113
وأن تمنيت شيئآ فئنت كل التمني #ياصاحب الزمان $
فزاعية للسيدة زينب بأستشهاد رقية عليها السلام
انه الضليت محتارة برقية
انه الضليت محتارة برقية
ماتت علنحر هاي المسية
انه الضليت محتارة برقية
لاتابوت لا چفن للبنية
انه الضليت محتارة برقية
ماتت بلخرابة تريد مية
انه الضليت محتارة برقية
ابلاية فراش بس جثة رمية
انه الضليت محتارة برقية
فوگ الراس واخذتهة المنية
انه الضليت محتارة برقية
يجري دموم ياجرح الترچية
انه الضليت محتارة برقية
ياضيم ومصايب يارزية
انه الضليت محتارة برقية
اجيت الشام بله شلون جية
انه الضليت محتارة برقية
ماتت بنت اخويه بين ادية
انه الضليت محتارة برقية
وصاني ابوهه شلون بية
انه الضليت محتارة برقية
اخاف يگول ماجبتي الوصية
انه الضليت محتارة برقية
اخاف حسين لايعتب علية
انه الضليت محتارة برقية
گال حسين ردولي سوية
انه الضليت محتارة برقية
احضريني دخيلچ يلزجية
انه الضليت محتارة برقية
اصيحن ياعلي حامي الحمية
انه الضليت محتارة برقية
بوية تشوف دمعاتي الجرية
انه الضليت محتارة برقية
ماشفت الفرح بس ألاذية
انه الضليت محتارة برقية
💙💭
منار الهدى
القصيدة مخولة
رديتي زينب خويه رديتي
گوه الله حيلچ يا بعد بيتي
----------------------------------------
من التعب خويه استراحي
حاچيني ويطيبن جراحي
من رحتي حد اليوم صاحي
انطر ضعنكم يلغريبه
الله اليعينچ بت علي اتأخرتي يا علويه
اني وكفيلچ ننتظر رديتي بس محنيه ؟
ياهي انتي زينب؟ فاطمه ؟ هيچي السبي تاليه
حاچيني من فوگ الگبر شنهي العبي مچويه ؟
يجري الدمع وقرايه سويتي
گوه الله حيلچ يا بعد بيتي
----------------------------------------
يم الگبر سمعيني چلمه
بلكت جرح گلبي تلمه
انتي اختي بس گليلي يمه
خليني اشمن هلعبايه
يا ريحة امي الغربت ادري وعلي مشتاگه
مو من سهم گلبي الوجع لمن صعدتي الناگه
من رحتي زينب للسبي وگلتيلي هم نتلاگه ؟
من صرنه كل واحد وطن والنحر حيلچ باگه
خليتي گلبي بحيره خليتي
گوه الله حيلچ يا بعد بيتي
-------------------------------------
ردت عقيلتنه الحبيبه
بس وسفه متعوبه وغريبه
الشافت مصايب مو مصيبه
من كربله لشام النوايب
خل نحچي شنهي التعبچ يا موقف انتي احچيلي ؟
من شفتي وحدي بهالحرب ؟ لمن تفرهد حيلي
من صعدوچن للسبي ؟ وظليتي بس توميلي
من دخلوچن للقصر ؟ يا خويه بس گليلي
من بنتي ماتت وانتي ونيتي
گوه الله حيلچ يا بعد بيتي
------------------------------------
مية هلا بالغايب الجاي
من فوگ ناگه ونزلي بهداي
خايف عليچ الغاليه هواي
وخايف على ايتامي وعيالي
زينب تعالن علگبر يم التجرحه الونه
يم العليچن مختنگ وشصار من عفتنه
من كربله لشام الدمع لمن مشيتن منه
تتعنه روحه اعله الضعن آنه ادري اي شفتنه
غيمه العليچن بيهه حسيتي ؟
گوه الله حيلچ يا بعد بيتي
----------------------------------------
هسه انتلاگه وگبل الاوداع
خلي السوالف تحظن الگاع
محتاجه ذكرى وچلمه ومتاع
وتردن لارض المدينه
خلن دمعچن علترب رجعن يخويه لداري
هناك العليله مناطره ومنتظره بس اخباري
ام البنين اعله الدرب والدمع علخد جاري
گليلهن مات الولي وبلكت يجن زواري
حنيتي روحي هواي حنيتي
گوه الله حيلچ يا بعد بيتي
كلمات الخادم 🖌 رعد الفريجي
27 / محرم الحرام /1447
ثوابها الى روح والدتي
أو مــشايـه نگصد لحسين
ــــــــــــــــــــــ ١ ـــــــــــــــــــــ
انــرفــعن الرايات دگـــن بالگـــمــر
صــوت مــن البصره من ماي البحر
حـــي عالـــمشايه مـــن صـار الـنداء
اتـحـزمـــو مـگــصدنه مگطوع النحر
ما نـنساها ياكــاع الطــف
ــــــــــــــــــــــ ٢ ـــــــــــــــــــــ
احنــه عاهـــدنا الزجيه أم الحسين
حسين مــا ننساه وجروح الظعن
باربـــعـينه انــروح مشايه اونــــزور
وحنه شفنه حسين للظــايع وطــن
خــدام حــسين اونـتـبـاهـا
ـــــــــــــــــــــ ٣ ــــــــــــــــــــــ
يا هــــله بأهـل المواقـــف والشيم
شــــيعـــة الكرار والضدهــم نـدم
كتبـــوا عله الرايه ياثــار الحسـين
ذوله قائدهـــــم يضل راعــي العلم
بجفــينه شربنه الغيره
ـــــــــــــــــــــــ ٤ ــــــــــــــــــــ
مايــهـمـنـه الــمــوت ما نرجع ابـد
فدوه لجل حسين ما نحسب عدد
احــنه ويــه حســـين بـيام الحروب
بالمــنايـه انـصيـح ياحـــيــدر مــدد
اوطبـيـنه رغماً عالمـــوت
ــــــــــــــــــــــ ٥ ـــــــــــــــــــــ
انـــت يامـــولاي مـــعــشـوگ الكلب
اسيــوفك احنه سيدي وكـت الحرب
خلها هـــاي النــاس بيـــنه اشما تلوم
احنه باقـــين اعله نهــجــك والــدرب
اوضلينه خدام اهل العز
ـــــــــــــــــــــــــــــــــــــــــــ
الشاعر : خالد جودي العارضي
خويه..
مشتاگه هواي مشتاگه
يمتى آنه اوياك نتلاگه
بهيمة انت واني بناگه ..خويه
خويه..
هل روح اعليك مخنوگه
ورگه بنارك محروگه
وگلبي المذبوح ابشوگه ..خويه
دليني اشوفنك بعد وين
ترى فراگك عمالي عيوني الثنين
مو همي الجرى لا همي الحبال
كلشي يطيحلك غير انت الحسين
ياذيني العتب ياذيني
ونار فراگك اتجويني
شما اذكر هذيج ايامك
تهضمني يالمباريني
___
خويه..
عفتك ياخوي مجبوره
امشي وارجف مقهوره
حرمه جبيرة ومكسوره ..خويه
خوية..
رحت بلا راي ورايه
وامشي بكيف الحدايه
بحلگ الشمات حجايه ..خويه
محتاره وادور ما حصل راي
الدرب كلساع يبعد عنك هواي
ولو تدري شيسموني يالحسين
هاي اخت الذبيح الماشرب ماي
حاطوني العده حاطوني
وبسمي گامو ايصيحوني
ياحيف انعرف من تالي
اذوني وهضم بجوني
_
خويه..
بأول خطوه وحنينه
وممشه الناگه امئذينه
انهض خوية ورد بينه ..خويه
خويه..
گلبي وگلبك فد نبضه
امجانك ياهوه يعوضه
وامشي بلياك ماترضه ..خويه
بدرب حداية الصحره يتيهون
جا وين الهواشم خل يعرضون
بلكت جفك اليعرض ورد ليك
ياتالي هلي وبعد اختك ام عون
ذابحني الهضم ذابنحي
تمنيتك لون تسمعني
مشتاگه اعله في الخوه
وبجفك يخويه تردني
_
خويه..
ساعه اوياك اتمناها
ترد لأختك تتلگها
المال امن الضيم مگفاها ..خويه
خويه..
تندهني اعليك الخوه
بعدك ماضلت تچوه
فراگك لو تدري شسوه ..خويه
حرام اعليه بعدك لو غفت عين
ترى حال اختك بهليوم مو زين
من مطلع نهاري ابچيك لليل
شضل بيدي وهضم افرك بالايدين
ماانساك شريچ بروحي
ياعظم واعز اجروحي
ماتبرد دمعتي وشيبك
وعليك آستلذ بنوحي
____
حسين سعد البهادلي
مسبيه الشام *حكموهه ضلام
بلايه حرس ضلت تره //رجعت غريبه هالمره
///////////////////////
الفاكده اخوتهه شكثر ينسمع ونهه
تبقه مكسوره وسبيه ابلا ضعنهه
صدك سموج الغريبه ازرك متنهه
نار المخيم يعالم شكد جونهه
ابلايه حراس / مرقدهه ياناس
مضلومه دنيا وآخره // رجعت غريبه هالمره
////////////////////////////////////
صدك مازورج بعد كليلي يم عون
خبر سدو مرقدج دمعلي العيون
اعليج متعوده الخدم يمج يلطمون
هواي تطلعلج مواكب من اليخدمون
نلطملج سنين // يم باب الحسين
بنص كربله المأتم جره// رجعت غريبه هالمره
////////////////////////////////////
الصحن فارغ للأسف متهربه الناس
صفت وحدهه العقيله يم الارجاس
رجعت ايام السبي وهالذبل الياس
زينب تنادي بهلبلد الحك يعباس
وين الكفلهه // يردهه الاهلهه
معقوله اخوهه مادره // رجعت غريبه هالمره
////////////////////////////////////
كثرت اعليج المصايب نبديهن احساب
أمنهد ماهجمو عليكم بحركه الباب
وجرح راسك ياعلي الهسه ماطاب
وجثث متروكه الاخوتج فوك التراب
كل هالمصايب// وهالراسي شايب
ابقه اني عمري مخدره //رجعت غريبه هالمره
////////////////////////////////////
بحضره حسينج نندبج ونصرخ اهاات
ونبدي نحضر مجلسج من دون شمات
يبقه دستور اللطم عالوجهه مامات
ويبقه كل عام اليمر تقوه الشعارات
نلطم عله الراس // شدخلهم الناس
هاي الشعائر مفخره // رجعت غريبه هالمره
////////////////////////////////////
ادعي مولاتي العجل يسرع ضهوره
نجي نزحفلج مشي الكبرج نزوره
ينشر بعدله الالهي بهذه نوره
ويأخذ بثارج قصاص الكل نحوره
يدخلهم انذار _ من ايده للنار
يخلي جثثهم مجزره //رجعت غريبه هالمره
////////////////////////////////////
تمت ولله الحمد
خادم الحسين محمد الصادق العتابي
#نعي
يحسين زينب انه يحسين
نسوانكم طبن دواويين
يحسين وجهي المن اديره
فزعت عشيره الكل اسيره
وظلن الماعدهن عشيره
ابراي الذبحكم خويه ماشين
مسبيه گام عليه ينگال
وعليه شانت بيدي الاحبال
الحرم تمشي بكيف الانذال
تمشي النسا ماتندل الوين
من الذبح والدرب المصايب
ومن الخرايب للخرايب
ومن النواعي الگلب ذايب
وابكل خرابه تنشف العين
ليل الخرايب هظم وانياح
ونتصابح بروس على الارماح
وابكل صبح برقيه ينصاح
وذبلت هظم خويه النساوين
ماظن ابد ترضون ترضون
بالظعن خويه بسوگ يمشون
وشافو حرمكم بانذل اعيون
ونسوانكم مچتوفه الايدين
من الحبل يستحي الزلمه
وشلون والمچتوفه حرمه
واگبال وادم خويه زحمه
اتمنيت يلفي الزينب البين
علي الحميداوي
استشهاد الامام السجاد ع
ما متت لسه عجيب والنفس ما منگطع
يا زمن رد للطفوف عيني خل تشبع دمع
****
ما اگولن مات حزني حزني حاشه ما برد
چم مصيبه عيوني شافت ليش ما ميت بعد
فوگ صدر حسين ابويه شمر شفته من گعد
إنذبح والخيل يركض بلايه رحمه اعليه صعد
شلون يدخل ريتي ريح وحافر امهشِم ضلع
يا زمن رد للطفوف عيني خل تشبع دمع
****
بكربله كل لحظه چانت ينولد بيها جرح
مُحتمل لسه اني عايش لان تلوهني الذبح
بحز وريد حسين عيني غمْضت وما تنفتح
تالي من فكّت رمشها راسه شفته اعله الرمح
الصار ساعتها عظيم شلون راسه يرتفع
يا زمن رد للطفوف عيني خل تشبع دمع
****
تارس الدخان صدري لسه اشعر بالألم
ابعلْتي والخيمه اللي شبّت إنشغل فكري نعم
الكربله رد يا زماني انظر الباقي الخيم
شلون ركضت عمتي زينب او وين هامت بالحرم
ياهي داست عالجمر ارد اشوفنه الوضع
يا زمن رد للطفوف عيني خل تشبع دمع
****
ماتت اختي بالخرابه اگبالي صارت يا زمن
لكن بليلة الوحشه إلتراچي اتشلعن
ركضت اليا صوب مدري والسياط اتحزمن
شويه من عبدالله اطول والمتون اتورمن
ارقيه ادري اشگد بچت السوط لا ما ينجرع
يا زمن رد للطفوف عيني خل تشبع دمع
****
حرورة دموعي چوتني لچن ما يشفه الگلب
ارد اشوف شلون زينب عالهزيله تنضرب
إلتهيت بحبل اديه وبس دمه چفوفي تصب
حال عمتي ما نظرته وآنه اعرفنه صعب
چان يحديها الشمر عمّتي اشگد تنفجع
يا زمن رد للطفوف عيني خل تشبع دمع
****
يا زماني طلب عندي للشريعه خل نمر
مثل ابوي حسين اريدن ظهري عالشط ينكسر
ابو فاضل هذا عمي چفوفه وسفه تنبتر
فوگ صدره جوده نايم بالسهم مرمي ويخر
عينه مصيوبه ابسهم وانفجر بيها نبع
يا زمن رد للطفوف عيني خل تشبع دمع
****
باقي موقف ارد اشوفه وعمري تخلص لهفته
من مشت لحسين ابويه شلون عمتي عرفته
راس ما عنده عجيبه وين زينب باسته
صدره مهشوم بحوافر شلون بالله شمته
الليل تارس ناظري بس ونين الينسمع
يا زمن رد للطفوف عيني خل تشبع دمع
****
الشاعر اياد الديراوي
(لأستشهاد الأمام السجاد.ع.)
عظم الله اجرك يمهدي الليله
اودمع عينك عل عليل اتهيله
-----------@@@-------------
جدك السجاد هالليله يطيح
وبالوداع وياك يالمهدي نصيح
الفاگد اهله اوفاگد حسين الذبيح
وياك واعله الفاجعه ننعيله
----------------@@@-----------
ياعلي الشاف المواجع بالطفوف
شاف نحر حسين وي ذيچ الچفوف
حين دارو جيش اميه بالألوف
راد يفزع لچن راگد حيله
------------------@@@-----------
جدك الدافن هله بذاك الوعد
ايشيل كفه اتطيح كفه من الجسد
عل مصيبه الماكو منهه اعظم واشد
انكسر ضهره اومحد ايتچيله
-----------------@@@--------------
امگيد اباغلال بعد الواقعه
وانصبغ ثوبه ابدمه من الجامعه
للمات اويبچي لجل الفاجعه
لبو الباقر جينه انوافيله
-----------------@@@-----------
بالسبي السجاد يبره لعمِتك
ندري هالچلمه يمهدي هُضمتك
ساعد الله گلبك اعله امصيبٓتك
وبالفرج شخصك نضل ندعيله
-------------@@@--------
الليله حاضر ندري ويانه العزاء
اودمعك ايصب عل عليل ابكربلاء
انوالي السجاد لجلك هالولاء
نضره كون اوكل شخص تربيله
الشاعر ✍️
ابو عبد الله الشمري
رباطات للامام السجاد عليه السلام
شاف بعيونة.. شاف بعيونة .. ابية اعله الوطية شاف بعيونة
===============
كون وي عودة.. كون وي عودة.. تمنى يموت بالطف كون وي عودة
=======+++=
ينوح لخوانة.. ينوح لخوانة .. ليل انهار دومة ينوح لخوانة
===========
موش ناسيهم.. موش ناسيهم.. على اهلة ينوح دومة وموش ناسيهم
=======++++
دوم يجريها .. دوم يجريها .. دموعة اعله ال هاشم دوم يجريها
=============
ظالة ابالة .. ظالة ابالة .. مصيبة يوم عاشر ظالة ابالة
=============
اسالكم الدعاء رائد الاسدي
قصيدة للإمام السجاد عليه السلام عن الإمام الباقر عليه السلام ينعى والده.....
انـــحب واجري عيني وما اگطع ونيني
روحي اعله الابو تذوب رايح ما يجيني
======================
انه الفاگد وحگي من انوحن حيل
عيني اعله الابو ما تســتراح الليل
انه الباقــــر وگلبي علــــيك اعليل
بوية ابشوفتك چانت همومي اتزيل
انسى غيابك شلون ساكن وسط العيون
بوية بغيـــبتك دوم اتچوة بحــــنيني
__
الفاگدلة ابو ايحــــس ابالم گلبي
اطـــــيني الصبر عالفـــرگة يا ربي
ياعيني اعله ابوي اجري ودمع صبي
عيـــني اعله الدرب ظلت الك تربي
نايم حدر التراب عن عيني الابو غاب
آه ياوكت الغروب ياخذ كل سنيني
----------------------------------------------
شمعة واحــــتركَ يا بوية بغيابك
ياخـــذني الحنيـــن واوگف ابابك
ارسم صورتك وانحب على مصابك
وأكثر احتركَ من تنـــشد احبابك
تبچي وتنشد عليك احبابك تناديك
نعقد مجلس انياح انه وكل بنيني
----------------------------------------
راح الچان الي ذخر والي تچوة
چان ابكل حياتي والدي سلوة
المفاركَ ابو انياحة وبچي يهوة
الحياة ابلا ابو صعبة وفلا تسوة
رايح سلوة الروح يسوة الونة والنوح
أظل مطلوب الك دين ما وفيتة ديني
---------------------------------------------
ما اصـــدكَ تغيب وتــــبتعد عني
أشعر انتة عايـــش تســـتمع وني
صوتك دوم اسمعة وانظرك چني
يا وسفة الدهر خان وخذك مني
ما عني غبت يوم انه بعازتك دوم
عشرة ابطول السنين بين الهم وبيني
--------------------------------------------
أسألكم الدعاء رائد الاسدي
انظر لختك يا كافلها
ــــــــــــــــــ
امشي واتلفت يالغالي
بين الروس وبين عيالي
ردتك تنظر يا كفالي
من عدكم ياهو الظالها
ــــــــــــــــــ
ما طاحت ياخوية الراية
من جفك خوية الوفاية
باجر تعلى وي المشاية
وتعيش بجف اليحملها
ــــــــــــــــــ
يابو الغيرة ويا ابو الخوة
ايام شكد جانت حلوة
بين عيونك الگة النخوة
والحيرة البيه انت تحلها
ــــــــــــــــــ
حاجيني لروحك مشتاگة
دمعات جفوني الحراگة
ياهو يركبني اعله الناكة
ويعدل زينب محملها
ــــــــــــــــــ
دم ينزل باجر بعيوني
ياخوية وداعك بمتوني
باجر للشام يودوني
والغربة تصير بأولها
ــــــــــــــــــ
هاي أطفالك يا واليها
من بعدك منهو يباريها
منهو يسكتها ويحميها
باجر بالغربة لوحدها
ــــــــــــــــــ
كل خطوة الدمعات بعيني
يا بعد اختك بس حاجيني
ما عيش بدونك تدريني
يا حامي اعيوني وساندها
ــــــــــــــــــ
الشاعر زين العابدين الشمري
قصيدة { المشاية }
ميراث الوفه من صاحب الرايه
جينه امن البحر للنحـــر مشّايه
..................................................................................................................................
مشّــايه إجيــنـــه بغـيرة الكافل
جدّدنه العهد والعهد مِـتْـــواصل
تعلمّنه الوفه بمدرسـة أبو فاضل
كلنه ابخدمتك يحسين وفّايه
..................................................................................................................................
رايات الوفه بكل صوب منتشره
مشينه ومستهلنه كتبته البصره
قصيده للوفه مكتوبــــه بالعبره
كل خطوه حرف نقراهن اقرايه
..................................................................................................................................
يبن المرتضى وما عدنه شي يصعب
وبيوم اربعينك فرض يتوجّب
نستقبل ضعن أم الخدر زينب
نمشي الكربـلائــك والمشي آيه
جينه امن البحر للنحـــر مشّايه
..................................................................................................................................
آيات الـــوفـــه بدمــــوع نكتبهه
وخطوات المشي للجنّه نحسبهه
ملايين التزورك گلبك يحبهه
ولأجلك غدت للموت شرّايه
..................................................................................................................................
وحق راية كفيل الطاهره وجوده
ويّاك المحــب ما يخلـــف اعهوده
نوصلّك مــشـــي والسُفره ممدوده
مواكب بالكرم والجود عطّايه
..................................................................................................................................
على طول الدرب مَد المواكب صار
وتـــنــادي يــزايــر أبـــد لا تحــتــار
نوصل حَضْرتـــك يا ســيّــد الأحرار
والقله القليله صارت اهوايه
..................................................................................................................................
الك سمعاً وطاعه وكلنه عد عيناك
مشايّه وفدائك كلمن اتعنّاك
لا حَر لا برد يمنعنه عن ملگاك
يا أول عطش فاق وهزم مايه
..................................................................................................................................
خادم الإمام الحسين عليه السلام
عمار هليل الواسطي
يحسين اه يحسين اه يا خويه
جيتك يبعد الما مغمضات
فوگ الرمل چن رايد تبات
أگعد يخويه العندي صعبات
كلفات كلهن والله كلفات
يحسين اه يحسين اه يا خويه
منين ابدي لمن طحت علگاع
بلخيمه واسمع كسر الاضلاع
لمن تصيح وماكو فزاع
تفرهدت مني حسين شبساع
يحسين اه يحسين اه يا خويه
راس برمح يا خويه شفناك
واطفال تصرخ ها رجع ذاك
مذبوح يحسين وندبناك
بحماك كلهه تصيح بحماك
يحسين اه يحسين اه يا خويه
صارت بواچي وخنگت انفاس
واطفال تبچي اتصيح عباس
نار بخيمنه وهجمت الناس
الما ينضرب بالخيل ينداس
يحسين اه يحسين اه يا خويه
ياخذنه ضرب السوط للماي
ها هذا چف الراح ما جاي
ما باقي من الكافل شواي
ويه الركض گمت الطم اچلاي
يحسين اه يحسين اه يا خويه
ياهو اليرد الحافر الهاد
صار السحگ بالطايح عناد
حشمنه بيكم ها يلولاد
ردو الخيمكم صارن رماد
يحسين اه يحسين اه يا خويه
ثاري الطفوف اتخلص الاعيون
تاخذ الحيل اتهد المتون
جابو حبلهم وين يردون ؟؟
وبچفوفنه گامو يشدون
يحسين اه يحسين اه يا خويه
كلمات الخادم/ رعد الفريجي
ثوابها الى روح والدتي
بويه وينك شيَّعت سلمانك
بويه وينك ماتجي الوليانك
هنا يبويه هنا يبويه
***
بويه من السبي زينب تناديلك
ومن ضيم العليها بويه تشكيلك
يامن شيَّع السلمان وتولّه الدفن بيده
بويه حسين عالغبره إبنك حزّوا وريده
عفته عله الثره مطروح هوّه وكافلي عضيده
منهم ماسلم طفله بيده ذبحوا وليده
ماحضرته قلبه ذاب وضامي
مادفنته جسمه ذاك الدامي
هنا يبويه هنا يبويه
****
على الهزّل ندبتك وآني مچتوفه
تلگاني يبويه المگصد الكوفه
بويه بمجلس إبن زياد مسبيه الحرم دخلت
ذبحوا كل اهاليها بالطف عالثره ظلت
زينب من حچي الشمات ياراعي البخت ملّت
رقيه وخوله وسكينه من ضرب العدوا سلّت
روس إخوتي عالرمح تبرالي
بس عليلي إلنه ظل الوالي
هنا يبويه هنا يبويه
***
يامن للشدايد حاضر نعدّه
على عيالك يبويه الباطل تعدّه
عگب الکافل العباس شامت بالضعن يحدي
منالكوفه لَحَد الشام ونتي ودمعتي بخدي
موهينه عليك ادريك مابين الزلم وحدي
مثل أمي اجر حسرات يوم الفارگت جدي
من ونيني ظل تون الناگه
من حنيني دمعتي الحرّاگه
هنا يبويه هنا يبويه
****
آنه أم الخدر والمنحجب ظلي
أطب مجلس يزيد وزُمرته كلِّي
يسألني بشماته شلون حالچ قصده يتعبني
ردِّيته وتماده عليك مابين المَلَه سبني
ذاك الموقف إلي صار حيل هواي عذّبني
آ يالشام آ يالشام مرمر روحي شيَّبني
صعبه صعبه والله ماأنساهه
تبقه حسره للگبر ويَّاهه
هنا يبويه هنا يبويه
***
خلَّونه بخرابه لا سگف بيها
شمس وكت الظهيره الكل تچوِّيها
تتفرَّج علينه الناس ماچنّه النبي جدنه
لا أمنه الزچیه تصير والكرار والدنه
كل نظره بسهم مسموم عين الشامت تصدنه
سمُّونه خوارج حيف ماواحد وصل حدنه
هذا حالي وانت تعلم حالي
والليالي شيِّبت دلَّالي
هنا يبويه هنا يبويه
#ابو_علي_الكربلائي
" هُوَّ ٱلْحُسَيْنُ و كَفَىٰ "
____
نامت ٱعيون الخلگ / و ظليت احاچي الگلب
لا تهوىٰ غير الحسين / يا گلبي لا تنغلب
"""""""
بس بيده هُوَّ خليها ايدك
غير ابوالاكبر محد يفيدك
" هُوَّ ٱلْحُسَيْنُ و كَفَىٰ "
_____
يا گلبي بالك تلتهي ، ابهاي الملاهي اللاهيه
كل البشر لازم تموت ، و الدنيه باچر فانيه
حساب الگبر ماهو قصص ، ماهي سوالف واهيه
حَيّ على خير العمل ، بس المجالس باقيه
""""""
راح أنسئل هالسؤال _ شسويت ابعمر الشباب
بس من اجاوب اخاف _ ما ينقبل هالجواب
"""""
إلّي يسئلك هو شهيدك
غير ابوالاكبر محد يفيدك
" هُوَّ ٱلْحُسَيْنُ و كَفَىٰ "
_____
يحضر مجالسنا الحسين ، ما ينسه يوم و لا سهه .
من اول ما يبدي العزاء ، واگف لحد المُنتهه
زحمه إذا شاف الگلب ، بغيره تِعَلّگ و التهه
هُوَّ إلِىْ صدره انسحگ ، و انه أنوح ابمشتهه
""""""
بهاي المجالس يجي - بلكت يطيب الجرح
بس انه من هالذنوب - ابجرحه خلّيت الرمح
""""
اسمه دواء و حُبه يهيدك
غير ابوالاكبر محد يفيدك
" هُوَّ ٱلْحُسَيْنُ و كَفَىٰ "
_____
يوم القيامه كل شهيد ، يحشر ابحاله البيها مات
حتما يجي هناك الحسين ، و ظلوعه كلها امكسرات
خايف يعاتبني و يگول ، ضيّعتوا ليش الواجبات
انه الّي من اجلك مشن ، حتى خوات اميسرات
"""""""
آخر وداع الحرم - لمّن دروا ينسبون
گتلهم الله كريم - شيعتنه يستاهلون
""""
بس الله يدري شگد أريدك
غير ابوالاكبر محد يفيدك
" هُوَّ ٱلْحُسَيْنُ و كَفَىٰ "
_____
يا گلبي خافنّك نسيت ، عاشر محرم و الجرىٰ
طبوا عليمن بالخيم ؟ بالخيمه چانت يا مره؟
يا هي تراچيها انخذت ؟ و ابراس ابوها امحيره
فوگ الهزل ياهي المشت؟ ياهي الخذوها اميسره؟
""""""
لا تنسه سوط الشمر - لا تنسه گيد الحديد
يا گلبي لآخر عُمُر - لا تنسه مجلس يزيد
"""""
إبقىٰ حسيني الگطعت وريدك
غير ابوالاكبر محد يفيدك
" هُوَّ ٱلْحُسَيْنُ و كَفَىٰ "
_____
هادي_الزینبي
٨ / ربيع الثاني / ١٤٣٧
ما يهمنه انته يمنه واحنه يمك
يا تعبنه راحه والله واحنه يمك
يابوعلي يابوعلي
-----------------------------------------
اجيناك ،، بس يمك تعبنه يصير راحه
اجيناك ،، العليل بدربك اتهود جراحه
يبعد العافيه ويلكلك امروه
الدنيا بلا خدمتك والله مو حلوه
يلتسوى وبعد كل العمر تسوى
التعب كله يروح بچلمة التگوى
كل حچينه وكل بچينه واحنه يمك
يلتودنه ما تردنه واحنه يمك
يابوعلي يابوعلي
-----------------------------------------
يعطشان ،، عذب كل ماي من چفك نشربه
يعطشان ،، الخميس بلا زياره ايصير غربه
ذبيح وتنطي كل الوادم الفقره
ضريحك بيه محنة أمك الزهره
يدرب زيارتك يا معشر الفطره
الصحاري البيهه موكب تنگلب خضره
هيه كلمه ،، انته نعمه ،، واحنه يمك
اي نريدك ،، خذنه بيدك ،، واحنه يمك
يابوعلي ،، يابو علي
----------------------------------------------
حسيناه ،، يستر عيوبنه ويا فزعة الضيج
حسيناه ،، يراوي اشچم عطش يا ناشف الريج
نسولف وي ضريحك دمعه وي دمعه
شنو سرك حبيبي الساكت تسمعه
اليمد ايده الك لو شمر مترجعه
يحيرتنه بحضرتك نهدا لو ننعه ؟
والله حيره ،، انته ديره ،، واحنه يمك
يا عشگنه ،، بعد اهلنه ،، واحنه يمك
يابوعلي ،، يابو علي
-------------------------------------------
ترى اتهون ،، اذا ترضى علينه وجرحك ايطيب
ترى اتهون ،، المهم عن بالنه يحسين متغيب
شنو نفع اليعيش وحرگه ما عنده
الما يذكر جرح عبد الله من مهده
الما وزع ثواب الما لطم خده
الما يسمع رقيه بروحه لتعده
هذا موقف،، عين تنزف ،، واحنه يمك
ولخيامك ،، ولمقامك ،، واحنه يمك
يابو علي يابو علي
---------------------------------------
يمذبوح ،، على الشباچ نحچيهن بالدموع
يمذبوح ،، ولو هو انته اكثر شخص موجوع
نسولفلك وجعنه وانته تنزف دم
نريد العافيه ونطلبهه ما نهتم
گلبنه ولا يحس مو گلبك اتثلم
انت انطيت كلشي وصدرك اتهشم
نحچي كلشي ،، صعبه نمشي ، واحنه يمك
وانته باقي ،، حامي ساقي ،، واحنه يمك
يابو علي يابو علي
كلمات الخادم / عد الفريجي
28/ محرم الحرام / 1447
ثوابها الى روح والدتي
ينايم عالثره..الحك يعباس
خذوني اميسره..الحك يعباس
...
الحك خويه ياعباس ياحامي الضعينه
ترضاهه الزلم والخيل تتراكض علينه
نتحمل يطكنه السوط وايورم ادينه
بس الخوف من النار لا توصل عبينه
وين اطفالي اوديهم.. ومن النار افر بيهم
حار الرمل يجويهم
يخويه وجم طفل..فوك الجمر داس
ينايم عالثره..الحك يعباس
....
الامريه الجبيره اشلون ياعباس تنسب
من الركض والطيحات حته الزلمه يتعب
بكل عثره أصيحن اخ ياكفال زينب
حته برمشي طالع شيب مو بس راسي شيب
بالخميس عمر اختك.. جنت امدلل ابختك
خويه اعذرني عاتبتك
شمر وحرمله..صارولي حراس
ينايم عالثره..انهض بعباس
...
خويه ابراسك ايهوسون من جابو اليه
صاحو زينب أمن اليوم صار اسمج سبيه
بهذا الموقف اتمنيت تاخذني المنيه
ولا امشي ابيسر عالنوك وايجرون بيه
علويه ويشتموني..ومن ابجي يطكوني
راسك شفته بعيوني
ولو طكني الشمر..يتلفت الراس
ينايم عالثره..الحك يعباس
....
آه الشام خويه الشام مو ديرة اهلنه
اتلكونه ابعصي وبحجار أول ماوصلنه
مارحمونه ياعباس مابيهم محنه
يابوالغيره طبت السوك منهه اشكد فشلنه
وتاليهه يوالينه..للديوان طبينه
والكل تنظر اعلينه
جم علويه صارت فرجه للناس
ينايم عالثره..الحك يعباس
محمد الجماسي
اللهم عجل لوليك الفرج.
متحزمِين للأربعينية
مشتاگـيّن للأربعينية
ــــــــــــــــــ
تحَضِرت للخِدمة والله كُل مَواكبنة
كُل سنة اعله الوعدْ هذا بكُل عَزيمتنة
حسين يستاهل تعبنة وهالتحزَمنه
وخدمة الزوار نِعمة وهذا واجِبنه
متحضرين للأربعينية
مشتاگـيّن للأربعينية
ــــــــــــــــــ
رَفت الراية العظيمة راية الخدمة
وطلعت الزوار تمشي صوبْ أبو اليمة
نحمِد الربْ ونشكره لوافِر النعمة
شرف من نخدِم الزاير حتلوا چلمة
منْتظرين للأربعينية
مشتاگـيّن للأربعينية
ــــــــــــــــــ
باجر بهاي المسيرة نخدِم بفطرة
والخِدم اسمه تسجله فاطمة الزهرة
واليحب لازم يقدم خاطر العشرة
هذا سر من الله هذا حب أبو العترة
مخلوقيّن للأربعينية
مشتاگـيّن للأربعينية
ــــــــــــــــــ
هذا درب الجنة هذا والخدم زائر
يبقى ربحان بحياتة والله مو خاسر
ما يضيع التعب هذا والأجر حاضر
خدمة حسين العظيمة تشبه العاشر
متطوعين للأربعينية
مشتاگـيّن للأربعينية
ــــــــــــــــــ
يله يا زاير يغالي اطلب إِتمنه
لو تريد الجنة يمك اعتبُر جنة
من قلب صافي بخدمتك والله مو مِنه
نفرح بيوم النضيفك نخدمك يَمنه
ممنونيّن للأربعينية
مشتاگـيّن للأربعينية
ــــــــــــــــــ
هاية معجزة المواكب ثامن العجبة
تسهل الخدمة بوَحَدها ماكوا كُل صعبة
واليقدم من يقدم ينطي من قلبة
واليجي زاير طريقة ماَ يحسْ غُربة
معروفِين للأربعينية
مشتاگـيّن للأربعينية
ــــــــــــــــــ
الشاعر زين العابدين الشمري
..
حي الله زاير كربلا ..
أهلاً يالمواسي الخدر
حي الله زاير كربلا ..
ماهمّك اشموس الظهر
حي الله زاير كربلا ..
يالشوفتك تسوه العمر
حي الله زاير كربلا ..
تحضرلك الزهره أبتشّر
حي الله زاير كربلا ..
وتدعيلك الهذا الولاء
حي الله زاير كربلا
****ـ
نفرشلك ابهذا اليدگ
حي الله زاير كربلا ..
لا تتعب ابدرب العشگ
حي الله زاير كربلا ..
بس حُب الحسين الصدگ
حي الله زاير كربلا ..
أركضله ركض المحترگ
حي الله زاير كربلا ..
واتحزم ابكل العزاء
حي الله زاير كربلا
****ـ
ابكل مدينه من تطب
حي الله زاير كربلا ..
تلگه اليخدمك عالدرب
حي الله زاير كربلا ..
يفتحلك أبيوت وگلب
حي الله زاير كربلا ..
كلشي التطلبه مو صعب
حي الله زاير كربلا ..
خدامك وأهل الوفاء
حي الله زاير كربلا
****ـ
يا أهلاً ابكثر الـ هله
حي الله زاير كربلا ..
أشرب والعن حرمله
حي الله زاير كربلا ..
مابقه ايّ شي الكربله
حي الله زاير كربلا ..
احنه اليجينه اندلله
حي الله زاير كربلا ..
والتشهد اعيون السماء
حي الله زاير كربلا
****ـ
بالرآيه سديت الشمس
حي الله زاير كربلا ..
المهدي گدامك تحس
حي الله زاير كربلا ..
لاتحبس ادموعك حبسّ
حي الله زاير كربلا ..
وأسي الگطع بيها النَفس
حي الله زاير كربلا ..
تستاهل أم عون البكاء
حي الله زاير كربلا
****ـ
- خيري الصفراني
الكوفه ليش اتطالب ابنسوانهه
وزينب اتنشف الدمع بردانهه
ــــــــــــــــــــــــــــــــــــــ
كل عشيره البالضعن عدهم مره
فزعو الهه ورجعوهه إمخدره
وبقت تتلفت عقيلة حيدره
مثل ورده وضيعت سندانهه
ــــــــــــــــــــــــــــــــــــــ
نزلوهن حرمه حرمه إمن الهزل
وفوگ كل هذا خذو منهم فصل
وخلو العلويه تنجر بالحبل
امده الدنيه وخرس بلسانهه
ــــــــــــــــــــــــــــــــــــــ
عود شالتهم حميتهم لان
مارضو نسوان منهم ينسبن
بس رضو زينب يبجيهه الزمن
بت رسول الله وزعيم اكوانهه
ــــــــــــــــــــــــــــــــــــــ
ليش عافوهه وحيده ابنص زلم
يازمن معقوله زينب تنشتم
وهوه من الله نزل هذا الاسم
شجره طيبه وماتموت اغصانهه
ــــــــــــــــــــــــــــــــــــــ
تنتظر واحد يگللهه الگوه
بالرمش دمعتهه وإيطگهه الهوه
عدله لاكن هيه والميت سوه
إمن الشمر لاذت بروس اخوانهه
ــــــــــــــــــــــــــــــــــــــ
وهيه زينب تبقه شيالة ثگل
بت ابوهه البالكلايف ينگل
مرأه بس تسوه المضايف والعگل
وماگدر واحد يزغر شانهه
ــــــــــــــــــــــــــــــــــــــ
أخ يا أم الحزن يالسلبوچ
للأسف ماطالبو بيچ وخذوچ
فضلو نسوانهم مافضلوچ
اتحرشو بالله إو غضب سبحانه
محمد الجماسي
الامام زين العابدين السجاد (ع)
___
انه ابن ذاك الغريب المنذبح
بس سبي عماتي چان اكبر جرح
احنه اهل بيت النبي
وينه اوين السبي
اكبر جرح
________
انه ابن الذبيح الما تروه بماي
ابوي الضل ثلث اتيام دون افياي
الخيل ابصدر ابونه انشوف رايح جاي
كلها شواي بس سبي العقيله اهواي
حيف وي بيت النبي اندار الزمن
مو سهل نسوانه من ينسبن
ويحدي بيهن اجنبي
وينه اوين السبي
اكبر جرح
_______
احنه اطهر نسب واشرف نبي عدنه
ليش الناس كلها اتحشدت ضدنه
بشنو يطلبون شمسوين وشعدنه
ابيش اتجازي هاي الناس واحدنه
ليش اليجازينه يضربنه بحجر
وليش يم اطفالنه انسد النهر
ها يشام اتادبي
وينه اوين السبي
اكبر جرح
_______
ياناس الجره اعليه فلا صاير
لاخر لحضه بالي ابكربله امسافر
لساعة موتي واسمع صوت للحافر
واتذكر ابوي اشلون ضل حاير
والله ماناسي مصايب كربله
لهسه احس بگلبي نبلة حرمله
استمع ياناصبي
وينه اوين السبي
اكبر جرح
_______
مطبوعه ابخيالي الصوره ليله
وعاشت كربله اكبر جرح بيه
مجلس للحسين نسوي يوميه
وتجي امنه الزچيه وهيه محنيه
اتموت من تسمع الناعي فاطمه
من يسولف عالحسين وعالضمه
وطاري تل الزينبي
وينه اوين السبي
اكبر جرح
_______
انه اتمنيت ابوي بدفنتي الليله
يم راسي يجي وعن فرگته احچيله
يضل يبچي عليه واني ابچيله
واحضنه ومن جروحي اگعد اشكيله
حتى وبموتي تصب عيني دمع
سالمه اضلوعي وابوي ابلا ضلع
وخيم محترگه وعبي
وينه اوين السبي
اكبر جرح
_______
احمد البغدادي
انته برمح وانه بحبل مشينه
بطاري الخدر يابوالفظل حجينه
وعينك تصد عليه
شماصيحو سبيه
صار المشي بكيف الشمر
لابيدك ولابيدي
عباس كل جلمه نحجت
سيف ويحز وريدي
خويه الدرب ماينمشي
والموت أصبح عيدي
جندوب اصبر جندوب
والرمح ماخله كلوب
شمامال ملنه احنه وياه
ومثل الشمع گمنه انذوب
عيون البشر كلها تصد علينه
من الخجل مات الحبل بأدينه
بهزله الخدر تاليه
وعينك تصد عليه
٠٠٠٠٠٠٠٠٠٠٠٠٠٠٠
هيه السوالف تنذبح
لوماكو اذن تسمعها
عباس تطلع دمعتي
وحجايه ماطلعها
ذبحينه صاحو كافلج
بالله كريم ادفعها
مذبوح يشكي المذبوح
ياربي خذ مني الروح
بهذا الدرب شفت الويل
حته البجي مامسموح
هاي الهضيمه الماتمر عله الناس
شماننضرب انصيح الحگ عباس
تشكي الك رقيه
وعينك تصد عليه
٠٠٠٠٠٠٠٠٠٠٠٠٠٠٠
اجروح بالطف تنحمل
وضيم الدرب شيحمله
شما نوخو نوك الهزل
لجسام تركض رمله
فياي سوت عالرمح
خافن الشمس تذبله
ام الولد ماتلام
شگد بانيه عليه احلام
طول الدب تحجي وياه
جسام يمه جسام
حار الرمح والشمس ماترحم بيه
زينب يعمته الرس خل انغطيه
تغيره الشمس ضهريه
عينك تصد عليه
٠٠٠٠٠٠٠٠٠٠٠٠٠٠٠
كون الصبر بيع وشره
اشريه الكل النسوان
علينه يتجاسر صبح
من غمضت ياهو الجان
ماشفنه بالوادم بشر
كلهم بهيئة شيطان
سوك ويلي من السوك
شيب گلب هاي النوگ
من المستحه مدنكه الراس
سولفت بخدري حلوگ
عيوني تصدلك ونته خويه بلاعين
عباس جاذاك الخدر أصبح وين
الواك طايح فيه
عينك تصد عليه
٠٠٠٠٠٠٠٠٠٠٠٠٠٠٠
خادم اهل البيت ع
فلاح طالب الماجدي
#زين_العباد_عليه_السلام
ياسائلي عن دمعت السجاد والعبره
افنى حياته بالحزن حد ماخلص عمره
خلصت سنينه يندب حسيناه
جمرة حنينه بكل مأتم وياه
السجاد والعبره
*
لو تحسب ايامه *من جدمه للهامه
خلص نوايح هالعمر ولوونه ويلاه
كل دمعه يجريهه *تلگه صور بيهه
ضلت مصايب كربله اشگد عايشه وياه
كل دمعه تشرح فاجعه يتفايض اهموم*
وبگلبه لليوم
امصايب اهله الحدرن يبچيهن ادموم*
وبگلبه لليوم
كلهن على گلبه سدن شافاهن ابعينه
بين السبي ولي انذبح بس الله اليعينه
وبكل انينه يندب حسيناه
جمرة حنينه بكل مأتم وياه
السجاد والعبره
****
خل نحسب اجروحه*چم نضره مذبوحه
شنهو السهل حتى نگول الاصعب اشلون
حسين جدامه*امهشمه اعضامه
بذيج الحوافر ولگلب ينضرله محزون
اگبال عينه ينضره تتقاسمه الناس*
چا وينه عباس
هيچي ندائه ابكربله ومخنوگ الانفاس*
چاوينه عباس
اصعب احاسيس البشر الينضر احبابه
لابيده يفزعله ويصد ويشاركه امصابه
مدميه عينه يندب حسيناه
جمرة حنينه بكل مأتم وياه
السجاد والعبره
*
وشنحچي عن عمره*حسره بثر حسره
شاف النساء ابنص خيم متحاوطه ابنار
يحز گلبه منضرهن*فرن يگللهن
اوهجن بنات المرتضى ياويلي وشصار
بذيج الصحاري امن اركضن مذعوره نسوان*
وبصدره الاحزان
وزينب وسافه ابهل فله ودور امچان*
وبصدره الاحزان
چم موته مات ابكربله من شاهد الحاله
ذيچ العزيزه ام الخدر تچهبهه خياله
بنبره حزينه يندب حسيناه
جمرة حنينه بكل مأتم وياه
السجاد والعبره
****
مثل الجبل صبره*من ينضر الحره
يشوف المنيه من يصد مچتوفه بحبال
بس هوه ولعيله*اولو صارت العيله
منهو اليحامي اعله النسه من يحمي الاطفال
مگيود بصفاد الالم ولگلبه مجمور *
شيبرد الاصدور
وروس الشيم فوگ الرمح وبكربله انحور*
شيبرد الاصدور
خدر الله ينضر بالسبي ولغربه تحديهن
اولو عال حداي الضعن منهو اليحاميهن
منهو اليعينه يندب حسيناه
جمرة حنينه بكل مأتم وياه
السجاد والعبره
**
اصعب امر شافه *ماتنحچي اوصافه
سولف لحداي الرمح وبنبره محزون
گله النضر هدنه*اشويه ابتعد عنه
ويانه نسوان وصعب نضرات العيون
نسوان كلهه امخدره وطر افه السوگ*
ومكشفه النوگ
ابلايه هوادج ودخلت چم گلب محروگ
ومكشفه النوگ
كل حره دمعته نهر فوگ الهزل صعبه
زين العباد ابمحنته صدره انترس غربه
بعينه الضعينه تندب حسيناه
جمرة حنينه بكل مأتم وياه
السجاد والعبره
*
علي سليم الحسناوي
قصيدة بحق الامام السجاد عليه السلام
نجري الدمع عالسجاد جد وابو والاحفاد
من يمر يوم ابن حسين عـــن الحزن تحچي العين
-------------------------------
اعله فطرتنة نحب حسين واولادة
وتعلمــنة من اهلنة نخدم السادة
النبي ســيد علينة هوة واحفادة
سادتنــــة وأئمتنة ولنة القادة
علمني ابوي وجدي للهادي اوفي بعهدي
اعله ابنة نظل حزنـــاين عـــن الحزن تحچي العين
--------------------------------
رظعنة من صــدر امنة محبتهم
وهلنة علمونة شـــلون خدمتهم
نحزن من تمر بينة مـــصيبتهم
اهل بيت النبي والدنيا خانتهم
زين العباد الليلة دمع الحزن يجريلة
لمصابة حزنان الدين عن الحزن تحچي العين
---------------------------------
صبر صَبر وتعدة كل وصف صبرة
شاف اشـــلون ابية منكَطع نحرة
وعمة ابلا جفـوف ومرمي عالغبرة
وشاف عظيـدة الاكبر جثة متوذرة
وبعينة شاف القاسم أمخلي عرسة ونايم
بالدمع كَظاهه ســــنين عن الحزن تحچي العين
--------------_---------------------
ما بطل ونينة ولا دمـع عينة
وتعلمنة الحزن من حزنة والينة
نريد انساعد المظلوم بــونينة
نقيم ابكل سنة وننصب تعـازينة
نقيم العزة للمظلوم وللحشر هالعادة ادوم
يومك علي ماناسيـــن عـــن الحزن تحجي العين
------------------------------
شاف من الزمان امصايب واهوال
وحمل من المصايب والقهر اشكال
حزن البيه ماتكَدر تحمــلة جبال
الم حزنه شديد ايشيب الاطـــفال
خالد يظل ما ننساه بكل سنة نجدد ذكراه
شما انقدم احنة مقصرين عن الحزن تحچي العين
-----------------------------------------
لبس ثوب الحزن وتحمل الآهات
شكثر كَلبة حمل من دنيته شوغات
ليل انهار عينة تسچب الدمعــات
مجرة دموع صار ابوجهه مرسومات
دموعة تصب ليل انهار بخدودة حفرت انهار
حزن الكلب عالطيـــبين عـــن الحزن تحچي العين
-------------------------------------------
اسالكم الدعاء
رائد الاسدي
قصيدة للمشاية طور اهوازي
اجتك سيدي الخدام واترفرف رواياها
تگطعلك طويلة دروب ليك الشوكَ جاباها
آيحسين ومصابة آيحسين ومصابة
(==================)
مشاية ولحد الموت مانترك مصاب حسين
مصباح الهُدى وللناس سفينة واحنا غرگانين
ذنوب محملين هواي يغفرهن مشي الرجلين
بخدمتك مانرد ونخاف وشرف هالخدمة نلگاها
آيحسين ومصابة آيحسين ومصابة
============================
كون انعرف ابو السجاد من تمشيلة رجيلنة
نترك كل حقد عالناس ننضف گلوبنة وجينة
ما نمشي بعكس ما راد ونسير بدربة خلينة
هاي الغاية والمطلوب الحسين المنة راداها
آيحسين ومصابة آيحسين ومصابة
======================
تواسي زينب الحوراء مشي بالاربعينينة
بدربك للنساء انشوف بعضهن عدها سلبية
شقة وتمضحك ومكياج چن تمشي لعرس هية
مو چن رايحة لحسين الروحة لخدرچ اطاها
آيحسين ومصابة آيحسين ومصابة
=========================
خدم عدنا بذهب تنقاس تخلص وي ابو اليمة
بنفسة يخدم المضلوم ويزود بخدمتة الهمة
يجازيه الحسين اضعاف مكانة ايرفعة للقمة
التخلص وي ابو السجاد جاه ورفعة جازاها
آيحسين ومصابة آيحسين ومصابة
=========================
الف هنيالة كلمن زار الحُسين وعارف بحقة
يرد چنة انولد بالحال ذنوب اعليه ما تبقة
حبك من نزل للناس اهو كل واحد ورزقة
عالفطرة الگلب لحسين گام الخدمة يهواها
آيحسين ومصابة آيحسين ومصابة
=========================
اسالكم الدعاء رائد الاسدي
عهد من الموالين...فلاننساك يحسين
------------------@@@-----------
نجدد هالعهد لُمك يوالي
يغالي اوماكو مثل حسين غالي
شهود اعلينه ايام اوليالي
نخدمك اوبخدمتك لانبالي
نجيب المثلك امنين.. فلاننساك يحسين
----------------@@@----------
يمن بالروح انته او اغله منهه
الزچيه مانخيب يوم ضنهه
أبد والله ماننسه ابنهه
نغيض اعدائك اونخرس لِسنهه
ينور اوضاوي كل عين... فلاننساك يحسين
--------------@@@-------------
انخلقنه حسين من تربت طفوفك
فداك ارواح عدنه اومانعوفك
يجنة باري لليگصد يطوفك
مليت اچفوفنه انته ابچفوفك
نصيح ابين صوبين... فلاننساك يحسين
----------------@@@-------------
يضل للموت الك هذا عهدنه
يغالي وغالي انته اوكلشي عدنه
هتفنه ياحُسين احنه اونشدنه
يهيبتنه اوفخر عدنه اوسندنه
تمر اسنين واسنين... فلاننساك يحسين
---------------@@@------------
عهد واخذ العهد حد المنيه
فلا ننساك ها يبن الزچيه
نداء انوصله لذناب اميه
فداء احنه لشهيد الغاظريه
يمن ضحيت للدين...فلا ننساك يحسين
خادم الحسين
الشاعر ✍️
ابو عبد الله الشمري
حسين اخوهه اليوم مات
وانـســبــن كـــل الـبـنـات
وفـارگت زينب اليوم اخوانهه
وانسبت ياوسفه وي عدوانهه
ـــــــــــــــــــــــــــــــــــــــــــــــــــــــ
راح عـگـب حـسـين كـل ذاك الدلال
وانـسبـت بالـغـربـه ياوسفه الـعيال
راح اخوها الاقرب الهه من الخيال
بـقـه مطروح الحـسين اعله الرمال
ضل سـليـب اعالتراب
مخضب بدمه خضاب
عالترب وسفه بقت فرسانهه
ـــــــــــــــــــــــــــــــــــــــــــــــــــــــ
بـين غـربه ام عون وبلايه مُعين
عـالـترب ضـلت عشيره مذبحين
ميت العباس واعضيده الُحسين
كلهه مـوته وما بقه لزينب حنين
ام عون تمشي بنص غرب
اوحـيده والمـدمع يـصـب
ودعت هليوم كل شجعانهه
ـــــــــــــــــــــــــــــــــــــــــــــــــــــــ
بس عليل البقه مـنهد حيله
منحني ومحـد بقـه يتجيله
وزينب اوحيده تنوح الليله
ماهو يمهه الكافل وتشكيله
بلا سند زينب بقت
الخوه منــا وانتهت
محد الضل الهه من احنانهه
ـــــــــــــــــــــــــــــــــــــــــــــــــــــــ
يــا هـظـيمـه الـصــار بـعـيـال النبي
بناگه هزله ام عون والحادي اجنبي
بــشام الاگـشر وسـفـه زينب تنسبي
وحمره مـن الشـمس مگلوبه الـعبـي
ام عون مسبيه وتصيح
حسـين عـالغـبره طريح
عله الضيم ام عوان محد عانهه
ـــــــــــــــــــــــــــــــــــــــــــــــــــــــ
سيد_منتظر_الهاشمي
ــــــــــــــــــــــــــــــــــــــــــــــــــــ
طلعتلك المشايه
رايه تدفع رايه
الك مولاي
★
لوحه شافت العين _عن زوارك احسين
يمحليها العيون _بحبك صرنا صافين
بدربك واهس اهواي_ونشاهد ملاين
موبس عابس انشوف _خدامك مجانين
بدربك كون .. ويسمعون .. قد طلعت المشايه
يامولاي.. للمشاي .. انت السند والغايه
متعودين . متحزمين . عنك تشهد الرايه
گصدتلك الوفايه
رايه تدفع رايه
الك مولاي
★
كل خادم اجه اليوم .. شايل رايه بيده
كل واحد نعى وصار .. يقرالك قصيده
البيت البي حچي الماي . صاحو كلها عيده
عيين المابچت ليك .. عميه وشتفيده
هاي الناس .. والعباس .. صارت قبب للغيمه
لوموجود.. يابو الجود .. خيمه شبگت بخيمه
مشي اسباع .. فوگ الگاع .. بمشيهم ترسو الهيمه
ناس اجت عنايه
رايه تدفع رايه
الك مولاي
★
طلعو طلعه وحده .. يهتف بأسمك الكون
يواسون العقيله . . بحر الهيمه يمشون
يالتمشي اوصيك .. خلي ابالك ام عون
انت تمشي مرتاح .. وهيه ماشيه اشلون
من تمشون .. صيرو عيون .. ما اوصيكم اخواني
سهم وقوس .. صرنه ادروس .. واحد شابگ الثاني
نلاگي بعين اخت احسين .. وحدها تره اتاني
الك وادم جايه
رايه تدفع رايه
الك مولاي
★
مدلل تمشي لحسين .. وتتلگاك الازلام
يجبرك يمه تبقه .. ذوله احله خدام
هوه وولده واگف .. تعجز يمه الاقلام
كلمن حاسم امره .. فاتح عينه مينام
ملتمين .. منتظرين .. والسفره الك مداهه
انوي وروح .. للمذبوح .. رحلة عشك محلاهه
بالدمعات .. والكلمات . هيهات الك گلناهه
اسمعو هاي احچايه
رايه تدفع رايه
الك مولاي
★
اتوكل باالله وطلع _ گلبك خله طاير
سفرتهم چبيره _ گوم امشي يزاير
تسمع ملگه منهم _ بجدامك تسافر
دربك خله واضح _ الخاطر ليل عاشر
محسوبات .. هالخطوات .. احسبها هوايه خطواتك
كلشي اعجاز .. هالانجاز .. ردد بسمه چلماتك
واليحسب .. كم مُتعب . اتسولف خلي دمعاتك
ايه تتبع ايه
رايه تدفع رايه
★
اختلفت هل الموازين .. واسراره عجيبه
روحو السيد الاحرار .. تلگوها الغريبه
من توصل للچفوف .. اذكر هل المصيبه
انطه چفه والروح .. لعيون الحبيبه
عينك كون .. وسط الگاع خلي احسين بعيونك
ابچي ونوح .. يلمذوبح .. صدك مايفهمونك
شيل الناس .. من الراس .. بس همه اليفيدونك
ناس عدها احجايه
رايه تدفع رايه
الك مولاي
★
سيد محمد الهاشمي
رايحه رايحه عنكم يخوتي رايحه
:::::
عفتكم جثث فوگ الگاع مرمیه
بعد ما چنت یمکم هسه مسبیه
گدامي الشمر ظل يضرب ارقيه
مــــن گد الضرب عباس محنيه
چنت تلزمني هسه الحبل بیدیه
يا عباس تـــدري شبيه مـــا بيه
نايحه نايحه صارت بعدكم نايحه
:::::
راسك عالرمح بس ينظر العيني
عندي انه حچي ما بينك وبيني
ترضه الشمر يا عباس يسبيني
بسم الخارجيه وظــل يسميني
بعدك يا ابو فاضل غرب تحديني
اموت وشوفتك عباس تحييني
صايحه صايحه الناس اعله زينب صايحه
::::::
انت أعلى النهر وانه اركب الناگه
هـــذا اخــر لقاء مـــا بعد نتلاگه
يمك وانـــه الك عباس مشتاگه
احچیها الگمر مـــا احمل فراگه
حراگـــه فرگتك حيل حراگــه
مات حسين بس الماي ما ضاگه
سابحه سابحه جثتك بدمك سابحه
::::::
دخلت السوگ يا عباس مكسورة
مجبوره عفتكــم خويه مجبوره
تبچي أطفالي بس الشام مسروره
بيا صوره تعال وشوف يا صوره
معـــذور اختكم تبچي معذوره
مذعوره يخوي أطفالي مذعوره
طايحه طايحه انظر دمعتي طايحه
:::::
جثه اعله الأرض بس راسك ويانه
خويه حسين اختك حيل تعبانه
مـــو للماي انــــه اعليك عطشانه
مـــا معقوله گلت الاخو ینسانه
تمنيت الگمـــر يمتلك ذرعانـــه
حتى يشوف بينه شسوت اعدانه
لايحه لايحه سهام البصدرك لايحه
::::::
خمسين العمر بس اركضت گوه
ظــل سوط الشمر بمتونـــي يتلوه
ظل يشتمني وين اليسوه ما يسوه
ماتت يا ابو فاضل بعـــدك الخوه
خويه حسين چانت خوتك حلوه
هسه انتخت زينب رادت النخوه
جارحه جارحه الشام لختك جارحه
:::::
علي جبار الكعبي
الفاتحه لوالدي
عله ارماح. وگف راس. يويلي ابلا عمــامة
بالضعون. نقص شاف. يتيمة امن اليتامة
ـــــــــــــــــــــــــــــــــــــــ ـــــــــ
زينب اسياط العساكر
بالــــــــدرب تَعبَنها
و التعــب چَتَّف نظرها
و طفله ضاعت منها
روعة مــــن حسين بيها
شذره تلـــــمع چنها
زغيرة و ارمال الصحاري
حاره و چــــــونها
امن الاسياط. و الاحبال. عليها اچــــم علامة
بالضــــعون. نقص شاف. يتيمة امــن اليتامة
ـــــــــــــــــــــــــــــــــــــــ
بالنياك امچلبة گوه
چانــــــــت ابيديها
و الحبل گاطع نِفَسها
ويلي ومأذيها
وگعة مالت موت وگعت
يَبسَّت رجلــــــيها
عالضعن گامــــــت تاشر
ومحــد ايصد ليها
بالشموس. بلا فيـــاي. غفت مثل الحمامة
بالضعون. نقص شاف. يتيمة امـــن اليتامة
ـــــــــــــــــــــــــــــــــــــــ
راس ابوها ايعــــاين الها
عالـــــوجه مچفيه
و دمعته غسلت لحيته
و شيبته المــــدميه
نزف جرحه و صاح زينب
لحگــي للعــــلويه
و هيه خيته شباقي بيها
فاگـــــده و مسبيه
امن الدمـوع. و الاعبار. و لا فهمت كلامه
بالضــــــعون. نقص شاف. يتيمه امن اليتامه
ـــــــــــــــــــــــــــــــــــــــ
برمحه ما باَرَح مكانه
شلون حاله شلونه
عله ابنيته راسه داره
و اتجه بعـــــيونه
هوايه جان يحب رقيه
بنيته الزغيرونه
وكف رمحه اعله الترابه
وعجزوا يحركونه
بچه و مال .. للاطـــفال. يرب يدعي السلامه
بالضعون. نقص شاف يتيمه امن اليتامه
ـــــــــــــــــــــــــــــــــــــــ
وحده زيـــــنب و اليتامه
وياها تمشي هوايه
شما تعد مصحف ضعنها
تلگه ناقــــــص ايه
حرمه و الحـــــرمه طبعها
تنجرح بحــــــچايه
شحالها و هيه بشتيمه
امصبـّــحه امسايه
يشتمون. و الحسين عليه ثگلن سهـامه
بالضعون نقص شاف. يتيمه امن اليتامه
ـــــــــــــــــــــــــــــــــــــــ
الحمدلله
علي_حسين_الكناني