكبر سوه نهر امن الدمه
صاحت الفرسان اشردو نزل حماي الحمه
حيدر وليهم طلع بيده جم خيبر قلع
وبيهم بده يحاسب تتراجف الكتايب
*
هذا ملك الموت اجاهم والسبع بيهم شرد
تنترس بيهم جهنم لو حمل حمله بعد
ونس حسين بقتاله وعزمه ما ينقاس ابد
من علي وارث صفاته والاسد خلف اسد
كاشخ بذاك اللبس جنه طالع للعرس
وبغيرته يحارب تتراجف الكتايب
*
هذا الاكبر لو محمد كلها بمره تحيرت
وكربله من كد جماله اجفوف اديها اتشككت
انسحبت اجيوش ال اميه ومن خزرته اتراجعت
غيمت سوح الحرايب والطفوف اتزلزلت
بوجها عباس ابتسم من رجع صوب الخيم
بدين النبي يطالب تتراجف الكتايب
**
تمت
تحسين الخفاجي
اليله التاسعه
نزال
اليـوم الاكبر شد عليها حزامه
وكام يـرعد وانثنت جدامه
ــــــــــــــــــــــــــــــــــــــ
شد عليها حزام عمه وحيل ابوه
توه كال انه علي بنصهم لكوه
هوه اجاهم مادرو لوهمه اجوه
مشتهي يحز الركب صمصامه
ــــــــــــــــــــــــــــــــــــــ
انا علي صاح واصتك الفضا
ملبيــا ماشــاء ربــي وقضـى
فصار في القوم خلاف وشضا
كــالو الكــرار عــاد ايــامـــه
ــــــــــــــــــــــــــــــــــــــ
علي صاح وصفن الريح ووكف
رجف وترادم العسكر واختلف
هذا حيدر شنهي جابه منالنجف
اختاض والعسكر نوه اعلى اعدامه
ــــــــــــــــــــــــــــــــــــــ
كأنه الليث اتناها وانبرى
وجانبته البيض لما زمجرا
فصاحت الناس اتاها حيدرا
تراجفت من صيحته الوهامه
ــــــــــــــــــــــــــــــــــــــ
كرها شبل حسين ماكـــرة عليه
شما يضهضب تنهزم ما بين اديه
يصيح وين ابطالكم محـــد يجيه
شمــا يكرها اطيح حدر اجدامــه
ــــــــــــــــــــــــــــــــــــــ
كل مــا كــر رآهــا تنجلــي
صاح ياقـــوم كفــا من وجـل
انا علي ابن الحسين ابن علي
مـوش حيدر زلمه مــن زلامـــه
ــــــــــــــــــــــــــــــــــــــ
سمعته وردت تلاجيه الـزلم
وكام يثلم روسها بسيفه ثلم
بكيفه يثنيها ويطشرها ويلم
حيد مدرع والحروب ولامه
ــــــــــــــــــــــــــــــــــــــ
جنــدل الابطــال واجتث النحــور
يفرق الهامــات منهــم والصدور
ابن من في الحرب ذو قلب جسور
اســـد مــاخذ هيبته منعمـــامـــه
ــــــــــــــــــــــــــــــــــــــ
هذا ابن صكارها وسهمه الجبير
واليجهبــه معبس بـــروحه يحير
ساعه حيدر ساعه ابوفاضل يصير
مـــايثنـــي ويطبــــر منالهــامــه
ــــــــــــــــــــــــــــــــــــــ
فمـلا منهــا هضابـا وسفـوح
وابـــو الفضل بكفيــه يلــوح
غاص فيها لايبالي بالجروح
يطوف بيها ودرعه صار حرامه
رائد الناشي
نزال لمولاي القاسم ع
—————————-—
مثل الضوء جاسم طلع والموت صاير زفتة
&&&&&&&&&&&&&&&
يا رمله حني جفوف اديه شبل الهواشم عيده
زفه وهلاهل للحرب والسيف لاك اعله ايده
مثل الكفل جاسم طلع ما يرد الى بصيده
غيرت علي وكله عزم والحرب هايه تريده
عريس يا شبل الحسن لاكت بجفة حنته
&&&&&&&&&&&&&&
ناده المنادي اعله الحرب والبيض منهم تتعب
بشسع النعل جيش البرز جاسم مشيم الملعب
غار ولكدها اعله الزلم والحرب نار وتلهب
عباس ضنهم من برز وحيودهم تتعجب
كل البرز يم الكفووو حاير يضل برجعته
&&&&&&&&&&&&&
نفس العزم هوا وعلي وصيت الهواشم ناله
ذب الزلم فوك الزلم والخيل ع الخياله
هزهز الحومة بيمنته ويطكها جف شماله
شايل زعل بالمعركة حته الزعل يحلاله
متحير بوصفه يضل كلمن نضرها صولته
&&&&&&&&&&&
طبها بجمالة وهيبتة والكاع مالت حدرة
متلثم بغيرت علي ورايته رفت خضره
صف الكتايب والزلم من علي ماخذ شمرة
كاسر الجيش ومن هجم يترهدن بلا مهرة
جنة علي وكت الحرب ما تنعرف يا ضربته
&&&&&&&&&&&&
تنخه بعمامة والحرب رفت الرايه بجفة
شبل الحسن شايل زعل والموت بيك نوصفه
أدخيلك صرخ كلمن اجه وبكلبه صارت رجفه
مثل الرعد حين النزل بالكاع صارت خسفه
حيد الزلم طخ وركع والموت اجه وي جيته
&&&&&&&&&&&
عدنان الحيدري
هاشمي شمحلاته
بالحرب صولاته
نسمع حچايـــاته
هذا جسام يرمله هذا جسام
------------------------
طوله اكبر من غدرهم والوجه نوراني
بيده سيف يهزله دنيا وگلبه عالم ثاني
يا أمير اعلى الاماره ويا نبض وجداني
والله حي اصل التنومس بالولي الرباني
حيدر بترتيـــــــــبه
بس نقصهه الشيبه
يا منيه تصيـــــــبه
هذا جسام يرمله هذا جسام
------------------------
رخصه من حسين ماخذ والعمامه براسه
عوزه بس رايه وجربته ويوصل لعبــاسه
زينب الكافل رجعلچ والغضب بانفــــــاسه
راجع وشايل شريعه ونهر ميــــــت داسه
يا عطش يلفيكم
والله اليحاميكم
يا فضل طاريكم
هذا جسام يرمله هذا جسام
،،،،،،،،،،،،
وابتدت رحلة شجاعه من المـــهد لطفـــوفه
بين ابوه وبين عمه الدنيا كلهه تشــــــوفه
خل ابو الحسنين يرجع خل يعوف الكـــــوفه
خل يشوف أبنچ يرمله ويمسح اعلى چفوفه
حالف ويگضيهم
ابد ميخليهم
اول وتاليهم
هذا جسام يرمله هذا جسام
،،،،،،،،،،،،،،،،،
صاح بيهم انا ابن الما يرد خطــــــــــــاره
عمي اعظم من كلامي وبالعرش اخـــباره
لو صحت عباس تشرد هالزلم محتــــــاره
جدي بيده الطبر مرحب وابن ود وانصاره
اهلي معنى وغايه
بالحرب حچـــــايه
انا ابن الرايـــــــه
هذا جسام يرمله هذا جسام
،،،،،،،،،،،،،،،،،،،،،،،،
بويه والله اتمنى يمي وتنظر لجسامـــك
بويه يلمسموم گلي شلون ارد اعضامك
هيچ حاضر وانا اجيب المشرعه گدامك
واخذ بثار الجنازه وألم ذيچ سهامــــــك
يلحسن وعيونك
ذوله اليعادونك
ابد ليهمــــــونك
هذا جسام يرمله هذا جسام
لخادم الحسين / رعـد الفريــــــــجي
نايم اوليدي ولا تگعدونه.... باسه السهم من غمض اعيونه
نوم العوافي....عبدالله غافي... ولا تگعدونه
★★★★★★★★★★★★
عبدالله غافي والسهم غافي اعله نحره
خافن يفز من نومته وينذبــــــح عمره
اطول من اوليدي السهم يوميه اگدره
ومن حرمله اطول ياخلگ ليل الأسهره
سهرانه حد ماذبلت اعيوني.... ردولي ابني ولا تموتوني
اتعذبوني كافي.... عبدالله غافي... ولا تگعدونه
★★★★★★★★★★★★
افراگ الابن كلش صعب محد يحمله
وانـــه ابني ماشابع دفوا وتذبحه نبله
ظلت دللول الولد بگليبي عله
ياهوا اليروح الحرمله وعني يگله
كون الله ياخذ منك اوليدك.... وجدام امه وينذبح بيدك
الجرحي يشافي.... عبدالله غافي... ولا تگعدونه
★★★★★★★★★★★★
اتمنيته يكبر ياخلگ ابني وحبيبي
وبجاله يتحقق صدگ حلمي ونصبي
ضايع دواي ابضيعته وضايع طبيبي
يوليدي لمن غربت وزاني شيبي
محد يگلي راحن اعيونچ.... ومحد يگلي يمه اشلونچ
ظل بيتي طافي..... عبدالله غافي... ولا تگعدونه
★★★★★★★★★★★★
مثل الغصن طوله انكسر عبدالله ذابل
وچن حاجبه ذاك الحلوا ظهر امه مايل
ابكاروكه گمت ادفن جرح كلبي ورسايل
بلكي الله يسمعني ويجي يمي ابو فاضل
عباس گوم ورجع اچفوفك.... عبدالله يگعد لمن ايشوفك
ذبلت اشفافي.... عبدالله غافي... ولا تگعدونه
★★★★★★★★★★★★
گاروكه اهزه وانتحب وابچي اعله كيفي
وحســـــــــــين گلالي تره طايح مضيفي
انـــــه الكريم المارجع خجلان ضيفي
عبدالله يبچي من العطش بس زعل سيفي
يحسين گوم وارحم ابحالي.... تدري الإبن لمه اشكثر غالي
موت اطرافي.... عبدالله غافي... ولا تگعدونه
★★★★★★★★★★★★
لمن خذيـــــــــته لنهر يابعد اهلنه
أدري الابوا لجل لإبن يمطر محنه
عبدالله اذا يشرب گلت ماي وتهنه
بچفوفي كاروكه نذر ينترس حنه
عبدالله خوفي من يشوفونه.... يحسين بحضانك يذبحونه
وتردلي حافي.... عبدالله غافي... ولا تگعدونه
★★★★★★★★★★★★
ــــــــــــــــــــــــــــــــــــــــــــــــــــ
ماجد حبيب الخيكاني
ونسألكم الدعاء
رزق اليوم
رفت راية العباس
ولطاحت رواياها
خلاها الزلم طشار
من الخوف خلاها
..........
رايح عالمنايه بزود
زينب شدت أحزامه
اخته ومن تنخت بيه
فرع ذبها العمامه
يازلمه اليضل علماي
كون يثبتن اجدامه
كلمن يخزره العباس
مات وخلصت ايامه
من گد ماذبح بالجيش
هاي الگاع ساواها
رفت راية العباس
.ولطاحت رواياها
......
هله بهيبةعلي وحسين
عليه من الحسد ينخاف
فارس ينتخي فارس
ذاك الموت هالينشاف
ترعب صولته عالجيش
من عدها الاخو ينعاف
بسيفه من يطگ عباس
ضربة سيفه ماتنراف
لليوم العساكر ذيچ
عليها ضايع ادواها
رفت راية العباس
ولطاحت رواياها
.............
طبلها ابو الحملات
الذاك الصوب شردها
وبيها گاعده عله الراگ
والرجلين بريدها
شال السيف بيده وصاح
ونشلت سواعدها
وين الوگفت عله الماي
توگف يمي رايدها
خلاها الخيم لليوم.
بالعباس تتباها
رفت رايته العباس
والطاحت رواياها
...........
من طب عالنهر عباس
لليوم السعف يرجف
من گد مارزن وثكيل
بجدامه الارض تخسف
رفت راية بيمناه
ولارايه لگاها ترف
ياهو اليگدر يلاگيه
القائد منهزم يحلف
الهمه الشاد بيها الجيش
العباس حلاها
رفت رايةالعباس
والطاحت رواياها
.......
ياموت ويطب عالناس
غفله وماكو بيه انذار
يانعم وثلث انعام
بزرت حيدر الكرار
لودار الوجه عباس
الجيش الغير صفحه اندار
يانار ودوت بريش
گلي شلون تطفه النار
وادم بارده وبالسيف
من الغيض جواها
رفت رايت العباس
والطاحت رواياها
............
خادم اهل البيت ع
فلاح طالب الماجدي
اليله التاسعه
نزال
هاذه الأكبر تحزم هاذه الأكبر
اتحزم الأكبر ابعزمه أو هد على العياله
لاوي اعنان الاصيله واعتنه الخياله
بيده راواها المنيه الموت سيفه اوشاله
ضنوا الفازع محمد ماتوا أمن اخياله
حسبوه الهادي واهوه گام اینادی
هذه الاکبر
ظنوا الاکبر محمد فکروا هاذه الیصول
حیر الجیش ابحملته حیر ابفعله العقول
هذه الینادی محمد هاذ موش اهوه یگول
هوس الاکبر للاکبر انه ابن فحل الفحول
حسین عودی انه طلعوا یاخوانه
هاذه الاکبر
رافع السیف ابیمنته أو فزع ویاه الگمر
طبوا ابسوح الحرایب خلو الجیش اندحر
طبگوا الیسره ابیمنها وصلوا احدود النهر
انذهل ذاک الجیش کله ایصیح من وین المفر
یوله لعبوا یوله
والنهر وصلوله
هاذه الاکبر
صاح بلمیدان الاکبر وینها أبطال الزلم
بکر ابن غانم تبرید نهل ماضل بیه عزم
گام یتمنه المنیه ایشوفها ابنومة حلم
بعد ما گرب للاکبر صار رأسه ابلا جسم
کفوا ببنچ لیله
جده حامی ادخیله
هاذه الاکبر
جده معروف ابزمانه چان صگار العرب
بلحرب کرار دومه أو مره وحده ماهرب
علی الاکبر شبه عمه ابوفاضل لوغضب
سیفه کر راس ابن غانم گدها والله أو موعجب
یاب رأس الصیده
احسین حیه اولیده
هاذه الأكبر
الی الشاعر الشاب علی شبیب البوغبیش
حي الله الاكبر… ..من وجه خجلانه الشمس
جاسم توزر… .. وبالحومه يحلاله العرس
★★★★★★★★★★
صال الاكبر بيهم… ..ودرب ماينطيهم
ورايد ايبچيهم… .. وسيفه يرعد حيفه
القاسم اتلگاهم…… ورد علي وازاهم
وللنهر جاباهم… ..سيفه يرعد سيفه
كشخ بين اعمامه… ..وهوس ابصمصامه
علي وشد احزامه…… وسيفه يرعد سيفه
صفتله الرگاب… والهم علي ينطي درس
جاسم توزر… .. وبالحومه يحلاله العرس
★★★★★★★★★★
حسين شد احزامهم… ..وطلعوا من اخيامهه
سحگوا الجدامـــهــم…وضحك حيل حسينهم
الشمر ذب احزامــــه… .. واجه ابلايه اعمامه
يلطم اعله الهامه…… وضحك حيل حسينهم
انطونه عطوه الليله… ..الجيش تعبت خيله
الزلم لبست شيله…… وضحك حيل حسينهم
فرضوا عقوبات… ..نام الشمر تحت الشمس
جاسم توزر… .. وبالحومه يحلاله العرس
★★★★★★★★★★
صفنوا ابهالحاله…… .استنگوا الخياله
واليحطه اباله… ..علي ياخذ روحه
علي صالح القاسم…… بالرجال انقاسم
واليضدك لازم… .. علي ياخذ روحه
لبس جاسم قاطه… ..وعلي عند ازماطه
الجيش باالطف حاطه… ..علي ياخذ روحه
والعسكر احتار…… ينطي الرگب لو ينعلس
جاسم توزر… .. وبالحومه يحلاله العرس
★★★★★★★★★★
رعدوا ابهالهيمه… ..ومطروا ابلا غيمه
شيمه تحضن شيمه… .. علي وابني عمه
سنكه من صيوانها… ..هلهلت لخوانها
وذَبحوا فرسانها… .علي وابني عمه
الزلم نشفه ارياگها… ..وسوگ الاكبر ساگها
والرگاب اشباگها… ..علي وابني عمه
مخطوفه الانفاس… حگهم لو تُزهق نفس
جاسم توزر… .. وبالحومه يحلاله العرس
★★★★★★★★★★
فنهم ايلاگونهم… ..الموت بين اعيونهم
العسكر ايعرفونهم… .اخوا زينب عمهم
رجفوا عدوانهم… ..وشردوا النسوانهم
اتوسطوا ميدانهم…… اخوا زينب عمهم
هوسوا باالرايه… ..وبَـچـــــــوا الرمايه
سهله كلش هايه… ..اخوا زينب عمهم
والمشرعه اتصيح… ..ماي الخيم خل تنترس
جاسم توزر… .. وبالحومه يحلاله العرس
★★★★★★★★★★
الگاع صعبه اتشيلهم… .وزعلوا ابكل حيلهم
حسين ظل يدعيلهم…… والشريعة احتارت
الجيش صاح ادخيلهم… ..انبوس حافر خيلهم
ومشرعه انوديلهم. … . والشريعه احتارت
ساعد ايشد ساعد… علي وجاسم واحد
والشمر ظل شارد…… والشريعه احتارت
لن الشمر صاح… الراسه انگطع شوا مايحس
جاسم توزر… .. وبالحومه يحلاله العرس
★★★★★★★★★
ماجد حبيب الخيگاني
ونسألكم الدعاء 🌹
لوألف عباس عندي اتبرعه
كلها تنطي چفوف فوگ المشرعه
وانطي آني چفين بس یسلم حسين
بس یسلم حسين
__
لوألف مثل أبوفاضل للحسين افديها
أربعه أشعر قليله الزينب تواسيها
شقدمت للزهره آني والله ماأوفيها
الله من يرضا الرضاهه غايتي ارضيها
أربعه أقمار إلي ضحوا للشمس
بيهم الفاطم رضاهه ألتمس
هذا العهد دين بس يسلم حسين
بس يسلم حسين
_
آني ربيت البنين الأربعه الوفايه
عون عبدالله ويجعفر والبديه الرايه
مو أخوا حسين بنظرهم حجة الله وآيه
ولبوا الهاي الوصيه فوگ المسنایه
واحد بواحد أثر يتبع أثر
آخر أولادي الكفيل عله النهر
أشعر قليلين بس يسلم حسين
بس يسلم حسين
_
سيدي روح الرساله ياسليل الهادي
بكربله لوبيدي دونك آني ويه أولادي
حين إبن حذلم سمعته بالمدينه ينادي
إسمك بأول سؤالي ماكو غيره البادي
عدد إلهم گتله عوف الأربعه
عن حبيبي أخبرني قلبي ملوّعه
لتگلي بعدين بس يسلم حسين
بس يسلم حسين
_
كربله ساحة جهادي وقدمت أبطالي
يرخص الغالي عليّه للحبيب الغالي
حسره للطف ماخذوني ماتفارگ بالي
آني مو زينب سبيه والشمر يبرالي
آني مو أم عون تركب عالهزل
وچفي موچفها التچتف بالحبل
ويه النساوين بس يسلم حسين
بس يسلم حسين
_
چانت أمنيتي أموت بكربله يدفنوني
يم ابواليمه الحبيب حسين ويشيعوني
يالتزورون الطفوف بحضرته ذكروني
الفاتحه ويه الزياره يمّه لاتنسوني
آني هاي إلي بخدمته توفقت
ومني قطعه علا النهر يمّه بقت
والناعيه سنين بس يسلم حسين
بس يسلم حسين
هاي انه العليله الما خذوني
****
يا دنيه اشخذيتي اوياي انتي البديتي
عكب عيون الحنان موحش صار بيتي
اتلوه بمجاني وعيني عالباب وعالماشين كضيت الخواصر
خافنهم يكلبي ما يردون من يمته هلي ايكسرولي خاطر
اه يفراك الاحباب راسي امن الحزن شاب
وين الله ويردون وسمع دكت الباب
مليت الصبر يمته يجوني
****
ما حسبالي يمشون وشل ماي العيون
اول ما جزوني صحت بحالتي اشلون
هنياله الينام الليل مرتاح وانه النوم يهلي امنين اجيبه
وعالزينين صحت الاخ تنراد عافوني وصرت مثل الغريبه
ما سديت عيني واهلي امفاركيني
ابجي الوحدي بالدار المن عايفيني
خذو كل البنات وماخذوني
***
بويه الليل اجاني وهيج كل حناني
من سار الضعن ليش ضل فارغ مجاني
انه اشضال بيه ورايد تروح بويه افراكم ما بيه حيله
من ونيت ون البيت وياي ولتموتين كلي يالعليله
اترجعولي ردتكم ضلت روحي عدكم
لو طال سفركم وين تروح بتكم
ليش اهل المحنه اتعذروني
***
الحادي من خذاهم جا ما عطلاهم
عالخد دمعي سجاب وتلفت وراهم
شيصبرني يوجع كلبي الفراك عافوني ومشو والتم عذابي
كوه اتنفس ومخنوكه ضليت وادري الراح ما يحمل غيابي
يذبحني هجرهم بالباب انتظرهم
نوبه احجي ويالفراك ونوبه ويالصورهم
ما يرحم ابد جرح الجفوني
*
ليش الدللوها بالغربه نسوها
كل ابنيه يا ناس تحتاج الابوها
فاركني ابوي وطال فركاه يمته ايعود المدلل بناته
لو راح الابو يروح الهوه وياه جان البيت بوجوده اشحلاته
ما تنشف دمعتي ضليت بغربتي
ما اتحمل اغياب ونيت بحسرتي
شلت اهدومي بيدي ورجعوني
**
تمت
تحسين الخفاجي
حسين يايمه يايمه يايمه
.............................
للحومه اعتنيتك جايبه الماي
ورغم كسر الضلع ماطاب جرحه
أم وروحي متروسه دللول
دم العله الحيتك بيدي امسحه
الشمر گبلي وصل مالحگت بيك
السهر ورباي متعلي إعله رمحه
اوگفت محتاره لا ردن ولا جيك
بعد شتفيد چلمة لا تذبحه
إحسين لو عفتك
ظل جسمك.. شيلمه
حسين يايمه يايمه يايمه
.............................
جبرت الروح گوه المصرعك جيت
طفيت إمن اللطم ضي النواظر
دم وتراب شفتك موش الحسين
عليك تروح وترد الحوافر
خطيه اثنينه ماعدنه نغار
والداسوك ماعدهم خواطر
حته هنا الضيم اتگاسمه وياك
الشتايم لمك وبيك الخناجر
لذت ايامي
نحرك الدامي... شيشمه
حسين يايمه يايمه يايمه
...........................
ياكشخة الساده اتراب غاطيك
يبني السحگ ماخلالك ارسوم
وعمامة ابوي الچانت اعليك
چني بحلم مدري شصاير اليوم
الشمر بيها كشخ مالايگه اعليه
خذت تاجك يگلك تگدر تگوم
يتمرجل عليك الموش ريال
وصوت الضحك واصل لآخر الگوم
شمتو بجرحك
شوهو صبحك.. وراحت البسمه
حسين يايمه يايمه يايمه
............................
رحت مجبوره عنك يادوه الروح
شفت وسط الخيام امسودنه النار
هذا الجيش هالكله إعله الخيام
وتتهطر اگبالي صغار وكبار
شفت النار بذيال الحنينات
الچانن مايعبرن عتبة الدار
تراچي اچفوفهم متروسه وحچول
سلبوهن بنات اليحمي الجار
حرگو خيامك
تاهت ايتامك... مابگت حرمه
حسين يايمه يايمه يايمه
.............................
أنه الهضمتني زينب ركضت هواي
تصيح إمن الفشل بهداي حيهم
هسه الشافني اركض بالله شيگول
تبرو بني هاشم من اختهم
هضم والصار بيه استحي احچيه
وآنه البسمي ايحلفون كلهم
خل ينسون كلشي اطلبهم بهاي
آنه اللي إتعبت وربت بزرهم
وآنه هيبتهم
وآنه رايتهم.. الشيخه والعمه
حسين يايمه يايمه يايمه
.............................
( أن تنكروني فأنا شبل الحسن )
سبُط النبي الطاهر والمؤتمن
ْْْْْْ........
يله شدو اعنانكم... وقدمولي أرجالكم ...
أنه أبد ما هابكم ... عمي عباس
وين اليلاويني ... خل يجي أيلاكيني ....
وحك ربي وديني .... ما يظل راس
شبل حيدر اني ... والمجد عنواني ....
ابو فاظل ثاني .... غيرة وحساس
ناصراً للعم كافل للضعن
ْْ.......
انه القاسم اني ... وينه التحداني
ثابت ابميداني ... والمفر وين
صح زغير بسني ... بس جبير بفني ...
علي شاهد ذني ... جفوفي الاثنين
السطرة ما ثنيها .... جيوشكم امحيها
يبقى بس طاريها ... يل ملاعين
لا يبقى حياً الا من فرَ وجن
ْْْْْْ........
بية ابوي امفاخر .... وانه ابنه الكاسر
الا اطيب خاطر ... كلبه هاليوم
الا اكسر اضلوعكم .... الا اهيل ادموعكم
الا اطشر اجموعكم .... با مري ملزوم
صولتي امن ابديها .... ما بشر ينهيها
رايتي امعليها .... بعلو الانجوم
شبلُ العرينِ هازمِاً جمعُ الفتن
.......
جدي قالع خيبر ... امطر عليكم حر
زودي زود الاكبر ... ما تنكرون
سيفي عاشك للدم ... عالحروب امعلم
من زغر واتبسم .... لليوافون
ما اخالف عهدي .... وقعيته بمهدي
انطي كلشي العندي ...الهاي الضعون
اِن سال دمي فهو الفخرٌ اذن
ْْْْْْْ........
قسما بالهادي ... الا اذل كل عادي
اليوم افرح اجدادي ... بعرس الاطفوف
وجه ابوي وامي .... الا ابيضه ابدمي
فدوة روحي العمي ... الكله معروف
للشهادة ارجالها ... وانه من ابطالها
ياهله بخيالها ... اتصيح الالوف
(عرسٌ الشهادة كربلائيِ الوطن)
......
الحمد الله رب العالمين
...اللهم صل على محمد وال محمد .
.. موسى الخادم
اليله التاسعه
يايمه الاكبر == يايمه الاكبر
يل اكبر = ما اعيش ابدونك
ييمه = فدوه اروح الونك
يمحلاك = هاشمي اشوفونك
يمه يابعد العمر
بعد مابيه انتظر
========================
جنت اوياك = اكعد اويوميه
حلوه هواي = كعدت العصريه
هسه شلون = يمه مالك جيه
يمه ما احمل هجر
بعد مابيه انتظر
=========================
يل احنين = ياربات الشيمه
عكبك راح = انه اطر الهيمه
راح اتناك = ما اطب الخيمه
احلف ابراس الكمر
بعد مابيه انتظر
=========================
والحسين = يمه رايح حيله
فز اوكوم = تعبت امك ليله
وبممشاي = والله صارت ميله
امشي كلساع انهطر
بعد مابيه انتظر
========================
شو تانيت = يابعد دمعاتي
وتأذيت = يمه من حسراتي
عاده اتصير = اسمك او أهاتي
شلون امك تستقر
بعد مابيه انتظر
==========================
كرار العطوي السماوي
اليله التاسعه
نزال
..................................................................
حي الله الاكبر شيخ المراجل
حي الله الاكبر چنه أبوفاضل
..................................................................
چنـــه عباس يهل الناس يشبهه بصولته
محير الگوم هالجيدوم والله بوگفتـــه
مدوخ الناس والارجاس بالحرب مالاگته
محــد تدنالــــــه الجيش بهذل حاله
الخيل والخيالـه تخاف مـــــــن خياله
بالحومه يشبه عباس لمن ينازل
..................................................................
علي الاكبر تحضر نزل للساحه
حالف اليوم عالگوم ماتشوف الراحه
الشرد رداه أوخلاه يذب سلاحــــه
الشهم وأبن الشهم گباله ماتوگف زلم
يشبـه لراعي العلم الزلم منه تنهزم
بالحرب چنـــــه عباس لمن يقاتل
..................................................................
علي هاليوم أوبالگوم سوه ملحمه
الجيش شافوه أوضنـوه علي حماي الحمه
الجيش لماه اوطشاه لمن هاجمه
الفحل وأبن الفحل لسوح الحرايب هالوصل
للمعاره مــــــن نزل چنـــــــــه عبـــــاس البطل
بالحومه الاكبر هاليوم ذل الجحافل
..................................................................
بيده السيف أوبالكيف يگص بروسهم
ايگص الارگاب أوبالتراب چثثها يدوسهم
بسوح الحرايب يحارب ماتخوفه جيوشهم
بالحرب لمن هتف الجيش وضعه أختلف
شاربــــه لمن يرف الگاع بيهـــــم تنخسف
الف زلمــــــــــــه الاكبر والله يعادل
..................................................................
سيفـــــه سلاه والـلاگاه سالم مايرد
بسيف يدوس أوبالروس يحصد حصد
دزولــي ألفين والحسين مااهم بالعدد
الاكبر بسوح بالحرب تجدح عيونه غضب
بالحومه لورايد يطب الجيش ميت ينحسب
وعلي بالحومـــه اليوم مايبقه عايل
..................................................................
الشاعر عماد محمد الدراجي
اليله التاسعه
رئيسيه
ويلي عالأكبر ومصابه
ــــــــــــــــــــــــــــــــــ
علي الأكبر شبيه المصطفى جـدّه
وارث كل صفاته الحلوه من عنده
ابن الي نزل جبريل هـــــــز مهده
ظل اعـــله الترايب جثه متوسده
والجسد بالدم أخضابه
ويلي عالأكبر ومصابه
ــــــــــــــــــــــــــــــــــ
لمصابه الگلب مــــن حگه يتفطر
بكل عاشور نسمع من على المنبر
چـــن ليله تصيح بدعوة المضطر
يمن رديت يوسف رد علي الأكبر
تدعي بالدمعه السچابه
ويلي عالأكــبر ومصابه
ــــــــــــــــــــــــــــــــــ
علي أول شهيد امن الهواشم چان
شجــاع وسولفت حملاته العدوان
اذا عمّه يعرفــــــــــونه گمر عدنان
مثل عمّه نزل واتوســـــط الميدان
لو وگف عدوانه اتهابه
ويلي عالأكبر ومصابه
ــــــــــــــــــــــــــــــــــ
الله يعين گلب حسين ابو اليمه
لمن شاف الاكــــبر طايح امدمه
عظم ياناس ماظل سالم بجسمه
وابو اليمه تمـــــــدد يمه ويشمه
يشعر بطبرات صوابه
ويلي عالأكبر ومصابه
ــــــــــــــــــــــــــــــــــ
كلها تهــون ومصاب الولد كسره
كسر ما اظن واحد يگدر ايجبره
بالعـــاشر ابو اليمه انكسر ظهره
يوم الشـــــاف ابنه توسد الغبره
وانفگـــــد اول احبابه
ويلي عالأكبر ومصابه
ــــــــــــــــــــــــــــــــــ
حيدر بشار الدراجي
اليله التاسعه
نزال
حيو الاكبر من نزل ميدانهه
الحومة ضلت ترتجف فرسانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
رجف حته الكون من طب للنزال
تنطره امن ابعيد وتهابه الرجال
عرف بنفسه يجاوب للسؤال
الخوف عاليهه وخطف بالوانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
لا وحگ من ردت بجفه الشمس
صوت واحد مني اخلسهم خلس
راح اسن هاليوم قانون ودرس
وخل تبين اليوم كل شجعانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
حصد روس الگوم راعي المرجله
من سطوته الشمر خاف وحرمله
بالجثث والدم غطاهه كربله
الحومه غصت بالجثث تربانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
ورث هذا الزود من جده علي
جده ابو الحسنين مولانه الولي
نزله الباري بأشرف منزلي
غيرته غيرة علي عنوانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
تنشد العدوان يا فارس هجم
علي الاكبر هذا لو راعي العلم
ياهو يتعناه صاحو ما سلم
علي الاكبر هذا لو كفالهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
كلمن يشوفه يصيح المغفره
ربي عذرن هذا يوم الاخره
يا الاه الكون خفف ما جره
والخزرها ضيعت امالهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
وين گال لراد يوصل للخيم
خل يراويني المراجل والهمم
وداعتك بويه لسويهم غنم
ذراعي هذا وخل تمد ذرعانهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
علي الأكبر شاد حيله بيا علي
علي ءانه يصيح والكلفات الي
والله وسفه حسين ابويه ينولي
گلهم انه البالحرب زلزالهه
¶¶¶¶¶¶¶¶¶¶¶¶¶¶¶¶¶¶¶¶¶¶¶
خادم الأمام الحسين عقيل حسين الطائي
اجيتك يا عزيز الروح
ليل وضايع مجانك
اجيتك وانته اخوي حسين
شحلات الخويه بلسانك
اجيتك والكلب بيه نار
تسعر جنها صيوانك
وصلتك يا عزيز الروح
دمع ومضيع ردانك
چلمة خويه أريد اسمع
كبل لا روحي هم تطلع
وصلتك بآخر أنفاسي
اجيك وياي خويه ارجع
&&&&&&&&&&&&
اركض ونشلع كلبي
ركض من الخيم للتل
عليه الدنيه مطرت موت
وبعد شيخاف المبلل
اجيتك والجدم محروك
وهاي الشده ما تنحل
مشينه من مشت روحك
وطلعنا ع الهزل تقبل
طلعنا وضعنك اطشر
جسد ومفارك المنحر
توذر ضعنك بكل صوب
مثل ما جسمك توذر
&&&&&&&&&&&&
تطشرنا اعله كبر الكاع
وكل واحد مشه بنية
انته اعله الرمل مطروح
وانه التل خذه البية
هذاك التل يماي العين
تموت كباله رجلية
سمعت الصوت من بعيد
خذوا ترجية ارقية
بناتك خويه ابو الأكبر
ركضنا وبينه غص البر
ركض ما يمر حتة ابال
و زينب خوية ما تكدر
&&&&&&&&&&&&&
عثرنا ومامش أسم الله
عثرنا بممشه ذيج النوك
فلا صح اليكول تهون
لمن طب ضعن السوك
تلكونه بشتم و حجار
شكثر هدت عليه حلوك
يل مرجع الشمس ننخاك
بصوت الفاكده المبيوك
نخيتك والشمس طاحت
علي بويه الزلم صاحت
الكبل يابويه حدها الباب
وسفه اعله السبي راحت
&&&&&&&&&&&&&
بخرابة وليل بس الأخ
ضعن بيه كطعت أنفاسك
شسولف والعطش كتال
وخفت لا نجرح إحساسك
اضم بمتني عن السوط
ويذكروني المهر داسك
واخاف اعله الزغار تموت
إذا جابوا طشت رأسك
بچي والدمع مابيه صوت
ميته وما حصل تابوت
خفت بس لا رقية وياك
فوك الرأس خويه تموت
&&&&&&&&&&&&&
ليلة 8للقاسم
اسم الله علطولك يلولد نوم العوافي
ماشفت حنه ولاعرس علغبره غافي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
محروم من كل الفرح ياشمعة البيت
امك وتاني زفتك كل عمري ياريت
كل المشوا ردوا ترى بس انت ماجيت
عني رحت ياظنوتي والوحدي ظليت
،،يافرحت ايام العمر ردتك توافي،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ماظل أمل ابغيبتك والدنيا ظلمه
والتفكد الغالي شبعد شيرده لمه
بيدي اعجنتها حنتك وعطرك اشمه
بس ذكرياتك هل بقت وينك ييمه
،،وليك اعنيت بحيرتي والجدم حافي،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مابيه احمل فركتك علغبره اشلون
ودموعي سالت علوجن وذبلت لجفون
گبالي اشوفن مصرعك ياضي لعيون
وعمك يون وينتحب ومتغير اللون
،،ما صدكت يبني ألي انت تجافي،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عگبك مشيت ميسره مابين لجناب
وراسك يجاسم علرمح يااغله لحباب
متغطي وجهك بلدمه مثل البدرغاب
والجثه ظلت علثرى ياطيب لنساب
،،يلمندفن برض الغرب من الهجركافي،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يبني شب