113
وأن تمنيت شيئآ فئنت كل التمني #ياصاحب الزمان $
اليله الثامنه
رئيسيه
بتـقصـيري اعترفلك سـيـدي ونـادم
هم مثل الشباب احسبني الك خادم
روحي اتنادي بالآه
عـالـقـاسم أويــلاه
================≈=============
شفت اهـل الشعر كتـبولـك اهـواي
عـريــس وشـبـاب ومـات عـالـمـاي
بـس انـي احـسـك غـيـر كـل هــاي
يـبـن الما رفض فـد يــوم رجــواي
بـاب الحاجه انـتـه الما يـرد طالب
موجب تضحياتك والخصم سالب
شخصك أبقه وياه
عـالـقـاسم أويــلاه
================≈=============
يالكلك كرامه وطيب واحساس
يالفاتـح مضـيفك تـنـطي للناس
ذكـرك سـيدي ايعطرها الأنفاس
يـالچـنـك أبـو فـاضـل العـبـاس
مد ايدك عَلَيّ طفي الگلب جمره
هـا يـبـن الحسن رايـد بعد نضره
أسمك لا مننساه
عـالقاسم أويلاه
================≈=============
افعال الطـفوف الهـسـه مشـكور
گبالي ايصيرن من ايدور عاشور
بثامن من محرم تشـهـد اصـدور
مـاي انته ونشوف الماي منحور
يل بالغاضريه الحسن چن نازل
سيفك للمواقف شامل وحامـل
وينه الداعي لله
عـالقاسم أويلاه
================≈=============
حبك هم فرض مثل الصَلاوات
يكتبونه شـهـيـد بحـبكم المات
يـا قــرأن كـل أفـعـالــك آيــات
حگها تبچي دم ليك السماوات
سلطان الشباب امشحط بدمه
حتى عد مماته عينه يـم عمه
دوم بگلبي ألگاه
عـالقاسم أويـلاه
================≈=============
يـادستور عـايش وسط الگلوب
يمعـلم الطـيـر وصـار محـبـوب
ترفه احچايتك مثلك يمسلوب
متعوب الـولد وسفات متعوب
عهد هذا وعليه سجل احچايه
الآخـر نفس بـيـه أرفـع الـرايـه
لا متخيب انخاه
عـالقاسم أويـلاه
================≈=============
الشاعر الميرزا محمد الساعدي
اليله الثامنه
من هذا الغـــلام؟ هد مــــن الخيـام
من ذا يـــــــاترى للحــــرب استقام
هوه القاسم
عرّف نفسه واتقـــــدم
يبس بالرجــــــال الدم
دمدم بالحـــرب دمدم
انا شبل الحسن
لفهم لفــــــــــــة الرايه
مشه الــــــوادم ابرايه
اول واخـــــر احچايه
انا شبل الحسن
الغيره غيرة عبـــاس واطب ابزود الحسين
واذا تتكاثر الخــــيل اشگ العســــكر اثنين
هيجاء الرجـــال ارض الطف سجال
والقاســـــــم لها قد حـــــــان النزال
هوه القاسم
جدمه اعله الرگب حطها
خيل ابخــــــــيل يربطها
عمه الواگــــــف ابشطها
ابو فاضل ترا
عنه اتســـــولف اعلومه
عريس ويحـــــب يومه
وين العسكر وگــــــومه
اشرده للقـــرى
اجيبن لمي نيــــشان انه امعلمــــــني عباس
سطرتي اتعادل اثنين اشيل الخـوذه والراس
في الميدانِ شاب قـــــــادر لايهاب
يفريــــها الرؤوس لو حــــل النقاب
هوه القاسم
هادود الخيـــــم عزمه
من تربات ابـــــو اليمه
والجيش انثــــلم ثلمه
شبل هاشم بعد
يفركها الزلــــــــم بيده
يتونس عله الصــــيده
چـــــفه ايلوح البعيده
يخوف لو صـــعد
مهرته اتعثر الخيــل اصيله ومالــــت احيود
يجرهم جر الاحبال غيور ايردهـــــم اردود
سيفاً لا يلـــــين هل ذو شفرتين؟
قالبـــــها اليسار مافــوق اليمين
هوه القاسم
سيفه الگابـــــله ايشيله
فقـــــــــار وعله اكحيله
رد العيـــــــله الف عيله
ابن ســيف العرب
ماهمه العــــــــــدد كله
مايحســــــــبله ويعدله
خلاه وي شســـــع نعله
وگف والكل هـرب
شجاع اتوسط الجيش زغير 13عام
وگف ماهزته اعـــــداد چبير وكلـــهم اقزام
خادم القصيده
شاكر الصيمري
اليله الثامنه
الخصم من شافه دنك
كال طبلها الحسن
-------------------
نزل شبلك يبو محمد 1
والركاب بسيفه تنحد
والتعنه عليه مارد
سوه بيهم فاجعه
*
القاسم اعليهم تعنه 2
والزلم شردها منه
سوه بالميدان حنه
هوس اعل المشرعه
*
راح اغيم وصفه ورعد3
والكتايب كلها تشرد
ارد اطب بدوم موعد
وگلب العالي حدر
*
الكرم والزود بيه 4
والشجاعه حيدريه
والخصم عاين عليه
ومن خزرته ماحچه
*
صعبه اشوف حسين وحده5
والخصم كام يتعده
المايرد بسيفي ارده
وانه تربات الحسن
*
اترس الكاع بجثثهم 6
ونكت الحومه وردهم
مني ماتسلم رگبهم
اليوم ازلزل كربله
*
عمه زينب لايهمچ 7
اله ادنك القاده يمچ
خل يجون الراحه سهمچ
سهمج الراحه وعلي
*
النهر راح اجفي مايه 8
والزلم تصبح نثاية
اليوم ارتل وقرا آيه
انه الفتح المبين
*
راح أذب رباط ونزل 9
حچيي عام ويشمل الكل
الزلمه يطلع موش يختل
يرجع مدمه لهلا
*
التعده اعلينه يندم 10
والطفوف اگلبها بس دم
مايرد كلمن تقدم
سيفي يطرب عل حرب
*
(عاشق العباس حسين حميد )
نسألكم الدعاء…
اليله الثامنه
جاسم نزل للحرب__لوجاي اشوف الحسن
حتئ بضربته كرم__طگاته ماينثنن
نفس الشمايل_نازل يقاتل_طب لارض كربله
كلها تباوع_فوگ المسامع_بس هوه صوته اعتله
جاسم نزل للحرب
_
شاب ونزل للمعركه واحتارت الناس
مره يشوفونه الحسن بس مره عباس
من شافته الوادم نزل گطعوها الانفاس
ضل صوت الابره ينسمع والصيده تنجاس
بعيونه واضح زعل__والي طلع يبتلي
محد اجه وگابله__يعرفونه جده علي
ضيع ذكرهم_خله بجثثهم_متروسه هاي الفله
كلها تباوع_فوگ المسامع_بس هوه صوته اعتله
جاسم نزل للحرب
_
عنده وصيه ونازل لهاي الوصيه
گله الحسن باجر وراك الغاضريه
امن اتشوف اخوي بكربله بلغه التحيه
وگله ابوي انه الك دزني هديه
ياعمي راح ارتجل__عن الفرس بالحرب
والي نزلي شرط__اله اضيعه الدرب
صح هذا عمري_بس الله يدري_ماعندي كل مشكله
كلها تباوع_فوگ المسامع_بس هوه صوته اعتله
جاسم نزل للحرب
_
ان تنكروني گلهم ابن الحسن انه
والزلمه بيكم فنه لوضل ابمكانه
برگابكم لازم انفذ هالامانه
حاجيلي عنكم والدي يهل الخيانه
انتم طبعكم غدر__وابن المراجل انه
راسه اگطعه شرط__لومني واحد دنه
هايه صفاتي_وحسين اغاتي_عمي احنه اهل الهله
كلها تباوع_فوگ المسامع_بس هوه صوته اعتله
جاسم نزل للحرب
_
الموت الذ من العسل مو كلمه هايه
هايه عقيده وراسخه من البدايه
هاي الحرب عدكم نعم حرب النهايه
بس اني عندي للنصر هايه بدايه
صح انه راح انقتل___بس موقفي ضل درس
عرسي نسيته نعم___عندي الشهاده عرس
اكبرهديههاي المنيه كلنه بفرد قافله
كلها تباوع فوگ المسامعبس هوه صوته اعتله
جاسم نزل للحرب
____
من شاهدت عمي بقه لوحده تعرفون
بس گتله ارخصني وعلي اله اشلع اعيون
خليني اطب للمعركه وخلهم يشوفون
شنهو شجاعة حيدره البيها يسمعون
هاي الشجاعه ورث___ناخذها عن اب وجد
ماننسحب من حرب___عدنه احنه هالمعتقد
هاي ال اميهبالغاضريهماعدها كل مرجله
كلها تباوع فوگ المسامعبس هوه صوته اعتله
جاسم نزل للحرب
____
✍️ احمد علي البغدادي
محرم الحرام 1445 هـ
اليله الثامنه
☆ مقدمة الليلة الثامنة من شهر محرم الحرام ☆
☆ القاسم ابن الحسن ☆
لابس اِلـ عِرسه اثيابه .. آ يحسين وامصابه
جسَّام حِنته اخضابـه .. آ يحسين وامصابه
•┈┈┈┈•✿❁✿•┈┈┈┈•
امن الخيمه طالع والحَسن بـ ارسومه
عرَّيس واشمَحلاها خَضــــره اهدومه
جدَّت قِسمتـــه وأصبَحَت مَعلومـــــه
واِيزِفَّــه عمَّـه حسين لـ ارض الحومه
اولَف العَرِيس انگابه .. آ يحسين وامصابه
•┈┈┈┈•✿❁✿•┈┈┈┈•
ثوب الحَسن تِفصال صــــار الطوله
اوكِل الهواشِـــم گاموا ايهوســــوله
مِن رَملـه حِلوه الجاسِم الهَلهولـــــه
شِبل العَشيره اوفِعله يشبـه گولــــه
اوصمصامه عاف اگرابه .. آ يحسين وامصابه
•┈┈┈┈•✿❁✿•┈┈┈┈•
يسأل حسين اوكِلها تِسمَع صوتــه
يا جاسِم الموت اِشتِفسَّـــر قوتـــه
جاوَب وأبد مايِرضَه فرصه اتفوته
مِثل الشَهَد دونك يعمَّي الموتــــــه
اعظم جواب اجوابه .. آ يحسين وامصابه
•┈┈┈┈•✿❁✿•┈┈┈┈•
تم الحچي اوحط يمنته اعله الصارِم
اوجاسم طِلع واعله الحـــرايب عازِم
والزِلم مــن شافـــــوه عَليهــــم قادِم
ما ميَّــــزوا عبَّاس هَـــد لو جاسِـــــم
ليث اونِزَل للغابــــه .. آ يحسين وامصابه
•┈┈┈┈•✿❁✿•┈┈┈┈•
مو للعِرس للمـــوت شَد احزامـــــه
شاب اوفِده حسين ابحَلات أيَّامـه
أحلامه چانَت ينتصـــــر لـ اِسلامه
واِستَشهَد اوحقَّق جَميع أحلامــــه
مَلگه الخَصم ما هابه .. آ يحسين وامصابه
•┈┈┈┈•✿❁✿•┈┈┈┈•
الشاعر علي الخيگاني 🖊️📜
عزم شايل عزم ؛؛؛ يخلاس الزلم
&&&&&&&&&&&&&&&
تموت الحره غيرك لو كفلها
چبيره الحومة بس سيفه كفلها
الزلم عباس لو ردنه كفلها
اليشمره يطيح فوك من الثرية
عليهم يا سبع ؛؛؛ يخلاس الجمع
يل مبرد الدمع ؛؛؛ يطك وينثلم
عزم سايل عزم ؛؛؛ يخلاس الزلم
&&&&&&&&&&&&&&&
الفرح من عين أشجعهم شطبها
وقادة هواي طك سيفه شطبها
يطب والموت جدامه شطبها
يطبهم رعب واليثبت خطية
يعباس الهوى ؛؛ يشح بنينوى
طبر سيفك دوى؛؛ تونس ياشهم
عزم شايل عزم ؛؛؛ يخلاس الزلم
&&&&&&&&&&&&&&&
بألطف كنطره وطلبت فتلها
يذوب الصخر من سيفه فتلها
شوارب جيشهم بيده فتلها
يطك ويعيل شيخه ابن الزجية
شهدلك يا فحل؛؛؛ علي وكت الزعل
يجهبك لو جبل؛؛؛ يفت من الردم
عزم شايل عزم ؛؛؛ يخلاس الزلم
&&&&&&&&&&&&&&&
الغيرة تفور من رأسه شعلها
شمس والشمس لو تبرد شعلها
الملاعب صيتك وسيفك شعلها
يشع النور من بزر الشفية
ألم نشرح الك ؛؛؛ يحارس چم ملك
تفر بيدك فلك ؛؛؛ تفر حته النجم
عزم شايل عزم؛؛؛ يخلاس الزلم
&&&&&&&&&&&&&&&
أشوف العلكمي صحره مراماي
سراب وما صفن لحضه مراماي
على العباس لو هدت مراماي
فلا طخ شبل حماي الحمية
يريشات الصكر ؛؛؛ يحر من الجمر
جهنم تستعر ؛؛؛ يل مبچي الخصم
عزم شايل عزم ؛؛؛ يخلاس الزلم
&&&&&&&&&&&&&&
عدنان الحيدري
حي الله عباس. عباس الشهم
بالحومه لو صاح يردمها ردم
@@@@@@@@
عباس رجال الحرب والحومه تحلاله
ساحك على خشوم الزلم يستنكه خياله
واللاحه ما حس بوجع طكته كتاله
تشرد زلم يا حيف
بس من لميض السيف
سبعين الف ما واحد البيهم تدناله
@@@@@@@@
خيال حيد وهاشمي وتلوكله الشكره
صولات ابو وكت الحرب متعلم الشمره
يا زلمه يوصل يمنيته يدكه وكسر ظهره
من كل مكاني يصول
ماخذها عرض بطول
عباس هذا وكل زلمهم حارت بأمره
@@@@@@@@
عباس طب على النهر والغضب بعيونه
محد وصل يم رايته كلهم يهابونه
ياهو اليخزره من الزلم طاح وخطف لونه
كد ما عليها يدوس
سواله تل بلروس
مثل الهوى بنصهم يمر بس ما يشوفونه
@@@@@@@@
عباس يهوه الموزمه والعركه يشريها
تنكلب بيده المشرع لو كور عليها
عباس خيال الشكر والحوم راعيها
سبعين الف والخيل
دكها ابو فاضل حيل
لولا القضا جاكل زلمهم بيده يكضيها
@@@@@@@@
ما يتعب بسوح الوغه ولا ما يقل عزمه
والناس مو من سيفه كلها تخاف من اسمه
هذا بن حيدر بالحرب ما يرتجف جدمه
يردمها راس براس
هذا فعل عباس
واليوم يومه بكربلا ينفذ وصيه امه
@@@@@@@@
الشاعر حسن هادي الموسوي
كفو عباس العجيد
رايتك تلوي الحديد
غيرة عباس . غيره عباس
——————————-
دكت طبول المنية. هلا يمخوف الثنية
زاد عزمة بزود اخية. وشال بالرايه زلم
كفو منك لو كلتها غيرتك زلمة وشفتها
راية بيدك ما عفتها. تجدح بجف العزم
صاح عباس بصوت خوانه
رجفت بوادي الموت عدوانه
رايتك حجي الشديد ؛؛؛ كفو عباس العجيد
——————————-
المهرة صهلت من ركبها. غيير يمكصص ركبها
الحومة ضاكت لو يطبها. عاد يوم الكنطره
الكنطرة شرطي من اشرطة. الغبره لو صهلت تورطة
جفوفي رحة وهمة حنطة. وبان يوم الزمچرة
نزل غلاب الموت بعلومة
مطير عيون الشوف بالحومة
الشافة حيدر من بعيد؛؛؛ كفو عباس العجيد
———————————
صكر وأنوه بصيده يطرب فارس لميدانة محرب
شاد اعله الكوم مغضب طشر بسيفة الجمع
هوس بهوسة اعله اخية. وارتجل صوت المنية
كال اسوي الغاظرية براس كلمن ينصرع
الطبره من سيف الحيد جتاله
الشارد كباله يموت بخياله
بجفك كتاب الوعيد ؛؛؛كفو عباس العجيد
———————————
كام عون وياه تحزم. خالي وبزودك تقدم
ياهو الي يكبلك تندم زود بيك من الشهم
صفت جموع بنزاله. الموت لو سولف صغالة
زينب تذكرة بدلالة وكمت عزبت السهم
تحزم بفرد احزام كدامة
يطيح فارسهم خوف ولثامة
زودك وصيت العنيد؛؛؛ كفو عباس العجيد
——————————
عدنان الحيدري
اليله السابعه
كعدولي ابو فاضل موش اله النومه
كعدولي ابو فاضل موش اله النومه
=============================
اول تالي اخوي اعله النهر نايم
ومايدري بخيته اشسوت الوادم
جيش ايزيد كله اعله الخيم هاجم
وحرت امنين اجيك الطرق ملزومه
كعدولي ابو فاضل موش اله النومه
==============================
فز اوكوم عوف النهر وي مايه
و ابكلبي سوالف وستمع هايه
سلبو من اخيك محبس وصايه
جسم حسين عاري ابشمس بل حومه
كعدولي ابو فاضل موش اله النومه
=============================
سكينه اتكلي عمه وين جا عمنه
هاي الغرب فزعت حركت اخيمنه
ياعمه دصيحي ابصوت كافلنه
كليله العزيزه ابصحره مهزومه
كعدولي ابو فاضل موش اله النومه
============================
ياخويه اخيتك حيل نحلانه
زينبكم يخويه اتريد عوانه
ناديت اشكثر بس محد الجانه
وانه ابحيرتي ياخوي مهضومه
كعدولي ابو فاضل موش اله النومه
===============================
تسئلني البنات الكمر رايح وين
وكلهن عل نهر والسهم نص العين
طاح الحيل كله ابطيحت الجفين
جان ايفيي عن الشمس بهدومه
كعدولي ابو فاضل موش اله النومه
==============================
الاطفال كلهه اتصيح عطشانه
من كثر الحرك والركض تعبانه
اول مره زينب تبقى حيراااانه
عمري الخلص هاذا وبانت اعلومه
كعدولي ابو فاضل موش اله النومه
===============================
كرار العطوي
اليله السابعه
مقدمه
كان بدراً لزينب بطفِ كربلاء
هوَ جيشاً اميراً يلوحُ بالواء
جفه جيش ايعادل .. غيرة الله الكافل
**
هوه شمس الله وضواها .. تارس الدنيه وسماها
بجفه ابو فاضل خذاها ..الرايه
ولاعباها الرايه بيده .. وطبها تربات الصميده
ثبتاها بدم وريده .. الثايه
عباس آيه علل النهر تفسيره
طوفان صارت عالشريعه الغيره
هزَ جيشاً عجيباً بأرضِ نينوى
هوَ فرداً ولكن كبرقأً لو هوى
عالارض لو نازل .. غيرة الله الكافل
****
بيده حت السيف يعرك .. خجل يم حسين دنك
هناك خله الخيل تشهك .. سيفه
صعد كل النهر مايه .. من البدايه للنهايه
وصارت احدود المنايه .. بكيفه
الغيمه نزلت من وصل لجروفه
امراد رادت تاخذ من جفوفه
زادَ رعباً بجيشناً يعدُ بالألوف
كان درساً عظيماً لميدان الطفوف
بكل بساله يقاتل .. غيرت الله الكافل
**
وجها بالغيره شحلاته .. هناك دللهن خواته
ابو فاضل من صفاته .. الغيره
غمض اعيون الثريه ..شاتل بكل خيمه فيه
سئلو عنه الغاضريه.. بخيره
للماي رايح بس شني من روحه
مو ماي جايب للمخيم روحه
كأنه قصور تسمى لميدان الوغى
ذل جيشاً غريقاً بأتباع الهوى
طب عليهم راجل .. غيرت الله الكافل
**
صفن الدنيه بأسرها .. تمسح الخيل بأثرها
صارت الحومه شكبرها .. اعليهم
ضاكت اعليها الوسعه .. من وصل ماي الشريعه
حفرو بيوم الفجيعه .. اكبورهم
الحومه تشرك بالنفس خلاها
سحوف العساكر للنجف وداها
كالسمش نوراً تنزل لمولاي الحسين
بال كان زمزم لزينب يفوح بالحنين
بعينه زينب شال.. غيرت الله الكافل
**
رجفت الكاع بزلمها .. ضل يطشرها ويلمها
شعل بارض الطف حممها .. احتارو
حيره حيرها العساكر .. من خزرته الكل يحاذر
مجزره بكل المحاور .. صارو
لو راد يقلع بيده حت الحومه
بس مايرد الطف تضيع اعلومه
صارَ نهراً وعذبً يصب في الخيام
بال كانَ ساقي العطاشا وينبوع السلام
الورد بسمه يغازل.. غيرت الله الكافل
**
تمت
احمد الخفاجي
اليله السابعه
نزال
▪▪▪▪▪▪▪▪▪▪▪▪▪▪
هذا عباس عالزلم كر
هذا عباس عالزلم كر
■■■■■■■■■■■■■■■
فدوه لأسمه فدوه ليده فدوه لزنوده
طبهه و الصارم يهلهل بالچتف جوده
بچفه رايه عنده صيده گلي مصيوده
أشلع اعيون الفرات وامسح احدوده
سهله عباس گلي أكدر
هذا عباس عل الزلم كر
■■■■■■■■■■■■■■■
من چهبهم من وصلهم دولباهه الحومه
الارض بلعت زلمهم والگصص مهشومه
يمنه عل اليسره يفرهم و الزلم مهزومه
خلبص بسيفه غزلهم و الوكف مو يومه
براسه خلاه جسمه يعثر
هذا عباس عل الزلم كر
■■■■■■■■■■■■■■■
شفته طشهم شفته ذلهم شفته بچاهم
حشم اچفوفه عليهم فرجه شو خلاهم
يطوي بالگاع و يهزهه عل جرف ذلاهم
مو فرد هذا ابو فاضل عسكر ولا گاهم
يگطع ارگاب منكر وشر
هذا عباس عالزلم كر
■■■■■■■■■■■■■■■
جيش وحده جيش ضده ياحلاة اعلومه
رمايه عنده التحارب نظره من ارسومه
صوته يدوي والفوارس ترجف من اهدومه
بيده رايه و هوه قائد و الزلم مهزومه
تسكت الناس وحده يزئر
هذا عباس عالزلم كر
■■■■■■■■■■■■■■
اتكفل اخته اتكفل اهله لازماهه الرايه
بيده حيدرنه يوصي بچفه صارت ايه
ما بقت فوگ الوطيه و بالسبي ويايه
ما هوت رايه محمد و أسال المشايه
بيهه اسرار للي يضهر
هذا عباس عالزلم كر
■■■■■■■■■■■■■■
الشاعر : حيدر العمار الخزعلي .
.
اليله السابعه
رئيسيه
■■■■■■■■■■■■■■
وهم مدري حلم ... اجت تركض زلم ...
صوب الخيم ... صوب الخيم
طحت مدري متت ... يبو فاضل صحت ...
وين العلم ... وين العلم
◇-◇•◇-◇•◇-◇•◇-◇•◇-◇•◇-◇•◇-◇
عايشه بفيك أميره و أنحسد بين البشر
ماخِفت مره بوجودك لومطر چان الخطر
حلوه الايام بثنيتك اغفه يالحصتك سهر
مأمنه حته بضلامي لن صرت اخت الگُمر
خفت من القدر .... طحت ضهري انكسر
حيلي انهدم .... حيلي انهدم
خلص ضي الوفه ... الحزن رد ولفه
دمعاتي دم ... دمعاتي دم
◇◇•◇◇•◇◇•◇◇•◇◇•◇◇•◇◇
غيرت حالي بغيابك لوعت روحي و نحت
سولف حسين بمصابك طايح وانه الطحت
فرفح اگليبي بكلامه چذبت اذني وصحت
يا گُمرنه منين اجيلك وش گلت لمن رحت
احس گلبي انهزم ... ركض عاف الخيم
صوب النهر .... صوب النهر
انگطع عني الهوه .... لأن طاح اللوه
وين الگمر ... وين الگمر
◇◇•◇◇•◇◇•◇◇•◇◇•◇◇•◇◇
ما متت ساكن خيالي وما گلت عنك متت
ناطرت ترجعلي سالم عاتبت چي طولت
من وكع والينه ضامي بيهه خويه تأكدت
عالثره الحسين عاري وانه بعده اتفرهدت
انذبح عندك عِلم ... حرت وين انهزم
وين المفر .... وين المفر
ردت چفك ستر ... شفت سيف الشمر
حز النحر ... حز النحر
◇◇•◇◇•◇◇•◇◇•◇◇•◇◇•◇◇
هجمت الوادم علينه والارض تطوي وتلف
الشمر بالخيل اجانه وعسكره السبعين الف
تسبگ الخيل الفوارس والجُبن صاير كلف
لازم الجود ويهوس واليوج كلش صلف
الخدر من انوله ... ركضنه بالفله
من الخطر .... من الخطر
ردت حمزه وعلي .... و گمر يفزع الي
بين البشر ... بين البشر
◇◇•◇◇•◇◇•◇◇•◇◇•◇◇•◇◇
الحبل عاشر ادينه و عالهزل صار النعي
وحده تندب ياگُمرنه واخره بيهن تندعي
سالم العباس يرجع جاسم آو ياه و علي
واليتامه من هضمهن غايبات من الوعي
يطگ بيهن زجر ... لون بيهن يُمر
يابو الحمه .... يابو الحمه
شفت كل العسر ... يطگوني و يسر
وانزف دمه ... انزف دمه
◇◇•◇◇•◇◇•◇◇•◇◇•◇◇•◇◇
الشاعر : حيدر العمار الخزعلي
.
ليلة السابع من محرم
شد احزامه العباس كام ايطك راس براس
شد احزامه شد احزامه
***
عباس طب للمشرعه وبجفوفه شال الرايه
بالجيش طلع حركته وبالماي سوه اسوايه
صارت اشويه كربله وعباس صار اهوايه
بلعت لسنه اعله النهر من شافته الرمايه
شايل غيره ونوماس كام ايطك راس براس
****
شيخلص اليوم النهر عباس عنده اطلابه
يكلب الدنيه بكربله لو بيده شد انكابه
هذا ابن قتال العرب والكوم كلها اتهابه
مو جربه راح امن النهر جر الفرات وجابه
ادخيل اتصيح الحراس كام ايطك راس براس
**
عباس شيخ المرجله وتذبح ذبح خزراته
لو صال وسط المعركه تشبه علي صولاته
عباس لو شال العلم وترجل اشمحلاته
بالسيف ضل يلعب لعب عباس دك اثباته
والطاح بجدمه انداس كام ايطك راس براس
****
الفرسان كلها تراجعت ونسحبت الخياله
عباس من كد ما رزن حته الفرس ما شاله
وحسين والله بهيج اخو امعدل الف هنياله
مسرع نزل للمشرعه وما واحد ادناله
انحبست كل الانفاس كام ايطك راس براس
***
ام البنين الطاهره ما ادري شمرضعته
عباس من كد الوفه يمشي ويسولف بخته
والرايد ايمس الخيم هذا امه ما جايبته
ذواق حيل وكربله مدري اشكثر عاجبته
اتسولف بفعاله الناس كام ايطك راس براس
**
عالماي ناصب سيطره ومحد يمر من عنده
والنهر من كد ما ذبح بالروس كالو سده
ياهو اليمر بعرضته وعباس جيش الوحده
فن واحد ايجر النفس وهناك راسه ايمده
طبع الحر ما ينقاس كام ايطك راس براس
**
تمت
تحسين الخفاجي
اليله السادسه
هاي الرجال الغياره __يحسين رهن الاشاره
حسين حسين هذا نداء العقيده
____
انريد من عندك اشاره وتدري عدنه المقدره
انخلي هذا الجيش كله اعله الذبح يلزم سره
زلمه ويگابل انصارك ابد ماجابت مره
واليشيل السيف ضدنه خسر دنيا واخره
كلشي بالطف تحت ادينه ___انته بس ارضه علينه
حسين _حسين____هذا نداء العقيده
____
ياحسين اسمع ندانه وشوف كل هاي الزلم
مومهم بالدنيا كلشي حسين بس انته المهم
{احنه من نذوب بيك انصير اعله امن النجم )
حرب وي كلمن يضدك بس الك صرنه سلم
عدنه احنه اكبر هديه ___مابين اديك المنيه
حسين حسين هذاء نداء العقيده
____
احنه نچفي الگاع بيهم وانته گلها اتزلزلي
تحت رجليهم نهزها بس ننادي ياعلي
احنه فرسان المعاره وسيفنه واضح جلي
الشارد انلحگه ونجيبه واليگابل يبتلي
كل فرد بينه اعتقاده ___النه كرامه الشهاده
حسين _حسين _هذا نداء العقيده
____
الدنيا كلها اليوم ضلمه حسين بس وجهك ضوه
واحنه جننه غرامك گمنه نشتمك هوه
مانعوفك واحنه جينه حتى نتگطع سوه
ياحسين جروح كلنه وشوفة اعيونك دوه
هوه العشگ موسوالف ___لازم نثبته بمواقف
حسين _حسين _هذاء نداء العقيده
____
زينب انگلها ابشري احنه زلم الموزمه
واحنه هذا العزم بينه من علي حامي الحمه
مايطخ راسچ يزينب رفعي راسچ السمه
كلنه گدامچ نطيح وهاي حسن الخاتمه
ونحفظ الدين بدمانه ___واحنه اهل حفظ الامانه
حسين _حسين _هذاء نداء العقيده
____
✍️احمد علي البغدادي
- [ ]
اليله السادسه
ازماط من صار.. واجه دور النشامه..
حي الانصار.. زلم كلهم شهامه
...............
1_لمعت البيض وابن ضاهر نوى اوكلهم نهد..
ها يلسباع حرب عدنه اونطب زند ابزند..
عابس اغتاض عله الجيش هجم اما بعد..
اوجون شب نار شهر سيفه اوبده يحصد حصد..
الدم عرك فار.. غدت طفهم قيامه..
حي الانصار.. زلم كلهم شهامه
..................
2_صاحت ام عون واجو وستعرضو بلطف سوه..
يم الاخيام حرس وشحده يتعده الهوى..
هزو الجيش بديهم جنه فنجان اكهوه..
اوعرس ازماط وهب بلحومه ويشع جن ضوى..
غيرته نار.. فعل حته كلامه..
حي الانصار.. زلم كلهم شهامه
.................
3_جنهم الموت اجو والطف صرخ منهم دخيل..
ذوله الانصار زلم واحدهم امعدل ثجيل..
الحر صرخ زود شني السبعين الف ذوله قليل..
اوعابس ايصيح اخلي الطف بعد بيهم تميل..
غيره وحرار.. صدك ضلو علامه..
حي الانصار.. زلم كلهم شهامه
..................
4_زلم الحسين صدك ماكو مثل الهم ابد..
من يهدون تره السبعين الف منهم شرد..
دكو اصدور لبو اليمه زلم عده اوعدد..
ذوله الاسباع صدك واحدهم امعدل واسد..
الثله الاخيار..لبو اليمه وحسامه..
حي الانصار.. زلم كلهم شهامه
..............
5_ذوله الابطال والاسباع صدك كلهم زلم..
استعرضو زود الانصار واجو يم الخيم..
ذوله الاحيود للحسين صدكو قسمو قسم..
مايخلفون بلوعود ابد ذوله اونعم..
نرد بلثار.. ولانرد ابسلامه..
حي الانصار.. زلم كلهم شهامه
كلمات خادم اهل البيت
مصطفى الغريباوي
اليله الثامنه
نزله للقاسم… .
ياويلهم گـــــوم الرجس ياويلهم
زلزال طب شبل الحسن ياويلهم
*
دگت اطبول العســــاكر ونفـخ بوق الحرب
طبهم العريس جاسـم ومتلو خوف ورعب
حاصر الجيش أبساله وسد عليهم كل درب
انهار گدامه ورگد كل حيلهم
*
كســر قمده وركض غاضب ونثنت گــــدامه
دخنت حرحارت ايـــده مــن لزم صمصــامه
الگاع ترجف حدره ضلت خوفن امن اجدامه
فرو اگباله وبقت بس خيلهم
الگوم تتــــرادم جعلهه وتيهت مشــــــرادهه
وحـــــده گام ايحوش بيهه ولجهــنم گادهه
ضلمه سوه الطف عليهه وگص رگب قوادهه
مايعرفون الصبح من ليلهم
*
الجيش صار ابعينه افعه من حمل گص راسهه
شتت اصفوف العســـاكر والشـــوارب داســـهه
جــــنه عزرائيل مــن طب خمـــدلهه انفاســهه
وبحسامه اعله الاجل يوميلهم
**
نار شب الغاضــريه والحطب عـــــدوانه
ابزوده تشهد كـــربلاء وثبتت عنــــــوانه
تشبه الكرار حيـــــدر وگفته ابميــــــدانه
عن بطولت جده ضل يحجيلهم
****
الخــادم
كامل السعيدي
اليله الثامنه
نذر يا رمله هذا وليدي منذور
العمه حسين مـن يصير عاشور
حرس واباب الخيام
نـــــذر منذور جسام .. يرمله
"""""""""""""""""""""""""""""""""""''''''''''
من حسّ على جبينه الندى وصارت چبيره العله
صاح اعله رمله بالدمع اتقربي يارمله
يم راسة گعدتّ وانچفت تشبه شجون الدله
تگله احوالي من حالك
يبعد اهـــلي شتهيالك
وصيني وأنــــه اگبالك .. يبونه يالحسن
يبونه وچنك مسافر
يا أمسي وحلم باچر
اشوفك گــوه وتكابر .. يبونه يالحسن
يحاچيها ودمعته بطرف العيون
وداعــــاً والصبح يارمله مدفون
وصيتي التالي الايام
نـــــذر منذور جسام .. يرمله
"""""""""""""""""""""""""""""""""""''''''''''
رمله بدمعها الماسكت ذكرى وجرح تبچيله
يارمله گلها بيا جرح واتذكري من الليله
باچر اذا تبدي الحرب بحنةّ عشگ حنيله
حنةّ وداع وعـاطفه
حنةّ سوالف فلسفه
گلتله ياراعي الوفه .. يبونه يالحسن
گلتله والچـــــــلمه ترف
كون بحضورك من نزف
جاسم وإيده اعله الچتف .. يبونه يالحسن
بحضورك ياامامي وردتك تشوف
من إيصول شبلك يـــوم الطفوف
بطولك يوكف ولآم
نذر منـــذور جسام .. يرمله
"""""""""""""""""""""""""""""""""""''''''''''
گصريله ثوبي للحرب وهم لامتي حضريها
وسيفي وحيازيم العشگ بخصره عدل شديها
مهندم اريده بالحرب حته الحرب يچفيها
گلتله صار وراضيه
ياسيدي ويالعــافيه
انه الكلامك شاريه .. يبونه يالحسن
انته حيــــاتي ودولتي
يالساكن بنص صفنتي
بيا چف اودع دمــعتي .. يبونه يالحسن
حاچاها بدمعته وگلبه ملچوم
يارمله العشگ بالعــاشر يدوم
وگلب العاشگ احتام
نـــــذر منــذور جسام .. يرمله
"""""""""""""""""""""""""""""""""""''''''''''
وبدمعةّ عيونه حچي وين الگمر يحسيني
وگلاله عونك يالاخو ابشر يمالك عيني
اسمعني هايابو الفضل گلاله لتوصيني
زينب اعز من رايتي
زينب أخيتي وعمتي
چّفيني فدوه وهامتي .. يبونه يالحسن
مو جـربه اجيبلها نهر
آنــــه المليك المقتدر
بالخدمه يامحلا السهر .. يبونه يالحسن
وكفو يحزامي يمدللّ ابونه
ياعباس هذا حسين اخونه
انته وجاسم حزام
نذر منـذور جسام .. يرمله
"""""""""""""""""""""""""""""""""""''''''''''
ودار النضر لام الخدر هايابعد عافيتي
هايابعد كلشي المضى ونفسي البگلبي وريتي
ياخويه دربالچ جمر من فزعو وركضيتي
وتگله هينه اعله الجمر
بـــــس لا تفارگنه ويمر
نعشك يــالمودع العمر .. يبونه يالحسن
وتگله يانــبض الگلب
فدواتك يلمني الترب
يادربي ويضيع الدرب .. يبونه يالحسن
تغمض ياعطر باجي من اهلنه
عگـب چفك بعد ياهو اليلمنه
گلها العـمر مادام
نذر منذور جسام .. يرمله
عبد زينب
محمد الابراهيمي
اليله الثامنه
جسّام / ليث الحَرُب
جسّام / ما ينغُلُب
بعمامة الحسن
متلثم وبرز
طشرها كَالخَرز/ روس الزلم
يتراجف الهوى
جاسم إذا حمل
دم العدى وصل / يم الخيّم
اشكد هيبه/ ويوكفله/ استعداد الهوى
ظل يجتف / قادتهم/ كل عشره سوه
جي يغلي / دم راسه/ اليكربله انجوه
ملكاه / مُر وصعب
جسّام / ما ينغُلُب
""""""""""""""""""""""""""""""""""""""""""""""""
صوت الزلم سكت
من جاسم ارتهب
والسكته من ذهب / ماكو حجي
واليحجي ينذبح
كلشي خضع اله
للوادم اعتلى / صوت البجي
بالحومه / اسّرهم / وكّفهم سره
والنشمي/ اللي بيهم/ ظل خاتل وره
يتراجف / واتنكّر / بثياب المره
بالجيش / بالنص يطُب
جسّام / ما ينغُلُب
"""""""""""""""""""""""""""""""""""""""""""""""""
جف يمنته انطبع
على وجوه الزلم
يتناوش النجم / جف يمنته
بوق الحرب سكت
جاسم كطعله حس
عنده الحرب عرس / مو حنته
يضربهم / مو سيفه / ابعصاة العلم
نكّسهم / عالهامه / جن راس القلم
مايسلم / بس عنده/ اللي يدخل سلم
عالجيش / سد الدَرُب
جسّام / ما ينغُلُب
"""""""""""""""""""""""""""""""""""""""""""""""""
هجموا عليه سلف
وجاسم ولا رجف
جيش العده هتف / هذا علي
ابن الحسن ورث
من حيدر العزم
اشما يآمر الزلم / كالوا بلي
المايركع / يم جدمه / معناها سجد
وابن امه،/ اللي خلّص / من عنده وشرد
خلّاهم / واحدهم / بالثاني لبد
مغوار / فن الحرب
جسّام / ما ينغُلُب
"""""""""""""""""""""""""""""""""""""""""""""""""
وكت الحرب شهم
طشّرهم ويلم
ظل يشمر الزلم / شمرة رمح
طف كربله انكلب
نور الشمس بده
أسود على العده / وجه الصبح
بجاهم / ظل يجري/ مدمعهم نهر
واليركض / من خوفه/ بالطايح عثر
ما داموا / عدوانه / ظل اشجم نفر
ويخاف / من الكلُب
جسّام / ما ينغُلُب
"""""""""""""""""""""""""""""""""""""""""""""""""
طف كربله انكلب
جاسم عليه عزم
بس ربك اللزم / طف كربلا
وجه الوجه أجوا
عسكر عليه زحف
كلوله اجوك الف / كلهم هلا
كلوله / جينالك / الفين وبعد
واشويه/ كللهم/ راد اكثر عدد
لو يصرخ/ صوته اعلى/ من صوت الرعد
كالريح / طر السُحُب
جسّام / ما ينغُلُب
"""""""""""""""""""""""""""""""""""""""""""""""""
كرار ابومهدي المالكي
اليله الثامنه
رئيسية .... للقاسم بن الحسن عليه السلام
ياتعب رباي _ حلمي ودنياي _ جاسم يبني
للموت تروح _ ياروح الروح _ جاسم يبني
امك يانور عيوني
گبلك ريت يذبحوني
........
ربّيت وتعبت هواي حدما حدّبت ظهري
صرت شاب وتسرّ الروح ونّطيتك جهد عمري
يامن للحسن وارث ياتچّايتي بدهري
تالي بكربله رايــد تسلّم للعدو امري
جسمك بالسيف _ يتگطّع حيف _ جاسم يبني
يالبعدك شاب _ مو مال خضاب_ جاسم يبني
شايلتك بين جفوني
گبلك ريت يذبحوني
........
تعال اشبگني يوليدي يجاسم خل اودعنّك
اشمّك ياهوى انفاسي. وشبع بالنظر منّك
تنتظرك بني سفيان. بواترهم يگطعنّك
ليش بياذنب يُمّه يذبحوك بزغر سنّك
عن شوف العين _ ضمّاك حسين _ جاسم يبني
مثلك ما صار _ وجهك انوار _ جاسم يبني
من انفاسك حرموني
گبلك ريت يذبحوني
........
چانت أمنية عمري. ازفك بيدي وتهنّه
بحنّة عرسك تمنّيت ومو من دمك اتحنّه
يزفّوك بنبل وسيوف جاسم ياضوه الجنّه
عرسك بالمدينة يصير مو بالحومه اتمنّه
ميتـه وياريـت _ للطف ما جيت _ جاسم يبني
ولا عيني تشوف _ ذبحك بسيوف _ جاسم يبني
يبني وبعدك يسبوني
گبلك ريت يذبحوني
........
بعدك عالقتال زغير ما تتحمّل الطعنات
وخاف عليك تتوذّر من تتوسط الرميات
بسيوف آل امية تروح تگطع نحرك الشمّات
تموت الأم يجاسم لو. ابنها الغالي طاح ومات
دمك لو سال _ اوگع بالحال _ جاسم يبني
جرحك چتّال _ يفري الدلّال _ جاسم يبني
ميته بجنبك يلگوني
گبلك ريت يذبحوني
........
ودعها وطلع جاسم. مثل وجه البدر يسطع
يهتف يابني سفيان. وكل ذاك الجمع يسمع
آنه ابن الحسن وحسين عمي وبس اله اتبع
لغير حسين منبايع. لا نقبل ولا نخضع
نـاداه حيّـاك _ عمك ويّاك _ جاسم يبني
شاب وضحّيت _ للحق وفّيت _ جاسم يبني
بالدم كلكم تفدوني
گبلك ريت يذبحوني
........
انگطع شسع النعل منه وراد يشدّه بالميدان
لن واحد ضرب راسه. وطاح توسد التربان
صاح بصوت ياعمي. طحت بولية العدوان
وصل لكن لگاه مذبوح حسين الوالد العطشان
تمـدد ويّاه _ يبچي وناداه _ جاسم يبني
جرحك بحشاي _ اذّاني هواي _ جاسم يبني
وبتگطيعك فجعوني
گبلك ريت يذبحوني
........
شاله وللخيم جابه ورمله اتلگته امه
طاحت تبچي مذهوله تعد بجروحه وتشمّه
تصيح بصوت يوليدي لبنهه الگطعوا جسمه
تشوفه مگطّع ومذبوح صبغت راسهه بدمه
شيفيد النوح _ نحرك مذبوح _ جاسم يبني
عمرك ما طال _ جرحك لا زال _ جاسم يبني
خابت يوليدي ضنوني
گبلك ريت يذبحوني
سيد زيد الفحام
صاحت من التل يبو فاضل سلام
العدل من اخواني يفزع للخيام
النار ما ترحم عبي ؛؛؛ راح زينب تنسبي
العدل من اخواني يفزع للخيام
&&&&&&&&&&&&&&&
اليل هذا المر عليه مدري دخان الحرك
ليل عاشر باك عمري منها وتسمه الطبك
الخوه ما ضلت وراكم ماتت الخوه صدك
كلبي ساكت حته نبضه وسوطهم هذا يدك
حلم مدري عيوني شافت واقعه
راية و جفوف ولواء و مشرعه
وصار حاديها اجنبي ؛؛ راح زينب تنسبي
العدل من اخواني يفزع للخيام
&&&&&&&&&&&&&&&&
طشرت عيني دمعها ماي بس مو للشرب
والعطش فز اعله طوله صاير بطول الدرب
مو جرح خاطر الجمك انته سباح الكلب
صحت وين ليفزع انه وفزعت تفرهد غرب
أنه زينب عاشرتني اليوم حيرة
ياهوا كبلي بساعة يفكدله عشيرة
وأحنه أهل بيت النبي ؛؛؛راح زينب تنسبي
العدل من اخواني يفزع للخيام
&&&&&&&&&&&&&&&&
آحر من جمر المخيم جايس بكلبي الهضم
لصاح چا عباس وينه حجايته اطك العضم
مشلع من السوط متني الحمد لله و الهدم
حبالهم بالجف تراچي وعثرن حيل الجدم
الفوك هودجها اجت مثل الاميره
هسه فوك التل بعد ساعه أسيره
عكب عباس الآبي؛؛؛ راح زينب تنسبي
العدل من اخواني يفزع للخيام
&&&&&&&&&&&&&&&&
الحيرة من مروج زينب ع الكفل فوك النهر
لحيرة من تبچين سكتة وتنزل دموعج مطر
الحيرة من ام عون تمشي بلا كفيلج للسفر
الحيرة ذاك السوك رايد حيل بس حيلي نكسر
السوك جرحي والحجي مثل الملح
السوك صار بعيني بس راس ورمح
شيبت راس الصبي ؛؛؛ راح زينب تنسبي
العدل من اخواني يفزع للخيام
&&&&&&&&&&&&&&&&
العدل ياهوا يكوم يفزع كبل لا يطلع صبح
وكبل لا يعرفني التل والركب تشبك رمح
عون صاحت وين خالك كلبي ما عايز جرح
الصوت سكته يرد عليه خلصو اخوانج ذبح
عون يبني امك فلا مالت ركض
من جلوس من التعب صلت فرض
وصلت اخوتها حبي ؛؛؛ راح زينب تنسبي
العدل من اخواني يفزع للخيام
&&&&&&&&&&&&&&&&
عدنان الحيدري
قصائد محرم الحرام (الليله السابعه)
نزله (للامام العباس)
..................................................................
مـــــــن اشد اعنانها
وادخـل لميــــــدانها
الحومه اذل فرسانها
وانـــــــــــــــه عباس
..................................................................
شمرتي شمرت علي
شحده اليوصل ألي
بلــــــوه والله يبتلي
وانه عباس
مـن علي ماخذ عزم
الا ابــچيها الــــــزلم
بالحومــه لا ماانهزم
وانه عباس
غضب طگ بركانها
وغــرگت بطوفانها
الحومه اذل فرسانها
وانه عباس
..................................................................
انـــــــه اخوا ام عصابه
الزلــــــم كلها اتهابــــــه
ويالجيش عندي طلابه
وانه عباس
لووگفت اعلـــى النهر
اشطر العسكــــر شطر
اسحگ بجدمي الخطر
وانه عباس
الزلـــم هالقل شانها
والمفر ضل عنوانها
الحومه اذل فرسانها
وانه عباس
..................................................................
وينـــه وينه وينه
الگرب عم سگينه
الا افگس عينــــه
وانه عباس
مــــــن أسل بتاري
لوحـدي اخــذ ثاري
بگلبــي اطفي ناري
وانه عباس
مــــــن تشب نيرانها
تشـــــــــــرد بوديانها
الحومه اذل فرسانها
وانه عباس
..................................................................
انـــــــه فارس نينوى
انــــــــــه شيال اللوه
حـرميتهم شم الهوى
وانه عباس
انه ملك الساحـــــــه
بالحرب محد لاحـــه
اعداي مامرتاحـــــــه
وانه عباس
الزلـــــــــم كلها هانها
ولبساها اجــــــــفانها
الحومه اذل فرسانها
وانه عباس
..................................................................
ابوفاضل مـــن يهد
الزلـــــم كلها تستعد
واحــــــد بواحد لبد
وانه عباس
انـــــه راعي المرجله
الجيـــش كله مبهذله
لصولاتي تشهد كربله
وانه عباس
اله أهــــــــــد أركانها
وامحـي كل عدوانها
الحومه اذل فرسانها
..................................................................
الشاعر عماد محمد الدراجي
كـل عـام وأنتـم بـألـف خيـر
أعـاده ﷲ علينـا وعليكـم بـالخيـر 🦋🦋
والمحبـه والسعـادة والسـلام والأمـان 🦋🦋
دمتـم بخيـر ودامـت معكـم أفـراحكـم 🦋🦋
اليله السابعه
يوم ابو فاظل دخل ميدانها
فاضت الغيره وطفح بـركانها
ــــــــــــــــــــــــــــــــــــــــــــــــــ
من نزل عباس سبع الگنطره
خلّه زلم الكوفه كلها امحيره
اتخيلو نازل عــليهم حيدره
زلزل الـحومه وشعل نيرانها
يوم ابو فاظل دخل ميدانها
ــــــــــــــــــــــــــــــــــــــــــــــــــ
طب ابو فاظل وزلزل كربله
گامو ايلوذون شمر وحرمله
الخيل والفرسان فرت بــالفله
هربت اجيوش العده وشجعانها
يوم ابو فاظل دخل ميدانها
ــــــــــــــــــــــــــــــــــــــــــــــــــ
من برز عباس للحومه وثــــبت
من خزرته الگوم كلها اتراجفت
والله زلم الكوفه منه اتخورست
ولعساكر بيده هد اركانها
يوم ابو فاظل دخل ميدانها
ــــــــــــــــــــــــــــــــــــــــــــــــــ
ابهيبة الكرار طب الــــمشرعه
خله جيش ايزيد روس امگطّعه
عالارض ضلت جثـث متوزعه
گام عالحومه يطش فرسانها
يوم ابو فاظل دخل ميدانها
ــــــــــــــــــــــــــــــــــــــــــــــــــ
يشبه الكرار حيدر من يــــــهد
ما يهاب ابن الصميده وما يرد
بيده روس الگوم جاباهم حصد
سيف ابو فاظل حصد طوفانها
يوم ابو فاظل دخل ميدانها
ــــــــــــــــــــــــــــــــــــــــــــــــــ
اخو زينب مــا يدنگ هـامته
ومن يزامط ما يثني حجايته
كلها ترجف من ترفف رايــته
ولزلم گامت تحضر اجفانها
يوم ابو فاظل دخل ميدانها
ــــــــــــــــــــــــــــــــــــــــــــــــــ
گال اخليهم جثث فوگ الثره
عالمنيه اليوم اوگّفّهم ســـــره
بيدي اطوي الميمنه اعله الميسره
بجفي اگصن روسها وذرعانها
يوم ابو فاظل دخل ميدانها
ــــــــــــــــــــــــــــــــــــــــــــــــــ
صاح انه العباس راعي المرجله
هذا يومي اوكت المزامط حــله
ذبله هوسه اوهوس اگبال المله
اجيوش اميه اليوم اگص السانها
(وين البيه زود ايلاگيني)
يوم ابو فاظل دخل ميدانها
ــــــــــــــــــــــــــــــــــــــــــــــــــ
علي كاظم المنصوري
اليله السابعه
نزال او شور
هذا عباس المايلحگ سيفه برگاب العدوان
~~~~
هلا يبن القلع باب وياربات الساده
هلا يل خليت يمك بچت كل القاده
هلا يل ما خله واحد للخيم يتماده
هلا يل خله شمرهم تاه من مشراده
هذا عباس المايلحگ سيفه برگاب العدوان
~~
هلا يل عالنهر راح وگام يرجف مايه
هلا ياكافل ام عون الشال بيده الرايه
هلا بالمعتني ليهه وبل حرب دگ ثايه
هلا يل طگته وحده والتطيح اهوايه
هذا عباس المايلحگ سيفه برگاب العدوان
~~
هلا يل محد يشبهه وماتصح افنونه
هلا والسبعين كلهم دوم ميگدرونه
هلا يا صيت النشامه الونهم من لونه
هلا يحزام الحسين الهاشمي ايعرفونه
هذا عباس المايلحگ سيفه برگاب العدوان
~~
هلا يالماخاف يوم وما متعب سيفه
هلا ياتچوة اخوك المايرجع ضيفه
هلا بالعباس والله المايخاف اتخيفه
هلا يل عالنهر راح وگام يمشي بكيفه
هذا عباس المايلحگ سيفه برگاب العدوان
~~
هلا يل مارفع راسه اگبال عين احسينه
هلا يل ضحه بزنوده والسهم نص عينه
هلا يا تربات هاشم قمر امسمينه
هلا يا كافل ام عون النذر كل اسنينه
هذا عباس المايلحگ سيفه برگاب العدوان
~~
كرار العطوي السماوي
اليله السابعه
نزال زنجيل + مجلس
شيخ الزلم عباس خلاها راس براس
راضع وفه البدويه شد حيله اخو العلويه
**
امن الخيمه اجه الوفاي حالف يجيب الماي
صح وحده بس اهواي عباس ابو الغيره
حي الله سبع الليل شيخ وصعد عالخيل
طب شوفاها الويل وخله العده بحيره
بعده الكمر ما صاح والصف الاول طاح
وتوسط الحربيه شد حيله اخو العلويه
**
رف اللوه بيمناه وزينب تصيح الله
من يهجم اشمحلاه سل سيفه ابو النخوه
سوه الدرب خطوات عباس ابو الكلفات
واليمه يوصل مات ما ينطي ابد عطوه
حسين الاذن منطي والغيره صعدت بي
ومن عدل الخاجيه شد حيله اخو العلويه
****
شال اعله متنه الجود وبالجربه حط اجنود
راعي العلم والزود ما يرحم العسكر
بجفوفه ذوالفقار وعيونه تجدح نار
عالحومه هب اعصار واعله النهر سيطر
غيره وعزم متروس سواها تله الروس
ينضح وفه وحنيه شد حيله اخو العلويه
*
للخيمه مد شطين وجاب النهر لحسين
واحتارت السبعين ما تكدر اتصده
اشبيها السمه ايكولون عباس اجه ايصيحون
اشورطنه بينه اشلون محد وصل حده
واختبصت القادات بجاه بالصولات
وميه يذب عالميه شد حيله اخو العلويه
*
للحومه طب زعلان ونسحبت الفرسان
غيم كمر عدنان وبرايته اتقدم
ما خله منها اسباع وبرجله طك الكاع
والزلمه بيهم ضاع يابه الفضل تسلم
والنشمي راد ايصير عالشط ركبته اطير
وهاي الحرب منهيه شد حيله اخو العلويه
****
حته بضهاري الصيف دمهم جمد عالسيف
يذبح نزل بالكيف وفنهم يلاكونه
ما يخطه دوم ايلوح بجفه بعلي مملوح
والشمر وين يروح لو صدله بعيونه
عالمشرعه امن ايصيح حته السيوف اطيح
خزراته مو عاديه شد حيله اخو العلويه
***
تمت
تحسين الخفاجي
اليله السابعه
مقدمه مجلس ثكيل
سلامات
لازم ضهرك شخيرك سلامات
حرامات
يزينب راح ابو فاضل حرامات
كلتله اليوجعك وينه
بزنده يأشر لعينه
يبعد عيون ابو سكينه سلامات. ( للشاعر محمد النواس)
::::::::::::::::::::
مو من طبعي اتيهه بيك .. واكولن هوه مو هوه
يحارك كلب اخوك حسين .. حسين بعازة الخوه
بس باوعلي وارجع موت .. كبالك واكف اتلوه
يمن فدوه يروح الماي ..لهذيج عيونك الحلوه
يلمعورني فك عينك
كاعد يمك حسينك
يبجي اعليك جا وينك سلامات
.........::::::::::::::::::::
كعدت عد راسه واحجي وياه .. حسين بطيحتك هايم
يالمشيب رموش حسين .. تكتل لومة الايم
فراشك بعده ما ملموم .. ليش اعله النهر نايم
كلتله انطيني ايدك كوم .. الشمس مو زينه ع الصايم
عليه الموت ذب ضيمه
وحشه بدونك الخيمه
يدمك تارس الهيمه سلامات
::::::::::::::::::::
بس باوع لخوك حسين .. شوف الحاله واشصور
اول تالي يمك هيج .. معور شابك معور
واحط ايدي اعله ذيج .. واكلها حسينج ادهور
وكتب ع النهر عباس .. لازم بيهم نشور
الحافر رايد ضلوعي
يمك طاحن دموعي
جنت عباس موضوعي سلامات
:::::::::::::::::::::
يكافل زينب اختك ليش .. عفتها ليا كلب محروك
كوم وجر سهم عينك .. مو زينب كتلها الشوك
يكافلها الحجي يأذيك .. كلش زحمه تصعد نوك
المافتحت عمرها الباب .. باجر تفتر بنص سوك
وحك كل حرف بحروفك
وحك سهم الاخذ شوفك
استغلوا طيحت جفوفك سلامات
::::::::::::::::::::::::::::
ارد للخيمه كلي شلون .. يالمالك بعد رجعه
تره الفاكد عزيز اعليه .. تبين مشيته بسرعه
والمثلك صعب عباس .. هيج بلحضه ونودعه
لو تدري بخوك حسين .. بعدك ينكطع نحره
ارد بمشيتي اتلوه
واكولن راحت الخوه
يالمالي بعد تجوه سلامات
ليلة السابع من محرم
ياشـيال الـوه. ياريـشات وضـوه
......................١................
المنايه تحوم بالحومه علمها
وهو بجفه يحز واكف علمها
الرجال ابذعر مصيوبه علمها
تشوف الموت حل بهل مسيه
ياشيال الوه. يالمفحط الهوه
ياراعب نينوى. ياصاكر كربله
ياصكار الزلم. ياصياد النجم
يلي معلم الردم. ياجيش بأكمله
ياشايل الوه. ياريشات وضوه
....................٢....................
اصوات الحرب قرعه طبلها
لئن عباس بالحومه طبلها
بس هوه انوصف سيفه طبلها
يداوي الملتزم بفعال اميه
نكدها مهرته. لجعها ابخزرته
ركبها وشالته. ياخيال وشهم
لبسها لامته. عدلها اعمامته
ركدها ريشته. ياصياد الزلم
..................٣....................
يغربل بالزلم سيفه نخلها
شرهم عل سعف حمر نخلها
وبو فاضل لم طبها نخلها
زلم تردم زلم خلها سويه
المكابل كلف. دخل عشرين الف
دخيلك ياكمر
ياصمصام الحرب. يادخان الرعب
يلي مجفن الكلب. ياشيخ اعله النهر
ياشيال الوه. ياريشات وضوه
....................٤...................
الزلم جف ابو فاضل لو لحاها
يعت مره الشوارب لو لحاها
تخرخش رايته وطب لو لحاها
شمرها وطلعت من الغاضريه
ركدها رايته. لواها وهابته
رفعها ونادته. انه بيد الكلف
دخيل الشالته. شجاع معلمته
وتوجع يمنته محه السبعين الف
..................٥.....................
منو العباس غيره لاله بالطف
جفوفه وبقه يعزب لهله بالطف
ياواهس حين طبها وهلهل الطف
العكل طيحها هاشا ابن الزجيه
شهامه وموزمه. عذابه الصارمه
محد علمه. جبير من الزغر
شهامه من يطب. ياريثان الحرب
ولا عده صعب الى اين المفر
الشاعر زين العابدين الحلفي
انتظرونا قريباً سوفٓ يتم النشر لكم ليلة
السابع من محرم
∆السلام عليك ياقـمـر بـني هاشـم_$🫶
اليله السادسه
مقدمه
محرم 2023
قصيدة الانصار
لوكملت من صـــــلاتك
هد بينه ولقِي بعصاتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°°
لبيك ياضــــــنوة علي وسيد شباب الساده
هد بينه وكت الموزمه وهاي الرگب سداده
نصبح الك ســـــور اوطن
ونحـــــــارب اوياك الفتن
لجلك ندوس اعله المحن ـ يحسين تدرينه
وكت العسر نصبح يسر
بينه يبو سكينه افتـخر
بسيوفنه انجيب النصر ـ ونبث عناوينه
نقسملك احنه بغلاتك
انصـــــير ماي البناتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°
الليل نتخـــذه جَمَل وتريــــــــد منه نعوفك
انضيع من دونك ترى وانته النجاة انشوفك
ماجينه حتى انرد ترى
ونعوفــك انته ابنينوى
انموت كل احنه ســـوه ـ هالشرف شارينه
نحمي خيام العايله
نفديك يابو المرجله
ضعن العقيله اندللـه ـ وندلل اسكينه
گــــدامك ايرف علمنه
بالطف نشوفك هممنه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°
يحسين تامرنه امر والكلمه هاي اسمعها
گدام رجلك سيــدي روس الزلم نگطعها
خصمك وحقك بس عدد
محد يظاهيــــــــــنه ابد
كل جيشهم يصــبح بدد ـ ونزلزل اصفوفه
نسحگ على الموت ابعزم
نهــــزم وبـــــد ماننــــهزم
ونكس اركــاب الزلــــــــم ـ صولتنه معروفه
يحسين حگك علينه
انجيب نصرك بدينه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°
عمرين لوعدنه الك يحسين رخصناهن
وراياتنه ابعلو النجم بالحومه عليناهن
هبّت صـــــــورامنه عصف
چن ريح صرصر من نصف
برواحــــهم نخطف خطف ـ كل العزم بينه
بالجيـــش حَلّت ضغبره
مدهوش بالصـار اوجره
خيــول ورجال امطشره ـ بالحومه خلينه
واحدنه روح البساله
وتحـــيْر اميه ابنزاله
لبيك اباعبدالله
لبيك اباعبدالله
°°°°°°°°°°°°°°°°°°°°°°°
اصدورنه ادروع الخيم ونرد سهام العسكر
ويـاك حـد آخــر نفس وفـايه يابو الاكــــبر
بصدورنه نلاگي السهم
نطلع علم يســـبگ علم
لجل الشرف نهتف نعم ـ صرختنه ثوريه
كل طاغي لجلك ينسحگ
نرســــم الك لوحة عشگ
مثل الهوه انته وتنشــهگ ـ يحسين بالريه
متحزمين الغــياره
ننتـضر منك اشاره
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°
✍الخادم
كامل السعيدي
اليله السادسه
زنجيل + نزله مجلس
ياهله بنصار اخوي .. والله منهم والنعم
*
ليه فزعو فرد فزعه وتلمع الشيبه ضوه
واشحلات اليث الابيض من يرف بيده الوه
صوته ينطش كله غيره ومن ترجف نينوه
دخنت روس الصحابه واختنك حت الهوه
صاحو حسين وغلاك .. كل لخيتك لاتهم
****
واحد وتسعين عمره وما يحدب للرمح
شما تزيد اجروحه بالطف يترس جروحه ملح
وكف وكفه كبال اخوتي صبح وملاكي الصبح
الصعبه من ودع عضيدي تمدد بطوله الجرح
الموت اجانه الجيش صاح .. ذبت الشيبه الهدم
****
ربع اخوي ومن اعدهم واحد يعادل الف
الكلف والصاحب شهامه مايصاحب بس كلف
فزعو السبعين غيمه الرايه والشيبه ترف
الحلوه من ركضو سويه الفزعه مالتهم عرف
اخواني لا جنهم عمام ..طبو الحومه بعزم
****
طلكوها الدنيه بالطف وين اكو هيجي ربع
الغيره بكصصهم يعالم والله مطبوعه طبع
فرزنت جلمت نحبك من كلبهم تنشلع
احنه قربان الحسين وخل ركبنه تنكطع
تخورس الطف همه لا .. صوتهم ماينكتم
**
اصحاب اخوي الماكو منهم طبكو العسكر طبك
ذاك الي يلاكي السهام وذاك البثوبه يشك
دور العالم بأسره وين اكو هيجي عشك
حت صرخات بكلبهم ياحسين شما تدك
طاحو اصاحب الحسين .. وكام كلبي ينثلم
*
تمت
احمد الخفاجي